Romance Ek Din Achanak

[Ravi]

Nice updates

Abhi tak ke updates se to Rider ek bahut hi bura ladka jaan pad raha hai

Aur ab jab Ravi bhi nhi hai to uski himmat aur badh jayegi aur vo kuch na kuch panga to zarur karega Pawan ke sath

Abhi to Pawan ne leave le li hai par dekhna ye hai ki vo sahi salamat ghar jaa pata hai ya nhi

Kuch to hoga par kya ye nhi pata
Dekhte hai aage kya hota hai

Keep posting
Waiting for next

Wahi hoga jo manjure Ravi hoga

Many Many dear

 

[Ravi]

Guard kuch hadd tak sahi soch raha hai

Hakikat hai bhai aaj ki ye

a lot

 

[Ravi]

Update 7​

Jaise hi chaukidar ne gate khola to Pawan ki seedhi nazar saamne se jaa rahe ek maa-bete par padi. Ek chota sa bachha chuhalbaazi karta, masti karta kabhi idhar jaa raha tha to kabhi udhar. Lekin uski maa use baar baar aisa karne se rok rahi thi. Bachhe ko pata nahin tha ki uske liye kya galat hai kya sahi lekin uski maa to har samay uski raksha ke liye tatpar thi.

Bachha school ke saamne lage stalls ko dekhkar jid macha raha tha ki "Mummy ye dilao, Mummy wo dilao" Lekin uski mummy ko pata tha ki bazaar ki cheeze kitni nuksaandeh hoti hain. Sab samaan khula pada rehta hai. Usmein makkhi machhar, bechne wale ke paseene ki boonde, raaste se udti huyi dhool jaisi milawat aa jaati hai. Isliye wo baar baar mana kar rahi thi bachhe ko.

Lekin bachha kahan maane wala tha. Jab usne dekha ki uski mummy use kuch nahin dila rahi to usne jor jor se rona shuru kar diya. Uski mummy ne use daanta to uska rona aur tej ho gaya. Ab maa ka dil to bas maa ka dil hai. Usse dekha nahin gaya aur usne wo cheez na chahte huye bhi bachhe ko dila di. Bachha wo cheez paakar itna khus ho gaya ki jaise use koi khazana mil gaya ho. Bachhe ke chehre par khushi dekhkar maa ke honton par bhi muskurahat tair gayi.

Pawan ko ye dekhkar apna bachpan yaad aa gaya ki kaise uski mummy, jab wo bahut chota tha, haath pakadkar use school lekar aati thi. Kaise roz uski famaishyion ko poora karti thi. Nayi nayi cheeze khane ke tiffin mein dalti thi. Wo uske saath khelti, use lori sunati, use ghumane le jaati, uske saath dher saari baatein karti. Lekin ek accident mein usne us samay apne maa-baap ko kho diya jab wo theek se samajh bhi nahin paya tha ki aakhir maa kya hoti hai. Uski ahmiyat hamari jindagi mein kya hai.

Ab jab use samajh mein aaya ki kyun devta log bhi taraste hain is dharti par janam lene ke liye, sirf maa ka pyaar paane ke liye wo nayi nayi leelayen karte hain, to wo apne parents ko kho chuka tha.

Wo bachha aur uski maa kab ke jaa chuke the lekin Pawan ab bhi apni maa ki dhundhli yaadon mein khoya huya tha.

Tabhi achanak Pawan ke kandhe par kisi ka haath pada aur jaise wo neend se jaaga aur hakikat ki duniya mein wapas aa gaya. Usne peeche mud kar dekha aur ..............

 

[aka3829]

Dekhna kya tha piche Ryder hi hoga. Pawan bhi emotion ke chakar me ab haddi tudwaega. Mast update bhai. Ek ma aur bete ka rishta kya khubi se dikhaya he aapne. MA ye ek shabd hi kafhi hota he sari thakavat mitane ke liye. Bahut sahi kaha aapne ki bhagwan bhi dharti par ek MA ke pyar ke liye janam lete he. Isse kehte he shabdo ke sath khelna jisame aapko maharat hasil he.
Waiting 4 next update bhai.

 

[Ravi]

Dekhna kya tha piche Ryder hi hoga. Pawan bhi emotion ke chakar me ab haddi tudwaega. Mast update bhai. Ek ma aur bete ka rishta kya khubi se dikhaya he aapne. MA ye ek shabd hi kafhi hota he sari thakavat mitane ke liye. Bahut sahi kaha aapne ki bhagwan bhi dharti par ek MA ke pyar ke liye janam lete he. Isse kehte he shabdo ke sath khelna jisame aapko maharat hasil he.
Waiting 4 next update bhai.

Kitni sunder baat kahi aapne bhai aur is update ke marm ko bhi samajh liya

Dekhte hain kiska haath hai

 

[Ravi]

Update 8​

Tabhi achanak Pawan ke kandhe par kisi ka haath pada aur jaise wo neend se jaaga aur hakikat ki duniya mein wapas aa gaya. Usne peeche mud kar dekha aur hairan reh gaya. Saamne Rider khada tha. Pawan ko to kato to khoon nahin wali haalat ho gayi thi. Darr se thar thar kaampne laga wo aur ektak Rider ke chere ki or dekhte jaa raha tha. Rider ne aage badhkar chaukidar se kaha ki iski tabiyat bahut kharan hai aur teacher ne usse kaha hai isko ghar tak chod jaye. Kahin aisa na ho ki ye raaste mein hi behosh ho jaye. Class mein ise bahut chakkar aa rahe the.

Chakidaar ne haami bharte huye use bhi Pawan ke saath bahar bhej diya aur main gate band kar diya. Pawan ko samajh nahin aa raha tha ki kya kare. Idhar Kuan to udhar Khai. Class mein ja nahin sakta tha kyunki teacher se to bol ke aaya tha ki tabiyat bahut kharab hai aur use ghar jaana hai. Lekin ghar par kaise jaaye maama maami ko kya jawab dega. Haan unhe bhi yehi bata dega lekin pehle is Rider se to peecha chuthe.

Rider uske saath thodi door tak chala aur jab dekha ki School se kuch door aa gaye hain to achanak Pawan ke saamne aa khada huya. Usne Pawan ki or dekhkar kaha Kyun be bahut uchal raha tha Ravi ke saamne. Ab wo nahin hai to saala muh chipata fir raha hai. Ab tujhee mujhse kaun bachayega. School tu jaa nahin sakta aur tujhe main tere ghar itni asaani se jaane nahin dunga. Samajhta kya hai apne aapko. Sab chalaki do minute mein utar doonga teri. Exams mein bahut shaanpati dikha raha tha ki nahin batayega chahe main kuch bhi kar lun. Ab bata kya karun tere saath. Fir Rider Filmy Dialogue bolta hai ki bata be tujhe MAAR DIYA JAYE YAA CHOR DIYA JAYE. Pawan ki to bolti hi band ho gayi thi.

Pawan ne apni jindagi (Jo bhi usne ab tak bitayi hai) mein bhagwan se itni prathna nahin ki hogi jitni aaj din bhar mein kar li hogi. Lekin bhagwan bhi usi ki hi sunta hai jo apni madad khud karta hai. Rider ki aankhon mein gussa aur nafrat saaf dikhai de rahi thi to wahin Pawan ki aankhon mein Darr aur ghabrahat saaf chalak rahi thi. Pawan ko kuch sujh nahin raha tha ki kya kare. Wo baar baar man mein yehi prathna kar raha tha ki hey bhagwan mujhe is Rider se bacha le. Ravi tum kahan ho dost pls jaldi aa jao. Dekho tumhare dost ko Rider kaise maarne ki dhamki de raha hai. Lekin Ravi wahan hota to aata na.

Rider ne aage badhkar Pawan ka gireban pakda aur bola bete tu to gaya. Jitni mauj karni thi tune wo kar li. Ab jindagi bhar tu mujhe yaad rakhega aur yehi sochta rahega ki maine Rider se panga kyun liya. Aur ye kehte hi usne Pawan ko maarne ke liye haath upar utha liye. Lekin ...........

To be continued....

 

[aka3829]

Wah bhai dara diya na bechare pawan Ko .Ye galat baat he itna nahi darana chahiye kisi ko ki usaka dar hi khatam ho naye. Ye dialog nahi suna kya tumne kabhi. Waise yaar jis hisab se aap update dete ho maza aa jata he. Kash ke aap ya story me kuch sex daal sakte to maza aa jata.
Waiting 4 next update

 

[Cutie pie]

Sabse pehle to apne ek maa uski mamta, gussa aur pyaar ka bahut pyara chitran kiya hai


Pawan jiske pass aaj uski maa nhi hai unn dono maa bete ko dekh apne bachpan ke dino me kho gaya


Par vaha bhi Rider name ka break lag gaya
Jis baat ka Pawan ko dar tha vahi ho gaya


Ab dekhna ye hai ki aaj Pawan pitega ya apne dar ko peeche kar Rider ka samna karega


Keep posting
Waiting for next

 

[Ng_TheViper]

Nice start...

Cllg s start karke flashback m pahucha dia. Shayad school s hi Pawan k alawa baki frnds ka intro karana h.. sahi h .

Pawan ar Ravi I frndshp kafi achi dikhai par abtk Pawan thoda kamjor character ki tarah dikhaya h but aise log hote h reality m bi to ye chalega ... Padhai m to ache hote h bbt Baki cheezo m ni.. well Ravi k na hone s Pawan ki halat kafi knarab h aur ho b kyu na .. jiska darr tha wahi ho Raha h, dono ka jaani dushman Pawan ko akela pake mauke ka fayda uthane Wala h aur agar kisi n roka ni to Pawan ka band bajna Tay h.. waise Kon hoga wo Jo aake help karega Pawan ki kyuki Jo b hoga Pawan k sath sath Ravi ki life m entry karega ..


Writing is perfect ..
Keep writing ..

All d best.

 

[Mr.X796]

Nice one