Romance Ek Din Achanak

[Ravi]

Wah bhai dara diya na bechare pawan Ko .Ye galat baat he itna nahi darana chahiye kisi ko ki usaka dar hi khatam ho naye. Ye dialog nahi suna kya tumne kabhi. Waise yaar jis hisab se aap update dete ho maza aa jata he. Kash ke aap ya story me kuch sex daal sakte to maza aa jata.
Waiting 4 next update

a lot Amtul Bhai

Shayad aapki baat sach saabit ho jaye

 

[Ravi]

Sabse pehle to apne ek maa uski mamta, gussa aur pyaar ka bahut pyara chitran kiya hai


Pawan jiske pass aaj uski maa nhi hai unn dono maa bete ko dekh apne bachpan ke dino me kho gaya


Par vaha bhi Rider name ka break lag gaya
Jis baat ka Pawan ko dar tha vahi ho gaya


Ab dekhna ye hai ki aaj Pawan pitega ya apne dar ko peeche kar Rider ka samna karega


Keep posting
Waiting for next

Many Many dear

Maa shabd apne aap mein paripurnta ka prateek hai. Is ek shabd ko bolne ke liye devta tak lalayit rehte hain

Dekhte hain Pawan ke saath kya hota hai

 

[Ravi]

Nice start...

Cllg s start karke flashback m pahucha dia. Shayad school s hi Pawan k alawa baki frnds ka intro karana h.. sahi h .

Pawan ar Ravi I frndshp kafi achi dikhai par abtk Pawan thoda kamjor character ki tarah dikhaya h but aise log hote h reality m bi to ye chalega ... Padhai m to ache hote h bbt Baki cheezo m ni.. well Ravi k na hone s Pawan ki halat kafi knarab h aur ho b kyu na .. jiska darr tha wahi ho Raha h, dono ka jaani dushman Pawan ko akela pake mauke ka fayda uthane Wala h aur agar kisi n roka ni to Pawan ka band bajna Tay h.. waise Kon hoga wo Jo aake help karega Pawan ki kyuki Jo b hoga Pawan k sath sath Ravi ki life m entry karega ..


Writing is perfect ..
Keep writing ..

All d best.

Bahut Bahut shukriya bhai

Hamare samaj mein humein har tarah ke log mil jayenge

Dekhte hain Pawan ki life mein koi entry karke use bachata hai ya wo khud hi apne bachne ka koi raasta khoj leta hai

 

[Ravi]

Nice one

a lot bhai

Kuch story ke baare mein bhi kehte

 

[Ravi]

Update 9​

Aur ye kehte hi usne Pawan ko maarne ke liye haath upar utha liye. Lekin achanak use Pawan ki aur dekhte huye ruk jaana pada. Wo dekh kar hairan ho gaya ki jo ladka ab tak uske saamne darr ke maare dhang se khara nahin ho paa raha tha ab uske chehre par darr ka namonishan nahin tha. Kahan abhi thodi der pehle ek bheegi billi bana huya tha aur kahan ab seena tan kar khada hai.

Pawan ne use rukte huye dekhkar kaha "Maar, Maar na ab ruk kyun gaya. Nirdosh aur kamjor bandon par haath uthakar hi to tu apni bahaduri dikhata hai. Ravi ke saamne to saale tu chup kyun ho jaata hai. (Wo kya hai ek billi bhi jab charon taraf se ghir jaati hai to aakhir mein apni jaan bachane ke liye bhid hi jaati hai aur wohi haal Pawan ka bhi tha). Tum jaise log saare school ka mahol kharab karte hain. Bachon ko padhne nahin dete. Khud to padhte nahin bus saara din awaragardi karte firte hain. Phir aakar yahan dhauns jamane lagte hain. Tum logon ke dar wajah se har bacha tumhari baat maanne par majboor hai. Maine tumhari baat nahin maani to akela paakar ab tum mujhe maarna chahte ho. To maaro ruk kyun gaye. Main tumhare saamne akela khada hoon. Aao karlo apna badla poora mujhe maar kar.

Rider ektak Pawan ke chere ki taraf dekh raha tha. Aaj tak kisi ne uske saath aise baat nahin ki thi. Wo to sirf sab bachon ko dara kar hi apna kam nikalwa leta tha. Kuch uski chaplusi karte the aur jo nahin karte the unhe ye dara dhamka kar rakhta tha. Use bilkul bhi vishwas nahin tha ki use bhi kisi ke saamne is tarah chup ho jaana padega. Rider hairan tha usse kuch bhi bolte yaa karte nahin ban raha tha. Idhar apna Pawan bas bolta hi jaa raha tha. Naa jaane usmein itni himmat kahan se aa gayi thi. Shayad subah se bhagwan se jo prathna kar raha tha wo bhagwan ne sun li thi. Usme haalat ka saamna karne ki taakat aa gayi thi jo aane wale waqt mein uske bahut kaam aane wali thi jo wo nahin jaanta tha.

Pawan bas bolta hi raha " Rider ab kyun nahin maar raha hai. Tu sirf apne chamcho ke bal hi khada hai. Akela to tu chuhe se bhi badtar hai. Jo tere saamne dar gaya use tum log aur dara kar jhukane ki koshish karte ho lekin jo nahin dara uske saamne aane ki tum logon ki himmat nahin hoti. Tum sab ek gunde ho aur kuch nahin. Us teacher ko tumne sare aam beijjat kar school se nikalwa diya. Use thappad maara, use gaali di, jhoote bahane banaye uske khilaf. Bas yehi tum log kar sakte ho. Aaj teacher par aisa ghinona ilzam lagaya hai kal aisa kaam bhi karoge.

Rider jo itni der se khamosh khada sab sun raha tha achanak jor se bol pada. Bas Pawan bahut bakwas kar li tune. Tujhe kya maloom wo teacher kitna ganda tha. Kitne hi masoom ladkon ko usne apni hawas ka shikar banaya tha. Us din saale teacher ki kismat kharab thi jo ek seedhe bache ki bajaye main usse takra gaya. Saala mujhe bolta tha aaj tujhe janaat ki sair karaunga jaise teri maa roz raat ko karti hai. Usne aur bhi itni gandi baatein ki jo main tujhe nahin bata sakta. Mera khoon ye sab sunkar khaul gaya aur use ghaseette huye bahar le kar aaya kamre se aur thappad lagaya. Jo sab logon ne dekha. Maine iska proof principal ko de diya tha aur wo teacher khud chod kar nahin gaya tha use school se nikal diya gaya tha. Haan main thoda awara hoon. Padhai mein mera man nahin lagta. Bahut shararat karta hoon. Sabko tang karne mein mujhe mazaa aata hai lekin jo aarop tumne mujh par lagaye hain wo main sapne mein bhi nahin soch sakta.

Haan main tumse jalta tha ki kyunki tum mere dost nahi bane. Tum padhayi mein tej ho to maine socha ki tum meri madad kar diya karoge padhai mein lekin tum sirf Ravi ko hi apna dost samajhte ho. Uske siwa tumhe koi najar nahin aata. Theek hai wo tumhara achha dost hai lekin baaki kya dushman hain. Tum dono ne mujhe samajhne mein galti ki. Main padhai mein tej nahin hoon lekin duffer bhi nahin hoon. Meri marksheet utha kar dekh lena kabhi bhi hamesha achhe numbers se paas huya hoon. Haan masti jyada karta hoon lekin iska matlab ye nahin ki main gunda hoon.

Pawan ek dum shocked ho gaya tha uski baatein sun kar. Use samajh nahin aa raha tha ki jo kuch bhi ho raha hai wo sach hai ya sapna. Jis Rider se class ke saare bache darte the wohi Rider aaj uske saamne ro raha tha. Pawan ne uske kandhe par haath rakha aur bola Rider yaar mujhe maaf kar de maine tujhe galat samjha. Rider ne kahan ki Pawan kaisi baat kar raha hai yaar maafi to mujhe maangni chahiye. Meri wajah se tu itna pareshan raha. Class mein padh nahin paaya. Saara din udaas raha.

Jab tune pet dard ka bahana banaya tha tabhi main samajh gaya tha ki tu meri wajah se aisa kar raha hai aur kal mere dar ki wajah se school nahin aaya tha na. Khair chod aaj se hum dono dost. Koi tujhe pareshan kare mujhe bata diyo saale ka jeena haram na kar dun to mera naam Rider nahin. Pawan ke bhi aankhon se aansoon nikalne shuru ho gaye uski baaton ko sunkar aur wo Rider ke gale se jaa laga. Dono thodi der tak roye aur phir Rider ne chup hote huye kaha ki Pawan Ravi mujhse nafrat karta hai kya wo meri dosti kabool karega. Pawan ne kaha tu iski chinta mat kar Ravi ko main mana lunga.

Iske baad dono ek restaurant mein chale gaye (Naa to School jaa sakte the aur na hi ghar) aur kuch kha pike dher saari baatein karte rahe. Time khatam hote hote apne apne ghar wapas aa gaye. Ghar jaakar Pawan ko pata chala ki Ravi aa gaya hai aur wo bhagta huya uske ghar par jaa pahuncha.

To be continued....

 

[Nub_Ag]

update 1
mast update ravi sirf ragging ke liye itni jaldi utha aur ghar wale shock apna ravi rock collage me jo tisri ladki aayi woh lagta hai ravi ki gf banegi

 

[Nub_Ag]

update 2
bhai itni jaldi flashback rider ne school teacher ko thapad mara aur teacher pe galat iljaam bhi lagaya achha hua ravi ke ghar ke pas hi ghar hai pawan ka warna pata nahi rider kya karta uske sath​

 

[Nub_Ag]

update3&4
ravi ko tin char din ke liye parents ke sath dusri city jana pada ravi bata bhi nahi pa raha hai pawan ko ki wo 2-din nahi hoga yahan pe aur usse bhichare ne kitne bahane banaye ki pawan ko bata sake lekin kuch kar nahi paya raat ko aur subah dono time pawan wait karta reh gaya apne yaar ka lekin usse kya pata ki ravi nahi aayega 2-4 din akhirkar pawan ko pata chal gaya ravi ki absence ka aur udass bhi ho gaya pawan ravi ki absence ke bare me jaan ke chalo 1 din toh jaise taise nikal gaya lekin ab agle din kya karega woh
next day
pawan ki dar se buri halaat hai woh baar baar soch raha hai ki kash ravi aa jaye lekin ravi kese aayega chalo pawan ne ek pan toh banaya lekin kya ye plan kam karega rider ko bhi pata lag gaya ki pawan akela aaya hai chalo teacher ne bhi jaane ki anumati de di hai pawan ko

 

[Baba__Bhai]

शानदार प्रस्तुति के लिये बधाई ❤

● Maine to socha tha kinaaj pawan ki khair na hai..
Aaj pawan rider se pitkar rahega
Par yahan to sala mamla hi ulta pad gaya.

● Aaj ka update bada hi emotional tha..
Par ab rider ki doati mil chuki hai pawan ko..
Ab aaega asli maza .. or college me dhamaal hoga...

● I hope Ravi bhi rider ki dosti kabool kar le..

Dekhte hain Aage kya hota hai

Isi liye

Aage ka Intzaar

 

[mysteryman]

Ab tak ki story ka review​

Story behad hi shandar hai ab tak...jaisa ki ab tak maine dekha hai ki hamare writer sahab shayar bhi hein to uska prabhav bhi kahani mai dekhane ko milta hai. Jis se ki kahani ki presentation aur bhi akarshak ho jati hai...

• samay- samay par kahani mai ati sundar muhabron ka prayog hua hai jo ki kahani mai shringar ka kaam karte hein...

• abhi tak ki kahani mai aise bohot se pahalu darsaye gaye hein jo ki seedha seedha insan ki jindgi se judab rakhte hein...

• school se bahar ka jo maa- bete wala seen tha uske to kahne hi kya...

• kahani mai bohot barik cheezon ka bhi khayal rkha gya hai jaise ki ek baar pawan ke baare mein likhte hue bataya gya hai ki usne apni jindgi bitayi hai usko jeeya nahi hai...isi se uske nature ke bare mein pta lagaya ja skta hai...

• kisi bhi insan ki bhawanaon ka bohot hi sundar varnan kiya hua hai...

• pawan ko rider ke baare mai kuchh kahne ki meri koi ichha nhi hai...kyonki story ho ya asal jindgi riston ka pta wakt ke sath hi chalta hai...