If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Usne padha ki paas ke circus se ek bhalu chut kar bhag gaya hai aur wo usi jungle ki taraf bhaga hai jiske paas inka college tha. Ek baat jo usne aur note ki wo ye thi ki wo bhalu purntaya trained tha aur sudh shakahari tha. Bas fir kyat ha Ravi ke khurafati dimaag mein ek idea aaya aur usne apne idea ke bare mein Diya ko bata diya. Usne Diya ko hidayat bhi di ki iske bare mein kisi ko kuch na bataye.
Plan ke mutabik Diya Monika se milti hai aur use batati hai ki jungle mein videshon se kai sunder pakshi aaye huye hain. Agar wo unki tasveer kheenche to uske liye aur uske assignments ke liye bahut upyogi hoga. Monika ye sunkar khus ho jaati hai aur apna digital camera lekar photos kheenchne ke liye chal deti hai.
Monika Diya ko bhi apne saath aane ke liye kehti hai lekin Diya ye kehkar mana kar deti hai ki jungle mein kai jungle jaanwar ghoomte rehte hain isliye mujhe dar lagta hai. Tum bhi hosiyaar rehna. Monika hasti hai aur kehti hai main apni safety khud kar sakti hoon. Main kai forest mein jaakar photography ki hai.
Diya kehti hai “Mera kaam tha tumhe agaah karna. Aage tum jaano yaa tumhara kaam”. Monika uski baat sunkar thoda soch mein padh jaati hai lekin phir khud par bharosa karke chal deti hai aur wo bhi akele. Kabhi kabhi ati-atamvishwaas bhi aadmi ko maar deta hai. Monika jungle mein pahunch jaati hai aur wahan jaanwaron ko dhoondhne lagti hai. Ab jaanwar wahan honge to milenge na.
Halanki kai birds use aisi mili jo England mein nahin thi to usne fatafat unki kai photos kheench li. Iske baad wo thoda aur aage badh gayi. Halanki shaam ka samay tha aur jungle ke andar halka halka andhera chane laga tha lekin use pata tha ki isi samay kai pakshi ya pashu apne apne ghar wapas aate hain to wo uski tasveer kheench sakti hai.
Idhar Ravi bhi apni yojna ke mutabik kaam hota dekh kar bahut khus tha. Jaise hi Monika jungle ke itne andar aa gayi ki ab uski cheekh bahar tak na sunai de sake to Ravi ne bhalu ki jo costume wo apne saath laya tha pehan li aur peeche se achanak Monika par hamla bol diya. Monika is hamle se ghabra gayi aur camera aur baaki ka samaan uske haathon se gir pada.
Bhalu bane Ravi ne turant use utha liya aur jaanbhuj kar use ulatpalat kar dekhne laga. Monika ka dar ke maare bura haal tha. Uska poora sharer paseene se tar batar tha. Uski bolti band ho gayi thi aur wo cheenkhe jaa rahi thi ki tabhi usne dekha ki bhalu use ungli se chup hone ka ishara kar raha hai to chup ho gayi.
Achanak wo dekhkar hairan ho gayi ki bhalu ne camera aise thaam rakha hai jaise use photo kheenchna aata hai aur wo use pose dene ko keh raha ho. Hairani aur dark e mile jule bhav ko apne chehre par liye wo wahin but bani khadi rehti hai ki tabhi use bhalu ki gurrahat sunai deti hai (Ye gurrahat Ravi ne record karke apni jeb mein rakh li thi).
Uska dhyaan tutta hai aur wo dar ke maare dubara cheekh padti hai lekin tabhi use ishara dikhai deta hai bhalu ki taraf se pose banane ka to wo dimaag lagati hai ki do teen aise hi pose dekar is bhalu ko khus kar deti hoon taaki ye busy ho jaaye aur main mauka dekhkar uske peeche jaakar bhaag jaungi.
Lekin pehle isse kaise peecha chutaya jaaye ye sochna padega. Aur Monika ne bhalu ke saamne kai tarah se pose dene shuru kar diye. Kabhi sar ke upar haath rakh kar, kabhi kamar ko pakad ke, kabhi thodi par haath rakhe huye aur kabhi tarah tarah ke chehre bana kar. Monika ko bilkul bhi khabar nahin thi ki saara video shoot ho raha hai aur wo bhi kahin aur se. Ye kaam Diya kar rahi thi aur uska haste haste bura haal tha. Thodi der baad jab photoshoot khatam huya to ek baar aur Ravi ne gurrahat wala tape chalaya aur camera ko patak kar andar jhadiyon mein gum ho gaya. Monika ke to jaise jaan mein jaan aayi aur wo apna samaan utha kar turant bhag chali.
Ravi ko subah hi ye pata chal gaya tha ki asli bhalu ko circus wale der raat dhoondh kar apne saath le gaye the isliye usne ye plan banaya tha.
Ravi Diya ke paas aaya aur usse wo video camera lekar use dhulwane chal pada. Idhar Monika ne ghar aakar chain ki saans li aur wapas dubara us jungle mein jaane se tauba kar li. Jaise taise karke usne raat gujari aur so gayi. Raat bhar use bhalu ke bure bure darawane sapne aa rahe the lekin aankhen kab tak jaagti. Palak jhapakne lagi aur use neend aa gayi.
Subah huyi aur wo college pahunchi. College pahunch kar usne dekha ki har koi uski taraf dekh kar hans raha hai. Use kuch samajh nahin aa raha tha. Usne apne kapdon ko dekha ki kahin se fate yaa maile to nahin hai. Phir apna chehra dekha lekin wahan bhi aisi koi baat nahin thi. Tabhi uski najar college ki deewaron par padi to uske hosh hi ud gaye. Aankhen fati ki fati reh gayi kyunki har deewar par uske kal bhalu ko diye gaye pose ki tasveeren chipki huyi thi.
Uske kuch bhi samajh nahin aa raha tha ki tabhi use Ravi aur Diya ke hasne ki awaaz aayi jo use hi dekh kar hans rahe the. Ravi uske paas aaya aur bola ki kal pose to saare reh gaye lekin dance reh gaya. Kya aaj phir jungle aayogi taaki wo bhi shoot ho sake aur Ravi yeh kehkar phir hasne laga. Saara college asli baat jaankar Monika ka majak uda raha tha. Monika bhi saara maamla samajh gayi aur usne Tit for Tat karne ki sochi.
Jab Jawed aur Jay baaki doston ke paas gaye aur Jay ne sabse Jawed ka introduction karwaya to sab chaunk gaye khaskar Ravi aur Pawan kyunki jo image unhone Jay ki kahani sunne ke baad Jawed ki banayi thi wo bilkul usse viprit lag raha tha. Aksar aisa hota hai jab insaan sochta kuch hai aur hota kuch hai. Aakhir sab kuch to hamare haathon mein nahin hota. Kabhi kabhi haalat aur majboori humein wo sab karne par majboor kar dete hain jise hum karne ki kabhi sapne mein bhi nahin soch sakte.
Iske baad Jawed ne sabko Sikander ki mansha (Ichha) batayi aur uske kaale dhandhon ke bare mein bhi bataya. Sab but bane Jawed ko sun rahe the. Kisi ko bhi apne kaanon par vishwaas hi nahin ho raha tha. Shehar ka itna bada aur ijjatdar aadmi aisi ghinoni harkat kar sakta hai kisi ko yakeen nahin ho raha tha. Lekin ye sab sach tha aur sach ko jhutlaya nahin ja sakta. Saare dost chinta mein pad gaye ki kya kiya jaye. Police mein complaint karne se bhi kuch nahin hoga kyunki Sikander ki pahunch upar tak hai. Uske ek ishare par use chuda liya jayega aur wo phir sab ko khatam kar dega.
Sidhe sidhe bhi wo usse takkar nahin le sakte the kyunki na uske paas taakat thi aur na paisa jiske balboote par wo kuch kar sake. Lekin Riya aur Diya ko to bachana hi tha. Aakhir dono ladkiyon ko kaise wo sab dost ek vahsi darinde ke haath saunp sakte the. Khaskar Pawan ki aankhon se to angaare baras rahe the aur ho bhi kyun na aakhir uski Riya ka jo sawaal tha. Jab kabhi bhi kisi ke pyaar par aisi musibat aati hai to koi bhi sachaa pyaar karne wala marne-maarne se peeche nahin hatta.
Jawed ne aage bataya ki ek bengali ladke ko Sikander ne bheja hai in ladkiyon ko kidnap karne ke liye. Waise to wo bahut bewkuf hai aur asani se kisi ki bhi chikni chupdi baaton mein aa jaata hai lekin taakat bahut hai usme aur akele hi 5-6 par bhari pad sakta hai. Jitni uska dimaag kamjor hai utna hi uska sharer majboot. Isliye Sikander ne use apne giroh mein shaamil kar rakha hai. Skander ke ek ishare par wo pata nahin kitne logon ki haddiyan tod chukka hai. Agar kisi tarah hum use apne saath shaamil kar le to aage ke liye bahut asaani ho jayegi. Jawed ki baat sunne par Riya ne kaha ki wo ye kaam us par chod de. Us ladke ko main kisi bhi tarah se mana hi lungi.
To aakhir sabne ek khatarnak khel khelne ki sochi. Halanki isme kaafi risk tha lekin ladkiyon ko bachana hai to unhen ye khatra mol lena hi padega. Sabne plan banaya ki Riya aur Diya us ladke ke saath (Jo ab un logon ke saath shaamil hoga) Sikander ke paas chali jaaye aur wahan baaki dost inka peecha karke kahan le jaaya ja raha hai ye pata lagaye. Phir sabne aapas mein aage ke plan ko discuss kiya aur sabne haath milakar is plan par apni sehmati jatayi.
Lekin Diya kaafi dari huyi thi. Usne poocha ki agar wo ladka nahin maana to. Itne mein Sanju ne kaha “To kya hua, jaise ki Jawed ne bataya hai ki wo ladka bewkuf hai, use bewkuf bana kar wahan se bhaga denge. Tum chinta mat karo.”
Sanju ki baat sunkar Jawed ne kaha “Nahin aisi galti mat karna. Tumhe kya lagta hai ki Sikander itna bewkuf hai ki aise ladke ko kidnap karne ke liye bhejega. Us ladke ke upar Sikander ka sabse bharose wala aadmi najar rakhe huye hai. Agar Sourav kidnap karne mein kamyaab na huya yaa koi bhi gadbad huyi to wo aage kaam sabhalega. Wo bahut khatarnak aadmi hai aur kuch bhi kar gujarne se hichakta nahin”
Ye sab sunkar saare doston ke maathe par chinta ki laakeeren cha gayi aur sabne ek aasha ke saath Riya ki taraf dekha. Riya ne unhen bharosa dilaya ki wo apni taraf se poori koshish karergi. Iske baad ahanak Sanju ke man mein khyaal aaya ki Jawed to jurm ki duniya se juda hai to ho sakta hai ki usne us bracelet ko kahin dekha ho. Aur usne wo bracelet Jawed ko dikhaya aur usse poocha “Aapne ise kahin dekha hai.”
Jawed ne thod der bracelet ko gaur se dekha aur phir jawab diya “Haan dekha hai. Aisa hi ek bracelet maine us ladke ke paas dekha hai jo us Bengali ladke par najar rakhe huye hai”. Ye sunkar sab chaunk gaye aur sanju ke gusse mein haathon ki mutthiyan kas gayi. Aakhir jis insaan ko itne samay se wo dhoondh raha tha aaj wo uske kaafi najdik tha. Lekin sab jaankar bhi wo kuch nahin kar sakta tha. Usne Jawed ko uska naam batane ko kaha to unhone bataya uska naam Ram hai.
Sab sochne lage ki naam Maryada Purshottam Shri Ram ke upar rakha hai aur kaam Raavan se bhi gaya gujra hai. Aise log dharti par bhoj hote hain. Sab doston ne iske baad plan ko amal mein lane ki tayyari shuru kar di kyunki unke paas jyada samay nahin tha. College bhi khatam hone ko tha. Sab dost alag alag bhagon mein bat gaye aur Diya aur Riya dono college ke gate ki taraf chal diye jahan Sourav apni cycle liye dono ladkiyon ka intezar kar raha tha.
NOICE Update Plan toh thik hai lekin yeh kitna kaam karega yeh dekhna hai aur ab toh sanju ko bhi woh shaks mil gaya jiski wajah se sanjana ki mrityu hui hai dekhte hai kya sanju apna badla le payega
Riya aur Diya pahunch gayi college ke gate par aur intezar karne lagi us Bengali ladke ka. Dono ki dhadkane badi huyi thi. Anjana dar dono ko hi kihaye ja raha tha. Diya jyada dari huyi thi lekin Riya ke saath se use thoda haunsla mil raha tha. Dono ki aankhen charo taraf daud rahi thi taaki wo us ladke ko pehchaan sake kyunki Jawed ki information ke mutabik use college ke aaspaas hi hona chahiye tha.
Idhar Sourav sabse bekhabar Icecream ki chuskiya le raha tha kyunki use dono ke itni jaldi college se nikalne ki ummed nahin thi. Usne to yahi soch rakha tha ki dono ladkiyan usi samay college se niklengi jab college time poora hoga. Lekin shayad dono ki kismat mein jyada intezar nahin likha tha kyunki Sourav icecream khatam karke jaldi hi wapas railing par aakar baith gaya tha. Tabhi achanak uski najar dono ladkiyon par padi jo kisi ko dhoondhti huyi si lag rahi thi. Lekin Sourav ko ye nahin pata tha ki dono use hi dhoondh rahi thi. Sourav kabhi apni jeb mein rakhi photo ko dekhta to kabhi apne saamne khadi ladkiyon ki taraf. Jab use tasalli ho gayi ki ye dono wohi hain to uski bachen khil uthi.
Bas fir kya tha Sourav pahunch gaya dono ladkiyon ke paas unka kidnap karne.
Owww....bhalo khokhi ei khana aash. Aaami tomaar kidnapper aachhi. Ei khane boshon. Aami tuma ke bhalo baashi. Tumi aamar swapno, aamar dreamgirl aachi. Hehehehehe......
Saurav ki itni baat sunkar Riya ek zannaatedaar thappad Saurav ke gaal par bitha deti hai.
Saurav bade hi bhole pan se puchhta hai...ki holo...? Thappad kyon maara.
Riya ne kaha...”pyare itne din se kahan tha. Mai janam janam se tumhara raasta dekh rahi hun aur tu tu... Aaj aaya hai. Ja mai nahi jaati. Kisi aur din aana. Aaj mera mood kharab ho chuka hai."
"OK behan ji phir kab aaun?"
Iss baar Saurav ke gaal par do jagah ladki ke panjon ka nishan bante hain.
"Ab mat aana. okay?"
"Thik hai to mai jaati hun" bolta hua Sarav ek hath se cycle pakde dusray hath se apne gaal sahlata chal deta hai.
Dono uski bholi ada par hans padti hai. Jab Sourav kuch door chala jaata hai to Riya use awaaz dekar bulati hai. Sourav ko jaise koi khazana milne wala ho aisi khushi mein cycle daudata huya chala aata hai. Riya use dekhkar sharmane ka natak karti hai aur phir usse pyaar bhari batein karne lagti hai. Lekin baton baton mein Riya ye pata laga leti hai ki Sourav majboori wash is line mein aaya hai to use usse sahanubhuti ho jaati hai. Wo uske saath pyaar se baatein karti hai. Sourav ka dilo-dimaag apne kaabu mein nahin rehta. Aaj tak use kisi ka pyaar nahin mila tha. Sirf jamane bhar se thokre khayi thi. Koi pyaar se bolne wala use kabhi mila hi nahin tha.
Riya ko laga ki Sourav ko sab sach bata dena chahiye. Jhoot ke andhere se sach ka ujala lakh guna achha hota hai. Bhale hi uski roshni mein kai raaz parde se bahar aa jaate hain lekin aakhir sharmindgi, apmaan, jalan jaisi kayi bhavnayon se aadmi bach jaata hai. Kuch samay ke liye to ye sach kashtkarak hota hai lekin agar hum lambe samay ki baat Karen to sach batana hamesha se hi sukoon bhara raha hai. Yahi sab soch kar Riya ne Sourav ko sab kuch sach sach bata diya aur usse request ki wo use Sikander ke haathon se bachaye.
Sourav ko pehle to bahut gussa aaya ki dono ladkiyan ab tak use bewkuf bana rahi thi lekin phir usne Riya ki kahi huyi baton par gaur kiya. Ab ek aur dharamsankat uske saamne aa gaya tha. Usne josh josh mein Riya ko behan to keh diya tha lekin Sikander jaise darinde ke haathon se kaise bachaye apni behan ko. Lekin wo kar bhi kya sakta tha. Usne sab bhagwan par choda aur sab doston ke plan mein shaamil ho gaya.
Lekin shayad sab doston ki kismat kharab thi kyunki Sourav ke upar najar rakhe huye aadmi ne Riya aur Sourav ki baatein sun li jiska naam Ram urf Rider tha
Idhar ye sab planning chal rahi thi dono taraf se udhar Raj aur Sonali ke jeewan mein ek nayi khushi ki lehar daudne wali thi. Ab jaisa ki Raj jyadatar samay Sonali ke paas bitaya karta tha to Sonali ko jara sib hi cheenk aaye to wo turant doctor ko phone kar deta tha. Aise hi us din Sonali ko ulti huyi to Raj ne turant dotor ko phone mila diya lekin kisi emergency case ki wajah se wo aa na sake. Sonali ne bahut mana kiya ki wo theek hai lekin Raj nahin maana. Sahi bhi hai koi bhi pyaar karne wala apne pyaar par kisi bhi tarah ki musibat kaise bardhast kar sakta hai. Sikander to doosri jagah busy tha so wo aur arrangement bhi nahin kar saka. Raj Sonali ko lekar paas ke hi ek hospital mein chala gaya jahan use khuskhabri mili ki wo baap banne wala hai.
Raj ki to khushi ka thikani hi nahin raha. Usne Sonali ko khushi mein choom liya. Aaj tak use itni khushi kabhi nahin mili thi. Uska dil kar raha tha ki duniya ki saari khushi Sonali ke kadmon mein laakar dal de. Aaj tak use khushi nahin mili thi, Anand bahut uthaya usne lekin jo khushi dil ko sukun pahunchaye usse wo aaj tak mehroom tha. Jahan Raj itna khus tha wahin Sonali bhi kam khus nahin thi. Kehte hain ki Jab ek aurat bacche ko janam deti hai to uska doosra janam hota hai. Sonali ke liye bhi bahut jald ye samay aane wala tha jiska sapna har ladki yaa aurat dekhti hai.
Thode aur checkup ke baad Sonali ko free kar diya gaya aur Raj use lekar wapas apne ghar ki taraf chal diya.
Noce update Acha hai riya ne sourov ko sach bata diya aur jaisa socha tha uske karib hi nikla akhir yeh rider hi tha jisne Sanjana...... aur ab dubara ravi aur dosto ki jindagi me aaya hai dekhte hai pawan joh rider ko dost manne laga tha uska kya reaction hoga yeh jaankar ki rider hai joh sinha ka sabse jada bharosemand aadmi hai kya rider ki bhi koi back story hai jawed jaisi dekhte hai aage chal ke idhar raj aur sonali maa-baap banne wale hai....
Idhar Sourav apni cycle par dono ladkiyon ko baitha kar chal diya wahan jahan Sikander ne use bulaya tha matlab apne ghar ke basement mein bane tehkhane mein. Sab doston ne camera ka jugad kiya aur chal diye Sikander ka raaz faash karne ke liye. Lekin jaise apne guruji Alok bhai ne kaha ki Sikander itna bewkuf to ho nahin sakta ki aise hi kisi ke jaal mein aa jaye. Aur ab to Rider ne bhi use savdhaan kar diya tha to Sikander intezaam kar raha tha ki kab ye sab dost aaye aur wo inhen apne jaal mein fansa le.
Lekin doston ne ek achha kaam ye kiya ki Jawed police ko khabar karne chala gaya jiska pata Rider ko nahin chal paya kyunki ek to wo Sourav par najar rakhe huye tha aur ab use sab doston par bhi najar rakhni thi. Sourav thodi hi der mein Sikander Sinha ke ghar pahunch gaya aur dono ladkiyon ko lekar andar chala gaya. Riya aur Diya ka ghabrahat ke maare bura haal tha lekin Sourav ne unhe tasalli di ki mere hote ye Sikander tumhe choo bhi nahin sakega.
Lekin jaise hi ladkiyan andar aayi to unhen ek kamre mein band kar diya gaya aur doston ke aane par unhe pakad liya gaya. Koi soch bhi nahin paya ki kya hua. Itni jaldi ye sab kaise ho gaya. Doston ko bandi bana diya gaya aur saamne laya gaya jahan Pawan aur Ravi Rider ko dekh kar chaunk gaye. Sabse jyada hairani to Pawan ko huyi.
Pawan ko yun ghoorta huya dekhkar Rider samajh gaya aur uske paas aakar bola “Chaunk gaye na mujhe dekh kar. Tum soch rahe hoge ki Rider to sudhar gaya tha fir yahan kaise aa gaya to bewkuf wo sab ek plan tha tujhe aur is Ravi ko sabak sikane ke liye. Tu bewkuf tha jo meri baton mein aa gaya aur maine to plan bhi bana liya tha ki tujhe istemaal karke is Ravise badla le sakun lekin usi samay mere baap ka transfer ho gaya aur ye bach gaya. Lekin ab tum dono nahin bachoge.”
Pawan ko gussa to bahut aaya lekin use Sikander ke aadmiyon ne pakda huya tha isliye kuch kar nahin paya. Sikander apne chir parichit andaaz mein shaitani hansi hasta huya bola “To tum log bhi aa gaye. Kya samajhte the ki Sikander koi murkh prani hai. Mana mere paper mein 2 number aate the lekin itna bhi bewkufr nahin hoon jo tum jaise laundo ke jaal mein fans jaun. Mujhe pata tha ki tum aisi hi koi harkat jaroor karoge isliye sirf tum logon ke liye ye saara bandobast kar ke rakha hai.
Jab sab dost chupte chupate andar jaa rahe the aur use peeche peeche Rider bhi usi samay Raj aur Sonali ki gaadi ghar par pahunchi. Halanki kisi ki bhi najar Raj aur Sonali par nahin padi. Raj ko shaq huya kyunki Rider ko to wo pehchanta tha kyunki aksar uska ghar mein aana jaana tha lekin Jay aur uske dost wahan kya kar rahe hain aur wo bhi chup chupakar jaa rahe hai. Inke irade kya hain. Raj ne Sonali ko uske kamre mein jaakar aaram karne ke liye kaha aur khud in logon ka peecha karne ki sochi.
Jab sab tenkhane mein pahunch gaye to Raj ne upar bane ek surakh par apni najar gada di jahan se use andar ka sab najara saaf saaf dikh raha tha. Thodi hi der mein use pata chal gaya ki uska baap do ladkiyon ko utha laya hai aur baaki doston ko bhi khatam karne ka uska plan hai. Pehle to use in doston ki bewkoofi par gussa aaya ki seedhe hi aise maut ke mooh mein chale aaye lekin fir use taras aa gaya aur usne kisi bhi tarah sabko bachane ki sochi.
Jawed ne bhi Police station pahunch kar Inspector Prem Sagar ko sab bata diya. Saath hi Jawed ne apna ikbale jurm bhi kar liya. Prem ye sunkar chaunk gaya aura b uska farz tha ki Jawed ko pakadkar lockup mein daal de lekin pehle use sab doston ko bachana tha. Usne turant apni jeep nikali aur 10-12 constables ko lekar Jawed ke saath Sikander ke adde par chal pada.
Kya sab dost bach payenge? Sonali ki jindagi kya mod legi? Kya Jawed ko police saja degi? Sourav ka kya hoga?
Noice update Acha hai rider ki koi back story nahi thi jawed jaisi Raj toh sahi me sudhar gaya hai tabhi ravi aur dosto ko bachane chala hai aur udhar se jawed bhi police laa hi raha hai
Idhar Raj ne andar jaake ek choti pistol nikali kyunki use pata tha ki iski bahut jarurat padne wali hai. Pistol lene ke baad usne dabe paanv niche tehkhane mein jaana shuru kar diya. Kabhi bhi pakde jaane ka khatra tha lekin in masoom doston ko to bachana hi tha aur shayad isse hi uske kuch paapon ka prayschit ho sake. Sonali ne jab dekha ki Raj kaafi der se kamre mein nahin aaya to wo bhi use dhoondhne ke liye bahar nikal gayi.
Idhar baton baton mein Sanju ko pata chal gaya ki Rider urf Ram ka hi wo bracelet tha jise wo kab se dhoondh raha tha. Pata lagte hi pata nahin usme itni takat kahan se aa gayi ki wo apne aap ko chuda kar bhid gaya Rider se aur us par laat ghunso ki barsaat kar di. Sahi kaha hai kisi ne pyaar insaan ke andar aseem takat bhar deta hai. Pyaar mein insaan achha bura sab bhool jaata hai, yaad rehta hai to bas mehboob aur uska pyaar. Lekin wo akela aur wahan gundo ki bhari tadad. Jaldi hi us par kaboo paa liya aur uski ache se marammat kar di gayi.
Jay ko ye dekhkar gussa aa gaya. Jab kisi khamosh prani ko gussa aata hai to uska gussa behad khatarnak hota hai. Usne lagbhag cheekte huye Sikander se kaha “Haan garibon aur masoomon ko hi tu apna shikhar bana sakta hai. Jaisa tera khoon ganda hai waisa hi tera beta bhi kam nahin hai. Ek hansti khelti ladki ki jindagi kharab kar di. Saare bure kaam karne mein use khushi milti hai. Tum log aadmi nahin rakshash ho” Sikander ko ye sunkar gussa aa gaya. Apne bare mein to wo sun bhi sakta tha lekin is baar sawal uske lakhte jigar, uske bete Raj ka tha. Jise wo itna pyaar karta tha ki kisi bhi jaan chutki mein le le uske liye, uske khilaaf kaise kuch sun sakta tha.
Lekin in baton ka asar Raj par pada. Use apni galti ka ehsaas hone laga. Usne faisla le liya ki chahe uski jaan chali jaaye lekin kaise bhi karke in doston ko bachana hai. Ab tak Raj niche tehkhaane mein pahunch chukka tha. Sikander ne gusse mein revolver nikali aur Jay par fire kar diya lekin ain mauke par Raj beech mein aa gaya. Raj ke gale se ek jordaar cheekh nikli aur uski chati se khoon behne laga. Ladkhada kar wo wahin gir pada. Raj ko aisi halat mein dekhkar Sikander sakte mein aa gaya. Revolver uske haath se choot gayi aur uski halat paaglon jaisi ho gayi. Ho bhi kyun na jis bete ke liye usne ye saare bure kaam kiye the wahi jakhmi halat mein apne baap ki goli ka shikar jameen par pada antim saanse le raha tha.
Sikander ne revolver ek taraf fainki aur bhagte huye Raj ke paas chala gaya. Saare gunde bhi ek dum shocked mein aa gaye aur yahi samay sab doston ko mil gaya apne aap ko chudane aur gundo ko kaboo mein karne ke liye. Iske liye jyada mehnat nahin karni padi. 5-7 ko to akele Sourav ne hi behosh kar diya tha. Baaki logon ko sab doston ne milkar sambhal liya.
Rider urf Ram par to Sanju kehar banker toot pada tha. Itne dino se jo aag uske dil mein jal rahi thi aaj use bhujane ka samay aa gaya tha. Maar maar kar usne Rider ko adhmara kar diya. Lekin jaise hi wo use jaan se maarne laga to sab doston ne use rok diya kyunki wo nahin chahte the ki Sanju khoon karke criminal ban jaye. Idhar Sikander ka ro ro kar bura haal tha. Idhar Sonali bhi goli ki awaaz sunkar tehkaane mein aa gayi thi aur Raj ko aise khoon se lathpat dekhkar behosh ho gayi. Jay ne turant bhagkar use sambhala.
Usi samay Inspector Prem Sagar bhi apne laav lashkar samet wahan pahunch gaya. Bahar Sikander ke gundo ne unhen rokne ki koshish ki lekin Prem ne sabko thikane lagate huye andar pravesh kar liya. Andar aakar usne dekha ki situation to pehle se hi control mein hai. Bas uske liye ab sirf ek kaam hi bacha tha ki sab gundo ko giraftaar kare aur lockup mein daal de.
Idhar Raj ne Sikander se kaha “Papa mujhe pata nahin tha ki meri ragon mein ek gangster, ek criminal ka khoon daud raha hai. Ab to mujhe aapse ghin aane lagi hai. Aapke paap ke saaye mein main bhi ek din criminal ban jaata lekin Sonali ke pyaar ki wajah se maine us raaste se kadam wapas kheench liye. Mujhe nahin pata tha ki aap itni ghinoni harkat karoge ki apni beti jaisi umar ki ladkiyon ko yun jabardasti uthar kar le aayoge. Aap kitne gir gaye hain”
Sikander ki aankhon se aansu beh rahe the. Usne kaha “Bete mujhe maaf kar de. Maine jo kuc bhi kiya sirf tere liye aur teri khushi ke liye kiya. Mera tu hi to ek sahara hai.”
“Mat kaho mujhe beta. Main ek ghunehgaar ka beta nahin ho sakta.” Halanki ye sab bolte huye Raj ki saanse pata nahin kitni baar ukhdi lekin wo bas bolta jaa raha tha. Pata nahin shayad uske dil par koi bhari bojh tha jo use bolne par majboor kar raha tha. Dono ke beech baatein chal rahi thi aur sab khamosh ise dekh rahe the.
“Agar aap ko mere dwara pita kehalwana hai to aapko apne gunahon ka prayschit karna padega. Saare jurm kabool kar lijiye aur ek shareef insaan ki tarah jeevan vyatit kijiye”. Sikander ne marte huye apne bete ki aakhri ichha ko maan liya aur jurm kabool lene ki baat bhi maan li. Itne mein Sonali ko hosh aa gaya aur wo daudkar Raj ke paas aa gayi. “Raj, tum mujhe chod kar nahin jaa sakte. Abhi to hamare jeevan ki nayi shuruat huyi thi. Um mujhe aise beech majhdar mein chod kar nahin ja sakte. Main is paapi samaj ka saamna akele nahin kar sakti. Hamare bachhe ka kya hoga. Use baap ka pyaar kahan se milega”.
Raj ne ek najar Jay ki taraf dekha aur ishare se use apne paas bulaya aur kaha “Jay maine bahut bura salook kiya hai hamesha se tumhare saath. Ho sake to mujhe maaf kar dena.”
“Tumne mujhe bachane ke liye apni jaan jokhim mein daal di. Main tumhara ehsaan kaise utarunga”
“Agar tum ehsaan utarna hi chahte ho to mere baad Sonali aur mere bache ka khyaal rakhne ki tumahri jimmedari. Dono ko musibaton se bachane aur inhe sambhalne ke liye tum tayyar ho iska mujhe vachan do”
“Main tumhe vachan deta hoon ki main dono ko koi takleef nahin hone dunga” Aur itna sunne ke baad Raj ke dil ko ek gehri shaanti mil gayi aur uski aankhen hamesha ke liye band ho gayi. Sikander ke to jaise aansu hi such gaye the. Wo rndhe gale se utha aur inspector Prem Sagar ko iqbaale jurm kar diya aur saare sabot de diye. Usne apni saari jaydad apne pote ke naam likhne ka faisla kar liya.
Iske baad Raj aur baaki gundo ke mrit sharer ko post martam ke liye bhej diya aur jaroori enquiry karne ke baad sab doston ko bhi chod diya gaya. Agle din Raj ka sharer hpspital se mil gaya aur uska antim sanskar kar diya gaya. Antim sanskar mein shaamil hone ke liye Siaknder ko special permission mil gayi. Charo taraf ek khamoshi si cha gayi thi. Jaisa waqt ruk gaya hai. Lekin sab khush bhi the ki bura waqt tal gaya hai.
Dheere dheere sabka jeewan wapas patri par aane laga. Jawed ko itne bada gang pakadwane ke inaam swaroop riha kar diya gaya. Uska jeewan bhi ek sundari ke pyaar mein pad kar khushnuma ho gaya tha. Pyaar ke liye khatre mein jo ye dost kood padte the use dekhkar Ravi ko to pyaar naam se nafrat ho gayi thi. Uska manna tha ki chaar din ki jindagi hai, khao piyo aur mast raho. Kal kisne dekha hai. Aaj ko enjoy karo bas. Idhar Pawan aur Riya ka pyaar aur gehra ho gaya thais ghatna ke baad. Jay bhi ab aksar Sonali ki ghar jaane laga tha. Kabhi usko doctor ke paas le jaata to kabhi aur kisi kaam mein uski help karta.
Sanju ka bhi badla poora ho gaya tha. Uski Sanjana ke kaatil ko usne saja dilwa di thi. Jo uske dil par bojh thaw o hat gayatha aur wo bhi Ravi ki tarah masti mein choor tha. Lekin Diya ko ab bhi apne pyaar ko haasil karna tha. Pata nahin wo kar payegi ya nahin lekin uski dosti Ravi ke saath aisi ho gayi thi ki jaise dono do jism ek jaan ho. Kahin bhi jaana ho ya kuch bhi programme ho dono aksar ek doosre ke saath hi rehte the.
Isi tarah 2nd year khatam ho gaya aur sabne usko ache numbers se paas bhi kar liya.
NOICE update raj ne ek banduk utha li hai kahin ab raj ko kuch hone toh nahi wala sanju ne bhi rider ki thodi dhulayi ki hai lekin woh kaafi nahi hai acha hai ki raj yahan tha warna jay ki mrityu ho jaati aur shayad uske baad sinha sab ko hi mar deta aur raj ko goli lagne ki wajah se bakki dost bach sake shayad woh raj ko bacha sake lagta hai ab sinha bhi ek sharif insaan ban jayega raj ke kehne ki wajah se raj ne jate hue jay ko apne bache aur sonali ki jimmedari de di aur 2nd year of collage bhi khatam ho gaya hai
Aaj College mein Fresher Day hai. Main aur mere dost bas tayyar ho rahe hainCollege jaane ke liye. Yun to hum college kabhi time se nahin jaate lekin Fresher Day par sabki ragging karne jaroor waqt se pehle pahuchna hota hai chahe dharti yahan se wahan kyun na ho jaye.
Gharwale bhi mujhe dekhkar hairan ho gaye ki Ravi aaj suraj kahan se ug gaya, Roz 10-11 baje uthne wala tu aaj 7 baje hi uth gaya. To maine kahan mummy aaj ek dost ke saath bahar jaana hai (yun to keh nahin sakta tha ki College jaldi jaana hai class ke liye kyunki use sunke to unke hosh hi ud jaate ). Unhone bhi koyi khaas dhyaan nahin diya aur mera naasta table par laga diya.
Naasta karke maine apne doston ko phone lagaya aur jaldi college pahuchne ke liye kaha aur apni Motorcycle par nikal pada college ke liye. College hamaara 9 baje shuru hota tha aur main 15 minutes pehle wahan pahunch chuka tha. Itne mein maine dekha ki mere dost Jay, Pawan aur Sanju teeno ek saath do motorcycle par aa rahe hain. Bas fir kya tha hum log tayyar ho gaye Freshers ki ragging ke liye.
Ragging to karne pahunch gaye lekin hamein ab bhi apne khaas do doston ka intezaar baaki tha. Khaas isliye kyunki wo dono ladkiyan thi. (Aap samajh hi gaye honge ) Intezaar karte karte 9:15 ho gaye lekin wo nahin aayi. Idhar students bhi aane shuru ho gaye the kuch seniors hamaari tarah ragging karne ke liye aur kuch freshers apni ragging karwane ke liye. Maine kayi baar phone lagaya lekin unka phone nahin lag raha tha.
Mujhe bahut chinta hone lagi to maine Pawan ko bola yaar tu jaa kar dekh to dono kahan reh gayi. Chinta unke naa aane ki nahin thi balki hamaara ragging karne ka jo tareeka hai uske chaupat hone ki thi. To Pawan ne kaha theek hai wo chala jayega lekin use aaj shaam ko Riya ke saath Movie dekhne aur dinner karne ka saara kharcha tujhe uthana hoga. Marta kya na karta mujhe uski baat manni padi.
Lekin haye ri meri kismat mujh par kaise meharbaan ho gayi ki wo mujhe saamne se aati dikhai di. Maine dekha ki Pawan ka chehra unhen khaas kar ke Riya ko dekh kar khilne ki bajay Shaam kharab hone ke ehsas se murjha gaya hai. Mujhe uska chehra dekh kar hasi aa gayi aur maine kaha ki yaar kyun tension le raha hai. Dono aa gayi hai to kya hua Ravi ka waada khali nahin jayega. Pawan meri baat sunke bahut khus ho gaya aur mujhe gale se laga liya.
Wo dono akeli nahin aayi thi unke saath ek aur ladki bhi thi jise main nahin dekh paya tha kyunki unke hamaare paas pahuchne ke dauran mujhe Cold Drinks and Some Snacks lene jaana pada (Kya hai saara kharcha mujhe hi uthana padta hai sabka ) Lekin jab wapas aaya to hairan reh gaya ki unke saath ek behad khubsoorat ladki khadi hai. Mere pair wahi door rook gaye aur use dekhne lage. Pehle to maine socha ki koi fresher hai jise inlogon ne milkar ragging ke liye pakad liya hai lekin jis tarah se wo ladki hamaari doston se baat kar rahi thi usse pata chalta tha ki wo kaafi acchi tarah se ek dusre ko jaanti hain.
Gora doodh jaisa rang, sangmarmar jaisa badan, kanchan, komal kaya, badi badi gehri kaali aankhen jisme doob jaane ko dil chahe, patli hirni jaisi lachakti kamar jisme naam matra ki bhi charbi nahin hai, kamar tak lambe kaale baal, surkh laal honth jaise gulab ki do pankhudiyan ho, kanon par latakti baliyan jo hawa se hil rahi thi aisi lag rahi thi jaise sawan ke mahine mein kunwari kanya jhule par madmast ho jhulti ho, galon par laali jo aurat ke sharmo-haya ka prateek hai, chehre par atamvishwaas, safed rang ke salwar suit mein Ravi ke saamne khadi thi. Ravi ki to palak hi jhapakni band ho gayi thi. Uske roop ke saudarya mein khoya Ravi man hi man yun hi budbudane laga
Kisi ne dil ko is kadar chu liya
Ki hum kisi aur ko chu na sake
Hum to chale the apko dost banane
Magar aap dhadhkan bante chale gaye
Achanak Ravi ne dimaag ko jhatka diya aur sochne laga ki ye use kya ho gaya hai. Wo kyun aisa soch raha hai. Use in sab jhanjhaton mein nahin padhna. Chaar din ki jindagi hai use ladkiyon ke peeche waste nahin karna hai. Bas use ignore kar deta hoon saara maamla hi sulajh jayega. Waise bhi itni gori hai to jaroor foreigner hogi to iska to chance hi nahin. Bas aise hi dil mein khyaal liye Ravi baaki doston ke paas chal pada.
Wahan Pahunch kar usne baaki doston se us ladki ke bare mein poocha. Sanju to ladkiyon ke maamle mein waise hi expert tha to usne pehle se hi sab kuch details pooch lit hi uske bare mein. Ladki ke bolne se pehle hi wo bol pada Ravi ye Monika hai. Kal hi England se aayi hai aur baaki ki padhai hamare college se poori karegi. Iske papa ka London mein bahut bada business par yahan ye apne bhai ke saath rehti hai. Ravi Sanju ki uske bare mein jaankaari sunkar chaunk gaya.
Usne kaha to iska matlab fresher hai. Lekin agar iske papa itne bade businessman hain to ye to kisi bhi bade college mein admission le sakti thi phir hamare college mein admission lene ki koi khaas wajah. Is par Monika ne kaha “Very Good Question. I m impressed. One of my hobby is wild photography and this college is very near to forest. That’s why I take admission here”
Ravi ne ye sunkar kaha “Wow! You are a wild photographer. Its amazing. Hope you didn’t scared by Indian tigers.” Ravi ke itna kehte hi sab jor se hasne lage. Phir Ravi ne kaha England mein padhi badhi ho to Indian values to tumhe pata nahin hongi. Halanki tumne salwar suit pehna hai lekin baatein English mein kar rahi ho. Monika ye sunkar thodi si gussa ho gayi aur Ravi se kaha “England mein rehne ka ye matlab nahin hai ki main Indian values bhool gayi hoon. Badon ka adar, aurat ki sharmo haya, choton ko pyaar ye sab mujhe bachpan se sikhaya gaya hai. Lekin main tumhe kyun ye sab samjha rahi hoon”
Ravi: “Achha agar itna hi pata hai to Gayatri Mantra sunao”
Achanak ek pal ke liye khamoshi cha jaati hai. Ravi aur uske dost Monika par hasne lagte hain. Ravi hanste huye kehta hai baatein badi badi aur kam bilkul nahin. Lekin itne mein uske kanon mein ek madhur si awaaz goonjti hai.
Om Bhur Bhuva Swaha, Tat Savitur Vareniyam
Bhargo Devasya Dhimahi, Dhiyo yonaha Prachodayat
Ek pal ke liye sannata cha jaata hai jo Riya ki taaliyon ki awaaz se tootta hai. Phir sabne milkar us ladki se aur dher saari baatein kari halki fulki ragging ke naam par usse kuch na kuch sunane ko kaha gaya. Ravi ne bhi kayi sawaal daag diye lekin Monika ne Ravi ko ignore karna hi theek samjha. Use Ravi ek bigda hua ladka sa lag raha tha. Kabhi kabhi majak karna bhi bhari pad sakta hai iska andaza agar pehle lag jaye to bewajah ke faltu majak ho hi na.
Iska baad sabne kuch aur bachon ki healthy ragging li aur canteen mein jaakar masti karne lage. Ravi aur Monika dono hi ek doosre ko ignore karne ki koshish kar rahe the lekin Ravi ki aankhen baar baar usi ka chehra dhoondh rahi thi.
Diya ye jaankar ki Ravi us ladki ko dhoondh raha hai jal kar rakh ho jaati hai aur Ravi se kehti hai ki tumhara dhyaan kahan hai. Jab se wo ladki aayi hai tum khoye khoye se ho. Ravi aise ghabra jaata hai jaise uski chori pakdi gayi ho lekin phir sambhal kar kehta hai “Diya tum bhi kaisi baatein kar rahi ho. Tum to jaanti hi ho ki main kabhi ladkiyon ke peeche nahin bhagta. Mujhe isme koi interest nahin hai. Main to ye soch raha tha ki usne sabke saamne gayatri mantra kya gaa diya apne aap ko turram khan samajhne lag gayi hai. Mujhe ignore kar rahi thi. Meri insult ki. Use to main aisa sabak sikhaunga ki jindagi bhar yaad rahegi.
Diya ko laga ki accha mauka hai is Monika ko door bhagane ka kyunki use darr tha kahin Ravi uske husn ke jaal mein fans na jaaye aur wo Ravi ko kho na de. Dono aage ke liye plan banane lage ki kaise use sabak sikhaya jaaye.
Poora din aise hi gujar gaya lekin Ravi ya Diya dono mein se kisi ko kuch na sujha. Agle din subah Ravi ne newspaper lekar padhna shuru kiya (Padhna kya tha sirf ye dekhna tha ki kahan aur kaun si film lagi hai) aur beech beech mein kuch khabron mein sarsari taur par najar bhi dal deta tha. Tabhi uski najar ek khabar par padi aur uski bachen khil gayi.
NOICE update khoya hai khoya hai ravi khoya hai nayi ladki ke khayalo me lekin jald hi sambhal bhi liya ravi ne khud ko kuch kuch hota hai ka scene ravi toh bichara monika se bahut attract ho gaya hai lekin monika toh usse full ignore mar rahi hai aur diya ravi ki harkate dekh kar jal rahi hai dono plan bhi soch rahe hai monika ko sabak sikhane ka lekin kuch soja nahi unhe pure din me dekhte hai news paper me ravi ne kya dekha
Usne padha ki paas ke circus se ek bhalu chut kar bhag gaya hai aur wo usi jungle ki taraf bhaga hai jiske paas inka college tha. Ek baat jo usne aur note ki wo ye thi ki wo bhalu purntaya trained tha aur sudh shakahari tha. Bas fir kyat ha Ravi ke khurafati dimaag mein ek idea aaya aur usne apne idea ke bare mein Diya ko bata diya. Usne Diya ko hidayat bhi di ki iske bare mein kisi ko kuch na bataye.
Plan ke mutabik Diya Monika se milti hai aur use batati hai ki jungle mein videshon se kai sunder pakshi aaye huye hain. Agar wo unki tasveer kheenche to uske liye aur uske assignments ke liye bahut upyogi hoga. Monika ye sunkar khus ho jaati hai aur apna digital camera lekar photos kheenchne ke liye chal deti hai.
Monika Diya ko bhi apne saath aane ke liye kehti hai lekin Diya ye kehkar mana kar deti hai ki jungle mein kai jungle jaanwar ghoomte rehte hain isliye mujhe dar lagta hai. Tum bhi hosiyaar rehna. Monika hasti hai aur kehti hai main apni safety khud kar sakti hoon. Main kai forest mein jaakar photography ki hai.
Diya kehti hai “Mera kaam tha tumhe agaah karna. Aage tum jaano yaa tumhara kaam”. Monika uski baat sunkar thoda soch mein padh jaati hai lekin phir khud par bharosa karke chal deti hai aur wo bhi akele. Kabhi kabhi ati-atamvishwaas bhi aadmi ko maar deta hai. Monika jungle mein pahunch jaati hai aur wahan jaanwaron ko dhoondhne lagti hai. Ab jaanwar wahan honge to milenge na.
Halanki kai birds use aisi mili jo England mein nahin thi to usne fatafat unki kai photos kheench li. Iske baad wo thoda aur aage badh gayi. Halanki shaam ka samay tha aur jungle ke andar halka halka andhera chane laga tha lekin use pata tha ki isi samay kai pakshi ya pashu apne apne ghar wapas aate hain to wo uski tasveer kheench sakti hai.
Idhar Ravi bhi apni yojna ke mutabik kaam hota dekh kar bahut khus tha. Jaise hi Monika jungle ke itne andar aa gayi ki ab uski cheekh bahar tak na sunai de sake to Ravi ne bhalu ki jo costume wo apne saath laya tha pehan li aur peeche se achanak Monika par hamla bol diya. Monika is hamle se ghabra gayi aur camera aur baaki ka samaan uske haathon se gir pada.
Bhalu bane Ravi ne turant use utha liya aur jaanbhuj kar use ulatpalat kar dekhne laga. Monika ka dar ke maare bura haal tha. Uska poora sharer paseene se tar batar tha. Uski bolti band ho gayi thi aur wo cheenkhe jaa rahi thi ki tabhi usne dekha ki bhalu use ungli se chup hone ka ishara kar raha hai to chup ho gayi.
Achanak wo dekhkar hairan ho gayi ki bhalu ne camera aise thaam rakha hai jaise use photo kheenchna aata hai aur wo use pose dene ko keh raha ho. Hairani aur dark e mile jule bhav ko apne chehre par liye wo wahin but bani khadi rehti hai ki tabhi use bhalu ki gurrahat sunai deti hai (Ye gurrahat Ravi ne record karke apni jeb mein rakh li thi).
Uska dhyaan tutta hai aur wo dar ke maare dubara cheekh padti hai lekin tabhi use ishara dikhai deta hai bhalu ki taraf se pose banane ka to wo dimaag lagati hai ki do teen aise hi pose dekar is bhalu ko khus kar deti hoon taaki ye busy ho jaaye aur main mauka dekhkar uske peeche jaakar bhaag jaungi.
Lekin pehle isse kaise peecha chutaya jaaye ye sochna padega. Aur Monika ne bhalu ke saamne kai tarah se pose dene shuru kar diye. Kabhi sar ke upar haath rakh kar, kabhi kamar ko pakad ke, kabhi thodi par haath rakhe huye aur kabhi tarah tarah ke chehre bana kar. Monika ko bilkul bhi khabar nahin thi ki saara video shoot ho raha hai aur wo bhi kahin aur se. Ye kaam Diya kar rahi thi aur uska haste haste bura haal tha. Thodi der baad jab photoshoot khatam huya to ek baar aur Ravi ne gurrahat wala tape chalaya aur camera ko patak kar andar jhadiyon mein gum ho gaya. Monika ke to jaise jaan mein jaan aayi aur wo apna samaan utha kar turant bhag chali.
Ravi ko subah hi ye pata chal gaya tha ki asli bhalu ko circus wale der raat dhoondh kar apne saath le gaye the isliye usne ye plan banaya tha.
Ravi Diya ke paas aaya aur usse wo video camera lekar use dhulwane chal pada. Idhar Monika ne ghar aakar chain ki saans li aur wapas dubara us jungle mein jaane se tauba kar li. Jaise taise karke usne raat gujari aur so gayi. Raat bhar use bhalu ke bure bure darawane sapne aa rahe the lekin aankhen kab tak jaagti. Palak jhapakne lagi aur use neend aa gayi.
Subah huyi aur wo college pahunchi. College pahunch kar usne dekha ki har koi uski taraf dekh kar hans raha hai. Use kuch samajh nahin aa raha tha. Usne apne kapdon ko dekha ki kahin se fate yaa maile to nahin hai. Phir apna chehra dekha lekin wahan bhi aisi koi baat nahin thi. Tabhi uski najar college ki deewaron par padi to uske hosh hi ud gaye. Aankhen fati ki fati reh gayi kyunki har deewar par uske kal bhalu ko diye gaye pose ki tasveeren chipki huyi thi.
Uske kuch bhi samajh nahin aa raha tha ki tabhi use Ravi aur Diya ke hasne ki awaaz aayi jo use hi dekh kar hans rahe the. Ravi uske paas aaya aur bola ki kal pose to saare reh gaye lekin dance reh gaya. Kya aaj phir jungle aayogi taaki wo bhi shoot ho sake aur Ravi yeh kehkar phir hasne laga. Saara college asli baat jaankar Monika ka majak uda raha tha. Monika bhi saara maamla samajh gayi aur usne Tit for Tat karne ki sochi.
NOICE UPDATE Ravi ne akhir ek tarika soch hi liya hai monika ko pareshan karne ka aur diya bhi isme ravi ki madad kar rahi hai acha hai monika photo kheech rahi hai pashu-pakshi ki ravi sahi sabak sikha raha hai photo kheech kar Monika ke sath bichari monika ka toh dar ke mare bura haal ho gaya dekhte hai monika kya karti hai ab
a lot doston
ravi toh bichara monika se bahut attract ho gaya hai lekin monika toh usse full ignore mar rahi hai aur diya ravi ki harkate dekh kar jal rahi hai dono plan bhi soch rahe hai monika ko sabak sikhane ka lekin kuch soja nahi unhe pure din me dekhte hai news paper me ravi ne kya dekha