Romance Ek Din Achanak

[Ravi]

a lot doston

 

[Ravi]

Last Update​

Varmaala ke baad var vadhu ko stage se neeche utara gaya aur jahan dulha dulhan ki chairs rakhi gayi thi wahan le jaaya gaya. Wahan pahunchte hi sab mein hod lag gayi thi jaise ki kaun pehle naye jode ke saath photo khinchwayega. Jay aur Saloni ne saath mein photo khinchwaya to Sanju ne apni girlfriend ke saath, Manish ke saath Saloni ki behan ne photo khinchwayi, to Pawan ne Riya ke saath photo khinchwayi.

Ravi ke kehne par uske papa ne apni jaan pehchaan se Sikander ko bhi specially do teen dino ke liye bail dilwa di thi khas taur par taaki wo Ravi ki shaadi mein var vadhu ko aashirwaad de sake aur aaj uska bail ka aakhiri din tha. Usne aate hi sabse pehla kaam ye kiya ki Jay aur Sonali ki sagai karwa di thi. Fir ek vakeel ko bula kar jaydad ke saare kagaj apne pot eke naam karwa diye jiski dekh rekh ka jimma Jay ko sounp diya gaya. In sab kamo mein do din beet gaye aur aaj wo tension free hokar Ravi ki shaadi enjoy kar raha tha.

Ab ghar ke aur pados ke mehmano se jyada tadad agar Ravi ke doston ki kahen to ye atisyokti nahin hogi. Lekin Ravi ko khus dekhkar sab bahut khus the. Sabne kayi photos khinchwayi. Pehle var paksh ke logon ne to uske baad vadhu paksh ke logon ne. Iske baad photograpghers ne Ravi aur uski dulhan ki pehle ek saath aur fir in dono ki alag alag kayi pose mein photo khinchi. Dono behad khus najar aa rahe the.

Photo session khatam hone ke baad Ravi aur uski dulhan dono ko khane ki table par bula diya gaya. Jahan sabne ek doosre ko khana khilaya. Ravi ke sale-saali to use poora rasgulla hi khane ko de rahe the. Kitna to ras sherwaani par bhi gir gaya lekin tab kisko hosh tha. Sab maje kar rahe the aur photographers un sunhere palon ko apne camere mein kaid karte ja rahe the.

Khana khatam hone ke baad dono ko vivaah vedi par laya gaya jahan vivaah ki baaki rasmein shuru ho gayi. Rasmein chalti rahi, ved, mantra panditji ki madhur vaani mein poore vatavaran mein goonjne lage aur isi beech dono ko pheron ke liye utha diya gaya. Saath phere poore hone ke baad dono ko bitahaya gaya aur saat vachan dono se hi bharaye gaye. Iske baad Ravi ne apni dulhan ki maang mein sindoor aur gale mein mangalsutra dal diya.

In sab rasmon ke poora hone ke baad dono ko kangna khelne ke liye bulaya gaya. Jahan Ravi mutthi wala kangna jeeta to uski dulhan parat mein anguthi dhoondhne wala. Kangana kholne wale game mein bhi dulhan hi baaji mar gayi. Aur ho hi kyun na ravi ko ek haath use karna tha aur upar se gaanth mein bhi haldi bhar di gayi thi jis wajah se wo aur majboot ho gayi thi lekin ravi ki kalai par bandha huya kangana aise kisi chal kapat se door tha aur do haathon se khola jaana tha.

In sab ke baad Ravi aur uski dulhan ko ek kamre mein le jaaya gaya jahan Ravi se chann sune gaye. Iske baad dulhan ko pagphere ke liye le jaaya gaya. Aur isi beech Ravi ki tilak ki karwayi bhi poori ho gayi. Iske baad ghari aayi vidai ki.

Saara mahaul jo abhi thodi der pehle khusiyon se bhara tha achanak gham ke sagar mein dub gaya tha. Gham apni vedi ki vidai ka, usse bichadne ka, uski hansi, kilkariyan, uski baatein, uski awaaz, uska bachpana, uska sabka khyaal rakhna ab sab ko bechain karega. Sabki aankhon mein aansu the. Dulhan ki aankhon se to aansu thamne ka naam hi nahin le rahe the. Jis tarah bilakh bilakh kar usne apne pariwaar se vidai li koi bhi us drishya ko dekhta to uski aankhon mein bhi paani aa jata.

Aur is tarah vidai poori huyi aur dulhan ko Ravi ke ghar laya gaya jahan uska aarti se swagat kiya gaya. Aur Ravi ki mummy ne apni bahu MONIKA ka khule dil se swagat kiya. Iske baad to poore din koi na koi aata raha aur muh dikhai deta raha. Shaam ko jab sab free huye aur raat ko jab Monika Ravi ke kamre mein aayi to usne sabse pehle ek hi sawal poocha ki aaj Diya wo Diya nahin thi jo ek saal pehle thi. Pehle hansti bolti Diya aaj ek gambheer vyakti ki tarah hi react kar rahi thi. Wo Diya kahan gayi.

To Ravi ne use bataya ki us din jab tum chali gayi thi to main Diya ke paas gaya tha. Pehle to usne baat ko ghumana shuru kiya lekin jab maine use apni kasam di to usne saari baat mujhe bata di. Main bahut hairan tha uski baatein sunkar. Mujhe to vishwaas hi nahin ho raha tha ki Diya aisa kar sakti hai. Jis dost par maine sabse jyada vishwaas kiya use ne meri peeth mein chura ghonpna chaha. Usi ne mere saath vishwaasgaath karna chaha.

Diya ne mere saamne apne pyaar ki duhai di to maine use bataya “Pyaar lene ka nahin dene ka naam hai. Pyaar to ek tyaag ki pratimurti hai. Iske badle agar aapke man mein lesh matra bhi kuch pane ka khyaal aaya to ye pyaar nahin swarth hai. Aur tum itni swarthy ban gayi ho ki tumhein sirf apna bhala dikh raha hai aur doosron ki takleef se tumhein koi lena dena nahin hai.”

“Tum jaanti ho ki main aur Monika ek doosre se behad pyaar karte hain aur ek doosre ke bina nahin ji sakte lekin tum to apne swarth mein itni andhi ho gayi ki ek saath teen teen jindagi tabah karne chal di. Ek meri, ek Monika ki aur teesri khud ki. Maan lo agar main tumse shaadi kar bhi lun to wo pyaar, wo apnapan tumhein main nahin de paunga jis par sirf ek patni ka hak hota hai. Tumhara jeewan nark se bhi badtar ho jayega.

“Kya tum chahti ho ki ek saath teen mautein ho jaye, meri khushiyan, Monika ka pyaar aur meri aur tumhari dosti jo atoot hai aur main nahin chahta ki ismein kisi bhi wajah se koi darar aaye. Lekin tum to ye samajhna hi nahin chahti”

Diya ne rote huye kaha “Main bhi tumse sachha pyaar karti hoon aur iske liye kuch bhi kar sakti hoon. Bas tumhari khushi hi meri khushi hai. Jismein tum khus wohi mere liye badi baat hai”

Ravi ne kaha, “To meri khushi isi mein hai ki mujhe Monika ka pyaar mile aur kya tum chahti ho ki mujhe kabhi khushi nahin mile. Meri khushi isi mein hai ki mujhe saari jindagi tumhari dosti aur Monika ka pyaar mile.”

“Jao Ravi aaj Diya ne apne pyaar, apni khushiyon ko tumhari dosti ke naam par kurbaan kar diya. Tum khush ho yahi mere liye sabse badi baat hai. Maine sirf tumse pyaar kiya hai aur shayad hi is dil par ab kisi ka naam aayega”

Ravi ne khush hote huye Diya ko lage se laga liya aur khushi ke mare wahan se nikal gaya aur peeche chod gaya to sirf akeli khadi Diya ko rote huye.

Ravi ne jab batana khatam kiya to Monika ne bataya haan uske agle din Diya mere paas aayi thi aur mujhse maafi bhi maang rahi thi. Keh rahi thi ki mujhe maaf kar do. Us samay meri kuch samajh mein nahin aaya tha lekin aaj sab samajh mein aa gaya hai.

“Diya ne humein khushiyan shaadi ke tohfe mein di hai. Waise tumhare bhaiya neb hi koi kasar nahin chodi thi shaadi na hone dene ke liye. Lekin sachha pyaar kisi ke aage nahin jhukta, duniya uske aage jhukti chali jaati hai”

“Accha janab, agar Alok bhai ko main apni kasam nahin deti to shayad aaj tum kisi hospital mein pade hote. Bhaiya mujhse bahut pyaar karte the aur meri khushi hi unki jindagi thi. Pehle to wo bahut naraaz huye the lekin jab unhen ehsaas huya ki main tumhare bina nahin ji sakti to unhone sif meri khushi ki khatir tumhein apna jija banaya”

“Accha sab kuch tumne hi kiya hai, abhi tumhein batata hoon”

Aur iske baad kamre ka darwaja band ho jaata hai. Is ek raat ke baad kal ka sawera charon taraf sirf khushiyan hi khushiyan bikherene wala tha.

Yahi tha Ek Din Achanak jahan Ravi ne pehle pyaar ko majak samjha, pyaar mila to use thukra diya, jab samjha to pyaar aur dosti ke dorahe par khud ko khada paya aur ant mein pyaar ko bhi pa hi liya.

THE END....

 

[Guffy]

Kya kiya bhai diya se nahi ki shadi aur monika se kar li lekin pyar ka matlab hi yahi jota hai dena lene ki ummid bilkul bhi nahi karni chahiye waise maza aa gaya aap ke sath iss safar mein awesome story waiting EK DIN ACHANAK part 2

 

[Mbindas]

Bhai story simple or bohot hi achchhi hai.

 

[Mayaviguru]

Av writer sunega gali wo bhi achi wali
Sanju ki kav girlfriend bni be
Bni bhi to kaise bni
Uska ped ke sath break up kav kra diya
Diya ko samjha diya acha lga par alok ka gussa hona
Monica ka kasam dena
Inki shadi fix hona
Sara kuch bina dakar liye pcha gya aisa nhi chlega
Ending fir se likh
Mtlb dhang ki story ko dhang se likha kro
Eda ek achi story thi iska mtlb ye to nhi kha jaoge story ko bich ke updates fir se likho
Mtlb rebu na milega to tum bhav kha rhe ho
Chl chup chap se update edit kar

 

[Rajurajsingh91]

Update 13
visvash ki pribhasa badiya tarike se samjhai hai nice

 

[Rajurajsingh91]

Update 20​

Lekin ek din aakhirkar Sonali hi ek din mauka dekhkar mere paas aayi aur mujhse haath milate huye mera naam poocha. Usko yun achanak saamne aakar seedha haath milane se main ek dam hadbada gaya aur bola “Mera naam J.. J…. Jay hai”. Wo ye sunkar khilkhilakar hans padi. Sach mein us samay itni pyaari lag rahi thi ki koi us ek muskurahat ke badle meri jaan bhi maang leta to main hansi khusi usko wo de deta. “Kaafi achha naam tha J..J…Jay. Shayad Shahrukh khan ki movie dekhi hai tumne DARR jisme shahrukh Juhi Chawla ko aise hi bolta hai. Tab tak main normal ho gaya tha aur bola ki aap achanak mere saamne aa gayi to main hadbada gaya.

Usne kuch is tarah se mujhe dekha ki main jhenp gaya aur boli “mere aane se tum kyun hadbada gaye, kya tumne koi chori ki hai jo maine pakad li” aur itna kehkar fir has di. Is baar main bhi hansa saath mein aur usse bola “Nahin bas aise hi. Aapka naam kya hai”. Sonali usne kaha aur achanak poocha “Tum roz mujhe hi dekhte ho na gate par khade hokar”. Uska itna kehna tha ki meri halat to ye ho gayi ki kaato to khoon nahin. Saari hansi ekdum se gayab ho gayi aur ghabrahat ke saath use kaha “Nahin to main aapko nahin dekhta. Main to apne dost ka intezar karta hun. Wo bahut late aata hai na”. Ye sunkar wo muskurayi aur theek hai bolkar chali gayi kyunki prayer ka time ho gaya tha. Main bhi chal diya.

Iske baad to apni roj hi mulakaten hone lagi. Kabhi gate par baat karte, kabhi park mein chale jaate, kabhi recess mein bahar ghoomne nikal jaate. Din acche kat rahe the aur uske prati aakarshan badhta jaa raha tha mera. Mere liye wo sab kuch ban gayi thi jiske bina ek pal bhi jeena bilkul mushkil lag raha tha. Roz mulakaton ka silsila chalta raha aur hum ek doosre ke kareeb aate rahe. Jawed Bhai ko sab akhar raha tha lekin wo captain the aur class monitor bhi to unke saath kayi jimmedariyan judi thi jiske chalte wo mere saath jyada waqt nahin gujar paate the.

Aakhir kar ek din hum roz ki tarah hi park mein baithe the ki baton baton mein pata nahin mujhme itni himmat kahan se aa gayi ki main use apne pyaar ka ijhaar kar baitha. Usne chaunk kar mujhe dekha aur kaha “Jay hum dono ache dost hai. Maine aisa kabhi tumhare baare mein nahin socha. Please naraaz mat hona.” Mera to dil hi toot gaya ye sab sunkar aur baad mein thodi idhar udhar ki baatein karke wapas apni class mein aa gaya. Uske baad maine gate par jaana chod diya. Kabhi aate jaate mil jaate the to hi-hello se jyada baat hi nahin karta tha. Uske gate par na aane ki wajah poochne par maine bataya ki school ke cricket match hone wale hai dusre school se isliye hum sab uski practice mein busy hain. Time hi nahin mil paata aane ka.

Halanki wo samajh gayi thi lekin wo kar bhi kya sakti thi. Aur main bhi yehi maankar chup baith gaya ki mere jaise ladke se kaun ladki pyaar karna pasand karegi. Bhagwan se baithe baithe shikayat karne laga ki tune mujhe gora kyun nahin banaya. Agar sanwla banana hi tha to ye mota chasma kyun chada diya. Koi bhi meri taraf najar utha kar nahin dekhta. Sab mera majak udate rehte hain. Koi mujhe pyaar nahin karta. Is jeewan se to maut achhi. Aise bekaar ki baatein Jay ke dimaag mein chal rahi thi. Sahi kaha hai kisi ne khali dimaag shaitan ka ghar hota hai. Jab aap khali honge to ulti seedi baatein aapke dimaag mein chakkarghirni ki tarah ghoomti rahengi. Iska ilaaj yehi hai aap khud ko busy rakho kisi bhi roop mein chahe padhai karte raho, chahe khel-khud mein busy raho lekin khali mat baitho.

Yahan Sonali ko ab kuch khalipan sa lagne laga tha apni life mein. Jis din wo Jay ne nahin milti thi poore din bechain rehti thi. Jay kya kar raha hoga. Kya wo bhi mujhe yaad kar raha hoga. Usne to milna-julna ek dum chod diya. Kyun aisa kar raha hai wo. Hum to aaj bhi ache dost hai. Lekin main kyun uske baare mein itna soch rahi hun. Agar nahin baat karta to na sahi. Uske jaise kitne ladke mere aage peeche ghoomte hain. Samajhta kya hai apne aap ko jaise wo bahut busy hai aur main faltu. Uske aage peeche ghoomti rahun. Usse baat karne ke liye main use minnat karun. Lekin kya pata wo sach mein busy ho. Kuch pareshan sa bhi lag raha tha. Aaj lunch kiya hoga ya nahin usne.

Sonali ka dil kabhi uske baare mein sochta aur kabhi uske khilaaf. Wo faisla hi nahin kar paa rahi thi ki wo kya kare. Kya wo bhi pyaar karne lagi hai Jay se. Nahin hum to acche dost hain. Wo mujhse kyun naraaz hoga. Kehte hain pyaar bhi dosti ka hi doosra roop hai. Aap tabhi usse pyaar kar sakte hain jab aap pehle uske ek sacche dost ban sake. Sonali ka man bhi vichlit tha. Kaisa samay aa gaya tha ki dono ek dusre ko pyaar karte the lekin kisi ka dil toot gaya tha to kisi ka dil ye maanne ke liye tayyar nahin tha. Lekin jo hona hota hai wo to hokar hi rehta hai.
Sonali na is baat ko maan rahi thi ki wo bhi Jay se pyaar karne lagi hai aur na hi use dekhe bagair reh paa rahi thi. Har samay bas usi ka khyaal 24 ghante dimaag mein ghumta rehta tha. Kehte hai jab koi dil ke hathon majbur ho jaata hai to sab kaam, sab rishtey uske saamne bas feeke ho jaate hain. Sonali ka bhi kuch aisa hi haal tha. Na din ko chain milta, na raat ko neend aati. Shayad isi ko pyaar kehte hain. Wo ye baar baar sochti lekin fir apna sir jhatak ka rise maanne se inkaar kar deti. Sonali apne dil aur dimaag ke beech faisla nahin le pa rahi thi.

Lekin tabhi ek din kuch aisa hua ki sab kuch badal gaya. Us din School ka cricket match tha aur apne hi school mein doosre school ki team aakar match khel rahi thi. Sab bacche bhi us din match dekh rahe the to Jay ki ek jhalak pane ke liye Sonali bhi wahan maujud thi. Lekin Jay ne uski taraf nahin dekha ye dekhkar Sonali ki aankhen bhar aayi. Khair match shuru huya aur pehle apni team ne batting ki. Jay ki batting hi nahin aa payi usme. Iske baad bowling huyi aur Jay ko wahin lagaya gaya fielding ke liye jahan Sonali khadi thi.

Tabhi Batsman ne ek uncha shot lagaya jo Jay ki taraf aaya aur Jay ne daudkar us catch ko pakadne ki koshish kari. Catch pakadne ke chakkar mein use dive lagani padi. Khair catch to pakad liya lekin use bahut chot pahunchi aur baad mein use match adhura chodkar wapas jaana pada. Uske kohni se khoon nikal raha tha jo school staff ne marham-patti karke kaafi had tak band kar diya tha. Sonali ye dekhte hain apne hosh kho baithi aur daudhti huyi wahan chali gayi jahan Jay rest kar raha tha. Wahan dusre staff bhi the jo Jay ki dekhbhal kar rahe the. Jab unhone Sonali ko dekha to use andar nahin aane diya lekin fir Jay ke kehne par un dono ko akela chod kar bahar chale gaye.

Sonali Jay to ektak lagatar dekhte jaa rahi thi aur roye jaa rahi thi. Wo aayi aur uske paas baith gayi.Uska dil dhadak raha tha ki wo kya baat kare Jay se. Lekin ab usse raha bhi nahin jaa raha tha. Shayad use ehsaas ho gaya tha ki wo Jay ko bahut pyaar karti hai aur uske bagair jee nahin sakti. Kyunki jab Jay ko chot lagi to wo sirf Jay ko hi nahin Sonali ko bhi ghayal kar gayi thi. Fark sirf itna hai ki Jay ka shareer ghayal huya tha aur Sonali ka dil. Thodi der khamosh rehne ke baad Sonali ne kaha :Jay tumne aisa kyun kiya. Kya jarurat thi hero banne ki. Chot lag gayi na. Dekho kitna khoon nikal gaya. Tumhe jara bhi apni parwah nahin. Kyun kiya tumne aisa bolo”.

Jay use bas khamoshi se dekhta raha ki aaj Sonali ko kya ho gaya. Sonali ne aage kaha “Tum nahin jaante Jay ki tum mere liye kya mayne rakhte ho. I LOVE YOU.” Ye Sonali bol to gayi lekin baad mein khyaal aate hi sharmakar bhag gayi wahan se. Jay ki to khushi ka thikana hi nahin tha. Jo dil ab tak bechain tha Sonali ke liye wo aaj khushi se jhoom raha tha. Uska dil kar raha tha ki bas won ache-gaye, khushiyan manaye lekin dard aur chot use aisa na karne ke liye majboor kar rahi thi. Tabhi ek staff ne aakar khabar di ki “Jay yaar tum kya chale gaye hamari fielding aur bowling kamjor pad gayi aur hum match haar gaye”. Lekin Jay man hi man mein keh raha tha ki “Match haar gaye lekin Sonali ko jeet liya”.

To be continued....

Update bahut bda tha thoda chota diya karo

 

[Rahul]

Awesome story

 

[Ravi]

a lot doston

 

[Rahulp143]

nice story