Romance Ek Din Achanak

[Ravi]

Update 81​

Washroom mein se free hokar jaise hi Monika bahar mikli use Diya ki ghoorti nigahon ka saamna karna pada. Wo bina kuch bole, bina kuch baat kiye aage ko chal di lekin Diya ki awaaz ne use wahin rukne par majboor kar diya. Wo palat kar Diya ki taraf gayi aur use prashanvachak drishti se dekhne lagi. Diya jo ab tak apni baton ka tana bana bun rahi thi Monika key un paas aa jaane par jaise ek bhookhi sherni ki tarah us par baras padi.

“Tumhe maine mana kiya tha na ki Ravi ke najdeek mat aana. Usse door hi rehna. Fir kyun tum uske peeche padi rehti ho. Samajhti kya ho tum apne aap ko. Pehle apne bhai se pitwaya aur jakham dene ke maad marham laga rahi ho. Tum jaisi ladkiyan hoti hain job bhole bhale ladke ko apne jaal mein fansa leti hain aur uske baad uski jindagi tabaah karke use doodh mein padi makkhi ki tarah nikal kar fenk deti ho.”

“Kya bakwaas kiye ja rahi ho tum. Tum hosh mein to ho. Main aur Ravi ek doosre se behad pyaar karte hain. Main uska peecha karungi wo to khud mere dilo dimaag, mere poore shareer, meri nason mein samaya huya hai.”

“Shut up! Tum kya jaano pyaar kya hota hai. Jitna pyaar main Ravi se karti hoon shayad hi kisi ladki me kabhi kiya hoga, karti hai ya karegi. Tum pyaar ka dambh bharti ho to wo pyaar tab kahan tha jab Ravi jindagi aur maut se joojh raha tha. Us waqt kahan tha jab use apna dukh dard baantne ke liye ek kandhe ek sahare ki jarurat thi, us waqt kahan tha jab uske ma-baap uski aisi halaat dekhkar til til mar rahe the.”

“Main dar gayi thi. Aur main to hospital aayi bhi thi lekin tumne kahan milne diya mujhe. Agar main usse mil leti to wahin sab gile shikwe khatam ho jaate”

“Hospital mein milna chahti thi ye dekhne ke liye ki wo bach gaya ya nahin. Aur agar bach gaya to apne bhai se dubara aisi neech harkat karwaogi. Tum agar milna chahti to uske theek hone ke baad aur uske college jaana shuru karne ke baad usse turant milne ki koshish karti lekin tumhare man mein to chor tha. Jab wo poori tarah theek ho gaya to aa gay apne pyaar ka rona lekar Ravi ke paas. Mera Ravi hai bhi itna bhola ki usne tujhe ek jhatjke mein maaf kar diya aur tujhe apni dosti ka ek shandaar tohfa khairat mein de diya. Lekin tu to ise kuch aur hi samajh baithi hai”

“Bahut bakwaas kar li tumne. Ye kya mera Ravi mera Ravi laga rakha hai. Ravi sirf mujhse pyaar karta hai aur yahi sach hai. Tum shayad is sach ko pacha nahin pa rahi ho. Ya tumhe jalan ho rahi hai ki ab wo tumhe ghaas nahin dalta. Jahan tak maine suna hai usne to tumhare pyaar ko ek baar thukra bhi diya tha”

Diya ye sunkar ek baar chaunk gayi ki ye sab use kaise pata lekin fir sambhal kar boli “Nahin thukraya nahin tha lekin apnaya bhi nahin tha. Kuch samay ke liye usme tehraav aa gaya tha. Hum logon ki padhai chal rahi thi aur ab jab college khatam ho gaya hai to fir se wohi sab pyaar jaagne lag gaya hai”

“Ha Ha Ha pyaar jagne lag gaya hai! Kyun apne aap ko santavna de rahi ho. Kyun jhooti tasalli de rahi ho. Maan jayo Ravi sirf mera hai aur that’s final. Ab mujhe aur koi baat nahin karni main jaa rahi ho”

“Ruko, tumhein kya pata pyaar kya hota hai. Ghar walon se do din ke tour ka bahana karke saara din aur saari raat maine Ravi ka saath diya jab wo jindagi aur maut ke beech jhool raha tha. Na khnae ki sudh aur na peene ka dhyaan bas Ravi kaise bhi karke jaldi theek ho jaye yahi hum sab prathna karte the. Uske khane peene ka dhyaan, uski dawai ki jaankari, uski exercises, usko washroom tak le kar jaana, usko apne haath se khana khilana, usse ghanton bina sir pair ki baatein karke use hasana, pyaar se uske baalon mein haath firana, jab wo so jaye to uske paas baitha rehna ki kahin wo raat mein jag kar kuch maangne na lage. Kya tum kar paati ye sab. Pyaar karna alag baat hai aur nibhana alag”

Monika se kuch kehte nahin ban raha tha ki is baat ka kya jawab de. Wo bas apna sir neeche kiye party mein jaane ki bajay apne ghar chali gayi aur apne bhavishya ke bare mein sochne lagi. Diya bhi wahan se nikalkar party mein chali gayi. Wahan sabne poocha to Diya ne bataya ki wo ghar chali gayi hai koi phone aaya tha shayad uske bhai ka. Sab ko tasalli ho gayi siway Ravi ke. Uske man ye manne ko tayyar hi nahin tha ki Monika yun achanak bagair use bataye wahan se chali jaye. Kisi anhoni ki aashanka ne Ravi ko gher liya tha.


To be continued....

 

[zindegi]

Kahanikisuruwat bohat hi badhiya style me hui.... par mujhe laga tha aap sahayri se karenge... itne bade kavi Jo there Maine aabhi tak jitne bhi update padhe usse mujhe ye andaza hogaya he ki aap keval awal kavi hi nahi balki aek bohat hi behtarin lekhak bhi.he.. Story romance pe adharit he Jo ki bohat hi achi baat he par story ke har character ki aek back story he Jo ki sad ..... aur story me sabkuch achanak hota he Jo title ko justify karta he wese to me jyada sad story padhta nahi par apki story main kuch khas baat he Jo mujhe isse padhne pe majboor kar raha he...I hope aap isse complete karenge... keep writing keep posting me jald hi sare update padhlunga.... tq

 

[Mbindas]

Very nice update bhai

 

[Sunilgupta]

Superb update

 

[Guffy]

Update 81​

Washroom mein se free hokar jaise hi Monika bahar mikli use Diya ki ghoorti nigahon ka saamna karna pada. Wo bina kuch bole, bina kuch baat kiye aage ko chal di lekin Diya ki awaaz ne use wahin rukne par majboor kar diya. Wo palat kar Diya ki taraf gayi aur use prashanvachak drishti se dekhne lagi. Diya jo ab tak apni baton ka tana bana bun rahi thi Monika key un paas aa jaane par jaise ek bhookhi sherni ki tarah us par baras padi.

“Tumhe maine mana kiya tha na ki Ravi ke najdeek mat aana. Usse door hi rehna. Fir kyun tum uske peeche padi rehti ho. Samajhti kya ho tum apne aap ko. Pehle apne bhai se pitwaya aur jakham dene ke maad marham laga rahi ho. Tum jaisi ladkiyan hoti hain job bhole bhale ladke ko apne jaal mein fansa leti hain aur uske baad uski jindagi tabaah karke use doodh mein padi makkhi ki tarah nikal kar fenk deti ho.”

“Kya bakwaas kiye ja rahi ho tum. Tum hosh mein to ho. Main aur Ravi ek doosre se behad pyaar karte hain. Main uska peecha karungi wo to khud mere dilo dimaag, mere poore shareer, meri nason mein samaya huya hai.”

“Shut up! Tum kya jaano pyaar kya hota hai. Jitna pyaar main Ravi se karti hoon shayad hi kisi ladki me kabhi kiya hoga, karti hai ya karegi. Tum pyaar ka dambh bharti ho to wo pyaar tab kahan tha jab Ravi jindagi aur maut se joojh raha tha. Us waqt kahan tha jab use apna dukh dard baantne ke liye ek kandhe ek sahare ki jarurat thi, us waqt kahan tha jab uske ma-baap uski aisi halaat dekhkar til til mar rahe the.”

“Main dar gayi thi. Aur main to hospital aayi bhi thi lekin tumne kahan milne diya mujhe. Agar main usse mil leti to wahin sab gile shikwe khatam ho jaate”

“Hospital mein milna chahti thi ye dekhne ke liye ki wo bach gaya ya nahin. Aur agar bach gaya to apne bhai se dubara aisi neech harkat karwaogi. Tum agar milna chahti to uske theek hone ke baad aur uske college jaana shuru karne ke baad usse turant milne ki koshish karti lekin tumhare man mein to chor tha. Jab wo poori tarah theek ho gaya to aa gay apne pyaar ka rona lekar Ravi ke paas. Mera Ravi hai bhi itna bhola ki usne tujhe ek jhatjke mein maaf kar diya aur tujhe apni dosti ka ek shandaar tohfa khairat mein de diya. Lekin tu to ise kuch aur hi samajh baithi hai”

“Bahut bakwaas kar li tumne. Ye kya mera Ravi mera Ravi laga rakha hai. Ravi sirf mujhse pyaar karta hai aur yahi sach hai. Tum shayad is sach ko pacha nahin pa rahi ho. Ya tumhe jalan ho rahi hai ki ab wo tumhe ghaas nahin dalta. Jahan tak maine suna hai usne to tumhare pyaar ko ek baar thukra bhi diya tha”

Diya ye sunkar ek baar chaunk gayi ki ye sab use kaise pata lekin fir sambhal kar boli “Nahin thukraya nahin tha lekin apnaya bhi nahin tha. Kuch samay ke liye usme tehraav aa gaya tha. Hum logon ki padhai chal rahi thi aur ab jab college khatam ho gaya hai to fir se wohi sab pyaar jaagne lag gaya hai”

“Ha Ha Ha pyaar jagne lag gaya hai! Kyun apne aap ko santavna de rahi ho. Kyun jhooti tasalli de rahi ho. Maan jayo Ravi sirf mera hai aur that’s final. Ab mujhe aur koi baat nahin karni main jaa rahi ho”

“Ruko, tumhein kya pata pyaar kya hota hai. Ghar walon se do din ke tour ka bahana karke saara din aur saari raat maine Ravi ka saath diya jab wo jindagi aur maut ke beech jhool raha tha. Na khnae ki sudh aur na peene ka dhyaan bas Ravi kaise bhi karke jaldi theek ho jaye yahi hum sab prathna karte the. Uske khane peene ka dhyaan, uski dawai ki jaankari, uski exercises, usko washroom tak le kar jaana, usko apne haath se khana khilana, usse ghanton bina sir pair ki baatein karke use hasana, pyaar se uske baalon mein haath firana, jab wo so jaye to uske paas baitha rehna ki kahin wo raat mein jag kar kuch maangne na lage. Kya tum kar paati ye sab. Pyaar karna alag baat hai aur nibhana alag”

Monika se kuch kehte nahin ban raha tha ki is baat ka kya jawab de. Wo bas apna sir neeche kiye party mein jaane ki bajay apne ghar chali gayi aur apne bhavishya ke bare mein sochne lagi. Diya bhi wahan se nikalkar party mein chali gayi. Wahan sabne poocha to Diya ne bataya ki wo ghar chali gayi hai koi phone aaya tha shayad uske bhai ka. Sab ko tasalli ho gayi siway Ravi ke. Uske man ye manne ko tayyar hi nahin tha ki Monika yun achanak bagair use bataye wahan se chali jaye. Kisi anhoni ki aashanka ne Ravi ko gher liya tha.


To be continued....

Waah kya baat hai monika ke pass jawab hi nahi hai dene ke liye kya bole woh toh bhag gayi waha se ab divya ne kya sunaya hai mind blowing maza aa gaya padh kar ab dekho monika kya karti hai waiting next

 

[Ravi]

a lot doston

 

[Ravi]

Update 82

Ek saal baad (Ek Din Achanak)​

Ravi ke ghar par aaj subah se hi chahal pahal thi. Saara ghar aise jagmaga raha tha jaise ki aaj diwali ho. Aur ho bhi kyun na aaj uski shaadi jo thi. Saari rashmein matlab haldi chadana-utarna, sagai, ladies sangeet etc. aadi bhi dhoomdhaam se nibat gaye the. Saare dost to aise khushi se jhoom rahe the jaise shaadi Ravi ki nahin unki ho rahi hai. Aaj shaadi ka wo shubh din tha jiski chah har yuvak yuvtiyon ke beech mein avasya hoti hai. Bhale hi wo kitna bhi ise avoid kare lekin man uska shaadi ke naam se prafullit jaroor hota hai.

Ravi bhi aaj bahut khus tha. Subah se hi uske ghar naach gaana ho raha tha. Lekin majal hai koi thak jaye. Balki har doosre gaane mein unka josh bhi badh jaata tha. Nachte gaate khaate peete kab shaam ho gayi pata hi nahin chala. Sab tayyariyon mein jut gaye. Sab ladies ne beauty parlour houseful kar diye. Koi makeup karwa rahi thi to koi touch-up karwa rahi thi, koi waxing kara rahi thi to koi apne balon ko ek naya roop de rahi thi. Ab ladies itna sajengi to gents kahan peeche reh jayenge.

Unhone bhi sab saloons par dharna de diya. Saloon walon ki chandi ho gayi kyunki wo aaj pehle ke muqable kaafi jyada paise maang rahe the aur shaadi ki khushi mein choor Ravi aur uske dost kharch karne mein peeche nahin hat rahe the. Balki kharch karne mein sabse kanjoos matlab Sanju to sabse jyada kharch kar raha tha shaadi mein.

Sab kisi tarah tayyar ho hi gaye. Auraton mein to jaise ek hod si lag gayi thi ki kaun sabse sundar hai. Gents bhi perfume wagairah laga kar apne aap ko handsome dikhane mein peeche nahin hat rahe the. Ravi ka to nai peecha hi nahin chod raha tha. Khair jaise taise karke Ravi ka bhi make-up poora huya aur uska chehra khil utha. Wo kya hai makeup se to holywood ki buddhiyan bhi kamseen jawan dikhne lagti hain aur apna Ravi to abhi bhi gabru jawaan tha.

Iske baad baari aayi Ravi ko dress pehnane ki jo ek jija karta hai lekin Ravi ki to ki behan nahin thi to jija kahan se aayega to ye jimmedari Jawed ne sambhal li kyunki Saloni ko Ravi ne apni behan ke taur par apna liya tha. Sabse pehle Jawed ne Ravi ko shirt pehnayi, fir pant aur ant mein coat. Har ek kapda pehnate samay photographers photo kheenchne mein peeche nahin hat rahe the.

Khair Ravi tayyar hua to Ravi ke parents ne Jawed ko uska neg diya. Jawed ki to chandi hi ho gayi thi kyunki iske baad use ghodi ki lagaam pakdai ka bhi neg jo milne waala tha. Ghodi ke aate hi dhol waalon ne bhi dhol bajana shuru kar diya tha. Dhol ka bajna tha aur wahan naach gaane ki dhoom mach jaani thi. Saare dostr, rishtedaar sab jee bhar ke naach rahe the. Naachte huye sab GHURCHARI ke liye rawana ho gaye. Iske baad sab mandir mein pahunche jahan Ravi ne pooja prathna ki aur wapas wahan se ghodi par baith kar CHADATH shuru kar di gayi.

Isi tarah jhoomte naachte sab vivaah sthal par pahunch gaye jahan vadhu paksh unka besabri se intejaar kar raha tha. Darwaje par ribbon bandhe ladkiyon ka samuh poore dwar ko ghere huye khada tha jo aaj kamar kas kar aayi thi ki apne hone wale jiju ki jeb dhilli karke hi chodengi. Darwaje par baraat pahunchi to wahan Ravi ko ghodi se utarne hi nahin diya gaya. Saare dost aur rishtedaar naach rahe the masti kar rahe the. Khair jab bade bujurgon ne jor diya to dwar par rasmein poori huyi aur thali mein paise rakhkar ribbon ko kata gaya.

Ribbon katne ke baad sab rishtedaar andar pahunche lekin andar pahunchte hi Ravo bas apne parents, khas rishtedaaron aur doston ke saath hi reh gaya. Baaki sab baraati khane ke liye chala gaye. Thodi der mein KHET ka karyakram shuru huya jahan pandit ji ne saari vidhiyan sampurn karayi. Iske baad baari aayi varmaala ki jahan dulhan ko laaya gaya. Ek rounding stage sajayi gayi thi jahan varmaala honi thi. Us par jaane ke liye sidhiyan chadke jaana tha.

Dulhan ki entry huyi hall mein haath mein varmala liye to barbas sabki nigaahein usi ki taraf uth gayi. Jisne dekha bas dekhta hi reh gaya. Dulhan to kisi apsara ki tarah lag rahi thi. Ravi to bas dekhta hi reh gaya. Ek pal ko to wo soch mein hi pad gaya tha ki kahin wo sapna to nahin dekh raha. Itna haseen chehra aaj se uski aankhon ke saamne ab hamesha rahega.

Dono ko stage ke paas pahuncha diya gaya jiske baad dono varmala pakde dheere dheere seedhiya chadne lage aur Ravi pehle upar pahunch gaya jahan se wo doosri seedhi ki taraf aaya jahan se dulhan aa rahi thi to Ravi ne apna haath aage badhaya aur apni dulhan ka haath thaam liya. Haath thamte hi charon taraf seetiyan bajne lag gayi aur doston ne shor machana shuru kar diya. Ravi ne apni dulhan ka haath pakad kar upar kheencha to ek baar fir se seetiyan baj gayi aur dulhan ke chehre par ek sharm ki laali cha gayi.

Iske baad Ravi ne dulhan ke gale mein mala dali to saara vatavaran taliyon ki gadgadahat aur seetiyon ki awaaz se goonj utha. Iske baad dulhan ne varmaala dali to ek baar fir se vatavaran taliyon ki awaaz se gunj utha. Isi ke saath stage ghoomni shuru ho gayi aur stage ke dono taraf se gulab ke fulon ki var-vadhu par barsaat hone lagi. Dono ek doosre ki varmala pakde huye photographers ko pose de rahe the aur apne photos kheenchwa rahe the. Beech beech mein dono ki najrein milti to dono ke chehre par hi muskurat tair jaati. Thodi der mein stage ghoomni band ho gayi aur dono ko sab dost milkar neeche le aaye. Aur is tarah VARMAALA poori huyi.


To be continued....

 

[Ravi]

All are welcome in Ravi's Marriage

Kya koi bata sakta hai Ravi ki dulhan kaun hogi

1. Diya
2. Monika
3. Any other

 

[Mayaviguru]

All are welcome in Ravi's Marriage

Kya koi bata sakta hai Ravi ki dulhan kaun hogi

1. Diya
2. Monika
3. Any other

Bakchodi ki had hoti hai abe itna suspense ka chutiyapa to tv serial wale bhi nhi dete
Saari sharm bech khayi is writer ne
Ek kam bhi dhang se nhi kar sakta doob mar

 

[Guffy]

Direct 1 saal aage badha di story
Aur yeh dulhan kon hai
Ab dekho varmala toh ho gayi hai ab bata bhi do kon hai dulhan
Sab se jayada fayada toh jawed ka huwa mast neg mill gaya usko aur yeh sanju aaj kal bahot paise udane laga hai kya baat hai
Ab jaldi se suspense khatam karo aur dulhan ka naam batao phir bhi mujhe toh lagta hai diya hi hai dulhan lekin writer sahab hi jaane kon hai isliye jaldi bata dena waiting next