Romance Haal-e-Dil : Some Short Stories

[Aakash.]

Hello everyone.

We are Happy to present to you The annual story contest of XForum

"The Ultimate Story Contest" (USC).

---

Jaisa ki aap sabko maloom hai abhi pichhle hafte hi humne USC ki announcement ki hai or abhi kuch time pehle Rules and Queries thread bhi open kiya hai or Chit Chat thread toh pehle se hi Hind section mein khula hai.

Well iske baare mein thoda aapko bata dun ye ek short story contest hai jisme aap kisi bhi prefix ki short story post kar sakte ho, jo minimum 700 words and maximum 7000 words (Story ke words count karne ke liye is tool ka use kare — Characters Tool) . Isliye main aapko invitation deta hun ki aap is contest mein apne khayaalon ko shabdon kaa roop dekar isme apni stories daalein jisko poora XForum dekhega, Ye ek bahot accha kadam hoga aapke or aapki stories ke liye kyunki USC ki stories ko poore XForum ke readers read karte hain.. Aap XForum ke sarvashreshth lekhakon mein se ek hain. aur aapki kahani bhi bahut acchi chal rahi hai. Isliye hum aapse USC ke liye ek chhoti kahani likhne ka anurodh karte hain. hum jaante hain ki aapke paas samay ki kami hai lekin iske bawajood hum ye bhi jaante hain ki aapke liye kuch bhi asambhav nahi hai.

Aur jo readers likhna nahi chahte woh bhi is contest mein participate kar sakte hain "Best Readers Award" ke liye. Aapko bas karna ye hoga ki contest mein posted stories ko read karke unke upar apne views dene honge.

Winning Writer's ko well deserved Awards milenge, uske alawa aapko apna thread apne section mein sticky karne ka mouka bhi milega taaki aapka thread top par rahe uss dauraan. Isliye aapsab ke liye ye ek behtareen mouka hai XForum ke sabhi readers ke upar apni chhaap chhodne ka or apni reach badhaane kaa.. Ye aap sabhi ke liye ek bahut hi sunehra avsar hai apni kalpanao ko shabdon ka raasta dikha ke yahan pesh karne ka. Isliye aage badhe aur apni kalpanao ko shabdon mein likhkar duniya ko dikha de.

Entry thread 7th February ko open hoga matlab aap 7 February se story daalna shuru kar sakte hain or woh thread 25th February tak open rahega is dauraan aap apni story post kar sakte hain. Isliye aap abhi se apni Kahaani likhna shuru kardein toh aapke liye better rahega.

Aur haan! Kahani ko sirf ek hi post mein post kiya jaana chahiye. Kyunki ye ek short story contest hai jiska matlab hai ki hum kewal chhoti kahaniyon ki ummeed kar rahe hain. Isliye apni kahani ko kayi post / bhaagon mein post karne ki anumati nahi hai. Agar koi bhi issue ho toh aap kisi bhi staff member ko Message kar sakte hain.


Story se related koi doubt hai to iske liye is thread ka use kare — Chit Chat Thread

Kisi bhi story par apna review post karne ke liye is thread ka use kare — Review Thread

Rules check karne ke liye is thread ko dekho — Rules & Queries Thread

Apni story post karne ke liye is thread ka use kare — Entry Thread

Prizes

Position	Benifits
Winner	1500 Rupees + Award + 30 days sticky Thread (Stories)
1st Runner-Up	500 Rupees + Award + 2500 Likes + 15 day Sticky thread (Stories)
2nd Runner-UP	5000 Likes + 7 Days Sticky Thread (Stories) + 2 Months Prime Membership
Best Supporting Reader	Award + 1000 Likes+ 2 Months Prime Membership
Members reporting CnP Stories with Valid Proof	200 Likes for each report

Regards :- XForum Staff

 

[Mak]

~~ DEVOTED ~~
(Originally written by harshit1890 in XP contest.)​

Spoiler: ~~ DEVOTED ~~

" jab aaj tak koi andar nahi gaya to kaise pata ki ye ghar haunted hai ? "

" iske jawab dene ke tarike se "

" kya matlab ? "

" ye har baat ka jawab deta hai isliye... "

" tumhare kehne ka matlab ki ise koi sawal karo to ye ghar jawab deta hai ? "

" han.. "

" acha vo kaise ? "

" kahani sunna chahoge ? "

" beshak... uske liye hi to aya hun "

" kareeb 2 saal pehle ki baat hai, is gali mein aksar bache khela karte the, us din bhi vo bache khel rahe the, tabhi ball is ghar ke angan mein aa pahunchi jab dusra bacha ball lene aya to usne ball ke sath yahan ug rahe ek phul ko tod liya aur uske baad unme se ek bache ke kandhe ki hadi utar gayi "

" to ? "

" sabne socha khelte hue lag gayi hogi, par sab bache akhir tak ye kehte rahe ki achanak se khade-khade vo ladka dard mein cheekhne laga aur vahin gir kar behosh ho gaya "

" bekar kahani hai.. "

" tumhe ye kahani lag rahi hai ? "

" bilkul... "

" sach baton ki koi kahani nahi hoti , vo ek hakikat hoti hai, ye to bas ek shuruwat thi, iske baad to aise kayi hadse hue.. is hadse ke kuch waqt baad, ek joda is taraf
tumhari hi tarah yahan ghumne aya tha aur ghumte hue is ghar ke angan mein baith kar apne naye pyar ke khel ko rach raha tha lekin jante hai kya hua unke sath ? "

" nahi.. "

" ladki ne baton ke sath ek paudhe ki patiyun ko tod kar pura paudha ujad diya aur uske baad jo hua use aaj tak koi samajh nahi paya "

" aisa kya hua tha ? "

" us ladke ke purre sharir mein chale padh gaye aur akhir mein vo tadap-tadap kar mar gaya "

" aaj tak kitna kama liya logon ko bekawuf bana kar ? " mein hanste hue bola.

" tumhe ye sab mazak lag raha hai ? "

" tumhari kahani mein na to maza hai aur na hi koi sachai ? to mazak hi samjhunga na "

" tumne dekha nahi isliye aisa keh rahe hai "

" kya dekhun ? tumhari is kahani mein is ghar ke bhoot ko apne angan aur paid paudhon se bahut pyar hai isliye vo un-hi se badla le raha hai jo use nuksan pahuncha rahe hain "

" tumhe meri baat par yakin nahi hai khud dekhoge to samajh ayega ki sachai kitni bhayanak hai " itna keh kar vo mujhse thodi dur chala gaya.

" to kya bataya isne is ghar ke bare mein ? "

" google karne ke baad jaisa socha tha ye kahani use bhi jada fake nikli " mene rishi ko jawab dia.

" yani ana bekar ? "

" lo khud azma kar dekho " maria ko jawab dene se pehle budhe ne pathar meri taraf bada dia.

" iska kya karun ? " mene pathar lete hue pucha.

" sachai abhi samne aa jayegi, lekin dhayan rahe iske baad jo bhi hoga uske zimmewar sirf tum hoge " mein us budhe ko ek pal yun hi ghurta raha aur phir nishana sadhte hue khidki ki taraf faink dia. Pathar ne apna kaam kiya aur uppar floor ki khidki ka kanch todte hue andar chala gaya. Kareeb do minute tak mein aise hi khada raha aur jab laga ki is budhe ki kahani bhi internet par likhi kahani ki tarah nakli hai to mein uski taraf muda usi pal maria ki cheekh kano mein padi. Vo apni kamar par hath rakhe jor-jor se dard mein chillane lagi.

" kya hua ? "

" don't know par bahut dard ho raha hai " mene uska hath kamar se hataya to dekha uske hath aur top par khun tha. Mene fauran uska top uppar uthaya to paya ki ek ghav uski kamar par bana hua tha aur vahan se khun nikal raha tha. Rishi ne dekhte hi bag se medical kit nikal li. Mein totally confused tha ki jo ladki bilkul thik mere bagal mein khadi thi use achanak se ye chot kaise lagi ?

" mene kaha tha na ? par tum meri sachai ko kahani bata rahe the "

" Aur kya jante ho tum is ghar ke bare mein ? " maria ke sath hue hadse ke baad itna yakeen to ho gaya ki is kahani ke piche koi sachai hai jo aaj tak kisi ko nahi pata hai.

" sirf itna ki ye ghar khud se bahut pyar karta hai aur jab koi ise takleef deta hai to use uska anjam bhugtna padta hai "

" vo humne dekha lekin iske piche ki vajah kya hai ? " mere is sawal ke baad vo kuch nahi bola bas khada samne ghar ko ghurta raha. " kaun rehta tha yahan ? kya hua tha aisa yahan jo aaj tak is ghar ko khud se pyar hai ? " mene sawal badla is umeed mein ki jawab ayega.

" kisi ke pyar mein dhakal na hi do to behtar hota hai " usne behad chota jawab dia to mene agla sawal hi nahi kiya.

" thik hai, ye mein khud khoj lunga " mene pocket se kuch paise nikal kar uski taraf badaye to vo mujhe ghurta raha. " rakh lo "

" galti aur bevkufi mein jada farak nahi hota "

" baat to sahi hai lekin mein ye janna chahta hun ki akhir is ghar ko khud se kyun itna pyar hai ? aisa kya chupa rakha hai isne ? " mene uske hath mein paise rakhe aur maria rishi ke pas ja pahuncha.

" are you ok now ? "

" yes.. better .. "

" sure ? "

" yup "

" par tu to keh raha tha ki story fake hai to phir ye sab kaise hua ? " rishi bola.

" vahi to janna hai, agar maria ke sath aisa kuch nahi hua hota to mein kabhi andar jane ka nahi sochta lekin ab hamara janna banta hai ki iske piche ki kahani kya hai "

" ok then let's go " humne apna saman uthaya, us budhe ne ek bar phir jane se mana kiya par hum ghar ke darwaje par aa khade hue.

" andar kaise jayenge ? "

" khol kar dekh " mene rishi se kaha to usne darwaja kholne ki kosish ki lekin vo locked tha.

" samajh nahi ata ki har bar haunted ghar locked kaise hote hai ? " rishi ne use kandhe se mar kar kholne ki kosish ki, phir zor-zor se laat marne laga aur tab tak marta raha jab tak meri cheekh nahi sun li.

" kya hua ? " maria aur vo dono ek sath bole.

" pata nahi lekin aisa laga mere sar par piche se kisi ne bahut zor se mara ho.. " mein apna sar dard ki vajah se sehlane laga.

" tujhe bhi ? "

" rishi ye fault tera hai.. " maria boli.

" how ? "

" tune ghar ke locked gate ko nuksan pahunchane ki kosish ki isliye rajeev ke sath aisa hua "

" i am sorry rajeev... " rishi ko uski galti samajh aa chuki thi.

" its ok " mene sar sehlate hue kaha.

" lekin gate kaise kholenge ? koi dusra rasta dhundu ? "

" nahi "

" to phir kaise jayenge andar ? "

" jaise jaya jata hai.. " mein sar sehlate hue aage aya aur behad aram se gate par knock kiya. Knock karne ke kuch pal baad gate apne aap khul gaya. Darwaje ke is tarah khulne par hum teeno ko hi vishwas ho gaya ki is ghar mein jarur kuch hai, koi hai jiski khabar kisi ko nahi hai.

Andar itni khamoshi thi jo shayad andhere mein bhi nahi hoti jitni is ghar mein thi. Khamoshi jaise hamare kano mein dastak de rahi thi. Mene apni nazar ek bar piche ki, vo budha ab bhi vahin khada hume dekh raha tha.

" ye tujhe mila kaha se ? "

" yahin isi ghar ke pas se " itna kehte hue mene apne kadam andar rakh die aur hamare andar ghuste hi darwaja apne aap band ho gaya. Hamare liye ye koi nayi baat nahi thi lekin yahan kuch hone ke sanket hume mil chuke the.

Jaisa ki band ghar mein hota hai, pure ghar mein mitti pasri hoti hai yahan vaisa bilkul nahi tha, ghar bilkul saaf sutra tha. Humne har taraf ache se dekha aur hall ko dhayan se dekhne laga taki camera ko sahi jagah lagaya ja sake.

" fittings shuru kar do.... " mere kehne ke baad mein us hall mein aur rishi lobby ke dusre kone mein wahin maria ko uppar walle floor par bhej dia tha. Mein camera laga kar abhi niche utra hi tha ki mujhe rishi ke chillane ki awaz sunai di. Mein rishi ke pas pahuncha to vo zameen par pada hua tha, mene use sahara dekar uthaya.

" kya hua ? " itne mein maria sidiyan utar kar niche aa gayi.

" rishi bol... " par vo dard ki wajah se kuch nahi bol paya. Mein use hall mein laya aur chair par baitha dia, uska matha lal padh gaya tha, mene use pani pilaya tab jakar uske sharir mein kuch harkat hui.

" kya hua tha ? " use thik dekh mene pucha.

" camera laga kar mein vapis aa raha tha ki mujhe aisa laga jaise piche se kisi ne zor se dhakka dia ho, mera sar sidhe samne deewar se takra gaya.. "

" par aisa kaise ho sakta hai mene to kuch bhi aisa nahi kiya jo ? " mein bol kar ruk gaya aur maria ki taraf dekhne laga jo rishi ke mathe par dawai laga rahi thi. " maria ? "

" me ? no.. "

" to phir kaise ? " mein soch mein padh gaya ki jab humne ghar mein aisa kuch nahi kiya to is bar usne hume nuksan kyun pahunchaya ?

" one minute " maria ek dum se bol padi.

" what ? "

" mein uppar camera fit karne ke liye table par chadi tab mene zameen par pade ek toy ko pair se side kiya tha " maria ke bolte hi mein samajh gaya ki rishi ke sath aisa kyun hua.

" i am sorry rishi... meri vajah se... "

" carefully kaam karo.. is ghar mein jo bhi hai vo sirf tabhi koi action leta hai jab hum is ghar ki chiz ko nuksan pahunchate hai " ab hum teeno samajh chuke the ki is ghar ki kisi bhi chiz ko nuksan pahunchane mein nuksan hum mein se kisi ka hi hoga.

" par vo hai kaun ? "

" wahi khojne to andar aye hai aur yahan ane ke baad mera dhayan ek baat par gaya hai.. tum dono ne notice ki ? "

" kaun si ? " dono ek sath bole.

" kaka.... kahan reh gaye... kaka.. " achanak ek aurat ke chillane ki awaz ne hum teeno ko pause mode mein la khada kiya, awaz lobby se aa rahi thi isliye hamari nazar vahin ghum kar ruk chuki thi. " kaka... " jab usne dubara awaz lagai tab mein hosh mein aya.

" machine taiyar hai.. " meri baat sun kar rishi ne fauran machine nikali aur hum teeno lobby mein aa khade hue. Dil zoron se dhadak raha tha, mene rishi ki taraf dekha to usne na mein sar hila dia yani machine ne abhi tak kuch bhi detect nahi kiya tha.

" kahan chale jate hain ye ? har chote kaam mein inhe waqt lagta hai, kya karun mein inka ? " awaz ek daffa phir se ayi to hume samajh aya ki awaz lobby se nahi balki uppar ki taraf se aa rahi hai. Teeno ek hi jagah khade the, monitor abhi laga nahi tha isliye camere ki footage screen par nahi dekh sakte the isliye mene dhire-dhire apne kadam aage badaye aur sidiyun ke pass pahunch kar uppar ki taraf jhank kar dekha. Vahan koi nahi tha.. rishi aur maria mere sath aa khade hue.

" maaf karna bitya.. vo tumhari awaz bahar tak nahi suni mene.. " is baar awaz dusri thi aur uske sath usme fuli hui sansein shamil thi.

" apko sunai kab deta hai ? aur ye kya ? railing par apne gande hath kyun rakh liye abhi saaf kiye the na ? aapka mein kya karun " uski baat sunte hi hum teeno ek sath kuch kadam piche hat gaye kyun ki baat-cheet ke hissab se vo admi theek us jagah par khada tha jahan kuch pal pehle hum khade the. Yani vo aurat sidiyun ke uppar thi aur vo admi theek hamare samne lekin dikhai dono mein se koi nahi de raha tha sirf awaz hi sunai de rahi thi.

" maaf karna bitiya vo jaldi mein aya to thodi sans ful gayi isliye hath rakh liya.. tum fikar na karo mein safai kar dunga "

" thik hai... saaf ho jana chahie.. vaise kaam kahan tak pahuncha ? angan mein paudhe lage ya nahi ? "

" bas bitiya lagne vale hai "

" thik hai jaldi kaam niptaiye phir khane ki tayari karni hai. "

" ji bitiya.. " iske baad shanti cha gayi, kuch pal hum aise hi khade rahe, phir mein tez kadmo ke sath bahar wale darwaje ke pass aya aur use khol dia. Sham ke 5 baje the lekin bahar andhera tha jaise raat ke khane ka waqt ho gaya ho, mene darwaja band kiya aur laut kar lobby mein aya jahan rishi aur maria khade mujhse kuch sunna chahte the. Mene railing ki taraf dekha, jo railing kuch der pehle bilkul saaf thi uspar mitti ke nishan lage hue the.

" kuch aya ? " mene rishi se pucha.

" nahi... aur tabse mein isi baat ko lekar pareshan hun.. na koi sound detect hua aur na hi koi super-natural hone ka indication ? "

" machine kharab to nahi hai ? "

" impossible, machine bilkul thik hai par kuch detect nahi kar rahi jabki humne abhi abhi do mare hue logon ki baatein suni hai ? rajeev ye kaise mumkin hai ? "

" mein bhi samajh nahi paa raha hun.. bahar bhi sham ki jagah raat ho rahi hai.. "

" hume yahan rukna chahie ya chale jana chahie ? "

" mujhe nahi lagta ki hum aise jaa payenge "

" kyun ? "

" kyun ki shayad ab hum is kahani ke past mein mil chuke hai aur jab tak vo khatam nahi hoga tab tak shayad hum nahi nikal payenge, bahar raat hona is baat ka sabut hai "

" par hume vo past milega kaise ? "

" hume dhundna hoga.. yahan kya hua ? uske bare mein janna hoga ... abhi suni baat-cheet ke baad ye to tay hai ki yahan ek aurat aur uska naukar rehta tha "

" to ab ? "

" agar ye ghar hume apne past mein le gaya hai to thik hai.. hum bhi iske past ke sath chalenge.. kuch to milega hi.. " humne apna saman hall mein rakha aur shuruwat uppar se karne ki sochi kyun ki maria ke mutabik uppar kitchen ke sath do room the ek study aur dusra bedroom.

" dhayan se ana.. " mene rishi aur maria ko sidiyun par tut kar bahar ki taraf nikli hui lakdi se savdhan karte hue kaha.Mein jab sidiyun se uppar aya to dekha ki jo pathar mene fainka tha vo vahin pada tha jiske sath khidki ke tute hue kanch bhi pade the.

" mein study room check karta hun tum dono kitchen aur bedroom.. agar hume ye pata chal gaya ki un dono ki maut kaise hui to shayad hume unke bhatakne ki vajah mil jayegi. " mein study room check karne laga lekin mujhe aisa vahan kuch bhi nahi mila. Mene abhi ek show-piece uthaya hi tha ki rishi ki awaz sun kar mene use wahin rakh dia.

" kuch mila ? "

" ye mila hai "

" diary.. aisa kya khas hai isme "

" padh kar dekh " mene use padna shuru kiya tab samajh aya ki ye diary itni khas kyun thi .. uske andar sare pane khali the sivai ek pane ke jisme huba-hu wahi shabd likhe the jo abhi-abhi humne sune the, wahi baat-cheet jo abhi is ghar mein hui thi, us aurat aur kaka ke bich...

" tu kuch keh raha tha ki tune kuch notice kiya hai ? " rishi ke bolne ke baad mein hosh mein aya.

" mein ? han.. kya tumne ek chiz notice ki ? jo koi bhi is ghar ki kisi bhi chiz ko nuksan pahunchata hai uske sath ye ghar badla nahi leta balki uske sathi ke sath leta hai.. jaise ki vo joda ya phir vo bache.. ya phir hum teeno .. mujhe lagta hai ki shayad yahan kuch aisa hua tha " achanak meri nazar diary par gayi aur mein chup ho gaya. Eka-ek dairy mein shabd apne aap ubharne lage aur uske sath awazein bhi...

" pata nahi kahan reh gaye kaka... abhi tak khana bhi nahi bana.. kaka... aaj khana milega ya bhuka sona padega "

" aya bitiya... "

" har kaam mujhe karna padta hai, kaka ye pani phir band ho gaya, apne pani bhar kar rakha tha ya nahi "

" rakha tha shayad, yaad nahi.. ruko mein dekhta hu "

" yaad nahi ? umar ke sath apki budhi bhi kharab hoti jaa rahi hai kya ? "

" vo aaj kaam jada tha isliye yaad nahi hai bitya "

" ek kaam mein ghanto lagate ho aur keh rahe ho kaam jada tha ? yadash khatam ho gayi hai, khud bhi is dunia se khatam ho jao to sukun mile mujhe "

" tum fikar mat karo bitya mein lata hu pani. " baat-cheet phir band ho gayi. Kuch pal khade rehne ke baad rishi ne room mein lage camere ki recording check ki.

" hum logon ko kuch nahi mila hai abhi tak.. camera mein bhi kuch nahi hai.. aisa kaise ho sakta hai ki do super-natural powers apas mein baat-cheet kar rahi hai lekin na to unki koi jhalak camera mein aa rahi hai aur na hi hamari kisi machine mein "

" mujhe to yahi lag raha hai ki naukar ne us aurat ko mar diya hai aur us aurat ki hi ruh bhatak rahi hai aur shayad vo hume yahi dikhane ki kosish kar rahi hai.. uska maksad hume nuksan pahunchana nahi balki uske katil ko pakadwana hai.. "

" maria is right... kyun ki vo aurat saaf-safai ko lekar, kaam ko lekar naukar par chilati rehti thi shayad isliye naukar ne tang akar use mar dia " rishi ne maria ki baat ko aage badaya.

" agar aisa hua to use kisne mara ? "

" matlab ? " meri baat sunte hi dono ek sath bole.

" us aurat ke alawa uske naukar ki bhi awaz humne suni hai, agar naukar ne use mara to phir uski atma yahan kaise, vo kaise mara ? "

" tune hi kaha tha ki ye ghar hume apne past mein le aya hai to kya pata vo aurat hi hume dikhane ki kosish kar rahi ho? " rishi ke kehne ka ye matlab tha ki naukar sirf vo aurat apni kahani mein dikha rahi thi, asliyat mein vo mara hi nahi tha.

" ho sakta hai lekin phir bhi mujhe kuch aur hi lag raha hai. " jab diary mein kuch nahi likha aya to mene use band kar dia. Abhi hum us kamre se bahar nikal hi rahe the ki tabhi chillane ki awaz ne hum teeno ko dara dia. Awaz usi aurat ki thi jo zor zor se chilla rahi thi aur vo awaz hamare piche se hi aa rahi thi.

" kaka.. bachao mujhe... kaka.. " mene fauran diary kholi jisme ek baar phir shabd ubharne lage.

" bitiya.. ye aag.. hey bhagwan... aag kaise lagi... "

" kaka mujhe bachao.. kaka.. "

" tum fikar mat karo bitya mein kuch karta hun... " ghar mein gunjta shor band ho gaya. Diary ka vo panna bhar chuka tha jise dekh mene panna palta par vo khali nikla. Mein kafi der tak dekhta raha par kuch nahi hua tabhi mere dimag mein ek baat ayi.

" machine kuch bhi isliye detect isliye nahi kar rahi rishi kyun ki vo super-natural power is diary mein hai jisme na to koi sound hai na hi un dono ka koi physical existence "

" you are right .. " rishi bola.

" agar aisa hai to hume jawab kaise milenge " maria boli.

" jawab diary mein hai.. hume bas intezar karna hai, sahi jawab pane ke liye aur jab tak hume jawab nahi mil jata hume sirf ek baat ka dhayan rakhna hai, ghar ke kisi bhi chiz ko koi nuksan nahi pahunchana varna hamare sath kuch bhi ho sakta hai, ok ? " un dono ne han mein sar hilaya aur hum teeno niche ki taraf chal die. Mein sabse piche tha aur bar-bar diary khol kar dekh raha tha is umid mein ki shayad ab kuch aye bas isi be-dhyani mein mera pair kanch ke un tukdo ke sath-sath us pathar par padh kar fisal gaya aur mein aage ki taraf gira jiski vajah se mera dhakka rishi ko laga aur uska maria ko, sabse pehle maria giri jiska sar railing se nikal rahi lakdi mein ja ghusa aur rishi ka sar sidi ki ek paidi mein ja laga aur mein sidiyun par fisalta hua niche ja laita, sar se khun nikal raha tha ankhein dhundli ho gayi thi aur sharir kanp raha tha. Hath mein jo diary thi vo khul kar mere samne padi thi jispar shabd ubharne lage the par is baar awaz ke sath mujhe sidiyun par ek jhalak bhi dikhi jo ki mere liye dhundli thi par shabd bilkul saaf sunai de rahe the.

" Ek beti bhale hi apne baap ko naukar bana de lekin ek baap naukar ban-ne ke baad bhi use marta hua nahi chhod sakta, mein apni bitya se utna hi pyar karta tha jitna har baap karta hai chahe uske liye mein ek naukar se jada kuch aur nahi tha, uss raat mene use aag se to bacha liya lekin phir bhi use hamesha ke liye kho dia. Mene apni jaan dekar uski jaan to bacha li lekin meri laparwahi ne uski jaan le li.

Uppar ate waqt mujhse sidiyun par pani gir gaya tha, bitiya jab sidiyun par bhagti hui utarne lagi to uska pair pani par padne ki vajah se fisal gaya aur sidiyun par fisal kar uska sar fat gaya jiske baad usne vahin apni zindagi gawa di. Meri ek galti se meri bitya ki zindagi chin gayi, use bacha kar bhi mene use kho dia. Mein mar gaya, par meri galti nahi mari, mene apni beti ko kho dia lekin uske ghar ko hamesha aisa hi rakha jaisa vo chahti thi jitna vo is ghar se pyar karti thi mene uske jane ke baad is ghar ko usi tarah pyar dia taki mein uske pyar ko hamesha zinda rakh sakun, uske ghar ko zinda rakh sakun. "

" Han mein uske liye naukar tha lekin vo meri bitya thi aur ek baap ka pyar apni beti ke liye kabhi nahi marta chahe jete hue usne use naukar vali zindagi hi kyun na di ho, tum is ghar ki kahani janna chahte the ye hai meri aur meri bitya ki kahani, mene tumhe kaha tha ki agar tum logon ko kuch bhi hua to uske zimmewar tum hi hoge. " ankhon ke aage se ek pal ke liye dhundla pan hata to samne mujhe wahi budha dikhai dia jo mujhe ghar ke bahar mila tha, uske baad ankhein khud-ba-khud band ho gayi.

~~ THE END ~~​

 

[Mak]

"Dear Diary"
(Originally written by Shitansh in XP contest.)​

Spoiler: "Dear Diary"

15 september 2005
Dear Diary,
Today was such an awful day. Aaj mere semester ke results aaye. Aur mere 3 subjects me back lag gaye. Maine bahut mehnat ki thi par pata ni phir bhi kyu. Tum to jaante hi ho mera in sab me bilkul man ni lagta. Meri zindagi to sirf meri violin hi hai. Aaj maine sneha ko dekha, wo bahut khush lag rahi thi. mere ek dost ne bataya ki uska BF ban chuka hai. ek ladki jise maine first semester se pasand kiya aur do saal baad aaj wo kisi aur ki gf ban gayi. Kaash mai use keh pata par tum to jaante ho mujhe ladkiyo se baat krne me kitni sharam aati hai. Aaj ghar aane ke baad mom dad ne bhi bahut baate sunayi. I hope wo mera passion samajh paate. Khair I am happy i have you. Thankyou now I feel good.

19 september 2005
Dear Diary,
Today I am very happy aaj humare college me ek inter college music competition ki announcement huyi. Mai is competition ke through apne talent ko prove kar sakta hu. But ek problem hai is competition ki entry fees 2500/- hai. mere paas sirf 1500/- hai. aur papa mujhe is chiz ke liye kabhi paise ni denge. Khair koi ni I will manage it through my friends. Chalo ab i am going for practice. Thankyou my dear.

20 september 2005
Dear diary,
Today I want to thankyou my dear. Because of you I am alive today. Mere dosto ne meri madad karne se mana kar diya. Shayad maine dhang ke dost na banaye ho. Jab maine unse competition ke bare me bataya aur paise maange to unhone mera hi mazak udaya aur mujhe loser keh kar chale gaye. ghar aa kar maine papa se paise maange par unhone ne bhi mana kar diya aur gusse me mera violin bhi tod diya. Meri zindagi ko mujhse dur kar diya. Maine ye sab ke baad marne ka socha par jaise hi apne room me aaya mujhe tumhara khayal aaya. Aur mujhe meri zindagi me ek sacha dost hone ka ehsaas hua. Thankyou my diary for saving my life.

24 September 2005
Dear Diary,
Today our HOD introduced us to our new faculty. Wo humse jyada badi ni thi. Shayad 7-8 saal badi hi hogi. Unka masoom sa chehra aur sidha sadha dressing sense unki simplicity dikha raha tha. unka yahi simplicity unki personality me bhi dikh raha tha. par jab unhone padhana start kiya she was totally a different person. Wo bahut hi strict thi. apne pehle hi din unhone kayi students ki band baja di. Sab unse darne lage hai. i hope mera unse kabhi paala na pade. Just hope and Thankyou my diary.

26 September 2005
Dear Diary,
Today i got punished by our new faculty. oh i am sorry, maine tumhe unka naam ni bataya. Unka naam Melissa hai. yeah she is Christian. Unhone aaj mujhe dher saara assignment de diya. Aaj mai jyada kuch ni keh paunga aaj hume bahut jyada kaam hai. Bye and Thankyou my diary.

28 september 2005
Dear Diary,
Today i was feeling good. Humari nayi faculty Melissa ka ek alag hi roop dekhne ko mila hume. Aaj clg ke corridor me ghumte huye mujhe violin ki awaaz sunayi di. Wo bahut hi khoobsurat dhun thi. us music ne mujhe music room ki taraf jane ko majbur kar diya. Mai waha pahucha to darwaje se dekha. Melissa mam waha violin baja rahi thi. mai unhe sunta hi raha. Par achanak unhone mujhe dekha aur mai darr ke maare bhag gaya. Pata ni uske baad se music room se koi awaaz ni aayi. Par itne din ke baad violin ki awaaz sun kar mujhe acha laga. I am feeling good today. Thankyou my diary.

30 september 2005
Dear Diary,
Today I found a change in behaviour of Melissa mam. She was very good to me today even after i forgot my assignments. Unhone mujhe kuch ni kaha. Aur sirf ek muskurahat ke saath mujhe wapas bhej diya. Aaj bhi interval ke time mai music room ja kar unka music sun raha tha. unhone mujhe dekha jaise hi mai bhagne ko hua unhone mujhe bulaya aur andar aane ko kaha. Mai andar gaya aur unka music sunne laga. Wo ek bahut hi achi violin player thi. phir interval ke baad wo apne cabin chali gayi aur mai apne class. Aaj unke saath bitaye thode se pal mujhe bahut ache lage.

10 october 2005
Dear Diary,
Today I am feeling happy. Aaj maine aur Melissa mam ne bahut hi acha samay bitaya. Hum dono aaj lunch par bahar gaye the. Maine unhe treat di thi, wo bhut mana kar rahi thi par phir mere zidd ke karan maan hi gayi. Itne dino se unke music aur unke saath bitaye palo me hi hum kaafi nazdik aa chuke the. Mai roz music room ja kar unka violin sunta aur wo mujhe waha unka eklauta audience pa kar khush ho jati. Aaj lunch par humne kaafi masti ki unhone aaj apne bare me kaafi baate btayi. Wo ab humari strict Melissa mam ni balki meri friend thi. Aaj mai keh sakta hu ki main eek nayi dost banayi.

12 october 2005
Dear Diary,
Today i am little bit confused. Aaj Melissa mam ni aayi thi unhone mujhe bataya bhi ni tha ki wo ni aane wali. Aaj unke bina mera bilkul bhi man ni laga college me. Mai din bhar bas akele college garden par baitha hua tha aaj maine classes bhi attend ni ki. I really missed her very much. I hope she is okay.

13 october 2005
Dear Diary,
Today i was in relief. Aaj Melissa mam aayi thi. maine unke kal na aane ka reason pucha par unhone jyada kuch ni bataya. Aaj bhi mai music room ki taraf gaya tha. par waha mam ni dikhi maine idhar udhar dhunda unhe par wo ni mili. Mai unke cabin ki taraf gaya wo wahi par apne table par sar rakh kar araam kar rahi thi. Maine unhe dekha wo bahut hi cute aur khoobsurat dikh rahi thi. main kuch der unhe dekhta hua waha baitha raha aur phir chala aaya.

15 october 2005
Dear Diary,
Today I really got confused. Aaj teesra din tha jab Melissa mam music room ni aayi. Aaj bhi wo wahi apne cabin me araam kar rahi thi. Mai aaj wahi Baitha raha. Achanak se unki neend tuti mai unka haath pakda aur unhe apne saath khichte huye le jane laga. Wo raaste bhar puchti rahi ki kya hua kya hua par mai unhe ni bataya aur unhe sidhe music room le gaya. Waha unhe ek jagah baitha diya. Aur saamne rakha violin utha kar use play karne laga. Aaj mai bahut dino baad violin play kiya tha. Melissa mam wahi baithe huye mujhe dekh rahi aur unhone meri aankho me aae aansu dekh liye. Aur wo khade ho gayi phir mere paas aa kar pyar se mere gaal sehlate huye mujhe na karke roka. Maine unhe bataya ki mere aansuo ka karan unka mujhse do din baat na karna tha. Unhone muskura kar bas mujhe dekha aur mere gaalo par kiss kiya aur ‘idiot’ keh kar chali gayi. Aaj na jaane mere man me unke liye alag feelings aane lagi. Unhe na dekhu to mujhe acha ni lagta. Unse baate na karu to gussa aata hai na jaane aisa kyu hai. Is this love?

20 october 2005
Dear Diary,
Today I really got angry. Aaj Melissa mam phir bin bataye college ni aayi thi. Aaj mai college se bahar chale gaya apna man behlane. Mujhe unki chinta sata rahi thi. Mujhe kahi bhi man ni lag raha tha. mujhe sirf Melissa mam ki yaad aane lagi. Unka hi chehra har jagah dikhne laga. Mujhe wo bahut achi lagne lagi hai. mujhe unse pyar ho gaya hai. Mai janta hu wo humse badi hai par na jaane mujhe ye pyar kaise ho gaya. Shayad pyar ise hi kehte hai. Par unke bina aaj college bilkul suna suna sa laga. Mujhe gussa to aa raha hai par kya karu ye dil ni manta yaar unse gussa hou. Bhagwan unki madad karna i hope wo kal tak thik ho jaye. Kal unse kayi shikayate karni hai.

21 October 2005
Dear Diary,
Today I am feeling bad about myself. Mai bahut bura insaan hu. Aaj Melissa mam college aayi aur maine unhe gusse me kayi baate keh di aur pucha bhi ki wo kyu ni aayi. Unhone kuch na kaha aur sirf apne aansu lekar chali gayi. Mujhe bahut bura laga. Mai unse maafi maangna chahta tha par tab tak wo ghar ja chuki thi. Maine sham ko shehar ke bahar ek coffehouse gaya apna mood thik karne ke liye. Mai waha baitha hua tha ki maine suna waha ka manager ek ladki ko, jo wahi kaam karti thi, use chilla raha tha. maine mud ke dekha to mere hosh udd gaye wo koi aur ni balki Melissa mam hi thi. Wo chup chap us manager ki baate sun ro rahi thi. Mujh se ye aur na dekha gaya mai utha aur ja ke manager ko unka harjana de kar mam ko pakad kar apne saath le aaya. Mam bhi pehle shocked thi mujhe waha dekh kar. But ab meri zidd ke saamne wo kuch ni kar sakti thi. hum ek park gaye jaha unhone mujhe apne bare me bataya unki kahani sun mujhe bahut bura laga ki kyu maine un par aisa vyavahar kiya. Wo ek orphan hai aur kisi patient ki treatment ke liye paise jama kar rahi hai. Govt clg me professor ho ke unhe jyada paise to ni milte isiliye wo saath hi saath itne saare part time jobs bhi kar rahi hai. aaj unke is sachai se unki kadar aur bhi badh gayi hai. kal main apne behaviour ke liye unse maafi maang lunga aur apne pyar ka izhaar bhi karunga.

22 october 2005
Dear Diary,
Today i am feeling very shy. Aaj mai Melissa mam ko ghumane ke liye le kar gaya. Maine aaj puri taiyariya ki thi unhe propose karne ki. Par himmat hi ni juta paaya. Par aaj maine unhe apne kal ke bure bartaav ke liye maafi maang li. Aur unhone bade pyar se mujhe maaf bhi kar diya. Aaj humne ek dusre se kaafi baate ki ek dusre ke past ke bare me jana. Aur maine unhe unke hostel chhoda jate jate unhone mujhe cheeks par ek pyari si kiss di aur chali gayi. Wo pal yaad karke mujhe khud sharam aa rahi hai. Unke naazuk aur komala hontho ka sparsh. Bas wo pal wahi tham jata.

31 october 2005
Dear Diary,
Melissa mam ke saath waqt kaise gujarta hai pata hi ni chalta. Unki hasi unki baate sabne mere dimag par kaabu kar liya. Bas ab bahut ho chuka. Kal to tum jaante ho qa hai. Kal ke din mai unhe jarur propose karunga. God give me strength. I will confess her my feelings tomorrow.

1 november 2005
Dear Diary,
Happy birthday to me. Aaj ka din mai kabhi ni bhul sakta. Aaj wo chali gayi. Mujhse dur chali gayi. Is shehar ko chhod mujhe bina bataye chali gayi. Shayad yahi meri kismat hai. Jise chaha use kabhi paa ni sakta mai. Aaj mai unhe apna haal-e-dil baya krne ke iraade se college pahucha. Par wo mujhe dikhi ni. Maine unhe dhundte huye music room gaya waha ek box rakha huya gift wrap krke rakha huya. Maine use uthaya usme likha tha “For my Best companion”. Us gift me ek naya violin tha aur ek letter bhi. Aaj maine sab kuch kho kar khud ko paa liya. Aaj se meri life unka sapna pura karne ke liye hai. i will become a professional violin player. Par ye meri tum me aakhri entry hai. Thankyou for everything. Thankyou for being with me when i was low. Thankyou my diary. And here I am leaving the last words of my love. Good bye my diary.

“ You are the best person I have ever met in my life. Kaash mere paas tumhare saath waqt gujarne ko aur time hota. Mai jaanti hu tum mujhse pyar karte ho. Tum ne mujhe itna pyar diya par mai shayad tumhari feelings reciprocate ni kar sakti. Mujhe iske liye khud par kayi baar rona bhi aata hai par mai kuch ni kar sakti. Meri taraf se ye violin tumhara bday gift. I know aaj tumhara birthday hai aur mujhe tumhare saath ye din spend karna tha par.. chhodo i will pray to god tum hamesha khush raho. And apna passion kabhi mat chhodna. I know u will become an awesome violin player one day. Ho sake to apni is frnd ko apne dil ke ek kone me hamesha yaad rakhna. Good bye.”

Year 2025
Ek bahut hi bade concert hall me ek famous violin player ka bahut bada show ho raha tha. Us show ki saari ticket book ho chuki thi. Pura hall bhara hua tha. Tabhi show ke host us hasti ka welcome karte hai.

Host-“please put your hands together for Mr. Abhimanyu.”

Ye hai humare story ke hero jinki diary ke panne ab tak aap padh rae the. Backstage me Abhimanyu ek purane box se ek khubsurat sa violin nikal kar stage ki taraf aata hai. aur raaste bhar use Melissa ke sath bitaye huye pal yaad aane lage. Aaj usne Melissa ke sapne ko pura kiya tha. aaj wo ek professional violin player tha. Jab wo stage par pahucha to taaliyo ki gadgadahat se pura hall gunj utha. Usne apna show start kiya. Uska music start hote hi pure hall me shaanti chha gayi. Aaj usne wahi dhun bajayi jo Melissa use sunaya karti thi. Violin play karte karte uski aankho se aansu aane lage. Aur jaise hi usne apne haath roke pure hall me sabhi log khade ho kar use standing ovation dene lage.

Abhimanyu ne aankhe khol kar dekha. Usne dekha un sabhi log ke bich Melissa kahdi thi aur uski taraf muskurakar taali baja rahi thi. Abhimanyu ne apni aankhe mal ke dekhi to wo gayab ho chuki thi Abhimanyu samajh gaya ki ye uska bhram hai. Abhimanyu ne sabko thankyou kaha aur hall se bahar aa gaya aur chal diya apne ghar ki aur. Tabhi use ek call aaya. Usne call par baat ki aur apna raasta change kar dusri taraf jane laga. Wo kisi se milne gaya tha. Phir wo wapas ghar aa gaya.

Ghar pahuch kar wo apne room gaya aur apne almirah se ek bahut purani diary nikali. Use dekh wo mukuraya aur table par ja kar use khol kar us par likhne laga

1 november 2025
Dear Diary,
How are you? Its been 20 years we have met. I missed you. But it was necessary for me to get over my feelings to fulfil dreams of my love. You will always remind me of her. Aaj mai ek professional violin player hu. Maine unka sapna pura kar liya. Tum bhi bahut khush honge. Mai tumse kuch kehna chahta hu. Aaj mai Melissa se mila. Mere dost ne dhundh kar unka address pata kiya. Meri khushi ka koi thikana na tha. Mai apne dost ke saath unse milne pahucha. Par meri khushi unko dekh hi gayab ho gayi. Main unke liye unke fav roses le ke gaya tha par wo phool lene ke liye wo ni thi un phoolo ko mai unki kabr par hi rakh kar aa gaya. Yes, my friend, she left this world. She left me forever. Wo patient jiski wo madad kar rahi thi wo koi aur ni wo khud thi. she was suffering from a terminal disease. Unhone mujhe kabhi ni bataya taki mujhe pareshani na ho. Wo chup chap mujhse dur ho gayi taki mai khush rahu aur unhe yaad na karu. But the truth I still love Melissa. I love her. I miss her.


Itna likhne ke baad Abhimanyu ne apni diary band kar di aur use le ja kar apne almirah me rakhne laga par tabhi na jaane uske man me kya aaya usne apni diary uthayi aur apne room ke fireplace ke paas ja kar baith gaya aur us diary ko padhne laga aur akhir me Melissa ke letter ko padhne ke baad diary band ki aur ek lambi saans lene chhodte huye us diary ko aag me phek di.........................

 

[Mak]

THE IIT ROUTE
(Originally written by Romeo 22 in XP contest.)​

Spoiler: THE IIT ROUTE

ICU me pade us bejaan se vajood ko dekhar mere man me saikdo sawaal uth rhe hain... kaun hai iska jimmedar.......ye samaaj ?...hum aur aap??... ye system...?...kaun???.....Mai Raghav Chaterjee , peshe se ek school master hu.....Gaya (Bihar) ke ek chhote se gaon ke primary school me pichhle 30 saal se bachchon ko padhata hu......is samay subah ke 10 baj rhe hain aur mai kota (Raj) me ek Hospital ke emergency ward ke bahar baitha hu...ICU me jo shakhs leta hai ,wo mera hi ek student hai..Sanjeev....mere sabse honhaar students me se ek.

Kuchh samjh nhi paa rha hu.....Kya galat ho rha hai ki itni si umr me aaj ka yuva itni ghor nirasha me doobta jaa rha hai....sabkuchh hote huye bhi wo kyun akela hota jaa rha hai..kuchh to galat ho rha hai...par ho sakta hai mai is nayi peedhi ko nhi samjh pa rha hu.....ek generation gap hai..

"kaha hai mera Sanjeev...??"..ek lady roti huyi huyi isi or chali aa rhi hain...Gaurds ne unhe ICU ke bahar hi rok diya...shayad ye sanjeev ki maa hain...unke thik pichche ek sajjan hain..jo lagatar unhe samjhane ki kosis kar rhe hain..aur aad me apne aansu bhi ponch le rhe hain...ye Sanjeev ke pita jee hain...mai whi unse thodi door par baitha kabhi un dono ki or dekh rha hu aur kabhi ICU ke us paar , unki toot’ti "ummeed" ko...

Sanjeev hamare poore distict me first aaya tha us saal..aur uske turant baad yha taiyari karne aa gya....uska man tha ya nhi,mujhe nhi pata..lekin aksar kahata tha
"sir papa chahte hain ki mai IIT pass karu..."..mai kuchh jyada nhi kahta..kyuki ye hamare bharat ki sanksriti me hai...har baap apne sapne apne bete ki aankho se dekhta hai...mere khyaal me 2 saal ho gaye the use yha aaye.

Phone par kabhi kabhi us se baat hoti thi...mai usse puchhta - kaisi chal rhi taiyari...wo uljha sa jawab deta- “Sir, English me padhaate hain sab kuch..thodi dikkat hoti hai..par mai kosis kar rha hu.”...mai bhi samajh sakta tha...ek gaon ka padhaa likha ladka,chahe kaisa bhi I.Q rakhta ho..thodi paresani to hogi use jab kisi All India competiton me jaayega ..khaskar medium ko lekar...aajkal sabkuch English me hi padhate hain, bade Coaching me.

Apne hi ek jaroori kaam se mai kota aaya tha.... 3 din pahle yhi kota me hi mila tha mai sanjeev se.....usne bataya ki 1-2 din me result aane wala hai....maine use Aashirwaad diya aur All the best kaha....wo paresan tha, mujhe lag to rha tha..par result ki tension kise nhi hoti...mai Sanjeev ki manah sthiti ko samajh nhi saka.

Shaam ke koi 7 baje the,mai train par baith chuka tha ghar wapas aane ke liye tabhi mujhe sanjeev ke phone se call aayi...shayad call list me number dekhakr kisi ne call kiya tha....aur uske baad kal raat se mai yhi hospital me uske saath hu...

Haan, ek ladki hai..jo mere aane se pahle se yha thi..aur wo bhi tabse yhi padi huyi hai...shayad is waqt washroom me hai...aane ke baad se lagatar ro rhi hai......puchha maine par kuchh thik thik bataya nhi usne..shayad "dost" hai sanjeev ki...

Sanjeev ke mummy papa kabhi Dotcors ke aage hath jod rhe hain to kabhi tasbeeh ke daane lekar dua kar rhe hain...dawa ya dua,kuchh kaam kar jaaye..Sanjeev wapas laut aaye...Aur mai.....!!!....mai whi atka hu abhi tak...kaun hai iska jimmedar...??..kusoor kiska hai ???.

Wo ladki washroom se bahar nikali aur aakar mere bagal me baith gayi.... raat bhar jaagne aur rone se aankhe ekdam laal ho rhi hain uski ....use dekhkar Sanjeev ki mummy uski or chali aayi.....
"tum...tum kaun ho beta....??"
"Sanju ki classmate..."ladki ne rundhe gale se kaha..

"mera Sanjeev thik ho jaayega na......"Sanju ki maa ne badi aas se puchha...jawab me ladki ke aankho se aansu nikal gaye aur usne dheere se haan me sar hila diya..

"Master sahab aap yha...?" sanjeev ke papa bhi aa gaye...

"jee..kuchh kaam se aaya tha yhaa......kl sanjeev se baat huyi thi meri....to shayad ye sab hone par kisi ne uske phone me mera number dekh call laga diya...mai yhi tha to aa gyaa..."..maine sanchhipt sa jawab diya.

"aap le aaye use yha...??"

"nhi..mai railway station se seedha hospital aaya..coaching ke kuch log aur ye ladki saath the us samay......Peehu naam hai iska...sanjeev ki classmate hai...."

“hme kal sham ko phone aaya...bataya ki sanjeev ne.......” Sanjeev ke papa ka gala bhar aaya...

“kisi tarah intjaam karke flight ka ticket karwaya....ye kya kar liya isne...?...”

Mai kuchh nhi bola...

Sanjeev ki mummy ro rhi thi....hum sab chup the....kuchh kahne ko nhi bacha tha...subah ke 11 baj gaye the.... kisi ne kuchh nhi khaya tha...us chhoti si ladki par taras aaya mujhe...

"kuchh kha lo bahar jakar.." maine kaha, wo kuchh nhi boli aur sar jhukaye baithi rahi..maine fir kuchh nhi kaha....thodi der baad mai hi use bahaana karke bahar le aaya....
"mujhe sar dard ho rha hai , chalo bahar jara chai pee lete hain...".....wo chuchap chalne lagi, mai uske pichhe aa gya.

hospital ke pichhe ki or lagbhag aadhe kilometre ki doori par ek tapari thi..hum udhar hi chal diye...

maine jabrdasti karke chai aur biscuit ka ek packet use bhi thama diya aur khud bhi chai lekar saamne rakhe bench par baith gya....bahut kahne par us ladki ne 4-5 biscuit khaye aur chay pee...maine use ek aur chay dila di..aur khud bhi le li...

"kuchh bata sakti ho....kal kya hua tha..."badi himmat jutakar maine kaha....vaise to coaching walo ne bataya tha ki result negative aane se depression me suicide attempt kiya hai sanjeev ne, par mai uske muh se sun na chah rha tha...

"kal sham ko 7 baje result aaya....result ke pahle hostel ka mohol bahut tensed ho jata h...last year jinka nhi hua hota wo to aur bhi tension m hote hain...last attempt hota h......"

"hmm...Sanjeev ka bhi nhi hua tha pichhle saal.....fir???." maine ek sip li aur use bhi chay peene ko kaha..

"jee......result ka pata chalte hi maine Sanju ko call kiya..usne phone nhi uthaya...fir maine kayi baar call kiya..par usne phone nhi uthaya...mai bhagti huyi uske hostel pahuchi..wo apne room me baitha ro rha tha." itna kahte kahte wo ladki rone lagi...kuchh der baad wo chup huyi , par mujh me himmat nhi thi kuchh aur puchhne ki..thodi der wo nhi boli ,fir bataane lagi...

"maine usko chup karane ki bahut kosis ki...wo mujhse kuchh baat bhi nhi kar rha tha...bas roye jaa rha tha...fir thodi der baad wo bola - "Peehu, nhi hua yaar " ..aur mere gale lag kar jor jor se rone laga...maine use bahut samjhaya...lagbhag 2 ghante tak mai uske saath rahi..usko bola bhi ki abhi mere saamne papa ko call kr do..par usne saaf mana kar diya...aur mujhe bhi jaane ko bol diya..."

"maine mana kiya par usne mujhe buri tarah se daantkar jaane ko kaha....mai chali aayi...lekin har aadhe ghante par jakar chupke se jhank aati.......is baar thoda late ho gya shayad....mai thodi jaldi jaati to shayad sanju..." wo ladki fir se rone lagi..

Maine apni chay fenk di..aur usko chup karane laga...wo mujhse lipat gayi...

“Maine kaha tha sanju se, exam to ho gaye hain...ab to bas result aana hai , ghar chale jaao......par wo nhi gaya...shayad wo nhi chahta tha ki result aaye to wo apne papa ke saamne ho....”

"Uncle, hum kosis to karte hain na...nhi hota to kya karen..”...ek aisa sawaal jo usne mujse nhi har un maa baap se kiya tha, jinke bachche aajki is andhi race me unse hi door hote jaa rhe hain.

Wo bolna suru huyi to fir bolti hi gayi....

"Papa chahte hain mai AIPMT clear karu,Sanju ke papa chahte hain wo IIT clear kar,lekin papa kabhi ye kyu nhi puchhte ki hum kya chahte hain......mummy phone karti hain to ye nhi puchhti beta khana khaya ya nhi, mummy puchhti hain beta test me number achche aaye ya nhi.....mummy kabhi nhi puchhti beta neend aati hai ki nhi, mummy puchhti hai raat me thik se padhti ho ki nhi.”

“sabkuchh chhod kar hum yha aa jate hain......is jail me....aur fir ek 3 ghante ke paper me maut aur jndagi ka faisla ho jata hai...ye galat hai na Uncle.......is se jyada keemat to honi chahiye na hamari life ki....." wo rote huye bole jaa rhi thi...

komal man ki vyatha bahar nikal rhi thi...kuchh sahi tha,kuchh galat......thodi nadani aur dher saari nirasha.....itni si umar me itni maansik peeda......ye to kahi se sahi nhi tha.

Mai badi mushkil se use chup kara kar hospital me wapas le aaya.....ek do baaar kaha ki ab to sanjeev ke parents bhi aa gaye....tum hostel wapas chali jao....par uska whi kahna tha...jab tak sanju ko hosh nhi aayega mai nhi jaungi.Sanjeev ke parents abhi bhi whi ICU ke saamne baithe the...hum bhi bagal me jakar baith gaye.

Peehu ne bataya mujhe ki jab wo aakhiri baar sanjeev ke room me jhankne gayi to wo bistar par ulta pada tha, darwaze ki kundi andar se band thi aur uske muh se jhaag nikal rhi thi....wo rone lagi aur usne daudkar warden ko bulaya aur fir sablog use lekar yha hospital me aa gaye...

Sanjeev ke kamre se suicide note mila tha....jo us police inspector ke paas tha.... Inspector ne peehu ko dikhaya tha ki handwriting Sanjeev ki hi hai na... Peehu ne letter poora nhi padha, wo padh hi nhi saki.....haan,ye bata diya ki hadwriting Sanjeev ki hi hai.
Maine bhi usi samay ek nazar us letter par dali.......mushkil se 4-5 line likha tha....

"Papa , maaf kar dijiyega.......mai aapka achcha beta nhi hun.......mujhse nhi ho paya...sorry papa.....mummy aapki bahut yaad aa rhi hai....roj aati hai...mummy , mai jaa rha hu...mujhe maaf kar dijiyega...peehu tum mujhe bahut achchhi lagti ho, I love you...kash mai tumhe kabhi bol pata.....maaf kar dena mujhe...
I m Sorry Papa..... I Quit..."

letter nhi bas ek note tha wo..suicide note...wo sab baaten jo wo kahna chahta tha..lekin jeete jee shayad kah nhi pata..

Mera man bahut bhari ho rha tha....shiksha ka uddeshya to jeevan ko ek nyi disha dena hota hai, lekin ye kaun sa rasta hai jo maut ki or lekar jaa rha hai... IIT Route..!!!... man me yhi ek sabd aa rha tha......nhi, is IIT Route ka matlab sirf IIT se nhi hai.......ye IIT Route to ek jaal hai ,andhi prtispardha ka jaal... jisme har wo masoom fans rha hai jikse apne use is Route par akela chhod dete hain...ye wo Route hai jo sapne to khubsoorat bhayisya ke dikhata hai , lekin le jata maut ki gahri neend ki or hai...

Apne vicharo ke bhawar me uljha mai chupchap sar jhukaye us bench par baitha hu..Dr abhi abhi ICU se bahar nikle hain.....sab log ro rhe hain....chhoti si Peehu ki sooni aankhe mujhe dukh de rhi hain........Sanjeev hmesa ke liye jaa chuka hai,.. ye IIT Route mere Sanjeev ko nigal gaya hai, aur naa jane kitno ko nigal jaayega.

Mai ghar waapsi ke liye train me baitha hu..man bahut dukhi hai.....
Wo sukukmar komal man, jise is khubsooarat duniya ke rango se khelne ka har hak hai, ek samajik kuntha ka shikar ho dam tod rha hai.......kyon inka koi apna inse nhi kahta ki ye IIT Route sirf ek rasta hai, eklauta rasta nhi... sirf ek chhota sa sapna hai,sapno ka ant nhi.......ye IIT Route zindagi me ek chhota sa padav hai, poori zindagi nhi.

Peehu ka wo sawaal , “Uncle hum kosis to karte hain na, kya karen nhi hota to...”..mere paas iska koi jawab nhi h, kyuki iska jawab sirf uske wo apne de sakte hain jinke liye wo is IIT Route par chal rhi hai.

Meri is kahani ko lagbhag 10 saal ho gaye the.....maine ek chhota sa NGO suru kiya ,naam tha IIT Route...is kahani ko ek documentry ka roop diya gaya.... students ko moral support karne ke liye pradesh sarkar ne ek students anti-suicide cell suru kiya ...kayi saari coaching me bhi anti-suicide cell banayi gayi thi..

mai apne star par prayas karta raha.....lekin sanjeev ka wo nistej chehra aur us Peehu ki wo udaas aankhe, man me ek ghaav kar gayi thi..kuchh ghav waqt ke saath bharte nahi , aur gahre ho jaate hain... waqt beet’ta gaya....mera swasthya thik nhi rahta tha....maine ab school jana band kar diya tha.

Aaj 82 saal ki umar me ek govt hospital me pada mai shayad apni antim saanse gin rha hu....kisi specialist surgeon ko bulaya gya hai....bypass surgery karni hai......aisa hi kuchh doctor kah rhe the mere bete se..

Haath pair bhi nhi hila paa rha hu mai....Man bahut ghabra rha hai...

“Sir ”
Kaano me ye aawaz padi.... mere muh se aawaz nhi nikal paa rhi ...seene me tej dard ho rha...badi mushkil se jor dekar aankhe kholi.....Saamne ek lady doctor khadi thi..

“IIT Route se mai bach gayi thi sir...papa dusre din hi aakar mujhe le gaye the wha se..” bade utsaah se kah rhi thi wo...

“shayad aapne pahchana nhi, mai.......Peehu.......whi IIT Route wali.”

Mere hotho par halki si muskaan aa gayi aur aankho me thoda sa pani.....mujhe yaad aa rha tha...Kota se aate samay maine peehu se uske papa ka number liya tha....
Maine unse nivedan kiya tha ki wo aakar peehu ko le jaayen,

“Uski kismat me jo ban’na hoga wo ban jaayegi lekin ye IIT Route, ye ek din use bhi nigal jaayega.......apne bachcho ko Sapne dekhne ki aajadi dijiye , unhe khud se door mat kijiye....jaane kitne sanju aur peehu apno se door hokar bahut door chale jaate hain....jab unhe hamari jarurat hoti hai to hum unke paas nhi hote....wo paas ho jaayen to hum bahut khus hote hain, lekin agar wo fail ho jaayen to..???.... kya zindagi khatm hai unki..??...nhi na....”

“Jo mummy papa kal tak jis sanju ke liye sabkuchh hote the, aaj whi Sanju un mummy papa se apni nakaami kahne ki himmat nhi kar paata...mummy papa se dar lagne lagta hai use.....kyuki ye IIT Route hme hamaare apno se alag kar raha hai...akela kar rha hai....please Peehu ko is IIT Route se bacha lijiye...aakar use yha se le jaaiye...”..

Bas yhi kaha tha maine .

Maine peehu ko dekha aur sukoon se aankhe band kar li...Mujhe khusi thi , ek peehu ko mai bacha paya...


Operation theatre ki lights jal gayi hai..... mujhe injection diya jaa rha hai...Peehu ne vishwaas ke saath mere haatho ko dheere se dbaa diya...sabkuchh thik hoga,shayad yhi khana chah rhi ha...mujhe yakeen hai sab kuchh thik hoga...... mai nahi bhi rha to koi gam nhi....umeed hai ye suruwat bahut door tak jaayegi...ye IIT Route jarur band hoga...

THE END​

 

[Mak]

Apooran
(Theme: Sometimes Love Can Baffle You)

(Originally written by Faceless Love in XP contest.)​

Spoiler: Apooran

Rashmi ne bus mein chadne ke liye gate ko tatolate huye abhi hath badaya hi tha 1 hath ne use tham liya. Rashmi ko yeh sab achha nahin lagta tha. Aankhein na hone ke baavjood woh cheezon ko mehsoos karti huyi kaam karti thi lekin jab koi us par is tarah daya dikhata tha to use bahut gussa aata tha. Woh apahij ban kar nahin jeena chahti thi. Use sahanubhooti nahin balki samaaj mein sammaan chahiye tha. Woh aankhein na hote huye bhi kuchh kar ke dikhaana chahti thi jisse uski yeh kamzori uski taaqat ban jaaye.

Ghar se nikal kar chalte huye kuchh dooori par pundit ka jaanboojh kar zor-zor se ghanti bajaana taki Rashmi ko pata chal jaye ki saamne mandir hai aur use is baat ka andesha ho jaye ki kis taraf mudna hai ya phir nukkad par chai wale ka oonchi aawaaz mein radio lagana taki use agle modd se 50 kadam ke faasle par bus stop ka ehsaas ho jaaye, is tarah ki madad Rashmi ko buri nahin lagti thi lekin kisi dwara uska hath pakad kar madad karna use andhi hone ka ehsaas dilaata tha use bahut gussa aata tha.

Bus mein chadne mein uski madad karne ke baad bhi us hath ne use chhoda nahin tha joki Rashmi ko kaafi ajeeb laga. Woh hath use apne sath-sath kheenchta huya 1 jagah jaa kar ruk gaya. Use us insaan se perfume ki bheeni-bheeni mehak aa rahi thi. Rashmi ne apni stick se mehsoos kiya ki wahan seat khali thi aur woh hath chhod kar wahan beth gayi.

Maa-baap ne kitne pyar se uska naam Rashmi rakha tha, Suraj ki kiran jo saari duniya mein ujaala karti hai lekin uska durbhaagya dekho ki 8 saal ki umar mein aisi beemaar huyi ki aankhon ki roshni kamzor hone lagi aur dheere-dheere duniya andheri ho gayi. Uske liye ab na koi din tha aur na hi raat. Woh ab doosron ki mohtaaj ho gayi thi. Agar kabhi khud koi samaan uthaane ya chalne ki koshish karti to kisi cheez se takra jaati thi. Lekin usne himmat nahin hari aur andh vidyalaya se apni padayi jaari rakhi thi. Ab woh 1 aatam-nirbhar yuvati ban gayi thi. Aankhon par laga kaala chashma aur hath mein pakadi stick hi uske sathi bhi the aur uski pehchaan bhi.

Raaste mein aksar koi na koi uski sahayata ke liye tayyar ho hi jaata tha magar yeh use bilkul achha nahin lagta tha. Aaj bhi yahi huya tha. Tabhi uski manzil aa gayi. Abhi Rashmi jaane ke liye uthi hi thi ki phir usi hath ki chhuan use apne hath par mehsoos huyi. Us insaan ne phir se uski bus se utarne mein sahayta ki thi. Us hath ke sparsh se use andaaza ho gaya tha ki yeh hath kisi purush ka tha lekin na to zyada sakht tha aur na zyada naram.

Sham ko jab Rashmi bus mein chadne lagi to phir se wahi hath uski hath ko chhoota huya uski madad karne ko tayyaar tha. Yeh Rashmi ke liye chaunkaane waali baat thi. Wahi subah wali baat sham ko bhi dohraayi jaa rahi thi. Us insaan ne phir se khali seat tak pahunchane mein uski madad ki thi. Jab woh bus se utarne wali thi to wahi hath use bus se utarne bhi gaya.

Rashmi ke liye yeh sabse alag baat thi. Uske mann mein 1 darr bhi ubhar aaya tha ki kya koi us par nazar to nahin rakhe huye tha. Is khayaal se woh ekdam ghabra si gayi. Pehle to usne socha ki ghar par bata de lekin phir socha ki shayad yeh 1 din ka sanyog hoga isliye apne mann ko shaant kar diya.

Doosre din usne bus ka horn sunte hi jab chadne ke liye hath badhaya bheed ke kaaran use dhakka laga. Woh girne hi wali thi ki 1 hath ne use sambhaal liya. Yeh wohi hath tha jisne kal subah aur sham uski madad ki thi. Aaj Rashmi ko taajjub bhi tha aur gussa bhi. 1 to woh waise hi kisi ki madad lena pasand nahin karti thi oopar se roz 1 hi insaan uska hath pakad kar use bus mein chadne utarne mein madad kar raha tha.

Rashmi ka yeh darr waajib bhi tha kyunki aaj ki duniya mein agar koi kisi ki bina wajah madad kare to log usko moorakh hi kahenge ya phir usse darne lagenge. Rashmi ka dil bhi ab darne laga tha lekin woh hath use khali seat par bitha kar phirse chhoot gaya tha aur jab woh apni seat se jaane ke liye uthi to us hath ne phir se uski bus se utarne mein madad ki thi. Ab rashmi me. soch hi liya tha ki agar who hath sham ko uski taraf badha to woh zaroor mazaa chakhayegi.

Shaam ko jab woh bus stop par khadi thi to use lag raha tha ki uske paas koi hai. Bhagwaan ne chahe usse aankh ki roshni chheen li thi lekin uski mehsoos karne ki shakti badha di thi. Aksar woh aane wale khatre ko pehle hi bhaanp leti thi. Jaise hi bus wahan ruki phir wahi hath uski taraf lapka aur bheed se use bachate huye use khaali seat par bitha diya. Wohi halki si perfume ki mehak uski saanson mein tezi se utar gayi. Roshni gusse mein to thi lekin kuchh keh nahin saki. Woh bheed ke saamne tamaasha nahin banana chaahti thi isliye usne intezaar karna hi munasib samjha.

Jab bus se utarne ki baari aayi to use jis baat ki aashanka thi wahi huya. Phir se wohi hath ne uska hath pakad kar use bus se utara to Rashmi gusse se boli, ”Kyun mere peechhe pade huye ho? Agar kal se mera peechha kiya to dekhna.” Itna keh kar gusse mein woh palat kar chal padi. Use yaqeen tha ki ab woh dobara nahin aayega. Akele safar karte huye woh aise lafangon ne nipatana jaan gayi thi.

Agle din Rashmi ne jab bus par chadne ke liye hath badhaya to use woh chhuan mehsoos nahin huyi. Na aaj us hath ne use sahara diya aur na hi kisi ne use bus mein chadaya. lekin aaj woh aaraam se bus mein sawaar ho gayi thi. Halanki bus mein shor tha jisse who andaaza laga sakti thi ki bus mein bheed thi lekin use aage jaane mein mushkil nahin ho rahi thi. 1 jagah par jaate hi use rukne ka ehsaas huya. Usne apni stick se mehsoos kiya to use khaali seat mil gayi thi. Woh apni safalta par bahut khush thi. Use lag raha tha ki woh bina kisi madad ke apne kaam karne mein kaamyaab huyi thi. Lekin use abhi bhi woh halki si sugandh apni saanson mein utarti mehsoos ho rahi thi.

Rashmi ko laga ki aadami shayad uske aas-paas hi tha. Phir usne us baat ko veham chhod kar dimaag se nikaal diya. Filhal woh isi baat se khush thi woh bina kisi sahare ke aaj bus mein chad aur utar sakti thi. Aaj uske raaste apne aap saaf ho rahe the. Baaki kaam to khair woh apne aap kar hi leti thi magar aaj ke din ne us mein 1 nayi safurti la di thi.

Kuchh din aise hi guzare magar na jaane kyun Rashmi ko yeh ehsaas ho raha tha ki us par koi nazar rakhe huye hai. Kabhi-kabhi use wohi halki si mehak apne aas-paas se aati mehsoos hoti jise woh chaah kar bhi apne zehan se nikaal nahin pa rahi thi.

1 din woh bus mein bethi huyi thi ki uski sath wali khaali seat par koi aa kar beth gaya. Abhi mushkil se 5 minute hi beete honge ki usne apna hath Rashmi ki jaangh par rakh diya jisse woh buri tarah chaunk gayi. Usne jhat se us hath ko hataya to usne Rashmi ka hath pakad liya aur apna hath uske jism ke phiraane wala hitha ki Rashmi ko 1 zordaar tamaache ki aawaaz sunayi di.

Bheed ka dhayaan uski taraf khincha aur us aadami ko thodi bahut pitayi ke baad bus se baahar phenk diya gaya. Tabhi koi aur uske sath aa kar beth gaya. Rashmi buri tarah seham gayi thi aur kaampne lagi thi. Sath betha vyakti shayad yeh bhaanp gaya tha. Usne turant apna hath Rashmi ke hath par rakh diya tha. Rashmi hairaan thi ki yeh to wohi madad wala hath tha jise usne us din daant kar bhaga diya tha. To kya woh abhi bhi uski madad karta tha? Kya wohi itni bheed mein uske liye raasta banaata tha? Kya wohi uske liye seat bhi khaali karwaata tha? Aur to aur uski hifaazat ke liye us par nazar bhi rakhe huye tha. Woh apni pehchaan chhupa kar uska itna khayaal rakh raha tha aur Rashmi ko iski khabar bhi nahin thi? Rashmi abhi huya waaqye se dari to pehle hi huyi thi. Isi darr mein usne us hath ko mazbooti se thaam liye. Us insaan ne apne doosre hath se Rashmi ke hath thapthapa diya, jaise keh raha ho, “Ghabrao mat. Main hoon na.”

Rashmi ko is baat ki bahut tasalli thi. Bus ruki to woh utarne ke liye uthi. Aaj se pehle woh hath Rashmi ko thaame huye aage badta lekin aaj Rashmi uska hath mazbooti se pakad kar uske peechhe-peechhe chal rahi thi. Use woh apna rehnuma mehsoos ho raha tha. Bus se utar kar Rashmi uski taraf mudi. Uske munh se apne aap “Shukriya” nikla aur 1 pyari si muskaan uske honthon par aa gayi. Raaste bhar woh aaj ka waaqya sochti rahi aur muskurati rahi. Aaj 1 anjaani si khushi ne uske dil par dastak di thi. Pata nahi yeh ehsaas kya tha? Lekin jo bhi tha, bahut achha tha.

Agle din Rashmi bus ke darwaaze par khadi thi lekin aaj usne hath nahin badaya tha. Woh dekhna chahti thi ki kya aaj bhi woh insaan uske liye aata hai ya nahin. Tabhi 1 hath ne uske hath ko pakda jise mehsoos karke Rashmi ke honthon par phir se wohi muskaan phail gayi. Ab jaise use iski aadat pad gayi thi. Wohi perfume ki halki si mehak ko Rashmi ab apne andar samaa lena chahti thi.

Kal sham ke us haadse ke baad Rashmi ko us shakhs ki zaroorat zyada mehsoos hone lag gayi thi. Aaj woh shakhs Rashmi ke sath betha tha. Use ab us shakhs par bharosa tha. Rashmi ne muskurate huye phir se kaha, "Shukriya." Lekin koi jawaab na paa kar woh bechain ho uthi. Woh uski aawaaz sun-ne ko taras rahi thi. Use laga ki kahin yeh shakhs goonga to nahin.

Usne chehkate huye apna hath badaya, "Hi! I'm Rashmi."

Tabhi use apne hath par 1 sparsh anubhav huya. Us shakhs ne hath milate huye apna naam btaya, "Mukesh".

Apne madadgaar ka naam aur aawaaz sun kar Rashmi gadgad ho uthi thi. Khaamoshiyon ke jungle se nikal kar woh baatooni shehar aa chuki thi. Mukesh bhi uski baaton ko dhayaan se suna karta tha. Use uski vinamrta aur nape-tule lekin pyar se bheege shabdon ka sangam Rashmi ko apni taraf kheench raha tha.

Baaton hi baaton mein Rashmi ko yeh pata chala ki Mukesh ne paas hi 1 office mein abhi kuchh din pehle hi join kiya tha aur Rashmi aur uske office Ki timing 1 hi thi to woh usse roz milta tha. Mukhesh se baat karke Rashmi ko bahut achha laga tha. 1 ajeeb si kashish thi uski aawaaz aur uski baaton mein. Rashmi ko jeene ka 1 bahaana mil gaya tha. Khushi ki 1 sukhad lehar uska mann bhigoti rehti thi. Use ab apni koi hosh nahin thi. Ghar se nikalne se pehle woh poochhne lagi thi, "Maa, main theek to dikh rahi hoon na?"

Usne kabhi bhi apne banaav-singaar par dhayaan nahin diya tha lekin achaanak se uska mann hilore khaane laga tha. Woh aksar sochti ki Mukesh kaisa dikhta hoga. Halanki use rang-roop se koi sarokaar nahin tha lekin woh apne mann mein khayaalon ki cheekni mitti se uski andekhi moorat banaati aur phir dhah deti.

Bachpan mein suni kahaaniyon ya apni theek aankhon se dekhe nazaare aaj bhi uske sapno mein the. Woh dekh bhi to sirf khawaabon mein hi sakti thi. Khawaab mein woh khud ko 1 rajkumari mehsoos karti jo poore chaand ki roshni mein safed ghode par sawaar ho kar aata tha aur use baadalon ke paar apne desh le jaata tha. Woh us rajkumar ko Mukesh ki shakal Dena chahti thi jisse uske apooran jeewan Ki bhi is kahaani ki tarah pooranta mile.

Bus ka intzaar karte waqt use Mukesh ka hi intzaar rehta aur bus se utar kar phir milne ki talab. Bus mein seat par baith kar bhi woh Mukesh ka hath nahin chhodti thi. Uski ungaliyon mein apni ungaliyaan phassa kar yoon hi bethi rehti lekin abhi tak use Mukesh ki taraf se is tarah ka koi ishaara nahin mila tha. Woh aksar Rashmi ke aisa karne se sakpaka jata aur jaldi se hath chhuda leta.

1 din Rashmi ne uske kandhe par sirr rakh diya to Mukesh ne kandha uchka kar ghabraate huye kaha, "Kya kar rahi ho? Log dekh rahe hain." Uske is tarah kehne par Rashmi muskura bhar di thi lekin kuchh sharma bhi gayi thi ki usne yeh kya kiya tha aur agli baar aisa kuchh na karne ka waada bhi kiya tha.

"Agar 1 minute ke liye bhi bhagwaan meri zindagi mein ujaala karde to main apne is madadgaar ko dekhna chahungi", 1 din bus mein bethe huye Rashmi ne kaha aur apna hath uske chehre ki taraf le jaa kar tatolane lagi. Apne hathin ke sparsh se woh apne mann mein Mukesh ki adhuri moorti ko saakaar kar rahi thi.

Aaj Mukesh ne pehli baar use yoon chhoone diya tha warna har baar woh ghabra jaata tha. Rashmi ko lagta tha ki koi uljhan use aage badne se rokk rahi thi lekin Rashmi ko pehli baar koi aisa mila tha jo us par daya nahin dikhaata tha balki jiska sath use achha lagta tha.

Rashmi ki zindagi ke andhere canvas par Mukesh 1 brush ki tarah aaya tha jisse woh mann chaahe rang bharne ke sapne dekhne lagi thi. Ab use girne ki chinta nahin thi, use koi bachaane wala mil gaya tha. Use kho jaane ka darr ab nahin sataata tha kyunki use gum hone se pehle hi khojne wala uske aas-paas tha. Is rishtey ka naam woh samajh chuki thi. Pyar ka 1 alag ehsaas jo usne pada ya suna tha, ab mehsoos kar rahi thi aur us pyar ka naam tha- 'Mukesh'.

1 shaam bus aur mukesh ka intzaar karate huye use perfume ki halki mehak apne paas mehsoos huyi to usne hath badaya jise Mukesh ne thaam liya. Rashmi ko yeh mehak aajkal Mukesh ki gair-haaziri mein bhi mehsoos hoti thi. Jaise yeh mehak baahari nahin balki andarooni thi jo Rashmi ke dil ke andar khile huye gulaab ki thi jiska chehra Mukesh jaisa tha.

"Aaj mera kahin ghoomne ka mann kar raha hai. Mujhe beach par le jaoge?", Rashmi ne is tarah poochha jaise use pata tha ki Mukesh mana nahin karega. Mukesh ne taxi rukwaayi aur dono us mein beth gaye. Beach par chahal-pehal se dooor tehalte huye samandar ki lehron ka shor Rashmi ko bahut achha lag raha tha.

"Mukesh! jab meri aankhon ki roshni chali gayi thi, tabse hi meri maa ko fikar hone lagi thi ki ab mera kya hoga? Main apni zindagi kaise guzaar paungi? Lekin kehte hai na bhagwaan ne har kisi ke liye koi na koi banaya hi hai. Mujhe bhi lagta tha ki mere maa-baap mujh jaisa hi koi apahij mere palle baandh denge. Shayad main iske liye tayyaar ho bhi jaati lekin tum meri zindagi mein aa gaye. Ab mujhe aankhon ki darkaar nahin. Meri kami ko poora karne ke liye koi aisa hi insaan to chahiye taki agar main kahin girr bhi jaau to woh bhaag kar mujhko pakad le. Meri apooranta ko koi saksham hi pooran kar sakta hai, koi apaahij nahin. Mukesh! Mujhse shaadi karoge?", Rashmi aaj apne dil ki baat kehti huyi uskse hath ko chhoo kar uske jawaab ka intzaar karne lagi. Uski muskuraahat uske chehre ki khoobsurat ko aur badha rahi thi. Use andaaza tha ki Mukesh mana nahin karega.

Ret par bethe huye uske hath par Rashmi ka sparsh jahan pehle use achha lag raha tha, wahin uski baat sunkar achaanak se usne apna hath hata liya jisse Rashmi ke ki muskaan gayab ho gayi.

"I'm sorry Rashmi, bura mat maan-na lekin yeh sambhav nahin. Yeh sach hai ki main tumse pyar karne laga hoon lekin tumhare sapne sach nahin kar paunga. Main tumse shaadi nahin kar sakta", Mukesh ki aawaaz mein 1 afsos tha lekin yeh Rashmi ko mehsoos nahin ho paaya.

"Oh! To tum bhi baaki logon ki tarah hi nikale? 1 andhi ladki se humdardi to kar sakte ho lekin use apna nahin sakte. Duniya chaahe kitni bhi khudgarz kyun na ho lekin main tumhe unse alag samajhati thi.", Rashmi ke dil mein ab pyar nahin gussa tha jo uski zubaan ko kadwa kar raha tha.

"Main majboor hoon Rashmi", Mukesh ne ahista se kaha.

Uski yeh baat sunkar Rashmi tilmila uthi, "Majboor? 1 ladki ke sath ghoom sakte ho lekin shaadi nahin kar sakte. Isliye ki woh andhi hai? 1 apaahij hone ka dard tum nahin samjhoge. Tumhara jism theek hai na isliye."

Rashmi uthi aur chal padi lekin rukk kar peechhe mudti huyi boli, "Tumhe kasam hai agar aaj ke baad mere peechhe aaye to ya mere aas-paas aane ya mujhe chhoone ki bhi koshish ki. Kasam hai tumhe." Rashmi akeli hi taxi ki talaash mein chal padi. Uski aankhon mein aansoo thamne ka naam nahin le rahe the lekin kisi tarah woh ghar pahunch hi gayi thi.

Agle din woh phir se bus stop par khadi thi lekin akeli. Itne dino tak Mukesh ki aadat hone ki wajah se use pareshaani hone lagi thi. Tabhi 1 hath uski taraf badha, "Aao beti". Yeh kehte huye usne Rashmi ki bus mein chadne mein madad ki. Ab Rashmi bhi khud ko apaahij mehsoos karne lagi thi. Girte-padte 1 seat use bethne ke liye mil hi gayi thi.

Ab to yeh roz ka kaam ho gaya tha. Rashmi ko koi na koi sahara mil hi jaata tha jo uski bus mein chadne ya utarne mein madad karta tha. Zyadatar 1 hath jo use "aao beti" keh kar pyar se bus mein chada deta tha. Mukesh ke liye uska gussa kam nahin huya tha. Kitna khudgarz nikla tha woh. Pehle-pehal to use yaad kar ke Rashmi ke aansoo bhi nikle the lekin ab uska gussa nafrat mein badal gaya tha. Lekin uske baad use kabhi bhi Mukesh ke paas hone ka ehsaas nahin huya tha naa hi woh mehak use mehsoos huyi thi.

1 shaam woh yoon hi bus ke intzaar mein khadi thi. Aaj use kuchh der ho gayi thi. Shayad baahar andhera bhi ho gaya tha. Tabhi use apne kandhe par 1 anjaana hath sarakta mehsoos huya, " Us langde ke saamne to bada uchhalti thi. Us din to use tujhe bacha liya, aaj kaun bachaayega?" Itna keh kar woh shakhs use dabochane laga tha. Rashmi ka itne din ka gussa aaj us par phoot gaya. Woh stick se us par tabadtod vaar karne lagi. Itne prahaar ke baad uski stick toot gayi aur woh shakhs 1 ghaayal saanp ki tarah usse lipatne laga.

"Thehar badmaash", 1 oonchi aawaaz ne uska dhayaan apni taraf kheencha. Yeh usi budhe ki aawaaz thi jo aksar Rashmi ki madad karta tha. Shor machta huya dekh woh bhaag khada huya. Shayad use us din ki maar yaad aa gayi thi.

"Tum theek to ho beti?", usne Rashmi ko sambhaalte huye kaha lekin Rashmi ka dhayaan apne se zyada us lafange ke alfazon ki taraf tha.

"Main theek hoon uncle. Lekin woh badmaash kisi langde ke baare mein baat kar raha tha. Kaun sa lagda uncle?", Rashmi ne chaunkte huye poochha.

"Woh tumhare sath jo ladka aata tha na?, Uski baat kar raha hoga. Bechaare ki 1 taang nakali jo thi. Kya huya aajkal dikhayi nahin deta?", budhe ne Rashmi se poochha magar Rashmi ke paon ke neeche se to zameen khisaki padi thi. Mukesh ne kabhi bhi apni akshamta ka zikar bhi nahin kiya tha. Rashmi se koi jawaab nahin ban pad raha tha.

Bus aate hi budhe ne use bus mein bithaya to aaj Rashmi khud ko aankhon se hi nahi balki soch se bhi viklaang mehsoos kar rahi thi. Usne Mukesh ko shareer se swasth samajhte huye usse woh sab baatein ki thi. Lekin uske vichaar jaan kar Mukesh ne uske shaadi ke prastaav ko nakaar diya tha. Uske baad woh uske paas kabhi bhi nahi aaya tha. Aata bhi kaise? Rashmi ne kasam jo de rakhi thi.

Rashmi aaj bhi roz bus stop par uska intzaar karti hai ki shaayad woh aaye, uska hath pakde aur zindagi bhar ke liye na chhode. Lekin woh abhi bhi nahin aaya hai. Rashmi ne kasam jo de rakhi hai. Rashmi ko abhi bhi uska intzaar hai lekin shaayad woh bhi yah jaanti hai ki ab woh uski kasam todd kar nahin aayega. Uski yaad hi ab Rashmi ki apooranta se sampooranta ki taraf le jaane ke liye kaafi hogi.

 

[Mak]

Kaisi Ye Mohabbat
(Originally written by nain11ster in XP contest.)​

Spoiler: Kaisi Ye Mohabbat

"Koi khabar mili kahan hai"

"Nahi maa, har jagah dhund liya par kanhi nahi mili"

"Pata nahi kis haal me hogi meri bachi, kahan hogi"

"Shant ho jao maa, mil jayegi jaldi he"

College ke liye 3 din pahle nikli thi Asmita, ab tak koi khabar nahi. Bechari maa apni bachi ke na laut pane se padesan thi, pure ghar wale har sambhaw usse dhundne ki kosis kar rahe the.


4th day 20 Sep 2011


"Saurav aaj char din ho gaye, teri bahan laut kar nahi aayi. Kahan hogi, kanhi wo"...

Jab kisi ki koi khabar nahi ho, to mann me hazar sawal hote hain. Iss waqt maa, Nirmala Devi ke mann me bhi apni beti ko lekar hazar sawal the. Sidhe-Sidhe bechari kah bhi nahi pa rahi thi, par Saurav sab samjh raha tha.

Saurav :- Main ek kaam karta hun maa, police station me report likhwa deta hun. Aakhir kab tak hum iss baat par parda dalte rahenge.


Din ke 12 baje, City Police station, Amritsar


Inspector :- Aap ki report darj ho gayi hai, aap bhi apni taraf se kosis jari rakhiye, hum bhi chhanbin karte hain.

Saurav :- Sir, eklouti bahan hai meri, kahin usse kuch......

Inspector :- Apne sawalon ko viram dijiye, kyonki iss waqt kahna muskil hoga ki kya hua tha. Waise sari baton ka jikr to kar hi diya hai, par ek sawal ka jabaw dijiye.. "Kya uska aafair kisi ke sath chal raha tha"

Police ke iss sawal par thodi si chuppi ke baad Saurav jabaw dene laga.... "Main confirm nahi hun inspector saab. Ek baar mujhe laga tha aisa par meri bahan ne nakar diya iss baat ko".

Inspector :- Thik hai aap ja sakte hain, koi suchna mili to iktalla kar diya jayega.


24 Sep 2011 . 10pm, Saurav ke ghar


Dinner table par baithe sare ghar ke sadsya, Asmita ki koi khabar na mil pane se chintan kar rahe the, tabhi ghar ki ghanti baji, Saurav ne jaise hi darwaja khola Police ki ek tukri ghar ke ander ghusi.

Saurav :- Inspector saab baat kya hai, itni raat gaye, sab thik to hai na.

Inspector :- Hum yanha aap ke he case ke silsile me aaye hain. Hawaldar, Saurav ke kamre ki talaashi lo.

Saurav :- Inspector saab, meri bahan ab tak mili nahi hai, hum sab log padesan hain, aur aap usse dhundne ke bajay mere kamre ki talaashi le rahe hain. Ye laga kya rakha hai aap logon ne.

Inspector ne Saurav ke hath me search warrent dekar kahne lage "don't worry, sab case se related ho raha hai, dekh lijiye search warrent.


12 baje, 2 ghante ki talaashi ke baad


Sari sandigdh aur case se juri chijon ko police ne apne kabje me liya. Kuch tasveer jo halawaldar ne inspector ke hatho me diya, wo usse Saurav ko dikhate huye..

"Kyon Mr. Saurav, aap ne to kaha tha ki aap apni bahan ke affair ke bare me confirm nahi hain phir ye tasveeren"

Saurav ne bhi sari tasveeren dekhi, tasveer ko dekhte he aschrya se Saurav ki aankhen khuli ki khuli rah gayi, tasveer me uski bahan Asmita kisi ladke ke sath thi, aur ye aisi tasveeren thi jo koi bhai to nahi he dekhna pasnd karta.

Saurav :- Sir, ye tsveeren kahan se aayi mere kamre me mujhe kuch pata nahi. Aur Asmita iske sath....

Inspector :- Mr. Saurav aap ko apni bahan aur iss ladke ke katal ki yojna banane, iss ladke ka katal karne aur apni bahan par janlewa hamla karwane ke jurm me giraftaar kiya jata hai. Aap ko jo bhi kahna hai wo ab police station me kahiyega.


27 Sep 2011 case ke sunwayi ka din


Saurav ki adalaat me peshi hui, aur sarkari wakil court ki kraywahi ko aage badhate huye apni dalil pesh karne laga..

"Hujur, Saurav Verma nihayat hi gusse wala aur sanki kism ka insaan hai. Makhtool Ravi Singh in ki bahan Asmita Verma ka premi tha. Katal se pahle Saurav makhtool se mil bhi chuka tha, aur apni bahan ke sath prem prasang me sanlipt paye jane ke chalte, usko college me dhamiki bhi de chuke tha, "ki yadi makhtool ne inki bahan ko nahi chhora to wo usse jaan se maar dega"

"Bawjood iske dono milte rahe, inhone apni bahan ko bhi kayi baar mana kiya, lekin wo bhi nahi mani, aur gusse me aakar Saurav ne dono ko marne ki yojna banayi. Asmita kisi tarah bach gayi, par bechra Ravi inske gusse ka sikar ho gaya. Case aaene ki tarah saaf hai hujur, main court se appeal karunga ki mulzim ko iss ghinauni wardaat ke liye fansi ki saza di jaye"

Paksh aur vipaksh ke wakilon ki bahas hoti rahi, lekin case me tab naya mor aaya jab Asmita katghare me aayi. Apni bahan ko dekh, bas nam aankhon se Saurav abhi ye jan'ne ki kosis kar raha tha ki aakhir wo itne din thi kahan, aur ye sab kya ho raha hai.

Par Asmita ki ankhon me sirf nafrat aur gussa bhada tha apne bhai ke liye, aur katghre me uske bayan aur police ke dwara pesh ki gayi saboot, jisme Sauarv ka had se jyada gussa, apni bahan ke prati bewajah shaq karna, Ravi ko college me sabke samne dhamki dena, mauka-e-wardat par Saurav ke samano ka milna, chaku par ke Saurav ungliyon ke nisan, Wardat ki jagah par paye gaye baal ka Saurav ke dna se match karna.

Saurav ke khilaf itna majboot sabooton ko pesh karne ke baad, sunwayi ke pahle din he faisla bhi ho gaya. Sarav bas poore mamlon ke dauran yahi kahta raha ki wo bekashoor hai, par toot tab gaya jab uski pyari bahan ne uske khilaf gawahi di. Phir ek sabd nahi nikla Saurav ke muh se. Judge ne apna faisla sunate huye Saurav ko umr kaid ki saza di.

Saurav ko saza ho gayi. Ghar ke sare log Saurav ke iss kand ke liye nafrat bhari nigahon se dekh rahe the, wanhi court me baithi ek ladki kone me ro rahi thi aur saza hote he, roti huyi bahar bhag gayi.

Court se nikalte he Saurav apni jaan Manisa ko rote huye dekha. Saurav ek pal ke liye wahan ruka, aur Manisa ko dekhte huye, "tum mera viswas karo, mujhe phasya ja raha hai, maine kuch nahi kiya"

Manisha roti huyi Saurav ke gale lag gayi aur roti he rahi, Police Saurav ko lekar aage badh gayi. Manisa aur Saurav ki shadi ko poora ek din bhi nahi huye the, jab Asmita shadi ki agli subah apne doston ko reception party ke liye invite karne college gayi thi, aur ye sara mamla hua.


Lagbhag 5 mahine baad, feb 2012, jail me Manisa aur Saurav ki mulakaat.


Manisa roti huyi apna dard bhi nahi kah pa rahi thi, Saurav usse dilasa dete huye..... "Chup ho jao Manisa, ye bure din bhi kat jayenge"

Manisa roti huyi :- Jaan, aap ka intzar to aakhri saans tak kar sakti hun, par ghar ke logon ka kya. Tang aa gayi hun main nafrat bhadi nigaah jhelte-jhelte, har waqt unke tane mujhe pal-pal maar rahe hain, main kya kroon aap hi batao.

Saurav apni priyasi ke aankhon ke aanshu ko pochhte huye, "waqt ho gaya hai chalta hun, apna khyal rakhna aur halaat ka samna karna"


1 march 2012, jail me Manisa aur Saurav ki mulakaat


Mainisa :- Jaan ab saha nahi jata, main wo ghar chhor kar ja rahi hun. Unki nafrat ki wajah se main mar rahi hun, ab bardast nahi hota.

Saurav :- Tum kahin nahi jaogi Manisa. Main ab sab samjh gaya hun ye sab Asmita ka hi sara kiya dhara hai. Suno iss musibat ka hume milkar samna karna hoga. Tum ek kaam karo aaj apne wakil Ram Kisan ji se milna aur unke sath kal mujh se milne aana.


2pm, Advocate Ram Kishan office


Ram Kishan :- Aaieye Manisa ji, kaisi hain aap.

Manisa :- Sari haalat to jante hi hain.

Ram Kishan :- Sorry Manisa ji, main kuch nahi kar saka. Saurav ke khilaf itne majboot case tha ki main usse bacha nahi paya.

Manisha :- Isme aap ki kya galti, jisne kiya wo to khusiyan mana rahe hain. Main bas ye kahne aayi thi, ki unhone aap ko kal jail me milne bulaya hai.

Ram Kishan :- Thik hai main pahunch jaunga.


2 March, jail me Ram Kishan, Manisa aur Saurav ki meeting


Saurav ne Ram Kishan ko tatkalik isthiti se awgat karya, aur apni patni ke sath ho rahe atyachar ki kahani sunayi. Ram Kishan ne phir poori baat Manisa ke sabdon me suna, aur Manisa roti hui apna dukhra sunati rahi.

Mamle ki gambhirta ko dekhte huye Ram Kishan ne ek sujhao diya...

"Dekhiye Saurav ji, yadi mamla aisa hai to Manisa ka haq dilwana aap ka pahla kaam hai. Kai aise kanooni niyam hai jiske tahat yadi Manisa uss ghar se gayi to aap ki sari samptti aap ke bahan ke hath lag jayegi. Meri maniye to jitni jald ho sake sare legal formalities puri kar ke aap apni sari chijen Manisa ke naam transfer kar dijiye. Paitrik sampatti ka to phir bhi thik hai, par compnies, bond aur share ke mamlo me jaldi kijiye nahi to aap ko phasane wale jeet jayenge.

Saurav :- Thik hai Ram Kishan ji, mere sath galat hua hai par main apni patni ke sath nahi hone dunga, aap sare legal document taiyar kar ke sari faormalities puri kar dijiye.

Sari baton par sahmati hone ke baad Ram Kishan nikale, ek baar Manisa ne apne jaan ko dekha, ab sayad dono ka ruk pana muskil tha, dono bas ek dusre se lipat kar rone lage aur waqt ki mar par thoda sa malham lagaya.


8 March 2012, Holi se thik ek din pahle, Saurav ke ghar


Jor se chillati hui Asmita apne mom-dad ko niche bulaya. Asmita ka chillana itna tej tha ki Manisa bhi hall me aayi.

Papa :- Kya hua Asmita ?

Asmita :- Papa aap ke bete ko itna karne ke baad bhi chain nahi mila. Manisa ke naam apna ghar ke batware ka notice aaya hai.

Maa roti hui :- Is ladke ne kya-kya din dikhane hai hume. Sab iss manhush ladki ke karan ho raha hai. Jis si din se iske kadam iss ghar me pare hain, tab se ek raat hum chain se nahi so paye. Isse dhakke mar kar ghar se bahar nikalo abhi.

Holi ka samay tha, ass-pados log, apne pariwar ke sath chuttiyon me the. Ghar se aa rahi rone aur chikhne ki awaz par kuch padosi bhi ikattha ho gaye the ab tak.

Manisa :- Mujhe aap sab mar hi kyon nahi dete. Tang aa gayi hun main roj-roj ke tano se. Shadi to aap logon ki hi marji se hui thi, to mujhe kyon dosh de rahe ho. Sara kiya dhara aap ki iss ladli ka hai. Property ki lalach me issi ne apne bhai ko phansayi hai. Aur ab aap sab iski baton me aakar issi ka sath dene lage.

Asmita roti hui :- Dekha na mamma ye kaisi baten kar rahi hai, kitna pyar karti thi main apne bhai se, aur badle me kya kiya usne, mere pyar ka khoon kar diya, uss din nahi bhagti to main bhi aaj jinda na hoti.

Nirmala Devi bilkul gusse me aati hui, Manisa ke bal ko khinchti usse gate ke bahar tak jabardasti le jane lagi, Manisa bas roti itna kahti rahi "ye mere pati ka ghar hai, please daya karo mujh par, mujhe mat nikalo. Wo bas mujhe mujhe yanha se jane ke liye kah de main chali jaungi".

Lekin Manisa ke kisi bhi aansu aur zazbaat ki koi parwah kiye bina, uski saas usse khinch kar bahar nikalne par tuli thi. Gahma gahmi kaphi badh gayi wanha ki, aur bhi log jut gaye iss tamasa ko dekhne.

Unke ek padosi ne bich bachao karte huye, Manisa ki baton ka samrthan kiya, aur sabko samjhane lage... "Dekhiye aap sab ye achha nahi kar rahe hain, kuch bura yadi hua hai to isme iss ladki ka kya kasoor, aap aise isse nahi nikal sakte. Jisne galti kiya wo to saza bhugat hi raha hai, aap iss bechari par zulm kyon kar rahe hain"

Manisha ki saas uske baal ko chhorti, chhilati huyi kahne lagi .... "Dur ho ja manhus meri najron se" phir apne pati ko sambodhit karti hui, "iss manhus ko ek tinka bhi nahi milna chahiye, pure ghar ko aag laga kar ye akeli maze karegi" aur anth me jama logon par barsti hui... "Tum sab tamasa kya dekh rahe ho, nikal jao mere ghar se".

Manisa, apne saas se chhutne ke baad bina kahin ruke, roti huyi sidha apne kamre me chali gayi. Idhar sare pariwar ke log apni kismat ko kos rahe the, ki unhe ye din bhi dekhna par raha hai.


9 March 2012, holi ki subah ke 10am baje


Rang ke tyohar me sarobar mohalle ke log khusiyan mana rahe the, tabhi Sourav ke ghar se ek tej dhamaka hua. Ye dhamaka gas cylender phatne ka tha. Sourav ke ghar ke sath-sath unke lage makano ko bhi kaphi nuksan pahuncha.

Dhamake ki awaz ne sabko chuka diya, kaphi dur tak ye awaz suni ja sakti thi. Saurav ke upar ka floor lagbhag khatam ho gaya tha. Rahat itni thi, ki Saurav ka pura pariwar aur sath me Manisa bhi bahar lawn me he the. Ek matr hadsa jo hua, kitchen me gayi naukrani nahi bachi.

Log jama ho chuke the, police bhi ghatna asthal par pahunch chuki thi, aur cylender phatne ka karan puchh rahi thi.

Cylender kaise phata ye to kisi ko bhi nahi pata tha, lekin kal huye iss ghar ke jhagde ko jan'ne ke baad police ko sajis ki bu aayi. Inspector ne mamle ko gambhirta se liya, holi ke ek din purw huyi ghatna ke bare me ek-ek kar ke sare sadsyo se puchh-tachh bhi kiye.

Padosiyon ka bayan, samptti se jura mamla, aur Manisa se nafrat, kahani ko saaf bayan kar rahi thi, lekin Police koi bhi action lene se pahle sare mamlon me pakka saboot dhund rahi thi, kyonki unhe bhi pata tha gusse me koi bhi kisi ko jaan se marne ki dhamki de deta hai. Dusri baat ye, wakai koi hadsa tha ya sazis rachi gayi thi, kyonki gas ki badbu failne ke baad koi itna bewkuf nahi ki marne ke liye aag jala de.

Police ne sare ghar ke sadsyon ko hidayat dete huye kaha ... "Jabtak mamle ki poori chhan-bin nahi ho jati koi bhi sadsya yanha se kanhi nahi jayega"

Police apni hidayat dekar chali gayi, aur pura ghar sok me dub gaya. Sidhi chal rahi zindgi ne ye kaisa mor liya, pura pariwar ek ke baad ek ho rahe hadson se hataash aur toot chuka tha.

Manisa ke liye to mano na niche jami aur na upar chhat. Jis ke sath shadi ki usse jail me dekh kar til-til mar rahi thi aur jis pariwar se judi thi wo mahaj sampatti ke liye usse marne tak ko aatur ho gaye. Sab ki apni widambna aur sabhi log sahi the.


11 March 2012, Advocate Ram Kishan office


Manisa :- Sir, mujhe kuch samjh me nahi aa raha hai, hum to bas apne hisse ki baat kar rahe the. Phir ye sab.

Ram Singh :- Manisa ji, logon ke girne ki koi haden nahi hoti. Jo apne bhai ko phasa sakti hai, wo kuch bhi kar sakti hai. Bas sahi samay ka intzar kijiye, fir inke kiye ki saza bhi hum dilwayenge.

Manisa Ram Kisan se mulakaat ke baad chali gayi, Ram Kisan ne mamle me jaldi taftish ho iske liye city police station khud call kar ke inspector ko phone kiya aur janch ki progress puchha.


14 March 2012, City police station Amritsar


Sub-Inspector :- Sir, humara shaq sahi tha, uss ladki ko marne ki hi sajis rachi gayi thi.

Inspector :- Hadsa nahi tha sazis thi, ye kaise samjhao.

Sub-Inspector :- Sir forensic janch jo hui hai uske hisab se gas pahle se leak nahi thi balki uske pipe me ek chhed kiya gaya tha. Taki jab gas ka regulator on ho tab gas leak kare aur ye hadsa ho.

Inspector, ne case ki chhanbin ki jankari Ram Kisan ko diya, Ram Kisan bina koi deri kiye Manisa ko lekar city kotwali pahuncha, aur hatya ki sajis aur iss sajis me ek begunaah ke marne ka case file hua.


21 march 2012, court ki sunwai


Ek baar mamla phir court me tha, police ke pesh kiye huye sare sboot, padosiyon ke bayan aur Ram Singh ki dalilon ne ye sabit kar diya, Manisa Verma ki maut ki sazis unke sasural walon ne rachi. Ek begunaah ko marne aur sazis ko pura anjaam dene ke jurm me Asmita ko umr kaid, aur uske maa-baap ko iss sazis me samil hone ke liye 7 sal ki saza mili.

Poora pariwar nafrat ki aag me jhulas kar kahan se kahan pahunch gaya. Agle din khas anumati par Manisa, Saurav se mili. Saurav aankhon me aansu the. Apne hansi-khusi se bhare pariwar ko yun iss haal me dekh, mano mar sa gaya tha. Manisa bhi uske gale lag kar bas roti rahi, aur Saurav ko, khud ko sambhalne ke liye kahti rahi. Par saurav ko to ab maut he sukoon lag raha tha aur jeena jillat. Manisa roti huyi bahar aayi aur car me baith gayi.

"Acting achha kar leti ho darling"

"Kya karoon Aakash, tumhare pyar ne sab sikha diya. I love you Akash, main tumhare liye mar bhi sakti hun, aur kisi ko mar bhi sakti hun"

Akash, Manisa ko apni bahon me bharte, "jaan mujhe to tumhare sath jina hai, marne wale to jail me marenge". Dono apni jeet par haste aur apne pyar ko wapas pate ek dushre me kho gaye.

Gunaah ki ek dastan do premiyon ne apne andhe pyar aur apne nafrat ki aag me likh dali thi. Sayad he is ghinauni harkat ka kabhi parda fash ho, lekin sach to yahi tha ki inke bepanaah ishq me kayi zindgiyan jhulas gayi.

____________________________________________________________________________________

5 sal pahle ye kahani shuru huyi thi, jab Manisa ke papa PWD vibhag me Chandigarh me the. Akash aur Manisa school ke ek farewell party me mile, tab. Manisa 12th me gayi thi aur Akash ussi saal ka pass out tha.

Dono ne pahli baar ek dushre ko dekha, aur pahli he najar me pyar ho gaya. Kuch waqt lage dono ko izhar karne me, lekin uske baad phir kabhi alag nahi huye.

Manisa ke pariwar conservative mentality ke the, isliye na to kabhi Manisa ko batane ki himmat huyi, aur na hi apne mom-dad ka kabhi dil torna chahti thi lekin bina apne pariwar ke jankari ke Manisa, Akash se milti rahi.

Dhire-dhire dono ka pyar gahrata gaya, aalam ye tha ki jabtak kisi ka msg nahi aata dono khana shuru nahi karte the, ek din yadi kisi karan se na mil paye dono, to marne jaisi haalat ho jati thi. Ghar ke bandhan aur pyar ki kas-m-kas me, aakhir ek din Manisa ne apni ikchha ghar walon ko zahir kar di.

Mom-dad iss baat ko jyada aage nahi badhana chahte the, isliye unhone Akash se milne ka faisla kiya. Manisa kaphi khush thi apne ghar walo ke faisle par, lekin dono ko kya malum tha ki wo nahi manege. Manisa ke papa ne Akash ko mahaj ye kah kar tal gaye ki wo abhi kuch nahi karta, aur uski haisiyat unke jitni nahi.

Akash apne pyar ko pane ke liye girgiraya, minnate kiya, wada bhi kiya ki "sir main kabhi Manisa ko kisi baat ki kami nahi hone dunga, har khusiyan uske daman me dal dunga". Lekin sayad in zajbaton ko Manisa ke papa ne paise aur rutwe se taula aur na manjur kar diya dono ke riste ko.

Dono ka dil toot gaya iss faisle se, kayi dino tak Manisa bhookhi-pyasi bas apne pyar ko pane ki jid karti rahi, par apne mom-dad ke samne jhuk gayi aur unka faisla man'ne par majboor hona para.

Par lagi ye dil ki thi, aur aag dono taraph barabar, lakh kosison ke bawjoot Manisa khud ko rok na saki Akash se milne se. Jo aalam Manisa ka tha wahi Akash ka. Bina mila dono aise tarap rahe the, jaise jal bina machhli tarap rahi ho.

Faisla mukaddar par chhorte huye, dono apne pyar me khud ko samarpit kar chuke the. Teen sal ke pyar me duriyan tab aayi, jab Manisa ke papa ka transfer Amritsar ho gaya, aur wo un ke sath chali aayi. Par sadkon ki duriyan kabhi dilon me duriyan nahi paida kar saki.

_____________________________________________________________________________________

Duroyon ki sikan na aayi, aur pyar dono ka pahle jaisa he kayam raha. Par kahte hai na "Ye ishq nahi aasan, ek aag ka dariya hai, aur doob kar jana hai".

Takriban sal bhar bite honge Amritsar aaye huye, Manisa ke papa ko Saurav pasand aa gaya. Saurav ek saaf chhawi ka jana-mana contractoter tha, jiska karobar carore me tha. Manisa ko jab ye baat pata chali to usne Akash ko turant suchna di.

Akash ki jaise duniya uzar gayi ho aur Manisa to bas roye he ja rahi thi. Akash ne Manisha ke pass bhag kar shadi karne ka prastaw rakha, aur anth me dono ne yahi faisla kiya.

Sayad kismat ko inka bhagna manjoor nahi tha, aur dono pakdey gaye. Manisa ko kisi tarah ghar laya gaya, aur Akash ko police lock-up me kisi janwar ki tarah pita gaya.

Do din ki pitayi ke baad Akash ko chhor diya gaya. Akash aaj kisi hare huye khiladi ki tarah tha, jo apne pyar ko harta mehsus kar raha tha, aur chah kar bhi kuch nahi kar sakta tha. Apne chhote se sapne aur pyar par aisa zulm dekh, mann ka vikar aisa janam liya ki Akash ke liye ab Manisa junoon ban gayi thi.

Manisa ki haalat bhi Akash se kam nahi thi, wo bhi khud ko hari hui he maan rahi thi. Aur kisi bhi tarah se apne pyar ko pana chahti thi.

Ghatna March 2011 ki thi, Manisa aur Saurav ki shadi se lagbhag chheh maah purw, jab Akash aur Manisha ko akele me milne ka mauka mila. Unko alag karne walon ke liye dono ke mann me sirf nafrat hi bhari thi, aur ussi din dono ne baith kar ye tay kiya ki kuch bhi ho jaye, ab hume ek ho na hai, par uss se pahle hum har pyar ke dushman ko sabak sikhayenge.

____________________________________________________________________________________


Sari plannig pukhta thi, aur isme ek bare hisse ke sath sammilit the City Police Station ke Inspector, jinke taiyar case ne sabo jail ke pichhe dal diya.

Ye Akash tha jisne Ravi ka katal kiya, aur Manisa ne ungliyon ke nishan se lekar sab-kuch katal ki jagah rakhi, taveeron ko bhi kamre tak Manisa he pahunchayi.

Manisa ne apne mom-dad tak ko nahi chhora, apne papa ke kale karname ka chittha ussi ne anti-corruption walon ko di, aur maa ko virddha-aasharam. Aur apne pure sasuraal ko jail.

Apne pyar na pane ki nakamiyon ka aisa badla. Haan bahut kuch saha tha dono ne, aur sayad kaphi sitam bhi huye inki mohabbat par, lekin uss ka ye dusparinam.

Iss pagal bhari mohhabat ko kya kahen, sayad kabhi inke gunaah bhi samne aa jaye. Lekin atoot mohabbat ke badle ki bhawna ne do zindgiyan maut ke ghat utar di gayi, aur hasti-khelti kayi zindgiyan toot kar bikhar gaya.

Suna tha pyar tyag ka naam hota hai, par ye kaisi mohabbat jo pyar ke liye kaiyon ki bali he le li. Raste bahut the Akash aur Manisa ke pass khud ko ek karne ke, lekin jo rasta apne pyar ko pane ke liye chuna kya wo sahi tha .......

Sach he kaha hai .... Sometimes Love can baffle You

 

[Mak]

Tanha Ahalya Aur Akela Chand
{Theme: To Be Or Not To Be}
(Originally written by dianelane in XP contest.)​

Spoiler: Tanha Ahalya Aur Akela Chand

Dur pahadiyon ki ek gaon. Gaon se thodi dur ek Jharna beh rahi thi aur uske upar ek chhoti si lakdi ki pool bani thi. Raat ki kitni waqt hui thi pata nahin. Pool pe khadi Ahalya intezaar kar rahi thi kisi ki. Jharna ke panni sumadhur sangeet gaane me vyast the. Ruk ruk ke thandi hawa ki jhonke uski baalon ko idhar udhar kar ke chhed rahe the. Jaise keh rahe the:

"O manchali... kiska intezar kar rahi ho iss sunsaan ghadi me. Chal udd chal hamare sath... duniya ki shair karayenge. Tumhe dikhayenve kitni haseen hai ye duniya"

Gusse se Ahalya apni sirr hilake mana kar rahi thi. jaise bol rahi thi.

"More piya aayenge mujhe lene aaj. Wada karke gaye hain to ayenge jarur."

Raat badhti hi jaa rahi thi. Chand apne pichli jagah se bohot dur jaa chuka tha. Ab to jharne ki paani bhi ganna band kar diye the. Ek khamoshi si fail gayi thi fiza me. Hawa ab use aur tang nahin kar rahe the. Reh reh keDur kahin kutton ki bhonk ne ki awaaz hi sunayi de rahi thi. Chaunk gayi ahalya 'kahin koi jag no nahin gaya na ho gaon me'. Kohra chhane lagi thi. Kohra aisi ki pool ki dusri taraf kya hai pata nahin chal rahi thi.Wo intezaar karti rahi aur karti rahi. Koi to apne mithe se bol se uski naam pukare. Magar aisi hi to kayi raat beet gayi thi. Kahin se koi awaaz to aaye

Magar khamoshi barkarar thi. Aur woh aaj bhi nahin aya. Wada karke gaya tha aaj se 22 din pehle. Milunga tumse isi pool ke kinare aadhi raat ko aur le jaunga apne sath pardesh .Roz intezaar karti rehti thi uska bhor tak aur kisike jaag ne se pehle laut jaaati thi ghar. Tanha tanha raat. Roj raat uska intezaar karte huye chand ko dekhti siwaye amavas ke raat. Sochti aur bolti:

"Kitne akele ho tum iss biraan aakash me. Kaise rehte to akele. Ye hunar hame bhi sikha do"

Uski mann me gunj uthti thi chand ki awaaz. Bhola sa chand kehta:

"Mein akele yahan tum ko dekhta hun. Kaise intezaar kar leti ho tum bhi tanha tanha. Koi darr nahin hai tumhe. Tum bann jao meri priyatama. Batein karenge roz ghanton tak"

Ahalya bolti:

"Rehne bhi do. Tujhme kalank hai. Apne baaton me naa fasao hume. Mere piya ayenge jarur aaj. Lene mujhe apne sath"

Magar bhor hone ko aayi thi, sayad aaj bhi wo nahin ayega. Ahalya piche muddti hai wapas jane ke liye. Fir kuch soch kar wapas pool ki aur dusri aur jane ko apni kadam badhati hai. Use sayad abhi bhi ye bharosa nahin hui thi ke aaj bhi uski piya naa aye. Chalte chalte wo lakdi ki pool ke bich-o-bich pahunch jaati hai. Purani pool se kuch awaazen aati hai aur pool dagmagane lagti hai.

Dham se aawaz aati hai aur aur pool ki bich ke hissa toot ke niche gir jaati hai. Dur kshitij (horizon) me doobne ko tayar khamosh chand sab dekh raha tha. Pool ke niche ahalya ki bejaan sarir padi thi. Khoon ki ek dhar uski sar se nikal kar jharne ki pani me ghul rahi thi. Chand ke aankhon se do boond aanshu gir pade ho jaise aisi anubhuti ho rahi thi. Kya aisi anjaam likhi thi ek sache pyar karne wali ki.

Raat phir andhiyar hogi, sitare phir jag-mag karenge, par chand sab ke akela rah jayega, us ankahi dastan ko phir kabhi mehsus na kar sakega jo bina kuch kahe chand ko takte Ahalya kaha karti thi. Naa hogi tanha Ahalya uss se ankahi baatein karne ke liye.

Padhne Waalon ki kammi hai, Warna
Girte aanshu ke har ek bund ek-ek kitab hoti

The End​

 

[Mak]

Ishq... Ek Ahsaas

{To be or not to be+Sometimes Love can Baffle You+Pure Love Can Touch the souls}
(Originally written by Sasha! in XP contest.)
​

Spoiler: Ishq... Ek Ahsaas

Kajal: Excuse me... kya ap mujhe bata sakte hai ki BA first year ka classrooms kis taraf hai ?

Vijay aur Vishal ke bich kuch bahas chal rahi thi... Kajal ki awaj sunkar dono ne piche mud kar dekha... Kajal behad dari sahmi khadi thi... College ka pahla din tha... Vijay ki nazar jese hi uspar padi ak pal ke liye uska dil dhadkna bhool gaya... Kajal ka masoom chehra aur aakhon me sharam... Vijay ka dil us pahli hi nazar me hi kab Kajal ke pass chala gaya Vijay ko pata bhi nahi chala... Wo khada khada Kajal ko bas ak tak dekhta raha...

Vishal: Samne wali building ma right ki taraf...

jawab milte hi Kajal mud kar us taraf jane lagi... par uska saath Vijay ka chain bhi chala gaya... Pyar ki pahli nazar na apna jaadu chala diya... Kajal ka jana ka baad Vishal use fir datne laga... par Vijay ke kano me ab sirf kajal ki hi awaj goonj rahi thi... aas paas hone wali kisi bhi cheez ka koi asar uspar nahi ho raha tha... wo bas besud hokar Kajal ko jate dekhta raha...

****************************

Nurse: sir... apke Patient ko hosh aa gaya hai.. ap unse mil sakte hai...

Hospital me Kajal ke cabin ke bahar sir jhukaye baitha Vijay ak baar fir (apne dimag ma kaid pyar ki us pahli nazar ko dohra raha tha... )un palo me khoya hua tha... Kal raat jab Kajal ki maa ka phone aaya ki Kajal darwaza nahi khol rahi... Vijay bhagta hua kajal ke ghar pahuncha... Darwaza tod kar andar gaya to waha ka nazara uska liya narak ke saman tha... Jis se wo apni jaan sa bhi zyada pyar karta hai.. har sajde me jiski salamati mangi... apna dil ma aag laga kar jiske liye pyar ka diya jalaya... aaj use is hal ma dekh kar Vijay ka dil kamp utha... Kajal ko kahi se ek blade ka tukda mil gaya aur usne apni kalai kaat li... khoon kafi bah chuka tha... Kajal ki saanse dhime chal rahi thi... nabz bhi mushkil se mahsoos ho rahi thi... Vijay ne der na karta hue use hospital le gaya... aur tab sa ab tak har aati jati sans me uski salamati mang raha tha.. Shayad uski duaao ka hi asar tha ki Kajal ko hosh aagaya...

Vijay Kajal ke cabin ki or bad gaya... par darwaje par hi kadam ruk gaye... use samajh nahi aaya ki wo kaise Kajal ka samna karega... Use is haal me dekhna uske liye mout se bhi badtar tha...Vijay ke dil me jo chhupi mohobbat thi wo bhale hi ek tarfa thi, par uski gahrai ko napna namumkin tha... Vijay ne khud ko sambhala aur cabin ka darwaja khol kar andar gaya...

Bed par adhi leti halat me kajal sooni aakhon se chhat ko dekh rahi thi... uski aakhon se ansoo jhar jhar bahe ja rahe the.. in kuch dino me hi uska phool jaisa chehra murjha gaya tha...

jaise hi use kisike andar ane ka ehsaas hua usne us taraf dekha... par Vijay ko apne samne dekh kar uske chehre ke bhav badal gaye... ankhon me nafrat thi... gusse se chehra thartharane laga...

Kajal: Meri zindagi ka faisla karne wale tum kaun hote ho... kisne haq diya ki tum meri jaan bachao...

aur gusse me paas ke table pa rakha vass uthakar Vijay ki taraf fenka... Vijay waha se hat gaya par fir bhi wo vass uske mathe par laga... Kajal chikh chikh kar rone lagi... Vijay ne apne mathe ko chhuya to haath par khoon laga tha... uske chehre par ek fikki si muskan aagayi... ye zhakhm uske liye Kajal ka diya hua tohfa tha jo use apne sache pyar ke badle mila tha... Kajal ki chikh se ek nurse waha aa gayi aur zabardasti use neend ka injection dekar sula diya... Vijay ye nazara dekh nahi paya aur cabin se bahar nikal kar ak kone me khada hokar rone laga...

*********************

Kajal: nahi... aaj me tumhe kahi nahi jane dungi...

Vishal: Ye kaisi bachon jaisi zid hai Kajal...

Kajal: wo sab me nahi janti... aaj me tumhe nahi jane dungi... mujha pata hai tum kisi khatarnak jagah par jaa rahe ho... aur mera dil aaj bohot ghabra raha hai... me nahi jana dungi...

Vishal: Tum ek policewale ki hone wali patni ho.. aise darne se kaam nahi chalaga... mujha jana do jaan..

Vishal ne Kajal ka haath chhudaya aur waha se jane laga... Kajal use rokne ki koshish karti rahi... uske pichhe bhagti rahi... par Vishal tak nahi pahunch payi... Vishal chalta gaya aur dhundh me gayab ho gaya... Kajal pagalon ki tarah use charon taraf dhundti rahi... uska nam pukarti rahi...

Achanak uski ankh khul gayi... usne khud ko apne kamre me paya... uska mathe par pasina tha... wo Vishal ka nam pukarte hue neend se jag gayi thi... ye ek sapna tha... sapne me usne usi din ka manzar dekha tha jab wo vishal se akhri baar mili thi... neend ma bhi wo ladti rahi roti rahi...par Vishal us din nahi ruka... Ek police officer hone ka farz uske liye pyar se bohot bada tha... Vishal usdin gaya to tha... par laut kar nahi aaya... jaha wo un gundon ko pakarne gaya tha waha kayi sari lashe mili... Par Vishal ki lash ab tak nahi mila... waha ek bomb laga kar woh gunde waha se pahle hi farar ho chuke the.. jab Vishal waha apne sipahiyon ke saath pohuncha to blast hua aur kayi jaane gayi... Police ke mutabik shayad Vishal ki body ke kayi tukde ho chuka the.. isiliye body nahi mil rahi... yah Vishal aur Kajal ki shadi ke 3 din pahle ki baat thi...

Ye sab yaad aate hi Kajal phir se apna aapa kho baithi... uski dard bhari cheekha fir se goonjne lagi... wo rote hue badbdane lagi...

"Tumhare bina meri zindagi ka koi matlab nahi... mujhe nahi jeena... nahi jeena..."

Wo bed par se uthi aur apni balcony ki taraf bhagi... wo kudne hi wali thi ki kisine use pichhe se pakad liya aur waha se hatakar kamre me le aaya... Kajal khud ko chhdane ki koshish kar rahi thi... chatpata rahi thi... chilla rahi thi... "Jana do... jana do mujha... mujha nahi jeena" ... par un balisht bahon ki pakar ma koi farak nahi para...

Achanak Kajal ka gaalon pa ak jordaar tamacha para... wo khud ko sambhal nahi payi aur bed par gir kar rona lagi...

Vijay: Kya sabit karna chahti ho tum ya sab karka... ki tum mere dost sa bohot pyar karti ho??? kya yahi hae tumhara pyar... kya tum nahi janti... Vishal ka liya sabsa kimti tum thi... kya tumsa itna bhi nahi hota ki uska khatir tum apni zindagi jiyo...

Kajal: Kya janta ho tum pyar ka bara ma???... jo mujha samjhana aaya ho... kya tumna kabhi kisi sa pyar kiya hae jo tum mera dard samajh sakoga... kya kabhi tumna kisi apna ko khoya hae ki tum mujha nasihat dana chala ho???

Kajal na anjana ma hi Vijay ki dukhti nas pa haat rakh diya tha... Usna anjana ma hi uski bepanah mohobbat par ungli uthai thi... vijay gussa ma pagal ho gaya aur kajal ko bed par sa uska baalon ko khinchta hua uthaya aur apna karib lakar bola...

Vijay: Tumhari himmat kaisa hui mujhsa ya sab kahna ki... tumha kya lagta hae ki Vishal ka jana ka dukh sirf tumha hae... kitna dino ka tha tumhara pyar??? 4 saalon ka??? pata bhi hae meri aur Vishal ki dosti kitni purani hae... jabsa hosh sambhala hae... ak Vishal hi hae jisa apna saath paya hae...har sukh-dukh har musibat ma... kya tha Vishal tumhara liya???... tumhara premi... hona wala pati... mera to wo sabkuch tha... mera dost mera bhai mera sahara... usa kho kar to maena apna sabkuch kho diya... mae to itna badnasib insaan hoon ki apna haathon sa apna dost ka antim-sanskar bhi nahi kar saka... nahi is akheri safar ma usa kandha da paya... kabhi socha hae tumna... mujh par kya bit ti hogi... Dada ji par kya bit ti hogi... nahi sochti tum... tum jaisa swarthi insaan kisi aur ka bara ma soch bhi nahi sakta... Yaha mere dost ko mara 7 din bhi nahi hua aur mujha yaha tumhari chaukidari karni par rahi hae... ki kab tum suicide karo aur kab mae tumha bachau...

Vijay na usa bistar par patak diya aur kaha... "Taras ata hae mujha apna dost ki kismat pa... usna ak aesi larki sa pyar kia jo uski akhri icha bhi puri nahi kar sakti..." aur gussa ma waha sa chala gaya... Kajal uski baaton sa stabdh rah gayi aur but bani baithi rahi... aj Vijay na usa sachai sa parichay karwaya tha... ab tak wo jis dukh ka samandar ma apna ap ko akala samajh rahi thi... ab us samandar ki aur gahrayi ma Vijay ko doobta hua paya...

***************************

Kajal: Mujhe bhook lagi hai..

Bahar hall me vijay sir jhukaye baitha ro raha tha... usne sir uthakar Kajal ko dekha... in dino me pahli baar Kajal ne khana manga tha... warna jab se Vishal ki mout ki khabar aayi thi tab se wo bas roye jaa rahi thi.. Vijay ki ankhon me do boond ansoon khushi ke aa gaye.. use laga jaise aaj bohot dino baad uske samne wahi purani Kajal khadi hai...

Kajal: Maa Papa kaha hai??? maa se kaho mujhe bhook lagi hai...

Vijay ne ansoo pochhte hue kaha: "Uncle aunty mandir gaye hai.. tum so rahi thi isiliye mujhe yaha rukne ko kaha tha... tum baitho me kuch khane ko lata hoon..."
Vijay jaldi se kitchen me aaya... waha jyada kuch to nahi tha par jo bhi use mila wo ek plate me sajakar le aaya... usne Kajal ke samne khana rakha par Kajal bas sir jhukaye baithi rahi... Vijay uski pas baith gaya aur niwala banakar uske muh ke samne kiya. Kajal ne uski taraf dekha... kahi na kahi dono ka gam ek hi tha... Kajal ne apne kampte hue honth khole aur Vijay ne use niwala khilaya...

Niwala muh me daalte hi Kajal ke sabr ka bandh toot gaya... wo Vijay ke kandhe par sir rakh kar phir se rone lagi...

Kajal: Mujhe maaf kar do Vijay... mene tumhare saath bohot bura kiya... me apne dukh me itni andhi ho gayi thi ki mujhe tumhara dard dikhayi hi nahi diya... maa,papa,dadaji,tum... sabka dukh mujha apne dukh ke samne chota lag raha tha... mujhe laga jo mene khoya hai.. wahi sabse bada dukh hai.. me sach much swarthi ho gayi thi... mujha aise waqt me dadaji ko sambhalna chahiya tha... Vishal ke baad wo meri zimmedari hae... please mujhe maaf kar do... Par jab bhi mujha Vishal ka dur hona ka kayal ata hae... mujhsa jiya nahi jata...

Vijay: Ro mat Kajal... please tum ro mat... tumhe jeena hoga... apne maa papa ke liye.. Vishal ke dadaji ke liye.. ak baat hamesha yaad rakhna Kajal... jab tak tum jinda ho... tab tak Vishal bhi tumhare andar zinda hai...Khud ko mitane ka khayal tum apne zehan se nikal do... Vishal jaha bhi hoga waha se tumhe khud ko yu mitate hue dekh kar kabhi khush nahi hoga...
Vijay na ak aur niwala banakar uska mooh ka samna pakra... us waqt Vijay ko dakh kar Kajal ko aesa mahsoos ho raha tha... jaisa is dukh ka samandar ma wo ak tinka bankar uska pass aya hae... jiska sahara wo apni zindagi fir sa ji sakti hae... Vijay usa pyar sa niwala banakar khilata raha... aur Kajal ansoo bahata hua chup chap khana lagi... Vijay ka apna pan na uska ghav par marham lagaya tha... uska saath Kajal ko aesa mahsoos hua... jaisa anjan raaston par kisisna uska haath kas kar thama hae...

Kajal na apna dil ma irada pakka kar liya... wo jeagi... apana dil ma Vishal ko zinda rakhna ka liya... Vijay na usa andhara sa khinch kar roshni sa rubaru karwaya tha... uska saath aur apnapan sa dhere dhere Kajal smanya zindagi ma lautna lagi...

*******************

Vijay ab Vishal ke dadaji ke pass hi rahta tha... Kajal bhi har roz unse milne aati... Vishal ke hadse ke baad unki tabiyaat bhi bohot kharab ho gayi... Par Kajal ke pyar aur Vijay ke saath se wo bhi dhire dhire thik hone lage ....
Waqt apni raftaar se chalta raha or 3 month kab gujre pata hi nahi chala...
Par in sabme ek insaan tha jo ab bhi behad akela tha... Vijay... Kajal ko na pana usne apni kismat man liya... par Vishal ko khokar wo andar tak toot chuka tha... usne sabke dard to baant liye par apna dard kisise nahi baant paya... bas khud me hi ghut-ta raha aur khud ko kaam me duba liya... na thik se khana khata na apna khayal rakhta...raat bhar use neend bhi nahi aati... ye sab uska sharir sah nahi paya...

Ek din jab Kajal dadaji se milne aayi to usne Vijay ko bimar paya... wo behoshi me kuch badbada raha tha... Kajal ko uski halat dekh kar rona aa gaya... wo Vijay ki dakbhal karne lagi... isi beech ek din uske kamre ki safayi karte waqt use ek dairy mili... Kajal na dairy khol kar dekha to san rah gayi... uske har panne par wo sara jajbaat likhe hue the jo Vijay ne apne dil me chhupa rakhe the... har line me Kajal ke liye apne pyar ka izhaar kiya tha usne... jo kabhi wo vastav me nahi kar paya...kyu ki wo janta tha ki vishal kajal ko bepanah pyar karta hai , apne aziz dost ki khushiyo ke liye apne pyar ko dafan kar diya...

Dairy padhte padhte kajal ka pura wajood kamp gaya...

Kab aankhe nam hui , kab aansoo niklne lage or kab wo sisakne lagi... Use kuch bhi pata na chala ...wo to bas pyar ke us sailab me bahti chali gayi ...
use samajh nahi aa raha tha ki ek insaan kaise kisi se itna pyar kar sakta hai...
Uski siskiyon se Vijay ki neend khul gayi... usne dairy Kajal ke haath me dakhi to chounk gaya aur dairy cheen li... wo kuch kah nahi paya... bas dusri taraf muh karke apne jajbaton ko kabu me karne ki koshish karne laga ... Kajal ne use apni taraf ghumaya to uski aankho me aansoo jhilmila rahe the , honth kuch kahne ko tharthra rahe the ...

Vijay ke muh se rote rote bas itna hi nikla ..."Sorry kajal!"

Dono ek duje ko bas dekh rahe the aankhe bol rahi thi dhadkne bekabu ho rahi thi waha lafzon ki koi zaroorat nahi thi... dono ke bahte ashkon ne dil ka haal bayan kar diya... dono ki dhadkano ne bin kahe hi pyar ka izhaar kar diya!!!

*****************************

Kajal bistar par leti akbaar firse ansoo baha rahi thi... aaj firse uski shadi tooti thi... Vijay se... aaj subah uske ghar ke samne police ki gadi aakar ruki aur usme jo utra use dekh kar sab dang rah gaye... wo Vishal tha... Kajal khushi se uski or daud padi... par vishal ke karib pohouchne se pahle hi uske kadam ruk gaye.. uski aankhe chhalak gayi... zindagi ne use akbaar fir dorahe par lakar khada kar diya... jab wo apne atit ko bhool kar age badne chali thi... tabhi zindagi ne uske atiti ko uske samne lakar khada kar diya... uske zahan me kabhi Vishal ka chehra aata to kabhi Vijay ka... Vishal uska pahla pyar tha dusri or Vijay ne use jeena sikhaya tha... Vishal ke paas uska dil tha par wo Vijay ka dil toot-ta hua bhi nahi dekh sakti thi... ak uske liye jaan tha to dusra uske liye jaan se bhi pyara... wo barbar apne dil se sawal karti... par aj uske dil ke paas bhi koi jawab nahi tha... Kajal ka dimag in sab baaton se fatne laga...use asthama tha...saanse ukharne lagi... achahnak uski ankhon ke samne andhera chha gaya aur wo behosh ho gayi...

********************************

Dadaji: Mene hi Kajal aur vijay ki shadi tay ki hai vishal... tumhare jane ke baad Kajal is kadar toot gayi thi ki khud ko marne ki koshish ki usne.. Vijay ne hi use firse jeena sikhaya... dono ak dusre se pyar bhi karte hai... Kajal bewafa nahi hai.. haalat hi kuch aise the... apne dost ko dekho... tumhare aate hi usne ye shaadi tod di... akbaar bhi apni khushiyon ke bare me nahi socha... par ab firse ye shadi toot gayi to Kajal bhi toot jayegi.. ab tum hi koi faisla karo ...ya to kajal ka hath tham lo... ya fir Kajal ka haath Vijay ka haath ma da do...!!!

Dadaji ki baate Vishal ke kano me goonj rahi thi... pichle 8 mahino se use aatankwadiyon ne kaid kar rakha tha... uspar atyachar karte rahe usse police ke raaz malum karne ke liye.. par Vishal ne himmat nahi haari... kuch nahi bataya... aur akdin mauka dekh kar waha se bhag nikla... do ahsaso ne use zinda rakha tha... ak Kajal ka pyar aur dusra Vijay ki dosti... par aaj jab wo laut aaya hai to use apne zinda hone par afsos ho raha hai... wo ache se janta hae ki uske jeete ji Vijay is shadi ke liye nahi manega... uski dosti par Vishal ko apni saanso se bhi zyada bharosa hai... zindagi ne jo khel uske saath khela tha usse wo puri tarah toot chuka tha... wo jeete ji Kajal ko kisi or ki hote hue bhi nahi dekh sakta... aur na hi Vijay ke dil ko toot-te dekh sakta tha.. wo kafi der tak sochta raha... achanak usne apni jeb se ak choti si sheeshi nikali aur pi gaya... ye zahar tha... jise wo apne saath hamesha rakhta tha... taki koi usse zabardasti kuch ugalwa na sake...

Kahte hai marte waqt bhi insaan ka dimag 7 miniut tak jinda hota hai... chahe dil dhadkna band ho jaye par dimag apne andar samete haar yaad ko hamari ankhon ke samne kisi sapne ki tarah la deta hai ... shayad ak akhri mouka dera hai hume... apna nashwar sharir ko chhod kar jane se pahle un sare palon ko akbaar fir se jine ko.

Vishal ki ankhri saanso me bhi kuch aisa hi ho raha tha... apne bachpan se lekar aj tak ki haar yaad use ankhon ke samne lahrati nazar aa rahi thi...mata pita ka dehant... dadaji ka sahara...high school ka wo pahla din jab zindagi ne use sabse kimti tohfa diya... uska sabse acha dost... Vijay... uski yaad aate hi akbaar fir Vishal ke dil ne dhadkne ki koshish ki... par tab tak zahar is kadar uske khoon me fail chuka tha ki ab is dil ka dhadkna namumkin tha... Vijay ke saath bitaye wo har pal... sari mastiyan... sare pagalpan... wo yaariya.. ak dusre par jaan chhidkna... ak dusra ke gam me rona... har sukh dukh batna... uski ankhon ke samne ghumne laga... Vijay ke saath use jeene ki ak wajah mili thi... undono ka rishta khoon ke rishte se kayi badkar tha...

Fir aaya wo din jab Vishal ne pahli baar Kajal ko dekha tha... Kajal ka chehra yaad aate hi uske sine me phir se wohi dard utha... jise shayad us zahar ki jalan bhi kam nahi kar payi... band hoti dhadkano me bhi uska dil Kajal ko yaad karta raha... zahar ka asar ab dimag ko puri tarah sa sun kar chuka tha... Kajal sa door hokar yun to usna bohot ansoo bahaya the.... par in akhri 7 miniton ka safar khatam hota hota bhi do boond ansoo uski ankhon sa fir chalak gaya!!!

**************************

Kajal,

Sahi kaha tha tumne... kabhi kabhi mout hi hume humare pyar karne wale se mila sakti hai... main janta hun ye waqt tumhare liye or vishal ke liye kitna mushkil hai.. me tumhe or vishal ko kabhi bhi tadpte hue nhi dekh sakta.. Vishal tumhara phla pyar hai... Mujhe pura viswas hai tum uske saath bohot khush rahogi...Me janta hoon mere jite ji Vishal tumse shadi ke liye kabhi nahi manega... wo apne dost se bohot pyar jo karta hai... par wo tumhare bina bhi nahi jee payega... ye tumhara pyar hi hai jo use wapas khinch laya hai... me jaha bhi rahunga tum dono ki khushiyon ki dua karunga... tum hamesha yunhi hasti muskurati rahna... mujhe lagega mera pyar safal ho gaya... jo pyar in 3 mahino me tumse mila use saath liye jaa raha hun... hamesha hamesha ke liye...​

,tumhara Vijay

Vijay ne usi blade ke tukde se apni kalayi kat li jisse kabhi Kajal ne kati thi... usi pal jab Vishal ne zahar piya tha... ak pyar ke karan aaj 3 zindagiyan ulajh kar rah gayi... dono doston ne ak dusre ke liye apne pyar ko qurban kar diya... aur Kajal apni kashmakash me ulajh kar rah gayi...

Jab tak Vishal ko Hospital la jaya gaya... usne dam tod diya tha... Par Vijay ki saanse chal rahi thi... Doctors ki koshish aur sabki duayon se use bacha liya gaya...

*****************************

Vishal ki qurbani khali nahi gayi... Vijay aur Kajal ne ak dusre ka haath hamesha ke liye tham liya... Dono uski tasveer ke samne diya jalate hue bhigi aankho se us farishtey ko yaad kar rahe the... jo pyar or dosti ki ek anuthi misal ban gaya tha duniya ke liye... wo jate jate apna sabkuch apne dost aur apne pyar par luta kar chala gaya...

Kayi dur ak gana bajta hua sunai diya...

"Dunia ma kitni hai Nafratein... Phir bhi dilon ma hai chahate..
Mar bhi jaya... pyarwala...
Mit bhi jaya... Yaarwala
Zinda rahti hae unki Mohobbatein!!"​

 

[Mak]

Tum Mere Ho
Theme: (Pure Love can touch the Souls)
(Originally written by AAsHIQ tera in XP contest.)​

Spoiler: Tum Mere Ho

Naya ghar, anjaan log aur naye rishte...rishte bhi kahaa the uske pass, bas ek aas me aayi thi , ya shayad kisi ke bharose ka maan rakhne . Aarti apni hi socho ke bhawar me doobti si ja rhi thi.

Kavita abhi abhi college se aayi thi aur aate hi ghar ke halaat dekhkar aur sabki baaten sunkar use itna to pata lag gyaa tha ki kuchh to jarur hua hai..

"Dadi, kaun aaya hai hamare ghar..aur sare ghar me itna hungama kyu macha hua hai....?"

"Aarti aayi hai kavita !!! "dadi ne ek lambi saans chhodate huye kaha.

"Whaattttt......u mean Aarti singh……….wo Sahil bhai wali Aarti.... “Aarti Bhabhi” aayi hain ??..." hairat se aankhe chaudi karti Kavita ne beyakeeni se dadi ki or dekha.

"Haan meri bachchi....whi Aarti, jaane kyu aa gayi yha...apna majaak banwane."dadi dukhi lag rhi thi.

"Oh My God !..Dadi ! ab kya hoga ?...aapne bataya tha ki Sahil bhai ke papa, i mean chhote chachu ne aur Aarti ke papa ne jab dono bahut chhote the tabhi dono ki shadi kar di thi……….hme laga ki jab ab un dono me se koi is duniyaa me nhi raha to shayad Aarti bhi is rishte ko aise hi legi jaise Sahil bhai lete hain........lekin wo to........" Kavita abhi bhi beyakeeni se bol rhi thi.


"Haan, sabko yhi lagta tha...lekin tum bhool rhi ho… uski shadi huyi thi Sahil…..aur ek aurat ke liye uska pati hi uski sari duniaya hota hai…….bhale hi mard bhool jaye, ek aurat kabhi nhi bhoolti…..wo aaj bhi shayad usi duniya me jee rhi hai jahaa auraten pati ke naam par jauhar kar jati thi.” Dadi ke chehre ki jhurriyo me sadiyon ka afsana umad padaa tha.


“ koi nhi hai uska is duniyaa me.......ek naukrani aayi thi use chhodane…sab kuchh batati gayi hai mujhe……Maa baap to bahut pahle hi mar gaye the...apne Nana ke yha thi lekin kuchh din pahle wo bhi chal base.......tanhaa rah gayi hai ab is duniyaa me wo masoom." Dadi ki aawaz me bahut udasi thi.


"Dadi, jab itne din nhi aayi to fir ab kyu.....aur aap to janti ho sahil bhai ko.."


" Itne din wo nhi aayi???..jakar puchh apne baap se aur uske bhai se......jab se sahil ke papa ki maut huyi kisi ne haal tak nhi liya Aarti ka....kitna kiya hai is Aarti ke baap ne is ghar ke liye tu kya jaane...mai jaanti hu.......kismat ne bhi khel khela hai abhagi ke saath...maa janm ke saath mar gayi aur baap kuchh saal baad.......tujhe pata hai jis din Sahil ke maa-baap ki maut huyi accident me, Aarti ke papa yhi aa rhe the…...lekin yha pahuch na paye, poori bas khayi me ja giri...aur is gharwalo ne ye bol ke muh mod liya ki wo aaya nhi...laakh mai kahti rahi…….ek baar khabar tak nhi li.......laanat hai aise logo par…..ahsaan faramosh kahi ke."


Kavita chuchap sunti rahi aur dadi apne hi beto par bhadaas nikalti rahi.Teen bete the...Sabse bade bete ki eklauti aulad tha Sahil aur baki dono bete ,yani sahil ke dono chacha bas idhar udhar deenge bharte aur shaan bagharte…ab ye ghar sirf Sahil ke dam se tha.


kavita Sahil ke chhote chacha ki beti thi..aur apne maa Baap ke bilkul alag ,kafi hasmukh mijaaj aur saaf dil ki…..uski ek behan thi Rani aur ek bhai Vickky...jabki Sahil ke bade chacha ki 2 betiyaa -Shalu aur Seema aur ek beta tha Mohit.


Kavita ko sab sunkar dukh ho rha tha.......Use pata tha ki uske ghar wale kaise hain aur shayad ye bhi ahsaas tha ki ab Aarti ke saath kya hone wala hai.


"kaha hai wo??" kavita ne puchha.


"Sahil ke kamre me hogi......whi rukne ko bola maine...Kavi sambhalana use...mujhe to bahut pyari aur masoom lag rhi hai…...kyu aa gayi wo is dojakh me barbaad hone....."dadi sachmuch bahut dukhi lag rhi thi.

Kavita ne kuchh nhi kaha , Sahil ke room ki or chal di.


"Hello............koi hai kya yha..." Aarti jo bade gaur se Sahil ki tasweer ko hatho me liye dekh rhi thi hadbadaa kar palti.


Kavita use dekhti hi rah gayi.....Masoom gol chehra ,neeli kanch si aankhe, ghaneri palken,laal hoth aur kaale ghane kamar tak aate baal.....aur maang me chamkta laal sindoor…….saade se suit salwaar me bhi wo itni haseen lag rhi thi ki kavitaa mano kisi sehar ke se aalam me use dekhti rah gayi.

"Aap??"Aarti ne bas itna hi kaha.


"Haan mai.......aapki chhoti si nanad aur sabse achchi wali dost..naam kavita ………. dadi aur Sahil bhai pyaar se kavi bukate hain " Kavita ne haath badhaya.


Aarti ko thoda sa sukoon mila.....nhi to uske aane ke bad se wo jaise ek majak bani huyi thi.....jo bhi uski or aaya taane dekar hi gaya....kavita pahli thi jisne us’se pyaar se baat ki thi.


"hello kavita " Aarti haule se muskura di.

"Aap itna late kyu aayi….oops.....i m sorry…"kavita ke muh se nikal gya.


"Mummy papa ke baad mai Nanu ke paas thi………..mere Nanu nhi chahte the ki mai yha aau...."


"fir...??"


"Mai ek vivahitaa hun Kavita….apne papa ka baandha hua bandhan na tod payi…"Aarti ke aankho ke kone bheeg gaye.Kavita laajwaab ho gayi. Kuchh der dono chup rhi .


“hum is room me nhi rahna chahte ..ye sahil jee ka room hai na......."Aarti ne bebasi se iltija bhare lahje me kaha.


"Aap hmare room me rahengi……….hamare saath.." kavita samajh rhi thi uski bebasi.


Raat ke 8 baj chuke the, Aarti jab se aayi us room se bahar nhi nikali thi….


“Sahil bhaiya aa gaye…” bahar se aayi kisi ki aawaz par Aarti ki jaan mano halak me aa gyai…jab se aayi thi isi soch me uljhi thi ki Sahil ka rawaiya kaisa hoga uske saath.


“Dadi, aap janti hain mujhe us baat me ab koi dilchaspi nhi…..wo papa ka faisla tha…
mai kab ka wo sab bhool chuka hu….wo rhe ya jaye mujhe koi fark nhi padta…”


Sahil ki tej aawaz ek pal me Aarti ke sapne ke mahal ko chaknachoor kar gayi thi….ek pal me faislaa ho gya tha uski kismat ka……aankho ke kono se ashko ki baadh footi to fir ghanto chalti rahi…. Raat ka jaane kaun sa pahar tha jab darwaze
par halki si dastak ke saath Kavita chali aayi….

“Aap ro rhi hain….”usne sisakti huyi Aarti ke kandhe par haath rakhte huye bahut apne pan se puchha.

“Nhiii to…..”Aarti ne buri tarah se apni aankhe ragad dali.

“Sahil bhai aa gaye….” Kavita ne kaha.

“Hmm……….sunliya hmne unka faislaa” Aarti ki aawaz me bahut dard tha.

“ To ab aap chali jayengi..??”

“Nhi kavita…itne salo intzaar kiya hai..aakhiri saans tak karungi……meri muhabbat ki intehaa wo bhi to dekhen….” Aarti ne bujhe bujhe se lahje me kaha.


15 Din beet gaye the Aarti ko aaye huye…ghar ke sare kaam usne sambhal liye the….khaskar kitchen..ghar ke logo ka sulook uske saath vaisa hi tha jaisa ki use umeed thi..bas alag tha Sahil ka. Itni berukhi ki ummed nhi ki thi usne…jee chahta tha ki kahi chali jaye lekin aayine ke saamne ek baar maang me bhare chamakte sindoor ko dekhti to dil ke hatho haar jati.


Aarti ne wo sab kuchh kiya jis se ghar wale khus rhe………....lekin Dadi aur kavi ko chhodkar koi us se seedhe muh baat tak na karta….Subah se uthakar sham tak lagi rahti lekin uski hasiyat ek naukarani ki ban kar rah gyi thi…hoti bhi kyu nhi, usko maan dilane wale ko hi uski kadar na thi.


Ghar ke bade us se nafarat karte the…….unhe lagata ki Aarti Sahil ki daulat ke liye yha aayi hai aur bachche uska majaak banate jo salo pahle bane us rishte ko nibhane chali aayi thi ….wo rishta jo shayad kisi ko yaad bhi na tha.Har kadam par sirf jillat aur mayoosi hi haath lag rhi thi use.


Aarti roj ki tarah kitchen me thi, gadi ke horn par nazren khidki se niche ki taraf chali gayi . Sahil apni car se nikal rha tha, saath me koi ladki thi jo has has kar Sahil se baat kar rhi thi.

“yhi hai Natasha” kavita ne kaha.

“Le jaiye aap chaay unhe de dijiye , puchh lijiyega kya lenge khane me…..” Aarti ne kaha, koi shikwa nhi tha un nigaho me.

Kavita kuchh nhi boli…..


“kaise hain bhai……wo aapki “ heroinee” kaha hai…..”kavita yahi kahti thi Natasha ko

“ha ha ha..bas aa rhi hai , niche hai….”

“Bhai kya aap pyar nhi karte Aarti bhabhi se” kavita ne direct hi puchh liya.

“ Whaatt???....nhii…bilkul nhi…yaar jise mai janta nhi , pahle kabhi mila nhi, kaise us se apni shadi huyi maan lu…..?? I mean kaise accept kar lu…..”

“Par bhai dekha to unhone bhi nhi aapko……..fir kyu yha chali aayi..kya paagal hai wo jo jaleel hone yha aayi….” kavita ko ab gussa aane laga tha.

“Uski marji………...jab tak chahe rahe..jab chahe jaye…maine nhi roka use……”

“Nhii ja sakti wo…….aapke naam ka jog jo le liya hai usne ….agar yhi sochte hain to de mariye talaaq ka khanjar uske seene me……tod dijiye wo dhaga jiski dor use yha khinch layi…..gira dijiye wo sapno ka gharonda jo bade armaan se usne barso me banaya hai aur tod dijiye wo dil jisme aapki moorat sajaa kar wo pagli aaj tak poojati aayi hai……” Kahte kahte kavita ki aankhe bhar aayi..wo uthi aur teji se bahar bhagi.


“Sahil bhai, jab ko chij hamari jholi me bin mange gir jati hai to hme uski keemat ka andaza nhi hota , lekin hmesa wo chij bemol nhi hoti, kabhi kabhi Anmol bhi hoti hai….bas ahsaas tab hota hai jab wo hmse chhin jati hai” kavita ne kahaa aur palat gayi.


Sahil hakka-bakka use dekhta rah gya……ek pal ko Aarti ka masoom chehra uski nazro ke saamne ghoom gaya….Aarti se bas 2-4 baar hi uska samanaa hua tha…par koi baat nhi huyi thi dono me ….Har roj wo office jate samay jaldi jaldi me kamre me sare saaman bikher kar jata aur har roj aane par fir se har chij apni jagah par saleeke se milti…….. Sahil ka har kaam bina kisi se kahe ho jata tha ab, sabkuchh bin manage samay par mil jata. Aarti ki aadat hoti jaa rhi thi use,bas use ahsaas nhi ho rha tha.

“ Aap akele hamesa kitchen me kya karti rahti hain..” ye Mohit tha, sahil ke bade chacha ka beta.


Aarti achanak use itna kareeb dekhakr chauk gayi..wo thik uske pichhe khada tha…Aarti ko hmesa hi uski nazre apne badan par chubhati huyi si mahsoos hoti…..lekin kabhi kahti nhi. thi.kahe bhi to kis se??.


“jee aisa to kuchh nhi hai..bas thoda sa kaam rah gya tha…” Aarti thoda sa door hote huye boli.

“Are..aap mujhse door kyu bhagti hai ..Sahil bhai pagal hain jo aap jaisi haseena ka mol nhi samjhta….par aap chinta mat kijiye,…….mai hu na….” wo thoda sa aur karib ho gya Aarti ke.

Aarti kuchh boli nhi bas apni bebasi par rona aa gya use aur teji se kitchen se bahar nikalana chaha par agle hi pal uski najuk kalai Mohit ke hatho me thi…dabdabayi aankho se Aarti ne Mohit ki or dekha,ek vahashi hasi uske hotho par nach rhi thi…....kis kadar besahaara mahsoos kar rhi thi wo aaj khud ko.

Usi or aate kisi ke kadmo ki aawaz sun Mohit ne jaldi se uska haath chhoda aur kitchen se nikal gya. Aarti ne apne dupaate ka kone se aansu saaf kiye,Saamne Sahil khaada tha..Mohit ko us kitchen se nikate usne dekha tha.

“Kya ho rha tha yha….” Sahil ne gusse me puchha.

“Aap kya hak rakhte hain ye puchhne ka.” Aarti ne gusse me kaha.

“Maiiiiiiii…mai….”Sahil kuchh kah na saka.

“Tum is tarah kisi aur ke saath…….” Sahil ki aawaz Aarti ki cheekh me dab gayi.

“Mind ur language Mr Sahil singh!!…….Mai apni papa ke banaye huye rishte ka maan rakhne yha chali aayi…….apni muhabbat ka bharam rakhane yha chali aayi……aapke liye chali aayi Sahil !….aapke liye…” Aarti buri tarah se rone lagi thi.


“ Lekin Meri parvarish aisi nhi ki mai kisi ki chahat dil me rakhkar kis aur ka taswurr karu…..aapse apni muhabbat ki bheekh nhi mangungi mai….. ….bahut maan hai meri muhabbat ka meri najro me ..Mai wo maan nhi tutne dungii” Aarti ke dil ka dard aansuo ki shakl lekar bah rha tha.

“Aur mere saath whi ho rha hai jo is duniyaa ki har mjaboor, besahara aur akeli ladki ke saath hota hai…. Har us ladki ke saath jiska is duniyaa me koi nhi hota.” Sahil ki pakad aarti ki kalai par khud bakhud dheeli ho gayi…… Aarti ke aansu use takleef de rhe the.Aarti apni siskiyo ko dabate wha se teji se bahar nikal gayi.

“Aarti singh , shayad tumhe maloom nhi ki mai apni koi “cheej” kisi dusre ke pas nhi chhodata” Sahil khud se hi badbadaya…anajaane me hi sahi , Aarti ko apni to maan hi liya tha usne.

Kuchh dino se Sahil khoya khoya sa rahne laga tha… ghar late aata tha,aur bina kisi se mile seedhe apne kamre me chala jata… Aarti se jab bhi samna hota to aisa lagta ki kuchh kahna chah rha hai lekin kah nhi paa rha.

“Sahil,aao aaj tumse kuchh baat karni hai…”

Sahil office se aaya hi tha ki Dadi ne aaj use pakad liya..wo jakar chuchap unke karib baith gaya,

“Sahil maine pahle bhi tumse kayi baar Aarti ko lekar baat karni chahi , lekin tumne kabhi nhi suna…tumhe hmesa yhi lagata tha ki waqt ke saath sabkuchh badal jata hai aur us rihste par bhi waqt ki dhool jam jayegi, lekin aisa hua nhi, aur ab jab faisle ka waqt aa gya hai, to ek baar meri baat dhyan se sun lo..fir jo chahe faislaa lena.”

Dadi kahti chali gayi, whi sab jo kavita ko bataya tha, vistaar se Sahil ko bhi bataya…Sahil sab sunta rha , ek dwand chal rha tha uske man me, kuchh kaha nhi usne .

“Sahil sab kuchh bata diya maine tumhe ..tumhari khamoshi ne jawab bhi de diya mujhe …..fir bhi ek baar soch lo…wo pagal hai, aise jayegi nhi…….jab tumhari zindagi me uski koi jagah nhi to aazad karo use is bandhan se….De do use talaaq……..apne jeete jee mai uska koi aur intzaam kardu..mere marne ke baad kaun jane kya ho us masoom ke saath “

“Jee” sahil ne bas itna hi kaha aur andar chala gya .

Darwaze ki aad se sab sun rhi Aarti ka haath apne maang ke sindoor par chala gya,aankho se ek boond aansu nikla aur wo chuchap andar chali gayi.

Aaj Sahil badi himmat karke Kavita ke kamre me aaya tha….kavita thi nhi, Aarti bhi nhi dikhi ..shayad washroom me thi…Sahil ki nazar takiye ki niche se jhaank rhi ek red diary par padi…usne dheere se diary nikali………..ek sarsari nigah panno par dali…diary ke last ke kuchh pages khali thi aur baki sare pages par sirf teen sabd likhe the……

“Tum Mere Ho”

Poori diary inhi teen sabdo se bhari thi……Sahil ne last page khola…..kali syaahi se un sabdo ko kaata gya tha…last ke kuchh pages par yhi hua tha…….Sahil samjh gya…Uski berukhi Aarti ki muhabbat ka khoon badi khamoshi se kar rhi thi. Aaj barso baad Sahil ki aankho me aansu the …Aarti ki masoom muhabbat par, uski saadgi par aur uski deewanagi par. Usne vaise hi dairy rakhi aur chupchap bahar nikal gya. Zindagi me pahli baar aaj Sahil khud ko galat lag rha tha.

Raat ke 11 baj chuke the, …shahil kisi kaam me fasaa tha aur office se nhi aa paya tha……..Ghar ke baki log kisi shadi me gaye the..sirf Aarti aur Dadi ghar par thi…Aarti kavita ke laakh kahne ke bawzood jaane ko taiyar nhi huyi aur kavita ke room me leti apni manjhee ki yado me khoyi huyi thi. Dadi niche apne kamre me shayad so rhi thi.

Darwaze par lagaatar ho rhi khat-khat se uska dhyaan tuta…uthkar darwaza khola . Saamne Mohit khada tha.Mohit ki aankho me bhari hawas se Aarti ke pair kaap gaye..

”Aap is waqt??” Aarti ne darte darte bas itna hi kaha.

“Aree itna taklluf kis liye jaan..hum to tumhare hi hain…dekho aaj ghar me koi hai bhi nhi…….bas aaj mere dil ki pyas….samjh hi gayi ho ,ab itna bhi nasamajh na bano…..”Mohit aage badh rha tha aur Aarti ke pair kaanp rhe the.

“Please, aap jaiye yha se…dekhiye aap galat samajh rhe hain ..mai aapki bhabhi hu..Sahil ki…”

“Kuchh nhi lagti tum sahil ki…sirf naam ka rishta hai…..tum mere paas aa jao….dekho kisi ko pata nhi chalega …raaj karogi meri jaan…..” Aarti ne us se bachte huye darwaze ki or bhagi….Darwaza andar se band kar diya tha Mohit ne aur is se pahle Aarti koi shor kar pati Mohit ne jor se use pichhe se daboch liya.Ek haath uske muh par tha, Aarti ki aanko se beabsi ke aansu chhalak pade…uski barso ki tapsyaa ka aaj ye silaa mil rha tha use…

”Kahaa ho mere Devta ..aaj tumhari Aarti bemol huyi jaati hai…..”man hi man me hi usne Sahil ko pukara.

Mohit ke aagosh me fasi Aarti kisi kabutari ki tarah fadfadaa rhi thi…kisi tarah pair badha kar table ko jor se dhakaa diya……pure teble samet phoolon ka guldastaa chhaann ki tej aawaz ke saath farsh par gir kar bikhar gaya.

Aarti ki aankhe baras rhi thi ..aaj uski asmat daav par lagi thi aur uska muhaafiz jaane kaha tha. Aarti aaj ro ro kar use pukar rhi thi jise barso se pujati aayi thi…uske hatho se umeed ka daaman chhut rha tha ki tabhi kisi ki tej tej kadmo ki aahat aur fir darwaze par hone wali dhaad dhaad ki tej aawaz ne uske ummeed ka daaman thaam liya.

Darwaze par lagatar ho rhi tabad-tod guhso ki barish ne Mohit ke hosh hawaa kar diya…ek pal me uska sara nashaa utar gaya…Aarti ko chhod usne jaldi se aage badhkar darwaza khola..Saamne Sahil khada tha………aankho me lahu utar aaya tha uske…Aarti farsh par giri huyi thi,us ke sar par lagi halki se chot se khun nikal rha tha…uska blouse kandhe ke pas se fat gya tha aur aansuo se poora chehra bheega hua tha…jaise hi Sahil par nazar padi paglo ki tarah daudati huyi uske gale se jaa lagi aur phoot phoot kar rone lagi.

“Aap kaha the Sahil…kyu itni der kar di aane me…kyu nhi dikhti aapko meri muhabbat…kyu majaak bana diya hai meri chahat ka ….kya khataa hai meri Sahil…” Aarti uske seene me muh chhupaye buri tarah se ro rhi thi..Sahil ne Aarti ko apne seene me bheech liya…uski aankho se sholay baras rhe the..wo buri tarah se kuchh door khade mohit ko ghoor rha tha.

Ghar ke saare log aa chuke the aur ek naya tamasha suru ho gya tha.

“kya ho rha hai yha…….” Sahil ke bade chacha ne puchaa.

Aarti Sahil ke seene se lagi roye ja rhi thi, koi kuchh nhi bola.

“Papa, I m sorry…..lekin is Aarti ne hi khud mujhe yha bulaya …...aur Sahil bhai ke aa jane par natak kar rhi hai…..” Mohit ki is baat par lgataar roye ja rhi Aarti ko jaise break lag gaya….Aaj fir uski muhabbat par syaah baadal chhane lage the. Fir ek ek karke sab Aarti par tohmat lagaane lage.

“Iske to chaal-chalan se hi mujhe lag rha tha…….mera hi beta mila tha faansne ko..” Badi chachi ne kaha.

“Sahil mai kahta hu isi waqt dhakke mar kar nikal is dayan………” bade chacha ne kuchh kahna chaha tha……..Sahil ki dahaad me dab gayi har aawaz……

“ Band karo tum sab apni bakwaas !!……isse pahle ki mai sare rishte naate bhool jau…..!!! Is kutte ne meri biwi par buri nazar dali…mai iski jaan le lunga…….” Gusse me tamtamayaa Sahil Mohit ki or badha aur ghuso ki barsaat si kar di…,Mohit ki tuti naak sahil ke gusse ki intehaa bayaan kar rhi thi….Sahil ke ye roop dekh jahaa sare ghar wale hairaan the whi Aarti ke dil me bujhata muhabbat ka chirag fir se raushan ho gya tha………..aaj uski muhabbaton ke devta ne use apnaa kah diya tha…uske sar par ijjat aur maan ki chadar daal di thi.

“Chhodo use”dono chacha ne badi mushkil se use kichate huye Mohit se alag kiya……

“ Hat jaiye mere saamne se…bol dijiye is kutte ko ki meri nazro se door ho jaye nhi to jaan le lunga aaj mai…………” Sahil ka gussa dekh kisi ko kuchh bolne ki himmat nhi ho rhi thi.

“kal tak to tum khud hi……...” Chhoti chachi ne Sahil ko mano kuchh yaad dilana chaha.

“Haan………. Kal tak mai nhi kah paya…pagal tha mai…apni jid me andha ho gya tha….aaj kahta hu……Aarti meri hai…...muhabbat karne laga hu mai us se..... naadan tha mai jo ab tak nhi samajh paya ..ya shayad kah nhi payaa…” Sahil ne ek nazar Aarti par dali, mano maafi maang rha ho

Aur fir apne ghar walo ki or palataa….....


“Mai naraz tha is rishte se, kyuki meri nazar me barso pahle bane is rishte ka koi mol nhi tha…. lekin aap sab???……kyu chhod diya ise akelaa….mujhe nhi pata tha ki kya rishta tha mere papa ka aarti ke papa se…..aap sab to jaante the.......aap sab to us dosti ke gavaah the………. aap sabne kyu muh mod liya us shakhs se jisne aap ka ghar bikharane se bacha liya…….boliye…kyu tanha chhod diya use jo aapke ghar ki ijjat thi……ek baar bhi khabar kyu nhi li. ” Sahil ne aaj sabko aayina dikha diya tha….koi kuchh nhi bol rha tha ..sabke sar sharm se jhuke the..


“Aur aaj is kutte meri Aarti ko maila karne ki kosis ki, uspar laanchhan lagaya…….dubara mere saamne aa gya to jaan le lunga kutte ki. Ja rha hu mai kal apni Aarti ko lekar, ye shahar chhodkar hamesa hamesa ke liye..”

Sahil ne Aarti ko apne kandhe se lagaya aur apne kamare me chal diya.

Sahil ke kamre me baithi Aarti ko yakeen nhi aa rha tha ki aaj uski dua kabool ho gayi……Sahil ne uske naajuk hatho ko thaam liye.


“Mujhe maaf kar do jaan-e-Sahil…muhabbat to shayad tumhe dekhte hi tumse ho gayi thi lekin barso se is seene me jo jid pal rhi thi uske tutne me thoda waqt lag gyaa….lekin ye jid to tutnee hi thi…tumhari muhabbat ki shiddat se to patthar bhi pighal jaate, meri zid ki kya bisaat thi…..I love u jaan”


Aarti ne kuchh nhi kahaa bas sharmaa kar sahil ke seene se lag gyi…..Aarti ka dil aaj fir se whi geet gunguna rha tha jo barso se gati aayi thi---------

“Tum mere ho..tum mere ho…sadiyon se mere ho…………..”

Aaj Aarti ke lab muskura rhe the…… aankhe baras rhi thi ,lekin ye barsat sawan ki pahli mahaki huyi us fuhaar ki tarah thi jiske saath muhabbato ke ek suhane mausam ke aane ki aahat thi.

THE END​

 

[Mak]

Ak Duja Ka Vasta...
{Sometimes Love is Defination of Emptiness+Love is not always a cure+To be or not to be}
(Originally written by Sasha! in XP contest.)​

Spoiler: Ak Duja Ka Vasta...

Sangeet ki madhur dhawni mobile se nikalkar fiza me goonjne lagi... idhar Shyam bhi caller tune me yahi geet sun raha tha...jab se dono ke bich ishq hua tabhi se dono ki caller tune or ringtone ek hi thi...

Geet pura hote hi shyam ke kano me koyal jesi surili aawaz aayi ...
"Good morning shyamji... please kuch der sone do na!"

Shyam: Very sweet morning ...are or kitna soyegi aalsi ...chal fatafat garden me aaja jogging karne, me wait kar raha hu!!

Ye shyam tha jisne call kiya tha apne pyar ko ...ye unka daily routine tha garden me jogging ke bahane ek duje ko dekh lete or kabhi kuch pal sath me bita lete...

Shyam mast-mola 25 saal ka aakarshk naujawan hai... uski ek mobile shop hai... subah 10 baje jana or wapis raat ko 9 baje aana...

Ya kahani shuru hui thi kuch mahino pahla jab wo dono pahli baar mila tha...
______________________

Shyam apni shop me betha tha... system par gane chal rahe the or anguliya keyboard par nach rahi thi...chehre par kabhi smile aa rahi thi to kabhi gana gungunane lagta... shayad kisi ladki se chating chal rahi thi...

"Suniye" ....ek surili aawaz goonji...

"Hello" ..wapis wahi koyal kuki ....

Shyam apni hi dhun me khoya chating me hi busy raha ...use kuch pata hi na chala ...

2 min baad phir aawaz aayi...

"Thank god!"

Isbaar shyam ne sar uthakar dekha or is tarah hadbdaya jese chori pakdi gayi ho... jaldi se usne keyboard par kuch type kiya or screen ko minimize kar diya...

Samne ek najuk si... chhui-muui si khubsurat ladki khadi thi ...

Shyam: "Ji kahiye..."

Uski halat dekh ladki man hi man muskurai...

Shyam: aapne thank god kyu bola? aisa kya hua?

Ladki: Gana khatam hua naa uske liye...

Shyam: me samjha nhi...

Ladki: 2 minute pahle aapko aawaz di par aapne suna nhi ..jane hi wali thi ki song
khatam ho gaya to apne aap hi thank god nikal gaya muh se... sorry! mujhe ek sim chahiye tha...

Shyam: ha zaroor... apna id-xerox aur passportsize photo dijiye...

Ladki: Ji id xerox to hai par photo abhi nahi hai...

Shyam: Photo ke bina to sim nahi diya jaa sakta...

Ladki ka chehra utar gaya... par shyam se ye dekha nahi gaya... usna jaldi se sim nikala aur ek paper par kuch likh kar us ladki ko dete hue kaha...

"Aap sim lejaiye... photo kal tak de dena... Taki form submit ho jaye nhi to sim band ho jayega aur ye mera number hai,, sim ko lekar koi bhi pareshani ho aap mujhe call kar sakti hai... aap bhi mujhe apna koi dusra number de dijiye... Verification ke liye zaroorat hogi..."

Ladki ka chehra khil gaya aur usne kal Photo dene ka wada karke sim lekar chali gayi... uski muskurahat ne Shyam ka dil moh liya... Usna id proof me uska naam dekha to chehre par muskurahat aagayi...bahut pyara nam tha... "Radha Sharma"

Radha ke nikalte hi shyam ne phir gaan chala diya...

Radha ne gane ke bol sunkar palat kar dekha or muskurate hue chali gayi ...

Kitne hi door door hon hum donon ke raaste
Mil jaate hain jo bane ek duje ke vaaste
Ek duje ke vaaste​

Shyam usko jate hue dekhta raha jab tak wah samne wali building me jakar nazro se ojhal nahi ho gayi ..

Dusre din radha apni photo dene aayi to shyam ka rom rom khushi se bhar gaya ..jab radha jane lagi to shyam ne himmat juta kar kaha

"Ap samna wali building ma rahti hae???"

Radha heran hui... phir do pal kuch socha or kaha...

"ji me samne wali building me 3rd floor par rahti hu"... Radha ne ishare se bataya ...

"Thanks Radhaji.." Shyam na kaha...

Phir Radha chali gayi...

Or kuchh hi der baad wo khidki par nazar aayi or jese hi nazre mili radha waha se hat gayi magar khidki khuli hi rahi ...
_________________________________

Jabse Shyam ne pahli baar Radha ko dekha...wo bahut khoya khoya sa rahne laga ...ab uski nazre bas Radha ki khidki par hi tiki rahti... Shyam ki shop ke samnewali building me Radha ka pariwar kirayedaar bankar kuch din pahle hi aaya tha... kabhi Radha khidki par aati to Shyam uska deedar kar leta... Yun to kayi khoobsurat chehre uske aas-paas the... par Radha ki baat kuch aur thi... najane kyun Shaym na chahte hue bhi uski aur khincha chala jaa raha tha... Jab bhi wo raaste se gujarti Shyam apne sare kaam bhulkar use hi niharta.. par kuch kahne ki himmat nahi hoti... par shayad kismat ko bhi inhe paas lana tha...

Sim lene ke 7 din baad karib raat ko 9 baje Shyam ke pass ek message aata hai...

"Please Shyamji is number par 100 rupaye ka recharge karwa dijiye... Please"

Wo message Radha ka tha... Shyam ne ek pal bhi bina soche recharge kar diya...

Raat ko karib 11 baje Radha ka ek aur message aaya...

"Thank you so much Shyamji... aap nahi jante aap ne meri kitni help ki hai.. me kal subah hi apko paisa de dungi..."

Shyam's reply: "Please aap Thanks mat kahiye... aap kuch pareshan lag rahi thi... sab kuch thik to hai na??"

Radha's reply: "Ji haa ab thik hai... pitaji ki tabiyaat kharab ho gayi thi... ghar par koi nahi tha... Or balance bhi khatam ho gaya tha... par ab sab thik hai..."

Shyam's reply: "Aap ko kabhi bhi koi pareshani ho aap mujhe ek dost samajkar behichak bol sakti hai... mujhse jitna ban padega me karunga"

Ye baatein... in baaton ki wajah se hi do dil dost bante hai... aur Pyar ki buniyaad rakhi jati hai... Aesa hi kuch Radha aur Shyam ke saath hua... Baaton ke silsile se Radha ne shyam ke man ko padh liya, Komal aur nishpap man ... Uske dil ke har unchhuye hisse ko Radha ne apni baaton se chhu liya... Kuch haafton pahle Shyam ke liye jo Ehsaas mahaz aakarshan tha... wo ab Pyar me parivartit hone laga tha... har subah uski "Good Morning" se shuru hoti aur usike "Good Night" ka saath hi Shyam ko neend aati... Use ab Radha ki aadat hone lagi thi... usse baat na ho to Shyam jal-bin-machhli ki tarah machalne lagta... Par in sab ke bawajood Shyam usse kuch kah nahi paa raha tha... par dil ki ye bechaini bhi usse sahi nahi jaa rahi thi... usne dil me himmat jutakar ak raat baat karte waqt Radha ko message kiya...

"Kayi dino se Tumse ye baat kahna chahta tha... par himmat nahi hui... par aaj kahe bina bhi nahi rah sakunga ... shayad tumhare liye me ek mamooli dost hoon... par mere liye hamara ye rishta dosti se badhkar hai...

... ha... Raddha ....haa...

pyar ho gaya hai mujhe tumse... do kadam saath chalne wala nahi... sari zindagi saath nibhane wala pyar... me nahi janta tumhare dil me kya hai... agar tumhara dil bhi mere liye dhadakta hai to kal park me subah 5 baje me tumhara intzar karunga... Agar tumhe bhi pyar ho to is Shyam ke liye ek Mayur-Pankh le aana... agar tum nahi aayi to fir me tumhe kabhi dobara pareshan nahi karunga... Wada!"

Shyam ka message pakar Radha man hi man muskurai... wo najane kabse isdin ki raah dekh rahi thi... Shyam ki chhavi to kabse uske dil me basi thi... par khud kuch kah nahi paa rahi thi...

Dono ki raat subah ke intzar me jagte hue hi beet gayi...karvate badlte hue ..

Subah Shyam Park me baitha barbar apni ghadi dekh raha tha... halki boonda-bandi ho rahi thi... Yun to Park me subah sab Morning walk ke liye bohot log aata hai.. par aaj koi nahi tha... Kudrat ne jaise un dono ke liye hi ye mausam taiyaar kiya tha... par jab Radha 5:30 baje tak bhi waha nahi aayi to Shyam ki ankhe chhalak gayi... wo park se bahar jaa hi raha tha ki dekha Radha idhar-udhar kisiko dhunde jaa rahi hai... uski haathon me wo mayur pankh tha... jaise hi uski nazre Shyam se mili wo khushi se uski or bhagte hue aayi... wo gale lagne hi wali thi par sharam ki wajah se ruk gayi... Shyam ko uspar bada hi pyar aaya... usne aage badkar mayur pankh wala uska haath tham liya... Radha sharam se pani pani hone lagi... uski jhuki palkon ne pyar ka izhaar kar diya... Shyam ne thoda aur aaga badkar dhire se kaha...

"Pyar hae?"

Radha ne bhi sharmate hue kaha "Bahut Pyar hae...shyamji"

Achanak ek jor ki bijli kadki or Radha Shyam se lipat gayi... joro ki barsaat hone lagi... Radha-Shyam ek dusre ke agosh me pyar ki barsaat me puri tarah bheeg gaye!!

Pahle pyar ki pahli rasm ...
Pahle pyar ki pahli barish ..

Fiza me unke pyar ka sangeet bikhar gaya or jese saanse gaa rahi thi ...

Us rab ne jab dil diye...
Dil ke do tukde kiye!
Dono mein ek naam leikha...
Ek radha ek shyam likha!​

___________________________

Pahla pyar ka rang kya khoob chara... Har guzarta lamha ka saath ya pyar gahrata gaya... Radha Shyam ki zindagi ban gayi... wo har pal sirf usiko jeeta... har subah park ma jab unki mulakat hoti Shyam ka dil nahi karta juda hone ka... kabhi kabhi Radha recharge ka bahana Shop par aati aur Shyam ka liya kuch banakar lati... Kaam ki mahnat bhi ab usa thaka nahi pati... wo apni sari taqat jhonk kar Radha aur uska vabishya ko sunahra banana chahata tha... Radha bhi shyam ki pasand-napasand ka khyal rakhti... jaisa usa pasand tha waisa hi sajti-sawarti... har pareshani ma Shyam ka saath khari rahti...

Akdin Subah jab subah ki pahli kiran ka saath Radha apna Shyam sa milna aayi... To shyam na bara pyar sa poocha:

"Radha... ya tum mere naam ka saath 'Ji' kyun lagati ho??? mae to tumha sirf Radha hi bulata hun..."

Radha na sharmata hua bara prem sa jawab diya: "Mere liya to yahi aapka naam hae... "Shyamji"... Jinha log mandiron ma dhundta hae... maena unha apni zindagi ma paya hae... mere liya aapma... aur us vagwan ma jiski hum pooja karta hae... dono ma koi antar nahi"

Is baat ka jawab ma Shyam kuch na kah saka... bas stabdh hokar Radha ka chahra ko niharna laga... Radha ka samarpan sa usa apni kismat par naaz hona laga... usa laga shayad ya us uparwala ki hi maharbani hae jo usa Radha ka saath mila hae...

Pyar ka rishta... shayad sabsa anokha rishta hota hae... do anjaan log ak dhaga ma bandhkar ak duja ko apna sab kuch man lata hae... dono ka dil ak saath dharakta hae... ak saath rukta hae...
Yun to Heer-Ranjha Romeo-Juliet Soni-Mahiwal... kayi prem-kahaniyon ka shakshi bani hae yah dunia... par har shahar... har gali ma najana aesa kitna Sadharan Radha-Shyam honga jinko pyar na apna rang ma rang kar asadharan kar diya hoga...
_________________________________

Par Pyar ki Pariksha to us uparwala ko bhi dani pari thi... to kismat kaisa Radha-shyam ko baksh dati...

Usi gali ma ak larka tha... Manav... wo Radha ka saath college ma parta tha... isi silsila ma dono ki dosti hui... Usna Shyam ko bhi uska bara ma bataya... Shyam ko Radha par poora viswas tha... isiliya usna koi apatti nahi jatayi... notes ka silsila ma uska ghar par ana-jana shuru hogaya... Par nishpap man ki Radha uski niyat sa anjaan thi... jaisa jaisa din beet ta gaya... Manav ka sar par radha ko pana ka junoon savar ho gaya...jab bhi wo Radha ko dakhta uska man ma kubichar angrai lana lagta...
____________________________________

Holi ka din tha... Gali ka sara larka holi khalna ka baad ak saath sharab pi raha tha... Shyam na bhi Radha sa chupakar thori si pi thi... Waha Manav bhi tha... usna bohot pi rakhi thi... usa kuch hosh nahi tha... aaspaas kaun hae... wo bari besharmi sa Radha ka har anng ka barnan karna laga... uska dil ka mail sharab ma bah kar sabka samna aa gaya... Shyam ka kano ma jaisa hi ya baat pari... uska dimag apni jagah sa hil gaya... ankhon ma khoon utar aaya... usna apni muthi beench lia aur Manav ki taraf bar gaya... iska baad jo hua usa waha khara sab mil kar bhi nahi rok paya... wo Manav ko tab tak pit ta raha jab tak wo behosh nahi hogaya...

Par Shyam sa ya sab Radha ko bataya nahi gaya... wo janta tha Radha ka komal man ya sab sun nahi payaga... aur jis baat sa Radha ko taqleef pohouncha us baat ka jikr bhi Shyam sa mushkil tha!! Usna bas Radha ko Manav sa door rahna ko kah diya... Par Us din sa Manav na kasam kha li... wo Radha-shyam ko alag karka rahaga... aur radha ko pa kar rahaga!!
____________________________________

Dono subah park ma ak dusra ka baahon ma thay... Manav na bari chalaki sa Radha ka makanmalik ko uska aur shyam ka bara ma rooobaru karwaya... Makan malik ki taraf shyam ki pith thi... par Radha ka chahra unha saaf saaf dikh gaya... Manav na bhi unha Shyam ka nam nahi bataya... wo janta tha... aesa karna sa wo fas sakta hae...

Khabar aag ki tarah fail gayi... Jaisa Radha na Pyar nahi koi gunah kia hae... baat radha ka pitaji ka kano tak bhi pohounchi... Ghar aakar unhona Radha ko ak jordaar tamacha kas diya... aaj uski wajah sa unki naak kat gayi thi... pyar karka usna duniya ka sabsa bara paap kiya tha...

Radha ka pitaji ussa larka ka naam puchta raha... par uska baas ak hi jawab tha... "Nahi bataungi!"

Aur haar baar Radha ka mooh par ak tamacha parta... akbaar to tamacha itni jor sa para radha ka hoothon ka kinara sa khoon nikalkna laga... par wo apni jagah atal rahi... usna Shyam ka nam tak nahi liya... usa pata tha... agar sabko Shyam ka bara ma pata chal gaya to sab apna gussa usipar nikalanga... usa marenga-pitanga... uska apmaan karenga... aur ya Radha apna jitaji nahi hona da sakti... usna har ghav apna par la liya.. aur hasta hasta har atyachar sahti rahi... Jis maa na usa bachpan ma apna haathon sa khana khilaya tha usi maa na uska khana pina band kar diya... jis bhai ka kalai pa usna rakhi bandhi thi usi bhai na uska mobile tor diya aur berahmi sa khinchta hua kamra ma baand kar diya... In sab ka bawajood radha na Uff tak nahi jki... Par kuch ghanto baad kuch aesa hua jissa uska pyar ki buniyaad hil gayi!

Sham ko ak ladki usse milne aayi... subah se pareshan Radha apne kamre me band thi aur uske gharwale us ladki ko Radha se milne nahi de rahe the... par wo ladki zid pa aar gayi... bohot manane ke baad gharwalon ne use Radha se milne ki izazat di...

Radha apna kamre me baithi thi... haat me shyam ki photo thi jo usne apne paas chhupa rakhi thi... use apne zakhmo ka koi dukh nahi tha... Shyam ki ak jhalak ne uske sharir ke har ghanv par marham laga diya... Achanak use kisike aane ki aahat sunai di to usne photo chhupa di... Wo ladki Radha ki maa ke saath andar aayi... Par undono ko akela chhod kar jese hi wo gayi, wo ladki Radha ke kadmo me gir kar rone lagi... Kafi der koshish karne ke baad Radha nae use uthaya aur apne saath bithaya.. wo larki abhi bhi hichkiyan lekar ro rahi thi...

Radha ne uska rona ka karan pucha to usne apna nam Meera aur khud ko Shyam ki pahli girlfriend bataya... Radha ke pairo tale zameen khisak gayi... us ladki ne bataya kayi saalon sae wo shyam ki Girlfried hai... dono ak dusre ke saath har had paar kar chuke hai... Shyam abhi bhi uske saath samandh banaye hue hai...shyam ke gharwalon ne bhi undono ke rishte ko sahmatai di hai... par ab
Shyam Radha ki wajah se use chhodna chahta hai...

Wo ladki fir se Radha ke pairon me girke rone lagi...

"Please mere Shyam ko mujhse mat chhino... me uske bina nahi jee paungi... mene apna sabkuch use de diya hai... tum ak ladki hokar meri duniya mat ujhado"

Radha bas suni ankhon se dekhti rah gayi... uske dil ke hazaron tukde ho gaye... usne Meera ko pairon par se uthaya aur ashwasan dekar wapas bhej diya... uska jatehi Radha toot gayi... poore kamre me uski siskiya goonjne lagi... Shyam ki tasveer ko seene se laga kar wo bas roye jaa rahi thi...

"Apna aisa kyun kiya Shyamji... mene to apko hi apna sabkuch mana tha... fir itna barda dhoka apne mujhe kyun diya... kyun diya..."

Har ak pal uski ankhon ke samne aata chala gaya,.. Shyam ko pahlibaar dekhna... uske Pyar ka izhaar... wo har pal jab usne khud ko Shyam par luta diya... kya wo sab sirf ak vaham tha... kya wo Shyam ke liye sirf ak dil bahlane ka jariya thi?? jise pyar me apna khuda mana... jiske liye apne pariwaar se lad rahi thi... kya wo ak dhokhebaaz hai??? Radha bas akeli roti bilakhti tadapti rahi...
______________________________

Shyam bari bechaini se Radha ki khirki ki or dekh raha tha... aaj jab se Radha subah usse mlkar gayi thi tabse na to uska phone aaya nahi message... akbaar bhi usne khirki kholkar Shaym ka deedar nahi kiya... pahle shyam ko laga shayad Radha busy hogi... par jab ghari me 10 baj gayae aur Shyam ke ghar jane ka waqt hogaya wo bechain hona laga... har raat Shyam use dekhkar hi ghar jata...par aj waqt bitta ja raha tha... par Radha ne khirki nahi kholi... usne kayi baar radha ko phone lagaya... par uska phon band tha... jo phone usne diya tha wo bhi band tha... Shyam ke dil me shanka ke kale badal ghirne lage...

Achanak uska ringtone baja... "Kitna door door ho..." Radha ka nam screen par dekh kar shyam usme kho sa gaya... Use phone uthana yaad hi nahi raha... wo bas caller id me lagi apni radha ki photo ko niharta raha... do bund ansoo chhalak kar screen par gir gaye... par kuch der baad phon kat gaya... Shyam ko hosh aaya... aur wo hadbada gaya... usne jaldi se phone lagaya... wahi gana radha ki caller tune me baj raha tha... thori der baad Radha ne call uthaya...

"Hello... Hello Radha..."

Radha ne us phon se call kiya tha jo Shyam ne use gift kiya tha aur wo phon usne gharwalon se chhupakar apne pass rakh liya tha... Par phone par Radha chup thi.. sirf uski sisakne ki awaj aa rahi thi... Shyam aur bhi bechain ho gaya...

"Kya hua radha... tum kyun ro rahi ho???"

"Apni kismat par ro rahi hoon Shyamji... jise pyar me apna bhagwan bana liya... aaj usine mujhse bewafai kar li..." Radha rota hue boli...

"ye tum kya kah rahi ho Radha... me tumse bewafai ki bat sapne me bhi nahi soch sakta... tum meri zindagi ho...koi apni zindagi se bewafai karta hai bhala??"

"Aur jo apna Meera ke saath kiya wo???"

"Kaun Meera... tum kiski baat kar rahi ho... tumhe koi galatfahmi hui hai jaan... kisine tumse jhut kaha hai... ganda mazak kiya hai... mera viswas karo jaan me sirf tumse pyar karta hoon" kahte kahte Shyam ka gala bhar aaya...

"Mat kaho mujhe Jaan... ye haq aap kho chuke ho... mene kabhi sapne me bhi nahi socha tha aap aisa kuch kar sakte ho... kya mila apko do larkiyon ki zindagi barbaad karke... Meera aaj mere paas aayi thi mere pairon me gir kar rone lagi... usne ye bhi bataya ki apki shadi usse tay ho chuki hai... apdono ne pyar ki har had par karli hai... batao ak larki apne bare me aisa jhut kyun bolegi..."

Radha ka ilzamo se Shyam ka seena chhalni hogaya... Radhha ki ye berukhi uski jaan lene par tuli hui thi...

"Mera viswas karo jaan mene aisa kuch nahi kiya... "

"viswas shabd apke mooh se acha nahi lagta Shyamji... aap mujhe bhool jaiye... humare beech jo bhi tha... aaj se sab khatam... aap Meera ko apna lijiye..."

Radha ko laga jaise harzon suiyan uske dil me chubh rahi hai... use laga ye sab kahne se marna uske liye aasan hota... uske akhri lafzon ne Shyam ko andar tak tod diya... wo pagalon ki tarah rone laga... kuch der baad usna khud ko sambhala aur kaha...

"Kisi gair ki baaton me aakar aaj tumne mera dil toda hai Radha... par ye hamesha yaad rakhna... is Shyam ke dil me or zindagi me koi hoga to sirf meri Radha... yaha kisi aur ke liye koi jagah nahi... Meri bas ak baat man lo Radha... ak akhri baat... akbaar ye khirki kholo..."

Shyam ki ye baat Radha nahi thukra payi... wo bhi apne shyam ko akbaar jee bhar dekh lena chahti thi... Khirki khulte hi Radha aur Shyam ki nazre mili... Shyam ka dil Radha ke chehre ke ghavyon ko dekh kar pasij gaya... par ab uske haath me kuch nahi tha... wo kuch der suni ankhon se apni jaan ko niharta raha... fir aage badkar khirki ke thik neeche aakar khada hogaya... usne Radha ko kuch ishara kia... Radha kamre ke andar gayi aur ak rassi me thela (bag) bandhkar niche gira diya... Shyam ne us thele me kuch rakha... aur piche hat kar akbaar aur Radha ka deedar karna laga... Radha ne thala kholkar dekha to usme Radha ki pasannd ki cheeze thi... Choclates, Ice cream... aur ak tasveer... jo Shyam aur uski thi... Shyam ne wada kia tha wo tasveer wo frame karwa layega... par har baar bhool jata... par aaj juda hote waqt hi usne apna wada pura kar diya... Do bund ashk Radha ki ankhon se tasveer par gir gaye...

Har raat ki tarh Radha ne aaj bhi haath hilakar usa bye kaha... par aaj use pata tha wo Shyam se dobara kabhi na mil payegi.. Uska hoothon par ak feeki si muskaan thi... jaise wo apne pyar ko khud se haste haste juda kar rahi ho...

Shyam bhi uska ishara samajh gaya... usne badi mushkil se khud ko sambhala... halka sa muskuraya... par jyada der waha ruk nahi paya...

Agle din Radha ke gharwalon ne ghar badal diya... gali se jata waqt akhri baar Radha-shyam ki nazre mili... dil tadap raha tha... honth kuch kahne ko thartahra rahe the... par kah na sake... do dil apne andar ghut ta raha... bas ankhon se do boond ansoo chhalak gaye...

Hum Dono Ek Jaan Hae...
Do Dil Ak Armaan Hae...
Lekin ab is Mor Par...
Dekhe Daman Chhod Kar...
Waqt Ka Hae Ya Faisla...
Hum Tum Ho Jaya Juda...
Manga Khushiyon Ki Duwa...
Ak Duja Ka Vasta...​

________________________________
Hotel ke suit me Radha khirki se bahar dekh rahi thi... ankhon me ak sankalp tha...aaj bhi use ye rishta thukrana tha... Ladke ko apne aur Shyam ke bare me sabkuch batana tha... aisa wo pahle bhi 3 baar kar chuki thi... is wajah sae ghar me kafi halla hua... isi dar se aaj uske gharwalon ne Hotel me suit book kiya tha... Ghar badalna ke 7 din baad College me usne Manav ko Meera se baat karte sun liya aur sari sachai jan li... Manak ne hi Meera ko uske pass bheja tha... tabse usne kayibaar Shyam ko contact karne ki koshish ki... par uska phone band tha... gharwalon ka pahra tha isliya milne bhi nahi jaa saki... par dil me ak nishchay tha... Shadi hogi to sirf Shyam se... Wo tab tak apni kismat sa... in riwajon sa... is samaj sa larti rahagi... jab tak usa uska Shyam nahi mil jata!!