Uski Maya - Meri Chaya
Finale - Part 2
' chuchuuuuchuhu.. hawwwwwwww.... " awaz theek mere dayein taraf se se ayi thi jise sunte hi mera sharir thanda padh gaya. Chehre ki rangat aise udi mano sab kuch khatam ho gaya ho. Mene apni nazar dayein aur modhi jahan aisa laga mano andhere mein koi samne khada hai, ek parchai jo andhere mein akriti bana rahi thi. Use mehsus karte hi sine mein jo halchal hui ki hath khud ba khud zameen par chalne lagi aur mei bina zameen par dekhe bhabhuti ko uthane ki kosish mein lag gaya. Na jane kyun ankhein us jagah se hat kar samne nahi jaa rahi thi lekin kehte hai shardha mei vishwas karo to safalta hath lag jati hai usi tarah mera hath bhi bhabhuti par padh gaya lekin mei use utha pata use pehle mere per piche se usne khinche aur mujhe us jagah se dur kar diya jiske baad jo chizen hawa mein udh rahi thi vo us ghere ke uppar girte hue ikhata hone lagi aur wahan sabhi saman ka ek jamavad bana gaya jise sath vo anguthi uske niche jaa dabi.
" nahi, nahi nahi... " mei apne pairon par khada hi hone wala tha ki usne mera per pakada aur mujhe khinchte hue wahan se dur le jane laga. Mei resort ke hall mein zameen par itni zoron se fisalta hua jaa raha tha ki uski ghisad se mere sine par jalan hone lagi thi. Ankhon se dhire-dhire meri manzil ojhal ho rahi thi aur phir andhere mein kho gayi.
Vo gusse mein mujhe khinchta hua bas aage badh raha tha bhale hi bich mein koi deewar aa jaye par usne uski parwah nahi ki. Vo ghasita hua hall ke kone mein pahunch kar deewar ko todte hue uske andar jaa ghusa ' bhummmmmmmmmmmmmm ' jaisi hi awaz suni to nazar piche karne ka bhi mauka nahi mila aur kuch entein mujhpar girne lagi aur phir kuch hi der baad dubara wahi hua. Vo hall mein bane ek ke baad ek pillar ko todta hua mujhe uske bich se ghasitta hua le jane laga. Pillar ke bich mein lage sariye aur ent mere sine ko chir rahe the aur chehre ko bhi chil diya tha. Khoon pani ki tarah behta hua farsh par mere sharir ki lakeer bana raha tha jise mei piche chhodta jaa raha tha. Itni yatna ke baad mei dhire-dhire besudh hone laga aur ankhein jhap-jhapati hui band hone lagi. Mujhe nahi malum ki vo mujhe kahan le gaya tha bas itna pata tha ki sina ghisad se jal raha tha aur jahan se sharir ka mans fatta tha wahan par us jalan ka dard aur bhi jada tha. Bas kisi tarah apna chehra utha rakha tha jo usi pal niche jaa gira aur ab sharir ke sath chehre par bhi farsh ki ghisad se mera chehra jalne laga.
Andhera bangle aur resort ki pichli dehleez ke najdeek pahunch chuka tha, chand lamhe baad vo andhera us jagah ko paar kar jane wala tha jiske baad uski takat aur uski khwaish uske kadmo mein hone wali thi. Jaise jaise andhera badh raha tha uski takat badhti jaa rahi thi " aaarghhhhhhhhhhhhhhhhhhhhhhhhh " vo gusse mein cheekhta hua mujhe ek kamre ki deewar todte hue us kamre ke andar laya aur phir dusri taraf ki deewar todte hue bahar le gaya aur usi dauran meri ankhein ek jhatke mein khul gayi aur besudh hone par jo jalan aur dard kam hua tha vo vapis aa lauta par uske sath hi ek himmat jo kuch der pehle mari thi vo laut ayi kyun ki jab mene apna hath dekha to paya ki vo bhabhuti mere hi khoon ke sath hateli par chipki hui thi. Mei nahi janta itni himmat eka-ek mere andar kahan se ayi par shayad andar hi andar pata tha ki vo himmat kisne di thi, is kahani ke 'pyar' ne.
" aaarggghhhhhhhhhhhhhhhhhhhh " mei puri takat ke sath ghuma aur apne aap ko kisi tarah modhte hue apne hath wahan rakh diya jahan se usne mujhe peron se pakda tha. Bhabhuti wale hathon se mene jaise hi use pakda vo til-mila utha aur usi shan usne mere per chhodh diye lekin mei itni zor se fisalta hua aa raha tha ki uske chhodte hi mera sharir sidhe lakdi ki rakhi almira mei jaa ghusa ' faaatttttttttttt bhummmm '
" aaahhhhhhhhhhhh " sharir ke dard ko sikodte hue mei ek pal tilmilaya lekin kano mein padti til-milahat bhari awaz sun kar mei uski taraf dekhne laga. Vo mere samne usi tarah pili roshni mein chamkta hua apne hath ko pakde baitha tha jahan se mene use pakda tha. " argghhhhhhhh arghhhhhhhh arghhhhhhhhhhhhhh " vo zor-zor se chilla raha tha aur use dard mein dekh mei himmat karke apni jagah se sahara lete hue khada hua.
" aaahhhh-hhh " ladkhdate hue dhire-dhire uski aaur badha jo paglon ki tarah chilla raha tha. Mei uske kareeb pahuncha aur mujhe kareeb pakar vo meri taraaf dekh zor se dahda.
" aaaaaaaarghhhhhhhhhhhhhhhhhh " usne apni takat mujhpar dubara ajmai jiska asar mujhpar is baar bhi usi tarag hua aur mei ek baar phir piche usi tuti hui almari mein jaa ghusa ' bhummmmm '
" aaahhhhh-hhh " pith ke bal gira tha isliye jo lakdi aur kanch pith mein dhansa hua tha vo girne ke karran aur ghus gaya jiski chatapat mehsus karte hue ek pal ke liye mei til-mila utha. Mere hath turant apni pith par gaye, muh se thuk nikal kar bahar gir raha tha, pure sharir mei alag-alag hisse se khoon nikal raha tha. Adhe chehre par jalne ke nishan bane hue the aur sar se khoon ris raha tha. Hath pith par pahunchane mei takleef ho rahi thi lekin phir kisi tarah pith tak hath le jate hue mene us lakdi ke tukde ko khinch kar bahar nikala " aaaaaaaaaaaahhhhhhhhhhhhh " dard ki lehar aisi daudi ki sans tez ho gayi aur ankhon se pani nikal aya. Abhi ek aur chiz nikalni baki thi aur vo tha kanch ka tukda. Mene pith par use khoja aur phir badi mushkil se use bahar nikala " aaaaaaaaahhhhhhhhhhh " ek baar phir dard hua aur pith ke us hisse se khoon kanch ke sath bahar nikalta hua girne laga. Ek pal ke liye mei karwat ke bal wahin lait gaya aur lambi lambi sansein lete hue hafne laga. Jab Nazar utha kar samne dekha to paya ki uska chillana abhi tak khatam nahi hua tha. Bhabhuti ki takat ke aage majbur wo wahin khada reh kar dard ko jhel raha tha. Waqt kam tha ye baat mei bahut ache se janta tha aur bas khud se kehne laga ek baar aur, anshika ke liye, us pyar ke liye, us pariwar ke liye jise sochte hi mene apna hath zameen par rakha aur uspar dabav dalte hue apni jagah se dhire-dhire khada hone laga aur agle hi pal ek baar phir uske samne kahda ho gaya.
Uski nazar mere uppar padh gayi thi aur vo apni jagah se khada hokar mujhe itni gusse bhari ankhon se dekh raha tha ki uska bhayanak chehra us andhere mein aur bhi jada bhayanak lag raha tha. Mei janta tha ki mujhe is baar kya karna hai isliye mei tezi se ladhkhadate hue uski taraf badha aur hamare bich duri kam hone lagi, vo is baar bhi apni takat se mujhe khud se dur karne wala tha, ye baat mei bhanp chuka tha aur chahta bhi tha ki vo wesa hi kare. Mei jaise hi uske najdeek aya to usne usi cheekh ki takat se mujhe piche dhakelna cha lekin mei usi dauran niche ki aur fisal gaya jiske sath mene uska per pakad liya pehle dahina aur phir bahina. Jalan se til-milate hue vo dahda aur usne jaise hi apna chehra niche kiya to mene uske chehre par bhi apna hath rakh diya aur hath aur per ki madad se piche ki aaur hath gaya. Vo pagalon ki tarah chtapata raha tha aur reh reh kar meri aaur dekhne lagta. Shayad utna kafi tha mere liye jo mujhe samay de sakta tha aur vaise bhi samay bahut kam bacha tha kyun ki jab mene apna vo hath dekha jispar bhabhuti lagi thi to paya ki uski ek ungli abhi abhi mitti ban kar niche farsh par gir gayi thi. Ye pal mere liye hairan kar dene wala tha " andhera bas jane hi vala hai " sochte hue mene uski taraf dekha aur phir wahan se ladkhdate hue jitni tezi se bhag sakta tha utni tezi se bhaga.
Bina jada waqt lagaye mei wapis hall mein pahunch gaya, itni jaldi pahunchne ki wajah thi us shaitan ki todi gayi deeware aur mere khoon se bana vo rasta jiske jariye mene duri bahut jaldi tay kar li thi. Mei fauran us ghere ke pas aya jahan usne apni takat se sara saman dal diya tha jise jaldi-jaldi mene hatana shuru kar diya. Abhi hata hi raha tha ki sidhe hath ki ek ungli miti ke bhanti bikhar gayi. Waqt ab bahut kam tha aur ye baat mei janta tha isliye tezi se saman hatane laga.
' taannn-bhummmm ' awazein aa rahi thi aur meri sansein saman hatate hue fulne lagi thi. Ek to waqt kam hone ki chinta uppar se uske vapis aa jane ki chinta, dono dimag mein savar thi isliye dhayan bar-bar bant raha tha. Akhir kar apni halat ke anusar mene saman ke bich jagah banai aur mere samne vo anguthi aur gehra aa gaya jisme anguthi teete-bheetar ho gayi thi. Do to mujhe fauran dikh gayi aur mene unhe wesa hi rakh diya jaise pehle rakha tha bilkul dehlez ke bichon bich ek ring rakhi aur uski dayein aaur dusri rakh di. Par abhi ek aur bachi thi jo meri ankhon ko dikh nahi rahi thi aur yahin isi dher ke niche padhi thi.
" kahan hai, kahan hai " mei ab hath se tatolte hue saman ko wahan se hatate hue khojne laga ki tabhi us shaitan ki cheekh sunai di jo behad gusse mein tha jiski wajah se zameen zor-zor se hilne lagi theek waise hi jaise pehle hili thi. " aarggghhhhhhhhhhhhhhhhhhhhhhhh " zameen itni zor se hili ki ek pal ke liye mera bhi santulan bigad gaya aur wahan pada saman jo ek dusre ke uppar pada tha vo bhi khisak kar niche girne laga aur jo zameen par pada tha vo bhi khisakte hue idhar udhar hone laga tha. " vo aa raha hai " mere honth khud ba khud badabdate hue bol pade aur mei fauran khoj mein lag gaya lekin vo akhri anguthi kahin dikh nahi rahi thi. Khojte hue thak gaya tha lekin ruk nahi sakta tha. Reh-reh kar nakamyabi ko soch kar ankh se ansu nikal aate " madad kar maa " mene maa ko yaad kiya aur zameen ke hilne ki wajah se saman ke dher se ek lakdi ka tukda fisal kar niche gir gaya jiski wajah se meri nazar us jagah se hote hue uske piche padi anguthi par jaa tiki. Chehre par tanav thoda kam hua aur mene turant use utha kar anguthi ke bayein aur rakh di. Teeno anguthi usi tarah se rakh chuka tha jis tarah rakhni thi. Ab bas iski shakti ko todna tha jise vo shaitan tutne wala tha aur is kahani ka ant hone wala tha.
Mene ek pal ankhein band ki aur bholenath ka naam lete hue mujhe guruji ki baat yaad ayi.
Usi din Subah
" guruji is baar mei kahani ka ant karna chahta hun taki koi shaitan kabhi bhi mere pariwar aur mere pyar ko takleef na de sake "
" teri vyatha samajh raha hu "
" aagar aap samajh rahe hain to shayad apko pata hoga ki mei kiski baat kar raha hun "
" vo takat jo hamesha se uski kamjori rahi hai chahe vo tere pita ke waqt mei ho ya phir tere waqt mein. Us shakti se hi hoga uska ant " guruji ke kehte hi shreyas ki nazar choti ho gayi aur vo sochne laga ki kaun si shakti hai aur tab use guruji ki baat samajh ayi par vo hai kahan? kyun ki us raat ke baad vo kahan gayi koi nahi janta tha.
" par vo mujhe milegi kahan? " shreyas ko sochne par bhi samajh nahi aya to usne puch liya.
" tujhe bas use yaad karna hai vo hamesha ki tarah tere pas hi hogi " guruji ne halki muskan ke sath apna jawab diya.
" kaise? matlab vo mere pas kaise ayegi vo bhi us jagah par aur agar tab aa sakti hai to abhi kyun nahi ? " shreyas ne hairani mei ek ke baad ek sawal kar diye.
" sahi samay rehte hue sahi waqt par vo tere hath mein hogi " guruji ne shreyas ko bata diya ki vo jis shakti se use bandhenge vo uski is kaam mein madad karega. Shreyas puri kahani ko samajh chuka tha, hoga ya nahi ye usne apne pyar aur is kahani par chhod diya tha. Ab uske pas koi sawal nahi the aur vo vahan se jane laga par jate hue vo ek pal ruka aur guruji ki taraf dekhte hue bola.
" apne aisa kyun kaha tha ki anshika hi is kaam ko kar sakti hai? "
" taki tu uske dard se jud sake, uske alag hone ke dard ko mehsus kar sake, is kahani se ek baar phir jud sake " guruji ne jawab diya to shreyas ko apni kamjori samajh ayi. Usne kuch nahi kaha aur han mein sar hila diya. " janta tha tu uske dard ko mehsus jarur karega kyun ki ye sirf tujhse hi ho sakta hai " guruji ki is baat ne baba ki yaad dila di jo use hamesha yahi kehte the.
" is baar kahani ka ant hoga guruji hamesha ke liye " shreyas bol kar mudha aur vahan se chala gaya. Guruji kuch nahi bole kyun ki vo jante the ki kahani ke 'ant' mein kya chupa hai.
" har har mahadev " bolte hue unhone apni ankhein band kar li.
Abhi ka Waqt
Mene apni ankhein kholi aur usi dauran mene paya mere hath mein vo chamak raha hai jise mene us raat kho diya tha wahi trishul jise papa ne khan ki ruh ko kaid kiya tha aur mene uski madad se khan ke sharir ko khatam kiya tha. Wahi shakti jo is dono waqt se taluk rakhti thi aur wahi shakti aaj is khel ka ant banne mein meri madad karne wali thi.
" aargghhhhhhhhhhhhhhhhhhhhh " achanak uski awaz bangle ki gherai ko cheerte hue mere najdeek ayi mano use pata chal chuka ho ki uska 'ant' ab samne hai. Andhera dehleez tak pahunch chuka tha aur bas agle hi shan bahar nikalne wala tha. Vo corridor ki gehraiyun ko paar karta hua mere najdeek pahunch chuka tha aur dusri taraf mei tayar tha. Mei use mehsus kar sakta tha aur vo mere najdeek aa chuka tha. Usko apne pass mehsus karta pakar mere honth thar-tharane lage, chehra kapne laga shayad ye jazbat aur gussa tha jo is roop mein mere sharir se nikal raha tha. Mene trishul ki giraft majbut kari aur apna hath uppar uthaya aur cheekha jo is kahani ki jeet ki cheekh thi jo uski haar ki cheekh se kahin jada tez thi.
" aargggghhhhhhhhhhhhhhhhhhhhhhhhhhhhhhhhhhhhhhhhhhhh " ankh se ansu kyun gire nahi malum lekin mene apna hath niche le jana shuru kiya aur jaise waqt sabke liye behad dhima ho gaya ho. Mere hath dhire-dhire niche jaa rahe the aur sam aur bhai ki mili hui shakti bana roop cheekhte hue meri aaur badh raha tha jiske sath uski akriti bhi banne lagi. Mere muh se cheekh band nahi hui thi aur tab tak nahi hui jab tak mene trishul ko anguthi par nahi de mara. Vo us gehere ke bilkul kareeeb aa chuka tha lekin uska waqt fisal chuka tha. Ishwar ki shakti ne uski shakti ko daba diya tha. Trishul anguthi se takraya aur jaise hi vo takraya ek teevr matra mein roshni bade gole ke roop mein hamare samne aa gayi aur phir vo badi hoti chali gayi, badi hoti chali gayi jiske sath hi uska ant aya jiske sath us roshni ke andar ek bada visfot hua aur mei piche hawa mein udta hua resort ke andar uppar chat par lage kanch ke jhumar se takrata hua piche deewar se ja takraya aur phir sidhe niche zameen par bahut tezi se aa gira ' ddhaaaappppppppppppppppp ' jiske sath hi mere sharir ki pasliyan aur hadiyan chakna choor ho gayi ' kaddddd-kaddddddd ' kano mei ye awaz kafi der tak rahi.
Niche girte hi mei samajh gaya ki mera sharir khatam ho chuka hai. Sar zameen se takraya aur gehra ghav de gaya lekin mene bina uski parwah kiye apni nazar utha kar samne dekha. Sar aur honth se khoon nikal kar farsh par gir raha tha par phir bhi chehre par muskan tair gayi kyun ki mene vo kar diya tha jiske liye mei aya tha. Mene apne pyar ko apne pariwar ko uski shakti se bacha liya tha. Vo theek us ghere ke us paar bangle ke andar pada tha usi haal mein jis haal mein mene use pehli dafa dekha tha. Karwat ke bal sharir ko samete hue, bina khal ke jispar sirf khoon ke dabbe lage hue the. Mei ye dekhte hi hasne laga aur sath mein hi rone laga aur apna sar farsh par rakh liya. Mei kya mehsus kar raha tha use bayan nahi kiya ja sakta tha. Sharir ka dard jaise dil ki khushi mein kahin mehsus nahi ho raha tha, mei farsh par sar rakh kar hanste hue yuhin rota raha lekin abhi ek kaam aur baki tha jo mujhe karna tha par sharir mein jaan nahi thi aur ati bhi nahi agar waqt ne akar mujhe thapad na mara hota to.
Eka-ek wahan ki sabhi chiz hilne lagi sirf zameen hi nahi balki puri jagah, chatt se tut-tut kar tukde niche girne lage aur phir vo hua jiske hone ke abhas ne meri nazar utha kar samne ki taraf modh di. Vo waqt ki lakeer jisne do waqt ko jod rakha tha usme eka-ek darar padne lagi jaise alag ho rahi ho. Mei dekh nahi sakta tha lekin mehsus kar sakta tha kyun ki vo duri meri aur sam ke sharir ke bich badhti hui lag rahi thi aur uppar se sab kuch hil raha tha. Jo jagah asli waqt mein thi hi nahi ab is shaitan ki shakti khatam hone ke baad uski dunia se bhi astitv mita rahi thi yani agar mei apni jagah se khada nahi hua to bangle ka to namo-nishan mit jana tha aur abhi ek antim kaam baki tha. Mei apni jagah se khada nahi ho sakta tha, per tut chuke the aur ab sirf ek hi rasta tha jiski madad se mei aage badh sakta tha.
" aaahhhhhhhhhhhh " dard ki lehar dil mein ghus gayi jab mene apne hathon ki madad se ghasite hue khud ko aage badhne ki kosish ki lekin vo dard bhi mujhe ab rok nahi sakta tha, is antim padav mein dard to sehna hi tha varna kahani phir adhuri reh jati. Charon aaur sab kuch bikhar raha tha, tut raha tha, deewarein gir rahi thi, kuch pathar mere ird-gird bhi gir rahe the par mere uppar abhi tak ek nahi gira. Kudrat ab is mahol mein aa chuki thi aur shayad ab wahi mujhe bacha rahi thi mujhe mere antim kaam ke najdeek le jaa rahi thi. Bangle ki takreeban sabhi cheez nasht ho chuki thi, uppar jane wali sidiyan bikhar gayi thi piche ki deewar tut rahi thi, chat gir rahi thi. Sabse dhayan hata kar meri nazar sirf usi par jami hui thi jo mayusi se usi tarah laita hua tha. Akhir mei uske kareeb pahunch hi gaya aur bilkul uske pass akar lait gaya. Laitte sath gehri-gehri sans lene laga, ek taraf apna haal dekha aur phir hans diya pata nahi kyun par muskan honton par thi ye soch kar ki anshika mujhe aise dekhti to kya karti? kya kehti?
Apni soch se azad hokar mei uski taraf ghum gaya, chehre par nazar gayi jahan lachari aur mayusi thi jise dekhte hue nazar uski ungli mein pehni hui anguthi par gayi jiski takat se sab shuru hua tha. Mene apna hath aage badhaya aur uski ungli se is baar bina kisi maya ke anguthi nikal li aur apni ungli mein dal di aur sidhe lait gaya. Bahut jada thak gaya tha aur ab nind mein jane ka dil tha isliye yun hi pada raha, is jagah ke ant ko mehsus karne laga.
Ek pal ungli ki taraf dekha jispar mene anguthi pehni thi aur phir nazar dusre hath ki aaur ki jahan trishul tha jise dekhte hue mene use apne hath mein aur majbuti se pakda aur apne sine ke uppar rakh diya. Sab kuch shant ho chuka tha ab is shaitan ko shanti dene ka samay aa gaya tha. Mene trishul ko apne sine ke uppar rakha aur phir dabab dete hue use apne sine mein ghusane laga.
Mera akhri kaam usko khatam karna tha, rok to mei chuka tha par sirf rokna mera maksad nahi tha balki is baar use hamesha ke liye khatam karne ka tha aur uska khatma sirf tab hota jab mei na hota. Mei use juda hua tha bhool gaye? Aur ab use khatam karne ke liye khud ko khatam karna jaruri tha isliye uski takat ko apne sath liye khud ka ant karna tha taki uska wajud khatam ho jaye.
Trishul par dabav pada aur vo sine ke andar ghusta gaya jiske sath ankhon se ansu utre aur phir chehre par muskan aa gayi kyun? kyun ki vo mujhe dekh rahe the theek meri ankhon ke samne the. Shrey, sonia, harshit papa, shilpi maa, dhruv papa, dipz maa, mehul uncle, chintu uncle, bhai, milan, shruti aur trishti. Mera pura pariwar mujhe dekh khush ho raha tha. Sab mere sath the to dar kis baat ka hona tha. Meri muskan ko dekh kar vo sab muskura rahe the isliye mene apni muskan nahi hatai aur phir usi muskan aur khuli ankhon ke sath unhe dekhta raha kyun ki uske baad na to vo muskan choti badi hui aur na hi ankhein band khuli.
Andhera dehleez paar kar chuka tha. Bholenath ki shakti 'trishul' ne apna kaam kar diya tha. Shreyas ka sharir bejaan wahin pada tha aur Sam ka sharir mitti ki tarah wahin zameen par bicha aur hawa ke sath ud gaya jiske sath shreyas ki pehni anguthi, diary ke andar padi shaitan ki anguthi aur uski shakti se judi har anguthi bhi mitti ban gayi.
Shreyas ka sharir kalla padne laga, vo hath se shuru hua aur dhire-dhire uska chehra bhi us kalle kapde ki chadar mein dhak gaya. Anshika ne jaise hi mehsus kiya to uski nazar nidhi se hatte hue shreyas par jaa ruki jahan dekhte hi uski dhadkane badh gayi, sansein tez ho gayi.
| Note - Lyrics Has been used for Entertainment Purpose. The used Lyrics is not mine or neither have any copyright. |
| Song Name - Meharma |
| Movie - Love Aaj Kal 2020 |
Chaahiye kisi saaye mein jagah , Chaaha bahut baar hai
Na kahin kabhi mera dil lagaa Kaisa samajhdaar hai
Main na pohchun kyun wahaan pe Jaana chaahun main jahaan
Main kahaan kho gaya Aisa kya ho gaya
O mehrama, kya mila Yun juda hoke bata
O mehrama, kya mila Yun juda hoke bata
Na khabar apni rahi Na khabar apni rahi
Na raha tera pata O mehrma, kya mila Yun juda hoke bata
Jo shor ka hissa hooni Woh aawaz hoon
Logon mein hoon Par tanha hoon main
Haan tanha hoon main
Duniya mujhe mujhse juda hi karti rahe
Bolo magar na baatein karun Ye kya hoon main
Sab hai lekin main nahi hoon Woh jo thoda tha kami
Woh hawa ho gaya Kyu khafa ho gaya
O mehrma, kya mila Yun juda hoke bata
O mehrama, kya mila Yun juda hoke bata
Na khabar apni rahi Na khabar apni rahi
Na raha tera pata O meherma, kya mila
Yun juda hoke bata
| " shreyas " behad halki awaz mein uske muh se nikla aur vo aage badh gayi bina ye yaad rakhe ki wahan koi adrishye deewar hua karti thi jo ki ab mitt chuki thi.
Anshika ne pehla kadam dhime liya tha jiske baad vo tezi se shreyas ki aaur badhi aur ghutno ke bal wahin uske najdeek baith gayi ya fir peron ne khud ba khud jawab de diya. " shreyas " usne awaz lagai lekin jawab nahi mila " shreyas " usne uska hath pakda aur phir awaz di " utho shreyas, utho " ansu behte hue niche ane lage ek ke baad ek. Ankhein dard mei thi aur dil tadapta hua us dard mein shamil ho chuka tha. " shreyassssss..... " is baar anshika puri takat se chillai, jisne uski atma tak jhanjhod di " aaaannnnnnnnnnnnnn " ankh michte hue vo phir chillai aur ansu shreyas ke uppar gir pada. Usne apna sar niche kiya aur shreyas ke hath par rakh liya aur zor-zor se rone lagi.
Nidhi bhi uske bagal mein aa baithi, ansu uski ankhon mein bhi the. Usne anshika ke kandhe par hath rakh kar use uthaya. " nidhi roo kyun rahi hai kuch nahi hua hai shreyas ko, vo uthega " anshika ne nidhi ko danta aur phir khud shreyas ki taraf dekhte hue rone lagi. Nidhi chup hone ki jagah aur ro padi. Anshika ne ankh se nikal aye ansu ke sath hi shreyas ko awaz lagai.
" shreyas.. utho.. utho.. " vo cheekh rahi thi lekin jab samne se awaz nahi ayi to uski awaz dhime hoti gayi " utho, utho, utho " aur bolte hue usne ankhein mich li aur phir subakte hue rone lagi. Tuti hui vo ladki apne pyar ko kho chuki thi is baat ko dil to janta tha lekin maan nahi raha tha. Vo awaz jise vo sunna chahta tha wahi use tanha kar gayi thi.
" shreyassssssss.... aannnnnnnnn " apne dard ko cheekh mein tabdeel karke shreyas se jawab mang rahi thi ki kyun kiya usne aisa. Ankhein phir bhari aur halki hui jiske sath hi usne shreyas ke chehre par apna hath rakha aur use sehlane lagi aur phir sar utha kar apne sine mein daba liya aur ankhein michte hue rone lagi. Ankhon ki galti nahi thi vo to bas is dil ki tadap ko baha raha tha jise ab koi theek nahi kar sakta tha. Vo pyar jo shuru hone se pehle hi mit gaya tha uska dard tha jo anshika ki ankhon se beh raha tha.
Anshika ne kuch hi pal baad apni ankhein kholi aur jo usne dekha use vo aur tut gayi. Usne Shreyas ka chehra pakad rakha tha par vo ab mitti mein tabdeel ho chuka tha jiski chaap uske kapdon mein maujud thi. Usne shreyas ke sharir ki taraf nazar ki aur uske dekhte hi pura sharir mitti mein tabdeel hokar farsh par bikhar gaya.
" naaahiiiiiiiiiiii " anshika mitti mein shreyas ko tatolne lagi lekin wahan mitti ke alawa ab kuch nahi tha. Usne uske kapde uthaye aur apne chehre se laga liye " shreyass.. " rote hue vo kuch der aise hi baithi rahi aur phir usi miti ke uppar lait gayi.
Kahani mit jati hai, sharir mit jatte hain par tanhai vo dil se kabhi nahi mitti, vo hamesha sine mein dhadakti rehti hai. Wajud ke sahare zindagi chalti hai par dil hamesha un yadon mein, us waqt mei dhadkhta reh jata hai. |
" 8 saal laga diye mam apne kahani mein? iske piche ki wajah bata sakti hai ki kyun apne fans ko itne waqt tak wait karaya ? " reporter anshika ki aaur dekhte hue sawal kiya.
" kyun ki sach likhne mein kahani se jada waqt lagta hai " stage par khadi anshika ne jawab diya. Uske piche kuch log baithe the aur badi screen par usi ka chehra dikhai de raha tha taki piche ke log use asani se dekh sake.
" to kya aaj bhi apne apne husband se utna hi pyar karti hain jitna unse kiya karti thi? itni kamyabi milne ke baad ? " sawal dusre reporter ki taraf se tha. Anshika ek pal use dekhti rahi. Zindagi mit jati hai par pyar aur vo bhi shreyas jaisa kabhi nahi mitta lekin uske alawa ye baat koi aur nahi samajh sakta tha. " mam ? " reporter ne anshika ko khamosh dekhte hue ek baar phir awaz lagai.
" zindagi aur wajud vo dono hi mujhe dekar gaya hai aur shayad ek baar hum khud ko bhool jaye lekin kabhi apne wajud ko nahi bhool sakte " anshika ne usi lehaze mein jawab diya jaise vo batana cha rahi ho ki aaj bhi shreyas ka pyar dil mein utna hi maujud hai jitna tha. " Shreyas meri zindagi the, hai aur hamesha rahenge " anshika ek pal chup hui " vo aaj nahi hai par unka wajud meri beti mere sath hai " Anshika ne piche ki aaur ishare se use apne pass bulaya to vo apni seat se uth kar anshika ke pas chal di. Photo khinchne ka shor aur badh gaya jo kafi der se anshika ki tassverein le raha tha uska rukh mudh kar us nanhi si jaan ki taraf ghum gaya. Vo masum bachi apne chote-chote kadmo bhari chaal chalti hui anshika ke sath aa khadi hui aur usne anshika ka hath pakad liya. " Ye hamari beti Aashya, shreyas ka wajud " anshika ka galla ek pal bhari hua par use khud ko sambhalna pada kyun ki ek sawal phir use pucha gaya.
" mam hum apse ek akhri sawal ka jawab janna chahta hai, jaise ki hum sab jante hain ki kahani ek shaitan par ghumti rahi to agar aap ise sankchep mein bayan karna chahe to ap hum sab ko kaise batayegi " reporter ka sawal sun kar anshika ek pal sochti rahi.
" mera manna hai shaitan insan ke andar hi hota hai, agar hum use wahin rok de to wo kabhi bhi kisi ko takleef nahi pahuncha sakta na hi jeete jee aur na hi marne ke baad, thank you " anshika ke jawab dete hi taliyun ki gunj ne us jagah ko gher liya. Anshika ne apne sar se mic hataya aur uski nazar poster ki taraf chali gayi jahan par kitab ka cover page the jispar Game of rings bich mein likha tha aur ' o ' ko ek anguthi ka akar mein tabdeel kiya gaya tha jispar ek taraf ek parchai khadi thi jiska koi chehra nahi tha. Use dekh anshika ki ankhein bhar ayi aur phir Aashya ki aaur dekhne lagi jiski bholi surat par ek muskan thi jise dekh anshika bhi muskura padi aur phir sabhi ki taraf dekhne lagi.
Sabhi ki taliyun ke shor ke bich, mei bhi khada talli baja raha tha anshika aur apni beti ko dekh kar. Bahut khush tha mei, apne pyar aur apne wajud ke liye. Logon ke bich tali bajate hue mene sabhi ko dekha jo meri anshika ke liye taliyan baja rahe the aur unhe dekhte hue meri nazar ek bache par padi jo meri hi taraf dekh raha tha. Use apni taraf dekhta pakar mere chehre ki muskan thodi kam hui kyun ki mujhe to koi nahi dekh sakta tha, mera asliyat mein koi wajud nahi tha, weham samajhte hue mene apni nazar phir samne kar li aur anshika ko dekhte hue aur zor se taliyan bajane laga jiske baad taliyun ka shor kam hua aur mene bhi dhire-dhire unhe band kar diya. Dil se jo khushi hoti hi uska asar chehre par aa hi jata hai aur vo mere chehre par bhi tha lekin ek baar phir mujhe laga jaise mujhe koi dekh raha hai isliye mene apni nazar usi taraf kari jahan wo bacha khada tha jo is baar mujhe dekhte hi muskura diya jise dekh mere chehre se muskan chali gayi aur mei hairani mein use dekhne laga, " Ye mujhe kaise dekh paa raha hai ? " aur phir meri ankhein hairani mein badi ho gayi.
Trilogy Ends
mega.nz
...finally kamal ki kahani ka end hua after 8 years 
abhi 