Horror Horror Junction ~ Tales of Terror

[Adirshi]

Yaha post ki gayi kahaniya puri tarah se kalpanik hai jinka kisi bhi jivit ya mrit vyakti se koi sambandh nahi hai, in kahaniyo ka uddeshaya andha shraddha ko badhava dena bhi nahi hai, ye kahaniya kewal aur kewal manoranjan ke hetu se likhi gayi hai

dhanyawaad..

 

[mashish]

Episode 2
Kua​

Hame hamare dost rohit ke gaon ka bahut akarshan tha.. hum hamesha uske gaon ke photos dekhte the aur barsaat me to uska gaon jaise ki koi swarg ko.. Rohit mera college ka dost hai aur hamara aise dosto ko chhe logo ka group tha college me..

Aur akhir me hamara plan ban hi gaya rohit ke gaon jane ka.. hum log rohit ke gaon barsat me july me jane wale the taki uske hain ke vaibhav ka pura aanad le sake.. barsat ka anubhav kar sake aur sabse achi baat ye thi ke rohit ke gaon goa ke kareeb tha wo uska gaon dekhne ke baad hum waha segoa jane wale the...

Jaisa ki plan decide hua tha hua raat ko mumbai se nikle aur subah ke time rohit ke gaon pahuche.. hum hamari khud ki gadi se gaye the isiliye aaram se bagair kisi takleef ke aur jaldi waha pahuch gaye the.. gaon me sirf rohit ke chacha chachi rehte the air wo bhi hame waha dekh ke kafi khush huye.. subah waha pahuchane ke baad humne badhiya nashta kiya aur nikal gaye ghumne..

Rohit ka wo gaon wala ghar farmhouse ke jaisa tha jamin ke ek or ghar bana hua tha aur uske saamne pura khet faila hua tha..

Barsat ke din the aur sab taraf hariyali chhayi huyi thi, wo hariyali nisarga ka wo roop dekh kar hamara mann tript ho gaya, pehle pehal wo hum khet hi dekhne wale the ghar se thodi dur khet me ek kua tha.. aur uske ki thodi dur ek aur kua tha

Do kue itne paas ye thoda ajeeb tha.. shayad ek kue ka pani pura na padta ho ya shayad ek kue me pani hi kam ho isiliye aisa ho sakta hai.. mujhe aisa hi laga tha aur maine turant rohit se is bare me puch bhi liya

"Ye do do kue kyu..?"

Jispar rohit ne thodi serious tone me jawab diya

"Ha, ye hum ek kue ka pani use nahi karte hai bas saamne wale kue ka pani use karte hai"

Maine us kue ke paas jake dekha, kafi purana kua tha wo aur usko dekhne se pata bhi chalta tha ke koi isko use nahi karta hoga maine kue ke ander jhuk ke dekha to ander pani ke dhaliwal(algae) ki parat jami huyi thi, socha acha hi hai ye log is kue ka pani istamal nahi karte hai..

Shaam tak hum rohit ka khet aur aas paas ka area ghum chuke the..

Hum log ghum ke chal ke kafi thak gaye the aur isse ek baat to confirm thi ke raat ko neend achi aane wali thi, raat ke badhiya khana kha kar baate karte huye sadhe dus baj chuke the aur ab hum log sone ki tayari karne lage the

Rohit ka ghar yani entry karne ka darwaja jiske dono side badi khidki ya bani huyi thi jisme se baahar aangan ko dekha ja uske baad thodi jagah fir hall ka darwaja tha, hum log baahar hi sone wale the aur rohit ke chacha ka pariwar ander ghar me..

Fir bhi raat me kisi awaj se meri neend khuli.. main aankhe malte huye utha aur gaur se us awaj ko sunne ki koshish karne laga.. wo payal ke ghungru ka awaj tha aur dheere dheere wo awaj bada hone laga tha...matlab wo jo koi bhi tha wo chalte huye dheere dheere ghar ki taraf aa raha tha.. maine apne aaju baju dekha to sab log gehri neend me soye the..

Maine thodi gardan utha kar aangan ki or dekha to mujhe waha ek saya aangan me aate dikha jaise hi wo aur thoda kareeb aaya mujhe halki si roshni me uska chehra dikha, wo koi athra saal ke aaspaas ki ladki thi

Pairo me payal, do chhotiya pure jamane wale kapde jo aksar ladkiya pahanti thi.. main soch me pad gaya ko yaha ab bhi ladkiya is tarah ke kapde pehan ti hai..

Us ladki ne blouse jaisa top aur ghagra pehna tha aur wo apne ghaghre ko pakad ke niche dekh ke chal rahi thi..

Itne wo mere saamne angan me aakar ruki, najar uski ab bhi niche hi thi, mujhe laga ise puch ke dekhna chahiye ki itne raat ko ye yaha kya kar rahi hai aisa kaunsa jaruri kaam aa gaya tha, itne me usne meri taraf dekha uske aise achanak meri taraf dekhne se main ghabra gaya, wo ek tak mujhe dekhe ja rahi thi aur najar bhi aisi bhayanak ki main bata nahi sakta..

Agle hi pal wo bhagne lagi aur bhagte bhagte wo us purane kue ke paas gayi usne ek baar palat kar usi najar se meri or dekha aur wo us kue me kood gayi..

Uske kue me kudne ke baad jo pani ka awaj hua wo awaj mere kano me ghumne laga aur main jor se cheekha

Main Waha se uth kar "wo dub rahi hai...wo dub rahi hai" kehte huye darwaja kholne laga

Meri awaj se ghar ke sabhi log uth gaye aur chacha aur chachi bhi waha aa gaye..

Main darwaja khol kar baahar jata isse pehle hi chacha ne mera hath pakad kar mujhe ander liya aur pucha

"Kya baat hai kya hua hai..?"

Maine roti awaj me kaha

"Ek ladki ne bhag kar jakar us kye ke chalang lagayi hai... Hame use bachana chahiye"

Meri baat sun kar rohit aur chacha ekdusre ko dekhne lage.. chacha ne mujhe shant kiya aur

ye sab mera weham hoga ye bata kar mujhe waha baithaya tab hum dosto me se ek bola

"Ek baar chal kar dekh aaye kya waha”

Tab chacha ne kaha

"Nahi koi kahi nahi jayega, so jao tum log ye weham hai uska bas.."

in sab khayalo aur darr me hi main so gaya...

subah fir se hum sab nashta karke tayar huye par aaj mera kahi ghumne jane ka mood nahi tha, main baahar aangan me aaya to mera dhyan wapis us kue ki taraf gaya, najane kyu pata nahi waha kya tha par mujhe us kue ko lekar akarshan mehsus hone laga tha jaise wo kua mujhe apni taraf bula raha hai, maine ab is bare me kisi ko kuch nahi bataya sab yahi kehte

"weham hai tumhara"

aajki raat bhi hum thak kar ghar aaye aur aaj bhi wahi kal wali jagah kar sona tha fir bhi chacha ne mujhe pucha tha ke main ander so jau par maine mana kar diya tha, jaise taise mujhe neend aayi par kuch samay baad neend me hi mujhe mehsus hua ke mera dum ghut raha hai...mujhe saas nahi aa rahi thi aur isi darr me maine aankh kholi

main pani me tha, ye sab sapna hai ya hakikat mujhe kuch samajh nahi aa raha tha, maine to rohit ke ghar me soya tha fir main yaha pani me kaise aaya? mera naseeb acha tha ke main tairna jaanta tha, maine pani ke uper aaya aur aaspaas jab dekha to main shock ho gaya, main usi purane kue me tha..

maine apni puri jaan laga kar chillana shuru kiya sabko awaj dene laga, main ro raha tha, aage kya hoga mujhe kuch samajh nahi aa raha tha aur ab us kue se jor jor se ek ladki ke hasne ka awaj aa raha tha... wo bhayanak hasi mera darr aur bhi badha rahi thi, main thartharane laga tha.. mann me kayi khayal eksath aa rahe the.. wo jo koi bhi hai usme mujhe ander kheech liya to main kya karunga main samajh nahi pa raha tha.. maine waise hi tairte huye sabko awaj deta raha...

itne me mujhe mere naam ki awaj kue ke baahar se aati sunai ki aur kuchlog dikhne lage, rohit chacha aur baki sab log waha aa gaye the aur ye sab dekh kar wo log bhi ghabraye huye the.. jaise taise mujhe baahar nikala gaya, main tharthara raha tha darr se bhi aur thand se bhi..

baad me mujhe pata chala ke kuch 25-30 salo pehle unke ghar ke pados me rehne wali ek ladki ne pyaar ke chakker me us kue me kud ke apni jaan de di thi.. rohit ke gharwalo ko bhi payal ka awaj sunai deta tha par kabhi kisi bhi baahar aakar dekhne ki himmat nahi huyi thi, unhone kal hame ye sab nahi bataya tha taki hum ghabra na jaye..

maine us ladki ko dekha tha isiliye uski atma ne mujhe mohit kita aur us kue tak le gayi aisa chacha bata rahe the aur akhir me gaon me rehne wale ek pantit se is samasya kanivaran karaya gaya.. hum usi shaam ko wapis mumbai ki aur ravana huye par ab meri himmat nahi ho rahi thi dobara us kue ko dekhne ki....


samapt...

amazing update

 

[Adirshi]

क्या सर जी।

मज़ा आना शुरू हुआ था और आपने कहानी खत्म कर दी। एक भाग और भी लिख देते तो मज़ा और डर दोगुना हो जाता।
वैसे कोई नहीं आज रविवार है तो अगले भाग की प्रतीक्षा है।।

हमने दो तीन बार खुद देखा है सर जी और वो मेरा वहम कतई भी नहीं था। आंखों देखा था हमारा। बता नहीं सकते क्या हालत हुई थी हमारी उस समय।।

In that case no argument bas maine kabhi aisa koi experience nahi liya hai ha koshish bahut ki hai par koi hamare saamne aaya hi nahi
Waise naya episode aa chuka hai

 

[Mahi Maurya]

In that case no argument bas maine kabhi aisa koi experience nahi liya hai ha koshish bahut ki hai par koi hamare saamne aaya hi nahi
Waise naya episode aa chuka hai

आप स्टॉफ सदस्य हैं इसलिए भूत पिशाच निकट नहीं आवे आपके।

आपका नाम ही काफी है सर जी।

 

[mashish]

writer ji kya t.v episode ki tarhe har sunday hi story write karoge ye to badi nainsaafi hai ham reader ke saath kam se kam 3 update to do hafte main

 

[Adirshi]

writer ji kya t.v episode ki tarhe har sunday hi story write karoge ye to badi nainsaafi hai ham reader ke saath kam se kam 3 update to do hafte main

Ek nayi story bhi planned hai bhai regular me tab tak har sunday darr se saamna

 

[mashish]

Ek nayi story bhi planned hai bhai regular me tab tak har sunday darr se saamna

hame dar nahi lagta writer ji kyoki ham to bhole ke bhakt hai

 

[Adirshi]

hame dar nahi lagta writer ji kyoki ham to bhole ke bhakt hai

Gajab

 

[mashish]

Gajab

bese ye bta dijiye ki aapki new story kis theam per hai aur kab start hogi

 

[Mahi Maurya]

दूसरा भाग​

​

गांव की हरियाली देखना वो भी बरसात के समय अपने आपमे एक मनोरम दृश्य है। प्राकृतिक सुंदरता और वातावरण की असली खूबसूरती गांव में ही मिलती है।​

​

सभी दोस्त प्लान बनाते हैं कि इस बार बरसात के समय रोहित के गांव जाकर वहां के प्राकृतिक दृश्यों का आनंद उठाने है। जिसके लिए सभी कर से ही ही रोहित के गांव पहुच गए और खा पीकर गांव घूमने के बाद रात में थक कर सो गए।। सोने के बाद रात में घुघरू की आवाज फिर एक 18 साल की कमसिन लड़की जो आंगन में आई थी और बाद में भागकर कुए में छलांग लगा दी थी।।​

​

किसी ने लड़के की बात नहीं मानी और इसी तरह दूसरे दिन लड़का सोया था घर पर लेकिन कुछ पल बाद कुँए में पहुच गया। लड़की भयानक हंसी हंस रही थी। सब कुछ नज़रों के सामने था। लड़की के सम्मोहन में बधकर लड़का कुए में पहुच गया था।।​

​

जाहिर सी बात है इतने बड़े हादसे के बाद कौन जाना चाहेगा रोहित के गांव में उस कुए को देखने के लिए।।​

​

बहुत बढ़िया सर जी।।​

 

[DARK WOLFKING]

darawani kahani thi ..hero ki taraf aakarshit us bhut ladki ne maarne ki koshish ki thi par hero bach gaya ..
rohit ke chacha ne pehle hi sabkuch bata diya hota to sab sambhal kar rehte ..

par ye achcha hua ki hero bach gaya ..