Thriller Humbug The Great

[syed arshad]

Darasal Qissa Yeh Hai Janab Ke Maine Us Aadmi Patlo Narvada Ko Kahin Dekha Tha....!


Patlo Narvada....?


Jee Haa....Uske Naam Se Bhi Waaqif Ho Gaya Hu....Ek Din Maine Koobdhe Aur Patlo Narvada Ki Guftgu Suni Thi....Dono Ek-Dusre Ke Jaani Dushman Hai....Koobdha Usse Kahe Raha Tha Ke Wo Jab Chahe Use Phaansi Ke Phandhe Tak Pahuncha Sakhta Hai....Use Na Bhoolna Chahiye Ke Uska Mukammal Record Yahan Ke Green File Mein Maujood Hai....
Aur
Ghaliban....Jee Haa....Wo 1920 Hi Ka File Tha....Dekhiye Saal Ke Maamle Mein Meri Yaadaasht Dhoka Bhi De Sakhti Hai....!


Huh....Acha....Wo Aadmi....Patlo Narvada Rehta Kahan Hai....?


Aaj Tak Nahi Maalum Kar Sakha Janab....!


Sawaal Yeh Hai Ke Tum Un Dono Ki Taraf Mutawajah (Attract) Kaise Hue The....?


Dono Hi Ajeeb Huliye Ke Hai Janab.....Jab Dono Ikhatte Ho To Khwaamkhaa Mutawajah Hona Hi Padhega....
Fir
Green File Ki Guftgu....Mere Peshe Ke Aitebaar Se Khaabil Tawajah (Dhyan) Ho To Dilchaspi Lena Zaroori Ho Jayega....!


Guftgu....Kiss Qism Ki Thi....Note Ki Thi Tum Ne....?


Koi Mutanazah (Vivaadaspad) Masla Tha....Dono Hi Ek-Dusre Ko Jail Bhijwane Ki Dhamkiyan De Rahe The....Fayaz Betookana Jhoot Udhaye Jaa Raha Tha....
Fir
Koobdhe Ne Achanak Green File Ka Hawaala Diya Tha....
Aur
Badh-Surat Aadmi Patlo Narvada Baukhla Gaya Tha....!


Wo Dono Kab Se Nahi Dikhayi Diye....?


Kayi Din Se....!


Rahman Sahab Thodi Der Khamosh Rahe....
Fir
Bole....Acha....Thik Hai....Dono Par Nazar Rakho....
Fir
Rahman Sahab Ne Koobdhe Ke Us Makaan Ka Pata Note Karaya....Jahan Uski Giraftaari Amal Mein Ayi Thi....!


Aisa Maalum Ho Raha Tha Jaise Wo Fayaz Ko Jald-Az-Jald Ruqsath Kar Dena Chahte Ho....
Lekin
Ghaliban....Fayaz Muntazeer (Waiting) Tha Ke Rahman Sahab Khud Hi Use Waapsi Ki Ijaazath De....!


Bas Jao....Rahman Sahab Ne Kuch Der Baad Muztarbana (Bechain) Andaaz Mein Kaha

 

[syed arshad]

Fayaz Ke Chale Jane Ke Baad Wo Tezi Se Phone Ki Taraf Badhe....Kisi Ke Number Dial Kiye....!


Military-Intelligence....Dusri Taraf Se Awaaz Ayi


Connect General Shahed....Rahman Sahab Ne Kaha


Your Identity Please....Dusri Taraf Se Sawaal Hua


D.G Of Central-Intelligence Bureau....!


Ok Sir....Dusri Taraf Se Awaaz Ayi....
Aur
Thodi Der Baad General Shahed Ki Awaaz Ayi....Hello Rahman....Old Boy....!


Shahed 15 Minute Ke Andar Mujh Se Kahan Mil Sakhte Ho....?


Koi Khaas Baat....!


Bohath Ahem (Important)....!


Kya Tum Kothi Se Bol Rahe Ho....General Shahed Ne Pucha


Haa....!


Acha....To Wahin Thahero....General Shahed Ne Kaha
Aur
Silsila Cut Ho Gaya....!


Rahman Sahab Ne 15 Minute Badi Bechaini Se Guzaare....Bilaakhir General Shahed Ki Lambi Si Sedan Compound Mein Daakhil Hui....!


General Shahed Lambe Qad Aur Hatta-Khatta Aadmi Tha....Umar 50 Lagbhag Rahi Hogi....Aankhon Se Ghair Maamul Zahaanat (Buddhi) Jhalakti Thi....!


Dono Betakalluf Doston Ke Se Andaaz Mein Mile....
Aur
Rahman Sahab Ne Green File Ka Tazkara Chedh Diya....!

 

[syed arshad]

General Shahed Ke Andaaz Se Aisa Maalum Ho Raha Tha Jaise Wo Zahen Par Zor De Rahe Ho....!


Kuch Der Baad Unhone Kaha....Tumhara Khayal Thik Hai....Green File First World War Ke Dauraan Mein Banaye Gaye The....
Aur
Unka Silsila 1925 Tak Jaari Raha Tha....Uske Baad Baaz Intezaami Maamlon Mein Tabdiliyan Hui Thi....
Aur
Green File System Bhi Kisi Dusre Tareeqekar Mein Madgham Ho Gaya Tha....
Magar
Thahero....Yeh Green File Ka Tazkara Kahan Se Nikla....?


Rahman Sahab Ko Koobdhe Ki Kahani Shuru Se Dohrani Padhi....
Fir
Patlo Narvada Ka Tazkara Chedha Gaya....
Aur
Is Silsile Mein Rahman Sahab Ne Fayaz Ki Guftgu Ka Hawaala Dete Hue Kaha....Patlo Narvada Ka Record....Ghaliban....1920 Ke Green File Mein Maujood Hai....!


Achi Baat Hai....Main Dekhunga....Oh....Thahero....To Kya Tumhara Khayal Hai Ke Dr Dawar Ke Aghwa Mein Unhi Logon Ka Haath Ho Sakhta Hai....!


Inkaanaat (Sambhavanaye) Hai....!


Main 24 Ghanton Se Pahle 1920 Ke File Ke Mutaleekh (Sambhandit) Kuch Na Bata Sakhunga....Badi Jhanjhat Ka Kaam Hai....!


X-2 Kaun Hai....? Rahman Sahab Puch Baithe


Kya Matlab....General Shahed Chaunk Padhe


Bas Yun Hi Puch Raha Hu....!


Mere Farishton Ko Bhi iLm Nahi....Yeh Sir Sultan Ke Mahekme Ka Koi Jaanvar Hai....
Aur
Sirf Wahi Uski Shakhsiyath Se Waaqif Ho....Uske Matahat Zyadatar Mere Mahekme Ke Log Hai....
Lekin
Wo Bhi Nahi Jaante Ke X-2 Kaun Hai....Kyun....X-2 Ke Mutaleekh Tum Kyun Maalum Karna Chahte Ho....!


Yun Hi Pucha Tha....Betooka Naam Hai....Jasoosi Novels Ka Koi Kirdaar Maalum Hota Hai....!


Sir Sultan Khabti Hai....Acha....Khair....Yeh Naam....Patlo Narvada Mujhe Jana-Pehchana Sa Maalum Hota Hai....!

 

[syed arshad]

Imran Ne Dictate Phone Se Pahle Fayaz Ki Guftgu Suni Thi....
Fir
General Shahed Ki....Uske Baad Wo Moqtasar (Short) Tahe-Qaane Se Upar Aa Gaya....!


Rahman Sahab Ke Farishton Ko Bhi iLm Nahi Tha Ke Us Kamre Mein Kitne Raaz Dafan Hai....Imran Se Aaj Tak Nahi Maalum Kar Sakhe The....Ke Wo Koobdhe Ki Giraftaari Wali Raat Kamre Se Kaise Bahar Nikla Tha....
Halaanke
Ab Wo Uske Paagalpan Ki Asliyath Se Aagha Ho Chuke The....
Lekin
Is Par Aaj Tak Ghaur Nahi Kiya Tha Ke Paagalpan Ke Dauraan Mein Alag-Alag Kamron Mein Kyun Naachta Phirta Tha....
Aur
Fir....Is Kamre Mein Kyun Dharna Diye Baitha Tha....Jo Pahle Kabhi Kothi Mein Rahne Ke Dauraan Mein Uska Mustaqeel (Permanent) Kamra Hua Karta Tha....!


Kayi Saal Pahle Ki Baat Thi....Ek Baar Rahman Sahab Khandaan Samet Garmiyan Guzaarne Pahaadhon Par Chale Gaye The....Imran Ne Mulaazimon Ko Bhi Chutti Di....
Aur
Kisi Tarah Shaher Ke Kuch Architect Pakadh Laya....Is Tarah Wo Is Kamre Mein Apni Marzi Ke Mutabeeq Kuch Tabdiliyan Karne Mein Kaamyaab Ho Sakha Tha....Jiss Ka iLm Rahman Sahab Ko Bhi Na Ho Sakha....!


Usi Raat Ko Chor Darwaaze Se Bahar Nikal Ne Ka Irada Kar Hi Raha Tha Ke Khufal (Lock) Mein Kunji (Key) Ghoomane Ki Awaaz Ayi....Dusre Hi Lamhe Mein Darwaaza Khula....
Aur
Rahman Sahab Andar Daakhil Hue....!

 

[syed arshad]

Baitho....Baitho....Unhone Bechaini Se Haath Hila Kar Kaha....
Agar
Zara Barabar Bhi Ghair Sanjheeda Hue To Thappad Raseed Kar Dunga....Yeh Maamla Bohath Ahem Hai....!


Farmaiye....Imran Ne Badi Sadathmandi Zaaher Ki


Tum Ne Kabhi Patlo Narvada Ka Naam Suna Hai....?


Uski Bohathtari Nazme (Poems) Padhi Bhi Hai....!


Patlo Narvada....Rahman Sahab Aankhein Nikaal Kar Ghurraye....Pablo Nervada Nahi....!


Oh....Haa....Imran Kuch Sonchta Hua Badhbadhaya....Patlo Narvada 1920 Ki Jung Mein Usne Khaisar William Ke Khaas Messanger Ki Haisiyath Se Ek Lamba Safar Kiya Tha....
Fir
Usne Germany Se Ghaddaari Ki....Angrezon Se Aa Mila....1920 Tak Uska Naam Bade Zor-O-Shor Ke Saath Suna Gaya....Uske Baad....
Achanak
Ghayab....Yaqeen Ke Saath Kuch Nahi Kaha Jaa Sakhta Ke 1920 Mein Us Par Kya Haadsa Guzra Tha....Samundar Mein Doobne Wale Francisi Jahaaz Ke Kutte Bhi Bacha Liye Gaye The....
Lekin
Patlo Narvada....Aaj Tak Nahi Maalum Ho Sakha Ke Wo Kahan Ghayab Ho Gaya Tha....Afwaah Thi Ke Jahaab Bhi Khwaamkhaa Nahi Dooba Tha....!


Tumhe Yeh Saari Baatein Kaise Maalum Hui....?


Confucius....


Bakwaas Mat Karo....!


1920 Ka Green File....!


Khuda Ki Panaah....Tum Uske Baare Mein Bhi Jaante Ho....!


Military-Intelligence Agency Ka Ek Filing System Jo 1925 Ke Baad Khatm Kar Diya Gaya Tha....!


Rahman Sahab Use Hairaan Andaaz Mein Ghoorte Rahe....!


Imran Khud Hi Bola....Patlo Narvada Ki Baat Kyun Chedhi Hai Aap Ne....?


Kya Tum Uski Kisi Pehchaan Se Waaqif Ho....?


Mujhe Uske Record Se Kabhi Koi Dilchaspi Nahi Rahi....
Isliye
Tafseel Mein Jane Ki Zaroorat Kyun Pesh Aati....!

 

[syed arshad]

Rahman Sahab Thodi Der Tak Kuch Sonchte Rahe....
Fir
Bole....Wo In Dino Yahan Dekha Jaa Raha Hai....!


Afwaah Hogi....!


Nahi....General Shahed Ne Uske Record Ka Tafseeli Mutaalah (Adhyan) Kiya Hai....Wo Patlo Narvada Ke Alawa Aur Koi Nahi Ho Sakhta....Uska Chehra Do Hisson Mein Taqseem (Divide) Maalum Hota Hai....!


Oohh....To Kya Aap Ko Koobdhe Ki Baat Par Yaqeen Aa Gaya Hai....Imran Mazaaqana Andaaz Mein Muskuraya


Yaqeen Na Karne Ki Koi Wajah Nahi....Fayaz Ne Bhi Use Dekha Hai....Ek Aise Mauqe Par Jab Wo Dono Aapas Mein Ladh Rahe The....Koobdhe Ne Uska Naam Le Kar Green File Ka Hawaala Diya Tha....Is Tarah Green File Tak Rasayi Hui....
Varna
Kisi Ko Kya iLm Hota....!


Imran Ki Paishaani Par Sheekan Ubhar Ayi....Thodi Der Tak Kuch Sonchta Raha....
Fir
Bola....Kya Yeh Mumkeen Nahi Hai Ke Yeh Bhi Koobdhe Ka Fraud Ho....Ek Aisa Aadmi Bhi Bana Baitha Ho....Jiss Ke Sar iLzaam Rakh Kar Khud Alag Ho Sakhe....!


Main Iske Imkaanaat (Sambhavanaye) Par Bhi Pahle Hi Ghaur Kar Chuka Hu....
Lekin
Mera Khayal Hai Ke Is Naye Masle Par Bhi Sanjheedgi Se Ghaur Karna Chahiye....!


Ise Aap Naya Masla Kahe Rahe Hai To....Aap Ke Zahen Mein Koi Purana Masla Bhi Hoga....!


Kyun....Kya Wo Koobdha....? Rahman Sahab Use Fir Ghoorne Lage....
Lekin
Jumla Pura Kiya Baghair....!


Jee Haa....Meri Samajh Mein To Wo Bhi Naya Hi Hai....Purana Masla To Wo Aadmi Tha....Jise Un Logon Ne Nikaal Le Jana Chaha Tha....!


Tum Ne Shak Zaaher Kiya Tha Ke Dr Dawar Ke Aghwa Mein Unhi Logon Ka Haath Ho Sakhta Hai....!


Jee Haa....
Aur
Shak Be-Buniyaad Bhi Nahi Ho Sakhta....Jab Ke Koobdhe Ke Baare Mein Zaati Taur Par Yeh Nazariya Khayam Kar Chuka Hu Ke Wo Kisi Jung Baaz Mulk Ka Agent Hai....!

 

[syed arshad]

Chalo....Filhaal....Tasleem (Sweekar) Kiye Leta Hu....Fir....?


Badi Musibath Hai....Imran Masoom Si Surat Bana Kar Bola


Kya....? Rahman Sahab Ghurraye


Wo Koobdha Mere Liye Nayi Dariyaaft (Khoj) Nahi Hai....Imran Ne Thandi Saans Li....Do Saal Se Us Par Nazar Thi....Idhar 6 Maah Se Nazar Nahi Aya Tha....Maine Soncha Kisi Taraf Nikal Gaya....
Lekin
Jab Aap Ke Khaida Ka Qissa Utha To Us Koobdhe Ki Position Kisi Qadr Saaf Hui....
Lekin
Wo Ghayab Tha....Ladki Qatl Kar Di Gayi....
Aur
Fir....Kuch Hi Din Baad Koobdha Bhi Nazar Aya....!


Hoga....Rahman Sahab Bura Sa Muh Bana Kar Bole....Main Dr Dawar Ki Baat Kar Raha Tha....!


Pichle 6 Maah Pahle Ki Baat Hai....Maine Aksar Use Laboratory Ke Aas-Paas Mandlate Dekha Tha....!


Rahman Sahab Kuch Na Bole....!


Imran Ungne Laga....Aisa Maalum Hota Jaise Stool Par Baithe-Baithe Hi So Jayega....Palkein Ahista-Ahista Jhukti....
Aur
Khud Ko Jhonka De Kar Sambhal Jata....Aankhein Phaadhta....
Aur
Jhenpe Hue Andaaz Mein Muskurata....!


Aakhir Is Aghwa Ka Kya Maqsad Ho Sakhta Hai....Rahman Sahab Fikrmand Lahje Mein Badhbadhaye


Aqeeqah....!


Kya....? Rahman Sahab Garje....
Aur
Imran Besaqta Uchal Padha....Baukhlaye Hue Andaaz Mein Aankhein Phaadhi....
Aur
Dono Haathon Se Muh Peethta Hua Bola....Maine Kya Kaha Tha....Ooffoo....Ghoonundgi....Khuda Ise Gharath Kare....!


Hosh Mein Raho....!


Kaam Nahi Chalega....Imran Ne Mayoosana Andaaz Mein Sar Ko Jumbeesh Di....
Fir
Behosh Hona Padhega....
Varna
Shayad Dr Dawar Ne Jo Kuch Bhi Maalum Kiya Hai....Uske Mutaleekh (Sambhandit) Military-Intelligence Angecy Ko Koi Ittela Nahi Di....Balke....Ghaliban....Unhe Kisi Masle Par Shak Hai....Isliye Aghwa Ki Zaroorat Pesh Ayi....
Varna
Khaatma Bhi Koi Aisi Badi Baat Nahi Thi....!


Kya Bak Rahe Ho....?


Thik Hai....Ab Mujhe Isi Vehshath Ke Aalam Mein Ghar Se Nikal Jane Di Jiye....
Ghaliban
Sab So Rahe Honge....!


Khuda Ka Shukr Hai....Ke Tum Ne Khud Ki Tajveez (Prastav) Pesh Kar Di....Jitni Jaldi Mumkeen Ho Sakhe....Dafa Ho Jao....
Varna
Yeh Tumhara Nigro Badmaash Mujhe Kangaal Kar Dega....Khuda Ki Panaah....6 Bottles Yomaah (Pratidin)....Aakhir Tum Uske Akhrajaat (Expenses) Kahan Se Pure Karte Ho....!


Shaitaan Deta Hai....!


Rahman Sahab Bura Sa Muh Bana Kar Rahe Gaye....!


Imran Apne Kapdhe Phaadh Raha Tha....!


Yeh Kya Harkath Hai....!


Joseph Kahan So Raha Hai....? Imran Ne Sawaal Ka Jawaab Dene Ke Bajaye Pucha


Garage Mein....!


Bas....Main Chala....!


Compound Mein Andhera Tha....Imran Bedhadak Bahar Aa Gaya....
Kyun Ke
Rahman Sahab Ko Kutton Se Nafrath Thi....Na Hoti To Imran Itni Asaani Se Apni Schemes Mein Kaamyaab Bhi Na Ho Sakhta....Kamre Mein Chor Darwaaze Ki Maujoodgi Bhi Bekaar Sabeet Hoti....Wo Garage Ki Taraf Nikal Gaya....!


Continue.............................................................................................................!

 

[syed arshad]

Ur writing skills is tooo good bro..... Keep always written..

Reyyan Bhai

 

[Shyam Singh]

Shandaar update..

 

[Reyaan mallick]

Bhai isi trah majedar update dete rahiye....