Thriller Humbug The Great

[syed arshad]

Fayaz Ki Samajh Mein Nahi Aa Raha Tha Ke Ab Use Kya Karna Chahiye....Andhera....
Aur
Maghaz Phaadh Dene Wala Shor....Hatha-Paayi Ki Awaazein....Pata Nahi....Kitne Aadmi Aapas Mein Ulajh Padhe The....!


Oohh....Ullu Ke Patthe Sambhal Kar....!


Zubaan Sambhaal....


Tadaak....!


Haaye....Haaye....!


Captain Fayaz Ne Uthna Chaha....
Lekin
Dusre Hi Lamhe Mein Sar Par Qayamat Tooti....Bekhabri Mein Choobne Wali Sueein (Needle) Bhi Baaz Waqt Teer Ki Aani Maalum Hoti Hai....
Fir
Fayaz Ko Apna Sar Paash-Paash Hota Kyun Na Mehsoos Hota....Koi Khaasi Vazni Cheez Apna Kaam Kar Gayi Thi....!


Fayaz Chakra Kar Kursi Samet Gira....
Aur
Andheron Mein Ghoom Hota Gaya....
Lekin
Is Aalam Mein Bhi Wo Sonch Raha Tha Ke Mahez Ittefaaq Ho Sakhta Hai....Ya Jaan-Boojh Kar Us Par Humla Hua Hai....Waqiya Andhera Ka Tha....Isliye Kisi Ke Khilaaf Koi Kaarvayi Bhi Nahi Ki Jaa Sakhti....Fayaz Badi Khamoshi Se Behosh Ho Gaya....Wo Kisi Bohath Hi Maamuli Aadmi Ke Roop Mein Koobdhe Ke Piche Laga Tha....!

 

[syed arshad]

Acha...To Fir Kya Hua....Khawar Ne Bechain Andaaz Mein Pucha


Julia Ghusse Ki Zyadati Ki Wajah Se Sahi Alfaaz Aada Karne Se Khasar Thi....Seena Dhokni Ki Tarah Uchal Raha Tha....Baqkhat Tamaam Boli....Tanveer....Khuda Usse Samjhe....Maine Imran Ko Uski Nigrani Mein De Kar Ghalthi Ki....Kaash....Kisi Na Kisi Tarah Use Apne Saath Hi Layi Hoti....!


Kyun....? Kya Ab Wo Wahan Nahi Hai....?


Nahi....Julia Bharrayi Hui Awaaz Mein Boli....Hum Ne Use Kursi Se Jakadh Diya Tha....
Lekin
Wo Raat Mein Kisi Waqt Nikal Bhaagne Mein Kaamyaab Ho Gaya....!


Acha....Joseph Kahan Hai....!


Uske Farishton Ko Bhi iLm Na Ho Sakha Ke Imran Kab Nikal Gaya....
Aur
Tanveer Ka Bayaan Hai Ke Wo Khud Saari Raat Gehri Neend So Raha Tha....!


Yeh Namumkeen Hai....Khawar Ka Lehja Tashveesh Kun (Chinta-Janak) Tha....
Agar
Tanveer Ne Use Nikal Bhaagne Mein Madad Di Hogi To....Nahi....Yeh Bhi Khayaas Hai....!


Tum Nahi Samajhte....Mujh Se Zabardast Ghalthi Hui....Wo Imran Ka Dushman Hai....Khatarnaak Tareen Dushman....!


Oh Samjha....Khawar Hans Padha....Tum Hi Behtar Samajh Sakhti Ho....!

 

[syed arshad]

Julia Fir Kisi Sonch Mein Ghoom Ho Gayi....Kuch Der Baad Boli....
Agar
Main Joseph Ko Ishaara Bhi Kar Du To Wo Tanveer Ki Botiyan Udha Dega....!


Ab Wo Kahan Hai....?


Mere Saath....Samajh Mein Nahi Aata Ke Use Kaise Samjhau....Subaah Se Phoot-Phoot Kar Bachchon Ki Tarah Ro Raha Hai....Bilkul Bachchon Hi Ke Se Andaaz Mein Uske Mutaleekh (Sambhandit) Sawaalaat Karta Hai....!


Achanak Phone Ki Ghanti Baji....
Aur
Julia Ne Jhapat Kar Receiver Utha Liya....!


Dusri Taraf Se X-2 Ki Bharrayi Hui Si Awaaz Ayi....!


Yes Sir....Julia Ne Mouth-Piece Mein Kaha


Tum Log Imran Se Khattai Dur Raho....
Agar
Dikhayi Bhi De To Nazar Andaaz Karo....!


Mmmm....Mmmmaag....Magar....Kyun Janab....?


Bakwaas Karogi....? X-2 Ghurraya....Tumhe Jurrat Kaise Hoti Hai Ke Mujhse Kisi Hukm Ki Wajah Puchne Ki....!


Mmmm....Muaafi Chahti Hu Janab....Julia Ne Baukhla Kar Kaha


Suno....X-2 Ne Sapaat Awaaz Mein Kaha....Nikson Road Par Ritz Ke Saamne Ek Sharaab-Qaana Hai....Wahan Is Waqt Captain Fayaz Farsh Par Behosh Padha Nazar Ayega....Brown Rang Ke Sheekasta Suit Mein Hai....
Aur
Naqli Moochein Laga Rakhi Hai....Inspector Zaheer Ko Phone Karo Ke Use Utha Le Jaye....Gumnaam Call....Yaad Rakhna Bas....!


Silsila Cut Ho Gaya....
Aur
Julia Jhallaye Hue Andaaz Mein Receiver Patak Kar Khawar Ki Taraf Mudhi....!

 

[syed arshad]

Kya Baat Hai....? Khawar Muskuraya....Wo Samajh Gaya Tha Ke Call Unke Chief-Officer Ki Rahi Hogi....!


Pata Nahi....Is Jaanvar Se Kab Aur Kiss Tarah Picha Chhutega....!


Kya Kahe Raha Tha....?


Imran Se Dur Raho....
Agar
Kahin Dikhayi Bhi De Jaye To Nazar Andaaz Karo....!


Main Pahle Hi Se Samajhta Tha Ke Uska Paagalpan Maslahaat Khaali Nahi Ho Sakhta....!


Kya Matlab....?


Wo X-2 Hi Kisi Scheme Ke Tahat Paagal Bana Hoga....!


Main Yaqeen Nahi Kar Sakhti....!


Fir Wo Imran Se Dur Rahne Ka Mashwara Kyun De Raha Hai....Isi Tarah Safdar Se Dur Rahne Ka Mashwara Diya Tha....Koi Wajah To Honi Chahiye....!


Julia Kisi Sonch Mein Padh Gayi....!


Itne Mein Khawar Kisi Awaaz Par Chaunk Padha....
Aur
Usi Taraf Kaan Laga Diye....
Fir
Bola....Yeh Kaun Hai....Kya Isi Imaarath Mein....


Joseph Shayad Ro Raha Hai....Julia Boli


Khawar Hans Padha....
Lekin
Julia Badastoor Sanjheeda Rahi....Sanjheedgi Gham Aalud Thi....!

 

[syed arshad]

Oohh Baba....To Aakhir Tum Uske Liye Itni Pareshaan Kyun Ho....?


Bakwaas Mat Karo....Mujhe Tumhari Humdardi Ki Zaroorat Nahi....!


Is Jheedak Ke Bawajood Bhi Khawar Hansta Raha....Wo Sabhi Julia Ehteraam (Sammaan) Karte The....Is Hadh Tak Ke Julia Ki Jheedakiyan Bhi Unhe Nagawaar Nahi Guzarti Thi....!


Khawar Kuch Kahne Hi Wala Tha Ke Darwaaze Par Dastak Hui....!


Aa Jao....Julia Ne Kaha
Aur
Joseph Langdhata Hua Andar Daakhil Hua....!


Mujhe Jane Do Missy....Usne Bharrayi Hui Awaaz Mein Kaha....Main Boss Ko Talaash Kar Hi Lunga....!


Achi Baat Hai....Julia Ne Thandi Saans Li....Jao....
Lekin
Mujhe Fauri Ittela Dena....
Agar
Kahin Dikhayi De Jaye....!


Main Unhe Zabardasti Utha Kar Yahin Launga Missy....Baap Ke Ghar Nahi Le Jaunga....Aisa Bhi Kya Kanjoos Baap....!


Kya Matlab....? Khawar Use Ghoorta Hua Bola....Rahman Sahab To Bade Shah Kharch Aadmi Hai....Tum Unhe Kanjoos Kyun Kahte Ho....?


Kanjoos Kyun Kehta Hu....Joseph Aankhein Nikaal Kar Ghurraya....Jawaan Beta Paagal Ho Gaya....Kuch Din iLaaj Kiya....Doctor Par Doctor Aye....
Lekin
Unhe Bilkul Parwaah Nahi Hai....Ab Wo Boss Par Ek Paayi Bhi Sarf Nahi Kar Sakhte....!


Tumhare Boss Ne Unhe Kabhi Sukh Nahi Diya....!


Tum Padhe-Likhe Logon Se Main Bahes Nahi Kar Sakhta....Ek Vehshi Khaum Se Taalooq Rakhta Hu....
Lekin
Mera Beta....Khwaamkhaa Kitna Hi Bura Kyun Na Ho Humesha Mere Seene Se Laga Rahega....Aasmaani Baap Ne Hum Kameenon Ko Seene Se Laga Rakha Hai....Hum Khud Din-Raat Uski Nafarmani Karte Hai....Kya Wo Joseph Ka Pet Nahi Bharta....Us Joseph Ka Jo Gosht Khata Hai....
Aur
Har Waqt Sharaab Mein Dooba Rehta Hai....!


Aye Jahel Aadmi....Main Tujh Se Bahes Nahi Kar Sakhta....Mujhe Muaaf Kar....Khawar Ne Hans Kar Kaha....
Varna
Mera Baap Bhi Saanp Ban Kar Sarkando Ki Jhaadiyon Mein Sarsarata Phirega....!


Julia Bhi Muskura Padhi....
Lekin
Joseph Ka Chehra Bilkul Sapaat Tha....Kuch Der Baad Usne Bharrayi Hui Awaaz Mein Kaha....Main Jaa Raha Hu Missy....Khuda Hafeez....!


Tumhari 6 Bottles Yahan Tayyaar Mila Karenge....Julia Ne Kaha


Joseph Aage Kuch Kahe Baghair Darwaaze Ki Taraf Mudh Chuka Tha....!

 

[syed arshad]

Zero-9 Ka Transmeter Ka Safari Set Safdar Ke Paas Maujood Tha....
Lekin
Use Kabhi Mauqa Na Mil Sakha Ke Wo Use Istemaal Kar Sakhta....Aaj-Kal Wo Grand Hotel Mein Tha....Akhrajaat (Expenses) Ke Liye Betahaasha Raqm Milti Thi....
Lekin
Uske Farishton Ko Bhi iLm Na Raha Hoga Ke Wo Raqm Aati Kahan Se Hai....Kaun Us Tak Pahunchata Hai....Ek-Aadh Baar X-2 Ki Taraf Bhi Dhyaan Zaroor Gaya Tha....
Lekin
Fir....Soncha Ke X-2 Se Iski Umeed Nahi Ki Jaa Sakhti Ke Wo Is Hadh Tak Apne Matahaton Ka Khayal Rakh Sakhega....Noton Ki Gaddiyan Use Apni Jebon Mein Milti Thi....Takiye Ke Niche Bistar Par Milti Thi....
Baherhaal
Use Itna Maal Mil Jata Ke Wo Aish Se Zindagi Basar Kar Sakhta....!


Lekin....Zero-9 Ka Set Istemaal Kar Ke X-2 Se Raabta Khayam Karne Mein Kaun Hareej Ho Sakhta Tha....!


Koi Shakhs....Koi Anjaan Aadmi....Jo Har Waqt Uske Aas-Paas Hi Maujood Hota Tha....Wo Waiter Hi Sahi....Jo Aksar Dastak Diye Baghair Hi Uske Kamre Mein Ghoos Aata Tha....
Aur
Fir....Is Tarah Gidhgidha Kar Muaafi Maangta Tha Ke Safaak Tareen (Brutal) Aadmi Bhi Paseej Jata....!


Safdar Ko Yaqeen Tha Ke Koobdhe Ke Aadmi Har Waqt Uski Nigrani Karte Hai....
Ghaliban
Yahi Wajah Thi Ke X-2 Se Use Apne Aadmiyon Se Dur Rahne Ki Hidayath Mili Thi....!


Koobdha....Koobdha....Humbug The Great....Safdar Uske Mutaleekh (Sambhandit) Sonchte-Sonchte Is Tarah Jhalla Jata Ke Mutthiyan Ghair Shavoori Taur Par Sar Ke Baal Jakadhne Lagti....!


Is Waqt Bhi Wo Grand Hotel Ke Dinning-Hall Mein Koobdhe Hi Ka Muntazeer (Waiting) Tha....!


Wo 8 Baje Nazar Aya....
Lekin
Is Andaaz Mein Ke Safdar Ki Aankhein Chaundiya Gayi....!


Suit Mein Tha....Bedaagh Kameez....
Aur
Ek Aurat....Jo Uske Qad (Height) Mein Dugni Zaroor Rahi Hogi....Aurat Ka Libaas Bhi Kheemti Tha....Chehra Khaasa Dilkash Tha....
Lekin
Koobdhe Hi Ki Tarah Behungam Thi....Doobli-Patli Taadh Jaisi....Dono Ko Saath Dekh Kar Dinning-Hall Ka Har Fardh Unki Taraf Mutawajah (Attract) Ho Gaya....Pahle Kabhi Aisa Mazaaqiya Khaiz Jodha Shayad Hi Kisi Ki Nazar Se Guzra Ho....!


Aurat Badi Be-Parwaahi Se Muskura Rahi Thi....Koobdhe Hi Tarah Use Bhi Ghaliban Iski Parwaah Nahi Thi Ke Log Unhe Mazaaqiya Andaaz Mein Ghoor Rahe Hai....!


Dono Teer Ki Tarah Safdar Ki Mez Ki Janib Aye....!



Continue............................................................................................................!

 

[Gmlove]

Great update bjai..


Yeh to saaf hai koobdha hi safdar ko paisey de raha hai...

Aur apney kisi kaam k silsaley me us se milney aa rahq hai..
Dekho kia banta jai

 

[Gmlove]

Waiting

 

[Shyam Singh]

Shandaar update..

 

[Nkmahakal]

behan hi shandar updates