Romance In A HeartBeat - (COMPLETED)

[Kingfisher]

Update .... 6​

use mujhe suprise dena pasand tha. ek baar mere birthday par usne mujhe football graund mein bulaaya raat ko ... mujhe kuchh bhi nhi pta tha ki usne mujhe kyon bulaaya hai ? aur jaise hee main vahaan pahunchi usne mujhe apne doston ke saath vahaan light, cake aur music ke saath pahunchkar chaunka diya ... main bahut khush thi aur tabhi usne ek kitaab meri aur badhai aur ye dekhkar meri khushi ka thikaana na rha ki vo kitaab mere naam se publish huii thi.



usne mujhe bataaya ki kis tarah usne meri shaayari vali dairy churakar vo buk publish karavaii ... aur tab usne mujhse vaada liya ki main kabhi likhna nhi chhodungi."



"aur is tarah one an half year beet gya. main second year mein aa chuki thi aur vo Final year mein ... ab ham jyaadatar vaqt ek doosare ke saath bitate the. main naani se hamesha vihaan kii baaten karti thi aur us se naani ke baare mein ... naani aur vihaan kii baat bhi aksar phon par hoti thi. ab naani bhi use pasand karne lagin thi.



aur ek din vo meri aankhe band kar ke hol mein le gya. usne bataaya ki aaj uska janmadin hai. sabhi students uska birthday celebration karne ke liye vah maujood the ... aur tabhi usne in sabake samne apne ghutanon par baithakar mujhe purpose kar diya.



"main apni zindagee ka har saal ab se tumhare saath bitalana chahta hoon, kya tum mera saath dogi Rits ?"


aur chaaron taraf se se yes-yes kii awajen aane lagin ... main hairaan thi ye sab dekhakar, mujhe apni aankhon par yakiin nhi ho raha tha ki ye sab sach hai ya ek sapna aur fir mene haan kar dee...usne ring meri ungali mein pahana dee. vo din meri zindagi ka sabse khushnuma din tha.



uske baad se jaise sab badal gya. main collage mein sabke liye khaas ban gaii. vihaan sab ka chhehta tha aur main uskii pasand isliye agar kisi ko koii bhi kaam hota to vo mujhse sifarish ke liye aata."



ye sochakar Rits hansane lagi. lekin fir ekaek khaamosh ho gaii.


"fir kya hua Rits ?" Mene utsukata se puchha.


"aur meri khushiyon ko nazar lag gaii. meri ek chhoti see galti mere liye zindagi bhar ka naasoor ban gayii " uskii aankhon me aansoo saff jhalak rahe the.



"kyon aisa kya hua tha ?"


"us shaam meri dost Radhika ne apne ghar par ek party rakhi thi aur usne mujhe kaha ki main bhi aaoon. uske bahut zor dene par main bhi chalee gayee. Party mein uske aur bhi bahut se parents’ the aur unamen se ek tha Arnav jo vihaan ka bahut achha dost tha. vo ek bahut achha insaan tha aur vihaan kii tarah hee meri bhi bahut izzat karata tha.



us raat karib parry 1 baje tak chali aur fir ham sab ghar ke liye nikale. kyonki main hostalar thi aur hostal Radhika ke ghar se kaffi door tha to Arnav ne mujhe hostal tak chhodne ke liye puchha ... itani raat ko akele jaane se achha mujhe uske saath aana sahi laga aur mene haan kar dee ... usne raaste mein mujhe bataaya ki vo Radhika se bahut pyaar karata hai lekin kabhi use bol nhi paaya aur is maamle mein meri madad chahta hai ... usne bataaya ki kal subah vo use purpose karne vaala hai aur kaha ki agar baat nhi banti hai to main situation ko sambhaal loon.



aur in sab mein main ye bhool gayi ki mera phon pichhli shaam se battery na hone ke kaaran band pada hai aur bas yahi bhool ho gaii thi mujhse ... ham log jaise hee hostal ke samne pahunche mene dekha ki vihaan apni gadi ke saath vahaan khada tha ... use yoon itani raat ko dekhakar main hairaan ho gaii.



main utarakar uske paas gaii aur puchha...."vihaan tum is vaqt yahaan kya kar rahe ho ?"



"kahaan thi tum ? aur is vaqt Arnav ke saath kaise ?"


"are vo main raadhika ke ghar party mein thi aur Arnav bas mujhe drop karne aaya tha"



"kya hua vihaan sab thik hai ?" Arnav ne puchha to vihaan ne use haath se jaane ka ishaara kiya. vo apni gadi lekar chal gya.


"tumhara phone kaha hai ?" usne fir se usi sakht lahaze mein mujhse puchha.



"phone to vo to battery na hone ke kaaran off hai, lekin baat kya hai vihaan. tum kuchh batao to"


"baat thi lekin ab koii baat nhi hai" uske chehare pe gussa saff jhalak raha tha.



"matalab ?"


"matalab ye ki main tumhen kal shaam se phone laga raha hoon lekin nhi lag raha hai. jaanati ho kyon ? kyonki main tumhen ghar le jaakar mom-dad se milavana chaahata tha ... lekin tumhen to koii fikra hee nhi hai. ek baar kisi ke phone se mujhe bata bhi sakti thi ki tum Radhika ke ghar par ho. kal shaam se main yaheen tumhara intezar kar raha hoon" uska ye gussa dekhakar main dar gaii.


"I’m sorry main bhool gayee thi really sorry vihaan, please tum aise gussa mat karo"



"thik hai, main gussa nhi karoonga lekin ab mujhe tumase koii baat nhi karni hai"


"vihaan ye tum kya kah rahe ho ?" main vihaan ke us tarah ke bartaav se hairaan thi kyonki shayad ye pehli baar tha jab vo aise baat kar raha tha.



usne gusse mein meri koii baat nhi suni aur vo vahaan se chla gya ... mujhe andar se bahut bura lag raha tha. lekin mujhe vishvaas tha ki subah tak sab thik ho jaega... isliye main bhi chupchap hostel chali gaii


agali subah jab main collage pahunchee to meri nazaren vihaan ko dhoondh rhi thi aur tabhi ekadam se Arnav mere samne gulaab lekar aa gya.



“ye sab kya hai Arnav” mene irritate hote hue bola.


“are yaar kal yoon hee bevajah tumhaare aur vihaan ke beech anaban ho gaii, Ye uska solution hai ... Tum jaakar use ye gulaab de do aur fir dekho vo kaise ek second mein mann jaata hai”



“mujhe nhi lagta”


“ Are trust me uska gussa bahut kam time ke liye hota hai aur fir tum use filmy andaz mein ye gulaab dena” usne apne ghutano par baithte hue purpose karne kii acting karte hue kaha.



Aur tabhi mene dekha ki vihaan hame door se khada gusse se dekh raha tha ... Mujhe laga ki baat aur na bigad jae isliye main uske pichhe bhaagi par is se pehle main uske paas pahunchti vo gadi lekar collage se baahar nikal gya ... Meri kuchh samajh mein nhi aa raha tha ki kya karoon ? fir mene ek kaagaj par kavita likhi aur uske aane ka intezar karne lagi, Mujhe yakin tha ki jab main use ye doongi to ise padhkar vo apna gussa bhool jaega. Magar “ kahate kahate Rits ruk gaii.



“magar kya ?”


“main evening tak uska intajaar karti rhi lekin vo nhi aaya. Usaka intajaar karte-karte 9 baj gaye aur gatekeeper ne mujhse kaha ki ab main jaoon kyonki ab get band karne padega. Main vahaan se hostal aa gaii ... Lekin na hee uska koii phone aaya na hee koii massage, Aur to aur uska phone bhi band tha. Main andar hee andar ghabra gaii thi ... Intezar karte karte raat ke 2 baj gaye . Tabhi mere phone par ek unknown number se call aaya .. Vo phone City hospital se tha . Phone karne vaale ne bataaya ki unhen car accident mein ek aadmi kii lash mili hai ... caar ka nambar sunakar mere hosh ud gaye .. Vo vihaan kii hee car thi”



Mujhe laga ki jaise meri saaree duniya ek pal mein tabaah ho gaii. Mujhe mere kaanon par vishvaas nhi ho raha tha. mene jaldee se vordan ko sab bataaya aur hospital ke liye nikal gayi



Main jab hospital pahunchi to vaha vihaan ke mom dad postamartem room ke baahar baithe the. Unhen dekh kar main buri tarah dar gaii. Jab uskii Maa ne mujhe dekha to vo gusse se paagal ho gaii .


“tumhi ho na vo jisne mere bete ko mujhse chhina hai, kya chahti thi tum kya lene aaii ho ab yahaan mar chuka hai vo suna tumane mar chuka hai vo” unake ye shabd sun’kar main sunn rah gaii.”



Rits kii aankhon se aansoo lagaataar bah rahe the.


“vo bolti rhi unkii nazar me main unke bete kii maut kii jimmevaar thi aur ek maayane mein ye sach hee tha.



“tumane mere bete ko maara hai ab chali jao is se pehle kii main kuchh kar baithoon”


“ aunty please mujhe ek baar vihaan ko dekh lene dijiye please aunty ” main unake samne gidagidaate hue ghutanon par baith gaii.


“khabardaar jo ab mere bete ke najdeek bhi gayi to, jeete jee use chhoda nhi ab marne ke baad bhi too uske paas jaye ye main nhi hone doongi .... Tujhe koii hak nhi hai uska chehra dekhne ka. Aur agar tujhe jara sa bhi us se pyaar tha to abhi ke abhi yahaan se chali ja. Mujhe teri shakl bhi nhi dekhni .” Aur mere laakh mannate karne ke baad bhi vo nhi maani. Mujhe mujhe vihaan kii laash tak dekhne ko nhi mili ”


Ye kahte hue Rits phoot-phoot kar rone lagi.

To be countinue

(Bc I'm fucck'n romantic writer Etna to kabhi nhi likha ! Ungalia bhi gali dene lagg gaii mujhe . Btw ab ek bda sa final update or likha jayega uske baad estory complete . Fir hum vapis underground )​

 

[Naik]

Update ....2​

"oe too kidhar gum ho gaya ?" anant ne usake saamane chutakee bajaee.


"chhod jaane de use, aa jaega" annat ne use roka.


Me sidhe us cafe ke maalik ke paas gaya jo ek 70 saal ka bujurg vyakti tha.


"namaste kaka, kaise ho ?" Mene bola


"namaste beta, tum kaun ?" us vyakti ne kaampati aavaz mein poochha.


ABB AGGE ...



" Are bas idhar ghoomne aaye the, achchha kaaka aap us ladki ko Jante hain ? vo vo last table vaali ! " mene bina vaqt gavae us ladki kee taraf ishara kar ke puchha.


" Vo bitiya ! vo to saalon se yahaan roz aati hai ... kuchh bolti nahi bas chupachaap us khidki ke paas baith kar kuchh likhati rahati hai... magar tum ye sab kyon puchh rahe ho ?"


"kuchh nahi bas uski shakl meri ek dost se milti hai na isliye poochha" mene bahana banate hue kaha ... "accha theek hai kaaka thanks" me vahan se khisakta hua bola.


"he, Hayy kaisi ho ?" Me Last Vali Table par jaakar bola.


vo Abhi bhi kuchh likh rhi thee. usne sir meri or sar uthaakar swaliya najro se dekha.


"pehchana ? ham kal mile the fir maine tumhari jaan " is se pahale ki me baat Puri karta vo bol padi .


"Maine kal usake lie apko shukriya bol diya tha aur agar vo kamm tha to again thanks very much " sidhe or spat lehje me vo boli .


" Are nhi nhi ! thanks wanks kee baat nahi hai ... main to apko ye vaapis karne aaya tha" mene vo kaagaz ka tukda usako or badhaate hue kaha jo mujhe kal gira hua mila tha.


"ye aapko kahan se mila ?" usane hairaani se poochha.


"ye vaheen se mila jahan aap mili thi , I mean ye kal gir gya tha aapke paas se shayad to maine utha liya ki agar aap dobara mili to vapis kar saku. vaise aap kaafi achha likhat hain Rits jee " muskurate hue mene Vo kajaj us jannat ki pari ki or badate hue kaha


"apko mera name ! " phir use dhyaan aaya ki vo apani kavita ke niche aksar apna name likhti hai.


"shukriya ye mujhe lautane ke lie ye vakaii bahut zaruri tha mere liye " Rits ne us kagaz ki taraf dekhte hue bola jaise vo uski koi bahut badi punji thi .


" Are shukriya kaisa ? Mene to bas kisi ki khoi hui cheez use vaapis dee hai ... vaise mera naam Akhir hai" mene baithte hue kaha.


Rits ne ek thandi muskaan ke saath meri taraf dekha jaise use mera name jaan’ne mein koi dilachaspi nahin thi ( ye to apni tohin ho gaii lawda . Khair pariyon ki to tohin bhi sarr Ankhon par ) .


"to aap ek writer hain ?" Mene samne rakhi dairy, pen aur kitabon ko dekhte hue poochha.


" jee haan, bas yoon hi thoda bahut likh leti hoon "


"accha vaise ek tareeka hai, jisse aap apana shukriya bhi ada kar sakti hain aur apke dil par koi bojh bhee nhi rahega ki mainne apki jaan bachai " mene muskuraate hue Rajnikant vaale estyle mein kaha.


"main kuchh samajhi nahin, aap kya kahna chaahte hain ? " Rits ne hairat bhari nazron se us shakhs se yani swayam AKHIL se puchha jo abhi bhi uske lie ek ajanabi hee tha .(sad life )


"dekhiye aap likhti hain aur jaahir hai ki apke paas bahut see kitaaben bhi hongi aur main thehra kitabon ka shaukeen .... To agar apko koi aitraaz na ho to aap mujhe apne collection mein se kuchh kitaben de sakti hai ? padhne ke lie ! main pakka unhen lauta doonga "


"Yes ! but " Rits ko samajh nahi aa rha tha vo kya bole.


" Are esme sochna kya aap mujhe Daily ek kitaab de diya kijiye aur main use padh kar Next day laut doonga ... aap vaise bhi roz yahaan aati hai na ! ( Are bsdk ye kya bakk diya ) mera matalab hai hum roz yaheen mil liya karenge " mene bahut ki esmart tarike se baat badalte hue kaha taaki Rits ko isaki bhanak na lage ki mujhe cafe maalik ne bataya hai ki vo yahan roz aatii hai.


"theek hai filhall aap ise le jaiye" Rits ne thoda sochate ek kitaab meri or badhate hue kaha.


"Okkkk , to theek hai kal isi vakt phir milenge yahi " apni khushi chipate hue mene kaha.


Rits ne ek feeki muskaan ke sath haan mein sir hila diya.

*
*

" O hello kahan gayab ho gaya tha ? " gadi ke paas intazaar karte hue mere langotiya doston ne puchha.


"are kuchh nahin hai, tum log aise hi sawal karte rahte ho"


"dekh Akhil too hamse kuchh nahi chhipata ... kal bhi tumne aise hee taal diya ... chal ab bata kya baat hai ?" Anant ne ghambhir lehaze mein poochha.


"aur tu kabase ye kitaben padhne lag gaya ?, haan ?" Pritam pyare ne mere haath mein kitaab dekhkar swal kiya


"O ye, ok ok Fine ! chalo main gadi mein batata hoon sab tum logon ko" me bola kyonki ab mujhe bhi lga tha ki chhipane ka koi faida nahin.


"Achchha to ye baat hai aur too hamen ab bata raha hai" jab mene unhe sari baat batai tab Anant khisiyate hue bola


"lekin yaar tu bach ke rah, ye pahadi logon ka na kuchh pata nahin hota. mainne to suna hai ye log jaadoo-tona bhi jante hain" Pritam pyare ki baat par donon zor se hansane lage or unke sath me bhi mand mand muskurane lga


"kya yaar tu bhi na " apni hasi control karte hue Anant


"nahi yaar vo aisi nahin hai, inpect mujhe ye lga ki use logon se jyada milna ya baat karna pasand nahi hai. main gaya to use sirf vo kagaz ka tukda vaapis karne tha lekin us se mil ke mujhe aisa laga jaise na jaane kitne vakt se main us se baat karana chaahta tha" Thoda serious way me mene kaha.


"Well agar aisa hai to carry on bro" Anant ne meri taraf dekhkar hanste hue kaha.

*

*

"kya hua, tum kuchh pareshaan lag rahi ho " granny ne room mein aakar Rits se puchha.


"kuchh nahin Nani maa , bas aise hee"


"Achchha ab mujhe bhi nahi bataogi ?" Jhoot – moot ke ruthne ka natak karte hue Nani boli


"Aisa nahi hai, ek aap hee to hain jo mujhe samajhti hain " aur Rits ne unhen sab bata diya jo kuchh usake saath in do dino mein hua.



" Are phir kya hua ? kitaben hi to maangi hai padhne ke lie .., esme itna sochne vaali kaunasi baat hai ?" Granny ne muskuraate hue kaha.


" Par Nani maa aap janti hain, mujhe kisi se milna achchha nahi lagta aur phir yoon roz-roz main to use jaanti tak bhi nahin"


"nahin jaanti to jaan jaogi, har insaan bura nahin hota Rits ... mujhe lagta hai tumhen bina jaane uske baare mein sahi ya galat raay nahin banani chaahiye"


"theek hai, agar aap kahati hain to maan leti hoon" Rits ne bina kisi bhaav ke kaha.

*

*

agle din me cafe pahuncha to dekha ki Rits vahi usI par baiti apani dairy mein kuchh likh rahi hai ... use dekhte hee mere chehre par ek muskaan fail gaii.


" Hey, maine ane mein jyada der to nahi kee ?"


"nahin-nahin aisa kuchh nahin hai, baithie" Rits ne ek thanda sa javaab diya.


"so aaj aap kaun-see kitaab lekar aaii hain mere lie ? aur ye rahi aapko kal vali kitaab, maine Puri raat jaagkar ise padha, iafi achchhi story hai "


" Jee, lekin aapko agali kitaab dene se pahalle meri ek shart hai"


" Kaisi shart ?" Thoda hairan hote hue mene kaha


“ Ye ki jab bhi ham milenge to aap mujhse jyada baat karne kee koshish nahin karenge aur na hi kabhi aisa koii sawal karenge jo meri niji jindagi se juda ho, kyonki main yahan only apani kahaaniyon ko samay dene aati hoon. Boliye manjoor hai ? ”


“haan mujhe koii problem nahi hai, bas aapse ek request hai”


“kaisi request ?”


“ki aap bhale hee mujhse koii baat na karen lekin agar kisi kitaab ya kahani se juda koii bhi saval hoga to aap meri madad karengi ... Boliye manjoor hai ?” mene theek Rits ke lahze mein hee kaha.


“ theek hai ” Rits ne haami bharte hue bola.


“to phir meri kitaab ?” mene haath badhaate hue kaha.


“ ye rahii ” mere hath me kitab tahamate hue boli


To is tarah shuru hua mera aur Rits ki mulakaat ka silasila .... Halanki Rits ki condition ke hisaab se hamare beech koii baat nahin hoti thi magar me hamesha kitaab mein se uske lie dhoondh-dhoondh kar saval nikalta ya yoon kah leejie ki Rits se baat karne ka ye mera new tareeka tha jise vo mana nahi kar sakti thi aur vo bhi Mere savalon ka bina koi objection ke javab de deti thi

To be countinue ...​

Rits ki term & condition sahi thi leki Akhil n bhi sahi rasta nikala baat kerne kitabo mese hi sawal nikal ker jawab lene ka sahi jaa rehe ho
Badhiya shaandaar update bhai

 

[Naik]

Update ...3 ... mere to ll lagg gye​

kuchh din yoon hee beet gaye aur fir ek din mujhe aise hee baazaar mein ghoomte hue Rits dikhaii dee ... Mene dekha ki kuchh tourist ladke use pareshaan kar rahe the.


"Are Rits tum yahaan ho, main tumhen kab se puri market mein dhoondh raha hoon, der ho gaii hai chalo ghar chalte hain" mene Rits ka haath pakad kar chalte hue kaha. ye dekhakar vo sabhi side hat gaye.


baat ko samajhate hue Rits bhi chupchap mere saath chal dee.


"vo " Rits is se pehle kuchh bolti me bol pada.


" Nhi nhi, thanks kehne kii jaroorat nhi hai, ye to mera farz tha"


"thanks nhi par main ye kehna chahti thi ki I could handle them "


"haan main janta hoon ! lekin apko aisee situation mein dekh’kar mujhse raha nhi gya"


"lekin mujhe samajh mein nhi aata ki aap har jagah kaise pahunch jaate hain ?" Rits ne thode sakht lahaze mein kaha.


tabhi mene use pakadakar apni taraf kheench liya Rits ek pal ke liye chaunk gaii par use dhyaan aaya ki abhi-abhi ek tez gadi lagabhag use chhoo kar nikli hai.


"ab ye to mujhe bhi nhi maaloom ki jab aap musibat mein hoti hain to mai vahaan kaise aa jaata hoon" ... Mene apnen dono haath uthaate hue maasoomiyat bhare lahaze mein kaha jise sun’kar Rits achaanak se hans padee.


use is tarah hanste mene Pehli baar dekha tha aur Rits khud bahut saalon baad is tarah se hansi thi.( mujhe kaise pta ye )


"ab to vaakii mein main apke ahesanno tale dab chuki hoon" Rits ne hansate hue kaha.


"lekin aap abhi ke abhi ye ehasaan utaar sakti hain" mene kaha.


"Achha, vo kaise ?"


"kya hai ki ghar ka khaana khaye bahut din ho gaye hain to agar aap apne haath ka bana kuchh khila saken to"


"achha thik hai, to fir ghar chaliye meri naani Maa bahut hee testy khana banati hain" Rits ne kuchh sochate hue muskuraakar kaha.


"to kya aaj se ham dost ban sakate hain ?,I swear main apko bilkul pareshaan nhi karoonga"


"manjoor, par shaayad abhi tak hamaara thik se introduction bhi nhi hua hai"


"koii baat nhi abhi kar lete hain ! hello, I’m Akhil Rastogi, to mis Rits "


"Rits shreevastav" mera sentence pura hone se pehle hi vo boli


"Ohhh to Rits shreevastav kya aap mujhse friendship karengi ?" Mene apna haath aage badhaate hue kaha.


" Sure " Rits ne bhi haath milaate hue bola.


"to aap kya karte hain ? Mister Akhil Rastogi "


"Basically main Delhi se hoon aur haal hee mein mene apna photography ka course complete kiya hai. iske alava main music ka Student rehh chuka hoon"


" music " ye sunte hee Rits ke chehre par muskaan kii jagah udasi ne le lee.



"kyon apko music pasand nhi ?"


"nhi aisa nhi hai aur kaun-kaun hai apke ghar mein ?" Rits ne baat badalate hue kaha.


"paapa aur Maa aur apkii family mein ?"


"main aur meri naani Maa"


"aur apke parent’s ?"


"mere Mom-Dad bachpann mein hee gujar gaye the"


"Ohhh sorry I’m really sorry"


"its Okk, lijiye ghar aa gya" Rits ne ghar kii taraf ishara karte hue kaha.


"kaun aaya hai Rits ?" naani ne puchha|


"naani Maa ye Akhil hai, mene bataaya tha na"


"achha-achha vahi jise kitaaben padhane ka shaunk hai" naani ne meri taraf dekh kar Rits ko chhedate hue kaha.


"namaste naani"


"khush raho par mujhe samajh nhi aa raha ye ladkii tumhen ghar tak kaise le aaii ise to tumse baat karna bhi pasand nhi" naani ne hansate hue kaha.


"Uff ho naani Maa ye sab main apko baad mein bata dungi abhi aap khaane ke liye kuchh achha sa bana deejiye" Rits ne baat kaat'te hue kaha.


"achha thik hai tum log baitho main aati hoon"


Mere jaane ke baad Rits apne kamare mein gaii aur usne apne bed ke niche se ek Box baahar nikala, us box mein ek khubasoorat gitaar tha. usne us gitaar ko nikala aur pyaar se sehalane lagi.


"use bhi to music se kitna pyaar tha ye gitaar vo use uske janmadin par gipht karna chahti thi, magar mene to use itna bhi mauka nhi diya. us se pehle hee use chheen liya" ye sab yaad kar uskii aankhon se aansoo girne lage.


aur us din ke baad se Rits aur meri friendship ho gaii ... Me roj milne par ab bhi ussse pehle kii tarah hee savaal karata lekin fark ye tha ki ab mere savaal Rits ko pareshaan nhi karte the ... is tarah mujhko manali mein karib 15 din se bhi jyaada ho gaye the.


ek din roj kii tarah hee hum dono cafe mein amne-samne baithe the ... Rits apni kisi new kahani ka climax likh rhi thi aur me chupchap kitaab padh raha tha ya fir ye kahe ki najaren bachaakar Rits ko dekhne ke liye ye ek bahna tha mera .


tabhi mere mobile par anant ka call aaya.


"yaar Akhil aur kitani der lagegi ? ham yahaan baahar tera wait kar rahe hain"


"haan thik hai aata hoon" kah kar mene phone rakh diya.


"Rits mujhe ab chalana chaahie baahar mere dost intajaar kar rahe hain ham kal milate hain"


"thik hai"


"baay" kah kar me chal gya.


Mere jaane ke baad Rits ne dekha ki me apna camera apni seat par hee bhool gya hu ... usne camera uthaaya aur mujhe dene ke liye mere peechhe baahar nikal gaii ... paarking area mein pahunch kar usne dekha ki me apne doston se baat kar raha tha.


"are yaar jab too use itana pasand karata hai to kis baat ka intajaar kar raha hai ? ab bol bhi de use ki tujhe us se pyaar ho gya hai I’m 100% sure ki vo tujhe mana nhi karegi" Anant ne mujhe samajhte hue kaha.


"nhi yaar mujhe lagta hai ki abhi jaldi hoga bahut"


"too bekaar mein itna soch raha hai abhi nhi to kabhi nhi aur fir dekh khud ko itane handsome ladke ko kaun ladkii mana karegi ?" Pritam ne aankh dabaate hue kaha.


"nhi pyare vo aisee nhi hai aur mujhe lagta hai ki abhi ye sab batana sahi nhi hai ab tum log batao main kya karoon ?" Mene puchha lekin un dono ne koii jawab nhi diya.


"tum log kuchh bol kyon nhi rahe aur mujhe aise ghoor kyoon rahe ho" me hairani se bola.


Praitam ne use ishaare se peeche kii aur mudane ko kaha ... jaise hee mene peechhe mudakar dekha to Rits thik mere pichhe khadi thi aur uska chehara gusse se laal tha ... Me ye dekhakar ghabara gya.


"Rits meri baat suno"


"chup ekadam chup" Rits ne gusse se kaha.


"tum mere baare mein aisa soch bhi kaise sakate ho ?, mene tumhen apna dost samajha aur tum mujhse ye ummeed kar rahe ho dekho Akhil main ek baat tumhen achchhi tarah se bata dena chahti hoon ki meri zindagi mein pyaar ke liye koii jagah nhi hai aur tum apne dimaag mein ye baat achchhi tarah se bitha lo ... aur doosaree baat ki aaj ke baad main tumase nhi milna chahti kabhi bhi aur tum bhi aisi koii koshish mat karna ...Tum ise hamari aakhiri mulakaat samajho ... Good bye "


itana kah kar Rits mere haath mein camera de kar gusse se chalee gaii.


"Rits Rits meri baat to suno" mene use awaj lagaii lekin usne nhi suna.

*

*

takreeban 7 din beet chuke the. Me aur Rits ke beech baatacheet hue ... haalanki shuroo mein ek-do din mene ne us se baat karne kii koshish kii lekin vo koii jawab nhi deti thi ... cafe mein bhi mujhko dekh’kar vo vahaan se chali jati thi aur fir usne vahaan aana hee band kar diya lekin Me vaha har roj jata tha Rits ke intezar mein ........ aur fir ek din raat ke 9 baje mere mobile par ek call aaya.


"Hello Akhil beta, main Rits kii naani bol rhi hoon" doosaree taraf se awaj aaii.


"jee naani, boliye itano raat ko apne call kiya? .... sab thik to hai na ?" Mene thoda ghabarahat se puchha.


"nhi beta, vo Rits kahi chali gaii hai. mera matalab hai ki vo subah se kahi gaii hai aur ab tak ghar nhi lauti " naani kii awaj mein chinta ßaoasth dikh rhi thi.


"abhi tak ghar nhi aaii ?, kahaan gayi hogi vo ?, apne use phone kiya ?"


"kiya tha lekin vo apna phone ghar par hee chhod gaii hai"


"aise kaise vo kahi ja sakti hai kuchh hua tha kya ? vo kisi baat se pareshaan thi ?"


"darasal beta aaj uska janmadin hai aur vo kaii salon se apna janmadin nhi Manati ... hamesha vo akele hee kahi chali jati hai taaki koii use janmadin kii badhaii na de lekin shaam hote hee laut aati hai. magar aaj vo ab tak nhi aaii to mujhe laga ki mujhe tumhen batana chaahiye "


"apne bahut achha kiya naani, aap chinta mat kiijie main Rits ko dhoondh’kar laata hoon. aap bilakul bhi stress mat leejie main use lekar seedhe apke paas hee aaoonga"


"thanks bete"


"Okk naani ab main rakhata hoon"

To be countinue ....​

Badhiya shaandaar update bhai
Aakhir kaar Rits se Akhil ki dosti ho hi gayi
Ab yeh kaha chali gayi kia kisi museebat m h kia Rits
Dekhte h aage kia hota h

 

[Naik]

Update ....4​

aur fir me bina apne doston ko batae gadi lekar Rits ko dhoondhane nikal gya ... Mujhe samajh nhi aa raha tha ki vo is vaqt kahaan gayee hogi ? Mene un sabhi raaston par dekha jahaan humm mile the ya jahaan Rits ke hone kii sambhaavana thi ... lekin kuchh pta nhi chala ... itane mein hee 1 ghante se jyaada beet chuka tha.



fir achaanak se mujhe yaad aaya ki is vaqt tourists ke jyaada aane se cafe kareeb 12 baje tak khule rahte hain.



"Ohhh god main ye kaise bhool gya, sabse important jagah" mene phataaphat cafe kii taraf gadi ghumaee ... jab me cafe ke najdeek pahuncha to baahar logon kii bhid lagi huii thi ... mujhe kuchh samajh nhi aaya ... Mene vahin gadi paark kii aur utar kar tez kadamon se cafe kii or badhane laga.



najdeek pahunchane par mujhe ek tez jhataka laga ... poora cafe aag kii lapaton se ghira hua tha aur log chilla rahe the or kucch edher-udher bhag bhi rhe the ... ek pal ke liye mujhko kuchh samajh mein nhi aaya fir mene jaldee se bhid mein jaakar Rits ko talaash karna shuru kiya lekin use vo kahi nhi dikhi ... achaanak mene cafe ke maalik ko dekha jo sadame aur dukh se ro raha tha ... mene jaldee se uske paas jaakar puchha



"ye sab kaise hua kaaka ?, ye aag"



"pta nhi beta achaanak se kaise ye sab " usne badi mushkil se kaha.



"achha kaaka kya Rits yahaan aaii thi ? vo ladkii jo laast vali table par baithati thi ! use dekh apne ?"



"pta nhi beta haan vo aaii to thi tum dekho yaheen kahi hogi vo"



Mene unse jyaada kuchh puchhna sahi nhi samajha ... par me Rits ko sab jagah dekh chuka tha vo bhid mein kahi nhi thi ... mujhe kuchh samajh nhi aa raha tha tabhi Meri nazar cafe ke pichhale bhaag mein lage kaanch ke sheeshe par padee. Mene jaldi se vahaan pahunchkar andar jhaanka.



Mene dekha ki Rits vahin table ke paas neeche behosh padee hai ... mene jaldi se chaaron taraf andar jaane ka raasta dhoondhna shuru kiya ... peechhe bhid mein se log mujhe vaapis aane ke liye bula rahe the, lekin mere sir par to jaise junoon savaar tha ... kisi tarah bahut koshish ke baad me cafe ke daravaaje se andar pahunchane mein kaamayaab ho gya ... lekin abhi bhi Rits mujhse door thi . Mene ek adhjali chair ko uthaaya aur us se aag se bachate hue me kisi tarah uske paas pahuncha.



"Rits utho" mene Rits ka chehara thapathapaate hue kaha. lekin lagta tha vo dhune se puri tarah behosh ho chuki thi.



Mene turant ek Table cover mein usko lapeta our jaise hee use uthaane laga mujhe Rits kii dairy dikhi jo pharsh par padee thi .. mene jaldi se use uthaaya aur Rits ko god me lekar baahar aa gya.



"please koii doctor ko bullaiye " mene chillaakar kaha.



Me use gadi kii taraf le gya. tabhi Fire Brigade aur ambulance bhi aa gaii ... do log doctor ko lekar jaldi se Rits aur mere ke paas aae...doctor ne Rits ka chekap kiya.



"ghabaraane vali koii baat nhi hai bas dhune se saans atak gaii thi is liye behoshi aaii hai ... achha hua jo aap inhen vakt rahate nikaal laye ... mene injection de diya hai ye thodi der mein hosh mein aa jjayeng, aap inaka khyaal rakhiye"



"jee doctor, thaiks" me bola.



Mene Rits kii taraf dekha ... aaj to me buri tarah dar gya tha ki agar Rits ko sach mein kuchh ho jaata to is khyaal se hee Meri aankhon mein aansoo aa gaye ... Me use lekar turant ghar aa gya ... use behosh dekh kar naani ghabara gaii.



"ye sab kya hua hai Akhil ?, Rits aise behosh kyon hai ?"



"main sab bataata hoon naani" mene Rits ko bed par litaate hue kaha ... Me aur naani kamare se baahar aa gaye aur mene cafe mein jo kuchh bhi hua vo naani ko bata diya.



"ab baakii ke savaal aap apni Rits se poochhiega"



"main kis munh se tumhara shukriya karoon beta, tumane aaj mere jeene ke ikalaute sahaare ko bachaaya hai. main hamesha tumhaaree ehasaanamand rahoongi"



"ye to galat baat hai naani, vo kya sirf apkii hee sabkuchh hai, vo meri bhi dost hai ... to ab aap rona band kiijie. ab vo bilakul thik hai"

*

*

"vo table par baithi roe ja rhi thi. aaj uske aansoo rukane ka naam hee nhi le rahe the ... usne khidakii se baahar dekhkar apna dhyaan baantane kii koshish kii aur tabhi ek awaj sunaii dee.



“Rits ”



aur usne mudakar dekha to Vo uske samne khada tha ... vaise hee muskaan ke saath jaise Vo har din us se milta tha ... ek pal ke liye use apni aankhon par vishvaas nhi hua, usne use chhoone ke liye jaise hee haath badhaaya, vo usse door jaane laga aur tabhi ekaek andhera chhaane laga aur logon mein apharataphari mach gaii aur jab usne chaaron taraf nazar daudaee to dekha aag lagi huii thi ... use kuchh samajh nhi aa raha tha, usne uthane kii koshish kii lekin aise laga ki koii uska dam ghont raha hai ... usne haath badhaakar kar use awaj lagaani chaahi lekin tabhi vo gaayab ho gya."



"Nhi " vo ek dam dar se chillaee aur jaag gayee ......... awaj sunakar me aur naani daudkar uske kamare mein aaye.



"Rits kya hua meri bachchee ? tum thik to ho na ? " kahakar naani ne use gale laga liya.



vo kuchh nhi bol rhi thi bas roii ja rhi thi ... fir achaanak uskii nazar vahaan khade mujh par padee aur usne naani kii taraf savaaliya nazar se dekha.



"jab too itani der tak ghar nhi aaii to mene hee ise phone kiya tha aur tujhe aag se bhi isee ne bachaaya hai" naani ne bataaya ....... Rits ne meri taraf is nazar se dekha jaise ye sab mera kusoor tha.



"achha ab tum log baat karo main kuchh khaane ke liye laati hoon, Rits ko bhookh lagi hogi . hai na ?"Nani ki bat par Rits unki taraf dekh kar muskura dee.



unake jaane ke baad Rits ne meri or dekha "dekho thanks to tum bolna bhi mat aur is baar mujhse koii hamadardee kii ummeed mat rakhna ... kya samajhati kya ho tum apne aap ko ? kaun see duniya mein khoii rahati ho ki apne oopar aane vali musibat ka dhyaan nhi rahata ... tumhen pta hai naani kitna ghabara gayeen thi tumhen is haalat mein dekh kar ... aur agar tumhen kuchh ho jaata to mera kya ho " Me gusse mein bolate-bolate achaanak se ruk gya.



"main Janti hoon tum mujhse naaraaz ho lekin jo kuchh bhi hua usamen meri koii galati nhi thi ... aur us din jo kuchh bhi mene tumhen bola vo gusse mein bola tha. uske liye I’m really sorry" Rits ne badi masoomiyat se kaha ......... tabhi naani kamare mein khaana aur Cake lekar aaii.



"dekho Rits tum apna janmadin nhi Manati lekin fir bhi main hamesha cake banaati hoon is ummeed se ki kabhi to tum ise kaatogi ... lekin aaj main khud chahti hoon ki apne dost ke liye tum ise kaato . usne tumhaari jaan bachaii hai iske badale tum itana to kar hee sakti ho" naani ne Rits ke siir par haath pherte hue kaha.



"thik hai naani Maa aap kahati hain to main jaroor karungi ye"



aur is tarah naani mere bahaane se Rits ka janmadin manaane mein saafal ho gaiin. unhen khushi thi ki mere aane se Rits mein kuchh to badalaav hua tha.



"Akhil beta aaj raat tum yaheen ruk jao, subah chale jaana abhi vaqt jyaada ho gya hai aur main jaanati hoon ki tum bhi meri baat nhi taaloge"



"thik hai naani"



"chalo main tumhen tumhara room dikhaati hoon"



subah jab Rits uthi to use uske daravaaje par ek kaagaz mila. jisamen likha tha ki



"pichhale dinon jo kuchh bhi hua use bhool jao aur jo kuchh bhi mene kaha uske liye mujhe maaf kar dena. main aaj hee Delhi vaapis ja raha hoon" ye padhkar Rits ke chehre par udaasi chha gaii because vo fir se akeli ho gaii thi.



"Akhil chala gya ? bina bataye" naani ne chaay dete hue puchha.



"haan, hamesha ke liye. vo to yahaan ghoomne aaya tha, use to jaana hee tha ... aur achha hee hai ki meri manahoos kismat se vo door chala gya" ye kahakar Rits uthi aur baahar chali gayee.



Mujhko manali se aaye hue 3 month’s beet chuke the . Mene bahut koshish kii Rits ko bhulaane kii lekin me use apne dil se nikaal hee nhi pa raha tha ... is beech mene apna dhyaan hataane ke liye apne paapa ka Business bhi join kar liya tha, magar fir bhi me kahi na kahi se Rits ke khyaalon mein aa hee jati thi.



idhar Rits ne fir se akelepan ko apna saathi bana liya tha kyonki uska Maaanna tha ki pyaar kii ab uskii zindagi mein koii jagah nhi hai aur na hee use iska haq hai. haalaanki vo bhi meri bak-bak ko bahut miss karti thi.



"vishaal beta kya baat hai ? main dekh raha hoon jabse tum Delhi vaapis aaye ho tabse udaas se rahate ho ... aakhir baat kya hai ? agar koii problam hai to batao mujhe" Papa ne mujhse puchha.



"nhi aisi koii baat nhi hai papa"



"main tumhara baap hoon, bachpann se jaanata hoon tumhen. jab tak ghar ko apni baaton se sir pe na utha lo tumhen chain nhi aata ... aur aajakal tum kisi se sahi se baat bhi nhi kar rahe ho. dekho jo kuchh bhi saff saff batao kyonki chhipaane se koii fayda nhi hai "



ye sunakar me unake gale lagakar rone laga aur unhen saaree baat bata dee.



"Ohhh ab samajh mein aaya janaab ishq kar baithe hain. are lekin isamen dukhi hone vaali kaunsi baat hai ? tumhe to khush hona chaahie"



"lekin paapa vo mujhse pyaar nhi karti infact vo to ye kahati hai ki vo ab kisi se pyaar nhi kar sakti. ab aap hee bataie main aise mein kaise khush ho sakta hoon"



"hammmm baat to sahi hai. magar beta uske aisa kehne ke peechhe koii badi vajah bhi to ho sakti hai. kya tumane kabhi us se puchha ?"



"nhi, darasal usne shart rakhi thi ki main uskii parsonal life se juda koii savaal na karoon"



"to koii baat nhi tum fir mat karo. tum ek kaam karo vaapis manali jao aur us se apne dil kii baat bol daalo ... aur agar vo na kare to us se uskii na ki vajah janne kii koshish karo... mujhe lagata hai ki itane sab ke baad vo tumhen jaroor bata degi aur fir kya pta tumase door rah kar usne apna iraada badal liya ho ... tum ek baar kadam aage badha kar to dekho" paapa ne mujhe samajhaaya.



"thanks papa , aap duniya ke sabase achchhe paapa hain" mene khushi se kaha. Or sochne lga ki vo kaisa pall hoga jab me Rits se milunga

To be countinue

Fast forward likha gya update hai typo ya word mistake ho jate to bataiyega​

Badhiya shaandaar update bhai
Baal baal bachi Rits aag se Akhil n badi bahaduri ka kaam kia
Dunia k saare baap aise hi hone chahiye

 

[Naik]

Update ... 5​

agle hee din me manali ja pahuncha. Mene hotal pahunchkar Rits ko call kiya.


"Hello Rits" mene hichakichaahat se kaha.


"Akhiill ?" itane dinon baad meri awaj sunakar vo khush bhi thi aur hairaan bhi.


"vo Rits main kehna chahta tha ki main tumase milana chahta hoon bas ek baar to kya tum please "


"haan jaroor lekin tum is vaqt ho kahaan"


"main yaheen manali main hoon"


"manali ? tum yahaan kab aaye ?"


"aaj hee aur ab main bas tumse ek baar milana chahta hoon"


"thik hai batao kahaan milana hai ?"


"purani lack ke paas aaj shaam ko main tumhara intezar karoonga"


"thik hai"


phone rakhne ke baad mujhko aisa laga jaise mere dil se koii bojh utar gya ho Varna ab tak to muhhe yahi dar tha ki Rits mujhse milna chaahegi bhi ya nhi.

*

*

bahut hee khoobasurat najaara tha vahaan ka. sooraj lagabhag doob chuka tha aur halka-halka chhaaya andhera us shaam ko aur bhi rangeen bana raha tha.....mene sab intezaam kar liya tha. bas ab der thi to uske aane kii. Me bs intezar karne laga.



achanak se mere pichhe se awaj aaii "Akhil " ... Mene peechhe mudakar dekha . vo aaj halke aasami choodidaar soot mein behad khoobasoorat lag rhi thi... hava mein laharaate vahi ghane kaale baal. Mujhe laga jaise me ek baar fir yaheen apna dil kho baithunga.


"kahaan kho gaye ?" Rits ne mere chehare ke samne haath hilaate hue kaha.


"kahi nhi, bas yoon hee"


"tumhen yahaan dekhakar bahut achha lag raha hai" Rits ne mere gale lagate hue kaha . Hum dono is tarah shaayad pehli baar mil rahe the ... sacch me us ahesas ko me shabdo me bya nhi kar sakta . me bs yhi prarthna kar rha tha ki ye pall yhi tham jaye or hum dono kabhi juda na ho



"ummeed to mujhe bhi nhi thi ki main yahaan aaoonga" mene bola.


"par aa gaye na"


"haan kismat hamen kheench hee laati hai tum baitho na" usne mujhe chair offer karte hue kaha.


"thanks, vaise poochh sakti hoon ki itne itanjaam kis khushi mein ?" Sawaliya najro se usne pucha



"are nhi ab tumse milalne se badh kar kya ho sakta hai tum itani khaas dost ho meri"


"haan ye to hai lekin tum us din bina bataye chale gaye, isake liye main tumase naaraaz hoon"


"haan main Maanta hoon, mujhe aise nhi jaana chahiye tha. I’m really sorry "


"to kya plan hai ? aage ka"


"plaan kuchh nhi bas tumhaare saath vaqt bitaana hai aur tumhen kuchh bataana hai"


"achha to jaldi se batao"


"samajh nhi aa raha tumase kaise kahoon ?"


"are itana kyon soch rahe ho bolo bhi"


"Okk Rits main jo tumase kehne ja raha hoon please use dhyaan se sunana aur samajhne kii koshish karna main main tumase pyaar karata hoon behad pyaar aur is baat ka mujhe tab ehasaas hua jab main tumase door hua ... halanki main shuru se hee tumhen pasand karata tha, tumhari saadgi, tumhaari shaayari, tumhari baaten ... us din jab tumane kaha ki tum kisi se pyaar nhi kar sakti to mene Faisla kiya ki main ab kabhi tumhen is baat ka ehasaas nhi hone doonga aur isiliye main tumhen bina batae chala gya ... lekin ghar jaakar bhi tum mere zehan se ek pal ke liye door nhi huii ... main jahaan bhi sochata tha sirf tum hoti thi ... jahaan bhi dekhta tha tum hoti thi. mene laakh koshish kii tumhen bhulaane kii lekin main naakaam raha ... aur bahut himmat karne ke baad main tumase yahaan milne aa saka hoon ... main nhi jaanata ki tum mere baare mein kya sochati ho magar main jo bhi kah raha hoon dil se kah raha hoon aur ye sab sach hai. ab tumhara jo bhi Faisla hoga vo mujhe manjoor hai"



ek pal ke liye hum dono shaant ho gaye ... fir Rits ne khaamoshi todi .


"vishaal main tumhaare is ehasaas kii izzat karti hoon kyonki main ab jaanti hoon ki tum kitne achchhe insaan ho ... tumne itani baar bina kisi rishte ke meri jaan bachaee hai aur tum jaisa dost kismat vaalon ko milata hai ...mene tumhaare aage shart rakhi thi ki tum kabhi meri zindagi se juda koii savaal nhi poochhoge kyonki tab mujhe laga tha ki tum bhi aur ladakon kii tarah sirf time paas karne aye ho lekin ab jab main jaanati hoon ki tum ek khoobasurat dil rakhte ho to mujhe lagta hai ki ab mujhe tumhen apne inkaar kii vajah bata deni chahiye"



"kaisi vajah ?" Meri baat par Rits muskura dee.


" vihaan vihaan tha uska naam. collage ka sabse popular aur handsome dekhne vaala ladka ... vo music ka student tha aur mene literature mein admission liya tha ... ye baat aaj se 5 saal pehle kii hai jab mene Delhi ke collage mein graduation ke liye kadam rakha ... vo mujhse ek saal senior tha, jitna achha vo dikhane mein tha utna hee music mein bhi ... sangeet uska Fashion tha. collage kii takareeban saari ladakiyaan uspar Fida thi .



ek din kisi ne class mein aakar bataaya ki sabhi students ko hol mein bulaaya gya hai ek important meeting ke liye ... mujhe bhi kuchh samajh nhi aaya aur jab hol mein pahunche to dekha ki vahaan ek ladaka stej par apne music baind ke saath sabse vaahavahi bator raha hai. hol mein sab taraf vihaan vihaan kii awajen goonj rhi thi ... aur fir usne gaana shuroo kiya. haalaanki uskii awaj bahut hee sureeli thi aur koii bhi us par vaah vaah kar uthta lekin mujhe us bhid mein khade rahane se jyaada jaroori apna lacture laga ... main akeli hee vahaan se nikal aaii. aur vo meri life ka sabase sahi faisla tha" Rits hansane lagi.



"fir ?"

"fir jab shaam ko main hostel ja rhi thi to raaste mein ek gadi aakar rukii aur awaj aaii


"Ohhh madam, gaana achha nhi laga tha to bata deti yoon beech me chhodakar beizzati to na karti aap"


mene jab dekha to vo aur koii nhi vihaan hee tha. mene koii jawab nhi diya aur aage chal dee. vo gadi se utarakar peechhe aa gya.


"are us 2000 students kii bhid mein se akeli aap meri performance chhodkar gayee, ab ye to bata deejie ki kya kami thi gaane mein ?"


"dekhiye mister"


"vihaan sab mujhe vihaan ke naam se jaanate hain" usne meri baat kaat’kar kaha.


"dekhiye aap jo bhi hain mujhe na to apke gaane mein koii intarest hai aur na hee apkii baaton mein. ab aap mera raasta chhodiye"



"thik hai chhod dete hain lekin ek shart hai. apko mujhe bataana padega ki aap vahaan se kyon gaii ?"


"ajeeb admi hain aap. main apko kah rhi hoon ki mujhe aapme koii intarest nhi hai aur aap hai ki vajah poochh rahe hain ! to suniye mene yahaan admission apni study ke liye liya hai kisi kii performance dekhne ke liye nhi"



"are aap to gussa kar gaii... mene to sirf isliye puchha tha taaki main apni galati ko sudhaar sakoon" ...mene use ghoorakar dekha.


"achha thik hai aap mat suniye mera gaana. par itna to bata sakti hain ki aap kis stream kii student hain ?"


"mujhe apse baat karne mein koii dilachaspi nhi hai aur behatar hoga aap yahaan se jaiye" kyonki chalte chalte ham kaafee door nikal aaye the.



"thik hai agar aap baat nhi karna chahti to main chala jaata hoon magar yaad rakhiyega ek din aap bhi mera gaana jaroor pasand karengee bye " ... Kehkar vo chla gya but mujhe uske jaane ke baad mujhe bahut gussa aaya.



"agale din subah jaise hee main collage mein daakhil hue to kuchh senior ladkon ne mujhpar tarah tarah ke comments karne shuru kar die unamen se kaii ne meri raging karne kii baat bhi kii .. lekin fir kuchh der baad hee vo sabhi mere peechhe se mudakar vaapis chale gaye.



jab mene samne dekha to vihaan khada tha. mujhe laga ki shaayad ye koii itefaaq hoga magar baad mein mujhe pta laga ki collage ke sabhi ladke vihaan se darte hain kyonki vo koii bhi galat harakat bardaasht nhi karta hai ... ye sunane ke baad mere dil mein uske liye kahi na kahi respect kii jagah ban gayi thi.



ab vo mujhe utana bura nhi lagta tha jitana pehle din laga tha. darasal vo bura tha hee nhi bas mene hee samajhne mein galati kar dee thi ... lekin main ye nhi jaanti thi ki uske dil mein bhi mere liye ek khaas jagah ban chuki thi. kyonki mere khyaal se to us ke liye collage mein tamaam khoobasurat ladakiyaan maujood thi ."



"aur fir ek din mere kuchh sharrarati doston ko mere saath ek prank karne kii soojhii. haalanki unhonne apni puri taiyaari kii thi lekin unhen nhi maaloom tha ki ye prank itana serious ho jaega.



unhonne meri aankhon par pattii bandhi aur bola ki vo mujhe kuchh dikhaana chaahte hain ... mene bhi kuchh nhi kaha. aur is tarah vo mujhe collage kii tares par le gaye aur mujhe deevaar par khada kar diya. unhen laga tha ki jab main ye dekhungi to dar jaoongi magar is se pehle vo log kuchh karte mene apne pair aage tares se neeche badha diye."



"What ? ? ?" Mene chaunkte hue kaha.


"haan lekin main neeche nhi giri. jaise hee mene apni aankhon se patti utaari to dekha ki vihaan ne mujhe god mein utha rakha hai. jab mujhe saara mamla samajh aaya to main khud ko is tarah dekh kar hadbadahat mein niche utar gaii ... itne mein mere sab dost bhi neeche aa gaye. poora collage ikttha ho chuka tha aur uske baad vihaan ne jo class lagaii un sabkii vo dekhne laayak thi ... use yoon un sabako dantate hue dekh mujhe yoon laga jaise koii mera apna mere liye lad raha ho. bachpann se koii tha hee nhi jo is tarah mere liye react karata sivaay meri naani Maa ke.



"Aur aap madam" usne meri taraf dekhate hae bola.


"door rahiye aise bevkoof doston se" usne gusse mein bola to mene chupchap sir hila diya.


us din ke baad vo hamesha mujhe apni nazar mein rakhata tha. main kahi chhoti see musibat mein bhi hoti vo vahin pahunch jaata tha. aur is tarah ham dono achchhe dost ban gaye.



jab se use pta chala tha ki mujhe likhne ka shaunk hai vo apne likhe hue gaane sabase pehle mujhe dikhata aur kahata ki main unhen chek karoon ki vo sahi hai ya usamen badlaav kii jaroorat hai.



kabhi-kabhi vo mujhe collage se hostal chhodane bhi jaata tha aur ab mujhe bhi uskii ye fikr achchhi lagne lagi thi... sabke liye ham bhale hee dost the lekin ham dono hee ek doosare se man hee man pyaar karne lage the."

To be countinue

(Lawda aa pure din likhunga bcoz I'm fucck'n mental writer )​

Bahot behtareen
Shaandaar update bhai

 

[Naik]

Update .... 6​

use mujhe suprise dena pasand tha. ek baar mere birthday par usne mujhe football graund mein bulaaya raat ko ... mujhe kuchh bhi nhi pta tha ki usne mujhe kyon bulaaya hai ? aur jaise hee main vahaan pahunchi usne mujhe apne doston ke saath vahaan light, cake aur music ke saath pahunchkar chaunka diya ... main bahut khush thi aur tabhi usne ek kitaab meri aur badhai aur ye dekhkar meri khushi ka thikaana na rha ki vo kitaab mere naam se publish huii thi.



usne mujhe bataaya ki kis tarah usne meri shaayari vali dairy churakar vo buk publish karavaii ... aur tab usne mujhse vaada liya ki main kabhi likhna nhi chhodungi."



"aur is tarah one an half year beet gya. main second year mein aa chuki thi aur vo Final year mein ... ab ham jyaadatar vaqt ek doosare ke saath bitate the. main naani se hamesha vihaan kii baaten karti thi aur us se naani ke baare mein ... naani aur vihaan kii baat bhi aksar phon par hoti thi. ab naani bhi use pasand karne lagin thi.



aur ek din vo meri aankhe band kar ke hol mein le gya. usne bataaya ki aaj uska janmadin hai. sabhi students uska birthday celebration karne ke liye vah maujood the ... aur tabhi usne in sabake samne apne ghutanon par baithakar mujhe purpose kar diya.



"main apni zindagee ka har saal ab se tumhare saath bitalana chahta hoon, kya tum mera saath dogi Rits ?"


aur chaaron taraf se se yes-yes kii awajen aane lagin ... main hairaan thi ye sab dekhakar, mujhe apni aankhon par yakiin nhi ho raha tha ki ye sab sach hai ya ek sapna aur fir mene haan kar dee...usne ring meri ungali mein pahana dee. vo din meri zindagi ka sabse khushnuma din tha.



uske baad se jaise sab badal gya. main collage mein sabke liye khaas ban gaii. vihaan sab ka chhehta tha aur main uskii pasand isliye agar kisi ko koii bhi kaam hota to vo mujhse sifarish ke liye aata."



ye sochakar Rits hansane lagi. lekin fir ekaek khaamosh ho gaii.


"fir kya hua Rits ?" Mene utsukata se puchha.


"aur meri khushiyon ko nazar lag gaii. meri ek chhoti see galti mere liye zindagi bhar ka naasoor ban gayii " uskii aankhon me aansoo saff jhalak rahe the.



"kyon aisa kya hua tha ?"


"us shaam meri dost Radhika ne apne ghar par ek party rakhi thi aur usne mujhe kaha ki main bhi aaoon. uske bahut zor dene par main bhi chalee gayee. Party mein uske aur bhi bahut se parents’ the aur unamen se ek tha Arnav jo vihaan ka bahut achha dost tha. vo ek bahut achha insaan tha aur vihaan kii tarah hee meri bhi bahut izzat karata tha.



us raat karib parry 1 baje tak chali aur fir ham sab ghar ke liye nikale. kyonki main hostalar thi aur hostal Radhika ke ghar se kaffi door tha to Arnav ne mujhe hostal tak chhodne ke liye puchha ... itani raat ko akele jaane se achha mujhe uske saath aana sahi laga aur mene haan kar dee ... usne raaste mein mujhe bataaya ki vo Radhika se bahut pyaar karata hai lekin kabhi use bol nhi paaya aur is maamle mein meri madad chahta hai ... usne bataaya ki kal subah vo use purpose karne vaala hai aur kaha ki agar baat nhi banti hai to main situation ko sambhaal loon.



aur in sab mein main ye bhool gayi ki mera phon pichhli shaam se battery na hone ke kaaran band pada hai aur bas yahi bhool ho gaii thi mujhse ... ham log jaise hee hostal ke samne pahunche mene dekha ki vihaan apni gadi ke saath vahaan khada tha ... use yoon itani raat ko dekhakar main hairaan ho gaii.



main utarakar uske paas gaii aur puchha...."vihaan tum is vaqt yahaan kya kar rahe ho ?"



"kahaan thi tum ? aur is vaqt Arnav ke saath kaise ?"


"are vo main raadhika ke ghar party mein thi aur Arnav bas mujhe drop karne aaya tha"



"kya hua vihaan sab thik hai ?" Arnav ne puchha to vihaan ne use haath se jaane ka ishaara kiya. vo apni gadi lekar chal gya.


"tumhara phone kaha hai ?" usne fir se usi sakht lahaze mein mujhse puchha.



"phone to vo to battery na hone ke kaaran off hai, lekin baat kya hai vihaan. tum kuchh batao to"


"baat thi lekin ab koii baat nhi hai" uske chehare pe gussa saff jhalak raha tha.



"matalab ?"


"matalab ye ki main tumhen kal shaam se phone laga raha hoon lekin nhi lag raha hai. jaanati ho kyon ? kyonki main tumhen ghar le jaakar mom-dad se milavana chaahata tha ... lekin tumhen to koii fikra hee nhi hai. ek baar kisi ke phone se mujhe bata bhi sakti thi ki tum Radhika ke ghar par ho. kal shaam se main yaheen tumhara intezar kar raha hoon" uska ye gussa dekhakar main dar gaii.


"I’m sorry main bhool gayee thi really sorry vihaan, please tum aise gussa mat karo"



"thik hai, main gussa nhi karoonga lekin ab mujhe tumase koii baat nhi karni hai"


"vihaan ye tum kya kah rahe ho ?" main vihaan ke us tarah ke bartaav se hairaan thi kyonki shayad ye pehli baar tha jab vo aise baat kar raha tha.



usne gusse mein meri koii baat nhi suni aur vo vahaan se chla gya ... mujhe andar se bahut bura lag raha tha. lekin mujhe vishvaas tha ki subah tak sab thik ho jaega... isliye main bhi chupchap hostel chali gaii


agali subah jab main collage pahunchee to meri nazaren vihaan ko dhoondh rhi thi aur tabhi ekadam se Arnav mere samne gulaab lekar aa gya.



“ye sab kya hai Arnav” mene irritate hote hue bola.


“are yaar kal yoon hee bevajah tumhaare aur vihaan ke beech anaban ho gaii, Ye uska solution hai ... Tum jaakar use ye gulaab de do aur fir dekho vo kaise ek second mein mann jaata hai”



“mujhe nhi lagta”


“ Are trust me uska gussa bahut kam time ke liye hota hai aur fir tum use filmy andaz mein ye gulaab dena” usne apne ghutano par baithte hue purpose karne kii acting karte hue kaha.



Aur tabhi mene dekha ki vihaan hame door se khada gusse se dekh raha tha ... Mujhe laga ki baat aur na bigad jae isliye main uske pichhe bhaagi par is se pehle main uske paas pahunchti vo gadi lekar collage se baahar nikal gya ... Meri kuchh samajh mein nhi aa raha tha ki kya karoon ? fir mene ek kaagaj par kavita likhi aur uske aane ka intezar karne lagi, Mujhe yakin tha ki jab main use ye doongi to ise padhkar vo apna gussa bhool jaega. Magar “ kahate kahate Rits ruk gaii.



“magar kya ?”


“main evening tak uska intajaar karti rhi lekin vo nhi aaya. Usaka intajaar karte-karte 9 baj gaye aur gatekeeper ne mujhse kaha ki ab main jaoon kyonki ab get band karne padega. Main vahaan se hostal aa gaii ... Lekin na hee uska koii phone aaya na hee koii massage, Aur to aur uska phone bhi band tha. Main andar hee andar ghabra gaii thi ... Intezar karte karte raat ke 2 baj gaye . Tabhi mere phone par ek unknown number se call aaya .. Vo phone City hospital se tha . Phone karne vaale ne bataaya ki unhen car accident mein ek aadmi kii lash mili hai ... caar ka nambar sunakar mere hosh ud gaye .. Vo vihaan kii hee car thi”



Mujhe laga ki jaise meri saaree duniya ek pal mein tabaah ho gaii. Mujhe mere kaanon par vishvaas nhi ho raha tha. mene jaldee se vordan ko sab bataaya aur hospital ke liye nikal gayi



Main jab hospital pahunchi to vaha vihaan ke mom dad postamartem room ke baahar baithe the. Unhen dekh kar main buri tarah dar gaii. Jab uskii Maa ne mujhe dekha to vo gusse se paagal ho gaii .


“tumhi ho na vo jisne mere bete ko mujhse chhina hai, kya chahti thi tum kya lene aaii ho ab yahaan mar chuka hai vo suna tumane mar chuka hai vo” unake ye shabd sun’kar main sunn rah gaii.”



Rits kii aankhon se aansoo lagaataar bah rahe the.


“vo bolti rhi unkii nazar me main unke bete kii maut kii jimmevaar thi aur ek maayane mein ye sach hee tha.



“tumane mere bete ko maara hai ab chali jao is se pehle kii main kuchh kar baithoon”


“ aunty please mujhe ek baar vihaan ko dekh lene dijiye please aunty ” main unake samne gidagidaate hue ghutanon par baith gaii.


“khabardaar jo ab mere bete ke najdeek bhi gayi to, jeete jee use chhoda nhi ab marne ke baad bhi too uske paas jaye ye main nhi hone doongi .... Tujhe koii hak nhi hai uska chehra dekhne ka. Aur agar tujhe jara sa bhi us se pyaar tha to abhi ke abhi yahaan se chali ja. Mujhe teri shakl bhi nhi dekhni .” Aur mere laakh mannate karne ke baad bhi vo nhi maani. Mujhe mujhe vihaan kii laash tak dekhne ko nhi mili ”


Ye kahte hue Rits phoot-phoot kar rone lagi.

To be countinue

(Bc I'm fucck'n romantic writer Etna to kabhi nhi likha ! Ungalia bhi gali dene lagg gaii mujhe . Btw ab ek bda sa final update or likha jayega uske baad estory complete . Fir hum vapis underground )​

Tow isme Rits ki kia galti h bas ek aisa ittifak ban jata tha jab woh arnav k saath ya samne hoti thi or usi time vihaan aa jata
Vihaan ko akele m beth ker itninaan se baat kerni chahiye thi lekin inasaan gusae m pagal ho jata h use kich sunayi or dikhagi nahi deta wahi vihaan k saath huwa or accident m khud ko khatam ker lia
Baherhal dekhte h aage kia
Badhiya update bhai

 

[Kingfisher]

Next update bahut jald

 

[Kingfisher]

So, Kingfisher apna asli rang dikha raha hai, matlab Hero ki bajaana... Akhil aur Rits ki dosti huyi hi thi ke laga diye bechaare Akhilwa ke... Don't you Cry Akhilwa ye Kingu khud single hai naa isiliye jalta hai tujhse... Khair, Akhil aur Rits ki dosti shuru huyi ek Bollywood waali ghatna ke saath... Rits in musibat aur Akhil pahunch gaya hero banke... Action kaahe nahi mila, arre haan apni image bhi achhi rakhni thi ladki ke saamne isse... Sikho Kingu iss se kuchh... Aese patate hain ladki...

Wahin Apne ghar khaane par bhi le gayi Rits isse aur pata chala ke Rits ke pehle pyaar aur Akhil mein ek cheez common hai – Music... Aur music to waise bhi dilon ko jod deta hai, kya inhe bhi?? Par iss se pehle kuchh kahani aage badh paati Ho gaya kalyaan... Rits ka reaction waisa hi tha jaisa expected tha iss prakaar ki situation mein... Abhi wo apne aap ko apne hi pyaar ki maut ka zimmedar maan rahi hai aur Akhil uss se pyaar karta hai, ye pata chalna uske liye shocking to hoga hi...

Par ab uski Naani ka phone aana, ke wo kidhar chali gayi hai. Wo apne birthday ke din aksar ghar par nahi rehti par iss baar to raat tak nahi lauti... Kya wo kisi museebat mein hai aur kya Akhil uss tak pahunch paayega?? Sawalon ke jawaab to agle hi update mein milenge...

By the way Ju to keh rahe the ke 2 update doonga... Matlab Dairy Milk silk dikhakar Melody chipka diye...Khair, shaandar update, badhiya shabdon ka upyog kiya gaya hai, pichhli story mein ek hi kami thi ke spelling mistakes kaafi thi par iss baar us pehlu par bhi kaam kiya gaya hai... Rits ke emotions ko achhi tarah dikhaaya gaya hai... Badhiya lekhan...

Excellent Update Bhai & Waiting For Next...

Bahut bahut shukriya king bro es khubsurat samiksha ke liye

Nhi nhi bhai . Akhil ke sath me kuch bhi galat nhi karunga bcoz me akhil me khud ko imagine karta hu so koi khudd ke sath bura kaise kar sakta hai

Pichli Story me jo kami thi vo us vakt batane chahiye tha na . Ab bta kar dil tod rhe ho ju
Btw estory complete .. ab ek final review dekhkar mujhe dakshina dekar Vida krr

 

[Kingfisher]

Rits ki term & condition sahi thi leki Akhil n bhi sahi rasta nikala baat kerne kitabo mese hi sawal nikal ker jawab lene ka sahi jaa rehe ho
Badhiya shaandaar update bhai

Badhiya shaandaar update bhai
Aakhir kaar Rits se Akhil ki dosti ho hi gayi
Ab yeh kaha chali gayi kia kisi museebat m h kia Rits
Dekhte h aage kia hota h

Yepp . But jab hero zinda hai to fir kahe ki tension

Badhiya shaandaar update bhai
Baal baal bachi Rits aag se Akhil n badi bahaduri ka kaam kia
Dunia k saare baap aise hi hone chahiye

Bahot behtareen
Shaandaar update bhai

Tow isme Rits ki kia galti h bas ek aisa ittifak ban jata tha jab woh arnav k saath ya samne hoti thi or usi time vihaan aa jata
Vihaan ko akele m beth ker itninaan se baat kerni chahiye thi lekin inasaan gusae m pagal ho jata h use kich sunayi or dikhagi nahi deta wahi vihaan k saath huwa or accident m khud ko khatam ker lia
Baherhal dekhte h aage kia
Badhiya update bhai

Sahi kaha dost ki gusse me akshar insan aisa kucch kar jata hai jiska parinam bahut hi dukhad nikalta hai

Bahut bahut shukriya Naik en sabhi khubsurat samikshao ke liye .... Last updated post kar diya hai

 

[Kingfisher]

Update on the way ( spam )