Adultery Kagaz ke phool

[Naughtyrishabh]

UPDATE 10​

Rahul Subah jaldi tyar hokar hi ghar se nikal kar Sonu ki garage par pahunch chuka tha aur dono dost apas mein batein karte huye nasta kar rahe the.

“Abe sale kuchh v bol par tu hai boht bada wala kamina. Yahan hamare se ek set ni hoti aur tu ladkion ki line laga de.” Sonu toh raat ki ghatna ke baad Rahul ka fan hi ho chuka tha aur uski tareef ke kaside padhe hi ja raha tha.

Rahul: chal yaar chhod abhi us baat ko. Tu mujhe yeh bata k yeh bank ka problem kaise solve karun.

Sonu(sochte huye): yaar soch toh main v kab se raha hun is bare mein but kuchh dimag mein a hi nahi raha. Itne paison ka intezam hum log karenge kaise?

Rahul: han bhai muskil toh hai but karna v padega na. Nahi toh mera restaurant khulne se pehle hi us par taala lag jayega.

Sonu: nahi yaar tu tension mat le, koi na koi hal ho hi jayega, tu khana kha.

Rahul: bas yaar mera toh abhi pet full ho gaya hai, baki ka tu khale.

Sonu: chal theek hai jaisi teri marji, main toh khatam kar hi dunga.

Rahul: han bc tu thode na chhodne wala hai kuchh. Petu kahin ka.

Rahul Sonu ka majak udane mein busy tha but Sonu bina uski baton ki parwah kiye maje se khaye ja raha tha tabhi Rahul ka phone baja aur usne dekha toh yeh call uske Mama ji ka tha. Rahul thoda tension mein a gaya kionk wo usko normally jyada call karte nahi hain. Par Rahul ne jaise hi call pick kiya toh samne se Mama ji ki khusi bhari awaj sunkar Rahul aur v hairan ho gaya.

“are Rahul beta badhai ho, tumhare liye good news hai.” Mama ji ne boht hi khusi bhare andaz mein Rahul ko badhai di but Rahul ko samajh nahi a raha tha k akhir huya kya hai.

Rahul(confused): thank you mamu, but baat kya hai wo toh bataiye.

Mama: are baat toh bahut hi jyada khusi ki hai, tu sunega toh pagal ho jayega.

Rahul: achha, aisi kya baat hai bhala?

Mama: yaar aise maja nahi ayega tu jaldi se bank aja fir tujhe amne samne hi batata hun.

Rahul: achha thik hai main abhi ata hun 15 mint mein.

Mama: chal thik hai, main tumhara intezar karta hun.

Fir Rahul ne phone cut kar diya aur sofa se uth khada huya.

“Oye Sonu chal khada ho, humein abhi DN bank jana hai.” Rahul ne Sonu ke kandhe par hath marte huye kaha toh Sonu v khana peena chhod jhat se khada ho gaya.

Sonu: kya baat hai, sab thik toh hai na?

Rahul: pata nahi yaar kya baat hai but mama ji ka phone tha, bol rahe the k koi khuskhabri hai aur abhi bank bulaya hai.

Sonu: achha, kya khuskhabri hai?

Rahul: yaar mujhe v nahi pata, wo toh bank jakar hi pata chalega. Tu jaldi se chal humein 15 minute mein bank pahunchna hai.

Fir wo dono wahan se jaldi mein nikle aur Rahul ki bike par bank ki taraf chal pade. Rahul bike ko kafi tez bhaga raha tha jiski wajah se Sonu ko thoda dar v lag raha tha but Rahul sahi salamat bike ko bank tak le hi aya. Unhone bike park ki aur jaldi se bank ke ander mama ji ke office mein chale gaye.

“Are ao bacho ,tum log toh badi jaldi a gaye?” Mama ji ne un dono ko ate dekha toh wo apni chair se uth kar unke paas chale gaye aur un dono ne pair chu kar mama ji ko namaste kiya.

Mama ji: are Sonu aj toh tum bade dinon baad mile ho, kuchh nasta paani mangwaun kya.

Isse pehle k Sonu kuchh bol pata Rahul beech mein hi kud pada. “rehne dijiye mama ji hum abhi khana kha kar hi aye hain ap bas yeh bataiye k aisi kya baat hogayi k apne mujhe itna jaldi bank bulaya.”

Mama: are beta batata hun pehle thoda saans toh lelo.

Rahul: are mamu, jab tak ap baat nahi batayenge mujhe chain nahi ayega. Baki sab baad mein pehle ap puri baat bataiye.

Mama: ok bhai jaisi teri marji. Toh Baat kuchh aisi hai k jis loan k liye tum kuchh din pehle yahan aye the uska intezam ho gaya hai. Ab bas thodi formalities karni hai aur fir tumhe tumhare paise mil jayenge.

Mama ji ki baat sunkar Rahul aur Sonu toh khusi ke mare uchhal pade aur mama ji ko pakad kar jabardasti apne sath nachwane lage. Rahul ko toh yakeen hi nahi ho raha tha k jis baat ki wo itni tension le raha tha wo problem itni jaldi ek jhatke mein hi solve ho gayi. Uski toh mano raato raat lottery lag gayi ho. Wo teeno khusi ke mare naach rahe the k tabhi Rahul ke dimag mein ek question aya aur wo ek dum se ruk gaya. Uske rukte hi baki dono v ruk gaye aur hairani se Rahul ki taraf dekhne lage.

Sonu: are kya huya tujhe abhi, yeh toh itni khusi ki baat hai aur tu yahan pata ni kis soch mein duba hai.

Rahul: yaar baki sab toh theek hai but mujhe yeh nahi samajh aya k down-payment kahan se ayi?

Sonu: kya farak padta hai yaar. Humein loan mil gaya itna bahut hai.

Rahul: bhai Pagla gaya hai kya. humein pata toh hona chahiye na lakhon rupees ki baat hai. Mama ji plz bataiye k akhir raato raat yeh sab huya kaise?

Rahul ki baat sunkar mama ji thoda tension mein a gaye the shayad wo Rahul se kuchh chhipa rahe the.

“Are beta kya fark padta hai. Tujhe apne mama pe trust nahi hai kya. Tu aam kha guthlian kion ginta hai.” Mama ji baat taalne ki kosish ki.

Rahul: dekhiye mama ji maine pehle hi kaha tha k mujhe koi special treatment nahi chahiye. Agar ap koi scheme laga kar mujhe loan dilwa rahe hain toh main apke bank se ek v paisa nahi laine wala.

Mama ji: are nahi beta maine sab kaam genuinely kiya hai, koi gadbad nahi hai. Teri Down payment and funds ka intezam ho gaya hai sab paisa tere account mein jama karwa diya hai chahe toh tu check karle. Yeh bol kar Mama ji ne Rahul ke account ki current statement nikal kar di jise dekh kar Rahul ke hosh hi ud gaye kionk uske khate mein aj subah hi paise transfer kiye gaye the.

Rahul(hairan hote huye): but mama ji itne sare paise mere account mein kisne transfer kiye. Maine toh kisi ko kuchh v nahi btaya.

Mama ji: ab mujhe kya pata. Koi hoga tumhara shubhchintak.

Rahul: kya mamu, ap mujhe dudh peeta bacha samajhte hain kya. Main sab janta hun k bank ko sab pata hota hai k paise kahan se aye hain. Ap plz mujhe saaf saaf bata dijiye.

Mama ji: beta tu jidd chhod kion nahi deta. Tum mujh par trust karo, paise tumhare kisi chahne wale ne hi diye hain aur wo nahi chahta k main tumhe uske bare mein bataun.

Rahul: par kion?

Mama ji: Rahul plz baat ko samjha karo yaar.

Rahul: dekhiye main kuchh nahi janta, agar mere ko yeh pata nahi chala k paise kisne transfer kiye hain toh mujhe koi loan nahi chahiye aur na hi mujhe koi restaurant kholna hai. Jab mere paas paise a jayenge main tab kar lunga jo karna hai.

Rahul ki baat sun kar Mama ji tension mein a chuke the kionk unhein kuchh samajh mein nahi a raha tha k wo kya karein. Is waqt wo ek dorahe par the yahan ek taraf Rahul ki jidd thi aur dusri taraf unka promise jo unhone us shakas ko diya tha jisne wo paise diye the. Par Rahul baat sunne ko tyar hi nahi tha agar unhone use sachayi nahi batayi toh kya pata wo paise le hi na. Aise mein na sirf Rahul ka sapna tutega balki us shakas ka dil v tut jayega jisne use wo paise diye hain.

“mama ji ap kis soch mein khoye hain. Plz mujhe bataiye k akhir kisne itni badi rakam mujhe de di, wo v bina kisi matlab ke?” Rahul ne ek baar fir Apna sawal dohrate huye Mama ji ko jawab dene ke liye majbur karne ki kosish ki.

“Beta agar tumhari yahi marji hai toh main tumhe bata deta hun but tumhe v mujhe ek promise karna padega.”

Rahul: kaisa promise?

Mamaji: k puri baat janne ke baad tum aur koi sawal nahi karoge aur chup chap bank se loan lekar apni maa ka sapna pura karne mein jut jaoge?

Rahul: theek hai, par pehle bataiye toh sahi.

Rahul ki baat sunkar Mama ji ne use ek receipt lakar thama di jismein wo money transfer karne wale ki details thi, but jaise hi Rahul ne us par se Sender ka naam pada toh uske pairon tale se jameen hi khisak gayi kionk use yakeen nahi ho raha tha k yeh wahi insaan hai jisne use itni badi amount aise hi de di.

“Par yeh kaise ho sakta hai.”

Rahul ke munh se bas yahi shabad nikal paye aur wo apne mama ji ki taraf hairani se dekhne laga.

Behad hi shandar or jabardast update bhai .
Bahut khoob superb.

 

[Pta nhi]

Awesome update

 

[Mr. Marvel]

Behad hi shandar or jabardast update bhai .
Bahut khoob superb.

Awesome update

Thanks guys.

 

[Mr. Marvel]

Guys sorry update number mein thodi galti ho gayi thi use theek kar diya hai aur index v update kar diya hai.

 

[urc4me]

Rasprad aur romanchak. Waiting for next update

 

[Mr. Marvel]

Rasprad aur romanchak. Waiting for next update

Thanks bhai

 

[Naughtyrishabh]

UPDATE 11​

Rahul ne sender ki details check ki toh wahan par naam likha tha Mrs. Kiran Rajiv Sinha. Use yakeen nahi ho raha tha k Kiran Rahul ko itne paise de rahi hai wo v Rajiv ke khilaf ja kar. Aur use yeh baat v hajam nahi ho rahi thi k akhir Kiran uski help kion kar rahi hai. Halanki dekha jaye toh ismein kuchh galat nahi tha kionk Rahul ka v kuchh toh haq tha hi apne baap ki daulat par, lekin wo aisa insaan nahi tha jo chup chap haraam ke paison pe mauj udaye.

Par abhi wo mama ji ko promise v kar chuka tha kionk us waqt tak yeh baat usne kabhi sapne mein v nahi sochi thi k use paise bhejne wala koi aur nahi Kiran hi hogi. Khair Rahul kafi der se chup chap sa tha aur cheejon ko samjhne ki kosish kar raha tha.

“Rahul…” mama ji ki awaj sunkar Rahul wapis hosh mein aya. Mamaji ko thoda dar v tha k kahin Rahul gussa na ho jaye aur paise lene se mana na karde kionk wo dil se chahte the k Rahul apne man ka kaam kar paye aur jaisa uski behan ke sath huya vaisa Rahul ke sath na ho. Rahul v abhi jyada baat ko khinchna nahi chahta tha kionk uske dimag mein boht hi jyada udhedh bun chal rahi thi.

Rahul(shanti se kaam lete huye): mama ji ap baki ki formalities puri karwa kar jaldi se loan final karwa dijiyega plz.

Mama ji(chain ki saans lete huye): thik hai beta main age ka process jald se jald pura karne ka pryas karunga.

Rahul: thik hai toh main abhi chalta hun. Agar koi kaam ho toh bata dijiyega.

Itna bolkar Rahul chup chap wahan se nikal gaya aur Sonu jise abhi tak kuch v samajh mein nahi aya tha wo v Rahul ke sath sath chal pada. Mamaji ko Rahul se itne shant jawab ki umeed nahi thi. Unhein is baat ki raahat thi k Rahul abhi v shanti se kaam le raha hai but is baat ka dar v tha k kahin yeh tufaan ke pehle ki shanti na ho. Khair Rahul aur Sonu jaldi hi parking lot tak pahunch gaye.

“bhai tujhe ekdum kya huya jo tu wahan se achanak nikal aya aur akhir yeh paise bheje kisne hain kuchh pata chala kya.” Sonu ko abhi tak kisi v baat ka koi andaza nahi tha aur wo sab janne ke liye machal raha tha.

Rahul(bike par baith te huye):chal baith abhi tujhe garage chhod deta hun.

Sonu(pichhe bethte huye): han par baat toh bata.

Rahul: koi na baad mein puri baat bata dunga abhi kuchh mat puchh plz.

Sonu v samajh gaya k Rahul abhi kuchh pareshan hai toh usne use aur pareshan nahi kiya aur chup chap uske peeche bike par baith gaya. Rahul ne bike seedha Sonu ki garage par jakar rokdi aur Sonu bike se utar gaya.

“abhi tu kahan ja raha hai.” Sonu ne bike se utarate hi Rahul se puchha kionk use uski fikar ho rahi thi.

Rahul: kahin nahi bas thoda kaam hai wo niptana hai.

Sonu: dekh tu kahin v ja kuchh v kar but agar koi problem huyi toh sabse pehle mujhe yaad karna.

Rahul(Sonu ke kandhe par hath rakh kar): nahi bhai koi tension nahi hai bas chhota sa kaam hai. Tujhe baad mein puri baat batata hun abhi thoda jaldi mein hun

Fir Rahul wahan se nikal kar apne ghar ki taraf chal pada. Wo pure raste yahi soch raha tha k Akhir Kiran ne use paise kion diye. Aur kya wo yeh paise lekar sahi kar raha hai yah use yeh paise nahi lene chahiye. Use koi saaf rasta nazar nahi a raha tha but yeh pata tha k use Kiran se is bare mein baat jarur karni hogi. Wo yeh sab sochte sochte ghar pahunch hi gaya usne apni bike garage mein park ki aur wahin ruk kar apna phone nikala aur Divya ka number dial kiya. Divya is waqt apne naye college mein thi aur apne course ki registration karne gayi thi. Usne jaise hi Rahul ka call dekha toh uske chehre par ek khusi ki chamak a gayi. Usne pehli hi ring par call pick kar liya.

Divya: hlo bhaiya.

Rahul: hlo Divya kya tum abhi ghar par ho?

Divya: nahi bhaiya abhi toh main college mein hun. Kuchh kaam tha kya?

Rahul: nahi nahi kaam toh koi nahi tha bas socha kuchh der tere se baat karlun, kal v nahi mil paya dhang se.

Rahul ne saaf saaf jhuth bola tha but Divya toh isse bahut jyada hi khus ho gayi thi. Uska man kar raha tha k abhi sab chhod chhad kar ghar bhag jaye aur Rahul se dher sari batein kare.

Divya: bhaiya main abhi a jati hun bas 10 minutes mein ghar pahunch jaungi.

Rahul: are nahi, tumhe ghar ane ki koi jarurat nahi hai. Tum apna kaam khatam karlo vaise v abhi main v bahar hi hun. Hum baad mein baatein kar lenge.

Divya: ok bhaiya jaisa ap kahein.

Yeh bol kar Divya ne call cut kar diya par uske chehre ki smile abhi v barkarar thi kionk shayad yeh pehla mauka hoga jab Rahul ne use samne se call kiya ho khair Rahul ka rasta abhi saaf tha. Ghar par Kiran hi hogi kionk Rajiv toh subah subah hi office ke liye nikal jata hai. Kiran se paison ke bare mein baat karne ka isse badiya mauka shayad hi mile toh wo seedha ghar ke ander chala gaya.

Rahul jaise hi ghar ke ander pahuncha toh usne dekha k Kiran kahin v nazar nahi a rahi thi. Usne hall kitchen sab jagah check kiya par tabhi use Kiran ke room se kisi ki awaj ayi. Awaj jyada clear nahi thi but aisa lag raha tha jaise koi jor jor se chila raha ho. Pata nahi koi ladayi ho rahi thi yah fir koi aur mamla tha. Par jaise hi wo thoda aur najdeek pahuncha toh use kisi mard ki awaj sunayi di. But yeh awaj sunte hi Rahul thoda sa ghabra gaya kionk is waqt Kiran ke room mein aur kon ho sakta tha. Rahul ke dimag mein achanak se bure bure khyal ane lage par wo khud ko samjha raha tha k kuchh v ho but uski step mom koi aisi vaisi harkat nahi kar sakti jisse uski family ka naam kharab ho.

Halanki Rahul khud ko pura yakeen dilane ki kosish kar raha tha but kehte hain na k Insaani dimag hota hi aisa hai k agar ap kisi khyal ko isse nikalne ki jyada kosish karo toh wo apke dimag mein aur jyada swaal paida karta hai. Pata nahi yaar yeh dimag ko samjhna v apne dimag mein bawaseer paalne ke barabar hai. Khair Rahul apne dil ko dilasa dete huye Kiran ke room ki taraf chal pada. Wo jaise hi darwaje ke paas pahuncha toh uski kismat se darwaja thoda sa khula huya tha. Rahul ne bade hi dhyan se us darwaje ko thoda sa aur khola aur ander dekhne ki kosish karne laga but jaise hi usne ander dekha toh use kuchh aisa dekhne ko mila k uske pairon tale se jameen hi khisak gayi usne apni life mein kabhi aise nazare ki kalpana nahi ki thi. Uski ankhein fati ki fati reh gayi.

To ye kaam uski sauteli man ne kiya tha.
Ab kya kar diya....

 

[Rocky2602]

Waiting

 

[tpk]

nice update

 

[Lucky@khan]

Very nice update dro