Fantasy Karmyudh ( Completed )

[Killerpanditji(pandit)]

UPDATE 20

Bathroom se fresh hoke jab main nikla to mom k sath papa bhi mere room me baithe they.

Me – papa aap….. good morning papa… aaj aap dono mere room me. Matlab samajh nahi aaya.

Papa – beta…. darasal Dr ne mujhe kal hi bta diya tha ki tujhe sab sach pta lag gya hai… main maafi chahunga ki maine tujhse ye sab chhipaya. Aisa nahi hai ki hamne prayas nahi kiya tumhaare ateet k bare me janne ka par hame kuch pta nahi chal saka…. Pta hai jab hum apne bête ka antim sanskaar kar k laute to hame yahi darr sata rha tha ki kahi ab bête k baad beti ko bhi na kho du, muskaan ki jaan apne bhai me basti thi. Tabhi mujhe dr ka phone aaya aur usne mujhe tumhare bare me bataya.

Me – fir

Papa – fir jab dr ne bataya k tumhara face bilkul jal chukka hai aur tum koma me ho aur urgent tumhare chehre ki plastic surgery honi hai to maine dr ko kaha k agar hum tumhe ajay ka chehra de de to jab tak muskan ka operate nahi ho jata, use behlaya ja sakta hai. Aur is khatre ko tala ja sakta hai. Isiliye maine ye sab kiya.

Maa – chahe ye job hi kahe beta hamne tumhe apne dil se Ajay hi mana hai, kal jab tumhara koi pta nahi laga to main ye sochkar ghabra gayi ki kahin tum hame chhod k to nahi chale gaye sachhai janne k baad.

Me – maa aapko aise batane ya jatane ki jarurat nahi. Kya maine ye sab feel nahi kiya. Kya mai nahi janta ki aap dono jo mujhe itna pyar karte ho wo aapki sachhi feeling hai ya koi natak. Papa aap logo ne mujhe nayi jindgi di hai, aur jindgi dene wala pita hi hota hai to koi bojh apne dil par na rakhe aur ho sake to apne aashiwad ki ye chhaya mere sir par hamesha aise hi banaye rakhna.

Dono ne aise hi mujhe gale laga liya. Hum teeno ki hi aankhe nam thi.

Me – par dad ek ijajat mai aap dono se chahunga.

Papa – bol beta

Me – mai apne past ke bare me janna chahta hu. Aakhir kaun hu mai, kahan se aaya hu, kya naam hai mera…

Maa – beta tumhare papa ne bataya na ki unhone tumhare bare me pta karne ki bahut koshish ki par kuch pta nahi chala.

Me – par maa koi hai jiski madad se mai apne ateet k bare me jaan sakta hu.

Aur maine unhe baba aur unki baato k bare me bataya.

Papa – agar aisa hi hai beta to mai tumhe nahi rokunga par ye wada jarur chahunga k tum hame bhi na chhodo, yahin hamare sath raho.

Me – mai wada karta hu papa main apna sach jaankar yahin lautunga.

Papa ne ye kehte hue mujhe fir gale laga liya – theek hai beta main sab set kar dunga.

Fir kuch der baad jab hum brakefast table par ikatthe baithe they.

Papa – beta ajay , mai chahta hu ki tum kuch din k liye hamari Dehradun wali factory ka kaam dekh kar aao wahan kuch issues hain jo suljhane jiske liye tumhara ya mera wahan jana jaruri hai.

Muskaan – to aap chale jao papa, bhaiya kahin nahi jayenge.

Me – bad manners muskan. Mere hote hue papa ko preshaan hone ki kya jarurat hai. Aur fir main wahan rehne thode hi ja raha hu, bas kaam nipata kar jaldi hi wapis aa jaunga.

Muskaan – to fir promise karo aap wahan se daily mujhe phone karoge aur wapis aakar mujhe kam se kam ek hafta ghumaane le jaoge.

Me – ok promise

Bas fir kyat ha, Dehradun k bahane mai Rishikesh jaane ki taiyaari karne laga.

Fabulous update

 

[Killerpanditji(pandit)]

UPDATE 21

Main train se delhi hote hue haridwar pahunch gaya aur filhaal rishikesh k liye bus pta kar raha tha to ek taxi wala bola, sir mere paas already ek sawari hai rishikesh ki agar aap taxi share karna chaho to. Maine haan kaha aur uske sath chal diya. Bahar road k kinare uski taxi khadi thi.

Mera saman lekar wo diggi me rakhne laga aur maine gadi ka door khol k baithne laga to achanak thithak gya, car me ek pyari si ladki baithi hui thi. Hum dono ki najre aapas me ulajhkar reh gayi. Hamara dhyaan driver ki awaaz se toota.

Driver- “baitho sahab , fir chale”

Maine baithte hue muskara kar use hello kaha par koi jawab nahi mila. (matlab usne bhai ko ignore maar diya. L)

Well, aage ka safar start hua. Uske ignore maarne k karan meri himmat nahi hui baat shuru karne ki lekin mai tirchi najaro se usi ko dekh raha tha. uske paas baithe hue mera dil bahut teji se dhadak raha tha. uska cute sa par udaas chehra, jheel si gehri par sooni si aankhe, matlab dil uski aur khincha sa ja raha tha. mai khud ko usse baat karne se rok nahi paaya.

Me – hiii me ajay, mai pehli baar rishikesh ja raha hu, aap wahi ki hai kya.

Usne koi jawab nahi diya

Me- mai ******* city se hu. Btw aapka naam kya h.

Again no answer.

Mai thodi der chup raha fir bola, “dekhiye kyaa aap mujhe bta sakti hai ki swami visheshanand ka aashram kahan hai.

Ab usne meri taraf dekha, mai uske chehre me hi kho gaya. Uski aankhe…. Mujhe yu lag raha tha ki ye aankhe mere bheetar sidhi dil me utar rahi hain.

Wo thehre hue swar me boli, “city k north me ganga k kinare jangal k sameep unka aashram hai….”

Ye awaz .. ye awaz … maine kahin suni hai… ye … ye ladki…. Ye ladki kaun hai.

Main dimaag par jor dene laga ki achanak mujhe yaad aaya … ye … ye to wahi hai.. wo… wo sapne wali ladki….. (update 11)…. Kaun hai ye.

Wo jawab dekar wapas apni yaado me gum ho gayi thi….

“kya mai aapka naam jaan sakta hu.” Maine fir baat shuru karne ki koshish ki.

Me- “actually mujhe lagta hai ki main shayad aapko janta hu.”

Wo – “kiran… aur mujhe ache se yaad hai ki mai kabhi aapse nahi mili hu sath hi mujhe ajnabiyo se baat karna pasand nahi.” Kehkar wo window se bahar dekhne lagi.

Ab aur jyada chep banna mujhe achha nahi laga. To mai bhi bahar k najaro me kho gya, haan beech beech me tirchhi najaro se use dekh jarur raha tha.

Koi aadhe ghante baad mai rishikesh taxi stand par khada tha. wo utar kar bahar ki taraf chali gayi thi. Main apna saman lekar aage badha o logo se pta kar ek auto lekar swami ji k ashram ki taraf chal pada. Aashram pahunch kar mai swamiji se mila.

Me – maharaj mai ******** se aaya hu mujhe ek babaji ne aapke paas bheja hai, darasal ek accident me mai apni pichhli yaade bhula chukka hu, sath hi baba ne mujhe kaha tha ki yahan aakar aapse mere jiwan ka satya aur uddeshya jaanu.

Swami ji ne mere sir par hath rakhkar aankhe band kar li aur kuch hi der me unki band aankho se aansu beh nikle. Aur thodi der baad jab unhone aankhe kholi to bas prem aur vatsalya se bhari najaro se mujhe hi dekhe ja rahe they.

Fir wo sameep hi khade apne shishya se bole jao jaakar meri putri ko bula lao.

Aur mujhse bole, putra tum lambe safar se aaye ho abhi bhojan kar k vishraam karo, mai tumse kal subah baat karunga.

Tabhi shayad unki putri aayi

“Pitaji aapne mujhe bulaya”

Awaaz sunkar mai palta, kyoki ye… ye to usi ki awaz thi….

“Aap……” mai ekdam bol pada.

“kya tum kiran ko jaante ho putra” swamiji ne poochha.

“nahi swamiji hum darasal aaj haridwar se risikesh sath hi aaye they taxi me, tabhi mile they.”

“Achha haa aaj ye aashram k karya se hi haridwar gayi thi” wo muskara kar fir aoni beti se bole “putri kiran tum inki rehne aur khaane ki vyavastha aashram me hi karwa do, ye ab kuch din yahin rahenge.”

“jo aagya pitaji” kehkar wo bahar nikal gayi. Mai bhi swamiji ko pranaam kar k bahar nikal aaya.

“aapne mujhe bataya nahi ki aap swamiji ki beti hai” maine kiran se k pichhe chalte hue kaha. Darasal use dobara milkar pta nahi kyo par mai bahut khush tha.

Once again no answer.

Yaar ye khamoshiii….. pata nahi kyo mujhse bardasht nahi ho rahi thi…

Well wo mujhe ek kutiya me le gyi aur bataya k mujhe yahi rehna hai, mai abhi aaram karu aur kuch der me aashram me hi bane ek haalnuma bade jhopde ki aur ishara kar k bta diya ki wahi sabhi ashram vasiyo ko bhojan parosa jata hai.

pitaji tumhe prath vandan k pashchat swayam bulenge, kehkar wo chali gayi.

Fantastic update

 

[Killerpanditji(pandit)]

UPDATE 22

Agle din maine prath fresh hokar gangasnan kar k jalpan kara hi tha k swami ji k ek shishya ne aakar mujhe kaha k swamiji ne mujhe bulaya. Mai uske sath swamiji k paas gya.

Swamiji apni kutiya me dhyaan me leen they, mai unhe pranaam kark wahi baith gaya. Kuch der baad unhone aankhe kholi aur mujhse bole

S – aao putra, mai janta hu ki tum apne ateet k bare me jaane k liye bahut vyagra ho. Maine kal tumhare mastak par hath rakhte hi tumhe pehchaan liya tha. asal me tumhara ateet isi aashram se juda hai. Par tumhara satya batane se pehle mai tumhe ek satya se avgat karana chata hu. Kareeb 30 varsh purv…..

-----Flashback----

mahant family me aaj ek vishesh poojan ho raha tha, kaali dhoti pehne maathe par tripund banaye Tribhuwan mahant apne navjaat putra ko god me liye hue yagyakund me ahutiya daal rahe they aur sath hi sath mantro ka uchharan bhi kar rahe they. Shighra hi havan jai maa pataal bhairvi ke udghosh k sath smapt hua.

Tribhuwan – “hey maa teri kirpa se mujhe is putra ki prapti hui hai, main saugandh leta hu ki ye bhi mere aur mere purvajo ki bhanti poora jeevan teri pooja me arpit kar dega. Jab tak kit u hame wo vardaan nahi deti jo ki pane k liye ham pichle saikdo saal se pidhi dar pidhi teri pooja anvarat karte aa rahe hain. Aashirwaad de ise MAA.”

aaj Tribhuwan apne putra ka naamkaran kar raha tha, chunki wo khud mahagyani tha atah swayam hi putra ki kundali banane baitha tha.

Tribhuwan – “adbhut maa adbhut…. Tere is aashirwaad k jaisi kundali to kisi ki na hogi, waah. Rahu Ketu aur Shani ki vishesh kirpa hai is par, iska naam bhi main inhi k naam par rakhunga RA+KE+SH. Mujhe aabhas ho raha hai ki mera Rakesh hi hamare pariwar ki saadhna purn karega aur jo sadiyo pehle mere purvaj ne saugandh li thi ki janm janmantar tak jab tak ye sadhna poori na ho is pidhi dar pidhi jaari rakhne ki use nibhayega. JAI MAA PAATAL BHAIRVI.”

Darasal ye mahant pariwar asuro k rajpurohit ka wo pariwar tha jo kulguru shukracharya k kahne par sadiyo se asuro ko pritvi par sthapit karne k liye shakti arjan kar raha tha….

Aisa nahi tha k is ghatnakram par kisi ki najar nahi thi.

brahmlok me sabhi devta hath jode parampita bramha k samaksh khade they.

Brahma ji- aao putro kaise aana hua.

Devraj indra ne aage badhkar jawab diya, he pitamaha aap sarvagya hain , trikaaldarshi hain. Aapko to pta hi hai ki pritvi par asuro ka ek upasak pariwar hai jo maa patal bhairvi ki sadiyo se pidhi dar pidhi sadhna kar raha hai, wo devasur sangraam me mare gaye mahabalshali asuro ko punrjivit kar unhe aisi divya shaktiya dilwana chahta hai jo sabhi loko me unka ekadhikar sthapit kar sake, kalyug ke prahaaro se trast srishti k liye ye uchit nahi hai. Hame aisa abhaas ho raha hai ki wo shighra hi isme safal bhi ho sakte hain. Kirpya karke aap hamara margdarshan kare ki is samay hame kya karna chahiye.

Brahma ji- devraaj aapki ashanka nirmool nahi hai, halanki srishti k niyamanusaar wo asur punarjivit nahi ho sakte par unhe unki sadhna ka fal milna bhi tay hai, unke pariwar me haal hi me ek aisa balak janma hai jo is sadhna k falswaroop bhawishya me kayi asuri shaktiyo ka dharak banega. Usi ki nakaratmak tarango se aap sabhi vichlit hue ho.

Indra – to prabhu hamare liye kya aadesh hai

Bramha- abhi parmatma k awtaran (kalki avatar) me samaya hai is beech yeh dushtatma sansaar ko atyant peeda de sakti hai, isliye main chahta hu ki ise rokne ke liye aapsabhi devgan apni apni shaktiyo k ansh ko milakar ek aise manav me dale joki usse samast sansaar ki raksha kare. Dhyaan rahe itna tej samhalna kisi aam manav k bas me nahi atah suryadev aapko ek manasputra ko janm dena hoga jo ki in divya shaktiyo ko dharan kar sake.

Sabhi dev- jo agya brahmdev.

Aur sabhi devta swarglok laut aaye. Fir sabhi devtao ne ekatra hokar apni shaktiyo ka ek ansh prakashpunj k roop me suryadev ko pradaan kiya. Jise lekar suryadev dharti ki aur chal pade.



To finaly introducing main lead of story

SURAJ PRATAP urf SURYA- Suryadev k vardaan se paida hua wo ladka jise koi taap koi agni jhulsa nahi sakti, Jal duba nahi sakta aur vajra k samaan shareer jise koi astra shastra kaat nahi sakta.

RAKESH MAHANT urf ROCKY- Maa patal bairavi ki janmo janmantar se sadhna karne wale mahatantrik aur asuro k purohit pariwar ka wo vanshaj jo khud RAhu, KEtu aur SHani jaise marak greho ki deadly powers ka combination hai.

Superb update dost

 

[Killerpanditji(pandit)]

UPDATE 23

Uttar bharat k devbhoomi kshetra me parvato ki god se utar kar kal kal karti ganga nadi k tat par basa pawan shahar Rishikesh, bhor ki bela me suramya aur shant vatavaran me maa ganga me snan karte kuch bhakt dikh rahe they. Aise me kahin ek or jaikaare k sath dubki lagate hue logo ki awaje aa rahi thi to kahi mandir me shankh ya ghante ki awaz aa rahi thi. Bhor ka waqt hone k karan adhik bheed nahi thi.

Baaki ghaato ki apeksha sune pad eek ghaat par pratidin ki tarah snan kar rahe they thakur Mahendra pratap. Pidhiyo se surya k upasak is wansh ki antim pidhi they wo, ek haadse me apne pariwar ko kho chuke mahendra pratap pichhle dedh varsh se yahi reh rahe they.

Snan kar suryadev ki stuti kar unhe jal arpan karne k baad mahendrapratap ganga se bahar nikal hi rahe they ki eka ek jaise samay tham gya aur charo taraf ek teevra prakash fail gya. Jisse unki aankhe band ho gayi.

Kuch palo baad jab unhone aankhe kholi to unhone saamne ek divya purush ko khade paaya jinke sharir se adbhut tej nikal raha tha.

MP – pranam dev, kripya kar apna parichay de.

Wo divya purush muskrakar bole, “main surya hu”

MP – he dev aapko barambaar abhinandan, aap hamare kuldevta hain jinki pidiyo se hum pooja karte aa rahe hain, aaj aapke darshan paakar mai dhanya ho gya dev. Mera jiwan safal hua.

Suryadev – mahendra tumhare jiwan ko sarthak banae hi hum yahan aaye hain, hum tumhare aur tumhare pariwar ki atoot bhakti se bahut prasann hue. Isliye aaj hamne apne aise ansh k prithvi par avtaran k liye tumhe madhyam chuna h jo na sirf hamari balki samast devkul ki shaktiyo ka dharak hoga.

MP – main dhanya hua prabhu.

Surya dev ne apni hatheli aashirwad ki mudra me sidhi ki jisse ek roshni nikal kar sidhe mahendra ki aur gayi aur usne unki god me aakar ek balak ka roop le liya.

Us balak ki aankho me dekhte hi mahendra jaise kho se gaye, bade hi bhaav vibhor hokar nihaar rahe they. Unki tandra suryadev ki awaz se tooti.

SD – mahendra putra, is balak ka tumhe putra samaan palan karna hai, iska janm ek vishesh uddeshya k liye hua h.

MP – prabhu jaisi aapki agya, vaise bhi apne pariwar ko khone k baad aise lag raha tha ki mai vyarth hi ye jiwan ji raha hu par ab aapne mujhe jine ka ek prayojan de diya.

SD – kalyaan ho putra.

Mahendra pratap ne aankhe band kar unhe naman kiya. Jaise hi unhone aankhe kholi suryadev wahan se ja chuke they.

Mahendra khushi khushi us balak ko ghar le aaye.

Excellent update bro

 

[Killerpanditji(pandit)]

UPDATE 24

Mahendra pratap us balak ko ghar le aaye aur bête ki tarah use paalne lage. Apne pariwar ko kho dene k baad unhone apni jaidaad ka ek bada hissa daan kar chuke they fir bhi chunki unka pariwaar purane raeeso me aata tha isliye abhi bhi unke paas paise wagerah ki koi kami nahi thi. Us balak ko unhone naam diya suraj pratap urf surya. Surya bada hi medhavi aur honhaar bachha tha, uski seekhne ki kshamta bachpan se hi adbhut thi.

……….Flashback ends……………

Swami ji – ye thi surya yaani tumhare janm ki sachhayi aur tumhare janm ka uddeshya…

Me – k… k… kya ye sab… sab sach hai…….. par ye kaise ho sakta hai.

Swami ji – haan putra… ye sab satya hai.

Me – to…. To mera ye haal kaise hua …. Main wahan kaise pahuncha …. Aur agar mai itna hi shaktishaali hu to me aise kyo……

S – ye tumhe swayam janna padega putra… waise bhi ab waqt aa gya hai ki tum apni smritiyo ke sath sath apni supt shaktiyo ko bhi punah jagrat karo…. Iske liye tumhe apni kundalini shakti ko jagrat kar use shestrasaar chakra tak le jana hoga…. Jiska marg hai dhyaan. Tum pehle bhi ye kayi baar kar chuke ho to mujhe nahi lagta k isme tumhe samay lagega. Thode bahut prayas se hi tum sehaj hi is awastha ko prapt kar sakte ho.

Me – jaisa aap kahe swami ji

S – putra ab jakar tum bhojan kar k vishraam karo fir mai tumhe dhyaan karwaunga jiska abhyaas tum kal se pratidin karoge

Me- swamiji mai kuch poochna chahta hu

S – kaho putra

Me – yadi yeh satya hai ki mai hi surya hu aur yahi rishikesh me pala badha hu to mera ghar baar mere pita wo sab kahan hai… kaise hain….

S – hame khed hai putra surya par wo apna jivankaal samapt kar apne isht k charno me sthan pa chuke hain… shesh tum swayam jaan jaaoge sahi samay par. Ab jaao putra.

Me – jo agya swami ji.

Mai wahan se bahar niklne k liye muda to dekha dwar k sath kutiya k bahar koi khada tha…. tha kya thi, wahan kiran khadi thi jiski dono aankho se aansuo ki dharaye beh rahi thi.

Kiran (rote hue)– “s….s…. surya …..”

Maine palat kar swamiji ki aur dekha…. Wo bhi kiran ki aur dekh rahe they.

Swami ji “haa putri ye Surya hi hai…. Par abhi ye apni sabhi smritiya kho chuka hai…. Prabhu ki kirpa hui to sheegra hi ise sab yaad aa jayega….”

Fir wo mujhe bole putra tum jao main Kiran se kuch baat karna chahta hu.

Mai bina kuch bole unhe punah pranaam karke apni kutiya me aa gaya…

Bahut hi khubsurat posts hai Bhai

 

[Killerpanditji(pandit)]

UPDATE 25

Kutiya me baitha hua mai soch raha tha kya ye sab sach hai jo swami ji ne bataya, kyan wakayi mai hi surya hu, lekin mera to chehra bhi badal gaya hai kahi aisa to nahi ki swamiji ne pehchanne me koi bhool ki ho kyoki agar mujhme itni shaktiya hoti to mujhe awashya pta hota.

Fir mujhe dhyaan aaya ki swamiji ne kaha tha ki shaktiyo ko bhi supt awastha se jagana hai. Kya jamela hai yaar. Fir mera dhyaan Kiran ki aur gaya uska chehra , wo aansu par wo aansu mujhe kisi dukh ya peeda k to nahi they, kya wo bhi mere ateet se judi hai.

Tabhi bahar ek khatka sa hua, mujhe laga koi shishya bhojan k liye bulane aaya hai to maine uth k dwar khola, bahar Kiran khadi thi. Uska chehra kisi khushi se jagmaga raha tha. palke abhi bhi namm thi.

K – t…. tum…. Tum mmm mere….. I mean tum…. Tum sachmuch surya ho……. Kya tumhe…. Tumhe sachmuch kuch bhi yaad nahi….

S – relax Kiran …. Aap aao yahan baitho….

K – nn nahi…. mai theek hu…. Lekin agar tum hi surya ho to tumhara chehra kaise badal gaya. Aur ab tak they kahan tum.

S – look mujhe sachmuch kuch yaad nahi apne past ka aur mai behoshi aur ghayal awastha me kuch logo ko mila tha jinhone mera na sirf meri plastic surgery karwayi balki coma k dauraan mera dhyan rakha, sath hi theek hone k baad apne mare hue bete ki jagah aur naam bhi diya.

K – m… mai… mai aaj bahut khush hu ki ishwar ne meri sun li aur tumhe wapas bhej diya.

S – kya tum mere baare me sab janti ho, tum mujhe mera ateet bta sakti ho ?

K – haan mai…… nahi…. Mai abhi kuch nahi bta sakti, pitaji ne kaha hai ki wo sab tumhe khud yaad aana chahiye aur jald hi aayega bhi. Mujhe bhi besabri se us waqt ka intzaar rahega.

S – hmmm… achha mai jara bhojan kar aaun..

K – tum ruko yahi mai swayam tumhare liye bhojan lekar aati hu.

Kehkar wo bhagkar chali gayi. Thodi der baad woe k thaal me bhojan le kar aa gayi. Main baithkar bhojan karna shuru karne laga tabhi maine poocha – tumne bhojan kiya

K – aaj to meri bhookh pyaas sab khushi k mare ud hi gayi h, fir bhi mai baad me bhojan kar loongi abhi tum shuru karo surya

Mai chupchap bhojan karne laga, wo baar baar mujhe aise ‘vaari jau’ wale andaaz me dekh rahi thi k bas…. Uski najaro se mai baicheni se feel kar raha tha par kuch bola nahi. Mere bhojan karne k baad wo juthe bartan aadi le kar chali gayi.

Bhojan karne k kuch der baad mai swami ji se milne gaya. Unhone mujhe dhyan aur kundalini jagran k Vishay me kaafi kuch bataya. Aur agle din prathkaal se pratidin dhyaan karne ko kaha.

Mai unhe pranaam karke apni kutiya me aa gaya aur aane wale kal k baare me sochta hua so gaya taaki subah jaldi uthkar dhyaan kar saku.

Nice update bro

 

[Killerpanditji(pandit)]

UPDATE 26

Raat bhar mere dimaag me kayi swaal uthal puthal machete rahe, ki aakhir aisa kya hua hoga jo itni shaktiya hote hue bhi mera ye haal hua. Mere papa thakur mahendra pratap ko kya hua. Aur Kiran ka meri jindgi me kya role hai. Rakesh ka kya hua, kya wo apne maqsad me kamyab hua ya maine use rok diya. Aise kayi swaal mere dimag ko math rahe they. Ant me maine sab bhawishya par chhor dene ka faisla kiya jab tak ki meri yaadasht laut nahi aati.

Agle din subah early morning me uth kar naha dhokar mai dhyaan karne baith gaya. Lekin baar baar kisi na kisi karan dhyaan bhang ho jata. Mai kaafi der prayaas karta rha. Kaafi prayaaso se bhi jab mujhe safalta nahi mili to mai swami ji k paas gya aur unhe sab haal keh sunaya.

Swamiji muskaraye aur bole , putra dhyaan lagana koi karya nahi hai jo karna pade, tumhe bas apne bheeter sakshi bhaav lana hai. Jo ho rha , ghat rha hai use sirf dekho, apne dimaag ko shithil chhor do. Jitna prayaas karoge utna door ho jaoge.

Me – ji swami ji

Aise hi do chaar din lagataar subah mai dhyaan me baithta raha, din bhar aashram k chhote mote karyo me sehyog deta, shaam ko swami ji k paas baithkar unhe aaj ka dhyaan ka anubhav bta kar aage k liye diha nirdesh leta, is beech koi lagataar mujhe watch kar raha tha , I mean thi , kiran… kiran na sirf meri dincharya par najar banaye hue thi balki mere chhote mote karya bhi mere pichhe ya samne kar diya karti thi, pehle ki bajay ab uska chehra aur sondarya alag hi aabha bikher raha tha. par mai abhi bhi usse sidhe sidhe baat karne me hichak raha tha.

Aaj chhathe din jab mai dhyaan me baitha to achanak mujhe kuch drishya dikhayi dene lage. Pehle to rakesh ka chehra ubhara to mujhe bechaini hone lagi.

Maine khud ki chetna ko samhalne ka prayas kiya aur fir se dhyaan me aur gehre doob gaya, ab mujhe jangal k beech wahi jharna dikha jo mai pehle bhi sapno me dekh chukka tha, whan ghoomte mai aur kiran dikhe. fir achanak ek krodh me bhara kisi aghori ka chehra saamne aaya. Wo kuch keh rahe they.

aghori – JA… mai tujhe shraap deta hu ki tu apni ye shaktiya kho baithega, aur wo bhi tab jab baat teri jindgi aur maut ki hogi.

Iske sath hi mera dhyaan bhang ho gya. Mera poora sharir pasine me bheega hua thar thar kaamp raha tha. kaun they ye aghori. Kise shraap de rahe they, kya mai… kahi yehi to meri shaktiya jaane ka karan nahi par aisa maine kya kiya hoga.

Thoda paani piker mai fir se dhyaan me baith gaya par ab dhyaan nahi laga paya to main uthkar dainik karyo me lag gaya. Rojan ki bhaanti ghar par sabhi se baat karta tha sath hi sush se bhi. Muskaan mere bina bahut udaas ho gayi thi par maine use wada kiya ki jald hi wapas aa jaunga.

Kuch dino me mai aasani se dhyaan lagane lag gaya is tarah k kuch drishya baar baar mere saamne aate rahe par ab mai ye sab sakshi bhaaw se dekhne me Samarth ho chukka tha.

Shaam ko swamiji k sath baithe hue…

Swami ji – putra ab tum dhyaan lagane me safal ho gaye ho, ab tumhe apni kundalini ko jagrat karna hai. Jaise ki tumhe pehle bhi bataya gaya hai ki har insaan me do urja yan shaktiya hoti hai, sharirik shakti jo sab jaante hai aur ek aatmik jise hum kundalini bhi kehte hain.

Kundalini isliye ki yeh urja reedh ki haddi k theek niche naabhi aur ling k beech kundli mare sarp k samaan vaas karti hai, sukshm sharer k saato chakra isi urja se chalte hain, yaha tak ki job hi karya hum karte hain usme hamesha dono urjao ka sammishran istemaal hota hai. Jiski kundalini jagrat nahi hai wo bas iska bahut mamuli sa ansh hi istemaal kar sakte hain par jo ise jagrat kar lete hain unki kshamtaye atulniya ho hjaati hain. Haan kuch log gehan dhyaan k bhaanti gehan krodh aur gehan prem k madhyam se bhi ise trigger kar lete hain , jaise ki gusse me insaan wo kar gujarta hai jo uske sharirik shakti se bahar hota hai baad me use bhi hairaani hoti hai, darasal us waqt uske sharir me kundalini shakti todi bahut der k liye kuch adhik matra me jaag jaati hai. Aur jo ise purtaya jaga le to fir tum andaja bhi nahi laga sakte.

Ise jagane ka ekmaatra marg hai dhyaan. Baari baari sabhi sato chakro par dhayaan lagao aur unhe active karo.

Wo saat chakra hai muladhaar, swadhishtan, Manipur, anahat, vishushdha, ajna aur sahasrar. Har chakra k active hone k sath uski shaktiya bhi active ho jayengi. Aur sahasrar k active hone par tum apni yaadasht aur supt shaktiya bhi jagrat kar sakte ho.



dheere dheere mai unke bataye tareeke se ek ek karke sabhi chakro ko active karne laga aur wo din bhi bhi aaya jab maine apne saatve aur antim chakra ko bhi jagrat kar liya.

how to measure my screen size

Nice update bro

 

[Killerpanditji(pandit)]

Dear readers, samay k aabhav k karan kahani thodi short off karne par majboor hu… so kuch scenes cut kar diye hain, jaise hero ko dhyaan k sabhi charno me kya kya anubhav hue kaise uski sabhi shaktiyaan jagrat hui aur antim sahasrar chakra k jaagne par jo paralokik anubhav hue wo hata kar story ko halka sa jump de diya hai ki jab hero ki kundalini jaag gayi to usne apni past life ko dekha jo agle update se flashback me aap dekhenge. Ye flashback bhi poori tarah se fast forward mode me hoga par aapko pasand aayega. Is flashback me surya ka aashram me jana dhyaan seekhna, kiran se milna, college life, rocky se college me jhadap, rocky ki powers ki jhalak, main war, aur kayi mast scene dimaag me hain par….
Vaise sach kahu to mujhe bhi lag raha hai ki jaise mai is story ko likhna chahta tha vaise nahi likh pa raha hu aur na samay se update de pa rha hu, to agar koi mitra ise poora karna chahe to most welcome…
Btw aaj shaam tak agla update dene ka prayaas karunga. Thanks…

Ok bhai

 

[Killerpanditji(pandit)]

UPDATE 27

Mahendra pratap ne surya ka lalan palan apne putra saman kiya. Surya bachpan se hi bahut medhavi tha, nateeja jab uski umara k bachhe chauthi panchvi kaksha me they, surya unse 3 -4 varsh aage ki padhai bhi kar chukka tha.

Surya k daswe janmdin ki raat mahendra pratap k swapn me suryadev aaye aur bole, mahendra ab tumhe surya ko swami Visheshanand k aashram me bhejna hoga. Jahan ise dhyaan aur divya shaktiyo k prayog ko seekhna hai taaki ye apne janm ka uddeshya purn kar sake.

To agle din hi wo mujhe rishikesh k sameep hi ganga kinare sthit swamiji k aashram me le gaye. Jahan meri yog dhyaan aur baaki shiksha shuru honi thi. Sath hi meri mulakaat aur dosti honi thi Kiran se jo ki swami ji ki putri thi.

MP – swamiji se- swamiji, ye mera putra hai surya. Mai chahta hu aap ise yog aur dhyaan ki shiksha de.

Swamiji – surya ki aur dekh kar- “idhar aao putra” aur snehwash uske sir par hath rakh diya tabhi achanak unh eek halka sa jhatka sa laga. Swamiji ne uske sir par hth rakhkar apni aankhe band kar li aur dhyaan me doob gaye. Kuch der baad jab unhone aankhe kholi to wo ahobhaav se chalak rahi thi.

Swamiji – mahendra, is balak ko shiksha dena to mera saubhagya hoga, kintu ise jo shiksha deni hai uske liye iska yahi is aashram me rehna jaruri hai. Tumhe ise kam se kam 7-8 varsh yahi sadhna karni hogi.

MP – jaisa aap kahen, par mai isse milne to aa sakta hu na.

Swamiji muskarate hue – awashya, par prayas karna kam se kam, taaki ye apne uddeshya se bhatke nahi.

Apne ek shishya ko bulakar wo surya k theharne ki vyawastha karne ka aadesh dete hain.

Agle din subah suryoday k samay surya jaakar ganga ji me snaan karke jab aashram laut raha tha (ye aadat use mahendra ji ne dalwayi thi pratidin ganga snan aur suryavandana ki) to aashram me pravesh k samay uske saamne apni hi humumra ek badi hi cuten si ladki aayi. Koi aur nahi ye swamiji ki putri kiran thi.

Kiran – surya se – suno, yahan aao.

Surya – kahiye

Kiran – kaun ho tum, tumhe pehle to yahan nahi dekha.

Surya – main kal hi yahan aaya hu.

Kiran – tum mere dost banoge

Surya – haa kyo nahi, vaise bhi yahan mai kisi ko nahi janta.

Kiran - theek hai to fir aaj bhojan k baad wahan us taraf jo maidan hai wahan khelne aa jana. Aashram k sabhi bachhe wahi khelte hain.

Surya – theek hai mai aa jaunga

Kiran muskarati hui wahan se chali jati hai, aur apna surya to uski cuteness aur us muskaan par flat ho jata hai.

Fir shuru hoti hai surya ki class matlab dhyaan aur yog ki deeksha jo kayi varsh isi tarah chalni thi (chunki surya pehle hi is shiksha ko le chuka tha isliye yaadasht jaane k baad jab dobara dhyaan shuru kiya to adhik parishram nahi karna pada.)

Jis acharya ne surya ki shiksha prarambh ki wo bhi bina usse prabhavit hue nahi reh sake. Aur pehle din k pehle satra k baad wo pahuch gaye swamiji k paas.

A – pranaam swami ji

S – shubham bhawtu

A – swami ji mai aapse surya k sambandh me kuch batana chahta hu.

S – muskrate hue – kaho vats

A – swami ji aaj k satra me mujhe ehsaas ho rha tha us balak me vilakshan pratibha k sath sath koi adbhut urja bhi hai. Ye kaise arthaat kaun hai wo.

S – adheer na hon acharya, abhi to shuruaat hai. Ye balak baaki sab se alag hai, iske bheetar jo urja jo shakti hain unhe skriya karne k liye use dhyaan ki wo unchaiyaa wo shikhar chhune padenge jahan tak aam manav k liye pahuchna sambhav nahi. Isse adhik hum abhi aapko kuch nahi bata sakte, Aasha hai aap isme purn sehyog denge.

A – jaisi aapki ichha swamiji , mai prastut hu.

Aur punah pranaam kar wo bahar aa gaye, udhar surya bhojan kar ke Kiran ki batayi jagah pahunch gaya.

Mast update bro

 

[Killerpanditji(pandit)]

UPDATE 28

Kiran wahan kuch aur aashram k bachho ke sath khel rahi thi, surya wahi khada ho unhe dekhne lagta hai, jaise hi kiran use dekhti hai wo ishare se use apne paas bulati hai to surya un logo k paas chala jata hai.

Kiran – aao surya , hamare sath kheloge. Ye mamta hai aur ye virat (apne dono dosto ka parichay dete hue boli) aur dosto ye hai surya ye ab yahi aashram me rahega aur hamare sath khelega bhi

Aur surya ki dosti mamta aur virat se bhi ho gayi aur sabhi sath khelne lage. Samay k sath virat aur kiran k sath surya ki dosti pragaadh hoti chali gayi. (hui to mamta k sath bhi par uska koi adhik role nahi hai story me.)

Isi tarah kayi varsh vahi beete, is beech 10th aur 12th ki pareekshaye surya ne home education k thru di jisme apni vilakshan pratibha k karan usne top kiya tha. sath hi yog aur dhyaan me bhi wo parangat ho chuka tha. ek din swamiji ne surya ko apne paas bulaya.

Surya – pranaam swamiji

Swamiji (SJ) – aayushmaan bhav putra, aao virajo.

Suraya – aapne mujhe yaad kiya

SJ – haa putra, jis uddeshya k liye hum tumhe itne samay se dhyaan aur yog ka kathin prashikshan de rahe they wo aaj purn hua.

S – mai samjha nahi swamiji

SJ – putra, tumhara janm ek vishesh karya k liye hua hai. Us karyasidhi hetu devo ne tumhe divyashaktiya bhi di hain, jo abhi supt awastha me hain kyoki samanya manav sharir unhe dharan nahi kar sakta. Ab chunki tumhari dhyaan ki shiksha purn hui aur tum us yogya ho ki un shaktiyo ko dharan kar sako to ab mai tumhe wo gyan dene ja raha hu jisse tum un shaktiyo ka aawahan karna hai.

S – yeh sunne me kuch ajeeb sa lag raha hai par yadi aap keh rahe hain to satya hi hoga. Parantu mujhe in shaktiyo se karna kya hai ?

SJ – putra bhale hi ishwar ne hume bhavishya me jhaankne ki kshamta di ho par niyati k karya me hum hastakshep nahi karte. Tumhe bhi tumhara prarabdh tumhari manjil tak khud le jayega. Isliye ab ye aawahan vidhi seekh kar tum apne ghar apne pita k paas laut sakte ho.

S – jo aagya swamiji. Parantu ek nivedan hai aapse.

SJ – kaho putra

S – maine apne jiwan ka ek bada hissa yahan isi aashram me gujara hai to abhi bhi mai yahan se door nahi reh sakta isliye pratidin yahan aakar kuch samay aapki aura ashram ki seva karne ki aapse anumati chahta hu.

SJ – muskarate hue – awashya putra, vaise bhi is aashram k dwar to sabhi k liye har waqt khule hain.

Fir surya unhe pranaam kar apni kutiya me aa jata hai. Jahan virat uska intjaar kar raha tha.

Virat – aao surya , kaise bulaya tha swamiji ne

S – kuch nahi mitra wo bas ye smaran karwa rahe the ki aashram ki shiksha purn hui.

V – to ab aage kya karna hai.

S – abhi kuch khaas socha nahi vaise aage ki padhai k liye ab college me dakhila lena chahta hu.

V – sahi hai yaar, mai bhi college me jaunga, vaise bhi aashram me reh kar school ke maje to le nahi paaye kam se kam college life ko to enjoy karenge.

Mere bina… peeche se ek aawaj aayi

Hum palte to pichhe darwaje par kiran khadi thi.

Kiran - Sochna bhi mat mere bina kahin dakhila lene ka, aur kal hi jaakar mera bhi admission form le aana, samjhe.

Virat use chhedte hue – kyo tum itni sundar ho kya

Kiran – wo to mai hu hi aur agar jyada chu chapad kin a to tera dimaag thikaane lagana aata hai mujhe.

V – achha meri maa, kal hi hum sabhi k liye admission form le aaunga.

Excellent update bro