- 5,758
- 13,139
- 189
UPDATE 63
Aaj kya complaint hai Dr. Nisha?
Nisha:- Complaint nahi sir...Thank you bolne aayi thi.
Sameer:- Thank you !!! Kis liye?
Nisha:- Wo aap itne nasha me hone ke baad bhi surgery ke liye taiyaar ho gaye...Aur itni complicated case ko bhi successfully handle kiya...Wo bhi bina koi paise ki...Agar aap nahi hote to...
Sameer:- To fir isme Thank you ki kya baat hai...Farz tha mera.
Nisha:- Sir shaayad aapke baare me galat sochti thi...Talented surgeon to aap hai hi saath me dil bhi hai aapke paas...Patient ke dard ko samajhte hai aur unke saath kaise counselling karna hai ye sab aapko pata hai.
Sameer:- Itna bhi galatfehmi me mat rahiye madam...Aaj bhi waisa hi hu jaisa aap samajhti thi...Money minded.
Nisha:- To fir kal kya tha...Free ka surgery.
Sameer:- Ha kal free me surgery kiya tha...Vajah hai meri Maa...Maa kehti hai paisa to aata rehta hai...Kabhi kisi jarurat mand logo ki muft me ilaaj karo...Dua milega.
Bas issi vajah se month ke last date hospital se leave le kar apne clinic me rehta hu...Aur kal wohi lucky last date tha.
Nisha:- Ye to bahut acchi baat hai...Aap ko nahi lagta ki jitne ilaaj aap muft me karenge utna hi duaa jyada milega.
Sameer:- (Smiling) To fir kamaaunga kaise...10 saal ka medical career...Din aur raat ki mehnat...Kya samaj sewa ke liye hai?
Paise sabhi ko acche lagte hai...Aur ye meri jarurat bhi hai...Mera maanna ye hai ki imaandaar raho apne duty se aur jitna kama sako kamaao.
Please dont mind...Aapko nahi keh raha hu...Lekin aap jaise log hote hai wo kehte hai ki gareeb ko jitna ho sake utna madad karo...Acchi baat hai.
Lekin problem ye hai ki akshar jo log ye baat kehte hai wohi log gareeb aur jarurat mand ka khoon chusne ki koi mauka nahi chhodte.
For eg, Agar SRK ko kisi movie me kuch crore paisa mile to log kahenge, "Itna paisa le kar kya karega...Kuch donate karega to kisi ka bhala ho jaayega." Lekin ye log wohi hote hai jinke saamne koi 2 rupaiya ke liye haath failaaye, roye aur cheeke ye laat maar kar nikal jaate hai.
Advice dena aashaan hai lekin jab khud par aaye to karna bahut mushkil.
Waise bhi aaj ye duniya itna teji se badh raha hai waha survive karne ke liye paisa chaahiye naa ki dua...Dua to bas apne Maa ki maan rakhne ke liye aur mental satisfaction ke liye karta hu.
Nisha bas Sameer ki baat sun hi rahi thi...Tabhi Sameer ko phone call aata hai.
Sameer:- (On phone) Bas aa raha hu 2 min...Vodka ready rakhna.
What? Beer? Aaj sirf vodka...Thak gaya hu beer peete peete.
Ok...Bye...Aa raha hu.
(To Nisha) Accha Dr. Chalta hu.
Nisha:- Itna bhi nashe me mat rahiye...Apna career ke baare me to sochiye...Itne talented aur skillfull hai aap aur aap apni hi jindagi ko barbaad kar rahe hai nashe me.
Lekin Sameer kuch jawaab diye bina hi waha se nikal jaata hai aur sochne lagta hai.
Sameer:- (In his mind) Career...Ye ladkiya...Career ke baare me samjhaati hai...Ek thi jo sab kuch chhod kar chali gayi...Har vaade...Kasme...Sapne...Career to kya jindagi barbaad kar diya.
Aur ye Nisha...Kehti hai jarurat mando ki madad karo...Lekin mera kya...Jab mujhe jarurat thi to sabhi jinhe apna kehta tha bich me chhod kar chale gaye...Kisi ne madad nahi kiya...Mai hi jaanta hu kitni mushkil se apne bimaar Maa aur Papa ka ilaaj kar raha hu.
Duniya swarthi hai...Jeena hai to khudgarz bano...Apne liye jeeyo.
Atul jab Aarav ke saath apne ghar waapas lauta to saamne maujud shakhs ko dekh kar gussa saatve aasmaan me chaddh gaya.
Atul:- Gaanw basa nahi ki lootere pehle hi aa gaye.
Atul khud se hi badbadaate hue apne room ki taraf jaane laga.
Bhabhi:- Are devar ji...Kaha jaa rahe hai aap...Preeti aayi hai...Aapse milne.
Pehle to Atul Aarav ko dhundh raha tha...Lekin wo apne room me chala gaya tha...Fir
Atul gussa se apne bhabhi aur Preeti ko dekhta hai fir saamne Gaurav se.
Atul:- Samjha de apni biwi ko...Jyada chaaplusi naa kare.
Bhabhi:- Chaaplusi...Aap kehna kya chaahte hai?
Preeti:- Atul.
Atul:- Chup...Agli baar mere saamne bhi dikhi naa to...
Fir Atul waha se apne room me chala jaata hai.
Preeti Atul ko jaate dekhte reh jaati hai...Aaj bhi Atul ka nafrat waisa hi hai jaisa 5 saal pehle tha...Vaada ka pakka tha Atul...Bas yahi baat Preeti ko yaad aa raha tha aaj bhi.
