- 5,758
- 13,139
- 189
UPDATE 62
Atul:- Di...Nidhi Di
Atul ki aawaj me thoda gussa aur thoda hairaani tha.
Nidhi:- Bahut jaldi aa gaya...Chal aa baith.
Atul:- Ye sab kya hai...Itna bada jhuth.
Nidhi:- Baith pehle.
Fir Atul andar bed me jaa kar baith jaata hai...Lekin gussa tha ki badhta hi jaa raha tha.
Fir Nidhi Atul ko gaur se dekhne lagti hai...Khush to bahut thi wo Atul ko itne saalo baad dekhne se...Aankho me kuch boond aansu bhi aa gaye.
Lekin fir Atul ka ye roop...Chehra kitna murjha sa gaya tha...Aankho me ek khaalipan bahut kuch keh raha tha...Di ko samajhte der nahi laga ki aaj bhi uska bhai wohi khada hai jaha wo 5 saal pehle tha.
Nidhi:- (Atul ke baalo par haath ferte hue) Tu to abhi tak waisa hi hai...Apna thoda to khayal kar.
Di ki aawaj me dard tha jo har kisi ko hota hai apno ko aise haal me dekh kar.
Atul:- (Dard ke saath) Jeene ki vajah hi chali gayi...Abb kyu khayal karu aur kiske liye?
Atul ne Di ki aankho me dekhte hue kaha.
Nidhi:- Himmat rakh...Sab thik ho jaayega.
Atul:- Aapko aisa lagta hai...5 saal ho gaye...Har dua har ummeed bekaar ho gayi...Abb to aadat ho gayi hai aise jeene ki...Bas ek dua abb bhi nikalta hai iss toota hua dil se...Meri Nishu...Jaha bhi rahe khus rahe.
Aankho me aansu aur hontho me muskaan...Ajeeb saa haalat ho gaya tha Atul ka.
Di fir Atul ki aansu ponchne lagti hai...Atul picche hat jaata hai.
Atul:- Lekin aapne bahut galat kiya...Mujhse jhuth.
Nidhi:- Yaad hai tujhe tere vaade...Har rakhsabandhan me yahi vaada karta tha...Di iss raakhi ka mai maan rakhunga...Aap par kabhi koi takleef aane nahi dunga...Aap jaha kahi bhi ho ek aawaj dena sab kuch chhod kar aa jaaunga.
Aaj wohi to kiya maine...Aaj mujhe apne bhai ki jarurat hai aur Maa ko ek beta ki...Kya abhi bhi tujhe bulaana galat hai?
Atul:- Lekin tabiyat kharaab hone ki bahana? Ek aawaj de deti aa jaata.
Nidhi:- Sach me? 5 saal se yahi sunn rahi hu ki kal aaunga, parso aaunga, jaldi aaunga...Lekin naa hi kal aata hai, naa parso aur naa hi tu...Aati hai to sirf ek jhuthi ummeed.
Di ki baat se Atul ka chehra jhuk gaya.
Nidhi:- (Atul ke sir uthaate hue) Ye sir jhukne ke liye nahi hai.
Tere saath saath ham bhi tadap rahe hai 5 saalo se...Mujhe bhi apne bhai ki fikr hai...Maa ko apne beta ki...Tu kya chala gaya saara khushiyan hi chali gayi...Mai abbapne puraana bhai ko dekhna chaahti hu...Bas issi liye tujhe bulaya hai.
Atul:- Lekin mai kar bhi kya sakta hu...Dum ghutta hai mera yaha.
Nidhi:- Jaanti hu...Lekin kab tak...Kabhi na kabhi to aage badhna hi padega.
Atul:- Koshish to kar hi raha hu naa.
Nidhi:- Koshish...Kitna kaamyaab ho paaya tu iss koshish me? Dur ho kar tu aur bhi alag hota jaa raha hai ham sab se...Pehle thoda bahut baat bhi kar leta tha...Abb to wo bhi nahi.
Atul:- Aap to sab jaanti hai na?
Nidhi:- Jaanti hu...Aur ye bhi jaanti hu ki abb tujhe aise akele nahi rehne dungi...Tujhe aage badhna hai...Nisha bahut acchi thi...Aur mujhe bhi tum dono ki jodi bahut accha lagta tha...Lekin abb kya kar sakte hai...Sacchai se munh to nahi fer sakte...Nisha aage badh gayi hai...Tujhe bhi aage badhna hoga.
Atul:- Lekin badh nahi paa rah hu...Aap jaanti hai na kitna pyar karta hu mai Nishu se...Nisha mujhse dur ho kar bhi mere paas hi hai.
Jaha jaha Atul ka wajood hai waha waha Nisha hai...Mobile ke password se lekar Clinic ke naam tak...AN Clinic...Har book ke har pages me...White Coat me...Clinic ke har instrument me...Apne room ke diwalo me.
Apne Khaalipan me...Apne khwaab me...Ateet me...Yaad me...Khwahish me...Dhadkan me...Har jagah Nisha hai.
Yaha tak ki aap agar Nisha ko har jagah se hataa bhi do to wo mere saanso me hai.
Itne andar tak basi hai Nisha mujhme...Itna gehra hai hamaara pyar...Jab tak Nisha hai tab tak Atul ka wajood hai...Bin Nisha ke Atul kuch bhi nahi.
Atul ka pyar dekh Di ko kabhi Atul par garv hota to kabhi Atul ki haalat dekh rona aata.
Nidhi:- Kya tu Nisha ko bhula kar aage badh nahi sakta?
Atul:- Koshish kiya tha...Lekin ehsas hua ki agar aisa sochu bhi to ye pyar kaisa...Pyar kiya hai maine...Saccha pyaar...7 janmo me saath rehne ki kasam khaane wale thhe ham...Aur mera pyar itna kamjor kaise ho sakta hai ki issi janm me mai Nishu ko bhulaane ki koshish karu.
Fir Di Atul ko samjhaane ki naakaam koshish karti rahi...Apne bhai par to hamesha se garv tha unko...Aaj bhi tha.
Itna to jaan gayi thi wo ki Atul Nisha se badh kar aage kuch nahi sochega...Atul ke saare dard ko mehsus karte hue wo bhagwan se ek hi dua kar rahi thi, "Kaash wo Atul ko uski Nishu se milaade."
Next Day
Aarav:- Bahut tasty hai ice-cream...Aap bhi khaaiye na uncle?
2 minute me pura ice-cream chatt kar gaya Aarav.
Atul:- Thik hai...Lekin ek shart par.
Aarav:- Kya?
Atul:- Yahi ki tum mujhe Uncle nahi Chacha bulaaoge.
Aarav:- Ok Chachu.
Aarav ki maasum baato se Atul muskuraaye bina nahi reh paaya.
Wo ice-cream lene hi wala tha ki aage se 2 baccho ki aawaj sunaayi diya.
Saamne ek chhota ladka aur ek ladki thi.
Ladki:- Bhaiya mujhe bhi ice-cream khaana hai?
Ladka:- Lekin paise nahi hai mere paas.
Ladki:- Mujhe khaana hai khaana hai.
Fir ladki rone lagti hai.
Ladka:- Maa ko aane do...Fir khaa lena.
Ladki:- Nahi mujhe abhi khaana hai.
Ye dekh Atul do ice-cream le kar baccho ke paas chala jaata hai...Aur dono ko de deta hai.
"Thank you Uncle" Bacche bahut khus thhe aur unki khushi dekh Atul bhi khus ho gaya.
Fir Aarav ke saath wo bhi ice-cream khaane lagta hai.
"Jyada der to nahi hua." Ek jaani pehchaani aawaj Atul ke kaano par pada.
Turant mud kar Atul uss taraf dekhne laga.
Ek aurat thhi karib 30 saal ki...Wo dono baccho ko lekar jaa rahi thi...Achanak hi Atul ki munh se nikla,
Atul:- Nisha
Wohi chaal aur wohi aawaj.
Fir wo aurat aage bheed me gaayab ho gaya...Atul bhi bechain sa uss bheed me se Nisha ko dhundne laga.
Kuch der baad wo aurat fir se dikhaayi di bacche ki saath...Lekin iss baar Atul ko sirf niraasha hi mila.
Wo aurat Nisha nahi thi.
Atul:- (In his mind) Hallucination...46 baar...Paagal ho gaya hu tumhaare pyar me.
Har jagah dikhti ho tum...Paas se ho kar nikal jaati ho...Pal bhar me karib aati ho aur pal bhar me gaayab...Kabhi to theher jaao...Jindagi bhar ke liye...Kabhi to pura karo saath bhar rehne ki kasam...Saath jeene ki kasam.
Please Nishu, Please...Jee nahi sakta tumhaare bin.
