- 5,758
- 13,139
- 189
UPDATE 68
Waah! Sir..Aaj bhi aapke haatho me jaadu hai...Itna complicated surgery ko bhi kitni aasani se kar diya.
Dr. Rahul:- 10 saal se yahi to karta aa raha hu...Padhaata bhi aa raha hu aur har case ke saath kuch seekh bhi raha hu.
Ye sab chhod aur bata kaha gaayab hai tu aaj kal...Phone number bhi change aur social media me bhi nahi hai tu.
Rahul sir ki baat sun Atul kuch der chup raha..Usse samajh me nahi aa raha tha ki kaha se suru kare aur kaha khatm.
Dr. Rahul:- Koi problem hai kya?
Atul kuch der Rahul sir ko dekhta hai air fir.
Atul:- Sir abb aap se kya jhuth bolu...Life hi problem ban gayi hai.
Rahul sir Atul ki baat ko samajhne ki koshish kar rahe thhe...Tabhi unhe kuch yaad aaya.
Dr. Rahul:- Nisha kab aayegi? Uski Papa ka accident hua hai aur wo abhi tak nahi aayi yaha.
Atul:- Aayegi...Jab usse pata chalega...Shayad unhone call kar diya hoga...Aa jayegi kuch der me.
Dr. Rahul:- Unhone call kiya hoga? Matlab? Tune nahi bulaya.
Atul ne koi jawaab nahi diya.
Dr. Rahul:- Tum dono saath to ho naa?
Abb Rahul sir ki dhadkan bhi tej hone laga...Unhe dar tha Atul ki naa me jawaab sunne ka...Aur unka dar sach bhi ho gaya.
Atul:- Nahi sir...Bahut pehle hi ham dono alag ho gaye hai.
Rahul sir bas Atul ko hi dekh rahe thhe...Unhe yakin hi nahi ho raha tha Atul ki baaton par. Man me khud se hi sawal puch rahe the,
"Aakhir itna pyar karne wale jodi kaise alag ho sakte hai? Wo bhi itni aasani se?"
Atul ka udaas chehra dekh abb unhe bhi yakin hone laga tha.
Dr. Rahul:- Kab? Kaise? Aur kyu?
Ek hi pal me sab kuch jaana chaahte the wo.
Dr. Rahul:- Bata aakhir aisa kya hua?
Fir Atul ek lambi saans le kar bataana suru kar deta hai...Vakt ke saath saath Atul ke chehre me bhi kayi saare bhaaw aate jaate rahe.
Atul apni baat khatm kar ke ekdam se chup ho gaya...Wo bas niche ki taraf hi dekh raha tha.
Rahul sir ko bhi samajh me nahi aa raha tha ki ye sab kya se kya ho gaya? Kabhi unhe lagta ki ye sab Atul ki galti hai to kabhi lagta ki haalaath ki vajah se ye sab ho gaya.
Atul ki haalath par unhe bhi bahut dukh ho raha tha...Atul sirf unka student hi nahi wo Atul ko apna bhai jaisa maante thhe.
Aur jis Atul ko wo itne din se dhund rahe thhe aaj mila bhi to kis haalath me...Ek devdas ke roop me...Ek haara hua insaan ke roop me...Jise wo ek bada, kaamyaab aur jimmedaar Doctor ke roop me dekhna chaahte the wo aaj insaan ke roop me hi haar gaya tha.
Dr. Rahul:- Kaash tune koshish kiya hota?
Atul:- Haalaath hi aisa ho gaya tha sir...Kuch samajh nahi paaya...Naa hi apno ki saajish aur naa hi vakt ko...Dekhte hi dekhte Nisha mujhse dur ho gayi.
Abb Atul ki aankho me aansu aane laga.
Atul:- Sir aapko Meri aur Nisha ki love story yaad tha? Bhule nahi aap?
Dr. Rahul:- Kuch batein aur kuch insaan ko kabhi bhula nahi jaata...Jaise ki tu aur tera friend circle.
Tera love story bhi unique tha...Jitne bhi couples ko dekha hai yaa to wo study me average hote hai yaa fir poor...Lekin tum dono ki to baat hi aur thi...Kabhi tu top karta tha to kabhi Nisha?
Padhaai ke alawa bhi sports aur baaki ke extracurricular activities. Jab bhi tum dono ko saath dekhta to ek hi baat munh se nikalta "Made for Each Other."
Jawaab me Atul sirf muskuraane ki koshish karne laga.
Dr. Rahul:- Nisha sach me lucky hai...Bahut kam log hi hote hai jo aaj kal saccha pyar karte hai...Aur bahut hi kam jo pyar me Devdas ban jaaye.
Atul:- Sir sach kahu to Nisha nahi mai lucky tha ki Nisha ne mujhse pyar kiya.
Sir aap to meri haalath jaante hai...Lekin mai Nisha ko bina dekhe bina mile hi yakin ke saath keh sakta hu...Nisha jaha kahi bhi hogi uska haal bhi mera jaisa hi hoga...Aur yahi baat mujhe aur pareshaan karta hai.
Nisha ka patience bhi alag hi level ka tha...Ye jaante hue bhi ki mujhe pyar me viswas nahi hai...Ye jaante hue bhi ki mera pehla pyar wo nahi Kajal thi...Ye jaante hue bhi ki mujhe uska pyar saayad hi kabhi dikhe.
Usne mujhse pyar karna kabhi nahi chhoda...Wo mujhse pyar karti rahi jab tak mujhe uska pyar nahi dikha.
Sir agar Nisha ki jagah mai hota to jal bhun kar usse alag ho jaata...Aur aisa hua bhi tha.
Sir kuch to baat thi Nisha me...Jisne mujh jaise naastik ko Devdas bana diya...Pyar karna sikhaya, Pyar ka matlab bataya...Pyar par viswas aur intejaar karna sikhaya.
Shayad yahi vajah hai ki aaj bhi mujhe Nishu ka intejaar hai...Ek jhuthi aash ke saath.
Rahul sir Atul ki baat ko bahut dhyan se sun rahe thhe.
Dr. Rahul:- Tera pehla pyar...Kajal?
Atul:- Ha sir...Isse bewkoofi hi keh lijiye lekin ye sach hai.
FLASHBACK
What's going on Mr. AK?
Oh! Nisha tum?
Atul ne picche mud kar kaha.
Nisha:- Ha..Leki tum kya kar rahe ho...Itni raat ko...Raat ke 10:00 pm baj rahe hai.
Atul:- Kuch nahi..Bas aise hi...Thoda ghabraahat ho raha tha to aise hi chhat par aa gaya.
Nisha:- Tum bhi na...Exam ko lekar itna ghabra rahe ho...Result accha hi aayega.
Atul:- Nahi result ki koi dar nahi.
Nisha:- To fir?
Atul:- Abb tum se kya chupaana?
Nisha:- Bataao kya baat hai?
Atul:- I think I am in Love.
Atul ne himmat kar ke bata hi diya.
Jaise hi Nisha ne ye suna uska khushi ka koi thikaana hi nahi raha...Aaj Atul ko uska phar dikh hi gaya...Lekin ek shikaayat bhi thi, Atul ka propose.
Nisha:- Who is that lucky girl?
Formality ke liye Nisha ne pucha...Lekin usse kya pata tha ki Atul ka jawaab uskil dil ka tukda tukda kar dega.
Atul:- Kajal.
Himmat karke Atul ne jawaab diya...Jawaab sun kar Nisha ko yakin hi nahi hua...Atul ko pyar ka ehsas to hua lekin kaun...Kajal?
Man hi man toote hu dil se Nisha ne sawal kiya.
Nisha:- (In her mind) Mera pyar to tumhe dikhta hi nahi?
Lekin kar bhi kya sakti thi bechari...Naa hi roo paa rahi thi aur naa hi Atul ke liye khush ho paa rahi thi.
Atul:- Mujhe pata tha...Tum shocked ho jaaogi...Tumne socha tha ki mujhe kabhi pyar nahi hoga...Mai bhi aisa hi sochta tha...Lekin vakt aur soch ko badalte vakt nahi lagta.
Nisha:- Acchi baat hai.
Atul: Nisha ek help karogi?
Nisha:- Kya help?
Atul:- Pyar to karne laga hu Kajal se...Lekin kaise propose karu samajh me nahi aa raha hai...Ladkiyo ko kya pasand hai kya nahi ye bhi pata nahi? Please kuch suggest karo naa.
Sirf tum hi meri help kar sakti ho...Please.
Atul ki ye baat Nisha ki jakhm me namak ka kaam kar raha tha...Itna taaqat to nahi tha Nisha me ki wo iss baat me Atul ka help kar sake? Lekin Atul ko mana bhi nahi kar sakti thi...Aakhir kaar Atul ki khushi ke liye wo taiyaar ho gayi.
Nisha:- Ok...Thik hai.
Atul:- Thank you...Thanks a lot...Mujhe pata tha tum mera help jarur karogi...Once again Thank you.
Itna keh kar Atul excited ho kar Nisha ko gale laga liye Aur khush ho kar apne room me chala gaya...Aur picche chhod gaya tooti hui Nisha ko...Abb ek aansu hi tha jo Nisha ka saath de raha tha iss vakt.
Bhige hue Aankho se wo Atul ki room ki taraf dekh rahi thi bebasi se.
