Chapter two : update 4
“ sale chutiye , tune kaise jane diya us launde ko bina mujhse puchhe huye” bhalla us SI pe bharak raha tha jisne subah me amit ko jane diya tha.
“ sir , uske paas court order tha” usne apne aapko bachane ki koshish ki
“ court order ki aisi ki taisi…sala raat bhar uske chakkar me pareshan tha aur tum chutiye subah subah aaye aur riha kar diya use…abe kam karna sikh lo pahle ….hum police ki naukari bas dusro ko salam thokne ke liye nahi karte balki dusro ko thokne ke liye bhi karte hai” bhalla aag babula hua jar aha tha.
“ sir, aap bhi batayiye ki main kya karta” SI uske samne memiyane laga
“ abe kam se kam mujhe phone to kar deta…aise hum thode na jane dete kisi hath aaye ko” bhalla uske kandhe pe hath rakh ke samjhane ki koshish karne laga.
“ sorry sir, aage dhyan rakhunga” SI ne apni galti maan li
“ chal mujhe court order dikha aur us madam ka naam aur address de , jisne uski jamanat karayi hai” bhalla ne SI se kaha
“ are sir , vo advocate to us launde ki maa hi thi ..aap bhi usko jante honge sir” SI ne use bataya
“ kaun hai vo?” bhalla bola
“ Indira verma …famous criminal lawyer , usne humse pahle hi forensic report hasil kar li aur subah subah hi court pahuch ke jamant ke order le aayi” SI use batene laga.
“ o teri….vo laundiyan bol to rahi thi kuchh aisa..main dhyan nahi diya us samay…tab to es khel me maza aane wala hai” bhalla bolte huye muskuraya
“ kaisa maza sir?” SI ne us se poochha.
“ dekhta ja aage pata chalega…chal jaldi se uska number de mujhe” bhalla SI se number lekar apne mobile me vo number dial karne laga.
Usne number dial kiya aur kuchh pal ke ring ke baad dusri taraf se kisi lady ne call liya.
“ hello kaun bol raha hai?”
“ hello mam, main inspector bhalla bol raha hu…hauzkhas police staion se ..maine hi aapke bete ko raat me arrest kiya tha” bhalla ne apna introduction adab ke saath diya.
“ haan inspector , bolo kuchh pata chala ki kisne ye sab kiya hai?” Indira jo ki dusre taraf baat kar rahi thi usne bhalla ne janna chaha.
“ nahi mam, aapne to mujhe investigation karne hi nahi diya kuchh…aap aayi aur apne bete ko leke chali gayi , ab main aage kaise badhunga es case me aap batayiye mujhe” bhalla gusse me bol raha tha.
“ bhalla , vo mera beta hai aur main usko kaise police station me rahne de sakti hu..waise tumhe jo kuchh bhi help chahiye usme mera help milege” Indira ne kaha
“ thank you mam, lekin aap to usko bachyengi na to fir hamara madad kaise karengi aap” bhalla bola
“ tum mere bete ko hi katil maan baithe ho aur main asal katil ko dhoodh rahi hu” Indira boli.
“ thik hai, hum kahan mil sakte hai tab.” Bhalla bola
“ agar aap mere ghar pea a sakte ho to aa jao…main usi case pe kaam kar rahi hu” Indira ne bola
“ ok, I am coming soon” bhalla ne kaha aur usne apna phone cut kiya aur bahar ki taraf nikla. Bahar aate hi use ek do reporter mil gaye.
“ hume pata chala hai ki aapko kal raat ek car ki dikki me lash mili thi aur aapne us car ke malik ko arrest kiya aur subah me hi use jamanat bhi mil gayi…ye sab achanak se kaise ho gaya?” ek reporter ne us se janna chaha
“ main abhi case pe kaam kar raha hu…mujhe jab koi breakthrough milega to main aapko bataunga” bhalla bola
“ to kya us aadmi ne ye khoon nahi kiya hai?” dusre reporter ne kaha
“ shayad nahi, kyoki uske ungaliyon ke nishan nahi mile laash ke upar” bhall bola
“ to fir aap kya karenge?” reporter ne poochha
“ aapko jaldi bataunga..abhi main usi silsile me bahar jar aha hu” bhalla ye bola aur apni gadi me baith ke chala gaya aur uske pichhe reporters log apne apne tarike se apne channel ko news dene lage.
To be continued….