Romance Khwahishein (Completed)

[Mahi Maurya]

UPDATE 28​

Kajal:- Agar mai kabhi tumse ruth gayi to tum kya karoge?

Ajith:- Kuch nahi.

Ajith ki iss baat par Kajal usse ghurne lagi...Ye dekh kar Ajith ko aur bhi hassi aa gaya.

Kajal:- Mai yaha serious hu aur tum has rahe ho.

Ajith:- Hasne ki hi to baat hai.

Ajith aur bhi hanste hue kaha.

Kajal:- Aur wo kyu?

Ajith:- Wo iss liye kyu ki tum kabhi mujhse naraaj ho hi nahi sakti.

Ajith ne Kajal ki gaal ko pinch karte hue kaha.

Kajal:- Agar ho gayi to?

Ajith:- Ho hi nahi sakti.

Kajal:- Itna confidence?

Ajith:- Ha bahut.

Kajal:- Aur wo kyu?

Ajith:- Vishwas.

Kajal:- Kaisa vishwas?

Ajith:- Apne pyar par...Tumhe itna pyar karta hu aur itna pyar karunga ki tumhe kabhi naraaj kar hi nahi sakta.

Pyar karta hu tumse...Khushiyan dena chaahta hu naraajgi nahi.

Ajith ki baaton se Kajal ki hontho par muskaan fail gaya.

Kajal:- Fir bhi maan lo ki mai tumse naraaj ho gayi...Tab kya karoge?

Ajith:- (Kuch sochte hue) Tab to manana padega.

Kajal:- Wahi to puch rahi hu...Kaise manaaoge.

Ajith:- Tumhaare saamne jhuk jaaunga aur sacche dil se dil khol kar maafi maangunga.

Ajith ne muskuraate hue kaha.

Kajal:- Tum mere saamne jhukoge.

Kajal ne thoda hairaani ke saath kaha.

Ajith:- Ha...Isme buraai kya hai...Apno ke saamne jhukne me kaisi sharmindagi...Tum bhi to mere apne hi ho...Sirf 2 hi log hai iss duniya me jise mai apna maanta hu...Ek tum aur ek mera pyara dost Dhruva.

Tum dono mujhse naraaj ho jaao aisa sochte hi dar lagne lagta hai...Kabhi naraaj nahi hone dunga...Agar ho bhi gaye to mana lunga.

Ajith ke baat sunte hi Kajal uske gale lag gayi.

Kajal:- Mai to aise hi pucch rahi thi.

Ajith bhi Kajal ko gale se laga leta hai.

Ajith:- Wais bhi naraaj kiya to naa jhukna kya.

Ajith ne bahut hi romantic ho kar kaha...Kajal Ajith ko dekh kar fir se muskuraayi...Ajith ne bhi uska saath diya.

Ajith:- Agar mai naraaj ho gaya tumse to tum kya karogi?

Kajal abb Ajith ki gale se alag ho gayi aur Ajith ki aankho me dekh kar maasumiyat se pucha.

Kajal:- Kya tum bhi mujhse naraaj ho sakte ho?

Ajith:- Ye to bahut naa insaafi hai...Tum mujhse naraaj ho sakti ho aur mai nahi?

Ajith ne bhi shikaayat karte hue pucha.

Kajal:- Kisne kaha mai tumse naraaj ho sakti hu.

Ajith:- Aur kisne kaha mai tumse naraaj ho jaaunga.

Kajal:- Baat khatm...Ham dono me se koi bhi ek dusre se naraaj nahi hoga...Agar kuch hoga to sirf puar hi pyar.

Kajal ne baat badalte hue kaha.

Ajith:- Itni jaldi bhi kya hai madam...Jara mai bhi to sunu meri Kajal kya karti hai mujhe manane ke liye.

Kajal kuch der sochne lagi.

Kajal:- Pata nahi.

Ajith:- Isme sochna kaisa...Do thappad lagaao kaan ke niche...Khud akal aa jaayega mujhe.

Kajal:- Pakka.

Ajith:- Hmm...Kabhi try kar lena.

Kajal:- Matlab tum mujhse naraaj howoge...Khabardaar agar aisa socha bhi to.

Kajal ne Ajith ko ghurte hue kaha to Ajith ne bhi muskuraate hue Kajal ko gale laga liya.



Ye sab sochte hue kabhi Kajal ki hontho me muskaan aata to kabhi aansu...Kitne pyar bhare haseen din the wo.

Aur kya din hai aaj...Bechari ko to pata bhi nahi tha uski galti kya hai jo Ajith iss tarah se usse naraaj ho gaya.

Paise ko matlab na dene wala Ajith aaj paiso ke piche bhaag raha hai...Kabhi naraaj na hone ka vaada karne wala Ajith aaj usse iss tarah naraaj tha ki maane ko taiyar hi nahi tha.

Saath jeene aur marne ki kasam khaane wala Ajith aaj ek pal bhi saath nahi rehna chaahta hai...Yaha tak ki uska shakl hi dekhna pasand nahi karta hai.

Badal gaya hai Ajith...Bahut badal gaya hai...Lekin kyu aur kaise iska jawaab nahi tha Kajal ke paas.

Hamesha Ajith ke saath bitaaye haseen aur suhaane pal yaad aate...Ek dusre se kiya hua pyar, vaada, baatein, mastiyan yaad aata to kabhi dono ne ek saath dekhe hue bhavisya ka sapna yaad aata.

Na jaane kya kya sapna dekh liya tha dono ne saath me.

Lekin Ajith ki naraajgi ne sab par paani fer diya...Aur Kajal bhi isse Ajith ki naarajgi hi samajhti thi.

Agar dono ki pyar ko unka manjil mil jaata to ye yaadein khubsurat yaadein hoti aur dono hi jab inn yaadon ko sochte dono ke hontho me muskaan hota lekin afsos...Ye yaadein dono ke liye dardnaak yaadein ban raha tha.

Kajal ne soch liya.

Kajal:- (To herself) Dekhti hu kaise nahi maanta abb...Bahut ho gaya...Pichhle 1 mahine se mana rahi hu...Maan hi nahi raha...Abb do thappad lagaati hu...Khud akal thikaane me aa jaayega.

Abb to maana hi padega usse.

Kajal ne khud ko majbut bana liya...Aaj usse jaise bhi Ajith ko manana hai...Aur wo chali gayi Ajith ke paas.


Ladki:- Tum aisa nahi kar sakte mere saath.

Ladki ne laghbhag rote hue kaha.

Ajith:- Dont be so stupid ..Aisa kar chuka hu.

Ladki:- Please mere saath aisa mat karo.

Ajith:- (Laughing) Kya lagta hai tumhe...Tum ro dogi to mai pighal jaaunga...Aisa soch bhi kaise sakti ho tum.

Ladki:- But I love you.

Ajith:- What? If you love me...It is your problem...Not mine...It is just an one night stand for me...Nothing more.

Ladki:- How can you think like this? Tum bhi to mujhse pyar karte ho na.

Ajith:- Pyar? Pyar to mai sirf paisa se karta hu.

Ladki:- Mera dil tod ke tum kabhi khus nahi reh paaoge dekhna...Aaj tumne mera dil toda hai dekhna kal koi tumhaara bhi dil todega.

Ajith:- Bahut ho gayi tumhaari baccho jaisi baatein...Tum pehli nahi ho...You are 10th girl to have relation with me...Aur aaj tak mera kuch nahi bigda...Aage bhi kuch nahi hoga.

Ajith ne hanste hue kaha.

Abb Kajal se aur bardast nahi hua...Bina door knock kiye wo Ajith ke cabin me aa gayi.

Ajith:- Kajal tum.

Ajith ne hairaani ke saath kaha.

Kajal:- Maine sab sun liya.

Ajith:- Aisa kuch nahi hai jo tum soch rahi ho...Mai samjhata hu tumhe...Tumhe misunderstanding hua hai.

Ajith ne hanste hue kaha...Ajith ka hansi Kajal ko apna majaak lag raha tha.

Kajal Ajith ke munh me thuk deti hai aur

Kajal:- You cheater.

Itna keh kar Kajal rote hue waha se nikal jaati hai.

Kajal ke jaane ke baad...Ladki Ajith ko dekhti hai...Ajith usse jaane ka ishaara karta hai.

Ajith abhi bhi hans raha tha...Lekin uska hansi dardnaak hansi me badal gaya tha...Uska sabhi dard saamne aa raha tha...Khud ka hi gala ghontne jaisa dard mehsus kar raha tha wo...Jab apni jindagi Kajal ko khud se dur jaata hua dekh raha tha.

Lekin aisa karna bhi jaruri tha.

Kuch der baad Preeti Ajith ke cabin me aati hai.

Ajith apna aansu ponch leta hai.

Preeti:- Congratulations.

Ajith:- Kyu?

Preeti:- Tum apna mission jeet gaye...Aakhir yahi chaahte the na tum...Abb Kajal kabhi nahi aayegi tumhari life me.

Ajith chup raha.

Preeti:- Tum ek koshish bhi kyu nahi karte...Khair mai bhi kisse baat kar rahi hu.

Itna keh kar Preeti bhi waha se chali gayi...Wo jaanti thi Ajith ko wo mana nahi sakti...Jaate vakt uske chehre me bhi dard tha...Ajith ne ye bhi mehsus kiya...Lekin wo kuch nahi bola...Preeti ko bhi jaane diya.

Abb wo apne chair par baith gaya...Aur dil khol kar rone laga...Apne haar par, apne bebsi par aur apne laachari par.

Abb kuch nahi ho sakta tha uska...Sab kuch chheen gaya tha aur baaki jo bhi tha wo bhi chheene hi wala tha.

Ajith ko iss baat par sabse jyada rona aa raha tha ki uski jindgi me ek ummeed bhi nahi tha...Dekhte dekhte uska jindagi kya se kya ho gaya.

बहुत बहुत ही बेहतरीन कहानी महोदय।
आपकी हर कहानियां दर्द से भरपूर होती हैं। मुझे ऐसी ही कहानियां पसंद हैं जिसमे गम दर्द और प्यार बेसुमार हो। बहुत अच्छा ड्रामा कर रहा है अजीत। वो जो चाह रहा था वही हो रहा है, लेकिन कब तक के देखना दिलचस्प होगा।

 

[Mahi Maurya]

UPDATE 30​

Ajith:- Aap yaha?

Bahut der ki khaamoshi ke baad Ajith ne hi baat suru kiya.

Ajith ne abb fir se khud ko majbut kar liya...Kisi bhi tarah apne jhut ko sach dikhana tha...Wo jaanta tha ye itna aashan nahi hoga fir bhi usse ye karna hi tha.

Abb uska chehra bilkul bhaawheen (emotionless) ho gaya.

K. Dad:- Tumse baat karni hai.

Ajith ne bas sir ko haa me hilaaya.

K. Dad:- Tumhare aur Kajal ke bich koi problem hua hai?

Ajith:- Kajal ne nahi bataya iss baare me aapko?

K. Dad:- Bataya to hai...Lekin mai tumse bhi baat karna chahta hu.

Ajith:- Yahi kahunga Kajal ne jo bhi kaha hai sach kaha hai.

K. Dad:- Lekin kyu? Aakhir aisa kya ho gaya ki tum iss tarah se badal gaye?

Ajith:- Baat simple hai...Abb mujhe Kajal me koi interest nahi hai.

K. Dad:- Lekin kyu? Kajal to abhi bhi tumse bahut pyar karti hai.

Ajith:- Lekin abb mai sirf paiso se hi pyar karta hu.

Ajith ka ye jawaab Kajal ke Papa ko bahut hairaan kar raha tha...Aaj wo uss Ajith ko yaad kar rahe the jisse pehli baar mile the...Kitna badlaaw aa gaya tha Ajith me...Uske soch me...Uske character me.

K. Dad:- Abb pyar se jyada tumhaare liye paisa ho gaya?

Ajith ne sir ko haa me hilaa diya ek muskaan ke saath...Kajal ke Papa ko Ajith ki iss muskaan par bahut hi gussa aa raha tha.

K. Dad:- Agar baat paiso ka hi hota to tumhara koi aukaat hi nahi Kajal ke saamne...Maine to iss rishta ko iss liye manjuri diya tha kyu ki mujhe tumhaara character aur soch accha laga...Lekin tum bahut hi ghatiya nikle...Bahut hi ghatiya tha Kajal ka choice.

Kajal ke Papa ka gussa badhta hi jaa raha tha.

Ajith:- Bechari ko kyu dosh de rahe hai...Galti to aapne bhi kam nahi kiya hai...Aapka bhi choice ghatiya hai jo mujhe damad banane jaa rahe thhe.

Ajith ne hanste hue kaha...Kajal ke Papa Ajith ko gussa se dekhte rahe.

K. Dad:- Accha hi hua tumhaara asliyat pata chal gaya...Yaad rakhna ek din bahut pacchtaaoge tum aur uss din tumhe mai ye ehsas karaunga tumhaara aukaat Kajal ke saamne kuch nahi hai.

Ajith:- Kabhi aisa vakt nahi aayega...Fikar mat kijiye...Kajal se bhi jyada paise wali ladki pataunga.

Kajal ke Papa se abb raha nahi jaa raha tha.

K. Dad:- Kuch ethics aur moral bhi nahi hai tum me? Bahut hi ghatiya doctor aur insaan ho tum.

Ajith:- Wo to hu.

Ajith ne muskura kar kaha jaise ye bahut hi garv ki baat hai...Aur yahi muskaan Kajal ke Papa ke jakhm me namak ka kaam kar raha tha.

K. Dad:- Dil kar raha hai tumhe jaan se maar du.

Ajith:- Aap bhi ghatiya doctor ke list me mujhse kam nahi hai...Doctor ka kaam hota hai unsaan ko bachana aur aap mujhe maarne ki baat kar rahe hai.

Bahut ghatiya soch, ethics aur moral hai aap ka bhi...Aap bhi doctor kehalwane ke laayak nahi hai.

Ajith ne hanste hue kaha jaise wo Kajal ki Papa ka majaak bana raha hai.

K. Dad:- You.

Itna keh kar Kajal ke Papa ne Ajith ka collar pakad liya...Gussa abb unke kaabu me nahi tha.

Ajith ki taraf dekha unhone...Ajith apna daant dikha raha tha unhe.

Fir unhone Ajith ka collar chhod diya.

K. Dad:- Kicchad par patthar fenkne se khud par hi ucchalta hai.

Ajith:- Bahut jaldi samajh gaye.

Iss baar unhone koi reaction nahi diya...Wo acche se samajh gaye thhe Ajith ko...Pata chal gaya tha unhe Ajith se baat karne ka aur koi faaidaa nahi hai.

Sach me bahut badi bhool ho gaya tha unse aur Kajal se Ajith ko chunne me.

Gussa to bahut aa raha tha unhe Ajith par lekin unhone kuch nahi diya...Jaante the wo aise ghatiya logo ko...Unka soch hi unka dushman hai...Kabhi na kabhi jindagi me itne buri tarah haarenge ki tab unhe apni galti ka ehsas hoga...Aur unka uss vakt jo bebsi hoga wohi unka sabse bada saja hoga.

Unhone Ajith ko uske haal par chhod diya...Abb sirf ek hi dar tha...Kajal.

Abb unhe apne laadli ko samhaalna tha...Jaante the itni aasan bhi nahi hoga ye...Lekin unhe yakin tha wo kisi tarah apne Kajal ko sambhaal lenge...Fir se usse apne hansti khelti pari beti ke roop me jarur dekhenge.


Unhone Ajith ko nafrat bhari nighaawo se dekha aur waha se chale gaye.


Unke jaane ke baad Ajith se raha nahi gaya...Sirf wo hi jaanta tha aankho me aansu ko chhupa kar kaise hansa aur muskura jaata hai...Thak gaya tha wo har baar naatak karte karte.

Kajal ke Papa ke jaane ke baad ek baar fir dil khol kar roya...Jab rone ke liye aansu nahi bacha tab muskura kar khud se hi kaha.

Ajith:- Insaan aur Doctor bhale hi ghatiya hu lekin actor abhi bhi bahut accha hu.

After 2 days​

Internship complete hone ke baad sabhi students ne ek party rakha tha...Ajith aur Kajal dono hi jaana nahi chaahte the...Lekin Vijay aur Preeti dono ko jabardasti le gaye.

Ajith bhi chala gaya ye soch kar ki abb ye din uske jindagi me kabhi aayega ya nahi...Kajal ko aakhri baar dekh lega...Aur ussi yaad me apna saara jindagi jee lega.


Jab dono ka aankhein ek dusre se mila tab Kajal ki aankho me nafrat tha aur Ajith ki hontho me muskaan. (Baahar se chhidhaane wala aur andar se saccha.)

Party me sabhi dost khub naach rahe thhe aur gaa rahe the...Mastiyan kar rahe the...Apna padhaai ka experience share kar rahe the...Sabhi khul kar jee rahe the iss din ko.

Aakhir jeeye bhi kyu na...6 saal ki mehnat ke baad doctor bane thhe...6 saal ki kadi mehnat, tapasya, lagan, tyag aur balidaan ke baad aaj ek doctor bane thhe...Inn 6 saalon me sabhi ka ek dusre ke saath ek alag hi bandhan band chuka tha...Dosti ka bandhan...Sukh dukh, hansi, narajgi, gussa, pareshaani, fun, frustration jaise sabhi emotions ek dusre ke saath share kiya tha.

Aaj bahut hi khaas din tha sabhi ki jindagi me...Aaj sabhi apna dil se padhaai ka bhadaas nikaal kar jee rahe the aaj ka duniya...Lekin saath me ek dukh bhi tha...Aaj ke baad sab bicchad jaayenge ek dusre se.

Khair, iss baat ko kuch der ke liye side me rakh kar sabhi iss vakt ko jee rahe the.

4 log ko chhod kar...Ajith...Uska apna hi vajah tha.

Vijay...Bechara Ajith se keh nahi paa raha tha aur naa hi dikha paa raha tha...Lekin Ajith ke liye wo bhi bahut pareshaan tha aur dar raha tha agle hi pal kuch galat na ho jaaye.

Kajal...Toota hua dil itni jaldi nahi sambhalta...Ajith se dhokha milne ke baad jaise uski saari khushiyan ne bhi usse dhokha de diya.

Preeti:- Apne dono dost ki iss haalat par wo bhi bahut pareshaan thi.


Khair, ye party to chalti rahi.

Aur party ke bich me hi kuch dosto ne Ajith ko request kiya ek gaana gaane ke liye.

Ajith ne mana to bahut kiya par kar nahi paaya...Aaj ka din dosto ke saamne uska kuch nahi chala.

Haar kar Ajith ko stage par jaana hi pada.

Haath me mic liya...Najar naa chaahte hue bhi Kajal par chala gaya aur honth apne aap chalne laga.

Main rahoon ya na rahoon
Tum mujh mein kahin baaki rehna​

Ajith ke munh se itna hi nikla tha ki Kajal ka najar bhi Ajith par pad gaya...Ajith ko apne taraf dekhta dekh Kajal ko bahut gussa aa raha tha.

Lekin wo kuch na boli.

Mujhe neend aaye jo aakhiri
Tum khwabon mein aate rehna

Bas itna hai tumse kehna
Bas itna hai tumse kehna
Bas itna hai tumse kehna
Bas itna hai tumse kehna

Main rahoon ya na rahoon
Tum mujhme kahin baaki rehna

Kisi roz baarish jo aaye
Samajh lena boondon mein main hoon
Subah dhoop tumko sataaye
Samajh lena kirno mein main hoon

Kisi roz baarish jo aaye
Samajh lena boondon mein main hoon
Subah dhoop tumko sataaye
Samajh lena kirno mein main hoon

Kuch kahun ya na kahun
Tum mujhko sata sunte rehna

Bas itna hai tumse kehna
Bas itna hai tumse kehna
Bas itna hai tumse kehna
Bas itna hai tumse kehna


Hawaaon mein lipta hua main
Guzar jaaunga tumko chhu ke
Agar mann ho to rok lena
Thehar jaaunga in labon pe

Hawaaon mein lipta hua main
Guzar jaaunga tumko chhu ke
Agar mann ho to rok lena
Thehar jaaunga in labon pe

Main dikhu ya na dikhu
Tum mujhko mehsoos karna

Bas itna hai tumse kehna
Bas itna hai tumse kehna
Bas itna hai tumse kehna
Bas itna hai tumse kehna

Hmm.

Bas itna hai tumse kehna
Bas itna hai tumse kehna
Bas itna hai tumse kehna
Bas itna hai tumse kehna

Main rahun ya na rahun
Tum mujh mein kahin baaki rehna.​

Ajith ne pura gaana bina ruke Kajal ki aankho me dekh kar gaaya...Gaane ki har pal ko usne jiya...Aakhir Kajal ko aakhiri baar dekh raha tha wo...Ye mauka kaise apne haath se jaane deta.

Gaate vakt hontho me muskaan tha...Bas ek hi gaana me Ajith ko Kajal ke saath bitaaye har lamha yaad aa gaya.



Kajal bhi dusri taraf Ajith ka iss gaana sun kar tadap uthi...Pehle hamesha wo Ajith ko iss gaane ke liye chhidhaya karti thi ki wo dhang se gaa nahi paata.

Lekin aaj baat kuch aur hi tha...Ajith ki gaana me uska dard tha...Aaj dil se gaya tha usne...Aur gaata bhi kyu na...Uska haal hi aisa tha...Aaj Ajith ki aawaj me ek haara hua aashiq najar aa raha tha...Ajith ka dard dekh Kajal bhi tadap uthi.

Lekin agle pal usse yaad aaya fir se apne dil ko wo tutne nahi de sakti...Abhi bhi Ajith ka dhokha usse rula rahi thi aur aise me fir se Ajith ke paas jaana.

Iss baar himmat nahi kar paayi...Usne bhi iss kadhwa sach ko maan liya ki Ajith aur wo alag ho gaye...Ajith ne usse dhokha diya hai.


Jab Ajith ne gaana khatm kiya bahut taaliyan baja...Lekin taali me itna dam nahi tha uska muskaan wapas lauta sake...Bhale hi kuch dosto ka taarif jeeta tha usne iss gaane se lekin jindagi haar chuka tha wo.

Khair, Ajith ne jee bhar ke Kajal ko dekha...Shaayad fir kabhi mauka mile ya na mile...Aaj iss aakhiri baar wo Kajal ka har haseen yaad apne saath le jaana chahta tha.

Lag Ja Gale Ki Phir Ye Hasin Raat Ho Na Ho
Shaayad Phir Is Janam Men Mulaaqaat Ho Na Ho
Lag Jaa Gale ...

Ham Ko Mili Hain Aaj, Ye Ghadiyaan Nasib Se
Ji Bhar Ke Dekh Lijiye Ham Ko Karib Se
Phir Aap Ke Nasib Men Ye Baat Ho Na Ho
Shaayad Phir Is Janam Men Mulaaqaat Ho Na Ho
Lag Jaa Gale ...

Paas Aaiye Ki Ham Nahin Aaenge Baar-Baar
Baahen Gale Men Daal Ke Ham Ro Le Zaar-Zaar
Aankhon Se Phir Ye Pyaar Ki Barasaat Ho Na Ho
Shaayad Phir Is Janam Men Mulaaqaat Ho Na Ho​

Aise me Ajith ko yahi gaana yaad aa raha tha...Lekin apni bebsi par usse fir hansi aa raha tha...Kajal ko gale lagaane ka hak to bahut pehle kho chuka tha wo.

Kajal bhi party me Ajith se dur jaane ka har koshish karti rahi.




Vijay:- Tune piya hai?

Ajith:- Ha thoda.

Ajith ne muskuraate hue kaha...Ek dard bhari muskaan.

Vijay:- Yaar tu bhi na...Aakhir kyu kar raha hai aisa?

Ajith:- Mat pucch yaar...Mai bata nahi sakta aur tu sunn nahi sakta.

Ajith ki aankho se aansu aa gaya...Aaj wo apna sab kuch haar chuka tha...Vijay aansu dekh paata usse pehle hi Ajith ne ponch liya.

Vijay:- Ye kya kar raha hai?

Ajith:- Packing.

Vijay:- Kyu?

Ajith:- Jaa raha hu.

Vijay:- Kaha?

Ajith:- Bahut dur...Itna dur ki mai apna astitwa hi bhul jaau...Itna dur ki mai khud ko hi na dhund paau.

Ajith ki har baat Vijay ko hairaan kar raha tha.

Vijay:- Lekin itna raat me aur achanak?

Ajith:- Jindagi me bahut kuch achanak hi hota hai...Aur kayi baar jindagi hi badal jaata hai.

Vijay:- Mere samajh me kuch nahi aa raha hai.

Ajith:- Samajhna bhi mat.

Vijay:- Kuch hua hai kya? aisi achanak jaane ki vajah?

Ajith:- Intenship complete...Doctor bhi ban gaya...Abb mera yaha kya kaam...Jaa raha hu apni duniya me.

Vijay:- Tera duniya?

Ajith:- Hmm...Mera duniya...Jaha sirf mai hi rahu...Aur koi nahi.

Vijay:- Koi dost?

Ajith:- Nahi...Waha koi dost nahi.

Ajith ki baat sunte hi Vijay ko yakin ho gaya jarur kuch badi vajah hai.

Har baar ki tarah iss baar bhi usne Ajith ka jakhm na khodne ka faisla liya.

Vijay:- Teri bahut yaad aayega yaar.

Vijay ki iss baat par Ajith ki hontho me muskaan aa gaya.

Vijay:- Agar kabhi meri jarurat pade to be jhijhak yaad kar lena...Har vakt teri sewa me haajir ho jaaunga.

Ajith:- Jarur...Aur mujhe bhi tera bahut yaad aayega...Tu aur Dhruva hi to hai mere jindagi ke kuch dost.

Itna keh kar dono dost gale lag gaye.

Koi alag hona nahi chaahta tha...Lekin na chaahte hue bhi Ajith ko alag hona hi pada...Aakhir jaane ka vakt jo aa gaya tha.

Aur fir Ajith waha se chala gaya...Ek baar bhi pucche mud kar nahi dekha...Bahut mushkil se apne iraada ko majbut banaya tha...Tootne ki himmat nahi tha.

Vijay ke roop me Ajith ne apna aakhiri dost aur shubh chintak bhi kho diya.

Aur nikal gaya wo iss seher se apni jindagi ka bachpan se le kar abb tak ka sabhi haseen aur kadhwi yaadein apne saath le kar...Kuch aisi yaadein bhi tha iss seher me jo wo kabhi bhulna nahi chaahta tha aur alag hona bhi nahi chaahta tha...Lekin majburi tha...Usse alag hona hi pada.

Aur wo nikal pada aisi safar par jiska koi manjil nahi tha...Naa hi kuch ummeed aur naa hi kuch himmat.

After 7 months

Kajal's Wedding
...
...
...​

बहुत ही बेहतरीन महोदय।

आज अजीत काजल ध्रुव और विजय को छोडकर बहुत दूर चला गया। लेकिन अजीत का ये फैसला बहुत ही गलत था। उसने काजल के साथ बहुत ही गलत किया। ध्रुव और विजय जैसे दोस्तों के साथ गलत किया। अपने शहर के साथ गलत किया। उसने जो कसम खाई थी उस कसम के साथ गलत किया। देखते हैं आगे क्या होता है।।

 

[Mahi Maurya]

UPDATE 31​

Aaj Kajal ki engagement day tha...Kajal ki Papa ka accha khaasa jaan pehchaan tha issi vajah se ghar pure rishtedaar aur mehmaan se bhara hua tha.

Saath hi Kajal ke kuch dost bhi ye engagement attend karne aaye the...Preeti aur Vijay unme khaas the.

Sabhi Kajal ko wish kar rahe thhe aur wo bhi sabhi ka shukriya aada kar rahi thi.

Aaj ke din wo apne rishtedaar aur mehmaano se hi ghiri hui thi...Kuch khaas interested to nahi thi fir bhi aisa kisi ko mehsus hone nahi diya tha.

Mehman ki list me do aise mehman bhi the jise dekh kar Kajal ke saath Preeti aur Vijay bhi hairaan ho gaye.

Dhruva aur Richa.

Uss vakt Kajal jyada mehmano se ghiri hui nahi thi...Wo Dhruva ke paas gayi.

Kajal:- Tum?

Dhruva:- Ha...Tumhaari engagement me attend hone aaya tha.

Kajal ko samajh me nahi aa raha tha ki Dhruva kyu uska engagement me aaya hai...Dono ke bich khaas dosti to tha nahi.

Agar dono ek dusre ko jaante the to vajah tha Ajith...Aur wohi Ajith jisse abb Kajal bahut nafrat karti thi.

Dhruva:- Tumhara dost to kabhi ban nahi paaya...Vajah bhi mai khud hi hu...Lekin jab se pata chala ki tumhara aur Ajith ka pyar saccha hai tab se tumhe bhi apna dost maana hai.

Socha aaj dost ki haisiyat se ye engagement attend karu.

Kajal:- Pyar nahi tha...Dhokha tha wo.

Kajal ne bahut gusse ke saath kaha...Dhruva bhi chup raha...Kajal ne kuch galat kaha bhi to nahi tha.

Kajal:- Pata nahi tum par vishwas karu ya nahi...Kyu ki tum ho to Ajith ke dost hi...Kya pata kahi engagement spoil karne ke irada se to nahi aaye ho...Aur ho sakta hai iska mastermind Ajith ho...Jo hamesha se mere life ka majaak banata aaya hai.

Kajal ki ye baat Dhruva ko bahut chubh gaya...Aaj pehli baar Dhruva ko Ajith ke baare me itna sunna pad raha tha...Aur wo bhi iss tarah majbur tha ki Ajith ke liye kuch bol bhi nahi paa raha tha.

Dhruva:- Nahi isme Ajith ne kuch nahi kiya hai...Mai to jaanta tak nahi wo kaha hai iss vakt...Dosti ki haisiyat se aaya tha...Agar tumhe accha nahi laga to jaata hu.

Itna keh kar Dhruva Kajal ko dekhne laga jo abhi bhi confused thi...Chehre par gussa aur nafrat bhi tha.

Fir Dhruva ne muskura kar kaha.

Dhruva:- Best wishes for your engagement...Congratulations!!!

Fir Dhruva waapas jaane ke liye muda hi tha ki.

Kajal:- Agar dosti ki haisiyat se aaye ho to thik hai...Aur tum aaj mehman bhi ho aaj hamaare...Aur aaj ki iss special day me koi mehman iss tarah se jaaye accha nahi lagta...Please engagement attend kar lo.

Richa:- Congratulations!!!

Itni der se sab khaamoshi se dekh rahi Richa boli.

Kajal:- Thank you.

Aur fir Kajal waha se chali gayi.


Dusri taraf Preeti...Usse Kajal ki itni jald engagement aur iss rishte se bilkul bhi khush nahi thi.

At 8:00 pm on roof​

Dinner ke baad sabhi doat chhat (roof) me the...Engagement ka time 10:00 pm ka tha...Abhi kuch time baaki tha to sabhi ne socha kuch der baat cheet kar le.

Preeti:- Kajal tu khus to hai na iss rishte se.

Kajal:- Ha...Lekin tu ye kyu pucch rahi hai.

Preeti:- Mujhe bataya bhi nahi...Kya yahi dosti reh gayi thi hamaari.

Kajal:- Sab kuch achanak se fix ho gaya...Fir kal inform to kiya na.

Achanak Kajal ko kuch mehsus hua.

Kajal:- Tune piya hai?

Preeti:- Ha.

Kajal:- Lekin ye koi vakt hai peene ki.

Vijay:- Yahi to vakt hota hai...Dost ki engagement me nahi peeyegi to kab? Kyu Preeti? Sahi kaha na?

Preeti:- Nahi...Mai iski shaadi ki khushi me nahi pee rahi hu.

Preeti ne gusse me kaha.

Kajal ko aaj Preeti bahut ajeeb lag rahi thi...Uski harkat aaj bahut alag tha.

Kajal:- Fir kyu?

Preeti:- Sach kahu to bahut gussa aata hai? Dekh rahi hu duniya badalne me vakt nahi lagta? Sab apne faaidaa ke liye hi jeete hai.

Preeti ne Kajal ki aankho me dekh kar kaha...Preeti ki ye baatein sun kar Dhruva aur Richa bhi uski taraf dekhne lage.

Kajal:- Tu kya keh rahi hai aur kiske baare me baat kar rahi hai?

Preeti:- Kyu? Tujhe nahi pata?

Kajal:- Nahi.

Preeti:- Pata chalega bhi kyu? Tu to apni jindagi me khus hai na.

Kajal:- Tujhe kya lagta hai?

Preeti:- Lagna kya hai? Sab dikh raha hai.

Kajal:- Aisa kya dikha tujhe?

Preeti:- Yahi dikh raha hai ki iss duniya me "Saccha pyar" shayad kahani tak hi reh gaya hai...Sab ko apna khushi ki padi hai...Kisi ko kuch kurbaani nahi dikhta...Dusro ki aankho ki sachhayi bhi padh nahi paate.

Kajal:- Kya keh rahi hai tu? Kuch samajh nahi paa rahi hu mai.

Preeti:- Tu samajh bhi nahi paayegi.

Kajal:- Tu kehna chaahti hai sab meri galti hai?

Preeti:- Haa.

Iss baar Preeti bahut gusse me thi.

Kajal:- Accha bata...Aisa kya galti kiya hai maine?

Preeti:- Khud se puch?

Kajal:- Kya puchu? Aur tujhe aisa kyu lagta haj maine koi galti kiya hai?

Preeti:- Pyar karti hai Ajith se?

Kajal:- Uska naam aaj to mat le...Aise shubh din me mai uss manhus ka naam sunna nahi chaahti.

Jawaab me Preeti muskuraayi.

Preeti:- Mera sawaal ka jawaab de...Pyar karti hai Ajith se?

Kajal:- Pyar karti thi.

Preeti:- Saccha pyar ya aise hi.

Kajal:- Saccha pyar.

Lekin abb bas kar...Be wajah mujh par iljaam laga rahi hai.

Agar tu kehti hai maine galti kiya hai...To ha kiya hai...Ajith se pyar karna hi mera galti hai.

Kajal bhi abb bahut gusse me aa gayi thi.

Preeti muskura rahi thi aur ye dekh Kajal ko aur gussa aa gaya.

Kajal:- Abb ye daant kyu dikha rahi hai?

Preeti:- Kitni badi naa samajh hai tu...Kehti hai pyar karti hai...Lekin pyar kya hota hai ye samajh hi nahi paayi...Dekh hi nahi paayi Ajith kitna pyar karta tha tujh se.

Kajal:- Ha dikha tha...Ye bhi dikha ki mere alawa 10 ladkiyo ke saath relation aur tha...Tune bhi suna tha na?

Aur tu aaj uski bahut taarif kar rahi hai? Kahi aisa to nahi ki tera bhi usse relation hai.

Preeti:- Waah re teri soch.

Preeti ne taali baja kar kaha.

Preeti:- Aaj sach me tujhse nafrat ho rahi hai.

Tu hi kehti thi na aankho se dikhni wali aur kaano se sunne wali har baat sach nahi hota.

Kuch aisa hi tha Ajith ke saath...Jo usne tujhe dikhaya wohi dekhti gayi tu aur vishwas bhi kar liya...Ye nahi dikha ki jis Ajith se tu pyar karti hai wo aisa kyu kar raha hai...Kaisa dard seh raha hai aur kya jindgi jee raha hai?

Preeti ki aakhri ki kuch baat se Kajal soch me pad gayi.

Ek baar aankh band kar ke usne Ajith ko yaad kiya...Abb usse Ajith ka pyar hi dikh raha tha...Sirf Pyar...Jab bhi Ajith ne usse dur hone ki koshish kiya tha...Uss Ajith ko bhi yaad kiya...Aaj uss Ajith ki aankho me dard bhi dikhaayi diya.

Kajal:- Preeti please...Mujhe bata...Sab kuch jaana hai mujhe...Ajith kaha hai aur usne kyu aisa kiya?

Kajal abb achanak se tadap uthi.

Preeti:- Nahi...Tu ye shaadi kar aur jindagi bhar khush reh...Ajith abb tera past hai...Sirf past...Future tere saamne hai...Shaadi ke liye maan bhi gayi...Abb kyu piche mudna chaahti hai.

Kajal:- Papa ne dekha hai rishta...Kehte hai bahut accha rishta hai...Papa ne meri har baat maani hai...Yaha tak ki mere kehne par Ajith ko bhi apna liya tha...To fir mai unki ye baat kaise taal deti...Aakhir wo mere khushi ke liye hi to sochti hai.

Preeti:- Suna hai pyar karne wale log jindgi bhar ek dusre ko bhul nahi paate...Lekin ek tu hai...Kehti hai tu saccha pyar karti thi lekin 7 months me hi dikh gaya ye pyar.

Kajal:- To kya karti? Usne dhokha diya hai ye jaan kar mai roti rehti...Kya jindgi me aage badhne ka koi hak nahi hai mujhe.

Waise bhi uss dhokha ke baad mai samajh gayi duniya me pyar jaisa kuch hota hi nahi hai...Mujhe pyar shabd se hi nafrat hone laga tha.

Socha shaadi ek samjhauta hai...Aaj nahi to kal karna hi padega...Fir aaj hi kyu nahi?


Preeti:- Lekin Ajith ka pyar nahi dikha? Socha bhi nahi wo aisa kyu kar raha hai? Ajith ko tu sabse jyada jaanti thi? Kya wo aisa kar sakta tha? Kabhi usne tera faaidaa uthaya hai.

Kajal:- Shayad uss vakt galti ho gaya? Lekin tune pehle bataya kyu nahi? Aur aaj kyu bata rahi hai?

Preeti:- Mai to aaj bhi nahi batati...Ajith ne mana kiya tha...Lekin aaj tujhe badalta dekh batana hi pada.

Sach me bahut badal gayi hai...Itni jald sab kuch bhul jar naya jindagi ki suruwaat kar rahi hai...Ajith bhi yahi chaahta tha tu nayi jindagi ka suruwaat kar.

Mai bhi...Lekin apne faaidaa aur pyar ka majaak bana kar nahi.

Dekh nahi sakti mai kisi ka sacha pyar ka majaak banta hua...Kya keh rahi the niche baaki ke dosto se...Ajith dhokhebaaz hai...Usne dhokha diya hai tujhe? Har tarah se Ajith ka hi galti hai.

Lekin sacchaai ye hai ki Ajith ne pyar ko har tarah se nibhaya hai...Tu nahi jaanti usne kya kurbaani diya hai pyar me.

Tu bhale hi usse samajh nahi paayi...Lekin mai uske baare me kuch sunna nahi chaahti.

Tu khus reh ye Ajith ka dua tha aur mera bhi...Tu meri dost hai aur Ajith bhi...Shaayad dost se bhi upar.

Tera jindagi hansi khushi beetegoi to mujhe bhi accha lagega lekin Ajith ka ye kurabaani mai bekar jaane nahi dungi.

Itna mahaan hai wo ki tu soch bhi nahi sakti...Aur itne mahaan insaan ke baare me tu kuch kahe mujhe bardaast nahi hoga.

Agar aaj mai chup rahi to saccha pyar se duniya ka vishwas utth jaayega...Ek aashiq hai jisne apne pyar ke liye sab kuch kiya aur uski premika hai jo usko hi galat bol rahi hai...Kaisa pyar hai ye? Ek aashiq ki kurbaani ka koi kimat nahi?


Kajal:- Kurbaani? Please bata kya kiya hai Ajith ne aur aisa kyu kiya?

Kajal se abb raha nahi gaya.

Preeti:- Sun paayegi.

Kajal:- Ha...Jaldi bata.

Preeti:- He was AML patient.

Dhruva:- AML?

Kuch der se Preeti aur Kajal ki baatein hairaani se sun raha Dhruva iss baar khaamosh nahi reh paaya...Darte hue usne pucha.

Ye sunte hi Kajal ko bahut bada jhatka laga...Dil toota hua mehsus hua usse fir se...Kuch soch aur samajh nahi paa rahi thi.

Vijay:- Acute Myeloid Leukemia.

Vijay ne bhi dheere se jawaab diya.

Dhruva:- Full form nahi pucha? Matlab bataao.

Dhruva ne gusse me pucha.

Vijay:- Blood Cancer.

Abb sabhi khaamosh ho gaye...Kisi ke paas kuch nahi tha bolne ke liye...Sabhi dar gaye the Ajith ke baare me soch kar...Pata nahi kis haal me hoga abb wo.

Lekin Preeti aaj chup rehna nahi chaahti thi.

Preeti:- Jis insaan ke baare me itna galat soch rakhti hai tu...Wo abb iss duniya me nahi hai...He is dead...Abb please bhagwan ke liye uske baare me aisa mat bol.

Preeti ki iss baat se sabhi ki thodi bahut ummeed bhi khatm ho gaya...Ek pal bhi nahi laga...Sabhi ki aankho se aansu nikalne me...Aaj sabhi ne apna Ajith khoya tha...Wo Ajith jo kisi ka dost tha...Kisi ka pyar aur kisi ka inspiration.

Sabhi ki dil me kabhi na bhulne wali dard aa bas gaya tha...Sabhi ko Ajith ke saath bitaaye pal yaad aaya aur uss pal ko yaad karte hi aur bhi rona aa raha tha.

Kajal bechari se abb raha nahi gaya...Wo behosh ho kar niche gir gayi.

Dhruva aur Vijay ne to kisi tarah khud ko sambhaale rakha tha...Lekin dono ki aankho ki aansu bata raha tha kya beet raha hai dono par...Dosti ki koi kimat nahi hota...Aur aaj dono ne apna sabse anmol dost khoya hai jo unhe abb kabhi nahi milne wala hai.

Jis dost ne dono ke liye itna kuch kiya tha aaj ussi dost ko wo bacha nahi paaye...Iss baat par dono ko khud par bahut gussa aa raha tha.

Richa...Usse to samajh me hi nahi aa raha tha ye sab kya ho raha hai...Wo bhi roi rahi thi...Dhruva se Ajith ke baare me jitna suna tha aur aaj jo pata chala iss vajah se usse bhi rona aa raha tha...Bhagwan se ek hi sawal puch rahi thi...Acche insaan aur sacha pyar ke saath hi aisa kyu hota hai?

Preeti...Ajith iske liye sirf dost nahi dost se bahut upar tha...Apna inspiration aur idol maanti thi...Doctor hi nahi bahut accha doctor ban sakti thi ye apne talent ke dum par...Lekin ek accha doctor aur insaan kaise ban sakte hai Ajith ne sikhaya tha isse.

Jis dost ka sabse bahut respect karti thi aaj wo hi dost isa duniya me nahi hai.

Aur khud ko maaf bhi nahi kar paa rahi thi wo...Ajith ka cancer diagnose to kar liya lekin ilaaj naa kar saki.

Aaj Ajith ki iss duniya se chale jaane ki baat par sabhi ki dil me ek jakhm ban gaya tha...Kabhi na bhul paane wali jakhm.

बहुत ही बेहतरीन महोदय।
बहुत ही दर्द भरा भाग था ये। मुझे अजीत के सभी के साथ व्यवहार से पहले ही अंदेशा हो गया था कि उसे कैंसर है। लेकिन किट टाईप का है ये पता नहीं था। अब कैंसर था तो उसमें कोई कुछ नहीं कर सकता था। काजल ने जब अपनी शादी के समय अजीत को भला बुरा कहा तो प्रीति को बर्दाश्त नहीं हुआ। उसने वो सच्चाई सबके सामने रख दी। जो उसने अपने दिल मे बहुत दिन से दबा कर रखी थी।।
Is samay sabki kya sthiti ho rahi thi iska andaza lagana bahut hi muskil tha. Kisi ne apna sachha dost khoya tha to kisi ne apna pyaar..

 

[Mahi Maurya]

UPDATE 32​

Preeti:- Tumhari aankhein kuch keh rahi hai?

Exam complete hone ke party ke baad Preeti ne Ajith se kaha.

Ajith:- Kya?

Preeti:- Doctor ho...Khud pata kar lo.

Ajith:- Meri aankho me to pyar hai...Sirf pyar.

Ajith ne Kajal ki taraf dekh kar bahut pyar se kaha.

Kajal:- Tum bhi na...Kahi bhi kuch bhi kehte ho?

Ajith:- Kya karu...Hu hi itna romantic...Jaha bhi dekhu aur kabhi bhi dekhu tum par pyar aata hi hai.

Kajal:- Aas paas bhi to dekho...Tum bhi na...Kabhi kabhi hadd karte ho.

Kajal ne sharma kar kaha.

Ajith ne aas paas dekha...Preeti, Vijay aur kuch dost thhe.

Ajith:- Aas paas apne hi to hai...Kyu? Tum log ko koi problem to nahi hai na mere pyar se?

Sabhi ki ek saath jawaab aata hai...No.

Preeti:- Koi problem nahi hai...Bahut acche lagte ho dono ek saath.

Fir Ajith Kajal ko aankh maar deta hai.

Kajal:- You?

Itna keh kar Preeti dhire se Ajith ko maarne lagti hai.

Sabhi dost ye dekh kar hans rahe thhe...Unhe bhi Ajith aur Kajal ka pyar dekh kar bahut maja aa raha tha.

Preeti:- Haath dikhaao?

Itna keh kar Preeti Ajith ki haath khinch leti hai apni taraf.

Ajith:- Tum haath bhi padh sakti ho? Waise padhne ki jarurat nahi hai...Mujhe pata hai mera future bright hai.

Ajith ne hanste hue kaha.

Preeti lekin serious ho kar dekh rahi thi.

Ajith:- Mere aankho ko dekhogi to usme sirf pyar najar aayega aur haath ki rekha ko dekhogi to ujjwal bhavisya (bright future).

Preeti:- Nahi janaab...Mai kuch aur hi dekh rahi thi.

Ajith:- Kya?

Preeti:- Anaemia.

Preeti ki iss baat se Ajith ke saath sabhi chaunk gaye...Ajith bhi apne haath ke nail check karne laga aur mobile me selfie camera on karke aankh ko check karne laga.

Preeti sahi thi.

Preeti:- Janaab pyar me itna bhi mat khoiye ki apna hi khayal rakhna na rakh paaye.

Kajal:- Tum bhi na...Apna to khayal rakho...Bahut laaparwah ho.

Kajal ne naarajgi dikhaate hue kaha.

Preeti:- Tum subah utth kar aayine (mirror) me apna face nahi dekhte? Ye to aasani se pata chal jaana chaahiye tha.

Ajith:- Aayine ki jarurat kise hai jab Kajal jaisi pyari gf mere saath hai...Abb sajne sawarne ki koi jarurat nahi...Mai jaanta hu chaahe jaisa bhi dikhu Kajal mujhe chhod kar jaane wali nahi hai.

Ajith ne hanste hue kaha.

Kajal:- Abhi bhi majaak kar rahe ho?

Ajith:- Sorry dear...Aage se rakhunga apna khayal.

Preeti:- Kal aa jaana...Blood test karna hai.

Ajith:- No way dear Pathologist...Bilkul nahi...Itni chhoti si baat ke liye mai Blood test nahi karunga...Sirf anaemia hi to hai...Diet me iron supplements lunga aur agar jaruri pada to dawaai...Lekin Blood test bilkul bhi nahi.

Ajith ne saaf mana kar diya blood test se.

Preeti:- Blood test karne se accha rahega...Each and every detail pata chalega aur anaemia ki vajah se.

Ajith:- Bilkul nahi...Jaanta hu Pathology me tumse koi jeet nahi sakta...Aur iss liye tum bahut interested bhi ho.

Lekin abhi tumhari saamne patient ke roop me ek doctor hai...Aur usse pata hai "He is suffering from Iron Deficiency Anaemia"...Picchle kuch din se acche se khaa nahi raha tha iss vajah se.

Acche se khaana suru karunga iron supplements ke saath to thik ho jaaunga...And this Anaemia is not a serious one.

Ajith ki mana karne ke baawjud sabhi usse manaate rahe lekin wo bilkul bhi nahi maana...Apne hi jidd me raha ki wo aise hi thik ho jaayega.

Ajith bhi apni jagah galat nahi tha...Dikhne me to ye beemari kuch jaan lewa nahi tha.



Preeti:- Bas yahi tha Blood Cancer ka first symptom.

Ye kehte vakt Preeti ki aankho se bhi aansu aa gaye.

Kajal bechari sab sun rahi thi...Saamne wo ek jinda laash ki tarah baithi thi lekin fir bhi sab jaane ki jidd me thi.

Kajal ke Maa aur Papa bhi uske liye bahut fikar kar rahe thhe...Engagement to cancel ho hi gaya tha...Lekin isse jyada unhe apne beti ki fikar thi...Aur abhi unhe kuch samajh me nahi aa raha tha achanak ye sab kya ho gaya.


Dhruva:- Lekin Vijay ne to kaha tha Anaemia ki vajah se Cancer nahi hota.

Preeti:- Lekin Anaemia Cancer ki vajah se hua tha.

Dhruva ko uska sawaal ka jawaab mil gaya.

Dhruva:- To kya bahut der ho gaya tha Cancer pata lagne me? Aur iss vajah se Ajith sabse bhaag raha tha?

Preeti:- Nahi...2 din baad hi pata laga liya tha maine ye Cancer hai.

Kajal yaad hai tujhe...Jab Ajith tujhe kuch gundo se bachane ke liye unse lada tha...Tujhe bacha kar unn gundo ko bhaga to diya lekin wo bhi jakhmi ho gaya tha.

Jab dressing me liye wo hospital aaya tha to kuch sample maine nikaal liya tha blood ka.

Maine bas aise hi blood cells check kiya to bahut bada jhatka laga...Blood smear se pata chala Cancer hai.

Yakin nahi hua to Bone Marrow aur Cytochemistry test bhi kiya...Lekin same result...He was suffering from Acute Myeloid Leukemia.

Itna keh kar Preeti chup ho gayi...Ek najr Kajal ko dekha...Wo fir se tadap uthi.

Preeti:- Lekin wo initial condition me hi diagnose kar liya tha maine...Aasani se ilaaj ho sakta tha.

Abb isse aage Preeti bhi kuch bol nahi paa rahi thi.

Dhruva bhi himmat haar chuka tha...Andar se to wo bhi ro raha tha lekin baahar se kisi ko mehsus karne nahi diya tha.

Kajal:- Fir usne aisa kyu kiya? ilaaj kyu nahi karwaya aur mujhse bhi kyu chhupaya.

Kajal ne abb apna munh khola...Saath hi ek baar fir se uski aankho se aansu girna chaalu hua.

Preeti:- Pyar.

Uska pyar uaka mahaanta tha ya bewkufi ye mai nahi jaanti...Pehli baar dekha hai maine kisi ne pyar me apni jaan tak gawa diya.

Bahut pyar karta tha Kajal Ajith tujh se...Wo jiya to tere liye aur mara bhi to tere liye.

Kya kahu aise pyar ko...Aur kya kahu tujhe? Tu lucky bhi hai aur unlucky bhi.

Ajith ne tujhse pyar kiya iss vajah se tu bahut lucky hai...Lekin abb wo tere paas kabhi laut kar nahi aa sakta iss vajah se tu unlucky hai.

Pata nahi kaisa aashiq tha Ajith...Kabhi usse mahan kehne ka dil karta hai to kabhi bewkuf.


Kajal:- Aisa kya kami tha meri pyar me?

Preeti:- Kami nahi taaqat tha.

Kajal:- To fir kyu wo mujhe chhod kar chala gaya? Ek baar bataya bhi nahi aur mujhse alag bhi ho gaya.

Kajal se abb bola bhi nahi jaa raha tha...Aaj usse bahut rona aa raha tha...Uski aankhein to ye bayan kar hi rahi thi lekin uska dil kitna ro raha tha ye koi soch bhi nahi sakta tha.

Ajith ko khona usko har pal tadpa tadpa kar maar raha tha...Jab bhi Ajith ko yaad karti andar se tadap utthti...Kaisi bebsi thi uski? Jisse wo itna pyar karti thi aaj ussi ki baare me ye sab sunna pad raha tha.

Aur jab se ye pata chala ki Ajith ki marne ka vajah unka pyar hai to usse abb khud se hi nafrat ho rahi thi.


Aur jab Preeti ne baaki ki sach bataana suru kiya to sabhi ki aankhon se aansu aane laga...Sabhi ko Ajith ke pyar par garv aane ke saath gussa bhi aa raha tha.

Kajal to aur sunn hi nahi saki.

Kya aisa bhi pyar hota hai? Bas yahi sawal aaya tha sabhi ki dimaag par.

बहुत ही बेहतरीन महोदय।।

अजीत को क्या ही कहा जाए। बेवकूफ ही कहना उचित होगा। जब कैंसर का पता शुरुआती दौर में पता चल गया था और उसका इलाज भी संभव था तो उसने इलाज के बजाय सभी से दूरियां क्यों बना ली, ऐसे मौके पर ही तो दोस्ती और प्यार की जरूरत पड़ती है। अगर वो ये बात सबसे शेयर करता तो शायद आज परिस्थितियां कुछ और होती। आखिर ऐसी क्या वजह थी जिसके कारणअजीत ने जिंदा रहने के बजाय मौत को गले लगाया।।

 

[Mahi Maurya]

UPDATE 33​

Ajith:- How is this possible? Ye kaise ho sakta hai.

Ajith ko vishwas nahi ho raha tha...Ek ajeeb sa dar uske man me chhaa gaya tha jo usne pehle kabhi mehsus nahi kiya tha.

Preeti:- Yes this is really shoking...Lekin ye sach bhi hai.

Preeti ki aawaj me bhi fikar tha Ajith ke liye.

Ajith kuch der aise hi sar jhukaaye baitha tha jaise usse kuch samajh me nahi aa raha tha.

Preeti:- Wo to accha hua ki initial stage me hi diagnose ho gaya...Abb tum aur late mat karo...Jaldi se treatment procedure ke liye taiyar ho jaao...Bilkul thik ho jaaoge pehle ki tarah.

Ajith ne haa me sir hilaa diya...Lekin abhi bhi usse kuch samajh me nahi aa raha tha.

Preeti:- Ok...Mai 3 weeks ke liye baahar jaa rahi hu...Jab wapas aaungi to tumhe pehle ki tarah fit and fine dekhna chaahti hu.

Ajith:- Baahar? Kyu?

Preeti:- Kuch kaam hai.

Ajith:- Hmm.

Preeti:- Fikar mat karo...Kabhi kabhi aisa hota hai jo hamaare ummeed se ulta hota hai...Ye to nahi kahungi ki Cancer normal hai but itni jaldi diagnose ho gaya yahi kaafi hai...Treatment start karo...Thik ho jaaoge.

Fir issi tarah Ajith ko samjhaane ke baad Preeti waha se chali gayi.


Mera uss din jaana sahi tha ya galat yahi baat aaj tak soch rahi hu...Shayad galat...Agar mai nahi jaati to shaayad Ajith aaj jinda hota...Lekin kya karu...Uss vakt aisa bilkul bhi mehsus nahi hua ki aisa kuch ho jaayega.

(Kajal ko dekhte hue) Ye wohi din tha jiska agle hi din tumhaare Papa ka accident hua tha.

Jaanti hi hai tu kitna bada accident hua tha...Jindagi aur maut se lad rahe thhe wo...Kuch bhi ho sakta tha...Bhagwan ka shukr hai ki wo bach gaye.

Lekin shayad issi vajah se Ajith ka jindagi bhi khatre me aa gaya tha...Wo iss accident se aur aage kya hoga ye soch kar bahut dar gaya tha.

Aur teri haalat bhi usse dekha nahi jaa raha tha...Tera khayal rakhne me, tujhe himmat dene me aur hospital ke har kaam karne me wo itna busy ho gaya ki khud ke liye vakt bhi nikaal nahi paaya...As a patient party, usne har jimmedaari nibhaya...Dawaai laana, Doctor se case ke baare me pucch taach karna, surgery ka intejar karna aur result jaana...Aur teri aur teri Maa dono ka khayal rakhna.

Bahut kuch kiya usne tere Papa ke liye...Ye to jaanti hi hai na tu bhi.

Aur pure 2 hafta laga teri Papa ko out of danger aane me.

Suru ke 2 hafte wo iss tarah se busy ho gaya ki wo khud ke liye bhi vakt nahi nikal paaya...Yaha tak ki wo ye bhi bhul gaya ki wo Cancer patient hai.

Aur jab yaad aaya aur apna Cancer ka state check kiya to pata chala abb Cancer failna (spread) suru ho chuka tha.

Baaki ki 1 hafta wo ye soch kar darta raha ki wo tujhe kaise bataaye ki usse cancer hai...Abb itna aasan bhi nahi tha...Cancer cure hoga iska 100% guarantee bhi nahi tha...Pehle hi tu ek sadme se guzar rahi thi abb aise me ek aur sadma.

Ajith ne tujhse ye chhupa liya...Kehne ki himmat bhi nahi kar paaya...1 hafta issi tarah sochta raha ki usse aage kya karna chaahiye.

Mai bhi nahi thi waha usse yaad dilaane ke liye...Usse Cancer hai ye baat sirf wo aur mai hi jaante the...Wo bhul gaya tha aur mai nahi thi usse yaad dilaane ke liye.

Aur jab mai waapas aayi tab.

Ajith:- Kaisi ho? Aur kaisa raha ye safar?

Preeti:- Bahut accha...Tum kaise ho?

Ajith:- Mai bhi thik hu.

Lekin mujhe uski aawaj se shak hua.

Preeti:- Ilaaj ho gaya?

Ajith:- Ha.

Lekin jhuth bolna bhi acche se nahi jaanta tha wo.

Fir mere jor dene par usne sab sach bata diya.

Preeti:- Paagal ho kya? Aise to mar jaaoge?

Preeti ne gusse me kaha.

Ajith:- Shaayad yahi mera kismat hai.

Dard bhari aawaj me Ajith ne jawaab diya.

Preeti:- Ye kya bakwas hai? Mai aur kuch nahi jaanti...Chalo kal Cancer hospital...Abb aur late nahi ho sakte.

Ajith:- Pehle hi bahut late ho chuka hai.

Preeti:- Tum jeena chaahte ho ya nahi?

Ajith:- Jeene ki khwahish to bahut hai...Lekin sacchai se bhi waakif hu.

Preeti:- Abhi bhi bachne ki chance hai.

Ajith:- Aur marne ki bhi.

Preeti:- Itna pessimist kaise ho sakte ho tum?

Ajith:- Pessimist nahi hu...Lekin sochta hu agar galti se bhi bach nahi paaya to kya hoga? Kajal ka kya hoga? Kaise reh paayegi wo mere bina aur kaise sun sakti hai mere baare me ye sab kuch?

Abb Ajith ki baat par Preeti ko bahut gussa aa raha tha.

Preeti:- Aur tum hi nahi rahe to Kajal kaise khus rahegi? Usko khus hone ke liye tumhe jinda rehna hoga...Aur aise hi baithe baithe tum bach bhi nahi paaoge?

Ajith:- Wo khus rahegi.

Preeti:- Abb deri mat karo...Chalo.

Preeti ki bhi ummeed badh gaya tha lekin Ajith ki agli baat ne.

Ajith:- Nahi mai kahi nahi jaaunga...Maine ye kaha hai ki Kajal ko khus rakhna meri jimmedaari hai...Aur wo rahegi bhi.

Preeti:- Tumhe marne se dar nahi lagta?

Abb Preeti bhi bebsi me boli...Usse bhi samajh me nahi aa raha tha Ajith ko kaise samjhaaye.

Ajith:- Tumhe meri baato me sirf pessimistic hi najar aa raha tha...Dar...Bahut dar lag raha hai...1 hafte se dar ki vajah se soo bhi nahi paa raha hu...Darta hu mar jaaunga...Aur itna bebas hu ki kuch kar bhi nahi sakta.

Marne ki dar kisse nahi hota...Mujhe bhi ho raha hai...Kya meri baato me tumhe dar nahi dikhta?

Preeti:- To ilaaj ke liye kyu mana kar rahe ho?

Ajith:- Kajal ke liye...Mera apna to koi bharosha nahi hai.

Bach bhi sakta hu aur mar bhi...Abar mar gaya to jaanti ho Kajal par kya gujrega? Pyar karta hu usse...Vaada kiya hai maine khud se, Kajal se aur Kajal ke Papa se...Kabhi usse dukh nahi hone dunga.

To marte vakt kaise usse jindagi bhar ke liye dard de sakta hu?

Preeti:- To kya karoge?

Ajith:- Uske dil me apne liye nafrat bhar dunga...Itna nafrat ki jab bhi wo mujhe yaad kare uska khoon gusse se khaul jaaye...Itna nafrat.

Aur fir kahi jaake chhain se jindagi ki aankhri saans lunga.

Usse pata bhi nahi chalega...Jaanta hu iss tarah se bhi usse dard hi de raha hu...Lekin ye dard uss dard se kam hai...Wo mujhse kuch dino ke liye nafrat karegi fir jindagi me aage badh jaayegi...Yahi mai chaahta hu.

Pyar ki yaadon me jindagi bitaana mushkil hai lekin nafrat ek pal me ye kaam kar dega.


Uss vakt Ajith ki baat sun kar mujhe laga wo tujhse kitna pyar karta hai...Teri khushi ke liye apni jaan ka bhi parwaah nahi kiya...Lekin saath me utna hi bewkuf tha.


Preeti:- Bahut pessimist ho yaar...Abhi bhi kyu nahi samajh rahe Cancer jyada faila nahi hai...Ilaaj ho sakta hai.

Ajith:- Lekin iss stage par jarur pahunch chuka hu ki marne ki chances bhi hai.

Preeti:- Bachne ki bhi chances hai.

Ajith:- 100% ... Agar hai to mai ready hu.


Ajith ki iss baat ka mai koi jawaab nahi de paayi...Fir bhi.

Preeti:- Haa.

Ajith:- Tumhare saamne bhi ek doctor hi hai...Fir puch raha hu...Iss baar ek Pathologist ke haisiyat se jawaab dena...Aur sach bolo.


Iss baar maine apna sir ghuma diya...Kaise jhuth bol deti.


Preeti:- To kya mar jaaoge?

Ajith:- Shayad.

Aur fir mai usse bebsi se dekhti rahi.


Ajith:- Ye blood cancer hai...Tum bhi jaanti ho baaki ki cancer se ulta ye suruwat se hi failne lagta hai.

Tumne bahut kuch kiya mere liye...Itna initial stage me shayad hi koi diagnose kar paata...Lekin aaj jo haal me hu mai iska jimmedaar mai hi hu...Itna late kar diya ki aaj aisa haal hai.


Mai sirf usse sunti hi rahi...Bolti bhi kya? Wo kuch sunne ke liye taiyar bhi nahi tha.


Ajith:- Agar maine ilaaj ke liye haa keh diya to Kajal ko batana padega...Aur agar bin bataye ilaaj karane ke liye chala gaya to jaanti hi ho wo kitni jiddi hai...Kisi bhi tarah pata kar legi aur nahi kar paayi to pata nahi kya hangama kar de.

Mai kaise uske saamne apna ilaaj kara sakta hu...Ek to marne ki chance bhi hai...Aur uske saamne kaise mar sakta hu...Chemotherapy (Anti-Cancer drug) ka dard to jaanti hi ho...Kaise uske saamne dard ke saath ladta rahunga jindagi se.

Wo bhi bardast nahi kar paayegi...Bahut pyar karti hai wo bhi mujhse...Usse bhi khud par nafrat hone lagega ki ek doctor ho kar wo mujhe bacha na saki...Aur uske saamne hi mai tadap tadap kar mar jaaunga...Bolo kaisi haalat hogi uski?

Preeti:- Lekin bach bhi sakte ho...Isse jyada khushi ki kya baat ho sakti hai.

Ajith:- Come in reality...Bahut kam chance hai...Agar therapy successful ho gaya to kya tumhe lagta hai bachne ki chances hai.

Therapy successful hone ke baad bhi bachne ki chance bahut kam hai.

Ye blood cancer hai...Bone marrow me defect hai...Transplant karana padega...Pehle hi Chemotherapy ki vajah se immune system kamjor ho jaayega.

[Immune system:- protective cells in body which fight against foreign and harmful species like bacteria, virus and other microbes.]

Aur upar se bone marrow transplant...Uske liye immune system ko aur bhi kamjor karne wale drugs khaana padega.

Socho immune system kitna weak ho jaayega.

Aur fir tum jaanti hi ho...Tuberculosis, Pneumonia, Diarrhoea, UTI jaise beemari se marne ki chances badh jaayega...Jo bacteria hamaare body me hote hai aur harmful nahi hote wo bhi kab jaan lega pata nahi.

Har cheej me saawdhani rakhna padega...Khaane me, peene me, Saans lene me, Sanitation me...Chhota sa ghaaw (wound) se bhi jaan jaa sakta hai...Bacterial infection ka itna jyada risk hai...Normal condition me kuch nahi hota lekin immunocompromised me ek chhoti si galti bhi...

Fir Ajith chup ho gaya.

Mai usse dekhti hi rahi...Fir usne bolna suru kiya.

Ajith:- Maan lo Cancer se bach gaya...Fir bhi infection se bahut mushkil hai...Abb socho...Itne koshiah ke baawjud bach nahi paaya aur mera aur Kajal ka itna koshish ke baawjud mar gaya to kaisa lagega Kajal ko...Saari jindagi dard aur bojh me bitaana padega...Aur mai usse hamesha khus dekhna chaahta hu.

Mera thik hone ki chances naa ki barabar hai...Agar thoda bhi aisa lagta to jarur karaata...Abb thik na hone wali beemari ki vajah se Kajal ko dukh to nahi de sakta...Maine iss sacchaai ko maan liya hai.

Aur mai bhi tadap tadap kar marna nahi chaahta...Sukoon se mar jaau abb itni hi khwahish hai.


Bahut rona aa raha tha Ajith ko dekh kar...Kitna kuch keh diya tha usne...Aur har baaton me sacchaai bhi tha...Kitna dard tha...Aur uske chehre ka dard ko aaj bhi soch kar dar jaati hu jab usne kaha uska khwahish hi hai abb marna...Sukoon se marna...Bahut bebsi thi uski baaton me.


Preeti:- Nahi...Tumhe ilaaj karana hi padega...Agar nahi karaaoge to mai Kajal ko sach bata dunga.


Mai bhi haarna nahi chaahti thi...Sirf yahi raasta tha Ajith ko thik karne ka...Aur kaise jaane deti...Socha blackmail hi sahi Ajith ko mana lungi.

Ajith:- Maine kaha na....

Preeti:- Mai kuch nahi sunungi...Tumhe ilaaj karana hi padega.

Ajith:- Aakhir aisa kyu kar rahi ho?

Preeti:- Ek dost ke liye aur ek doctor ki haisiyat se.

Ajith:- Ek doctor ki haisiyat se.

Itna keh kar Ajith hansa.

Ajith:- Chalo bataao...Doctor ke liye ethics ke kuch priciple bataao.

Preeti:- Autonomy, ...

Ajith:- Matlab

Preeti:- Patient ki decision ka respect karna.

Ajith:- To kya tum ye kar rahi ho? Agar 4 principle me 1st priciple hi nahi maan rahi ho to kaisa doctor ho tum.

Bahut ghatiya doctor ho tum aur doctor hi ghatiya ho to insaan kaisi ho socho?

Preeti:- Bas.

Gusse me maine kaha.

Ajith:- Maine galat kaha?

Abb mai kuch bol nahi paayi...Aur issi tarah usne mujhe kabhi bolne hi nahi diya...Kabhi mera kasam deta to kabhi teri (Kajal).

Aur aaj tak ek hi baat sabse jyada chubh rahi hai.

Ajith:- Mar jaaunga mai.

Ajith ki ye baat...Jab usne rote hue kaha tha bebsi me...Aur mai bhi kuch nahi kar paayi.


Aur uske baad maine yahi dekha ki Ajith apne acting me lag gaya...Tere dil me apne liye nafrat bharta gaya aur tujhse dur hota chala gaya.

Aur mai badnaseeb dekhti rahi ek sacche pyar ko toot te hue...Vishwas ho gaya pyar jitna bhi saccha kyu na ho kismat ke aage kuch nahi chalta.

Aur fir Ajith ko har pal marte dekhti rahi aur kuch kar bhi nahi paayi...Naa hi usse samjha saki aur naa hi kisi ko bata paayi.


Itna keh kar Preeti chup ho gayi...Sabhi usse dekhne lage...Wo abhi bhi bebas thi...Aur apni iss bebsi par sar jhukaaye baithi thi.

Kajal chup thi...Ajith ke baare me soch rahi thi...Kitna pyar karta tha wo usse...Apna jaan dene se bhi piche nahi hata...Lekin ek baat ka shikayat tha...Kabhi usse apne baare me kuch bataya bhi nahi.

Pyar me khushi ke pal to saath jiya dono ne lekin gham ko Ajith akele jii liya...Kajal se uska ye hak chheen liya.


Kajal ki Papa...Unhe bhi samjah me nahi aa raha tha...Ajith aakhir hai kya? Ek khwahish tha unka bhi...Ajith ko kas kar ek thappad lagaye aur fir gale...Lekin afsos...Ajith aaj nahi tha.

Dhruva...Ajith ki dosti par hameaha garv tha...Lekin yahi shikayat tha ki apna farz pura nahi kar paaya.

Vijay...Jis dost ko khone ki dar se wo Ajith se kuch jaane ki koshish bhi nahi kiya...Uss doat ko aaj usne kho diya tha.

Sabhi ko Ajith ki yaad aa raha tha...Ajith ki chale jaane se sabhi ro rahe the...Sabhi ko ek shikayat tha...Usne apna ilaaj kyu nahi karaya.


Preeti:- Mujhe do type ke log se bahut nafrat hai...Ek bahut bura...Aur dusra bahut sharif...Ajith jaisa...Itna accha hone ki bhi kya jarurat tha...Kaash thoda selfish hota...Apne baare me sochta...Apna ilaaj karata iss baat ka parwah kiye bina ki Kajal ka kya hota.

Fir Preeti ki aankho se bhi aansu beh gaya jise abb tak usne rok rakha tha.


Achanak Vijay ko kuch yaad aaya...Apna bag me se ek copy nikala.

Aur copy ko palat kar dekhne laga...Ek page par jaa kar uska najar jam gaya.

Sabhi Vijay ko hi dekh rahe the.

Vijay:- Ajith ka copy hai...Uska handwriting bahut accha tha...Issi vajah se uski yaad ki roop me ye copy rakh liya tha maine...Usne kuch likha hai...Apne baare me.

Fir sabhi Vijay ke paas aa gaye...Ajith ka likha wo last node padhne.

Padhte padhte sabhi ki aankho me ek baar fir aansu aa gaya.

Title tha. "My life and My last Note".

बहुत ही बेहतरीन महोदय।।

में किसी भी तरह से अजीत के निर्णय से संतुष्ट नहीं हूं। अजीत को अपना इलाज करवाना चाहिए। यहां तो 10 फीसदी भी उम्मीद रहती है तब भी इलाज होता है, अजीत का तो 50 50 चांस था। अजीत ने ये बिल्कुल भी सही नहीं किया। उसे प्रीति की बात मान लेनी चाहिए थी।।
फिर भी कहीं न कहीं अजीत ने बहुत अच्छा किया अपने प्यार के लिए। उसे काजल की कितनी फिक्र थी वो उसका काजल के लिए परवाह में नजर आता है। फिर भी अजीत ने गलत ही किया है।।

 

[Mahi Maurya]

UPDATE 34​

"My life and My last Note"

Waise jyada mai likhta to nahi hu apne baare me...Lekin aaj likhne ka man kar raha hai...Abb likhne ke alawa bacha hi kya hai mere paas...Everything is over now...Abb jindagi ke aakhiri pal me kuch likhna chaahta hu.

Apne baare me...Aaj fir se apni jindagi ki kuch yaadein taaja karna chaahta hu...Kuch acche pal aur kuch bure...Abb to inn yaadon ke sahare hi baaki ki jindagi kaat sakta hu.

Acche pal to Dhruva aur Kajal ke saath se hi shuru hua tha...Dono mere life me kya maayne rakhte hai ye shabd me bayaan nahi kar sakta.

Mai aaj jo bhi hu dono ki vajah se hi...Dono ki pyar aur dosti ki vajah se...Mera himmat hai dono, hausla hai dono...Jab bhi kamjor padta aur haara hua mehsus karta dono se baatein kar leta...Dil aise hi halka ho jaata.

Bachpan acche se beeta vajah hai Dhruva...Uska dosti, uska masti majaak, mujhe hasaana, mujhe himmat dena aur ye kehna ki "I am the best" Mai agar kuch bhi chaahu to haasil kar sakta hu...Apne mehnat aur talent ki vajah se.

Shaayad sahi bhi tha wo...Aaj bhi jab Dhruva ko yaad karta hu wohi bachpan wala Dhruva yaad aata hai...Wohi paagal, shararati aur masti majaak karne wala...Mera dost Dhruva.

Jab se hosh sambhala tab se wo mere saath tha...Saath hi room me rehte, saath hi ghumne jaate, saath hi khaana khaate, saath hi baat karte...Saath to ham shaayad 22 saal tak rahe...Jab mai 3rd year Clinical Science me thha...Rok bhi nahi sakta tha...Job jo mil gaya tha usse...Kaun dost nahi chaahega apne dost ko safalta haasil karte hue.

Mehnati aur talent to wo bhi tha...Lekin jyada serious nahi rehta tha...Kabhi kabhi uska fikar bhi hota...Mujhse dur jaane ke baad kya karega, kaise life me settle hoga...Sabse bada sawal...Kya wo kar paayega?

Lekin mai galat tha...Aur mujhse khushi hai...2 din pehle mila tha...Tabhi pata chala jarurat padne par wo serious bhi ho sakta hai...Haalaath ke hisaab se jee sakta hai.

Maine khud se kasam khaya tha mai apna Cancer sabhi se chhupaaunga...Lekin usne to pata laga hi liya tha...Khair Cancer to nahi bataya, lekin usse inkar bhi nahi kar paaya mai mushibat me nahi hu.


Ek baat kehna chahunga...Mai baaton me tujhse haara nahi tha Dhruva...Wo to hamaara dosti tha jisne mujhe haraya tha...Warna tujhse bhi hazaar baat tere hi munh se bulwaya tha...Dosti hi hai wo jiske saamne ham jhuk jaate hai.

Accha laga tujhe mere liye fikar karta dekh...Jaanta hu tu mere liye kuch bhi karne ke liye taiyar hai...Uss din bhi saaf dikha tha...Lekin kya karu mushibat hi aisa hai jisse na tu jeet sakta hai aur na mai.

Ek aur baat...Socha nahi tha tujhe kabhi saccha pyar hoga ...Mai to tere gf ke list count kar raha tha.

Lekin meri ginti bahut kam reh gayi...Sirf 6...Chal koi baat nahi...Tujhe tera pyar to mila...Bahut khus hu...Aur aage bhi rahunga.

Kabhi bhula nahi paaunga dost tujhe.


Kajal...Kya kahu tumhaare baare me...You are my everything...My love...My friend...My future...My life...Even myself.

Jab se tum meri jindagi me aayi meri jindagi hi badal gayi...Meri jindagi me ek alag tarah ki khushiyan aa gaya.

Mai muskuraane laga tumhari yaadon me...Hasne laga tumhaari meethi baato me...Pyar karne laga tum se.

Ek naya ehsas tha ye pyar...Tum se milne ke baad hi jaana pyar hota kya hai...Tumhare baare me sochna, tumhari fikar karna, tumse baatein karna, tumhaara saath dena, tumhe hamesha khus rehna, tumse apni dil ki baat karna...Sach me bahut accha lagta tha.

Kabhi socha nahi tha tum bhi mujhse pyar karogi...Thanks for loving me...Tum nahi jaanti kitna khusnaseeb hu mai jo tum mujhe mili.

Fir hamaara pyar, romance, mastiyan aur future ke baare me sochna...Subah bhi issi se hota aur raat bhi.

Mai nahi jaanta mai tumhe kitna pyar de paaya...Khwahish to tha jindagi bhar pyar dene ka...Saath jeene ka.

Lekin tumse koi shikaayat nahi hai pyar me...Tumhaari pyar me koi kami nahi tha...Hamesha tumne mujhse pyar kiya...Ye bhi nahi socha mai kaun hu aur background kya hai...Unconditional love liya tha tumne.

Aur mai...Mai majbur ho gaya ussi saccha prem ki apman karne me...Bahut gira hua mehsus karta hu.

Bahut bura lag raha hai iss tarah se tumhe chhod kar jaane me, dhokha dene me aur tumhara dil dukha kar jaane me.

Lekin ek ummeed hai...Isse aage tum hamesha khus raho...Bhagwaan tumhe har khushiyan de.

Please hate me and move ahead with your life.


Dhruva aur Kajal...Tum dono ki hamesha mujhse ye shikayat raha hai...Dosti aur Pyar me taklif sirf mai sehta hu...Sab kuch thik kar deta hu...Lekin tum dono ko kabhi mauka nahi deta...Sach bhi hai...Kabhi mauka diya hi nahi...Lekin pehle kabhi aisi taklif tha hi nahi...Tum dono ke hote kaisi taklif.

Lekin aaj taklif me hu...Bahut badi taklif me hu...Chaahta to bahut hu cheekh cheekh kar bataau tumhe apna haal...Lekin kya tum dono sun paaoge? Issi vajh se bata nahi paa raha hu...Jindagi ne ek mauka diya tha fir bhi bata nahi paaya.

Shaayad yahi accha hai...Jo jaise chal raha hai waisa hi chalna chaahiye.


Vijay...My room mate...Dhruva ke jaane ke baad...Mera ek aur saccha dost...Dhruva aur Kajal jitna vakt to nahi bitaya fir bhi jitna bitaya acche se bitaaya...Pata hi nahi chala kitne jaldi dost ban gaye.

Ladka hai bahut mehnati...Hamesha kuch na kuch sikhna chaahta hai...Kuch karna chaahta hai...Preeti se bahut pyar karta hai lekin bataane se darta hai .

Kuch nahi hoga? Bataa de.

Hajaar baar keh chuka hu lekin maanta hi nahi.

Ye baat acche se jaanta hu mujhe bahut accha dost maanta hai...Meri taklif jaana chaahta hai...Lekin fir wohi problem ..Dar...Kahi mujhe dost ke roop me kho na de.

Ha sach hi hai...Kajal aur Dhruva se dur jaa sakta hu to tujhse kyu nahi?

Abb to sabhi se jaa raha hu lekin ek aur khwahish adhuri reh gayi...Tujhe apna dar se jeet ta hua na dekhna.

Vishwas hai ek din tu jarur jeetega.

Teri dosti me bhi bahut si yaadein hai...Unhe apne saath le kar jaaunga...Tujhe bhi kabhi bhula nahi paaunga dost.


Preeti...Sach kahu to kabhi socha nahi tha tumse dosti hoga...Pehle hamesha ladaai hota tha...Chaahta tha tumhe ignore karu...Lekin fir bhi ladaai hota tha.

Mai hamesha tumhaara majaak udaata ki tum Pathology me weak ho.

Lekin hua kya...1 saal me hi tum pathology me sabse brilliant student ban gayi...Mai bahut khus hu...Lekin iss baat par khus hou ya nahi ki tumne mera Cancer diagnose kiya?

Ladaai, jhagde pata nahi kab dosti me badal gaya...Lekin jab se dosti bani ho...Mushibat fir bhi kam nahi...Hamesha mujhe aur Kajal ko disturb karne aa jaati.

Koi baat nahi...Dosti me ye sab chalta rehta hai.

Aur hamaari dosti ki gehraai mujhe tab pata chala jab mujhe Cancer hua tha...Kitni fikar tha tumhe mere liye? Har pal aur har vakt mujhe motivate karti rehti thi ki mai thik ho jaaunga...Ek koshish to karu...Lekin sacchaai kuch aur hi laga mujhe.

Cancer bhi tumne bahut jald diagnose kar diya tha...Isse jyada kya kar sakti thi tum...Lekin mai hi nalaayak tha jo aise mauka gawa diya.

Sach me tumhe bahut miss karunga...Aaj bhi ek khwashish hai tumse ladne ka, jhagadne ka jo shaayad abb pura nahi hoga.


Kajal's Dad...Kya kahunga unke baare me...Mahan insaan...Yahi sochta hu unke baare me...Jab mere paas kuch nahi tha tab bhi mujhe apnaya aur mujh par vishwas dikhaya.

Aur ek mai hu...Unka pyar aur vishwas ka iss tarah se jawaab de raha hu.

Kajal's Mom...Jab bhi unhe dekhta hu khud se nafrat hone lagti hai...Wo bolti to kuch nahi hai...Lekin apni beti ke liye unki aankho me aansu to dekha hai jo ek dhokhebaaz ki vajah se hai.

Kaise mai ek Maa ko iss tarah se rulaa sakta hu?


Sabhi ko iss tarah se dukh de kar jaana to mujhe bhi accha nahi lag raha...Gussa, nafrat aur aatmaglaani mehsus ho raha hai...Lekin kya karu? Iske alawa kuch kar bhi to nahi sakta.



Aur mai khud...Khud par hi hansi aata hai...Kaise itna laaparwaah ho sakta hu? Aur bebsi bhi...Khud doctor hokar bhi apna beemari ka ilaaj nahi kar paa raha hu.

Kya faaidaa 6 saal se itna padh kar...Jab ye apne hi kaam na aaye.

Kya mujhe scientist banna chaahiye tha? Jo naya dawaai invent karke khud ko bacha leta...Shaayad waha bhi ussi tarah ki taklif aata...To fir kya bhagwaan? Nahi...Kuch jyada hi soch raha hu.


Bahut dar lag raha hai marne se...Aur meri kismat...Saamne maut ko dekh raha hu aur ussi ka intejaar kar raha hu...Kitna badnaseeb hu mai.

Hamesha sochta hu...Abhi bhi mai yaha kyu hu...Sabhi se duriyan to bana liya...Aur sabhi ka saamna roj kar bhi nahi paa raha hu...Lekin abhi bhi yaha hu.

Shaayad apna internship complete hone ka intejaar kar raha hu...Aur doctor ban jaane ki...Ye bhi to meri khwahish hai...Ek hi khwahish jo pura ho sakta hai.

Preeti kehti hai mai dar gaya hu aur lad nahi paa raha hu Cancer se...Shaayad wo sach bhi hai.

Lekin ladu to bhi kaise jaha aage sirf maut hi maut najar aa raha hai.

Ha darta hu...Marne se...Lekin kuch kar bhi nahi sakta.

Abhi tak ilaaj nahi karwaya...Kya ye sahi tha? Pata nahi...Abb to aur bhi der ho gaya hai.

Ilaaj na karwaane ki do vajah tha...Thik hone ke chances bahut kam tha...Thik hone ke baad bhi marne ki chances tha...Anti Cancer drug se hone wali dard ko bhi sehne ki himmat nahi tha.

Abb marna hi hai to sukoon se marna chaahta hu...Naa hi dard se tadap tadap kar.

Aur Kajal ke saath saath apne dosto ko bhi iss baat ka ehsas hone nahi dena chaahta tha.Lya beetega unn par...Kajal ko jaanta hu...Wo paagal hai...Dard sehti rahegi lekin kabhi aage nahi badhegi.


Kabhi kabhi to lagta hai Bhagwaan ko dosh du meri aisi kismat par...Lekin koi hak nahi...Shayad Preeti ki hi roop me ek mauka to mila tha...Jiska mai sahi tarah se istemaal nahi kar paaya.

Abb bhagwaan se yahi dua hai...Sabhi ko khush rakhna mere jaane ke baad.

Nahi apne baare me abb kuch nahi mangunga aur maangne ki hak bhi nahi hai.



Jindagi ne bahut kuch sikhaya aur dikhaya...Kai khwahish bhi thhe jindagi me.

Sirf ek pura hua...Baaki sab adhuri reh gayi.

Dhruva meri taklif kam kare.

Kajal ke saath duniya bhar ghumna, Saath jeena, Har wo khushiyan dena jo wo chaahti hai...Aur wo saari kasam aur vaada pura karna jo hamne pyar me ek dusre ke saath khaaya tha...Ek pyari si beti ho hamaari...Bahut cute...Bilkul Kajal ki tarah...Jisse mai apni ungliyo se chalna sikhaau, apni pari ki tarh parwarish karu...Aur din raat uski pyari si baaton ko sunta rahu.

Vijay...Kaash teri aur Preeti ki love story apni aankho se dekh paata.

Preeti:- Tum se aur bhi ladna chaahta hu.

Kajal ki Parents...Kaash unki ummeedo par khada utar paata.

Aise hi bahut si khwahishein thi...Lekin sab ke sab adhure reh jaayenge...Mere marne se.

Abb to sirf ek hi khwahish hai...Sab khush rahe hameaha hamesha ke liye.


Abb wo din bhi aa raha hai jab mai Kajal se dur chala jaaunga...Hamesha hamesha ke liye...Kal.

Kal...Internship complete hone wali hai...Abb aur raha nahi jaayega mujhse yaha...Kal hi jaa raha hu yaha se...Ek anjaan jagah, anjaan soch aur kismat ke saath...Jaha apna baaki ki jindagi bita saku...Ek dua ke saath...Sabhi ki jindagi me khushiyan aaye.



Note padhne ke baad sabhi chup rahe...Koi kuch bol nahi paa raha tha...Bolte bhi kya? Sabko jawaab mil gaya tha...Iss chhote se note me.

Dhruva:- Kya Ajith ki bachne ki abb koi chance nahi?

Dhruva ko abhi bhi ummeed tha.

Preeti:- Nahi...Pehle hi bahut der ho chuka hai...Aur iske baawjud Ajith ilaaj karaana nahi chaahta tha...Himmat haar chuka tha wo...Dekha tha maine usse...Koi khwahish hi nahi tha uske thik hone se.

Preeti ki iss baat se fir kisi ne kuch nahi kaha.

Lekin Kajal apne hi soch me gumm thi...Abhi bhi usse vishwas tha.

Kajal:- "Nahi mere Ajith ko kuch nahi ho sakta...Wo jinda hai aur bilkul thik hai...Jald hi mere paas aayega wo."

Na jaane ye pyar tha, vishwas tha ya fir paagalpan...Lekin jo bhi tha ye uska pyar tha...Jo apne pyar ko abhi bhi khona nahi chahti thi.

Uska iss ummeed ka faisla bhi jald hi hone wala tha...Ya to vishwas ke roop me ya fir paagalpan.

बहुत ही बेहतरीन।

बहुत ही मार्मिक और दुःख भरा भाग था
जिसका वर्णन हम नहीं कर पाएंगे बस इतना ही कहेंगे।
आपकी लेखनी को सलाम।।

 

[Mahi Maurya]

UPDATE 35

After a month​

Sabhi ki jindagi dheere dheere normal hone laga tha.

Ajith ko sabhi miss kar rahe thhe...Lekin dheere dheere sabhi aage bhi badh rahe thhe.

Aur ye sahi bhi tha...Kab tak Ajith ke yaad me sabhi issi tarah baithe rehte...Kabhi na kabhi to aage badhna to tha hi...Aakhir ek insaan ke chale jaane se duniya rukti to nahi.

Lekin Ajith sabhi ki dil me ek alag hi jagah bana kar gaya tha...Jab bhi Ajith ke yaad aata dil me Ajith ke liye respect aa jaata...Sabhi ko Ajith par garv tha.

Kajal ko apne phar par...Kajal ki Papa aur Maa ko apne beta par...Dhruva, Vijay aur Preeti ko apne dost par.

Lekin Kajal apne alag hi duniya me thi...Naa hi wo aage badh paa rahi thi...Aur naa hi uski yaadon me hi simit reh paa rahi thi.

Ghar waalon ko to dikhaati thi ki wo abb aage badh gayi hai...Lekin gharwaale bhi uski haal se anjaan nahi the...Sab kuch jaante hue bhi thoda vakt de rahe thhe...Dil ka jakhm bharne me vakt to lagta hi hai.

Apni tanhaiyon se ladne ke liye usne ek hospital me kaam karna to suru kar diya...Lekin raat me kaise lad paati...Jab raat ki tanhaiya usse gher leti baar baar Ajith ka chehra saamne aa jaata.

Baar baar Ajith ke saath bitaaye hue haseen pal yaad aa jaata, saath jeene marne ki kasam yaad aa jaata...Ajith ka pyar yaad aa jaata...Ajith ka usse dur jaana yaad aa jaata...Aur aakhir me Ajith ka wo note.

Kitna bebas ho gayi thi wo...Dil to kar raha tha jab bhi Ajith dikhe usse kas kar gale laga le...Baaho me bhar le aur kabhi alag hone hi na de...Lekin afsos...Ajith agar kabhi dikhta to bhi khwaab me.

Rone ke liye abb aansu sukh gaye thhe...Aankhein nam to abb nahi tha lekin suni aankhein bahut kuch bol rahi thi...Aaj bhi uss suni aankho me Ajith ka intejaar tha.

Kajal ka pyar tha ki kam hone ka naam hi nahi le raha tha...Wo to vakt ke saath badhta hi jaa raha tha.

Kajal ki haalat dekh Preeti kabhi kabhi sochti...Kya usne sahi kiya Ajith ke baare me bata kar?

Kajal ka badhta paagal pan dekh usse kabhi kabhi afsos to hota lekin saath hi usse ye bhi lagta ki bata kar sahi hi kiya.

Ek sach se bahut galatfehmi dur ho gaya tha...Ajith ki charitra par laga hua daag saaf ho gaya...Usse ummeed tha ki Kajal kuch din baad sambhal jaayegi.


Ek din aise hi

Didi didi mujhe bhi 1 chocolate do na.

Kajal ne uss bacche ki taraf dekha...Bahut maasum tha...Usse dekhte hi Kajal ke hontho me muskaan aa gaya.

Kajal ne uss bacche ko 2 chocolate diya...Baaki bacche bhi jidd karne lage...Sabhi ko chocolates baantne ke baad Kajal kuch der unn bacchon ke saath khelti rahi.

Fir shaam me.

Didi abb aap wapas kab aayengi?

Bacchon ne maasumiyat ke saath pucha.

Kajal:- Jald hi.

Bacche khus ho gaye...Kajal bhi.

Fir wo wapas jaane lagi...Bahar manager ne Kajal se kaha.

Manager:- Aati rehna beti.

Kajal:- Jarur Uncle...Aap to jaante hi hai mujhe yaha bahut hi lagaaw hai.

Manager:- Jaanta hu.

Manager ne bhi dheere se kaha...Wo bhi jaante thhe abb Ajith iss duniya me nahi hai...Ajith ka jaane ka baat unke liye bhi kisi sadma se kam nahi tha.

Jis Ajith ko apna hi orphanage me bada hota dekha, uski parwarish me kuch extra hi care kiya...Jis Ajith ko apni jindagi me safalta haasil karta dekha...Jisko unhone itna accha sanskar diya aur apna bera jaisa maana uss Ajith ki naa rehne ki baat sun kar unhe kaisa lagta?

Kajal:- Chalti hu uncle...Fir aaungi.

Manager:- Jarur beti...Ek Ajith tha...Abb Dhruva aur tum hi ho jo yaha aa jaati ho...Warna abb yaha mud kar koi dekhta bhi nahi.

Kajal:- Baaki ka to pata nahi...Lekin mai jarur aati rahungi uncle...Ajith ka yaad basa hai yaha.

Itna keh kar Kajal waha se nikal gayi.

Agar kabhi Ajith ki bahut jyada yaad aaye to wo yaha aa jaati...Ek alag hi sukoon milta usse yaha bacchon se khelte hue.

Ajith ka bachpan ko yaad karte hue aur inn baccho ko dekh kar usne faisla kiya ki apni salary ki 50% wo yaha donate karegi.

Paisa ki kami to usse thaa hi nahi...Aur aisa karne se usse ek sukoon mil raha tha...Saath hi Ajith ki yaad me kuch punya bhi mil raha tha.


Kajal:- Hello.

Preeti:- Kya kar rahi thi tu? Aur phone kyu nahi uthaya?

Kajal:- So rahi thi.

Preeti:- 9:30 pm hi hua hai aur teri baato se lagta to nahi hai ki tu so rahi thi.

Kajal:- To kya kar rahi thi mai?

Irritate ho kar Kajal ne pucha.

Preeti:- Tu acche se jaanti hai.

Kajal chup hi rahi.

Preeti:- 1 months ho gaya hai.

Kajal:- Itna aasan hai kya bhulna...Aur bhulu bhi kyu?

Kajal ki aankho me fir se aansu aa gaye.

Preeti:- Accha accha sorry...Lekin apna bhi khayal rakha kar...Khush reh yaar...Ajith bhi to yahi chaahta tha.

Kajal:- Mujhe Ajith ki yaad me hi khushi milti hai.

Abb Preeti ke paas koi jawaab nahi tha.

Preeti:- Accha sunn...Ek baat batani thi.

Kajal:- Kya?

Preeti:- Hamaare batch ki students ko offer mila hai college ki taraf se...Ek gaanw jaane ka...Waha Health Promotion ke liye kuch program chal raha hai...Kuch presentation hai sanitation aur health factors ke baare me...Health Camps bhi hai.

Alag alag jagah se doctors aur medical field ke experts aa rahe hai...Accha mauka hai.

Kajal:- To?

Kajal ne saaf inkaar kar diya...Batch ka naam sunte hi Kajal ne saaf mana kar diya...Agar wo waha jaayegi to fir se Ajith ko miss karegi.

Batch me sabhi dost honge...Ajith ke alawa...Aur wo hi nahi hoga to kya faaida waha jaane ka.

Ye uske liye bhara hua jakhm ko fir se taaja karna jaisa hoga...Ajith ki kami usse waha fir se uski dil tod degi...Kaise sambhalegi wo fir khud ko?

Yahi baatein soch kar usne soch liya wo nahi jaayegi.

Preeti:- Mai jaanti hu tu kyu nahi jaana chaahti...Lekin tujhe chalna padega.

Fir dono ke bich bahut bahas hua...Aur aakhir me Kajal ko hi haar maana pada.


Kajal ki munh se haan bulwaane ke baad Preeti bahut khus thi...Usse yakin tha ki abb baahar kahi ghumne se Kajal ka mood fresh bhi ho jaayega aur wo pehle se kaafi hadd tak sambhal jaayegi.


Kajal ne haa to keh diya...Lekin jaane ke baad ek bechaini pure sharir me mehsus ho raha tha usse.

Fir se Ajith ki yaad aane laga...Ajith ki yaad iss baar usse bahut bechain kar raha tha...Vajah kya tha ye usse bhi pata nahi tha...Lekin fir se Ajith ko dekhne ki chaahat aur bhi badh gaya tha...Kabhi usse ye apna paagalpan lagta to kabhi pyar.

Gaanw ki baare me sochte hi kabhi usse ek anjaana sa dar lagta to kabhi bechaini...Shayad kismat abhi bhi uske saath ek aur khel khelne wala tha.

बहुत ही बेहतरीन।।
गम से निकलने का सबसे अच्छा तरीका है कहीं घूम कर अपने दिल को बहलाया जाए हो सकता है इससे आपका गम कुछ ही समय के लिए ही सही हल्का हो सकता है।। प्रीति को भी ये अछि तरह से पता था इसलिए उसने काजल को साथ मे चलने के लिए मना लिया। देखते है शायद वहां उसे अजीत मिल जाए। क्योंकि मुझे लगता है कि वो ज़िंदा है।।

 

[Mahi Maurya]

UPDATE 36​

Ek bahut bada hall tha...Aage stage bana hua tha aur ek mike bhi tha speech ke liye.

Pichhe baithne ke liye seats tha...Karib 150-200 aaye thhe iss Health Awareness program me.

Kajal bhi aayi thi Preeti ke saath...Preeti ke force karne par Kajal bhi first row me hi baith gayi.

Fir suru hua program...Organizers ne kuch der speech diya aur bataya ki ye kaisa program hai, kyu hai? kab tak hai? Aur iss program me kya kya karenge.

Preeti bahut hi excited lag rahi thi...Saath hi baithi Kajal ke paas koi reaction nahi tha...Naa hi usse iss program me koi excitement tha aur naa hi wo iss program ke khilaaf thi.

Bas aise hi gumsum baithi rahi jaise 1 months se baithi rahi thi.

Kabhi kabhi saamne speech dene wale ki taraf dekh leti aur kuch baatein sun leti...Fir apne hi duniya me kho jaati.

Organizers ke speech ke baad kuch special guests ka bhi speech suru hua.

Jab first guest ka speech aaya tab Kajal ko aawaj kuch jaana pehchaana laga...Bechaini se usne saamne dekha...Saamne dekhte hi iss baar uske hosh udd gaye.

Ek dubla patla insaan...Chehre par face mask (Surgeon type)...Jaana pehchaana sa boli...Wohi jaana pehchaana si aankhein...Sir me chhote chhote baal...Murjhaya sa chehra.

Lekin uski aawaj me utsaah tha iss program ki vajah se...Har taraf dekhte hue full confidence ke saath speech de raha tha.

Kajal ko vishwas hi nahi ho raha tha.

Aankh band karte hi uski munh se itna hi nikla.

Kajal:- Ajith.

Ek baar fir wo roo padi...Hontho me muskaan...Aur khushi se jhum rahi thi.

Aankhein kholi to fir niraasha.

Saamne wohi shakhs tha...Boli me iss baar low confidence...Haath pair kaamp rahe thhe...Uska najar bhi bahut barla hua tha.

Kajal:- Nahi ye mera Ajith nahi ho sakta...Itna low confidence nahi hai mera Ajith...Dekhne ka najar bhi bahut alag hai.

Paas hi baithi Preeti Kajal ko hi dekh rahi thi.

Ek baar fir Kajal ki ummeed haarta hua najar aaya...Usne fir se apni aankhein band kar li.

Abb usne aankh khol kar dekha to wo shakhs hi badal gaya tha...Koi aur hi tha waha aur speech de raha tha.

Abb Kajal se raha nahi gaya...Ek baar fir usne khwaab dekha tha.

Laakh koshish ke baawjud aankho me aansu aa gaye...Ek baar fir usne Ajith ko kho diya tha.

Kajal:- (In her mind) Fir se kho diya tumhe...Pichhle 1 mahine se na jaane kitni baar tumhe khwaab me dekh chuki hu...Har jagah tumhe dekhti hu aur har insaan me tumhe dekhti hu...Aur har baar tumhe kho deti hu.

Kyu itna pyar karte ho mujhse ki har baar mere khwaab me aa jaate ho...Bahut pyar karte ho na? Please aa jaao wapas...Mere liye...Tumhare bina jee nahi paaungi.

Kabhi kabhi to lagta hai sab kuch chhod kar mai tumhaare paas hi aa jaau.


Kajal ki aankho se aansu ki jharna behne lage...1 mahina se jyada ho gaya tha...Lekin pyar har ek din ke saath badhta hi jaa raha tha...Intejaar bhi har din ke saath badhta jaa raha tha siddat se.

Wo jaanti thi ki wo Ajith se bahut pyar karti hai...Lekin pyar ki gehraai abhi usse pata chal raha tha.

Abhi uska chehra me itna dard tha ki patthar bhi pighal jaaye...Shaayad bhagwan bhi sochne par majbur ho jaate kya Ajith ko uthaa kar unhone sahi kiya?

Ye program ke bich kuch der ke liye break hua.

Preeti:- Kya hua? Kyu roo rahi thi?

Kajal:- Fir wo dikhaayi diya yaar.

Kajal ki aawaj me iss baar bhi bahut dard tha...Preeti bhi usko dekhti hi rahi.

Kajal:- Mai jaa rahi hu.

Kajal ne achanak se kaha.

Preeti:- Kaha?

Kajal:- Yaha se dur...Thodi der ke liye...Agar kuch der aur rahi to paagal ho jaaungi.

Itna keh kar Kajal jaane lagi.

Preeti:- Ruk to?

Lekin Kajal uski baat sune bina hi chali gayi.

Preeti bas usse dekhti hi rahi.


Kajal waha se nikal kar ek highway me chali aayi...Uska dimaag kaam nahi kar raha tha.

Uske dimaag me abhi bas Ajith hi tha...Ajith ke baare me hi soch rahi thi...Ajith ka maujudgi...Apna beinteha pyar aur paagalpan...Yahi sab baatein.

Wo bechari to Ajith ke pyar me itna paagal thi ki usse pata hi nahi chala wo road ke bich me chal rahi hai...Aur piche se aa rahi fast speed truck ko bhi sunn nahi paayi.

Truck bhi horn par horn bajaa raha tha lekin Kajal apni hi duniya me khoyi hui thi...Jab usse sunaayi diya aur picche mudd kar dekha to truck 15 meter ki duri par tha.

Pyar ka paagalpann hi keh sakte hai Kajal ki chehre me dar ki jagah hontho me muskaan tha.

Shaayad Ajith se milne ki muskaan...Wo bhi ussi duniya me jaane wali thi jaha uska Ajith tha...Apne Ajith se milne wali thi wo...Jaha Ajith ke saath baaki ki pal wo gujaarne wali thi.

Shaayad yahi muskaan tha wo...Usne apni baahein failaa kar maut ko gale lagaane ka faisla kar liya?

Dimaag me yahi baat chal raha tha.

Kajal:- (In her mind) Tum mere paas nahi aaye...Koi baat nahi...Mai tumhaare paas aa rahi hu.

Ek aur duniya hai...Jaha ham milenge...Saath jiyenge aur saath marenge...Aa rahi hu mai.


Kaisa pyar thha ye? Pyar ya Paagalpan? Ek pyar ke liye saara duniya se rishta todne jaa rahi thi wo...Kya pyar logo ko itna khudgarz aur andha bana deta hai ki usse apne pyar ke alawa kuch dikhta hi nahi?

बहुत ही बेहतरीन महोदय।

सच्चा प्यार यही होता है कि हमे हर पल हर जगह वही नजर आता है। काजल और अजीत का प्यार भी सच्चा था तभी उसे अजीत हर जगह नजर आ रहा है। काजल अपनी जिंदगी से अजीत के जाने के बाद कोई मोह ही नहीं है तभी तो उसने सामने से आती ट्रक के सामने से हटने के बजाय अपनी इह लीला समाप्त करने का फैसला कर लिया। देखते हैं आगे क्या होता है।।

 

[Mahi Maurya]

UPDATE 37​

Truck to apne hi speed se aage badh raha tha...Lekin Kajal ka kismat itna bhi bura nahi tha ki iss tarah wo Ajith se mile.

Ek shakhs ne hawaa ki raftar se aa kar usse wapas picche ki taraf khinch liya.

Dono road ki side me aa kar gir gaye...Ladka niche gira hua tha aur Kajal uske upar...Kajal ko bahut gussa aa raha tha...Har baar kismat uske khilaaf hi saajish kar raha tha...Pehle Ajith ko chheen liya aur abb iss tarah se bacha liya.

Kajal uss ladka se alag ho gayi aur gusse se usse dekhne lagi.

Uss ladka ka chehra dekhte hi ek tej jhatka laga Kajal ko...Face mask utaar kar dekha.

Pehli najar me hi uski saansein tham si gayi...Dil me ek dard ki lehar utha...Pyar ke.

Usse apne aankho par vishwas hi nahi ho raha tha...Ek dar tha...Kahi ye fir se khwaab to nahi.

Iss baar usne pyar se uske chehre ko chhua...Iss baar wo chehra nahi badla...Chehre ko bade pyar se dekhne lagi...Wo ladka bhi usse pyar bhari nighaawo se dekh raha tha...Uski najar me bhi ek tadap tha...Shaayad wo ladka bhi usse dekhne ke liye bekarar tha.

Abb iss baar Kajal ki aankho se aansuon ki baandh toot pada...Wo beinteha rone lagi.

Aaj usse uska Ajith mil gaya tha...Isse khushi ki baat uske liye kya ho sakti thi...Aisi haalaath me mulaakat hogi usne kabhi socha bhi nahi tha.

Aaj uski khushiyan uski aansuon me dikh raha tha...Ajith ne bhi Kajal ko jee bhar ke rone diya.

Fir pyar se apne ungliyon se Kajal ki aansu ponchne laga...Aaj bhi Kajal Ajith ko utni hi pyari lag rahi thi jaisi pehli najar me laga tha.

Usne bhi kabhi nahi socha tha ki iss janam me fir kabhi Kajal se mulaakat hoga.

Aaj Kajal ko itne dino baad apne saamne dekh kar wo fir khud ko hi bhul gaya tha...Wo kya hai aur yaha kyu hai ye bhi bhul gaya tha...Bas Kajal ko dekhe jaa raha tha...Pyar se...Shayad kal ho naa ho.

Achanak wo utth kar baith gaya...Pocket se teji se antiseptic spray nikaala aur Kajal ki jakhm par spray kar diya.

Kajal ne bhi spray chheen kar Ajith ko laga diya...Jaanti thi wo infection se bachna Ajith ke liye kitna jaruri hai.

Ajith:- Aaahh

Kajal ne fir apni ungli Ajith ki hontho par rakh diya wo bhi badi maasumiyat se...Aaj Ajith Kajal ki iss adaa par fir fidaa ho gaya.

Kuch der dono issi tarah ek dusre ko aankho se apna pyar ka izahaar karte rahe.

Fir Ajith utth gaya.

Kajal ne bhi der na karte hue Ajith ko kas kar gale laga liya...Iss baar wo Ajith ko khud se dur jaane nahi dena chaahti thi.

Ajith bhi pyar me paagal usko apne baaho me bhar liya.

Abb Kajal se raha nahi gaya...Jor jor se rone lagi wo...Bilkul kissi bacche ki tarah...Jiska sabse kimti khelauna kho gaya tha.

Lekin Ajith koi khilauna to tha nahi...Jaan tha wo Kajal ka...Aur usko khone ka dard jo wo 1 mahine se mehsus kar rahi thi aaj uska rona issi baat ka gawaah tha.

Ajith bhi Kajal ki sir ko sehlaa raha tha.

Kajal:- I hate you.

Kajal itna keh kar waapas jaane lagi...Ek do kadam hi aage badhi thi ki.

Ajith:- Fir se mana lunga.

Ajith ne pyar se kaha...Kajal apni jagah par hi ruk gayi.

Ajith:- Shaadi ke baad thoda moti ho gayi ho.

Ajith ne hanste hue kaha.

Kajal waapas Ajith ke paas aa gayi...Uske chaathi par mukkon ki barsaat karne lagi.

Do mukka ke baad.

Ajith:- Pehle se hi bahut kamjor hu.

Kajal ne maarna band kar ke uski chaathi ko sehlaane lagi.

Kajal:- Dard to nahi hua na.

Jawaab me Ajith muskuraane laga...Kajal ki iss adaa par usse bahut pyar aa raha tha.

Ajith:- Uss chugalkhor Preeti ne sab kuch ugal diya na?

Kajal:- Chugalkhor mat bolo...Agar kuch nahi bataati to mujhe kaise pata chalta tumhare baare me.

Ajith:- Sorry.

Ajith ne apne galtiyo ke liye maafi maanga wo bhi bacchon ki tarah.

Kajal:- Ye to cheating hai...Pehle rulaate ho aur fir sorry

Jaante ho tumhaari yaadon me pichle 1 mahine se kitna royi hu.

Fir se Kajal ki aankho me aansu aa gaya.

Ajith:- Mai nahi tha na...Abb aa gaya hu waapas...Kabhi tumhaari aankho me aansu aane nahi dunga.

Ajith ne Kajal ki aansu ponch kar kaha.

Kajal ne dekha aas paas road me chal rahe kuch log unhe hi dekh rahe hai.

Kajal sharmaa kar waha se bhaagne lagi.

Aaj Ajith Kajal ki har adaa par fir se fidaa ho raha tha...Kajal ka aise sharmaa kar bhaagne se uske dil me ek dard de gaya...Pyar ka dard.

Ajith:- Ruko to...Kitna bhaagti ho.

Kajal lekin aaj kuch sunne ki mood me nahi thi...Wo to hawaaon me udd rahi thi...Apne Ajith ko waapas paa kar...Ajith ko sahi salaamat dekh na jaane kitni baar bhagwaan ka shukriya adaa kar chuki thi jinse usne duaa maangi thi.

Ajith bhi dusri aur hadd se jyada khus tha...Pichle 8 mahine me shaayad pehli baar itna khus tha wo...Kajal se fir se khul kar apne pyar ka izahaar kar paayega...Abb naa koi rok tok...Naa hi koi majburi.

Aaj fir se Kajal uski Kajal thi...Fir wohi pyar aur wohi khushiyan...Aur issi khushi ke liye wo maut se bhi lad kar waapas aaya tha.

Aaj Kajal uske saamne thi aur bahut khus thi...Isse khushi ki kya baat ho sakta tha uske liye.

Ye kisi sapna se kam to nahi tha...Lekin kabhi kabhi sapna hakikat bhi ban sakta hai...Agar iss sapna me jaan, vishwas aur ek dusre ki prati chaahat ho wo bhi siddat wali.

Ajith piche se Kajal ko pyar se dekh raha tha...Aaj jaise uska duniya pura ho gaya tha...Sab kuch mil gaya tha.

Dil se usne Dhruva aur bhagwan ko shukriya kiya...Aaj wo jinda tha to Dhruva ki vajah se...Aaj usse Kajal mili thi to apne kismat aur bhagwan ki vajah se.

Aaj dono ek dusre se waapas milne ke baad dono ki khushiyon ka koi thikaana nahi tha...Aasman me jhum rahe the...Naye naye sapne dekhne lage the...Khushiyon se paagal ho jaana chaahte the.

Dono hi jaante the apne mohabbat ki mol...Kitna anmol tha unka ye mohabbat...Aur isse khone ki kimat se bhi anjaan nahi the.

Abb unhe apna iss mohannat ki kadar karna tha...Ek dusre ka saath dena tha, saath rehna tha aur saath jeena tha.

Dono ke dil se ek hi aawaj nikal raha tha ek dusre ke liye.

"Never Let You Go."

Jindagi bhi ek unsuljhi paheli ki tarah hai...Pal bhar me khushi aur pal bhar me dard...Kaha Kajal apne jaan dene jaa rahi thi aur kaha agle hi pal duniya bhar ki khushi mil gaya usse.

Jindagi me khushi bhi milta hai aur dard bhi...Bas agar jarurat hai to intejaar ka.

Mile ho tum humko
Bade naseebon se
Churaya hai maine
Kismat ki lakeeron se

Mile ho tum humko
Bade naseebon se
Churaya hai maine
Kismat ki lakeeron se

Teri mohabbat se saanse mili hai
Sada rehna dil mein kareeb hoke

Mile ho tum humko
Bade naseebon se
Churaya hai maine
Kismat ki lakeeron se

Mile ho tum humko
Bade naseebon se
Churaya hai maine
Kismat ki lakeeron se

Teri chahaton mein kitna tadpe hain
Sawan bhi kitne tujh bin barse hain
Zindagi meri sari jo bhi kami thi
Tere aa jaane se ab nahi rahi

Sada hi rehna tum
Mere kareeb ho ke
Churaya hai maine
Kismat ki lakeeron se

Baahon mein teri ab yaara jannat hai
Maangi khuda se tu wo mannat hai
Teri wafa ka sahara mila hai
Teri hi wajah se ab main zinda hoon

Teri mohabbat se
Zara ameer hoke
Churaya hai maine
Kismat ki lakeero se

Mile ho tum humko
Bade naseebon se
Churaya hai maine
Kismat ki lakeeron se

Teri mohabbat se saanse mili hai
Sada rehna dil mein kareeb hoke​

बढ़िया।

समझ नहीं आया ये भाग।।
अगर अजीत ज़िंदा था तो वो वापस क्यों नही गया। अगर अजीत ध्रुव की वजह आए जिंदा है तो उसे ये तो पता ही होगा कि काजल की शादी नहीं हुई है। तो फिर वो वापस काजल के पास क्यों नहीं गया
अजीत ने ऐसा क्यों किया। अगर ध्रुव ने काजल के बारे में उसे नहीं बताया तो ये ध्रुव की गलती थी, लेकिन मुझे नहीं लगता कि ध्रुव ने उसे नहीं बताया। अगर ध्रुव ने नहीं भी बताया तो भी अजीत अगर काजल से प्यार करता था तो उसे जाना चाहिए था, लेकिन वो गया क्यों नहीं ये समझ से परे है।।

 

[Mahi Maurya]

UPDATE 38​

Waaha se jaane ke baad mai ek alag hi sehar me pahuncha...Aur wahi baaki ki jindagi bitaane ka soch liya...Kyu? Kab tak? Ye sab socha bhi nahi.

Bas aa gaya...Aur sabhi se dur baaki ki jindagi ko khul kar jeene ka soch liya.

Tum sab ke bich naahi khul kar jee paa raha tha...Aur naa hi tum sab ko aise dekh sakta tha.

Aur yaha aane ke baad apne tarah se jeene laga...Jab rone ka man karta khul kar roo leta...Jab hasne ka man karta apne kismat par has leta...Jab tumhaari yaad aata tumhara photo ko seene se laga kar roo leta.

Dhruva ki yaad aata to usse maafi maangne ka man karta ki maine usse uska dosti nibhaane ka hak bhi chheen liya.

Issi tarah akele, pareshaan aur apna maut ka intejaar karte hue mai apni jindagi jee raha tha.

Dheere dheere symptoms bhi dikhne laga tha...Anaemia aur bhi jyada complicated hone laga tha...Kamjori bhi mehsus kar raha tha...Kabhi kabhi sochta Anaemia ka ilaaj kara lu...Lekin kya faaida Cancer ka kuch nahi kar sakta.

Har din ke saath mar raha tha...Aur maut ka hi intejaar kar raha tha...Sacchai ko bhi apna liya tha...Aur har din tadap tadap kar marne se accha maut ek baar me hi aa jaaye...Isse apne naakamyabi aur bebsi ka bhi saamna karna na padta.


Jindagi aur maut jindagi ka sacchai hai...Iss baat ko bhi maan liya tha...Lekin jindagi se aur khud se yahi shikayat tha ki itna bura maut marne jaa raha hu...Koi fightback nahi...Koi himmat nahi...Sirf maut ko hi gale sakta tha.

Isse bura ye lag raha tha ki marte vakt mere saath koi nahi hoga...Akele hi iss duniya se jaana hoga...Koi nahi hoga mere maut par dukhi hone wala.

Aur abb koi khwahish bhi nahi tha mera.

1 week hi gujra tha...Room ka doorbell baja...Baahar ek 50 years ke laghbhag Uncle the.

Ajith:- Ji aap?

Uncle:- Tum Ajith ho na.

Ajith:- Ha...Mai Ajith hu...Lekin aap?

Mai unhe pehchaan nahi paa raha tha...Kabhi dekha bhi nahi tha...Yaad karne ki koshish kar raha tha jab mai internship me tha tab ye koi patient to nahi thhe...Lekin kuch yaad nahi aa raha tha.

Mera jawaab sunne ke baad unka mujhe dekhne ka najariya hi badal gaya...Unki aankho me apnapan tha mere liye.

Uncle:- Tumne mujhe nahi pehchana? Ohh...Pehchaanoge bhi kaise? Kabhi dekha hi nahi.

Wo apni baat par khud hans rahe the...Mai abhi bhi unhe yaad karne ki koshish kar raha tha.

Uncle:- Mai tumhaare pita ka dost hu.

Unki iss baat se mai hairaan reh gaya...Wo pehle insaan thhe jo mere Papa ke baare me baat kar rahe the...Itne dino baad achanak?

Uncle ne mujhe ek photo dikhaya jisme mai tha...Mera bachpann ka photo jo abhi bhi mere paas hai...Usme mere Papa, Maa aur wo Uncle.

Photo dekhte hi mujhe rona aa gaya...Bahut khus tha mai...Maa aur Papa ka chehra dekhne ke liye taras raha tha...Abb wo pura ho gaya tha.

Photo ko apne seene me laga kar bahut roya.

Abb mujhe unn par vishwas ho gaya tha.

Ajith:- Bataaiye na? Mere Maa aur Papa kaun the? Kaise the? Aur kya hua unke saath.

Mujhse raha nahi gaya...Sabhi sawaalo ka jawaab ek saath jaana chaahta tha.

Fir unhone mujhe mere Maa aur Papa ke baare me sab kuch bataya...Mere Papa sehar ke sabse bade businessman the aur Maa ek housewife.

Uncle:- Mujhe maaf kar do beta...Paise ki laalach ne mujhe uss vakt andha kar diya tha...Tumhaare Maa aur Papa ka hatya tumhare chacha ne karaya tha...Paise aur property ke liye.

Mai unke hatya me saamil to nahi tha...Lekin sab kuch jaan kar bhi anjaan bana raha aur unhe kuch pata bhi nahi hone diya iss saajish se Paiso ke liye.

Tumhare Maa aur Papa ka gujar jaane ke baad tumhe orphanage me daal diya gaya...Mai tabse tumhe jaanta hu lekin kabhi tumse milne ki aur tumhe wo baat bataane ki koshish bhi nahi kiya.

Mujhe ye sab sunte hue bahut gussa aa raha tha...Mai apne Parents ke hatyara ke saath se baat kar raha tha fir bhi uska kuch nahi kar paaya tha...Gussa to bahut aa raha tha lekin fir bhi unki baatein aur sunna chaahta tha.

Uncle:- Abb kuch hi mahino me USA me settle hone wala hu...Barsho se mujhe yahi baat sata raha tha ki maine paap kiya hai...Aur iss paap ke saath aur jee nahi sakta...Socha tumhe bata du...Agar tum maaf kar doge to jindagi bhar sukoon se jee paaunga.


Abb mujhse raha nahi gaya...Do punch unke chehre me maara...Firse unhe buri tarah maarne laga...Gussa to itna aa raha tha ki kuch bata nahi sakta...Maine pehli baar apne andar ki jaanwar ko dekha tha.

Lekin maarte maarte ruk gaya...Socha unhone apna galti ka praayaschit kiya hai...Agar wo chaahte to kuch bataate hi nahi.

Fir maine socha mai marne wala hu...Marte vakt kuch accha kar leta hu...Unhe chhod diya...Mera Maa aur Papa ka asli kaatil chacha thhe wo nahi.

Unhone mujhe shukriya aada kiya...Aur jaate vakt bole.

Uncle:- Beta tumhaare Papa bahut bade businessman ke saath bahut acche aadmi thhe...Dil se bahut saaf aur dayalu.

Hamesha wo gareeb ke liye kuch na kuch karte the...Gaanw me sabhi ki mushibat me saath dete...Bacchon ki padhaai ke liye khud paisa dete...Jarurat mand logo ko naukri dete aur bhi bahut kuch.

Unka soch hi tha samaaj se gareebi hatana aur sabhi insaan ko barabari par laana...Jitna ho sake utna logo ki madad karna.


Itna kehne ke baad wo chale gaye lekin chhod gaye bahut saari soch.

Fir se mujh me jeene ki iccha aa gayi...Papa se bahut inspired ho gaya tha mai.

Mai soch raha tha mujhe bhi jarurat mand logo ki madad karna chaahiye...Sabhi ke liye kuch na kuch karna chaahiye...Isse mere Papa ka sapna bhi pura ho jaata aur kisi jarurat mand logo ke liye kuch bhala ho jaata.

Lekin mai kya kar raha tha apne maut ka intejaar...Khud par hi gussa aane laga.

Kajal maine apna ilaaj issi liye nahi karaya tha kyu ki mai tumhaare saamne marna nahi chaahta tha...Aur bahut der ho gaya tha.

Lekin abb to mai tumse dur tha...Aur bhale hi der ho gaya tha ek baar koshish to kar sakta tha...Lad sakta tha...Abb tumse puri tarah alag ho gaya tha to abb kya dar.

Ye jeewan mere saath saath kayi jaruratmand logo ka jibandaan hota...Ek doctor hu mai...Bahut logo ko bacha sakta hu...Lekin jaruri tha pehle khud bachne ki.

Iske alawa mai waapas jinda ho kar apne Chacha se badla bhi lena chaahta tha.

Badla lene ki khayal se mujhe ek alag hi josh aaya...Maut se ladne ka.

Iske saath saath Dhruva aur Vijay ke liye bhi jeena chaahta tha...Dhruva se maafi maangna chaahta tha...Vijay aur Preeti ko ek hote dekhna chaahta tha.

Maa aur Papa ki sapna ko pura hote dekhne ki chahat, Jarurat mand logo ki sewa karne ki chaahat, Chacha se barla lene ki chaahat, apne dosto se waapas milne ki chaahat, tumhe ek baar fir se milne ki chaahat...Mujhe jeene ke liye fir se majbur kar raha tha.

Bhagwaan se maafi maanga aur ek mauka aur maanga...Ek mauka to unhone diya tha jiska faaidaa mai utha nahi paaya tha...Ek mauka aur maanga...Shaayad unhone sunn liya.

Uske baad mai ilaaj ke liye taiyaar ho gaya...1.5 months ho gaya tha Cancer ko...Socha kahi der to nahi hua...Lekin himmat nahi haara...Ladne ka faisla kar liya.

Radiotherapy, Bone marrow transplant aur Chemotherapy sab kuch kiya...Bata nahi sakta kitna dard hota tha...Lekin har roj maansik roop se marne se accha himmat ke saath maru.

Therapy ke saath saath maine ek aur baat par dhyan diya...Mujhe treat kar rahe senior doctor ke saath aisa rishta banaya jaise mai unka family hu...Human emotion...Shaayad issi vajah se u hone aur bhi jyada mujh par dhyan diya...Mujhe kisi bhi tarah bachane ka faisla kiya aur aakhiri vakt tak unhone saath nahi chhoda.

Shaayad kismat hi keh sakte thhe...Therapy kaam kar gaya...Cancer cell puri tarah se destroy ho gaya...Aur Cancer se bach gaya.

Abb mujhe bachna tha to sirf infection se...Khaane pine me dhyan dena tha...Saans lene me dhhan dena tha...Pollution wale environment aur gandgi se dur rehna tha...Kabhi bhi jakhm aane nahi dena tha body me.

Kuch din aise hi mai uss sehar me saawdhaani se rehne laga...Uncle bhi aate jaate rehte thhe.

Ek din baahar park me ghumne nikla...With special protection...Tab mujhe Uncle ki sacchai pata chala...Ek house construction chal raha tha...Uncle majdur thhe...Unke saathi se pucha to unka asliyat pata chala.

Lekin maine unse kuch nahi kaha...Jab bhi wo mere room me aate...Mai unse indirectly unke baare me jaane ki koshish kar raha tha lekin kabhi unhone pata chalne hi nahi diya.

Ek din wo apna mobile chhod kar chale gaye thhe...Mai aise hi mobile check kar raha tha to Dhruva ka number mila...Ye mera dost Dhruva hi tha...Same number.

Luckily ek do call recording bhi sun liya...Sab kuch clear ho gaya.

Tab yaad aaya Dhruva ne mujhse kaha tha ki wo mujhe har haal me bachayega...Bahut confident tha wo...Aur mujhe bacha hi liya usne.

Naa hi wo doctor hai aur naa hi usse mera beemari ke baare me pata tha...Fir bhi usne mujhe bacha liya.

Wo jaanta tha mujhe kaise bachana hai...Jab wo mujhse milne aaya tha tab usse pata chal gaya tha ki mera confidence bahut low hai aur jeene ki khwahish hi nahi hai.

Uss din wo gaya nahi tha wapas...Chhup kar mera piccha kar raha tha...Mere saath saath wo iss sehar tak aa gaya tha...Aur usne hi Uncle ko bheja tha uss fake story ke saath.

Uss kahani se usne mere andar jeene ki khwahish aur confidence ko dobara se jagaya...Aur hua bhi wohi.

Kehte hai na "Where there is will, there is a way"...Iss baar bhi wohi hua...Aakhir mai bach hi gaya.

Bahut dukh hua Maa aur Papa ke baare me sab kuch jaan kar bhi bilkul anjaan reh gaya...Jhuthi kahani tha wo.

Lekin mere Maa aur Papa ka sapna bhi yahi raha hoga ki unka beta bada aur accha insaan bane...Dusro ki madad kare...Aur sukhi jindagi jeeye.

Abb mujhe unka ye sapna pura karna tha...Bhale hi wo abb na rahe unka sapna jarur jinda rehna chaahiye mere roop me.

Unke baare me jaana itna jaruri nahi jitna unka sapna pura karna jaruri hai...Unhone mujhe iss duniya me laaya abb baaki ka kaam mujhe hi karna tha.

Dhruva se maafi maangna tha Vijay ko bhi khush dekhna tha.

Wo to accha hua ki maine Uncle ko apna Cancer hone ki baat nahi bataaya aur naa hi thik hone ka.

Recording me suna tha ki Dhruva abb mera piccha nahi karega...Usse viswas tha apne plan par...Usne apna kaam kar diya tha...Abb parinaam(result) mere haath me tha...Agar itna karne ke baad bhi mujh me jeene ki koi khwahish nahi to mai kisi bhi haal me nahi bach paaunga...Itna to Dhruva bhi jaanta tha.

Fir maine der na karte hue kisi ko kuch bataaye bina yaha gaanw me aa gaya...Iss thikaane se Uncle aur Dhruva dono anjaan hai.

Mai unhe tab tak ke liye nahi bataana chaahta jab tak mai puri tarah se thik nahi ho jaata...Kya faaidaa unhe bataane se agar mai bich me hi mar gaya to...Unka koshish adhuri reh jaati aur mera himmat.

Faisla kiya puri tarah se thik hone ke baad unse milunga aur tumse bhi...Agar tumhaari shaadi nahi hua to maafi maangunga aur sajaa bhi kaatunga...Agar tumhaari shaadi ho gaya to...

Tumhaari jindagi se dur chala jaaunga...Bhale hi meri jindagi aur pyar adhura reh jaaye iss jindagi ko baaki jindagi ke hawaale kar dunga...Mai apne ek jaan ke badle hazaaro jaan bachaunga.

Abhi mai iss gaanw me apna recovery ka intejaar me hi tha...Tumhe yaha dekh kar vishwas hi nahi hua...Tumne mujhe maskke baawjud pehchaan liya...Preeti ne bhi.

Speech ke vakt confidence bahut down ho gaya...Haath pair kaamnpne laga aur mai waha se bhaag kar yaha chala aaya.

Socha tumse dur hi rahunga...Recovery se pehle milna chaahta hi nahi tha.

Lekin kismat ko kuch aur hi manjur tha...Kaise tumhe truck ke niche aane deta...Mera sacchai tumhaari jaan ke saamne kuch bhi nahi hai.




Itna keh kar Ajith ne Kajal ko dekha...Kajal ki aankho me aansu thhe...Ajith ki kahani sun kar Kajal ko bhi rona aa raha tha...Kitna dard aur taklif saha hai usne...Lekin khus bhi bahut thhi ki Ajith jinda hai.

Ajith:- Sach kahu to marne ki dar se mera dimaag kaam karna band kar chuka tha...Ye khayal bhi nahi aaya ki mera jindagi ka kimat itna sasta bhi nahi ki maut ka intejaar karu.

Tumhaari bhalaayi ke liye tumse alag ho gaya tha...Iske baad to apna ilaaj kara sakta tha lekin nahi itna soch bhi nahi paaya marne ki dar se.

Agar Dhruva nahi hota to sach me mar jaata...Wo hi tha jisne mujhe confidence diya jeene ke liye, khwahish diya aur ek naya vajah...Ye bhi bataya ki mera jindagi itna sasta nahi hai.

Aaj mai jinda hu to vajah wo hai.

Aur uske saath saath mere sabhi dost aur tum taakat thhe...Ilaaj ke vakt sochta tha tum logo ke liye hi jeena hai.

Usse dosti nibhaane ka mauka to nahi diya lekin usne mauka khud banaya aur apne baato par sahi bhi nikla...Kaisa doat hai yaar wo?

I am lucky to have him as my friend.

Ajith ne bahut hi garv ke saath kaha.


Abb Dhruva ke liye Kajal ka respect bahut barh gaya tha...Saara gussa aur naarajgi khatm...Vaada kiya tha Dhruva ne Kajal se...Wo uski Ajith usse lauta dega...Aaj wo vaada Dhruva ne pura kar diya tha.


Abb Ajith aur Kajal dono ki nigaah ek dusre par tika tha...Bahut pyar se dekh rahe the dono ek dusre ko...Alag hi sukoon tha itne dino baad milne ki aur apna pyar waapas paane ki.

Kitna kuch saha tha dono ne judaai ke baad...Intejaar ka fal meetha hota hai...Aaj wohi meethi pal dono beeta rahe the ek dusre ki najar me kho kar.

Abb dono ke beech tha to khaamoshi aur dher saara pyar.

Dono ek dusre ko na jaane kitni der tak dekhte rehte agar ek baccha ne dono ko hakikat me na laaya hota to.

Baccha:- Didi aap kya lengi.

Kajal ne idhar udhar dekha...Dono dhaaba me thhe.

Kajal:- Do chaai.

Ajith:- Abhi bhi mai recovery phase me hu...Hygiene aur khane peene me dhyan rakhna padega.

Ajith ne muskura kar kaha.

Kajal:- Do paani...Ubaal kar laana.

Ajith Kajal ki jawaab par muskuraa kar reh gaya.

Baccha chala gaya...Aur fir dono ek dusre me kho gaye...Jitna kehna tha Ajith ne keh diya tha...Kajal abhi itna khus thhi ki kuch bolna hi nahi chaahti thi...Sirf apna pyar ka ehsas kar rahi thi.

बहुत बढ़िया।।

अजीत की कहानी सुनकर ध्रुव पर सचमे गर्व हो रहा है। बहुत ही अच्छी दोस्ती निभाई ध्रुव ने अजीत के साथ।। भगवान ऐसे दोस्त सबको दे।।