mashish
BHARAT
- 8,032
- 25,910
- 218
super se bhi uperChapter 3 - Qaatil
Update 6
Mega Update
Word Count: 5800
Estimated Reading Time: 00:30:00
Waha sari raat Sakshi bass karvate badal badal kar sone ki koshish kar rahi thi, lekin jo kuch use Aksh ke bare me pata chala tha, usne Sakshi ki nind uda di thi. Wo bass yahi soche ja rahi thi ke ab aage kya?
Khair, jo bhi ho Sakshi aise bass hatho par haath dhare to nahi beth sakti thi, isliye ab wo aage ka plan banane me lagg jati he. Thodi si hi sahi lekin kuch der ki nind ke baad Sakshi apne kaam par nikal gayi. Sabse pehle wo ja kar Anant se milti he.
Anant: to ab aage ka kuch socha he Sakshi tumne?
Sakshi: sir, agar me koi bhi galat kadam uthati hu, to baat sidha Aksh par akar ruk jayegi.... Or me pehle hi uski takleefo ki wajah hu, ab koi galat kadam utha kar me use khona nahi chahti......
Sakshi kafi der se Anant ke samne mazbut bani rehne ki koshish kar rahi thi, lekin ab jab baat Aksh ki thi to wo apne jazbat sambhal nahi payi or ro padi.
Anant: Sakshi tum chinta matt karo..... tum khud socho, Agar wo Qaatil Aksh ko itni kadi security cell se bhaga sakta he, to agar use Aksh ko nuksan pahochana hota to wo use bhaga kar kyu le jata? Wo to asani se Aksh ko kabka...... Sakshi ye sab jitna dikh raha he, utna straight forward nahi he.... Bahot se raaz chupe hue he in sabke piche.... Or ye raaz sirf Qaatil ko pakadne par hi humare samne ayenge....
Anant baar baar kisi bhi tarah bass Sakshi ko Aksh ko lekar befikar rehne par majbur kar raha tha, kyu ke wo nahi chahta tha ke Aksh ki fikarmandi se Sakshi Qaatil ko pakadne me kamzor padd jaye. Or iska asar Sakshi par bhi ho raha tha. Ye sari baate sunkar use bhi kahi na kahi ehsas ho gaya ke koi wajah he jiske chalte Qaatil Aksh ko nuksan nahi pahochayega.
Sakshi: thik kaha sir.... Shayad Aksh ka sahi salamat rehna Qaatil ki majburi ho.... Lekin mujhe lagta he ke kuch waqt takk me Qaatil ko ye na lagne du ke me uske piche hu...
Anant: ha... Thik kaha tumne.... Or is Waqt me tum ek pakka plan bana lena...
Sakshi: okay sir....
Sakshi: sir kya me ek sawal puch sakti hu aapse?
Anant: ha zarur....
Sakshi: sir kya aap mujhe CBI me lane ke piche ka maksad bata sakte he?
Uske sidhe sawal par kuch Seconds to Anant bhi chup ho gaya.
Anant: me.... Me kuch samjha nahi....
Sakshi: sir me itna to samajh gayi hu ke aapne mujhe sirf Qaatil ko hi pakadne, ya Aksh ko bekasur sabit karwane ke liye nahi laye ho..... Shayad iske piche koi or badi wajah ho......
Anant: wajah he..... Or wo wajah Abhinav Sir ki Maut se judi he....
Sakshi: Matlab.....
Anant: waqt ane par tum iska Matlab samajh jaogi.....
Uski baat par Sakshi bass chup bethi rehti he.
Sakshi: okay sir.... Me chalti hu.....
Or fir Sakshi uthkar apne cabin me ajati he.
Anant (mann me): tumhe CBI join karwane ka maksad yahi tha ke me apne or Officers ki jaan khatre me nahi daal sakta.... Agar Aksh Abhinav Sir ko maar sakta he, to uske liye me ya or koi Officer to mayne bhi nahi rakhte.....
Waha Sakshi apne cabin me akar kuch kaam karne lagg gayi. Waise to usne soch liya tha ke wo ab kuch waqt takk Qaatil ke khilaf koi bada kadam nahi uthayegi. Lekin is waqt me use Qaatil ko pakadne ka ek mazbut plan banana tha. Or bass Sakshi usi ki tayari me lagg jati he.
Waha Aksh ka bass ek hi kaam tha, pure din bass apni Physical Health par kaam karna, apna nishana sahi karna, or bass battar se battar maut dene ke tarike sochna. Ek ke baad ek din nikal rahe the, Aksh ko ab apna agla daav khelna tha. Jiski tayari Aksh or uske baki sathi karne me lage the. Or wo daav tha Rana ke Drugs Smuggling ke dhande ko nuksan pahochana. Jiske liye abhi kafi waqt tha, lekin shayad yahi sabse bada kaam bhi tha.
Dusri taraf Rana din ba din gusse me pagal hue ja raha tha, usne har taraf se koshish kar li Aksh ke bare me pata lagane ki, lekin Aksh ko dhund pana kisi ke liye bhi asan nahi ho raha tha. Is waqt Rana ne Abdul or Bakshi ko apne kamre me bulaya tha.
Rana: Abdul, tumse ye ummid nahi thi..... Us 2 take ke Aksh ko dhund pana tumhare liye itna mushkil kyu ho raha he?
Wo kafi Sakht lehze me Abdul se puchta he.
Abdul: Boss.... Mene kaha na wo akela he, or kisi Gang ke bare me pata karna, or ek akele admi ke bare me pata karna dono alag he.... Or Aksh sirf akela nahi, balki wo bethikana bhi he.... To....
Rana: to kya Abdul? Wo akar meri maar kar chala jayega tabb pakdoge use?
Wo bahot hi gusse me Abdul ki baat bich me kaat te hue kehta he. Jispar Abdul bass apna sar jhuka kar khada ho gaya.
Rana: khair..... Shaam me hum tino ko zaruri kaam se nikalna he.....
Abdul: Boss.... Wo.... Me nahi apaunga.....
Rana: kyu? Kya hua?
Abdul: wo.... Darasal Ammi Abbu ki kabar par aaj chadar chadani he to or fir.....
Rana: thik he.... Meri taraf se bhi unki aatma ke shanti ki Dua karna.....
Wo Abdul ke kandhe par haath rakhte hue kehta he.
Waha Sakshi ko Qaatil takk pahochne ka ek rasta mil chuka tha, wo bass an is plan ko har taraf se study karne lagg gayi, ke kahi isme koi loop hole na rahe.
Wahi dusri taraf Bakshi or Rana ek gadi me or piche 10 gadiyo ke kafile me kahi ja rahe the.
Bakshi: Boss... Me wo Sakshi ke bare me.....
Rana: nahi..... Wo sab ab Abdul dekh lega.....
Wo Bakshi ko bich me kaat te hue kehta he
Bakshi: lekin Boss mujhe lagta he ke Abdul ye nahi kar payega....
Uski baat sunkar Rana bahot hi gusse bhari nazro se use dekhne lagta he.
Bakshi: m.... Mera Matlab tha ke pehle hi Abdul par Aksh ko pakadne ki zimmedari he, or upar se ye..... Or shayad isi ke chalte wo Aksh ko pakadne me nakam ho raha he.... Agar aap use sirf Aksh ko dhund ne me lagate to shayad Aksh is waqt humare haath hota....
Uski baat kahi na kahi Rana ko bhi sahi lagg rahi thi.
Rana: hmm... Thik kaha, lekin Abdul ki baat sahi he. Us ladki ko agar kuch hota he to.....
Abdul: Boss.... Aap bhi jante ho ke koi bhi insan aaptak ane se pehle humse bhidta he.... Aapko to is baat ki chinta karni hi nahi chahiye ke ye ladki CBI me he ya or......
Ab Rana Bakshi ki baato me agaya.
Rana: to kya karega?
Bakshi: Boss, me wada karta hu kal subah jab aap wapis lautoge, to wo ladki aapke samne hogi.....
Rana: thik he..... Lekin is baar galati ki koi gunjaish nahi honi chahiye....
Bakshi: bilkul nahi Boss, me khud jakar us ladki ko kabze me kar lunga.....
Rana: or Abdul ko bhi bata dena ke tum us ladki ko utha rahe ho.....
Bakshi: Boss mujhe lagta he aaj Abdul ko in sab kaam se dur rakhna chahiye, mera Matlab aaj wo apne Maa Baap.....
Rana: thik kaha..... Lekin kal subah wo ladki mere samne honi chahiye..... Ek baar wo haath agayi, to Aksh apne aap haath lagg jayega.
Bakshi: befikar rahiye boss.....
Or fir wo sab apne manzil ki or bhadte jate he.
Raat ke 8 baje Sakshi apne ghar jane ke liye nikal gayi thi, or kareeb 9 baje wo ghar akar aram karne lagi. Lekin wahi dusri taraf Bakshi firse is taraf ane ke liye nikal gaya, usne apne 3 admiyo se bhi tayar rehne ke liye keh diya tha. Lekin jab wo wapis laut raha tha, to uski nazar samne se ja rahi Abdul ki gadi par padd gayi.
Bakshi (mann me): Abdul..... Lekin wo itne bahari ilake me?
Jabtak Bakshi kuch sochta, tabtak Abdul apni gadi ko ghane jungle ke bich mod deta he. Ab Bakshi ko kuch gadbad lagne lagi, isliye wo bhi Abdul ka picha karne ka sochta he. Usne pehle Abdul ki gadi ko bilkul andar jane diya, or fir khud uske piche chal pada jis se Abdul use nahi dekh pata. Yaha koi bhi rasta nahi tha, isliye gadi ki speed zyada nahi thi, or kafi der baad Bakshi ko uske admiyo ka call ajata he, Bakshi ne is waqt apna Abdul ke piche rehna sahi samjha, or un baki admiyo ko Sakshi ko pakadne ki zimmedari de di. Kafi der takk gadi chalane ke baad Bakshi ko dur ek ghar banayi dikhta he, ab Bakshi apni gadi wahi jhadiyo me chupa kar khud bhi pedo ke piche chup chupkar ghar ke paas jane laga, or isi waqt zordar barish hone lagi. Badi hi savdhani se Bakshi ghar ke bilkul paas pahoch gaya, ab ye ghar koi pakka makan to tha nahi, Bakshi ko waha ek khidki tuti hui dikh gayi, Bakshi bahot savdhani se us khidki ke andar ka nazara dekhta he, lekin ab Bakshi ke hosh udd gaye, kyu ke andar use Abdul ke saath saath kayi or log dikhe, lekin usme se ek ka chehra wo turant pehchan gaya.
Bakshi (mann me): Aksh..... Or Abdul Aksh ke saath, Matlab Abdul Boss ko dhoka de raha he....
Waha Bakshi ko apni aakho par yakeen kar pana mushkil ho raha tha, wo khidki se hatkar apna mobile nikalta he, lekin yaha itne ghane jungle ke bich aise normal mobile me network nahi ata tha. Kuch der takk Bakshi wahi khidki se Abdul ko dekh rah tha, kuch der baad Bakshi ab waha se nikalne ki sochne laga, lekin tabhi Abdul bhi waha se nikalne laga, use bahar ata dekh Bakshi wahi chupa raha, Abdul bahar akar apni gadi me bethne hi wala hota he ke tabhi use kisi ke girne ki awaz ati he, darasal barish ki wajah se waha par bilkul gila ho chuka tha, or Bakshi ka per usme fisal gaya. Abdul ke tez kano ne barish ke bich me bhi ye awaz sunn li, lekin wo kuch soch kar apni gadi me beth jata he, or waha se nikal jata he. Abdul ke jane ke baad Bakshi bhi waha se nikalne laga. Kuch duri par usne apni gadi chupayi thi, bhagte bhagte Bakshi apni gadi me akar beth jata he, or gadi start karne ki koshish karne lagta he, lekin gadi chalu nahi ho pa rahi thi. Tabhi use khidke me se kisi ki awaz ajati he.
"Kuch madat karu?"
Awaz sunkar Bakshi Left side ki Window ki taraf dekhta he to uski aakho me khuaf cha gaya. Kyu ke gadi ke bahar Abdul khada tha. Ab Bakshi ke paas Abdul se ladne ke siwaye koi chara nahi tha, isliye Bakshi ne turant apni Gun nikal di, lekin utni hi furti se Abdul ne gadi ke bahar se hi Bakshi ko jakad kar us khidki me se bahar nikal liya. Bakshi ki Gun gadi ke andar hi gir gayi, wo dhire dhire piche sarak raha tha, or Abdul apna raudra roop liye aage badh raha tha. Jese hi Bakshi ne apne pero par khade hone ki koshish ki, Abdul ne ek zordar laat uske sine me maar di, jis se Bakshi dur ja gira. Abdul bhagte hue uske paas agaya or use collar se pakad kar apne pero par khada kar diya, is bich Bakshi bhi sambhal gaya tha, or usne Abdul ka sar apne bagal me pakad kar use sar ke bal gira diya. Abdul ka sar sidha patthar se ja takraya, jis se uske sar se khun nikalne laga, is moke ka fayda utha kar Bakshi ne Abdul ki Gun nikal li, lekin jese hi wo Rana par Goli chalane wala hota he tabhi piche se ek Goli akar Bakshi sine me lagg jati he. Bakshi ke haath se Gun niche gir gayi, or wo dhire dhire apne ghutno par or fir muh ke bal niche gir gaya. Abdul piche mudkar dekhta he to waha Aksh or Shahid khade the, or wo Goli Aksh ne chalayi thi. Abdul uthkar aage ane laga ke tabhi use ehsas hua ke Bakshi ab bhi zinda he. Isliye wo niche jhuk kar Bakshi ko sidha leta deta he. Aksh or Shahid bhi uske paas agaye the.
Abdul: kya laga tujhe? Yaha se zinda jakar Rana ko khabar de payega? Huhhh
Lekin uski baat par Bakshi hasne lagta he.
Bakshi: haha.... L.... Lekin.... lekin wo.... Wo ladki n.... Nahi..... Nahi bachegi.....
Or itna kehkar wo apni jaan chhod deta he. Uski baat Aksh or Shahid nahi samajh paye, lekin Abdul ko kuch gadbad lagne lagi.
Abdul: Aksh.... Sakshi.... Sakshi khatre me he.....
Uski baat sunkar Aksh ke hosh udd jate he.
Aksh: k.... Kya Matlab?
Abdul: Aksh, Rana ne Sakshi ko pakadne ki zimmedari pehle Bakshi ko hi di thi.... Sakshi ko bachana hoga....
Ye sunkar Aksh aage ki taraf daudne lagta he, Abdul bhi apni chupayi gadi ko nikal kar Aksh or Shahid ke saath waha se nikal jate he.
To ab baat kar lete he jab Bakshi ne apne admiyo se Sakshi ko pakadne ka order diya tha. Kuch der ke baad wo 3 log Sakshi ke ghar ke bahar pahoch gaye. Wahi Sakshi ko barish dekh kar mann kar raha tha ke wo jakar badlo se girti thandi thandi bundo ke niche khadi ho jaye. Kuch soch vichar karne ke baad Sakshi apne mann ko kabu nahi kar payi, or uthkar backyard me chali gayi. Jese hi wo barish ki bunde Sakshi ke chehre par giri, to uske chehre par itne waqt ke baad itni pyari muskurahat agayi. Sakshi bass asman ki aur dekhte hue apne badan ko gila kar rahi thi. Waha Bakshi ke tino aadmi ghar ki diwar paar kar ke andar agaye the. wo log ghar ke piche se andar jane ki soch rahe the, lekin tabhi unhe Sakshi wahi bahar khadi dikhayi deti he.
Aadmi: wahh..... Maal to badhiya he, bhai to full maze udayenge is badan ke....
Aadmi 2: sahi kaha.... Or humare haath kya? Sirf paisa.... Are aisa maal ajaye to.....
Aadmi 3: bhosdiko, kaam karo.... Badme sapne dekhte rehna.... Chutiye.....
Fir wo tino bina dare Sakshi par humla kar dete he, lekin Sakshi ko bhi in sab ki training mili hui thi, wo samne se tino logo ko ata dekh backyard me rakhi chair uthakar unpar fek deti he, lekin wo chair sirf ek aadmi ko rokne me kamyab hui, or baki dono Sakshi ke paas pahoch gaye. Sakshi ne ek aadmi ka gala pakad kar dusre aadmi ko zordar laat maar di, jis se wo piche ja gira. Ye log Sakshi ke is andaz ke liye tayar bilkul nahi the, wo to sochkar aye the ke ladki ko kabu karne me konsi dikkat ayegi. Khair ab galati ki he to uski saza to milni hi thi. Sakshi ne us aadmi ko Gale se hi pakad kar kamre ke glass door par de mara. Wo aadmi glass door todta hua andar ja gira, lekin itne me wo aadmi jise Sakshi ki feki chair ne giraya tha, usne uthkar Sakshi ko piche se pakad kar girane ki koshish ki, lekin Sakshi bass ladkhadate hue firse sambhal gayi. Lekin tabtak us dusre aadmi akar Sakshi ke chehre par Ghutna de mara, jis se Sakshi apna santulan kho kar niche gir gayi. Ab wo dono aadmiyo ko lagi moka mil gaya, or is moke ka fayda utha kar un dono ne ek saath Sakshi par dhava bol diya. Ek ne Sakshi ko piche se kass kar pakad liya or dusre aadmi ne zor daar mukka Sakshi ke chehre par maar diya, ab Sakshi ke naak or honto me se khun behne laga. Sakshi takat se chutne ki koshish kar rahi thi ke tabhi use piche se pakde aadmi ne muh ke bal gira diya, or khud uski pith par apna ghutna dabaye uske haath piche kar ke mod diye. Sakshi ab lachar si thi, isliye wo thande dimag se kaam leti he. Sakshi ne janbujh kar apna sharir dhila chhod diya or apni aakhe band kar li. Uski body me koi halchal nahi thi, isliye un admiyo ko laga ke Sakshi behosh ho gayi he. Itne me andar gira aadmi bhi bahar agaya. Jo aadmi Sakshi ke upar tha, wo Sakshi ko paltane ke liye uske upar se hatt gaya, or isi moke ke intezar me Sakshi thi, usne puri takat se us aadmi ke tango ke bich laat maar di, jis se wo to aadmi dur ja gira. Sakshi un dono admiyo ke haath me ane se bachkar uthkar ghar ke aage ki taraf bhagne lagi, wo dono bhi uske piche bhag rahe the, or ab ek aadmi ne chalang markar Sakshi ke per pakad liye, jis se Sakshi muh ke bal gir gayi. Dusra aadmi apna khanjar nikal kar Sakshi ke upar jhapat pada, lekin Sakshi ne uska haath Modkar us se khanjar le liya, or uske hi sar me khanjar ko dhasa diya. Wo aadmi tadapne laga, or tabbi Sakshi ne apne per pakde aadmi ko balo se pakad kar khicha or uske gale me Khanjar ghopne lagi. Wo aadmi bhi tadap tadap kar apni jaan gava betha. Sakshi zor zor se haanf rahi thi, tabhi uske samne wo akhri aadmi agaya, waha nazara dekh uski bhi fatt ke haath me agayi. Sakshi use dekhte hue aage badh rahi thi, or wo aadmi dara sehma sa apne kadam piche le raha tha, jese hi usne piche bhagne ki koshish ki, Sakshi ne khanjar sidha uske pith me fek kar maar diya. Wo aadmi dard se karha raha tha, Sakshi uske paas ayi or wo Khanjar nikal kar uske gale par rakh diya.
Sakshi: kon he tu? Ha? Bata kon he tu? Kisne bheja tujhe yaha?
Wo gusse me apne daant piste hue us aadmi se puch rahi thi, lekin wo kuch keh nahi raha tha. Ab Sakshi ko bahot gussa ane laga, usne bina der kiye us aadmi ke gale par khanjar fer diya.
Ab Sakshi uthkar khadi ho gayi or zor zor se saase lens lagi, usne jakar sabse pehle CBI me ye khabar de di, or jakar apne chehre ka khun saaf karne lagi.
Waha Abdul Aksh or Shahid Sakshi ke ghar ke paas pahoch gaye, lekin waha itni sari Police ki gadiya or ek Ambulance dekh kar Aksh ki saas hi ruk gayi. Lekin tabhi use waha khadi Sakshi dikhayi deti he. Sakshi ko sahi Salamat dekh kar sabhi chain ki saas lete he. Waha un tino logo ki laash le jata dekh kar wo samajh gaye ke Sakshi ab koi aam ladki nahi rahi.
Abdul: Aksh, Sakshi bahot badi galati kar rahi he....
Shahid: thik kaha, Aise me to Rana.....
Aksh: kuch nahi hoga.... Me janta hu mujhe kya karna he......
Wo Shahid ki baat bich me kaat te hue kehta he. Fir wo sab apne apne raste chale jate he.
Der raat Sakshi naha kar agayi, or kapde badal kar bed par leti hi thi ke uska Mobile ring hone laga, usne bina Mobile dekhe call pick kar liya.
Sakshi: hel.....
Dusri taraf: tu shayad bhul gayi ke tera bhai ab bhi......
Iske aage wo kuch bolta ke Sakshi ne turant call kaat diya, or jab usne number check kiya to waha koi number nahi show ho raha tha. Uski ek line se hi Sakshi samajh gayi ke ye call Qaatil ka he. Sakshi ne jaldi se apna phone switch off kar diya. Waha Aksh ne firse Sakshi ko call karne ki try ki lekin uska phone band tha, darasal usne phone par kapda laga diya tha jis se Sakshi uski awaz na pehchan paye. Lekin ab uska phone band hone se Aksh ko kuch samajh nahi aya. Usne kayi baar Sakshi ko call kiya lekin natija wahi.
Lekin Sakshi ne kuch soch samajh kar call kata tha.
Sakshi: ye zarur us Qaatil ka hi call hoga.... Iska Matlab wo aadmi zarur uske hi the.... jesa mera plan tha chize to usi hisab se ho rahi he. Mujhe abhi Office jana hoga, tabtak phone band hi rakh lungi.... Qaatil firse mujhe call zarur karega... Or fir me..... Ha..... Lekin agar usne Aksh ko kuch..... Nahi, nahi.... Aisa kuch nahi hoga.... Mujhe bass apni soch par kabu pana hoga, tabhi me Aksh ko firse dekh paungi.....
Ab yaha Sakshi ka plan ye tha ke wo kisi bhi tarah Qaatil ko ek baar nuksan zarur pahochayegi, jis se Qaatil Sakshi ko contact karne ko majbur ho jaye. Lekin yaha to Qaatil ne khud apne pero par khulhadi maar kar Sakshi ko call kar diya. Sakshi itni raat ko firse CBI Office nikal jati he. Waha to din raat kaam chalta tha, Sakshi sabse pehle Control Room me agayi, or usne kuch der ke liye yaha ke sare phones ko band karwane ka order de diya. Darasal wo janti thi ke Qaatil ka call track karna asan nahi hoga. Kyu ke ye bina number wala call tha. Isliye Sakshi ne uske radio signals catch karne ke liye yaha ke baki sare phones ke signal band karwa diye. Or fir apna mobile on kar ke use system me connect kar liya. Kafi der takk call ka intezar karne ke baad wo ghadi agayi. Sakshi ke mobile par firse bina number call agaya. Sakshi ne Control Room head ke ishare par call pick kar liya.
Qaatil: chal kya raha he tera? Shayad apne bhai ki parwah nahi he tujhe.....
Sakshi: k... Kya Matlab....
Qaatil: mere admiyo ko maar diya..... Iska Matlab nahi samajhti? Tujhe andaza bhi he tere bhai ke saath me.....
Sakshi: Aakh tere paas nahi he..... He to saboot.....
Qaatil: mere saath ye saboot wala khel galati se bhi matt khelna, kyu ke agli baar mere khilaf ayi to saboot ke taur par tere bhai ki laash ghar bhej dunga....
Wo gusse me Sakshi ki baat bich me kaat te hue kehta he, or bina kuch sune call disconnect kar deta he. Aksh ke bare me aisa kuch sunkar Sakshi ek pal ke liye ghabra gayi. Lekin agle hi pal usne apne mann ko samjha liya. Waha us call ko track karne ki koshish ho rahi thi, lekin ye koi aam call nahi tha. Kafi der ki mashakkat ke baad akhir kaar unhe signal ko track kar hi liya.
Neel: Sakshi, Signal to track ho gaye.... Lekin is se hume uski Exact location nahi pata chal payegi... Signals to us area se kayi dur bhi ja sakte he....
Sakshi: me janti hu, lekin mujhe bass aisa koi Area bhi mil jaye to me aage ki planning kar lungi.....
Neel: Okay.... I think tumhe ab jana chahiye, kafi der ho gayi he....
Uski baat par Sakshi bhi ghar laut ayi. Uske plan ka pehla padav paar ho chuka tha, ab aage ki tayari Sakshi ko bahot savdhani se karni thi.
Agle din subah subah Sakshi us jagah pahoch gayi kaha se Signals aye the. Darasal ye jagah Aksh ke thikane se kafi dur thi, lekin ye ek outside area hone se Sakshi ko ye jagah sahi lagg rahi thi. Is waqt Sakshi or Sana field par thi.
Sakshi: Sana.... Aap please ek Van ka intezam kar sakti ho, jisme humare Signal Tracking Devices bhi asake?
Sana: ha... Lekin tum kya karna chahti ho?
Sakshi: darasal kal raat humne Qaatil ke phone ki Radio Frequencies ko track kar liya tha, me chahti hu ke humari ek Team is jagah 24/7 rahe, usi Frequency ko catch karne ke liye. Agar us Qaatil ne firse kisi se call par baat ki, to hum shayad uski batchit sunn sakte he....
Sana: very Brilliant Sakshi.... Me abhi sab kuch arrange kar deti hu....
Or fir Sana ne ek Van waha bula li, jiske andar wo log satellite images ke zariye is area ki chan bin kar rahe the, or saath hi saath Qaatil ki call ko track karne ki koshish bhi. Pura din nikal gaya, lekin aaj Sakshi ke haath kuch bhi nahi laga. Der raat wo or Sana ghar jane ke liye nikal gaye, or baki raat me Neel Field par rehne wala tha.
Yu hi kuch din nikal gaye, lekin Sakshi ko nirasha ke siwaye kuch haath nahi laga. Ab use apne plan me firse badlav karne the, usne soch liya ke aaj raat agar use koi saboot nahi mila to wo is plan ko abort kar degi. Lekin tabhi system ne Qaatil ke phone ki Radio Frequencies ko catch kar liya. Sakshi jaldi se Headphones pehen kar us call ko track karne me lagg jati he, or wo call ko track karne me kamyab rahi. Darasal is waqt Abdul ne Aksh ko call kiya tha. Lekin dikkat ye thi ke Sakshi ko kuch bhi clear Sunayi nahi de raha tha, awaz kafi kharab thi, or wo baar baar cut rahi thi.
Abdul: dekho parso raat **** factory me chale jana.... Waha kareeb 5-6 crores ka cash araha he.... Un sabko uda le jana.....
Aksh: or waha kitne logo ke hone ki sambhavna he?
Abdul: bass 4-5 log.... Uski chinta matt karna.... Bass parso raat waha pahoch jana.....
Aksh: thik he......
Or fir wo call kaat deta he. Waha Sakshi ko bass kuch words sunayi diye the. Lekin wo kuch bhi samajh payi. Usne firse call recording ko suna, or 3-4 baar us audio ko sunne ke baad Sakshi ko Factory ka naam, or samay pata chal gaya. Ab Sakshi bahot zyada khush thi, usne ye baat Sana or Neel ko bhi bata di. Ab unhe parso raat waha jaal bichana tha. Or aaj ke kaam se Sakshi kafi khush thi.
Khair, dusre din Sakshi ko bahot se kaam the, uska pura din apne kaam nipta ne me chala gaya. Lekin use sab khatam kar ke kuch jach padtal karne us Factory me bhi jana tha. Use apna kaam niptane me kareeb 10 baj gaye the, Sakshi waha se sidha us Factory me jane ke liye nikal jati he. Or wo jagah yaha se kafi dur thi.
Wahi dusri taraf Aksh apne workout karne ne laga tha ke tabhi waha Shahid ajata he.
Shahid: Aksh hume abhi nikalna hoga.....
Aksh: kaha par?
Shahid: factory me....
Aksh: waha to kal jana tha.....
Shahid: darasal mamu ka call aya tha, tumhara phone band tha. Unhone kaha ke maal ki delivery aaj hi ho rahi he.... Shayad abtak ho bhi gayi hogi. Hume aaj hi wo maal waha se udana hoga.....
Aksh: thik he... Jaldi sabko tayar rehne ko bol do....
Fir wo sab tayar ho jate he, Abdul ne jesa kaha tha ke waha zyada log nahi he to Aksh Shahid or Steph ye tino hi aaj ka kaam karne ke liye jane wale the.
Tino apni gadi me bethkar Factory jane ke liye rawana ho gaye. Ab dikkat ye thi ke is waqt Sakshi bhi wahi ja rahi thi, or Aksh bhi.
Kuch der baad ab zoro se barish ane lagi, Sakshi ne apni gadi ki raftar slow kar di thi, or tabhi ek kale rang ki jeep tezi se use overtake karti he, lekin is bich Sakshi ki nazar us jeep ke shishe par padd gayi, or us shishe me koi aadmi apne chehre par kapda bandhe drive kar raha tha, jis se Sakshi ka dimag me Qaatil ki chabi trigger ho gayi or tabhi use us Security Guard ki baat yaad ajati he, ke usne us raat ek Truck or ek Jeep dekhi thi. Ye dekh kar Sakshi ne apni car ki speed tez kar li, usne car ka number dekha, or ek haath se use type kar ke Control Room me bhej diya. Waha se turant reply aya ke ye number nakli he. Ab Sakshi yakeen ho gaya ke ye zarur Qaatil hoga. Is bich Aksh ne apni gadi ko tezi se bhaga diya tha, jis se ab Sakshi ko bhi apni speed badhani padi, Sakshi ne Sana or Neel ko is bare me inform karna chaha, lekin tabhi raste me ek gaddha agaya jis se Sakshi ka mobile khidki se bahar gir gaya. Speed zyada hone se wo janti thi ke ab wo ruk gayi to Qaatil uske haatho se nikal jayega. Isliye wo akeli Qaatil ka picha karne lagi.
Kuch der baad Aksh or baki sab Factory pahoch gaye. Sablog utar kar apne apne haatho me Gun liye aage badhne lage. Sakshi ne kuch dur pehle hi apni Car rok di, or wo bhi chup chup ke aage badhne lagi.
Aksh: andar jate hi Trigger daba dena..... Jabtak waha mojud sare log marr nahi jate, Goliya chalni rukni nahi chahiye.....
Jese hi wo log Factory ke gate par aye, to samne kuch log apna kaam karne me lage the, Aksh or baki sabne andha dhund firing karna shuru kar di, bass kuch seconds me hi waha mojud sare log maut ke ghat utar chuke the. Sakshi ne ye sab dekh liya. Wo ab bhi factory ke gate par chupi hui thi.
Aksh: maal kaha he?
Shahid: mamu ne kaha tha maal andar ke office me rakha hoga.....
Aksh: thik he.... Tum dono jao andar, maal jama kar lena... Me is factory ko tabah karne ki tayari karta hu....
Uski baat par Shahid or Steph andar chale jate he, or Aksh factory ke ek electric room ki taraf badh jata he. Sakshi ne Qaatil ki gardan dekh kar pehchan liya tha, or wo akela ek taraf jane laga ye dekh kar Sakshi ko moke ka fayda uthana sahi laga. Wo bhi chup kar Qaatil ke piche jane lagi. Qaatil is waqt Electric Room me tha, Sakshi uske piche se hi uspar jhapat padi, or Qaatil ka sar diwar par de mara, Qaatil ne bina piche dekhe apni kohni se Sakshi ko mar kar niche gira diya. Wo jese hi piche mudkar Sakshi par Gun point karta he to uske hosh udd gaye, uski ungli trigger se turant hatt gayi, Sakshi ne ek nazar Qaatil ki aakho me dekha, or wo bhi pal bhar ke liye bass tham si gayi, lekin agle hi pal usne Qaatil ki wo AR Gun pakad kar use niche khich liya, or us se Qaatil ludak kar Darwaza se bahar gir gaya. Sakshi ne uthkar us AR gun ka pichla hissa zor se Qaatil ke sar par de mara, Sakshi ko Qaatil zinda halat me chahiye tha. Or uske vaar se Aksh ke sar se khun behne laga. Lekin wo apne aap ko sambhal kar furti se uthkar khada ho gaya, Sakshi ne firse Gun ka pichla hissa Qaatil ke sar me marna chaha lekin is baar Qaatil jhuk kar uske vaar se bach gaya, or usne aage akar Sakshi ke kamar ko pakad kar use zor se diwar par dhakel diya, jis se Sakshi ke haath se Gun gir gayi, Qaatil ne jaldi se Gun utha li, or use ada kar ke Sakshi ke gale par dabane laga, lekin tabhi Sakshi ne apne haatho se use rok liya, is waqt Qaatil pura zor laga kar Gun ko Sakshi par daba raha tha, or Sakshi bhi puri takat se use roke hue thi, lekin tabhi Sakshi bayi taraf hatt gayi, jis se Qaatil diwar se aa laga, Sakshi ne piche se Qaatil ko pakda or use zor se kich kar sidhiyo se niche gira diya. Qaatil ludakta hua sidhiyo se niche ja gira, jis se use kafi chot lagg gayi thi. Sakshi bhagte hue niche agayai, lekin Tabtak Qaatil aage bhagne laga lekin Sakshi ne use pakad liya, Qaatil ne Sakshi ko haath se pakad kar uthakar pith ke bal zameen par gira diya, or khud waha se bhagne ki koshish me lagg gaya, lekin Sakshi ne apne dono haatho se uske per pakad liye jis se wo muh ke bal gir gaya, ab uska pura chehra khun se sann chuka tha, Sakshi furti se uske upar agayi, or piche se uska gala zor se chok kar diya. Qaatil saas lene ke liye chatpata raha tha, lekin Sakshi ki pakad or bhi zyada mazbut ho rahi thi, pehle hi Aksh ka itna khun beh chuka tha, or ab uska gala itna zor se dabne ki wajah se use behoshi sa mehsus hone laga.
Sakshi: akhir kaar agaya na tu mere haath me..... Bata.... Bata kaha Aksh.... Warna..... Bata......
Wo bahot hi gusse me Qaatil ka gala zoro se badaye ja rahi thi, lekin ab Qaatil dhila padne laga, Sakshi ne piche se hi Qaatil ke chehre ka kapda khich kar nikal diya, lekin tabhi Sakshi par koi akar tut pada, darasal wo Shahid tha. Usne zor se dur se hi Sakshi ke upar chalang laga di, jis se Sakshi Qaatil se dur ja giri. Steph ne sabse pehle Aksh ko uthaya or bhagne laga, Shahid firse Sakshi ke upar jhapat pada, usne zor se Sakshi ke chehre par apna ghutna de mara, or use pakad kar samne rakhe table par fek diya. Sakshi bina control ke table par se niche gir gayi, Shahid bhi jaldi se waha se bhaag nikal ne laga. Lekin Sakshi ko bass Qaatil zinda chahiye tha na ki koi or, isliye usne apni Gun nikal kar Shahid par goli chala di, wo goli Shahid ke pith par lagg gayi, or Shahid jagah par hi gir pada, Sakshi uske paas ane lagi lekin tabhi Steph gadi lekar factory ke andar agaya, or usne sidha gadi se Sakshi ko thok diya, jis se Sakshi dur ja giri. Sakshi ko ab kafi chot agayi thi. Or uski gun to kayi dur jakar gir gayi. Tabtak Steph niche utar kar Shahid ko gadi me le aya, or Gadi ko tezi se bahar dauda diya Sakshi me ab uthne ki himmat nahi thi, wo bass waise hi dard me karhate hue padi rahi.
Usne dekha ke us table se landline bhi niche gir gaya he, Sakshi khdko ghasit te hue aage badh rahi thi, or usne landline se apni halat ki kabar CBI takk pahocha di. Or Ab Sakshi bhi apna hosh khone lagi thi.
Sakshi: Ak.... Aksh.... Me.... Me.... Tujhe kuch.... Kuch nahi hone dungi.... Kuch bhi nahi.....
Or bass itna kehkar Sakshi behosh ho gayi.
To Be Continued......
To dosto ye tha aaj ka Update, maal karna kal hi post karne wala tha, lekin kal ghar laut te waqt bike se gir gaya, chot koi nahi lagi bass handle chest me lagg gaya tha. Or jab raat me Update post karne ke liye edit kar raha tha to zyada pain hone laga. Anyways, agla Update jald hi post hoga.
agar update accha laga ho to like zarur karna or comment kar ke apna view mere saath zarur share karna. agla update jald hi ayega till then stay tuned and keep smiling
