Yuvaraj ko apne pita par lagaye is gambhir aarop se nirasha hoti hai. Unhe ye jhoot lagta hai ki unke pita apne hi bete ki hatya karenge.
Yuvaraj (kadakte hue):
"Vishwajeet! Sach kaho! Hamare pita... Raja Ranjvijay... yeh tum kya keh rahe ho? Kya tumhe samajh hai ki tum kis par aarop laga rahe ho?"
Vishwajeet ne sir jhukaye hue, dheemi lekin sthir awaaz mein kaha-
"Mujhe poori tarah gyaat hai, Maharaj. Aur isiliye main aapse satya chupane ka dussahas nahin kar sakta. Aapke pita, Raja Ranjvijay, hi Maharaj Harshvardhan ki hatya ke mukhya yojnakaron mein se ek the."
Maa Kadambari (foot-footkar rote hue):-
"Yeh asambhav hai... aisa kaise ho sakta hai? Unhone aisa kyu kiya hoga? Wo apne putra ko kyu maarenge?"
Vishwajeet ne aage badhkar Yuvaraj ki aur dekha aur kaha-
"Raja Ranjvijay ji ne yeh kadam apne satta lobh aur rajya ke kuch gupt dushmanon se kiye gaye samjhaute ke karan uthaya. Maharaj Harshvardhan unke raste mein sabse badi badha the. Yuvaraj ki badhati prasiddhi unhe andar se andar khayi jaa rahi thi. Aur sabse jada gussa tab aya jab unhe yuvaraj aur nirjala ke bich ke sambandh ke bare me pata chala.
Yuvaraj (kaampati awaaz mein):-
"Tumhare paas is baat ka pramaan hai? Yeh ek raja par sabse bada aarop hai, Vishwajeet. Yadi tum satya keh rahe ho, to use siddh karo."
Vishwajeet:- "Maharaj, mujhe yeh pramaan pradan karne ke liye samay chahiye. Praman to mere paas yahi ek baat hai jo main abhi bata rahoo, ho sake to main aapko ye ek din siddh karke bhi dikhaunga.
Nirjala (apni talwar uthate hue)-
"Yeh sab sunne ke baad bhi yadi tumne jhooth bola hai, to jaan lo ki tumhari jaan tumhare shabdon ki keemat chukayegi."
Vishwajeet (aankhon mein aansu liye):-
"Bhabhi Maa, aap chahein to meri jaan le lijiye, lekin main jhooth nahin bol raha. Maharaj Harshvardhan ke saath kiya gaya yeh anyay mujhe kabhi chain se jeene nahin dega."
Yuvaraj: -"Main satya ka nirnay swayam karunga. Vishwajeet, mujhe tumhari baato par vishwas ho chuka hai. Lekin jabtak hum koi thos sabut nahi dekh paate, tabtak hum apne pita ke viruddh me nahi jaa sakte.
Vishwajeet ne sir jhukakar sweekriti di. Lekin yuvaraj abhitak samjh nahi paa rahe the aakhir apne bhai ko hatya ka gunehgar maa kadambari hai ye kisne failaya tha..
Yuvaraj Vikramaditya (Vishwajeet ki aur dekhte hue):
"Vishwajeet, humein sab kuch vistaar se batao. Kaise mere priya bhai, Yuvaraj Harshvardhan, aur Nirjala bhabhi pehli baar mile? Aur kaise yeh rishta Kaulpuri logon tak pahucha? Aur bhabhi hamari maa ko kya marna chahti thi. Yah baat kisne failayi ki yuvaraj harshwardhan ki hatya meri maa ne ki thi?
Vishwajeet ne gahri saans li aur apni aankhen band kar kuch pal ke liye soch mein doob gaya. Phir unhone bolna shuru kiya.
Vishwajeet (dheemi awaaz mein):
"Yeh kahani tab shuru hoti hai, jab Yuvaraj Harshvardhan ko pehli baar apne rajya ke ghudsawari prashikshan shivir mein bheja gaya tha. Aap bhi jante hai tab maharaj ne unhe ghar se bahar nikala tha. Woh ek yuva, sahasi, aur utsaahi yoddha the, lekin unka hriday hamesha kuch alag karne ki chah mein dhadakta tha. Ek din, jungle mein ghudsawari ka abhyas kar rahe the. Unhone pahli baar kaalpuriyon ke baare me suna tha. Utsukta ke maare unse raha nahi gaya.
Ek din ghud sawari ke abhyas ke bahane rajya se bahot dur aaye. unhone tab pahli baar Nirjala ko dekha. Woh ek Kaulpuri yuvati thi, jo ghodon ke saath adbhut kushalta se khel rahi thi."
Vishwajeet (sammanpurvak): Yuvaraj Harshvardhan ki drishti mein woh shatru nahi thi. Woh unke sahas aur swabhavik sundarta se mohit ho gaye.
Yuvaraj Vikramaditya (muskuraate hue):
"To hamare bhai ka dil pehli hi nazar mein haar gaya tha?"
Vishwajeet (halkasa muskaraate hue):**
"Ji yuvaraj. Aur yahi se unki mulaqaton ka silsila shuru hua. Tab nirjala yah nahi janti thi ke wo maharaj ke Putra the. Yuvaraj hamesha bahaana banate ki unhein ghudsawari ke kuch gupt gur seekhne hain. Isi bahane wo bhabhi maa se har sapta milne jaate. Nirjala aur unke bich ka sambandh sirf ghudsawari tak simit nahi rahi
Vishwajeet ki baaton ke saath hi kahani purvadrishya mein jaati hai. Jungle ka drishya ubharta hai, jahan Yuvaraj Harshvardhan aur Nirjala ghudsawari ka abhyas kar rahe hain.
Nirjala (hansate hue):
"Yuvaraj, aap ghode ki lagaam pakde bina ise kabu karna seekhna chahte hain? Yeh to hawa par kabu paane jaisa hai."
Yuvaraj Harshvardhan (muskuraate hue):
"Aur aap hawa par kabu paana jaanti hain, isliye to main aapse seekh raha hoon."
Unki baatcheet mein dheere-dheere mitrata aur phir prem ka rang bharne lagta hai. Dono ek-doosre ke baare mein adhik jaanne ki koshish karte hain.
Vishwajeet (vartamaan mein):
"Unki mulaqatain dheere-dheere prem mein badal gayin. Lekin yeh aasan nahi tha. Kaulpuri samudaay hamare rajya ke shatru maane jaate the. Aur unke saath sambandh sthapit karna rajgharane ke liye anuchit tha. Fir bhi, Yuvaraj Harshvardhan ne apna dil Nirjala ko saup diya."
Maa Kadambari (gambhir swar mein):
"To unhone vivaah kar liya?"
Vishwajeet:-
"Ji Maharani. Yeh vivaah gupt roop se hua. Yuvaraj Harshvardhan aur Nirjala ne jungle ke ek pracheen mandir mein saat phere liye. Unke is prem vivaah mein unke sabse kareebi saathi hi saakshi the. Lekin..."
Yuvaraj Vikramaditya (chaunkte hue):
"Lekin kya?"
*Vishwajeet (dukhbhari awaaz mein):**
"Yeh vivaah Kaulpuri samudaay aur Rajmahal ke beech badhti daraar ko aur gahra kar gaya. Yuvaraj ne unhe vivah ke pahle hi sacchai batai. Bhabhi maa ko is baat se aahat hui thi. Par unke prem ke aage sab kuch haar gaya.
Ab Yuvaraj Vikramaditya ke mann mein sawalon ka toofaan uth chuka tha. Kaun the wo log jinhone unke bhai ko maara? Kya unke pita Raja Ranjvijay ismein shaamil the?
Agale bhaag mein Yuvaraj aur Maa Kadambari in sawalon ke jawab khojne ke liye kadam badhate hain.
Vishwajeet ab bhi apni baat keh rahe hain, jabki Yuvaraj Vikramaditya aur Maa Kadambari unki baaton ko dhyanpoorvak sun rahe the. Nirjala ke chehre par gehre bhav the, jaise woh ateet mein laut chuki hon.
Vishwajeet (gambhir swar mein):
"Maharaj, jab Yuvaraj Harshvardhan aur Nirjala ke vivaah ki baat Raja Ranjvijay ko pata chali, to unhone ise ek gambhir dhokha maana. Yeh unke liye keval prem ka maamla nahi tha, yeh rajnaitik aur samajik niyam ka ullanghan tha."
Yuvaraj Vikramaditya (chaunk kar):
"Lekin pita ko yeh kaise pata chala? Vivaah to gupt hua tha."
Vishwajeet (gahri saans lete hue):
"Maharaj, yeh vivaah gupt raha, lekin Yuvaraj Harshvardhan ki yojnaon ne unhein ujagar kar diya. Vivaah ke baad, Harshvardhan ji ne Kaulpuri samudaay ko apne rajya Vikrampur ka hissa banane ki yojna banai." Kaalpuri samuday ko unhe yah ashwasan diya tha.
Purvadrishya
Rajmahal ki gupt sabha kaksh. Raja Ranjvijay apne mantriyon aur sainikon ke saath baithe hue ha
in. Ek guptchar raja ke saamne jhukar khada hai.
Guptchar:
"Maharaj, humein khabar mili hai ki Yuvaraj Harshvardhan ne Kaulpuri samudaay ke saath ek gupt samjhauta kiya hai. Unhone na keval unke saath sandhi ki hai, balki unke bheetar vivaah sambandh bhi sthapit kar liya hai."
Raja Ranjvijay (gusse mein):
"Kya? Yeh asambhav hai! Harshvardhan ne ek shatru jaati se vivaah kiya hai? Yeh hamare rajgharane aur rajya ke maan-sammaan ka apmaan hai!"
**Mantri (savdhani se):**
"Maharaj, humein yeh bhi soochna mili hai ki Yuvaraj Kaulpuri samudaay ko Vikrampur rajya mein shaamil karne ki yojna bana rahe hain. Woh unhein poorn nagrikta aur sammaan dene ka vichar rakhte hain."
Raja Ranjvijay (aakrosh mein)
"Yeh kabhi nahi ho sakta! Kaulpuri hamare shatru hain. Unke poorvajon ne hamare rajya ko apmaanit karne ka koi avsar nahi chhoda. Aur ab, mera hi putra unke saath sandhi karna chahta hai? Yeh rajdroh hai!"
Vishwajeet (vartaman mein):
"Maharaj, Raja Ranjvijay ke liye yeh prem vivaah nahi, balki unke rajya ki akhandata par ek bada aaghat tha. Unhone ise vyaktigat apmaan aur rajnaitik shadyantra ke roop mein dekha. Aur yahi woh kshan tha jab unke mann mein Yuvaraj Harshvardhan ke prati ghrina utpann hui."
Maa Kadambari (dukhi swar mein):
"Lekin Raja ne Harshvardhan ko samjhane ki koshish kyon nahi ki? Woh unke putra the. Kya is maamle ka samadhan nahi ho sakta tha?"
Vishwajeet-
"Maharani, Raja ne samjhane ki koshish ki. Lekin Yuvaraj Harshvardhan ne spasht kaha ki woh apne vachan se peeche nahi hatenge. Unke liye Nirjala se prem aur Kaulpuri samudaay ke saath nyay karna, unke dharm ka hissa tha."
**Drishya:**
Rajmahal ke shahi kaksh mein pita-putra ka samna.
**Raja Ranjvijay (gusse mein):**
"Harshvardhan, kya tumhein pata hai ki tumhare is kadam se hamara rajya aur rajgharana kitna kamzor ho jayega?"
**Yuvaraj Harshvardhan (shaant swar mein):**
"Pitaji, yeh keval rajya ki majbooti ka nahi, balki nyay aur manavta ka sawal hai. Kaulpuri bhi hamari tarah manushya hain. Unka apmaan karna, unhein shatru maanna hamare dharm aur rajdharma ke khilaf hai."
**Raja Ranjvijay:**
"Kya tum bhool gaye ki unke poorvajon ne hamare rajya ko apmanit kiya, hamare sainikon ka katal kiya? Aur ab tum unhein gale lagana chahte ho?"
Yuvaraj Harshvardhan:**
"Pitaji, main vartamaan aur bhavishya ki baat kar raha hoon, na ki ateet ki. Main Nirjala se prem karta hoon, aur Kaulpuri samudaay ko unke adhikaar dilana chahta hoon."
**Vishwajeet (vartaman mein):**
"Maharaj, yeh vartalaap Raja aur Yuvaraj ke beech ki aakhri baat-cheet thi. Iske baad, Raja ne mann hi mann tay kar liya ki Harshvardhan ji ko rokne ke liye koi na koi kathor kadam uthana hoga."
**Yuvaraj Vikramaditya (gambhir swar mein):**
"To Raja ne mere bhai ko marvane ka shadyantra racha?"
**Vishwajeet (dheere se):**
"Maharaj ne kuch gupt mantriyon aur sainikon ko is poore maamle mein shaamil kiya. Aur shayad yahi woh log the jinhone Yuvaraj Harshvardhan ki hatya ki."
**Nirjala (aansuon se bhari aankhon ke saath):**
"To yeh sab isliye hua, kyunki humne ek-doosre se prem kiya? Kya prem karna itna bada aparadh tha?"
**Maa Kadambari (Nirjala ka haath pakadte hue):**
"Nahi, beti. Tumhara prem pavitra tha. Yeh rajya aur raajsatta ki krurta thi, jisne ise aparadh bana diya."
**Yuvaraj Vikramaditya (dridh swar mein):**
"Lekin ab yeh khatam hoga. Main is sachchai ko ujagar karoonga aur mere bhai ko nyay dilaoonga. Chahe iske liye mujhe apne pita se bhi kyon na ladna pade."
**Purvadrishya :**
Rajmahal ki gupt sabha. Raja Ranjvijay apne vishwasniya mantriyon aur rajvaidya ke saath ek gahri yojna bana rahe hain. Unke chehre par kathorta aur aankhon mein nafrat ki laptein hain.
**Raja Ranjvijay (gambhir swar mein):**
"Harshvardhan ko rokna ab avashyak ho gaya hai. Unka prem aur unki Kaulpuri samudaay ke prati nishtha hamare rajya ke liye ghatak hai."
**Mantri:**
"Maharaj, yuddh ke maidan mein unhein harana kathin hoga. Unki veerta aur yuddh kaushal adwitiya hai."
**Raja Ranjvijay (gahri soch mein):**
"Yuddhbhoomi mein unhein harana asambhav hai, lekin unki kamzori ka upyog kiya ja sakta hai. Kadambari ke haath se bheja gaya bhojan, jo woh Harshvardhan ke liye prempoorvak taiyaar karti hain, hamari yojna ka adhaar banega."
**Rajvaidya:**
"Maharaj, hamare paas ek vish hai. Yeh vish turant prabhav nahi karta, balki dheere-dheere shareer ko nirbal banata hai. Isse khane ke kuch saptah baad shareer ki maanspeshiyan kaam karna band kar deti hain."
**Raja Ranjvijay (nirnayatma swar mein):**
"Taiyaar karo. Yeh vish Kadambari dwara bheje gaye bhojan mein milaya jayega. Koi sandeh nahi hona chahiye."
**Drishya:**
Maharani Kadambari apne kaksh mein, pyaar se bhojan taiyaar kar rahi hain. Woh apne putr Harshvardhan ke liye hamesha vishesh vyanjan banati thi.
**Maharani Kadambari (man hi man):**
"Harshvardhan, yeh bhojan tumhare liye hai. Tumhari pasand ki har cheez banai hai. Yuddhbhoomi mein tumhein meri yaad dilayegi."
Mahal ka sevak woh bhojan lene aata hai. Sevak bhojan ko gupt rasoi mein le jaata hai, jahan rajvaidya bhojan mein vish mila dete hain.
**PurvaDrishya**
Yuddhbhoomi. Yuvaraj Harshvardhan apni sena ka netritva kar rahe hain. Dushman ki sena ke saath bhayankar yuddh chal raha hai.
**Harshvardhan (apni sena ko prerit karte hue):**
"Veeron, hamari vijay sunischit hai! Dushman ko is bhoomi se ukhad fenkna hai."
Yuddh par jaane se pahle wo bhojan kar Jaa chuke the. Vish ka prabhav dheere-dheere unke shareer par dikhne lagta hai.
**Sainik:**
"Yuvaraj, aap theek hain? Aapka chehra peela pad raha hai."
**Harshvardhan (dridhata se):**
"Main theek hoon. Bas thodi thakaan hai."
Yuddh ke 4 the din, vish ka asar badhne lagta hai. Unki maanspeshiyan kamzor hone lagti hain, haath kampne lagte hain, aur unki talwar chalane ki kshamata ghatne lagti hai.
**Drishya:**
Sultan ki sena achanak yuddhbhoomi mein Harshvardhan par hamla karti hai.
**Sultan (apni sena ko aadesh dete hue):**
"Aaj woh din hai, jab Vikrampur ka sabse shaktishaali yodha parajit hoga. Hamla karo!"
**Harshvardhan (kamzori mehsoos karte hue):**
"Yeh... yeh kya ho raha hai? Mera shareer mera saath kyon nahi de raha?"
Unki talwar haath se chhut jaati hai. Unki sena ke sainik unhein bachane ka prayaas karte hain, lekin Sultan ki sena ka hamla itna prabal hota hai ki Harshvardhan parajit ho jaate hain.
**Drishya:**
Vikrampur Rajmahal. Raja Ranjvijay ko yuddh mein Harshvardhan ki mrityu ki soochna milti hai.
**Doot:**
"Maharaj, Yuvaraj Harshvardhan veergati ko praapt hue. Sultan ki sena ne unhein gherkar maar daala."
Raja Ranjvijay (aankhon mein thanda santosh):**
"Yeh hona hi tha. Unki kamzoriyaan hi unki haar ka kaaran bani."
**Mantri (chintit swar mein):**
"Maharaj, lekin unki mrityu ka kaaran yuddh hi nahi, shayad woh vish bhi ho sakta hai. Kya Kadambari Maharani ko yeh sachchai maloom honi chahiye?"
**Raja Ranjvijay (kathor swar mein):**
Haa lekin aise nahi, tum iski chinta mat karo...
**Drishya:**
Maharani Kadambari ko apne putr ki mrityu ka samachar milta hai. Woh stabdh aur shokmagn ho jaati hain.
Yuvaraj harshwardhan ke marne ke baadka drishya.
**Maharani Kadambari (rote hue maharaj se):**
"Yeh kaise ho sakta hai? Harshvardhan ko koi yuddhbhoomi mein parajit nahi kar sakta tha. Yeh avashya koi chal hai!"
Raja ranvijay - sach batao kadambari ye tumne kyun kiya..
Maa kadambari( stabdh hote hue ashcharya se)- humne ye aap kya kah rahe hai maharaj..
Raja ranvijay - tumne apne hi bete ke khane me vish milaya, kaisi maa ho tum..
Maa kadambari (rote hue) - ye aap kya kah rahe hai maharaj, hum ye paap kyun karenge..
Raja ranvijay - yahi saccha Hai, vaidya ne is baat ki pushti ki hai. Kuch din pahle Jo khana tumne bheja tha us khane me vish tha.
Maa kadambari (haath jodkar rote hue)- nahi maharaj, ye paap hum nahi kar sakte. Ishwar hume kabhi maaf nahi karega..
Raja ranvijay (joot moot ka dukh dikhate hue)- hum kaise maan le, humne apne veer yoddha ko khoya hai..
Maa kadambari- hum ishwar ki shapath khate hai maharaj, ye namumkin hai.
Raja ranvijay - ye agar sach hai, to kaun ho sakta hai iske piche.
Maa kadambari jo abhitak fur fut kar ro rahi thi.- hum kuch nahi jaante maharaj.
Maharaj - tum ye mat bhulo kadambari jabtak hume, hamare bete ka katil nahi milta tab tak hamare liye tumhi doshi ho..
Maharaj dukhi aur gussel se bhaav waha se nikal gaye. Raja ranvijay ne yah yojana bahot apch samjh kar banayi thi.
Maa kadambari us din
Jo ghatna hue use rote hue bata rahi thi..
Nirjala (maa ko sambhalte hue):**
"Maharani, yeh sachchai saamne laani hogi. Hum Harshvardhan ke saath hue anyay ko ujagar karenge."
Vishwajeet abhi bhi ghutnon ke bal jhuka hua tha. Yuvaraj talwar ko neeche kiye Nirjala ki aur dekh rahe the, jaise unki pratikriya ka intezaar kar rahe ho. Maa Kadambari shaant khadi thi, lekin unki aankhon se behte aansu unki peeda bayan kar rahe the.
Nirjala (gahri saans lete hue):
"Maharani ji, maine aap par jo aarop lagaye, jo ghrina main aapke prati apne hriday mein paal rahi thi, woh mere apne bhram aur adhoore satya par aadharit thi. Lekin ab... ab mujhe lag raha hai ki main galat thi."
Maa Kadambari (kaampati aawaaz mein):-
Hamare pariwar ke apradh se jo takleef tumhe aur bacchi ko jhelani padi main uske liye maafi mangti hoon nirjala..mujhe maaf kardo..
Maa kadmabari ne haath jodte hue kaha.
Nirjala ne apni talwar neeche rakh di. Uski aankhon se behte aansu ab pachtave ka swaroop le rahe the.
**Nirjala-
"Maharani ji, main jaanti hoon ki jo hua, uske liye aapka hriday bhi utna hi peedit hai jitna mera. Main apne gusse aur krodh mein andhi ho gayi thi. Lekin ab... ab mujhe ehsaas ho raha hai ki shayad main galat nishana saadh rahi thi."
Yuvaraj (dheere se)
"Bhabhi maa, kshama aur satya dono mein apaar shakti hoti hai. Aapne satya ko sweekarne ka sahas dikhaya hai. Yeh kisi bhi yoddha ke liye sabse bada kadam hai."
Nirjala ne Maa Kadambari ki aur dekha.
Nirjala (haath jodkar):**
"Maharani ji, mujhe kshama kar dijiye. Maine aapke prati jo kiya, woh mere dukh aur bhram ka parinaam tha. Main samajh chuki hoon ki asli doshi aur hain."
Maa Kadambari ne aage badhkar Nirjala ko apne gale se laga liya.
Maa Kadambari (sneh se):**
"Tum hume maharani nahi bulawogi Beti, tum mujhe maa bulaogi. jo hua woh beete samay ki baat hai. Ab humein ekjut hokar us satya ko ujagar karna hoga, jisne humare jeevan mein yeh vish phailaya hai." Main abtak yahi samjh Rahi thi ki maine ek bahot bada paap Kiya tha..lekin aaj aisa lag raha hai maano uska paschatap ho chuka hai.
Vishwajeet (sahmi hui aawaaz mein):- shayad yuvaraj bhi kahin na kahi apne antim samay me ise paap samajh rahe the ki wo kaalpuriyon ko naagrikta nahi de paaye...naahi wo apne hone wale bacche ko bhi dekh paaye. Shyad apne patni ko vidhwa hote dekhna unhe bhi kisi paap ki tarah laga hoga.
Yuvaraj apne bhai ke saath us aakhri prasang ko yaad karte hai jahapar yuvaraj unhe apne kiye hue paap ke bare me batate hai..
Yuvaraj -( apne aap se) mere bhai, agar yahi aapka paap tha, to iska prayaschit main karunga. Main aapko vachan deta hoon
Agla bhaag jald hi
ye incest stroy hai ya adultery stroy