**Yuvraj ne Nirjala ko bahar nikaala. Maa Kadambari us bachchi ko apni god mein liye hui thi.**
Nirjala ki haalat bahut naazuk lag rahi thi. Yuvraj ne chaaron or dekha, unhe ek sthal par paani ki potli mili. Ve woh potli Nirjala ke paas lekar aaye.
**Yuvraj** – "Yeh lijiye, aap pehle paani peejiye."
Nirjala ne paani pee liya.
**Nirjala** – "Waise, aap kaun hain Prabhu? Aapko dekhkar aisa lag raha hai jaise aap kisi rajgharane se hon."
**Yuvraj** – "Haan, hum Vikrampur ke shaasak, Raja Ranvijay ji ke putra, Yuvraj Vikramaditya hain. Aur yeh hamari maa, Maharani Kadambari hain."
Nirjala ke chehre par ek muskaan aa gayi. Use laga ki vah ab Yuvraj aur Maharani ke saath surakshit hai.
**Nirjala** – "Achha hua, hamara naseeb accha hai ki aapne humein bacha liya. Aur aap Maharani Kadambari, iska matlab aap Shauryagadh ki Maharani Kumodini ki beti hain."
**Maa Kadambari** – "Haan, tumne sahi kaha beti. Hum apni maa se milne ja rahe the, lekin yeh bhayankar haadsa hamare saath ho gaya."
**Nirjala** – "Humein bahut khed hai Maharani ji, ki aapke sainik maare gaye."
**Yuvraj** (dukhi svar mein) – "Mare nahi, ve shaheed ho gaye hain."
**Nirjala** – "Hum maafi chahte hain Yuvraj."
Yuvraj ne kuch nahi kaha aur ve apne sainikon ke shavon ke paas chale gaye. Yuvraj Vikramaditya apne sainikon ke shav dekhkar gehri niraasha aur dukh mein doobe hue the. Unki aankhon mein kaafi der tak ek gehra andhera chhaya raha. Har ek shav ke paas jaane par unke mann mein ek bechaini thi, jo kabhi door nahi ho rahi thi. Unhone apni talwar ko apne haath mein kaskar thaama aur ek gehri saans li.
Yuvraj ka chehra udaas tha. Unki aankhon mein halke se aansu the. Kyonki pehli baar unhone apne kisi sainik ko khoya tha. Unhe apne sainikon ki maut ka dard apne dil mein mehsoos ho raha tha, jaise unhone apni saari duniya hi kho di ho. "Yeh sab meri wajah se hua hai," unhone apne mann mein kaha, "Main unhe bacha sakta tha..."
Jab unhone Maa Kadambari ko dekha. Unhone apni maa ki aankhon mein wahi chinta aur dard dekha, jo unke apne chehre par tha.
Unhone apni maa se kaha, "Maa, humne is yudh ko jeet liya... lekin kis keemat par? Yeh sab hamare sainikon ki qurbani se hua hai." Unke svar mein ek gehra dard aur apne sainikon ke liye apaar gham tha. Unhone maa se kaha, "Inhi sainikon ki wajah se hum jeet paaye, lekin unhi ki maut ne mujhe jeevanbhar ka ek shikast de diya hai. Main unhe kabhi nahi bhool paunga."
Maa Kadambari, jo apne bete ki peeda dekh rahi thi, unki aankhon mein gham aur samvedna ka anubhav kar rahi thi.
Maa Kadambari ne us bachchi ko Nirjala ke haath mein thama diya aur woh Yuvraj ke paas chali gayi.
Unhone Yuvraj ke haath ko pakad liya.
**Maa Kadambari** – "Yuvraj, aapne sab kuch kiya jo aapko karna chahiye tha. Humein bhi is sainikon ke shaheed hone ka dukh hai. Lekin iska dosh aap khud par mat lijiye. Niyati mein jo likha hai wahi hota hai."
Maa Kadambari jaanti thi ki Yuvraj bahut dukh mein hain. Dukh mein to woh bhi thi. Lekin woh jaanti thi ki Yuvraj ne pehli baar kisi sainik ko khoya hai. Aise waqt mein unke paas dilaasa dene ke alawa aur koi upaay nahi tha. Aur wahi prayaas woh kar rahi thi.
**Yuvraj** – "Haan, shayad aap sahi hain maa. Lekin hum inki balidaan ko vyarth nahi jaane denge."
**Maa Kadambari** – "Humein apne sainikon aur daasiyon ka antim sanskaar karna hoga. Tabhi inki aatma ko shaanti milegi."
**Yuvraj** – "Haan..."
Yuvraj jaante the ki ab dukh maanne mein koi laabh nahi hai. Lekin apne sainikon ko kam se kam ek acchi shraddhanjali arpit kar sakte the.
Yuvraj Vikramaditya ne apne sainikon ke shav ke paas khade hokar ek gehri saans li. Unhone apni talwar zameen par rakhi aur apne haathon se aaspaas ki lakdiyaan ikatthi karni shuru ki. Har lakdi ke saath unka dukh aur gehra hota gaya, lekin unhone apne shok ko apne kartavya ke saamne nahi aane diya. Kaafi samay tak unhone har jagah se jitni lakdiyaan milti, woh lete chale gaye.
Unhone saari lakdiyaan ikatthi ki aur unhein zameen par sahi tareeke se rakh diya, jo unke sainikon ke shav ko jalane ke liye kaam aane wali thi. Apne sainikon ke shav ko us par sambhal kar rakha. Shaant aur gambhir chehre ke saath unhone agni prajwalit ki, aur shavdaah ki vidhi shuru ki. Agni ki lapton ke saath unka dukh bhi ek bhaavpoorn shraddhanjali mein badal gaya.
Yuvraj aur Maa Kadambari ab un chitaon ki taraf dekh haath jode khade hue the. Maa Kadambari un sainikon aur daasiyon ko aakhri baar dekh bahut dukhi ho rahi thi.
Vikramaditya ne apne mann mein prarthna ki: "Aap sab apne dharm aur kartavya mein amar rahenge."
Aasman mein udi hui dhuaa aur agni ki lapton ke beech, unhone apne sainikon ko apni aakhri shraddhanjali arpit ki.
Maa Kadambari – "Hey Ishwar, inki aatma ko shaanti dena."
Nirjala apni bachchi ko pakde hue bas chupchaap dekh rahi thi. Aise samay mein woh bhi kuch nahi kar paati.
Ab kuch samay baad, Maa Kadambari Nirjala ke paas aayi. Unhone bachchi ki taraf dekha jo so rahi thi.
Maa Kadambari – "Bahut sundar bachchi hai. Iska naam kya hai?"
Nirjala – "Kadambari."
Maa Kadambari ek waqt ke liye hairaan ho gayi. Vah bas shayad ek sanyog tha ki dono ke naam bilkul ek jaise the.
Maa Kadambari – "Accha naam hai."
Nirjala – "Ji haan."
Maa Kadambari – "Tumhe bhukh lagi hogi na beti?"
Nirjala – "Waise haan...parantu...is samay."
Maa Kadambari – "Jaanti hoon, yeh samay sahi nahi hai. Par hum tumhe aise bhookhe thodi rehne de sakte hain."
Maa Kadambari Nirjala ko tambu mein lekar gayi. Wahan par rakhe huye kuch phal unhone Nirjala ko diye.
Maa Kadambari – "Tum yeh khane ke baad yahin so jana, hum Yuvraj se baat karne jaate hain."
Nirjala – "Ji dhanyawad Maharani Ji."
Maa Kadambari – "Ismein dhanyawad kis baat ka beti. Main wahi kar rahi hoon jo har insaan ko karna chahiye. Ab tum yeh khao aur yahin so jana."
Ab Maa Kadambari bahar aayi. Unhone dekha Yuvraj apne tambu ke bahar apni talwar lekar baithe hue the aur apne sainikon ki daah hoti hui chitaon ki taraf dukhi hokar dekh rahe the
Maa Kadambari ab unke paas gayi aur unke bilkul kareeb baith gayi. Samne chita jal rahi thi, jiski garm hawa in dono ko aa rahi thi.
Yuvraj – "Kya woh so gaye?"
Maa Kadambari – "Nahi, abhi tak nahi."
Yuvraj – "Aapko bhi shayad aaraam karna chahiye, humein kal bahut safar karna hai."
Maa Kadambari – "Yuvraj, humein lagta hai ab humein wapas apne rajya jaana chahiye. Kahin koi aur durghatna na ho."
Yuvraj – "Wapas nahi, Maa. Abhi hum wapas nahi ja sakte hain. Aapko badi maa se milwane tak hamara safar khatam nahi hoga."
Yuvraj ki baaton mein gambhirta thi.
Maa Kadambari – "Humein yeh safar sahi nahi lag raha, Yuvraj. Kahin aur koi anhoni na ho. Humein bas isi baat ka bhay ho raha hai."
Yuvraj – "Kuch nahi hoga Maa, hum aapke saath hain na."
Maa Kadambari chup ho gayi.
Yuvraj – "Ab aap aaraam karein. Kal subah bahut lamba safar tay karna hai."
Maa kadambari - aur aap kya puri raat aisehi baithenge.
Maa kadambari ko Yuvaraj ko chod kar jaane ka man nahi tha. Wo jaanti thi, aise samay unhe unke saath khada rahana hoga.
Yuvaraj - pata nahi..
Maa kadambari- hum aapko aise akele baithkar shok manate hue nahi dekh sakte yuvaraj.
Yuvaraj - koi baat nahi maa, aap chinta mat kijiye thik hai.
Maa kadambari- humne kahana hum nahi jaayenge.
Ab maa kadmabari ke baato ko yuvaraj bhi mana nahi kar paaye. Vaise bhi wo jada bolne ke stithi me nahi the.
Ab kuch der dono aisehi chupchap baithe rahe. Shayad thakawat ke karan baithe baithe hi maa kadambari ko nind lag gayi. Unka sir achanak se yuvaraj ke kandhe par chala gaya.
Yuvaraj ne apni maa ko kandhe par sir rakhkar sote hue dekha. Wo unhe uthana nahi chahte the.
Achanak se maa kadmabari nind me kuch badbadane lagi.
Maa kadmabari (nind me)- yuvaraj, hume dar lag raha hai....hume aage nahi jana chahiye....
Yuvaraj apni maa ki is awastha ko samjhte the. Unhone apna haath maa ke sir par rakha ,unhe apne aur paas kiya .
Yuvaraj ( apne man me)- dariye mat maa...hum aapke saath hamesha khade hai. Hum aapko kuch nahi hone denge.
Apni maa ke maasum chahre ko wo nihar rahe the. Jo ghatna ghati us se unhe bahot aahat hui thi. Aur us ghatna ka dard maa kadambari ke chahre pas saaf jhalak raha tha.
Dusre tambu me khadi nirjala ye drishya chupke se dekh rahi thi. Maano wo unki jasoosi kar rahi thi...
Agala bhaag jald hi
ON TIME UPDATE KE SATH AUR STORY KI TARAH DO HI UPDATE ME SEX DIKHA DETE HAI LEKIN TUMHARE STORY ME EK STORY LINE KE SATH SLOW SEDUCE KI WAJAH SE PADHNE ME ACHCHA LAGTA HAIItni khushi kis baat ki bhaai
