Fantasy Maharaja- Ek Ankahi Dastaan

[Mr.X796]

Update

 

[Mr.X796]

Update Aane suru

 

[king of darkness0411]

Update 01

Ye wo samay tha jab rajayon ka nahi aadhe se jyada ilaakon par kabilon ka raaj hota tha...

raja bhi huva karte the par tab unki sankhya bahut kum thi ya kahin-kahin to bilkul hi nahi...

chhote-chhote kabilon me ye duniya bati huyi thi...unn kabilon me raja nahi sardaar raj karte the...

aisa hi ek chota kabila tha singh kabila jiski aaj uske padosi kabile se jung hone wali thi...

dono kabilon ke sainik aamne-samne taiyaar khade the jung kabhi bhi ho sakti thi...

wahin ek gufa me ek sadhvi varshon se tapasya kar rahi thi...

uske paas bahut gyaan tha isiliye sab use gyaani maa keh kar bulate the...

uski baat talne ki himmat kissi me bhi nahi thi...abhi bhi wo tapasya me leen thi...

tabhi achanak uski aankhon ke samne kissi ka aksh aa gaya...jise dekhte hi uski aankhen khul gayi...

ye uske liye ek sanket tha ki kuch bahut galat ho raha hai jise use rokna hoga...

wo turant gufa se bahar aayi aur chal padi uss disha me jahan ke sanket use mile the...

wo abhi ja hi rahi thi ki raste me use bhagdad dikhayi di...

jise dekh wo aur bhi jyada baichen ho gayi aur ek aurat ko rok kar poochne lagi...

gyaani maa- kya huva tum sab bhaag kyun rahe ho...

wo aurat gyaani maa ko janti thi to usne aadar se bola...

aurat- gyaani maa singh kabile aur garud kabile ke beech bahut bhayanak yudh hone wala hai...

surya ki pehli kiran ke saath dono kabeele aapas me bhid jayenge...

yahi karan hai ki sab log apni jaan bachakar bhaag rahe hai...

gyaani maa- ye tum kya bol rahi ho mujhe unhe rokna hoga...rokna hi hoga...

ye bolte-bolte wo aage badh gayi aur wo aurat bhi wahan se bhaag gayi...

nahi main aisa nahi hone de sakti...agar aisa huva to chahe jeete koyi bhi haaregi poori duniya...

uske aane me main koyi badha nahi aane doongi...mujhe jaldi wahan pahunchna hoga...

ye bol kar wo jaldi-jaldi aage badhne lagi...wahin dusri taraf dono taraf ke log surya ki pehli kiran ka intzaar kar rahe the...

surya ki pehli kiran jaise hi nikli dono taraf se humla bol diya gaya...

abhi hathiyaar takrane hi wale the ki ek awaaz goongi..."ruk jao ye ladaayi band karo"...

ye awaaz sunte hi dono taraf ke logon ke haath wahin ke wahin ruk gaye aur sab awaaz ki disha me dekhne lage...

Super update

 

[king of darkness0411]

Update 02

gyaani maa ko dekh kar sabke sab ruk jaate hai aur aadar se unke samne jhuk jaate hai...

gyaani maa- ye sab kya ho raha hai...

tabhi garud kabile ka sardaar jiska naam shaka tha bolta hai...

shaka- gyaani maa aap to antaryaami hai aap to sab janti hai...

gyaani maa- haan janti hoon phir bhi tumse janna chahti hoon...

shaka- gyaani maa aap to janti hai ki hum apne hi kabile me ladkiyon ko bhyate hai...

magar simha ke muh bole bete ne humari beti ko bhagakar wo rasam tod di aur ye log use bacha rahe hai...

shaka ki ye baat sunkar singh kabile ke sardaar simha ne baat aage badhayi...

simha- nahi gyaani maa aisa bilkul bhi nahi hai mere bete ne inki beti ko nahi bhagaya...

balki inke kabile ke ladke ne humari beti ko bhagaya hai...

shaka (gusse se)- ye jhuth bol raha hai gyaani maa...

simha- nahi tum jhuth bol rahe ho...

aise hi dono me phir se jhagda hone laga par iss baar hathiyaar jubaan thi...

unke teer dono ke muh se nikalne wale shabd...jo kissi tarkash ki tarah the...

gyaani maa- band karo ye sab bilkul chhup ho jao...tum dono me se ab koyi kuch nahi bolega...

uske baad gyaani maa do logon ko bula kar unhe un ladka-ladki ko laane ko kehte hai jinki baatein chal rahi thi...

saath hi unke pariwaar walon ko bhi...kuch dair baad sabhi ko wahan laaya jaata hai...

itne waqt me gyaani maa ke baithne ka bhi intzaam kar diya gaya tha...

aaye huve logon ko dekh gyaani maa bolti hai...

gyaani maa- maine dono jodon ko kaha tha laane ko ye to ek hi hai...

ye baat sunte hi wahan ek sannata sa chha jaata hai...koyi bhi kuch nahi bol raha tha...

ye dekh kar iss baar gyaani maa gusse se poochti hai...

gyaani maa- main kuch pooch rahi hoon kahan hai dusra joda...

tab bhi koyi kuch nahi bolta...par ek awaaz se sab chonk jaate hai...

awaaz- gyaani maa wo kahan hai ye hum aapko batate hai...

ab ye awaaz kiski thi aur ye kya batane wale the...

Shandar update

 

[king of darkness0411]

Waiting for next

 

[king of darkness0411]

My new story tha demon king
King of darkness or king of love

 

[Prince Charles]

Update 03

awaaz dene wali do auratein thi jinke saath kuch aur auratein chali aa rahi thi...

awaaz dene wali auraton me se ek ka naam tha geeta aur dusri ka naam tha chaya...

geeta simha ki patni thi to chaya shaka ki...par ye dono bahut acchi saheliyaan bhi thi...

gyaani maa- haan batao kya batana hai...

abhi wo kuch bolti usse pehle hi shaka bol pada...

shaka- gyaani maa ye kya batayengi maine bataya na...

ye sun kar gyaani maa ko bahut gussa aaya aur wo boli...

gyaani maa- shaka kuch bolne se pehle socch liya karo kya tumhe ab hamare kabile ke reeti-riwaj bhi batane padenge...

ye sun kar wahan khade sabhi mardon ke sar jhuk gaye aur wo kuch bol nahi paaye...

ye dekh kar geeta ne bolna shuru kiya...

geeta- gyaani maa jaisa ki aap janti hi hai ki shakti hamara goud liya huva beta hai...

jo humein wahan mila tha jahan se aage ja kar aaj tak koyi jinda wapas nahi aa paaya...

aapne hi uska naamkaran kiya tha...saath hi chaya ki beti rukmini ka bhi...

uske baad aap tapasya karne chali gayi thi...humare kabile wale ek saath hi raha karte the...

jiske chalte shakti aur rukmini saath-saath hi bade huve...samay beeta aur unka pyaar bhi badhta gaya...

jab dono bacchon ne apne dil ki baat bataayi to garud kabile walon ne inkaar kar diya kyunki ye pratha ke khilaaf tha...

iske aage chaya ne bolna shuru kiya...

chaya- jab mere pati ko ye pata chala to wo bahut krodhit ho gaye...

uske baad unhone jald hi rukmini ka swemwar rakh diya...

jiska niyam aapne hi banaye hai...pratiyogita ko jitne wale vyakti se hi ladki ka vivah hota hai...

ye jankar ussi pratiyogita me hissa lekar shakti uska vijeta ban gaya...

tabhi shaka phir se bol padta hai...

shaka- shakti ne dhokhe se pratiyogita me bhaag liya tha...wo to hamare aamantrit mehmano me tha hi nahi...

gyaani maa- shaka kya tum ye bhi bhool gaye ho ki uss pratiyogita me aamantran ka bandhan nahi hai...

ek niymat aayu ka kuwara purush chahe wo kissi bhi kabile ka ho bhaag le sakta hai...

chahe wo amantrit ho ya na ho...bas uska vijeta banna jaruri hai ladki se vivah ke liye...

ye tumhare liye aakhiri chetawani hai...ab beech me bolne ki koshish mat karna...

jab tumse kuch poocha jaaye sirf tabhi bolna...

chaya ne phirse bolna shuru kiya...

chaya- jab sab ko pata chala ki vijeta shakti hai to sab ne niyam manne se inkaar kar diya...

magar rukmini nahi maani aur shakti use apne saath le gaya...

jisne bhi unhe rokne ki koshish ki wo bahut buri tarah se nakaamyaab huye...

uske baad shakti use singh kabile me le gaya...jisse dono kabilo me dushmani ho gayi...

simha- shakti aur rukmini ke milan se hum sab bahut khush the...wahin dono kabilon ki dushmani se dukhi...

aise hi waqt beetne laga aur rukmini ne ek rajkumar jaise bacche ko janam diya...

magar jaise hamari khushiyon ko grahan lag gaya...rukmini ke bacche ko marne ki koshish hone lagi...

jisse tang aakar ek din wo dono bina kissi ko kuch bataye yahan se chale gaye...

hume laga ki ye kaam garud kabile walon ka hai...jisse dushmani aur bhi badh gayi...

issi beech ek din garud kabile ka ek ladka humare kabile ki ladki ko bhaga le gaya...

par unhe humne pakad liya aur jab shaadi ki baat karne garud kabile me gaye...

tab garud kabile walon ne ye keh kar hamara majak udaaya ki unke ladke ne bilkul sahi kiya...

humare kabile ki ladki ko bhaga kar...magar ab wo apne ladke ki shaadi kissi aur ladki se karenge...

ye jo bhi kuch huva hai ye humare liye sada badnaami ka kala dabba ban kar rahega...

issi wajah se hum majboor ho gaye the ladayi karne ke liye...

ye baat sun kar to gyaani maa ka gussa bahut badh gaya...aisa lag raha tha jaise wahan bhuchaal hi aa gaya ho...

 

[Prince Charles]

Update

dear...3rd update posted...

 

[Prince Charles]

Update Aane suru

haan ab aise hi update aate rahenge...

 

[Prince Charles]

Super update

dear...3rd update posted...