Romance Mentality [Completed]

[Champ_AK_81]

Thanks Kamdev bhai for your support and review...Keep supporting.

Posting.

 

[Champ_AK_81]

UPDATE 100 (LAST)


2 Months Later​

Rahul khushi se bhaagte hue Nisha ke room me gaya....Aur gate knock karne laga.

Rahul:- Nisha jaldi gate kholo....Tumhe ek baat bataani hai...Jaldi kholo....Good news hai.

Rahul aur wait nahi kar paa raha tha....Jaldi se wo Nisha se milna chaahta tha aur usse ek good news dena chaahta tha.

Nisha bhi gate khol deti hai.

Nisha:- Rahul....Itna thake hue kyu ho....Aur kya kehna chaahte ho.

Nisha ne Rahul ko haanfte hue dekha tab puccha....Waise to Nisha ko pehle hi pata tha ki Rahul kya kehne waala hai.

Rahul bhi room ke andar aaya aur gate ko lock karke Nisha ke saath bed me jaakar baith gaya aur kaha.

Rahul:- Nisha aaj mai bahut khus hu....Papa hamaare shaadi ke liye maan gaye....Kal hi hamaara engagement hai.

Nisha:- (muskuraate hue) Wo to bahut pehle hi maan gaye the.

Nisha ne dhire se kaha....Jisse Rahul ne sunn liya par usse vishwaas nahi ho raha tha....Wo abb serious hokar bola.

Rahul:- Kya kaha tumne?

Nisha:- Kya kaha maine? Kuch bhi to nahi.

Nisha ne muskuraate hue jawaab diya.

Rahul:- Nahi kuch to kaha tha tumne....Abb drama band karo aur bolo.

Nisha ko bhi laga ki abb sab sach bataa dena chaahiye.

Nisha:- Tumhaare parents to bahut pehle hi maan gaye the hamaaare shaadi ke liye.

Nisha ne muskuraate hue kaha to Rahul shocked ho gaya.

Rahul:- Ye kya keh rahi ho tum....Wo kab maan gaye hamaare shaadi ke liye....Wo to hamaari shaadi ke khilaaf the.

Rahul ko kuch samajh me nahi aa raha tha ki Nisha kya keh rahi hai....Wo confused ho gaya tha.

Nisha:- Nahi wo to pehle hi din maan gaye thhe jab ham yaha aaye the.

Rahul:- Please tum mujhe confuse karna band karo....Aaj hamaare liye khushi ka din hai ki wo hamaare shaadi ke liye maan gaye hai....Aur tum khus hone ke jagah mera majaa le rahi ho.

Rahul ne thoda chhidhte hue kaha.

Nisha:- Nahi Rahul....Mai koi majaak nahi kar rahi hu....Jab ham yaha aaye the aur tumne hamaare pyaar ke baare me kaha....Unhone jhutta gussa dikhaaa kar mana karne ka naatak kiya tha....Aur tum gusse me waha se nikal gaye the.

Rahul:- Kya wo jhutha gussa tha? Aur unhone kyu shaadi se inkaar karne ka naatak kiya....Nisha clearly bataao....Mujhe kuch samajh me nahi aa raha hai....Confused ho raha hu.

Nisha:- Wo naraaj the ki tumne unse itni badi baat chupaaya tha...Tumhaare Papa thodi der ke liye majaak karna chaahte the....Lekin tumhe majaak samajh me aata hi kaha hai....Gusse me nikal gaye waha se mujhe akela chhod kar....Mai to bahut dar gayi thi ki abb wo mujhe kya kahenge aur mera kya hoga....Tab unhone tumhaare Maa ke kaan me kuch kaha aur wo khus hokar mere paas aa gayi aur mere gale lag kar tabhi se mujhe apne bahu maan liya.

Unhone kaha unhe iss shaadi se koi aitraaz nahi hai....Wo khus hai....Aur mujhe bataaya ki wo Rahul se thoda majaak karna chaahte hai....Wo naraaj the ki tum bahut kam milne jaate the unse aur ye baat pehle nahi bataya.

Nisha ne muskuraate hue kaha....Rahul to shocked hokar sab sunn raha tha.....Jab Nisha ne apni baat khatam kiya tab Rahul bola.

Rahul:- Itna sab kuch ho gaya....Lekin tumne mujhe ye baat nahi bataaya....Tumne ye galat kiya Nisha...Pata hai mujhe kitna gussa aa raha tha aur paagalon jaisa ho gaya tha Papa ki aisi behavior se.

Rahul ne Nisha se shikaayat karte hue kaha.

Nisha:- Maine iss liye nahi bataya kyu ki tum gusse me bahut cute lagte ho.

Nisha ki iss baat par Rahul ne Nisha ko ghurte hue apna munh dusri taraf ghuma liya.

Nisha:- Abb ladkiyon ki tarah munh fulaana band karo.....Rahul tum sach me buddhu ho....Jab mai yaha iss ghar me reh rahi hu tabhi tumhe samajh jaana chaahiye thaa na ki unhe shaadi se koi aitraaz nahi hai.

Nisha ki iss baat par Rahul ko thoda thoda baat to samajh me aaya lekin abhi bhi wo confused tha.

Rahul:- Lekin tum to yaha iss room me rent me reh rahi ho na.

Rahul ne fir se Nisha se apna confusion puccha.

Nisha:- Rahul tum sach me ullu ho....Agar wo shaadi ke khilaaf hote to wo mujhe yaha rehne kyu dete....Dhakke maar kar nikaal dete....Movies nahi dekhte ho kya.

Rahul ko abb yakin ho gaya ki uske parents sach me naatak kar rahe the.

Rahul:- To kya mai jaan sakta hu iss naatak ki picche ki vajah kya hai?

Nisha:- Kitni baar tumhe samjhaana padega....Wo naraaj the tumse....Iss liye chhota sa naatak karna chaahte the tumhe tadpaane ke liye....Pyar me ye sab to chalta rehta hai.

Aur tum to ho hi buddhu, ullu....Tum roj apne Papa ko manaane ke chakkar me koi na koi comedy kar dete the.....Isse ham sabko majaa aata tha aur socha ki ye majaak ko thodi der ke liye continue karte hai....Aur pata hi nahi chala kab 2 mahine beet gaye....Aur jab ehsaas hua ki ye majaak kuch lambe time ke liye chala to Papa ne tumhe bataa diya ki kal engagement hai.

Rahul mujhe bhi majaa aa raha tha tumhaara pyaar dekh kar....Hamaare rishte ke liye tumhe kitna paapad belna pada....Majaa aa raha tha jab tum unhe manaa rahe the aur mujhse aakar kehte ki "Nisha tum chinta mat karo....Mai jaldi mana lunga unhe".


Rahul:- Mere peeth picche itna bada drama chal raha tha....Aur mujhe kuch pata hi nahi chala....Papa aur Maa ko to baad me dekh lunga....Waise accha laga jaankar hi sab khus hai shaadi ke liye.

Rahul ne apna khushi jataate hue kaha.

Nisha:- Chhodo ye baatein abb...Aaj hamaare liye accha din hai ki kal hamaara engagement hai....Aur ham hai ki bakwaas kiye jaa rahe hai.

Rahul:- Baato ki chakkar me to mai ye sab bhul hi gaya.

Itna keh kar Rahul Nisha ki taraf ek gold ka ring badha deta hai aur kehta hai.

Rahul:- Ye meri pehli kamai se kharida hai....Sabhi ke liye gifts laaya tha aur tumhaare liye bhi....Please isse kal pehan lena.

Nisha Rahul ka pyaar dekh thoda emotional ho gayi.

Nisha:- Itna pyaar karte ho Rahul tum mujhse.

Rahul Nisha ki aankho ki aansu pocchte hue.

Rahul:- Nisha please mat roo...Tumhaari aankho me aansu acche nahi lagte....Tum muskuraate hue hi acchi lagti ho....Jitna tum mehsoos kar rahi ho usse bhi jyaada pyaar karta hu aur karta rahunga....Tum to jaanti hi ho ki mai jyaada nahi bolta....Jo bhi bolne laga hu tumhaari vajah se hi bolne laga hu....Pyaar to bahut karta hu lekin bas thoda sa hi jatata hu....Dhire dhire tumhe khud pata chal jaayega ki mai kitna pyaar karta hu tumse.

Rahul ki aawaj me Nisha ke liye bahut pyaar tha.

Nisha:- Ye to khushi ke aansu hai....Rahul please ek vaada karo mujhse....Tum mujhse aise hi hamesha pyaar karte rahoge.....Please agar mujhse galti ho jaaye to ek thappad maar dena par naraaj mat hona.

Nisha ne fir se emotional hokar kaha.

Rahul:- Aisa kabhi hoga hi nahi ki mai tumse naraaj ho jaau....Mai jaanta hu tum kabhi jaanboojh kar koi galti nahi karogi....Aur rahi baat pyaar ki to wo to mai tumse hamesha hi karta rahunga.

Nisha:- Tum nahi jaante ho Rahul....Tum meri life me kya maayne rakhte ho.....Jab se tumse pyaar hua hai tab se bas yahi sochti thi ki tum mujhe miloge yaa nahi...Jab hamaare bich galatfehmi hua aur tum mujhe chhod kar jaane waale the tab bhagwaan se pucch rahi thi ki maine kya galti kiya hai jo mujhe ye saza mil raha hai.

Lekin bhagwaan ne to ek nahi bahut saari khushiyan mujhe lauta diya....Tumhaare saath saath ek family bhi mujhe mil gaya.....Jab Maa aur Papa ka saath chhoota tab hamesha unki yaaad aati thi aur yahi sochti thi ki aage mere life me kya hoga....Kaise saamna karungi iss duniya ka....Jab tum mile to laga ki tumhaare saaath jindagi kaat lungi....Aur jab tumhaare saath iss ghar me aayi tab mujhe laga mujhe mere Maa aur Papa fir se mil gaye....Tumhaari behan ke roop me ek dost mil gaya....Tumhaare parents ne bhi mujhe apni beti ki tarah hi maana....Aur wo pyaar diya jo bahut kam ladkiyon ko hi milta hai apne Aaas aur Sasur se....Sach me bahut accha aur pyaara family hai Rahul....Meri khoyi hui khushiyan fir se laut aaya.....Ye sab tum aur tumhaare pyaar ki vajah se hua hai Rahul.....Thank you so much Rahul....I love you Rahul.

Ye kehte hue Nisha ki aankho se fir se aansu aa gaye....Rahul fir se Nisha ki aansu pocchte hue kehta hai.....

Rahul:- Nisha mai bhi bahut lucky hu jo tum jaise pyaar karne waali ladki mili mujhe....Tumhaare bina mai apne life ka ek pal bhi soch nahi sakta....Jab se tum mili ho jindagi me jaise khushiyan laut aayi ho....Tum abb meri jeene ki vajah bhi ban gayi ho.....I Love you too Nisha....

Abb ye aansu pooch lo....Abb hamaare khushiyon ka din hai....Hamaare sab apne mil gaye...Ajay bhi apne life me settle ho gaya....Vijay aur Priya bhi apne life me mast hai....Raj bhaiya aur Riya bhabhi ki bhi kuch time baad shaadi ho hi jaayega...Risabh aur Arjun abhi bhi single hai....Aditya aur Raju ne jail me hi suicide kar hi liya....Accha hi hua...Kameeno ko jine ka koi hak hi nahi tha itna crime karne ke baad....Jail ki life sehan nahi ho paaya unse aur kameeno ne suicide kar liya....

Nisha:- Kyu unki naam bich me laakar mood kharab kar rahe ho.....WO jiye yaa mare hame kya matlab unse...

Rahul:- Sorry....Aaj ke shubh din me bhi unn manhoos ka naam le liya....Chalo abb kal ki engagement ki taiyaari karte hai....

Itna keh kar Rahul aur Nisha haath pakde jaate hai hal me Maa aur Papa ka aashiebaad lene aage ki jindagi ko khushi ke saath guzaarne ke liye....

Aaj Rahul aur Nisha ne ek dusre ko paa hi liya apni sacche pyaar ki taakat ki vajah se.....Jindagi me kuch mushibaton ka saamna karte huye aur apna pyaar ko nibhaate hue....Abb agar unki life me aage kuch aane waala hai to wo hai pyaar ke naya roop aur dher saari Khushiyan.

THE END​

 

[Champ_AK_81]

Writer's Note​

Dosto ye tha Rahul aur Nisha ki kahani....Maine vaada kiya tha ki iss story ko complete karunga aur wo aaj kar hi diya umeed hai aap sab ko pasand aaya hoga.....Positive ho ya negative aap log apna review jarur dena....

Ye story ko maine jitna ho sake utna simple banane ka koshish kiya hai ha ho sakta hai kuch jagah par galti bhi ho....Aap sabko lag sakta hai ki story ko thoda aur badhaana chaahiye tha....But friends maine story ka end yahi tak ka socha that aur bas Rahul ki mentality ka change ko dikhaane ka koshish kiya tha....Story ko aur likhta to bevajah usse khinchna jaisa hota jisse story ka flow bigad sakta tha....Agar aage ka plot mila to sequel me baare me jarur sochunga....

At last, thanks to all my friends who supported me and read my story.....Our 4 months journey was only up to here in this story.

 

[Champ_AK_81]

Writer's note on XF​

Socha to nahi tha ye story dobaara yaha post karunga...Aur jab post kiya tab regular update shuruwat mein post nahi kar saka jo ek problem aakhir tak bana raha...Uske liye aap sab se maafi maangna chahunga.

Jab ye story post kiya tha uss vakt laga ki 2-3 new readers bhi story ke saath judenge to ye ek achievement hoga...1st time ye story likhte vakt bhi jyada readers nahi thhe abhi bhi utna jyada to nahi hai lekin jo bhi readers ne story padha hai unhe kaafi pasand aaya ye khushi ki baat hai.

Aur issi ke saath mera iss forum mein bhi sabhi stories complete karne ka record maintain hi hai running story ko chhod kar.

Ek baar fir aap sabhi readers ka bahut bahut dhanyabaad jis vajah se mai apna story complete karne mein kaamyaab rehta hun. all.

 

[Akkialex]

Grand best update of the story kyunki aakhir me jeet pyar ki hui Rahul aur Nisha dono aakhirkar mil hi Gaye????

 

[Avinashraj]

Bahot heen lajawab story bhai ekdum love se bhari hui mst bhai sabkuch isme jabardast tha bole to sabkuch ending bhi lajawab...thanks itni achi story likhne ke liye..

 

[kamdev99008]

Mujhe to ye lagta hai.... Aise gusse me hamesha galat hi karnewale ke sath itna sahi kaise ho gaya.....
Rahul dimag se bhi bilkul khajur hi hai.... Nisha iske ghar me iski family ke sath rah rahi hai.... Aur ise gharwale shadi ke khilaf dikh rahe hain....
Itna common sense to bachcha bhi laga leta hai..... Lekin nisha sahi kah rahi thi... Ye wastav me ullu hi hai

Khair.... Ant bhala so sab bhala.... Sab ladkiyon ki tarah nisha ke bhi man me jo ichchha rahi hogi.... Wo puri hui
Usko bhi ek ullu mil gaya jindgi bhar ke liye

 

[Akki ❸❸❸]

 

[Nevil singh]

PROLOGUE​

Insaan apne janm ke baad badhte umar ke sath sath bahut kuch sikhta hai...Kisi cheej me achha experience
bhi hota hai...Apne liye kya Sahi hai aur kya Galat iss ka decision bhi time k saath achhe se lena sikh jaata hai...Kuch gyan aur education ke baad uska apna naya
soch ban jaata hai....Kisi bhi cheej me kaise react karna hai ye uske Mentality par depend karta hai...Har insaan ki mentality bhi alag hota hai.

Ye kahani me ek aise insaan ki mentality ko dikhaya gaya hai jo koi bhi kaam me kaise react karega khaas taur par
"pyar" par...Uske mentality pyaar ke baare me kaisa hai aur kaise change hoga ye kahani me likha jaayega. Film,
Stories aur aas paas ke log ko dekh kar iss ne pyaar ko jaise jaana tha kabhi ye pyaar ko positively leta hai to kabhi
negatively...Time ke saath saath iss ka decision pyaar ke liye change hota rehta hai.

Shaandaar

 

[Nevil singh]

UPDATE 1​

Ye Kahani hai Rahul ki....Rahul middle class family se belong karta hai...Iss ka
family ek nuclear family hai jiss mein 4 family members rehte hai...Rahul ke family me
uske alawa uska Papa, Mummy aur ek behan hai...Rahul ka age 18 years hai....Abhi class 12 me just enter kiya hai...Dekhne me thik thak hai...Skin
colour thoda saawla hai...Dekhne me badsurat bilkul bhi nahi hai aur uska body slim hai jyada muscular bhi nahi...Dikhne me bilkul fit hai...Uska face
dekh ke koi bhi keh sakta hai ki bahut hi serious insaan hai...Chehre par muskurahat bas kabhi kabhi aata hai...Jyaadatar akela rehna pasand karta
hai...Kyuki ye kisi se gehri dosti nahi karta hai aur bas ussi se jyada baat karta hai jisse uska gehra relation ho...Apne Mummy, Papa , Raj(Uska Mama ka beta hai aur age me kuch months se bada hai), and Ajay (best friend) se hi jyada baat karta hai.

Ajay aur Rahul ki pehchaan bachpan se hi hai wo dono Class 5 se hi saath me
padhe the...Suru suru me to ye dono jyada baat cheet nahi karte the par class 10 me jab pahuche to dono ki dosti bahut hi acchi ho gayi...Class 10 tak Ajay class ka topper tha to Rahul 3rd position me tha par 10 th ke baad
Rahul 2nd me pahuch gaya... Dono ne 10th ke baad Science padhne ka decide kiya, Ajay ne Physics group join kiya to Rahul ne Biology...Ajay future me engineer banna chahta hai aur Rahul doctor...Abhi abhi dono ne class 11 ka exam diya tha aur class 12 me enter kiya tha...Jaisa socha tha unn dono ne
exam ke baare me usse bhi bura hua tha aur ab result ka wait kar rahe hai.

Raj Rahul ka bhaiya hai...Wo uska mama ka beta hai...Bas kuch months age
me bada hai...Iss ne bhi class 11 aur 12 Rahul ki tarah biology le kar padha tha...Ye bhi doctor banna chahta hai aur MBBS ka entrance ka preparation
kar raha hai...Iss ka aur Rahul ka rishta bhai aur dost dono ka tha....Inn dono ko ek dusre ke acche se jaante hai... Rahul bachpann me khud ko bahut hi
akela mehsoos karta tha...Tab Raj ne uska bahot hi acche se nibhaya tha...Ye dono alag alag jagah rehte hai aur saal me inki mulakaat bas 2 baar hi hoti hai vacations ke time me... Raj ka ek chhota bhai bhi hai uska naam hai Rohit...Rohit padhne me thik thaak tha... Rahul Rohit se bhi acche se baat karta tha lekin Raj jitna nahi.

Abhi Rahul ko class 12 me enter kiya hua jyaada din nahi hua tha...Bas 1 week pehle hi Ajay aur Rahul class 12 me gaye the...Dono same hostel me rehte hai par unka college different tha...Wo log ek private hostel me rehte
the.

Ye dono class 11 se hi hostel me rehte aaye hai...Rahul aur Ajay saath me Physics, aur Chemistry padhte the...Kyuki ye dono subject common thi dono ke liye.

Aise hi wo dono saath me padhte hue baat karne lagte hai apne life ke experience ke baare mein.

Jordaar shuruwat ke sath behtreen update hai mitr.