If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Priya:- Jab maine usko "I love you" kaha tha...Shaayad tab usko yakin nahi ho paa raha tha...Meri baato ko bahut hi gaur se sun raha tha...Meri baaton me koi feelings nahi thi...Jab maine ye realize kiya tab maine apni galti ko sudhaar liya...Acting mein to acchi hu...Baad me usse bhi yakin ho gaya ki main bhi usse pyaar karti hu.
Ladka:- Chalo koi baat nahi...Ant bhala to sab bhala.
Priya:- Ye naatak mujhe kab tak karna hoga.
Ladka:- Kuch din aur...Priya tum usse apne pyaar me majboor kar dena ki usko tumhaari jarurat padne lage...Tum se door hone ke soch se hi usko dar lagne lage...Aur jab usse sacchayi pata chale tab tak bahut der ho jaani chahiye...Main usse tadap tadap kar marta dekhna chahta hun.
Priya:- Ok...Jaisa tumhe thik lage....Ye kaam to bahut mushkil hai...Lekin tumhare liye jarur karungi.
Idhar wo Ladka aur Priya Rahul ke khilaf apna plan bana rahe the...Udhar Rahul inn sabhi baato se bekhabar apna hostel pahunch jaata hai...Hostel pahunchte pahunchte raat ke 8:00 baj chuke thhe...Ussko aaj Ajay aur Raj ko khush khabri deni thi....
Rahul apne hostel room me pahunch kar.
Rahul:- Ajay tune dinner kar liya?
Ajay:- Nahi bhai...Tera hi wait kar raha tha....Aur ek baat bata tu bahut khush lag raha hai...Priya se kya kya baatein kiya? Jo tu itna khush hai.
Rahul:- Bhai abhi nahi...Chal pehle dinner karke aate hai...Uske baad araam se bataaunga...Bahut jor se bhukh lagi hai.
Ajay:- Chal thik hai...Pehle dinner karke aate hai...Waise bhi aaj tera pet to Priya se baat karke bhar gayi hogi.
Rahul:- Jyada bakwas mat kar...Chup chap dinner karne ke liye chhal.
Uske baad dono dinner karne ke liye chale jaate hai...Dinner karke aane ke baad...Aur
Ajay:- Chhal ab bataa...Aaj kya kya baat hui tere aur Priya ke bicch me? Kya tu saara din Priya ke saath hi tha?
Rahul:- (Haste hue) Kamine...Do pyaar karne waale log ke bicch ki baat ko nahi sunna chahiye...Ye bhi tujhe nahi pata.
Ajay:- Do pyaar karne waale log ka kya matlab...Ye ek tarfa pyaar hai...Bas tu hi Priya se pyaar karta hai...Wo tujhse pyaar karti hai ya nahi ye tujhe bhi nahi pata.
Rahul:- Agar main kahu ki ye do tarfa pyaar hai to?
Ajay:- Impossible yaar...Tu kaise keh sakta hai itne yakin ke saath ki wo bhi tujhse pyaar karti hai...Jitna main tujhe jaanta hu tu ladkiyo ke dil ki baat ko kabhi nahi padh sakta.
Rahul:- Kamine jyada buraai karne ki jarurat nahi hai...Socha tha dinner karke tujhe aaram se batata hu ki aaj kyaa baat hui thi hamaare bich...Lekin tune baat ko uljha diya.
Rahul:- "Kya reply kiya?" Iska kya matlab hai? Jab usne mujhe purpose kiya to maine bhi accept kar liya.
Ajay:- Tujhe nahi lagta ki ye sab bahut jaldbaazi me ho raha hai...Maine tujhe pehle bhi kahaa tha ki jaldbaazi main koi bhi faisala mat lena.
Rahul:- Bhai ye sab jaldbaazi nahi hai...Mujhe uske upar visswaash hai...Pyaar ka dusra naam hi vishwaash hota hai...Agar maine Priya pe shak kiya to mera Pyaar ka koi bhi value nahi hoga.
Ajay:- Accha thik hai...Bas itna hi kahunga ki aage jo bhi karna hai soch samajh ke karna.
Ab Rahul kuch kahe isse pehle hi Raj ka phone aa jaata hai...Rahul ne bhi jaldi se phone utha liya.
Raj:- (Gusse me) Kamine bhul gaya kya mujhe? Itne din ho gaya baat bhi nahi kiya...Facebook ka messages ka reply bhi nahi deta...Aakhir ho kya gaya hai tujhe?
Rahul:- Bhai mujhe pyaar ho gaya hai.
Jab Raj ne ye suna to wo shocked reh jaata hai.
Raj:- Kya kaha tune? Dekh abhi main tujh se gussa hun...Majaak mat kar
Rahul:- (Fraustrated ho kar) Are yaar...Koi meri baat pe vishwash kyu nahi karta? Pehle Ajay ko bataya usne mera majaak udaaya ab aapne bhi...Aap log ko kya lagta hai ki koi mujhe pyaar nahi karega? Itna bura hu kya main?
Raj:- Mera wo matlab nahi tha...Jab main tujhse kuch din pehle mila tha to tune mujhe iss baare me kuchh nahi bataya...Abb itni jaldi ye sabb...Mujhe ye baat hajam nahi hua.
Fir Rahul Raj ko saari baat detail me bata deta hai.
Raj:- Bhai...Ye sab to thik hai...Lekin mujhe lag raha hai ki ye sab bahut jaldi me ho raha hai...Soch samajh kar hi apne kadam aage rakhna...Ye duniya bahut bura hai bhai...Log apne faaydaa ke liye kisi se bhi bewafaayi karte hai aur dhokha dete hai.
Raj ki baat sun kar Rahul kuchh der ke liye chup ho jaata hai...Aur fir kehta hai.
Rahul:- Bhai aap bahut baar ye bewafaayi ke baare me keh rahe hai...Lagta hai kisi ne aapko pyaar me dhokha diya hai...Please khul kar bataiye naa.
Raj:- (Dukhi ho kar) Dekh Rahul...Abhi main uss baare me baat nahi karna chahta...Vakt aane par tujhe sab kuchh bata dunga...Please iss tarah se baar baar sawaal mat kar...Bahut dukh pahunchta hai.
Rahul:- Sorry Bhai...Aapko dukh pahunchaane ka mera koi maksaad nahi tha.
Raj kuchh bolne ki haalat me nahi tha...Isiliye bahut mushkil se kehta hai.
Raj:- Bhai...Abhi mera baat karne ka koi mood nahi hai...Abhi rakhta hu...Baad me baat karunga tujhse.
Itna keh kar Raj phone rakh deta hai...Rahul ko bahut bura lagta hai ki anjaane me hi sahi lekin usne Rahul ko dukh pahuchaya hai...Iske baad wo Ajay se kuchh baat kart a hai aur sone ke liye apne bed me chalaa jaata hai.
Aaj ki Raat sabhi ke liye alag tha jisko bhi iss love ke case ke baare me pataa tha...Rahul ko aaj pyaar paane ki khushi tha...Priya ko aaj apni acting me Rahul ko fasane ki khushi thi....Uss Ladke ko Rahul ki aane wali Barbadi ke baare me sochh kar khushi mil rahi thi...Ajay Rahul ke pyaar ka future ke baare me soch raha tha...Raj ko aaj kuchh puraani baatein yaad aane ki vajah se dukhi tha.
Ye pyaar ka game inn Logon ke jindagi ko kis direction me le jaata hai.....Ye to bas vakt ko pata hai.
Jab subah hua to Rahul jaldi se fresh ho kar chhai naashta karne ke baad jaldi se college chala gaya...Aaj college jane me use bahut achha lag raha tha...Aaj uska khushi ka koi thikana nahi tha...Kuch din pehle tak jis ladki ke liye wo deewana ban ke ghum raha tha kal usi ladki ne usse purpose kar diya tha...Aaj college ke lectures me Rahul ka dhyan bilkul bhi nahi tha...Wo bas teacher ko dikhane ke liye apni aankhon ko books aur teacher ke face ki taraf kar raha tha lekin dimaag to bas Priya par hi tha...Aaj usse Priya se milne ki bahut jaldi thi...Kisi tarah se usne lunch time tak apne aap par control rakha...Jaise hi lunch time start hua...Wo jaldi se college ke park ke taraf chala gaya.
College ke park me pahunchte hi wo Priya ko idhar udhar dhundne laga...Lekin Priya usse kahin bhi nahi mili...15 minutes ke baad Priya bhi college me aa gayi....Rahul ne iss vakt ko bahut mushkil se kata...Bahut bechain ho gaya tha wo...Jaise hi Priya Rahul ke pass aayi to Rahul ne usse sawal kiya.
Rahul:- Tumhe itna late kaise ho gaya? Main kab se intejaar kar raha tha tumhara.
Priya:- Bas 15 minute hi to hua hai...Lunch karne me to itni time normally lagta hi hai...Tum ne aaj Lunch nahi kiya kya?
Rahul:- Nahi...Tumhara wait kar raha tha.
Priya:- Ye kaisa paagalpan hai Rahul...Tum ne mera intezaar karke lunch nahi kiya...Ye mujhe accha nahi kiya.
Rahul:- Mujhe bhukh nahi hai...Subah naashta karke aaya tha.
Priya:- Rahul tum college me pure 6 ghante rehte ho...Bas yahi lunch time hai kuch khane ka...Aur tum kaise 6 ghante bina kuch khaye reh sakte ho.
Rahul soch raha tha ki kya kahu...Lekin kuch der sochne ke baad bhi usse koi idea nahi mila...To haar kar usne kaha.
Rahul:- Sorry Priya...Aage se aisa nahi karunga.
Priya:- Tumhara koi bharosha nahi...Baar baar galti karte ho...Kal tumne kaha tha ki raat ko phone karoge...Lekin nahi kiya...Aur aaj bhi tumne lunch nahi kiya...Meri nahi to apna khayal to rakho.
Jaise hi Rahul ne Priya ki phone waali baat ko suna...To usse yaad aaya ki wo kal raat ko Ajay aur Raj se baat karne me itna busy ho gaya ki Priya ko phone karna hi bhul gaya...Abb usse Priya se dar lag raha tha ki kahi wo usse naraaj na ho jaaye.
Rahul kuchh kehne hi walaa tha ki Lunch time khatam hone ki bell baj gayi...Rahul ko thoda sa chhain to mila par usse bilkul bhi accha nahi laga...Kyuki abb wo Priya se ab baat bhi nahi kar sakta.
Rahul:- Sorry Priya...Iss baar maaf kar do...Aage se aisi galti nahi karunga.
Priya:- Pehli baar hai isiliye maaf kar rahi hu...Agli baar se kiya to mujhse buraa koi nahi hoga.
Itna keh kar Priya aur Rahul dono apne apne class ki taraf chale jaate hain...Rahul ki chehre me ek sukoon tha to Priya ke chehre me ek shaitaani mushkaan...Wo Rahul ko apne liye aisi paagal pan dekh kar andar se hans rahi thi...Bas uss din ka intezaar kar rahi thi jiss din wo Rahul ko uss ladke ke saamne haarta hua dekh sake.
College khattam hone ke baad dono apne ghar ke taraf chale jaate hain...Aur Phone me pyaar bhari baatein karne lagte hain.
Samay kabhi bhi ek jagah par nahi tikta hai...Wo bas apne gati se aage badhta hai.
Aaj Rahul aur Priya ka pyaar ka 8 months ho chuka tha...Inn samay me Rahul me bahut badlaaw aa chuka tha...Uska pyaar Priya ke liye har din badhtaa hi jaa raha tha...College ke park me dono roj milte the...Phone me bhi hameshaa baatein karte the....Har holiday ke din wo dono kahi baahar ghumne jaate the...Rahul apna life Priya ke bina soch bhi nahi sakta tha...Abb usse Priya ki aadat pad chuki thi...Wo hamesha apni aur Priya ke baare me Ajay aur Raj ko sunaake chidhata tha.
Aisa nahi tha ki Rahul Priya ke baare me soch kar apna daily routine se picche hat gaya tha...Wo apna har kaam acche se karta tha...Padhaayi me bhi dhyaan deta tha...Uska terminal exams bhi accha hua tha...Priya ka uske life me aane se wo bahut khush tha...Bacchpan me akela rehne wala Rahul ko apni life me pehle koi khaas interest nahi tha...Lekin Priya ka saath paane ke baad uska khushi ka koi thikana nahi tha...Wo apna pyaar me itna andha ho gaya tha ki usse Priya ka koi bhi chhal kapat nahi dikh raha tha...Bas Priya me hi khoya hua rehta tha.
Usne apna aur Priya ke future ke liye kaafi saari planning bhi kar rakhi thi...Usne sochha tha ki uska life me abb bahut saari khushiyaan aayega...Jindagi ek dam mast ho jaayegi...Lekin ye saari khushiyaan kuchh pal ki thi...Bahut jald uska dil tootne wala hai...Saare sapne bikharne waala hai...Chhal kapaat aur chaalbaazi ka khel dekhne ko milne waala hai...Dhokhebaazi aur Bewafaayi ka ek naya udhaharan (example) saamne aane wala hai.
Aise hi roj ki tarah Rahul ek din college se waapas hostel ki taraf jaa raha tha...Jab wo park ke paas pahuncha to usne Priya ki awaaz suna...Usse thoda hairaani hui ki Priya iss vakt yaha prk me kya kar rahi hai...Jab wo Priya ko dekhne Park ke andar gaya to aage ka drishya dekh kar bahut dukhi ho gayaa...Aankhon me kab aansun aa gaye pataa hi nahi chala...Wo khada nahi reh paaya...Niche jameen par gir gaya...Dimaag bhaari hone lagaa...Aaj usse apna duniya bikharte hue dikhne lagaa...Saamne Priya aur wo ladka bench me gale lag kar baithe the aur baat kar rahe the...Wo dono ka baat sun kar Rahul ka baaki bacha hua himmat bhi khattam ho gaya.
Priya:- Are jaan...Please chhodo na...Agar hume Rahul yaa fir kisi aur ne dekh liya to mushibat me pad sakte hain.
Ladka:- Priya...Please aaj mat roko...Bahut din ho gaya tumhare saath baat nahi kiya...Aaj tumse baat karne ka bahut dil kar raha hai.
Priya:- Main bhi tumse baat karna chahti hoon...Lekin agar Rahul ne hame dekh liya to hamaare itne din ki mehnat mitti me mil jaayega...Pehle yaha se baahar chalo.
Ladka:- Kya hoga agar Rahul ne hume dekh liya to...Bas kuch hi dino me ham sab usse ye game ke baare me bataane hi waale hai...Ab to wo hamaare control me hai...Tum ghabraao mat kuchh nahi hoga...Ab to hume khush hona chahiye...Itne din ki mehnat ab rang laane wali hai.
Jab Rahul ko pata chala ki wo log Rahul ko fasaane ki game khel rahe hai to Rahul ka gussa ka koi thikana nahi rahaa...Wo jaise taise khada ho gaya aur chehre me gussa aur dard lekar chala gaya Priya aur uss ladka ke pass.
Wo dono bhi Rahul ko waha dekh kar kuch pal ke liye shocked reh gaye.
Thodi der chup chap sab ek dusre ko dekh rahe the...Sab ek dusre ki haalat ka andaaza laga rahe the...Rahul ka chehra gussa aur dard se bhara hua tha...Priya aur wo ladka bahut dar gaye the ki kahi Rahul gussa me kuch kar na baithe...Uss ladka ko Rahul ka gussa ka andaaza pehle bhi tha ki jab Rahul gussa me hota hai to usse rokna bahut hi mushkil ho jaata hai...Iss khamoshi ko todte hue Rahul ne kaha.
Rahul:- (Dard bhari aawaj me):- Priya tum yaha Vijay ke saath...Matlab tumne mujhe dhokha diya.
Jab Priya aur Vijay ko pata chala ki Rahul ko abhi gussa se jyaada dard ka feeling aa raha hai...Tab unn dono ke jaan mein jaan aayi...Uske baad Vijay muskuraate hue Rahul se kehta hai.
Vijay:- Bola tha na Rahul tujhse...Ek din tujhe khoon ke aansu rulaungaa...Mujhse dushmani mehenga padega...Lekin tabhi to tune mera majaak udaaya tha ye kehte hue ki "Jo karna hai kar le"...Lekin abb tu hi ham dono ke bich ek majaak ban ke reh gaya hai.
Maine tujhe aur Ajay ko bahut baar baat karte hue suna tha "Pyaar" ke baare mein...Tum dono ko to yahi lag raha tha ki insaan ko pyaar hone ke baad uski jindagi bahut accha ho jaata hai...Bas khushiyan hi khushiyan...Na koi dard na koi tension...Lekin tum dono ko bewafaayi ke baare me shaayad pata nahi tha...Isiliye Rahul main tujhe pyaar ka nahi bewafaai, love failure aur tanhaayi ka matlab samjhaana chahta tha...Isiliye maine apni girl friend Priya ko bheja tha tere paas "pyaar" ka naatak karne.
Rahul Vijay ka baat ka koi jawaab nahi deta hai...Priya ki taraf ek najar dekhta hai aur kehta hai.
Rahul :- Priya kya ye sach keh raha hai? Kya tum mujhse koi pyaar nahi karti? Kya ye sab sirf ek naatak tha?
Priya:- Haa ye sab sirf ek naatak tha... Aur ye sab maine sirf apne Vijay ke liye kiya tha.
Rahul:- Dekho Priya...Agar tum ye sab majboori me keh rahi ho to bata do abhi ke abhi...Main iss Vijay ko dekh lungaa.
Rahul kuch aur bolna chahta tha ki Priya ne uske baat bich me kaat te hue kaha.
Priya:- Meri majboori ye thi ki mujhe tumse pyaar ka naatak karna padaa...Tumhari paagalo jaisi baat ko sunna meri majboori thi...Tumhaare saath rehna meri majboori thi...Tumhe Vijay ke saamne jhukaane ke liye maine jo naatak kiya tha wo meri majboori thi...Lekin abb main majboor nahi hu...Accha hua ki ye naatak jaldi hi khatam ho gaya warna kuch din aur tumhaare saath bore hona padta.
Priya ki baat sun kar Rahul andar se bilkul toot gaya tha...Uski aankho se aansu girne lage the...Bahut din baad aaj roya tha Rahul....Abb usse kuch bolna bhi use mushkil lag raha tha...Rahul bas chup chap wahi khada tha ki Vijay apni pocket se mobile nikalta hai aur Rahul ki kuch photo khinchta hai aur Priya ko kehta hai.
Vijay:- Jaan tumhe pata hai ki maine tumhe itne din tak naatak karne ke liye kyun kaha?
Priya:- Nahi...Aur mujhe janna bhi nahi hai...Tumhari khushi me hi meri khushi hai...Jo tum kahoge wo main bina kuchh bole karungi.
Vijay:- Fir bhi bata deta hu...Agle hafta mera janm din hai...Socha tha uss din sach bata dunga Rahul ko...Aur uski aankho ka aansu hi mera best birthday gift hota lekin aaj hi isse sanchaayi ka pata chal gaya...Koi baat nahi iska photo khinch liya hai...Abb birthday ka din yahi photo dekh kar khush ho jaaungaa.
Rahul kuch samay se kuchh kehne ki himmat kar raha tha aur himmat juta kar usne Priya se kaha.
Rahul:- Tumne mere saath jo bewafaayi kiya hai usse main kabhi nahi bhulunga...Tumne bahut galat kiya hai mere saath...Lekin fir bhi tumko ek baat samjha deta hu...Vijay ko chod do...Tumhe nahi pataa hai ye Vijay kitna badaa kamina hai...Ye apne fayda ke liye tumhe bhi ek din chhod kar chala jaayega.
Rahul ka itna hi kehna tha ki Priya uske upar bhadak uthi aur chillate hue kaha.
Priya:- Chup...Isse aage kuch mat bolna...Main Vijay ke khilaf kuch bhi nahi sun sakti aur tu mujhe Vijay ko chhodne ke liye keh raha hai...Aur tere jaise ladke se pyaar karu...Aakhir tu apne aap ko samajhtaa kya hai...Aakhir kis cheez me tu Vijay se apne aap ko compare kar raha hai...Naa tu Vijay jitna handsome hai...Naa tere paas Vijay jitna paisa hai...Tujh jaiso ke liye Vijay ki position me pahunchna ek sapna hai...Aur issi liye tu Vijay se jalta hai.
(Vijay ki taraf dekhte hue) Chalo jaan yaha se jaldi...Mera dimag kharab kar diya hai iss ne...Ek pal yaha nahi rukna chahti.
Isske baad Priya aur Vijay waha se nikalne lagte hai...Jaate jaate Vijay ne apne kandhe se Rahul ko dhakka dete huye mushkuraate hue chal pada...Aaj Rahul andar se toot chuka tha warna Vijay ke aise dhakka dene par koi bhi Vijay ko nahi bachaa paate lekin aaj baat kuch aur thi...Aaj Priya aur Vijay ke chehre me ek khushi thi...8 mahino ki mehnat aaj rang laayi thi.
Wahi par Rahul bhi niche jameen me baith kar rone lagaa...Aaj uska dil toot chuka tha...Saccha pyar ke badle me use bewafaayi mili thi...Wo kabhi apne kismat ko kos raha tha to kabhi khud ko...Aaj khud se hi nafrat ho rahi thi...Kyun aaj usne ek bewafaa se khud se jyada pyaar aur vishwash kiya...Ek pal ke liye bhi uss par shak nahi kiya...Kehte hai pyaar ka dusra naam vishwaas hai...Aaj tak usne hamesha Priya ke pyaar par vishwash dikhaya lekin Priya ne bhi usske saath vishwashghaat kiya..
Ab wo jameen se uth kar dheere dheere chalne lagaa...College compound se baahar nikal kar aaj wo apne hostel ke jagah ek hotel ki taraf jaane lagaa...Aaj usse daru pine ka dil kar raha tha....Wo apne saath hui bewafaayi ko bhulana chahta tha...Issiliye aaj use daru hi best option lag rahi thi...Jindagi bhar daaru se nafrat karne wala Rahul aaj khud uski taraf chal kar jaa raha thaa...Jaise hi wo ek restaurant me pahuncha...Aur waiter ko bulaane laga...Usse kuch yaad aane laga.
Usse achanaak se apne Mummy aur Papa ka chehra yaad aane laga...Usne socha ki uske parents ne usse kyun town bheja hai...Padhne ke liye...Lekin wo apni padhaayi se bhatak kar ek galat kaam karne jaa raha hai...Kya aaj ek bewafa ka pyaar ke saamne parents ka pyaar jhuk gaya hai jo uske gumm me daru pine lagaa hai...Mummy aur Papa ka khayaal aate hi usne daru ka plan cancel kar diya aur samosa order karke khane lagaa.
Restaurant se nikalne ke baad wo thoda sa fresh hona chahta tha issi liye ek park ki taraf chal padaa...Park me aate hi usse thoda sa relief mehsoos hua lekin dil aur dimaag busy the aaj ka bitaa hua ghatna par...Park me baith ke kuch sochne laga...Ant me usne decide kiya ki wo apne mummy aur papa ke liye acche se jiyega...Suicide aur nasha ke chakkar se dur rahega...Yahi sochte sochte shaam ho gayi thi aur wo jaldi se hostel ki aur chal pada.
Jaise hi Rahul hostel pahucha uss time Ajay pehle se hi apne room me baitha tha aur Rahul ko nahi dekh kar hairaan tha...Jaise hi Rahul apne kamre me pahuncha...Ajay uske haalat dekh kar dar gaya aur bola.
Ajay:- Bhai aaj tu itna late aur ro kyun raha hai...Sab thik to hai naa?
Rahul:- Bhai thoda sa sir me dard hai...Please kuchh dawaayi kharid kar le aa...Baad me bataunga tujhe sab kuch.
Rahul ne Ajay ko iss liye dawayi lene ke liye bheja kyun ki aaj wo jee bhar kar rona chahta tha...Bahut dino se roya nahi tha...Issi liye abhi acche se roo kar apna dard bhulne ka koshish kar raha tha.
Ajay ko bhi samajh me nahi aayi ki baat kya hai lekin fir bhi Rahul ki haalat ko dekhte hue wo chala gaya dawaayi lene ke liye....
Jaise hi Ajay dawaayi lene gaya...Rahul apne bistar par gir kar rone laga.
Rahul ki aankho se aanshu ki kuch boond gir raha tha....Aaj bahut din ke baad roya tha wo...Uska dil aur dimag aaj ki ghatna ko bhula nahi paa raha tha....Baar baar Vijay ka picche se hamla karna aur Priya ka bewafai yaad aa raha tha....Unn dono par gussa to bahut aa raha tha lekin aaj pehli baar gusse se jyaada apne dil me dard mehsoos kar raha tha...
Ajay lagbhag 30 minutes ke baad waapas dawaai lekar aata hai...Jab Rahul ko apne room ke gate ke baahar se Ajay ko kisi se baat karne ki aawaj sunai deti hai to wo jaldi se ek towel se apne aansu poch ke chup chap baith jaata hai....Jaise hi Ajay apne kamre me aata hai wo Rahul ko aisi haalat me dekh kar hairaan reh jaata hai....Kuch der tak wo sochta rehta hai ki kya hua hoga...Lekin wo soch nahi paata....Aur Rahul se pucchta hai....
Ajay:- Kya hua yarr...Roo kyun raha hai???
Rahul :- (Shocked hote hue) Main nahi roo raha hun....Bas aaj mood thik nahi hai...
Ajay:- Jaake pehle apne shakal mirror me jaake dekh....Roo roo kar aankh sujh gayi hai...
Ajay ke bat sunne ke baad wo apni shakal mirror me dekhta hai to usse khud vishwaas nahi hota hai....Uska roo roo kar bahut hi buraa haal ho gaya tha....Aankhe sujh gayi thi....Baal(Hair) bikhar gaya tha....Chehra murjha gaya tha aur dard bhi najar aa raha tha....Wo jaldi se mirror ke saamne se hat kar bistar par baith jaata hai....Aur Ajay se bahut mushkil se kehta hai....
Rahul:- Ajay abhi mai baat karne ke haalat me nahi hun.....Bas itna bata deta hu ki mera break up ho gaya....Priya ne dhokha de diya...Kal tujh se acche se baat karunga .... Abhi mai chup chaap sona chahta hun....
Rahul ki baat sun kar Ajay bhi shocked ho gaya ....Ajay Rahul se bahut kuch puchna chahta tha lekin Rahul ki haalat dekh kar usne kuchh nahi puccha....Bas itna hi kaha....
Ajay:- Thik hai yarr...Kal baat karenge....Lekin pehle dinner karle....Usske baad soo jaana...
Rahul:- Nahi yarr...Khaane ka man nahi kar raha....Bas abhi sona chahta hun....Please disturb mat kar ...
Abb Ajay bhi kuchh nahi kehta hai aur dawaayi Rahul ko dekar dinner karne chala jaata hai....
Rahul ko dawaayi ki koi jarurat nahi thi...Usne to tabhi Ajay se bachne ke liye usse dawaayi laane ke liye bheja tha...Wo dawaayi ko baahar fenk kar chup chap soo jaata hai....
Kuchh der me Ajay bhi dinner karke wapas apne kamre me aa jaata hai....Wo Rahul ko dekhta hai jo soo chuka tha....Aaj usse Rahul ko dekh kar bahut buraa lag raha tha....Bahut samay ke baad usne Rahul ko dukhi dekha tha....Wo bhi kuchh sochte hue soo jaata hai...
Agli subah jab Ajay ki aankh khulti hai to subah ka 6:20 baj raha tha....Wo jaldi se fresh ho kar aata hai aur Rahul ko bhi uthane lagta hai....
Ajay:- Rahul jaldi utth...Chhai peene ka time khatam hone wala hai....Jaldi utth yarr...
Rahul jab utth ta hai to use kal ka baat phir se yaad aa jaata hai aur wo Ajay se kehta hai....
Rahul:- Nahi yarr aaj chhai peene ka man nahi hai...Tu hi pee le....Mai kuch der shaanti se baithna chahta hu...
Ajay:- Kal raat bhi dinner nahi kiya hai abhi to kam se kam chhai peene to chhal....
Rahul:- Yaar abhi kuch karna theek nahi lag raha hai...Mai shaaanti se kuchh der rehna chahta hun...Mai theek hu....Bhookh nahi lagi hai abhi ....Jab lagegi to khaa lunga...Abhi please pareshaan mat kar....
Ajay ka baar baar baat karne se Rahul gussa ho gaya tha aur usne ye saari baat gussa me bahut jaldi jaldi keh diya....Ajay bhi bina kuchh kahe chhai peene chala gaya...
Jab Ajay chhai peekar wapas aaya to Rahul apne mobile me busy tha....Wo Rahul se kuchh puchna to chahta tha lekin dar bhi lag raha tha ki kahi Rahul us par hi na bhadak jaaye....Wo Rahul ki gussa se achhi tarah se parichit tha....
Aaj sunday tha to dono ka college aaj band tha ......
Aise hi 4 ghanta beet gaya...Inn 4 ghanto me Ajay baar baar Rahul ki taraf dekhta hai ki Rahul ka mood kaisa hai...Lekin theek se samajh nahi paa raha tha...Issiliye use chup rehna hi behtaar lagaa ....
Jab subah ka 10:00 baja tab Rahul aur Ajay dono hi chale gaye lunch karne.....Lunch karne ke baad Rahul ne Ajay se kaha....
Rahul:- Sorry yarr....Kal raat ko aur aaj maine tujhse jis tarah se baat kari hai uske liye maafi chahta hun....Par mai bahut pareshaan tha yaar....
Ajay:- Koi baat nahi yarr...Maine teri koi bhi baat ko galat tarike se nahi liya hai....Please agar tu bura nahi maanega to kal jo kuch bhi hua wo detail me bata....
Usske baad Rahul ne ek lambi si saans lekar Ajay ko kal hui saari baat bata deta hai...Uske baat karne ki tarike se saaf ho chuka tha ki abb uske dard par gussa haawi ho chuka hai....Abb usse Priya aur Vijay pe bahut gussa aa raha tha aur usne soch liya ki abb se kisi bhi ladki se pyaar nahi karega taaki wo baad me phir se kamjor ho jaaye.....Baat sunne ke baad Ajay ko Rahul ke liye bura lag raha tha aur Vijay pe gussa aa raha tha....
Ajay:- Bhai tere saath jo bhi hua bahut hi galat hua....Tu fikar mat kar sab kuchh theek ho jaayega...Vijay aur Priya ko apne kiye ki sazaa jarur milegi....Tu bas theek se rehna....
Rahul:- Tu mujhe kis tarah se samjha raha hai...Main koi suicide nahi karne wala....Kal maine daru aur nasha karne ke planning bhi chhod diya hai....Bas pareshaan hu iss ka matlab ye nahi ki tune mera khamoshi ka aisa matlab nikal liya....
Ajay kuchh nahi kehta hai....Thodi der baad Rahul fir se Ajay se kehta hai....
Rahul:- Galti sirf Vijay aur Priya ki nahi hai....Meri bhi galti hai iss me....
Ajay:- (Shocked hote huye) Tune kya galti kiya???
Rahul:- Tera baat na maane ki galti....Tune mujhe bahut baar samjhaaya tha ki pyaar me jaldbaazi mat karna.....Meri galti hai ki maine jaldbaazi me itna bada decision le liya....Ek bewafa pe itna vishwaas kiya...Uspe jaraa sa bhi shak nahi kiya....Usski har galti ko ignore kiya...Usse jaan se bhi jyaada pyaar kiya....Yahi hai meri galti....
Ajay:- Iss me teri koi galti nahi hai....Pyaar ka dusra naam hi vishwaas hota hai....Tune to apna pyaar achhe se nibhaya hai...Tujhe kya pata tha ki wo log tere saath aisa karenge....
Rahul:- Maine apna pyaar to acche se nibhaya lekin iss pyaar ne mujhe itna andhaa(blind) kar diya ki maine Priya ki kisi bhi baat pe shak nahi kiya...Ek din usne mujhe kaha tha ki wo garib family se belong karti hai....But i am sure usne mere pass aane ke liye jarur jhuth bola hoga....Agar ussi time pata kar leta to aaj ye din nahi dekhna padta....
Ajay:- Bhai....Jiss cheez me teri galti hai hi nahi....Uss cheez ko baar baar soch kar pareshaan hone se kya faaidaa... Isse ek sabak samajh kar aage badh ....Aur ek cheez yaad rakh ki pyaar me jaldbaazi nahi karni chahiye....
Rahul:- Ek aur sabak sikh liya hai maine...
Ajay:- Kya???
Rahul:- Jo log jhukte hain usse duniya aur jhukaati hai...Mai hamesha dusro ke saamne ek sharif ladka ban kar rehta tha....Hamesha apne gussa ko daba kar rehta tha....Kabhi bhi dusro ko pareshaan nahi kiya....Iska matlab baaki ke logo ne ye nikal liya ki main sabse darta hu....Koi bhi mujhe jaise chahe waise istemaal(use) kar sakta hai....Agar uss Vijay ko uss din aur achhe se maarta to aaj mere saamne aisi harkat nahi karta....
Ajay:- Yarr...Jo bhi karna soch samajh kar karna....Warna mushkil me padd sakta hai....
Rahul:- Aaj se kuchh soch samajh kar nahi karunga....Jo bhi karunga dil se karungaa....Aaj se mera mentality change ho gayi hai....Aaj ke baad log mujhe dhokha dene se pehle bahut baar sochenge.....Aaj se mere dil me koi pyaar nahi aayega....Bas dusron ko bina matlab pareshaan nahi karungaaa aur jo bhi mera dil karega wo karunga.....Aaj se log mujhe ek kamjor sharif ladka nahi balki ek Angry Young man ke roop me jaanenge.
Ajay:- Yarr tu thik to hai naa.....Ye kaisa baat kar raha hai....Kuchh der tak to bahut udaas tha....Abb tu achanak aisa baat kar raha hai....
Rahul:- Bilkul theek hu.....Aur jo bhi keh raha hun ekdum sahi keh raha hoon...Haa mai kal raat tak bahut udaas tha ki Priya ne mujhe dhokha diya...Kuch der tak issi baat ko sochne ke baad ye conclusion me pahuncha ki logon ne mera achhayi ka faayeda uthaya hai....Meri achhayi ko meri kamjori samajh liya...
Vijay aur Priya ne mere saath accha khel khela....Mera feelings ke baare me bilkul bhi parwaah nahi kiya....Unn logon ne socha hoga ki mujhe iss tarah se dhokha dene ke baad mai toot jaaunga aur tadapte hu mar jaaunga.....Lekin unn logon ne mujhe achhi tarah se pehchana nahi hai...Mera gussa aur uss gusse ka junoon ko pehchana nahi hai....Mai gusse me kya kya kar sakta hu ye kisi ko bhi pata nahi hai...
Aaj se jo bhi log mujhe dabane ke koshish karega unn logon ko bilkul bhi nahi chhodunga...Itt ka jawaab patthar se dunga....
Ajay:- Jab tu koi bhi baat karne ka soch leta hai to kisi ka bhi nahi sunta hai....Jo dil me aaye wo kar lekin galat raaste aur sangat me mat jaana.....Aur apne Parents ka izzat aur expectations ka bhi khayaal rakhna....Aur ha koi bhi cheez me jaldbaazi mat karna....
Rahul ne Ajay ka baat ka koi jawaab nahi diya...Wo abb kuchh sochne lagta hai aur ek plan bana leta hai ki aage ka jindage ko kis tarah se jeena hai....
Issi tarah 1 week beet jaata hai....Rahul ka dhyaan abb iss duniya se hat kar virtual world(Internet) aur apna sochh ki taraf chala jaata hai....Uska gussa pehle se bahut badh chuka tha aur chehre me hamesha ek fraustration rehta tha....Abb wo logon se jyaada baat bhi nahi karta hai sirf kaam ki baat karta hai....
Abb uska 12 ka final exam aane me bas 2 months baaki the...Uska dimaag padhaayi se hat kar internet aur apni virtual world ke taraf chala gaya tha....Usne 12 class me bahut acche se padhaayi ki thi....80% marks ka expectation tha usko khud se lekin abb fail bhi ho jaaye to koi parwaah nahi....Bas apni tarah se jeena chahta hai.....
Ajay Rahul ka iss tarah se behave karne se bahut pareshaan tha aur Rahul ke future ke baare me soch kar dar raha tha ki uska kya hoga lekin Rahul ko rokne ki himmat usme bhi nahi thi kyuki Rahul apne upar kisi ka bhi comment par bhadak jaata tha....
Iss 1 week me Rahul Priya ko jab bhi yaad karta tha uske dil aur dimaag Priya ke liye nafrat se bhar jaata tha .....Wo abb lunch time Canteen me spend karta tha....Kabhi bhi park ki taraf nahi jaata tha....
Aaj Sunday hai....Rahul abhi hostel ke kitchen se lunch karke just apne kamre me aaya hai....Tabhi uske mobile me Raj ka phone aata hai....Rahul phone uthata hai....
Raj:- Kya hu Rahul tujhe???1 Hafta se phone bhi nahi kiya mujhe....Tu thik to hai naa???
Rahul:- Ha bhaiya theek hun.....Mera breakup ho gaya tha iss liye pareshaan tha...Aur aapko batana bhul gaya...
Rahul ke baat karne ka tarika dekh kar Raj shocked reh jaata hai....Kyuki wo apna break up ka baat itni aasani se kaise keh sakta hai.....Raj ko Rahul ke liye chinta hone lagti hai kyunki wo bhi iss daur se gujar chuka tha...
Raj:- Bhai main abhi tera hostel pahunchta hun....Warden se baat kar le
Uske baad Raj phone rakh deta hai....Rahul bhi warden se baat kar leta hai ki Raj kuch der ke liye uska hostel me aa raha hai baat karne ke liye....Warden ne bhi permission de diya...
Kuch der ke baad Raj Rahul ke saath uska room me jaata hai....Kuch der baithne ke baad Raj Rahul se puchhta hai...
Raj:- Bhai break up ki vajah kya tha????Galti kis ka tha???
Rahul:- Priya ka galti tha....Usne achanak se bewafaayi kar diya mere saath....Wo mere saath Pyaar ka naatak kar rahi thi....
Raj:- Bhai puri baat detail me bata ....Hua kya hai.....
Rahul Raj ko pura baat details me bata deta hai....
Raj:- Bhai jo bhi huaa...Accha nahi hua....Wo Vijay kaha hain...Mere saamne laakar khada kar use....Aisa sabak sikhaunga ki jindagi bhar kisi ke saath aisa karne ka himmat nahi karega.....
Aur aajkal Breakup bhi fashion ho gaya hai...Saala true love ka existence hi nahi....Apne faidaa ke liye kisi ko bhi dhokha do aur kisi aur ke saath set ho jaao....Sab khudgarz ho gaye hai..."Pyaar" shabd ka majaak banake rakh diya hai....Ek ladki ne bhi mere saath aisa hi kiya tha....
Rahul:- Bhaiya....Uss Vijay ko to mai bhi sabak sikha sakta hun...Bas uss din chhod diya tha...Kyunki uss din kuchh karne ke haalat me nahi tha...Aur uss din ke baad wo mere saamne nah aaya hai...Agar ab wo mil jaaye to bataunga usse.....
Aur aap baar baar apne Breakup ke baare me kehte rehte hai lekin detail me kabhi batate nahi....Aakhir Vajah kya thi....
Raj:- Koi khaas vajah nahi hai...Ek normal breakup story hai....Aaj tak tujhseshare karne ki himmat nahi tha...Fir bhi aaj tujhe batata hu......
Raj:- Baat tab ki hai....Jab mai 10 class me padhta tha....Ek ladki ne mere class me new admission liya tha..Dekhne me achhi thi...Mujhe uska baat karne ka tarika aur uska simple nature bahut pasand tha....Padhne me bhi intelligent thiSabhi ke saath acche se baat karti thi....Ghamand usme bilkul bhi nahi tha....Shaayad hi uss me koi kami ho....
Mujhe uss ladki se pyaar ho gaya tha....Hamesha uske aas pass rehta tha....Jab bhi mauka mile baat karne se pichhe nahi hat ta tha...Uske liye deewana ban gaya tha....Kai baaar uss ladki ko dekhte hue mera class me mai lectures pe dhyaan nahi de paata tha....Mujhe khud samajh nahi aaya tha ki mai kaise itni jaldi uss se pyaar kar baitha.
Ek din school chutti hone ke baad uss ladki ne mujhe thodi der class me rukne ke liye bola....Main bhi chup chap wahi class pe baith gaya....Jab sab students apne apne ghar chale gaye to ussne mujhe propose kar diya...Main bahut khush ho gaya....Kyuki mai bhi usse pyaar karta tha lekin kabhi kehne ka himmat nahi hua....Jab pata chala ki wo bhi mujhse pyaar karti hai....Tab mera khushi ka koi thikana hi nahi raha....Maine turant hi accept kar liya.
Uss din ke baad ham dono ka silent love journey shuru ho gaya....Gaaw me padhte the agar kisi ko bhi pata chal jaata to pure gaaw me badnaami ka dar tha....Bas kabhi kabhi baat kar lete the....Bas class 10 khatam hone ka intejaar tha....Kyuki uske baad ham dono ko Science padhne ke liye pass ke town me jaana tha....Gaaw me Science padhaayi nahi hoti thi.....Kisi tarah se ham dono ne class 10 complete kar liya aur 11 class me pass ke town me rehne laga.....Wo bhi wahi town me rehne lagi....
Dono ka different college me admission hua....Ham dono ne apne liye ek mobile kharid liya....Phone pe baat roj hoti thi....Kabhi kabhi weekends pe ham dono koi park ya fir kisi jagah pe milte the....Mera pyaar dhire dhire badh raha tha.... Bilkul true love thi....Kabhi bhi lust ki najar se nahi dekha tha uske taraf.
Lekin mujhe lagne laga tha ki wo ladki abb mere saath rehna nahi chahti....Uss ka baat karne ka tarika aur mere saath jaise behave kar rahi thi aisa lagta ki wo mujhe avoid kar rahi hai...Phone bhi kam uthati thi aur baat bhi achhe se nahi karti thi....Jab maine ek din use ek park me bulakar puccha ki baat kya hai....Kyu mujhe avoid kar rahi ho.....Tab usne reply diya ki abb wo mujhse pyaar nahi karti....Wo abb apne college ke ek ladke se pyaar karti hai...Abb usse mujhse koi matlab nahi hai...Aur usne keh diya ki abb mai usse phone nahi karu aur usse bhul jaau.
Bhulna to mushkil tha kyuki usse sachhe dil se pyaar kiya tha....Lekin usse baat karna chhod diya....Ussne bhi uske baad mujh se koi baat nahi kiya....Mera dil ka haalat kya tha wo mai hi jaanta tha.....Dil me dard aur uss ladki ke liye nafrat ke feelings aane lagi....Jaise taise khud ko sambhala...Mai iss town me padhne ke liye aaya tha....Apne parents ka sapna pura karne aaya tha....Issi liye khud ko sambhala aur padhne pe dhyaan diya.
Bas yahi thi meri kahani....Uss ladki se abhi bhi nafrat karta hu....Ussne attraction ko love samajh liya....Ussne mujhse pyaar kabhi kiya hi nahi tha....Bas mujhse attract ho gayi thi aur jab ussko mujhse bhi achaa koi ladka mil gaya to uske taraf attract ho gayi....Ussne apne faaidaa ke liye mera parwaah bilkul bhi nahi kiya....Mera dil tod diya...Pyaar me to log apne liye nahi apne pyaar ke baare me sochte hai....Khud ko takleef dekar bhi apne pyaar ki hifazaat karte hai....Lekin uss ne to mere pyaar ka majaak bana kar rakh diya.
Itna kehne ke baad Raj chup ho jaata hai aur pass me rakhe hue paani ke bottle utha kar paani peene lagta hai.....Kuchh der tak waha khamoshi ka mahaul tha ....Fir iss mahaul ko todkar Rahul ne kaha....
Rahul:- Aapne apni puri baat keh di....Lekin ek baar bhi uss ladki ka naam nahi bataya....
Raj:- Mujhe uss se aur uss ke naam se nafrat hai....Uss ka naam mai apni mooh pe nahi laana chahta....Ghin aati hai uske naam se....
Uske baad Rahul bhi chup ho jaata hai .... Fir kuchh der ke baad Raj Rahul se kehta hai....
Raj:- Rahul...Tujhe yaad hai jab maine tujhe yahi city ke park me bulayaa tha....
Rahul:- Haa yaad hai....Ha Karib 8 ya 9 months pehle.....Itni jaldi kaise bhul sakta hu.....Baat kya hai???
Raj:- Uss din ham dono ke bich me bahas ho gayi thi....Pyaar ke topis me....Uss din tu majaak kar raha tha pyaar ke baare me....Break up aur kuch mahino ke relations inn sab ke baare me....Jab tune ye baat kahi to mujhe wahi baat yaad aa gaya tha....Issi liye mujhe tujh par gussa aa gaya aur tujhe bahut baat sunaya...Mujhe bilkul bhi bardaast nahi hota hai ki koi pyaar ka majaak udaaye...Attraction ko Love ka naam de kar pyaar ka matlab hi badal de....
Rahul:- Sorry bhaiya....Mujhe aapke haalat baare me pata nahi tha....Aapne bhi bataya nahi tha...Mai to bas majaak kar raha tha....
Rahul abhi aur kehna chahta tha....Lekin Raj ne uske baat ko kaat te hue kaha.....
Raj:- Chal chhod puraani baatein yaad karke koi faaidaa nahi...Mai to tujhse baat karne aaya tha lekin apne hi baaton me ulajh gaya aur tum dono ko kahani suna baitha....
Raj ne itna hi kaha tha ki Rahul ke room ka gate par koi knock karta hai.....
Ajay jaake gate kholta hai....Jaise hi gate khula Ajay gusse se kehta hai....
Ajay:- Vijay kya hua??? Kyun aaya hai yahan???
Vijay ka naam sunke Rahul ke chehre pe gussa ki lakeer aa jaata hai....
Vijay:- Kya mai andar aa sakta hu....Kuchh batana hai tujhe.....
Ajay:- ( Na chahte hue bhi) Aa jaa.....Aur jaldi se keh kar chala jaa....
Vijayroom me enter karta hai....Jab uski najar Rahul pe padtaa hai to wo Rahul ko ek muskaan pass kar deta hai....Rahul ke chehre se abb gussa kuchh kam ho jaata hai aur sochne lagta hai ki aaj wo Vijay ko sabak sikha kar hi rahega....
Vijay:- Ajay aaj mera birth day hai....Hostel me aaj sab ne mujhe wish kar diya hai....Bas yahi room ke log baaki hai mujhe wish karne ke liye???
Ajay:- (Na chahte hue bhi)Happy Birthday....
Vijay:- Gift nahi doge kya????Waise bhi jarurat nah hai kyuki 1 hafte pehle hi mujhe mera favourite gift mil chuka hai....
Itna keh kar wo Ajay ko apne mobile se Rahul ka uss din ka rone wala photo dikhata hai....
Ajay ne jaise hi photo dekha usska gussa bardaast se baahar ho gaya....Jaise hi wo kuch kehne wala tha Rahul ne chuup rehne ka ishaara kar diya....
Rahul apne man me yahi soch raha tha ki bas ek mauka mil jaaye wo Vijay ko aisa gift dega ki aaj ke baad wo kisi ko pareshaan karne se pehle jarur ek baar fir se sochega.
Vijay:- (Rahul ke taraf dekhte hue) Ajay ne to mujhe wish kar diya .... Tu mujhe wish nahi karega kya???
Rahul uske iss baat par kuch nahi bolta....Bas apne gussa ko control karne ki koshish kar raha tha....Rahul ko aur gussa dilane ke liye Vijay kehta hai....
Vijay:- Kya hua mujhse gussa hai???Jo maine uss din tere saath kiya tha uss ke liye tu khud jimmedar hai ....Maine kaha tha tujhse mere saath pangaa mat le....Lekin tune meri baat nahi maani...Abb anjaam to tujhe bhugatna to padega ....
Rahul ke liye abb control karna bahut mushkil ho raha tha....Fir bhi wo jaise taise wo khud ko control kar leta hai hai....
Vijay:- Yaa fir tu uss baat ko bhula nahi paa raha hai....(Hanste hue) Tera dil ka dard mai samajh sakta hu....(Raj ki taraf ishara karte hue) Ye kaun hai??? Tere saath tere dukh mai saath dene aaya hai kya....(Raj ko kehta hai) Sun ye Rahul tera jo koi bhi hai isse samjha dena ki mujhse panga mat lena...Warna mai kisi ko nahi chhodunga....Samajh gaya naa.
Rahul abb khud pe control nahi kar paata hai .... Gussa ab bardast ke baahar ho chuka tha....Wo apne bed se uth kar khada ho jaata hai....Aur Vijay ke pass jaake Vijay ke gaal pe ek jordaar thappad maar deta hai....Vijay kuchh samajh nahi paata hai ki achaanak kya ho gaya....Wo kuchh karta isse pehle hi Rahul uske pet me ek mukka jor se maar deta hai....Uska muh se ek jordaar chikh nekal jaata hai....
Rahul ka gussa abhi bhi kam nahi hua tha....Wo Vijay ke face me ek mukka maar deta hai....Vijay ke mooh se khoon nikalne lagta hai....Rahul ab uska gardan pakad kar thoda niche jhukaata hai aur uske pitth (back) me ek aur punch maarke usse niche gira deta hai....
Vijay ki haalat bahut kharaab ho jaati hai...Kuchh der jameen me girne ke baad Vijay kuch kehne lagta hai lekin keh nahi paata.....
Rahul:- Aaram se bacche....Jo bhi kehna hai kuchh der ke baad keh....Thodi der rest kar le....
Uske baad Rahul apne bed par baith jaata hai.......Wo bilkul chup chap Vijay ko dekhta hai...Vijay bhi jameen par dard se chhat pata raha tha....Ajay aur Raj Rahul ko ghoor rahe the....Kuch kehna chah rahe the par keh nahi paa rahe the.
Jab Vijay ka dard kam hua to usne dheemi aawaj me dard me tadapte huye rahul se kaha.
Vijay:- Rahul tune accha nahi kiya....Main abhi warden se tera complain kar dunga aur warden tujhe hostel se nikal dega...
Rahul:- (Hanste hue) Waise bhi 2 months ke baad mai iss hostel ko chhod dunga....Usse pehle tu iss video ko acche se dekh le.
Vijay ne jab wo video dekha tab ek dam hairaan reh gaya....Uss video me Vijay apne kuchh doston ke saath Warden ka buraayi kar raha tha aur gaali de raha tha.
Rahul:- Jab tu mera complaint warden se karega....Tab mai iss video ko warden ko dikha dunga....Aur Warden sab se pehle tujhe hostel se nikal dega aur tere parents se meeting bhi karega tere baare me.
Vijay:- Tune kab hamaari baat ko record kiya....Ye to galat baat hai...Rahul tu to achha insaan tha...Fir aisi galat kaam kab se karne lag gaya?
Rahul:- Jis din Priya ka dhokha ki baat saamne aaya .... Uske do din baad se hi maine soch liya ki tujhe sabak sikha kar rahungaa...Issi liye jab mauka mila tabmaine tera video banaya.....Sahi mauke ka intezaar kar raha....Jo aaj mil gaya....
Acche galat ki baat mat kar....Main acche insaan ke liye accha hu aur bure insaan ke liye galaat....Main tum jaise insaan ko sabak sikhaane ke liye kuchh bhi kar sakta hu...
Vijay:- Iska kimat to tu jarur chukayega....Mai apne aadmi ko paise khila kar tere picche laga dunga....Tu kuchh bhi nahi kar paayega.
Rahul kuchh kehne hi wala tha isse pehle Raj bol deta hai.
Raj:- Tune agar Rahul ke saath aisa kiya to mai bhi apne gang ko tere picche laga dunga...Ye paise wala gang nahi dosti wala gang hai....Ek aisi dosti jo apne dost ke liye jaan dene se bhi picche nahi hatenge....Tere paise wala gang kuchh nahi kar paayega.... Rahul ko pareshaan karne se pehle hamesha yaad rakhne ki uske saamne mai hoon....Tera aur Rahul ke saamne diwaar ban kar khada hoon.... Agar fir se tune Rahul ko pareshaan karne ka socha bhi to tujhe jindaa nahi chhodunga.
Vijay ab chup chap waha se nikalne lagta hai....Tabhi Rahul usse kehta hai.
Rahul:- Aaj ke baad kisi ko bhi pareshaan karne se pehle ek baar fir se soch lena ....Nahi to aaj jo haalat huyi hai teri wo fir se tere saath koi aur kar dega....Koi bhi insaan apna gussa kisi hadd tak hi bardaasht kar sakta hai agar bardasht ke baahar ho gaya to isse bhi buraa haal hoga....Bina matlab kisi ko bhi pareshaan mat karna....
Rahul itna keh kar chup ho gaya....Vijay bhi sar(head) jhukake chala gaya....Jab Vijay waha se chala gaya tab.
Rahul:- Raj bhaiya....Aapke pass itna gang kaha se aa gaya? Mujhe to pata bhi nahi chala.
Raj:- Koi gang wang nahi hai...Jhuth kaha tha usse....Taaki wo kabhi tujhe pareshaan karne se pehle fir se sochne par majbur ho jaayega....Aur waise bhi wo kuchh kar nahi paayega...Dekhne se hi darpok lag raha hai....Aur tu ye bata ki tu itna agressive kab se ho gaya....Aisa jaanwar jaisa maar raha tha usse...Kahi kuch ho jaata to.....
Rahul:- Kya hota .....Jyaada se jyaada uska haddi(bone) tut ta...Wo 2 se 3 mahino tak bed rest karta...Aur mujhe koi matlab nahi....Galti uski thi...
Raj:- Chhod ye sab baatein....Tera padhaayi kaise chal raha hai....12 me kitna marks aayega tera???
Padhaayi ke baat sunte hi Rahul gussa ho jaata hai....
Rahul:- (Gusse me) Mujhe koi parwaah nahi hai jitna bhi aaye....Abb mera padhne ka mood nahi hai....Abb jo accha lagega wahi karungaa??Apni dil ki baat sununga...
Raj Rahul ki baat sun kar shocked ho jaata hai....
Raj:- Ye kya paagalon wali baat kar raha hai....Bhul gaya jab tera 11 ke exam me 70% marks aaya tha...Tab to tu apne Papa se maafi maang kar 12 me acche se padhne ka baat kar raha tha....Tere Papa ko tujhse kitni expectations hai....Aur tu inn sab baaton ko bhul kar apni dil ki baat sun raha hai....
Rahul:- Mai bhi Papa ka bahut respect karta hun...Unka har iccha pura karna chahta hun....Lekin mera padhne ka man bilkul nahi kar raha hai...Jab man hi nahi hai to padh bhi nahi paaungaa....12 ka results jaisa bhi aayega dekha jaayega....
Raj:- Aur tera ye dil kya kya kehta hai???
Rahul:- Jyaada kuch nahi....Bas jo accha lage wo karo.....Kisi ke upar jyaada vishwaas mat karo....Koi pareshaan kare to usko sabak sikhao.....Kisi ke saamne apna Sar(head) mat jhukaao..Gussa ko control mat karo....Pyaar karne se pehle 10 baar jarur socho....Jaldi se pyaar pe vishwas mat karo...Dimaag se nahi dil se kaam karo....Bas itna hi kehta hai mera dil....
Raj:- Tu bahut badal gaya hai Rahul...
Rahul:- Bahut pehle badal jaana chahiye tha....Thodi der ho gayi lekin koi baat nahi....
Raj:- Aakhir aisa kyun kar raha hai tu????
Rahul:- Kyuki mujhse bardaasht nahi hota ki log mujhe apne ishaaro pe nachaye....Jab jaisa chaha waisa istemaal kare....Mera achhayi ka faaidaa uthaye....Meri feelings ka parwaah na kare....
Raj:- Itna yaad rakh Rahul mai tera koi bhi galat kaam me saath nahi dunga....
Rahul:- Mai koi bhi galat kaam nahi karungaa....Bas apne saath galat nahi hone dungaa...
Itna kehte hue Rahul thodi der ke liye baahar chala jaata hai aur kamre me Raj aur Ajay baaki rehte hai....
Raj:- Ajay....Ye Rahul kab se aisa behave kar raha hai???
Ajay:- Jab se Priya ne isse dhokha diya....
Raj:- Mujhe to iska aisa behavior se dar lagne lagaa hai....Kahi baad me jaake isse pachtana na pade....2 months baad iska exam hai....Lekin issko koi fikar nahi....Bas apne dil ki baat sun raha hai....
Ajay:- Koi faaidaa nahi....Jab tak Rahul ko khud samajh nahi aayega tab tak wo aisa hi karta rahega....Koi bhi nahi samjha sakta isse...
Uske baad Ajay aur Raj kuch der Rahul ke baare me baat karte hai....Dono ko Rahul ke future ko lekar fikar thi .....Lekin Rahul ko samjhaana bhi bahut mushkil thaa...Kyuki Rahul jo baat soch leta hai wo usse pura karne tak nahi rukta....Kuch der baat karne ke baad Raj apne hostel ke liye nikal jaata hai....
Kuch der ke baad Rahul apne room me aata hai....Raj ko na dekh kar wo Ajay se puchhta hai....
Rahul:- Ajay....Raj bhaiya kaha hai???
Ajay:- Wo to kuchh der pehle hi chale gaye apne hostel.
Rahul:- Meri baat ka itna buraa maan gaye ki bina bataye hi chale gaye....
Ajay:- Nahi unhone to tera intezaar bhi kiya....Tune apna mobile bhi yahi par chhoda tha....Lekin jab tujhe aane me der ho gayi to wo chale gaye....Apne hostel pahuch kar phone kar lenge tujhse.
Phir wo din aisa hi bit gaya....Raat me Raj ka phone aaya ....Rahul ne bhi acche se baat kiya aur kuchh der pehle apne baat karne ke tarika ke liye sorry bhi bola...
Jab dusri subah Rahul aur Ajay chhai peekar apne room me aaye to Rahul jaldi hi ready ho gaya college ke liye....Wo kuch der bechaini se idhar udhar chal raha tha....Jab Ajay ne dekha ki Rahul gehri soch me idhar udhar chal raha hai to usne pooncha....
Ajay:- Kya hua yaar....Kis soch me dooba hai???
Rahul:- Soch raha hu ki aaj Priya se baat kar leta hu....
Ajay Rahul ki baat se hairaan ho jaata hai....
Ajay:- Bhai achanak tujhe kya ho gaya....Kal tak to bahut nafrat karta tha...Aaj achanak kyu milna hai tujhe usse???
Rahul:- Nafrat to aaj bhi karta hu....Bas aakhiri baar milna chahta hu....Jis din usne mujhe dhokha diya uss din uske chehre pe ek smile tha....Aur mai usse uss din ke baad nahi mila....Aaj usse mil kar usse batana chahta hu ki aaj ke baad meri life me uske liye koi jagah nahi hai....Aur mai uske bina bhi jee sakta hu...
Ajay kuch nahi kehta hai....Usse bhi shayad Rahul ki baat accha laga....Kuch der baad Rahul apna college jaata hai....College me bas kuchh din ki padhaayi baaki thi....Wo bas apna attendance ke liye jaata tha....
Jab college band hua tab wo Priya ka wait karne laga....Aaj uska kismat bhi accha tha kyunki Priya aaj sab se last thi ghar jaane ke liye....Priya ne Rahul ko nahi dekha tha....Rahul jis jagah par uska wait kar raha tha waha par koi guards bhi nahi tha....
Jab Rahul ne Priya ko dekha to uske dil me bahut dard hua....Priya uska first love tha....Usske liye situation bahut mushkil ho gaya tha....Kuch months pehle tak Priya ko dekhne ke baad chehre me smile aur dil ko sukoon milta tha aaj wahi Priya ko dekh kar aankhon se aansu aur dil me dard aa raha hai...Usse hafte pehle wala bewafaai bhi yaad aa jaata hai....Wo apne aap ko bahut mushkil se sambhaalta hai aur aansu poch leta hai...Jo kaam karne aaya tha ussi par focus karna chahta tha....
Jab Priya Rahul ke saamne se nikalne lagti hai tab Rahul usse pakad kar jaldi jaldi Park ke taraf le jaata hai....
Priya bahut ghabra gayi thi Rahul ki iss harkat se....Wo apni ghabrahat me Rahul ko dekh bhi nahi paayi thi....Jaise hi Rahul ne usse chhoda....
Priya:- (Rahul ke taraf ghumte hue):- Kaun hai???
Rahul:- 8 months ka pyaar itni jaldi bhul gayi....
Priyajab Rahul ko dekhti hai to uske face me ek evil smile aa jaata hai....
Priya:- Are tumhe kaise bhul sakti hun.... Tumhara jaisa deewana ko bhula nahi jaa sakta....Abhi bhi kuch months pehle tumhaara paagalpan soch kar hassi aati hai....Kya tum abhi mere saamne apne pyaar ki baat karne aaye ho???Mujhe manane aaye ho??? Chahe tum jitna bhi gidgidao main nahi maane wali....Mai sirf Vijay se pyaar karti hoon....
Priya ki baat se Rahul mushkurate hue kehta hai.....
Rahul:- 8 month tak mere saath rahi....Fir bhi mujhe acche se samajh nahi paayi....Main tumse koi pyaar ki baat nahi karne aaya hun...Sirf itna kehne aaya hun ki ab meri life me tumhaari koi jagah nahi hai....Tumhaare bina bhi jee sakta hu (Ye kehna Rahul ke liye bahut mushkil ho rahi thi phir bhi mushkil se keh deta hai).....Aur manaya usse jaata hai jo ruttha ho....Dhokha dene wali ko manaya nahi jaata....
Priya:- Lagta hai tumhaare akal abhi bhi thikaane me nahi aaya hai....Vijay ko batana padega....
Priya ke baat se Rahul ko bahut gussa aata hai...Wo Jor se chhilate hue kehta hai....
Rahul:- Jisko batana hai bataa....Vijay ko bataa yaa fir uske baap ko yaa fir apne baap ko....Mai kisi se nahi dartaa...Saala Vijay darpok kahi kaa...Sidhe hamlaa nahi kar saktaa...Ladki kaa istemaal karta hai....Fir bhi mera kuchh nahi bigaad paaya....Saale ko kal itna maara ki kuchh bolne ki haalat me nahi tha....Kasam se agar fir se pangaa liya to uska to mai.....
Itna keh kar Rahul chup ho jaata hai....Rahul ka itna jyaada gussa ho jaane se Priya bhi ghabraa jaati hai....Fir bhi wo himmat karke Rahul se kehti hai....Uske aawaj me dar aur Vijay ke liye fikar
Priya:- Kya kiya tumne mere Vijay ke saath....Vijay thik to hai naa....
Priya ka aisa kehne par Rahul Gussse me bhi thoda sa mushkuraate hue kehta hai....
Rahul:- "Mera Vijay" Waah kya pyaar hai....Lekin ye baat yaad rakhlo ki wo tumhe ek din jaroor dhokha dega....Wo bahut kamina hai....Shaayad uss din tumhe mera yaad aayega....Lekin main tumse abhi se apna saara rishta todta hoon....Aaj ke baad kabhi bhi mere saamne mat aana yaa fir baat karne ki koshish karna...Bardaasht nahi kar paaungaa....Tumne aaj tak mera pyaar dekha hai gussa nahi....
Tension mat lo....Vijay abhi maraa nahi hai....Jinda hai....Baaki ki details ussi se pucch lena....
Uske baad dono ke bicch ek khamoshi aa jaati hai....Jisse todkar Rahul kehta hai....
Rahul:- Jo tumne mere saath kiya hai....Baad me kisi ke saath mat karna....Warna bahut pachhtaogi...Kabhi bhi sacche dil se pyaar karne waalo ka majaak mat bana na warna khud majaak ban ke reh jaaogi....
Isse jyaada Rahul kuch keh nahi paata...Ab usse waha rehna bhi mushkil lag raha tha....Wo gusse aur dukhi man se waha se nikal jaata hai....Priya bas ek tak use dekh rahi thi....Usse Rahul ka itna confidence se baat karne se aascharya hota hai ki kaise ek pyaar me dhokha khaya hua insaan itni jaldi itna thik ho jaata hai aur confident bhi....Lekin iss baat se kahi jyaada usse Vijay ke liye fikar ho rahi thi.
Rahul Priya se baat karne ke baad sidha apne hostel ke room me aa gaya....Wo apne room me aakar gate lock karta hai aur bed me baith jaata hai....Wo iss vakt bahut hi disturbed tha....Abb kya karna hai wo bhi nahi samajh paa raha hai.....Gussa aur dard dono ka mila jula bhaaw uske chehre pee aa raha tha....
Kuch der aise hi baithne ke baad wo abb faisla kar leta hai ki abb wo aage badhega....Jo raashta usne banaya hai us me chalega....Abb picche dekhne se koi faaidaa nahi....Abb wo apne aap ko mentally itna strong banayega ki har dhokha, chaalbaaazi aur biswashghaat ko seh sakega....
Aise hi din gujarne lagta hai.....Rahul abb apne raashte me chalne lagta hai....Koi kuchh kahe usse koi parwah nahi....Khud ko jo achha lagta hai wahi karta hai....Abb uska 12 ka exam bhi aa jaata hai lekin usne koi taiyaari nahi kiya tha....Exam time me bhi mobile aur internet par busy rehta tha....Bas exam dene jaata tha....Bhale hi 2 mahino se usne kuchh nahi padha tha lekin picchle 8 mahino ke padhaayi ke kaaran uska exam thik thak kat jaata hai.....
Abb kal ka din Ajay aur Rahul dono ko iss hostel chhodna tha...Ajay apne engineering ke entrance ke liye coaching class join karne wala tha aur Rahul medical ka....Jab Ajay aur Rahul apna last exam dekar aate hai tab kuch baatein karte hai....
Rahul:- Ajay....Ye 2 saal bhi kitna jaldi bit gayaa....
Ajay:- Ha yaar.... Jab class 11 me admission liya tha tab to vakt bahut mushkil se kat raha tha....Lekin kuchh samay baad vakt itna jaldi bit gaya ki kya bataau....
Rahul:- Sach kaha....Aur iss badalte vakt hame bahut kuch sikhake chala gaya....Inn 2 saalon me maine bahut kuch sikh liya apne life ke baare me....Pehle jab iss city me aaya tha tab sab kuchh naya aur achha lagta tha....Lekin jab vakt bitta gaya yaha ke logon ka jhuth, dhokha aur khudgarz bhi samajh me aane laga....
Ajay:- Kya yaar....Tu bhi yahi baaton ko lekar baith gaya....Aaj hamara iss hostel me aakhiri din hai....Kuchh enjoy karte hai....
Rahul:- Haa yaar...Aaj hamara last din hai iss hostel me....Aaj ke baad ham dono alag alag jagah chale jaayenge .... Tujhe aur teri iss dosti ko bahut miss karunga yaar.....
Ajay:- Miss to mai bhi tujhe bahut karunga yaar....Lekin kya kare abb to ham dono ko alag alag subject padhna hai....Lekin ham dono hamesha phone aur facebook ke contacts mai rahenge.....
Rahul:- Wo to rahenge hi....Lekin tere jaise dost milna bahut mushkil hai....Bas tu aur Raj bhaiya hi hai jisne mujhe acche se samjha hai....Mujhe hamesha support kiya hai....Bilkul saccha aur niswarth doshti nibhaayi hai....
Ajay:- Are aisa mat keh yaar....Abhi hame apne life me bahut aage tak jaana hai...Nayi jagah, naya mahaul aur naya naya dost milte rahenge.....
Rahul:- Yaar tujhe to bahut saare dost mil jaayenge....Lekin meri baat alaag hai....Bachpan se hi akela raha hu....Uss time koi dost nahi tha....Bas apne life ko kisi tarah se aage badhaya hai....Ye nahi kahunga ki mera koi dost nahi tha....School me kuch dost to the lekin dosti utna gehra nahi tha....Koi best friend nahi tha....School me bhi akela hi rehta tha....Baaki ke dost apna group me baat karte the....Mai unn logon jitna baat nahi kar paata tha isi liye alag hi rehta tha....
Jab Class 5 me tune hamare school me admission liya tab uss time me tu bhi mera close friend nahi tha....Koi bhi insaan mera dost jaldi se nahi ban paaya hai....Pata nahi kyu lekin mujhe naye naye logon ko dost banane ki talent nahi hai....Bas kuch time bitane ke baad hi koi dost banta hai....Agar 11 aur 12 me ham log saath nahi hote to shaayad ham dono bhi itne close friend nahi hote....Mera to apna college me koi close friend bhi nahi hai....
Kehne ke liye bahut saare dost hai....Lekin tujhe chhod ke koi bhi close friends nahi hai.....Unn doston se mai apne dil ki baat bhi share nahi kar sakta.....Bas tujhe hi apna accha dost maana hai....
Tune mujhe bahut support kiya hai....Agar meri jarurat life me pade to jarur yaad karna....Vaada karta hu saath jarur dunga....Agar meri kisi baat ka buraa laga ho to maaf kar dena...
Rahul ne bahut emotional ho kar ye baat kaha tha....Ajay bhi kuch nahi bol paata hai lekin andar se bahut khush tha....Kyunki Rahul usse apna sabse achha dost maanta hai....Kuch der chup rehne ke baad Ajay Rahul se bolta hai....
Ajay:- Nahi yaar....Maine teri kisi bhi baat ka buraa nahi maana hai....Tune aaj tak koi galti nahi ki hai....Aur vishwash bhi hai ki aage bhi jaanbujh kar koi galti nahi karega....
Bas dosti ke naate ek salaah deta hu tune apna jo raashta apnaya hai usme sambhal kar chalna....Kahi aisa naa ho ki baad me pachtaana pade....Soch sambhal kar aage badhna....
Kuch der dono hi dost aise hi baat karte hai.....Fir uske baad enjoy karne ke liye ek hotel me jaate hai....Hotel me apne favourite khaana khaa kar wo dono puri raat films dekh kar bitaa dete hai....
Ajay ne apne liye pehle se hi ek hostel dhundh liya tha....Wo wahi par jaane wala hai aur Rahul Raj ke hostel me....Jaaha se usse medical ke entrance ka taiyaari karna hai....
Jaate vakt dono gale lag jaate hai aur hamesha contacts me rehne ka vaada karte hai....Rahul hostel chhodte vakt Vijay ko dekh leta hai aur kehta hai
Rahul:- Vakt rehte hi sambhal jaa....Apni har buri adaate chhod de....Warna baad me pachtaayega....
Vijay uski baat ka koi jawaab nahi deta hai....aur Rahul bhi hostel chhod kar chala jaata hai apne life ka ek nayaa suruwaat karne....Janha se uske life me bahut kuchh badalne waala hai....
[Doston abb kahani apna main plot me chalega....Aap logon ki support ka bahut jarurat hai....Positive ho ya negative review jarur dijiyega]
Abb Rahul Raj ke hostel me shift ho jaata hai....Dono double bed room me ek saath rehte hai....Raj MBBS ka entrance preparation kar raha tha....Wo 1 year se apna taiyaari kar raha tha....Wo full scholarship me padhna chahta tha....Ek middle class family se belong karne ki vajah se donation me padh paana laghbhag naamunkin tha....Wo din raat mehnat kar raha tha padhne me....Usne thaan liya tha ki iss baar wo apna naam scholarship me jarur nikalega.....
Rahul Raj ko join karne ke baad pass ke hi ek institute se coaching karne lagta hai....Bas hafte din ke liye class kiya usne aur class jaana band kar diya....Usne Raj ko keh diya ki wo abb class jaana nahi chahta bas apne room me reh kar padhega....Raj ne socha kuch dino ki baat hai....Abhi just 12 class khatam kiya hai to kuchh din ke baad fresh ho kar jaane lagega aur apne padhaayi me concentrate karega....
Lekin Rahul ne to pehle se hi thaan liya tha ki abb jo uska dil kahega wo wahi karega....Abb wo room me reh kar bas apna mobile me hi khoya rehta....Kuch din tak aisa hi chalta hai....Abb Raj ko bhi Rahul ki aisi harkat par gussa aata hai....Jab bardaasht nahi hota hai tab wo gusse se Rahul ko kehta hai....
Raj:- Rahul kya kar raha hai?
Rahul:- Kyun itna jor se bol rahe ho....Ek movie dekh raha tha
Raj:- Wo to mujhe bhi pata hai....Lekin ye sab kab tak chalega
Rahul:- Jab tak mera dil kahega
Rahul ke yeh shabd sunte hi Raj ka gussa aur badh jaata hai.....Wo jor se bolta hai
Raj:- Tu yaha kya karne aaya hai....Padhne aaya hai naa....To sirf padhaayi pe dhyaan de
Rahul:- Are bhaiya....Itna gussa kyu ho rahe ho....Jab padhne ka mood hoga tab padhunga naa....Bina koi interest ke mai padh nahi paata....Kuch samajh nahi paata...Abhi mai kuch din bina koi tension liye fresh hona chahta hu....Pichhle kayi dino se ghut ghut ke jee raha tha...Jab achha feel karunga tab aage ki baat sochunga....
Raj:- Jab tak tu fresh hoga....Tab tak bahut time beet jaayega....Bahut jald MBBS ka entrance aayega....Ye koi 12th ki exam nahi hai jo tu halke me le raha hai....Scholarship me naam nikalna hai....Bhai jara serious ho jaa....Tere parents ne bahut sapne dekhe honge .... Iss tarah se unki aank me parda daalke time pass mat kar yaar
Rahul:- Mai bhi unki bahut izzat karta hu....Aur unn logo ka sapna ye nahi hai ki unka beta bas doctor hi bane....Unho ne pehle bhi kaha tha jo mai jo bhi kaam karu unhe usse koi pareshaani nahi hogi....Bas mujhe imaandaari aur mehnat ke saath kaam karte huye dekhna chahte hai....Bhai ab aap hi bataao jab tak mai khud ko andar se ready nahi hu tab kaise kar paaunga ye sab....Kuch time se meri life itna badal gaya hai ki mentally disturbed ho gaya hu....Bas kuch din ka time le raha hu khud ko physically aur mentally ready rakhne ke liye
Raj:- Achha bhai....Jitna time lena hai le lena....Lekin ye bhi dhyaan me rakhna ki kahi jyaada der na ho jaaye....Abb jo bhi decision lega wo tera future decide karega....Soch kar apna kadam aage rakhna...
Rahul:- Bhaiya ..... Kya aap mujhe itna careless aur irresponsible samajhte hai? Shayad aap ko nahi pata abhi mai kitna depress hu..12 class me aane ke baad aur Priya ke dhokha dene ke baad bahut depressed ho gaya hu....Abhi kuch vakt le raha hu khud ko sambhalne ke liye to kya galat kar raha hu? Abhi tak mai khud ko acche se nahi jaan paaya hu. Kabhi kabhi chhoti chhoti baaton pe jyaada gussa karta hu....Kabhi kabhi serious baat ko bhi simple tarike se leta hu....Kyu mai dusro se acche se baat nahi kar paata hu? Kyu mere friends bahut kam hai? Kyu log mujhe kamjor samajh kar mera faaidaa uthane ki koshish karte hai? Kyu mujhe akela rehna pasand hai? Bas yahi sab baat jaana chahta hu....Iss ke liye thande dimag se sochna chahta hu....Bina koi padhaayi ka tension liye khud ke baare me jaana chahta hu....
Jab khud ke baare me acche se jaan paaunga tabhi to mai apna pasand, napasand jaan paaunga....Aur aap padhne ke baat kar rahe hai.....Jab khud ko acche se jaan lunga tabhi to pata chalega ki mujhe kya padhna hai.... Bhai abhi agar maine jaldbaazi me koi bhi kadam uthaya to baad me vakt nahi milega ye sab sochne ka....Tab jaake pachhtawa ke siwa kuch nahi milega....Bas sahi vakt me sahi kaam kar raha hu....Agar mera baat ka buraa laga ho to maaf kar dijiye....
Bhai mai iss year nahi padhna chahta...Agle year se achhe se padhungaa....Iss saal me apne aap ko aacche se samajh kar kya padhna hai pehle wo decide karunga aur agle saal se acche se padhunga....Bas 1 year ka time apne liye lena chahta hu....Waise bhi MBBS ka entrance me year loss to hota hi hai....
Raj ko bhi Rahul ki baat sahi lagta hai....Aur kehta hai....
Raj:- Tera baat ka koi buraa nahi lagaa....Waise sorry mujhe kehna chahiye....Tujhe bina acche se jaane tujh par bhadak gaya....Jo tujhe achaa lage wo kar....Waise bhi ye tera life hai....Aur tujhe hi apne liye ka kya sahi kya galat iska decision lena hai....Mai tujhe iss baare me bas sujhaaw de sakta hu force nahi kar sakta....Abhi accha laga tera baat sunn kar....Achha socha hai tune apne baare me
Rahul:- Thanks bhaiya....Mujhe samajhne ke liye....Bas aap se ek request hai....Mere saath iss 1 saal me kya huwa hai aur abb mai kya karne waala hu....Iss ke baare me kisi ko kuch mat kahiye....Mai aaur logon ko nahi samjha sakta....Sab mujhe hi galat samjhenge....
Raj:- Thik hai....Mai kisi ko nahi kahunga bas tere parents ko chhod kar....Agar wo log mujhe tere baare me puchenge to mai jhuth nahi bol paaungaa....Agar unhone nahi puccha to kuchh nahi bolunga...Agar puccha to taalne ki koshish karunga lekin jhuth nahi bolunga....
Rahul:- Thanks bhai....Itna bhi kaafi hai mere liye....Bas Mummy aur Papa ko mai sambhaal lungaa.
