If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Nisha iske baad kuch nahi boli.....Bas uski aankho se aansu gir rahe the.....Rahul ne bhi zyada der karna thik nahi samjha.....Wo Nisha ko samjhaane laga.....
Rahul:- Nisha tum galat samajh rahi ho.....
Rahul ne bas itna hi kaha ki Nisha rote hue uske baat ko bich me rok kar kehti hai....
Nisha:- Ha galat samjha hai maine....Tum jaise ghatiya insaan ko samajhne me galti kiya hai....Tumpe dobaara bharosha karke galti kiya hai....Mujhe pehle hi samajh jaana chaahiye tha ki tum vishwaas ke laaayak nahi ho.....Lekin kya karu pyar ho gaya tumse.....Bas tumhaari achaaayi hi dikha mujhe kabhi koi buraayi nahi dekha......Jab aaj tumhaari buraayi dikha to bahut der ho gayi.....Kash pehle hi samajh jaati tum sirf accha banne ki naatak kar rahe ho....Aaj mujhe afsos ho raha hai ki tumse pyar kiya maine.....Jab pehli baar tumne mujh par yakin nahi kiya shaayad ussi time mujhe tumse dur ho jaana chahiye tha.....Lekin mujhe laga ek mauka dena chahiye....Bas yahi par galti kar baithi.....Aur iss galti ka sazaa aaj mil raha hai.....
Nisha ki har ek shabd Rahul ki dil ko bahut chot pahuncha raha tha......Nisha ko iss kadar rota dekh Rahul ki aankho se bhi aansu nikal raha tha.....Wo bas ek mauka chaahta tha Nisha ko samjhaane ke liye aur galatfehmi dur karne ke liye.....
Rahul:- Please Nisha ek baar mera baat suno....(Itna keh kar Rahul Nisha ke shoulder par haath rakhta hai)....
Jaise hi Rahul ne Nisha ke shoulder par haath rakha, Nisha ne turant Rahul ka haath jhatak diya aur Rahul ko dhakka dete hue kaha.....
Nisha:- Mat chhuo mujhe.....Tum apne gande haath se kabhi mat chhuna mujhe.....Aur kya sunu ha.....Yahi ki tumhaara koi galti nahi hai......Meri galatfehmi hai ye yahi na....
Nisha ki aankho se aansu to girr rahe the lekin abb aawaj bhi gusse se tej ho gaya tha.....
Rahul Nisha ki baat par sir haa me hilaa deta hai.....
Nisha:- Sach me tum me koi sharm nahi hai......Apni galti maane ki vajah aur jhuth ka sahara le rahe ho.....1 jhuth ko chupaane ke liye 10 aur jhuth bolna chaahte ho.....Tum chaahe jitna bhi mujhe samjhaa lo mai tum par yakin nahi karungi....Maine tumhe dekha tha restaurant me suru me Priya roo rahi thi.....Shaayad wo bhi tumse request kar rahi thi tumhe ki tum uska saath mat chhodo jaise mai kuch time pehle tumse karti thi.....Aur kuch der baad wo hass rahi thi.....Shaayad tumhaari meethi baato me aa gayi hogi.....Rahul tumhaare paas ladki pataane ki acchi kala hai.....Pata nahi kaise itna silent ho kar bhi impress kar lete ho......
Ek aur baat tumhe abhi mera pyaar samajh me nahi aaya.....Iss liye mujhe dhokha dene se pehle ek baar bhi nahi socha.....Shaayad tumhe ladki ka shauk hoga aur sochte hoge ki girlfriend kapdo ki tarah hote hai jisse time time par change kar lena chaahiye.....Aaj to maine bas 1 ladki ko tumhaare saath dekha hai na jaane kitni girlfriends honge tumhaare jinhe tum dhokha de rahe ho.....Lekin ek baat yaad rakhna jindagi me ek din saccha pyaar ka matlab tumhe jaroor samajh me aayega.....Aur tab tumhe meri baat sahi lagegi......
Nisha ne galatfehmi me bahut kuch bol diya.....Nisha ki baaton ne Rahul ko itna hurt kar diya ki Rahul kuch bol nahi paa raha tha.....Nisha ne Rahul par wo aarop lagaya tha jo Rahul sapne me bhi nahi soch sakta tha.....Rahul ko abb ehsaas ho gaya ki uske umeed se jyaada hi Nisha ko galatfehmi ho gaya hai.....Rahul ko ab samajh me nahi aa raha tha ki kaise Nisha ko samjhaaye.....Agar Rahul abhi kuch kehta to Nisha ko Rahul ki baat par yakin bhi nahi hota.....
Rahul ka chup rehna dekh Nisha ko abb yakin ho gaya ki Rahul ne sach me galti kiya hai.....
Nisha:- Rahul abb bas tumse last request hai ki mujhse baat mat karna.....Aur mere picche kabhi mat ghumna.....Tumne mujhe pehle hi bahut dukh diya hai....Abb aur jhelna nahi chaahti.....Pata nahi tum meri ye baat maanoge yaa nahi.....Iss baat par bhi tum par yakin nahi kar sakti.....Agar tumhaare paas thoda bhi sharm bacha hai to please abb se kabhi bhi mujhe mat pareshaan karna.....Tum apni bindaas life me busy raho aur mujhe bhi meri life jeene do.....
Itna keh kar Nisha apne room me rote hue chali gayi....Aur door lock karke bed par lait kar rone lagi....Jindagi me pehli baar usse itna dard ho raha tha.....Usne kabhi umeed nahi kiya tha ki Rahul aisa bhi ho sakta hai.....Usse apne aap par gussa aa raha tha ki kaise wo itna galat insaan se pyaar kiya ..... Wo khud ko thoda lucky bhi mehsoos kar rahi thi ki vakt rehte usko Rahul ki sachchaayi pata chal gaya warna bahut kuch bigad sakta tha.....
Jab Nisha apne room me gayi tab Rahul ne pass pada ek paththar par jor se laat maar kar apna gussa nikaaala.....Rahul Nisha ki pehle se hi bharosha na kar paane ki vajah se paresaan tha upar se aaj jo ghatna hua usse Rahul aur tut gaya....Wo kuch der tak wahi niche jameen par baith kar niche jameen ki taraf rone laga.....Nisha ne ek baar bhi uski baat nahi sunaa iss baat se Rahul bahut tut gaya.....Lekin usse Nisha se koi shikaayat nahi tha.....Usne bhi to Nisha ke saath waisa hi kiya tha.....Pehle hi Nisha usse naraaj thi to aise me kaise uss par yakin kar leti.....Ye baat sochte hue Rahul ki aankho se lagataar aansu beh raha tha......
Jindagi me shaayad pehli baar Rahul iss tarah se tuta tha....Jab Priya ne Rahul ko dhokha diya tha to iss me Rahul ki koi galti nahi tha lekin jab aaj Nisha se uska pyaar toota tha tab wo khud ko hi gunehgaar maan raha tha.....Usse iss baat ke liye bhi buraa lag raha tha ki uski vajah se Nisha itni pareshaan hui hai aur itna roo rahi hai.....Rahul abb khud ko aur apni kismat ko kos raha tha.......Bas usse apni zindagi se ek hi asha tha ki wo Nisha ko ek baar samjha sake.....
Kuch der aise hi rone ke baad Rahul bhi utth kar apne kamre ki taraf chala gaya.....Abb uske paas chalne ki taakat bhi nahi bacha tha.....Jaise taise wo chal kar apne room me jaa kar baith gaya......
Issi tarah rote hue dono ne apna puraa din kaat liya......Nisha ne paschaatap me apne aansu bahaaaye the ki usne galat insaan se pyaar kiya hai aur wo iss pyaar ko bhul kar aage badhna chaahti thi .....
Udhar Rahul apni majboori par roo raha tha.....Jindagi me Rahul kabhi itna majboor nahi hua tha ki apni baat kisi ko bata bhi na sake.....Wo bas ek mauka chaahta tha Nisha ko samjhaaane ka.....
Shaam me ek baar fir Nisha ki baat Riya se hua.....Nisha ne bhi saari baat Riya ko bata diya....Riya ko bhi samajh me nahi aa raha tha ki Rahul aisa kaise ho sakta hai.....Wo bhi udaas ho gayi aur usne Raj ko saari baat bata diya.....
Raat ke 10:00pm baj rahe the....Rahul sone ke liye bed par laita hi tha ki Raj ka message aa jaata hai.....
Raj ki message kuch iss tarah se aaya tha....
"Socha nahi tha Rahul tu aisa niklega.....Mujhe to yakin nahi ho raha tha ki tu itna gir sakta hai.....Mai to sochta tha ki teri sabse badi buraayi tera gussa hai lekin aaj kuch aur bhi pata chala.....Tu abhi Nisha ka pyaar ka jo majaak udaa raha hai ek din tujhe uska keemat pata chalega.....Tabhi to mai bhi tera saath nahi dunga.....Nahi nahi abhi se tera mera saath khatam....Mai kabhi aise insaan ka saath nahi dunga jo itna gira hua ho......Tujhe apne bhai kehne me bhi sharm aata hai mujhe abb.....Bas ek warning deta hu ki kabhi bhi tu mujhse baat mat karna aur Nisha ko pareshaan to bhul kar bhi mat karna.....Aur tujhe aaj se jo bhi karna hai wo aaram se kar....Koi rok tok nahi.....Aaj se tu ek aajaad pancchi hai....Mai tujhe kisi baat ke liye manaa nahi karunga.....Mai jaanta hu meri baaat par tu hass raha hoga.....Soch raha hoga ki mai comedy kar raha hu....Tu to apni bindaas life me mast hoga.....Aisi baato se tujhe koi fark nahi padega.....Lekin meri baat galat nahi hai ye baat tujhe bahut jald samajh me aa jaayega.....Good bye and hope we will never meet again.....Be happy in your life...."
Raj ka message padhne ke baad Rahul ka bacha hua himmat bhi khatam ho gaya.....Bed par mobile fenk kar usne kaha.....
"Sala abb to koi bhi mujh par yakin nahi kar raha...."
"Aakhir mera galti kya hai....Yahi na ki maine Nisha par yakin nahi kiya.....Galatfehmi ho gayi ek baar aur bharosha chaah kar bhi nahi kar paaya.....Shaayad uss time Nisha ke liye mera pyaar se jyaada Vijay ke liye mera nafrat jyaada tha.....Iss vajah se ye galti kar baitha.....Dar tha ki dobara mera dil na tute....
Lekin jab apna galti pata chala to maine usse sudhaarne ki har koshish kiya.....Besharmo ki tarah apna izzat ka parwaah na karte hue Nisha ko manaata raha....Usse maafi maangta raha....Kya kuch nahi kiya maine.....Itna kuch karne ke baad bhi kuch na hua ulta Nisha mujhse aur naraaj ho gayi.....Aur ek aisa aarop laga diya jisse mai sapne mai bhi nahi soch sakta.....
Galti kuch aur kiya aur saza kuch aur mil raha.....Shaayad meri sabse badi galti yahi hai ki mai Priya ki baat sunne restaurant me gaya....Ye to koi galat kaam nahi tha....Lekin aaj mera iss kaam ki vajah se mujhe jo sazaa mila hai usse to yahi saabit hota hai ki galat kaam na karne par bhi saza bhugatna padta hai.....
Agar Nisha mujhe sazaa dena hi chaahti hai to mujhse naraaj rehti.....Shaayad mujhe utna dukh nahi hota....Apni galti sudhaarne ki aur koshish karta.....Lekin usne wo saza diya jo galti maine kiya hi nahi.....Bina sach sune mujh par aisa aarop laga diya.....Uske dimaag me to pehle hi mera image acha nahi hai aur mujh par shak baithi.....
Mai to usse naraaj bhi nahi ho sakta.....Maine bhi to yahi galti kiya tha....Uss par shak karke uss par bahut ilzaam lagaya tha.....Aur aaj wo bhi yahi kar rahi hai.....Mujhe kisi se koi naraajgi nahi hai aur ho bhi nahi sakta.....Bas yahi umeed hai ki mai Nisha ko ek baar apna baat samjhaa paaunga aur wo mujhe maaf kar degi....."
Mobile bed par fainkne ke baad Rahul khud se hi apni galti ke baare me baat kar raha tha.....Aaj wo lhud ko bahut bebas mehsoos kar raha tha.....Apna nirdosh hone ki baat tak Nisha ko nahi samjhaa paa raha tha.....Nisha bhi uski vajah se tadap rahi hai ye baat Rahul ko aur bhi pareshaani me daal raha tha.....
Jaise taise Rahul khud ko sambhaaal kar soo gaya.....Agli subah shaayad Rahul ke liye sabse bura subah me se ek tha....Subah ka roshni suraj chaaro taraf faila chuka tha lekin Rahul ki jivan me abhi tak andhakar hi tha....Subah jab uski aankh khula to uski aankho me fir se ek bebasi chaa gaya ....
Nisha ka gussa aur naraajgi dekh Rahul ke paas bacha hua himmat bhi khatam ho raha tha......Nisha ko samjhaaye to kaise????Kya wo meri baat maanegi???Bas yahi sawaal Rahul ke dimaag me aa raha tha....
Lekin mai himmat nahi haar sakta.....Ye mera pyaar ka pariksha hai jisme mujhe safal hona hai.....Agar mai iss pariksha me safal raha tab hi mai Nisha ke laayak hu.....Pyaar karne waale har aashiq ko apne pyaar ko saabit karna padta hai....Agar saccha pyaar kiya hai to aisi chhoti moti musibat to aate hi rahega....Hame dat kar uska saamna karna chaahiye....
Ye baat sochte hi Rahul ke andar ek josh aa gaya.....Usne tay kar liya ki wo har haal me Nisha ko manaayega....Wo fir se picchle waar ka idea istemaal karne ka sochta hai.....Aur koi nayi idea bhi to nahi tha uske paas....
Lekin Rahul jitna aasan isse dekh raha tha wo utna aasan tha nahi.....Pehle to Nisha naraajgi ka dikhaawa kar rahi thi aur chaahti thi ki Rahul usse manaaye lekin iss baar wo sach me Rahul se naraaj ho gayi thi.....Uska dil me kya beet raha hai ye to sirf wo hi jaanti thi......Abb Nisha ne Rahul ke liye apne dimaag me ek alag hi image bana liya tha....Aur wo sure ho gayi thi ki abb uske aur Rahul ke bich kuch nahi raha....Aur abb wo aage badhegi.....Insaan chaahe andar se kitna bhi majboot kyu na ho lekin jab pehla pyaar toot ta hai to sambhalne me kuch vakt to lag hi jaata hai....Yahi haal Nisha ka tha.....
Usne laghbhag khud ko apne kamre me band kar liya tha.....Bahut hi kam baahar nikalti thi.....Aur upar se exam bhi aane waala tha to college bhi nahi jaati thi aur sirf apna dhyaan padhaayi me lagaati thi jaisa kuch time pehle Rahul karta tha.....
Rahul Nisha se na mil paane ki vajah se bahut pareshaan ho gaya tha.....Abb to baat karna to dur dekhna bhi bahut mushkil ho gaya tha uske liye.....Nisha ko apne room se baahar na nikalta dekh Rahul har pal tadapta tha lekin kuch kar nahi paata tha.....Kabhi Nisha ke room me jaa bhi nahi sakta tha.....Jaata bhi to kis munh lekar......Nisha to uska shakal bhi dekhna nahi chaahti thi.....
Jab bhi Nisha garden me yaa fir baahar hoti to Rahul himmat karke Nisha ke paas jaata lekin Nisha ka gussa dekh wo kuch nahi keh paata.....Nisha ka usko ignore karna Rahul ki dil ko bahut chot pahunchaata tha.....Wo udaas munh lekar waapas apne room me laut aata tha....
Dono ek hi building me rehte the.....Lekin wo building ek bhut bangla jaisa ho gaya tha.....Koi aawaj nahi pura khaamoshi chaa gaya tha.....Jab kabhi Rahul garden me akela baith kar udaas rehta ta to kabhi kabhi Nisha ki najar Rahul par padd jaati to aisa lagta ki Rahul aisa nahi ho sakta.....Wo aaj bhi usse pyaar karta hai.....Lekin Nisha ke dimaag me pyaar par galatfehmi haavi ho gaya tha.....Agle hi wo Rahul ke liye ye soch jhatak deti aur fir se Rahul ke baare me galat sochne lagti.....Agar galatfehmi uss par haavi nahi hota to kab ka Rahul ke pyaar pehchaan gayi hoti aur aaj unn dono ke bich ye dooriyan nahi aayi hoti....
Dhire dhire Nisha ka MBBS bhi complete ho gaya.....Uske exams bhi acche hi gaya tha....Aakhir jaata bhi kyu na puri mehnat se padhaayi ki thi.....Pariksha khatam hone ke baad bhi Rahul aur Nisha ka wohi haal tha.....Dono ki dooriya kam nahi ho raha tha......Abb tak dono me kabhi baat nahi hua.....Abb to Nisha ne soch liya ki wo ye flat chhod kar kahi aur chala jaayegi.....Rahul ko saamne dekh bhulaa paana aasan kaam nahi tha.....Jab bhi wo Rahul ko dekhti usse beeta hua samay ka yaad aa jaata .....Rahul ke saath garden me raat ko baat karna, riverside aur mandir ki baatein, Rahul ka usko manaana sab uski aankho ke saamne ghumne lagta tha.....
Rahul ka himmat ka bhi koi jawaab nahi....Itna vakt ho gaya Nisha ne usse ek baar dekha tak nahi.....Aur uska naarajgi bhi kam nahi hua.....Abb wo jaa rahi hai.....Ye baat jaankar bhi Rahul ko Nisha par koi gussa nahi aur koi naarajgi nahi tha.....Wo Nisha ka dil har haal me jitna chaahta tha.....Aur abb uske liye sirf ek raasta bacha tha aur wo tha "intezaar".....Rahul aakhiri mauke tak Nisha ka intezaar karna chaahta tha jab tak wo iss flat me rehti hai.....Rahul ko abhi bhi umeed thaa ki koi chamatkaar hoga aur Nisha ko uski baat par yakin ho jaayega....Rahul ki dimaag me bas ab ek hi baat aa raha tha ki "Saccha pyaar ki kabhi haar nahi hota".....
Aise hi kuch din aur beet jaata hai.....Ek subah Rahul jab utth kar baahar aaya to dekha ki Riya akeli aa rahi thi.....Riya ne ek najar Rahul par daala....Riya ki aankho me Rahul ke liye sahanubhuti tha.....Lekin wo bina kuch bole Nisha ki room me chali jaati hai.....Rahul ke chehre me laghbhag 2 mahine baad umeed ki ek kiran najar aa raha tha.....Warna Rahul picchle do mahine me hasna, rona, gussa hona sab kuch bhul chuka tha.....Chehra to ek dam saamanya sa ho gaya tha.....Inn 2 mahino me usne kisi se baat nahi kiya.....Nahi Raj se, Ajay se aur naahi baaki ki dosto se.....Wo to bas apne gam me jee raha tha.
Nisha apni room me baithi thi.....Pichle kuch din ki tarah aaj bhi uske chehra thoda murjhaaya tha....Hasna to jaise wo bhul hi gayi thi....Exams to complete ho gaya tha....Room me baithi baithi bore ho gayi thi wo.....Tabhi Riya uske room ka door knock karti hai....
Jab uski gate par knock hota hai tab usse lagta hai ki Rahul hai....Wo gate nahi kholti....Kuch der baad fir gate par knock hota hai tab usse bahut gussa aata hai....
Nisha:- Kyu disturb kar rahe ho????
Nisha ne bahut gusse ke saath kaha....Bahut tume baad Rahul ke liye uska munh se koi baat nikla tha....Wo bhi gusse se bhara....
Riya:- Mai hu yaar....Riya....
Riya ka naam sunte hi Nisha ka sara gussa hairaani me badal jaata hai aur sochne lagti hai kya vajah ho sakta hai Riya ki aane ki....
Riya:- Gate kholegi ya waapas bhejne ka iraada hai....
Nisha ka abhi tak gate na kholne ki vajah se Riya ne chhidhte hue jawaab diya....
Nisha turant jaakar gate kholti hai aur Riya se kehti hai....
Nisha:- Sorry yaar....Kuch soch rahi thi jyaada dhyaan nahi diya....
Riya:- Rahul ke baare me soch rahi thi kya????
Riya ne majaak me pucha lekin Nisha bahut gussa ho gayi Riya ki iss baat se.....
Nisha:- Tu to sab kuch jaanti hai fir bhi majaak karti hai.....Mujhe aisa majaak pasand nahi aur bhul kar bhi uska naam dobaara mere saamne mat lena....
Nisha ka daba hua gussa aaj Riya par nikal gaya....Uski aawaj se hi pata chal raha tha ki wo Rahul se kitna gussa thi....
Riya:- Sach me itna gussa hai Rahul se....
Nisha:- Gussa nahi nafrat.....Nafrat ho gayi hai mujhe uss se....
Riya:- (Nisha ka chehra dekhte hue) Sach me....
Nisha:- Koi shak????
Nisha ne gusse me jawaab diya....Riya ke ye sawaal uske gussa ko aur badha raha tha....
Riya:- Shak nahi confirm ho gayi aaj.....Abhi tak tu apne dil se Rahul ko nahi nikaal paayi hai....
Riya ne muskuraate hue kaha to Nisha ka dimaag bahut kharab ho gaya Riya ki iss baat se....
Nisha:- Kya bakwaas kar rahi hai tu....Dekh Riya mai majaak karne ke mood me nahi hu abhi....Pehle hi tension hai aur tu upar se majaak kar rahi hai....Please yaar majaak mat kar....
Riya:- Majaak nahi kar rahi hu mai....Tera chehra hi bata raha hai ki tu abhi tak Rahul ko apne dil se nahi nikaal paayi hai....3 months hone waale hai Nisha tera aur Rahul ka breakup hua.....Ye bahut time hai....Itna time me kamjor dil waale log pyaar tutne se suicide kar lete hai aur majboot dil waale log aage badh jaate hai....Tu kamjor dil ki nahi hai aur naahi aage badh paayi hai....Iska matlab yahi hai ki tu Rahul ko abhi tak apne dil se nahi nikaal paayi hai aur uska intejaar kar rahi hai....
Riya ko Nisha ki baat se ek jhatka sa laga....Usse pata tha ki Riya jo keh rahi hai wo bilkul sach hai....
Nisha:- Kisne kaha mai aage nahi badh paayi hu....Mai aage badh chuki hu.....Ek baar bhi maine uske saath baat nahi kiya aur naahi uski taraf kabhi mud kar dekha hai....
Nisha keh to Riya se rahi thi lekin samjha apne dil ko rahi thi.....
Riya:- Agar tu kehti hai ki tune Rahul se baat nahi kiya hai to ho sakta hai ye sach hai....Lekin mai nahi maanti ki tune Rahul ko mud kar nahi dekha hoga....Nisha tere chehre se saaf pata chalta hai....Agar tu aage badh gayi hoti to sab kuch bhul gayi hoti....Lekin tera chehra jis tarah se murjhaaya hai na usse pata chalta hi ki tu aage nahi badh paayi hai aur Rahul ka hi intejaar kar rahi hai....Tu maan ya na maan lekin yahi sach hai.....
Abb Nisha ke paas kuch nahi bacha tha bolne ke liye.....RIya ki baat sach hai ye baat Nisha bhi jaanti thi....Wo kuch nahi bolti hai Riya ki iss baat par....
Riya:- Kya hua...Abb kyu kuch nahi bol rahi....Nisha maan le ye baat ki tu bhi Rahul se pyaar karti hai....
Riya ne Nisha ko manaane ki andaaz me kaha....Iss baat ki asar bhi Nisha par ho gaya.....
Nisha ki aankho se aansu behne lage jisse Nisha ne bahut din se bahut mushkil se chhupaaya tha....Rote hue hi wo kehne lagi....
Nisha:- Ha karti hu mai Rahul se pyaar....Itna aasan nahi hai usse bhulaana....Sachaa pyaar bhulaana koi aasan kaam nahi hai....Tu nahi samjhegi....Tune kisi se pyaar kiya hi kaha hai....Jab pyaar karegi tab pata chalega....Jab koi dhokha deta hai to kya gujarti hai apne dil par....Bahut bhulaana chaaha Rahul ko par bhulaa nahi paayi....Har vakt uske saath bitaaye hue pal yaad aa jaata hai....Dil to kehta hai ki jaakar uske saath gale lag kar lipat jaau....Pyaar bhari baatein karu....Lekin kya karu fir Rahul ki dhokha ka yaad aa jaata hai....
Maine to Rahul se sachha pyaar kiya....Lekin usne kya kiya....Mujhe dhokha diya aur dusri ladkiyon se chakkar chala raha hai....Mai hi jaanti hu ki kitna dukh hua hai mujhe Rahul ko Priya ka saath dekh....Koi kaise apne pyaar ko dusre ke saath dekh sakta hai.....
Ha sach kaha tune aaj bhi Rahul ka intejaar kar rahi hu mai....Lekin mujhe aisa Rahul bilkul nahi chaahiye.....Aaj bhi uske munh se ye sunna chaahti hu ki "Nisha mai abb badal gaya hu"....Lekin Rahul ko parwaah hi kaha iss baat ki....Wo to aaj bhi apni ayaash jindagi me busy hai....Kabhi kabhi to din me rehta hi nahi yaha....Shaayad ladkiyon ke saath baahar jaata hoga....
Galat insaan se pyaar kar liya yaar....Shaayad mujhe pehle hi khud ko rok lena chaahiye tha khud ko usse pyaar karne se.....Lekin rok nahi paayi....Ho gaya pyaar usse....Pata nahi aage kya hoga mere saath....Kismat ko kya manjoor hai?
Nisha ne rote hue apni dard Riya ke saamne rakh diya....Riya ko bhi uski haalat par bahut dukh ho raha tha....Jab Nisha kuch der tak roo kar sambhal gayi tab Riya ne dhire se kaha....
Riya:- Kismat ko Rahul ka aur tera ek hona manjur hai....
Nisha Riya ki iss baat par kuch nahi kehti....Bas Riya ki taraf ghurti hai aur uski baat ka matlab sochne lagti hai...
Riya:- Chaunk mat....Sahi suna tune....Rahul ke baare me tu galat soch rahi hai....Usne tujhe koi dhokha nahi diya....Wo bhi tujh se saccha pyaar karta hai...
Riya ki iss baat par Nisha ek dam hairaan ho gayi....Usse Riya ki baat par vishwaas nahi ho raha tha....
Nisha:- Yaar mai itna bhi kamjor nahi hu ki tut jaau.....Maine abhi tak khud ko sambhaala hai aur aage bhi sambhaalungi....Tujhe jhuth bolne ki jaroorat nahi hai aur naahi mujhe jhutthi aasha dene ka....
Riya:- Tu Rahul se pyaar to karti hai....Par vishwaas nahi kar paayi....Ek baar Rahul se pucch to liya hota sach kya hai....Khair koi baat nahi....Kal maine Priya se baat kiya tha iss baare me....Usne mujhe saari sacchaayi bataayi....Rahul aur wo sirf dost hai aur tu dono ko galat samajh baithi....Uss din wo Rahul se maafi maangne aayi thi aur Rahul ne usse maaf kar diya....Bas itna hi hua tha....
Kya tune unki koi baat sunaa jisse tujhe lage ki wo dono pyaar karte ho yaa fir Rahul tujhe dhokha de raha ho.....
Nisha:- Uss din Rahul subah subah jaldbaazi me kahi jaa raha tha....Mujhe laga Rahul pareshaan hoga iss liye uske piche piche gayi....Jab restaurant me pahunchi to unn dono ko dekh laga ki wo dono pyaar karte hai.....Suru me Priya roo rahi thi baad me hans rahi thi....Iska matlab yahi hai na ki Rahul ne usse manaa liya hai.....
Riya:- Hamesha aankh jo dekhta hai wo sach nahi hota....Ek baar Rahul se baat kar leti fir decide kar leti kya karna hai...
Nisha:- Rahul jhuth bhi to bol sakta tha na.....Aur shaayad Priya ne tujhe jhutthi kahaani sunaaya ho....
Riya:- Nahi usne koi jhuthi kahaani nahi sunaaya hai....Uski aankho me maine sachaayi dekha hai....Aur mujhe Rahul aisa kar sakta hai ye mujhe vishwaas nahi hua....Jab bhi wo baahar mujhe dikhaa hai...Ek udaasi uski chehre me dikhti hai uska.....Hamesha akela rehta hai....Aisa lagta hai ki uska dil tuta ho....Pyaar me wo aaj bhi tadap raha hai....Lekin uski aankho me ek umeed bhi hai ki uska pyaar ek din usse mil jaayega....Aaj bhi uski aankho me wahi tha....Nisha tu khud bhi tadap rahi hai aur usko bhi tadpa rahi hai....
Jab se usse apni galti ka ehsaas hua hai usne tujh se saccha pyaar nibhaaya hai....Tune uss par yakin nahi kiya fir bhi tujh par wo naaraj nahi hua hai.....Balki tera intejaar kar raha hai itne time tak bhi.....Bahut kam aise aashiq hote hai jo apne pyaar ka intejaar karta hai....Tere pyaaar ne usse badal diya hai....Hamesha gussa aur chhidhaa hua insaan aaj ek dam se shaant ho gaya hai...
Meri baat maan Nisha....Jaldi se usse maafi maang le warna der na ho jaaye....Tu bahut lucky hai ki tujhe aisa pyaar karne waala milaa hai....
Riya ne apni baat keh di.....Lekin Nisha ki aankho se abhi bhi aansu nikal rahe the....Lekin ye aansu khushi ka tha.....Nisha ki chehre me bahut time baad ek smile aaya aur wo kehti hai....
Nisha:- Sach...Sach bol rahi hai tu Riya....
Riya ne haa me sar hilaaya....
Nisha:- Sach me itna pyaar karta hai Rahul mujh se.....Aur mai paagal....Uska pyaar samajh nahi paayi....KLekin abb der nahi karungi....Aaj hi maafi maang lungi aur keh dungi ki mai bhi usse bahut pyaar karti hu aur aage se ye galti nahi dohraaungi....Lekin Rahul ek baar to mujhe bata sakta tha na sachaayi....Paagal hai wo....Naraaj thi to mana sakta tha na....
Nisha ne bahut khus hokar ye baat kaha.....Wo bahut khush ho gayi ki Rahul bhi usse bahut pyaar karta hai aur uski koi galti nahi hai....Lekin last ki line usne Rahul se shikaayat karte huye kaha....Nisha to Rahul se baat karne ke liye itna utshuk ho gayi ki wo jaldi se apni mobile dhundne lagi....Lekin usse mobile nahi mil raha tha....
Riya:- Agar usse baat karne ka mauka deta tab wo tujhe samjhaata na aur manaata....Lekin tune usse koi mauka diya hi kaha...Aur ye le mobile....Jaanti hu isse hi dhundh rahi hai....
Riya ki iss baat par Nisha kuch nahi kehti bas muskuraa deti hai aur mobile cheen leti hai....Bolne ka time bhi kaha tha....Usse to Rahul se baat karne ki jaldi thi.....Bas aankho se hi wo Riya ko thanks kehti hai...Aur jaldi se Rahul ka number dial karti hai....
Aaj Rahul aur Nisha ki bich ki galatfehmi ko Riya ne ek baar fir dur kar diya....Lekin kya Rahul aur Nisha ki kismat itna accha hai ki wo dono mil jaaye.....Iss sawaal ke jawaab to filhaal vakt ke paas hi hai.
Riya Nisha se baat karke waapas apni ghar chali jaati hai....Aaj wo bahut khus thi ki usne do pyaar karne waalon ki galatfehmi mitaa kar unhe fir se milaa diya...
Riya ke jaane ke baad....Nisha ne Rahul ka number dial kiya.....Par koi reponse nahi aa raha tha dusri taraf se.....Nisha ko laga ki Rahul shaayad naraaj hai iss liye call nahi utha raha hai.....Nisha ek do baar aur try karti hai lekin fir bhi koi response nahi aata.....Abb Nisha ko lag raha tha ki Rahul busy hai iss liye phone nahi utha raha hai....
Nisha ne socha ki wo kuch der baad fir se kall karegi Rahul ko....Karib aadha ghanta wait karne ke baad Nisha se raha nahi gaya....Usne fir se Rahul ko call kiya aur fir se no response....Abb Nisha ko ghabraahat ho raha tha....Ek anjaana sa dar usse lagne laga....Usse Rahul ki fikar hone lagi....Uske man me ajeeb sa khayaal aane laga aur soch rahi thi ki Rahul phone kyu nahi uthaa raha....Wo thik to hai???
Itna soch kar wo jaldi se niche Rahul ke room ki aur daud kar jaati hai.....Rahul ki room ka gate khula hua tha....Nisha bina kuch soche room me chali jaati hai aur dekhti hai ki Rahul room me nahi hai.....Isse Nisha ki dar aur badh jaata hai....Wo darte hue sochne lagti hai.....
Nisha:- (In her mind) Ye Rahul kaha chala gaya.....Room bhi locked nahi hai....Kitna careless hai ye Rahul aur phone bhi nahi uthaa raha....Mujhe to bahut dar lag raha hai....Sab kuch thik to hai na....Kyu mujhe dar lag raha hai....Lagta hai kuch buraa hone waala hai....Bhagwaan please Rahul ko safe rakhna aur jaldi se waapas bhej dena....
Nisha aaj bahut dino baad Rahul ko dekhna chaahti thi....Aur Rahul ko na dekh kar wo bahut dar gyi thi....Man mai bahut si feelings aa rahi thi Rahul ko lekar aur har ek pal uska dar badhta jaa raha tha....Wo udaas chehra ke saath darte hue apne room me chali gayi.....Abb to Riya bhi jaa chuki thi jo usse abhi samjhaa sakti thi....Bas issi tarah Nisha Rahul ki intejaar kar rahi thi....Tadap rahi thi Rahul ko dekhne ke liye aur usse baat karne ke liye....Uski man me bahut saari khayaal aa rahe the....
Nisha:- (In her mind) Rahul itna subah kaha jaa sakta hai....Pehle to kabhi nahi gaya....Kahi mujhse naraaj to nahi ho gaya....Meri hi galti hai....Usse samajh nahi paayi aur kitna kuch keh diya maine uske baaare me.....Kahi iss vajah se wo mujhse naraaaj to nahi ho gaya....Uske baad to Rahul ne mujhse baat bhi nahi kiya....Lekin Riya kehti hai ki Rahul abhi bhi mujhse pyaar karta hai....Samajh me nahi aa raha kya sach hai aur kya jhuth....Rahul jaha bhi ho please jaldi se aa jaao....Maafi maangna hai tumse....Bahut baat karna hai tumse....Saari sawaalon ka jawaab jaana hai mujhe....Tumhe acche se dekhna hai....Tadap rahi hu tumhe na dekh kar....Tumse abb dooriyan bardaast nahi ho raha hai....Please aur mat tadpa
Ye sochte sochte Nisha ki aankho se aansu behne lage....Wo bas Rahul ka intezaar kar rahi thi....
Idhar Rahul bhi Riya ko dekhne ke baad Mandir me aa gaya....Ye wohi mandir tha jaha Rahul aur Nisha saath me aaye the.....
Mandir pahunchne ke baad Rahul bhagwaan se pray karta hai aur kehta hai....
Rahul:- Bhagwaan aaj tak mai tumhe nahi maanta tha....Aaj bhi yata nahi ki tum ho ya nahi....Agar ho to ek baat pucchna chaahta hu....Meri galti kya itna bada hai ki mujhe ye sazaa mil raha hai....Naahi maine kisi ka bura chaaha, naahi be vajah kisi ko taklif pahunchaaya....Sabhi ke liye accha hi chaaha....Bas Nisha ke saath accha nahi kiya....Wo bhi jaan boojhkar nahi kiya....Galti ho gayi mujhse....Galti to sabhi se hota hai na....To fir mujhe maafi kyu nahi mil raha....Maafi to chhodo galti sudhaarne ka mauka tak nahi milaa....Mujhe to lagta hi nahi hai ki tum iss duniya me ho.....Agar ho aur tumhaara nyaay saccha hai to mere saath aaj ye na hota....Mujhe ye bhi lagta hai kabhi kabhi ki meri sabse badi galti ye hai ki mai tumhe nahi maanta....
Tumhe maana jaroori to nahi....Kya tumhe nahi maana paap hai jo aaj mere saath ye sab ho raha hai....Mai to sochta tha ki insaan ki mahaanta uske karm se hota hai....Accha karm karna, dusro ke liye bura na chaahna shaayad mai isse apna achaayi samajhta tha.....Lekin mai galat saabit hua....Aaj yakin ho gaya ki duniya me agar sabse bada karm koi hai to wo hai aapki bhakti....Aap sirf apne bhakt ki suno...Jo aapko na maane usko ek galti karne par aisa saza do ki wo jindagi bhar usse na bhul paaye....Aur aapki bhakti karne lage.....
Lekin aap jitna bhi mujhe saza do, ya fir jaan se hi kyu na maardo mai jhukunga nahi.....Are nahi chaahiye mujhe aapka bhikh me diya hua pyaar....Agar Nisha khud mujhe apni dil se maaf kar degi to hi mujhe sukoon milega.....Chaahe mujhe kitna bhi tadpaaao, mera jindagi ka majaak banaao lekin fir bhi mai nahi tutunga.....Ye umeed kabhi nahi chhodunga ki Nisha kabhi na kabhi mujhe apnaayegi....
Mera mandir aane ka matlab ye nahi tha ki mai rote hue aapse maafi maangu aur Nisha ki maafi ka bhikh maangu....Mai to yaha iss liye aaya tha kyu ki yaha par mera aur Nisha ki yaadein juda hai....Aaj firse puraana yaad ko tajaa karne aaya hu....
Itna kehkar Rahul mandir ke ek kone me jaaka baith gaya.....Hamesha ki tarah uske chehre me udaashi aur dard ki ek lakeer tha....Wo fir se apni ateet ki yaad me kho gaya.....Nisha ke saath jab pehli baar mulaakat hua tha tab se lekar abb tak ki saari ghatna ko yaad karne laga.....Jab Rahul ko Nisha ki thappad ka yaad aaya uske chehre me ek halka sa muskaan aa gaya aur kehne laga....
Rahul:- Rahul tu paagal hai.....Koi kisi ladki ke saath aise behave karta hai kya....Dosto ke jodd dene par chala gaya propose karne aur thappad khaa kar aa gaya....Galti tera tha to khaayega nahi kya....Wo to Nisha thi iss liye ek thappad hi pada....Agar koi aur hota to pata nahi tera kya hota.... Kaash meri iss galti ko bhi Nisha par thappad maar kar hi sahi lekin maaf kar de....Lekin iss baar to Nisha iss tarah se naraaj ho gayi ki naa hi maar rahi hai aur naa hi maaf kar rahi hai....
Rahul dhire dhire Nisha ki saath me suruwaat me hua jhagada yaad karne laga.....Wo fir se khud se kehne lagta hai....
Rahul:- Kitni pyaari lagti thi meri Nisha....Jab mujh se fight karti thi....Rahul tu bhi ajeeb type ka insaan tha....Koi aise bematlab gussa kaise ho sakta hai itni pyaari ladki ke saath....Chhoti chhoti baato par aise koi gussa karta hai kya....Aaj bhi Nisha ka wo pyaara sa chehra ki yaad aata hai.....Kitni khush rehti thi wo....Lekin aaj....Aaj to uska chehra aisa ho gaya hai ki kitne dino se muskuraaya naa ho....Sab teri galti hai Rahul sab teri....
Aise hi Rahul dhire dhire apni galti ko yaad karne lagta hai.....Apne galti yaad aate hi Rahul ko khud par hi gussa aane laga.....Wo khud ko Nisha ki gunehgaar maane laga aur khud ko kosne laga....Wo ek baar fir aatmaglaani ke saath apne flat ki taraf waapas laut aaya.....
Rahul aur Nisha to apne soch me hi vyast the lekin koi tha jo inn dono ke khilaaf saajish ka planning kar rahe the....
Ye aur koi nahi Aditya aur Raju the....
Aditya:- Wow yaar Raju.....Tujhe to professional chor ban jaana chaahiye....
Aditya ne bahut khus hokar kaha to Raju usse gusse se dekhte hue kehta hai....
Raju:- Ek to tera maine itna help kiya....Thanks kehna to dur tu ulta mera majaak udaa raha hai....
Aditya:- Oh sorry yaar.....Excitement me galti se bol diya yaar.....Thanks yaar ....Tune bahut bada kaam kiya hai yaar.....Abb Nisha ko hamse koi nahi bacha sakta.....Kahi koi galti to nahi hua na....Kisi ne tujhe dekha Rahul ka mobile churaate hue....
Aditya abhi bahut khus tha....Aakhir jo plan kiya tha unn dono ne itna lambe time se wo abb puraa hone waala tha....
Raju:- Nahi yaar....Kisi ne nahi dekha....Aditya to thaa nahi apne room me....Mobile ko bed par chhod kar mandir gaya tha.....Aur Nisha....Wo to abhi naraaj hai Rahul se....Apne room se wo baahar hi nahi nikli....
Aditya:- Pata nahi ye Rahul hamaare baare me kya sochta hai....Nisha se ye fir se pyaar karne laga hai....Lekin hame bataaya tak nahi......Kya socha tha isne hame pata nahi chalega.....Kahi isse hamaara sachaayi pata to nahi chala????
Raju:- Agar pata chal bhi gaya hai to kya hua.....Hame bas apne kaam se matlab hai....Ek baar Nisha akele mil jaaye gir usko maar denge.....Tab to Rahul bilkul toot hi jaayega...Aur hamaara kaam aur asaan ho jaayega.....Bas tu Rahul ki mobile se Nisha ko messsage bhej "I am in danger....Please come to the market".....Aur market ki ek jagah ka address sms kar dena jaha ham log rahenge....Wahi se uthaa kar Nisha ko ek khaali jagah par le jaayenge aur apne kaam ko anjaam denge....
Aditya:- Idea to thk hai....Lekin agar Nisha na aayi to.....Mera matlab hai ki Nisha to Rahul se naraaj hai na....To fir Rahul ki bulaane se kyu aayegi.....
Raju:- Bhai please tu message sent kar....Jyaada dimaag mat laga....Ye pyaar ka locha tujhe samajh me nahi aayega.....Dekha hai maine Nisha ki aankho me....Wo Rahul se pyaar to karti hai magar naraaj hai abhi.....Jab wo message dekhegi aur Rahul ko uske flat me nahi dekhegi to Rahul khatre me hai ye soch kar turant bhaag kar market aa jaayegi....
Raju ne iss tarah se kaha jaise wo apne plan me pura confident ho....
Aditya:- Accha thik hai....Lekin abhi abhi mujhe yakin nahi hai ki wo aayegi.....
Itna keh kar Aditya ne wo message Nisha ko send kar diya Rahul ke mobile se.....
Raju:- Chal abb car me baith.....15 minute intejaar kar.....Nisha daudte hue aayegi.....
Iske baad Raju aur Aditya chale gaye apne car me....Baaki ka plan ko anjaam dene....
Raju ne jo plan banaya tha wo plan thik waisa hi saabit hone laga jaisa usne socha tha.....Mobile me message dekh Nisha ne jaldi se mobile me dekha....
Rahul ka message dekh pehle to usse kuch raahat milaa lekin jaise hi message padha uske pair ke niche se jameen hi khisak gayi......Jis baat ka dar tha usse wohi hua.....Rahul khatre me hai....Ye baat jaane ke baad wo ek pal bhi waha nahi ruki.....Jis haal me wo baith kar aansu bahaa rahi thi ussi haal me chali gayi market ki aur daudte huye.....Kisi bhi haal me usko Rahul ko bachaana tha....Wo paagalon jaisa daud kar gayi sms me likhe gaye address ki aur.....
Jab Aditya ne dekha ki Nisha sach me aa rahi hai....Usne aur der nahi kiya....Fir se ek message bheja ki Wo(Rahul) black car ki andar hai.....
Ye message paate hi Nisha ne chaaro aur apni najar daudaaya.....Side ki taraf hi ek black car tha.....Wo bina kuch soche pahunch gayi car ke paas aur khidki se andar dekhte hue boli....
Nisha:- Rahul....Tum thik to ho na....
Nisha ne chinta bhari aawaj me bas itna hi bol paayi thi ki Raju ne jaldi se chloroform waala rumaal Nisha ko sunghaaa diya....Chloroform ka asar bhi bahut jald ho gaya aur kuch hi pal me Nisha behosh ho gayi....Jaise hi Nisha girne waali thi Aditya ne piche se pakar kar usse car me daal diya....Unn logo ka kismat accha tha ki subah hone ki vajah se koi uss jagah par abhi maujood nahi tha.....
Jaise hi Aditya ne Nisha ko car me daal kar khud bhi car me baitha Raju ne car ko aage badha diya.....
Kuch der chalne ke baad Rahul bhi udaas, pareshaan hokar apne room me aa gaya.....Wo thoda thaka hua sa mehsoos kar raha tha....Wo bed par lait kar sone lagta hai....
5 minute hi hua tha usse sote hue ki dekhta hai ki gate se koi andar aa raha hai.....Rahul bhi chaunk gaya aur sochne laga ki iss vakt kaun aa sakta hai uske room me....Nisha aur Raj to pehle se hi naraaj the....
Rahul ne mushkil se apni aankh khola to Vijay ki chehra dhundhla sa najar aaya....Ye dekhte hi Rahul ki neend ek dam se udd gaya....Jab wo puri tarah se hosh me aaya aur saamne dekha to sach me Vijay tha....
Vijay ne bhi der karna thik nahi samjha.....Aur jaldi se kehna suru kiya....
Vijay:- Rahul....Wo Nisha.....
Vijay bas itna hi keh paaya tha ki Rahul Vijay ke paas aakar usse ek jordaar thappad maarta hai aur uske collar pakadte hue kehta hai....
Vijay:- Rahul please jaldi chal....Baaki ki baat baad me bhi kar sakte hai lekin abhi jaroori hai hame Nisha ko bachaana.....Hame inn baato me der nahi karna chaahiye....
Vijay ki baat sunne ke baad Rahul sidha kitchen me gaya aur ek chaaku(knife) le kar aaya....Wo kuch bolta isse pehle hi Vijay bola.....
Vijay:- Ye kya kar raha hai Rahul.....Mai sach keh raha hu....
Vijay ne darte hue bola....Usse bahut dar lag raha tha ki kahi Rahul usse maarne ke liye to nahi aa raha.....
Rahul:- Ha pata hai.....Tu sach keh raha hai.....Teri baat aur tera dar ye saabit kar raha hai.....Abb jaldi se chal....Ye chaaku Aditya aur Raju ke liye hai.....Jaroori pad sakta hai....
Itna keh kar Rahul aur Vijay jaldi se room se nikal jaate hai.....Vijay apna bike lekar aaya tha....Rahul bike par baith jaata hai aur Vijay jaldi se start karta hai.....
Dono bahut dare huye the....Rahul to dar ke maare kuch bol bhi nahi paa raha tha.....Usse Nisha ki fikar ho raha tha.....Wo khud ko koshne laga ki wo apne dukh me itna vyast ho gaya ki Aditya aur uski iraado ke baare me socha hi nahi....Rahul ko pehle hi pata chal gaya tha Aditya kitna ghatiya insaan hai.....Rahul jo kuch der Nisha ko na mana paane ki vajah se dukhi tha abb wo iss baat ko bhul kar bas Nisha ki salamaati ka dua karne laga tha.....
Rahul:- Uuun logo nne kkab Nnnnisha ka kidnap kiya aur kkaha llekar jjaa rrahe hai.
Rahul ne darte hue hakla kar kaha.....Bahut der se jab Vijay bike chalaa raha tha aur abbhi tak nahi pahunche thhe to Rahul ka dar aur badh gaya tha.
Vijay:- Laghbhag 1 ghante pehle aur wo log ek sunsaan jagah par jaana chaahte hai jaha pe koi log maujood nahi ho.
Rahul:- Aur kkitni ddur hhai wwo jagah....
Rahul ne fir darte hue puccha...
Vijay:- Ham shortcut raaste se jaa rahe hai....20 km ke karib dur hai yaha se....Aur unhe karib 35 km lagega....
Vijay ki baatein sunkar Rahul ko dar me bhi kuch ajeeb lag raha tha....Usne fir se haklaate hue puccha....
Rahul:- Tujhe ye sab kaise pata....kahi tu unki taraf se to nahi hai aur mmujhe fasaane ke liye ye chaal to nahi chal raha....Aakhir tu bhi to mera dushman hai.
Vijay:- Mai to tujhe ye bhi nahi keh sakta ki meri baat par bharosha kar.....Jaanta hu tu bharosha nahi karega....Lekin fir bhi kehta hu bharosha kar yaar iss baar....Ye Nisha ki life ka sawaal hai....Baad me tujhe sab kuch bataaunga ki mai kaise jaanta hu unlogo ke plan.....Abhi ke liye bas itna kehta hu ki mai bahut pehle sudhar gaya hu aur gunda gardi chhod diya hai......Jab mujhe apni galti ka ehsaas hua to socha tujh se maafi maang lu....Lekin tera gussa dekh himmat nahi kar paaya....Lekin mujhe ussi beech laga ki tu Nisha se pyaar karta hai....Dar tha ki Nisha bhi kahi tujhe dhokha naa de.....Priya ko to maine tere khilaaf istemaal karke pehle hi tujhe todd diyaa tha....Abb dusri baar dhokha milaa to pata nahi kya haal hota tera....Issliye jab maine Nisha ka pata lagaya to ye to pata chala ki wo acchi ladki hai....Lekin uske picche Aditya pada hai apna badla lene.....Aditya mera puraana dost tha.....Uski har kaam se waakif hu mai....Wo Nisha ko jaan se maarna chaahta tha....
Tab maine socha ki mera galti sudhaarne ka yahi mauka hai....Fir se teri jindagi barbaad hone se bacha lu....Iss liye mai Aditya par najar rakhne laga aur jab bhi wo Nisha ke khilaaf koi plan banata usse apne tarike se bigaad deta....Bahut baar bachaaya hai maine Nisha ko uss kamine se....Ek do baar Nisha se baat bhi kiya hai iss baare me aur tujhe bataaane ke liye....Lekin tera gussa dekh wo bataa nahi paayi....Aur tune ek din hame saath dekh liya to galat samajh baitha.....
Mai tujhe iss baare me bhi samjhaaana chaahta tha lekin dar bhi lag raha tha ki tu meri baaat par yakin karega yaa nahi....Jab tune Nisha ki baat nahi maani jisse tu pyaar karta tha tab meri baat kaise maan leta....
Fir pata chala tujhe apna galti ka ehsaas ho gaya hai lekin Nisha naraaj ho gayi aur usse galatfehmi ho gaya....Mai usse ye baat samjhaana chaahta tha lekin kabhi usse mil nahi paaya....Yaa to wo kabhi baahar aati nahi thi yaa fir mujhe milti nahi thi....
Aaj bhi mai Aditya par najar rakh raha tha tab mujhe unka ye plan pata chala.....Aaj to mai chaah kar bhi rok na paaya.....Wo do log the mai kaise rok paata unhe....Aur unhe ye pata chalne bhi nahi de sakta tha ki mai unki saara plan jaanta hu....Wo sambhal jaaate aur alag tarike se plan karte.....Jab wo log Nisha ko car me uthaa kar le gaye tab maine socha tere saath jaana hi accha rahega.....Aur shortcut se tere saath jaane ka decide kiya....
Vijay ne saari baat ko short cut me samjhaa diya Rahul ko.....Rahul ko bhi uski baat par saachaayi dikha....Usse aascharya ho raha tha ki Vijay sudhar gaya hai....Filhaal to Rahul ke liye yahi kaafi tha ki dushman hone ke baawjood Vijay ne itna kuch kiya.....Wo kuch bol to nahi paa raha tha lekin andar hi andar usne Vijay ko maaf kar diya.....
Vijay:- Abhi ke liye itna jaan le.....Baaki ki baat baad me detail me bataaunga.....
Rahul:- Thanks....Itna help karne ke liye....
Rahul ne Vijay ko dil se thanks kaha....Vijay kuch nahi bola....Wo abhi baat karke driving se dhyaan nahi hataana chaahta tha.....Jitna jaldi ho sake utna jaldi wo Aditya tak pahunchna chaahta tha....
Rahul bhi abb kuch nahi bola.....Aur naa hi wo bolne ki haalat me tha....Aur naa hi Vijay ki baat sunne ki haalat me....Abhi uska dimaag kaam nahi kar raha tha....Vijay ki baat aur Nisha ki fikar me wo buri tarah ulajh gaya tha.....Wo bhi bas jaldi se Nisha ke paas jaana chaahta tha aur usse sahi salaamat dekhna chaahta tha....
Vijay aur Rahul Aditya ke paas jaa rahe thhe lekin Aditya aur Raju apni manjil tak pahunch gaye.....Wo dono ek bada sa ground me aakar apna car rokte hai....Aas paas dekhne se lag raha tha ki dur dur tak insaan ki koi naamo nishaan nahi tha....Wo Nisha ko car se utaarkar niche jameen par lita dete hai....
Raju:- Adi chal maar isse.....Abhi ke abhi tapka dete hai....Bahut time se ham log yahi vakt ka intejaar kar rahe hai.....
Raju ko kuch jyaada hi jaldbaazi tha....
Aditya:- Nahi yaar....Isse hosh me aane de.....Bahut tadpaaya hai isne hame.....Isse bhi tadpaa kar maarna hai mujhe....Aur ye tabhi sambhav hai jab ye hosh me aa jaaye....Isse marne ka khauf hona chaahiye warna maarne me koi majaa nahi....
Aditya gusse me jalte huye bola....
Aditya:- Isse kab tak hosh aayega????
Raju:- Chloroform to thoda sa hi daala tha.....Abhi tak to aa jaana chaahiye tha....Kuch der me aa jaayega.....
Aditya:- Achha thik hai.....Wait karte hai....Intejaar ka fal meetha hota hai.....Jab ye hosh me aayegi tab isse maarenge....
Aditya ne gussa aur nafrat se Nisha ki taraf dekhte hue bola.....Lekin wo nahi jaanta tha ki wo kya galti karne jaa rahe hai.....
Kuch der wait karne ke baad Nisha ki body me thoda sa hulchul hua....Dhire dhire usse hosh aane laga.....Jab usne saamne dekha to Aditya ka dhundhla sa chehra dikhne laga.....Kuch time baad jab usse pura hosh aaya to dekha ki ye sach me Aditya hai.....Dimaag par jorr dene ke baad usse saari baat samajh me aaya aur pata chala ki uska kidnap hua hai.....Wo bahut dar gayi thi aane waale pal ke baare me soch kar.....
Aditya:- Utth gayi tu....Bahut jaldi utth gayi.....Lagta hai marne ki bahut jaldi hai tujhe.....
Itna keh kar Aditya hasne laga aur Raju bhi uska saath dene laga......Wo dono ko haste dekh aur maarne ki baat sunn kar Nisha bahut darr gayi.....Jab aas paas dekha to ek anjaana sa jagah tha....Isse dekh kar usse pata chal gaya ki Aditya ne usse kahi dur laaya hai kidnap karke....Abb Nisha ko apne maut najar aane laga.....Abb uske paas ek hi raasta tha gidgidaana.....
Nisha:- Mujhe kyu maarna chaahte ho tum log....Maine kya kiya hai.....
Aditya:- Chup....Jyaada naatak mat kar.....Hame pata chal gaya hai ki tu hi wo ladki hai jiski vajah se mujhe jail ki hawaa khaana pada hai....Tune kya soch tha mujh se panga lekar bach jaayegi....Maine to tabhi soch liya tha ki tujhe mai maarke hi rahunga.....Aur aaj mauka mila hai....
Aditya ne bahut nafrat se kaha.....
Nisha:- Maine aisa kya kiya jiske liye tum log mujhe maaroge.....Itni si baat ke liye koi kisi ko maarta hai kya....Galti to tumhaara hi tha....College me kisi ki murder karoge to sazaa to kaatna hi padega na.....Jo maine kiya wo ek insaan ka kartavya hai....Pata nahi tum kaise chhoot gaye jail se....Wo bhi ek din me....
Aditya:- Sab paisa ka kamaal hai.....Case register hi nahi hua....Aur tune galti ye kiya ki mujhse panga liya hai....Mere raaaste me aana hi teri galti hai....Jo bhi mujhse panga leta hai usse mai nahi chhodta....Tune to mujhe jail ka hawaa khilaaya hai....Abb to tera marna pakka hai.....
Tune insaan ka kartavya nibhaaya hai na to tu ek acchi ladki hai....Aur jaanti hai acche insaan ko bhagwaan apne paas bulaa lete hai.....Tera bhi bhagwaan ke paas jaane ka time aa gaya hai.....
Itna keh kar Aditya fir se hasne lagta hai....Nisha iss baar kuch nahi bolti....Abb usne bhi maan liya ki uska marna pakka hai.....Abb kuch bhi bolke aur gidgidaaane se koi faaidaa nahi.....
Aditya:- Ek baat bataa marne se agar itna dar lagta hai to mere raaste me kyu aayi????
Nisha:- Abhi mai marnaa nahi chaahti....Rahul se ek baar baat karni hai....Bina Rahul ko ek baat bataaye mujhe sukoon nahi milega....Agar wo baat na bataa paayi to shaayad Rahul ka kya haalat hoga.....
Nisha ko bas thoda sa umeed tha ki Aditya ek baar usse Rahul se phone karne ka mauka de.....
Aditya:- Mai tera koi aakhiri iccha pura nahi karunga....Maine sunaa hai jo insaan ki adhuri iccha reh jaata hai marne se pehle wo bhut ban jaate hai.....Bhut ban kar bata dena Rahul ko....
Ye bol kar Aditya fir se hasne lagta hai.....Raju bhi uska saath de raha tha.....
Abb Raju ek chaaku nikaal leta hai aur Nisha ki taraf aage badh kar kehta hai.....
Aditya:- Good bye Nisha....Mai tera abb tak jaagne ka wait iss liye kar raha tha taaki tujhe tadpa tadpaa kar maar saku.....Jo abb karne waala hu.....
Itna keh kar Aditya aage badhkar Nisha ko maarne hi waala thaa ki picche se daud kar Rahul ne ek flying kick maar diya Aditya ko.....
Rahul:-Vijay tu jaldi se Raju ko sambhaal....
Vijay bhi picche se Raju ko pakad leta hai.....Rahul ki laat se Aditya thoda dur jaakar giraa....Uske haatho se chaaku dur gir gaya.....Rahul bhi mauke ka istemaal karke Aditya ke upar chaddh jaata hai aur uske gardan par apna chaaku rakh deta hai.....Rahul aur Vijay ne dono ko sambhalne ka mauka hi nahi diya.....
Aditya, Raju aur Nisha ko to samajh me nahi aaya ki achanak se kya ho gaya....Jab sabhi ko samajh me aaya to Aditya aur Raju Rahul ko gusse me dekh far gaye to Nisha bahut khush ho gayi....Lekin ye khushi uski chehre par nahi dikh raha tha....Andar se wo abhi bhi dari hui thi.....
Aditya to Rahul ko dekh ek dam se dar gaya tha.....Lekin jab uski najar Vijay par pada to chaunk gaya....
Aditya:- Vijay tu ye kya kar raha hai.....Tu hamaara dost hai fir ye Rahul ke saath....
Aditya aur bhi bahut kuch kehna chaahte tha lekin Vijay uski baat ko bich me kaat deta hai....
Vijay:- Abe chup.....Dost tha abb nahi hu....Bahut pehle tujh se dosti tod liya hai maine....Aur tu ye jaankar aur bhi hairaan hoga ki meri hi vajah se tu abb tak Nisha ko nahi maar paaya hai....Har baar tera plan chaupat kiya hai....
Vijay ne muskuraate hue kaha....
Aditya:- Itna bada vishwaasghath.....Ek dost hokar....
Aditya bahut shocked ho gaya tha Vijay ki baat sun kar.....
Vijay:- Viswaasghath nahi paschaataap.....Tujh se dosti kiya iss baat ka paschaataap aur Rahul ke saath itna buraa kiya usse sudhaarne ke liye ye sab kiya.....Aur agar tere saath vishwaasghaath karta to bhi kuch galat nahi hota....Pata nahi tune kitno ke saath vishwaasghaath kiya hai.....Aur ek vishwaasghaati ke saath viswaasghaat karne me kya buraayi hai.....
Vijay ki baar sunn kar Aditya kuch nahi bola....Raju ka to himmat hi nahi bacha tha kuch bolne ka....
Rahul:- Abb agar teri confusion clear ho gaya ho to bata Nisha ko kyu kidnap kiya.....
Rahul ne bahut gusse me ye puccha.....Lekin Aditya ne nahi bataaya....
Rahul:- (Aditya ki kalaayi ko upar se niche tak dhire se kaat te hue) Bata nahi to yahi maar dunga tujhe....
Aditya:- (Dard ke saath) Haath chhodh bataata hu....
Rahul:- (Haath chhod kar) Jo bhi pucchunga acche se jawaab de .....Warna dubaara nahi pucchunga....
Fir Aditya Rahul ko sab kuch bataata hai jo usne Nisha ko bataya tha....Puri baat sunne ke baad.....
Rahul:- Abe kutte....Ek to galti tera hai upar se ye sab karne ki aur himmat kar raha hai....Jara bataayega mujhe Nisha ki galti kya hai....
Aditya:- Uski galti ye hai ki usne mujhse panga liya...Tu mera ego nahi jaanta ....Mera ego hurt hone ke baad mai kya kar sakta hu ye tum logo ko nahi pata....Abhi bhi kehta hu mujhe chhod de....Tujhe aur Vijay ko jinda chhod dunga.....Warna sab ke sab maroge.....
Aditya andar se to bahut ghabraaya hua tha lekin abhi bhi himmat dikhaane ka naatak kar raha tha....
Rahul:- EK baat sunle....Mai isaan to bahut accha hu....Lekin jab gussa aata hai na to buraa insaan banne me jyaada vakt nahi lagta.....Tu to mere saamne chhinti(ant) bhi nahi hai....Aur tera ego waisa hai to soch mera kaisa hoga.....Tu meri Nisha ko maarne ka sochega aur mai tujhe aise hi chhod dunga.....Aaj tak tune Rahul ki dosti dekhi hai abb dushmani dekhega.....Aaj to shaayad bhagwaan hi tujhe mujhse bachaaye....
Itna keh kar Rahul Aditya ki chehre par do jordaar punch maarta hai isse Aditya ke chehre se khun nikalne lagta hai....
Aditya:- Picche se hamla karke hero banta hai....Agar tujh me himmat hota to saamne se hamla karta....Lekin abb picche se maar kar kya saabit karna chaahta hai....Dam hai to ek baar mere upar se utth aur barabari par aa....Tab dikhaata hu tujhe.....
Aditya ne Rahul ko behkaane ki koshish kiya.....Aditya ki baat sun kar Vijay aur Nisha dar gaye ki kahi Rahul uska baat na maan le....
Rahul Aditya ki baat par jor se hasta hai aur kehta hai....
Rahul:- Dekh lo.....Picche se hamle ki baat kaun kar raha hai....Tune aaj tak kamjoro ki tarah mujhe Nisha ki khilaaf bhadkaane ki koshish kiya, kamjoro ki tarah Nisha ko behosh karke kidnap kiya....Ladki ke saath bhi picche se hi hamla karta hai aur mujhe behkaane ki koshish kar raha hai....Waise bhi maine bahut baaar tere saamne hi Raju ko peeta hai wo bhi saamne se.....Tujhe bahut jaleel kiya hai....To abb kya bolega hamesha tujh par saamne se hamla kiya hai.....Aur aaj koi picche se hamla nahi kiya....Open ground hai tum logo ki aankh tej hota to dekh lete mujhe.....Mujhe jo raasta milaa wahi se hamla kiya....
Aur tu hero ki baat kar raha hai na to sun mai filmy hero nahi hu real life hero hu.....Chaahut to tujhe mauka bhi de sakta hu fir bhi tu mera kuch nahi bigaad paayega....Aur kahi tu ye mauka paakar bujhdilo ki tarah Nisha ko nukshaan pahunchaane ki koshish kiya to.....
Aur waise bhi tu koi mauka deserve nahi karta....
Rahul itna bol kar Aditya par ghussa aur laat ki barshaat kar deta hai......Aditya ko bachaaane ke liye piche se Raju chillaaya....
Raju:- Rahul....
Isse jyaada Raju kuch bolta Rahul usse picche ghum kar gusse se ghurta hai to uski saari himmat gaayab ho gaya....
Rahul chaaku lekar Raju ki taraf badha aur Raju ka haath khinch kar usspe chaanku bhonk diya.....Chaaku ne Raju ki kalaayi chhed diya....Dard ke maare wo chillaane laga.....
Rahul:- Agli baar mujhe disturb mat karna....
Itna keh kar Rahul Aditya ke paas jaa kar fir se apna adhura kaam karne laga....
Rahul ki maar ki vajah se Aditya behosh ho gaya....Fir bhi Rahul ka gussa kam nahi hua....Wo aur maar raha tha Aditya ko.....
Vijay:- Bas kar Rahul.....Ye mar jaayega....Chhod de isse.....
Rahul:- Nahi....Aaj isse nahi chhodunga....Jaan se maar dunga isse...
Rahul gusse me paagal ho gaya tha....
Vijay:- Rahul aisi galti mat kar.....Kaanun ko apne haath me mat le....Tujhe Nisha ke saath rehna hai jail me nahi.....
Vijay ki iss baat se Rahul waapas hosh me aaya.....Wo Vijay ko dekh kar kehta hai.....
Rahul:- Kya kar lega kaanun iska.....Picchli baar itna bada jurm karne ke baad bhi ek din me chhoot gaya....Iss baar bhi chhoot jaayega....Aaj to saale ko accha sabak sikhaaunga.....Jindagi me fir kabhi mujh se nahi uljhenge.....
Vijay:- Isse pehle iska case corrupt police ke paas gaya tha....Iss liye bach gaya....Lekin iss baar aisa nahi hoga.....Mai abhi apne Papa aur uncle ko phone karta hu.....Papa iss shehar ke bade businessman hai aur uncle Police me hai.....Mai apni saari taakat laga dunga aur ye baahar nahi aa paayega.....Iske khilaaf mere paas kai saare saboot hai.....Ya to inhe umrakaid hoga ya lambe time ke liye jail ke haawa khaayega....
Rahul iss baat se thoda nischint ho gaya.....Lekin uska gussa abhi bhi kam nahi hua tha....
Aditya to behosh pada tha lekin Raju Vijay ki baat se ghabra gaya....
Raju:- Vihay yaar....Please mujhe chhod de.....Maine kuch nahi kiya....Majboori me Aditya ka saath de raha tha yaar....
Raju bachne ki puri koshish kar raha tha.....
Vijay:- Majboori....Aur wo bhi teri....Dekha hai tujhe maine kitna majhboor tha tu.....Plan tu banaata tha....Aditya ko ukshaane ka kaam tu kar raha tha......Aur abb tu mere saamne naatak kar raha hai....Tum dono par maine pura najar rakha tha....
Vijay ki baat se Raju ko pata chal gaya ki wo usse iss tarah se nahi mana sakta.....
Raju:- To yu apne gunaaho me parda daaal raha hai.....Bhul mat tu bhi hamaara dost tha.....
Vijay ko Raju ki iss baat par gussa aa gaya aur usne ek jordaaar thapppad Raju ko laga diya....
Vijay:- Dost tha...Wo bhi bahut pehle....Lekin maine tum logo ke saath mil kar koi crime nahi kiya....Saale agar agli baar fir dimaag kharaab kiya to dekh lena.....
Abb Vijay ki iss baat par Raju bhi chup ho gaya.....
Vijay ne apne uncle ko phone karke saari baat bataa diya....Wo police ke saath aa rahe the Aditya aur Raju ko arrest karne...
Kuch der baad Aditya ko hosh aata hai tab Rahul uska gala pakad kar kehta hai......
Rahul:- Sunn kamine.....Tu jail jaa raha hai wo bhi lambe time ke liye.....Agar jindagi me kabhi chhut gaya to isse apna khus nasibi maan na....Aur mujhse mat ulajhna....Warna tu mera gussa nahi jaanta....Aaj to bas trailer tha.....Aur ek baat aur yaad rakh tera ego se bada hai mera gussa....Kabhi pata chala ki tu hamaare khilaaf koi saazish rach raha hai to dobaara nahi sochunga....Sidhe maar dunga.....
Rahul ne fir se apne gussa dikhaate hue kaha.....Abb Aditya ke paaas himmat nahi bacha tha kuch bolne ka....Usne apna haar maan liya tha....Bas apni uss galti ko kosh raha tha ki usne Nisha ko maarne me deri kyu kiya....Lekin abb koi faaidaa nahi abb khel uski haath se nikal gaya tha.....
Kuch der baad police bhi aa gaye.....Aur Aditya aur Raju ko arrest kar ke le gaye......
Jab police chale gaye tab Rahul, Nisha aur Vijay teeno ne chain ki saans liya.....Nisha apni jaan bachne ki vajah se bahut khush thi....Lekin kuch time pehle hui ghatne ka asar abhi bhi uske dimaag me ho raha tha.....Wo ek baar bhagwaan ko shukriya kehti hai apni jaan bachaane ke liye aur Aditya se picchaa chhudaane ke liye....Wo apni khushi apne chehre par nahi laa paa rahi thi.....
Rahul ko lag raha tha ki Nisha abhi bhi usse naraaj hai.....
Rahul:- Sorry Nisha....Tumne kaha tha mujhe apna shakal na dikhaane ko.....Lekin kya karu haalat hi aise ho gaye ki mujhe aana hi pada......Tum thik to ho na.....
Rahul ka gussa abb utar chuka tha....Usne Nisha se pyaar se pucha....nisha kuch bolne ki haalat me nahi thi....Bas sar haa me hilaa deti hai.....
Rahul ko Nisha ka aise ignore karna accha to nahi lag raha tha.....Lekin wo abhi issi baat se khus tha ki usne Nisha ko bacha liya....
Rahul Vijay se kehta hai.....
Rahul:- Tu mera flat chal abhi.....Ek surprise hai tere liye.....
Vijay bhi kuch jawaab nahi deta....Wo bhi bolne ki haalat me nahi tha....Bas haa me sar hilaa deta hai.....
Issi tarah se teeno flat me pahunch jaate hai.....Nisha bahut thak chuki thi iss liye kal Rahul se baat karne ka soch apne room me chali jaati hai....
Aur Vijay bhi Rahul ki room me jaata hai......Wo Rahul ka surprise ka wait kar raha tha aur usse samajh me nahi aa raha tha ki Rahul kis surprise ke baare me baat kar raha hai.
Vijay Rahul ki baat ka intejaar kar raha tha.....Lekin Rahul apne mobile me kuch type karne laga....Aur mobile me type karne ke baad mobile ko side par rakh diya....Lekin wo fir bhi kuch nahi bola....Jab Vijay se raha nahi gaya tab usne Rahul se pucchaa....
Vijay:- Rahul tu kisi surprise ka baat kar raha tha....Kya hai wo????
Vijay bahut bechain hokar bola.....Usse samajh me nahi aa raha tha ki Rahul usse kya surprise dene waala hai....
Rahul:- Are yaar surprise hai....Aise thodi na bol sakta hu.....Thoda intejaar kar.....Time aane par pata chal jaayega....
Vijay Rahul ki iss baat par kuch nahi bolta....Lekin bechaini se surprise ka wait kar raha tha....
Rahul:- Chal abb bata detail me jo tu raaste me bata raha tha....Issi bahaane time pass bhi ho jaayega....Aur tujhe tera surprise bhi bahut jald milega....
Rahul itna bol kar muskuraa deta hai....
Uske baad Vijay Rahul ko detail me bata deta hai uski galti ka ehsaas aur paschataap me usne kya kya kiya.....
Karib ek ghante tak Vijay ne puri kahaani sunaa diya....
Rahul:- Mujhe khushi hai ki tu sudhar gaya....Tune mere saath accha to bilkul nahi kiya tha....Saalon tak mujhe Priya ki yaad aur bewafaayi sata raha tha....Oh to mera good luck hai ki Nisha mujhe mil gayi aur sab kuch bhul kar Nisha se pyaar ho gaya....
Vijay:- Mai apni galti ke liye sharminda hu.....Agar sach kahu to mujhe koi afsos bhi nahi tha apni galti par.....Jaan bhujh kar tujhe todna chaaha tha....Tab tak mai bilkul bhi accha insaan nahi tha....Par kuch time baad pata chala kya galti kiya hai maine jab maine Priya ko kho diya.....
Bas tabse socha apni galti sudhaarunga aur teri life ko fir se thik kar dunga....Isse mera man ka bojh halka ho jaayega.....Jindagi me jo bhi galtiya kiya tha sabko sudhaar liya....Lekin Priya ke saath jo galat kiya hai usse sudhaar nahi paaaya iss baat ka jindagi bhar afsos rahega.....
Aaj pata chal raha hai saccha pyaar kya hota hai.....Lekin bahut der ho gayi hai....Maine usse hamesha ke liye kho diya.....
Itna keh kar Vijay udaas ho gaya....Rahul kuch soch kar andar se muskuraa raha tha....Lekin wo apne chehre se ye baat dikha nahi raha tha....
Rahul:- Maine to tujhe pehle hi keh diya tha ye galat kaaam chhod de....Tere paas koi dost nahi hai sab chamche hai.....Jo musibat me kabhi tera saath nahi denge....Lekin tu kabhi nahi maana....
Life aisi hi hoti hai yaar....Galti karne ke baad pata chalta hai kya galti kiya hai hamne....Mere saath bhi aisa hi hua....Nisha ka saccha pyaar par shak kiya lekin jab apni galti ka ehsaas hua tab tak bahut der ho gayi.....Abb wo mujhse iss tarah naraaaj ho gayi hai ki shaayad hi wo mujhe maaf karde....
Ye keh kar Rahul bhi udaas ho gaya....
Vijay:- Mai apne liye to kuch nahi kar sakta....Lekin tere liye ye kar dunga yaar....Mai Nisha se baat karke sab sach bata dunga....
Rahul:- Nahi.....Please iss baar kuch mat karna.....Pehle hi bahut kuch kiya hai tune mere aur Nisha ke liye.....Lekin iss baar mai chaahta hu ki Nisha khud mujhe maaf karde......
Vijay:- Par.....
Rahul:- Koi par war nahi yaar.....Bina vishwaas ke pyaaar pyaar nahi hota....Isse rishta khokla ho jaata hai jo kabhi bhi toot sakta hai....Jab Nisha ko khud mujh par vishwaas hoga ki mujhe apni galti ka ehsaas hai aur aage se nahi karunga....Tab hi hamaara rishta majboot banega....
Itna keh kar Rahul chup ho gaya....Vijay bhi iss par kuch nahi bola....Wo bhi Rahul ki baat se sehmat tha.....
Dono kuch der khaamosh thhe.....Ki tabhi gate dhire se khulti hai.....Dono ki najar gate par jaata hai....Gate khulte hi Priya room ke andar aati hai.....Vijay aur Priya dono hi ek dusre ko shocked the.....Dono kuch nahi bol rahe the.....Vijay ki aankho me paschataap tha to Priya ki aankho me nafrat....
Priya jaldi se apni aankhe Vijay se hataa kar Rahul ki taraf gusse se dekh kar kehti hai....
Priya:- Rahul mujhe kyu bulaaya aur ye yaha kya kar raha hai.....
Priya ki aawaj me hairaani aur nafrat dono tha.....Bahut time baad Vijay ko dekhne se achanak uski chehre me gussa aa gaya.....Priya ki iss baat Vijay ko bahut chot pahunchaata hai lekin kuch nahi kehta....Vijay bhi hairaan tha ki Rahul ne Priya ko bulaaya aur wo bhi vajah jaane ke liye hairaani se Rahul ki taraf dekhta hai....
Rahul:- Tum dono shocked mat ho.....Priya maine tumhe iss liye bulaaya hai taaki tum Vijay se ek baar baat kar lo.....Aur Vijay yahi tera surprise hai....
Priya:- Rahul tum jaante ho na iss ghatiya insaan ko.....Tum jaante ho na isne tumhaara aur mere saath kya kiya hai....Fir bhi tum chaahte ho ki mai isse baat karlu.....Nahi Rahul mujhe isse koi baat nahi karna....Mai jaa rahi hu....
Itna keh kar Priya jaane hi waali thi ki Rahul fir se kehta hai.....
Rahul:- Agar tum mujhe dost maanti ho to please ruk jaao.....Ek baar baat kar lene me kya jaata hai....
Rahul ki baat sun kar Priya apni jagah par ruk jaati hai aur pichhe mud kar Rahul ko aise dekhti hai jaise ki Rahul ki ye baat usse pasand nahi aaya ho.....
Rahul:- Please ek baar baat sunn lo Vijay ki.....Wo abb galat insaan nahi hai....Sudhar gaya hai wo.....Maine tumhe iss liye bulaaya hai taaki tum Vijay ki baat sun lo....Baad me jo marzi wo decision karna....Mai kuch nahi kahunga.....
Rahul ki baat sunne ke baad Priya Vijay ko gusse se dekhti hai.....Vijay to Priya ko dekh pehle hi aatmaglaani mehsoos kar raha tha......Abb Priya ki dekhne se uski himmat gaayab ho jaata hai.....Wo bas darte hue Priya ko dekh raha tha.....Uski aankho me dar aur paschataap dono tha.....
Rahul:- Vijay jo tune mujhe abhi bataaya wo ek baar fir Priya ko bataa de.....
Lekin Vijay ke paas himmat thaa hi kaha jo wo ye sab bol paaye.....
Rahul:- Vijay ....Please yaar bol de....Apni baat kehne ka aur maafi maangne ka yahi aakhiri mauka hai tere paas....Itna accha mauka mat gawaa yaar....Jaanta hu mushkil hai Priya ki aankh me aankh daal kar baat karna.....Lekin himmat karke bol yaar....Galti kiya hai to usse sudhaarna bhi padta hai.....Aur isse accha mauka nahi milega tujhe apni galti sudhaarne ka....
Vijay ko Rahul ki baat sahi lagta hai....Lekin fir bhi Priya ki aankho me aankh daal kar bataana mushkil tha uske liye.....Wo bhi ye baat jaanta tha ki fir kabhi isse accha mauka nahi milega usse....Aur Vijay ye mauka nahi gawaana chaahta tha.....Aankho me aankh daal kar naa sahi lekin niche jamin ko dekhte hue Vijay ne Priya ko saari baat bata diya.....Aur saari baat bataane ke baad Vijay ne Priya ki aankho me aankhe daal kar kaha.....
Vijay:- Please Priya.....Isse mera aakhiri galti samajh kar maaf kardo....Dobaara se kabhi tumhaara saath nahi chhodunga.....Kya karu yaar ....Uss vakt itna samajh nahi tha ki kya sach hai kya galat ye bhi samajh nahi paaya....Paisa mai andhaa ho gaya tha.....Chamcho ko dost samajh liya.....Unki baato me aakar tumse break up kar liya.....Socha ki abb tumse kuch faaidaa nahi hone waala....Aur koi paise waali ladki ko pata lunga....
Jab mushibat aaya to kisi ne saath nahi diya....Tab tumhaara yaad aaya....Tumhaara saath ka yaada aaya....Tumhaara pyaar yaad aaya....Tumhaara mujh par jo bharosha tha wo yaad aaya.....Aur tab jaake mujhe apni galti ka ehsaas hua.....Rahul to mera dost kabhi tha hi nahi....Lekin maine uske saath kya galti kiya hai uss time pata chala....Socha ki bhagwaan ne mujhe mere karmo ki sazaa de diya hai....Abb mai tumhe paa to nahi sakta lekin apni galti sudhaar to sakta hu.....
Shaayad mai tumse maafi maangne ka hak bhi kho chuka hu....Bas itna kahunga ki abb mujhe apni galti ka ehsaas ho gaya hai....Ho sake to mujhe maaf kar dena....
Itna kehne ke baad Vijay ki aankho me aansu aa gaye....Wo nich e ki taraf dekh kar aansu bahaane laga....
Priya ko bhi uski aankho me sachaayi dikha....Wo bhi jaan gayi thi ki Vijay sudhar gaya hai....
Priya:- Chaahe tum kuch bhi kaho....Aur jitna bhi kyu na sudharo...Mai tumhe maaf nahi karungi....Tumhaari galti mere maafi ke laayak nahi hai....Jaante ho pyaar mai sabse jarrori hota hai bharosha.....Wahi bharosha tumne toda hai....Aur mai kaise maan lu ki aage se tum aisa nahi karoge....Tumse saccha pyaar kiya tha....Bahut royi thi tumhaari yaadon me....5 saal ho gaya hai aaj uss baat ko.....Agar tumhe apni galti ka ehsaas sach me hota to mujhse aakar pehle hi maafi maang lete....Lekin nahi tum ne aisa nahi kiya.....Tumne Rahul ki help liya mujhe manaa ne ke liye....
Abb baat bahut aage badh chuki hai....Mujhe naa hi tumse pyaar hai aur naa hi bharosha.....Abb kuch nahi ho sakta....
Itna kehne ke baad Priya ki aankho se bhi aansu ki do boond niche gir gaya.....
Vijay:- Kaise maangta maafi....Aur kya keh kar maangta maafi....Yahi ki"Mujhse bahut badi galti ho gayi hai....Abbb mujhe ehsaas ho gaya hai apni galti ki....Abb sab bhul jaao aur chalo aage badhte hai" Aur aisa kehta to tum mujhe maaf kar deti.....Mai sach me tumse maafi maangna chaahta tha...Koi dikhaawa nahi karna chaahta tha....Mai iss tarike se maafi maangna chaahta tha ki tum ko bhi lage ki mai sach me sudhar gaya hu....
Paiso ki ghamand me ye galti kiya tha....To maine socha mai apne Papa ki paiso se apne faaidee ke liye kuch nahi karunga....Apni pairo par khada hona chaahta tha.....Khud apni dam par ek job paana chaahta tha....Jab mai apni pairo par khada ho jaata tab jaake tumse maafi maangta aur sachaayi bataata.....Jaanta tha ki ye jaroori nahi hai ki mere ye sab kehne ke baad tum mujhe maaf kar dogi..Lekin yahi koshish karna chaahta tha....Jab apne pairo par khada ho jaata tab tumse shaadi ke liye pucchta....Agar maan jaaati to mai isse apni khus kismat maanta aur naa maanti to apni galti ki saza....
Maine Rahul ko nahi kaha meri taraf se tumse baat karne ke liye....Ulta mai bhi shocked ho gaya tha tumhe yaha dekhne ke baad....Priya mai ye nahi kahunga ki tum mujhe maaf kardo par ye kahunga ki iss baat par yakin karo....
Jindagi me ek baar tumse maafi maangna chaahta tha....Aur aaj ye bojh bhi dil se hat gaya.....
Priya:- Chaahe tum jo bhi kaho....Mai tumhe maaf nahi karungi.....
Bas yahi bolte hue Priya rone lagi.....
Vijay bhi udaas chup chaap baitha tha....Usse pata tha ki wo chaaahe kuch bhi ho jaaye Priya usse maaf nahi karegi.....
Rahul:- Agar pyaar nahi karti to roo kyu rahi ho....Agar tumhe Vijay se pyaar nahi hota to koi feelings bhi nahi hota aur naa h tum roti....
Rahul ne pehle unki maamle par dakhal dena thik nahi samjha....Lekin baat ko aur bigadta dekh usse raha nahi gaya.....Rahul ki iss baat par Priya aur Vijay dono Rahul ko dekhne lage....
Priya:- Mai iss liye nahi ro rahi kyu ki mai Vijay se pyaar karti hu....Mai to iss liye roo rahi hu ki barson baad mera jakhm fir se taaza ho gaya hai....
Priya ne apna safaayi dete hue kaha....
Rahul:- Agar jakhm taaza hone ke kaaran roti to aise nahi roti jaise abhi itna tej ro rahi ho.....Tumhaari baato me aur aankho se pata chalta hai ki tum Vijay se pyaar karti ho lekin Vijay ki galti ki vajah se usse maaf nahi kar paa rahi ho....
Bas mai itna kahunga ki kisi bhi insaan me achaaayi aur buraayi dono hi hota hai.....Tumne Vijay ki acchaayi dekh kar hi usse pyaar kiya hoga....Ye baat mai daabe ke saath keh sakta hu.....Aur Vijay ki buraayi ki vajah se usse dur ho gayi......Priya koi bhi insaan kabhi na kabhi galti to karta hi hai....Maine bhi kiya tha ....Tumne bhi mere saath kiya tha.....Lekin jaroori ye hai ki insaan ko apnio galti se sikh lena chaahiye......Aur dobaara galti naa kare.....
Vijay ne mere saath jo kiya tha uske baad to shaayad hi mai Vijay se kabhi baat karta.....Lekin isne apni galti sudhaar kar mera itna help kiya hai.....Isse maine fir se maaf kar diya aur bharosha bhi hai ki ye dobaara aisi galti nahi hai.....Pyaar karte ho to aisi ladaayiyan to hota hi rahega.....Insaan ko kabhi kabhi dusro ki galti maaf bhi kar dena chaahiye.....Bas itna kahunga ki abhi apni zidd me wo galti mat karo jo baad me pacchtaana pade.....Aur meri galti ko fir se mat dohraana....
Rahul ne itna keh kar chhain ki saans liya....Usse lag raha tha ki Priya uski baat jaroor maanegi....Aur hua bhi aisa hi Priya par Rahul ki iss baat par yakin ho gaya....
Priya:- Sach me Vijay abb sudhar gaya hai na????Fir se muje dhokha to nahi dega na???Pehle hi ek baar pyaar tutne ka dard seh chuki hu mai.....Abb aur nahi seh paaungi....
Rahul:- Ha sudhar gaya hai....Iss baat ka guarantee mai deta hu....Abb der mat karo....Pehle hi itne time se tum dono alag ho....
Prya:- (Vijay se) Vijay iss baar to maaf kar rahi hu....Lekin agli baar aisa kiya na to tumhaari khair nahi...AUr ha mujhe kuch time chaahiye fir se wohi feelings laane ke liye....
Priya ne Vijay ko dhamkaa kar kaha ....To Vijay ne bhi sar ko haa me hilaaya.....Wo bahut khus ho gaya ki Priya ne usse maaf kar diya......Dono kuch der tak ek dusre ki aankho me dekh rahe the.....Dono ki bich abb saari naarajgi khatam ho gayi aur phir se pyaar ki suruwaat hone laga.....
Rahul:- Are mai bhi hu yaha yaar.....Mere saamne to apne pyaar ko control karo....
Rahul haste hue bole....Vijay aur Priya dono hi uski taraf ghur kar dekhne lage lekin kuch nahi bole....
Rahul:- Are yaar.....Fir se tum dono ko pyaar ho raha hai to kahi baahar jaao, ghumo, time spend karo, baate karo aur dooriyan mitaao.....
Rahul ki baaat se dono sehmat ho gaye.....Ek dusre ka haath pakad baahar jaane hi waale the ki dono ek baar fir picche ghum kar Rahul ko unka pyaar milaane ke liye aankho se shukriya kehte hai.....Aur baahar chale jaate hai.....
Rahul unn dono ko fir se ek hote dekh bahut khus tha.....Wo apne bed par baithe kuch soch raha tha ki Rahul ko Ajay ki yaad aa gaya.....Usne turant Ajay ko phone lagaya....
Dusri taraf se....
Ajay:- Hello Rahul.....Kaisa hai tu....Chal accha hua ki tune hi phone kar diya.....Mai abhi tujhe hi phone lagaane waala tha ..... Ek good news hai....
Rahul:- Kya???
Rahul ne bhi utshukta ke saath puchaa....
Ajay:- Meri shaadi fix ho gayi hai.....
Rahul:- What????Kya majaak kar raha hai yaar tu bhi.....
Rahul ko Ajay ki baat par vishwaas hi nahi hua....Usse lag raha tha ki Ajay usse majaak kar raha hai...
Ajay:- Tujhe majaak lag raha hai kamine???
Ajay ne thoda gusse me kaha....
Rahul:- Kya ??? Sach mai???Aur mujhe abb bataa raha hai....
Abb jaake Rahul ko vishwaas hua ki Ajay sach bol raha hai.....Aur usne naraaajgi ke saath puccha.....
Ajay:- Bas abhi final hua hai.....Tujhe bataane hi waala tha ki tera call aa gaya....Aur bataa diya.....
Rahul:- Matlab tu bal vivah (Child Marriage) karega????Abhi teri umar hua hi kaha hai shaadi karne ka....
Rahul ne majaak me kaha....
Ajay:- Kamine.....Tujhe kaha se ye bal vivah lag raha hai.....Pura 25 saal ka ho gaya hu....
Ajay ne chhidhte hue kaha.....
Rahul:- Fir bhi abhi itni jaldi kya hai....Thoda time aur ruk jaata.....
Rahul Ajay ki shaadi ki baat se khush to tha lekin abhi uska majaa lena chaahta tha.....
Ajay:- Agar abhi rukaa to pata nahi uski shaadi kisi aur se ho jaayega.....Aur mai jindagi bhar uski pyaar me devdaas bana rahunga.....Ye ek tarfa love marriage hai meri taraf se....
Ajay ne jhijhakte hue kaha....
Rahul:- Kya bol raha hai....Kuch samajh me nahi aa raha hai....Jara khul ke bol.....
Ajay:- Matlab jis ladki se mai shaadi kar raha hu wo meri pados ki hi hai.....Mai usse pyaar karta hu....Lekin uski dil me mere liye kya hai wo pata nahi....Aaj pata chala to Papa ne meri shaadi usse final kar diya....Maine usse puccha ki usse iss shaadi se aitraaz to nahi.....To usne koi aitraaz nahi jataaya.....
Ajay ne fir se jhijhakte hue apna prem kahaani Rahul ko sunaa diya....
Rahul:- Matlab tune aaj tak bhabhi ko propose nahi kiya.....
Ajay:- Nahi yaar....
Rahul:- Kamine,,,,Mujhe to bahut gyaan deta tha ki pyaar me koi jaldvaazi nahi karna chaahiye.....Lekin khud deri (late) kar raha hai....
Ajay:- Kabhi himmat nahi kar paaya yaar....Lekin shaayad kismat accha hai .....Abb to wo meri hi hai....Kisi din bata dunga usse....
Rahul:- Bahut darpok hai tu pyaar ke maamle me....
Fir iske baad dono dost kuch der baat karte hai.....Rahul Ajay ko Vijay aur Priya ke baare me bataa deta hai....Ajay bhi khus ho jaata hai Vijay ki sudharne ki vajah se aur Rahul ka pyaar waapas patri par lautnr par.....
Kuch der baad Rahul calll cut kar deta hai.....
Call cut karne ke baad Rahul khud se hi kehta hai.....
Rahul:- Sabhi ki life accha ho gaya....Ajay, Vijay aur Raj bhaiya sabko unka pyaar mil raha hai.....Bas ek mai hu jisse pata nahi uska pyaar milega bhi ya nahi.....
Rahul kuch der aise hi baitha raha......Kuch der baad uske mobile me uske Papa ki call aa jaata hai.....
Baat karte karte Rahul bahut pareshaan ho gaya aur uske Papa ne unse jo kaha usse maana chaahiye yaa nahi iss baare me sochne laga.....
Udhar dusri taraf Nisha aaj hua ghatna se bahut thak gayi thi....Dimaag bhi bahut kuch soch kar pehle se hi thak gaya tha....Wo Rahul se baat karna to chaahti thi lekin abb usme taakat nahi bachi thi aaj ke bhaagdaud ke baad....Wo aaram karne ka sochti hai aur kal subah hi Rahul se mil kar usse maafi maang kar propose karne ka sochti thi...Usse lag raha tha ki Rahul bhi thak gaya hoga aur iss vakt Rahul ko disturb nahi karna chaahiye....Bas kisi tarah wo iss raat bitne ka intejaar karne lagti hai..
Agli subah Nisha thoda late tak so rahi thi....Jab wo utthi aur ghadi dekha to usse khud par gussa aaya aur wo kehne lagi.
Nisha:- Ye tujhe kya ho gaya hai Nisha.....Aajkal to bahut late utthne lagi hai.....Aur aaj ka din bhi late hi utthi....Bhul gayi aaj tujhe Rahul ko propose karna hai.
Ye kehti hi usse yaad aa gaya ki sach me usse aaj Rahul ko propose karna hai...Wo jaldi se jaa kar nahaati hai aur acche se sajne lagti hai....Aaj uske liye ye bahut hi special din tha....Aaj Rahul aur Nisha ek ho jaayenge....Wo kisi bhi tarah se koi kami nahi rehne dena chaahti thi....Sajne sawarne ke baad wo aayine ke saamne jaakar acche se dekhti hai aur kehti hai.
Nisha:- Dusri ladkiyon se jyaada khubsurat to nahi hu lekin buri bhi nahi hu...Aur khub surati me rakha hi kya hai...Jitna mai Rahul ko jaanti hu usse ye to pata chal hi gaya hai ki Rahul ko bhi iss baat se koi matlab nahi hai....Warna wo mujhse pyaar hi nahi karta.....Usne mera nature aur mujhse pyaar kiya hai.....Warna wo kisi bhi khub surat ladki ke picche bhaagta aur fir se Priya ki saath jaa sakta tha....Rahul ne aaj tak mera roop se matlab nahi rakha bas mujhse pyaar kiya.....Ye bhi Rahul ki ek khaasiyat hai jo mujhe usse aur pyaar karne me majboor kar deta hai....
Nisha ye kya bakwaas kar rahi hai tu.....Tujhe Rahul ko propose karna hai aur tu yaha baithe bakwaas kar rahi hai.....Abb acche se sajj gayi hai abb der mat kar aur jaldi jaa kar Rahul ko propose kar de.
Achanak Nisha ke dimaag me ek baat aaya aur usne apni khayaalo se hosh me aakar Rahul se propose karne ka faisla kiya.
Wo dhadakte dil ke saath niche utar kar Rahul ki room ke saamne pahunch gayi....Dheere se gate par knock kiya .....Aur aankh band karke Rahul ka wait karne lagi....Laghbhag 6 months ho gaye the Rahul aur Nisha ko acche se baat kiye.....Itni lambi time tak Nisha Rahul se baat karne ke liye bahut tadap rahi thi jo shaayad aaj khatam hone waala hai....Aisa Nisha ko lag raha tha....
Nisha ne gate par knock kiya lekin koi response nahi aaya....Wo hairaan hokar fir se dobaara knock karti hai lekin fir bhi koi response nahi....Usse lag raha tha ki Rahul usse naraaj hai....Wo darte hue fir se knock karti hai lekin fir bhi response nahi milta.
Aise hi kuch der knock karne par bhi jab koi response nahi milta tab darte hue Nisha gate par jor se knock karte hue dhakka dene lagti hai....Jab wo gate ko dhakka deti hai to gate ekdam se khul jaata hai.
Jab wo andar ghusti hai to saamne room ki haalat dekh wo chaunk jaati hai.....Rahul ka room khaali tha....Wo darte hue Rahul ka flat ka har ek room dekhti hai....Lekin Rahul ka har room khaali tha.....Iska matlab saaf tha Rahul flat chhod kar chala gaya hai.
Nisha ko kuch samajh me nahi aa raha tha ki achanak ye kya ho gaya hai...."Rahul aise kaise jaa sakta hai mujhe bina bataaye.....Wo to mujhse pyaar karta hai naa.....To fir kyu mujhe bina bataaye chala gaya.....Kya wo mujhse itna naraaj ho gaya ki mujhe iss tarah chhod kar chala gaya....Aakhir kaha chala gaya wo....Kya wo mujhse pyaar nahi karta...."
Itna keh kar Nisha niche jameen par baith kar jor se rone lagti hai....Aansu se uska pura gaal bhig gaya tha....Jaise taise himmat karke wo Riya ko phone lagaati hai....
Phone to laga liya par baat kuch bhi nahi kar paa rahi thi....Riya ne bhi jab uski rone ki aawaj sunaa to wo bhi dar gayi....Usse bhi laga ki kuch na kuch to hua hai jo nahi hona chaahiye tha....Darte hue wo phone par Raj ko saara baat bataa deti hai.
Kuch der me dono pahunch jaate hai Nisha ke paas....Dono Nisha ki haalat dekh bahut dar gaye.....Nisha ek jindaa laash ki tarah ho gayi thi....Wo kuch nahi bol rahi thi bas niche jameen me dekh aansu bahaa rahi thi....Usse kuch hosh nahi tha abb....Bas rote jaa rahi thi....Aaj uske dil ko bahut chot pahunchaa tha....
Raj:- Nisha....Kya hua....Kuch to bolo....Rahul ne kuch kiya kya?
Nisha ki haalat dekh Raj darte hue poochta hai....Lekin Nisha ne kuch sunaa hi nahi tha....Wo to abhi bhi niche dekh aansu bahaa rahi thi....
Nisha ko aise dekh Riya usse jor jor se hilaati hai....Tab jaake Nisha ko hosh aata hai....
Raj fir se Nisha se wahi sawaal pucchta hai.....Nisha bhi abb sisakte hue kal se lekar abb tak ka saara baat bata deti hai.....
Raj ko ye to pata chal gaya ki Rahul ne koi galti nahi kiya tha.....Lekin iss tarah se gaayab hone ka matlab wo samajh nahi paaya.
Raj:- Ye Rahul bhi na.....Isse aaj tak mai nahi samajh paaya hu aur naa hi samajh paaunga....Abb iss tarah jaane ka kya matlab hai.....Ek baar phone karke dekhta hu.
Raj Rahul ko phone karne hi waala tha ki Nisha ki mobile me message ka tone bajta hai....
Nisha kaampte haath ke saath mobile on karti hai to dekhti hai Rahul ka message tha.....
Raj aur Riya bhi Nisha ke paas aa gaye the....Raj Nisha ki mobile leta hai aur message kholta hai....
Rahul ne ek message bheja tha Nisha ke liye jisse Raj padhne lagta hai....
Message kuch iss tarah se likha tha Rahul ne.....
Dear Nisha,
Pata nahi mera dear likhna tumhe pasand aaya yaa nahi.....Agar pasand na aaye to ek baar fir maafi maangta hu.....Lekin kya karu tum hamesha se mere liye dear hi ho.....Aaj bhi ho.....Aur mai ye message tumhe tang karne ke liye nahi likh raha hu.....
Ye message mai iss liye likh raha hu ki aaj aakhiri baar tumhe kuch kehne jaa raha hu.....Hamaara saath yahi tak tha Nisha......Jab se tum meri life me aayi ho meri life aur mentality bahut badal gayi hai.....Tumne fir se mujhe muskuraana aur khus hona sikhaa diya.....Pyaar kya hota hai ye tumse milne ke baad mehsoos kiya hai....Tumne mujhe ek gusse waala ladka se aaj ek hasta muskuraata hua ladka bana diya.....Iske liye bahut bahut thanks....Tum meri life ki wo hissa ho jisse mai kabhi nahi bhul paaunga.....Jab bhi tumhaare baare me sochta hu chehre par ek muskaan aa jaata hai.....Hamesha tumhaare saath bitaaye hue palo ki yaad aa jaata hai....Kitna accha pal tha na jab ham ek saath spend karte hai....Kab mujhe tumse pyaar ho gaya kuch pata nahi chala.....Thanks a lot Nisha for coming in my life....Tumne life me kabhi mujhse pyaar kiya tha ye baat mai kabhi nahi bhul paaunga.....Mai to lucky hi tha jo tumne mujh se pyaar kiya lekin mera gussa ne hi mujhe barbaad kar diya.....
Kya karta yaar mera soch aur mentality pyaar ki prati kabhi accha nahi raha....Priya ka dhokha dene ke baad pyaar se nafrat sa ho gaya tha...Saalon tak pyaar se nafrat kiya....Lekin tumhaara mera life me aane se mera mentality pyaar ki taraf badal gaya....Fir se tumse pyaar kar baitha.....Tumhaare saath pyaar karne ke baad pata chala ki pyaar kya hota hai.....Har pal enjoy karta tha, har pal tumhe apni dil ki haal sunaane ko bechain hota tha.....Mera mentality pyaar ki taraf badal gaya tha.....Aur mujhe lagne laga ki pyaar ek sukoon hai issliye insaan iske picche bhaagte hai......Ha sach bhi hai agar pyaar sachha aur dotarfa ho to pyaar bahut sukoon deta hai....Tumhaara pyaar ne mera mentality pyaar ki taraf badal diya.....Lekin jab tumhe Vijay ke saath dega to dar gaya ki kahi tum usse pyaar to nahi karti yaa fir mujhe dhokha to nahi deti....Mera dil aur dimaag dono mujhe aisa sochne par majboor kar raha tha....Dobaara se tumhe khone ka himmat nahi tha mujhme.....Aur issi dar aur gusse me pata nahi kya kaya bol diya maine....Mera mentality itna galat tha ki ye sab sochne par majboor ho hi gaya.......Aur issi soch ke kaaran tumhe kho diya maine.....
Nisha mai tumse maafi maangta hu tumhaare dil dukhaane ke liye....Kya karu galatfehmi ho gaya aur gusse me na jaane kya kya bol diya aur tumse naraaj ho gaya.....Ye meri life ka sabse bada galti hai....Isse shaayad mai kabhi nahi sudhaar paaungaa......
Nisha mai ye bhi bataana chaahta hu ki tumne mujhe Priya ke saath jab dekha tha tab tumhe galatfehmi ho gaya tha....Mai uss time bhi tumse pyaar karta tha aur aaj bhi karta hu....Aur hamesha karta rahunga.....Iss me tumhaari koi galti nahi hai....Galatfehmi naa chaahte hue bhi ho jaata hai jaise mujhe ho gaya tha.....Pehle hi maine tumhaara bharosha toda tha aur aise me tum kaise meri baat ka yakin karti....Bas itna kahunga ki mai sach keh raha hu....Please ho sake to mujhe maaf kar dena....
Ye baat to mai jaan chuka hu ki tum mujhse bahut naraaj ho aur abb tumhaare dil me mere liye pyaar nahi hai....Ye baat kal maine mehsoos kiya tha.....Abb bhi tum mujhe ignore karna chaahti ho wo kal Aditya ke maarne ke baad maine mehsoos kiya....Koi baat nahi Nisha....Tum galat nahi ho....Maine kaam hi aisa kiya hai ki tumhe mujhse nafrat ho jaaye.....Lekin mai tumse pyaar karta hu wo bhi saccha waala....Iska matlab ye nahi ki tumhe bhi mujhse pyaar ho....Jisse ham pyaar karte hai wo bhi hamse pyaar kare yw jaroori to nahi....
Kal raat Papa ka phone aaya tha...Abb mera BE to complete ho gaya hai......Iss liye unhone mujhe hamesha ke liye ghar bulaa liya hai.....Abb mai wahi par job karunga.....Iss liye flat chhod diya ..... Mai aaj hi jaa raha hu apne ghar.....Tumhaari bahut yaad aayegi Nisha....Bahut yaad aayegi....Lekin mai nahi rounga.....Mera pyaar mera kamjori nahi mera taakat hai.....Tumne hi to sikhaaya hai pyaar tutne ke baad bhi kaise haste hai....Priya ne jab dhokha diya tha tab wo tum hi to thi jisne mujhe aage badhna sikhaaya....Abb bhi mai wahi karunga.....Tumhaare saath bitaaye hue pyaaare palo ko yaad karke aage badh jaaunga.....
Mai to bahut pehle ye flat chhod deta lekin sochat ki tumhe manaana chaahiye.....Tum jaroor maan jaaogi.....Lekin aaj pata chala ki meri galti itna bada hai ki tum mujhe maaf nahi karogi......Mai jitna bhi manaa lu tum mujhe maaf nahi karogi....Abb mujhe ehsaas ho raha hai ki meri manaane se tumhe kitna pareshaani hua hoga.....Jis chehre ko tum dekhna bhi nahi chaahti thi wahi chehra tumhaare agal bagal ghum raha tha....Ye bhi mera flat chhod kar jaane ki ek vajah hai....Abb mai tumhe kabhi pareshaan nahi karunga.....Tum apni life ko acche se jeena....Abb mai kabhi tumhaari life me dakhal nahi dunga.....
Abb mera waha rehne ka koi matlab nahi tha...Issliye waapas apne ghar chala aaya....Mai tumhe bataana to chaahta tha lekin yaad aaya ki tumhe mera chehra bhi dekhna pasanad nahi hai....Issi liye bina bataaye chala aaya....
Bas itna kehna tha mujhe....Abb tumse keh diya hai to dil thoda halka ho gaya hai....Tum kabhi ye mat sochna ki tumne mera dil toda hai aur mera kya hoga.....Abb mujhe apna family ko sambhaalna hai to majboot rehna to padega hi......Abbb mai kabhi tutunga nahi.....
Maine apna baat to keh diya.....Abb tumhaare liye bhi kuch wish karna baaki reh gaya hai.....Wish you happy and beautiful life Nisha....Hamesha khus rehne......Aur yahi dua rahega ki tumhe life ki har kadam par safalta haasil ho....Ye duniya utna accha nahi hai jitna dikhta hai....Aur khaaskar akele insaan ke liye......Chaalbaaz aur makkar logo ki kami nahi hai iss duniya me....Aage badhne se pehle har kadam ko saawdhaani se rakhna aur Aditya jaise ghatiya insaano se dur aur saawdhaan rehne....
Mera dua hamesha tumhaare saath rahega......Bas itna kehna tha.....
Yours, Rahul
Rahul ka message padhte hi teeno ki aankho se aansu nikal gaye.
Rahul ki mesaage padhne ke baad teeno ki aankho se aansu nikal gaye....Kisi ko ye umeed nahi tha ki Rahul aisa bhi kar sakta hai.....Message padhne ke baad Nisha fir se rone lagi....Wo Rahul ki baat se emotional ho gayi thi...."Meri hi galti hai....Maine hi Rahul ko itna tadpaaya aur ek baar bhi usse baat nahi kiya....Kaash ek baar usse baat kar liya hota yaa fir uski baaat sun liya hota.....Ye galti bas Rahul ki nahi hai....Maine bhi galti kiya hai....Aakhir maine bhi to wohi kiya jo Rahul ne kiya....Rahul to anjaane me galatfehmi ka shikaar ho gaya lekin maine kya kiya.....Jo galti Rahul ne kiya ussi ko dohraaya.....Rahul kitna tadap raha hai mere yaad me....Maine bhi uska saccha pyaar ka kadar nahi kiya....Abb jab wo mujhe chhod kar chala gaya tab mujhe apni galti ka ehsaas ho raha hai....Rahul ki wo ek chhoti si galti ka maine itna bada sazaa de diya..."
Nisha aatmaglaani me ro rahi thi....Usse rota dekh Raj bola....
Raj:- Sab meri vajah se hua.....Mai Rahul ka bhai hu fir bhi usse samajh nahi paaya....Usko to bachpann se jaanta hu mai.....Uski character se waakif hu....Fir maine kaise uski character par ungli uthaaya....Wo to aisa soch bhi nahi sakta....
Rahul apni life ki sabse badi mushibat se gujar raha tha....Aise me mujhe uska saath dena chaahiye tha....Lekin maine usse hi galat samajh liya....Aur iska parinaam ye hua ki wo ye nadaani kar baitha....
Raj bhi apni galti mehsoos kar raha tha....Usse bhi apne kiye ka paschataap ho raha tha....
Riya:- Abhi bhi kuch nahi bigada hai....Raj jaldi se Rahul ko phone karke samjhaao aur sachaayi bataao ki Nisha bhi usse pyaar karti hai....Do it fast....
Riya ne baat ko aur na bigadne dene ke liye kaha.....Raj ne bhi Riya ki baat ko maante hue mobile uthaaya hi tha ki fir se Rahul ka message aaya.....
Teeno fir se message padhne lage.....
Bhaiya jaanta hu ki aapne mujhse kabhi baat na karne ke liye kaha tha....Jaanta hu aap mujhse bahut naraaj hai, gussa hai .....Aur hona bhi chaahiye maine kaam hi aisa kiya hai....Lekin bhaiya aaj majboor hokar aapko message bhejna pad raha hai.....Please meri wo galti ko maaf karke ek baar pura message padh lena....
Aaj mai apne ghar jaa raha hu.....Shaayad hi kabhi uss town me lautunga.....Abb mujhe uss jagah se ek nafrat sa ho gaya hai.....Waha par maine apni Nisha ko kho diya hai....Abb aage badh raha hu to wo baat ko bhulna to padega hi.....Ha mushkil hai lekin koshish to karna hi hoga.....
Meri galti sirf itna hi hai ki maine galatfehmi me Nisha ka vishwaas nahi kiya....Wo Priya ke saath restaurant waali baat jhuth hai....Agar aap ne kabhi mujh par bharosha kiya hai to aap ye baat maan lenge.....Aap to mujhe itna time se jaante hai na to kabhi aapko laga ki mai kabhi aisa kar sakta hu....Pyaar me vishwaas na karna aur characterless hona alag baat hai......
Khair ye baat chhodiye....Maine aapko ye kehne ke liye message kiya hai ki bhaawna me beh kar galti se maine ye saari baatein Nisha ko likh diya hai....Abb jaake mujhe ehsaas hua hai ki maine kya galti kiya hai....Mai to usse dur hone jaa raha hu....Fir ye sab likh diya...Ek baar fir galti kar baitha....Agar Nisha ko beri baat par yakin hua aur mujhe nahi dekhegi to mai jaanta hu uss par kya beetegi....Dekha hai maine Nisha ke aanshu.....Kitna royi hai meri ek galti ki vajah se.....Mai to usse aur naa tang karne ki vajah se jaa raha hu....Fir aise me jab uska daba hua pyaar jaag jaayega to kya hoga....Ye soch kar bahut dar lag raha hai.....Wo to akeli hai....Kaun sambhaaalega usse.....Maine jabse Nisha se pyaar kiya hai.....Saccha pyaar kiya hai....Abb agar aise me wo message bhejne ka matlab usse dhokha dena hi hai....Usse pyaar me tadpaana ye sab dhokha dena jaisa hi hai.....
Anjaane me hi sahi maine ek aur galti kar diya.....Feelings par control nahi kar paaya aur message type kar diya....Jab hosh me aaya aur message remove karne ka socha to galti se send kar baitha....
Bhaiya bas yahi request hai ki aap mere khilaaf Nisha ko bhadkaayiye aur ye keh dijiye ki maine usko impress karne ke liye ye message bheja hai.....Mera baare me koi bhi jhuttha kaahani usko bataakar usko mujhse nafrat karne par majboor kardo....Wo pehle hi mujhse naaraj hai aur aise me aashaani se wo mujhse nafrat karne lagegi.....Aur waise bhi aapki baat par koi bhi yakin kar lega....
Bhaiya agar nafrat na sahi lekin pyaar hone mat dena.....Jaanta hu mai pyaar me alag hone ki dard kya hota hai.....Wo bhi jaanti hai....Lekin abb aur nahi....Usse bhi apne life me aage badhna hoga....Aise pyaar ke chakkar me uska career barbaad ho sakta hai....
Wo mujhse jitna nafrat karegi utna hi accha hai mere liye.....Kam se kam aage to badhegi aur mujhe bhul jaayegi....Nafrat me bhulaana aasan hota hai pyaar se....
Ye mere liye aashan nahi hoga ye jaankar ki jisse mai pyaar karta hu wo mujhse nafrat karti hai.....Lekin kya karu issi me uski bhalaayi hai aur mai majboor bhi hu.....Isse accha idea nahi mil sakta tha mujhe....Issi liye aap ko message kiya.....Umeed hai aap isse meri aakhiri request samajh kar jaroor mera help karenge aur mera baat maanenge....
Ek aur baat bhaiya....Aap agar jara sa bhi mera bhalaayi chaahte hai to kabhi mujhse mat miliyega.....Aapko dekh nahi paaunga.....Aapko dekhne ke baad mujhe fir se apna galti ka yaad aa jaayega aur Nisha ka bhi....Aise me mai kabhi aaage nahi badh paaunga....Jaanta hu bhai ki jab aap Nisha ko bhadkaayenge aur wo mujhse nafrat karegi to wo mera address jaroor pucchegi mujhse ek baar baat karne ke liye....Bhaiya aapko mera kasam.....Address mat dena Nisha ko.....Aur kabhi Nisha ko mere paas mat laana.....Uski nafrat ko bardaasht nahi kar paaunga....
Ye to nahi kahunga ki mai aage apni life me khus rahunga yaa nahi.....Lekin fir bhi koshish karunga apno ke liye jeene ka....Bhaiya aap aur Riya bhabhi hamesha khus rehna....Chaunkiye mat....Aapki aankho me dikhta hai.....Picchle kuch time se aap ki aankho me pyaar dekha hai maine....Ek suggestion dunga ki jitna jaldi ho sake utna jaldi propose kar dijiye....Kahi meri hi tarah aapki love story ko najar na lag jaaye aur mera galti mat dohoranaa.....
Bas itna kehna tha aapse....
Aapka nalaayak bhai, Rahul.
Jaise hi rahul ke message teeno ne padha .....Fir se unki aankho se aansu nikalne laga.....Abb unhe laga ki Rahul aur Nisha ka story ka "The End" ho gaya....
Raj gusse me mobile niche fek deta hai aur gusse me kehta hai...
Raj:- Ye kya kiya Rahul tune....Nisha ki kasam de diya....Yaar tune apne hi pair par kulhaadi maar diya....Kitna unlucky hai tu.....Nisha teri hokar bhi tera nahi ho paa rahi hai....Pata nahi tera kismat me kya likha hai....
Raj ne gussa aur niraasha ke saath kaha....
Riya:- Mai to ye kasam me nahi maanti....Raj tum phone karke bataa do sachaayi....
Raj:- Kaise bata du yaar.....Kasam de diya usne Nisha ko apna address sene se aur mujhe usse baat karne se.....
Riya:- To kasam tod do....
Nisha:- Nahi.....Koi jaruri nahi hai....Please aisa mat karna.....Rahul ka kasam mai todne nahi dungi.....Abb bhagwaan ka jo marzi wo hoga....Aakhir ham dono ki kismat me milna likha hi nahi hai to nahi mil paayenge....Aur agar kasam tootne ki vajah se Rahul ko kuch ho gaya to....Nahi nahi wo abhi sahi salaamat to hai....Mai koi chance nahi lungi jisse uske saath kuch ho jaaye....
Nisha ne ghabraate hue kaha....
Riya:- Aisa kuch nahi hota yaar....Meri baat sun....
Riya aur bhi kuch kehna chaahti thi lekin Nisha uski baat ko bich me kaat kar kehti hai....
Nisha:- Mujhe iss baare me koi baat nahi karna....Agar tu mujhe apna dost maanti hai to ye sab mat karna....
Itna keh kar Nisha udaas hokar niche Rahul ki yaad me uske flat me jaati hai....Ek baar wo acche se Rahul ki room ko dekhna chaahti thi.....Usse abb yakin ho gaya tha ki Rahul usse abb kabhi nahi milega.....Abb jaise taise usse Rahul ki bina jeene ki aadat daal lena chaahiye ye soch usne apne dil aur dimaag me bana liya tha.
Jab Nisha ne dhire se Rahul ka room ka gate khola to saamne usse kuch dikha jisse dekh wo ekdam se chaunk gayi....
Saamne Rahul tha....Rahul ko dekhte hi Nisha ki munh se achanak se nikal gaya...
Nisha:- Rahul!!!
Nisha itni jor se chillayi thi ki upar uske room me maujood Raj aur Riya ne bhi uski baat sunn liya....Wo log chaunk kar niche Rahul ke room me aa gaye....
Niche jab wo log pahunche to saamne ka najaaara dekh wo bhi chaunk gaye....Rahul saamne khada tha aur Nisha shocked ho kar bas usse hi dekh rahi thi....
Raj aur Riya ko bhi ye sab kya ho raha hai kuch samajh me nahi aa raha tha....Wo dono bas shocked hokar ek dusre ko dekhte hai aur fir Rahul ki taraf dekhte hai lekin kuch nahi bolte....
Rahul ko bhi samajh me nahi aa raha tha ki kya bole....Wo bhi chup chaap khada tha....
Kuch der Rahul ko dekhne ke baad aur Raj aur Riya ko bhi shocked dekhne ke baad Nisha confirm ho jaati hai ki Rahul sach me khada hai....Wo Rahul ke paas jaati hai aur kas ke ek thappad lagaa kar Rahul ko dekhti hai....
Rahuk ko bhi samajh me nahi aa raha tha ki Nisha ne usse kyu maara....Wo bas sawaaliya najaro se Nisha ko dekh raha tha....
Kuch der aise hi dekhne ke baad Nisha ki aankho se aanshun girne lagte hai...Aur wo Rahul se jor se lipat jaati hai.....
Rahul ko kuch samajh me nahi aa raha tha ki ye sab kya ho raha hai....Lekin Nisha ke gale lagaaa lene se uski dil ko ek chhain milta hai....Bahut din baad usse aaram miltaa hai...
Kuch der baad Nisha picche hatt jaati hai aur Rahul ko gusse ke saath kehti hai....
Nisha:- Rahul bahut bure ho tum....Koi aisa karta hai kya....Pyaar karte ho mujhse....Lekin mujhe chhod kar jaa rahe the....Mere baare me socha....Agar tum chale jaate to mera kya hota....Tum to bas mujhe tadpaate rehte ho....
Itna keh kar Nisha fir se rone lagti hai....Rahul ki aankho se bhi aansu aa jaate hai....
Rahul:- Sorry Nisha....Mujhe laga ki tum mujhse naraaj ho....Aur mujhe dekhna bhi pasand nahi karte....Iss liye tumhe aur pareshaan na karne ke liye jaa raha tha....
Rahul ne bhi maafi maangte hue kaha.....
Nisha:- Tum sach me bewkoof ho....Dusro ki feelings kabhi samajhte hi nahi ho....Agar samajhte to kal hi tumhe pata chal jaata ki mai tumse naraaj nahi hu....Lekin tum har baar galat samajh lete ho....
Nisha ne Rahul se uski hi shikaayat karte huye kaha....
Rahul:- Pyaar karna maine tumhi se sikha hai....Saccha pyaar ka ehsaas kya hota hai ye maine tumhi se sikhaa hai....Lekin tumne dusro ki feelings ke baare me kabhi kuch sikhaaya hi nahi....To kaise jaan paaunga....
Rahul ne bahut innocently kaha.....Uski iss baat par Raj aur Riya hass dete hai.....
Tab jaake Rahul aur Nisha ko ehsaas hota hai ki room me Raj aur Riya bhi hai....Wo log abb thoda sharmaane lagte hai.....
Raj:- Rahul tu sharmaana chhod aur ye bata ki tu abb kyu laut kar aaya....Tu to apne ghar jaa raha tha na....Aur dono ki mobile me messages bhi bheja tha....Abb kya hua jo laut kar aa gaya....Keh de ki Nisha ke bina ek pal bhi nahi reh paaya.....Aur waapas laut aaya????
Raj ne haste hue puccha lekin iska jawaab Rahul ne serious ho kar hi diya....
Rahul:- Nahi bhaiya...Mai to sach me jaa raha tha kabhi naa lautne ke liye....Lekin kya karu ye photos ki album yahi par chhoot gaya(Rahul ne album dikhaate hue kaha)....Iss album me Nisha ki bahut si photos hai.....Yahi album se jindagi bitaane ka soch raha tha....Aur jab waapas jaa raha tha to Nisha mil gayi gate par....
Rahul ki baat sunn kar sabhi ne raahat ki saans liya kyu ki bahut badi galti karne se bach gaya tha Rahul.....
Raj:- Chal thik hai....Accha hua jo tu laut aaya warna pata nahi kya ho jaata....Chal tujhse baad me baat karta hu....Abhi tu aur Nisha aaram se baat kar.....(Riya ki taraf dekhte hue) Chalo Riya....
Raj aur Riya dono jaane hi waale thhe ki picche se aa rahi Rahul ki aawaj ne unhe rok diya....
Rahul:- Bhaiya bhulna mat....Baahar jaate hi propose kar dena bhabhi ko....
Rahul ne haste hue kaha to Raj ne picche mud kar jhutta gussa dikhaate hue Rahul ko ghuraa....
Lekin Rahul fir bhi hasta raha.....Kuch der me Raj aur Riya Rahul ke flat se baahar nikal gaye....Flat se nikalne ke baad hi Raj ne bola....
Raj:- Riya ruko....Ek baat kehna tha tumse....
Raj ne thoda jhijhakte hue kaha....
Riya ko to pata tha ki Raj kya baat kehna chaahta hai usse....Fir bhi wo sharmaate hue kehti hai....
Riya:- Ha kaho....
Raj:- I love you too Riya
Raj ne thoda dhire se kaha....
Riya Raj ki baat sunn leti hai....Wo bahut khus ho jaati hai....Der se hi sahi lekin Raj ne uska pyaar accept to kiya....Wo thoda sharmaa kar kehti hai....
Riya:- Achanak se kaise tumhe mujhse pyaar kiya....Kahi tum Rahul ki request ki vajah se to ye sab nahi keh rahe ho???
Riya ne thoda sharmaa kar aur thoda shikaayat ke saath puccha....
Raj:- Nahi....Pyaar to mai bhi tumse karne laga tha hamaare college ki tour ke baad se....Ha pehle mai tumse nafrat karta tha....Mujhe pehle waali Riya bilkul pasand nahi thi....Apne ghamand aur attitutude me tum hamesha mera majaak udaati thi....Iss baat se mujhe bahut gussa aata tha.....Lekin uss tour ke baad tum achanak se badal gayi....Mujhe pata hai tum mujhe impress karne ke liye dikhaawa nahi kar rahi ho...
Ye tumhaara behavior se hi pata chalta hai....Abb tumhaari kehne ki andaaz me jyaada ghamand aur attitude nahi hai....Ha thoda sa hai aur wo hona bhi chaahiye.....Insaan ko apni nature badalna nahi chaahiye....Lekin dusro ko be vajah pareshaan bhi nahi karna chaahiye....
Uss din ke baad se tum mujhe acchi lagne lagi....Jab bhi tum Nisha ko support karti thi tab pata chala tum ek acchi ladki ho aur dusro ka care bhi karti ho....Abb sabhi ke saath tameez se baat karti ho.....Shaayad tumhaari yahi baato se mai bhi tumhe chaahne laga..... Tumhaari najaro me hamesha maine apne liye saccha pyaar dekha hai....Tumhaari sudhar jaane kie baad mujhe laga ki shaayad mai bhi tumse pyaar karne laga hu....Ye shaayad dhire dhire yakin me badal gaya....Pehle hi socha tha ki tumhe propose kar du....Lekin picchle kuch dino se ho rahi tension ki vajah se nahi keh paaya tha...
Aaj mauka mila hai mujhe tumhe apni baat kehne ka.....Aur aaj mai dil se kehta hu....I Love You Riya....
Raj ne apna dil ki baat vistaar purvak Riya ko bataa diya....Riya bhi bahut khus ho jaati hai aur Raj se gale lag kar kehti hai.....
Riya:- Aur mujhe bhi jab tum se pyaar hua tab apni buri aadat ko sudhaar liya....Tumse pyaar hone ke baad hi life me saccha dost ki kimat ke baare me jaan paaya aur apne chamcho ke baare me jaan paayi....Wo bas mere paiso ki vajah se mere saath the....Tab pata chala ki life me koi saccha dost hona chaahiye jo har haal me hamaara saath dete hai....Aur meri aankh khul gayi....Aur maine apne aapko badal kar tumhaare pyaar ke laayak banaya....Taaki jindagi me hamesha tumhaara saath mile....
Nisha:- Sorry Rahul....Meri vajah se tumhe itna kuch jhelna pada....
Nisha aage aur bhi bolna chaahti thi....Lekin Rahul uski hoth par ungli rakh kar chup rehne ko kehta hai....
Rahul:- Nahi Nisha....Tumhaari koi galti nahi hai....Haalat hi kuch aise ho gaye the ki ye sab ho gaya....Aur maine to tumhaara bharosha bhi toda tha to kaise tum par mujhe yakin kar leti....
Nisha:- Sahi keh rahe ho....Kaisi haalat ho gayi thi na jab ham ek dusre se itna pyaar karte the fir bhi aise judaa rahe.....EK dusre ko itna chaahne ke baad bhi milne ke liye tadapte rahe....
Rahul:- Ha....Lekin accha hua ki isse jyaada kuch nahi bigda.....Warna shaayad jindagi bhar ke liye dur ho jaate....Galatfehmi me ek aur galti karne jaa raha tha....Wo to accha hai ki hamaara luck accha tha.....
Nisha:- Luck nahi buddhu....Hamaara saccha pyaar hi aisa tha ki ham dono fir se mil paaye...
Nisha ne Rahul ki gaal ko pakadte hue kaha....
Rahul:- Accha itna maanti ho saccha pyaar ko....
Rahul ne bhi muskuraate hue kaha.....
Nisha:- Ha bahut maanti hu....Aur bahut karti bhi hu tumse....
Nisha ne bhi muskuraate hue jawaab diya.....
Abb dono ke bich kuch pal ke liye koi baat nahi hota....Dono aankho hi aankho se ek dusre se baat karte hai.....Dono ko aaj bahut raahat mil raha tha ek dusre ki saath paane ki vajah se...
Rahul:- Waise bhi galatfehmi hokar bhi hamaara faaidaa hi hua....
Rahul ne kuch sochte hue kaha jisse Nisha usse ghurne lagi....
Nisha:- Kitna tadpi thi mai tumse naa mil paane ki vajah se....Aur tum ho ki tumhe iss me bhi apna hi faaidaa najar aa raha hai....
Nisha ne jhuttha gussa dikhaate hue kaha....
Rahul:- Are nahi jaan....Mera wo matlab nahi tha....Mai bhi to tadpaa tha tumhaari yaad aur pyaar me....Jitna tum tadap rahi thi utna mai bhi....Mai to iss faaide ki baat kar raha tha ki iss galatfehmi ne abb hame aur kareeb laaya hai....Abb ham dono ke bich shaayad hi kabhi galatfehmi hoga....Abb to hame ek dusre par aur bhi jyaada vishwaas hoga....Iss galatfehmi ne mujhe ehsaas dilaaya ki mai tumse kitna pyaar karta hu....Dooriyan premiyon ka prem ko badhaata hai....Aur tumhaara gussa ho jaane se pehli baar maine apne gussa aur ego ko bhulaa paaya hu.....Abb to pehle ki tarah be vajah gussa bhi nahi hota.....Bilkul badal gaya hu mai....Tumse aur jyaada pyaar karne laga hu....Tumhaare pyaar ne mera mentality aur soch ko hi badal diya....Thanks a lot Nisha for coming in my life....
Rahul ne bahut pyaar se Nisha se kaha....Nisha Rahul ki iss baat par kuch nahi kehti hai bas muskuraati hai....Wo bas Rahul ke pyaar ke pyaar ko mehsoos karti hai....
Rahul ko achanak se kuch yaad aa jaata hai aur wo Nisha se kehta hai....
Rahul:- Nisha will you marry me????
Rahul ne Nisha se bahut pyaar se puccha....Nisha Rahul ki itna pyaar dekh thoda sharmaati hai....Wo kuch nahi kehti bas sar ko haa me hilaa deti hai....
Rahul bhi ye dekh bahut khus ho jaata hai aur Nisha ko gale laga leta hai aur kehta hai....
Rahul:- I love you Nisha very much....
Rahul Nisha ko alag karne ke baad keha hai....
Rahul:- To tum bhi apna saaman pack kar lo....
Nisha:- Ham kaha jaa rahe hai?????
Nisha ne hairaani ke saath puccha....
Rahul:- Mai apna ghar aur tum apni sasural....
Rahul ne bhi muskuraate hue jawaab diya.....Isse Nisha sharmaa gayi...
Nisha:- Tumhe bahut jaldi hai shaadi karne ki....
Nisha ne sharmaate hue puccha....
Rahul:- Papa ne bulaaya hai....To kaise mana kar sakta hu......Aaj koi bahaana bana dunga aur kal ham chalenge....Waise bhi abb hamaari umar bhi shaadi ke laayak to ho hi gaya hai....
Rahul ki iss baat par Nisha sehmati me sar hilaati hai....
Rahul:- Chalo aaj ham dono apne flat ki har room ki photo lete hai aur iss building aur garden ki bhi.....Jab kabhi ye photos dekhenge to hame hamaara pyaar ki shuruwaat ka yaad aayega....Aur ye pal jindagi bhar nahi bhulenge....
Nisha ko Rahul ka ye idea bahut accha lagta hai.....Wo sehmati me sar hilaati hai aur kehti hai....
Nisha:- Aur aaj raat ham iss garden me baat karenge.....Iss garden me hamaari bahut yaad judi hai....Aur yahi se hamaari pyaar ka suruwaat hua hai....
Rahul:- Mai bhi yahi kehne waala tha.....Accha hua jo tumne hi keh diya....Aur ham kabhi kabhi iss jagah par ghumne aayenge aur apni pyaar ki yaadon ko fir se tajaa karenge....
Rahul aur Nisha dono hi iss baat par sehmat ho jaate hai.....Fir se dono ke bich ek pyaar bhari khaamoshi chaa jaata hai....Jisse todkar Nisha kehti hai....
Nisha:- Accha to tumne apne family ko bataaya hai hamaare baare me....
Rahul:- Nahi....Pyaar hone ke baad mai tumse naraaj tha uske baad tum naraaj ho gayi....Mai khud hi sure nahi tha ki tum mera pyaar accept karogi yaa nahi....Iss liye nahi bataa paaya...
Nisha:- Tumhe kya lagta hai tumhaare parents maan jaayenge hamaare shaadi ke liye????
Nisha serious hokar Rahul se pucchti hai.....Usse dar bhi thaa ki kahi Rahul ke parents shaadi se inkaar na kar de....
Rahul:- Pata nahi....Abhi tak maine unke saath pyaar se related baat kabhi nahi kiya hai....Ha mai apne parents se friendly hu.....Phone par regularly baat hoti rehti hai....Lekin shaadi ke baare me wo log maanenge yaa nahi wo to nahi pata....
Rahul ki baat sun kar Nisha thoda pareshaan ho gayi.....Usse dar tha ki kahi Rahul ki parents shaadi se inkaar na kar de....
Nisha ko aise pareshaan dekh Rahul kehta hai....
Rahul:- Aise pareshaan kyu ho rahi ho.....Mujhe vishwaas hai ki wo maan jaayenge.....Aur agar nahi maane to bhi mai tumhaare saath na insaafi nahi hone dunga....Ham dono milkar manaayenge....Tumhaari chehre me pareshaani accha nahi lagta.....Chalo abb muskuraao....
Rahul ki baat se Nisha ka vishwaas badh jaata hai ki shaayad aisa hi ho....Lekin abhi bhi usse chinta ho rahi thi ki kya sach me Rahul ke parents maan jaayenge....Iss baat ka jawaab to tabhi milega jab Rahul aur Nisha apne ghar pahuchenge.
