If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Kuch der tak buri tarah se rone ke baad Rahul ke dimaag me ek baat aaya aur ek aash....Wo utth kar baith gaya aur sochne laga.....
Rahul:- (In his mind) Kahi mai Nisha ke baare me galat to nahi soch raha.....Maybe wo Vijay ko sirf jaanti hai isse jyaada kuch nahi....Shit!!Mujhe puri baat sunna chahiye tha lekin jaldbaazi, gusse aur dard ke kaaran pehle hi waaha se nikal gaya....Aaj Nisha jab waapas aayegi tab usse pucch lunga Vijay ke baare me.....Nisha bhi na ...Mujhe kuch batati hi nahi.....Nahi Aditya ke baare me naahi kisi aur ke baare me....Koi baat nahi.....Aaj saari sawaal ka jawaab haasil karke rahunga....
Rahul abb bas yahi umeed kar raha tha ki Nisha sirf Vijay ko jaanti ho usse jyaada kuch nahi.....Halka sa dard aur halka sa Nisha ke saath baat karne ke liye bechaini me Rahul Nisha ka wait kar raha tha....Wo aaj apna har ek sawaal Nisha se pucchna chahta tha aur apna dil ki haal bataana chahta tha....
Ye intejaar bhi bahut kuch pal baad khatam hua.....Door par Nisha ki knocking ki aawaj aayi...
Rahul:- Kaun hai???
Pareshaani me bas itna hi bol paaya Rahul....
Nisha:- Mai hu Nisha....Mai tumhaara kabse market me wait kar rahi thi lekin tum nahi aaye....Aur phone bhi nahi lag raha....Khair ye baatein chhodo....Aur jaldi se garden me aa jaao...
Nisha ki aawaj me Rahul ke liye pyaar aur order dono tha.....Wo itna keh kar chali gayi garden me.....Aur khud ko mentally prepare karne lagi Rahul ko propose karne ke liye....
Kuch der baad Rahul bhi nikla apne room se aur garden ki taraf jaane laga....Lekin iss baar uske chehre me wo excitement nahi tha jo market me jaane se pehle tha.....Usko dar bhi lag raha tha Vijay ko itne dino ke baad waapas dekhna aur uska aur Nisha ke saath baat karna.....
Wo apna chehra me ek dar ka expression ke saath pahuncha garden me.....Jab Nisha ne Rahul ka chehra dekha usse to kuch samajh me nahi aaya ki achanak aisa kya ho gaya jis vajah se Rahul ka chehra itna utra hua hai.....Wo soch rahi thi ki shaayad koi pareshaani hogi....
Raat ka 8:00 pm baj raha tha.....Puri tarah se andhera chha chuka tha.....Chaand aur Sitaaro ki raushni, garden me thandi hawaa ka ped se takrakar jo aawaj aa rahi thi uss sab se garden ka najaara aur bhi sundar lag raha tha.....Nisha ne garden me pedo par pehle se hi bulb ka fitting kar chuki thi......Ab Nisha uska switch on karti hai tab pura garden me bulbs ki chamchamaati raushni chaa jaati hai....Nisha ne uss bench ko bhi bahut acche se sajaaya tha candles se.....Rahul garden ki iss sazaawat dekh ek pal ke liye apna saara pareshaani bhul gaya aur apni najre charo taraf daudaane laga.....
Nisha:- Kaisa hai ye sazaawat???
Nisha ne bahut hi pyaar se puccha...
Rahul:- Bahut accha....Lekin ye sab kis liye.....
Rahul ne Nisha ko dekhte hue ye sawaal puccha....
Nisha:- Aaj meri life ka ek special day hai....Bas ussi ke liye ye saari taiyaari kiya hai .....
Nisha Rahul se bahut hi pyaar se baat kar rahi thi aur Nisha ki har ek baaat ke saath Rahul khud ko guilty mehsoos kar raha tha ki wo Nisha par shak kar raha hai....
Nisha:- Rahul mai tumse kuch kehna chahti hu.....
Nisha se bhi abb raha nahi jaa raha tha....Wo bhi jald se jald Rahul ko apna dil ki haal bataana chahti thi.....
Rahul:- Ha kaho...
Rahul ko thoda hairaani ho raha tha ki aakhir Nisha usse kya kehna chahti hai....
Rahul:- Ha kaho....
Nisha:- Aise nahi.....Pehle tum apni aankhe band karo aur jab tak mai nahi kahu tum kholna mat....
Rahul ko samajh me to kuch nahi aa raha tha lekin wo bhi Nisha ke kahe anusaar apni aankhe band kar leta hai aur jaldi se Nisha usse jo kehna chahti thi wo sunne ke liye bechain ho gaya tha....
Nisha ek bada sa card apne haatho me lekar Rahul ke saamne aati hai....
Rahul ne jab apni aankhe kholi tab card me jo likha tha usse dekhkar uski aankhe fatti ke fatti reh ggayi....
Rahul ko aisa hairaan dekh Nisha kehti hai.....
Nisha:- Ha Rahul tumne sach padha.....Mai tumse bahut pyaar karti hu.....I love you Rahul so much....Pata nahi kab tum mere dil me bas gaye ....Pata nahi kab mai tumse pyaar kar baithi....Tumhaari inn acchayi, dusro ke liye accha sochna, kisi ke liye buraa na chahna, dusro ko respect karna, Imaandaari se apne life ko jeena aur na jaane bahut si baatein hai jo mujhe tumse pyaar karne par majboor kar diya....Apne Maa, Papa aur Nana ke baad tum hi ek insaan ho jisse mai pyaar karti ho aur bharosa kar sakti hu....Aur mai ye bhi jaanti hu ki tum bhi mujhse pyaar karte ho....Tumhaari aankho me acche se dikhata hai ye sab.....Aur picchle kuch din mai tumhe jaan bujhkar pareshaan karti thi....Sorry itna tadpaane ke liye....
Nisha ki baat sunkar Rahul bahut khus ho gaya....Ek pal ke liye to usse laga ki usse duniya bhar ki khusi mil gaya....Jo lafz wo Nisha ke munh se sunna chahta tha aaj wo sun liya.....Ek najar Nisha ki taraf dekha....Uski aankho me apne liye pyaar dekh wo control nahi kar paaya Nisha ke saamne jaane se....
Kuch kadam hi badhaaya tha usne ki kuch soch kar wo wo apni jagah par hi khada rehkar dusri taraf ghum jaata hai......Usse fir se Priya ka pyaar ka bewafaayi yaad aata hai.....Abb uske dil me pyaar ki jagah fir se shak tha....Wo sochne lagta hai....
Rahul:- (In his mind) Nahi nahi shaayad ye Vijay ka plan hai.....Nahi to Nisha mujhe kyu propose karti ....Fir se Priya waali chaal chal raha hai.....Mujhe pyaar me fir se paagal banana chahta hai wo.....Nisha jo itni din se mujhe propose nahi kar rahi thi aaj Vijay se milne ke baad wo bhi kar diya.....Mujhe Nisha aur uske pyaar se dur hi rehna chahiye.....
Rahul ka aise ruk jaana aur picche mudne se Nisha hairaan hoti hai....
Nisha:- Kya hua Rahul....Kyu ruk gaye????
Nisha ki fir pyaar bhari aawaj Rahul sunn nahi paata aur gusse se picche mud kar kehta hai.....
Rahul:- Band karo apni bakwass....Mai tumse koi pyaar nahi karta.....Aur aaj ke baad mere saamne kabhi mat aana.....
Rahul ka achaanak aise gusse se bolne se aur ye baat sunne ke baad Nisha ko vishwaas nahi ho raha tha....Wo bhi thoda shocked aur darte hue kehti hai.....
Nisha:- Rahul ye tum kya keh rahe ho.....Kahi majaak to nahi kar rahe....Please Rahul ye majaak karne ka vakt nahi hai....
Nisha ko Rahul ki baat par vishwaas nahi ho raha tha lein Rahul Nisha ki baato par aur bhi gusse se chilla kar kehta hai.....
Rahul:- Tumhe baat samajh nahi aata kya....Keh diya na mai tumse pyaar nahi karta aur tum jaisi ladki se pyaar karne ka soch bhi nahi sakta....Tum mera use karne ka soch rahi ho na....Iss liye pyaar ka naatak kar rahi ho....
Rahul bahut hi gusse me baat kar raha tha lekin sirf wo hi jaanta tha ki wo kitna tadap raha hai.....Rahul ka itna jyaada gussa dekhne ke baad Nisha ko abb yakin ho gaya ki jo Rahul keh raha hai wo sach me keh raha hai....
Nisha:- Ye kya keh rahe ho Rahul....Please aisa mat kaho.....Bahut pyaar karti hu mai tumse....Tumhaare binaa jee nahi paaungi....Tumhaara aadat sa ho gaya hai mujhe....Ek pal ki doori bhi bahut mushkil se kat ta hai....Agar mujhse kuch galti hui hai to please bataa do....Mai usse sudhaar lungi....Lekin please ye mat kaho ki tum mujhse pyaar nahi karte.....Aur tumhe aisa kyu lag raha hai ki mai tumhaara use kar rahi hu aur pyaar ka naatak kar rahi hu....
Nisha ne rote hue ye baat kahi.....Har baat ke saath uski aansu bhi badh raha tha.....Lekin Rahul ko Nisha ki aansu aaj dikhaayi nahi de raha tha....
Rahul:- Maine kaha na tumse tum apni bakwaas band karo.....Aur pucch rahi ho ki mujhe kyu lag raha hai tum mujhse pyaar ka naatak kar rahi ho....Maine sab dekh liya market me.....Tumhe aur Vijay ko baat karte hue dekha hai maine.....Maine tumpar yakin karke tumhe Vijay aur Priya ke baare me sabkuch bataa diya tha...Lekin mujhe ye nahi pata tha ki tum bhi Priya ki tarah hi niklogi....Vijay ne hi tumhe mujhse propose karne ke liye kaha hoga.....Aur tum meri haalat jaante hue bhi tumne aur Vijay ne fir se mere saath ye khel khela....Thak gaya hu mai abb.....Nahi hai taakat Vijay se ladne ki.....Jaakar usse keh dena mai haar gaya usse....Abb to mujhe chhain se jeene do....
Itna kehne ke baad Rahul bina Nisha ki baat sune waapas apne room me gaya aur door lock karke rone laga....Gussa aur aansu dono nikal rahe the Rahul ke chehre se.....
Nisha Rahul ki baat sun ek dam shocked ho gayi.....Ek chhoti si baat ka kitna bada matlab nikaal liya Rahul ne ye soch kar wo bench par baith kar jor se rone lagi.....Usko abb apna pyaar, uski life aur sab kuch khatam hota najar aa raha tha.
Pyaar karne se insaan ko jitna sukh milta hai usse kahi jyaada dukh pyaar tootne se milta hai.....Yahi dard Rahul dobaara mehsoos kar raha tha....Rahul ki haalat pehle jaise ho gaya tha jab Priya ne usse dhokha diya tha.....Wo thoda gussa aur bahut saari dard ke saath kehta hai.....
Rahul:- Bhagwan....Tum sach me ho ya nahi ye mujhe pata nahi tha.....Lekin aaj jo hua uss vajah se mujhe yakin ho gaya ki tum nahi ho....Tumhaara koi astitwa hi nahi.....Agar ho tab tum bahut bure ho....Bahut nirdayi ho.....Kya ye duniya me saccha pyaar karna gunaah hai.....Saccha pyaar kiya tha maine Nisha se....Lekin badle me kya mila dhokha aur bewafayi....Koi kaise kisi ke saath aisa kar sakta hai.....Mujhe laga wo bhi mujhse pyaar karti hai.....Uski aankho me aur baato se to yahi lagta tha....Ye sab kaise jhooth ho sakta hai....Nisha ne mere saath ye sab kiya aur tum sirf dekhte rahe.....Aaj ek baat to pata chal gaya ki duniya me pyaar naam ki chij hota hi nahi....Raj bhaiya bilkul sach kehte the....Lekin mai pyaar me andhaa ho kar unki baat nahi maani.....Bas isi baat ka saza mil rahi hai.....
Tum bhi Vijay ki tarah yahi chahte ho na ki mai toot kar bikhar jaau......Nahi mujhe kitna bhi dard de do haste hue seh lunga.....Kitna bhi andar se todne ki koshish karo thoda sa bhi nahi bikharunga.....Pyaar me chahe jitna bhi bewafayi mile apni jindagi khatam nahi karunga....Itna himmat to mujhe Priya ke saath bewafaayi milne ke baad to mil hi chuka hai.....bb apni zindagi me fir se aage badhunga aur picche mud kar nahi dekhunga......
Rahul ne ye baat thaan to liya lekin usse hi pata tha ki uski dil ko kitna dard pahuncha hai.....Wo abhi kuch sochne samajhne ki haalat me nahi tha.....Wo aise hi bed par lait kar aansu bahaata raha aur usse hi pata nahi chala ki kab wo so gaya.....
In Nisha's Room
Nisha bhi apni room me jaise taise aa gayi.....Uski aankho me aansu the.....Aur wo aansu bayan kar rahe the ki kitna dard hai Nisha ke dil me....Usse to bilkul bhi yakin nahi ho raha tha jo kuch der pehle hua.....Kitne hasin sapne dekhe the Nisha ne Rahul ke saath aane waale din me....Lekin Rahul ki ek galatfehmi ne saare sapne todd diye....Wo bahut jor se ro rahi thi aur khud se hi bol rahi thi....
Nisha:- Ye kya hua mere saath bhagwaan....Har baar aisa hi kyu hota hai mere saath....Koi mujhse pyaar nahi karta.....Laga tha ki Rahul mujhse pyaar karta hai.....Usko aaj apne dil ki baat bhi bataayi....Lekin Rahul ne ek dam se manaa kar diya.....
Aur keh raha tha ki mai usse dhokha de rahi hu.....Rahul mai tumse saccha pyaar karti hu....Aakhir kaise samjhaau tumhe.....Ek baar to meri baat sunn lete....Tumne jo bhi dekha usse tumhe galatfehmi hua hai....
Nahi aise rone se kuch nahi hoga.....Mujhe kuch karna hoga isse pehle ki ye galatfehmi aur badh jaaye....Mai Rahul ko kal fir se samjhaaungi......Usse meri baat sunna hi hoga.....
Itna keh kar Nisha chup ho jaati hai.....Abb wo apne aansu poncch leti hai.....Aur kal Rahul ko saari baat samjhaane ki baat thaan leti hai.....Usse pura yakin tha ki Rahul uski baat jarur sunega.....Bas abb usse kal ka intejaar tha....
Kuch der baad Nisha bhi so jaati hai.....
Next Day
Nayi subah ka suruwaat ho chuka tha.....Lekin Rahul ka jindagi ka subah abhi nahi hua tha.....Wo to abhi bhi andhera me dooba hua tha jisse usne khud hi banaya tha.....Wo bahut dukhi aur pareshaan tha....Usse kuch samajh me nahi aa raha tha ki kya kare....Baithe baithe dil ro raha tha Nisha ki yaado me .....Wo bhi kahi na kahi ye baat jaanta tha ki wo Nisha ke baare me galat soch raha hai.....Lekin apni aankho se jo dekha tha wo galatfehmi uske upar iss kadar haaei ho gaya tha ki wo Nisha ke upar shak karne par majboor ho gaya tha.....Usko abb ye flat me rehna abb accha nahi lag raha tha.....Wo Nisha aur uski parchaayi se abb dur jaana chaahta tha.....Filhaal to wo jaldi se ready ho gaya aur college ke liye nikal gaya....
College me pahunch to gaya lekin aaj usse padhne ka man nahi tha....Wo sar jhukaa kar apni jagah baith jaata hai....Uska chehra dekh koi bhi ye bata sakta tha ki wo kitna dukhi hai.....
Lunch ki time me sabhi dosto ne usse pucch hi liya ki kya vajah hai jo wo itna dukhi hai.....Suru me kuch naatak to kiya Rahul ne......Lekin dosto ki jorr dene par bata hi diya apni bewafaayi ki kahaani....
Rahul ki dosto ko bhi bahut dukh hua uski baat sun kar.....Aditya aur Raju ko chhod kar....Sabhi dost usse jitna ho sake utna samjhaaate hai aur aage badhne ka salaah dete hai.....
Baaki ki lectures bhi issi tarah kat jaata hai....Rahul chahr jitna bhi aage badhne ka koshish kyu na kare lekin pyaar ka dard itni aasani se kam nahi hota.....Kuch pal ya kuch din tak insaan ko bahut kamjor aur akela sa bana hi deta hai......College chhuti hone ke baad Risabh aur Arjun usse ek baar fir baat karke apne ghar jaate hai....
Aditya aur Raju abhi apna ghar nahi gaye.....Itna accha mauka thodi na chhod sakte the....Wo dono jaise taise Rahul ko college ki ek kone me le jaate hai aur Nisha ke baare me apni jhutthi kahaani sunaane lagte hai....
Rahul to pehle hi Nisha ke baare me galat soch raha tha....Aur upar se Aditya ne jo kaha aur jis tarah se kaha usse Rahul ko bhi laga ki Aditya sach keh raha hai....Abb Nisha ke liye uska gussa aur nafrat aur badh gaya......Galatfehmi Rahul par iss kadar haawi ho gaya tha ki Rahul ko ye bhi pata nahi chala ki usne kitna bada kameena insaan par vishwaas kiya hai....Wo iss baat se puri tarah anjaan tha ki aane waale din me wo iss vishwaas ke kaaran kitna pacchtaane waala hai.....Jab aankh khulegi to shaayad kahi der na ho jaaye....
Aditya to apna plan me laghbhag safal ho hi gaya tha.....Abb wo apna aakhiri hatthiyar ka istemaal karne ka soch raha tha.
Jab Rahul ne Nisha ko bahut der se chup dekha tab wo fir se bola.....
Rahul:- Abb chup kyu ho gayi....Bol na tu Aditya ko jaanti hai ya nahi....
Rahul ne apna sawaal dohra kar puccha.....Usko to pata tha ki Nisha Aditya ko jaanti hai par wo ye sab Nisha ke munh se sunna chahta tha.....Nisha ne bhi socha abb der karna accha nahi hoga.....Aur usne kaha.....
Nisha:- Ha mai jaanti hu Aditya ko....Aur yakin karo ki mai tumhe sab kuch bataana chahti thi lekin kabhi mauka hi nahi mila....
Nisha aage aur bhi kehna chahti thi lekin Rahul ne uski baat bich me hi kaat kar kaha....
Rahul:- Sab pata chal chuka hai mujhe.....Abb kuch bataane ki jarurat nahi.....Tum aisi niklogi ye kabhi socha nahi tha maine....Kya socha tha tumhaare baare me aur kya nikli tum....
Rahul itna keh kar gusse se apne room ki taraf badhne laga.....Lekin fir se Nisha ki aawaj ne usse rok diya....
Nisha:- Rahul pehle meri baat to suno.....Mujhe pata hai Aditya ne tumhe kya kaha hai....Lekin wo sab jhuth hai....Ek baar meri baat to suno....
Nisha ne laghbhag gidgidaate hue kaha.....Lekin aaj Rahul par iska koi asar nahi pada.....Aaj usse Nisha ki haalat ka bhi koi parwaah nahi tha....Usne picche mud kar Nisha ki taraf gusse se dekha aur kaha....
Rahul:- Apni gandi jubaan se mera naam fir kabhi mat lena....Aur mai pehle hi keh chuka hu ki mai saari sachchayi jaanta hu aur kuch nahi sunna chahta.....Aur ek aakhiri baat bhi sun lo.....Tum mera gussa pehle bhi dekh chuki ho....Lekin tum ye nahi jaanti ki mera gussa kitna khatarnaak hai......Aur fir se mujhe bulaaya yaa fir pareshaan kiya to dikha dunga mera gussa kya hai.....
Abb kuch hi months baaki hai meri exams ka .....Uske baad mera study bhi complete ho jaayega aur mai iss manhoos jagah ko chhod kar hamesha ke liye chala jaaunga.....Tab tujhse chhutkaara bhi mil jaayega.....Lekin jab tak yaha hu tab tak mujhse baat karne ka himmat bhi mat karna.....
Rahul ne bahut gussa aur nafrat me kaha.....Aur ye keh kar Rahul apne room me chala gaya.....Iss baar Nisha ka himmat nahi hua Rahul ko rokne ka......Wo wahi niche baith kar kuch der tak roti rahi.......Pehla pyaar toot jaane ka dard kya hota hai wo Nisha abb mehsoos kar rahi thi.....Bas bhagwan se ek hi baat pucch rahi thi ki "Aakhir maine kya galat kiya tha jo mujhe ye saza mil raha hai"......
Rahul ne bhi ek baar window se Nisha ki taraf dekha.....Nisha ki aansu bhi aaj usse jhootha lag raha tha.....Wo soch raha tha ki apne plan bigad jaane ki vajah se ro rahi hai......Aur Rahul Nisha ko ignore karte hue apne bed par aakar baith gaya....Usko bhi accha nahi lag raha tha.....Saccha pyaar baar baar tootne se kya dard hota hai wo koi Rahul jaise insaan se pucch le.....
Iss baar bhi Rahul laghbhag wahi haalat me pahunch gaya tha jab pehli baar Priya ne usse dhokha diya tha....Uss vakt to Rahul utna matured nahi tha aur tut sa gaya tha......Aage kya karna hai, kaise ye dard sehna hai aur aage kya hoga ye baatein usko sataati thi......Chaah kar bhi Priya ko bhulaa nahi paa raha tha.....Raj hi tha uss vakt jisne usko aage badhne me madad kiya tha aur baad me uski life me Nisha ke aa jaane se wo sambhal gaya tha lekin abb Rahul ka fir se wahi haalat ho gaya tha.....
Lekin iss baar Rahul pehle jaisa kamjor nahi tha.....Usne decide kar liya ki abb wo apna life ye jhuttha pyaaar me kabhi waste nahi karega.....Usse aage badhna hi hoga.....Issi me uska aur uska family ka bhala hai....."Kya jhuttha pyaar apne maa baap ka saccha pyaar se bada hai jo mai bas issi baat ko soch kar tadap raha hu"...."Kab tak mai yahi bakwass baatein soch kar khud ko aur taklif deta rahunga"....."Nahi mai aage badhunga"....."Isme meri koi galti nahi hai Nisha ne mere saath bewafaayi kiya, issme mera kya galti, saara galti ussi ka hai"...."Abb mujhe apne kaam par dhyaan dena chahiye......Kuch months baad exams hai......Accha marks laana hai mujhe.....Aur uske baad Nisha se dur chala jaaunga."......Rahul yahi soch raha tha aur usne decide bhi kar liya......
Abb vakt dhire dhire bitne laga......Rahul Nisha ko ignore karta raha.....Lekin apne dil se nahi nikaal paa raha tha......Kabhi kabhi Nisha ke saath bitaaye unn pyaar bhare palon ki yaad Rahul ko aa jaata to na chaahte hue bhi uske hottho me muskuraahat aa jaata.....Lekin agli hi pal Nisha ki bewafaayi soch saari feelings ko maar deta.....Dil baar baar kehta tha ki Nisha bewafa nahi ho sakti lekin dimaag ye baat nahi maanta.....Aur har baar jeet dimaag ka hi hota hai......Kabhi kabhi to Rahul fraustrated bhi ho jaata ki kyu wo baar baar Nisha ke baare me sochta hai.....Kyu uski muskuraata hua chehra ki na chahte hue bhi yaad aa jaata hai.....Lekin bechare ko pata nahi dil aur dimaag par kisi ki kaabu nahi hota......
Udhar dusri taraf Nisha pal pal mar rahi thi Rahul ka aise ignore karne se.....Wo Rahul se baat karna chahti thi, Rahul ko samjhaana chaahti thi lekin Rahul har baar usko ignore karta tha.....Abb Rahul kabhi garden me aata bhi nahi tha.....Bahut kam mulaakat ho raha tha Rahul aur Nisha ka.....Aur jab bhi Rahul ka najar Nisha ke upar padta Rahul ki aankho me nafrat aur gussa hi hota tha.....Jab bhi Nisha Rahul se baat karna chahti thi Rahul ki aankho ka gussa dekh uski saari himmat gaayab ho jaata....Thoda dar bhi lagta tha ki Rahul gusse me kuch ulta sidha na karde....Rahul ka gussa pehle hi wo dekh chuki thi.....
Nisha har pal tadapti thi Rahul se baat karne ke liye , usse samjhaane ke liye lekin wo kuch kar nahi paayi....Abb uska chehra ek dam se murjhaa gaya tha aur aankho me aansu ki lakeer hoti thi.....Lekin dil me ek umeed bhi tha ki ek din Rahul uski baato ka yakin karega....Aur usse pyaar bhi karega......Nisha ko bas ussi din ka intejaar tha....Umeeed thoda kam tha lekin khatam nahi hua tha.....
Riya ne kai baar Nisha se uski iss haalat ke baare me puccha.....Lekin Nisha har baar manaa kar deti thi sach bataane se.....Kisi tarah baat ko taal deti thi.....Riya ko shak ho gaya tha ki koi badi baat hai jo Nisha usse chupa rahi hai......
Udhar Raj ko bhi Rahul par shak ho gaya tha ki kuch to hua hai jisse Rahul fir se badal gaya hai aur hamesha chhidha hua rehta hai.....Lekin jab bhi Raj usse kuch pucchta to Rahul baat ko taal deta yaa fir gusse me Raj ko bahut kuch sunaa deta tha.....
Lekin jhuthh kab tak chhup sakta hai....Ek din Riya ne Nisha ke munh se sachaayi ugalwa hi liya.....Nisha ne bhi Riya ko saari baat bata diya aur Riya ne bhi usko yakin dilaaya ki wo kuch karegi aur Rahul ko sachaayi ka pata jarur chalega......
Nisha se baat jaan ne ke baad Riya ne Raj ko saari baat bata diya.....Suru me to Raj ko Rahul par bahut gussa aaya ....Lekin ye time gussa karne ka nahi tha.....Uske baad Raj aur Riya dono ne decide kiya ki wo dono kal Rahul ke flat me jaayenge aur Rahul ko samjhaayenge....
Dusre din dono hi subah Rahul ke flat me pahunch gaye.....Jab Rahul ne itna subah Raj ko dekha tab usse kuch shak hua ki Raj kis baare me baat karne aaya hai aur ussi tarah khud ko prepare kar liya Raj ki sawaalon ka jawaab dene ke liye....
Rahul:- Bhaiya aap yaha itni subah???
Raj:- Ha...Kuch jaruri baat karna hai tujhse.....
Raj ki baat se pata chal raha tha ki wo Rahul se kitna naraaj hai.....Lekin Rahul ko isse kuch bhi fark nahi pada.....Wo bas Raj ki aane waale sawaal ka intejaar kar raha tha...
Raj, Riya aur Rahul abhi garden me baat kar rahe the.....Riya aur Raj ko dekh Nisha bhi niche aa gayi dil me ek umeed lekar ki sab kuch thik ho jaayega......Lekin usse pata nahi tha ki Rahul ka galatfehmi baat ko aur bhi bigaad dega.
Rahul:- Ha kahiye....Kya jaruri baat karna hai aapko jo subah subah aa gaye????
Rahul ka mood off ho gaya tha Nisha ko dekh kar.....Usko andaaza ho gaya tha ki Raj Nisha ke baare me hi kuch kehne aaya hai.....Aur thoda sa gussa aur thoda fraustration me usne Raj se iss tarah se sawaal pucchaa....
Raj ke saath saath Nisha aur Riya bhi shocked ho gayi Rahul ko aise baat karta dekh kar.....Raj ne bhi khud ko sambhaala aur Rahul se kaha.....
Raj:- Mujhe Nisha ke baare me baat karna hai.....
Raj ke baat sunne ke baad Rahul ek baar Nisha ki taraf dekhta hai aur fir Raj ki taraf dekh kar gusse me kehta hai.....
Rahul:- Mai iske baare me sunna to nahi chahta lekin ek baar sunn hi leta hu ki aap kya kehna chahte hai????
Rahul ki baat sunne ke baad Raj bina der kiye Rahul ko samjhaane lagta hai.....
Raj:- Bhai baat ko samajhne ki koshish kar.....Tujhe galatfehmi hua hai.....Tu galat soch raha hai Nisha ke baare me.....Wo sach me tujhse pyaar karti hai.....Please bhai ek baar Nisha ki baat to sunle.....
Raj itna keh kar chup ho gaya aur Rahul ki taraf dekhne laga.....Usko yakin tha ki Rahul uska baat jaroor maanega.....
Rahul:- Sabse pehle to aap ye bataao ki aap pyaar jaisi baaton par kab se yakin karne lage????Aap ko to pyar se hamesha chidh tha aur aap usse dur bhaagte the.....Aur aapko kaise ek dhokhebaaz ladki ki pyaar par yakin ho gaya ki wo mujhse pyaar karti hai.....Aap nahi jaanti isne mujhe kya dhokha diya hai????Mai wo bata kar aapko pareshaan nahi karna chahta.....Bas aap itna samajh lo ki ye ladki dhokebaaz hai.....Jaroor iss ka hi kaam hoga ek raat me aapko apne jaal me fasa kar jhuthi kahani suna kar mere pass bhej diya mujhe samjhaane ke liye....
Itna keh kar Rahul Nisha ki taraf fir se gusse se dekhne laga.....Nisha ki dil ko Rahul ki har ek baat chot pahuncha raha tha.....
Raj:- Nahi bhai.....Mai bahut pehle se jaanta hu Nisha tujhse pyaar karti hai....Iski aankho me dikhta hai ye sab......Kal raat Riya ne mujhe bataaya baat kya hai.....Bhai Nisha ne tujhe koi dhokha nahi diya.....Nisha bas Vijay ko jaanti hai ye baat mai bahut pehle se jaanta hu......Maine hi roka tha Nisha ko tujhe ye sab bataane ke liye....
Raj Rahul ko samjhaane ki bahut koshish kar raha tha lekin Rahul sunne ko taiyaar hi nahi tha......Uska mentality hi kuch iss tarah ho gaya tha ki wo bas yahi maan raha tha ki Nisha ne usse dhokha diya hai.....
Rahul:- Bhaiya aap jhutth bahut accha bol lete ho......Aapko lagta hai ki Nisha ne koi galti nahi kiya hai iss liye jhuth bol kar ek mauka dena chahte ho......Lekin aap mera yakin karo iss ladki ko chahe jitna mauka de do lekin ye nahi sudharne waali....
Rahul samajhne ko taiyaar hi nahi tha.....Aur Rahul ki iss baat par Raj ko gussa aa gaya aur gusse me wo bola.....
Raj:- Chup.....Bahut ho gaya tera bakwass......Ek baar me baat samajh me nahi aata tujhe.....Kaha na Nisha ne koi galti nahi kiya hai.....Galti to tujhse hua hai.....
Jo Nisha ki baat par yakin nahi kar raha....Pyaar ke liye vishwaas chahiye.....Bina vishwaas ke pyaar tik nahi paata .....Agar tune Nisha se sach me pyaar kiya hota to ek baar uss par bharosha karta....Lekin nahi tujhe to uss par vishwaas hi nahi aur apni galti bhi nahi dekh paa raha.....Ek din tujhe ye baat samajh me aa jaayega lekin bahut der ho jaayega.....Ek aur baat sunn le tu Nisha ko deserve nahi karta....
Raj ne to gusse me keh diya lekin wo ye baat bhul gaya ki Rahul ka gussa usse bhi khatarnaak hai.....Jaise hi Raj chup hua Rahul ne bhi apna jawaab gusse me diya.....
Rahul:- Bas bahut hua.....Koi mujhse chilla kar baat kare ye mujhe pasand nahi.....Chahe wo aap hi kyu na ho......Aur ye vishwaas ka bhaasan kisi aur ko dena.....
Mai maanta hu ki mujhe Nisha par koi vishwaas nahi lekin isne kya kiya aur aapne kya kiya......Aap dono ne bhi to mera bharosha toda hai......Aap Vijay aur Nisha ke baare me jaante the lekin mujhe bataaya aapne.....Nahi ye jaante hue bhi nahi bataaya ki Vijay mera kitna bada dushman hai......Aur Nisha ne kya kiya......Ye Vijay aur Aditya dono ko jaanti thi.....Lekin isne mujhe nahi bataaya .....Kitna baar maine Nisha se puchha tha ki kya wo Aditya ko jaanti hai.....Lekin ek baar bhi isne mujhe kuch nahi bataaya.....Aap hi kehte thhe na ki pyaar me bharosha aur vishwaas chahiye.....Abb bataiye Nisha ne ye sab na bataaa kar mera bharosha toda hai yaa nahi.....Agar bata deti to iska kya bigad jaata.....Lekin nahi ye dhokebaaz kyu bataayegi mujhe.....
Aur aakhiri baat abb mai iss baare me baat nahi karna chahta......Aur mera aakhiri faisla ye hai.....Abb aap sab jaa sakte hai......
Rahul ki baat sunn kar sab shocked ho gaye.....Kisi ko ye umeed nahi tha ki Rahul Raj se iss tarah se baat karega......Abb Raj ko yakin ho gaya ki wo Rahul ko kisi bhi keemat par nahi samjhaa sakta ....Usne haar maan liya aur chup ho kar apni jagah par khada raha....Riya aur Nisha bhi kuch nahi boli.....
Rahul ek najar fir sab par ghumaa kar waapas jaane laga.....Tabhi picche se daud kar Nisha Rahul ke aage pahunch gayi aur Rahul ka raasta block kar diya.....Abb fir se sab Nisha ki iss harkat par shocked ho gaye....
Rahul fir se gusse waali najar Nisha par daal kar kehta hai....
Rahul:- Maine kaha na mujhe tumse koi baat nahi karna aur mai tumse pyaar nahi karta.....Abb behtar yahi hoga ki tum raasta chhodo.....
Nisha:- Abb mai tumhe manaane ke liye nahi aayi hu.....Abb mujhe khud ko prove nahi karna.....Tum yakin karna hi nahi chaahte to mai tumhe samjhaa bhi nahi sakti.....Bahut keh diya tumne mujhe dhokebaaz aur bewafa......Abb mai ye sab nahi sunn sakti.....Tumse pyaaar kiya tha iss liye sochti thi ki tum mujhse naraaj ho aur apna naraajgi dikhaa rahe ho.....Aur mai har baar tumhaari kadwi baatein sunn leti thi aur kuch nahi kehti thi......Mai tumse pyaar karti hu iska matlab ye nahi ki tum jo kahoge mai wo sabb sun lungi.....Aakhir mera bhi aatmasamaan hai, izzat hai......Koi iss tarah mera beizzati kare ye mujhe pasand nahi.....Tumse pyaar karti thi iss liye ye sab ko ignore kar rahi thi lekin tumne to galat matlab nikaal liyaa.....Tumhe kya lagta hai agar tum mujhe chhod doge to mai tumhaare saamne gidgidaaungi ya marr jaaungi.....Lekin tum galat ho Maa baap ka pyaar khone ke baad bhi mai nahi tuti hu to tumhaara pyaar khone ke baad bhi nahi tutungi......Jindagi bhar bahut mushkilon ka saamna kiya hai aur ye bhi kar lungi.....
Ha pehla pyaaar bhulaana aasan nahi hota....Aur wo bhi sachha pyaar wo to bahut mushkil hota hai.....Lekin mai bhi abb aage badhne ka soch chuki hu.....Kitna time 2 din, 2 hafte, 2 mahine yaa 2 saal kitna time chaahe kyu na lage ek din tumhe bhul jaaungi aur ye yaadon ko ek buraa sapna samajh kar bhul jaaungi.....Chalo tumhaara iccha puraa kar deta hu.....Ye mera pyaar ka gift hai tumhaare liye.....Aaj se mai tumhaari life me kabhi nahi aaungi aur tumhaara bhi mera life me koi jagah nahi hai.....Jaanta hu tum kabhi mud kar mujhe nahi dekhoge aur dekhna bhi mat.....Abb tumhe kabhi nahi apnaaungi mai.....Aaj se hamaara raashta alag aur pyaar khatam......
Tumhe mere baare me jo bhi sochna hai soch lo......Dhokebaaz, Vishwaas ghaati, Bewafa ya kuch aur jo naam dena hai de do.....Ye baat yaad rakhna ki tumne Aditya se dosti kiya hai.....Aur uski baat par yakin kar rahe ho.....Kuch din baad tumhe pata chalega wo kitna kameena hai.....Uss din tumhe pata chalega tumne kya galti kiya hai .....
So its all over Mr. Rahul.....Wish you all the best for your future.
Nisha ne khud ko majboot karke ye sab kaha.....Bas Nisha hi jaanti thi ki kitna dard hua hai usko ye sab kehne me.....Andar se wo ro rahi thi lekin baahar wo kisi ko nahi dikhaa rahi thi.....Jab usne apni baat keh di wo daud kar apne room me chali gayi aur door lock karke bed par gir kar rone lagi.....Lekin usne decide kar liya tha abb wo nahi tootegi aur aage badhegi.....
Rahul ko Nisha ki baat ne sochne par majboor kar diya.....Lekin Rahul gusse aur nafrat me iss baat ko ignore kar apne room me chala gaya.....Lekin wo nahi jaanta tha ki usne kya galti kiya hai.....Baad me wo iss galti se bahut pacchtaane waala hai.....
Abb baahar sirf Raj aur Riya the....Dono khaamosh the.....Aur iss khaamoshi ko tod kar pehli baar Riya boli.....
Riya:- Raj please kuch karo.....Iss tarah se to dono alag ho jaaayenge....
Riya ne apni chinta jatate huye kaha....
Raj:- Kya kahu mai Rahul ko....Aur kya kar sakta hu......Wo meri baat samajhna hi nahi chaahta.....Mai kuch nahi kar sakta....Ha lekin Nisha ke liye dukh ho raha hai.....Bina galti ke uske saath ye sab ho raha hai....Aur mai khada ho kar bas dekh hi sakta hu lekin kuch nahi kar sakta......
Raj ne bhi dukhi ho kar kaha....
Riya:- Kyu kuch nahi kar sakte......Tum Rahul ke bhaiya ho.....Uspar kuch to hak hai tumhaara......Ek thappad maar kar samjhaao.....Wo jarur samjhega......Lekin koshish to karo....
Riya ne jaise hi apni baat kaha Raj Riya ko dekh kar dard me bhi haste huye kaha.....
Raj:- Tumhe kya lagta hai aisa karne se Rahul samajh jaayega....Tum usse nahi jaanti.....Agar maine usse ek thappad maara to wo mujhe do thappad maarne se picche nahi hatega.....Lekin wo baat nahi samjhega....
Riya:- To tum Rahul se darte ho????
Riya ne thoda gussa me Raj se puccha....
Raj:- Nahi darta nahi hu......Lekin fight karne se kya hoga......Chaahe wo jite yaa haare wo nahi samjhega.....Fir bekaar me aisi fighting ka kya matlab.....Isse to baat aur bigad jaayega....
Riya bhi Raj ki baat samajh gayi....
Riya:- To kya abb Rahul aur Nisha hamesha ke liye alag ho jaayenge....
Raj:- Pata nahi.....Jab tak Rahul ka galatfehmi dur nahi ho jaata tab tak Rahul Nisha se aise hi nafrat karta rahega.....Aur abb to Nisha ne bhi usse apna rishta tod liya.....Shaayad dono hamesha ke liye alag ho jaayenge..
Rahul apne andar itna dard mehsoos kar raha tha ki usse ye tak pata nahi chala ki usne Aditya se kya keh diya hai aur ye kitna ghaatak saabit ho sakta hai.....
Aditya Rahul ko aisa dekh bahut khus ho gaya lekin wo show nahi kar raha tha.....Aur naatak karte huye ye dikhaaya ki wo Rahul ki baat sun kar bahut dukhi ho gaya hai aur suru kiya apni jhutthi kahani Rahul ko sunaana.....
Aditya:- Bahut dukh hua yaar teri baat sun kar.....Meri hi galti hai....Mujhe tujhe pehle hi Nisha ki assliyat bata dena chahiye tha....Kabhi socha nahi tha baat itna badh jaayega.....Rahul tune mujhse puccha thaa na ki mai Nisha ko jaanta hu ki nahi.....Pehle to maine jhuth kaha tha yaar ki mai usse nahi jaanta.....Lekin mujhe lagta hai aaj tujhe sachaayi bata dena chahiye.....Ha mai jaanta hu Nisha ko aur wo bhi bahut pehle se.....
Aditya ko yahi sahi mauka laga Rahul aur Nisha ke bich galatfehmi paidaa karne ka.....Rahul bahut shocked ho gaya tha Aditya ki baat sun kar.....Aur Rahul ka chehra dekh Aditya ko lagne laga ki wo apne plan me kaamyaab ho raha hai.....
Rahul:- Ye baat to mai pehle se jaanta tha ki tum dono ek dusre ko jaante ho.....Aur tu kiss assliyat ki baat kar raha hai????
Rahul apni dukh me bhi ye sawaal pucchne se khud ko nahi rok paaya....Wo Nisha ke baare me jaane ke liye bahut utshuk ho gaya tha....
Aditya:- Jab mai 12 me padhta tha tab se hi jaanta hu mai usse......Usne mujhe bhi teri tarah dhokha diya tha yaar pyaar me.....Meri bhi haalat tera jaisa hi ho gaya tha......Raat din rota rehta tha yaar uski yaad me.....Bahut manaane ki koshish kiya usse lekin wo nahi maani.....Usne to pehle hi mujhe dhokha dene ka soch liya tha to kaise maanti.....Baad me pata chala ki uska bahut ladko ke saath chakkar hai....Tune pehle kaha tha na ki wo kisi ladke se baat kar rahi thi.....Abb to samajh gaya hoga na....
Aditya ne iss tarah emotional hokar kaha ki koi bhi uski baato ka yakin kar leta.....Rahul ko to pehle hi Nisha ke baare me galatfehmi ho gaya tha aur Aditya ki baat sun kar abb usse yakin bhi ho gaya.....Kuch pal ke liye saara dard gaayab ho gaya aur uski jagah gussa ne le liya.....Usne achanak se Aditya ka collar pakad liya aur gusse me bola.....
Rahul:- To mujhe bataya kyu nahi....Kyu tune mujhse ye baat chupaaya.....Taaki aaj mai ye din dekhu.....Tu dost hai ya dushman....
Itna keh kar Rahul kuch pal ke liye chup ho gaya aur fir dard bhari aawaj me kaha....
Rahul:- Agar tune bata diya hota tab mai Nisha se dur rehta yaar.....Uske kareeb kabhi nahi jaata....Jab maine tum logo ko kaha ki mai Nisha se pyaar karta hu tab to samjha sakta tha na....Tujhe nahi pata yaar kitne mushkil se maine pyaar waali feelings ko nikaala tha apne dil se.....Pata nahi kaise fir se Nisha se pyaar ho gaya aur aaj ye din dekh raha hu....
Jab Rahul ne Aditya ka collar pakda tha tab kuch pal ke liye to Aditya dar hi gaya tha.....Lekin dhire dhire apna plan aur kaamyab hota najar aane laga....Wo fir se emotional hokar kehta hai....
Aditya:- Mujhe fir se galatfehmi ho gaya tha yaar.....Jab tune tera aur Nisha ka pyaar ke baare me kaha to mujhe laga ki Nisha badal gayi hogi.....Bahut taarif kiya tha Nisha aisi hai waisi hai ....Isse mujhe laga ki Nisha bhi tujhse pyaar karti hai.....Issliye maine tujhe Nisha ke baare me kuch nahi bataya ..... Mai nahi chahta ki meri vajah se tum dono ki pyaar tut jaaye....Lekin mujhe kya pata Nisha tujhe bhi dhokha de degi......Mujhe to bahut pehle hi tujhe Nisha ke baare me bata dena chahiye tha jab tu aur Nisha saath rehte the......Lekin mujhe laga ki tu mera yakin nahi karega....
Maaf karde yaar meri galti ki vajah se ye sab hua aur tera dil bhi toota....
Rahul Aditya jo keh raha tha sab aankh band karke vishwaas karte jaa raha tha....
Rahul:- Nahi yaar teri koi galti nahi hai.....Galti to meri hai.....Hamesha galat ladki se pyaar kar baith ta hu yaar....Iss baar bhi yahi hua....
Iske baad Rahul dukhi hokar ek bench par baith gaya.....Raju bhi usse samjhaana chahta tha lekin Rahul ne saaf mana kar diya usse bolne se.....Aditya ne uske saath emotional support ke bahut dikhaawa kiya.....Abb Rahul ko Aditya par firse vishwaas ho gaya ...... Kuch der baad Aditya ne apna aakhiri hathiyar ka istemaal karne ka socha.....
Aditya:- Iss liye mai tujhe Nisha se badla lene ke liye kehta tha yaar....Abhi bhi der nahi hua...Ham milkar abhi bhi Nisha ko sabak sikhaa sakte hai....
Rahul:- Nahi yaar....Mai aisa nahi karunga.....Agar ye kar diya to mera pyaar ka apmaan hoga....Maine to uss se saccha pyaar kiya tha ..... Usne dhokha diya to iska matlab ye nahi ki mai usse badla lunga.....Agar usse badla liya to uss me aur mujh me koi fark nahi rahega.....Aaj ke baad usse baat nahi karunga aur naahi uski taraf dekhunga.....Jaisi marji wo jiye mujhe usse koi lena dena nahi....
Rahul ne saaf jawaab de diya....Aditya ko iss baat par bahut gussa aaya lekin usne apne gussa ko kaabu kar ek aur baar Rahul se kaha.....
Aditya:- Rahul tu sirf apne baare me soch raha hai.....Agar usko aise chhod diya to pata nahi wo kitne ladko ki life tabaah kar degi.....Usse rokna hoga yaar....
Aditya ko yakin tha ki Rahul iss baar uska baat jarur maanega lekin wo fir galat nikla....
Rahul:- Nafrat si ho gayi hai yaar mujhe Nisha se....Abb uske liye meri life me koi jagah nahi aur uske life me mere liye.....Karne de usko jo karna hai ....Jab paap ka ghada bhar jaayega to usse uska saza mil jaayega.....
Aditya ko abb yakin ho gaya ki Rahul kisi bhi kimat par ye nahi karega.....Abb jyaada force karne se kuch nahi hoga....Uske liye to yahi bahut tha ki Rahul aur Nisha ka breakup ho gaya.....
Aditya:- Bhai tu apne room me jaa yaar....Bahut thak gaya hoga yaar .....Jaa kar araam kar aur life me aage badhne ki koshish kar yaar.....
Aditya ko Rahul se jo chahiye tha wo mil gaya.....Abb jhuthi dosti ka sahaara lekar usne Rahul ka bharosha jeet liya....Rahul abb kuch bolne ki haalat me nahi tha.....Ek baar fir dil me dard aur gussa lekar chal pada wo apne flat ki taraf....
Jab wo apne flat me pahuncha to Nisha ko saamne dekhta hai.....Nisha bahut der se uska hi intejaar kar rahi thi....Nisha ko dekhte hi Rahul ko Aditya ki baat yaad aa gaya.....Ek baar fir uske chehre me gussa aaya jisse dekh Nisha dar gayi....Lekin Rahul kuch kahe bina apne room ki taraf jaane laga lekin nisha ki aawaj se ruk gaya.....
Nisha:- Rahul please ruko.....Mai tumse kuch kehna chahti hu.....
Rahul Nisha ki aawaj sun picche mudd kar Nisha ko gusse se ghoorta hai lekin kuch nahi bolta....
Nisha:- Rahul tumhe galat fehmi ho gaya tha kal.....Please ek baar meri baat suno mai tumhe sab kuch batati hu.....
Nisha ne himmat kar gidgidaate huye kaha....
Abb Rahul ka gussa uska control me nahi raha....Wo bahut gusse ke saath abb kehta hai....
Rahul:- Ha galat fehmi to mujhe pehle hua tha jo tujh par vishwaas kiya....
Rahul ka gussa dekh ek pal to Nisha ka saara himmat gaayab ho gaya.....Lekin wo haar nahi maan sakti....Jaise taise khud ko sambhaal kar fir se kaha......
Nisha:- Rahul please....
Nisha ne bas itna hi kaha tha ki Rahul ne usko bich me hi kaaat kar kaha.....
Rahul:- Tu Aditya ko jaanti hai na.....
Rahul ne bas itna kaha tha ki Nisha ka chehre se paseene nikalne laga.....Usko abb bahut dar lag raha tha ki kahi Aditya ne Rahul ko bhadka to nahi diya.....Abb wo khud ko kosne lagi ki usne Rahul ko pehle hi Aditya ke baare me kyu nahi bataaya.
Uske baar Raj aur Riya dono chale gaye.....Unhe bhi bahut dukh ho raha tha Nisha aur Raj ke liye....Lekin abb unke haath me kuch nahi tha....
Iske baad Rahul pehle jaisa ho gaya.....Akela akela sa, choti baato me bhi gussa hona, hamesha chhidha hua rehna ye sab uski aadat ho gaya tha.....College me bhi dosto se kam hi bolta tha.....Aditya ne usse Nisha ke khilaaf bhadkaane ki bhi bahut koshish kiya lekin Rahul Nisha ke baare me kuch nahi sunna chaahta......Aditya ko bhi lag gaya ki isse jyaada wo Rahul ko bhadka nahi sakta.....Usne Rahul ko uske haal me chhod diya.....Lekin uske liye khushi ki baat ye tha ki abb Nisha akeli ho gayi hai aur uska badla aasan ho gaya hai.....Lekin problem ye tha ki Nisha usse kabhi ake li me mili hi nahi......
Rahul aur Raj ka phone par baat hona bhi band ho gaya......Raj Rahul se naraaj tha aur wo usse baat nahi karna chaahta tha.....Raj chaahta tha ki Rahul ko uska galti mehsoos ho.....Aur Rahul Raj se gussa tha Raj ka Nisha ko support karne ki vajah se.....Dono bhai ke bich deewar sa ban gaya tha aur koi bhi iss deewar ko todne ki koshish nahi kar raha tha....
Riya aur Raj ki baat kabhi kabhi Nisha se ho jaata.....Wo dono bas Nisha ko wo sab bhul kar aage badhne ki salaah dete the aur isse jyaada wo chaah kar bhi kuch nahi kar sakte rhe.....
Nisha ne to keh diya tha Rahul ko ki wo bhi Rahul ko bhulne ki koshish karegi aur uski life me kabhi nahi aayegi.....Kahne me aur karne me bahut jyaada fark hota hai......Nisha Rahul ke paas abb jaati nahi thi lekin usko bhula bhi nahi paa rahi thi.....Pehla pyaar bhulaana kisi ke liye aasan nahi hota....Jitna bhi bhulna chaaho wo dimaag me aa hi jaata hai.....Nisha ka bhi haal kuch aisa hi tha....Aur Rahul bhi uske saath ek hi building me rehta tha kisi na kisi bahaane dikh hi jaata tha.....Rahul ki yaad to bahut aati thi lekin abb wo usse baat nahi karti thi.....Jab bhi uski najar Rahul se takraati wo apne najar ghuma leti thi.....Rahul ko bhulaane ki puri koshish kar rahi thi wo......
Rahul chahe Nisha ke pyaar ko jitna bhi ignore karne ki koshish kyu na kare lekin raat me jab wo akela hota tha tab baar baar usko apna aur Nisha ka garden me ek dusre ke saath bitaaya hua pal yaad aa jaata....Uska dil baar baar kehta tha ki Nisha ne usse koi dhokha nahi diya hai lekin uska dimaag ye baat maan hi nahi raha tha.....Wo apni dil ki baat samajhna hi nahi chaahta tha......Lekin abb usko ek aur baat accha nahi lag raha tha.....Aur wo tha Nisha ka usko ignore karna.....Pehle jab bhi Nisha usse baat karna chaahti thi wo Nisha ko ignore kar deta tha.....Lekin abb Nisha usse baat karna to dur ignore kar deti thi.....Rahul kabhi kabhi iss baat par sochne par majboor to ho jaata lekin agle hi pal iss khayaal ko hataakar fir se Nisha ko bewafa samajhne lagta....
Aise hi vakt bitne laga......Rahul aur Nisha ek hi building me bhi ajnabi ki tarah reh rahe the.....Raat me dono ki aaankho me aansu hota tha apni apni love failure ko yaad karke.....Kabhi kabhi to aansuo me hi saari raat bitaa dete.....Lekin dono hi utna nahi tute the ki bas ro kar jindagi gujaar de.....Dono ko apna manjil aur apni manjil tak jaane ki raasta pata tha.....Agli subah hi rona band kar dono apne kaam me lag jaate yaani ki padhne me.....Dono ke pass aage badhne ki ek hi raasta tha aur wo tha padhaayi......Dono apni gam ko bhulaaane ke liye kitaabo me busy ho jaate....
Aise hi Rahul ka exam bhi aa gaya......Wo inn dino apne padhaayi me iss tarah se dubb gaya tha ki exam to accha hona hi tha.....Exam ki aakhiri din wo khushi ke saath apna flat me lauta aur usne decide kiya ki abb wo iss flat ko chhod kar Nisha aur uski parchaayi se dur chala jaayega.....Wo abb nayi jagah par room dekhne ka soch raha tha.....
Nisha to jaanti thi ki Rahul exam khatam hone ke baad chala jaayega aur wo akeli roti rahegi.....Lekin usne ek baar bhi Rahul se baat nahi kiya....Usne maan liya tha ki wo Rahul ko kabhi nahi paa sakti aur uska aur Rahul ka alag hona tay hai.....Wo abb Rahul ko ek bura sapna ki tarah bhulaane ki koshish me lagi thi....Lekin safalta nahi mil raha tha.....
Issi tarah ek din Aditya Rahul ko bulaata hai cricket khelne ke liye.....Rahul apne pareshaani me duba usko mana kar deta hai.....Lekin dosto ke aage kuch nahi chala.....Majboori me na chahte hue bhi wo chala gaya khelne......
Abb isse Rahul ka Luck kahe yaa fir Aditya ka bad luck.....Aaj cricket khelne Risabh aur Arjun nahi aaye the....Aditya aur Raju sabhi ka wait kar rahe the aur aapas me baat kar rahe the......Baato hi baato me dono Rahul aur Nisha ke baare me baat kar baithe aur unhe nahi pata tha ki unka ye galti unpar kitna bhari padne waala hai.....
Raju:- Yaar Adi....Ye Rahul bhi kitna bada bewkoof hai na....
Aditya:- Ha wo to hai....Lekin tu uska kis bewkoofi ke baare me baat kar raha hai....
Raju:- Kameena kehta tha ki Nisha se saccha pyaar karta hai.....Kitni kahaani sunaata tha hame apne baare me.....Kitna ghamand tha usse apne pyaar....Lekin hamaari chhoti si baat se uska pyaar tut gaya aur devdas ki tarah ban gaya....
Aditya:- Ha yaar....Sach kahu to mujhe bhi yakin nahi tha wo itni jaldi maan jaayega.....Lekin kameena ko shak karne ki bimaari ho gaya tha......Nisha aur Vijay ke baare me shak kar baitha.....Aur hamne chingaari ko thoda sa haawa de diya jo aag ban kar sab jala diya....
Raju:- Tune mast kahaani banaaya tha yaar apne aur Nisha ki jhutthi pyaar ke baare me......Teri kahaani sun kar aur Rahul ka chehra dekh to mujhe kitna hassi aa raha tha ye mai bata bahi sakta.....Lekin saala Vijay Nisha ke saath kya kar raha tha yaar....
Aditya:- Chhod yaar uske baare me baat mat kar.....Uske baare me baat karke koi faaaidaa nahi ..... Abb wo hamaara koi kaam ka nahi.....Wo bhi Devdas ho gaya hai jab uski gf Priya ne usse chhod diya....Saala bhatakte huye Priya ke pass pahunch kar kuch baat kar liya hoga Nisha se aur ussi vakt Rahul ne dekh liya hoga.....Aur hame faaidaa ho gaya.....Tod diya Rahul aur Nisha ka pyaar....Abb bas mauka mil jaaye Nisha ko tapkaaunga uske baad Rahul ko.....Bahut jhel liya inn dono ko.....
ye dono josh me hosh kho kar baat kar rahe the aur iss baat se puri tarah anjaan the ki picche Rahul gusse me sab sun raha tha.....Wo abb aur kuch sunn nahi saka.....Teji se waha se nikal gaya aur Aditya ko sms kar diya ki wo khelne nahi aayega......Aur chal diya ek ekaant jagah me.....Uski aankho me aansu the....Bahut pacchta raha tha Rahul apni hi harkat se......Bahut afsos ho raha tha Nisha par bharosha na karne ka....
Baar baar uski kaano me Nisha ki baat sunaai de raha tha....."Tumne Aditya se dosti kiya hai.....Ek din pata chal jaayega tumhe wo kaisa insaan hai aur tab tum apni galti ke liye pacchtaaoge aur tab tak bahut der ho jaayega".....Rahul abb apni haatho se apna face cover karke rone laga......Usse abb yaad aa raha tha ki kitna tadpaaya hai usne Nisha ko aur kitna ignore kiya hai Nisha ko.....Jabki Nisha ki koi galti hi nahi tha.....Rahul abb apni hi najro me sharmindaa ho gaya aur khud par hi gussa aane laga......Wo soch raha tha ki abb wo kis munh se Nisha se maafi mangega aur baat karega.....Kya Nisha usse maaf kar degi????Nisha ne to keh diya tha Rahul ko abb uski life me nahi aane ke liye......Rahul ko abb pata chal raha tha ki usne kya galti kiya hai pyaar ka kadar nahi karke......
Rahul ko bahut aatmaglaani ho raha tha aur kuch der aise hi pacchtaane ki baad usko yaad aaya ki Priya ne bhi Vijay ko chhod diya.....Lekin usne iss baat par koi dhyaan nahi diya aur apni galti yaad karne laga aur khud se hi kehne laga.....
Rahul:- Kash uss bakt maine apne gussa par control kiya hota aur thanda dimaag se socha hota......To shaayad aaj ye din nahi dekhna padta....Aditya jaise kamine ki baat par aa kar maine uss Nisha par shak kiya jisne mujhse saccha pyaar kiya tha aur meri kahi hui kadwi baato ko bhi bardaast kiya tha....Meri hi galti hai jo maine saccha pyaar ka kadar nahi kiya......Nisha mujhe maaf kar degi???Ye sawaal ka jawaab to mai nahi jaaanta lekin mujhe koshish to karna hi hoga maafi maangne ka aur apni galti sudhaarne ka....Galti kiya hai to praayaschit to karna hi hoga.....Nisha abb mujhe apnaayegi yaa nahi ye to nahi pata lekin mai apni tarah se pura koshish karunga Nisha ko manaane ka....
Itna keh kar Rahul ne pocket se mobile nikaala aur Raj ko phone karne laga.....Tabhi usko yaad aaya uska aur Raj ka fight......Uske baad Rahul mobile ko pocket me waapas rakh kar khud ko ek thappad laga kar gusse me bola....
Rahul:- Kya jarurat tha bhaiya se jhagadne ka......Gusse me pata nahi kya kya bol diya aur bhaiya bhi aise naraaj ho gaye ki ek baar bhi phone nahi kiya......Gusse me tune unka izzat ka khayaal bhi nahi rakha sabke saamne itna kuch bol diya....Wo to tujhe samjhaa rahe the ki Nisha galat nahi hai.....Uss par yakin kar.....Wo tera bhala chaahte the aur tune kya kiya unse jhagada.....Abb pachtaata reh ....
Rahul ke pass abb itna himmat bhi nahi tha ki Raj ko phone karke maafi maange.....Aakhir kis munh se wo maafi maangta.....Aise me usko ek naam yaad aaya.....Ajay.....
Iske baad Rahul ne turant Ajay ko phone lagaya ...... Aur dusri taraf se Ajay ka aawaj aaya....
Ajay:- Hello.
Rahul:- Hello Ajay.
Rahul ki aawaj me itna dard tha ki Ajay bhi wo mehsoos kar raha tha.....
Ajay:- Rahul.....Kya hua yaar....Bahut pareshaan lag raha hai.....Kya baat hai....Please jaldi se bataa yaar.....
Ajay ki aawaj me Rahul ke liye fikar tha....Jisse sunn Rahul pighal gaya....
Rahul:- Mujhse ek bahut badi galti ho gayi yaar....
Rahul isse aage bol nahi paaya....
Ajay:- Kya galti.....Puri baat bataa yaar....Aur please tu ro mat....
Ajay Rahul ko bahut time baad rota hua mehsoos kar raha tha......Priya ki bewafaayi ke baad Rahul pehli baar ro raha tha......Ajay ko lag raha tha ki Rahul ke saath jarur kuch buraa hua hai aur wo kuch galat na kar le....
Rahul:- Please yaar tu mujhe galat mat samajhna.....Jo bhi hua jaanbujh kar nahi kiya yaar...
Ajay:- Pehle bataa to yaar.....Kya kiya tune.....Mai tera help karunga yaar.....Lekin tu jaldi se bata mujhe....
Ajay bahut hi bechain ho gaya tha Rahul ki haalat dekh.....Uske baad Rahul ne himmat karke sab kuch bataa diya Ajay ko ki kaise usse Nisha se pyaar hua aur usne kya galti kiya.....
Rahul:- Yaar mujhse bahut badi galti ho gayi aur iski vajah hai Aditya aur Raju.....Saalo ko jinda nahi chhodungaa......Dono ko aise maarunga ki unhe pata chal jaayega ki unhone kisse panga liya hai.....
Rahul achanak hi gussa ho gaya.....Aur wo phone rakhne hi waala tha ki dusri taraf se Ajay ka tej aawaj ne usse rok diya.....
Ajay:- Nahi Rahul.......Aisa karne ka sochna bhi mat.....
Rahul:- Lekin kyu.....Unki vajah se hi to hua hai ye sab.....
Ajay:- Unse bada galti tera hai Rahul....Agar tune Nisha par vishwaas kiya hota to aaj ye sab nahi hota....Abhi time nahi hai ki ye dekhe galti kiska hai.....Abhi time hai galti sudhaarne ka.....Tu jaa aur jaaakar jitna jaldi ho sake utni jaldi Nisha se maafi maag.....Mujhe yakin hai wo tujhe maaf kar degi.....Abhi nahi lekin kuch dino baad jarur maaf kar degi......Lekin tu usse manaane ki koshish to kar....
Rahul Ajay ki baat par thoda sehmat hua lekin ussko ek baat samajh me nahi aaya aur usne puccha....
Rahul:- To kya mai Aditya aur Raju ko aise hi chhod du.....WO to Nisha ko maarne ki baat kar rahe the.....Bahut jaruti hai unhe abhi sabak sikhaana....
Ajay:- Fir se jaldbaazi kar raha hai tu Rahul.....Agar wo dono Nisha ko maarne ki soch rahe hai to ho sakta hai koi badi plan hai unka....Agar tu aise hi unn dono se ladne ke liye chalaa jaaye to unko pata chal jaayega ki tu unke plan jaanta hai.....Aur wo dono dusre tarike se apne plan ko anjaam denge.....Meri baat maaan.....Unhe pata chalne mat de ki tu unka plan jaanta hai aur tu unka saath dekar ye pata kar ki kya vajah hai jo wo Nisha ke pichhe pade hai.....Aur baad me acche se soch kar unn dono ko sabak sikhaana....
Abb Ajay ki baat par Rahul puri tarah se sehmat ho gaya ......Usko Ajay ka idea accha laga....
Rahul:- Thanks yaar....Tune ek baar fir mera help kiya.....Agar tune nahi samjhaaya hota to pata nahi gusse me mai kya kar baithta....Sabse jarrori hai Nisha ki security.....Thanks yaar mujhe samjhaane ke liye.....Aur baad me unn kameeno ko aisa sabak sikhaaunga ki jindagi bhar yaad rakhenge....
Ajay:- Bas bas abb jyaada time waste mat kar thanks kehne me.....Jaakar Nisha se maafi maang....
Iske baad Ajay phone kaat deta hai aur Rahul bhi waapas apne flat par chal deta hai Nisha se maafi maangne.....Ab uske chehre me koi udaasi nahi tha....Ajay ki baat se usse himmat mila Nisha se maafi maangne ka.......Aur abb wo bas yahi soch raha tha.....
Jab Rahul apne flat me pahuncha to dekha ki Nisha garden me udaas baithi thi.....Rahul ki flat chhhod kar jaane waali baat se wo bahut pareshaan ho gayi thi aur uske chehre me udaasi chaa gaya tha.....
Jab Nisha ki najar Rahul ke chehre me pada to ek pal ke liye to wo hairaan ho gayi......Aaj Rahul ke chehre me koi gussa nahi tha aur Rahul usse ignore karne ki vajah uske hi chehre ko dekh raha tha......Rahul ki chehra me Nisha ke liye bahut saara pyaar tha.....Nisha garden se utth kar jaane lagti hai ki picche se Rahul uska haath pakad leta hai aur bahut pyaar se kuch kehta hai.
Rahul Nisha ka haath picche se pakadkar kehta hai.....
Rahul:- Sorry Nisha....
Rahul ki aawaj me paschataap aur Nisha ke liye bahut pyaar bhara tha.....Nisha Rahul ki ye baat sun kar bahut shocked ho gayi.....Usne ye umeed bahut pehle chhod diya tha ki Rahul kabhi usse maafi maangega yaa fir usse baat karega.....
Nisha apna shocked chehra ke saath picche ghum kar Rahul ka chehra dekhti hai.....Rahul ki aankho me usse apne liye pyaar najar aata hai.....Wo kuch nahi kehti.....Nisha ko chup aur shocked dekh Rahul kehta hai....
Rahul:- I am sorry Nisha.....Bahut bada galti kar diya tumhaari baaton par yakin na karke, tumhaara oyaar par yakin nahi karke.....Pyaar to mai bhi tumse bahut karta hu.....Aur uss din bataane hi waala tha ki Vijay ko dekh kar mera dimaag kharaab ho gaya.....Tumhaari aankho me apne liye pyaar bhi nahi dekh paaya....Aur maine uss pyaar ka majaak udaaya.....Gussa me mai paagal ho gaya tha.....Khud ko tadpa raha tha aur tumhe bhi bahut tadpaaya.....Lekin aaj mujhe sab kuch pata chal gaya hai.....Aaj dil se mai tumse sorry kehta hu aur ek aur baat kehna chahta hu jo bahut dino se apne dil me daba kar rakha tha "I Love you too".....
Maine tumhe apne dil ki baat bata diya.....Lekin mai nahi jaanta ki tum mujhe maaf karogi ya nahi.....Bas itna kahunga ki tum mujhe ek baar maaf kardo aage se kabhi aisa galti nahi karunga.....Hamesha tumhaara saath dunga chaahe haalat kaise bhi ho.....Kyuki mujhe yakin hai ki tum kabhi kuch galat karogi hi nahi.....
Rahul ki baat se pata chal raha tha ki wo sach keh raha hai......Uski har ek shabd me paschataap tha.....Apna baat kehne ke baad wo Nisha ki taraf aasha ki najar se dekhne laga ki Nisha usse maaf karde....
Nisha:- Mai kaise maanlu ki tum sach bol rahe ho......Abb mujhe tum par bharosha nahi hai.....Tumne mera vishwaas kho diya hai.....
Nisha pehle ki baat ko yaad karke dukhi hote hue boli.....
Rahul:- Please mera vishwaas karo Nisha....Bahut badal gaya hu mai......Bura insaan to mai pehle bhi nahi tha lekin anjaane me ek galti ho gaya.....Abb samajh me aaya ki kya galti kiya hai maine.....Tumne sach kaha tha Aditya accha insaan nahi hai....Aaj saara sach pata chal gaya hai mujhe aur ye bhi pata chal gaya hai ki tumhaara koi galti nahi tha.....Yakin karo Nisha jab insaan ko thokar lagti hai tab uska akal thikaane par aata hai.....Bas ek mauka do Nisha abb mai kabhi tumhaara bharosha nahi todunga....
Nisha:- Tum mujhe apna dost maante the na......Kehte the ki mai tumhaara best friend hu....Pyaar na sahi lekin apna best friend ka ek baar to baat sunn lete.....Lekin tum ne har baar meri baat ko ansuna kar ke mujhe hi bewafa, dhokebaaz kaha.....
Agar tum mujhse ek baar baat kar lete to shaayad mai tumhe maaf bhi kar deti .....Lekin tum abb maafi maang rahe ho jab tumhe sacchaayi ka pata chala.....Warna tum maafi maangte hi nahi.....Agar sachaayi pata nahi chalta to tum mujh par yakin bhi nahi karte.....Kaisa pyaar hai ye tumhaara????
Ye kehte kehte Nisha ki aankho se aansu nikal rahe the.....Bahut din baad wo apna dard baahar nikaal rahi thi.....
Rahul abb kuch nahi bol paaya.....Bolta bhi kya .....Nisha ne jo kaha wo sab sach tha.....Bas Nisha ki baat sharmindagi ko mehsoos karte hue sun raha tha.....
Nisha:- Abb bolte kyu nahi????Tabhi to bahut kehte the ki mujhse bahut pyaar karte ho.....Mere liye ye karoge wo karoge....Lekin abb kya hua .....Apni galti ka pata chalte hi saari bolti band ho gayi.....
Rahul:- Sach keh rahi ho tum Nisha.....Tumhaara har ek baat sach hai....Galti maine kiya hai.....Lekin mai iss galti ko apna aakhiri galti banana chaahta hu.....Please bas ek baaar bharosha kar lo.....
Rahul ne laghbhag gidgidaate hue kaha.....
Nisha:- Nahi Rahul....Abb kuch nahi ho sakta.....Maine pehle bhi keh diya tha....Its all over.....Abb ham dono ke bich me kuch nahi raha....Tum apne raaste jaao mai apne raaste....Maine pehle hi keh diya tha abb mai tumhaari life me kabhi nahi aaungi aur tum bhi mere life me kabhi mat aana.....
Itna keh kar Nisha rote hue daud kar apne room me chali gayi.....Picche Rahul bas Nisha ko dekhta raha....Usko bahut bura lag raha tha....Apni galti par usse pehli baar sharmindagi mehsoos ho raha tha aur khud se hi nafrat karne laga tha.....
Kuch pal ke liye Rahul niche hi udaas baitha.....Lekin usne bhi soch liya ki aise haar maan lene se koi faaidaa nahi.....Galti kiya hai to usse sudhaarna bhi chaahiye.....Wo Nisha ko mana kar hi rahega aur usse apne pyaar ka ehsaas dilaa kar hi rahega.....Chaahe uske liye kitna bhi vakt kyu na lage lekin wo Nisha ko manaa kar hi rahega.....
In Nisha's Room
Nisha apne room me jaa kar bed par lait kar ro rahi thi.....Aaj usne apna dard bahut dino ke baad apne dil se baahar nikaala tha....Thoda halka to mehsoos kar rahi thi lekin fir bhi ek naya dard usko apne dil me mehsoos ho raha tha....Usse khud pata nahi chal raha tha ki usko Rahul ke pyaar ko accept kar lena chahiye yaa fir nahi....
Aise hi kuch der ke liye wo roo rahi thi ki uske mobile me Riya ka phone aata hai....
Wo Riya ka phone uthaati hai aur baat ke dauraan wo Riya ko aaj jo bhi hua sab kuch bata deti hai.....
Riya:- To kya socha hai tune......Rahul ko maaf karke ek mauka degi yaa nahi.....
Nisha:- Bahut pyaar karti hu mai Rahul se....Lekin abb pehle jaisa bharosha nahi raha uss par.....Pata nahi kahi fir se mera bharosha tod diya to kya hoga.....Kaise seh paaungi mai fir se ye sab.....Ek baar to jaise taise khud par kaabu karna sikh liya hai.....Pata nahi kya hoga jab dobaara mera dil tutega.....
Riya:- Baat to tu sahi keh rahi hai.....Lekin decision abb tere haath me hai.....Jo bhi decision lena hai soch samajh ke lena......Kahi aisa na ho ki baad me tujhe pacchtaaana pade.....Bas itna kahungi ki jaldbaazi me koi faisla mat karna....
Aise hi kuch der baat karne ke baad Riya phone rakh deti hai......Riya ki baat sunne ke baad Nisha sochne par majboor ho jaati hai ki Rahul ko maaf kar dena chahiye yaa nahi.....Kya ek mauka fir se Rahul ko dena sahi hoga?
Agli subah Rahul roj ki tarah subah ke 5:00am par utth gaya.....Fresh hone ke baad wo bed par aa kar baith gaya....Lekin usse kuch accha nahi lag raha tha....Wo bas Nisha se baat karna chaahta tha aur usse maafi maangna chaahta tha.....Kuch der yunhi baithne ke baad wo chala gaya garden par iss umeed ke saath ki waha par Nisha hogi.....
Garden me pahunch kar Nisha ko na dekhne ke baad Rahul thoda udaas ho gaya.....Lekin wo intejaar karne ka sochta hai....
Rahul ke liye har ek second ghante ka barabar ka lag raha tha....Aaj usse pata chal raha tha kisi ka intejaar karna kitna mushkil kaam hai.....Rahul ki najar gate par hi tika tha aur aankhen Nisha ko dhund raha tha.....Dhire dhire 6:00am baj gaya lekin Nisha ki room se koi halchal nahi mil raha tha.....Rahul parehaan ho gaya.....Fir bhi wo apna zidd par adaa raha.....Issi tarah 6:30am bhi ho gaya.....Abhi tak Nisha apne room se nahi nikli.....Abb Rahul ke liye aur intejaar karna mushkil ho gaya tha....Utth kar usne kuch khaaya bhi nahi tha....Bhookh bhi lag raha tha.....Dedh ghante ke intejaar ke baad Nisha ko na dekhne ki vajah se Rahul ko bahut bechaini ho raha tha....Wo abb sochne laga....
Rahul:- (In his mind) Ye Nisha kyu nahi aa rahi.....Pehle jab mai usse gussa thaa tab to na chaahte hue bhi wo dikh jaati thi.....Aur aaj jab mai sacche dil se usse maafi maangna chaahta hu tab wo najar hi nahi aa rahi.....(Ghadi dekhte hue) 6:30 am ho gaye....Lekin abhi tak nahi nikli room se....Itni der tak to kabhi nahi soti thi....Hamesha jaldi hi garden par aa jaati thi....Lekin aaj kya hua.....Kahi wo kisi kaam me busy to nahi.....Aur agar nahi aayi to mai kya karunga....Mera kya haal hoga intejaar karte karte.....Nahi nahi Rahul aisa mat soch.....Think positive....Wo jarur aayegi....
Tu itna jaldi thak gaya.....Tujh se dedh ghante ka intejaar nahi hota.....Bhul mat Nisha ne tera 3 months ka intejaar kiya hai......Jo bhi ho tujhe uska wait karna hi hoga.....
Rahul apne ye soch se baahar nila hi tha ki saamne se Nisha bhi gate se baahar nikal kar garden ki taraf aa rahi thi.....Nisha ko aate dekh Rahul ki chehre me ek chamak aa gaya.....Rahul ki bechaini abb raahat me badal gaya....Ek lamba sa saans lekar wo fir se sochta hai.....
Rahul:- (In his mind) Aaj kitni pyaari lag rahi hai meri Nisha.....Lagegi hi naa aakhir meri Nisha hai.....
Rahul ye soch hi raha tha ki Nisha usse ghurte hue ek bench par jaakar chaai(tea) pine lagi.....Bench par baithte hi usne apni najar Rahul se hata liya.....
Rahul bhi utth kar Nisha ke paas jaa pahuncha aur kaha....
Rahul:- Nisha ye kya hai......Tumne to apna time table hi badal diya.....Pehle garden me kitni jaldi aa jaati thi.....Aur aaj itni late.....Pata hai mai kitni der se tumhaara wait kar raha tha.....
Rahul ka ye sawaal sun kar Nisha hairaan ho gayi.....Nisha ko Rahul se bilkul bhi umeed nahi tha ki Rahul usse ye sawaal pucchega.....Nisha ko lag raha tha ki Rahul usse maafi maangne aa raha hai.....Lekin Rahul ka iss sawaal ne usse hairaan kar diya.....
Kuch der baad wo apne aap ko sambhaalte huye naarajgi jataate hue kehti hai.....
Nisha:- Tumhe isse kya matlab....Jo mujhe accha lagega wo karungi.....
Lekin Rahul par iss naarajgi ka koi asar nahi hua....
Rahul:- Nisha ek baat jaanti ho.....Tum gussa me bhi bahut pyaari aur cute lagti ho....
Rahul ne muskuraate hue kaha....
Nisha:- Rahul Stop it....Abb bakwaas karna band karo.....Maine tumhe maaf nahi kiya to abb tum dundo jaisa cheap harkat karne lage....Maine kaha na mujhse baat mat karo aur meri life me dakhal andaazi mat karo lekin tum bakwaas karte jaa rahe ho....
Rahul ko iss baar Nisha ki baat ka bahut buraa laga.....Thoda hurt hokar ye bola.....
Rahul:- Mai koi cheap nahi hu.....Kal raat maine socha ki meri galti badi hai ..... Iss liye apni galti sudhaaarne ka socha.....Aur tum bhi please mujhe itni jaldi maaf mat karna....Jab tumhe lagega ki mai tumhaare pyaar ka kaabil hu tab maaf karna.....Aur ek baat tumhe accha lage yaa nahi lekin mai tumhe manane ki koshish karta rahunga....Tum bhale mujhe koi mauka naa do lekin mai khud apna mauka bana kar rahunga aur tumhaara pyaar waapas paa kar rahunga.....
Rahul ne pehle ki kuch baat hurt ho kar kaha aur aakhiri ki kuch baat muskuraate huye....Rahul ki baat par Nisha sochne lagi....
Nisha:- (In her mind) Kehta hai mujhse pyaar karta hai.....Lekin mera itni si baat par naaraj ho gaya....Koi baat nahi aadat nahi hai Rahul ko abhi.....Dhire dhire sab sikh jaayega......Tab tak mai iske manaane ki programme ka enjoy karti hu.....
Nisha ye soch hi rahi thi ki Rahul bola.....
Rahul:- Nisha ek request hai.....Aaj please kahi baahar ghumne chale.....
Rahul ne apni dil ki baat keh diya....
Nisha Rahul ki iss baat par jhutta gussa dikhaate hue boli....
Nisha:- Tumse to baat karna hi bekaar hai.....Thoda sa baat kya kar liya tum to sar par chaddhne lage.....Tumhaara bakwaas sunne se to accha hai ki mai hi yaha se chali jaau.....
Itna keh kar Nisha waha se jaane lagti hai.....Tabhi picche se ek baar fir Rahul Nisha ka haarh pakad leta hai aur kehta hai......
Rahul:- Tumne aaj tak mera gussa aur nafrat dekha hai.....Aaj se mai tumhe apna pyaar dikhaaunga.....Aaj se tum angry young man Rahul ko nahi loverboy Rahul ko dekhogi.....
Nisha ka face abhi Rahul ki dusri taraf tha.....Nisha Rahul ki iss baat par muskuraaye bina nahi reh paayi.....Rahul ne bhi Nisha ko muskuraate hue dekh liya aur kaha....
Rahul:- Hansi to fassi.....Tumhe aisa hansta hua dekh mai samajh gaya ki tum bhi mujhse pyaar karti ho.....Bas abhi naraaj ho.....Jitna bhi naraajgi hai tumhaari wo sab mai dur kar dunga......Ye mera vaada hai.....
Rahul ne bade pyaar se kaha to Nisha bhi Rahul ki taraf mudd kar dekhti hai.....Nisha ko Rahul ki aankho me apne liye bahut pyaar dikh raha tha.....Wo kuch pal ke liye Rahul ko bas dekhti hi rehti hai lekin kuch nahi kehti.....
Kuch pal ek dusre ko dekhne ke baad Rahul kehta hai.....
Rahul:- Abhi mere paas koi dialogue nahi hai jisse tumhe impress kar saku.....Ha abhi tum jaana chaahti thi na to jaao ......Kuch kaam hoga tumhaara.....Abhi mai disturb nahi karunga.....
Bas kuch pal ke liye hi tumhaara haath chhod raha hu....Lekin tumhaara haath aur saath jindagi bhar ke liye thaam kar rakhunga......Jitni bhi sikaayat hai tumhaara sab dur kar dunga wo bhi bahut jald.....
Itna keh kar Rahul Nisha ka haath chhod deta hai.....Rahul ki baat par pyaar aur confidence dono tha....
Rahul ke haath chhod dekne ke baad Nisha bhi apne room me chali jaati hai.....Aaj uske chehre me muskaan tha jo bahut dino ke baad aaya tha.....Wo socchti hai....
Nisha:- (In her mind) Sach me Rahul bahut badal gaya hai.....Thank god jo Rahul ki galatfehmi dur ho gaya hai.....Abb Rahul ki aankho me apne liye pyaar dekh kitna sukoon milta hai......Bahut tarsi hu mai iss pal ke liye.....Saccha pyaar kiya hai maine Rahul se......Aisi galti ke liye thodi na usse apna saath chhuda lungi....Galti to sab se hota hai.....Rahul se bhi hua.....Rahul ko to maine ussi pal maaf kar diya tha jab usne pehli baar sacche dil se maafi maanga tha......Lekin itni jald Rahul ko mai bataaungi nahi.....Thoda aur tadpaaungi usse......Thoda uska manane ka maja lungi mai bhi.....Usse bhi to ye ehsaas hona chahiye ki mai uska gussa aur naraajgi se kitna tadpi hu.....Thoda tum bhi tadap lo Rahul.....
Mujhe yakin hai tum mujhe bahut hi acche se manaaoge aur apne pyaar ka ehsaas dilaaoge....Agar pyaar me ye sab nahi to pyaar me koi maja hi nahi.....
Ye sab sochne ke baad Nisha muskuraate hue apne window se baahar garden ki taraf Rahul ko chhup kar dekhne lagti hai.
Dhire dhire din bitne laga.....Rahul ke paas abb na koi college ki tension tha aur na hi kuch aur cheej ka.....Abhi wo all time free tha.....Nisha ka bhi abb MBBS complete hone me kuch time hi baaki tha.....Jab wo college jaati tab Rahul bahut bore ho jaata tha......Bas Nisha ki waapas aane ka intejaar karta tha.....Aur iss time me wo apne dimaag ko daudaata tha naya naya idea dhundne me jisse wo Nisha ko mana sake.....
Inn dino me Rahul bahut si ideas ka use kar chuka tha Nisha ko manane me jaise koi aam lover use karta tha.....Kabhi to uski idea me paagalpan bhi hota tha jisse dekh Nisha andar hi andar muskuraati thi lekin baahar se show nahi karti thi.....Kabhi kabhi to Nisha daant bhi deti thi Rahul ko lekin Rahul ko koi fark nahi padta tha......Wo fir bhi apne koshish jaari rakhta tha.....Jab bhi Nisha baahar jaati thi Rahul bhi bina kuch bole Nisha ke piche piche lag jaata tha.....Nisha ko Rahul ka pyaar aur uska care karna dekh Rahul par bahut pyaar aata tha.....Dil to chaahta tha ki Rahul ko abhi keh de ki usne Rahul ko maaf kar diya....Lekin agle hi pal wo ye khayaal dimaag se nikaal kar Rahul ki haalat ka majaa lene ka sochti hai....
Abb Rahul ka duty ban gaya tha Nisha ke saath hotel me jaane ka yaa fir shopping me jaane ka.....Jab Nisha kabhi hotel me jaati thi to Rahul bhi picche picche muskuraata hua chal deta tha aur ussi ke table par baith jaata tha.....Nisha kuch nahi kehti thi bas ghur kar Rahul ko dekhti thi.....Lekin Rahul bas Nisha ki chehre ko muskuraa kar dekh ta tha to Nisha uss par se najar hata kar andar hi andar muskuraati thi....4-5 ghante ke shopping me Rahul bore to ho jaata tha lekin chehre se kabhi nahi jataata tha.....Usse to har haal me waapas Nisha ka dil jitna tha.....
Jab koi itna mehnat kar raha ho kisi ke dil jitne me.....Aur wo aapko koi response naa de to koi bhi iss baat ko besharmi keh kar koshish karna hi band kar deta .....Agar pat gayi to thik hai nahi to koi dusra mil jaayegi iss soch ke saath apne kaam se kaam rakhta.....Lekin Rahul ki baat kuch alag tha.....Wo to Nisha ke pyaar me iss tarah deewana ho gaya tha ki wo iss baat ko apne ego aur izzat par nahi le raha tha....Koi bhi ye nahi keh sakta tha ki ye wohi Rahul hai jo kuch samay pehle hua karta tha......Chehre par gussa, attitude, ghamand, ego aur nafrat ki jagah ek muskuraahat ne le liya tha aur wo Nisha ke liye Rahul ke bepanaah pyaar ka natija tha.....
Laghbhag 1 month ho gaya tha Rahul ko apne kosis ka suruwat kiye lekin abhi tak kaamyaabi nahi mila tha usse....Lekin Rahul ki himmat ne abhi tak jawaab nahi diya tha.....Abhi tak Nisha nahi maani iss baat ka Rahul ko koi tension nahi tha.....Nisha ko manaane me wo din bhar Nisha ke saath rehta, usko apne kareeb dekhne ka mauka milta......Apni comedy se Nisha ko kabhi hasaane ka mauka milta.....Filhaal to Rahul ke liye yahi kaafi tha.....
Aise hi ek din Rahul Nisha ke saath shopping ke liye aaya tha.....4 ghante ho gaye the lekin abhi tak Nisha ki shopping khattam nahi hua tha.....Rahul Nisha ke picche idhar udhar chalte hue bore ho gaya.....Aur khud se hi keh raha tha....
Rahul:- Pata nahi ye ladkiyo ki shopping itna boring kyu hota hai.....Aur kitni lambi hoti hai.....Bore ho gaya mai to....
Rahul ye baat khud se hi keh raha tha lekin Nisha sun leti hai....
Nisha:- To fir aate hi kyu ho????
Iss 1 mahine baad pehli baar Nisha ne Rahul se kuch kaha tha aur baat ki suruwaat kiya tha.....Warna to wo yaa to khaamosh rehti yaa fir jhuta gussa ke saath kuch lines ki jawaab deti....
Rahul:- Mai shopping me nahi aaya hu....Mai to shopping karne waali ko dekhne aaya hu.....
Rahul ne muskuraate hue jawaab diya....
Nisha:- Bahut bakwaas jokes tha....
Nisha ne fir se jhuttha gussa dikhaate hue kaha.....
Rahul:- Ye jokes nahi sach hai jaan....
Nisha Rahul ki iss baat par koi jawaab nahi deti bas Rahul ko ghurti hai....
Rahul:- Nisha abb aur kitna tadpaaogi yaar......Please yaar date to bata do jab tum mujhe maaf karogi.....Abb aur intejaar nahi hota mujhse.....Agar date bata dogi to intejaar karne me thoda aasani hoga....Please bata do....Itna to favour kar sakti ho na....
Nisha:- Accha thik hai.....Abb itna keh rahe ho to bata deti hu......Wo date kabhi nahi aane waala.....Mai tumhe kabhi maaf nahi karungi.....
Rahul:- Accha thik hai.....Samajh gaya.....Matlab mere marne se pehle tum mujhe maaf nahi karogi....
Rahul ka itna kehna tha ki Nisha jo andar hi andar muskuraa rahi thi achanak se uske chehre me gussa aur dard waali feeling aayi....Rahul ki marne ki baat sun Nisha ko bahut gussa aaya....
Rahul:- Kyu ghur rahi ho yaar....Abb darana chahti ho kya.....Tumhe lag raha hoga na mai filmy style se suicide karunga.....Nahi dear mai apne tarike se suicide karunga bilkul nayi tarike se......Aur yakin karo tumhe bahut pasand aayega aise naye tarike ki suicide dekhne me......Agar mar gaya to mera aatma ko shaanti to milega ki tumne maaf kar diya.....Warna jinda rehke bhi kya faaidaa jab mere pyaar hi mujhe maaf nahi kar rahi.....
Rahul to majaak me keh raha tha ye baatein.....Wo bas Nisha ke chehre ko padh raha tha ki Nisha ko Rahul ki care hai ya nahi.....Nisha ki chehre me gussa aur dard waali feelings Rahul ki ek ek shabd ke saath badh rahi thi.....Wo Rahul ko gusse se ghur rahi thi......Abb Rahul ne Nisha ki chehra padh liya aur muskuraate hue kaha.....
Rahul:- Are ghabraao mat.....Mai to bas ye dekhne ke liye aisa keh raha tha ki tum kaise react karogi.....Abb mujhe bhi samajh me aa gaya ki tum bhi mujhse pyaar karti ho.....Are tension mat lo.....Agar aur bhi naraaj hona chaahti ho to kuch din aur raho......Mai force nahi karunga aaj hi maan jaao....Mujhe bhi manaane me majaa aa raha hai.....Jab chaaho tab maaf kar lena.....Aur ha ek baaat sun lo tum bhi mujhse pyaar karti ho.....Bas abhi naatak kar rahi ho.....
Rahul ne khusi ke saath muskuraate hue kaha.....Rahul majaak kar raha tha jab ye baat Nisha ko pata chali tab uske jaan me jaan aayi.....Aur Rahul ki baat sochne par muskuraahat jo usne apne andar hi daba liya.....
Iske baad dono me koi baat nahi hota....Dono chup chaap waapas apne flat ki ore jaate hai.....Dono aaj bahut khus the.....
Nisha apne room me pahunch kar sochti hai....
Nisha:- (In her mind) Bas abb bahut hua....Bahut tadpa liya maine Rahul ko aur khud bhi tadap rahi hu.....Bahut bechain ho gayi hu usse baat na karne ki vajah se.....Abb kal hi mai keh dungi Rahul ko ki maine usse maaf kar diya warna wo fir se marne aur khud ko nuksaan karne ki majaak karne lagega....Paagal hai wo....Marne ki baat karta hai....Usse nahi pata uski iss baat ne mujhe kitna hurt kiya hai.....Abb kal mai usse har haal me apni dil ki baat kahungi aur apni life ko nayi tarike se suruwaat karungi Rahul ke saath jaha sirf hamaara pyaar hoga aur kuch nahi.....
Itna kehne ke baad Nisha muskuraati hai.....
Udhar Rahul ki kamre me Rahul bhi apne soch me vyast tha.....
Rahul:- (In his mind) Aaj mai bahut khus hu....Meri Nisha bhi mujhse pyaar karti hai.....Bas abhi mujhse naraaj hai....Pata nahi kab tak naaraj rahegi.....Uss din ka besabri se intejaar hai jab wo mujhe maaf karegia aur ham dono ek ho jaayenge.....
Rahul apni soch me vyast tha ki uske mobile me ek unknown number se call aata hai....Phone uthaane par ek ladki ki voice aati hai....
Ladki:- Hello Rahul....
Rahul iss voice ko sunne ke baad sochne laga....."Iss voice ko maine sunaa hai par kaha.....Yaad nahi aa raha"...
Udhar dusri taraf se wo ladki baar baar Rahul kopukaar rahi thi aur uski voice se pata chal raha tha ki wo ro rahi hai....
Rahul:- Hello.....Aap kaun.....
Rahul ne bas itna kaha tha ki dusri taraf se ladki rote hue kehti hai.....
Ladki:- Priya....
Priya iss naam ko sunte hi Rahul ki chehre ki bhaaw ekdam se badal gaye.....Chehre ki muskuraahat ki jagah gussa aur nafrat ne le liya.....
Pata nahi kismat ka bhi ye kya khel hai jo abhi Rahul aur Nisha ke saath khela jaa raha tha.....Abb Priya ki waapsi se Rahul aur Nisha ki life me kya asar padega ye to bas vakt ko hi pata hai.
"Priya" ye wo naam tha jisse Rahul sabse jyaada nafrat karta hai....Priya hi wo ladki thi jisse Rahul sabse jyaada nafrat karta hai.....Aaj 5 saal baad waapas Priya ka phone aur uski aawaj sunne ke baad Rahul ko ek jhatka sa laga.....Bewafaayi ki wo din me hui saari ghatna Rahul ki aankho ke saamne ek baar fir aa gaya.....Uss ghatna ke baad pata nahi kitni raaton tak Rahul roya tha tadpa tha lekin aaj Rahul ki aankho me aansu ki jagah ek gussa tha.....Rahul apne soch me vyast ho kar kuch bol nahi raha tha tab Priya ek baar fir dhimi aawaj me rote hue kehti hai....
Priya:- Hello Rahul....Tum sun rahe ho????
Priya ki iss aawaj se Rahul hosh me aaya.....Lekin usse samajh me nahi aaya ki kaise react kare....Bas gusse me usne itna kaha.....
Rahul:- Phone rakh aur mujhse baat karne ki dobaara koshish mat karna.....
Rahul ki aawaj me bahut gussa aur nafrat tha.....Saalon se Priya ke liye daba hua gussa aur nafrat aaj nikaal hi diya Rahul ne.....Priya bhi shocked nahi thi....Usse pata tha Rahul aise hi usse baat karega....Rahul phone kaatne hi waala tha ki Priya rote hue ek baar fir se kehti hai.....
Priya:- Please Rahul....Phone mat kaatna.....Ek baar meri baat sunn to lo.....Uske baad jo marzi wo karna.....
Iske baad Priya jor se rone lagi....Priya ko umeed tha ki Rahul ek baar uski baat jarur sunega.....Lekin Rahul ne phone kaat diya.....
Phone kaatne ke baad Rahul ke dimaag me bahut saari sawaal aa raha tha....Priya ka iss tarah se itne time baad phone karne ki kya vajah ho sakta hai....Jab aaj Rahul Nisha ki pyaaar me apna gam bhul chuka tha tab fir se Priya ki phone ne dil ki uss ghaaw ko taaja kar diya....
"Aakhir kya vajah ho sakta hai jo usne mujhe phone kiya".....Itna dard dene ke baad bhi usse chhain nahi mila jo abb fir se meri life me aa rahi hai"....."Shaayad wo mujhe kabhi khus nahi dekhna chaahti aur wo mera piccha karte huye saari baat jaan gayi hai....Shaayad wo mera aur Nisha ke pyaar me darar daalna chaahti hai.....Jo bhi ho abb mai Nisha ka saath kabhi nahi chhodunga....Nisha ki pyaar ne mujhe fir se sambhaala hai.....Meri khushiyan lautaaya hai.....Bhale hi wo aaj naraaj hai lekin kisi din jarur maan jaayegi"......"Yaad aaya uss din Aditya keh raha tha ki Priya ne VIjay ko chhod diya hai par kis liye.....Kahi usko apni galti ka ehsaas ho gaya aur mujhse fir se pyaar to nahi ho gaya.....Nahi nahi aisa nahi ho sakta.....Agar ho bhi gaya to kya .....Mai to abb aage badh gaya hu apni life me Nisha ke saath"....."
Rahul yahi soch raha tha Priya ke call aaane ke baad.....Kaafi pareshaan ho gaya tha ye soch kar ki Priya ne kyu phone kiya....Jab wo guess nahi kar paaya to usne socha.....
Rahul:- (In his mind) Priya mujhe kuch bataaana chaah rahi thi par kya....Samajh me nahi aa raha....Kya usse phone karu.....Kya ye thik rahega.....Ek baaar phone kar lene me kya buraai hai......Ek baar phone kar hi leta hu aur usse uska phone karne ki vajah pucch kar usse piccha chhuda lunga.....
Itna sochne ke baad Rahul waapas Priya ko phone lagata hai.....Priya ko umeed nahi tha ki Rahul usse phone karega.....Bina der kiye wo phone uthaa leti hai.....
Priya:- Hello Rahul.....Please iss baar phone mat kaatna.....Kuch bataana hai mujhe tumhe.....
Rahul:- Yahi jaane ke liye phone kiya hai.....Jaldi se bako....
Rahul ne gusse me kaha.....Usse Priya ki aawaj sunte hi Priya par aur bhi nafrat aa raha tha.....
Priya:- Kya ham kal mil sakte hai....Phone me baat karne se behtar mil kar baat karte hai....Please manaa mat karna.....
Priya ne Rahul se request kiya.....Priya ne jis tarah se Rahul se request kiya usse to yahi lag raha tha ki wo kuch jaruri baat bataana chaahta tha.....
Rahul:- Abb kya baat karna hai tumhe....Wo bhi mil kar.....Mai tumhaara shakal bhi nahi dekhna chaahta....
Rahul ki har ek shabd ke saath gussa bhi badhta jaa raha tha.....
Priya:- Jaanti hu Rahul....Tum kyu itna gussa ho.....Tumhaara gussa bhi jaayaz hai.....Lekin please kal ek baar milne aa jaao.....Uske baad mai tumhe kabhi nahi bulaaungi.....Ek jaruri baat karni hai......
Priya ko pata tha Rahul ko manaana bahut mushkil kaam hai jab Rahul gusse me rehta hai tab....Lekin wo apni koshish jaari rakh rahi thi.....Rahul bhi Priya se baat karna nahi chaahta tha......Wo usse chhutkaara paane ke liye kehta hai.....
Rahul:- Accha thi hai....Kaha milna hai uss jagah ki address send kar do .....Aur ha kal jo bhi kehna ho jaldi jaldi bata dena....Aur agar koi bakwaas baat hua na to dekh lena.....
Itna keh kar Rahul ne Priya ki baat sune bina hi phone rakh diya.....Uska mood aaj Priya ki phone ki vajah se off ho gaya tha.....Wo iss tension se free hone ke liye apni time se jaldi hi soo gaya....
Next Day
Rahul jab subah utha to usne apne mobile me Priya ka message check kiya.....Subah 8:00 am me milne ke liye bulaaya tha ek restaurant me......
Rahul ko to kuch samajh me nahi aa raha tha ki Priya ne usse kyu restaurant me bulaaya hai......Lekin usne iss baare me jyaada nahi socha......Laghbhag 7:30 am se wo apne flat se jaldi me nikal gaya restaurant ki ore......
In Restaurant
Restaurant me pahunchne ke baadjab wo enter karta hai to thik saamne ki table ki chait par Priya ko dekhta hai.....Rahul ki najar jab Priya ki chehre pe pada to fir se gussa uske chehre par aa gaya.....5 saal baad Priya me kitna badlaaw aaya hai ye tak nahi dekha Rahul ne.....Gusse ke saath Rahul sidha pahunch gaya Priya ki table par.......Chair me baithne ke baad chehra niche table ki aur dekh kar gusse me kaha.....
Rahul:- To kya kehne ke liye bulaaya tha????
Rahul gussa me apna daant pishte hue bola.....
Priya:- Itna jyaada nafrat karte ho mujhse ki ek baar bhi meri taraf nahi dekha....
Priya thoda maayus hokar boli....
Rahul:- Iss chehre ko mai dekhna bhi nahi chaahta....Duniya ki sabse badsurat chehra hai mere liye.....Aur kya bataane aayi thi jaldi se bataao.....Bas yahi baat jaane ke liye aaya hu....Tumhe rota dekh thoda insaaniyat ka khayaal karte hue aa gaya....
Rahul ne jab ye kaha tab Priya Waiter ko menu se kuch order deti hai....Isse dekh Rahul ka gussa aur badh gaya.....
Rahul:- Mai khaane ke liye nahi aaya hu.....Jaldi se apni baat kaho......Warna mai abhi chala jaaunga.....
Priya:- Tum mujhse gussa ho......Khaana se nahi....Itna to samajhti hu tumhe ki tumne mujhse milne ke liye pareshaani me kuch nahi khaaya hoga.....
Rahul:- Bahut samajhti ho tum mujhe.....Meri har harkat se waakif ho....Iss liye to itni aasani se dhokha de paayi....
Rahul ki ye baat Priya ko bahut hurt karta hai.....Lekin wo khud ko sambhaal leti hai......
Ussi time par khaane ki kuch items bhi aa gaya.....
Rahul Priya se jyaada baat karna nahi chaahta tha iss liye chup chaap khaana start kar leta hai.....Usse to Priya ki baat sun kar waapas jaane ki jaldi tha....
Priya:- Maine tumse maafi maangne ke liye tumhe bulaaya hai.....
Priya ne bahut himmat karke ye baat kaha to Rahul ko Priya ki iss baat par bahut gussa aaya.....
Rahul:- Maine pehle bhi kaha tha ki bakwaas baat ke liye mat bulaana.....Ye baat to tum phone me bhi kar sakti thi.....
Priya:- Maafi maangne ke saath saath kuch aur bhi baat bataana hai iss liye bulaaya hai tumhe....Please meri baat ko acche se suno Rahul.....Uske baad jo marji wo karna.....
Ye kehte kehte Priya ki aankho me fir se aansu aa gaya....Lekin Rahul ko ye aansu pighala nahi paa raha tha....Rahul ko kuch fark nahi pad raha tha.....
Rahul:- Maafi to galti hone ke baad karte hai lekin jo jaanbujh kar galti kare uski koi maafi nahi.....Tum bataana shuru karo jo kehne ke liye aayi ho....
Priya sacche dil se Rahul se maafi maangna chaahti thi lekin Rahul ki har ek baat uski dil ko chot pahunchaa raha tha.....Lekin Priya ne khud ko sambhaal liya......Usse pehle se hi pata thaa ki Rahul aisa hi react karega.....Jo galti Priya ne kiya tha uske liye Rahul ka ye gussa to jaayaj tha.....Abb bina vakt gawaaye Priya apni baat kehne lagti hai.....
Priya:- Jaanti hu Rahul maine tumse pyaar ka naatak kiya tha.....Tumhe dhokha diya tha.....Tumhe bahut rulaaya hai , tadpaaya hai......Tumhaare sacche pyaar ka majaak udaaya hai.....
Lekin Rahul mujhe nahi pata tha maine aisa karke bahut badi galti kiya hai.....Mai Vijay se saccha pyaar karti thi.....Usske kehne se hi maine ye sab kiya.....Vijay ne mujhe tumhaare baare me jhuth bola tha.....Tumhe galat insaan kaha tha aur naa jaane kitni jhuthi saboot dikhaaya tha tumhaare baare me.....Aur usne mujhsemadad maanga tumse jhuttha pyaar ka naatak karne ka....Mujhe sach me tumhaare baare me pata nahi tha Rahul.....Jo Vijay ne kaha uss par yakin kiya aur tumhaare saath itna galat kar diya....
Itna keh kar Priya jor se rone lagi.....Aas paas ke log unhe ghurne lage the aur Rahul asahaj mehsoos kar raha tha....
Rahul:- Rona band karo.....Sab hame dekh rahe hai.....Please rona band karo....Aur ye bataao ki jab tum Vijay se saccha pyaar karti ho to abb kya hua ......Kyu tum Vijay ke saath nahi ho???
Priya:- Kyu ki wo pyaar ke laayak nahi hai......Galat insaan se pyaar kar liya maine.....(Itna kehne ke baad fir se Priya ki aankho me aansu aa jaate hai) Tumhe dhokha dene ke baad pata chala Vijay ki assliyat.....Wo ek dam kameena aur gunda nikla......Bas sharif banne ka naatak kar raha tha mere saamne.....Mera use karne ke baad mujhe apni life se fenk diya.....
Rahul please meri baat ka yakin karo.....Sacche dil se maafi maangna chaahti hu tumse.....Maafi to bahut pehle maangna chaahti thi.....Lekin himmat nahi ho raha tha....Kal kisi tarah himmat jutaa kar tumhe phone kiya hai.....Yakin karo Rahul tumhe dhokha dene ke baad mai bhi bahut tadpi hu.....Ha pyaar na sahi lekin apni galti ke liye tadpi hu.....Bas yahi chaahti thi ki tum sahi salamaat raho.....
Ye kehne ke baad Priya fir se sisakne lagi.....Rahul ko pata nahi kyu lekin Priya ki baat me sachaayi najar aaya....Pehli baar sar uthaa kar usne Priya ko dekha....Uski aankho ki aansu dekh aur rote hue baat sunne ke baad Rahul ko yakin hua ki Priya sach bol rahi hai....
Rahul:- Maine tumhe pehle bhi warn kiya tha Vijay buraa insaan hai.....Uss vakt to tumne mujh par yakin nahi kiya aur mera hi majaak udaaya.....Iss kaand me bas ek tum hi ho jisse apni bewkoofi ki saza mil raha hai.....Mai bhi bahut dino tak tadpa....Lekin thank god....Nisha meri life me aa gayi aur usne meri life ko sawaara......Fir se khusiya diya.....
Rahul ki aawaj me abb nafrat nahi tha.....
Priya:- Bahut pyaar karte ho usse...
Rahul ne bas sar haa me hilaa diya....
Priya:- Bahut khushi hui Rahul ye sunkar......Meri vajah se tum jitna tooote the abb fir se sambhal gaye ho....Bas mujhe apni karm ka sazaa mila hai.....Lekin jindagi ne ek cheej sikha diya ki Vijay jaise insaan par yakin nahi karna chaahiye.....
Priya Rahul ke liye bahut khus thi ki Rahul life me aage badh gaya.....Usski galti ki sazaa abb Rahul ko nahi bhugatna pad raha....Vijay ne jab Priya ko chhoda tha tab usse Rahul ki sacchayi pata chali aur Rahul ki tadap dekh wo pacchtaane lagi......Uss vakt se wo apne se jyaada Rahul ke liye dua maangti thi jo aaj safal ho gaya.....
Rahul:- Priya kya tum mujhse dosti karogi....
Priya:- (Shocked hokar) Ye kya keh rahe ho Rahul......Mai iske laayak nahi hu....Mai to bas yahi chaahti thi ki tum mujhe maaf kardo....Bas itna hi kaafi hai mere liye....
Rahul:- Nahi Priya....Tum abb bahut badal gayi ho abb aur tumhe apni galti ka ehsaas bhi ho gaya.....Mai uss Priya se nafrat karta tha jisne mujhe dhokha diya hai iss Priya se nahi jo badal gayi hai ......
Priya:-Friends....
Rahul:- Bas Priya itna kahunga ki life me aage badho.....Koi na koi hame pyaar karne waala mil hi jaayega.....Ek jhutthe pyaar ke liye apna aansu mat bahaao.....Ye sab mai apne experience se keh raha hu.....Mujhe bhi laga tha ki tumhaara saath chhutne ke baad mera duniya khatam ho gayi hai lekin mujhe Nisha mil gayi.....Tum bhi yakin karo tumhe bhi koi muil hi jaayega vakt aane par....
Priya Rahul ki iss baat par kuch nahi bolti.....Bas sar ko haa me hilaa deti hai.....
Issi tarah se Rahul aur Priya kuch der aur baat karte hai.....Uske baad Rahul nikal jaata hai restaurant se.....
Restaurant se nikalne ke baad Rahul bahut khus tha ki Priya badal gayi hai.....Lekin usse Vijay par bahut gussa aa raha tha.....Agar Vijay iss vakt Rahul ko mil jaata to Vijay ki khair nahi.....Subah jab wo Restaurant me aaya tha tab wo bahut gusse me tha aur jab wo laut raha tab uske chehre par ek khushi tha....
Rahul to khus hote hue apne flat me aa gaya lekin iss baat se puri tarah anjaan ki abb aage uski life me kya tufaan aane waala hai.....
Jab wo apni flat ki taraf enter kiya to dekhta hai ki garden me Nisha ro rahi thi.....Uski aankh bahut sujh gaya tha aur chehra dekhne se aisa lag raha tha ki uska dil tuta hai.....
Rahul uske paas jaakar uske kandhe par haath rakh kar kehta hai....
Rahul:- Kya hua Nisha....Roo kyu rahi ho....
Rahul ki aawaj me ghabraahat tha.....Rahul Nisha ko rota dekh bahut ghabra gaya tha.....Usse samajh me nahi aa raha tha ki Nisha kyu roo rahi hai.....
Nisha Rahul ka haath apne kandhe se jhatak kar kehti hai.....
Nisha:- Kaun thi wo ladki????
Nisha ki aawaj me bahut dard tha....
Rahul:- Kaun ladki.....
Rahul ko samajh me nahi aa raha tha ki Nisha kiske baare me keh rahi hai.....
Nisha:- Jiske saath tum restaurant me the....
Rahul:- Wo to Priya thi....
Rahul ne bhi bata diya......Jab usse ehsaas hua ki usne kya keh diya hai......Tab usse pata chal gaya aur dar laga ki Nisha ko misunderstanding ho gaya hai.....Abb Rahul ko samajh me nahi aa raha tha ki Nisha ko kaise samjhaaye aur sach bataaye...."Kya Nisha mera yakin karegi....Pehle hi uska bharosha tod chuka hu"......Ye baat yaad aate hi Rahul ko ek anjaana sa dar lagne laga.
