Romance Mere pyar ki khamoshinya

[Yash]

Update 68
Continue

Shaam me Rajesh ghar aaya...yash samne sofe pe hi baitha tha...yash uski taraf
aaya aur uske pair chue...rajesh ne use apne gale se laga liya...

Rajesh: kaise ho yash...

Yash: papa thik hoon...aap thode kamjor ho gae hain...

Rajesh: nahi beta ab budhape ki taraf kadam badh rahe hain to kamjori to aaegi...

Savita: khana peena to hai nahi beta ye to bus bahane banate hain ...
aap dono baitho mai chai bana k lati hoon...

Yash ko aaj eak baat ki khushi ho rahi thi ki savita ne uske papa ka dhyaan achche
se rakh rahi thi...rajesh aur yash jaakar sofe pe baith gaye...yash ka man ho raha
tha ki wo rajesh ko abhi keh de ghar k baree me ar usne socha ki raat me kehna
hi sahi hoga kyonki rajesh abhi abhi kaam se waapas aaya tha...

Rajesh: yash tumahri teaching kaisi chal rahi hai...unn bachcho ko achche se
padhate ho ki nahi...

Yash: bus papa jo bhi mujhe pata hai unhe bata deta hoon...becharo ka iss duniya
me koi nahi hai...

Rajesh: achchi baat hai beta...tum achcha kaam kar rahe ho...usne thandi saans
lete hue kaha...Rashmi kaisi hai...

Yash: achchi hai papa ghar ka bahot achche se dhyaan rakha hai usne...

Savita phir chai lekar aa gayi...teeno ne phir sath me chai peeya...
uske baad Rajesh aur yash saath me t.v dekhte hue baate karne lage rajesh usse gaon ki jankaari le raha tha jiska jawab yash k paas na ke barabar tha...savita kitchen me khana bana rahi thi...

Yash: papa apse eak baat kehni thi...

Rajesh: haan bolo na...

Yash: papa wo wo...use kehte nahi ban raha tha...

Rajesh: daro mat kaho...

Savita bhi khana bana kar unke paas aakar baith gayi...

Savita: kya bate chal rahi hai baap bete me...

Rajesh: are kuch nahi yash koi baat kehne hichak raha hai...

Savita: are yash apne papa se baat karne me kaisi hichak...

yash ne phir himmat karke kaha...

Yash: papa wo nanaji ka jo ghar haai na wo resale ho raha hai...kya hum use le
sakte hain...kya hai na maa ko uss ghar se bada lagav tha...Aur nana ji ki to
wo jindagi thi...

Rajesh thodi der shant raha...Yash ko uski khamoshi khae jaa rahi thi...wo
kaphi nervous ho raha tha ki rajesh haan bolega ya nahi...waise to aaj tak
rajesh ne use kisi bhi chiz k liye mana nahi kiya tha par ghar eak bahot
badi chiz hoti hai...

Rajesh: thik hai beta hum uss ghar ko le lenge...

Yash ne jab ye suna to uski khushi ka dhikanaa nahi raha...par tabhi rajesh ne
phir se kaha...

Rajesh: par beta uss ghar ki kimat kitni hai...

Yash ne jab ye suna to use jawab dete na bana...actually usne iss bare me to
aayush aur ajju se pucha hi nahi tha...yash khamosh rajesh ki or dekhta raha...

Rajesh: beta maine aaj tak tumhe kisi bhi chiz k liye mana nahi kiya...iske liye
bhi mana nahi karunga...par tumse eak baat kehna chahta hoon dekho apne papa ki
baat ka bura mat manana...

Yash lagatar rajesh ki or dekhe ja raha tha...

Rajesh: beta mai janta hoon ki tumhare sath bura hua hai...tumhari maa ki death
ho gayi...phir tumhari best friend jo tumhari jaan thi drishu wo tumse alag ho
gayi...ye kisi bhi k sath hota to wo waisa hi react karta jaise tumne shuruaat
me kiya tha...par koyi bhi inssan tumhari tarah haar maan k nahi baith jata...

yash ko rajesh ki ye baat seedhe dil pe lagi...

Rajesh: beta mai janta hoon ki ye bahot kadvi baat hai par kya tumhare sath jo
hua wo mere sath bhi nahi hua hai...mere maa baap ki death hui...phir jise mai
ane pita ki tarah maanta tha mere sasur iss duniya se chale gae...aur akhir me
tumhari maa ka sath jeevan bhar k liye mujhse choot gaya...kya mai inn sab se
tumse kam pyaar karta tha...

Yash: nahi papa aisa kyon bol rahe ho...

Rajesh: beta jab tumne shuruaat me padhayi chodi to maine kuch naa kaha socha
ki tum abhi chote ho tumhe achanak itna dukh hua dhere se sambhaal jaoge...
par paanch saal betaa tumne apne pure career ko barbaad kar diya...
Tum samay se bilkool pichad gae beta...

savita chup chap unki baate sun rahi thi usne bich me bolna munasib nahi samjha...
yash ka sar ab niche ho gaya tha...

Rajesh: Yash tum mere bete ho...duniya me mujhe aaj tumse pyari koi chiz nahi hai
aisa bilkool apne man me mat lana ki mai tumhe ssuna raha hoon...yahan bus
eak baap apne bete ko samjha raha hai...tum parvati se pyaar karte the par
Tumne mere bare me kabhi nahi socha...haan mai janta hoon ki eak maa apne bachcho se
jyada close hoti hai par eaak baap ka kya yash kya maine tumhe pyaar nahi diya...

Rajesh thoda imotional ho gaya tha uski awaz thodi bhari bhi ho gayi thi...
par usne khud ko sambhal liya...

Rajesh: jindagi bhar kiske liye mai kamata aaya hoon...aaj bhi mujhe kamane ki kya
jarurat apne ghar se itni door aake...par bus mera beta sukhi rahe use kisi bhi
baat ki taklif na ho...par yash tumne mere bare me eak baar bhi nahi socha...

Yash: nahi papa mai apse bhi utna hi pyaar karta hoon jitna maa se karta tha...

Rajesh: nahi beta tumne mujhme aur parvati me bhedbhav kiya hai...paanch saal
se tum uske liye depreesion me par tumhe ye nahi laga ki tumhare papa ko tumhari
jarurat hai...kya saavita se shadi karva kar tum apne bete k farz se mukt ho gae...
meri baat bhi chodo rashmi ko le lo wo bechari tumhare liye din raat pareshan rehti hai par tum uske bare me sochte ho...apne dosto k bare me sochte ho jo din raat tumhare piche lage rehte hain...

Yash to rajesh ki baat sun jaise aaj nennd se jaga ho...usne sach me in sab ki
or dhyaan hi nahi diya kabhi...

Rajesh: tum sirf apne dukh aur unn do logo k bare me sochte ho jo tumhe chod kar
apne apne karano se chale gae aur ab kabhi wapas nahi aane wale...
mai tumhara pita hoon beta...pls eak reqst hai apni jindagi yu barbaad na karo...mujhe sach me bahot dukh hota hai...

Itna kehkar rajesh utha aur ghar k bahar savita ko dahi lane k bahane se nikal gaya.
par aaj usne yash k pure shaksiyat ko khagjhor diya tha...koi aur ye sab kehta to
shayad yash uss or dhyaan bhi na deta...par aaj ye baat uske pita ne usse kahi thi
yash bhi wahan se nikal gaya...rajesh to kuch hi der me wapas aa gaya...

Rajesh: savita maine kya yash ko jyada keh diya...

Savita ne uske kandhe par haant rakh kar use kaha...

Savita: bilkool nahi humare yash k liye ye bahot jaruri tha...dekhna ab wo khud
apne aap aage badhne ki koshish karega...

Rajesh aur Savita ka rista pati patni se jyada dard, sath aur dosti ka ho gaya tha
dono eak dusre ka sahara ban chuke the...

Raat jyada nahi hui aath k aas paas hue the...Chandigarh k sector 21 market me abhi
kaphi bedh badh thi...yash eak cofee shop me jaa kar baith gaya...humesha ki tarah
aaj wo ro bilkool nahi raha tha...balki aate jate logo ko dekh wo soch me chintan
kar raha tha...

Yash man me:
sach me mai bada hi swarthi hoon...papa ne sach hi kaha maine sirf apne dukh ko
dekha...sabhi mujhse kitna pyaar karte hain...Duniya me kis insaan ko dukh nahi
hoga...har logo k paas apne dukh hai...

sabhi ne apne pariwar me kisi na kisi
ko khoya hai par koi meri tarah haar maan kar nahi baitha...meri wajah se
papa kitna pareshan hai...rashmi k lagav par bhi maine kabhi dhyaan nahi
diya...ab mai inhe kabhi dukh nahi pahunchunga...

Aayush, ajju, shipra sab ne mera kitna dhyaan rakha...sach me to mai ab unke
dosti k kabil bhi nahi raha...sab ko kitna dukh pahuchaya hai maine...

Tabhi wo achnak se wahan utha...usi samay waiter wahan aaya aur bola...
sir apki cofee...yash ne use bill k paise diye aur wahan se bina cofee
peeye hi nikal kar ghar par aa gaya...

Rajesh aur Savita sofe par baithe uska hi intzaar kar rahe the...yash ko dekhkar
savita apni jagah se uthi...

Savita: aao yash mai khana nikalti hoon...

Yash: maa eak minute ruko na...papa apne sach kaha ki maine aap sab ko bahot
taklif di hai...mai pichle dino ko wapas to nahi la sakta par apse eak vaada
karta hoon ki aaj k baad aap logo ko kabhi bhi shikayat ka mauka nahi dunga...

Rajesh apni jagah se khada hua aur usne jaakar yash ko apne gale se laga liya

Rajesh: haan beta mujhe tujhpar pura visvas hai...

Yash uske gale kage hue hi...

Yash: papa mai janta hoon ki mai bahot pichad gaya hoon par mai puri koshish
karunga ki jinadagi me kuch kar sakun bus apna ashirwad banae rakhna...

Rajesh: nahi yash jindagi me kabhi bhi deri nahhi hoti...insaan jab jagta hai
tab uske liye subah hoti hai...mera ashirwad to humesha tere sath hai...

Dono bhavuk ho rahe the tabhi savita yash k kandhe par haant rakh kar boli

Savita: Ashirwad to mera bhi tumhare sath hai...par pls aap dono abhi mere
upar kripa karo aur khana khane baith jao...usne majak karte hue kaha...

Yash aur rajesh dono iss baat par hauns pade...aur phir teeno ne eak sath baith
kar khana khaya...khana khane k baad teeno sath baith kar cofee pee rahe the
tabhi rajesh ne kaha...

Rajesh: yash tum jo bhi karna soch samajh kar karna...aur ghar ki chinta mat
karo mujhe aayush ne pehle hi bata diya tha uske baare me...

Yash ko ye sun kar hairani to hui par usne aage kuch nahi pucha kyonki
uske dost ne jo bhi kiya tha uske liye hi kiya tha...

Yash: papa kya kimat hai uski...

Rajesh: beta 80 lack haai par wo jitna important hai humare liye usse jyada
koi kimat nahi ho sakti...

Yash: phir bhi papa hum itni badi rakam kahan se laenge...Aage abhi rashmi ki
shadi bhi to karvani hai...

Rajesh: haan beta yeh sochkar mai bhi chintit tha par savita ne uska hal bhi
nikal liya...hum apne sheher k ghar ko bech rahe hain usse hume 45 lakh tak
mil jaenge...jo savita ka apartment tha uski keemat bhi 25 k aas paas hai...
Baki k 10 lakh mai apne savings se dunga...

Yash: par papa savita maa ne wo ghar badi mushkilo se liya tha...

Savita: beta ab mera jo bhi hai wo tumhara hi to hai...tumhari khushi k samne
wo ghar kuch bhi nahi...waise bhi ghar insaano se banta hai...naki insaan
ghar se...aur tumhare nanaji ka ghar to rahega hi hum sab k liye...

Yash ne jab ye suna to wo savita ki or dekhta reh gaya uski eak maa ki ichcha ko
bachane k liye uski dusri maa apne sare jeevan ki punji laga rahi thi...

Yash: par papa phir bhi rashmi ki shadi k liye...

Rajesh: betaa sab ho jaega...mere paas uske liye bhi sab sadhan hai...abhi bhi
mai loan le sakta hoon 47 ka hi to hua hoon...abhi itna bhi budh nahi hua...

Rajesh ki iss baat par teeno husne lage...

Rajesh: maine aayush ko keh diya hai dono ghar ko sale karne k liye...eak to
ghar tumhare naam par hai aur savita kal tumhe power of aterny banwa kar de degi...

Yash ne savita ki or dekha aur phir usse kaha...

Yash: savita maa thank u so much..aap sach me maa ki tarah hi ho...wo bhi meri
khushi k liye kuch bhi kar deti thi...

Savita ki aankhe iss baat par khushi se nam ho gayi...usne muskurate hue
yash sirf pagal keh diya...

Aaj sach me kitne dino k baad khushi ka mahoul aaya tha...yash aaj bahot
din baad dil se khush hua tha...uski pareshani aaj uske liye bahot choti
reh gayi thi...use to bus ab apne chahne walo ko kisi bhi tarah khush
rakhne ka man ho raha tha...

Yash: papa kal mai chala jaunga pls mera reservation karwa dena...

Savita: par yash aaj to aae ho beta..kuch din aur rook jao...

Yash: nahi maa meri behen ghar par akeli hai...aur waise bhi jindagi k bikhre
panno ko sametne me ab mai deri nahi karna chahta...

Rajesh aur Savita yash k mooh se aisi bat sun kar khush ho gae...

Rajesh: jane do savita...ab mujhe yakin hai ki ye mera yash ban k mujhe wapas
se dikhega...

teeno bade hi khush the...raat me yash hall me soya...rajesh ne bus eak
bedroom wala apartment liya tha...shuru me usne 2bhk liya tha paar koi na
aata dekh usne phir 1bhk apartment kiraye me le liya...

Sote samay yash ne phir apne purse ko khola aur usme rakhi photo ko dekhne
laga...par aaj jyada udas nahi tha...drasti ki tasvir dekh uske dil me eak
tees jaarur uthi par usne uspe dhyaan na diya...dono tasviro ko chum kar
usne tasvir ko good night wish kiya aur sone ki koshish karne laga...

Dusre din savita ne yash ko power of aterny banwa k de di rajesh pura din yash
k sath hi raha usne yash ka reservation tatkal se raat wali train me karwa diya...
teeno din me market bhi gae...rajesh aur savita ne wahan yash aur rashmi dono
k liye kapde liye...phir Raat me yash ko dono chodne station gaye...

Jab yash train me baithne jaa raha tha to rajesh aur savita dono ki aankho me
aansu the jinhe dekh yash bhi bhavuk ho gaya...par usne dono ko shaant kiya
aur jaldi gaon aane ko kaha...

Train chuti to yash darwaze par khada rajesh aur savita ko dekha...dono eak sath
khade the...yash ko uss amay aisa laga jaise parvati uske man me aakar
bahot khush ho aaj...yash ko savita puri parvati ki tarah lag rahi thi
rajesh k sath...shayad rajesh k liye usne khud ko pura parvati k roop me
dhaal liya tha...yash ne unko hath hila kar bye kaha unhone bhi yash waise
jawab diya...

 

[Yash]

Update 69
Continue

Idhar rashmi ko savita ne phone kar saari baaten bata di thi...rashmi ne jab ye
suna ki yash ne bahot hi positive reaaction diya apne papa ki baat ka to wo
bahot khush ho gayi...usne sari baat shipra,aayush aur ajay ko bata di...

Sab Bahot khush hue bus ab unki yahi prarthna thi bhagwan se ki Yash ne jo
wahan kaha hai wo use kar k dikhae...wo sab Yash ka wait kar rahe the...

Dusre din yash jab station pe utra to aayush aur ajju pehle se hi station me
maujud the...unhone yash ko gale lagaya phir car se gaon ki or nikal gae...

Yash: bhai papa ne tujhe jo kaam kaha tha wo ho gaya na...

Aayush: haan bhai dono ghar ki baat ho gayi hai...aur maine nanaji k ghar
ka advance de kar agreement bhi karwa liya hai...

Yash: bhai par paise...

Aayush: bhai wo dono gharo se jo agreement amount mile hain wo hi diya hai...
parso wo dono ghar k sath nanaji k ghar ki ragistry hai...

Yash: bhai thanks par mai do din pehle gaya aur parso raat ko maine papa
se baat ki to tune kal bhar me ye sab kar liya...

Aayush samajh gaya ki yash ko pata chal gaya hai ki ye sab uski planning thi...

Aayush: bhai sorry yaar wo maine uncle ko pehle hi bata diya tha...

Yash: koi nai yaar achcha kiya wahan jane se maine bahot kuch paa liya hai...

Tabhi ajju bol pada...

Ajju: bhai tune to paa liya par sala humne bahot kuch khoya...

Yash: kaise...

Ajju: bhai wo tere nana k ghar ka jo present me owner hai na...usne hume
dekhte hi ghar se nikal diya...purane pange k karan...

Yash: phir...

Ajju: phir kya bhai apni ijjat khokar uski dus galiyan suni aur jab tera uss
ghar se rista bataya tab jaa k mana wo...

Yash ko uski iss baat par hasin aa gayi...Yash ko aisa husta dekh aayush aur
ajju dono khush hoo gae...raste bhar teeno masti aur baate karte hue gaon
pahunch gae...

Rashmi aur shipra bhi yash ka wait kar rahe the...yash ko khush dekh
wo log bhi bade khussh hue...sab ne decide kiya ki aaj raat wo sab
eak sath yash k ghar par hi dinner karenge...

khane me aaj shipra aur rashmi ki madad yash ne bhi ki...Rashmi yash ko iss
roop me dekh fule nahi sama rahi thi...uski paanch saal ki tapasya aaj puri
hui thi...

raat me khana khane k baad pancho eak sath baithe the...us samay yash thoda gambhir
lag raha tha...Rashmi ne jab ye dekha to yash se usne pucha...

Rashmi: kya hua yash bhaiya aap khamosh kyon ho...

Yash: rashmi maine papa se promise kiya hai ki mai jindagi me aage badhunga...
par ab samajh me nahi aa raha hai ki shuruaat kaha se karu...

Rashmi: aap tention kyon le rahe ho sab thik ho jaega hum sab hai na apke sath...

Yash: nahi rashmi mai shant nahi reh sakta...bahot din aise hi gujar diye maine
ab kuch na kuch krna hi hoga...

Aayush: bhai tu eak kaam kar na mere sath buisness me aaja kya hai yahan ki jo
mobile shop hai use prakash bhaiya dekh rahe hain aur jo computer ki shop hai
use hum dono band kar shher me eak mobile shop kholne jaa rahe hain...

Ajju: haan bhai ye sahi rahega....

Yash: nahi bhai ye mujhse nahi hoga...business ka 'B' bhi mujhe nahi aata...
usme mai tum dono k upar eak bojh ban k reh jaunga...

Ajju: haan bhai ye bhi tune sahi kaha...

Rashmi: yash aap meri mano to phir se padhayi start kar lo...

Yash: rashmi main padhayi to karunga par ab college nahi ja paunga...

Aayush: bhai tujhe problem hai par teri umar abhi utni bhi nahi hui hai...

Yash: nahi bhai par ab regular college jane ki himmat nahi hai...

Yash: shipra tum bhi kuch kaho na...

Shipra pure time yash ki or muskura k dekh rahi thi...use bada achcha lag raha
tha yash ko khud k liye baat karna...yash ne jab usse pucha to usne yash ko kaha

Shipra: mujhse shadi kar lo...

Sabhi uski iss baat par uski or dekhne lage...

Shipra: are meri or aise kya dekh rahe ho...mai yash ko permanent job de rahi
hoon as a husband life time job hai ye to...

Sabhi uski iss baat par huns pade shivay rashmi k...

Ajju: shipra ye apne sahi kaha...

Rashmi: kya sahi kaha...aap logo ko majak sujh raha hai yahan itni
important baat chal rahi hai...

Aayush: shant phulan devi...hum apke yash bhaiya ka majak nahi bana rahe...

Yash: haan rashmi itna to chalta hai...par friends ab pls batao to kya karna hai
mujhe...

Aayush: bhai abhi rehene de na kal kuch soch kar bataenge...

Yash: bhai par bata jarur dena...

Sabhi phir baton me lag gaye...raat me aayush aur ajju k jane k baad jab yash apne
room me gaya to use drasti ki yaad aane lagi...aisa pehli baar hua tha ki drasti
ko yaad kar wo dukhi nahi hua tha...usne pocket se purse nikala aur uski tasvir
ko dekhte hue kehne lag...

Yash: drishu mai tumhe aaj bhi miss kar raha hoon aur tumhar intzaar bhi par
mai sab ko ab dukhi nahi karna chahta...sab mujhse bahot pyaar karte hain
aur usnke pyaar ko mai jhutla nahi sakta...tumhara intzaar mai humesha
karunga...i love u my princess...aur usne drasti ki photo ko kiss kar diya...
mujhe pura visvas hai ki tum wapas jarur aaogi...

Drasti uss photo me muskura rahi thi...yash bhi usko dekh kar muskurane laga
aur use seene se laga k sone ki koshis karne laga...

Subah yash k liye nayi subah le kar hi aayi...yash fresh hokar baitha hi tha aur
rashmi ne uske liye nasta lagaya hi tha ki utne me aayush wahan aa gaya uske haant
me eak bag tha...

Yash: aa bhai chal tu bhi nasta kar le...

Aayush: abe nasta chod wo plant wale khurana ji se teri meeting fix ki hai...

Yash: bhai ye khurana koun hai...

Aayush: abe uss din humne ghar k liye jiska naam nahin liya tha wohi baki
rashmi tujhe bata degi...

Yash rashmi ki or dekhne laga...

Rashmi: wo DGM civil hain aur kuch din k liye yahan kuch construction tha use dekhne
aaye hain...

Yash: par unse milne se kya hoga...

Aayush: bhai ajju ne unko jab first year k do semester ka tera number baytaya to
wo tujhe noukri dene k liye raji ho gaye...

Shipra: yash wo bade hi achche insaan hain...abhi wo sheher k office me hi sath kaam
karte hain...mai I T ka kaam dekhti hoon phir bhi kabhi bhi unse help mangti hoon
to wo mana nahi karte...par wo inn chachundar ki bato me kaise aa gae...

Aayush ne usko huns k dekha...phir turant mooh bana k bola...

Aayush: time waste mat kar bhai...

usne itna hi kaha tha ki ajju bhi wahan aa gaya...

Ajju: bhai wo khurana ji ka phone aaya tha...yash bhai tu taiyaar nahi hua ab tak...

Aayush: bhai mai to kab se ise taiyaar hone k liye bol raha hoon...

Unhone phir yash ko andar lejakar jabardasti taiyaar kiya...andar unhone pehle
yash ki shaving ki...phir uske kapde utarne lage tab yash ne unhe mana kiya aur
rom k bahar nikal diya...thode der me yash jab bahar nikla to sab use dekhte
hi reh gae...

White shirt me blue shineing tie...blue trouser me yash ka chehra khil gaya tha..
aaj use iss roop me dekh rashmi k aankho me nami aa gayi wo yash k paas gayi
aur apne aankho se kajal nikal kar uske kaan k paas lagate hue boli...

Rashmi: kisi ki najar na lage mere bhaiya ko...

Shipra ki to najar yash se hat hi nahi rahi thi...yash ne bhale hi wark out
karna chod diya tha par uski bodi abhi bhi fit thi...aur shipra to usse pehle
se attracted thi...

Shipra: yash u r looking so handsome...

aayush: bhai apni tarif baad me sunana chal pehle khurana sir se mil le...

Yash: bhai par mere marksheet to le lu...par maine unhe rakha kahan hai mujhe
yaad nahi aa raha...

Rashmi: Yash bhaiya wo mere paas hai...rashmi andar jaa kar yash k pure documents
le aayi...

Phir Yash, ajju aur aayush wahan se nikal gae...Raste me ajju ne Yash se kaha...

Ajju: bhai sum maine unse ye kaha hai ki tu bahot hi intelligent student tha
jo ki tu tha dono semester me tere 75 percent se upar marks aae hain...
par maine ter padhayi chodne ka karan tere ghar ki poor finencial condition batayi
hai...

Yash: bhai tune jhoot kyon kaha...

Aayush: oh harischand ki oulad maine isse kaha tha...aur sun hum office nahi unke
ghar pe jaa rahe hain...to unhe sach batane ki sochna bhi mat...

Yash iss baat par chup raha...

Aayush: oye kya sochne laga...

Yash: yahi ki itne reputed post post wale aadmi ki pehchan tum logo se kaise
jho gayi...

Ajju: bhai uska laptop me virus aa gaya tha jise humne eak minute me thik kar diya
isse wo kaphi impress ho gae the humse...bechare bahot preshan the...

Aayush: bhai tu iss bare me mat soch bus unko impress kar de wo koi na koi job to
tujhe de hi denge...thodi der me wo teeno khurana k ghar par the...
khurana ne pehle yash ka introduction liya...

phir usse jab pucha ki
usne padhayi kyon chodi to yash ne unhe sab sach sach bata diya ki wo depressed
ho gaya tha...aayush aur ajju dono iss baat par yash ki or ghur ghur kar dekhne
lage...

Jispe khurana ne sawal uthae ki kal wo depress ho jaega to job bhi chod sakta
hai to yash ne kaha ki wo ab aisa nahi karega...aur agar wo kamjor hota to
aaj sach na bol pata...Khurana ko yash k upar yakin ho gaya...

Usne yash ko shere me apne under as office assistent ki post de di...
par ne use kaha ki wo job tabhi accept karega jab use padhne k liye
time diya jae means wo 6 baje k baad office me nahi reh paega...

Khurana yash ki simplicity se prabhawit ho gaya darasal wo khud eak
simple imandar aadmi tha aur use imandar insaan ki parakh thi...
usne yash ki baat maan li par ye bhi kaha ki jab uski jarurat jyada hogi
to use office me rukna hoga...

Jo akhri baat khurana ne kahi usse to wahan baithe sabhi log khush ho gae...
usne kaha ki yash agar 6 mahine achcha perform karega to uski padhayi ki
fees company degi...

Yash ne khurana ko thanks kaha aur phir teeno ghar wapas aa gae...

Ghar par yash ki job ki khabar se sabhi khush hue...par ab problem ye thi
ki rashmi yahan akeli kaise rahegi...to rashmi ne kaha ki wo bhi sath jaegi
aur sheher me hi koi job dhund legi...waise bhi use sheher se bahot sare
company k offer aa rahe hain...

Rashmi ne kaha ki agar use offer na bhi aa rahe hote to bhii wo apne yash bhaiya
ko na chodti...shipra bhi yash k iss kadam se kaphi khush thi...bhale hi
yash ka ye kadam bahot chota tha par yash ne shuruaat jarur kar di thi...

Yash ne apni maa k tasvir k aage apna sar jhukaya aur aage ki apni jindagi k liye
ashirwad manga...
Aaj parvati jahan bhi hai khush hogi uske yash ki jindagi ki eak nayi shuruaat jo
hui hai...

 

[Yash]

Update 70
Continue:

Dusre din Yash aur aayush ne jaa kar ghar k sabhi kaarwahi puri kar di...
Jab Yash ko owner ne ghar ki chabi di...to wo bahot khush ho gaya...
uske haant kaamp rahe the...

Abhi owner ka saman wahan rakha tha is liye unhone tai kiya ki paanch din baad
saman shift karvane k baad hi wahan jaenge...gaon pahunchne k baad yash ne
rashmi k haant me ghar ki chabi di...

Yash ne rajesh ko phone kar shukriya kiya...usne rajesh ko thanku kaha aur
apne job k bare me bataya...rajesh kaphi khush ho gaya yash k job k baare
me sun kar...

Paanch din baad sabhi saman k sath yash aur rashmi gaon se sheher aa gae...
yash ne jab pehle din uss ghar par kadam rakha to uski sari purani Yaden uske
samne yaad aane lagi...use aisa laga ki kitchen se nikal uski pyari mami
use abhi bulaegi...sidhiyon se drasti kabhi bhi niche aakar usse camplain
karegi ki wo itne din ghar kyon nahi aaya...

Kaphi achche pal pure pariwar k sath usne yahan bitae the...
use aaj apna pura pariwar uss ghar ki chat k niche mehsoos ho raha tha...
aaj uske dil me eak khushi bhi thi ki ab iss ghar ko wo humesha
sambhal k rakh sakta hai...jo ki uski maa ki eak aur antim ichcha thi...

Ghar k saman jamane me pancho friends jut gae...rashmi ne niche ka kamra liya
aur yash to aap sab ko pata hai koun sa kamra le sakta hai...
usne apna sara saman drishu, parvati aur pure pariwar ki family photo
uss kamre me pehli ki tarah laga di...aur usi me rehne laga...

Yash ko uss kamre me aisa mehsoos hota jaise drishu uske sath hai...
yahin usne aakhri baar apni jaan se bhi jyada pyaari drishu ko
dekha tha...

shipra k pita ab retair ho gae the aur apne native plce me jaa kar bus gae
the...isliye shipra sheher me room lekar job kar rahi thi...

Rashmi ne use bhi sath aane ko keh diya...pehle Shipra ne mana kiya par yash aur
rashmi k baar baar force karne par wo sath rehne k liye maan gayi...

Kuch din baad aayush aur ajju ne bhi sheher me hi eak mobile ki showroom
khol li...yash ne unhe sath rehne ko kaha par aayush ne use mana kar diya...
wo ye nahi chahta tha ki rashmi se shaadi hone se pehle wo uske sath rahe...
wo dono rajiv k liye hue ghar me rehne lage...

Yash office me khurana k under me reh kar kaam karne laga...khurana yash ko
official paper work k sath civil engg ki bhi jankari dete chal raha tha...
Yash k shant svabhav se office k sabhi log usko bahot pasand karne lage...

Yash kisi ko bhi koi bhi kaam k liye mana nahi karta tha...din ba din yash kaam me
busy hone laga...subah se shaam tak wo office ka kaam karta aur raat me
ghar par padhayi karta...

Kaam aur padhyi ko chodkar yash ko sirf suterday ka intzaar rehta jis din
sabhi pancho dost milkar bahar ghumne jate...Bus raat me sote samay wo
drasti aur parvati ki tasviro ko dekhta aur unse bate kar so jata...

Yash ko aaj bhi apni drishu ka intzaar tha...par ab usne tai kar liya tha ki
wo jindagi ko apne apno k liye jieaga...par uske dil par aaj bhi uski drishu
busi hui thi...

Par ab kisi aur k dil me hulchal honi chalu ho gayi thi...uski najre apne
sajan ko chup chup k dekhti thi...har pal uska dhyaan apne dilbar ki or rehta..
pyaar to purana tha bus rang naya tha...

din ba din uska pyaar naye aayam chune ko pukar raha tha...use aas bhi thi
aur wo apne pyaar k paas bhi thi...bus humesha ki tarah intzaar bhi tha jiski
puri honi ki aas ab se jyada kabhi nahi thi...

Log kehte hain sab se jyada taklif kisi insaan ko tab hoti hai...jab uska
pyaar uske paas hokar bhi uske paas na ho...

Shipra ko yash se pyaar pehle se hi tha...Par yash K kisi aur k chahne ko
usne apne pyaar ki destiny maan kar yash se doorie bana li thi...

Par ab Drasti yash k sath thi nahi na hi uske aane ki koi aas thi...
shipra yash k sath eak hi ghar me rehne lagi thi...usne yash se
drasti ka room khud k liye manga jise yash ne use bade pyaar se mana kar
diya...par shipra ne uske iss baat ko bura manane ki bajae khushi se liya...

Yash ki yahi khubi to use pasand thi...uske pyaar karne ka andaaz hi to
use bhata tha...wo yash ko chup chup kar dekhti...uski pasand ka khana
banane ki nakamyab koshish karti...yash bhi uske banae khane ko bina
kuch kahe kha leta...

Shipra janti thi ki yash k life me drasti ki jagah koi nahi le sakta...
par wo uske dil me apni eak alag jagah banana chahti thi...
uski bus eak chah thi ki yash use pyaar karne de...bhale wo kisi aur
se pyaar karta rahe...

Wo to bus yash kki khushi me hi apna pyaar dhundna chahti thi...kehte hain
ki pyaar ibadat hai...aayush ki parchayi usne yash me dekhi to uske
piche hi bawali ho gayi...pagal thi shipra...

Yash bhi usko apna sachcha dost maan kar use kabhi bhi dukh nahi pahunchata
tha...yash,rashmi aur shipra sath me hi ghumne jate sath me hi khate
sath me masti karte...

Saterday eveninng to pancho dost blast karte...jaindagi eak khushnume
chal se chal rahi thi...

Shipra yash ki har pasand na pasand ka khayal rakhti thi...wo humesha
yash ki pasand janne me jooti rehti...eak din usne rashmi se yash
k baare me pucha ki use kaise kapdo me drasti achchi lagti thi...
uss samay yash apne room yane jjo pehle drishu ka room tha usme tha...

Rashmi: aisa kyon puch rahi ho tum...

Shipra: aise hi...

Rashmi: tumhe kya lagta hai...

Shipra: Har ladko ko to short dresses me ladkiya pasaand hoti hai...yash ko bhi
sayad yahi pasand hoga...

Rashmi: nahi tum galat ho...yash bhaiya ko drishu humesha indian dresses me hi
achchi lagti thi...par woo kamini to kahan chali gayi...sach kahun shipra mujhe
yash bhaiya aaj bhi akele mehsoos hote hain...bus farak itna hai ki wo ab
apno k liye jitna ho sake jindagi me aage badhna chah rahe hain...

Shipra: wo jyada din aisa nahi rahega...usne dheere se kaha...

Rashmi: kya kaha tumne...

Shipra: nahi kuch bhi to nahi...

utne me yash wahan aa gaya aur wo sab bahar dinner karne nikal gae...
aayush aur ajju ne bhi unhe rastourent me join kiya...

Rashmi ne ab sheher me hi eak aur campany me join kar liya tha...
wo apne scooty me wahan jati thi...Yash aur shipra ka office
eak tha iss liye wo dono sath me jate the...

Subah yash aur rashmi taiyaar hokar niche sofe par baithe the...
par har roj jo sabse pehle taiyaar hoti thi wo aaj nahi aayi thi...

Yash: rashmi ye shipra kahan reh gayi aaj...

Rashmi: pata nahi bhaiya...mujhe late ho raha hai mai nikalti hoon
aap log baad me nikal jana...

Yash: thik hai tu nikal aur sambhal k jana...aaj kal dekh raha hoon ki
tu bahot tez scooty chalati hai...

Rashmi: sab apse hi sikha hai...usne huste hue kaha...

Yash: pagal...usne rashmi k sar par thapki marte hue kaha...

Rashmi wahan se nikal gayi aur yash sofe par baith shipra ka wait karne
laga...par jab usne dekha ki shipra nahi aa rahi to usne shipra k room
k daarvaje par knok karte hue kaha...

Yash: shipra aur kitna time lagega...aaj to khurana sir meri band baja denge...

Shipra: bus do minute...ho gaya...

shipra ne phir jaise hi darwaza khola yash use dekhta hi reh gaya...
shipra ne jab yash ko apni taraf gour se dekhte dekha to uski aankhe
apne aap nichi ho gayi...

Aasmani rang k patiyala salwar suit me shipra bahot hi khubsurat lag rahi thi...
yash se wo do saal badi thi...aur suru se hi wo thodi machure lagti thi...
par aaj pehli baar indian dress me wo gajab dha rahi thi...

Yash ne jab use dekha to use kisi ki yaad aa gayi...taiyaar bhi to shipra
usi ki tarah hui thi...drasti ki tarah aankho me kajal, mathe me choti si
bindi...mulayam lips me halka gulabi rang ki lipslic shipra ne bhi lagaya
tha...figure to uska shuru se kamal tha...jo salwar suit me khub samne
aaya tha...

Saanso k sath uthte uske breast humsha ki tarh ubhar rahe the,,,
chati ka khula hua hissa jisme sala thoda jyada khula hone ki wajah se
shipra k breast k gore ghati ki tarah clevage gajab dha rahe the...
shipra apne dono haanto ko pakad nervous feel kar rahi thi...
aur sharmati hui ladki humesha aur khubsurat dekhti hai...

Yash ki saanse usko dekh kar phulne lagi...yash se jab bardast nahi hua
to wo turant muda aur usne kaha...

Yash: shipra late ho raha hai...ab hume chalna chahiye...

Shipra ko aisa laga ki yash sharma raha hai isliye usne mooh pher liya...
wo muskurate hue uske peeche chali gayi...

Office me pure din jab bhi wo yash k samne aati to yash use eak baar jarur upar
se niche tak dekhta...wo uske samne se jab bhi gujarti yash use chor najro se
dekhta rehta...par usne ab tak shipra ki tarif nahi ki thi...

Shaam me ghar aane k baad jab yash upar apne kamre ki or jaa raha tha tabhi
shipra ne usse kaha...

Shipra: Yash aaj apne mujhe thik se dekha nahi kya...

Yash: dekha na...aaj tumne pehli baar salwar suit pehna hai...

Shipra: to tumne bataya nahi ki mai kaisi lag rahi hoon...

Yash ne shipra k iss prashn ka sirf eak hi jawab diya...

Yash: Bahot khubsurat...bilkol paree ki tarah...

Phir yash apne room ki or chala gaya...

Shipra yash k itna kehne se hi uske jane k baad shipra khushi me uchalne
lagi...par use iss baat ka abhas nahi tha ki use khushi se jhumte rashmi
piche se dekh rahi hai...

 

[Yash]

Update 71
Continue

Shipra apne dhoon me hi magan thi use rashmi k aane ka abhas hi nahi hua...
par jab uski najar rashmi par padi...wo use dekh kar dar gayi aur
sidha khadi ho gayi...usne haklate hue rashmi se kaha...

Shipra: rashmi tum aa gayi...aao na undar...kkkk kab aayi tum...

Rashmi ne uski or ghur kar dekha aur uske paas aa gayi...shipra ne man me socha
ki aaj uski chori pakdi gayi...rashmi use lagatar dekhe jaa rahi thi...

Shipra: kya hua rashmi tum mujhe aise kyon dekh rahi ho...

Rashmi: kuch nahi bus aaj tum bahot khubsurat lag rahi ho iss suit me...

Shipra uski iss baat par thodaa relax hui...

Shipra: are haan dekho na maine naya suit liya hai...achchi lag rahi hoon na...

Rashmi: maine tumhe pehle hi kaha hai ki tum issme bahot khubsurat lag rahi ho...

Shipra: oh haan...achcha tum jao fresh ho jao...m m mai bhi ho jati hoon phir
aaj sab k liye chai banaungi...

Aur wo palat kar jane lagi...tabhi rashmi ne use piche se rukne k liye kaha...
shipra ne apni jeebh apne daanto me daba li...use pata chal gaya ki rashmi
ne uski chori pakad li hai...

Rashmi: shipra...mujhe tumse kuch baat karni hai...aao room me...

Shipra: rashmi pehle fresh ho jate hain phir aaram se baat karenge...

Rashmi: thik hai mai room me tumhara intzaar kar rahi hoon...

Shipra man me:
aaj to mai gayi beta...ab ye meri class jarur legi...

Shipra bahot nervous ho gayi thi ki rashmi ab kaisa react karegi...
wo apne kamre me gayi aur fresh hokar kapde badal liye...

Idhar yash din bhar se aaj eak ajeeb kasmkas me tha...usne jab se
shipra ko salwar suit me dekha tha tab se use drishu ki baar baar
yaad aa rahi thi...wo apne kamre me fresh hone k baad bed par let
kar drasti ko yaad karne laga...

Drasti jab pehli baar yash k samne saalwar suit me aayi thi tabhi
se yash ko apne pyaar ka ehsas hua tha...wo bhi shipra jaise aaj
taiyaar hui thi waise hi taiyaar hoti thi...uske dil me drasti ko
yaad kar eak tadap si paida hui...jo eak halke se dard k roop me usse mehsoos hone lagi...

Wo din bhar shipra ko chup chup kar dekhta raha...use apni drishu ki
yaad jo dila rahi thi wo...yash ne uski tasvir ki or dekh eak
thandi saans li...aur muskurate hue apne dil par haant rakhte hue kaha...

Yash: i miss u drishu jaldi wapas aa jao meri paree...ab intzaar bhi
intzaar karne lagi hai...i love u always...

Niche shipra fresh hokar chai banane kitchen aa gayi...chai banane k baad
wo pehle yash ko chai dene jane lagi kyonki use rashmi k samne jane me
dar lag raha tha...

Room me jab wo pahunchi to yash bed par leta tha...shipra ko dekhkar wo bed par hi
baith gaya...shipra muskurate hue uske paas aayi...

Shipra: lijiye shehnsha apke liye garma garam chai...

Yash: thank u shipra...

Shipra: tum chai peeyo mai rashmi ko bhi chai de kar aati hoon...
wo uske room se nikalne hi wali thi...tabhi yash ne usse kaha...

Yash: shipra suit sach me achcha lag raha tha tumhare upar dubara jaarur pehenna...

Shipra yash ki iss baat se phuli na samayi...aur muskura kar use phir se
thanku kaha...aur wahan se nikal gayi...wo niche pahunchi hi thi ki rashmi
ne usko awaz di jo khushi use yash k tarif se mili thi wo phir dar ne le li...

Shipra darte darte rashi k room me apne aur uske liye chai lekar gayi...
rashmi bed par baithi shipra ka hi wait kar rahi thi...shipra k hant se
usne chai ki cup le li aur use apne bagal me baithne ko kaha...
dono sath me baithkar chai peene lage...

Rashmi: shipra mai janti hoon ki yash bhaiya k man me tumhare liye
bahot lagav hai aur shayad pyaar bhi...

Shipra usko kuch kehti uske pehle hi rashmi kehne lagi...

Rashmi: dekho shipra mujhse kuch chupa nahi hai...mai janti hoon ki tum
yash bhaiya ko pehle se chahti ho...

Shipra uski or hi dekh rahi thi...

Rashmi: shipra pls meri baat ka bura mat manana...tum pls apne man me koi
jhuti ummid mat lana...mai yash bhiya ko achche se janti hoon wo drishu
ko kabhi bhool nahi paenge...wo aaj bhi khush rehte jarur hai...par maine
unki aankho me aaj bhi drasti k aane ka intzaar dekha hai...

rashmi ne itna kaha aur chup hokar shipra ki or dekhne lagi par use badi hairani
hui kyonki shipra k chehre par iss samay eak muskurahat thi...

Rashmi: shipra tumhe meri baat ka bura nahi laga...

Shipra: bilkool bhi nahi rashmi...mujhe pata hai ki yash k dil me drasti
ki jagah koi nahi le sakta...

Rashmi: to kya tum yash bhaiya se pyaar nahi karti...

Shipra: nahi mere kehne ka matlaab ye nahi hai...yash mujhse pyaar nahi kar sakte
par mai to unse pyaar kar sakti hoon na...

Rashmi: mai samjhi nahi...

Shipra: mai janti hoon rashmi ki drasti yash k dil me basti hai...aur na hi usne
yash se koi bewafai ki hai...to yash use bhoole bhi kaise...drishu ki apni alag
majbooriyan thi yash ko chodkar jane ki...use bhi pata hai ki yash k uske papa
k upar haant uthane ka koi bada karan hi hoga...

Rashmi: to phir tumhe to papa hi hoga ki bhale hi iski ummid ab na k barabar
hai par agar drishu wapas aa gayi to yash bhaiya use wapas nahi jane denge...

Shipra: haan mujhe pata hai rashmi...dono hi eak dusre se bahot pyaar karte the
aur mujhe yakin hai drishu jahan bhi hogi yash ko jarur yaad karti hogi...

Rashmi: to phir tum ye bhi janti hogi ki agar drishu na bhi aae to yash bhaiya
tumse pyaar nahi kar paenge to phir kyon apne dil ko dukhana chahti ho...

Shipra: mai kahan apne dil ko dukhane ki taiyaari kar rahi hoon...maai to bus
yash ko pyaar karna chahti hoon...mujhe uske badle me yash ka pyaar nahi chahiye...

Rashmi uski iss baat par shocked ho gayi...shipra ka niswarth pyaar dekh
usko badi hairani hui...

Shipra: bura mat manana tum bhi meri behen ki tarah ho...
jab maine aayush ko haan kaha tha to wo bhi yash ki wajah se
tha...mai yash ko shuru se hi bahot chahti hoon...yash bhi ye
janta hai...

Rashmi shipra ki iss baat ko sun hairat me pad gayi...

Rashmi: kya yash bhaiya ko pata hai ki tum unse pyaar karti ho...

Shipra: haan use pata hai...par wo mujhe apna dost hi manta hai aur manata
rahega...mujhe iss chiz se koi shikayat nahi hai...

Rashmi: to phir tum kya chahti ho...

Shipra: Rashmi socho agar drasti apne jindagi me aage badh gayi hogi aur
wapas kabhi yash k jivan me kabhi nahi aayi to kisi ko to yash ka khayal
jindagi bhar rakhna hoga na...wo mai hona chahti hoon...

rashmi shipra k pyaar ko dekhkar emotional ho gayi...shipra ki yash k liye
jo pyaar tha wo kisi ibadat se kam nahi tha...shipra yash ko pyaar hi nahi
apni puja manti thi...uski khushi yash k khushi me hi thi...usne shipra ko
khud k gale laga liya...

raat me sote samay usne saari baat aayush ko call kar batayi to wo bhi
shipra ka yash k liye pyaar jankar dang reh gaya...

Aayush: rashmi aaj mujhe jindagi me sabse jyada sharmindagi ho rahi hai ki
maine iss pyaari ladki k sath bahot bura bartav kiya tha...

Rashmi: haan aayush shipra agar yash bhaiya k jivan me aa jae to wo '
yash bhaiya ko kaphi khush rakhegi hai na...

Aayush: haan wo to hai...par yash drishu ko kabhi bhi bhul nahi paega...
aur na shipra ko wo pyaar de paega jiski wo hakdar hogi...

Rashmi: bhagwan jane kya hoga...usne tense awaz me kaha....

Aayush: are tum tension kyon le rahi ho...jo hoga achcha hoga...
sab samay par chodna hi thik rahega hum abhi kuch bhi nahi kar paenge...
jitna ho sakta tha humne kar diya aur yash bhi ab jindaggi me aage
badhne ki koshish kar raha hai...

Rashmi: haan paanch saal ki ghutan se humne unhe ajad to kkar diya par
ab aage hum kuch bhi nahi kar sakte...

Aayush: to phir rashmi iske bare me sochna bekar hai...par waise
wo shipra mere liye bhi achchi hi hoti...aayush ne use chidhane k
liye kaha...

Rashmi: aayush usne gusse me kaha...

Aayush: mai majak kar raha tha janu...i love my rashmi vary much usse jyada
achchi mere liye koi nai ho sakti...

Rashmi: Thats better... i love u too...

phir dono idhar udhar ki baate karne lage...aur kuch der baad so gae...

shipra jaisi chahat rakhne ki himmat chahiye hoti hai...
apko pata ho ki aap kisi ko chahte ho aur wo apko dil se kabhi mil na
paye phir bhi uski khushi me hi apni khushi dhundo...

Yash apne kamre me drasti ki yadon k sath soya hua tha...akhir kahan hai
wo kaisi hogi aaj paanch saal ho gae the usko gae par eak baar bhi usne
kabhi bhi yash ko contact nahi kiya tha...karti bhi kyon uski najar me to
yash ne sach me eak galat kaam kiya tha jiski maafi nahi ho sakti...

Sach kaha jae to yash ko agar jara bhi andaza hota ki wo iss tarah
chali jaegi to wo use kaise bhi karke mana hi leta par use to wo mouka
bhi nahi mila tha...Aur ab aage mil paega ya nahi wo bhi nahi pata...

 

[Siraj Patel]

Hello, Ladies & Gentleman,
We are so glad to Introduce Ultimate Story Contest of this year.

Jaise ki aap sabhi Jante Hain is baar Hum USC contest chala rahe hain aur Kuch Din pahle hi Humne Rules & Queries Thread ka announce kar diya tha aur ab Ultimate Story Contest ka Entry Thread air kar diya hai jo 17th, Nov 2019, 11:59 PM ko close hoga.

Khair ab main point Par Aate Hain Jaisa ki entry thread aired ho chuka hai isliye aap Sabhi readers aur writers se Meri personally request hai ki is contest mein aap Jarur participate kare aur Apni kalpnao ko shabdon ka rasta dikha ke yaha pesh kare ho sakta hai log use pasand kare.
Aur Jo readers nahi likhna chahte wo bakiyo ki story padhke review de sakte hai mujhe bahut Khushi Hogi agar aap is contest mein participate lekar apni story likhenge to.

Ye aap Sabhi Ke liye ek bahut hi sunhara avsar hai isliye Aage Bade aur apni Kalpanao ko shabdon Mein likhkar Duniya Ko dikha De.

Ye ek short story contest hai jisme Minimum 800 words se maximum 6000 words tak allowed hai itne hi words mein apni story complete Karni Hogi, Aur ek hi post mein complete karna hai aur Entry Thread mein post karna hai.
I hope aap mujhe niraash nahi Karenge aur is contest Mein Jarur participate Lenge.



On Behalf of Admin Team
Regards :- Siraj Patel

 

[Maashuka]

Compelete story kha milegi

 

[Maashuka]

Koi bta skta hy yeh complete story kha milegi

 

[Aakash.]

Hello everyone.

We are Happy to present to you The annual story contest of XForum

"The Ultimate Story Contest" (USC).

---

Jaisa ki aap sabko maloom hai abhi pichhle hafte hi humne USC ki announcement ki hai or abhi kuch time pehle Rules and Queries thread bhi open kiya hai or Chit Chat thread toh pehle se hi Hind section mein khula hai.

Well iske baare mein thoda aapko bata dun ye ek short story contest hai jisme aap kisi bhi prefix ki short story post kar sakte ho, jo minimum 700 words and maximum 7000 words (Story ke words count karne ke liye is tool ka use kare — Characters Tool) . Isliye main aapko invitation deta hun ki aap is contest mein apne khayaalon ko shabdon kaa roop dekar isme apni stories daalein jisko poora XForum dekhega, Ye ek bahot accha kadam hoga aapke or aapki stories ke liye kyunki USC ki stories ko poore XForum ke readers read karte hain.. Aap XForum ke sarvashreshth lekhakon mein se ek hain. aur aapki kahani bhi bahut acchi chal rahi hai. Isliye hum aapse USC ke liye ek chhoti kahani likhne ka anurodh karte hain. hum jaante hain ki aapke paas samay ki kami hai lekin iske bawajood hum ye bhi jaante hain ki aapke liye kuch bhi asambhav nahi hai.

Aur jo readers likhna nahi chahte woh bhi is contest mein participate kar sakte hain "Best Readers Award" ke liye. Aapko bas karna ye hoga ki contest mein posted stories ko read karke unke upar apne views dene honge.

Winning Writer's ko well deserved Awards milenge, uske alawa aapko apna thread apne section mein sticky karne ka mouka bhi milega taaki aapka thread top par rahe uss dauraan. Isliye aapsab ke liye ye ek behtareen mouka hai XForum ke sabhi readers ke upar apni chhaap chhodne ka or apni reach badhaane kaa.. Ye aap sabhi ke liye ek bahut hi sunehra avsar hai apni kalpanao ko shabdon ka raasta dikha ke yahan pesh karne ka. Isliye aage badhe aur apni kalpanao ko shabdon mein likhkar duniya ko dikha de.

Entry thread 7th February ko open hoga matlab aap 7 February se story daalna shuru kar sakte hain or woh thread 25th February tak open rahega is dauraan aap apni story post kar sakte hain. Isliye aap abhi se apni Kahaani likhna shuru kardein toh aapke liye better rahega.

Aur haan! Kahani ko sirf ek hi post mein post kiya jaana chahiye. Kyunki ye ek short story contest hai jiska matlab hai ki hum kewal chhoti kahaniyon ki ummeed kar rahe hain. Isliye apni kahani ko kayi post / bhaagon mein post karne ki anumati nahi hai. Agar koi bhi issue ho toh aap kisi bhi staff member ko Message kar sakte hain.


Story se related koi doubt hai to iske liye is thread ka use kare — Chit Chat Thread

Kisi bhi story par apna review post karne ke liye is thread ka use kare — Review Thread

Rules check karne ke liye is thread ko dekho — Rules & Queries Thread

Apni story post karne ke liye is thread ka use kare — Entry Thread

Prizes

Position	Benifits
Winner	1500 Rupees + Award + 30 days sticky Thread (Stories)
1st Runner-Up	500 Rupees + Award + 2500 Likes + 15 day Sticky thread (Stories)
2nd Runner-UP	5000 Likes + 7 Days Sticky Thread (Stories) + 2 Months Prime Membership
Best Supporting Reader	Award + 1000 Likes+ 2 Months Prime Membership
Members reporting CnP Stories with Valid Proof	200 Likes for each report

Regards :- XForum Staff

 

[Aakash.]

Hello everyone.

We are Happy to present to you The annual story contest of XForum

"The Ultimate Story Contest" (USC).

---

"Chance to win cash prize up to Rs 8000"
Jaisa ki aap sabko maloom hai abhi pichhle hafte hi humne USC ki announcement ki hai or abhi kuch time pehle Rules and Queries thread bhi open kiya hai or Chit Chat thread toh pehle se hi Hindi section mein khula hai.

Well iske baare mein thoda aapko bata dun ye ek short story contest hai jisme aap kisi bhi prefix ki short story post kar sakte ho, jo minimum 700 words and maximum 7000 words ke bich honi chahiye (Story ke words count karne ke liye is tool ka use kare — Characters Tool) . Isliye main aapko invitation deta hun ki aap is contest mein apne khayaalon ko shabdon kaa roop dekar isme apni stories daalein jisko poora XForum dekhega, Ye ek bahot accha kadam hoga aapke or aapki stories ke liye kyunki USC ki stories ko poore XForum ke readers read karte hain.. Aap XForum ke sarvashreshth lekhakon mein se ek hain. aur aapki kahani bhi bahut acchi chal rahi hai. Isliye hum aapse USC ke liye ek chhoti kahani likhne ka anurodh karte hain. hum jaante hain ki aapke paas samay ki kami hai lekin iske bawajood hum ye bhi jaante hain ki aapke liye kuch bhi asambhav nahi hai.

Aur jo readers likhna nahi chahte woh bhi is contest mein participate kar sakte hain "Best Readers Award" ke liye. Aapko bas karna ye hoga ki contest mein posted stories ko read karke unke upar apne views dene honge.

Winning Writer's ko well deserved Cash Awards milenge, uske alawa aapko apna thread apne section mein sticky karne ka mouka bhi milega taaki aapka thread top par rahe uss dauraan. Isliye aapsab ke liye ye ek behtareen mouka hai XForum ke sabhi readers ke upar apni chhaap chhodne ka or apni reach badhaane kaa.. Ye aap sabhi ke liye ek bahut hi sunehra avsar hai apni kalpanao ko shabdon ka raasta dikha ke yahan pesh karne ka. Isliye aage badhe aur apni kalpanao ko shabdon mein likhkar duniya ko dikha de.

Entry thread 15th February ko open ho chuka matlab aap apni story daalna shuru kar sakte hain or woh thread 5th March 2024 tak open rahega is dauraan aap apni story post kar sakte hain. Isliye aap abhi se apni Kahaani likhna shuru kardein toh aapke liye better rahega.

Aur haan! Kahani ko sirf ek hi post mein post kiya jaana chahiye. Kyunki ye ek short story contest hai jiska matlab hai ki hum kewal chhoti kahaniyon ki ummeed kar rahe hain. Isliye apni kahani ko kayi post / bhaagon mein post karne ki anumati nahi hai. Agar koi bhi issue ho toh aap kisi bhi staff member ko Message kar sakte hain.


Story se related koi doubt hai to iske liye is thread ka use kare — Chit Chat Thread

Kisi bhi story par apna review post karne ke liye is thread ka use kare — Review Thread

Rules check karne ke liye is thread ko dekho — Rules & Queries Thread

Apni story post karne ke liye is thread ka use kare — Entry Thread

Prizes

Position	Benifits
Winner	4000 Rupees + Award + 5000 Likes + 30 days sticky Thread (Stories)
1st Runner-Up	1500 Rupees + Award + 3500 Likes + 15 day Sticky thread (Stories)
2nd Runner-UP	1000 Rupees + 2000 Likes + 7 Days Sticky Thread (Stories)
3rd Runner-UP	750 Rupees + 1000 Likes
Best Supporting Reader	750 Rupees + Award + 1000 Likes
Members reporting CnP Stories with Valid Proof	200 Likes for each report

Regards :- XForum Staff