Adultery Parat (Layer)

[Xlover_manoj]

4000 saal baad… (aaj ka samay)

Ab chalte hai professor Ashutosh Vyaas ke paas…

Ashutosh chupchap SP khan ke saath jaane lagte hai… kuch door chale hi the ki peeche se awaaz aayi “Ashutosh” rukiye….Nisha ne awaaz di

Nisha: aap chinta na kare… shaayad aap jante nahi mere Auncle Ravi Pandey mashoor Criminal lawyer hai… mein unko aapka case ladne ko khaungi. Mujhe bharosa hai woh sab kuch theek kar denge… lekin filhaal aapke paas inke saath jaane ke ilaawa koi dusra vikalp nahi hai… (itna kehkar maine ashutosh ke gaal par ek kiss kar di)

Gaal pe kiss hote hi Ashutosh ko achha toh laga lekin is waqt ashutosh ke aas paas ghat rahi ghatnaaye se uska dimakh kharaab tha… usse samajh nahi aa raha tha ki yeh sab kya ho raha hai… woh toh banaras mein Lal Singh ke saath apni aakhri mulakaat ko yaad karne ki koshish kar rah tha…

Kuch dino pehle Ashutosh ko ek call aaya…call Lal Singh ka tha

Lal Singh: aaj kal kya kar rahe ho professor sahab?

Ashutosh: bas sir mein toh apne class mein busy rehta hoon… aap ke jaise field work toh hai nahi mere paas… bas samay kaat raha hoon(haste hue kaha)

Lal Singh: hmmm chalo tumhari life mein kuch excitement laate hai…

Ashutosh: matlab sir?

Lal Singh: kal subah hum log banaras ke liye nikal rahe hai…

Ashutosh: lekin sir…

Lal singh: kal subah matlab… kal subah… that’s my order…

Ashutosh: Ji Sir mein aapko station mein milta hoon…

Next Morning

Gaadi apni raftaar se chal rahi thi… andar 1st AC mein Ashutosh aur Lal Singh aapas mein baat kar rahe the… abhi unko benaras pahunchne mein 5 ghante the…

Ashutosh: hum log Benaras kyun jaa rahe hai… aisa kya hai wahan?

Lal Singh: (haste hue) ab samay aa gaya hai ki tum itihaas phir se likho… .

Ashutosh: (confuse hote hue) Sir aap kabhi koi baat seedhe kyun nahi karte hai… army mein bhi aap aise hi kiya karte the

Lal Singh(ek document Ashutosh ke dete hue kehte hai) yeh ISRO ke satellite se mila ek dum thos saboot hai… kai hazaar saal pehle ek shakti shaali nadi----jisse vedo mein Saraswati Nadi kaha gaya hai… woh himalaya ki god se nikalti hui arab saagar mein jaa kar milti thi…

“ Toh saraswati nadi koi kalpanik nahi thi… jaise kuch mashoor itihaas kaaro ka kehna hai????” Ashutosh ne shararat se poocha, yeh jaante hue ki Lal Singh is baat se chid jaayyenge…

Lal Singh (chidte hue) tumhe kya lagta hai, yeh sab jhoot hai??? Agar aisa hai toh kyun hum log kehte hai Allahabad mein Teeno nadiyon ka Sangam hota hai???

Ganga----Jamuna----Saraswati

Ashutosh unko aur thoda chidaate hue) Sir yeh toh hum bachpan se sunte aayein hai ki Allahabad mein Teeno nadiyon ka sangam hota hai… yeh kitna sach hai ya jhoot yeh nahi pata…

Lal Singh: ( chidte hue) tumhe aisa kyun lagta hai… wahan jaakar tumne nadi nahi dekhi kya?

Kya tumhe Ganga aur Jamuna kalpanik nadi lagti hai?

Ashutosh: Sir mein yeh nahi keh raha ki Ganga aur Jamuna kalpanik nadi hai… lekin aap yeh bataao sangam mein aapko saraswati nadi kahan dikhai deti hai…

Ek taraf se Ganga aur dusre taraf se Jamuna ka paani ka milan hota hai… lekin saraswati nadi ka koi saboot nahi hai… toh mein kaise yakeen kar loon ki wahan saraswati nadi ka bhi vajood hai… ???

Lal Singh krodh se dekhte hue Ashutosh ke haath se document lete hue kehte hai) yeh koi maamuli docs nahi hai… isse ISRO ke sateellite se nikala hua poranik Map hai…

Isko gaur se dekho…ek bahut hi shakti shaali nadi himalaya se nikalti hui, Bhadrinath ke ek parvat se saraswati nadi ka nikaas ho raha hai aur aagey ki taraf bhadkar Uttar Pradesh ke Allahabad city se hoti hui Rajasthan ke taraf inka rukh hua hai…

Yaani aaj se 4 ya 5 hazaar saal pehle Rajasthan mein sukha maidaan(desert) nahi tha… wahan hariyali aur baarish ka bharpoor mausam hua karta tha…

Ashutosh: (man mein khushi aur aacharya dono tha….phir bhi berukhi se kehte hai…. ) sir aap kehna chahte hai ki Saraswati Nadi Ganga aur Jamuna nadi se bhi shakti saali thi???

Lal Singh: haan haan Ashutosh ek dum sahi kaha… yeh dono nadiya unke saamne kuch bhi nahi thi…

Ashutosh: toh sir iska kya proof hai… humaare paas?

Lal Singh: (confident se) Mohenzadaro!!!

Ashutosh ( muskraate hue… apne man mei kehte hai… wah sir wah maan gaye aapko)

Mohenjodaro kai hazaar saal pehle ek bhayankar paani ke baadh mein tabah ho gayi thi… aisa maana jaata hai ki wahan par saraswati nadi ka hi prakop tha…

Ashutosh: (kuch sochte hue) sir mere do sawaalon hai?

Lal Singh: kya??

• Saraswati nadi Mahabharat ke samay se beh rahi hai… ?
• Aapke kahe anusaar… agar Saraswati itni shakti shaali nadi thi.. Jo Hindustan ke himalaya se behti hui aaj ke Pakistan tak behti thi? Toh phir aaj unka wajood kahan hai???

Lal Singh(sawaal sunkar muskuraye aur excitement se apne bag se ek chhota sa box nikala aur uska cover open karte hue Ashutosh ko diya) aur kaha

Yeh dekho Ashutosh saayad tumhe kuch samajh aa jaaye??

Ashutosh ne usse hath mein liya aur dekha toh box ke andar 30 mm ki chhota sa coin rakha hua tha… usko dekh ashutosh ka dil utshah se dhadakne laga… aur lal Singh ko dekhkar kaha…

Ashutosh: Sir yeh aapko kahan mili?

Lal Singh: “mere ek mitra Dr Nithin Kashyap, jo saraswati nadi ka addhyan kar rahe hai… toh unke team ko “Bhadrinath”ke Ek jagah se yeh mudraayein mili hai… yeh mujhe bhej di saayad unhe lagta hai ki mein in muddeayein ka sahi arth nikaalne mein saksham hoon…

“Is coin mein pahad( mountain) bana hua hai” ashutosh ne kaha…

Lal Singh: bilkul sahi isme pahad, shiv ling, aur vishnu bhagwaan ki chhavi hai… iska arth samajhte ho Ashutosh(excitement se sawaal poocha)

Ashutosh: nahi sir kuch samajh nahi aaya??

Lal Singh: jaise maine kaha ki mera friend Dr Nithin Kashyap saraswati nadi ka addhyan Bhadrinath mein kar rahe hai…

Ashutosh: haan haan mujhe pata hai… aagey boliye…

Lal Aingh: toh phir tumhe yeh bhi pata hoga…Bhadrinath mein sirf ek jagah hi Saraswati nadi ko dekha jaa sakta hai aur woh jagah hai “MANA VILLAGE”(jo India ka aakhri village hai) … wahan par ek pahad se saraswati nadi ka nikaash hai…phir aagey chalkar unka koi astitva nahi hai…

Ashutosh: haan mujhe maalum hai….aagey chalkar saraswati nadi ka paani kahan jaata hai iska koi pata nahi hai… aagey bhadiye… (sawaaliya nazro se kaha)

Lal Singh: Toh phir tumhe yeh bhi pata hoga ki Mahabharat ki Rachna Shree Ganesh Bhagwaan ne Saraswati Nadi ke paas hi kee thi… aur… (beech mein ashutosh ne tokte hue kaha… )

Ashutosh: haan… haan… Rishi Ved Vyaas ji ne hi Ganesh Bhagwaan ko mahabharat ki katha likwaayi thi… aur jab Ganesh ji katha likh rahe the toh us samay Saraswati Nadi bahut hi tez awaaz karke beh rahi thi… jisse unhe Rishi vyaas ki awaaz spasht roop se sunaai nahi de rahi thi…

Unhone ek baar Saraswati Ji se kaha ki tera paani ka shor bahut ho raha hai… mujhe is mahan gatha ko likhne mein takleef ho rahi hai…

Lekin nadi apne ghamand mei hi beh jaa rahi thi.. Unhone bhagwaan Ganesh ki baaton ko ansuna kar diya tha… jisse unko krodh aa gaya aur aur unhone hi...Saraswati Nadi ko shrap diya ki tujhe apne swachhta aur prachandta par ghamand hai naa… aaj se tu is dharti pe lupt rahegi… tera wajood koi nahi dekh paayega…

Yehi kehne waaley the naa??? Ashutosh ne muskraate hue poocha

Lal Singh: haan yehi kehne waala tha…

Ashutosh: toh sir aap chup kyun hai… aagey bhadiye…

Lal Singh(jhaalate hue) tum meri baat poori kyun nahi sunte ho… mujhe beech mein tok dete ho…

Ashutosh: sorry Sir mein thoda excited ho gaya tha… ab mein aapko diturb nahi karunga…

Lal Singh: achha suno….yeh pahad jo dekh rahe ho( coin kee taraf ishara karte hue kaha) woh “Arhint” parvat hai…

Ashutosh: “Arhint” Parvat yeh kahan hai?

Lal Singh( gusse se ashutosh ko dekhte hue kaha) let me complete!!!!

Ashutosh: oops sorry sir!!!

Lal Singh: yeh Arhint parvat hai…jahan se Saraswati Nadi ka nikaas hai… aur yahan Shiv ling Bana hai aur Side mein Vishnu bhagwaan ki pratima hai…

Iska matlab hai ki 4 hazaar saal pehle ek Raaja ne Arhint parvat ke paas jaakar Shiv Ji ki Tapasya ki thi.... Woh tapasya kai saalon tak chali… aur jab mahadev unki tapasya se khush hokar saamne aaye toh Raja ke hosh ud gaaye… kyunki waha par sirf Mahadev hi nahi balki unke saath Saraswati ji aur Vishnu ji the….

Unhe teeno saktiyon ka aashirvaad mila tha…

Ashutosh: kaun hai yeh bhagyashali Raja?

Lal Singh: “BHADRAPRATAP”

Ashutosh: aap itne sure kaise hai ki Raja ka naam “Bhadrapratap” hi hai??

 

[Xlover_manoj]

.

 

[prakash2piyush]

जबर्दस्त पोस्ट,
काफी मेहनत की है आपने तथ्यों को दिखाने में(भले ही काल्पनिक ही सही)।
इतिहास को अच्छी तरह से जोड़ा है।
आखिर राजा से उस निर्दोष ब्राह्मण की हत्या कैसे हो गयी ये सवाल तो रह ही गया।
कोई नही जल्दी से अब अगले पोस्ट आये तो इन राजों से पर्दा हटे।

 

[Xlover_manoj]

Ashutosh: kaun hai yeh bhagyashali Raja?

Lal Singh: “BHADRAPRATAP”

Ashutosh: aap itne sure kaise hai ki Raja ka naam “Bhadrapratap” hi hai??

Ab aagey......

Lal Singh: ek minute… (apne bag se ek aur box nikaalte hue ashutosh ko dete hai)

Ashutosh: yeh kya hai Sir?

Lal Singh: arey khol ke dekh toh lo.. Kya hai isme..

Ashotosh box khol ke dekhta hai toh… usme Tambe se bana hua ek Rath tha…

Ashutosh: (ankhein chhoti karte hue) Sir yeh toh ek Rath hai… isse kya maalum hoga?

Lal Singh: mujhe yeh 6 mahine pehle Benaras ke khandar mein mila tha… tab maine isse Research ke liye rakh liya tha….

Aur jaise hi maine apne bag mein rakha aur peeche ki taraf muda… ki achanak… .

Ashutosh: achanak kya… aap chup kyun ho gaye??

Lal Singh: (yaha wahan dekhte hue dheere se bole) achanak mera per ek ghadde mein fas gaya… mein ghadde se apna per nikaal hi raha tha ki woh jagah dhasne lagi.. Aur mein 15 feet neeche andhere kamre mein ja gira…

Ek baar toh mujhe dar laga kahin mein is khanadar mein fas naa jaaun… phir bhi himmat karke mein khada hua aur andhere mein bahar nikalne ka raasta khojne laga… .

Kuch der baad dhyaan aaya ki mere paas ek torch bhi hai… torch on karke bahar ka raashta dekhne laga… raasta toh nahi mila lekin…

Ashutosh: lekin kya… .

Lal Singh: (bahut dheere se) mere nazar ek sandook par padi… jo lohe ki thi aur usme bahut bada lock bhi laga hua tha…

Maine kaise bhi karke lock ko toda aur sandook ko open kiya… open karte hi meri nazar ek chhote se box par padi… usko khol ke dekha toh mujhe yeh Tambe ka Rath dikhai diya…

maine paas mein pade ek patthar par torch ko rakh diya aur is rath ko haath mein leke dekhne laga… mein toh bas use utshah purvak dekh raha tha ki… tabhi mujhe yaad aaya… aise rath toh mujhe pehle bhi mil chuke hai…

Ashutosh: Kya….matlab aapke paas already 2 aur hai…

Lal Singh: haan… haan… mere paas already 2 hai… woh mujhe Tungabhadra aur Raigad ke poranik sites pe mili thi… maine us samay socha yeh toh puraanik sabhyata ki koi cheez hai… jo mujhe sarkaar ko de deni chahiye…

Lekin maine socha kyu naa sarkaar ko dene se pehle iska research hi kar liya jaaye… lekin meri research poori nahi hui thi…

Ashutosh: Kyun?

Lal Singh: kyunki mujhe government se order aaya ki Benaras mein Mahadev ke chhote mandir mein ek gufa mili hai… Aur mujhe wahan research karne jaana hai….

Isliye maine woh 2 Rath apne ek aur Dost Dr Raichand ke paas rakh di hai…

Ashutosh: Sir aisa kya hai is Rath mein jo aap itne serious hai???

Lal Singh: pehle toh mujhe yeh sab normal hi lag raha tha… lekin jab mujhe yeh rath benaras mein mila toh mera perception change ho gaya… .

Ashutosh: kya?

Lal Singh: jab maine torch ko side ke pathhar par rakhkar Rath ko dekhne laga. . Jaise hi torch ki light rath par padi toh us kamre mein ek dum Sunheri(gold clour) rang ki roshni ho gayi…

Woh roshni dekhte dekhte ek deewar par Rath ka roop le liya… aur… aur…

Ashutosh: ( aschrya se) aur kya dekha aapne?

Lal Singh: deewar par Rath dikhai de raha tha aur uske neeche ek “Kata Hua Sar pada hua tha”

Ashutosh: (confuse hote hue) sar… kiska Sar?

Lal Singh: yeh toh mujhe pata nahi lekin … kuch hi der mein woh kata hua Sar aur joro se chamakne laga…

Pata nahi kyun maine apna ek haath us chamakte hue Sar ke paas rakh diya…

Jaise hi maine haath rakha toh poori roshni gaayab ho gayi aur mera haath deewar ke andar ke taraf chala gaya… aisa laga jaise ek patthar andar ki taraf khishak gaya…

Patthar andar ke taraf hote hi… ek darwaaza khula…jo koi 4feet ka tha… darwaaza khulte hi mere andar ek gudgudi se hone lagi… mujhe aisa laga ki shaayad mein aaj kisi aise itihaas ke paas pahunchne waala hoon… jo duniya se bekhabhar hai…

Mein dheere dheere karke us kamre mein ghus gaya aur andar jaakar dekha toh mujhe niraasha hui…

Ashutosh: kyun aisa kyu?

Lal Singh: mujhe waha kuch nahi mila…kuch 30 minute tak mein us kamre raha lekin mujhe koi aisi cheez nahi mili jisse mein jaan sakoon aisa kya hai is kamre mein?

Mein niraash hokar bahar ki taraf jaane laga toh mujhe kuch yaad aaya…

Ashutosh: Kya Sir??

Lal Singh: yehi ki… agar yeh Rath itne saalon se yaha rakha hua hai aur achanak is Rath par torch ki roshni padne se mujhe ek aur darwaaza ka pata chala… toh iska matlab mein hi pehla insaan hoon jo yahan tak pahuncha hoon… iska matlab kuch na kuch aisa hai jo mujhe dikhai nahi de raha hai….

Mein phir se us kamre mein har ek cheez bade hi dhyaan se dekhne laga… kuch der baad meri nazar deewaar par bane alwaari pe gayi….

Usko dhyaan se dekha toh us alwaari mein kuch design sa bana hua tha… torch ko aagey karke dhyaan se dekha toh usme Rath jaisa hi design tha…woh dekh meri dimaakh ki batti jali… .

Maine Tambe ka Rath nikala aur usi design mein fit kar diya… jaise hi Rath fit hua toh woh anti clock wise ghoomne laga… jaise hi woh ruka toh…us alwaari ki deewar alag ho gayi…

Deewar alag hote hi usme ek box dikhai diya… jo 8 X 8 ka siza ka tha… usko maine bahut hi dhyaan se khola toh usme mujhe kuch kaagzaat aur ek anghuthi mili…

Anghuthi ko toh maine apne pocket mein rakhli….aur us documents ko padne ki koshish karne laga… toh usme mujhe bas yehi samajh aaya ki…

“Raja Bhadrapratap Arhint parvat par Saraswati nadi ke Paas Mahadev Ki Tapasya karne gaye the… aur wahan par kisi mohini ka bhi jikra hai”

Ashutosh: kaun Mohini aur Badrapratap se uska kya connection hai… yeh Raja Bhadrapratap Kaun hai, aur yeh Rath humein Bhadrapratap ke baare mein kya batana chahta hai??

“Aur haan Sir yeh Kata hua Sar kiska tha?”

Lal Singh: woh toh humein pata lagana padega… lekin ek aur baat hai jo maine tumhe nahi bataai?

Ashutosh: Kya?

Lal Singh: us box mein mujhe ek naksha aur mila hai… jise maine Break bhi kar liya hai aur woh jagah bhi dhoond li hai…aur usme jo cheez hai woh humein kai ansune Raaj se waakif kara degi…

Ashutosh: kahan hai woh jagah Sir?

Lal Singh: woh… woh… Rani Ra….(bolte bolte chup ho gaye… shaayad unhone kuch dekh liya tha)

Ashutosh: kya hua Sir… aap chup kyun ho gaye?

Lal Singh ghabraate hue… ashutosh ke bagal mein baith gaye… aur kehne lage…

Lal Singhdheere se) ashutosh ab jo kehne waala hoon usko dhyaan se sun…

(Ashutosh gambhirta ko samjhte hue haan mein Sar hila deta hai…)

Lal Singh: yeh Rath aur Coin ko apne jaan se bhadkar hifaazat karna… aur mein tumhe baaki 2 Rath ki photos mail kar doonga… agar mujhe kuch ho jaaye toh tum, baaki 2 Rath aur us nakshe ko ek saath laane ki bharpoor koshish karna… yeh sab milkar tumhe ek aisi Rahsymayi Raaj kee taraf le jaayengi… jo shaayad is duniya ke liye mahatvapurn hogi…

Ashutosh: (ghabrate hue) sir aapko kuch nahi hoga…yeh mat bhooliye mein bhi army mein commando tha… aap ke oopar sankat aane se pehle usse mujhse gujarni hogi…

Lal Singh: (chidte hue) tum bachho jaisi baatein naa karo… jab mout aati hai toh kisi ko pata bhi nahi chalti… bas tum mujhse waada karo agar mujhe kuch ho gaya toh tum mera adhoora kaam poora karoge…

Ashutosh(aankh mein aansu laate hue) mein aapse waada karta hoon.. Mein aapka adhura kaam jaroor poora karunga…

Lekin woh naksha aur anghuthi kahan hai?

Lal Singh: tumhe sahi waqt par woh sab mil jaayengi… ab tum yeh Rath aur Coin apne paas rakho…

Ashutosh ne woh sab cheej apne pocket mein rakh liya…

Kuch der baad Lal Singh ne dheere se kaha…

Lal Singh: ashutosh mein tumhe ek diary de raha hoon… yeh diary tumhare liye hi likhi gayi gai… iska istemaal tab karna jab tumhe iski jarurat pade… (itna kehkar woh side mein bane train ke window ko dekhne lage)

Usko dekhte hue Lal Singh ne jor se kaha…

Ashutosh mein yeh Rath aur documents apne paas hi rakhunga… mujhe nahi lagta ki tum iski dekhbaal kar paaoge…

(Ashutosh unki baatein sunkar confuse ho gaya… aur kuch kehne ko hua hi tha ki… Lal Singh ne usse ishaare se mana kar diya ki kuch naa bolo… )

Usse phir bhi nahi samajh aaya lekin ashutosh ne us waqt yehi kaha… theek hai sir aap hi rakh lijiye mujhe toh kuch samajh nahi aayega…

Kuch der baad woh dono Benaras ke station mein utar gaye… aur bahar ki taraf chalne lage… lekin achanak Lal Singh ne kaha…

Lal Singh: bahar kahan jaa rahe ho?

Ashutosh: sir toh phir hum yahan kya karne aaye hai?

Lal Singh: (muskraate hue) kuch nahi…humara aane ka kaam poora ho gaya hai ab humein waapas kanpur jaana hai…

Ashutosh: lekin kyun? Hum itni door aaye hi kyun the??

Lal Singh: bas mera man kar raha tha ki Benaras ka station dekh aaun….

Ashutosh: (maathe pe haath maarte hue) hai bhagwaan ab mein inka kya karoon???

Yeh sun dono hasne lage aur waapas kanpur ke liye chal dete hai…



(Darasal Lal Singh ne train ke window seat par ek transmiter dekh liya tha… unhe sak hua ki koi unki baat record kar raha hai… isliye unhone jhoot kaha ki Rath apne paas hi rakhenge… woh darasal ashutosh ko bachana chahte the… unhone decide kar liya tha ki kanpur pahunchte hi ek nakli tambe ka Rath banwaayega aur apne paas rakhenge)

 

[Xlover_manoj]

जबर्दस्त पोस्ट,
काफी मेहनत की है आपने तथ्यों को दिखाने में(भले ही काल्पनिक ही सही)।
इतिहास को अच्छी तरह से जोड़ा है।
आखिर राजा से उस निर्दोष ब्राह्मण की हत्या कैसे हो गयी ये सवाल तो रह ही गया।
कोई नही जल्दी से अब अगले पोस्ट आये तो इन राजों से पर्दा हटे।

Thanks bhai...at least aapko yeh update pasand aayi hai... (Aapke kahe anusaar maine ek post ko 3 ya 4 baar padkar hi post kiya hai...)

 

[Xlover_manoj]

.

 

[prakash2piyush]

Aage ki post k intejar me.

 

[Xlover_manoj]

...

 

[prakash2piyush]

Kya yaar kitne din ho gaye update post kiye. ab to de do naya update.

 

[prakash2piyush]

Kab tak aayega agla post.