Update 16 Posted dosto, read and give your precious reviews
Last edited:
- Status
Dekhte hai Bhai, abhi bahut kuch hona hai story me.
Last edited:
Update wiil come on 28 march
Sandeep singh nirwan
Jindgi na milegi dobara....
- 9,597
- 62,691
- 204
Toh finaly samar mumbayi pahuch he gaya sughanda kaka nature muje pasand aya....Update 2
New Characters
Suresh Singh - age 47, Samar ke tauji, Mumbai me textile ka business hai. Kaam me bahut jyada busy rehte hai. Apni family ko Kam time de pate hai.
Sugandha Singh - Age 45, Samar ki badi maa, Family or kaam me balance banakar chalti hai. Sanskari ke sath sath modern khyal bhi rakhti hai. Doctor thi, lekin filhal vo kaam chod diya hai. Abhi sirf medical colleges me guest ke taur pe lecture deti hai. Khubsurati ki misal hai, apni umra se jyada jawan nazar aati hai.
Sanjana Singh - Age 22, Suresh or Sugandha ki badi beti, thodi ziddi hai, apni chize kisi ke sath share krna pasand nhi hai. Mumbai se hi Business Management me Graduation kar rhi hai. Abhi 3rd year me hai.
Komal Singh - Age 19, Suresh or Sugandha ki choti beti, abhi 12th paas ki hai, sabke sath pyar se rehna pasand karti hai. Ghar me sabki ladli hai.
Suraj Samar ke sath mumbai tak aana chahta tha, lekin Samar ne jabardasti use railway station se hi vapas lauta diya or akela Mumbai tak train me aa gya. Jab train Station pe pahuchi to Samar ek baar ke liye itni bheed dekh kar hairat me padh gya, Usne apni sari jindagi gaon me hi bitayi thi, pass ke shahar me bhi vo tab hi jata tha jab koi jarurat ho. Itni bheed uske liye nayi baat thi, halanki Mobile me internet ke jariye usne duniya bhar ki jankari hasil kar li thi. Lekin aankho dekha experience to alag hi hota hai.
Samar - huhh itni bheed, chal samar ab tu bhi inme se ek hai.
Train se utarkar samar Exit ki taraf jata hai to bahar taxi ki line lagi hui thi. Samar apna mobile nikalkar call krta hai.
Samar - Hello, haa badi maa main bahar aa gya hu, aap kahan par hai.
Sugandha Samar ke samne hi peeth karke khadi thi.
Sugandha - Beta, me to exit ke paas hi khadi hu. Tum kahan par ho.
Samar - me bhi to vahi khada hu badi maa.
Sugandha palatkar dekhti hai to use samar nazar aata hai, vo use dekhte hi pehchan leti hai. Lekin Samar use nhi pehchanta. Sugandha jab uske karib aati hai, to Samar use dhyaan se dekhta hai or pehchanta hai. Or phir uske pairo ko chune ke liye jhukta hai. Sugandha use beech me hi rokakar apne gale se lga leti hai.
Sugandha - Mera beta, gale lag jaa mere lal. Kitna arsa ho gya tujhe dekhe.
Sugandha Samar ko gale se lgaye rkhe hi baate krti hai.
Sugandha - Tujhe meri yaad bhi nhi aayi hogi. Tujhe gale se lgakar kitna sukoon mil rha hai, Mere bete.
Sab log station PE inhi dono ko dekh rhe the. Samar ne ye baat notice ki or Sugandha se bola.
Samar- maine bhi aapko yaad Kiya badi maa. Chaliye ab ghar chalte hai. Sab hme hi dekh rhe hai.
Sugandha - dekhne de, me apne bete ko gale lga rhi hu kisi gair ko nhi.
Samar- ghar Jake jee bharke gale lga Lena badi maa. Mujhe bahut bhookh lagi hai.
Sugandha - are haa tu kitna lamba safar karke aaya hai, thak gya hoga, chal ghar chalte hai.
Samar apna saman uthakar chal deta hai, dono car me bethkar nikal padte hai.
Car me - Sugandha - acha beta Ghar par sab kaise hai, maa ji or Kavita.
Samar- sab ache hai badi maa, dadi to aapko bahut yaad karti hai.
Sugandha - acha hai, ab tu yahi padhega, maa ji ne kal phone karke btaya tha mujhe tere baare me. Bilkul apni maa pe gya hai padhai me awwal.
Samar- Haa badi maa, dadi ne jidd karke bhej diya. Mene to kaha tha ki vahi kisi college me padh lunga.
Sugandha - kyu vahan kyu pdega, yahan padhna. Main Tera admission shahar ke sabse bade college me karaungi. Sanjana bhi usi me padhti hai or ab komal bhi vahi jaegi. 1 mahine baad se college shuru hoga. Tab tak shahar ko dekh le, yahan adjust ho jaa. Dekh to kitna dubla ho gya hai, lgta hai kavita kuch deti nhi khane ko.
Sugandha sab kuch ek hi saans me bol gyi.
Samar - are badi maa, me to yu hi bol rha tha, or gaon me to mere jaisa koi nhi or aap kehti hai ki me dubla ho gya.
Sugandha - haa tere jaisa koi nhi, itna dubla or kon hoga gaon me.
Samar is baat pe hans diya,
Samar - acha badi maa Ghar me sab kaise hai, tau ji, didi or komal.
Sugandha - sab thik hai beta, tere tauji ko to time hi nhi milta kaam se, sanjana apne dosto ke sath busy rehti hai or komal use to filmi sapne dekhne se fursat nhi. Ab tu aa gya hai mujhse bhi koi baat krne vala hoga.
Sugandha - or ye bta station pe tune mujhe pehchana kyu nhi. Hmm?
Samar - are badi maa me to aapko dekhte hi pehchan gya tha vo to bas.
Sugandha - kya vo to bta.
Samar - aap itni khubsurat lag rhi thi ki me kuch bol hi nhi paaya.
Sugandha- (sharamakar)chal badmash, apni badi maa se hi flirt krta hai, lgta hai kavita ke laad pyar ne jyada bigad diya. Teri pitai karni padegi.
Samar - mene to sach hi kaha badi maa.
Sugandha -
Isi tarah batein krte hue ye ghar pahunchate hai.
Ek high society me Sugandha ka 2 manzila ghar tha. Koi mahal to nhi tha, lekin dekhkar lgta tha ki paisa kafi lgaya hai ghar me. Ghar me enter krte hi ek chota sa corridor shuru hota tha or uske baad living room. Niche ek side me Kitchen or mandir the or dusri side Sugandha or Suresh ka room or 2 guest room. upar bhi Komal, Sanjana ke room the or ek guest room.
Ghar me pahuchkar sugandha komal ko aawaj deti hai, Komal... Komal..
Komal - Ayi maa.... Kya hua maa, aap to mujhe padhne bhi nhi deti.
Sugandha - sab pta hai mujhe kitna padhti hai, ye dekh kon aya hai.
Komal Samar ko dekhti hai aur pehchanne ki koshish karti hai.
Sugandha - are pagal ladki aise kya dekh rhi hai, Tera bhai hai - Samar, Ranjit chacha or Sweta ka beta
Komal ne samar ko sirf bachpan me hi dekha tha, kyoki vo gaon sirf ek baar hi gyi thi uska janm bhi mumbai me hi hua tha. Isliye vo samar ko pehchan nhi payi, lekin jab sugandha ne btaya ki vo kon hai to komal bahut khush hui, kyoki sugandha aksar ghar or gaon ke bare me use batati thi.
Komal - Samar bhai, (zor se gale lagte hue) maa hmesha aapki baat krti hai. Kehti hai samar Aisa hai, Samar vaisa hai. Khushi se jhumte hue, aap mumbai ghumne aaye hai, mein aapko pura shahar dikhaungi. Thik hai.
Sugandha - vo mumbai ghumne nhi, padhne aaya hai ab vo yahi rhega. Sanjana ke college me hi iska admission karvana hai, tere sath.
Komal - sach me, yahoo... Tab to aur maza ayega. Hum sath me college jaenge. Pta hai bhai me hmesha chahti thi ki mera ek bhai ho aur dekho aap aa gye. Ab aap kahi mat jana. Ok
Samar- kahi nhi jaunga, apni gudiya ko chhodkar. Vaise badi maa or koi nhi dikhai de rha, kahan hai sab.
Sugandha - sanjana gyi hogi kahin apne dosto ke sath, or iske papa to business trip par gye hai.
Samar - oh.. acha
Komal - chaliye bhaiya, mere room me aapko apne video games dikhati hu.
Sugandha - (thoda dantate hue) vo abhi abhi aya hai pehle use fresh hone de, phir dikhati rehna apne games.
Komal - ok maa
Samar - badi maa koi baat nhi, use mat datiye. Komal se - pehle me fresh ho jau. Phir hum sath me tumhare games dekhenge.
Komal - Ok bhaiya (Samar ke galo pe kiss karte hue) or apni maa ko jibh dikhakar bhag jati hai.
Sugandha - ye ladki bhi naa, iske papa or. behen Kam the ise sar par chadhane ke liye, ki ab tu bhi iski side le rha hai.
Samar - koi baat nhi badi maa, abhi bachi hai. Aap to mere liye kuch khane ko laiye bahut bhukh lagi hai. Or me kis room me jakar fresh hou.
Sugandha - abhi to tu samne vale room me chala jaa, jaldi hi me tere liye kamra khali karvati hu, vo kya hai naa abhi kuch kamro me renovation ka kaam chal rha hai.
Samar - ok badi maa.
Samar fresh hokar, khana khakar usi room me aaram krta hai or uske baad komal ke sath uske games dekhta hai or khelta bhi hai. Isi tarah raat ho jati hai.
Raat 8 bje dinner ke lime pe sugandha komal or Samar ko aawaz deti hai.
Sugandha - Samar... Komal.. niche aa jao mene khana lga diya hai.
Samar - abhi aaye badi maa..., Chal gudiya niche chalte hai. Badi maa bula rhi hai.
Komal - O ho.. ye maa bhi naa kabhi mujhe khelene nhi deti. Kitna maza aa rha tha. Mene aapke player ko almost maar diya tha.
Samar- itni der se to game hi khel rhe hai, or mujhe in video games ki itni practice nhi hai vrna tum jit nhi paati. Vaise asli me to fight me mujhe koi nhi hara skta.
Komal - kyu aapko kya martial arts aate hai.
Samar - Haa
Komal - kya sach me, oh my god mujhe naa martial arts bahut pasand hai. Bas mujhe aate nhi hai. Aap sikhaoge mujhe?
Samar- thik hai sikha dunga, lekin kisi se kehna mat. Samjhi.
Komal - (dhire se ) Ok
Samar - chal ab niche, vrna badi maa gussa krengi.
Is tarah ye dono niche aate hai or table pe aakar beth jate hai. Komal puchti hai - kya bnaya hai maa.
Sugandha - aaj mene sabkuch apne bete ki pasand ka bnaya hai.
Komal - hmmmmeri pasand ka to kabhi kuch nhi bnati.
Sugandha - chup kar, har dusre din to apni pasand ka hi banwati hai or pura din kamre se jo maharani ki tarah aadesh deti ki mumma ye bnado vo bnado.
Ye sunkar komal sirf khilkhilakar has di
Sugandha - ye sanjana kahan reh gyi, komal jara phone to kar use.
Komal abhi phone kar hi rahi thi ki itne me sanjana tez kadmo ke sath andar aati hai.
Sugandha - aa gyi beti, chal aaja mene khana lga diya hai.
Abhi tak sanjana ka dhyan Samar par nhi gya tha, lekin jaise hi samar ne sanjana ko dekha... Uski to duniya hi tham gyi, itni khubsoorat, haseen ladki usne kabhi nhi dekhi thi. Sanjana ki khubsurati to pure college me famous thi. College ki ladkiya to usse rask karti thi. Sab ladke uspe fida the, lekin sanjana ke gusse ki vajah se kisi ladke ki himmat nhi hoti thi use prapose krne ki, jawab sabhi jante the ki inkar hi hoga. Sanjana me khubsurati ke sath sath mazbooti bhi thi, na jane kitne ladke jinhone sanjana se badtameezi ki thi... Uske thappado se apne jabde hilva chuke the.
Samar ki aankhe to mano duniya ko dekhna hi bhul gyi thi... Sanjana ne jab dekha ki samne table pe ek ladka betha use ghur rha hai to uski bauhe chad gyi. Use aise ghurne vale ladke katai pasand nhi the. Bechare Samar ka first impression hi kharab gya tha and first impression is the last impression.
Samar ka dhyan tuta komal ki awaz se...
Komal - hai naa meri didi sabse khubsurat.
Samar - Haa
Komal - kya
Samar - hmm! Kuuuch... Kuch nhi.
Komal - khane pe focus Karo Bhai vrna lene ke dene pad jayenge.
Sanjana - Maa ye kon hai.
Sugandha - beta ye samar hai, Ranjit chacha ka beta, ab se yahi rahkar pdegha.
Sanjana ne ek baar samar ko gaur se dekha aur phir apna dinner krne lagi.
Khana khane ke baad sabhi hall me TV dekh rhe the tabhi doorbell bajne ki aawaz ayi..
Sugandha ne jakar darvaza khola to samne Suresh khada tha.
Sugandha - aa gye aap, andar aaiye.
Suresh ghar ke andar aate hue sugandha se pani mangta hai.
Sugandha - (Pani dete hue) aap to 2 din baad aane vale the.
Suresh - haa, lekin kaam jaldi pura ho gya to aa gya, 2 din baad phir Jana hai. Or suno khana mat lgana. Bas mujhe aaram krna hai.
Sugandha - Ji
Itne me Samar aakar suresh ke paon chhuta hai.
Suresh - Jite raho, or gaon me sab kaise hai. Safar to thik se hua naa.
Samar- Ji Tauji, gaam me sab thik hai or safar bhi aaram se hua.
Suresh - achi baat hai, sugandha ne bataya tha tumhare bare me, jaldi hi admission ho jaega college me to komal ke sath hi padhna.
Suresh - acha ab me sone chalta hu, bahut thak gya hu. Or baccho tum bhi so jao. Ab kafi raat ho gyi hai.
Komal - Ok Papa
Suresh apne kamre me chala jata hai.
Sugandha - (sanjana se) beti tum aaj komal ke sath room share kar lo samar ke liye room Khali ho jaega.
Sanjana - kya? No mom, aap janti hai ki mujhe kisi ke sath room share krna pasand nhi. Nhi me akeli hi soungi.
Sugandha - beta abhi baki kamro me renovation ka kaam chal rha hai to koi room Khali nhi hai. Thoda adjust krna pdega.
Sanjana - No mom, isse kahiye hall me so jae.
Sugandha - (gusse me) bas, kyu hall me soega vo, mene keh Diya ki tum komal ke sath room share krogi to krogi. Discussion end.
Sanjana - Samar ko gusse se dekhkar apne pair patakte hue chali gyi.
Sugandha - Beta uski baato ka bura mat manna thodi ziddi hai ye ladki.
Samar - koi baat nhi badi maa, aapne unhe bewajah daanta me to hall me bhi so skta tha.
Sugandha Samar ko muskurakar dekhti hai or apne room me chali jati hai.
Raat me sanjana komal ke sath ek room me soti hai or apne man me sochti hai.
Sanjana - hmm mere room ko mujse chhina tujhe me chhodungi nhi bacchu. Bhondu si to shakal hai or mujse panga lene chala hai.
Apne gusse me Sanjana ne Samar ki personality par dhyan hi nhi diya ki vo kitna handsome hai.
komal jisne wakayi samar ko bhai ko tarah treat Kiya ye dekh kar bahut acha laga ....uska nature ek real sister ki tarah tha....
But sanjana ke nature se thodi nirasa huvi aur utni he nirasa samar se bhi huvi I think uska apni he bahan ko uu ghurna thoda ajeeb awkward laga.....
But quiet intresting ab wo kya pareshaniya khadi karti h ....
yanha ek Kami lagi ki jab samar ki ane ki information thi toh uske liye rahne ka intezam kyo nahi kiya aur agar kaam chal raha tha toh sanjana ko pahle kyo nahi bataya
Sandeep singh nirwan
Jindgi na milegi dobara....
- 9,597
- 62,691
- 204
Us gyani ki baat mat Maan Lena story band karwa dega wo .....
Update 3
'Clown
- The Innocent Killer
'
'Clown
- The Innocent Killer'Agle din Samar subah 7 bje exercise krke ghar aata hai.
Sugandha subah 6 bje uthti thi or us vakt puja ghar se bahar aa rhi thi to Samar ko dekhkar bolti hai.
Sugandha - Are beta tum itni jaldi uth gye, mujhe to lga abhi tum so rhe hoge.
Samar - Haa badi maa me to jaldi hi uthta hu, exercise krne ke liye. Kal yahan dekha tha ki pass me hi park hai to vhi gya tha.
Sugandha - ye to bahut achi baat hai beta...Aur in ghodiyon ko dekho ab tak so rahi hai, ye komal to 9 bje se pehle uthti hi nhi.
Samar - koi baat nhi badi maa.
Sugandha - beta tumhe to phir kafi sari exercise aati hongi?
Samar - haa badi maa.
Sugandha - to beta kya tum mujhe bhi kuch exercise sikha doge... Morning yaa evening jab time mile.
Samar - ofcourse badi maa, aap jab kahengi me tab aapko sikha dunga.
Sugandha - Thankyou beta.
Samar - are isme thankyou ki kya baat hai badi maa.
Sugandha - acha chalo ab tum naha lo itne me breakfast ready krti hu. Phir in aalsiyo ko bhi to uthana hai.
Samar - Ji Maa.
Sugandha - Kya! Kya kaha tumne abhi..
Samar - Maa
Sugandha - phir se kaho
Samar - Maa
Sugandha ki aankho me ye shabd sunkar aansu aa gye.
Samar - kya hua badi maa. Aap ro kyu rahi hai.
Sugandha - Tere muh se ye shabd sunkar rona aa gya, tu nhi janta kitna sukoon Mila hai tere maa kehne par beta. Pls Aaj se tu mujhe maa hi kehna. Mene tujhe Janam to nhi Diya lekin tujhse maa sunkar lgta hai ki tu mera hi beta hai.
Samar - Ohh Maa ye koi rone ki baat hai ( sugandha ke aansu ponchhe hue) chaliye rona band kijiye. Me aapko rote hue nhi dekh skta. Aaj se me aapko maa hi kahunga kyonki aap bhi meri maa hai jaise Sweta maa hai.
Sugandha - ( Samar ke gale lgte hue) haa main bhi teri maa hu mere lal.
Samar - Ok Maa ab main apne kamre me jakar fresh ho jata hu. Aap breakfast ready Karo. Bahut bhookh lagi hai.
Sugandha - Haa beta abhi karti hu tu Jake taiyar hoja. Aaj college me admission ke liye bhi jana hai tumhe.
Iske baad Samar apne room mtlb sanjana ke room me chala jata hai.
Kuch der baad sabhi breakfast karke nikal padte hai apne apne kaam pe Suresh office ke liye nikal jata hai, Sugandha ko ek lecture dene jana the kisi institute me or Sanjana, Samar or Komal College le liye nikal jate hai.
College me admission lene ke baad ye tino sham tak ghar vapas aa jate hai. Inka ek mahina yu hi aaram se nikalta hai. Bechari Sanjana ko koi mauka nhi milta Samar ko pareshan krne ka Sugandha ki vajah se. Komal bhi jyadatar vakt Samar ke sath hi rehti thi.
Sanjana - Apne mann me koi baat nhi yahan to tum bach gye. Lekin college me kaise bachoge. Vahan to maa bhi tumhare pass nhi hogi or ye chutki bhi apni class me hogi.
(Sanjana ka college management or science college tha, Jahan Samar or Komal dono ne IT me admission liya tha )
Raat ke vakt Komal ke room me
Komal - Yahooo.. Bhai kal to aapka college ka pehla din hai, mza ayega.
Samar - Sirf mera hi pehla din hai kya, tera bhi pehla din hai.. or mere liye tu itni khush kyu hai.
Komal - Nhi Bhai sirf aapka hi pehla din hai... Main to parso se jaungi. Or mujhe to khud se jyada aapke liye hi khushi hoti hai( Bhale hi Samar or Komal sirf ek mahine se sath the lekin unke bich ka emotional bond bahut strong ho chuka tha)
Samar - chal chuhiya, aur parso kya hai jo parso se jayegi.
Komal - Kuch nhi bhai bas ek din aur chain se sona chahti hu. College ke liye to jaldi hi uthna padega
Samar - Tu nhi sudharne vali
Komal - Jo sudhar jaye vo komal nhi
Inka to ek mahina aise hi nikla, likin isi bich kahi aur kuch aur bhi ghat rha tha.
College khulne se 1 hafte pehle
Mumbai shahar ka ek mashhoor beech jahan par din ke vakt logo ki betahasha bheed jama rehti thi. Lekin is vakt subah ke 5 bje aadha shehar soya hua tha. Aur beech par Police ki kai gadiya khadi thi. Local logo ki bhi kafi bheed jama thi. Police barricade karke sabko rok rhi thi. Media bhi vahan pahucha hua tha.
Reportar - ye dekhiye ek baar phir insaniyat sharmsar hui hai. Raat ke andhere me ek ladki ki berehmi se hatya kar di gyi aur police ko bhanak tak nhi lagi. Log janna chahte hai ki kya kar rhi hai police, kaise ek bheed bhad vale ilake me kisi ladki ko maar diya jata hai or kisi ko pta nhi chala. Jude rahiye hmare sath hum lotenge ek break ke baad.
Barricade ki dusri taraf ek ladki ki lash padi hui thi jise police ne charo taraf se gher rakha tha. Lash ki halat aisi thi ki police valo ki bhi halat tight thi. Itne me ek aur police ki gadi vahan par aati hai jisme se ek Khubsurat jawan ladki bahar aati hai.
ACP Suman - Age 26,Police ki ek senior officer, jitni khubsurat usse jyada khatarnaak. 20 encounter kar chuki hai. iska bas chale to sare criminals ko jala ke maar de.
Inspector - Good Morning Mam
Suman - Morning, kya report hai shinde.
Inspector shinde - Mam, body ka face poora bigda hua hai, baki parts ko dekhke pta chala hai ki lash kisi ladki ki hai. Kiski hai, ye to Forensic report aane ke baad hi pta lag payega.
Suman - Hmm
Iske baad jab Suman deadbody ke paas jati hai to body ki halat dekhkar uska sharir bhi thanda pad gya tha ( Suman ek mazboot or sahsi ladki thi, khud naa jane kitne criminals ko maut ke ghat utara tha usne...lekin uski aankho ke samne kuch Aisa tha Jo usne bhi kabhi nhi socha tha)
Ek ladki ki lash jiski dono aankhe bahar nikli hui thi, uske hath aur pairo ki chamdi bhi utari hui thi, chehre par cut ke itne nishan the ki chehra pehchanna namumkin tha, pure sharir me kanch ke tukde or kile gadhe hue the. Pair ki haddiyon ko modkar pairo ko ulta kar diya gya tha.
Suman lash ko dekhkar vahi jam gyi thi, jab shinde Suman ko hilata hai to uske sharir me mano current sa doud gya ho.
Uske baad Suman bolti hai.
Suman - (gusse ke bhav liye) jisne bhi ye kiya hai uski rooh ko tadapna pdega.
Suman - shinde koi saboot mila crime spot pe? Ladki ki koi ID
Inspector shinde - No Mam.
Suman - Thik hai, Lash ko jald se jald Forensic lab bhejo, 3 din me report mere table pe honi chahiye... Is area ke jitne bhi criminals hai specially Jo woman harrasment me charged hai sabko utna lo. Or aas paas ke area ka ek ek CCTV check karo. Ye jo bhi hai mere hatho se nhi bachega.
Shinde - Yes Mam.
Itne me ek sub inspector aakar btata hai, Mam jab shinde sir aas pass ke logo se enquiry kar rhe the tabhi hme ye Mila tha or Suman ko ek Card dikhata hai.
Jispar likha tha
Clown
- The Innocent Killer
Last edited:
- Status