Mr.X796
Well-Known Member
- 10,175
- 6,184
- 228
Nice update bro . . .SAAJAN
UPDATE—158
Ek Amar Prem Gaatha
Mata Parvati—Putri jo prem ki amar katha main tumhe sunane ja rahi hu ye vo maha gatha hai jisne prem ki ek nayi shrankhla ko janam diya...Jaha se is prem ki shuruwat ki neev padi
Tumne yadi prem kiya hai to prem par vishwash karna bhi sikh lo....prem ka rasta kaanto ka rasta hai....isme sukh kam aur dukh jyada hote hain lekin jo sachcha premi hota hai vo in dukho se vichlit nahi hota balki in dukho me bhi vo sukh ki anubhuti kar hi leta hai
Prem marg anya margo se bhinn hai....baki margo par pairo se chal kar jana padta hai kintu prem marg me sar ke bal chalna padta hai...ye aisa kaanto bhara rasta hai jis par chalne ka sahas ya to koi chor kar sakta hai ya phir sachcha premi
Prem ki prapti utni hi durgam hai jitni ki kaal par vijay ki prapti aur uski uplabdhi me sabse badi badha apna sharir hai....sadhe teen hatho ka yeh sharir beech me sumeru parvat ban kar aa jamta hai, isliye jo sir dekar iske path par pair rakhta hai vahi sachche prem ko pa sakta hai
Sachche premi ko is sharir ke nav-dwaro aur panch-vikaro par adhikar karna avashyak hai anyatha uska prem kabhi safal nahi ho sakta...samay ke chhote se thapedo se hi vo toot kar bikhar jata hai....iska hi parinam hai ki aaj sansar me jise log sachcha prem kahte hain vo chhoti chhoti bato par galat fahmiyo ka shikar ban jata hai...vastav me vo sachcha prem na hokar soundarya ke akarshan se uttapann hawas mishrit prem hai....sachche prem me hawas ke liye koi sthan hi nahi hota hai
Ye kahani bhi aise hi premiyo ki hai….jinhone prem ka ek alag hi itihas likh diya…..is kahani ki shuruwat aaj se kayi hazar saal pahle Dwapar yug me huyi thi
Tab yaha samudra ke tat par prithvi par sapt dwipo me se ek Singhal garh namak dwip hua karta tha....bade bade parvato se aachchhadit ye rajya atyant sundar evam ramniya tha
Singhal dwip par us samay sugandh naresh Gandharva Sen ka Shasan tha…vaha ki maharani Champavati thi… sugandh naresh maine isliye kaha kyon ki us rajya ki samast nari vibhinn pushpo ke gandh ki thi
Jehi Jehi Baran Phool Phulwari,Gandharv sen ki chhappan karod ki sena thi aur uski ashwa shala me solah sahastra shyam karn ghode the….uski gajshala me saat sahastra singhli hasti (mahavat) the....nar patiyo me vah narendra tha aur bhu-patiyo ka vah indra kahlata tha..... vah aisa chakrawarti raja tha ki sabhi khando me uska dabdaba tha aur sabhi desho ke raja uske aage sar jhukate the
Tehi Tehi Baran Sugandh So Nari
Koi bhi agar singhal dwip ke nikat pahuchta to aisa lagta ki vah kailash ke nikat aa gaya ho…ghani aamra vatika charo taraf lagi huyi thi...uske sabhi taruvar aise sugandhit the mano malay giri ke chandan ke vriksh lagaye ho aur unki chhaya aisi ho rahi thi jaise ki rajni ho rahi ho...yadi koi yatri dhoop se thaka hua vaha pahuchta aur un vriksho ki chhaya me aaram kar leta to uska samast dukh thakan vismrit ho jata tha
Vaha aur bhi kayi tarah ke vriksh jaise ki kathal, aanwla, nariyal, khajur, santra, jaam phal, kela, anar, angoor, aam ityadi lage huye the jisse kisi yatri ko bhukha bhi nahi rahna padta tha
Singhal garh me logo ki pani ki suvidha ke liye pag pag par koop (kuwa) aur vapiya (bawdi) ke sath sath har jagah kund bane huye the jinki bathak aur sidhiya saje rahte the....har kund ke paas dev sthan bana hua tha aur ashram the jaha rishi muni rahte the
Vaha ka sarovar maan sarovar ki bhanti samundra ke jaise bhara hua, nirmal aur vistirna tha isliye us sarovar ko maan sarodak kaha jata tha
Sarovar me jab paniharine pani bharne aati thi to log unke roop soundarya ko dekh kar thage ke thage rah jate the…vo sabhi aisi lagti thi jaise ki mom ki bani murtiya ho…sabhi dev lok ki apsarao ki tarah anupam sundari thi unke jism se kayi tarah ke sungandhit phoolo ki mahakti khushbu kisi ko bhi madhosh kar sakti thi
Singhal dwip me charo oor pushpa vatikaye lagi huyi thi….jinke vriksh vriddh hokar chandan ki si suvas ke ho gaye the….unme saghan lataye thi jo bahutere phoolo se phooli huyi thi tatha kewda, champa, chameli,kund, gulab, fenda, ratrani, kadamb, juhi,nagkeshar,mouli shri, bela aur bhi nana prakar ke phool lage huye the….vo phool unhi ke mashtako par chadhte the jinke mashtak me bhagya ki mani hoti thi
Singhal dwip ka mahal bhavya aur vishal tha….mahal ke charo taraf hazaro shero ka pahra hardam hota tha…. Singhal garh me Neer aur Kshir naam ki do nadiya thi…..dono nadiyo ka udgam motiyo ke choorn se bane ek kund se hua tha
Us kund ka pani amrit aur keechad kapoor tha….us kund ki sabse badi vishesta yeh thi ki uska pani pine wala jab tak jinda rahega jawan rahega vo vriddh nahi ho sakta kabhi bhi…..kund ke paas me hi ek kanchan ka vriksh tha…uski jade patal tak thi….vah vriksh indra lok ke kalaptaru ki tarah khas tha
Vo vriksh ka phal kabhi kabhar hi nazar aata tha….jab usme phal lagta to uske ujale se poora singhal dwip me tez roshni phail jati….us phal ko khane wala ajivaj jawan aur nirogi rahega aisi uski vishesta thi
Kintu kabhi koi bhi na to us kund se pani nikal kar pi saka aur na hi kanchan vriksh ke us adbhut phal ko prapt kar paya…kund ke pani aur us phal ko pane ke liye jane kitne hi log apni jaan gawa baithe
Maharani Champavati atyant roopvati aur sadguno ki khan thi…vah battis shubh lakshano se yukt thi…unki sundarta ka bakhan poora singhal dwip karta tha…Champavati ke samanta ki koi bhi stri us samay kisi dwip me nahi thi
Maharani champavati is samay garbhvati thi….sare rajya me harsh aur ullas ka mahoul vyapt tha…maharaj Gandharv sen khushi se phoole nahi sama rahe the
Kisi ko kya pata tha ki Maharani Champavati garbhvati hokar kewal santan paida karne nahi ja rahi hain apitu vo ek itihas ki rachna karne ja rahi hain
Maharani champavati singhal dwip ko ek aisa deepak dene ja rahi thi jiska prakash sarvatra ujiyara phailane vala aur har kisi ke mann ko sammohit kar ek naye yug ki shuruwat karne wala tha
Champavati bhagwan shiv ki ananya bhakta thi….roj subah uth kar snan aadi se nivratt hone ke baad nitya din vo unke rajmandir ko chandan se lepan karti thi aur bhagwan ashutosh ki pooja karti thi
Jab se vo garbhvati huyi thi maharani ke hriday me ek aloukik prakash ki anubhuti hoti thi….jyo jyo garbh badhta ja raha tha tyo tyo maharani ke udar me us jyoti punj ka prakash bhi tez hota ja raha tha
INTERVAL BREAK
Mata Parvati—Putri Priyadarshini…..abhi tumhe bulane koi aane wala hai…ye lo pushtak..isme tumhe aage ki katha likhi huyi mil jayegi…tumhare siwa aur kisi ko bhi isme likha nazar nahi ayega
Priyadarshini ke hatho me vo pushtak dekar mata antardhyan ho gayi….aur tabhi usi samay diksha use khana khane ke liye bulane aa gayi
Darwaja khatkhatane se Priyadarshini apne dhyan se bahar aa gayi....usne mann hi mann maa gouri ko pranam kiya aur jakar darwaja khola
Diksha—aapka sabhi khane par intazar kar rahe hain
Priyadarshini—ji main abhi aayi
Main abhi payal didi aur divya ke sath dinner karne aa gaya…halanki chanchal ke sath khana kha chuka tha phir bhi sabhi meri vajah se abhi tak bhukhe the to unke pyar ka maan to rakhna hi tha
Mamta—beta kaha chala gaya tha…? Kam se kam bata to diya kar
Raj—sorry maa…dubara khyal rakhunga
Veer—tumhare chakkar me kisi din bhukha rahna padega
Mrinal—bilkul sahi pakde hain…aap mutra balatkari
Sab chounk kar mrinal aur veer ki taraf dekhne lage….veer ke gale me to khana hi atak gaya…..bechara chup chap gardan niche jhuka liya aur khansne laga
Kajal—arey koi use kuch pine ko do
Mrinal—mai pilaungi…main hu na……lo veer…mutra piyo
Ruchi (dhire se)—betu…is ashleel ladki ko kaha se pakad laya hai…..?
Is baar to sab ke gale me khana phans gaya aur vo khansne lage….jab ki mujhe hasi aane lagi…..payal didi ne mujhe ghur kar dekha to maine jaldi se pani ka gilas unki aur bakiyo ki taraf sarka diya
Meera—ye kya besharmi hai……?
Roopa—ise vapis lana hi nahi tha…..besharmi ki bhi koi had hoti hai
Vidhya (chilla kar)—chal dur hat mere bete ke paas se
Mrinal—kyo ab kya hua…….? Mai bhi to veer ko vahi pila rahi hu jo aap log pilane wali thi…….(phir veer ki oor palat kar) lo tum kyo pareshan hone lage….piyo na…main tumhe pailaungi mutra piyo..piyo
Vidhya (gusse)—behaya….besharam…tu aise nahi manegi…
Vidhya mousi gusse me apni jagah se uth kar mrinal ko marne ke liye jaise hi hath uthaya to turant maine unka hath beech me hi pakad liya
Raj—nahi…mousi ji…aisi galti dubara phir nahi honi chahiye
Sarita (jor se)—Rajjjjjj......ye kya tarika hai..... ? kya tumne hame isliye yaha rahne ko kaha taki hamari be-ijjati kar sako aur dusro ko bhi karne do......chalo didi hum apne ghar abhi jayenge
Priyadarshini (hath jodkar)—dekhiye hum yaha naye hain....agar mrinal ne kuch galat kah diya to main apse hath jod kar uski mafi mangti hu....use kshama kar dijiye....uska irada aap logo ka dil dukhane ka bilkul bhi nahi hai
Mamta—beta ye sab kya hai.... ?
Raj—pls sab shant ho jao...kuch nahi hai maa...darasal mrinal ko hindi nahi aati hai...vo abhi sikh rahi hai...isliye vo kuch ka kuch samajh baithti hai.....vo mitra ko mutra kahti hai aur chamatkari ko balatkari
Sab (shock)—kyaaaaaa..... ?
Mrinal—bilkul sahi pakde hain..... raj ji
Iske baad sabhi ne chup chap dinner khatam kiya aur apne apne room me chale gaye....mai bhi apne room me aa gaya jaha payal didi ke sath vidhi bhi thi
Vidhi—saajan ye dono ladkiya mujhe samanya nahi lagti
Payal—koun dono..... ?
Vidhi—mrinal aur priyadarshini
Raj—kyo..... ?
Vidhi—mai jinni hu...mai unke chehre ka tez dekh sakti hu apni shaktiyo se......khas kar priyadarshini me mujhe bahut tez jhalak raha hai...itna tez to kisi dev kanya me hi ho sakta hai aur kisi me itna samarthya nahi itna tez sahan karne ka
Payal—whattttt...... ? kya kuch bhi bolti ho tum vidhi...dev kanya aur yaha...... ? aisa kuch nahi lagta mujhe
Raj—chalo chhodo in bato ko
Payal—ab pahle batao ki tum pareshan kyo the din me…..?
Raj—aisa kuch nahi hai…mujhe need aa rahi hai ab
Payal—dekho mujhe kasam dene par vivash mat karo
Raj—kal bata dunga…abhi sab ghar me hain aur deewaro ke bhi kaan hote hain aaj kal
Payal—theek hai….magar main puche bina chhodungi nahi
Raj—mai ruchi didi ke paas se aata hu
Vidhi—lekin jaldi aana saajan….kahi main so na jau
Payal—ha to so ja na….mere samne kuch mat karna…..nahi to akele kuch nahi karne dungi main…soch lena isiliye tumhe apne sath rakha hai maine
Raj—tabhi to main sochu ki aapne vidhi ko apne sath kaise rakh liya itni asani se
Payal—to kya isko dusre room me rahne deti jisse tum iske paas apna muh kala karte raho aur main yaha tadapti rahu
Vidhi—tum bhi to saajan ki biwi ho…to isme tadapna kaisa…….?
Payal—mai to taiyar hu…par saajan se hi pucho…..inko karne me dikkat hoti hai mere sath
Raj—jab tak hamari shadi nahi hoti tab tak control karo…ayega vo din bhi jarur ayega….ok ab main chalta hu ruchi didi ke paas
Main ruchi didi ke room ja hi raha tha ki tabhi neha chachi ka room khula aur vo mujhe dekh kar ruk gayi…mai bhi bina kuch bole aage badh gaya tabhi
Neha—raj…mujhe tumse baat karni hai….andar aa jao
Raj—sorry…mujhe ab kuch nahi kahna chachi…main ab is baat ko tamasha nahi banana chahta
Neha—pls…bas kuch der
Raj—ok
Raj (andar akar)—kahiye jo bhi kahna hai…..mujhe need aa rahi hai
Neha (hath jod kar)—raj…..paridhi kaha hai…..pls
Raj—mai bata chuka hu
Neha (ruwansi hokar)—tumne kaha tha ki vo jinda hai
Raj—apko vo jaldi mil jayengi….mai iske aage kuch nahi bata sakta
Neha (lagbhag rone jaisi)—meri beti kaha hai…rajj….pls bata do….mai hath jodti hu….tumhare pair bhi pakadne ko taiyar hu…pls..bata do
Raj—ye kya kari hain aap…..kah to diya maine ki didi jaldi hi mil jayengi…abhi main khud bhi nahi janta ki vo kaha hai aur kis haal me hain…..bas itna pata chala hai ki vo jinda hain
Neha (sisakte huye)—meri beti ko vapis la do….tum jo kahoge main karungi…..jaise rahne ko kahoge main rah lungi
Raj—aapko rone ki koi jarurat nahi hai…..unhone jab mere liye itna kiya hai to itna main karunga hi…aap nishchint raho
Main unke room se nikal kar ruchi didi ke room me aa gaya….didi meri hi tasveer se baate kar rahi thi…meri awaz sun kar vo turant darwaja khol mujhse lipat gayi
Mai ruchi didi ke sath bed par let kar bate karne laga…..vo mujhse chipke huye hi apne pyar ka izhar aur apni majburiya batati rahi….maine unke hotho par apne hoth rakh diye aur kiss karne laga
Didi bhi khushi se jhumte huye mera sath dene lagi…..jab tak saans nahi phool gayi tab tak dono me ek dusre ke hotho ka ras pine ki prati spardha chalti rahi
Maine unhe apne chipka liya..vo aise hi chipke huye meri baho me so gayi…..unke sote hi maine apni ankhe band kar khud ko do bhago me vibhakt kar liya aur paridhi didi ke room ki talashi lene par mili us cheez (Locket) ko dhyan se dekhne laga
Kuch der tak dekhne ke baad maine apna ek roop vahi chhod kar adrishya hokar ek sun san jagah par aa gaya aur unicorn ko yaad kiya…agle hi pal vo mere samne aa gaya
Unicorn—ji malik
Raj—Dark Lok chalo
Unicorn—ji malik..kintu vaha bahut khatra hai
Raj—vo dekhna mera kaam hai….tumse jitna kaha hai utna karo
Unicorn—ji malik..aaiye
Phir main unicorn ke sath dark lok ke ek anjane safar par nikal gaya….vaha pahuchte hi jaise maine apna pair dark lok ki jamin par rakha ki tabhi……..
Unicorn (chillate huye)—malikkkkkkkk
