Thriller SIPAHI WATAN KA (COMPLETED)

[Vaib.dj007]

UPDATE-50

Havaam !
jo ek chini thaa ।
vaise bhi chini bhojan pakaane main maahir hote hain ।
alabattaa unke kapede vagairaa abhi bhi jungli aurten dhoti thi ।
☐☐☐
puri basti main raat ki gahri nistabdhtaa faili thi ।
koi ek baje kaa samay thaa ।
apne-apne jhompede main jahaan tamaam jungli gahri nind soye hua the, vahin ‘assault group’ ke sabhi chhah yauddhaaon ki aankhon main us vakt nind nahin thi । vah sardaar ke jhompede me sir-se-sir jode baithe the ।
sardaar jhompede main nahin thaa ।

vah mushkil se aadhaa ghantaa pahle hi ‘grandy-grandy’ karke chikhtaa huaa uthaa thaa aur phir usi prkaar use aavaaj detaa huaa jhompede se baahar nikal gayaa ।
“is bhudhe sardaar ke saath sachamuch bahut buraa huaa hai ।” Abu Nidaal thodaa afsosnaak lahje main bolaa ।
“kuchh bhi buraa nahin huaa ।” Master jhallaayaa- “sab apni-apni kismat ki baat hai ।”
“lekin tum shaayad bhul rahe ho ।” Rony bolaa- “ki iski aisi buri kismat khud tumne likhi hai । agar tum sardaarni ko n marte, to aaj yah is paaglon jaisi haalat main n pahunchtaa ।”
“aur yah kyon nahin kahte ki mainne aisi charitrhin aurat se pichhaa chhutaakar iskaa bhalaa kiyaa hai ।”
“ab en sab baaton ko chhodo ।” Jack Kramer un sabse hi thodi sakht jabaan main bolaa- “jo haadsaa ghat chukaa hai, ab us par jirah karne se koi faaydaa nahin hai । isse ham logon ke bich bematalab talkhaahat hi aur baadegi । Mike !” phir Jack Kramer ne gumasum se baithe Mike ki taraf dekhaa- “tum shaam ke vakt kah rahe the ki tumhen kuchh jaruri baat karni hai ।”
“yes sir !” Mike thodaa sachet hotaa huaa bolaa- “mujhe sachamuch kuchh jaruri baat karni hai । magar main apni baat to tab kahun, jab yah log pahle aapas main jhagadnaa band karen ।”
“enhonne jhagadnaa band kar diyaa । tum jo kahnaa chaahte ho, kaho ।”
“sir !” Mike bolaa- “ham logon ko is basti main rahte hua aaj paanch din gujar chuke hain, paanch din ! main samajhtaa hun, jungle main bhatakte-bhatakte commander Karan Saxena ki filhal kaafi buri haalat ho chuki hogi aur vo samay aa gayaa hai, jab hamain commander ke upar hamlaa karnaa chaahiye । ab yahaan jyaadaa samay gujaarne se koi faaydaa nahin hai ।”
“vaakaayi sir !” Havaam jo abhi tak chup baithaa thaa, vah bhi bolaa- “hmain sachamuch ab commander Karan Saxena par hamlaa kar denaa chaahiye ।”
Jack Kramer ne jaise hi kuchh kahne ke lia munh kholaa, tabhi jhopede main baahar halki aahat ki aavaaj sunakar vo chaunkaa ।
“y... yah kaun hai ?” Jack Kramer phusaphusaayaa ।
“lagtaa hai, sardaar vaapas aa gayaa hai ।”
“lekin sardaar etni jaldi vaapas kaise aa saktaa hai ?” Jack Kramer bolaa ।
“main dekhtaa hun ।”
Abu Nidaal jaldi se apni jagah chhodakar khadaa huaa aur baahar ki taraf bada ।
parde tak jaakar hi vo vaapas laut aayaa । uske chehre par rahasyamyi bhaav faile hua the ।
“kyaa huaa ?”
“sardaar hi hai ।” vo bahut dhimi aavaaj main phusaphusaayaa- “phaavadaa lekar vaapas jaa rahaa hai ।”
“haan ।”

sab yauddhaaon ki nigaahen ek-dusre se takraai ।
“lekin etni raat ko phaavade se vo kyaa karegaa ?” Rony stabdh bhaav se bolaa ।
“chlo !” Jack Kramer turant apne sthaan se khadaa huaa- “sab uskaa pichhaa karte hain ।”
fauran saare yoddhaa khade ho gaye aur baahar ki taraf baade ।
sardaar jhompede se nikal chukaa thaa aur ab pichhe jungle ki taraf baad rahaa thaa ।
“yah kahaan jaa rahaa hai sir ?”
“khaamoshi se dekhte raho ।”
sardaar phaavadaa haath main jhulaataa huaa jhompede ke bilkul pichhe pahunch gayaa aur vahaan jaakar ek jagah khudaai karne lagaa ।
“are !” Abu Nidaal ke netr dahashat se buri tarah phate- “yah to bilkul usi jagah khudaai kar rahaa hai, jahaan hamne sardaarni ki laash ko daphan kiyaa thaa ।”
“haan ।”
sab yauddhaaon ke sharir main jhurajhuri daudi ।
“hmain ise roknaa chaahiye ।” Master ne jhatke ke saath apnaa ‘hansiyaa’ kamar se alag kiyaa ।
“nhin ।” Jack Kramer ne uskaa haath vahin pakadaa- “ab use rokne se koi faaydaa nahin ।”
“lekin... ।”
“use shak ho chukaa hai । jarur gaddhaa bharne main hamse koi chuk hui hai yaa phir mitti hamne dhang se nahin bhari । agar aise main ham use rokenge, to uskaa shak aur bhi baadegaa ।”
“phir ham kyaa karen ?”
yoddhaaon ki aatankit nigaahen punah ek-dusre se takraai ।
“shaanti se dekhte rahen, vo kahaan tak khudaai kartaa hai ।”
“main abhi aayaa ।” ekaaak ab Nidaal vyagrtaapurvak bolaa ।
“tum kahaan jaa rahe ho ।”
“bas aayaa ।”
Abu Nidaal vaapas jhompede ki taraf daud pedaa ।
koi kuchh nahin samajh sakaa । vo kyaa karne gayaa hai ।
sardaar kaafi jaldi-jaldi phaavadaa chalaa rahaa thaa । haalaanki unhonne laash ko bahut niche daphan kiyaa thaa । parantu sardaar ne gaddhe ko vahin tak khod daalaa aur sardaarni ki bilkul nirvastr laash ko usmain se khinchakar baahar nikaal liyaa ।
sardaarni ki laash dekhte hi uske sabr kaa baandh tut gayaa aur vo usse lipatakar bahut jor-jor se hidakiyon ke saath rone lagaa ।
usi kshan usne kuchh kadmon ki aavaajen suni, jo uske karib aa rahi thi ।
sardaar ne rote hua hi apni gardan upar uthaai । vah sabhi chh yoddhaa the, jo uske chaaron taraf aakar khade ho gaye । Abu Nidaal bhi unmain shaamil thaa । vah darasal jhompede main-se apni ‘sniper rifel’ lene gayaa thaa ।



Abu Nidaal ek paakistaani apraadhi thaa aur bahut khatarnaak nishaanebaaj thaa । jyaadaatar vo apni ‘sniper’ rifel se hi goli chalaanaa pasand kartaa thaa aur vo aadmi ki gardan ke ek aise khaas point par goli martaa thaa ki uski gardan dhad se katakar havaa main upar uchhal jaati ।
“Kramer saahab ।” yauddhaaon ko dekhte hi sardaar ki rulaai aur bhi jyaadaa phut pedi- “kisi ne meri grandy ko maar daalaa । yah dekhia, kisi ne meri pyaari grandy kaa kyaa hashr kiyaa hai ।”
sardaar jor-jor se hidakiyon ke saath ro rahaa thaa ।
uski rulaai ki aavaajen tej hone lagi ।
magar yauddhaa chup the ।
khaamosh !
“a... aap log kuchh bolte kyon nahin ?” sardaar ne ekaaak shak bhari nigaahon se un sabki taraf dekhaa- “a... aap khaamosh kyon hain ?”
phir chuppi ।
“l...lagtaa hai ।” sardaar ne ab laash ko apni god main-se niche rakh diyaa- “lagtaa hai, meri grandy kaa yah hashr aapmain se hi kisi yauddhaa ne kiyaa hai ।”
“haan, sardaar !” Jack Kramer do kadam aage bada- “mujhe afsos hai ki yah sab hamaari vajah se huaa hai ।”
“saale haraamjaade ।”
sardaar ekadam jhatke ke saath khadaa ho gayaa aur phaavadaa lekar bade khuni andaaj main Jack Kramer ki taraf jhaptaa ।
magar vo Jack Kramer ke karib bhi pahunch paataa, usse pahle hi Abu Nidaal ne apni ‘sniper’ rifel uski taraf taan di aur trigger dabaa diyaa ।
sardaar ki karunaadaayi chikh nikal gayi ।
sniper rifel ki goli uski gardan ke thik ‘khaas point’ par jaakar lagi ।
goli lagi aur phir gardan main andar-hi-andar ghumti chali gayi ।
aashchary !
sardaar ki gardan sachamuch dhad se alag hokar havaa main uchhalti hui najar aayi, phir vo gaddhe ke paas jaakar giri ।
phir uskaa dhad bhi giraa ।
“kissaa khatm !” Jack Kramer ne gahri saans chhodi- “yah budha bhi pichhle paanch din se bahut parishaan thaa । ab ise bhi sakun mil jaayegaa ।”
“ab to aap samajh hi gaye honge ।” Abu Nidaal apni ‘sniper’ rifel niche kartaa huaa bolaa- “ki main jhompede main kyaa karne gayaa thaa ।”
“samajh gaye ।”
sab prashansniy nigaahon se Abu Nidaal ki taraf dekhne lage ।

din nikal aayaa thaa ।
basti ki vo subah badi duahkh se bhari hui thi ।
saare jungli basti main ek hi jagah jamaa the aur unke bich sardaar kaa gardan kataa shav rakhaa thaa । us samay tamaam jungleiyon ki aankhon main aansu the ।
unmain aisaa koi jungli n thaa, jo n ro rahaa ho ।
“mujhe badaa afsos hai ।” Jack Kramer un sabke bich khadaa ‘burmi’ jabaan main bol rahaa thaa- “ki raat commander Karan Saxena ne yah sab kiyaa । hamain maalum hi n huaa, vo shetaan kab basti ke andar ghus aayaa aur sardaar ko maarakar bhaag khadaa huaa ।”
“agar hamain uske aane ki jaraa bhi bhanak mil jaati ।” Rony aakrosh main bhainse ki tarah dakraayaa- “to yakin maanon, raat hi hamne us haraamjaade ki yahaan laash bichhaa deni thi ।”
jungli rote rahe ।
kuchh nojvaan to laash se lipatakar dahaade maar-maarakar ro rahe the ।
vo sachamuch apne sardaar se beenthaa pyaar karte the ।
“balki mujhe to ek baat kaa aur bhi shak hai ।” Abu Nidaal bolaa- “ho saktaa hai, sardaarni ko bhi usi shetaan ne gaayab kiyaa ho ।”
“haan, yah bhi sambhav hai ।”
“ham us shetaan ko maar daalenge ।” jungli chikh uthe- “ham use nahin chhodenge ।”
“haan-haan । ham usse apne sardaar ki maut kaa badlaa lenge । usse apni sardaarni ko chhudaayenge ।”
vah sab bhadak uthe ।
Jack Kramer ne unhen badi mushkil se shaant kiyaa । uske baad bade hi sanjidaa maahaul main sardaar ke antim sanskaar ki taiyaariyaan shuru huin ।
jab sardaar kaa antim sanskaar kiyaa gayaa, tab vah saare jungli punah bahut bhaavuk ho uthe ।
punah phut-phutakar rone lage ।
☐☐☐

 

[Vaib.dj007]

Brother, story bahut hi awesome hai. Yaha padate to bahut hai but koi comment aur like nhi karta... But aap apna kaam karate jaiye. Ek din sabhi aapki story ka wait karenge......

THANKS FOR SUPPORTING
UPDATE POSTED

 

[DEVILWANTED]

Awesome update

 

[DEVILWANTED]

Waiting for next update

 

[Vaib.dj007]

UPDATE-51

Jack Kramer ne unhen badi mushkil se shaant kiyaa । uske baad bade hi sanjidaa maahaul main sardaar ke antim sanskaar ki taiyaariyaan shuru huin ।
jab sardaar kaa antim sanskaar kiyaa gayaa, tab vah saare jungli punah bahut bhaavuk ho uthe ।
punah phut-phutakar rone lage ।
☐☐☐

“meraa khyaal hai, ab hamain aur jyaadaa vakt is basti ke andar nahin thaharnaa chaahiye ।” Jack Kramer apne safed baalon ko pichhe jhatakakar kaafi dhime svar main bolaa- “ab commander Karan Saxena ke upar hamlaa karne kaa vakt aa chukaa hai ।”
vah saare yauddhaa us vakt jhompede main jamaa the ।
“ak baat main bhi kahnaa chaahungaa ।” Rony bolaa ।
“kyaa ?”
“is martbaa ham sab log ek saath milakar commander Karan Saxena par hamlaa karenge । isse pahle do-do yaa tin-tin yoddhaaon ke group main hamlaa karne ki jo galti ham kar chuke hain, vah galti ab dohraai nahin jaayegi । isse khaamkhaah taakat kam ho jaati hai ।”
“bilkul thik kahaa ।” Jack Kramer bhi bolaa- “is martbaa hamain ek saath hi milakar hamlaa karnaa hogaa, bilkul band mutthi ki tarah ! ham sabhi chhah yauddhaa ek saath ranakshetr main utrenge ।”
“chhah nahin ।” Master bolaa- “paanch ।”
“paanch ।”
“yes sir ! filhal aapkaa hamaare saath jaanaa thik nahin hogaa ।”
“kyon ?”
“kyonki agar maan lo, ham sabhi chhah yauddhaaon ne ek saath hamlaa kiyaa aur ittefhaq se ham sabhi maare gaye, to Burma par kabjaa karne aur yahaan ki bahumuly khadaanon ko lutne kaa jo sapnaa hamne dekhaa hai, vah usi kshan dhul main mil jaayegaa । parantu agar hammain se ek yauddhaa bhi jindaa rahaa, to vah dobaaraa se taakat ekatthi karke is sapne ko saakaar karegaa aur vah ham sab mriat yauddhaaon ke prati sachchi shraddhaanjali hogi ।”
saare yauddhaaon ne sakapkaakar ek-dusre ki taraf dekhaa ।
Master ne haalaanki bahut jyaadaa kadvi baat kahi thi, lekin sach kahi thi ।
“Master thik kah rahaa hai ।” Abu Nidaal bhi sanjidgi ke saath bolaa- “ham paanchon ko hi commander par hamlaa karnaa chaahiye ।”
“aapkaa is sambandh main kyaa kahnaa hai sir ?” Havaam ne Jack Kramer ki taraf dekhaa ।
“mujhe kuchh nahin kahnaa । is sambandh main tum log hi jo faisala karoge, vah mujhe manjur hogaa ।”
“to phir hamaaraa vahi faisala hai sir, jo Master ne kahaa ।” Havaam bolaa ।

vah kaiktas ki behad ghani aur kantili jhaadiyaan thi, jinke paas commander murchhit avasthaa main pedaa thaa ।
pichhle atthaarah ghanton se usne kuchh nahin khaayaa thaa ।
pairon main ab etni jaan nahi bachi thi, jo vah jungle main pahle ki tarah hi ‘chitaa chaal’ se daudtaa rah sake । vah pichhli kayi raaton kaa jaagaa huaa thaa, aankhon main nind bhari thi ।
kantili jhaadiyon ke paas pede-pede commander ko aisaa lagaa, jaise uske upar behoshi chhaati jaa rahi hai ।
tabhi usne gharr-gharr ki aavaaj suni ।
commander chaunkaa ।
usne kamjori ke kaaran band hoti jaa rahi apni aankhon ko jabaradasti kholaa aur upar aakaash ki taraf dekhaa ।
agle hi pal uske sharir main tivr sanasnaahat daud gayi ।
aakaash main nile rang kaa vahi helicopter mandraa rahaa thaa, jismain baithakar ‘assault group’ ke yauddhaa headquater se bhaage the ।
“lagtaa hai, vah log laut aaye hain ।”
commander ne jabaradasti apne sharir ko kaiktas ki un ghani jhaadiyon ke bich dhakel diyaa, taaki ekaaak kisi ki nigaah bhi us par n ped sake ।
revolver usne nikaal li ।
vah ek baar phir kaafi chaunkannaa dikhaai pedne lagaa ।
helicopter der tak gharr-gharr kartaa huaa jungle ke upar aakaash main mandraataa rahaa aur phir commander se thodaa hi faasle par ek khule maidaan main utar gayaa ।
commander gaur se helicopter ko dekhne lagaa ।
uske dekhte hi dekhte helicopter main se ek-ek karke paanch yoddhaa niche utre । commander ne un sabhi yoddhaaon ko saaf-saaf pahchaanaa, aakhir un yauddhaaon ki filen bhi vo kayi-kayi martbaa padh chukaa thaa ।
Master !
Havaam !
Abu nidaal ।
Mike ।
Rony ।

sab apne alag-alag phan ke maharthi the । sabke naam police file main dheron apraadh darj the ।
helicopter se utarte hi vah sab paanchon gol daayraa banaakar khade ho gaye ।
“hamne ‘shadoww warfair’ (chhaayaa yuddh) ki position main chalte hua use dhundhnaa hai ।” Abu Nidaal apne saathiyon se behad garamjoshi purvak kah rahaa thaa- “ham paanchon apnaa ‘mrityu kaa katoraa’ banaakar aage baadenge । yaad rahe, vah agar jungle main yahin-kahin aaspaas maujud hai, to aaj bachnaa nahin chaahiye ।”
“aisaa hi hogaa ।”
baaki yoddhaaon ki aavaaj bhi badi garamjoshi se bhari hui thi ।
us vakt vo commander ko khatm kar daalne ke lia driadhapratijy najar aa rahe the ।
“is helicopter kaa kyaa karen ?” Mike bolaa ।
“jhaan tak meraa khyaal hai ।” Havaam ne kahaa- “hmain helicopter ke engine main se ‘fuse plug’ nikaalakar apne paas rakh lenaa chaahiye ।”
“fuse plug !” sabki aankhon main hairaani ke bhaav taire- “vah kyon ?”
“taaki agar hamaare jaane ke baad commander yahaan aa jaaye, to vah is helicopter ko lekar faraar n ho sake ।”
“parantu is kaam ke lia ‘fuse plug’ nikaalne ki kyaa jarurat hai ।” Rony bolaa- “iske lia to helicopter kaa ignition lock lagaa denaa hi kaafi rahegaa ।”
“nhin, ignition lock lagaa denaa hi kaafi nahin hain । tum commander Karan Saxena ko nahin jaante, kisi bhi lock ko khol daalnaa uske byeen haath kaa khel hai ।”
“thik hai ।” Mike bolaa- “to phir main engine main se ‘fuse plug’ nikaaltaa hun ।”
phir Mike helicopter ke engine par chadh gayaa ।
usne uskaa dhakkan kholaa aur pith ke bal jhukakar ‘fuse plug’ kholne lagaa ।
udhar niche khadaa Havaam ab durbin se jungle kaa dur-dur tak kaa najaaraa kar rahaa thaa ।
Havaam apne paas hameshaa do ‘lizard’ revolver rakhtaa thaa ।


lizard !
yah revolver kaa sabse latest version hai aur duniyaa ki behatrin rivolvron main uski gannaa hoti hai । lizard revolver ki sabse badi khubi yah hai ki uski naal main se ek laser bim nikalti hai, jo laal rang kaa gheraa hotaa hai aur jise ‘maut kaa laal gheraa’ bhi kahte hain ।



saadhaaran gaingastar jahaan sahi nishaanaa lagaane ke lia apni ‘revolver’ ke upar laser torch lagaa lete hain । laser torch ki roshni jis jagah par jaakar pedegi, goli uske thik niche lagegi । parantu lizard revolver ki khaasiyat ye thi ki laser bim kaa ‘laal gheraa’ uski naal ke andar se hi nikaltaa thaa aur laal gheraa ensaani sharir par jis jagah par jaakar pedtaa, fauran vahin dhaany se goli lagti । nishaanaa chukne kaa matalab hi koi nahin thaa ।
iske alaavaa lizard revolver ki ek khaasiyat aur thi, uski goliyaan vishish tarah se design ki gayi thi ।
un goliyon ki velocity etni jyaadaa thi ki vah lohe ki puri aarmar plate ko phaadti chali jaayen । iske alaavaa us revolver main maujud kuchh goliyaan bam kaa kaam bhi karti thi, jo pahle ensaan ke sharir par jaakar chipak jaatin tathaa phir lizard revolver par hi lagaa ek batan dabaane par kisi bam ki tarah phattin । Havaam ne apni unhin do lizard rivalvron ki badaulat china main bahut dhan kutaa thaa । usne moti-moti supaariyaan lekar darjnon aadamiyon ko jahannum pahunchaayaa ।
aaj sthiti ye thi ki china ke police record uske naam se range hua the ।
Havaam kaafi der tak durbin se jungle kaa najaaraa kartaa rahaa ।
“kyaa abhi tak ‘fuse plug’ nahin milaa ?” Rony ne puchhaa ।
“nhin, mil gayaa hai ।” Mike ne helicopter ke engine par chadhe-chadhe fuse plug nikaalakar Rony ko dikhaayaa aur phir engine kaa dhakkan vaapas band kiyaa ।
phir vo niche kudaa ।
“ab commander ko dhundhne kaa kaam shuru kiyaa jaaye ।”
“bilkul ।”


paanchon khatarnaak yauddhaa turant harakat main aa gaye ।
vah ‘shadow warfair’ ki ek behad khaas position main jungle ke andar fail chuke the aur bade yojnaabaddh andaaj main ab commander Karan Saxena ko talaash kar rahe the ।
Mike ke haath main us samay ek ‘bazooka’ thi ।


bazooka, jo anti tank gun hoti hai aur jiski naal main se koi tin inch motaa golaa nikaltaa hai ।


Mike england kaa ek khatarnaak aatankvaadi thaa aur kabhi vahaan bade-bade aatankvaadi groupon ke lia bhaade par kaam kartaa thaa । usne apni usi ‘bazooka’ se ensaanon ki hatyaa karne se lekar train, bus aur dhaarmik sthal tabaah karne jaise saare kaam kiye the ।
us samay Abu Nidaal aur Mike donon saath-saath jungle main commander Karan Saxena ko dhundh rahe the ।
Abu Nidaal aage thaa ।
Mike thodaa pichhe ।
“agar aaj commander Karan Saxena mere haath lag jaaye ।” Abu Nidaal gurraakar bolaa- “to mainne apni sniper rifel se us haraamjaade ki gardan kaat daalni hai ।”
“commander koi jungleiyon kaa sardaar nahin hai Abu Nidaal ।” Mike muskraakar bolaa- “jise tum apni ek hi goli se maar daaloge ।”
“vah ek hi goli se maregaa ।” Abu Nidaal bolaa- “bas mere hatthe chadh jaaye ।”
“shaayad isilia vo tumhaare hatthe chadhne vaalaa bhi nahin hai ।”
vah donon yoddhaa jungle ko achchhi tarah chhaante hua aage baad rahe the ।
ped-paudhe aur ghani jhaadiyaan, har chij ko vah ruk-rukakar dekhte ।
tabhi un donon ne apni byein taraf ki ghani jhaadiyon main kuchh sirasraahat ki aavaaj suni ।
“lagtaa hai, us taraf ki jhaadiyon main koi hai ।” Mike ekaaak thamakakar bolaa ।
yahi vo kshan thaa, jab jhaadiyon main ek jungli suar ne bade khatarnaak dhang se Abu Nidaal ke upar chhalaang lagaayi ।
chikh pedaa Abu Nidaal !
jungli suar badaa lambaa-chaudaa aur taakatavar thaa ।
chhalaang lagaate hi vo Abu Nidaal ko lekar niche giraa ।
Abu Nidaal ne jhatke ke saath apni sniper rifel kaa laathi ki tarah istemaal karnaa chaahaa, to jungli suar ne jor se apni ek taang Abu Nidaal ke munh par jadi aur uske usi haath par bukkaa maaraa, jismain usne snifer rifelpakadi hui thi ।
daant gad gaye ।
Abu Nidaal bahut pidaadaayak dhang se chilllaayaa ।
Mike, jo bade dahashatnaak netron se us driashy ko dekh rahaa thaa, usne fauran apni bazooka taani aur livar dabaa diyaa ।
bhadaam !
golaa chalne ki aisi bhishan aavaaj hui, jaise vah golaa bazooka ki bajaay sidhe kisi badi top se hi chhodaa gayaa ho ।

jungli suar chilllaa tak n sakaa ।
golaa sidhe uske pet main jaakar ghusaa aur aage se jungli suar ke munh ko phaadtaa huaa baahar nikal gayaa ।
uske maans ke lothade idhar-udhar bikhar gaye ।
khun ke chhinte ude ।
bazooka chalne ki aavaaj sunakar baaki tinon turant bhaage-bhaage vahaan aaye ।
jungli suar ki kshat-vikshapt laash dekhakar unki aankhon main aur khauf ke bhaav tere ।
“yah sab kyaa huaa ?”
“kuchh nahin ।” Mike ne apni bazooka ki naal niche jhukaai- “jungli suar ne ekaaak Abu Nidaal par hamlaa kar diyaa thaa, majburi main mujhe bazooka kaa istemaal karnaa padaa ।”
“oh !”
“yah thik nahin huaa ।” Rony vichalit mudraa main bolaa- “golaa chalne ki aavaaj jungle main dur-dur tak gunji hogi, isse commander Karan Saxena saavdhaan ho jaayegaa ।”
“lekin agar main bazooka n chalaataa, to us jungli suar ne Abu Nidaal ko maar daalnaa thaa ।”
sab yauddhaa khaamosh rahe । magar sabhi ko is baat kaa ahsaas thaa ki yah thik nahin huaa hai ।
Abu Nidaal ki us daayin kalaai main se khun abhi bhi badi maatraa main nikal rahaa thaa, jahaan jungli suar ne bukkaa maaraa thaa ।
uski kamij ki aastin vagairaa sab phat gayi thi ।
Rony ne fauran apni jeb se first ad kaa saamaan nikaalaa । usne ek spray Abu Nidaal ke jakhm par chhidak diyaa, jisse uskaa khun bahnaa to fauran hi ruk gayaa ।
uske baad Rony ne davaai lagaakar uske jakhm par patti vagairaa bhi baandh di ।

 

[Vaib.dj007]

Waiting for next update

THANKS FOR THE SUPPORT
UPDATE POSTED

 

[DEVILWANTED]

Awesome update

 

[DEVILWANTED]

Waiting for next

 

[DEVILWANTED]

Gjb ka update aisa...

Ab maza aayega asali

 

[Vaib.dj007]

UPDAYE-52

Rony ne fauran apni jeb se first ad kaa saamaan nikaalaa । usne ek spray Abu Nidaal ke jakhm par chhidak diyaa, jisse uskaa khun bahnaa to fauran hi ruk gayaa ।
uske baad Rony ne davaai lagaakar uske jakhm par patti vagairaa bhi baandh di ।
“ab kaisaa mahsus kar rahe ho ?”

“thik hi mahsus kar rahaa hun ।” Abu Nidaal uthakar khadaa huaa ।
alabattaa jungli suar ne jitne khatarnaak dhang se uske upar hamlaa kiyaa thaa, uski dahashat abhi bhi uske upar haavi thi ।
“hmain ab badi saavdhaani ke saath aage baadnaa hai ।” Master bolaa- “kyonki jungle main jaanavron ke saath-saath commander Karan Saxena kaa bhi hamlaa ab hamaare upar ho saktaa hai । jismain kisi ki jaan bhi jaa sakti hai ।”
“agar bazooka kaa nishaanaa sahi n lagtaa ।” Abu Nidaal bolaa- “to meri jaan to abhi chali jaati । main to abhi jannatanshin ho jaataa ।”
“jannatanshin !” Master hansaa- “yaa phir dojakhanshin !”
Abu Nidaal ne badi bhasm kar dene vaali nigaaaahon se ab Master ko ghuraa ।
sab dhire-dhire muskraa diye ।
uske baad vah paanchon yauddhaa shadow warfair ki ek dusri position ke andar aage baade ।
jungle main vah paancho jidhar-jidhar se bhi gujar rahe the, yah baat nishchit thi ki kam se kam vahaan unkaa dushman maujud nahin thaa ।
agar hotaa, to vah unhen dikhaai jarur pedtaa ।


paanchon yoddhaaon ke bich ab kaafi faslaa thaa । vah baakaaydaa ‘mrityu kaa katoraa’ banaakar chal rahe the ।
Rony unmain sabse aage thaa ।


Rony !
vah Burma kaa hi naagarik thaa aur kabhi vo samudri luteraa huaa kartaa thaa । vah hind mahaasaagar aur arab mahaasaagar main aate-jaate maalvaahak jahaajon ko luttaa । tab baakaaydaa uskaa puraa giroh thaa ।
Rony hameshaa apne paas 9mm ki pistol rakhtaa thaa, jo uski pasandidaa pistol thi ।
9mm ki pistol ki kuchh vishishtaayen bhi hoti hain, jaise uske andar magazine fit karo aur bas chalaane lago । use har goli chalaane ke baad pichhe spook karne ki jarurat nahin hoti । iske alaavaa vo pistol maintenens free hoti hai । paani ke andar chal sakti hain, oiling ki bhi jarurat nahin ।
us revolver ki sabse badi khaasiyat ye hai ki Rony uske andar ‘cynide’ (sabse ghaatak jahar) ki bullet chalaataa thaa । vah bullet agar kisi aadmi ke sharir ko kharonch bhi deti hui gujar jaaye, vah tab bhi mar jaayegaa ।
us vakt bhi 9mm ki vahi pistol Rony ke haath main thi ।
Rony akelaa aage bada jaa rahaa thaa ।
uske pichhe dur-dur tak koi yoddhaa nahin thaa ।
tabhi ekaaak Rony ki chikh nikal gayi aur vo ladakhadaakar dhadaam se niche giraa ।
usne apne pairon ki taraf dekhaa ।
“my god ।”
Rony ke sharir kaa ek-ek roaan khadaa ho gayaa ।
uske pairon main koi 3 foot lambaa kaalaa chitakabraa saamp liptaa huaa thaa । vah n jaane kis vakt uske pairon se aakar lipat gayaa thaa aur ab usne vahaan kayi ‘band’ bhi lagaa diye the ।
“tujhe to abhi yamlok pahunchaataa hun ।”

Rony ne fauran apni 9 mm ki pistol kaa trigger dabyeaa ।
turant goli saamp ke us ‘bal’ par jaakar lagi, jahaan usne kayi saare albet daale hua the । saamp ke chithade bikhar gaye ।
“kyaa huaa, kyaa huaa ?”
fauran sab yauddhaa bhaage-bhaage vahaan aaye ।
“kuchh nahi huaa hai ।” Rony saamp ke tukadon ko apne juton se ek taraf dhakelte hua bolaa- “akaaak saamp mere pairo main aakar lipat gayaa thaa, usi ko maarne ke lia goli chalaani pedi ।”
“taubaa !” Abu Nidaal haanfte hua bolaa- “main to yah samajh baithaa thaa ki commander Karan Saxena ne tumhaare upar hamlaa kar diyaa hai ।”
“tumhen to khvaab main bhi billi ki tarah chhichhade hi najar aate hain Abu Nidaal bhaai ।” Rony hansakar bolaa ।
“tum shaayad yah nahin jaante ।” Abu Nidaal bolaa- “ki kabhi-kabhi chhichhade sach bhi ho jaate hain ।”
“yah to hai ।”
“chlo, sab vaapas apni-apni jagah pahuncho ।” Master hansiye ko haath main pakade hua bolaa- “baar-baar is tarah ke hungaame hone thik nahin hai ।”
sab vaapas apni-apni jagah jaane ke lia mude ।
“ruko-ruko ।” ekaaak Rony phusaphusaa uthaa ।
uski aavaaj ekaaak bahut rahasyamyi ho uthi aur vo dur pahaadon ke ek bahut bade samuh ki taraf dhyaan se dekhne lagaa ।
pahaadon kaa vah samuh ‘monkey hill’ ke naam se vikhyaat thaa ।
vahaan african gurillon ke jhund ke jhund rahte the ।
“kyaa huaa ?”
“shi e e !”

Rony ne apne honthon par ungli rakhakar sabko khaamosh rahne kaa ishaaraa kiyaa ।
sab yauddhaaon ke chehre par ab suspence ke bhaav mandraane lage ।
koi kuchh nahin samajh paa rahaa thaa ki kyaa chakkar hai ।
“aakhir baat kyaa hai?” Mike kuchh jhunjhlaakar bolaa ।
“kyaa tum log mahsus kar rahe ho ।” Rony ki aavaaj behad dhimi thi- “ki saamne ‘monkey hill’ par ekaaak badaa khaufnaak saa sannaataa chhaa gayaa hai । jabaki us hill par se hamishaa african gurillon ke jor-jor se chhaati pitne aur chak-chak ki aavaajen aati rahti hain ।”
sab yauddhaaon ki nigaahen ab ‘monkey hill’ ki taraf uth gayin ।
vah bhi bahut dhyaanpurvak aavaajen sunne kaa pryaas karne lage ।
“baat to thik hai ।” Havaam bhi stabdh mudraa main bolaa- “vaakaayi itnaa gahraa sannaataa to kabhi bhi ‘monkey hill’ par nahin hotaa ।”
“lekin is baat se tum saabit kyaa karnaa chaahte ho ?” Master bolaa ।
“tum shaayad jungle ki ek khaasiyat nahin jaante brother !” Rony ki aavaaj abhi bhi suspence main dubi hui thi- “jab jungle ke pashu-pakshiyon ko is baat kaa ahsaas hotaa hai ki unkaa koi dushman aaspaas maujud hai, to vah aavaaj nikaalnaa band kar dete hain । vahaan bilkul khaamoshi chhaa jaati hai aur is samay aisi hi rahasyamyi khaamoshi ‘monkey hill’ par vyaapt hai ।”
“e... iskaa matalab !” Abu Nidaal hakabkaayaa- “commander Karan Saxena is vakt ‘monkey hill’ par maujud hai ।”
“aisaa hi maalum hotaa hai aur vo abhi-abhi vahaan pahunchaa hai । kyonki ‘monkey hill’ par yah sannaataa bas ekadam se chhaayaa hai, thodi der pahle vahaan se aati hui chak-chak ki aavaajen to mainne khud apne kaanon se suni thi ।”
yoddhaaon ki sandeh main dubi hui aankhen ek-dusre se milin ।
“chlo ।” Havaam ekaaak bolaa- “sab monkey hill ki taraf chalo । agar commander vahaan maujud hai, to samay ganvaane se koi faaydaa nahin ।”
saare yoddhaa pahle jaisi hi alag-alag position main monkey hill ki taraf baade ।
ab vo had se jyaadaa chaunkanne the ।

commander is samay vaakaayi ‘monkey hill’ par thaa ।
un yoddhaaon se chhiptaa-chhipaataa vah bas thodi der pahle hi vahaan pahunchaa thaa । lekin ‘monkey hill’ par pahunchne ke baad jaise hi vahaan gahri khaamoshi taari hui, commander Karan Saxena ko fauran is baat kaa ahsaas ho gayaa ki vahaan aakar usse bhayankar galti hui hai ।
‘monkey hill’ par kaafi unche-unche jhanjhaad uge hua the ।
ped the ।
iske alaavaa pathreeli chattaanon ke adanr bade-bade baruan bane hua the, jinmain african gurille chhipte hain । commander Karan Saxena ko chunki ‘monkey hill’ tak pahunchne ke lia kayi chhoti-chhoti chattaanon par chadhnaa pedaa thaa, isalia ek baar phir uski himmat javaab de gayi thi aur pahle ki tarah hi uske upar dhire-dhire behoshi chhaane lagi ।
commander ne jor se apne sir ko jhatkaa ।
vo jaantaa thaa, us kshan behosh honaa khud apni maut ko daavat denaa hai ।
lekin uski haalat buri thi ।
bahut buri !
apne aapko behosh hone se bachaane ke lia usne fauran koi sakht kadam uthaanaa thaa ।
aur !
commander Karan Saxena ne kadam uthaayaa ।
usne spring blade nikaalakar uskaa lambaa phal sakhti ke saath apne kandhe ki maans pishiyon main ghusaa diyaa । phal uski maans-pishiyon ko andar tak kaattaa chalaa gayaa aur uske chehre par beenthaa pidaadaayak bhaav ubhre । commander ne jakhm main se spring blade baahar khinchaa, to usmain se khun bahne lagaa aur tej tisen uthne lagin । ab jakhm me se uthti tej tison ne uske upar behoshi taari hone se roke rakhni thi ।
vahin monkey hill ki jhaadiyon main use kuchh chhoti-moti pili phaliyaan lagi najar aayin ।
vah n jaane kis tarah ki phaliyaan thi ।
commander Karan Saxena ne ek phali todi aur use khaakar dekhaa । vo kaafi kadvi thi । parantu commander ne parvaah n ki । vo ek ke baad ek kaafi saari phali todakar khaa gayaa । isse uske pet ko kaafi sakun pahunchaa । filhal ek hi baat uske dimaag main thi, kisi bhi tarah usne apne aapko jindaa rakhnaa hai aur chaak-chauband rahnaa hai ।
chaahe iske lia use kuchh bhi kyon n karnaa pede ।
tabhi use do yoddhaa ‘monkey hill’ par aate dikhaai pede ।

Havaam !
Abu Nidaal !
vahin ek chhotaa saa gaddhaa banaa huaa thaa । commander ne turant apni donon taange us gaddhe ke andar ghusaa din aur camouflage kit kholakar apne upar daal li ।
phir vah un paanchon yoddhaaon ki timeing calculate karne lagaa । do yoddhaa ‘monkey hill’ par pahunch chuke the । ek unse abhi bahut pichhe thaa tathaa do aur bhi jyaadaa pichhe । paanch yoddhaaon ke bich filhal kaafi faslaa thaa । koi aadhaa ghante baad pichhe chal rahe do yoddhaaon ne sabse aage aa jaanaa thaa । phir do yauddhaa unse pichhe ho jaate aur ek sabse pichhe । phir ek aage jaataa ।
vah ‘shadoww warfair’ ki khaas position thi, jismain dushman ko yahi maalum nahin chal paataa thaa ki kul kitne yauddhaa mrityu kaa katoraa banaakar uski taraf baad rahe hain । commander Karan Saxena ne chunki unhen helicopter se utarte dekh liyaa thaa, isiliye jaantaa thaa ki unki kul sankhyaa paanch hai ।
usi kshan Havaam aur Abu nidaal uski camouflage kit ke karib se gujre ।
commander ne apni saans tak rok li ।
donon yoddhaa nirvidhan uske karib se gujar gaye ।