Naik
Well-Known Member
- 21,023
- 76,688
- 258
Lekin fir wahi sawal akhir Vivan n aisa kia kyon poora flashback khatam ho gaya lekin yeh sab kerne ki wajah pata nahi chaliCHAPTER – 1
{PAST – RIGHT YA WRONG}
UPDATE – 15
FLASHBACK CONTINUES...
EVENING TIME :-
PLACE :- HEALTHCARE HOSPITAL (DELHI)
Iss waqt hum maujood hain iss hospital ke ek ward mein jahaan JAHANVI bed par behoshi ke aalam mein leti hai. Paas hi mein Uski Mom aur saath hi KANIKA baithi hai. Dono ki hi aankhon mein aansoon hain. Tabhi JAHANVI ko hosh aane lagta hai. Jab wo poori tarah aankhen kholti hai to khud ko hospital mein paakar aaj ka saara scene uske dimaag mein waapis chalne lagta hai. Aur uske munh se ek baar fir se cheenkh nikal jaati hai – “DIDUUU”…
Uski aawaz sunkar KANIKA aur DEVYANI Ji uske paas aate hain aur usse shaant karne ka prayaas karte hain. Par wo lagataar AABHA ke hi baare mein poochhe jaa rahi thi. Tab haarkar KANIKA ne usse bataya,
KANIKA – JAHANVI tu please khud ko sambhaalna. Wo.. wo.. AABHA Di ICU mein hain. Unke sar par serious injury huyi hai.
Ye sunkar JAHANVI ki to maano saansein hi tham gayi. Aur uski heart – beat ek dum se bahut tezz ho gayi. Falswaroop ek baar firse JAHANVI behosh ho gayi. KANIKA aur DEVYANI Ji ne jaldi se doctor ko bulaya.
Udhar ICU ke baahar PRABAL Ji baithe the jinki aankhon mein aansoon the. Unhe to samajh nahi aa raha tha ke iss situation ka saamna kaise karen. Dono betiyan hospital mein thi aur apni zindagi aur maut se ladd rahi thi. Par fir bhi wo khud ko sambhaalne ki koshish kar rahe the. Aakhir Pita jo thehre. Betiyon ke saath saath DEVYANI Ji ko bhi sambhaalna tha unhe.
Khair, kuchh ghante baad JAHANVI firse hosh mein aayi aur uski aankhon se jhar – jhar aansoon behne lage. AABHA ki condition critical thi ye baat usse DEVYANI Ji aur KANIKA ke chehron se hi pata lag rahi thi. Wo to khud ko Doshi maan rahi thi ke uski aankhon ke saamne ye sab hua aur wo rok bhi naa paayi. Kherr, thodi der baad DEVYANI Ji Baahar gayi tab...
KANIKA – VIVAN aaya tha!!
JAHANVI – Huhhh...
KANIKA – VIVAN aaya tha yahaan. Tab main baahar hi thi. Lekin Uncle – Aunty tere paas baithe the isiliye baahar se hi chala gaya.
JAHANVI ye sunkar soch mein padd gayi. Haalanki usne koyi bhi reaction nahi diya kyonki wo pehle se hi AABHA ko lekar kaafi chinta mein thi. Kherr, kuchh derr baad wo khabar aayi jisne JAHANVI aur uske Mata – Pita ke dilon ko cheer diya. Wo dono aur KANIKA, JAHANVI ke hi Room mein the jab Doctor andar aayi. AABHA ke baare mein poochhne par unke chehre par dukh ke bhaav aa gaye aur wo ek dheeme swar mein boli,
DOC. – Sorry Mr. Shukla, sar par serious injuries ke kaaran aapki beti Coma mein jaa chuki hai. Aur kab theek hogi hum kuchh nahi keh sakte.
Ye baat sunkar wo sabhi jadd se ho gaye. Ek baar firse un sabki aankhon mein aansoon tairne lage. Par wo log kahaan jaante the ki abhi ek aur shock un sabka intezaar kar raha tha. Bas, issi tarah in sabke jeevan ka ye sabse dukhad din guzra par in sabmein se kisi ki bhi aankhon mein neend nahi thi.
NEXT MORNING :-
IN THE HOSPITAL...
Kal poori raat jaagte rehne ki wajah se JAHANVI ki tabiyat firse bigad gayi aur doctors ko usse medicines dekar sulana pada. Par aaj subah kisi ka phone aane par KANIKA Hospital se nikal gayi thi. Aur abhi tak waapis nahi aayi thi. Kuchh waqt baad JAHANVI ko hosh aaya to usne dekha ke uske Maa – Papa aur saath hi KANIKA uske paas mein hi baithe the aur KANIKA ke chehre par bahut si pareshaani spasht roop se dekhi jaa sakti thi.
Jab JAHANVI ne usse se poochha to wo baat taalne lagi par zyada zor dene par wo boli,
KANIKA – Pehle tu Uncle – Aunty ko VIVAN ke baare mein sab bata de!!
Uski baat sunkar JAHANVI aur saath hi DEVYANI Ji bhi shock ho gayi. Par KANIKA ke chehre par dikh rahi seriousness ko dekh kar JAHANVI ne uski baat maan lena sahi samjha aur Aankhen moondkar saari baatein bol di. Wo samajh nahi paa rahi thi ke KANIKA chahti kya hai aur saath hi wo darr bhi rahi thi ke uske Papa ka kya reaction hoga. Jab usne aankhen kholi to paaya ke PRABAL Ji ke chehre par bahut si hairaangi jhalak rahi thi par wo abhi bhi chup the.
Tabhi KANIKA ne apna mobile phone nikaala aur usmein ek video play karke JAHANVI aur un dono ke saamne rakh diya.
VIDEO...
Ye drishya tha VIVAN ke flat ka jisse JAHANVI pehli hi nazar mein pehchaan gayi. Par agla scene jo usne dekha usse dekh kar JAHANVI ki aankhen fati ki fati reh gayi. Kyonki video mein VIVAN sofa par baitha tha aur uski god mein baithi thi ek ladki. Aur VIVAN uss ladki ke gaalon ko laghbhag khaane mein laga hua tha. JAHANVI ki Dhadkan laghbhag ruk hi gayi thi ye scene dekh kar. Par asli jhatka to aage tha...
VIVAN – Sach bol raha hoon tu to pehle se bhi zyada hot ho gayi hai meri Jaan.
LADKI – Huhhh... Seedhe seedhe nahi bol sakte ki karne ka mann hai. Tumhe mana thode hi naa karungi VIVAN Babu.
VIVAN – Hahahaha... Yahi baat to teri pasand hai mujhe. Sab samajh jaati hai tu aur ek wo hai JAHANVI. Huhhh...
LADKI – JAHANVI wahi naa tere College waali.
VIVAN – Haan!!
LADKI – Kyon, usne kya kiya?
VIVAN – Arre kuchh karti hi to nahi hai wo. Kitni baar koshish ki hai par Kiss se aage badhti hi nahi hai. Pata nahi to saari zindagi aese hi baithi rahegi wo.
LADKI – Mujhe lagta hai wo naa tujhse sacha pyaar karti hai.
VIVAN – To kya karun… Aachar daalun uske pyaar ka. Waise pyaar to mujhse wo ADYA bhi karti thi. Bechari marr gayi.
LADKI – Haan uske baare mein to tune bataya hi nahi. Mari kaise wo??
VIVAN – Arre kuchh nahi!! Ek din boli ke mujhse bahut pyaar karti hai. Maal to thi hi wo to maine bhi I Love You bol diya. Wo to kuchh zyada hi pyaar karti thi. Do teen baar bolne par hi bistar tak baat pahunch gayi. Fir uss din uss JAHANVI ko propose kar diya maine. To wahaan se rote huye bhaag gayi. Fir thode time baad milne aayi to mera hisaab – kitaab to tujhe pata hi hai. Raat gayi Baat gayi. Maine bhi saaf saaf bol diya usse ki wo apne raasta dekhe. Par shayad kuchh zyada hi Mohabbat thi usse aur Suicide kar liya issi chakkar mein.
LADKI – Kitna Kameena hai tu. Itna bada kaand kar diya aur kitne aaram se bata raha hai. Aur uske bhai ki maut mein bhi tera haath tha kya?
VIVAN – Kameena hoon tabhi aaj tu meri god mein baithi hai. Aur wo NAKUL to apna hi banda tha. Maine hi bola tha usse JAHANVI ko kidnap karne ke liye aur uske saath zabardasti karne ko. Taaki usse bachakar JAHANVI ki nazar mein oopar uth jaaun. Aur hua bhi wahi, hospital pahunchne ka naatak kiya maine aur ussi din Pehli Kiss ho gayi. Warna to hamesha mana hi kar deti thi wo.
LADKI – Kasam se ladkiyon ke maamle mein poora harami hai tu. Waise kal accident hua tha naa uska. Sach bata usmein bhi tera hi haath tha naa.
VIVAN – Aaye Haaye meri Jaan. Sab pata hai tujhe!!
LADKI – Aese kaise nahi pata hoga!? Wo ladki SUPRIYA achhe se yaad hai mujhe. Uska bhi accident karwaake usse bistar tak le gaya tha naa tu!!
VIVAN – Sahi samjhi. Par uski behen ne sab gadbad kar diya. Socha tha iska accident hone waala hoga to Superman banke jaaunga aur isse bacha loonga. Fir thodi haddi – vaddi tootne ka naatak karunga. Issi chakkar mein ye sympathy, guilt aur True Love ke bhayankar mishran mein wo sab kar legi mere saath. Par pata nahi uski behen ko kya aafat aayi thi uski Scooty par jaane ki. Bechare SATTU ne Activa dekh kar usse thok diya. Aur JAHANVI ka accident alag ho gaya. Saala kahin wo marr jaati to mere haath se kitna bada Maal nikal jaata.
LADKI – Waise toone socha hai ke agar kisi din sahi mein tujhe zyada chot lag gayi iss tarah ke naatak mein?
VIVAN – Aese hi thodi naa lag jaayegi. Do saal se ek hi truck waala use kar raha hoon iss kaam ke liye. Apne SATTU miyaan. Kasam se kya control hai yaar uska Truck aur Gaadi pe. Uski marzi ke bina ek kutta tak uski gaadi ke neeche nahi aa sakta main to fir bhi Insaan...
LADKI – Chal jhootha!! Insaan nahi Shaitaan hai tu. Par ek baat mujhe ab tak samajh nahi aayi. Aaj tak jitni bhi ladkiyon ko tune fansaya hai kisipar bhi itna time barbaad nahi kiya. Aur iss JAHANVI par 2 Saal ho gaye hain tujhe.
VIVAN – Bewakoof ladki har cheez ki keemat alag – alag hoti hai. Aur wo JAHANVI to khara Sona hai. Kasam se jiss din chakhunga naa usse... Haaye sochkar hi dimag bhanna raha hai. Aur oopar se uski behen ko dekh kar aur zyada dimaag ki Maa – Behen ho rakhi hai. Kasam se saari khubsoorti ek hi ghar mein Paida ho gayi hai lagta hai. Chal ab bakwaas band kar aur main kaam shuru kar.
Iske baad VIVAN uss LADKI ko god mein uthakar apne bedroom mein le gaya.
VIDEO ENDS...
Video ko dekh kar saaf tha ke ye video chori chhupe liya gaya hai. Matlab Camera angle aur Blurry Vision iss baat ka suboot the.
Khair, Video to khatam ho chuka tha par shayad iss Video ke hi saath JAHANVI ki zindagi ka sabse sunehra adhyaay bhi khatam ho chala tha. Uski aankhon se aansoon dariya ke jaise beh rahe the. Dil ke kitne tukde ho chuke the usse khud bhi naa pata tha. Wo baar baar Video ko dekhe jaa rahi thi ke shayad jo usne dekha wo uska bhram ho. Par jo saamne tha wo usse sweekaar karna hi tha. JAHANVI ka rudan itna tezz tha ki lag raha tha maano wo chilla rahi ho.
Aur bas yahi shabd uske munh se nikal rahe the...
JAHANVI – Meri wajah se Didu... Meri wajah se unka accident... Main bahut buri hoon... I Must Die...
Aur pata nahi kya – kya bole jaa rahi thi wo. Jiss stithi mein wo thi koyi bhi usse Paagal hi samajhta. KANIKA aur JAHANVI ke parents poori koshish kar rahe the usse sambhaalne ki par shayad ye asambhav tha. Tabhi,
JAHANVI – KANIKA, Usse abhi bula yahaan. Bula usse. Main poochoongi ki kyun kiya usne mere saath aesa. Kyon.. kyon.. kyon.. Aaaarrrrggghhhh...
Apne munh par haath rakhe wo fafak – fafak ke rone lagi.Maano ke jaise gurrahat nikal rahi ho uske munh se. Idhar KANIKA ne VIVAN ko message kar diya tha.
Kuchh samay baad VIVAN uske Room mein enter hua par wahaan JAHANVI ke Mom – Dad ko dekh kar hairaan ho gaya. Usse laga tha ke JAHANVI & KANIKA akeli hongi tabhi usse bulaaya hai. Agle hi pal uski nazar JAHANVI par padi jo aankhon mein aansoon liye usse dekhe jaa rahi thi. Jaise khud ko kos rahi ho ki kyun usne aese ghatiya insaan se pyaar kiya.
Tabhi DEVYANI Ji tezz kadmon se aage aayi aur ek ke baad ek thappadon ki baarish kar di VIVAN ke oopar. VIVAN hairaani se bhare chehre ke saath JAHANVI ko dekhne laga tabhi KANIKA ne wo Video On karke uske saamne rakh diya. Uss Video ko dekhne ke baad VIVAN ke chehre ke expressions dekhne yogya the. Wo muh faade kabhi Video ko dekhta to kabhi JAHANVI ko.
VIVAN – I can Explain Jaan...
JAHANVI ( Shouts ) – Shutttt Uppp... Don’t you dare Call me that. Tumhaari himmat kaise huyi humare satah aesa karne ki. Kyon kiya tumne aesa. Arre mere saath jo marzi kar lete par meri Didu ki kya galti thi...
Ek baar firse uski aankhon se neer behne laga. Tabhi PRABAL Ji VIVAN ki taraf badhe aur uspar jaise hi haath uthaya to VIVAN ne unka haath pakad liya. Aur unka haath zor se jhatak diya.
VIVAN – Saalon mera gaal tumhara plot nahi hai jo bajaate rahoge. Ab jab sab kuchh pata chal hi gaya hai tumhe to achha hi hai. Mujhe kam se kam aur naatak to nahi karna padega.
JAHANVI aur baaki sab VIVAN ke iss badle ravaiyye se sakte mein aa gaye tabhi,
PRABAL ( Angrily ) – Ye Video lekar Police ke paas jaaunga Main. Tujhe salaakhon ke peechhe naa pahunchaya naa to...
VIVAN – Chup kar Buddhe. Kya Video – Video kar raha hai. Videos mere paas bhi hain. Jitni baar bhi teri beti ko kiss kiya hai wo bhi aur jo uss Farmhouse mein ye bina kapdon ke thi wo bhi...
Ye baat VIVAN ne ek kameeni smile ke saath boli thi. Idhar JAHANVI ka sar sharm se jhuk gaya. Aakhir kitne kameenepan ke saath VIVAN ne ye baat uss bechaari ke pita ke saamne hi bol di thi.
VIVAN – Seedhi si baat ye hai ke aaj ke baad naa main tujhe jaanta hoon naa tu mujhe. Aur agar koyi Police Station ka locha kiya to saari duniya tujhe jaan jaayegi.
Ye bata usne JAHANVI ko dekh kar kahi thi...
[ UPDATE – 1 { SCENE – 3 } ]
Idhar VIVAN muskura raha tha wahin KANIKA ke chehre par ghor aascharya aur dukh ke bhaav the. Aur baaki teeno khud ko bebas mehsoos kar rahe the ke wo iss mujrim ko, jiske kaaran naa sirf AABHA uss haalat mein pahunchi balki isne JAHANVI ke jazbaaton ke saath bhi khela. Tabhi,
JAHANVI – Why , just Why, Why did you do this… Kyon kiya tumne ye? Sacha Pyaar kiya tha tumse maine par tumne... Chhhheee... Mujhe to khudse ghin aa rahi hai jo tumpar bharosa kiya. I curse You... I Curse You VIVAN tumne mere dil ke saath khela hai... Tum kabhi bhi khush nahi reh paaoge.Hamesha tadpoge tum. Agar Bhagwaan hai aur Agar maine tumse sacha pyaar kiya tha to tum kabhi bhi khush nahi reh paaoge. I Curse You...
Ye bol the JAHANVI ke, Jisne aankhon mein aansoon liye chillakar VIVAN se ye baat kahi thi.
VIVAN ke chehre par muskaan thi par aankhon mein dard ka samandar, kuchh , kuchh tha jo usse apne andar toot ta hua sa mehsoos ho raha tha. Maano wo apne hi haathon apne jazbaaton ka aur khud ka katl kar raha ho.
JAHANVI – Chale jaao, chale jaao yahaan se aur fir kabhi bhi apni shakal mat dikhana mujhe… Just get Lost...
DEVYANI Ji ne ek dhakka sa de diya usse JAHANVI ke itna kehne ke baad, aur wo bhi ladkhadata hua kamre se baahar jaane laga, darwaaze par pahunchkar usne peechhe mudkar KANIKA ko dekha aur kuchh ishaara kiya , jo wo bhi nam aankhen liye samajh gayi.
Aur fir apni premika, apni JAAN joki ab shayad bichhad gayi thi usse nihara aur tezz kadmon se baahar chala gayi.
...FLASHBACK ENDS...
WO CHEHRA, HASAATA THA MUJHE... RULA BHI DETA THA!!
MERE GHAM KE SAAGAR MEIN KASHTI CHALA BHI DETA THA...
ISHQ USKA KARAM THA KHUDA KA...
WO SOOKHE MEIN SAAVAN LA BHI DETA THA!!
TANHAYI MEIN FENKA HAI USNE AAJ HAME,
KABHI KUDRAT KA TOHFA SAMAJH KUBOOLA THA TUMHE!!
ASHKON MEIN BHI TUM HO, HO TUM HI SAANSON MEIN...
BEWAFA HO TUM PAR FIR BHI HO DIL MEIN MERE... DIL MEIN MERE!!
Aaj ke liye itna hi...
Milenge Agle Update Mein...
Baherhal dekhte h aage kia hota h
Emotional se bharpoor update
......