Romance SIRF TUM!!!

[AV14]

Nice and superb update...

Thnx brother.. Be Along..

 

[AV14]

Shurwat hi aisa jeise kuch pal ke liye dil tham jaye bas kho jaye is kahani me.....aur aage to hum readers ka dil puri tarah se rukne wala he...........bohot hi zyada aatur ho gaya hoon vivan ki kahani jaanne ke liye keise huya aisa haal uska

Tarif ke liye wordless...........xp ke kaafi dino baad aisi romantic Love story padh raha hoon।।।।।।।।।।।।।

Be waqt me padh liya par padhne ke baad waqt haseen ban gaya janab........ bohot khub abha ka role kya he ye to aage hi pata chalega..... uske liye intezaar me he hum............

Welcome to the thread brother & Thanks a lot for your support.. AABHA ka character kaafi important hone waala hai..

Tareef ke liye dil se shukriya.. Thanks again & Be Along..

 

[AV14]

for new thread

Thnx Brother.. Be Along..

 

[Death Kiñg]

CHAPTER – 1

{PAST – RIGHT YA WRONG}


UPDATE – 3

PLACE :- HEALTHCARE HOSPITAL (DELHI)

DOCTOR’S CABIN…..

“Mr. PRABAL pichhle kuchh dino se lagatar uski condition mein improvement hoti rahi hai aur aaj surprisingly hume uski condition back to normal hone ke symptoms dikhen hain. We are hoping ke jald hi wo hosh mein aa jaayegi.”

Ye baat kahi thi DR. NIVEDITA DEV ne apne saamne baithe PRABAL , DEVYANI & JAHANVI se. Jaise hi PRABAL Ji ko hospital se call aaya wo teeno fatafat se apne ghar se hospital ke liye nikal gaye the. Aur fir seedhe yahaan Doc. Ke cabin mein pahunch gaye.

PRABAL – Hum uss se mil sakte hain kya?

DR. – Ya of course you can but abhi usse hosh nahi aaya hai.

PRABAL – Thank you Doctor.

Ye teeno wahaan se nikal kar seedhe general ward ke ek room mein pahunche jahaan bed par behosh padi thi ek ladki. Kalayi mein drip lagi huyi thi aur shareer kaafi kamzor saa hi lag raha tha par fir bhi ek noor kaayam tha uske chehre par.

Usse dekh kar in teeno ki hi aankhon se aansoon chhalak gaye. Par jahaan hamesha ye dukh aur bebasi ke hua karte the wahin aaj ye aansoon ek umeed aur ek nayi khushi ke ehsaas ke the.

DEVYANI Ji ne uss ladki ke sar par pyaar se haath fera aur PRABAL Ji ke saath hi wahin bed ke paas baith gayi. Wahin JAHANVI ki aankhon mein aansoon the aur chehre par dard kyonki uske mutaabik saamne maujood uss ladki ki haalat ki zimmedar JAHANVI khud thi.

4 Saal pehle huyi wo ghatna jisne uski zindagi poori tarah se barbaad kar di thi aaj bhi JAHANVI ke zehan mein zinda thi. Wo accident jismein uske saamne maujood uss ladki ki ye haalat huyi, khud JAHANVI ke bachne ke aasar bhi bahut kam the uss samay par ant mein wo thik ho gayi par ussi dauran usne shayad wo kho diya jo uske liye zindagi se bhi zyada keemti tha.

Kherr, Wo ladki… uski kismat JAHANVI jitni acchhi nahi thi. Accident mein sar par internal injuries ke kaaran wo ladki abhi tak coma mein thi par shayad ab jald hi uski stithi badalne waali thi.

Kuchh samay tak ye teeno ussi ke paas ruke aur fir apne ghar ki taraf nikal gaye par koyi tha jo inke oopar nazar rakhe huye tha. Lekin inhe nuksaan pahunchane ke liye nahi balki inki hifazat ke liye.

NEXT DAY :-

PLACE :- THE CHARIOT (BANGLORE)

---

PLACE INFO :- BANGLORE ka sabse zyada expensive aur high-fi hotel cum restaurant. Ameer bole to sirf paise waale log hi yahaan aate hain yahaan.Kaafi saari badi badi parties aur saath hi kayi companies aur firms ki meetings bhi iss jagah par organise ki jaati hain. Khaas baat ye ki VIVAN ki company ki zyadatar meetings yahin hoti hain aur aaj yahaan maujood hain..

---

MEETING PLACE...

Filhaal yahaan maujood hain Mr. MADHAV KAPOOR (Yaad hain naa ye naam… NAVYA ke Baapu). Saath hi mein unki beti NAVYA Ji bhi yahin hain aur yahaan aane ka kaaran hai ye…

FLASHBACK (LAST NIGHT) :-

To jab NAVYA apne kamre mein VIVAN ke baare mein soch rahi thi tabhi usse khayal aaya ke ek baar uske pitaji ne uske saamne zikr kiya tha ke wo VIVAN ki Company ke saath ek deal karna chahte the par wo ho nahi paayi. Ye ek acchha raasta laga usse VIVAN se mulaakat ka.

Isiliye wo apne pitaji ke kamre mein gayi aur..

NAVYA – Dad aapse kuchh baat karni thi.

N/DAD – Haan Beta bolo.

NAVYA – Dad aapne ek baar kaha tha naa ke aapne J&V Gp. Ke saath dealing ki koshish ki thi par wo kaamyab nahi ho paayi.

N/DAD – Haan tumne sahi kaha. Agar wo ho jaata to iss se kaafi faayda hota hamari company ko. Par tum kyon poochh rahi ho.

NAVYA – Dad kyon naa hum ek baar firse koshish karen. Aaj meeting mein ye to mujhe pata chal gaya hai ke uss company ka owner kitna capable aur talented hai. To hum unke saath ek merger project ka try to kar sakte hain.

MADHAV Ji hairaan the NAVYA ki baat sunkar kyonki wo hamesha se ek self – proclaimed champion ka attitude dikhaati aayi thi aur usse katayi pasand nahi tha ke usse kisi bhi kaam mein doosron ki help leni pade. Par aaj wo khud hi aese ideas de rahi thi. Unhe NAVYA ki yahi baat napasand thi kyonki wo jaante the ke successful hone ke liye co–operative nature ka hona zaroori hota hai.Aur isiliye wo khush ho gaye the.Par wo thode hi jaante the ke NAVYA Madam kya kya soche baithi hain.

N/DAD – Haan haan kyun nahi. Ye to bahut hi achhi baat hogi agar aesa ho paaye.

Iske baad unki kuchh baatein huyi & then NAVYA ne VIVAN ke office mein call karke meeting fix kar li. Ab MADHAV KAPOOR bhi koyi halwa aadmi to tha nahi, achhi khaasi company thi uski. Isiliye meeting bhi aasani se fix ho gayi.

BACK TO PRESENT :-

VIVAN – To bataiye Sir kisliye hai aaj ki ye meeting?

(VIVAN apne se zyada umra ke vyaktiyon ko Sir hi kehkar sambodhit karta hai hamesha. Isiliye uski image kaafi strong bani huyi hai sabhi clients mein aur wo sab bhi iski bahut respect karte hain).

N/DAD – Aap to jaante hi hain ke last time hamari jo dealings ki koshish thi wo anjaam tak nahi pahunch paayi thi...

VIVAN (Interrupts) – Sorry aapko tokne ke liye par maine aapko tab bhi kaha tha ke wo maine intentionally nahi kiya tha. Maine bas wahi kiya tha jo meri Company ke liye best ho. I hope ke aapne uss sabka bura nahi maana hoga!!

N/DAD (Smiles) – Of course not! Main jaanta hoon ye baat par kyon naa jo kaam tab adhura reh gaya tha wo ab ho jaaye.

VIVAN – Matlab…

MADHAV Ji ne NAVYA ki taraf dekha aur usne bolna shuru kiya,

NAVYA – Jaisa ki aap jaante hi hain ke aapki company AI field mein top par hai to wahin hamari company ki Neural Networks (AI ki ek sub–field) aur saath hi Robotics market mein strong reputation hai.To agar dono companies saath mein ek merger project karen to iss se dono ko hi kaafi faayda Hoga.

Iske baad usne thodi technical baatein ki aur fir...

Jaise hi NAVYA ne apni baat khatam ki to apne aap hi uske chehre par ek muskaan aa gayi. Kaaran ye tha ke VIVAN usse apni aankhen aakhiri hadh tak failaye ek tak dekhe jaa raha tha. VIVAN ke peechhe khade ASHFAQ ko iska kaaran achhe se maaloom tha aur wo ye bhi jaanta tha ke jab VIVAN, NAVYA ko dekhega to uska reaction aesa hi hoga.

(Aapko bata doon ke kal huyi meeting mein VIVAN ne NAVYA par to kya kisi bhi baat par zyada dhyaan nahi diya tha kyonki wo jab meeting ke liye nikla tha tab wo SHANTI VAN mein baitha JAHANVI ki yaadon mein gum tha aur office pahunchne par bhi wahi sab uske dimaag mein ghoom raha tha. Par ASHFAQ ne NAVYA ko dekha tha aur wo khud bhi uss samay kaafi hairaan hua tha).

Kherr! NAVYA ko laga ke VIVAN uske thoughts sunkar aur uski Khubsurti dekh kar aese react kar raha hai par sachayi usse kahaan hi maloom thi. To ASHFAQ ne VIVAN ke kandhe par haath rakha aur VIVAN apne khayalon se baahar aaya. Usne do pal apne aapko sambhalne mein lagaaye aur fir...

VIVAN – Well, aapki baat se main ittefaq rakhta hoon aur I think we can go on with this thought. Par Ismein jaldbaazi sahi nahi rahegi to isiliye mere khayal mein iske oopar pehle ek project report aur saari research taiyaar kar leni chahiye and fir ham isse continue kar sakte hain.

MADHAV JI ko bilkul bhi umeed nahi thi ke VIVAN maan jaayega aur isiliye unki khushi ka koyi thikaana hi nahi tha. Idhar NAVYA bhi fooli nahi sama rahi thi. Usse to zyada mauka mil gaya tha VIVAN se baat cheet ka daur shuru karne ka.

Thodi derr tak vichaar vimarsh karne ke baad sabhi apne apne raaste nikal gaye.

IN THE CAR...

VIVAN – Do logon ka chehra itna kaise mil sakta hai KHAN?

ASHFAQ – Pata nahi boss maine to kal hi dekh liya tha par aapko nahi bataya.

Uski iss baat par VIVAN ne usse ghoorkar dekha jispar wo sakpaka gaya,

ASHFAQ – Mujhe laga ke aap wo din yaad karke dukhi ho jaayenge isiliye…

VIVAN – Yaad un baaton ko kiya jaata hai KHAN, jinhe bhool gaye honge aur wo to meri zindagi ka wo panna hai jisse main chahkar bhi nahi mita sakta.

Itna kehkar VIVAN ne apni aankhen band kar li aur kho gaya “Uss Din” ki yaadon mein…

NAVYA’s SIDE...

Ye Madam bahut khush thi aur iss samay maujood thi apne kamre mein. Inhone uss project ki outline par kaam karna bhi shuru kar diya tha par filhaal ye canvas ke saamne baithi kuchh paint kar rahi thi.

Ye bana rahi thi ek portrait VIVAN ka. Kaaran to ye khud bhi nahi jaanti thi.Ba aese hi iske mann mein ye khayal aaya aur isne uss khayal ko roop dena shuru kar diya.(Lagta hai kuchh zyada hi bekaar ka time hai iske paas isiliye bana rahi hai. )

Aur saath hi saath kuchh soch bhi rahi hai,
“ Was he staring at me??? Of course, he was. Lagta hai ke jald hi main usse aur zyada jaan paaungi. Itna excitement to mujhe kisi cheez ka nahi hua jitna iska ho raha hai. Mujhe pata lagana hi hai ke wo aese sad sa kyon bana rehta hai aur most importantly jiss baat par mera dhyaan nahi gaya ke ye J&V mein J ka matlab kya hai???”

PLACE :- THAKUR PALACE (DELHI)

“JAHANVI… Hmm ladki to khubsurat hai… sahi hai Chhote fasa le isse. Par kya yeh bhi baakiyon ki tarah hi hai ya shaadi waadi ka khayal hai tera iske saath?”

VIRAT – Of course not bhaiya!! Shaadi mein rakha hi kya hai. Jab important kaam bina shaadi ke hi ho sakta hai to uski zaroorat hi kya hai. Par ye alag to hai. Pehli ladki hai jisne neend uda di hai meri. Iska to shiddat se swad chakhunga.

Aage badhne se pehle thoda paatra parichay,

[ VIRAT THAKUR…

NAKSH THAKUR – BADA BHAI. (Rishte mein bhi bada bhai aur kameenepan mein bhi).

JAGVIJAY THAKUR – FATHER. (Agar iske bete kameenepan ki dukaan hain to ye uska shopping complex).

AAKRITI THAKUR – MOTHER. ]

NAKSH – Dekh le chhote jaisa tujhe sahi lage. Par koyi bhi dikkat ho to bataiyo.

VIRAT – Bilkul bhai. Par filhaal kuchh intezaam karo na kisi ka.

NAKSH (haste huye) – Tu nahi sudhregaa. Karta hoon kuchh.

PLACE :- SHUKLA SADAN (DELHI)

Yahaan JAHANVI apne kamre mein akeli baithi ek ladki ki tasveer apne haathon mein thaame huye thi. Ye wahi ladki hai jiss se ye log hospital mein milne gaye the. Filhaal wo uss tasveer ko bheege nainon se dekh rahi thi aur dheere dheere budbuda rahi thi,

“ Meri wajah se aapki wo haalat huyi Didu… sab meri hi galti thi. Meri wajah se aapka accident hua aur mere hi kaaran aaj aap hamare saath nahi ho. Maine kyon uss se pyaar kiya. Kyon?? Mere pyaar kaa khamiyaza aapko kyon bhugatna pada. Kaash main sab kuchh badal paati. I hate you…. I hate you VIVA.. ”

Achanak se hi JAHANVI ki zubaan ne uska saath chhod diya aur wo aakhiri shabd uske halak se baahar hi nahi nikla. Tabhi uske mann mein uss shakhs ki ek tasveer ubhri aur uski ek tezz rulaayi foot padi. Usne apne muh ko ghutnon mein chhipaa liya aur fafak fafak kar rone lagi. Wo chehra jiske zehan mein aate hi kuchh saal pehle uske chehre par raunak aa jaati thi, wahi chehra aaj uske aansuon ka kaaran ban gaya tha.

KABHI HASI TO KABHI GUM,
YE BHI ISHQ KE HI CHEHRE HAI...
NAA JAANE KYON ISKE
ANDAAZ ISS KADAR GEHRE HAIN...​

NEXT DAY:-

PLACE :- HEALTHCARE HOSPITAL (DELHI)

Filhaal yahaan maujood hain JAHANVI & Family kyonki jiss ladki ke hosh mein aane ka intezaar unhe 4 saal se tha wo pal ab aa hi gaya tha. Is waqt wo sab khade the uske kamre ke baahar aur doctor ke baahar aane ka intezaar kar rahe the kyonki wo thoda general check up karne ke liye andar maujood thi.

Kuchh palon baad wo baahar aayi aur fir ye teeno unki sehmati lekar andar chale gaye. Jaise hi uss ladki ki nazar inpar padi uski aankhon ke kinaaron se paani girne laga.
In teeno ka haal bhi kuchh alag nahi tha.

JAHANVI sabse tezzi se aage badhi aur uss ladki ke gale lag gayi. Uss ladki ne bhi JAHANVI ko apni baahon mein kas liya aur dono ki hi aankhen tezzi se bheegne lagi. Ye pal dono ke liye hi bahut khaas tha. JAHANVI ne iske liye 4 saal intezaar kiya tha. Haalanki wo ladki hosh mein nahi thi par fir bhi usse Doc. Ne bata diya tha ke wo yahaan kab se hai.

Kaafi der baad ye dono alag huyi aur fir PRABAL & DEVYANI dono baari baari uss se mile…

DEVYANI – Bahut intezaar karwaya hai tune hame meri bachi… Bahut intezaar karwaya hai tune hame AABHA...

[ INTRO :- AABHA SHUKLA :- Age – 28. JAHANVI ki badi behen. 4 saal pehle huye ek accident mein isse aur JAHANVI ko bahut injuries huyi thi. JAHANVI to theek ho gayi thi par iske sar par internal injuries hone ke kaaran ye coma mein chali gayi thi aur ab theek huyi hai.

Iske accident ka zimmedar VIVAN ko hi maana jaata hai kyonki usne khud hi ye KUBOOL KIYA THA!!! Kherr, sachayi to sirf wo khud jaanta hai ya fir ASHFAQ aur KANIKA. AABHA ko VIVAN aur JAHANVI ki love story ke baare mein kuchh nahi pata. Kyonki JAHANVI ne usse kabhi bataya hi nahi tha. ]

Aaj ke liye itna hi...


Milte hain agle update mein...

Uddi baba.. ye to jaisa socha tha waisa ich hua.. Aabha ki haalat ka zimmedar Vivan ko maana jaata hai aur oopar se Jahanvi sochti hai ke usne Vivan se love kiya aur uska khamiyaza Aabha ko mila... Kya kaaran hai iss baat ka... Dekhna rochak hoga...

Idhar Navya aur Vivan ki companies ek saath project start karne jaa rahin hain... Shayad iske zariye Navya uske kareeb aane ki koshish karegi... Par Vivan usse dekh kar chaunka kyon?? Kiss se milta hai Navya ka chehra... Kya Jahanvi se??

Wahin Virat ki to poori family hi adbhut hai... Saala jahaan bade bhai ko chhote ko sahi raasta dikhaana chahiye wahin wo khud bhi giri huyi harkatein kar raha hai... Pata nahi kya karegaa Virat aage chalkar... Par ye Jahanvi & Family par nazar gadaye kaun baitha hai unki protection ke liye???

Excellent Update Brother & Waiting for Next...

 

[AV14]

Uddi baba.. ye to jaisa socha tha waisa ich hua.. Aabha ki haalat ka zimmedar Vivan ko maana jaata hai aur oopar se Jahanvi sochti hai ke usne Vivan se love kiya aur uska khamiyaza Aabha ko mila... Kya kaaran hai iss baat ka... Dekhna rochak hoga...

Idhar Navya aur Vivan ki companies ek saath project start karne jaa rahin hain... Shayad iske zariye Navya uske kareeb aane ki koshish karegi... Par Vivan usse dekh kar chaunka kyon?? Kiss se milta hai Navya ka chehra... Kya Jahanvi se??

Wahin Virat ki to poori family hi adbhut hai... Saala jahaan bade bhai ko chhote ko sahi raasta dikhaana chahiye wahin wo khud bhi giri huyi harkatein kar raha hai... Pata nahi kya karegaa Virat aage chalkar... Par ye Jahanvi & Family par nazar gadaye kaun baitha hai unki protection ke liye???

Excellent Update Brother & Waiting for Next...

Thanks a lot for the revo brother.. Jald hi Navya ke chehre waali baat saamne aa jaayegi aur Nazar rakhne waale ke saamne aane mein abhi waqt hai..

Thanks again & Be Along..

 

[Naina]

ghatana 4 saal pehle ki...

Aabha aur jahnavi ki is accident mein vivaan jaise jimmedaar hua.... waise ek baat to tay hai ki ye accident koi bus ya car wali nahi hai ... jarur aur koi hi tarike se accident hua ho... kuch to aisa hua tha, jiske chalte jahnavi & family vivaan ko hi jimmedaar maante hai...
Lekin sachhayi kuch aur hai, maybe vivaan ka koi dosh hai hi nahi....
Lekin agar dosh hai nahi to us din hospital visit karne ke baad jahnavi se door kyun chala gaya galatfahamiya door kiye bina.... aasan sa jawab hai, aur wo ye ki vivaan ko pata chal gaya tha ki uske boby ke sath kya hone wala hai in future.... shayad isliye chala aaya usse door....

kahani vivaan aur navya ki
yahan ek twist hai.... ya to navya jahnavi ki hamshakal hai ya phir aabha ki.... isliye usko meeting mein dekh vivaan hairaan pareshaan ho gaya tha....
Well....... ab vivaan uske leke kya soch rakhe ye to uske complicated mind hi bata sakta hai lekin navya ke taraf se to vivaan ke liye shaadi ka rista hi jaisa pakka hai

I think vivaan ko navya se shaadi kar leni chahiye.... Kyunki uske sarir ki haalat ko nahi balki uske andar ke gun aur achhayi ko dekh navya ne ushe pyar karne lagi hai.... shayad vivaan chirag leke bhi dhundhe tab bhi navya jaisi sundar, mrignayani, samajhdaar, sansakri, rishto ko jodne wali,pure ghar sambhaalne wali , ghar ke har sadashya ke sath taal mel banaye rakhne wali, bahu nahi balki beti banke rehne wali, Vivaan ke har kadam pe, sukh dukh mein sath dene wali, bure waqt pe Vivaan ko himmat sahara aur salah dene wali ladki nahi milegi ....

aur main kehti hun bhool jaaye vivaan un bhooli bichhdi yaadon ko... akhir rakha hi kya hai usme... dukhi atma banke ghumne se achha navya se shaadi kar le...

kahani story ke villians ki....

ab kya hi kahu Naksh, virat Jagvijay aur aakriti ke bare mein....
duniya kayi tarah ke suwar hote hai... Lekin inme ek common baat ye hai ki ye sabhi ko gatar mein, gande naali mein rehna bahot pasand karte hai, kyunki waha gatar aur gandi naali se jo cheeje nikalti ushe khana in suwaro ko bahot pasand hai, ye hawasi NAKSH ,JAGVIJAY ,AAKRITI AUR VIRAT ke bare mein padhke, is haramkhoro ke hawas ko dekh ke lage ki ye Charo kirdaar bhi unhi suwaro mein se ek hai... oops sorry ye kamine kamini to unse bhi zyada gaye gujre hai, suwar bhi is Bastard NAKSH aur Virat ko dekh le to ulti kar de..

Naah actually galti NAKSH AUR VIRAT ki nahi hai, galti iski parwaris ki hai..
agar ye hawasi NAKSH AUR VIRAT aise hai to in ke maa aakriti aur baap jagvijay kaise honge
in kamino ka pura khandan kaisa hoga
are is kamino ka kahe ka khandaan chakla mein bathine wali aakriti aur uska sauda kare wala uska pati agvijay

In chaaro negative kirdaaro ke liye yehi behtar hai ki jahnavi & family aur vivaan ki life door se rahe....
warna

Khair chhodo in vivart, NAKSH, jagvijay aur aakriti ki baatein, inki baatein purani..

so....... sau baat ki baat ye hai ki

1) ab se navya ishi mauke ki taalash mein rahegi ki kaise bhi karke vivaan ke karib kaise jaa sake wo..

2) vivaan navya ki chaahate ko mehsoos kar pehle to dar jaayega baad mein navya ko ignore karne ki koshish mein jut jaayega....
waise jeet navya ki hogi....

3 ) laakh ch aahe villian logis jahnavi pe buri nazar daale lekin uski suraksha aaj bhi vivaan kar raha hai itne door rehte kar bhi...

4) sabse emotional scene aur sath hi khushi ki bhi... jab aabha ko hosh aaya... jab sabhi family wale usse mile.... Barso baad mili ye khushi jis kadar unke andar umed rahi thi usko baya kar pana namumkin hai...

5) sabse important baat aabha kya reaction degi jab vivaan aur jahnavi ke bich ke rishte ke bare mein jaan jayegi..

6) gaur karne wali baat ye bhi hai ki aaj vivaan India ke jaane maane business man hai, to jahnavi ya uske parivaar wale bhi jaante honge ye baat....

likhe gaye har shabd hawaon mein bhi ek nasha bikhed de... ki padhte waqt thoda sa ye nasha yun readers pe bhi chaa jaaye ....Haan.. ishi wajah se to har update padhne mein readers ko aaye maza...Aap jis tarah likhte hai har mod aur pehlu ko dhyan mein rakhte huye, readers ko baithe bithaye kirdaaro ke bhaavnao ko gehrayi se mehsoos aur ehsaas karne ke liye majbur kar de .. ... Kahani ka har ek shadb jaise pehli barish ki bunde ki tarah hai..... padhte waqt lage ki kirdaar jaise ankhon ke samne bhumika nibha rahe ho.... Sach mein jis tarah se realistic roop mein role nibha rahe hai kirdaar, readers ko majboor kar de unke sath judne ke liye... yahin to aapki lekhni ka jaadu hai....

Kirdaaro ki mishrit emotions, unki activities aur jo is update mein majud the unke baare jaankario se bharpur update tha...
Well... shaandaar update, shaandaar lekhni, shaandaar shabdon ka chayan...

Let's see what happens next
Brilliant update with awesome writing skills

 

[AV14]

ghatana 4 saal pehle ki...

Aabha aur jahnavi ki is accident mein vivaan jaise jimmedaar hua.... waise ek baat to tay hai ki ye accident koi bus ya car wali nahi hai ... jarur aur koi hi tarike se accident hua ho... kuch to aisa hua tha, jiske chalte jahnavi & family vivaan ko hi jimmedaar maante hai...
Lekin sachhayi kuch aur hai, maybe vivaan ka koi dosh hai hi nahi....
Lekin agar dosh hai nahi to us din hospital visit karne ke baad jahnavi se door kyun chala gaya galatfahamiya door kiye bina.... aasan sa jawab hai, aur wo ye ki vivaan ko pata chal gaya tha ki uske boby ke sath kya hone wala hai in future.... shayad isliye chala aaya usse door

Ji ye to sahi hai ke VIVAN begunaah hai par poori sachaayi thodi complicated hai jiske saamne aane mein abhi samay hai..

kahani vivaan aur navya ki
yahan ek twist hai.... ya to navya jahnavi ki hamshakal hai ya phir aabha ki.... isliye usko meeting mein dekh vivaan hairaan pareshaan ho gaya tha....
Well....... ab vivaan uske leke kya soch rakhe ye to uske complicated mind hi bata sakta hai lekin navya ke taraf se to vivaan ke liye shaadi ka rista hi jaisa pakka hai

I think vivaan ko navya se shaadi kar leni chahiye.... Kyunki uske sarir ki haalat ko nahi balki uske andar ke gun aur achhayi ko dekh navya ne ushe pyar karne lagi hai.... shayad vivaan chirag leke bhi dhundhe tab bhi navya jaisi sundar, mrignayani, samajhdaar, sansakri, rishto ko jodne wali,pure ghar sambhaalne wali , ghar ke har sadashya ke sath taal mel banaye rakhne wali, bahu nahi balki beti banke rehne wali, Vivaan ke har kadam pe, sukh dukh mein sath dene wali, bure waqt pe Vivaan ko himmat sahara aur salah dene wali ladki nahi milegi ....

aur main kehti hun bhool jaaye vivaan un bhooli bichhdi yaadon ko... akhir rakha hi kya hai usme... dukhi atma banke ghumne se achha navya se shaadi kar le...

Let's see aapka chehre waala guess sahi hota hai ya nahi par NAVYA aur VIVAN ki shaadi.. Practically not possible.. Kaaran bas 10–15 updates baad hi pata chal jaayega..

kahani story ke villians ki....

ab kya hi kahu Naksh, virat Jagvijay aur aakriti ke bare mein....
duniya kayi tarah ke suwar hote hai... Lekin inme ek common baat ye hai ki ye sabhi ko gatar mein, gande naali mein rehna bahot pasand karte hai, kyunki waha gatar aur gandi naali se jo cheeje nikalti ushe khana in suwaro ko bahot pasand hai, ye hawasi NAKSH ,JAGVIJAY ,AAKRITI AUR VIRAT ke bare mein padhke, is haramkhoro ke hawas ko dekh ke lage ki ye Charo kirdaar bhi unhi suwaro mein se ek hai... oops sorry ye kamine kamini to unse bhi zyada gaye gujre hai, suwar bhi is Bastard NAKSH aur Virat ko dekh le to ulti kar de..

Naah actually galti NAKSH AUR VIRAT ki nahi hai, galti iski parwaris ki hai..
agar ye hawasi NAKSH AUR VIRAT aise hai to in ke maa aakriti aur baap jagvijay kaise honge
in kamino ka pura khandan kaisa hoga
are is kamino ka kahe ka khandaan chakla mein bathine wali aakriti aur uska sauda kare wala uska pati agvijay

In chaaro negative kirdaaro ke liye yehi behtar hai ki jahnavi & family aur vivaan ki life door se rahe....
warna

Kya hi bolun.. aesi bezzati in villain logis ki.. Adbhut bilkul adbhut.. waise Aakriti acchhi hai ya buri ye to maine bataya hi nahi.. kya pata wo keechad mein Kamal ka fool ho.. .. by the way in teeno ki aisi taisi hona to tay hi hai..

Khair chhodo in vivart, NAKSH, jagvijay aur aakriti ki baatein, inki baatein purani..

so....... sau baat ki baat ye hai ki

1) ab se navya ishi mauke ki taalash mein rahegi ki kaise bhi karke vivaan ke karib kaise jaa sake wo..

2) vivaan navya ki chaahate ko mehsoos kar pehle to dar jaayega baad mein navya ko ignore karne ki koshish mein jut jaayega....
waise jeet navya ki hogi....

3 ) laakh ch aahe villian logis jahnavi pe buri nazar daale lekin uski suraksha aaj bhi vivaan kar raha hai itne door rehte kar bhi...

4) sabse emotional scene aur sath hi khushi ki bhi... jab aabha ko hosh aaya... jab sabhi family wale usse mile.... Barso baad mili ye khushi jis kadar unke andar umed rahi thi usko baya kar pana namumkin hai...

5) sabse important baat aabha kya reaction degi jab vivaan aur jahnavi ke bich ke rishte ke bare mein jaan jayegi..

6) gaur karne wali baat ye bhi hai ki aaj vivaan India ke jaane maane business man hai, to jahnavi ya uske parivaar wale bhi jaante honge ye baat....

NAVYA ki feelings VIVAN ke liye kaafi complicated hone waali hain.. aapko bhi padhkar maza aa jaayega.. VIVAN, JAHANVI ko protect kar raha hai ya koyi aur ye bhi jald hi pata chalegaa..

Aur aakhiri point ke JAHANVI & Family VIVAN ke baare mein nahi jaante.. Reason ASHFAQ Miyan bataayenge..

likhe gaye har shabd hawaon mein bhi ek nasha bikhed de... ki padhte waqt thoda sa ye nasha yun readers pe bhi chaa jaaye ....Haan.. ishi wajah se to har update padhne mein readers ko aaye maza...Aap jis tarah likhte hai har mod aur pehlu ko dhyan mein rakhte huye, readers ko baithe bithaye kirdaaro ke bhaavnao ko gehrayi se mehsoos aur ehsaas karne ke liye majbur kar de .. ... Kahani ka har ek shadb jaise pehli barish ki bunde ki tarah hai..... padhte waqt lage ki kirdaar jaise ankhon ke samne bhumika nibha rahe ho.... Sach mein jis tarah se realistic roop mein role nibha rahe hai kirdaar, readers ko majboor kar de unke sath judne ke liye... yahin to aapki lekhni ka jaadu hai....

Kirdaaro ki mishrit emotions, unki activities aur jo is update mein majud the unke baare jaankario se bharpur update tha...
Well... shaandaar update, shaandaar lekhni, shaandaar shabdon ka chayan...

Let's see what happens next
Brilliant update with awesome writing skills

Thanks A lot for such appreciation Naina Ji.. this means a lot to me as a writer.. And thanks for such a wonderful review too..

Thanks Again & Be Along..

 

[Sauravb]

Navya ki idea safal hui.usko vivan k sath milke project karne ko mil gaya ..Jhanvi aur Navya ki facial appearance same he iss liye vivan ko purane din ka yaad agaya..
Abha coma se bahar agayi he but uss accident ka sachai aab tak kisiko nehni pata jiska jimendar vivan ko bola jaa raraha
Virat thera tharki manus soch bhi ganndi jhanvi par puri nazar dal raha he..
Amazing update..

 

[AV14]

Navya ki idea safal hui.usko vivan k sath milke project karne ko mil gaya ..Jhanvi aur Navya ki facial appearance same he iss liye vivan ko purane din ka yaad agaya..
Abha coma se bahar agayi he but uss accident ka sachai aab tak kisiko nehni pata jiska jimendar vivan ko bola jaa raraha
Virat thera tharki manus soch bhi ganndi jhanvi par puri nazar dal raha he..
Amazing update..

Thanks a lot fir the support brother.. Be Along..

 

[aalu]

shayad vivaan chirag leke bhi dhundhe tab bhi navya jaisi sundar, mrignayani, samajhdaar, sansakri, rishto ko jodne wali,pure ghar sambhaalne wali , ghar ke har sadashya ke sath taal mel banaye rakhne wali, bahu nahi balki beti banke rehne wali, Vivaan ke har kadam pe, sukh dukh mein sath dene wali, bure waqt pe Vivaan ko himmat sahara aur salah dene wali ladki nahi milegi ....

waise navya bahu nahin beti banke rahegi toh lekin kiski... akhir vivan ke maa baap toh hain na.. ab kaheen yeh na kehna vivan kee..