Romance Teri Meri Love Story (Completed)

[mashish]

Update 86


Aditya bhi uthkar ready ho jata hai. Bahar aate hi wo breakfast jaldi jaldi men khata hai aur sidhe Pratap ko kahta hain “sab taiyari hai?”
Pratap apne kamar men se 2 pistol nikalta hain aur ek aditya ke haath men de deta hai. Aditya “abe marwayega kya tu? Extra magazines kahan hai?”
Pratap andar jata hai aur ek extra bhari hui magazine lakar aditya ko thama deta hai. Pratap gaadi ki chabi lekar bahar nikalata hai. Aditya uske side men baithkar kahta hain “newspaper ke office lena”
Idhar naa jane kitne deepa ke call aate hain jo aditya uthata nahin hain. ant me ek call wo utha leta hai.
Aditya “hello, ye sab padhkar kuchh ray mat banalena maine to tumhe
sab kuchh sach bataya hai naa?” Deepa “par main kaise maan lu”
Aditya “main abhi paper ke editor se milne ja raha hun, tumse wapas
aakar baat karta hun”
Gaadi full speed men nikal padti hai. Aur seedhe jakar news paper ke office ke bahar jakar rukti hai. Aditya aur Pratap nikal kar sidhe pahale dinesh ke cabin men jate hai.
Dinesh khade hokar unko saamne baithne ke liye kahta hai. Aditya “kya hain ye sab?”
Dinesh “sach”
Aditya “tere sach ki to aisi ki taisi…. Kal ke paper men maafi chhapni chahiye”
Dinesh “kya sach ko chhapne ke liye maafi maangne ki koi jarurat bhi hoti hai”
Aditya “dekh mujhe naa sunane ki aadat nahin hai”
Dinesh “ab daal lo kyunki jald hi aap salakhonke pichhe jane wale ho” Ye sunkar Pratap ko gussa aata hain aur kahta hai “itne waqt tak tu deepa ka bhai hai isliye hum thik se baat kar rahe par shayad tujhe koi aur hi bhasha samajh men aati hai”
Itna kahkar wo uthne lagta hai to aditya uska haath pakad kar niche bithata hai au kahta hai “are Pratap iske jaise khwab to kaiyon ne dekhe aaj kuchh kabar men hain kuchh raakh men tabdil ho gaye, par isko iske ye kiye ki kuchh aur hi saja milegi”
Itna kahkar uthkar nikalne lagta hai to Pratap bhi uske pichhe uthkar nikal jata hai.
Aditya aur Pratap bahar aakar puchhte hai ki editor ki cabin kahan hain
to wo ladki ek cabin ki taraf ishara karti hai. Aditya us taraf nikalne lagta hai to wo kahti hain ek minute ruk jaaiye aap ke aane ki unhe ittelah deni padegi.
Aditya bina sune aage nikal padta hain aur uske pichhe pichhe Pratap. Aditya sidha uske cabin ka darwaja khol kar andar ghus jata hain aur uske saamne ki ek kursi par baith jata hai.
Editor “kya hain ye? Kaun ho tum?”
Aditya hanste huye “kya yaar abhi se sathiya gaye ho aaj itna accha phota chhapa hain mera front page par aur aap mujhe nahin pahchante, are koi aajka newspaper dena re editor sahib ko taaki inhe pata chale ki main kaun hun”
Tabhi side men baitha hua ek aadmi darted huye aadmi news paper thama deta hain. wo kuchh der usmen dekhta hain. kuchh der men aditya sidhe uske aankh ke samne ka paper chin leta hai.

Aditya “bahut padh liya ab to tu jaan gaya higa ki main kaun hun”
Wo manager kuchh kah nahin pata, tabhi Pratap baju wale ke sar par pichhe se maarta hain aur kahta hain ki cabin se bahar nikal jaaye. Wo aadmi wahan se nikal jane men hi balai manta hai.
Ab Pratap aditya ke side men aakar baithta hai. Aditya “tumhari himmat kaisi hui ye sab likhkar chhapne ki?”
Editor “ab reporter ne pure saboot laye the to chhap di”
Aditya “chhap di….. aise hi….. bina kuchh soche….. ki kal koi aayega, dhamaki wamaki dega, aur shayad wo bhi hajam naa ho to khun bhi kar dega”
Yah synkar Pratap hansne lagta hain. wo editor yahan wahan se thodi takad jutakar kahta hai “hamara koi kuchh baal bhi baanka nahin kar sakta”
Aditya hante huye kahta hain “haan baal kyun baanka karenge bhai, hum to sidhaa mundi hi baaki kar denge” aur fir Pratap aur aditya jor jor se hansne lagte hai.
Aditya “dekho kal ke paper men aaj ka jo bhi hungama kiya hain uspar maafi chhap do wo bhi frontpage par nahin to kuchh aur hi parso paper men chhapa milega”
Editor “main nahin chaapunga”
Aditya “tu kyu nahi chhapega tera malik bhi chhapwaayega” Editor “agar nahin chhapa to?”
Aditya “bhai mujhe majboor mat karo, ye jo tu sab padh raha hai naa ye
sab kuchh bhi nahin hai, tere jaisonko marna mere liye bas sochne barabar ka kaam hai, baki kaam karne walonki koi kami nahin hai” Editor “dekhiye…..”

Aditya “hum kuchh dekhne ke aadi nahin hain hum to bas logonko dikhate hai, ab uljhulul tamasha mat kijiye kal ya to main subah paper men mafi padhunga yaa fir dopahar men aapke death body ke saath baithkar sharab piyunga”
Editor “aap aisa kaise kar sakte hai, mere cabin men camera hai, is sab ki tape kiyi ja rahi hai”
Aditya “abe kya hoga kal dusari haalat me batau, main aur ye aayege, hum donon tere ko tere cabin se ghasitate huye bahar le jaayenge, bahar lejakar sare aam public ke beech men kuchh jute maarenge, fir hum tujhe apne saath le jayenge, wahan tu ek gun lega aur khudko usse shoot kar lega ya fir khudko fansi laga lega, simple”
Itna kahkar aditya cigratte sulgata hai, aur aage kahta hai “main jab andar aaunga tab se lekar bahar jane tak saare cameras technical problem ki wajah se band ho jayenge, itne saare log jo yahan tamasha dekhenge unmen se ek bhi chamarit gawah nahin banega, darwaje par laga hua jo visitor register hoga wahan se hum donon aayenge iski entry hi nahin hogi”
“aur rahi baat wo tere jaanbaj sipahi dinesh ki” itn kahkar hi aditya
hansne lagta hain aur uska hansana dekh Pratap bhi hansne lagta hai Aditya “wo mukadama daayar karega, agale din mujhe court men pesh karke bail de di jayegi pahale to police giraftar hi kyun karegi wo to isko suicide maan chuki hogi, aur agar case par koi accha officer aa bhi gaya to bhi case court men itne ghumegi itna ghumegi ke baad men dinesh ke pagal ho jaane se case band ho jaayegi”
Editor ab pura dar gaya thaa. Tabhi uske table par ka phone bajta hai… Saamne pada phone baj raha thaa aur editor ki himmat nahin ho rahi

thi, uske to pasine chhut gaye the. Aditya “are phone uthaiye”
Wo editor bina ek pal ganwaaye phone utha leta hai. “hello…… ji sir……
ho jayega sir….. nahin sir aisa nahin hai…..”
Uske baad kuchh der tak wo saamne wala hi kahta jata hai aur ye yahan se bas yes sir karta jata hai. Par har minute us AC kamare men us editor ke mathe par ka pasina badhte jata hai. Wo rumal nikal kar usse pochh deta hai.
Editor “sir wo mere saamne baithe hain yahan….. thik hain aap unse baat kar lijiye”
Itna kahkar wo aditya ko receiver thama deta hai. Aditya “hello” Saamne se “main avdhoot bol raha hun is paper ka malik” Aditya “haan boliye”
Avdhoot “sir main aapse maafi maangna chahata hun aap koi…” Aditya “are aap to maafi is tarah se maangiye hi mat”
Avdhoot “sir kal ke paper men bhi front page par maafinama chhap jayega uske baren men aap koi chinta naa Karen, par main personally aapse mafi mangna chahta hun”
Aditya “thik hai” Avdhoot “sir aur kuchh”
Aditya “haan jis reporter ne ye khabar likhi thi..”
Avdhoot “sir uske baren men aap sochiye bhi mat wo wahan kaam nahin karta isi waqt se”
Aditya “nahin aap use kaam se nahin nikalenge, bas main jo kahta hun wo kijiye”
Avdhoot “thik hai sir aapki jaisi iccha”

Aditya “infact maine uske liye kuchh alag soch rakha hai” Avdhoot “kya?”
Aditya “wo main aapke editor ko bata dunga”
Avdhoot “thik hai sir, aur kuchh sir” Aditya “kuchh nahin”
Avdhoot “thik hain sir main city men aane par aapse ek baar milunga”
Aditya “jarur..”
Avdhoot “ji sir ab aap editor ko phone de dijiye main unhe samajha deta hun”
Tab tak editor ne donon ke liye chaay mangai thi wo aa jati hai. Aditya aur Pratap chaay ka cup uthata hai aur editor kuchh der receiver pakad kar bas sonata jata hai.
Editor phone rakhkar sidhe dinesh ko bulata hai. Dinesh jab andar aata hai tab wo dekhta hai ki editor apne chehare par kuchh dar aur kuchh jhuthi hansi liye aditya se baat kar raha thaa.
Editor “dinesh jara aapne inke liye jo bhi research kiyi thi uski file laaiye to… kuchh bhi mat chhodna us men se”
Kuchh der men dinesh ek file lekar aata hai. Editor wo file usse lekar
aditya ko sonp deta hai. Aditya use Pratap ko thama deta hai. Aditya ek muskaan dinesh ke upar fenkta hai, par dinesh to andar hi andar jal raha hota hai.
Aditya “dinesh kuchh kuchh power aisi chij hoti hain jiske saamne badi badi takaden jhuk jati hai”
Dinesh “main tumhe salakhon ke pichhe kar ke hi rahunga”
Aditya “khwab dekhna acchi baat hain par kuchh khwab aise hote hain jo kabhi pure nahin hote”

Dinesh “jaise ki ye kwab ki tum apne sab gunah daba doge” Aditya “are amin to daba chukka”

Dinesh “you will pay for this”

Aditya “kya karoge isi khabar ko kisi aur ko uchhalne ko kahoge” Dinesh “main apni taraf se puri koshish karunga”

Aditya “jor laga lo koi chhap nahin paayega”

Editor “bas karo dinesh”

Aditya “aur dinesh kal se ye sab political issues par likhna band” Dinesh “ab tum mujhe bataoge ki main kis chij par likhun”

Aditya “editor saab kal se ise page 3 ke collome likhne ke liye laga do, unke saath rahega tab kuchh hamari tarah ho jayega”

Editor “thik hai kal se ye page 3 par kaam karega”

Dinesh “aditya main tumhara wo haal karunga…”

Usi baat ko kaatkar editor kahta hain ki “dinesh abhi tumari tabiyat kuchh acchi nahin hain day off le lo tum”

Dinesh “sir….”

Editor “maine kaha naa aaj tum ghar chale jaao”

Dinesh bina kuchh kahe wahan se nikal jata hai. Aditya bhi nikalne

lagta hain. is baar bahar nikalte waqt uske chehare par jeet ki muskaan thi.

awesome update

 

[mashish]

Update 87

Bahar aakar aditya pahale anna sahib ko phone karke sab bata deta hai. Uske baad use pata thaa ki kya hoga isliye wo har ek newspaper ke maalikonko call karke dhamki cum salah deta hain ki naa hi wo aisi khabar chhape naa hi dinesh ko koi job par rakhe.
Din bhar ghun ghum kar dinesh try karta hain ki is khabar ko koi aur age chhape par koi chhapne ko taiyar nahin thaa. Dinesh bahut jyada
gusse men ghar aata hain. isi beech aditya deepa ko phone karke bata deta hain ki wo sab jhuth thaa chahe to dekh lo kal paper men maafi chhapegi.
Deepa ghar aaye bhai ko pani ka glass dekar kahti hain “kya jaurarat thi aditya ke against ye sab kuchh likhne ki”
Dinesh pahale se gusse men tha hi upar se deepa ke is baat se aur wo
bhadak gaya. Usne kaha “main apna likhne ko khula hun aur maine jo likha hain wo sach hai”
Deepa “fir aditya kyu bol raha thaa ki kal ka akhbaar dekh lo, usmen
mafi chhapne wali hai”
Dinesh “ab tumhe to kuchh pata hi nahin, uski itni takad hain ki usne kisi tarah sabko jhuka diya, editor ne kabool kar liya ki wo maafi chhapega, dusare paper walon ke paas gaya to wo kahne lage ki wo ye nahin chaap sakte, unko puchha kyun? To bataya jan pyari nahin hai kya?”
Deepa “kah do ki tum jhuth bol rahe ho” Dinesh “main jo bol raha hun wo sach hai” Deepa “kya?”
Dinesh “bhale aditya ka kisi bhi khun men haath naa ho kyunki wo us waqt is shahar men thaa par planning karne men wo jarur hoga aur to aur usne kai logonko buri tarah se pita hai, wo bhi bina kisi wajah se aur isiliye wo tadipar hua thaa”
Deepa “par adiya ne bataya thaa ki wo sab cases jhuthe the aur baad men court ne use bekasoor thaharaya”
Dinesh “kyun? Saboot nahin the is liye? Aur honge bhi kyun saboot aakhir wo ek bahut hi jyada powerful aadmi ka beta hai”

Deepa “par dadaji uske minister hai naa?”
Dinesh “dadaji se bhi jyada power wale uske dad the aur bas wo hi nahin chahta thaa unke marne ke baad hi uspar ye sab cases khade ho paaye jab tak wo the naa jane aur kya kya kiya hoga isne?”
Deepa “kah do ki ye sab jhooth hai”
Dinesh “kaise kah dun uske khilaaf aur uske ghar walonke khilaaf kaafi saboot jama kiye the wo bhi wo le gaya saath men”
Dinesh “agar tum wo file padhti to tumhe pata chalta ki ye sab Jahagirdar family apne chehare par kaise sharafat ka chola pahane ghumte hai”
Tabhi papa jo pichhe se sab sun rahe the wo bol padte hai “kya kah rahe ho tum ye dinesh?”
Dinesh “aapko yakeen naa ho to main aapko kuchh aadmiyonse milwata hun jo in sab batonko aapko batayenge”
Deepa pair patakati hui apne room men chali jaati hain. wo apne bed
par girti hain to uske saamne aditya ka photo ek frame men lagaya hua thaa. Wo use dekhkar rone lagti hai, wo sochne lagti hai ‘aditya kyun kiya tumne aisa? Kyun khela tumne mere jasbaaton se? acchi bhali pyaar se dur thi par tumne ismen miujhe khinch liya, ab to kuchh kar nahin sakti, tumhare liye saari dunia se lad sakti hun par ab to tumne aisi jagah laakar khadi kar diya ki main kuchh nahin kar sakti”
Achanak naa jane kya hota hai wo uski photo frame ko uthakar saamne deewar par de maarti hai. Wo photo frame tut kar gir jaati hai. Deepa wahin us bed par pade pade aansu bahati hai.
Achanak se uske pitaji upar aa jate hai “deepa, beti darwaja kholo” Deepa bina kuchh kahe darwaja khol deti hai. Wo andar aakar baith jate

hai “deepa dekho main sab jaanta hun ki tum usse kitna pyaar karti ho, par in sab haalaton men aur ye sab janane ke baad main aditya se tumhari shadi ko permit nahin kar sakta”

Kuchh der ruk kar wo firse kahte hai “main jaan sakta hun tumhare dil ki haalat par tum bhi khud soch sakti ho par main chahta hun ki tumhe apne faisale par firse ek baar sochna chahiye”

Deepa jaan gayi thi ki uske papa ab shadi ke khilaf ho gaye hai aur wo apne mata pita ke khilaf jakar ye sab karna nahin chahati thi. uske paas koi raasta bhi nahin thaa siway rone ke. Par isi waqt usne ek decision le liya.

nice update

 

[mashish]

Update 88


Udhar aditya ko thik se pata thaa ki deepa ke ghar men kyaa ho raha hai. Wo Pratap ke saath baitha thaa. “are Pratap yaar thodi pilaa de nahi aaj waise bhi nind koso dur hai”
Pratap aditya ka sabse accha dost tha use thik tarah se aditya ke dil ki halat pata the. usne bina kuchh bole andar jakar ek sharab ki botal aur 2 glass laye. Do peg bharkar ek aditya ke saamne kar diya. Aditya amuman kabhi sharab pite waqt chup nahin baithta par aaj wo shuny men najare bichhaye huye kuchh soche ja raha thaa aur saath men sharab piye ja raha thaa.
Ghati men jaise hi raat ke 12 baj gaye aditya Pratap se bola “ja so ja mera aaj kuchh thikana nahin hai”
Pratap ko pata thaa is waqt aditya ko akela chhod dena hi sabse behatar thaa. To wo uthkar andar chala jata hai. Uske andar jate hi aditya firse ek peg banakar mobile haath men liye sochne lagta ha ki deepa ko phone kiya jaye ya nahi.
Tabhi aditya ka mobile baj utha, aditya dekhta hain to wo deepa ka cal
tha.
Aditya “hello”
Deepa “soye nahin abhi tak” Aditya “main itni jaldi sota nahin”
Deepa “maine tumhe ye batane ke liye phone kiya thaa”
Aditya “pata hain mujhe tumhare ghar men tension chal rahi hogi” Deepa “daddy kafi tension men hain”
Aditya “haan pata hai”
Deepa “tumne sach men ye sab kiya hai”
Aditya “ek baat batau deepa sach men batata hun mere baren men apni ray kharab mat kar lena”
Deepa “kya?”
Aditya “usne jo likha hain wo pura sach nahin hain par kaafi paimane par sach hai”
Deepa kuchh der ke sunkar kuchh bol nahin paati aditya aage kahta
hain “wo mera gujra waqt thaa, mere aaspas kuchh halat hi aise the ki mujhe kai kadam aise uthane pade jo ki tumhare jaison ki najar men bhale hi wo galat ho par us waqt ke liye to wo sahi hi thaa, aur main tumhe bata bhi nahin sakta ki kin halat men mujhe ye sab karna pada, main apne kal se apne aaj ko suffer hota kabhi nahi dekhna chahta thaa isiliye maine faisala liya ki main yahan aakar settle ho jaau” “yahan aaya to kai salon tak kaam men hi busy raha apni company khadi kiyi, par ek din jab tum mil gayi mujhe aisa laga jaise meri veeran
jindagi men jaise firse khushiyaan laut aa rahi ho, par achanak se ye sab…”
Deepa kuchh kah nahin paati, kuchh der khamoshi chhayi rahati hai,

aditya “deepa main tumse pyaar karta hun tumhare liye main accha banana chahata hun aur kai saalonse accha hun bhi, mujhe is men se kisimen nahin jana isliye main unsab se dur hun”

Deepa “aditya I hate you tumne mujhe aisi jagah lakar khada kar diya ki main aisa feel kar rahi hun ki mujh men koi takad nahi hai. Tum kuchh kahte ho ghar wale kuchh kahte hai”

Aditya “par faisala tumhe lena hai”

Deepa kuchh kahti nahin aur phone kaat deti hai, aditya bhi usko call back karke aur dukhi karna nahin chahata thaa.

Agale din aditya usse milne office jata hai par wahan use pata lagta hai ki wo nahin aayi hai. Aditya deepa ko call karne ki koshish karta hai par uska phone switch off tha. 2-3 din aise hi gujar jate hai. Aditya usse ghar par jana thik nahin samajhta aur naa hi uske ghar phone karnaa. Hafta nikal jata hai par deepa apne office hi nahin aati, aditya ko andaja ho jata hain ki deepa kis sadamen men se ja rahi hai, isliye wo use jakar aur dukhi karna thik nahin samajhta. Darasal men wo sochta hain ki deepa jab office aaye tab yahan usse baat Karen.

very nice update

 

[mashish]

Update 89

Karib 2 hafte baad wo office aati hai, aur ye khabar use abhiman de deta hai. Aditya turant car lekar abhiman ke office a pahunch jata hai. Wo abhiman se bina mile sidha deepa ke cabin chala jata hai.
Saamne se aditya ko aata dekh deepa thodi chauk jati hai. Aditya sidhe aakar uske saamne baith jata hain. Deepa aditya se najare churane ke liye niche ek file men dekhne lagti hai.
Aditya use ek najar dekhta hai, uski aankhen ro ro kar suj gayi thi, uske chehare par wo hamesha dikhne wali muskaan kahin kho gayi thi. yakin karna mushkil thaa ki ye wahi deepa hain jisse maine kabhi pyaar
kiya thaa. Aditya uske chehare men wo apni deepa ko dhundh raha thaa.
Bina kuchh kahe kahin se koi chay lekar aata hai. Deepa tab uski taraf
dekhti hain par paati hain ki aditya to uski taraf hi dekhe ja raha hai. Wo apna chay ka cup uthakar honthon se laga leti hai. Aditya sochta hain kabhi kisi din in hothon ki narmi ko usne chhuya thaa to use aisa laga thaa jaise usne saari dunia ki khushi ko paa liya hai. Aaj wahan ek cup thaa.
Aditya bhi apna cup uthakar ek chuski leta hai. Aur kahta hain “deepa mujhe kuchh baat karni hai?”
Deepa “accha hain mujhe bhi tumse baat karni hain, pahale tum kaho” Aditya “ghar walonka kahna thaa ki shadi ki tarikh tay Karen”
Deepa kuchh kah nahin paati kuchh der ke liye wo bhi aditya ke chehare men take jati hain. kuchh der baad wo kahti hain “aditya, tum mujhe bhool jaao yahi tumhare liye bhi accha hain aur mere liye bhi” Aditya “kya?”
Deepa “meri shadi tay ho chuki hai… agale mahine ki 6 tarikh ko” Aditya “kya?” aditya ko ek shock baitha thaa.
Deepa “aditya tumhe mere ghar wale accept nahin karenge” Aditya “to bhaag chalate hai”
Deepa “ nahin main ghar walonke marji ke khilaf nahin ja sakti” Kuchh der ke liye sannata chaa jata hai, aditya kahta hai “deepa main tumse bahut pyaar karta hun, aur tumhare siwaay ji nahin sakta, tumhare saath gujare huye lamhe mere jindagi ke sabse acche lamhe hai”
Deepa “ye tumhe pahale sochna chahiye thaa”

Aditya “kya tumhe pahale se pata hota ki main ek minister ka pota hun, ek baar tadipaar rah chukka hun itna sab jaanane ke baad kya tum mere utnaa paas aati?”
Deepa ke paas is sawal ka jawab nahin thaa. Aditya khata hain “nahin, tumhara jawab hota nahin. Main khud chhata hun ki main jo hun wahin rahu mujhe wo sab nahin banana jo ki tum sab dekh rahe ho, aur yaad rakho ye sab jo bhi maine kiya thaa uske pichhe ek wajah thi, main kabhi nahin chahta ki wo sab kuchh mere saath firse doharaya jaaye isliye main apni jindagi ko un sab se dur yahan le aaya
Main jab tumse mila tab maine kabhi maine soch rakha thaa ki main tumhare sath shadi karunga yahan bans jaunga ek aam jindagi jiunga. Main apne past ko bhula dena chahta hun, mera past mera sabse bada dushman hain, main use chahe jitna bhi niche dafan karun wo firse upar aa hi jata hai. Aur uska chehara itna ghinauna hai ki tum use dekh nahin sakti”
Deepa “aditya in sab baton se ab kuchh farak nahin padne wala maine ab faisala kar liya hai”
Aditya “tumne faisala kiya ki tum apne ghar walon ki marji se shaadi
karogi par main tumhe bata dun ki isi waqt maine bhi ek faisala kiya hai ki is dil men aaj ke baad sirf tum hi aa sakti ho aur koi nahin” Deepa “itna hone ke baad bhi tum yah soch rahe ho”
Aditya ab kuchh nahin bolta sidha uthkar bahar nikalne lag jata hain achanak jaise jab wo cabin ke darwaje par pahunchta hain wo pichhe mudta hain aur kahta hai “deepa….. mosin ahmad kaun thaa tumne puchha nahin, chalo main hi bata deta hun… nilofar uski hi beti thi”
Itna kahkar aditya bahar nikal jata hain aur deepa apne jagah hi jaise ek

anjaan dar se ghir jaati hai…

good update

 

[mashish]

Update 90


Aditya kuch din deepa se nahin milta aur soch men duba rahta hai. Uske jahan men ek baat aati hai ki deepa naa sirf aur sirf apne ghar walonke wajah se bol rhai hain, to kyun naa ek chance liya jaaye aur uske papa se baat karke dekhi jaaye.
Aditya akele jana munasib nahin samajhta isliye wo apne saath abhiman ko le jata hai. Abhiman aur aditya nikal padte hai sham ko deepa ke ghar.
Ghar ki door bell abhiman bajata hai. Darwaja diensh hi kholta hai, jab
wo saamne abhiman ko dekhta hain to use andar bula leta hai, par jaise hi uski najar aditya par padti hain turant kahta hain “nikal jaao yahan se”
Abhiman “dekho hum baat karne aaye hai”
Dinesh “humen koi nahin karni baat waat” wo kuchh chillate huye hi kahta hain.
Abhiman “dekho is larah se hamare upar chillao mat, hum koi aire gaire nahin hai”
Dinesh “mujhe tumse koi problem nahin hain par ye aditya ko main
nahin sah sakta apni aankhon ke saamne”
Adhiman “jara apni aawaj niche rakho, unchi aawaj men baat karna humen tumse behtar aata hai, aur jab hum apni aawaj unchi karte hai tab baki sab ke gale such jate hai”
Tabhi pichhe se deepa ke pitaji aawaj dete hain “kaun hain dinesh?”
Abhiman aawaj deta hain “uncle main hun abhiman”
Deepa ke pitaji abhiman ki aawaj sunbkar uthkar darwaje par aate hain aur dinesh se kahte hain “andar shanty se baat karenge”
Aditya aur abhiman dinesh ke pichhe andar aakar unke samne ek sofe par baith jate hai.
Abhiman “uncle aapse ek baat karni hai”
Uncle “ab to waqt nikal chuka ab kyaa baat karni?”
Abhiman “aisa mat kahiye uncle mana aditya ne jo bhi dinesh ke sath kiya wo bura thaa”
Uncle “bura ye hai ki tumne mujhe andhere men rakha”
Abhiman “dekhiye agar aditya aapko sab sacchai batata aur ye kahta ki wo aapki beti ko pyaar karta hain aue use hamesha khush rakhega to kya aap man jate”
Uncle “kamse kam usne jo kiya hai wo sunkar to nahin”
Abhiman “to jaan lijiye aditya begunah hai, uske upar aajtak ek bhi iljaam nahin prove ho saka hai”
Dinesh “wo sab jante hai ki kaise aur kya hua?” Abhiman “tumhe kuchh nahin pata”
Dinesh “to fir inko mere office men aakar wo sab karne ki koi jarurat nahin thi”
Abhiman “tum itne unche ghar ke ho nahin naa isliye tumhe pata nahin
hain, ki ijjat kya maayne rakhte hai, khair aaj ka waqt to chhodo agar kuchh sal pahale ki baat karoge na jo ye kahta uski juban kaat dalte” Dinesh “itna ghamand accha nahin hota”
Abhiman “ye ghamand nahin hai ise takad kahte hai” Uncle “bas bahut ho chuka nikal jaiye aap mere ghar se”
Itne men aditya jo ab tak chup tha wo bolta hai “abhiman bas ab main kuchh kahu…”
Sab log ab aditya kya kahta iski taraf dhyan dete hain.

Aditya “uncle mujhe pahale to maaf kijiye maine aap se ye sab chhupaya par main wo hun hi nahin hun to kyu main wo hun ye main maan lu. Maine ye sab us waqt ke hisab se kiya har baar mujhe par huye jaanleva hamle ko meri maarpeet men tabdil kiya gaya isiliye main har ek case se bari hua hun. Aur isi wajah se maine wo city chhod di aur main yahan aa gaya.
deepa ko acchi tarah se pata hai main kaisa hun. Main kabhi wo banana nahin chahata thaa jo ki dinesh dikhana chahta hain. aur dinesh…”
Ab diensh aur dhyan se deepa ki taraf dekhta hai aur aditya kahta hain “mujhe firse wo sab nahin chahiye isliye maine wo sab tumhare office men aakar kiya aur mujhe pata hain ki tum use ukerna band nahin karoge is liye maine tumhe page 3 par daalne ke liye kaha, mano ya na mano ye meri majburi hai”
Aditya “uncle, main deepa se bahut pyaar karta hun, usko main apne jindagi bhar khush rakhunga use dunia bhar ki saari khushiyan dunga, uski aankh men ek aansu nahin aane dunga, maine aajtak kisike saamne nahin jhuka har ek se maine apni gardan unchi karke lada hun par main pahali baar aapke samne gardan jhukata hun , bas aap mujhe mera pyaar de dijiye”
Kuchh der kamare men chuppi rahati hai. Aditya “please mujhe mere pyaar se dur mat kijiye uske bina jina mere liye marne se bhi battar hoga, aur main ye apne dil se kah raha hun, mujhe sab kuchh manjoor hain aap jiske liye mujhse kahenge, bas mujhe apne pyaar se juda mat kijiye”
Uncle “Dekho aditya beta ab tumhare khilaf itna kuchh chhap chuka

hain ab main tumhe apna damad kaise bana sakta hun, samaj kya kahega mujhe”
Aditya unki baat ko beech men kaatkar kahta hain “uncle deepa ko jab
bhi apna dukh share karne ki jarurat hogi tab koi samajh nahin aayega usse ye baat sunane wahan aayenge aap ya fir main, to aap sirf apne bare men sochiye”
Uncle kuchh der sochne ke baad “aditya maaf karo hum tumhe apne ghar ka damad nahin bana sakte”
Aditya “uncle please mujhpar aisa sitam mat kijiye, main sach men jee
nahin sakta deepa ke bagair”
Uncle “dekho aditya ek bat batata hun hun tumhe hamesha yaad rakhna jindagi hamesha tumhe jo chahiye hain wo tumhe nahin deti”
Aditya “uncle main jindagi se lene walon men se nahin apni kaam ki chij chheen lene walon men se hun, aur jindagi men itna dam nahin ki jab tak mujhmen saanse chale tab tak wo meri marji ke khilaf jaaye” Uncle “kahna kya chahte ho tum?”
Aditya “dekhiye main aapke ghar ka damad bhi nahin banunga aap bas deepa ko yahan bhejiye main uske saath nikal jaunga”
Uncle “dekho aditya hum aisa kuchh nahin karenge tum yahan se sharafat se chale jaao isimen tumhari bhalai hai”
Aditya “meri bhalai kismen hai ye aap mujhe mat bataiye, main aashiq hun apne aashiqui ke liye kisise bhi takarane ko taiyar hun”
Uncle “chale jaao aditya suna ya nahin”
Aditya “dekhta hun mujhe kaun raukta hain” itna kahkar wo ghar men andar jane lagta hai to dinesh use rokne ki koshish karne lagta hai, aditya kuchh dekhta nahi ek tamacha jad deta hai, aur dinesh sofe par

ja girta hain aur aditya aage badhta hai to dinesh firse uth khada hokar aditya ko pichhe se pakad kar rokne ki koshish karta hain par aditya men usse jyada takad thi, wo use khinchkar aage le chala tha.

Tabhi aditya dekhta hain ki parde ke pichhe kuchh halchal hoti hain yani ki uske pichhe koi thaa aur use ye sab suna bhi tha. Achanak

parda sarakata hain aur uske pichhe se deepa bahar aati hai. Aur andar

aate hi aditya ke gal par ek tamacha jad deti hai.

Aur kuchh kuchh rote huye kahti hai “tumhari himmat bhi kaise hui mere bhai par haath uthane ki?”

Aditya “dekho deepa aaj tum saheba ki tarah ho tumhe ya to tumhare pariwar ko chunana hain ya fir apne pyaar ko”

Deepa “main apne mata pita ke khilaf nahin jane wali”

Deepa fir aditya ke chehare ko pakadkar uske maathe ko chumati hain aur kahti hai “tumhara aur mera mel is dunia men nahin ho sakta, behatar hain ki tum mujhe bhul jaao”

Aditya “deepa…”

Deepa “tumne suna nahin maine kaha hain aaj se tumhara aur mera koi nata nahin raha chale jaao ba yahan se aur bhagwan ke liye humen baksh do”

Aditya ka to jaise dil tut gaya thaa par wo deepa ke khilaf nahin ja sakta thaa. Isliye wo anmane dil se niakl padta hai. Wo jab pichhe jane lagta hai tabhi abhiman kahta hai “scratch every hero and you will find a monster lurking inside, aaj nahin jindagi men kabhi kisi mod par tumhe bhi iska anubhav aayega”

Itna kahkar wo aditya ke pichhe ghar se bahar niakl jata hai….

lovely update

 

[DirtyBiker]

Index updated

 

[mashish]

nice update

Update 91

Aditya jab se deepa ke ghar se wapas aata hain tab se udas uadas
rahne lagta hain. wo deepa se phone par kaafi minnate karta hain ki wo uske paas chali aaye par deepa uski baat nahin maanti. Yahan tak ki use apne kasam dila deti hain ki wo uske saamne naa aaye.
Deepa ke is bartaav ke baad aditya din raat ya to kisi soch men duba rahta ya fir sharab men khoya rahta. Pratap aur abhiman ye dekhkar kaafi chinta men the ki aakhir kya Karen. Par Pratap ne aditya ko pahale bhi ek bar is halat men dekha thaa, use pata thaa aditya ek petrol ka dibba hai use bas ek chingari ki jarurat hai.
Pratap ko lagne laga ki naa jane kab koi aditya par is waqt ka faayda uthakar hamala naa kar de is liye wo jyadatar waqt aditya ko akela nahin chhodta thaa. Saath men aditya ko apne paas apni gun hamesha rakhne ke liye bolta.
Din teji se jaa rahe the aditya ko kisi chij ki sud naa thi, wo to bas sharab pita aur soch men duba rahta, kai baar Pratap use sone ke liye force karta thaa. Ek din aditya jo ki bahut der se soya tha uthata hai.
Aditya dekhta hain to saamne ki ghadi raat ke 11 ka waqt dikha rahi thi. aditya ke dimag par ki sharab puri tarah se utar chuki thi. wo uthkar bahar aata hain aur aawaj dene lagta hai “Pratap…. Pratap”
Pratap jo ki abhi abhi sone ke liye gaya thaa, uthkar bahar aata hai. Samne dekhta hain to aditya puri dadhi badhi hui, chehara kala pada hua aditya. Use dekhkar ki use pichhale din yaad aa jate hai ki aditya kaisa dashing aur handsome hua karta thaa.
Aditya “Pratap aaj kya tarikh hai?” Pratap “5…”
Aditya “are kal to deepa ki shadi hai, chal humen usse milne jana hai” Pratap “ab kya karna hai?”
Aditya “chal aaj deepa ko main apne pyar ka wasta dunga”
Pratap “thik hain mere majnu par jara apni halat to dekho aaine men jaa shaving kar aa”
Aditya “are rook main shaving karke aur nahakar aata hun”
Pratap aditya ko pure hosh men dekhkar bahut khush thaa. Wo bhi andar taiyar hone chale jata hai.
Aadhe ghante bad wo bahar aata hain to dekhta hain ki Pratap samne sofe par baitha thaa.
Aditya “how do I look?”
Pratap “jabardast agar main ladki hota naa to mian tujhe abhi kahin bahar naa jane deta sidhe apne bedroom men le jata”
Aditya “tu apne bhabhi ki sautan banana chahata hain kya?”
Pratap “nahin nahin aisa kuchh wichar nahin hain, chal ab jana hai, waise ye bata wahan agar deepa ne naa kah diya par uski koi cousin pat gayi to?”
Aditya “main deepa ke liye wahan ja raha hun pagale agar koi cousin mil jaye to apne liye pata lena tu”
Pratap “na baba na apun aise hi acche bhale”
Aditya “ye bata tu jab se apne tour se return aaya hain ladkiyonse dur dur hi rahne laga hai, bata baat kya hai?”
Pratap “chal deepa ke ghar jate hai, agar wo haan boli aur ghar wale taiyar nahin huye to utha lenge usko chal”
Aditya “nahin tu meri baat ka jawab de pahale?”
Pratap “chal aaj ka mamalaa nipta le fir tujhe wapis aane par batata hun”
Aditya “chal” aisa kahakar gadi ki chabi nikalta hain.

Pratap “ruk ye pakad” aisa kahkar uske haath men uski gun aur ek extra magazine deta hai.
Aditya “iski kya jarurat hai?”
Pratap “aajkal din kharab chal rahe hai rakh le aur gadi men extra bullets rakhi hai”
Ab donon deepa ke ghar ke liye nikal padte hai. Kuchh hi der men wo
deepa ke ghar ke bahar the, aditya bahar nikalta hain dekhta hain ki deepa ka ghar kitni acchi tarah se sajaya gaya hai. Uske man men aas thi ki ye sab kuchh shayad mere liye hota..
Khair wo aage badhne lagta hain to Pratap uske pichhe aane lagta hai to use rokkar kahta hain “tum bahar hi ruko Pratap main sab sambhal lunga”
Pratap kuchh kahta nahin car ke side men jakar khada rahta hai. Aditya ko andar jate huye wo dekhkar man hi man dua karta hai ki sab kuchh thik ho jaaye, deepa aur aditya firse ek saath ho jaaye.



Aditya andar jata hain wahan kuchh log the. Aditya ko najare deepa ko ya fir uske papa ko dhundh rahi thi. wo andar badh jata hai aur sidha deepa ke kamare ki taraf upar badh jata hai.
Achanak se wahan dinesh aa jata hai. Dinesh aditya ko dekhkar gussa ho jata hai. Wo turant aditya ka hath pakadata hai aur baju men khinchane lagta hain to aditya usko khinchne nahin deta. Tabhi pichhe se uncle bhi aa jate hai.
Aditya unhe dekhkar ruk jata hai. Uncle kahta hai “sab kuchh to khatam ho gaya ab kya lene aaye ho?”
Aditya “mujhe ek baar deepa se baat karni hai”
Uncle “aditya samajh jaao deepa ki shadi hai, ab itne sare logonke
saamne tamasha mat karo”
Aditya “tamashe ki kya baat hain, main usse milne aaya hun” Uncle “ab bas karo nikal jaao yahan se”
Itne men hi unchi aawaj sunkar deepa bahar aati hai aur kuchh log bhi jama ho jate hai. Deepa ko dekhkar aditya ka chehara khil jata hai. Aditya “deepa chalo hum yaha se dur kahin chale jaayenge”
Deepa ke ankh men aansu aa gaye te ye sochkar ki aaj gar men itne sab log hokar bhi aditya uski khatir akela aaya hai. Deepa ke man men ek taraf apne pyaar ke liye gurur thaa aur dusari taraf apne mata pita ka sanmaan.
Deepa ki aankh se aansu chhalaka aata hai. Wo aditya ko kahti hai “chale jaao aditya…”
Aditya “tumhare bagair nahin…” Deepa “aditya…”
Aditya “naa ek shabd bhi nahin, bas mere saath aise hi chalo, koi
mujhe rok nahin sakta yahan”
Tabhi dinesh aditya ka collar pakadta hai aur use aankhen dikhata hain. Aditya ab kuchh nahin sochta sidha ek lafa itni jor se jad deta hai dinesh ke gaal par aur niche pade huye dinesh ki chhati par pair rakhkar kahta hai “dekh aaj agar mere aur mere pyaar ke beech aaya to usi pyaar ki kasam aage se kisiko rokne ke kaabil nahin rahega”
Tabhi aditya dekhta hain ki saamne se kuchh ladke aa rahe hai uski taraf daudate huye. Aditya apni kamar par lagi hui gun nikal kar unpar taan deta hai. Aane waale sab jaise putala ban ke ruk jate hai. Aditya apne dusare haath se deepa ko apni taraf khinchta hain aur kahata hai “chalo deepa ab mere saath”

Uncle “aditya ruko aise tum hamare gahr ki ijjat nahin uchhal sakte” Aditya “nahin uncle aaj main jo chahunga wahi karunga aur main apne pyaar ko paakar hi rahunga”
Uncle apne haath jodkar “dekho aditya main tumhare samne haath jodta hun”
Tabhi naa jane kahan se police aa dhamakati hai. Aditya sidhe unpar
gun taan deta hai. Police inspector “dekhiye mister ye gun hamare hawale kijiye”
Aditya “nahin”
Tabhi koi pichhe se prompt karke aditya ka naam batata hai. Inspector “aditya dekho wo gun mujhe de do aur us ladki ko chhod do”
Tabhe deepa aditya ke kaan ke najdik aati hain uske gaal par kiss lekar
kahti hai “aditya main tumhare saath nahin aa sakti mujhe chhod do” Aditya ki jaise dunia tabah ho gayi wo kuchh gahare sadame men gaya gun par uske haath ki pakad chhut jati hai aur wo gir jati hai. Inspector use turant lapak leta hai aur ek constrable aditya ko pakad leta hai.
Deepa ke aankhon men aansu the.
Dinesh turant kahata hain “aap uski taalshi lijiye uske pas kucch aur mil jaaye”
Aditya ki talashi men uske pas ek extra magazine milti hain, ab dinesh
bolta hain uske gadi ki bhi talashi lijiye.
Bahar aakar inspector us gadi ki bhi talashi lete hain, gadi men bhi goliyan milti hai. Pratap unhe kaafi rokne ki koshish karta hai par uski koi sunta nahin.
Aditya ko police station le jaya jata hain. Pratap soch men pad jata hai ki ab kare to kya kare aakhir men wo haarkar ek aadmi ko phone kata

hain jisse usko puri ummid thi ki uska kaam jarur ho jayega….





And the Fenix burned into Ashes

 

[mashish]

Update 92



Wahin Pratap apne haath se chaay ka cup aditya ke haath men badha deta hai. Us cup ke garam ahsaas se aditya pne beeti yadon se aaj men aa gaya. Usne cup liyi. Aur ek chuski li.
Vikram “ mujhe kuchh kuchh iske bare men vaishnavi ne bataya thaa” Kamare men shanty chhayi thi. Vikram “abhiman tum jaao ready hokar sidhe wahin pahunch jana kuchh der men par jara dur rukna tum kisi bhi baat men beech men nahin aaoge”
Abhiman “thik hai” itna kahkar apne haath men ki chay ki pyali khatam karke bahar nikal jata hai.
Vikram “are aditya ready ho jaao aaj tumhare liye baat karne main aaunga, aakhir tum bhi kabhi mere saath aaye the”
Aditya chay ki pyaali men dekhte huye kahta hai “deepa nahin
maanegi”
Vikram “apne chhote bhai ke liye main kuchh bhi kar sakta hun chaahe us ladki ko mandap se uthwana kyu naa pade”
Aditya “nahin bhaiyya”
Vikram “mere liye vaishnavi ko bhaga kar le aaye tab tumhara pura support tha aaj jab tumhari baat hai to…”
Aditya “tab ki baat kuchh aur thi, vaishnavi shadi ke liye raji thi” Vikram “ek baat bata deepa tujhse pyaar karti hai naa?”
Aditya “haan”
Vikram “bas fir wo tumhare liye aag ke dariya men bhi kud jaayegi” Aditya “sahi kaha aag ke dariya men kud jaayegi par apne mata pita ke khilaf nahin jayegi”
Vikram “ab main aa gaya hun naa jaa ready ho ja unse milne jaayege” Sab ready hokar deepa ke ghar nikal padte hai. Pratap gadi drive kar raha thaa aur Vikram uske baju men baitha thaa aur aditya pichhali seat par. Gadi men ek ajib si shanty chhayi hui thi mano jo kisi ek bade musibat ke pahale hoti hai.
Aditya aur Pratap nikal kar aage chalate hai aur unke pichhe Vikram andar dakhil hota hai. Aditya ko andar aate dekh saamne se dinesh
aata hai. Aditya ko yun bahar dekh uske maathe par ek shikan aa jati hai.
Yun to dinesh ko pata thaa jo aadmi harek newspaper ke malik ko daba sakata hain wo kya jail se bahar nahin aa sakata. Tabhi wahan kal raat ko jo jama juye the wo log bhi ikatthe hona shuru ho jate hai.
Vikram aage badhta hain aur unse kahta hain ki unhe dulhan ke pita se
milna hai.
Tabhi wahan kahin se deepa ke pitaji aa jaate hai. Wo Vikram ke saamne aate hain. Vikram “aapse akele men baat karni thi”
To wo unhe apne saath aane ke liye kahkar andar jane lagte hai. Aditya aur Pratap bhi unke pichhe chale jaate hai. Aur saath hi men pichhe se dinesh aa dhamakata hai.
Deepa ke pitaji sab ko ek kamare men le jaate hai. Wahan kisiko un sab ke liye chaay pani ka intejam karne ko kahkar wo sab baith jaate hai.
Vikram “uncle pahale main apne baren men bata dum main Vikram Jahagirdar aditya ke sabse bada bhai hun saga nahin hun chachera

bhai hun par aditya mere liye sage bhai se bhi badhkar hai. Main aditya ke liye har ek chij chahata hun wo jise paana chahe”
Uncle kuchh bolte nahin. Vikram saamne aayi chaay ka cup uthakar
kahta hai “uncle main chahata hun ki aap isi mandap men aditya ki shaadi deepa se kara do”
Uncle “ye kaise mumkin hai, aaj to barat aane wali hai, upar se mere
ghar men sab mahmaan aaye huye hai”
Vikram “mahmaan aaye huye hai un sabke saamne aapki ijjat naa jaye isi liye kah raha hun ki aditya ki shadi kara dijiye”
Uncle “ye katai nahin ho sakata…..”
Vikram chaay ke cup ko muh se lagakar hi apni eyebrow upar uthakar uncle ki taraf dekhta hai.
Vikram “hone ko to kuchh bhi sakta hain uncle, dekhiye na deepa achanak se ghar men nahin mil sakati, ya fir aditya use jabaran uthwa ke le jaaye aur aap men se koi kuchh naa kar paaye”
Uncle “aap mujhe dhamaki dene aaye hai?”
Vikram “are nahin uncle main to bas samjhane aaya hun kyunki mere liye ye itne saare bade bade kaam yun yun chutki bajate ho jate hai” Vikram chutki bajate huye kahta hai.
Ye sab dinesh sunkar abhi tak gussa apne andar saheje huye thaa wo achanak se bol padata hai “koi hamare ghar aakar humen dhamaki de ye ho nahin sakta”
Vikram “tum chup raho kyun ki mujhe jab kuchh karna hota hai tab
main dhamaki nahin deta sidhe kar ke dikhata hun aur mere ko rokne wala koi mai ka laal aajtak paida nahin hua hai”
Dinesh “dekhiye…”

Vikram “hum kuchh dekhte nahin bas dusaronko dikhate hai aur hum jo dikhate hain wo dekhkar sab log sunn rah jaate hai, tu bahut ud raha thaa naa us mosin ahmad ki case ko lekar uske ghar men kisisko jinda nahin chhoda hai maine, aur ghar men uske jitne bhi aadmi mare hai naa maine aur mere bhaiyone usse jyada to raaste par mare hain aaj tak kisi ki himmat nahin hui us baren men baat karne ki aur tu uspar likhne chala thaa waah waah aapko to bahaduri ka medal dena chahiye” aisa khkar Vikram taliya bajata hai. Vikram ke aawaj men wo raub thaa jo saamne wale aadmi ko jhanjhor kar rakh de.
Tabhi Pratap usmen addition dalta hai “marnoparaant” aur ye sunkar Vikram thahaka lagata hai.
Dinesh “dekh lunga tumhe…”
Vikram “abhi saamne khada hun tumhare yahan se teri bahan ko lekar jaaunga firbhi tum mera baal bhi banka nahin kar paaoge, ye hain meri takat”
Uncle “bas kijiye aap mujhe koi ladna wadna nahin hain mujhe mere bacche pyaare hain par yun naa kijiye aditya hamare ghar ka jamai kaise ban sakata hai”
Vikram “kyun kya kharabi hai ismen jawan hai, rang rup men accha, accha kamata hai infact aap jitna kamate hai utna to iska ek din ka kharcha hai, aur koi bure shauk to hai nahin ise fir kya burai hai” Uncle “mujhe aisa damad nahin chahiye jo ek gunehgaar ho”
Vikram “gunehgaar bada kathin shabd ka upyog kiya aapne, gunehgaar hum kabhi nahin the balki humen kisi aur ne banaya…”
Uncle “wo jo kuchh bhi maaf kijiye aap jaaiye ab yahan se”
Vikram “aditya ja deepa ko le aa yahan main dekhta hun kya hota hai”

Aditya apni jagah se hilta nahin, Vikram Pratap ki taraf dekhta hain. Pratap turant kamare se bahar jata hai, dinesh uske pichhe jane lagta hain to Vikram “are ruko abhi le nahin ja rahe yahin bulaya hai”
Pratap apne saath kuchh hi der men deepa ko le aata hain. deepa ka chehara kuchh utara hua saa aur kuchh hairat men dikhai deta hai use pata nahin thaa ki aage kya hoga.
Vikram “deepa tum aditya se pyaar karti ho?”
Deepa kuchh kahti nahin bas apni gardan niche jhukaye apni jagah par hi khadi rahati hai. Vikram “is khamoshi ko kya main haan samajh sakata hun”
Uncle “ bas bahut hua aap chale jaaiye yahan se” Vikram “aise nahin hum to dulhan sath le jaayenge”
Vikram aditya ka haath pakad kar utahta hain “chalo deepa le chal apne saath”
Aditya kuchh kahta nahin. Deepa darker aditya ke paas aakar kahati
hain “aditya kuchh to kaho naa” uske aawaj men kuchh kuchh dard thaa.
Deepa “aditya yun chup mat raho kuchh bolo, yahan mat ruko meri
khatir chale jaao yahan se aur apne bhai ko bhi sath le jaao”
Deepa ab rone lagti hai. Dinesh Vikram par haath uthane kea age aata hain, to pichhe se Pratap apne jeb men se gun nikal kar taan deta hai. Pratap “bahut garmi hai na tujhmen aditya ke khilaf likhna hai ya fir aaj sidhe swarg ke darshan karne hai”
Deepa “aditya Pratap ko rook wo dinesh ko maar daalega” deepa ab foot foot kar rone lagti hai. Par naa jaane kyun aditya thaa jo ek but bankar khada thaa. Pal do pal aise hi nikal jate hai. Achanak deepa

aditya ke chehare ko pakad kar uske labon ko chum leti hai.
Aditya jo ki ab tak ek murt bankar khada thaa wo bhi response deta hain. wo apnaa haath uthakar usko uski pith se thaamta hai. Fir uske chehare ko pakad kar uske labon ka raspaan karne lagta hain. wo dono pyaar karne waale kuchh palon ke liye saari dunia se bekhabar ek alag hi dunia men vicharan karte hai.
Kuchh pal baad jab deepa aditya ko chhodti hain, aditya ab hosh men thaa. Aditya saamne dekhta hain to dinesh Vikram bhaiyya ke saamne khada hai aur pichhe se Pratap apni gun us par hi taane khada hai.
Aditya “Pratap gun niche kar”
Pratap “nahin ye Vikram bhaiyya par hath utahne wala hai”
Wo ek pal ke liye saamne khade uncle ki taraf dekhta hain jinki najar abhi ki wakiye se niche ho gayi thi. fir uski najar deepa ki gahari neeli jheel si aakhon men jaati hai. Deepa lagbhag dulhan ke rup men taiyar hi ho chuki thi.
Aditya deepa ke gaal par aaya hua aansoo pochhate huye kahata hain “meri hamesh se khwahish rahi hain ki tumhe dulhan ke libas men dekhun, tumhari hatheli par apne naam ki mehandi dekhu” aisa kahakte huye uske haath men lagi hui mehandi dekhta hai. Uske donon haathon ko lekar apne labon ke paas lata hain aur unko chum leta hai.
Deepa “aditya chale jaao yahan se aur kitna dukh doge”
Ye shabd sunkar hi aditya kuchh irada banata hai. Aur wo uski aankhon men khote huye kahta hain “bas hua ye sab, abse tumhare saare dukh mere, tumhe meri wajah se ek bhi dukh nahin dekhna padega, shayad aaj ke baad men jindagi men kabhi tumhare samane naa aau aur tum bhi mujhe dhundhne ki kabhi koshish mat karna, main ab tumse dur

chala jaaunga itni dur ki meri parchai bhi tumhe firse najar naa aaye” Itna kahkar wo uske maathe par choomta hai aur usko apne aagosh men lekar kahata hain “hamesha khush rahna aur mujhe apni jindagi wo kadwa past samajh kar bhool jana, main aaj tak apne kal se bhaagta raha par usne mera daman kabhi nahin chhoda par tumhare saath aisa main kabhi hone nahin dunga, kabhi nahi”
Itna sunate hi deepa aur jor se aditya ko lipat jati hai aur rone lagti hain. aur kahti hai “tum bhi apna dhyan rakhna”
Aditya “main to tumhari hi amanat hun is janam men naa sahi fir kabhi
jarur milan hoga”
Naa jane kyun use firse lagata hain wo apne labon ko aditya ke labose firse par ba aakhri baar mahsus karne ko aage badhti hain aur kuchh palon ke liye wo firse kho jati hai. Abki baar aditya use apne se alag karta hai aur niakl padta hai.
Vikram “aditya…”
Aditya “mujhe deepa se nahin karni shaadi”
Vikram ko pata thaa aditya jab ek baar kisi chij ko than le tab uske aage kisika jor nahin chalata wo bhi aage badhta hai. Aditya dekhta hain pichhe to abhhi bhi Pratap apni gun uthaye huye deepa ki taraf dekh raha hai.
Aditya Pratap ke paas jata hai uski gun lko niche karte huye kahta hai “chal ab kuchh nahin rakha apna yahan”
Pratap “nahin aditya deepa ko main le aata hun tere paas dekhta hun
yahan kiski himmat hai jo mujhe rok sake”
Aditya “bas kar pagale ab sab khatam ho gaya” itna kahkar lagbhag use khinchte huye wo Pratap ko apne saath nikal padta hai.

Us room se bahar nikalte huye wo kahta hain



Hum to pahale se tabah the

Humko kyu apna banaya

Ab tumhare baad tanhai ka aalam hai Aur mahboob udasi ko banaya





Aditya aur baki sab bahar jane ke baad room men sirf deepa ke pita

aur dinesh the.

awesome update

 

[mashish]

Apna chashma utarkar ek chhota saa aansu jo ki unke aankhon men aaya thaa wo pochhte hai aur dineh ko dekhkar kahte hai "bechare ne bahut dukh saha hai, aur sabse buri baat ye ki maine uskaa dukh ko kam naa karke ulta uar jyada badhaya hai, aakhir dinesh tumhari dushmani kya hai aditya se aakhir kyu dunia chahe kuchh bhi kahe main aditya ko begunaah maanta hun apne bahan ki jindagi ko narak banane ki jimmedari sirf aur sirf tum par rahegi, mera khuda gawaah hai ki aditya ko maine hameshaa apne bete ke jaisa hi dekha aur wo kahin par bhi mujhe kam nahin dikhayi diya bas ye akele tum ho ki jisko aditya nahin pasand"

Dinesh "to?"

Uncle "bahar jaao unko bulao aditya ki shaadi deepa se karwate hai" Dinesh "par papa itne saare mahmaan aa gaye hai itne sabke saamne hamara majak ban jaayega"

Uncle "mujhe apne majak ki nahin deepa ke pyar ki chinta hai" Dinesh gusse se pair patakataa hua bahar chala jata hai.

Aditya aur sab bahar jate hai aur apni gadi lekar sidhe ghar aa jate hai. Aditya ghar aate hi sidha ghar men bane mini bar par jakar daru ki botal nikal kar apne liye peg banata hai.

Sab log aakar uske paas baith jate hai. Aditya apna jam uthakar uski chuskiyaan leta hai. Jab use samajhta hai ki sab uske pichhe khade hai. To wo kahta hai “Vikram bhaiyya bahut ho gaya ye sab ab main apne past se nahin bhagunga”

Vikram “kya matlab?”

Aditya “apne dushmanonki aur jo hamare kaamon men beech men aate hai unke naam ki ek list banao chaahe chhota ho ya sabse bada” Vikram “karne kya wale ho tum?”

Aditya “wo mujhpar chhod do kuchh dinon men yahan ka karobar

samet kar aata hun” Vikram “kya?”

Aditya “main lunga ab un sab ki khabar kyunki ab suraj Jahagirdar ka

beta maidan men utarne wala hai”

Vikram kuchh kah nahin sakata thaa kyunki use pata tha ki aditya ab apne ghar men dhyan dene wala thaa.







xxxxxx



Kuchh der rukne ke baad Vikram kahata hai “aditya mere saath ghar chalo”

Aditya “nahin kuchh din mujhe yahan rahna hai, yahan kuchh kaam hai”

Vikram “thik hai ab tum to hum men se kisika sunoge nahin”

Aditya firse ek aur peg banakar uski ek sip leta hai aur kahta hai “tumhe der ho rahi hogi, meri fikar mat karna mere saath Pratap hai” Vikram chala jaata hai. Pratap aditya ko khana khaneke liye kaafi manata hai. Aditya kuchh jyada khata nahin. Der raat ko jab abhiman milne aata hai. Aditya to subah se daru pee raha thaa.

Abhiman “are aditya kya kar rahe ho?” Aditya “kuchh nahin ho gayi kya shadi?”

Abhiman “mujhe nahin pata jab tum log chale aaye the tab meri ichha bhi nahin hui wahan rukne ki”

Aditya “chal jaane de” fir kuchh der baad jab abhiman ghar jane ke liye

nikalata hai to aditya aur Pratap bhi bahar nikal aate hai. Aditya ke haath men apne car ki chabi thi. abhiman nikal padte hi aditya turant uske pichhe hi aoni gaadi full speed se nikal kar uske ulti taraf jane lagta hai.

Pratap turant abhiman ko call karke bulata hai wo paas ke turn par hi thaa, wo turant mud kar wapas aata hain aur Pratap uske car men baithkar aditya ki car ke pichhe daud padte hai.

Aditya thaa ki wo highway par ek bar chadh jaakar jaise aaj speed ke saare records todne jaa raha thaa. Pratap “are aaj to kuchh anhoni hogi aisa mujhe lag raha hai”

Abhiman “aisa mat bol yaar”

Udhar aditya apni gadi ka accelerator dabaye hi jaa raha thaa. Gaadi full speed men kai gadiyonko overtake kar rahi thi. achanak ek mod par aditya ko kuchh saaye dikhte hai jara aur paas jaane par use unke sar kate huye lage. Aditya ko ek minute men samajh aaya ki ye kaun hai. Aditya ne jaise taise wo turn maara. Agale turn par bhi wahi, adityane wo turn bhi maara.

Kucch der chalane ke baad aditya ko mod par ek ladki khadi dikhai di jiske kapade khoon se sane huye the. uske sir men baju se goli mari gayi thi, uska khoon bahar aa raha thaa. Aditya ko pata thaa ki ye nilofar hai. Aditya ke haath jaise ruk gaye , aditya wo mod le hi nahin paaya aur gadi jaakar eki ped se takara gayi.

Pichhe se aa rahe Pratap aur abhiman ne ye dekhte hi apni speed slow

kiyi aur aditya ki gadi ke paas apni gadi rok di. Pratap ne driving seat par dekha to aditya ka sir stearing par laga hua thaa aur usmen se khoon nikal raha thaa.

Wo donon use turant hospital le jate hai. Bhale aditya ki jaan bachi ho par wo coma men chala gaya thaa aur wo kab hosh men aayega ye koi bhi nahin bata sakta thaa.



Udhar deepa ke ghar se jab aditya aur Vikram bahar nikale the tab wo us hotel ke manager ne dekh liya thaa, jis hotel ko aditya ne Vikram ko kharidne ke liye kaha thaa. Wo ladke walonki taraf se thaa aur jab usne deepa ko dekha tab to uske pairon tale ki jameen khisak gayi.

Usne sab baat turant ladke ke ghar jaakar bata di. Dulhe ka baap kaise aise ladki se apne beti ki shaadi kara de jo ladki 2 raat ek paraye mard ke saath ek hi room men soyi ho. Unhone kuchh kahna sunanaa thik nahin samajha. Aur usne shaadi tod di.

Aditya hospital men bed par ek binaa jaan wala shareer bane huye pada tha aur deepa apne kamre men roti hui ek murat.

superb update

 

[mashish]

waiting for 2 part