Fantasy The Ring of Light

[Killerpanditji(pandit)]

If I'm not wrong yeh stroy kerala ke aaaspass kee hain... if you relate to the rosebowl channel.... yeh anjali phir aa gayee... har taraf rj's saale anjali hi kyun hote hain... aise koi niyam hain kya gunda log bole toh kaalu, pillu,, raka,saka... same type waisich...

yeh order dene ke liye aise chithhi kaun chhorta hain bhala... wo bhi ek baar mein bhi na de raha hain... lagta hain launda khana achha banata hain baat wahan tak fail gayee.... sach mein yeh ninja hathori paglait hain kya... din mein bhi toh de shakta hain... raat ke ek baje kya gand mein kasam se chul machi hain bhai kee...

goli bhaiya hee akhir kaam aaye... yeh banda pura padhaku type hain bole toh geek.... aisa hi to bolte hain... ab aise gandu logo kee information kaun rakhta hain bhala.... batao laundiya patane kee umar mein sala laundo pe dhyan lagaye hue baitha hain... yahee bande tedha kar lete hain.... achha sorry...

Zabardast update dost

 

[Killerpanditji(pandit)]

UPDATE 3A​

“Han mil gaya...” Goli ke hath mein darwaje ka handle laga toh woh khusi se uchhal pada. Lekin isse pehle ki wo darwaja kholta… Tabhi achanak us andhere kamre mein ek green si light chamkane lagi.



“Ayush… bhai yeh kya hai…” Goli ne Us box se ati huyi light ko dekhte huye kaha. Tabhi wo Light dheere se uper ki taraf uthane lagi. Uska prakash itna jyada tha ki un dono ki ankhein chaundiya uthi.



“Yaar kuchh dikhayi nahi de raha….” Ayush ne ankhon par hath rakh kar light se bachne ki kosish ki par wo use abhi bhi mehsus kar pa raha tha. Thodi der baad wo light thoda kam hone lagi. Ayush ne dheere dheere se apni ankhein kholi.



“oh my god…” Ayush ke munh se bas itna hi nikla. Ek chamchamati huyi Ring uske ankhon ke samne hawa mein tair rahi thi. Goli ne Ayush ki awaj sunkar apni ankhein kholi toh uski bhi fat kar hath mein a gayi.



“bhai… Yeh hai kya… aur yeh hawa mein kaise ud rahi hai…” Goli ko apni ankhon par yakeen hi nahi ho raha tha.



“bhai lagta hai isi ke liye yeh sab ho raha tha… par yeh hai kya…” Ayush ne dheere se apna hath Anguthi ki taraf badhaya.



“Abe ruk…” Goli ne chilla kar Ayush ko roka… “agar kuchh gadbad ho gayi toh… dekh ise chhod aur yahan se bhaag…”



“saale tu itna darta kion hai... aur aisi bhi kya gadbad ho jayegi...” Ayush ne Goli ko daant te huye apna hath age badha kar us Ring ko apni Muthi mein pakad liya...



“Kuchh huya... aise hi sale ki fat ti rehti hai...” Ayush ne Goli ko woh Ring dikhate huye kaha.



“Han yaar... sach mein kuchh bhi nahi huya...” Goli ne khush hote huye kaha.



“kaisi lag rahi hai...” Ayush ne woh Ring apni ungli mein pehan kar Goli ko dikhayi.



“Han achhi lag....” abhi Goli itna hi bola tha ki tabhi usne dekha ki Ayush achanak hawa mein uth gaya aur ek tez raushni ka dhamaka huya.





“Ayush...” Goli chilaya par woh us light ke ander kuchh dekh nahi pa raha tha. Bas use Ayush ke chilane ki ek awaj ayi. Woh ek dum se ghabra gaya aur Ayush ki taraf bhaga.



“Ayush... Ayush...” Ayush ko Goli ki awaj sunayi di par isse pehle wo kuchh bol paata uski ankhon ke samne ek andhera sa chhaa gaya.




“toh tum a hi gaye... Mujhe tumhara hi intezar tha...”



Ayush ke kaanon mein Ek bhaari aur buddhi si awaj padi. Par use kuchh samajh mein nahi a raha tha ki woh hai kahan. Har taraf andhera hi andhera tha. Usne idhar udhar dekha toh use kuchh bhi dikhayi nahi diya.



“Kise dhundh rahe ho... Yahan koi nahi milega... bas tum aur main...” us Awaj ne fir se Ayush ko bola.



“Par tum ho kon... aur main kahan hun...” Ayush ne us awaj se puchha...



“main kon hun... is baat ka koi mahatav nahi hai... Lekin tum wahin ho.... Yahan tumhe hona chahiye... Apne antarman mein...” us awaj ne utar diya.



“Lekin mujhe yahan kion hona chahiye. Kya main mar chuka hun....” Ayush ne swaal kiya..



“nahi bache... tum abhi bhi jinda ho... aur antarman murdon ke nahi huya karte...” awaj ne utar diya.



“Lekin tum kya chahte ho mujhse...” Ayusb bola.



“kuchh nahi... Tumhare paas filhal toh aisa kuchh nahi hai... jo tum mujhe de sako... aur main yahan kuchh lene nahi... dene aya hun...” Awaj ne utar diya.



“Lekin mujhe kuchh nahi chahiye... Mujhe bas yahan se bahar nikalo...” Ayush ne kaha.



“yahi toh Manushya ki samasya hai ki woh kabhi apne man ke bheetar jhank kar nahi dekhna chahta....” Awaj ne utar diya.



“Mujhe nahi pata tum kya chahte ho... par plz mujhe yahan nahi rehna... Mujhe kuchh samajh mein nahi a raha...” Ayush ne haath jod kar kaha.



“mera kaam tumhe pareshan karna nahi hai... bas itna kehna chahta hun ki apne ap ko pehchano... tumhari jarurat hai sab ko... “ awaj ne kaha.



“kisko jarurat hai meri.... aur apne ap ko pehchanne se kya matlab hai tumhara...” Ayush ne puchha...



Par samne se koi jawab nahi aya... Ayush ne apna swaal dohraya par fir se koi utar nahi...



“Ayush... ayush..” Goli ki awaj uske kaanon mein padi toh Ayush ek dum se uth kar baith gaya...



“Kya huya... kahan hun main...” Ayush ne idhar udhar dekha toh usne khud ko apne bed par paya. Goli uske bagal mein baitha tha...



“hashh... sale dara diya tha mujhe... behanchod nikal is ring ko abhi...” Goli ne gusse mein chillate huye woh Ring nikal kar window se bahar fenk di.



“Kya huya... Tu itna gusse mein kion hai...” Ayush ne Goli se puchha...



“pata nahi... Tu achanak behosh ho gaya tha... Maine bola tha na tere ko ki woh ghatiya ring mat pehan...” Goli ne use daant te huye kaha.



“Han theek hai bhai... nahi pehanunga... ab tu shant hoja...” Ayush ne Goli se kaha.



“Han theek hai... Tu yahin aram kar main paani lekar aya...” Goli wahan se uth kar bahar chala gaya aur Ayush abhi bhi us sapne ke bare mein soch raha tha.



“kya woh sapna hi tha... yah fir sach mein aisa huya... main behosh kaise ho gaya...” Ayush apne bed se utha aur window ke bahar dekhne laga. Use woh Ring kahin bhi dikhayi nahi di.



“Lagta hai Goli sahi hi keh raha hai... Mujhe usse dur hi rehna chahiye...” Ayush ne man mein hi socha aur wapis akar bed par baith gaya.



“yeh le bhai paani pee le..” Goli ne paani ka gilas Ayush ko dete huye kaha.



Ayush ne jaise hi paani lene ke liye hath badhaya toh uska dhyan apni ungli mein Anguthi par gaya. Isse pehle ke Goli use dekh pata usne dusre hath se paani le liya aur woh wala hath blanket ke ander chhipa liya.

Nice update bro

 

[Killerpanditji(pandit)]

UPDATE 4​

“Raka… Jara mujhe Wo wali kitab dena..” Elvis ne ek kitab ki aur ishara karte huye kaha. Raka ne bina kuchh bole wo kitab utha kar Elvis ko de di aur wapis se apni jagah par khada ho gaya.



“Shukriya... Raka tumne kahin Sheena ko dekha hai?” Elvis ne wo kitab lete huye kaha.



“Nahi...” Raka ne bas itna hi bola.



“Pata nahi maine bhi use pichhle kuchh dinon se jyada dekha nahi hai... achha hi hai... Vaise bhi uski suyi hamesha ek hi baat pe atki rehti hai...” Elvis ne bola aur fir Kitab khol kar use padhna shuru kar diya. Usne apne Bade se kanon par apna chashmah achhe se set kiya aur kitab ke panne palatne laga. Raka bas wahin chup chap sa khada raha.



“Elvis.... Elvissss...” Sheena jor jor se darwaja peet te huye Elvis ko awaj dene lagi.



“offoo... Raka ise bolo ki baad mein aye... Abhi main thoda vyasat hun...” Elvis ne khijhte huye kaha. Raka uski baat sunte hi Darwaje ki taraf chal pada. Usne Darwaja khola toh Sheena bahar gusse se vyakul khadi thi.



“Wo pagal Buddha kahan hai...” Sheena ne sawa saat feet lambe Raka ki ankhon mein ankhein daalne ke liye apni mundi uper utha rakhi thi.



“padh raha hai...” Raka ne apni bhari awaj mein jawab diya.



“Side hato... Mujhe usse baat karni hai...” Sheena ne Raka ko dhakka dena ki kosish ki par wo pahad apni jagah se hila tak nahi.



“mana kiya hai..” Raka ne fir se apni bhari si awaj mein lekin shanti se kaha.



“Mujhe usse farak nahi padta... woh yahan ka Maharaj nahi hai...” Sheena ne gusse mein chillate huye kaha.



Lekin Raka ne bina koi jawab diye Darwaja band kar diya.



“Elvis.... bujhdil kahin ke... dum hai toh khud mere samne ao... Raka ke peeche kion chhipe baithe ho...” Sheena gusse se Darwaja peet te huye boli.



“ Raka maine tumhe bola tha na ki ise yahan se bhagao...” Elvis apni book side mein patakte huye bola.



“bola tha...” Raka ne shanti se jawab diya aur apni jagah par khada ho gaya.



“oye buddhe.... Darwaja khol...” Sheena fir se chillate huye boli.



“hey ETHAN... Yeh kinse pala pada hai...” Elvis ne Uper dekhte huye kaha aur uth kar Darwaja kholne chala gaya.



“Han bolo... kya samasya hai...” Elvis ne Darwaja kholte hi Sheena se rukha sa sawal kiya.



Lekin Sheena ke irade kuchh aur hi the... Usne Elvis ko uski Garden se pakda aur 2 feet hawa mein uper utha liya.



“Raa...... rak......” Elvis Raka ko awaj dete huye Hawa mein tangein chalane laga. Uski ankhein ulti hone lagi aur sansein bhari. Use uska kaal Sheena ki gusse bhari ankhon mein saaf dikhayi de raha tha. Par tabhi Raka ne ek jordar Ghunsa Sheena ke chehre par de mara.



“ahhhh...” jor se chilate huye Sheena Darwaje ke bahar jakar giri aur pakad dheeli padte hi Elvis bhi jameen par gir gaya.



“Baune.... tujhe toh mein chhodungi nahi...” Sheena jameen se uthte hi dobara Elvis ki taraf lapki...





“Rakaaaa" Elvis kisi bache ki tarah Rote huye chilaya. Isse pehle ki Sheena Elvis ko dobara daboch paati Raka ne beech bachav karte huye Sheena ko kamar se pakad kar hawa mein utha liya.



“Mote chhodd mujhe... nahi toh tujhe bhi is buddhe ke saath yahi gaad dungi...” Sheena ne peeche ki taraf Raka ko laat maarte huye kaha. Par use is sab se koi farak nahi pada aur woh kisi gudiya ki tarah Sheena ko pakde khada raha.



“Eh ladki... Tu pagal ho gayi hai kya...” Elvis ne jameen se uth kar apni garden ko sehlate huye kaha. Uski buddhi garden par Sheena ki unglion ke nishan saaf dikhayi de rahe the.



“han ho gayi hun main pagal... aur iski wajah ho tum... tumhe kisne haq diya ki Tumne Galmor ki kismat ek bache ke hath mein de di...jis Ring ke liye mere pita ji ne apni jaan ka balidaan diya woh tumne ek Highschool ke aam se balak ko thama di... tum sathiya gaye ho Elvis... tum jee jee kar ak chuke ho isliye ab Galmor ke logon ki zindagi ke sath khel rahe ho...” Sheena ne gusse mein chillate huya Elvis ki khub li. Par Elvis ko jaise usse koi lena dena hi na ho.



“Ho gaya... jo bolna tha bol liya... ab ek baat tum kaan khol kar sun lo... Yeh mat bhulo ki maine Galmor aur yahan ke logon ke liye bahut bade bade faisle kiye hain... Tumhare baap ne jo bhi kiya wo uska farz tha... aur maine jo kiya wo mera... ab tumhara farz yeh hai ki jab tak wo bacha puri tarah se tyar nahi ho jata... tab tak tum uski raksha karogi...” Elvis ne jameen se utha kar apna chashmah dobara se apne Bade bade kanon par tika liya.



“raksha... tum chahte ho ki Galmor ki sabse takatbar yodha us bache ki raksha kare... tum sach mein hil gaye ho kya...” Sheena ne hairan hote huye kaha.



“pehle toh tumhe apne se 1332 saal bade, Galmor ke sabse budhimaan shakas aur maujuda Supreme se baat karni seekhni chahiye... dusri baat tum galmor ki sabse takatbar yodha nahi ho... shayad tum uper ke 100 mein bhi nahi ati... teesri aur sabse jaruri baat ki tum wahi karogi jo main kahunga... kionk Galmor Knights mein kis kis naye yodha ko jagah milegi uska faisla jis Baithak mein hoga usko lead main karne wala hun...” Akhri baat kehte huye Elvis ke chehre par ek vijayi muskan thi aur Sheena bas apne daant pees kar reh gayi. “Raka... chhod do ise...” Elvis ne Raka se kaha aur wapis jakar apne reading table par baith gaya.



Raka ne Sheena ko jaise hi chhoda wo gusse mein apne pair patakte huye library se bahar chal padi..



“han ek baat aur...” Elvis ki awaj sun kar Sheena wahin ruk gayi “Ayush ke ring pehante hi Nazim bhi uske peeche pad jayega toh tum jaldi se jaldi wahan pahunch kar uski raksha karo...” Elvis ne Sheena ko adesh dete huye kaha.



“Ji... SUPREME...” Sheena ne gussa dil mein daba kar Elvis ko jhuk kar salam kiya aur wahan se nikal gayi.



“Raka... ispar nazar rakhna...” Sheena ke jate hi Elvis ne dheemi awaj mein Raka se kaha aur wapis se apni book padhne laga.




“Khul ja sim sim.....abra ka dabra....gili gili apa... iski maa ki choot... kuchh ho kion nahi raha...” Ayush ne gusse mein Ring ko utar kar jameen par fenka aur agle ki chhan woh Ring fir se uski ungli mein thi...



“Ahhhhh.... kya karun main iska....” Ayush gusse se chilaya. Tabhi achanak uske room ka darwaja khula aur uski mom bhaag kar uske paas ayi.



“kya huya baby... tum achanak se chilaye kion...” Madhu ne usko apne alingan mein lete huye kaha.



“Kuchh nahi mom... bas woh main bas... halka sa cramp tha pair mein...” Ayush ne apna Ring wala hath takiye ke neeche chhipate huye kaha.



“Lao dikhao mujhe...” Madhu ne Blanket ke ander se hi Ayush ke pair ko pakad kar sehlana shuru kiya...



“are mom...kya kar rahi hain ap yeh...” Ayush ne apni mom ka hath apne pair se hatane ki kosish ki.



“Baby... let me do it.... Chup chap baithe raho...” Madhu ne Ayush ko daant te huye kaha. Usne uska pair sehlana jaari rakha aur usse idhar udhar ki batein karne lagi. Ayush ek pal ke liye apni saari tension bhul gaya aur batein karte karte kab so gaya use pata hi nahi chala.



“love you beta...” Madhu ne Ayush ko sota huya dekh uske mathe pe halki si kiss ki aur light band karke halke kadmon se uske room se bahar chali gayi.




“Good Morning Rosebowl. Main hun apki apni Anjali. Aur ap sun rahe hain Rosebowl Radio. Apki mast subah ko aur mast banane ke liye suniye ek tadkata fadkata gaana.”



“o mere sapnon ki raani kab ayegi tu..

Ayi rut mastani kab ayegi tu…

Biti jaye jindgani kab ayegi tu…

Chali Aaa o chali Aaa…”



Gaane ki dhun par jhumte huye Ayush roz ki tarah nashta bana raha tha. Tabhi achanak se knife uske hath se gir gaya.



“EEEEE….” Apna pair bachane ke liye who halka sa peeche ki taraf kuda.



“Hashhh… bach...” abhi Ayush itna hi bola tha ki agle hi pal uski goti munh mein gayi. Kionk woh halka sa kudne bhar se kareeb 7 feet dur kitchen ki entrance tak pahunch gaya. Usne apne hath ki taraf dekha toh uski Ring halka sa chamak rahi thi.



“what the fuck.... Yeh kya tha...” usne double check karne ke liye ek chalang samne ki taraf laga di. Lekin force thoda jyada hone ki wajah se wo seedha sink mein jakar gira.



“ahhhh... fut gayi gaand... but i like it man...” Ayush apni is nayi kabliyat ko dekhkar halka sa muskurate huye bola.



“hahaha... tum kya bander ki tarah wahan chadhe baithe ho...” Madhu kitchen ke darwaje par khadi Ayush ki halat par hanse ja rahi thi.



“Kuchh nahi mom... bas thoda balance bigad gaya...” Ayush ne thoda darte huye bola aur apni ring wala hath peeche chhipa liya.



“Han par tum wahan pahunche kaise...” Madhu ne thoda hairan hokar puchha.



“woh main... main...actually main wo wala dibba utarne ke liye counter par chadha aur itne mein balance bigad gaya toh...” Ayush ne kisi tarah ek theek thaak sa jhuth bana hi liya.



“achha theek hai par ab wahin baithe rehna hai ki bahar bhi niklo ge.” Madhu ne muskurate huye kaha.



“han bas ap bahar wait kariye main abhi khana lekar aya....” Ayush ne Sink se bahar nikalte huye kaha. Madhu bahar jakar dinning table par baith gayi aur fir un dono ne milkar nashta kiya.



“ok baby bye... have fun...” Madhu ne Darwaje ke bahar jate huye Ayush se kaha.



“ok mom.. see you...” Ayush ne Madhu ke jane ke baad Darwaja band kiya... “han ab Fun toh jarur hoga" usne us anguthi ki taraf dekhte huye ek smile ki aur phone nikal kar Goli ko call mila diya.

Awesome update

 

[Killerpanditji(pandit)]

UPDATE 5​

“Abe tu sach bol raha hai kya?” Goli ne Hairan hote huye puchha.



“Han yaar… main bhala jhuth kion bolunga… Yeh dekh…” Ayush ne ek chalang lagakar Goli ko dikhaya.



“Wow… Toh iska matlab yeh Ring magical hai…” Goli ne Ayush ki ungli mein pehni huyi Ring ki taraf dekhte huye kaha.



“Han… lag toh aisa hi raha hai… but mujhe nahi lagta ki yeh sirf yahin tak Limited hai…” Ayush ne Goli se kaha.



“Kya matlab… main kuchh samjha nahi…” Goli ne Ayush se kaha.



“mujhe lagta hai ki main sirf kudne ki bajaye aur bhi bahut kuchh kar sakta hun… Mujhe nahi pata kya par dekhna jarur chahunga ki is Ring mein aur kya khasiyat hai.” Ayush ne kaha.



“Dekh tera Idea achha hai but mujhe nahi lagta ki yeh karna sahi rahega… agar kuchh gadbad ho gayi toh khamkha lene ke dene pad jayega…” Goli ne jawab diya.



“yaar tu itna darta kion hai… aur vaise bhi jisne bhi mujhe yeh bheji hai... Mujhe yunh circus ke bander ki tarah kudte huye toh nahi dekhna chahta hoga...” Ayush ne kaha.



Ayush ki baat sunkar Goli thoda soch mein pad gaya. Wo sofa se uth kar idhar udhar chakkar kaatne laga aur Ayush use side mein khada dekh raha tha.



“ab tu kya chakkar kaat raha hai...baith ke baat kar na...” Ayush ne kaha.



“Pata nahi yaar... but mujhe kuchh theek nahi lag raha... BTW agar tu yeh chutiyapa karna hi chahta hai toh its better ki main tere saath rahun...” Goli ne kaha. Ayush ne uski baat sunkar kar khush hote huye use gale laga liya.



“ab yeh huyi na mere best friend wali baat...” Ayush ne uske kandhe par hath rakh kar kaha.



“Han theek hai jyada maska mat maar... chal bol kahan jakar gaand marani hai...” Goli bola.



“Pata nahi.... par koi aisi jagah yahan koi aur na ho...” Ayush ne kaha.



“ab aisi konsi jagah hai... behanchod Jungle mein chale jayein kya?” Goli bola.



“Tera Idea bura nahi hai but Jungle kuchh jyada hi ho jayega... par uske aas paas mere dimag mein ek jagah hai...” Ayush ne kaha aur muskurate huye Goli ki taraf dekha.



“behanchod tu kahin Uphill park ki baat toh nahi kar raha na... dekh main tere sath jahnum tak ja sakta hun but wahan nahi...” Goli ne saaf mana karte huye bola.



“bhai dekh mana mat kar... ab agar humein experiment karna hi hai toh wahin chalte hain na... wahan koi nahi hoga....” Ayush ne Goli ko manane ki kosish ki.



“Abe sale... wahan koi nahi jata uske peeche bhi toh koi wajah hogi na... behanchod jitni chadhayi chadh kar banda wahan tak jayega utne mein chaand ke teen chakkar lag jayein... bhai dekh chahe tu mujhe pure duniya jahan ki daulat dede toh bhi main wahan nahi jaunga... matlab nahi jaunga...” Goli ne puri tarah se baat ko nakaar diya. Aur Ayush bhi uske bina hi bahar ki taraf chal pada. Goli usko kuchh bolta usse pehle woh darwaje ke bahar chala gaya.



“Mat ja sale... main akele hi ja raha hun tu bas jaate huye darwaja lock kar jana...” Ayush bina Goli ki taraf dekhe ghar se bahar nikal gaya. Usne apna cycle uthaya aur fencing ka gate kholke north ki taraf chal pada.



“Abe dheere chal bhai… mujhe bhi ane de… behanchod khud toh marega… Mujhe bhi marwayega kisi din…” peeche se Goli ki awaj ayi toh Ayush ne peeche mud kar dekha.



“behanchod tu toh bol raha tha ki jahan ki puri daulat bhi tujhe dedun toh bhi tu nahi ayega… ab kya huya…” Ayush ne gusse mein kaha.



“han nhi ata sale… but tere jaise gadhe se dosti ki hai toh marwani toh padegi na… aur vaise bhi agar tujhe kuchh ho gaya toh main yahan kya karunga… toh socha tere sath main bhi parlok sidhar leta hun…” Goli hanste huye bola.



“Behanchod tu bhi na bade darame karne laga. Sale itna bhi kuchh dur nahi hai… Thodi himmat se kaam le.. dekh do minute mein pahunch jayenge…” Ayush Goli ko hausla dete huye bola. Samne se Goli ne ek smile pass ki par uske peeche ke dard ko sirf Goli ki janta tha. Kionk uske mutabik aj woh dono stretcher ke bina ghar nahi ane wale the.



Pure ek ghante ke baad woh dono hill street par apne cycle khinchte huye ja rahe the. Tirchi chadhayi wali yeh chhoti si pavement seedhi park tak jaati thi. Ek taraf sirf jungle tha aur dusri taraf ek gehri khayi jo ki ek Lohe ki unchi railing se protected thi.



“bas bhai main thak gaya hun yaar… aur nahi hota…” Goli chalna band karke wahin ruk gaya. Aur uper jaate huye us antheen raaste hi taraf dekhne laga.



“Abe himmat kion haar raha hai… bas thodi dur aur hai… Tu bas dheere dheere chalta reh…” Ayush ne kaha.



“are bhai dekh tu toh bander ki tarah kud sakta hai na toh hum cycle se kion ja rahe hain.... Yaar kudte huye pahunch ja na wahan par...” Goli jameen par baithte huye bola.



“mote uthja yaar... faaltu time kion kharab kar raha hai...” Ayush ne Goli ko kheenchne ki kosish ki par woh khud bhi thoda thak chuka tha aur wahin uske bagal mein baith gaya. “sorry yaar...”



“kion kya huya...” Goli ne Hairani se puchha..



“Kuchh nahi... soch raha hun ki wapis chalte hain... actually humein ana hi nahi chahiye tha... behanchod mujhe toh yeh samajh mein nahi a raha ki yeh park yahan banayi hi kion... jab koi pahunch hi nahi sakta...” Ayush ne chidhte huye bola.



“Shukar hai... tumhe der se hi sahi par akal toh ayi... behanchod faltu mein meri gaand faad di... saale hamesha overexcited hone se kuchh nahi hota... Thoda dhyan se socha kar...” Goli ne Muskurate huye kaha.



“Sorry yaar... Abhi thodi der baith ke wapis chalte hain...” dono wahin baith kar thoda aram karne lage.



“vaise tujhe pata hai... meri mummy kehti hain ki yeh park kisi alien ne banayi thi aur wahan se sunset bahut khubsurat dikhta hai...” Goli ne kaha.



“Han behanchod koi insaan toh aisa kaand kar nahi sakta... behanchod jitni uper tak yeh rasta jata hai aadmi khud hi suraj ke paas pahunch jata hoga...” Ayush haste huye bola.



“Sahi kaha.... Yeh le cold drink pee aur chill kar...” Goli ne apne bag se Cold drink ke do Cans nikal kar ek Ayush ko de diya aur dono use peete huye batein karne lage.



“Chal abhi wapis chalte hain...” Thoda aram karne ke baad Ayush ne Goli se kaha aur woh dono apne cycle lekar wapis chal pade. Woh dono dheere dheere batein karte huye chale ja rahe the. Andhera hone laga tha aur age chal kar rasta dono taraf se pedon se ghira huya tha.



“Abe tune koi awaj suni kya...” Goli ne thoda ruk kar Ayush se kaha.



“Nahi... Maine toh kuchh nahi suna...” Ayush ne jawab diya aur dono fir se chalne lage. Par thodi der baad jhadion mein se kisi ke chalne ki awaj ayi aur is baar Ayush bhi ruk gaya.



“tu isi awaj ki baat kar raha tha...” Ayush ne Goli se puchha.



“han... is baar tune bhi suna na...” Goli ne thoda darte huye kaha.



“han yaar... lagta hai koi hai yahan par...” Ayush ne kaha.



“ab kya karein...” Goli buri tarah se ghabra gaya.



“karna kya hai bas jaldi jaldi chalta reh... Thodi age chal kar hum sehar mein pahunch jayenge...” Ayush ne Goli se kaha aur dono Cycle par baith kar use jitni tez ho sake bhagane lage. Abhi dono thodi dur hi pahunche the ki achanak unke raaste mein ek aadmi akar khada ho gaya aur woh dono achanak se ruk gaye..Pata nahi aadmi tha bhi yah kuchh aur... par andhere mein kisi insaan jaisa hi lag raha tha.



“bhai... Yeh toh apni taraf hi a raha hai...” Goli ne darte huye Ayush se kaha. Uska dar ke mare gala sukhe ja raha tha.



“Kon ho bhai... raaste se hato aur humein jane do...” Ayush ne Chila kar usse kaha aur tabhi use apne peeche se kisi ke ane ki awaj ayi. Usne peeche palat kar dekha toh udhar se bhi koi unki taraf chala a raha tha. Ab Ayush bhi thoda ghabra gaya. Tabhi samne se aa raha shakas unke kareeb pahunch gaya. Usne apni bagal se talwar nikali aur seedha Ayush ki taraf taan di.



“Lao bache ring mujhe dedo aur chup chap ghar chale jao...” un aadmi ne Ayush se kaha.



“Kon ho tum... Aur kis ring ki baat kar rahe ho... mere paas koi ring nahi hai...” Ayush ne Anjaan banne ka natak kiya.



“achha toh tumhare hath mein kya hai...” usne Ayush ke hath ki taraf ishara karte huye kaha aur woh Ayush ki taraf badhne laga. Isse pehle ke woh Ayush ke paas ata Usne ek jor ki chalang lagayi aur us aadmi ke uper se kudne ki sochi. Lekin isse pehle ki woh aisa kar pata us aadmi ne use hawa mein hi dhar dabocha. Usne Ayush ko kisi khilone ki taraf patak kar jameen par fenka.



“ahhhhhh....” Ayush jor se chilaya aur neend se uth gaya. Usne dekha toh woh abhi apne kamre mein aram se so raha tha. Usne jaldi se apne phone ko utha kar dekha toh abhi tak raat hi thi.



“behanchod... main bas sapna dekh raha tha... matlab woh subah subah unchi chalang lagana aur fir woh Goli ke sath... Yeh sab sapna tha...” Ayush paseene se tar neeche hi jameen par baitha tha. Use kuchh samajh mein nahi a raha tha.



“kya huya bache... neend se uth gaye kya...” Ayush ko fir se wahin awaj sunayi di jo Ayush ne Ring pehnne ke baad suni thi. Magar is baar woh hosh mein tha aur abhi abhi gaand faad sapna dekh ke hata tha.



“kon ho tum... kya chahte ho mujhse...” Ayush ne gusse se chilate huye kaha.



“tum ne kya socha tha ki Yeh Ring tumhe kisi superhero mein badal degi.... aur superhero bhi kahan... bander kehna jyada sahi rahega...” us Awaj ne hanste huye kaha.



“Tumhe kaise pata ki main kya sapna dekh raha tha... aur tum ho kon aur mere peeche kion pade ho...” Ayush ne puchha.



“mujhe kaise pata usse koi farak nahi padta... Magar tumhe pata hona chahiye ki yeh Ring koi inaam nahi hai... Yeh ek jimmedari hai... agar tumhe lagta hai ki yeh Tumhein isi liye di gayi hai ki isse tumhe shakti milegi toh tum galat ho... Yeh tumhe di gayi hai taki tum iski raksha kar sako...”



“Tum kon ho... kya bol rahe ho... Mujhe kuchh nahi pata... aur mujhe yeh Ring Nahi chahiye... ise kisi aur ko dedo bhai... main bas ek normal sa High school ka bacha hun... Mujhe wahi rehne do... agar meri mom ko iske bare mein pata chala toh unhone alag se meri class lagani hai... aur yaar main koi fighter nahi hun jo main iski raksha karun...” Ayush ne kaha.



“Vaise tum kon ho yeh toh shayad tumhe pata hi nahi hai... par maaf karna yeh Ring ab tumhare paas hi rahegi... matlab kam se kam jab tak tum mar nahi jate tab tak toh rahegi hi... Abhi aram se so jao subah baat karte hain...”



“mar nahi jate... kya matlab... behanchod kon ho tum...” Ayush gusse mein bola par samne se koi utar nahi aya. Usne thoda intezar kiya par koi jawab na milne par woh jameen se khada huya aur apne hath mein pehni Ring ki taraf dekhne laga. Usne kuchh socha aur fir Jor se chalang lagayi par woh Normal hi thi. Uska woh “monkey Jump” bas sapne tak hi simit reh gaya.



“Behanchod jaadu ke naam pe Scam ho gaya... gaand maraye iski Ring aur uski Raksha... saale ne chaukidaar samajh rakha hai kya...” Ayush ne Ring utar kar Khidki se bahar fenki aur rajayi lekar let gaya. Par agle hi pal woh Ring fir se uski ungli mein thi. “han behanchod tu meri hi gaand mein ghus bas...”

Nice update bro

 

[Killerpanditji(pandit)]

UPDATE 6​

“Hey mom… thanks for the last night…” Ayush ne kitchen se bahar nikalte huye Madhu se kaha.



“Are wah… Aajkal kuchh naya market mein aya hai kya... ki jab koi mom apne bache ko sulaye toh use thanks bolna padega… hamare time toh aisa kuchh tha nahi…” Madhu halka sa taunt marte huye Ayush ko khana table par lagane mein help karne lagi.



“Sorry…” Ayush bas halka sa hans diya aur agle hi pal wo fir se Ring ke bare mein sochne laga.



“Kya huya Ayush… kuchh pareshan se lag rahe ho...” Madhu ne Ayush se puchha.



“Kuchh nahi mom… bas aise hi… ap khana khaiye… nahi toh kaam ke liye late ho jayega…” Ayush ne apni najrein churate huye khana parosna shuru kiya.



“I know ki ab tum bade ho gaye ho… but you can still talk to me about anything… shayad ek bete ki tarah na sahi toh ek dost ki tarah hi sahi… kuchh bhi matlab kuchh bhi… including that new Ring in your finger…” Madhu ne halka sa muskurate huye kaha.



“no mom… its not a relationship ring… Yeh bas aise hi kisi ne sambhalne ke liye di hai… Maine bola ki mujhse nahi hoga… but he said ki tumhe hi rakhni padegi...” Ayush ne khane ka niwala lete huye kaha.



“Toh fir problem kya hai... rakhlo kuchh din... Vaise kafi kimti lag rahi hai... shayad jisne bhi di hai tum par kuchh jayada hi trust karta hai...”Madhu ne Ayush ki ankhon mein dekhne ki kosish ki par usne apni najrein churate huye apna khana jaari rakha.



“It’s not like that mom... main ek aisi cheez ko sambhal kar kaise rakh sakta hun jiske bare mein mujhe kuchh bhi pata hi nahi hai... jo cheez mere liye mayne hi nahi rakhti uske liye itna jhanjhat hi kion lena...” Ayush ne himmat karke apni ankhein utha kar kaha. Woh bas kisi tarah apne dil ki baat kisi se kehna chahta tha aur is kaam ke liye uski maa se better kon ho sakta tha.



“dekho beta I don’t know ki actually chal kya raha hai.... but mujhe yeh jarur pata hai ki if you want to do something you can do anything aur agar koi itna hi chahta hai ki tum iska khyal rakho toh ek baar iske peeche hi wajah samajh lo... kya pata tum bhi wahi socho jo woh soch raha hai...” Madhu ne bade aram se Ayush ko kaha.



“i think you are right mom...” Ayush ne apna khana jaari rakha. Iske baad wahan ek ajeeb si shanti fail gayi shayad dono hi apne vicharon mein kahin kho se gaye. Nashta khatam hote hi Madhu ne Ayush ko bye kaha aur apne office ke liye nikal gayi.




“Abe sale tune abhi tak bataya nahi ki tumne yeh Ring utari kion nahi...” Goli ne dheemi si awaj mein fusfusate huye Ayush se puchha.



“yaar class ke baad baat nahi kar sakte kya...” Ayush ne bhi fusfusate huye jawab diya.



“subah se puchh raha hun tujhse... ab hamare beech mein secrets kab se ane lage...” Goli ne fir se fusfusate huye par gusse mein kaha.



“Can I ask... what is going on there... hmm... Mr. Jain...” teacher ne Chilate huye kaha.



“nothing miss Nandini... we were just talking about the equation...” Ayush ne jawab diya.



“Ohh... great... i think ki tum hi aj yeh Equation solve kar sakte ho... i will be more than happy to give you a chance...” Nandini ne Ayush ko ghurte huye kaha.



“actually main woh... main toh bas bol hi raha tha ki Miss Nandini is so intelligent and ap kaise sabhi problems chutkion mein solve kar sakti hain... haina Goli....” Ayush ne Goli ko ghurte huye kaha.



“yeah... Ayush sahi bol raha hai... miss ap hi padhaiye na please abhi hum chup chap baith kar samjhenge pakka...” Goli ne request karte huye kaha.



“Ok... i know ki tum log achhe students ho but koi bhi baat karni ho toh bahar jakar kiya karo... now i hope ki tum log samajh gaye honge... Mr. Jain...” Nandini ne kaha.



“Yeah miss... ofcourse we get it...” Ayush me halki si smile ke sath kaha aur Nandini ne palat kar wapis se padhana shuru kar diya.



“Abhi chup chap baitha reh... class ke baad baat karte hain...” Ayush ne fir se fusfusate huye Goli se gusse mein kaha aur apni note book ki taraf dekhne laga. Is baar Goli bhi Nandini ke dar ki wajah se chup hi raha.




“toh tu kehna chahta hai ki ab yeh Ring tu kabhi nahi utaar sakta...” Goli ne Ayush ki puri baat sunne ke baad dheemi awaj mein kaha.



“Han... Kam se kam jab tak main Zinda hun... Aisa us Awaj wale buddhe ne kaha...” Ayush ne mayus hote huye kaha.



“Yaar tu tension mat le... hum koi na koi hal nikal lenge... Isse chutkara paane ke liye...” Goli ne Ayush ke kandhe par haath rakhte huye kaha “i am with you buddy...”




“Yeh Sheena ke bare mein kuchh pata chala?” Elvis ne Raka se puchha.



“Nahi…” Raka ne apne usi Straight forward andaz mein jawab diya.



“Mujhe pakka yakeen hai ki yeh ladki kuchh na kuchh gadbad jarur karegi…” Elvis ne chinta bhare andaz mein kaha aur ek lambi saans chhodi.




Sheena Jhadion ke peeche se chhip kar Ayush aur Goli ki batein sun rahi thi. Jaise hi Ayush ne Goli ko awaj ke bare mein bataya toh uski ankhein gusse se laal hone lagin. Uske baad Ayush ka us Ring se peecha chhudwane ka plan. Yeh Sab Sheena ke liye us cheez ka bada apmaan tha jiske liye uske baap ne apni jaan tak de di. Usse bhi jyada ek aise ladke ke hath pure galmor ki chabi de dena jise na toh Galmor aur na hi Galmor ke logon se koi Lena dena tha. Yeh sab batein Sheena ke ander ke gusse aur nafrat ko aur bhi badhawa de raha tha.



“Goli… tune koi awaj suni…” Ayush ne Goli se puchha. Ayush ki baat sunte hi Sheena starak ho kar jhadion ke peeche achhe se chhip gayi.



“kaisi awaj…” Goli ne dhyan se sunne ki try ki.



“kuchh nahi… shayad koi galatfehmi huyi hogi…” Ayush ne us awaj ko Ignore karte huye age chalna hi theek samjha.



“chal theek hai fir… tera ghar a gaya… kal ko milte hain…” Goli ne Ayush ke ghar ke samne pahunch kar kaha.



“Han theek hai… ok bye…” Ayush ne Fence ka gate khola aur ander chala gaya.



“tension mat lena hum koi na koi raasta dhundh hi lenge…” Goli jate jate hi chilaya . Ayush ne bas usko samne se hath dikhate huye bye kiya aur apne ghar ke ander chala gya. Udhar Sheena kisi bhukhi sherni ki tarah apni ankhein gadaye Ayush ko dekhti rahi jab tak ki wo ander nahi chala gaya.

Excellent update

 

[Killerpanditji(pandit)]

UPDATE 7​

Raat ke 11 baj rahe the aur Ayush abhi bhi apne kamre mein Ring ke bare mein sochte huye pareshan sa ghum raha tha.



“Akhir main hi kion…. Aur yeh awaj wala Buddha kabhi mujhe sahi jawab bhi toh nahi deta…” Ayush pareshan sa apne room mein idhar se udhar ghum raha tha. Use kuchh samajh mein nahi a raha tha ki wo kare toh kare kya.



“Kya huya bache… kuchh pareshan sa lag rahe ho aaj…” Ayush ke kanon mein ek baar fir se wahi awaj padi.



“Aiye sir… ap hi ka intezar tha… Abhi toh kam pareshan tha toh aap uski kami puri kar dijiye….” Ayush ne chidhte huye kaha.



“bache… Tum khamkha hi mujh par ilzaam laga rahe ho… Maine kabhi tumhe ulta jawab nahi diya… Balki hamesha tum hi galat sawal puchh te ho…” awaj ne kaha.



“achha… toh fir mujhe sabse pehle batao ki tum kon ho…” Ayush ne puchha.



“Ek baar fir se galat sawal… bache tumhe sabse pehle toh sawal karna seekhna hoga uske baad hi main tumhari koi madad kar paunga…” us Awaj ne kaha.



“Par ab Ismein kya galat… seedha sa toh sawal puchha….” Ayush ne kaha.



“han sawal seedha toh hai… par tumhare kaam ka nahi hai… tumhe yeh janne se koi fayada nahi hoga ki main kon hun... aur faltu sawalon ke jawab dena meri aadat nahi hai...” Awaj ne kaha.



“achha toh fir aur kya puchhun main tumse... tum khud hi bata do na...” Ayush ne gusse se kaha.



“ek baar Phir se galat sawal bache.... Abhi time nahi hai baad mein baat karta hun... shayad tab tak tum kuchh kaam ka sawal dhundh kar rakho....” Awaj ne kaha.



“ek mint... hlo... oo chacha... behanchod kaha gaya yeh Buddha...” Ayush ne us awaj se baat karne ki kosish ki par koi jawab nahi mila... “ behanchod is buddhe ke nakhre bahut hain... Samne aa jaye toh gaand mein chhata khol dunga...”



Tabhi Ayush ko peeche se awaj ayi jaise koi uske kamre ki khidki kholne ki try kar raha ho. Ayush ne jaldi se palat kar dekha aur tabhi achanak uske sir se kuchh takraya aur ek jordar dard ke sath uske ankhon ke samne halka sa andhera ane laga. Usne apne sir ko pakde huye palat kar peeche ki taraf dekhna chaha par tab tak uski ankhein puri tarah se band ho chuki thin.




“Lord Darzaal... main woh Ring jald hi hasil kar lunga...” Nazim ne ek bade se band darwaje ke samne apne ghutne tekte huye kaha.



“Commander... Humein tumse yahi umeed hai... Lekin pichhle 700 saalon se hum is ghatiya taikhane mein kaid hain... aur humein tumhari baatein sunne se jyada kisi nateeze ki apeksha karte hai.” Us Darwaje ke ander Darzal ki gusse se bhari awaj ayi aur Nazim ke peeche khade uske sipahi thar thar kaampne lage.



“maine suna hai ki is baar Protector koi prithvi vaasi aam sa bacha hai... Humein jald hi woh Ring mil jayegi...” Nazim ne badi namrata ke sath Darzaal ko ashwashan dete huye kaha.



“Humein is baar us Ring ke ilawa aur kuchh bhi manjur nahi hoga... is baar Galmor ko hamari takat ke age jhukna hi hoga... hahaha...” Ander se Ek khaufnaak hansi ki awaj gunjne lagi. Us hansi mein ek alag sa khauf aur atank chhipa tha jise wahan khada har ek sipahi mehsus kar paa raha tha. Yahan tak ji Nazim bhi uske age apna sir uthane ko tyar nahi tha. Agle hi pal Darwaje par ek jordar dhakka laga aur pura darwar kaamp utha.



“Nazim... Humein bahar nikalo jaldi... woh Ring jaise bhi ho humare paas lekar ao....” Ander se Darzaal ki khatarnak awaj fir se pure darwar mein gunj uthi.



“ji Malik...” Nazim halke se khada huya aur usne apna chehra apne sipahion ki taraf ghuma liya aur unhein sambodit karte huye bola.... “mere bahadur sipahio.... humne pichhli kayi sadion se duniya mein maujud jhuthi aur khokhli ummeedon ke virrudh yudh lada hai... un murkhon ko sachi takat aur sache maksad ki koi khabar nahi hai... Lekin hum is duniya ko aise vyarath nahi jaane denge hum is sansaar ke har ek kone tak Lord Darzaal ka samrajya kayam karke rahenge... Chahe iske liye humein kitne bhi murakh pranion ki bali deni pade.... Lekin hamare is sarvotam maqsad ke liye humein us Jaduai Anguthi ki jarurat hai... taki hum Lord Darzaal ko is andheri kaal kothri se azad karwa sakein aur woh hamari is sachi ladayi ki aguwayi karke is duniya ka udaar karein... kya hum sab Lord Darzaal ke is maqsad mein sache dil se unke sath hain.....”



“haaaan ....” sabhi sipahi ek sath chilaye aur us darwar mein unke hi swaron ki gunj thi... Nazim ki hawa mein lehraati talwar uski puri sena mein Josh ki ek lehar bhar rahi thi.



“Bahut khud sathio... Mujhe tum sab se yahi umeed thi... Humein jald se jald woh Anguthi hasil karni hogi.... jab tak humein woh nahi mil jaati hum shaant nahi baith sakte... jald se jald humari sena ki alag alag tukdian us ladke ki talash mein niklengi jiske paas woh Jaduai Anguthi hai... ON THE NAME OF LORD DARZAAL...” Nazim ek baar fir se apni talwar hawa mein lehraate huye chilaya.



“ON THE NAME OF LORD DARZAAL....” sabhi sipahi bhi uske jawab mein utne hi josh se chilaye.... pure warship se Darzaal ke naam ke jaikare gunj rahe the...



“Waqt aa gaya hai dost....” Nazim ne apne paas khade ek saksh se kaha aur usne aage ek ishara kuchh sipahion ko kiya. Agle hi pal space mein tair rahi us vishal warship mein se anek chhote chhote spaceship earth ki taraf badhne lage. Nazim ek bade se Windshield ke samne khada us adbhut drishya ko dekhta raha jab uski sena uski sabse badi chahat ko pura karne ke liye nikal rahi thi. Uske chehre ki khushi uske man ki feelings ko achhe se vyan kar rahi thi.




Achanak Ayush ki aankh dhire dhire khulne lagi. Uske sir ka dar abhi bhi kahin gaya nahi tha. Uski nazar kuchh dhundhli si hi thi. Par dheere dheere usne apni ankhein stable karne ki kosish ki aur ek dhundhla sa darishya dikhayi diya toh woh kisi seat se bandha huya tha. Par woh yahan kahin bhi tha woh cheez still nahi thi kionk baar baar lag rahe jhatke use saaf mehsus ho rahe the. Fir thoda aur vision clear huya toh use samne ek ladki dikhayi di. Shakal nahi dikhi par lambe baal dekhkar usne ek andaza lagaya. Shayad driving kar rahi thi. Par yeh kaise ajeeb si gaadi hai. Ayush ne khud se hi sawal puchhne shuru kiye. Woh abhi bhi puri tarah se sahi nahi tha kionk use dikhayi toh sab de raha tha par sunayi kuchh bhi nahi.



“Oye ladke tujhe sun nahi raha kya.... hum crash hone wale hain...” Achanak se Ayush ke kaanon mein Ek Ladki ki awaj padi.



“kya kaha...” Ayush ko abhi bhi kuchh samajh mein nahi a raha tha. Agle hi pal uski ankhon ke samne windshield se dikhayi de rahe pedon ka bada sa area aya. Andhera kaafi tha bahar lekin Us spaceship ki light mein woh hare hare ped dikhayi de rahe the.



“Kya yeh Koi plane hai... bada khubsurat nazara hai us jungle ka...main is plane mein kaise aya...mujhe aisa kion lag raha hai ki woh jungle hamare paas a raha hai...” Ayush ne puchha. Ayush ki awaj sunte hi ek pal ke liye Sheena ne peeche hi taraf dekha par agle hi pal woh dobara samne dekhkar ship udaane lagi.



“ladke... tu thoda hausla rakh... kionk woh jungle paas nahi a raha hum neeche ja rahe hain.... meri spaceship ke sabhi engines fail ho gaye hain aur ab hum us khubsurat jungle mein crash karne wale hain...” Sheena ne thoda chidhte huye kaha.



“iski maa ki choot... behanchod main is doob rahe titanic mein kaise aya.... kon ho tum.... plz mujhe marna nahi hai... agar mujhe kuchh ho gaya toh Meri mom ka kya hoga....” Ayush chilate huye bola. Crash ki baat sunte hi woh pagal ho gaya tha aur lagatar Khud ko seat se khulwane ki kosish karne laga.



“Yaar tu chup karega... Ek toh teri wajah se meri ship ki maa chud gayi uper se tu mere kaanon ki baja raha hai... dekh agar abhi tune kuchh bhi bola toh tujhe akela chhod kar yahan se evacuate kar jaungi...” Sheena gusse mein chilate huye boli.



“theek hai meri maa... nahi bolunga... bas ek baar land kara de....” Ayush ne jor se apni ankhein band karli aur uper se apni jaan hi bheekh maangne laga. Use bas yahi umeed thi ki woh abhi apne bed se gire aur uski neend khul jaye. Par kismat itni bhi meharbaan nahi hoti. Sheena apni puri jaan laga kar kisi tarah ship ko land karwane ki kosish kar rahi thi kionk use pata tha ki agar Ayush ko kuchh bhi huya toh Elvis uski gaand maar lega. Usne apni gaand ka jor laga diya par kabhi chamach se samandar khaali huya hai bhala. Agle hi pal uski spaceship seedhi pedon se takrate huyi jameen par girne lagi. Ayush toh bas ankhein band kiye baitha tha. Metal se ped takrane ki awaj aur mehsus ho rahe jordar jhatke use yeh mehsus karwane ke liye kaafi the ki yamraz niche khud uski pratiksha kar rahe hain. Pedon ko todte huye Ship ki speed thodi kam jarur ho gayi thi lekin Abhi bhi itni jarur thi ki jameen par girne ke baad bhi spaceship kaafi dur tak jakar ruki. Raaste mein ped, paude, pathar jo kuchh bhi aya sab mitti mein mil gaya.



Spaceship ke rukte hi Sheena ne chain ki saans li. Lekin dar ke maare uska dil abhi bhi joron se dhadak raha tha. Usne jaldi se apni seatbelt kholi aur bhaag kar Ayush ke paas gayi.



“Oye... Ayush.... uth ja.... hlo... Ayush...” Usne Ayush ko uthane ki kosish ki par woh behosh tha. Usne Shukar manaya ki kam se kam woh abhi bhi zinda tha. Usne use bahar leja kar ek ped ke sahare bithaya aur kuchh sukhi ladkian laa kar thodi aag jala li. Usne ek baar Ayush ki taraf dekha toh use khud ki harkat par gussa ane laga. Usne ek galti se apne pure career ko daon par laga diya tha. Shayad Elvis ko use saja dene ka yahi mauka chahiye tha aur yeh Usne khud hi bana diya. Ab bas woh sab theek hone ka intezar kar sakti thi.

Awesome update

 

[Killerpanditji(pandit)]

UPDATE 8​

Kuchh time ke baad jab Ayush ko hosh aya toh usne khud ko us ped ke neeche baitha paya aur Sheena uske Samne ek bade se patthar par apne hath mein ek talwar liye baithi thi. Ayush use dekhkar thoda dar sa gaya.



“Daro mat… agar tumhe maarna hota toh tumhare hosh mein ane ka wait nahi karti…” Sheena ne halka sa muskurate huye kaha. Ayush uski baat sunkar thoda taw mein a gaya.



“Darta nahi hun main… bas thoda ghabra gaya tha… Vaise bhi aj kal talwar kon rakhta hai…” Ayush ne hanste huye kaha. Sheena ne apni Talwar wahin jameen par gaad di aur bina kuchh bole uth kar chal padi. Ayush ne use jaate huye dekha toh wo bhi uth kar uske peeche peeche chal pada.



“Kahan ja rahi ho?...” Ayush ne puchha.



“yahan se nikalne ka raasta dhundhne… Vaise bhi tumhare chakkar mein meri ship ki aisi ki taisi ho gayi…” Sheena ne seedha chalte chalte hi jawab diya. Ayush ne ek baar peeche palat kar dekha toh us ship ki dhajiyan ud chuki thin.



“ismein meri kya galti aur vaise bhi tum mujhe kidnap karke laayi ho na ki main tumhe…. Yeh toh wahi baat huyi… ulta chor kotwal ko dhante…” Ayush ne kaha. Ayush ki baat sunkar Sheena halka sa muskura di.



“batein toh bahut achhi karte ho ladke… par tumhari jaankaari ke liye bata dun ki maine tumhe kidnap nahi kiya... Balki bachaya hai... aur usi chakkar mein meri spaceship bhi gayi aur agar us buddhe Elvis ko pata chala ki tum marte marte bache ho toh woh mera pura career khaa jayega...” Sheena ne age chalte huye kaha. Sheena jhadion ko side karte huye tez kadmon se chal rahi thi aur Ayush uske banaye raaste par uske peeche peeche chale Jaa raha tha.



“Khair mujhe tumhari koi bhi baat samajh mein nahi ayi.... Pata nahi tum sach bhi keh rahi ho yah nahi.... uper se yeh spaceship, talwar pata nahi yeh sab hakeekat hai yah sapna.... Lekin pichhle kuchh dinon se jo bhi mere sath ho raha hai uske baad mujhe ab kuchh bhi hairan nahi karta... Khair agar tumne mujhe bachaya hai toh thanks but mujhe mere ghar phone karke batana hoga nahi toh meri mom pareshan hongi...” Ayush ne kaha.



“theek hai... Lekin tum is jungle se phone kaise karoge... Pehle koi bahar nikalne ka raasta dhundh lein fir tum phone kar sakte ho...” Sheena bina ruke age badhti chali jaa rahi thi. Ayush ne ek pal ke liye toh socha ki akhir usko bahar jane ka raasta pata hai bhi yah fir woh bas aise hi chale ja rahi hai lekin Abhi usko follow karne ke ilawa uske paas koi raasta nahi tha.



“vaise tumhe pata hai na ki tum ja kahan rahi ho...” Ayush ne thoda aram se puchha.



“Ghabrao mat ladke... Maine isse bhi bure halat dekhe hain...” Sheena ne ek shaan ke sath kaha.



“vaise tum ayi kahan se ho... bura mat manna Lekin tumhare kapde dekhkar aisa lagta hai jaise koi fantasy movie ka character ho... tight kaale rang ke kapde... woh purane jamane ki talwar.... Yeh sab kahan se liya... kisi natak mandli mein toh kaam nahi karti na…” Ayush ne puchha.



“yahan se tumhari yeh Ring ayi hai.... wahin se yeh sab bhi…Mujhe yakeen nahi hota ki unhone yeh Ring tumhe de kaise di...” Sheena ne halka sa chidhte huye kaha. Ayush ko kuchh khaas samajh mein nahi aya lekin woh yeh jarur samajh gaya ki Sheena us Ring ke bare mein jarur jaanti hai.



“Tumhe pata hai ki yeh Ring kiski hai... Ismein koi power hai kya?” Ayush me Sheena se sawal kiya.



“Nahi ladke... Ismein koi power nahi hai... Yeh bas ek chabi hai... Ek bade se jadui darwaje ki chabi...” Sheena ne halka sa peeche dekhte huye kaha.



“lekin yeh mujhe kion mili... ek ajeeb si awaj mere dimag mein bolti hai ki mujhe iski raksha karni hai...” Ayush ne Sheena ko bataya.



“ab tumhe kion mili woh toh mujhe bhi nahi pata... Lekin yeh Ring ek Protector ke marne ke baad agle ko di jaati hai... isi tarah yeh peedi dar peedi age badhti jaati hai... us hisaab se toh shayad tum bhi Protector ho...” Sheena ne kaha.



“aisa kya hai us darwaje mein jo is chabi ko itna sambhal kar rakha ja raha hai...” Ayush ne puchha.



“dekho tumhe itna samajh lena chahiye ki agar yeh chabi us Darwaje tak pahunch gayi toh is puri duniya ka safaya ho jayega... Vaise bura mat manna par mujhe nahi lagta ki tum Nazim ko yeh Ring lene se rok paoge.... jab uske Saamne bade bade yodha nahi tike toh ek mamuli bacha kya karega... Mujhe toh yakeen nahi hota ki yeh din dekhne ke liye mere pita ko marna pada...” Sheena halke se badbadate huye age chalti rahi. Uski batein Sun kar Ayush ka dimag ghume ja raha tha. Uske liye yeh sab samajh ke pare tha.



“tumhare pita ji ka sunkar dukh huya... woh bhi Protector the kya...” Ayush ne puchha.



“Nahi unka kaam bas is Ring ko sahi aadmi tak pahunchana tha... matlab tum tak... Vaise tumhe dar nahi lag raha ki tum bhi marne wale ho...” Sheena ne halka sa hanste huye kaha.



“main kion marne laga iske liye... Main toh bas koi tarika dhundh raha hun jisse mera pichha chhute is bala se...” Ayush ne kaha.



“Dekho... Tumhare paas yeh Anguthi hona mujhe bhi pasand nahi hai par ab yahi sachai hai... aur jab tak tum jinda ho tumhara peecha usse nahi chhoot sakta... behtar yahi hoga ki tum khud ko jaano... kionk agar tumhe yeh Anguthi mili hai toh jarur kuchh toh hoga tummein... par mujhe dar hai ki woh pata lagne se pehle hi yeh Anguthi Nazim ke hath na lag jaye...” Sheena ne chintit hote huye kaha. Ayush ko Sheena ki baat sunkar us buddhe ki baat yaad ayi jab usne kaha tha ki woh sahi sawaal nahi puchhta. Shayad... ab use pata tha ki sahi sawal konsa hai.



“lo ladke... jungle se bahar a gaye hum...” Sheena ne thodi dur se aa rahi lights ko dekh kar kaha. Ayush ne thoda age badh kar neeche ki taraf dekha toh uska man bhi khush ho utha. Use khabar thi ki Uski maa puri raat se pareshan ho rahi hogi aur ab us jagah se shayad Koi phone hi mil jaye. Tabhi usne Sheena ki taraf dekha toh uske ek hath mein uski talwar thi.



“Tumne toh apni talwar wahin chhod di thi na toh yeh achanak tumhare paas kahan se ayi...” Ayush ne hairan hote huye puchha.



“Aisa bahut kuchh hai jo tumhe nahi jaante…par dheere dheere seekh jaoge.” Sheena ne muskurate huye kaha aur us chhote se sehar ki taraf badhne lagi.

Fabulous update bro

 

[Killerpanditji(pandit)]

Waiting for next update ka

 

[Xabhi]

Oo marval vale bhaiya Samay milte hi apna project pura kro yha pr apne fan bhai bhi intjar kr rhe hai Aapka...

 

[ragish7357]

kha gayab ho gye ring wale bhaiya