Romance Tumhare Liye... (Completed)

[parkas]

Thanks god!
Starting me main ye soch ke dar rahi thi ki story to start kar di hai maine but ise kaise likhugi and sabko pasand ayegi bhi ki nahi but finally yaha tak kisi tarah likh hi liya maine. I'm feeling very well.
Sabne mujhe support kiya uske liye sabko thank you

Special thanks for: Sanju ji....Leon ji....vikrant ji....mr perfect ji...kamdev ji....mr pandit ji and parkas ji and also thanks naina ji

Starting me jinhone mujhe support kiya tha unhe bhi thanks.
Ye story meri real life story thi jisme maine kuch chije alag se daali thi. Main apne aap par hairan hu ki maine itna kuch kaise likh liya. Sirf apni story bas likhni hoti to mujhe shayad jyada problem na hoti but alag se jo chije maine isme add kiya wo mere liye bahut mushkil tha coz uske liye mujhe sochna padta tha. Ab to main story ka end hi likh rahi hu to ab jyada nahi sochna pad raha coz end to mujhe pahle se hi pata tha. Mushkil sirf wo tha jise maine dala tha aur uske sath story ko apne soche huye end tak pahuchana tha. Anyway kuch updates aur hain uske baad story end hi ho jayegi.
Thanks to all

Iske bad aap second story bhi likhiyega...

 

[DARK WOLFKING]

nice update ..ashok uncle ke saath naina bhi ab mumbai aa rahi hai neelam ki khoj me ..
aur dad aur unke dost bhi mumbai jaa rahe hai ..
par naina ,ashok aur sp ko neelam kaha hai ye pata nahi aur dad ko pata hai ..
dekhte hai aaj ki raat kaise bachti hai neelam un darindo se ..
agar wo sharab piyenge to unse bachne me jyada pareshani nahi hogi neelam ko ..
par kya police waqt pe madad kar payegi yaa nahi ..
aur nakul behosh hai par kya wo bhi bachane ke liye aa payega ..
pyar me bahut taakat hoti hai shayad jaha bhi nakul ko rakha ho waha se bachne me kaamiyab ho jaaye ..

 

[Naina]

Update - 29


Uncle ji ke ghar se nikalne ke baad ashok uncle ne raaste me hi SP rama shankar ko phone kar ke saari baat bata di thi. Ashok ki baate sunne ke baad SP ne kaha ki agar ye sab sach hai to ab neelam aur nakul mumbai me hi hoge is liye unhe mumbai me hi talaash kiya jayega. Ashok uncle ne SP se kaha ki ab wo wakt barbaad na karte huye jald hi is maamle me kuch kare warna bahut bada anarth ho sakta hai. Ashok uncle ki is baat par SP ne unse kah diya tha ki ab wo is baat ki chinta na kare kyo ki ab wo khud bhi time barbaad nahi karege.

Ghar aa kar ashok uncle ne sabko saari baate bataai to sab ye jaan kar shock ho gaye the ki neelam aur nakul yaha pune me jinke yaha rah rahe the unse bade hi sanjog se uncle ki mulakaat ho gai thi aur saari baato ka pata bhi chal gaya tha.

"Agar un uncle ki baat sach hai to fir ab neelam sach me bade khatre me hai. Wo log un dono ko mumbai le gaye hoge aur ab jane wo log un dono ke sath kya karege. Mujhe to dono ki bahut chinta ho rahi hai ashok." Saroj aunty ne kaha.

"Chinta to mujhe bhi ho rahi hai saroj magar chinta karne se hoga kya. Main apni taraf se puri koshish kar raha hu ki un dono ka jald se jald pata lag jaye aur SP unhe khoj le." Ashok uncle ne kaha.

"Mujhe lagta hai dad ki SP ke sath aapko bhi mumbai jana chahiye. Aap sath me rahege to SP apne kaam me dhilaai nahi karega." Divya ne kaha.
"Divya sahi kah rahi hai uncle. Aap SP ke sath jayege to better rahega." Naina ne kaha.

"Shayad tum dono thik kah rahi ho. Mujhe SP ke sath waha jana chahiye aur iske liye mujhe aaj hi nikalna hoga." Ashok uncle ne kaha.
"Main bhi aapke sath chalugi uncle." Naina ne kaha.
"Tum waha kyo jaaogi beti. Nahi nahi tumhara waha jana thik nahi hai. Tum yahi raho. Yaha tum mahfuj ho." Ashok uncle ne kaha.

"Main mumbai se yaha neelam ko khojne aai thi uncle. Wo meri dost hai aur ab tak to un logo ne use bhi bataya hoga ki unhone mujhe bhi pakad liya tha. Unki is baat se wo mere liye bhi pareshan hogi. Aapke sath jaaugi to main bhi usse mil lugi aur fir wahi se main un dono ke sath gaon chali jaaugi. Rahi baat mere mahfuj hone ki to main aapke sath mahfuj hi rahugi uncle." Naina ne kaha.

"Naina thik kah rahi hai ashok. Ise bhi apne sath hi le jaaiye aur haa agar ho sake to gaon me inke mata pita ko bhi khabar bhejwa dijiyega ki ye log mil gai hain. Is liye ab wo inke liye pareshan na ho." Saroj aunty ne kaha.

"Thik hai fir taiyar ho jaao. Ham kuch hi der me yaha se niklege. Waise surendra bhai sahab aur sanjay bhai sahab ka phone number to hai nahi mere paas to main kaise unhe suchit karuga." Ashok uncle ne kaha.
"Koi to jariya hoga hi un tak khabar pahuchane ka. Dekh lijiyega ya fir neelam ko number pata hoga. Jab wo mil jayegi to usi se number le kar gaon me in dono ke mata pita ko suchit kar dena." Saroj aunty ne kaha.

"Haa ye thik rahega." Ashok uncle ne kaha aur fir wo apne kamre ki taraf uth kar chale gaye.
"Jaao naina beti tum bhi taiyar ho jaao. Divya tu ja naina ke sath aur ise apne kapde de de pahanne ke liye." Saroj aunty ne kaha to divya ji mom kah kar sofe se uth gai. Uske baad naina aur divya apne kamre ki taraf badh gai.

Bees minute baad ashok uncle aur naina taiyar ho kar mumbai jane ke liye ready ho gaye. Ashok uncle ne SP ko phone kar ke bata diya ki wo apni car se mumbai ja rahe hain to wo use wahi milege. Ashok uncle ki baat par SP ne kaha thik hai. Divya ne naina ko apna ek chhota sa bag de diya tha jisme usne naina ke liye ek do jodi kapde aur kuch jarurat ka samaan rakh diya tha. Ashok uncle ne bhi saroj aunty ke kahne par ek chhota sa bag le liya tha. Saroj aunty ka kahna tha ki kya pata waha par kitne din lag jaye is liye pahanne ke liye kuch kapde wo apne sath hi le jaye. Naina divya aur saroj aunty se gale lag kar mili aur fir ashok uncle ke sath ghar se baahar ki taraf chal di. Thodi hi der me wo dono car me baith kar mumbai ki taraf chal diye.

......

Udhar gaon me....
Ratan bhaiya teji se moter cycle chalate huye ghar pahuche. Unhone raaste me hi phone kar ke ravendra uncle ko is bare me bata diya tha. Jab wo ghar pahuche to ghar me dad aur ravendra uncle ke sath sath sanjay uncle bhi baithe huye the. Kuch hi doori par mom log bhi baithi hui thi. Sabke chehro par chinta jhalak rahi thi.

"Itni der kyo laga di tumne aane me." Ratan bhaiya ke aate hi ravendra uncle ne puchha.
"Wo main dad aur sanjay uncle ke liye train ki ticket banwane chala gaya tha. Usi me thoda time lag gaya mujhe." Ratan bhaiya ne kaha.

"Train ki ticket wo kis liye." Dad ne pucha.
"Maine socha ki aisi khabar sun kar aap dono fauran hi mumbai jayege is liye udhar se aap dono ke liye ticket bhi banwa ke le aaya hu." Ratan bhaiya ne kaha.
"Oh ye tumne bahut achha kaam kiya hai aur shayad pahli baar. Kher ravemdra ne hame sab kuch bata diya hai. Hame to abhi bhi yakeen nahi ho raha ki hamare dost ka beta itna gira hua hoga. Man to karta hai ki abhi usko phone kare aur uski aisi taisi kare magar shayad aisa karna abhi thik nahi hoga. Kyo ki baat bigad bhi sakti hai. Isse achha yahi hai ki use phone na kar ke seedha uske paas hi pahuch jaye. Uske baad aankho ke saamne hi har baat hogi." Dad ne gusse me kaha.

"Train teen baje ki hai dad. Kal das ya gyaarah baje aap log mumbai pahuch jayege." Ratan bhaiya ne kaha.
"Thik hai. Hamare jane ki taiyari karo fatafat. Sanjay ja tu bhi fatafat taiyar ho ke aa ja. Wakt bilkul bhi nahi hai hamare paas." Dad ne kaha to sanjay uncle uth kar apne ghar ki taraf nikal gaye.

"Neelam aur us ladke nakul ka to pata chal gaya lekin sanjay bhai sahab ki ladki naina ka pata abhi tak nahi chala. Kahi aisa to nahi ki un logo ne naina ko bhi pakad rakha ho." Ravendra unce ne dad se kaha.
"Agar un logo ne naina ko pakad rakha hota to hamari beti is bare me ratan ko jarur batati lekin usne is bare me kuch nahi bataya. Iska matlab to yahi hua ki naina un logo ke paas nahi hai. Hame aaj tak samajh nahi aaya ki ye ladki aakhir gai to gai kaha." Dad ne kaha.

"Jis din neelam yaha se gai thi usi din se naina bhi gayab hai. Abhi tak hame is baat ka pata nahi tha ki asal baat kya hai. Aaj jab neelam ne ratan ko is bare me bataya tab ham is bare me soch rahe hain to naina agar usi din se gayab hai to ho sakta hai ki yahi baat ho." Ravendra uncle ne kaha.

"Neelam ne mujhse sirf ye kaha tha ki use aur nakul ko behosh kar ke raato raat pune se mumbai laya gaya hai. Use to pata bhi nahi chala tha ki behoshi ki haalat me use kaha le jaya ja raha hai. Uski jab aakh khuli to wo mumbai me us rohan ke hi flat wale kamre me thi. Is sabse wo ghabraai hui thi aur jab usne nakul ko us flat me nahi dekha to wo dar bhi gai hai. Uske man me dar aur ghabrahat bhar gai hai. Isi liye use lagta hai ki kuch galat hone wala hai. To ho sakta hai ki itni badi baat na ho jitni badi baat ki ham yaha baat kar rahe hain." Ratan bhaiya ne kaha.

"Agar itni badi baat na hoti to un dono ko is tarah behosh kar ke mumbai nahi laya jata. Mujhe to wo ladka rohan kuch thik nahi lag raha bhaiya. Neelam ne jo kuch bhi bataya hai usse saaf pata chalta hai ki baat gambhir hai aur mujhe pura yakeen hai ki naina bhi wahi hogi. Neelam ko naina ke bare me shayad is liye nahi pata hai kyo ki use uski najar me laya hi nahi gaya hoga." Ravendra uncle ne kaha.

"Shayad tum thik kah rahe ho ravendra. Hame bhi aisa hi lagta hai." Dad ne kaha aur fir wo uth kar apne kamre ki taraf chale gaye.
"Tumne dubara neelam se baat nahi ki kya." Ravendra uncle ne ratan bhaiya se pucha.

"Nahi abhi to nahi ki. Waise maine use bol diya hai ki wo apna mobile on hi rakhe. Agar koi baat hogi to wo mujhe message karegi ya fir phone karegi." Ratan bhaiya ne kaha.
"Agar wo rohan fraud type ka ladka hai to ho sakta hai ki wo neelam se uska mobile chheen le. Aise me fir neelam se sampark kaise hoga." Ravendra ne kaha.

"Agar wo neelam se mobile chheen bhi lega tab bhi wo pakda hi jayega uncle. Kyo ki ham to jante hi hain ki wo kaun hai aur dad ko bhi bata hi diya hai ki wo unke hi dost ka ladka hai. Itna kafi hai us tak pahuchne ke liye aur jab us tak pahuch jayege to usi se puchege ki neelam nakul aur naina kaha hai." Ratan bhaiya ne kaha.
"Haa ye sahi kaha tumne." Ravendra uncle ne kaha.

Tabhi sanjay uncle apne ghar se taiyar ho kar aa gaye. Kuch der baad dad aur sanjay uncle ravendra uncle ke sath car me baith kar railway station ki taraf chal pade. Jate time mom ne dad se kaha tha hamari bachchiyo ko surakshit ghar le kar aaiyega.

.....

Back to my side....

Maine jab un dono ke sath nakul ko nahi dekha to mere dil ki dhadkane tej ho gai aur mujhe nakul ki bahut jyada chinta hone lagi. Nakul to mere sath hi tha jab ham dono ko behosh kiya gaya tha. Uske baad agar main yaha thi to nakul bhi yahi hona chahiye tha magar abhi tak maine nakul ko na dekha tha aur na hi uske bare me in dono ne mujhe bataya tha. Iska matlab kuch to baat jarur hai. Aakhir ye deepak nakul ko kaha le gaya hoga.

Deepak ki wo baate fir se mere dimaag me ubharne lagi jab usne mere behosh hote wakt us police wale se kahi thi. Aaj subah ye mere samne aisi baate kar raha tha jaise isne hame un police walo se bacha kar bahut bada ahsaan kiya tha. Agar yahi sach hai to fir nakul kaha hai is wakt. Maine ab tak uska chehra kyo nahi dekha. Kahi isi ne to nahi nakul ko gayab kiya hai. Kahi aisa to nahi ki isne nakul ke sath kuch galat kar diya ho. Hey bhagwan nahi nahi aisa nahi ho sakta. Mere nakul ko kuch nahi ho sakta. Ye sab sochte sochte ekdam se meri aakho se aashu bahne lage.

Tabhi meri najar un dono par padi. Wo dono kisi baat se haste huye aapas me koi baat kar rahe the. Mere man me ye janne ki curiosity hui ki aakhir wo itna haste huye kya baate kar rahe hain magar main unki baate kaise sunu. Main un dono ke kareeb nahi ja sakti thi kyo ki jaise hi main kamre se baahar nikalti to unki najar mujh par pad jati. Mujhe kuch samajh me nahi aa raha tha ki ab main kya karu. Abhi main ye soch hi rahi thi ki tabhi maine dekha ki dono kisi baat par haste huye jor se apne apne hath ko mila kar taali thoki aur fir palat kar mere kamre ki taraf dekhne lage. Main jaldi se ek taraf khasak gai jisse un dono ki najar mujh par na pade. Tabhi mere man me pata nahi kya aaya ki main jaldi se uthi aur bhaag kar attach bathroom me ghus gai. Bathroom ka darwaja band kar ke maine andar shower chalu kar diya. Bathroom me paani girne ki awaaj hone lagi. Main ekdam darwaje ke paas hi chup chaap khadi thi. Mujhse do fit ki doori par shower ka paani farsh par gir raha tha.

Is wakt pata nahi kyo par main andar se bahut jyada dari hui aur ghabraai hui thi. Tabhi mere kaano me un dono ki awaaj padi. Dono kamre me aa chuke the. Rohan ki awaaj maine saaf suni thi jisne mujhe neelam ji kah kar pukara tha. Uske pukarne par main chup hi rahi. Kuch der tak koi awaaj na aai. Shayad kamre me mujhe na dekh kar wo mujhe khojne ka prayas kar rahe the. Tabhi fir se mujhe awaaj sunaai di magar is baar deepak ki awaaj aai thi jo rohan se kah raha tha ki bathroom se pani girne ki awaaj aa rahi hai. Matlab wo waha hai aur shayad naha rahi hai.

"Ye to achhi baat hai na bhai. Naha dho ke chama cham ho jayegi tabhi to aur bhi khubsurat dikhegi aur fir hame uske jism ke har hisse ko chaatne me maja aayega." Rohan ki awaaj thi ye. Unhe lag raha tha ki andar main naha rahi hu is liye mujhe unki baate sunaai nahi de rahi hogi. Jabki main to unki baate achhe se sun pa rahi thi aur unki baate sun kar mere hosh bhi ud chuke the. Main andar darwaje ke paas khadi tharthar kaapne lagi thi unki aisi baate sun kar.

"Kya aisa nahi ho sakta boss ki ham dono ek sath hi uske jism ka bhog lagaye. Kasam se boss maja aa jayega aise me." Deepak ki is awaaj ne meri rooh tak ko jaise hila diya tha.
"Nahi aisa nahi kar sakte. Uski shakal se pata chalta hai ki wo abhi kuwari hai. Aisi najuk chij ko do log maslege to uski maa chud jayegi. Is liye use pahle main akele hi bhoguga magar pyar se. Uske baad tum bhogna." Rohan ki is baat se to main jaise patthar hi me badal gai thi. Mujhe aisa laga jaise mujhe abhi chakkar aa jayega.

Un dono ki baato se mujhe pata chal chuka tha ki main ab kitne bade khatre me thi aur mujhe is baat ka bhi andaja ho gaya tha ki nakul mujhe yaha par kyo nahi dikha tha. In dono ne jarur uske sath kuch galat kiya tha. Ye soch kar meri aakh se fir aashu bahne lage. Mujhe pahli baar ahsaas hua ki ghar se bhaag kar aur yaha aa kar hamne kitni badi galti ki thi. Mujhe pahli baar samajh aaya ki ye duniya kitni buri hai. Yaha par ek akeli ladki ek pal ke liye bhi safe nahi hai.

"Thik hai boss jaisi tumhari ichha. Waise abhi to wo naha rahi hai. Main ye soch raha hu ki aaj ki raat ko yaadgaar banaya jaye." Deepak ki awaaj mere kaano me padi.
"Yaadgaar to banegi hi yaar. Aisa shandar maal hath laga hai to din aur raat dono hi yaadgaar to banege." Rohan ne kaha.

"To fir ek kaam karte hain boss. Kuch daaru shaaru ka bhi intjaam kar lete hain. Shabab ke sath sharaab aur kabaab hoga to aur bhi maja aayega." Deepak ne kaha.
"Waah kya baat kahi tumne. Aise shabab ke sath sharab aur kabab na ho to sach me feeka feeka sa lagega." Rohan ne kaha.
"To fir chalo boss. Usko nahane do. Tab tak ham dono in dono cheejo ka bhi intjaam kar lete hain. Uske baad din bhi apna aur raat bhi apni hogi." Deepak ne kaha.

"Kya use yaha par akele chhodna thik rahega." Rohan ne kaha.
"Wo bhala kaha jayegi boss. Us time bhi to use akela hi chhod kar uske yaar ko le kar gaye the. Ham baahar gate par pahle ki tarah lock laga dege aur waise bhi use to abhi is baat ka pata bhi nahi hai ki uske sath kya hone wala hai." Deepak ne kaha.
"Ye bhi sahi kaha tumne. Chalo fir ab der karna bekaar hai." Rohan ne kaha.

Bathroom ke andar main dono ki baate sun rahi thi aur andar hi andar mare dar ke main tharthar kaape ja rahi thi. Uske baad wo dono kamre se chale gaye. Kafi der tak jab koi awaaj na aai to maine bathroom se nikalne ka socha magar meri himmat na hui ki main bathroom se baahar nikal kar kamre me jaau. Lekin ye bhi sach tha ki aakhir bathroom me main kab tak is tarah khadi rah sakti thi. Abhi to un dono ko yahi laga tha ki main naha rahi hu magar jab wo wapas yaha aayege aur tab bhi mere bathroom me hone ka andaja lagayege to samajh jayege ki kuch gadbad hai.

Mujhe samajh nahi aa raha tha ki main kya karu. Maine deepak ki baat suni thi. Usne baahar se gate lock kar ke jane ko bola tha. Matlab ki main is flat me ab ek kaidi ki tarah thi. Jitni chinta mujhe apni ho rahi thi utni hi chinta ye soch soch kar bhi ho rahi thi ki in logo ne nakul ke sath jane kya kiya hoga. Mera man kar raha tha ki main jor jor se cheekhu chillaau aur rone lagu magar isse kuch nahi hone wala tha.

Badi himmat kar ke maine pahle shower band kiya aur fir bathroom ka darwaja khola. Kamre me koi nahi tha. Mujhe to pata hi tha ki wo dono kis cheej ke intjaam ke liye baahar gaye hain. Har taraf khamoshi chhaai thi jo is wakt mujhe khaye ja rahi thi. Gujarta hua ek ek pal ab mere liye aisa tha jaise wo tinka tinka kar ke meri jaan le raha hai. Duniya bhar ke devi devta is wakt mujhe yaad aa rahe the aur main unse apne aur nakul ki safety ke liye minnate kar rahi thi ki achanak se mujhe ratan bhaiya ke mobile ki yaad aai.

Mobile ki yaad aate hi meri dhadkane tej tej chalne lagi aur man me ek ummid si jaag uthi. Ratan bhaiya ki baat yaad aa gai jo unhone kaha tha ki main apna mobile on hi rakhu aur agar main kisi musibat me hou to main unhe inform karu. Ye soch kar main teji se apne bag ke paas pahuchi. Bag ko khol kar maine jaldi se mobile nikala. Is wakt hadbadahat me mera pura jism kaap raha tha aur mere hath bhi. Maine kaapte hath se bhaiya ko call kar diya. Mere kaan me ring jane ki awaaj padi aur fir teesri hi ring par bhaiya ne call utha liya.

"Haa neel sab thik to hai na." Bhaiya ne ye pucha to main kuch kah na paai balki fafak fafak kar rone lagi. Mera dil kar raha tha ki is wakt mujhe ratan bhaiya mil jaye to main unse lipat kar tej tej rona shuru kar du. Udhar bhaiya mere is tarah rone par ekdam se chintit ho uthe aur baar baar mujhse puchne lage ki kya hua main kyo ro rahi hu. Aakhir kya baat ho gai hai. Pata nahi bhaiya aur kya kya puche ja rahe the aur main bas roye ja rahi thi. Mere is tarah rone se bhaiya bahut jyada chintit ho gaye aur pareshan bhi. Jab maine unke puchne par kuch nahi kaha to unhone apni kasam de kar kaha ki tujhe meri kasam hai neel. Tu bata ki aakhir tu itna ro kyo rahi hai. Kya us haramjade ne tere sath kisi tarah ki battamiji ki hai.

Ratan bhaiya ki kasam par maine apne aapko kisi tarah samhala aur fir rote rote hi unhe saari baate bata di aur last me ye bhi kaha ki mujhe is bhayankar sankat se bacha lijiye bhaiya. Aapki bahan neel ki ijjat ab khatre me hai. Meri saari baate sun kar bhaiya bhi jaise sannate me aa gaye the. Fir unhone mujhe samjhate huye kaha ki tu chinta mat kar neel. Dad aur sanjay uncle kal dopahar tak mumbai pahuch jayege aur fir wo us rohan ke baap ke paas ja kar uske bete ki kartoot usse batayege. Bhaiya ki in baato se mujhe thodi raahat to mili magar khatra to abhi hi tha mere liye aur abhi main kaise un dono se bach sakti thi is baat ke liye jab maine bhaiya se kaha to unhone kaha ki mere paas mobile hai to main fauran hi police ko call kar ke sab kuch bata du aur unse help maagu.

Ratan bhaiya ki is baat par mujhe bhi laga ki ye sabse best option hai. Bhaiya to yaha se kafi door hain aur dad log bhi kal hi yaha pahuchege to is wakt agar koi mujhe in darindo se bacha sakta tha to wo police hi bacha sakti thi. Maine bhaiya se kaha ki thik hai main police ko phone kar ke sab bata dugi. Uske baad bhaiya ne kaha ki wo dad ko bhi ye sab bata dege taaki unhe bhi iska pata rahe. Last me bhaiya ne mujhe samjhate huye kaha ki main bilkul bhi chinta na karu. Sab kuch thik ho jayega aur haa wo khud bhi waha se police walo se baat karege aur puri koshish karege ki mujhe kuch na hone paye.

Bhaiya se baat karne ke baad mujhe kafi raahat mil gai thi. Deepak aur rohan is wakt yaha nahi the is liye mere paas ye achha mauka tha jisse main police ko phone kar ke sab kuch bata bhi saku aur unse apne liye help ki maag bhi kar saku. Un dono ke irade bilkul bhi thik nahi the. Ho sakta hai ki baad me mujhe ye sab karne ka mauka na mile. Is liye maine jaldi se police ka number dial kar ke call laga diya.

......

hmm... so ek taraf great naina aur ashok uncle sp ke sang nikal pare Mumbai ki aurr to neelam ke pita ji, Sanjay uncle aur ravendra uncle bhi ravana huye Mumbai ke liye... lekin inhe pahunchne abhi der hai..
....
par yahan to neelam ke sath bahot galat karne wala hai yeh deepak aur rohan...
are hawas ke pujari... tharki namakul dagabaaz dhokhebaz character less kahin ke... Besharmi ki hade paar kar di hai.. lagta hai inke baap bhi najayaz hai
Khair in kamino baatein kar kahe mood kharab karu...
so bade bhai ne chinta na karne aur police ko phone karne ke liye Salah de diya...aur Salah maan ke neelam ne bhi phone bhi laga di hai police..
Khair... ab yahan pe kuch baatein...
mata pita se badhkar koi nahi aur koi ho bhi nahi sakta.. unki chaya tale na rehkar apne pyar sang bhagne ka natiza aaj neelam bhali bhaanti dekh chuki hai... le ab kha dar dar ki thokde... kya mila ghar se bhag ke... yeh dar dar ke jina.. yeh rona bilakhna etc.. etc... ab dekho chad gayi na yeh do paapiyo ke hathe... udhar nakul ka bhi haal behaal
ab chinta karne se ya darne ya rone ki samay nahi hai iske paas... behtar yahin ki koi tarkib lagaye us flat se nikalne ke liye... Agar nikal nahi pa rahi hai to ek aur option hai iske paas.. Sabhi switch off karke kamre mein jitne bhi bulbs hai unko nikal de... aur jo electric wires hai sab ko ek ek karke nikal le wahan se khinch kar..
ab unko jamin pe kisi spider ki jaal ki tarah faila de .. phir bathroom se paani Lake us room ko pani se bhar de... phir chup chap jaake bathroom mein baithi rahe Darwaze band kar ke .. jab wo Dono aake flat ka door khol room aayenge of course light on karne ke liye switch on karnge... phir kya water mei electric supply udhar un dono ka.... baaki neelam samjhdaar hai
Khair let's see what happens next
Brilliant update with awesome writing skills

 

[Naina]

Thanks god!
Starting me main ye soch ke dar rahi thi ki story to start kar di hai maine but ise kaise likhugi and sabko pasand ayegi bhi ki nahi but finally yaha tak kisi tarah likh hi liya maine. I'm feeling very well.
Sabne mujhe support kiya uske liye sabko thank you

Special thanks for: Sanju ji....Leon ji....vikrant ji....mr perfect ji...kamdev ji....mr pandit ji and parkas ji and also thanks naina ji

Starting me jinhone mujhe support kiya tha unhe bhi thanks.
Ye story meri real life story thi jisme maine kuch chije alag se daali thi. Main apne aap par hairan hu ki maine itna kuch kaise likh liya. Sirf apni story bas likhni hoti to mujhe shayad jyada problem na hoti but alag se jo chije maine isme add kiya wo mere liye bahut mushkil tha coz uske liye mujhe sochna padta tha. Ab to main story ka end hi likh rahi hu to ab jyada nahi sochna pad raha coz end to mujhe pahle se hi pata tha. Mushkil sirf wo tha jise maine dala tha aur uske sath story ko apne soche huye end tak pahuchana tha. Anyway kuch updates aur hain uske baad story end hi ho jayegi.
Thanks to all

har insaan mein ek lekhak chupa hota hai... deri hai to bas ushe tarashne ki...
aap ne mehnat ki.. fal ke roop mein aapko itne achhe readers aur un sabhi ke sameekshaye mile...

 

[mashish]

Update - 27


Ghar aa kar ashok uncle ne sab ko saari baat bataai to sab neelam ke liye chinta me pad gaye the. Naina ko achhi tarah pata tha ki maamla kitna gambhir hai is liye usne ashok uncle se kaha ki wo SP se kah kar is maamle me thoda teji se kaam kare aur is baat ka bhi dhyaan rakhe ki yaha bhi un logo ke aadmi hoge jinke relation yaha ke police walo se hoge. Aise me agar SP ne is maamle me neelam aur nakul ke bare me pata karne ke liye local police thane ki police ko order dege to ho sakta hai unme se jo police wala un logo se mila hoga to wo un logo ko is baat ki suchna de de jisse wo satark ho jayege aur fir ye bhi ho sakta hai ki wo log neelam aur nakul ko kahi chhupa de.

Ashok uncle bhi is baat ko samajhte the is liye unhone SP se pahle hi is bare me baat kar liya tha. SP ne khud kaha tha ki wo is baat ko samajhte huye ek khaas team banayege jisme sab imandar police wale hoge aur wo secret roop se neelam aur nakul ko pune me dhudhege. Itna hi nahi balki wo apne khabriyo ko bhi laga dege.

Naina ko sabse jyada tension neelam ki thi. Wo janti thi ki neelam ko abhi is bare me pata hi nahi hai ki wo kitne bade khatre me hai. Naina ko samajh nahi aa raha tha ki mumbai me neelam aur nakul aisi kaun si jagah ruke the jaha se wo aise logo ke haath lag gaye the. Naina ko to ab ye bhi lag raha tha ki ho sakta hai ki neelam aur nakul un logo ki pakad me hi ho aur ab un dono ko bhi is sab ka pata chal gaya ho. Agar sach yahi hai to fir wo dono is wakt bahut badi musibat me hoge.

Udhar SP ne is maamle ki gambhirta ko samajhte huye apni ek khaas team bana kar mumbai bhej diya tha aur khud bhi mumbai police ke bade adhikariyo ko is bare me inform kar ke is maamle me kaam karne ki request ki. Waha ke adhikariyo ne SP rama shankar ki is baat par yahi kaha ki wo khud secret roop se is giroh ka pata lagane par lage huye hain. SP ne us photo ko bhi mumbai me adhikariyo ke paas bhej diya tha jo photo mathur ne di thi use.

Ashok uncle ke pressure dene par SP badi teji se is maamle ki karyawaahi me laga hua tha. Ashok uncle khud dopahar ka lunch karne ke baad SP se milne chale gaye the. Ghar me naina divya aur saroj aunty sab is maamle se tension me the.

......

Dusre din jab subah se dopahar ho gai aur pichhli raat wale wo police wale na aaye to uncle aunty ke man me tarah tarah ke khayaal aane lage the. Wo to isi dar me the ki dusre din subah wo police wale aayege aur unhe bhi giraftar kar ke le jayege. Kyo ki unhone police ko gumraah kiya tha jiske liye wo log unhe dusre din ki subah aa kar giraftar karne ko kaha tha magar ab to subah se dopahar bhi ho gai thi par wo police wale nahi aaye the.

Uncle aunty dono is baat se dukhi the ki unke itne prayaas ke baavjud police walo ne neelam aur nakul ko khoj liya tha aur fir un dono ko pakad kar le gaye the. Wo us wakt itne bebas ho gaye the ki unke liye kuch nahi kar paye the. Neelam aur nakul se un dono ko lagaav ho gaya tha is liye ab wo un dono ke liye dukhi the. Barso baad un dono ke aane se ghar me ek raunak si ho gai thi magar ab fir se jaise sannata chha gaya tha.

"Kya aapka thane jana thik rahega. Agar unhone aapko bhi unke sath jail me band kar diya to." Aunty ne dukhi ho ke kaha.
"Main bhi to yahi chahta hu karuna ki wo mujhe bhi unke sath hi jail me band kar de. Aise me kam se kam apne bachcho ke sath to rahuga. Un dono ko apni aankho se dekhuga to man ko shanti to milegi. Pata nahi dono ne kuch khaya bhi hoga ki nahi." Uncle ne kaha.

"Aap to unhe apni aankho se dekh lege magar mera kya. Aap mere dil ka haal bhi to samajhiye. Wo dono mere bhi to bachche hain. Jab un dono ko wo log jeep me baitha kar le ja rahe the tab wo dono kaise hame dekh rahe the kya aapne nahi dekha tha. Us wakt jaise wo dekh rahe the to mujhe lag raha tha ki bhaag kar un dono ke paas jaau aur unhe apne kaleje se laga lu. Un dono masumo ki aakho me jo bebasi aur dukh tha wo abhi bhi mere dil ko dukh de raha hai. Main aapse prarthna karti hu ki apne sath mujhe bhi le chaliye. Main bhi apne bachcho ko apni aankho se dekhna chahti hu." Aunty ji ne rote huye kaha.

"Main janta hu karuna ki tum bhi un dono ke liye bahut dukhi ho magar abhi pahle mujhe dekh aane do. Main waha ke halaat dekh ke tumhe bhi bula luga." Uncle ne kaha.
"Aap mujhe kaise bula lege. Agar un police walo ne aapko aane hi nahi diya to." Aunty ne kaha.

"To tum khud hi aa jana. Police thana to tumhara dekha hua hi hai." Uncle ne kaha.
"Thik hai. Agar aap aadhe ek ghante ke andar wapas nahi aaye to main bhi aa jaaugi aapke piche. Ye lijiye ise bhi lete jaiye." Aunty ne ek thaila uncle ki taraf badhate huye kaha.

"Kya hai is thaile me." Uncle ne pucha.
"Un dono ke liye isme achha sa khana bana kar pack kar diya hai maine. Jate hi unhe de dijiyega. Jane un dono ko khana diya bhi hoga un logo ne ya abhi bhi mere bachche bhukhe hi pade hoge waha." Aunty ne kaha.

"Ye tumne bahut achha kiya karuna jo unke liye khana pack kar diya hai. Laao jaldi ab main bilkul bhi der nahi karna chahta. Waha pahuchte hi main un dono ko ye khana de duga aur haa tum bhi khana kha lena. Subah se kuch nahi khaya hai tumne." Uncle ne kaha.

"Mere bachche bhukhe rahege to mujhse kya khaya jayega." Aunty ne kaha.
"Haa main janta hu karuna lekin ab to main ye khana le kar ja hi raha hu na to ab tum bhi khana kha lena. Achha ab main chalta hu." Uncle ne kaha aur fir khane ka thaila le kar ghar se baahar nikal gaye.

Unke jane ke baad aunty kafi der tak darwaje par khadi unhe dekhti rahi. Uske baad jab uncle unki aakho se ojhal ho gaye to wo bhi darwaje se wapas andar aa gai aur darwaja band kar diya. Unke chehre par dukh ke bhaav the. Aisa lag raha tha jaise wo abhi ro degi.

Udhar sadak par kafi door chalne ke baad uncle ji ko ek auto dikha to unhone us auto ko rukwaya aur fir usme baith kar police thane ki taraf chal diye. Sare raaste wo neelam aur nakul ke bare me sochte rahe. Unhe pata hi na chala ki auto kab police thane pahuch gaya hai. Auto wale ne jab unhe bataya tab unhe pata chala. Auto se utar kar unhone auto wale ko paise diye aur fir police station ki taraf badh gaye.

Kuch hi der me uncle ji thane ke andar pahuch gaye. Unke man me ajeeb ajeeb se khayaal aa rahe the jisse unka dil teji se dhadakne laga tha. Andar aa kar unhone charo taraf najar ghumaai. Kai sare police wale waha maujud the. Kuch khade huye the to kuch table ke us paar kursiyo me baithe huye the. Uncle ji ne har police wale ko bade dhyaan se dekha lekin unhe wo police wale najar na aaye jo pichhli raat unke ghar aaye the.

"Kya baat hai taau. Yaha kis liye aaye ho." Ek police wale ki najar jab uncle par padi to usne pucha.
"Wo main apne bachcho se milne aaya hu sahab." Uncle ji ne kaha.
"Bachcho se milne. Ye kya kah rahe ho taau. Yaha par tumhare bachche kaha se aa gaye." Us police wale ne kaha.

"Wo kal raat police wale do sahab mere ghar aaye the to wo mere bachcho ko pakad kar le aaye the. Main unhi se milne aaya hu. Kripaya mujhe mere bachcho se mil lene dijiye. Dekhiye wo dono bahut masoom hain. Unki koi galti nahi thi." Uncle ji ne kaha.

"Are taau ye tum kya kahe ja rahe ho. Dimaag to thik hai na tumhara. Yaha par tumhare koi bachche vachche nahi hain. Jaao yaha se." Us police wale ne kaha.
"Aisa mat kaho sahab. Mere bachcho ko kal raat aapke hi thane ke do police wale pakad kar le aaye the. Wo to ye bhi bol kar aaye the ki subah wo mujhe bhi giraftar kar ke le jayege kyo ki maine police ko gumraah kiya hai." Uncle ji ne kaha.

"Taau tumhara dimaag fir gaya hai kya. Ye kya bakwas pele ja rahe ho tum. Maine kaha na ki yaha tumhare koi bachche vachche nahi hain. Aur ye tum kis police wale ki baat kar rahe ho ki wo tumhare bachche ko kal raat pakad kar le aaye the." Us police wale ne pucha.

"Utni der se main yaha unhe hi khoj raha hu magar wo dono to yaha dikh hi nahi rahe. Lekin mera yakin kijiye sahab. Kal raat mere ghar aapke jaise hi do police wale aaye the aur wo mere bachcho ko pakad kar waha se le aaye the." Uncle ji ne kaha.

"Kya hua sharma. Kaun kisko pakad kar le aaya tha." Ek dusra police wala unke paas aate hi pahle police wale se pucha.
"Are yaar patil kya bataau tujhe. Ye taau pata nahi kya bake ja raha hai. Kah raha hai ki hamare thane ke do police wale kal raat iske ghar gaye the aur fir iske bachcho ko pakad kar yaha le aaye the." Pahle police wale ne kaha.

"Par hamare yaha to kal raat koi bhi kisi bachche ko pakad kar nahi laya." Dusre wale ne kaha.
"Wahi to main bhi is taau ko bata raha hu lekin ye baar baar usi baat ko dohraye ja raha hai. Ab tu hi samjha is taau ko." Pahle wale ne kaha.

"Dekhiye aap log mera viswaas kijiye. Main apne unhi bachcho ki kasam kha ke kah raha hu ki kal raat aapke hi yaha ke do police wale mere ghar aaye the aur wo mere bachcho ko pakad kar le aaye the. Main yaha apne unhi bachcho se milne aaya hu aur ye dekhiye main unke liye ye khana bhi pack kar ke le aaya hu. Kyo ki wo bahut bhukhe hoge." Uncle ji ne thaila dikhate huye kaha.

"Dekho taau pichhli raat hamare yaha koi bhi mujrim pakad kar nahi laya gaya. Is liye ham tumhari baat par kaise yakin kar sakte hain. Mujhe lagta hai ki tumne koi khwaab dekha hai." Dusre police wale ne kaha.
"Nahi sahab maine koi khwaab nahi dekha hai balki main sach kah raha hu. Main apne un bachcho ki jhuthi kasam nahi kha sakta." Uncle ji ne bebas ho ke kaha.

"Chalo maine maan liya taau lekin tum bhi to hamari baat par yakin karo. Ham bhala tumse jhuth kyo bolege. Agar tumhe yakeen nahi hai to chalo tum khud hi dekh lo har jagah. Tab shayad tumhe yakeen aa jaye ham par." Pahle police wale ne kaha.
"Haa ye thik rahega sahab. Main apni aakho se dekh lena chahta hu." Uncle ji ne kaha to wo dono police wale unhe apne sath andar ki taraf le gaye jaha par lockup bane huye the.

Uncle ji un dono police walo ke sath ghum ghum kar kai baar sare lockup me dekha magar neelam aur nakul unhe kahi najar na aaye. Ye dekh kar uncle ji ki haalat ro dene wali ho gai. Unhe samajh nahi aa raha tha ki aisa kaise ho sakta hai. Jo police wale unke ghar aaye the wo bhi thane me nahi dikh rahe the. Unhone un dono police walo ko pichhli raat aaye dono police walo ke huliye bhi bataye. Unke bataye huliye ka koi bhi police wala thane me nahi tha.

Uncle ji ko din me hi taare najar aane lage the. Unhe aisa lagne laga jaise sach me unhone khwaab dekha tha. Kuch bhi samajh nahi aa raha tha ki ye sab kaise ho gaya tha. Unki haalat dekh kar thane ke dono police walo ne unhe pani pilaya aur fir samjha bujha kar thane se baahar ka raasta dikha diya. Unhe yahi laga ki ye taau pagal hai jo kalpnik bachcho ki kahani bana raha tha.

Thane se baahar aa kar uncle ji gahri soch me dube paidal chal pade. Unke dimaag me dher sare sawaal ubhar rahe the magar unme se kisi ka bhi jawaab unhe nahi mil raha tha. Unke man me sabse jyada yahi sawaal ubhar raha tha ki kya wo police wale nakli the jo neelam aur nakul ko is tarah se pakad kar le gaye the magar aisa wo kyo kiye hoge. Unhone unhe bhi giraftar karne ki baat kahi thi lekin usi wakt unhe giraftar nahi kiya tha kyo. Agar unhone sach me police ko gumrah kiya tha to unhe bhi usi wakt giraftar kar lena chahiye tha. Fir unhone ye kyo kaha tha ki wo kal subah aayege aur fir unhe bhi police ko gumrah karne ke jurm me giraftar kar ke le jayege.

Uncle ji ye sab sochte huye sadak par ja hi rahe the ki achanak hi sadak par tej awaaj hui aur tabhi unhe ek thokar lagi jisse wo uchhal kar sadak par gir gaye. Uncle ji soch me itna dube huye the ki unhe ye pata hi nahi chala tha ki kab wo bich sadak par aa gaye the. Car wale ne bade jor ka break mara tha magar iske bavjud car uncle ji ko chhu gai thi jiska result ye nikla ki uncle ji uchhal kar sadak par gir gaye the. Dekhte hi dekhte sadak par bheed jama ho gai.

Car wala jaldi se car ka gate khol kar baahar aaya aur sadak par gire uncle ji ko pakad kar uthaya. Aas paas ikattha ho gai bheed me se kai tarah ki awaaje aane lagi thi. Shukar tha haadsa jyada bada nahi tha warna car chalak ke lene ke dene to padte hi sath hi uncle ji ki bhi haalat critical ho jati.

"Aapka dhyaan kidhar tha uncle ji. Kitna horn baja raha tha main lekin aap sun hi nahi rahe the." Coat pahne huye us aadmi ne kaha jo koi aur nahi balki ashok uncle hi the. Unhone uncle ji ko pakad kar uthaya aur unse puchne lage ki aapko kahi chot wagaira to nahi lagi. Waise chot to unhe lag hi gai thi. Kyo ki pakki sadak par uchhal kar gire the wo jisse ek haath ki kohni me aur ek pair ke ghutne me chot lag gai thi. Aas paas maujud bheed bhi janti thi ki car wale ne bahut horn bajaya tha magar taau ko sunaai nahi diya tha. Ab main road ke bich par koi aadmi is tarah bahra ho ke chalega to uska result aisa to nikalna hi tha.

"Maaf karna beta. Asal me mera dhyan kahi aur hi tha is liye tumhari gaadi ka horn mere kaano tak nahi pahuch saka." Uncle ji ne kaha.
"Aap maafi mat maagiye uncle ji. Asal me kahi na kahi meri bhi galti thi. Aapki tarah mera bhi dhyaan kahi aur hi tha. Bhagwan ki daya se sahi wakt par maine aapko dekh liya tha warna aaj mujhse bahut bada anarth ho jata. Chaliye uthiye aur meri car me baithiye. Main aapko hospital le ke chalta hu. Aapko chot lag gai hai." Ashok uncle ne kaha.

"Are nahi beta. Ye to bas mamuli si chot hai jo haldi chuna lagane se thik ho jayegi." Uncle ji ne uthte huye kaha.
"Nahi uncle ji. Aapko mere sath chalna hi padega. Kyo ki agar main aapko is haal me chhod kar chala jaauga to mere man ko shaanti nahi milegi." Ashok uncle ne kaha.

"Achha agar aisi baat hai to thik hai beta lekin tum mujhe hospital nahi balki mere ghar le chalo. Mamuli si kharoch hi to aai hai. Ab agar main itne ke liye hospital gaya to ghar me meri biwi akeli bahut pareshan ho jayegi. Waise bhi is wakt wo dukhi hai." Uncle ji ne kaha.

"Thik hai uncle ji. Chaliye main aapko aapke ghar hi liye chalta hu." Ashok uncle ne kaha aur fir unhone uncle ji ko sahara de kar apni car ke andar baithaya. Sadak par hi ek taraf pada wo thaila bhi ashok uncle utha laye jo uncle ji ke hath me tha. Uske baad ashok uncle uncle ji se unke ghar ka pata puchh kar car ko aage badha diya.

"Waise uncle ji kya main aapse puch sakta hu ki aap us wakt aise kin khayaalo me gum the jiski vajah se aapko meri car ka horn bhi nahi sunaai diya tha." Raaste me ashok uncle ne pucha.
"Duniya bahut badi hai beta aur is duniya me har insaan kisi na kisi khayal me gum hi rahta hai. Main bhi apne bachcho ke khayaalo me hi gum tha us wakt." Uncle ji ne kaha.

"Mata pita to hote hi aise hain. Har wakt apne bachcho ke hi bare me sochte rahte hain. Bachche bhale hi apne mata pita ke bare me na soche lekin mata pita unhi ke bare me sochte hain. Apne bachcho ki bhalaai ke bare me hi sochte hain. Shayad isi liye duniya me mata pita se bada aur unse mahaan koi nahi hota. Waise aap apne bachcho ke bare me sochte huye itna gum the to jarur koi khaas baat rahi hogi." Ashok uncle ne kaha.

"Khaas hoti to shayad itna gum na hota beta." Uncle ji ne kaha.
"Ji main kuch samjha nahi. Khaas baat nahi thi to fir kya baat thi uncle ji." Ashok uncle ne pucha.
"Asal me beta main yaha police station aaya tha apne bachcho se milne ke liye." Uncle ji ne kaha.

"Police station. Kya aapke bachche police station me the." Ashok uncle ne pucha.
"Main to yahi samajh raha tha beta ki mere bachche police station me hi hoge magar abhi jab maine yaha aa kar dekha to wo yaha nahi the. Isi baat se main soch me itna doob gaya tha ki ye sab ho gaya." Uncle ji ne kaha.

"Par aapke bachche police station me kyo the. Kya unhone koi jurm kiya tha." Ashok uncle ne pucha.
"Waisa jurm to unhone nahi kiya tha jiske liye unhe police ya kanoon pakad kar jail me hi daal de magar haa dono ne prem karne aur ghar se bhaag kar yaha aane ka jurm shayad jarur kiya tha tabhi to un becharo ko har kisi se chhup ke rahna pada tha." Uncle ji ne kaha to ashok uncle ko jhatka sa laga. Jane kyo unke man me uncle ji ki is baat se neelam aur nakul ka khayaal aa gaya. Wo bhi to premi the aur ghar se bhaag kar yaha aaye the.

"Wo dono ghar se bhaag kar yaha aaye the matlab wo aapke bachche nahi the. Kya sahi kaha maine." Ashok uncle ne pucha.
"Haa wo mere bachche nahi the magar mere bachcho jaise hi the. Pichhle aadhe mahine se wo mere ghar me rah rahe the magar kal raat do police wale aaye aur unhe pakad kar le gaye ghar se. Mujhe bhi kah gaye the ki maine police ko gumrah kiya hai is liye wo subah mujhe bhi giraftar kar ke le jayege magar subah se dopahar bhi ho gai aur wo mujhe giraftar karne nahi aaye. Mujhe apne un bachcho ki chinta thi is liye jab mujhse na raha gaya to main unse milne thane chala aaya tha. Yaha aa kar jab maine police walo se unse milne ki baat kahi to wo kahne lage ki yaha koi bachche vachche nahi hain aur na hi kal raat unke thane ka koi police wala unhe pakad kar laya tha. Bas isi baat par meri unse bahas hone lagi. Ant me unhone mujhe lockup bhi dikhaya. Sach me waha mere bachche nahi the. Ye dekh kar main hairaan aur pareshan ho gaya ki aakhir mere bachche gaye kaha. Inhi sab baato ke bare me sochte huye main gum tha aur fir tumhari car se accident hote hote bach gaya." Uncle ji ne kaha.

"Kahi un dono ka naam neelam aur nakul to nahi tha." Ashok uncle ne ye pucha to uncle ji unki is baat se chauk kar unki taraf dekhne lage.
"Haa yahi naam hai un dono ka par tumhe un dono ka naam kaise pata hai beta. Kya tum un dono ko jante ho." Uncle ji ne pucha.

"Hey bhagwan. Main bhi unhe hi dhudh raha hu uncle ji. Asal me main SP rama shankar se milne hi aa raha tha. Unhone thane se aage ek hotel ke paas milne ke liye kaha tha mujhse." Ashok uncle ne kaha.

"Ye to badi hairani ki baat hai beta. Lekin tum unhe kyo dhudh rahe ho. Kya wo tumhare bachche hain." Uncle ji ne pucha.
"Asal me neelam meri beti divya ki school ki friend thi. To ek tarah se wo bhi meri beti ki tarah hi hai. Ek ladki aur hai naina jo neelam ke gaon ki hi hai aur wo uski friend hai. Naina ki vajah se hi pata chala ki neelam aur nakul yaha pune me hain aur wo dono badi bhari musibat me hain. Is vajah se main un dono ko SP ki help se dhudh raha hu. Ye to ek bahut bada sanjog hi hua ki aapse is tarah mulakaat ho gai aur aapke dwara hi mujhe un dono ke bare me pata chal gaya. Lekin ab aap kah rahe hain ki kal raat unhe police wale pakad kar le gaye the." Ashok uncle ne kaha.

"Yahi sach hai beta. Jaisa ki maine tumhe bataya wo pandrah din pahle mere ghar aaye the. Un dono ke sath me ek aur ladka tha deepak naam ka. Wo teeno mere ghar aaye the apne liye kamra dhudhne. Maine dono ko apne yaha rahne ke liye kiraye se kamra de diya. Ham apne ghar me ham do miya biwi hi rahte the to unke aa jane se hame laga ki wo bhi hamare bachche jaise hi hain. Hamare paas rahege to hame bhi sahara hi milega. Unke sath jo ek aur deepak naam ka ladka aaya tha usne nakul ko apni company me naukari lagwa diya tha lekin dusre hi din neelam aur nakul ki khabar news paper me chhapi dikhi to nakul ne naukari chhod di. Use dar tha ki news me chhapi uski photo ki vajah se koi use pahchan kar police me khabar na kar de. Uske baad se wo dono ghar ke andar hi rahe. Wo dono ghar se bhaag kar aaye the aur dono ek dusre se prem karte the ye baat mujhe bhi pata thi. Main ye to samajhta tha ki un dono ko is tarah bhaag kar nahi aana chahiye tha magar ab jab wo bhaag kar aa hi gaye the to unhe aisi jagah par rahne dena maine thik hi samjha jaha par unhe kisi baat ki taklif na ho aur wo dono surakhsit rahe. Akhbar me chhapi news ki vajah se dono ghar ke andar hi rahne lage the. Bich bich me deepak naam ka wo ladka dono se milne aata rahta tha. Abhi kal bhi shaam ko wo aaya tha. Uske baad fir raat me wo police wale aaye the aur wo neelam aur nakul ko le kar chale gaye the. Ab meri samajh me ye nahi aa raha ki jab wo police wale un dono ko le gaye the to wo dono police station me kyo nahi mile. Wo dono police wale bhi nahi dikhaai diye jo raat me aaye the." Uncle ji ne kaha.

"Wo dikhaai dege bhi nahi uncle ji. Aapko is maamle ke bare me abhi thik se pata nahi hai is liye aapko samajh nahi aa raha." Ashok uncle ne kaha.
"Kis maamle ki baat kar rahe ho tum." Uncle ji ne puchha to ashok uncle ne short me sab kuch unhe bata diya.

"Hey bhagwan to ye baat hai." Uncle ji ne shock ho ke kaha.
"Haa aur mujhe pura yakin hai ki deepak naam ka wo ladka unhi logo me se ek hai. Aapne bataya ki kal wo shaam ko aaya tha to fir usi ne kiya hai ye sab." Ashok uncle kaha.

"Fir to wo police wale bhi usi ke aadmi rahe hoge jo kal raat aaye the. Wo police wale nakli rahe hoge kyo ki abhi jab main thane gaya tha to waha par maine un dono ko nahi dekha aur na hi waha ke police walo ne unke huliye wale kisi police wale ke bare me bataya. Iska to yahi matlab hua ki kal raat jo do police wale mere ghar aaye the wo dono nakli the." Uncle ji ne kaha.

"Ab to shayad yahi sach hai aur ye bhi sach ho sakta hai ki wo log neelam aur nakul ko raat me hi yaha se yaani pune se baahar le gaye hoge." Ashok uncle ne kaha.
"Par wo log unhe kaha le gaye hoge. Mujhe to ab tumhari baate sun kar un dono ke liye bahut chinta hone lagi hai beta." Uncle ji ne kaha.

"Wo log un dono ko wapas mumbai le gaye hoge. Kyo ki neelam ki dost naina ko un logo ne mumbai me hi kaid kar ke rakha tha aur neelam ko bhi pakad rakhe the shayad. Lekin ek baat samajh me nahi aa rahi ki jab neelam aur nakul pahle unhi logo ki pakad me the to news me unke bare me khabar chhapwane ka kya matlab tha." Ashok uncle ne kaha.

"Koi to matlab raha hi hoga. Mujhe to ab un dono ki bahut chinta ho rahi hai. Unhe kuch bhi kar ke bacha lo beta warna wo log pata nahi unke sath kya kya karege." Uncle ji ne kaha.
"Chinta mat kijiye uncle ji. Abhi tak hame bhi andaja nahi tha ki wo log kaha par the lekin aapke mil jane se kafi kuch pata chal gaya hai. Bhagwan ka lakh lakh shukra hai ki ittefaak se aap mujhe mil gaye. Ab main SP ko is bare me fauran hi suchit karuga ki wo log un dono ko mumbai le gaye hain is liye ab unhe wahi par talash kare." Ashok uncle ne kaha.

"Beta yaha se is taraf mod lo. Kuch hi doori par mera ghar hai. Waise tum mil gaye ho to ab mujhe un dono ki jyada chinta nahi rahegi. Mujhe yakeen hai ki tum unhe jaldi hi khoj loge aur unhe hifajat se apne paas le aaoge. Meri bas itni hi ichha hai ki ek baar main fir se unhe apni aakho se dekh lu." Uncle ji ne kaha.

"Aap mujhe apne ghar ka pata bata dijiyega. Main aapko unke mil jane par ya to khud aa kar bataauga ya fir kisi maadhyam se aap tak khabar bhejwa duga." Ashok uncle ne kaha.

Kuch hi der me ashok uncle ki car uncle ji ke ghar ke samne aa kar ruk gai. Ashok uncle pahle utre uske baad unhone sahara de kar uncle ji ko bhi utara. Car ki awaaj sun kar ghar ke andar se aunty ji bhi gate khol kar baahar aa gai thi. Uncle ji ki haalat dekh kar aur unke sath ashok uncle ko dekh kar wo ekdam se ghabra gai thi. Wo bhaag kar unke paas aai aur puchne lagi ki inhe kya hua hai to uncle ji ne khud hi kaha ki wo raaste me sadak par gir gaye the is liye chot lag gai thi.

Ashok uncle uncle ji ko le ke ghar ke andar aa gaye. Ghar ke andar aane ke baad ashok uncle ne aunty ji se sab sach sach bata diya ki kya hua tha. Sari baat sunne ke baad aunty ji ki haalat kharaab ho gai thi. Uncle ji ke samjhane par unhe thodi raahat mili. Uske baad uncle ji ne wo sab bhi aunty ji ko bataya jo baate unki ashok uncle se hui thi. Sari baate sunne ke baad aunty ji bhi hairaan rah gai thi aur chinta me pad gai thi.

Kuch der rukne ke baad ashok uncle ne unse jane ki ijajat li aur kaha ki ab unhe jald se jald un dono ko dhudhne ke liye kaam par lagna hoga. Ashok uncle ki is baat se uncle aunty dono ne ijajat de di. Ijajat milne par ashok uncle waha se fir aane ka wada kar ke ghar se baahar aa gaye. Uske baad wo apni car me baith kar teji se car ko aage badha diya.

......

awesome update

 

[mashish]

Update - 28


Ratan bhaiya ko message bhejne ke baad maine mobile ko apne bag me waise hi chhupa ke rakh diya jaise pahle chhupa ke rakha hua tha. Uske baad main chup chaap bed par aa kar baith gai thi. Mere man me is wakt ratan bhaiya ki wo message wali baate hi chal rahi thi. Main un baato ko soch soch kar khush ho rahi thi. Maine bhagwan ko yaad karte huye unhe iske liye thanks kahne lagi.

Ratan bhaiya ki vajah se hi ye sab possible ho paya tha warna meri shadi nakul se karne ke liye dad maan jaye ye to asambhav hi tha. Mere man me ratan bhaiya ke liye bahut jyada ijjat aur samman bhar gaya tha aur mera dil kar raha tha ki main kisi jaadu ki tarah unke paas pahuch jaau aur unse lipat jaau aur fir unse kahu ki aapne jo mere liye kiya hai uske badle ab agar wo meri jaan bhi maag lege to main haste haste unhe apni jaan de dugi. Ratan bhaiya ki abhi shadi nahi hui thi is liye ab main bhagwan se yahi dua kar rahi thi ki unhe is sansar ki sabse kubsurat ladki mile jisse unki shadi ho jaye aur wo unhe bahut jyada pyar kare.

Kafi der tak main yahi sab sochti rahi aur fir jab mere man me ye baat aai ki ab mujhe aur nakul ko jald hi waapas gaon jana chahiye to mujhe ekdam se nakul ka khayaal aaya aur ye bhi khayaal aaya ki is wakt ham dono kis situation me hain. Pichhli raat ham dono ke sath bada ajeeb haadsa hua tha. Ham dono ko behosh kar diya gaya tha aur fir jab meri aankh khuli to main yaha rohan ke flat me thi. Mere dimaag me deepak ki wo baat gooj uthi jo usne hamare behosh hone ke baad us police wale se kahi thi. Us wakt main puri tarah behosh nahi hui thi is liye mujhe uski awaaj pahchanne me mushkil nahi hui thi aur yahi vajah thi ki uski wo baat sun kar mujhe us wakt jhatka laga tha. Magar abhi jab wo rohan ke sath aaya tha aur usne jo kuch kaha tha usse main soch me pad gai thi.

Main deepak ki un baato ko hi soche ja rahi thi. Uski baato se kahi bhi aisa nahi lag raha tha ki usne us wakt koi ulta seedha kaam kiya tha magar pata nahi kyo mujhe kuch thik nahi lag raha tha. Mujhe ekdam se ghabrahat aur bechaini si hone lagi thi. Nakul ka khayaal aaya to main sochne lagi ki wo is wakt kaha aur kis haal me hoga. Mujhe uski chinta hone lagi to main jaldi se bed se niche utri aur darwaje ki taraf badh chali. Mera dil jor jor se dhadakne laga tha.

Darwaje ke paas pahuch kar main ruk gai aur baahar ki kisi bhi awaaj ko sunne ki koshish ki magar kuch sunaai nahi diya. Baahar ekdam se sannata sa chhaya hua tha. Mujhe samajh nahi aaya ki rohan aur deepak flat ke andar hi hain to fir itna sannata kyo hai. Abhi kuch der pahle to wo dono yahi the. Kuch der is bare me sochne ke baad main chupke se kamre se baahar nikli. Baahar charo taraf dekhne ke baad main kuch doori par bane ek aur kamre ki taraf badh chali. Mera anumaan tha ki us band kamre me shayad nakul hoga.

Har taraf chhaai khamoshi mujhe badi ajeeb si lag rahi thi. Iske pahle jab main aur nakul yaha rahte the tab mujhe aisa kuch bhi feel nahi hota tha magar aaj is sannate ko dekh kar mera dil pata nahi kyo jor jor se dhadak raha tha. Kuch hi der me main us kamre ke paas pahuch gai. Darwaja band tha aur mujhe pakka pata nahi tha ki us kamre me nakul hai ki nahi. Maine to bas anumaan hi lagaya tha. Ho sakta hai ki us kamre me rohan aur deepak ho ye soch kar maine awaaj dena thik nahi samjha magar pata to karna hi tha ki nakul kaha hai.

Maine kaapte haath se darwaje ko andar ki taraf dhakela to darwaja khulta chala gaya. Mera dil aur bhi teji se dhadakne laga. Man me kai sare khayaal ubharne lage the. Darwaja jab adha khul gaya to maine darte huye apne kadam andar ki taraf badhaye. Darwaje ke andar aane ke baad maine kamre me najar ghumaai to meri najar bed par padi. Bed khaali tha magar bed par bichhi safed chaadar par jo silwate thi usse mujhe andaja ho gaya ki is bed par koi leta jarur tha magar kaun leta tha ye sawaal ab mere man me ubhar aaya tha.

Us kamre me nakul ko na pa kar mujhe aur bhi jyada uski chinta hone lagi. Aage badh kar main kamre se attach bathroom ke paas aai aur anumaan lagane lagi ki bathroom me koi hai ki nahi magar bathroom se bhi koi awaaj ya aahat nahi aai to maine bathroom ke darwaje ko khol kar uske andar dekha. Nakul bathroom me bhi nahi tha. Ab main sochne lagi ki kaha hoga wo. Main jaldi hi kamre se baahar aai aur flat me har jagah nakul ko dhudhne lagi magar nakul mujhe kahi najar na aaya. Pure flat me mere alawa koi nahi tha.

Flat me main akeli hi thi is wakt. Maine socha rohan aur deepak bhi nahi hain yaha to kahi aisa to nahi ki nakul unke sath hi ho. Us wakt deepak ya rohan me se kisi ne bhi nakul ke bare me koi baat nahi ki thi is vajah se mujhe aur bhi jyada tension hone lagi. Tabhi mere man me sawaal ubhra ki kahi aisa to nahi ki yaha sirf mujhe hi bas laya gaya ho aur nakul ko nahi magar fir khayaal aaya ki deepak bhala aisa kyo karega. Mujhe kuch samajh me nahi aa raha tha ki ab main kya karu. Tension ki vajah se mera sir dukhne laga tha.

......

Nakul rohan aur deepak ke sath tha aur is wakt wo teeno flat se door ek aisi jagah par the jaha par charo taraf sirf pedh hi pedh the. Yaha ka look bilkul waisa hi tha jaise filmo me hero heroine ka gana gaate wakt hota tha. Charo taraf pedh ek tarah se jungle jaisa scene tha. Un logo ke peechhe ki taraf kareeb sau gaj ki doori par khula area najar aa raha tha. Yaha se door shahar ki badi badi imaarte najar aa rahi thi.

Pedho ke bich pattharo ke teele the jinme ek ek kar ke rohan deepak aur nakul baithe huye the. Deepak aur rohan ek teele par sath hi baithe huye the jabki nakul un dono ke samne wale teele par akela baitha hua tha. Is wakt uske chehre se aisa prateet ho raha tha jaise wo kisi baat se pareshan ho.

"Isme itna sochne ki kya baat hai bhai. Maine tumhe sab kuch bata diya hai. Yakeen maano bhai bahut hi kam samay me tumhare paas dher sara paisa hoga aur har wo cheej hogi jiska tumne khwaab dekha hoga. Is pyar vyar ke chakkar me apni life ko barbad na karo. Aaj ke time me koi bhi insaan is pyar vyar ke chakkar me nahi padta. Kyo ki isme aksar insaan sirf devdas hi ban ke rah jata hai aur fir apni puri life ko jhand bana leta hai. Are life mili hai to aise jiyo ki duniya ka har maja le lo. Jab jeb me paisa aa jayega na to ek neelam kya hajaaro neelam ki aage pichhe line lag jayegi. Uske baad tum jaise chaaho unke maje lete raho." Rohan ne kaha.

"Mujhe nahi pata tha bhai ki dosti ki aad me tum hamare sath ye game khel rahe ho. Main to yahi samajhta tha ki aaj bhi duniya me tum jaise achhe insaan hain jo kisi besahara ko sahara dete hain. Main tumhe duniya ka sabse achha insaan samajhta tha magar tum to bahut hi jyada gire huye insaan nikle. Jis daulat ko pane ki tum baat kar rahe ho us daulat ke pichhe kitni masoom ladkiyo ki jindagi barbaad hogi is bare me tum sochna hi nahi chaahte. Tum mujhe ye bataao rohan bhai ki tum ek ameer baap ke bete ho to tumhe daulat ki kami kaise pad gai. Tumhare dad ke paas to itna paisa hai ki tum jaise chaahe aish kar sakte ho iske bavjud tumne aisa gira hua kaam kiya. Jab acche karm karne wale paise se tumhara man nahi bhara to is paap ke paise se kaise tumhe santusti milegi. Apni khushi aur apne aisho araam ke liye tum masoom ladkiyo ki jindagi barbaad karte ho aur kahte ho ki isi me sansar ka asli aanand hai. Fir to tumhe aanand ke bare me pata hi nahi hai ki aanand hota kya hai. Hame do wakt ki roti bhale hi na mile lekin kisi ke sath galat na kar ke bhukha rahne me bhi ek aanand hi milta hai. Kam se kam dil ko tasalli to rahti hai ki apni bhukh ko shaant karne ke liye hamne kisi ke sath kuch galat nahi kiya hai." Nakul ne kaha.

"Ye to bhaashan dene laga boss." Deepak ne rohan se kaha.
"Jab naseeb foote hote hain to log aise hi bhaashan dete hain bhai. Is bhai ke upar pyar ka bhoot sawaar hai is liye ise hamari baate galat lag rahi hain. Ham to bhai ke liye achha hi karne ki soch rahe the magar lagta hai bhai ko bhukho hi marna hai." Rohan ne kaha.

"Mujhe dhan daulat ka koi laalach nahi hai rohan bhai. Bhagwan ne jitna mujhe diya hai usi se main khush hu. Agar kisi ki jindagi barbaad kar ke hi daulat milti hai aur usse khushiya milti hain to bhai na to mujhe aisi daulat chahiye aur na hi aisi khushi chahiye. Tumne hamari madad ki uske liye bahut bahut dhanyawad hai tumhara. Main tumhe ye nahi kahuga ki tum ye sab kaam na karo kyo ki main samajh chuka hu ki tum aisi daulat ko apne se door nahi karna chahoge. Meri bas yahi request hai tumse ki ab hame yaha se jane do. Waise bhi neelam ke dad hamari shadi ke liye maan hi jayege to ab is khushi se badh kar mere liye koi khushi nahi ho sakti." Nakul ne kaha.

"Aise kaise jane de nakul bhai. Tum ye soch bhi kaise sakte ho ki ab ham tumhe yaha se jane dege. Hamara sara raaj janne ke baad ab tum yaha se nahi ja sakte bhai." Rohan ne kaha.
"Ye tum kya kah rahe ho rohan bhai." Nakul ne chauk ke kaha.

"Wahi jo tumne suna bhai. Sara khel hi isi liye racha tha hamne. Asal me tumhara jo gaon me dost tha na satish naam ka wo mera hi aadmi hai. Uska kaam yahi hai ki wo gaon ki bholi bhaali ladkiyo ko jaal me fasaye aur fir mumbai me yaha mere paas le aaye. Gaon me usne tumse tabhi dosti ki jab use pata chala ki neelam se tumhara taaka bhida hua hai. Usne tumhare bare me sab pata kiya. Jab use pata chal gaya ki tum ek gareeb ghar se ho aur anaath bhi ho to use ye bhi samajh aa gaya ki neelam ka ameer baap tumhare sath apni beti ki shadi kabhi nahi karega. Bas uske baad usne tumse dosti ki aur tumhe bich bich me samjhata raha ki agar tumhara pyar sachcha hai to tumhari shadi neelam se jarur hogi. Time to laga nakul bhai magar aakhir tumhari love story us stage par pahuch hi gai jaha par tum dono ke samne bas ek hi raasta bacha. I mean bhaagne ka raasta. Satish ne tumhari har tarah se help ki thi. Yaha tak ki usne hospital me tumhara ilaaj bhi karwaya tha aur fir uske baad usi ne tum dono ke liye train ki ticket bhi banwai thi. Satish waha ki har report mujhe deta rahta tha. Usne bataya ki neelam ki ek dost bhi hai naina to maine usse kaha ki use bhi jaal me fasaao magar naina uske jaal me fasne aa hi nahi rahi thi. Kyo ki use kisi se pyar nahi hua tha warna uska bhi dimaag tum dono ki tarah kaam na karta. Wo kafi samajhdar thi aur tej bhi lekin maine satish se kah diya tha ki chahe jo karna pade magar naina ko bhi yaha le ke aana hai use. Uske baad bhagwan ki daya se satish ko mauka mil hi gaya use yaha laane ka. Us shaam jab naina neelam se aakhiri baar mil kar apne ghar ja rahi thi to satish aur prakash bhi uske pichhe lag gaye the. Sham ka adhera tha hi is liye jaise hi sunsaan sadak par use un dono ne akela dekha to plan ke hisab se use daboch liya un logo ne. Bechari ko behosh kar ke utha le gaye apne adde par aur fir jab tum dono udhar train me baithe to dusri taraf satish aur prakash bhi naina ko le kar raato raat car se mumbai ke liye nikal liye." Rohan ne kaha.

"To naina ko tumne pakadwaya tha aur ham dono ye soch kar pareshan the ki wo achanak se gayab kaise ho gai hogi." Nakul ne kaha.
"Sab apna hi kiya dhara tha magar ek problem ho gai. Mere wo dono aadmi use mumbai to le aaye aur mere kahne par use ek jagah kaid kar ke bhi rakha magar wo saali unhe chakma de kar faraar ho gai." Rohan ne kaha.

"Ye kya kah rahe ho tum." Nakul ne shock ho ke pucha.
"Haa bhai yahi sach hai. Wo unki kaid se unhe chakma de kar furr ho gai. Isme galti bhi satish ki hi thi. Wo sala uske pyar me pad gaya tha. Waha gaon me hi wo naina ko dekh kar aahe bharne laga tha. Ek do baar wo naina se mila bhi tha magar usse kah na saka tha. Yaha jab usne is bare me mujhe bataya to mera bheja garam ho gaya. Anyway to kahne ka matlab ye ki us saale ki vajah se naina hamari kaid se bhaag gai. Hamne use bahut talaash karwaya magar wo haath nahi lag saki." Rohan ne kaha.

"Mujhe to abhi bhi yakeen nahi ho raha ki ye sab tumne kiya hai." Nakul ne kaha.
"News paper par tum dono ki khabar bhi maine hi chhapwai thi bhai." Rohan ne muskura ke kaha.
"Kya. Par kyo. Aisa kyo kiya tha tumne." Nakul ne pucha.

"Karna pada bhai. Tum deepak ke kahne par pune se yaha aa hi nahi rahe the to majburan mujhe news paper me tum dono ki khabar chhapwani padi. Udhar deepak tha hi to usne ek aadmi ko police wala bana kar tumhare adde par bhej diya tha jisse tum dono dar jaao aur waha se waapas yaha aane ke liye deepak se kaho magar itne par bhi tum yaha aane ko raaji nahi huye. Uske baad ab yahi last chara tha ki tumhe direct police ke dwara pakad hi liya jaaye aur fir yaha le aaya jaye." Rohan ne kaha.

"Ab ye sab baate chhodo boss aur ye bataao ki ab aage kya karna hai. Kyo ki isne to tumhara offer thukra diya hai." Deepak ne rohan se kaha.
"Karna wahi hai bhai jo hamne decide kiya tha." Rohan ne kaha aur fir usne deepak ko aakho se koi ishara kiya.

"Kya karne wale ho tum." Nakul ne ghabrate huye pucha.
"Tension na lo bhai. Ham dono ne decide kiya tha ki apne dhandhe ke bare me tumse baat karege. Tum maan jaaoge to thik nahi to tumhe waapas gaon bhej dege magar shart ye hogi ki tum hamare is dhandhe ke bare me kisi ko kuch nahi bataoge." Rohan ne kaha.
"Main kisi se kuch nahi kahuga bhai. Ye tumhara kaam hai jo man me aaye karo. Bas hame yaha se jane do." Nakul ne kaha.

Rohan ke ishare par deepak uth kar ek taraf ko chal diya tha. Usne jaate wakt apne hath ki sabse chhoti ugli dikha di thi. Matlab ki wo bathroom karne ja raha hai. Wo chalte huye nakul ke side se nikal gaya tha. Idhar rohan nakul se baate karta raha. Nakul ko bilkul bhi andaja nahi tha ki rohan ne deepak ko koi ishara kiya tha jiske baad kya hone wala tha.

Nakul rohan se baat kar hi raha tha ki tabhi pichhe se deepak ne nakul ki naak par apne haath ki hatheli rakh di aur jaldi se use dusre hath se pakad bhi liya. Nakul ko iski ummid nahi thi is liye jab tak use kuch karne ko sujhta tab tak use chakkar aane laga tha. Kuch hi palo me uska chhatpatana band ho gaya aur fir kuch hi palo me wo behosh ho gaya.

"Well done bhai. Achha hua ki chloroform sath laye the tum warna hamara raaj janne ke baad ye hamare hath asaani se nahi aata." Rohan ne kaha.
"Maine to pahle hi tumse kaha tha boss ki ye hamare dhandhe me aane ke liye raaji nahi hoga." Deepak ne kaha.

"Koi baat nahi bhai. Hamara farj tha ise samjhana ab ise hi samajh nahi aaya to ham kya kar sakte hain. Chalo ab ise utha kar le chalo yaha se. Car yaha se kafi door hai is liye tumhe ise apne kandhe par lena padega." Rohan ne kaha.

"Ye to main pahle hi karna chaahta tha boss lekin tum hi ise samjhane me time khoti kar rahe the. Chalo der se hi sahi ab ye kaam to ho hi gaya. Ab jald hi iski us chhamiya ke sath maja karne ko milega." Deepak ne kaha.
"Jaldi chalo ab. Wo is wakt flat me akeli hai aur waha par wo kisi ko na dekh ghabra bhi rahi hogi." Rohan ne kaha.

"Kya baat hai boss uski badi chinta kar rahe ho tum." Deepak ne haste huye kaha.
"Chinta to hogi hi bhai. Aisa maal badi mushkil se haath me waapas aaya hai. Kahi naina ki tarah wo bhi furr ho gai to hamare sare armaano par paani fir jayega." Rohan ne kaha.
"Wo kahi nahi ja payegi boss. Flat ko baahar se lock kar diya tha maine. Aise me wo flat se nikal hi nahi payegi to furr kaise ho jayegi." Deepak ne kaha.

Deepak ne nakul ko utha kar apne kandhe par taag liya aur ab wo rohan ke piche piche chal raha tha. Thodi der me wo khule hisse ki taraf aa gaye jaha par rohan ki car khadi thi. Rohan ne car ka pichhla darwaja khola to deepak ne nakul ko sheet par lita diya. Rohan ke kahne par wo bhi dusri taraf se usi sheet par baith gaya. Baithne ke baad deepak ne nakul ko bhi utha kar apne bagal se baitha diya aur use sahara de kar pakad liya. Uske baad rohan ne car ko start kiya aur aage badha diya.

......

Kamre me bed par baithi main yahi soch rahi thi ki rohan aur deepak aakhir kaha gaye hoge. Kafi der ho gai thi aur wo dono wapas nahi aaye the. Mujhe sabse jyada nakul ki chinta ho rahi thi. Mere man me baar baar ye khayaal aa raha tha ki kuch to gadbad hai. Ab gadbad kya hai ye mujhe samajh nahi aa raha tha magar baar baar ye jarur lag raha tha ki kuch bura hone wala hai. Main jitna is bare me sochti utna hi meri ghabrahat badhti ja rahi thi.

Kamre se nikal kar main kai baar baahar dekh chuki thi magar har taraf bas khamoshi hi chhaai hui thi. Khidki par lage glass se baahar dekhti to mumbai shahar ka najara dikhta tha. Is sannate me mujhe ek ajeeb si ghutan ho rahi thi aur dar bhi lag raha tha. Mujhe yaad aaya ki ratan bhaiya ne mujhse message me kaha tha ki agar main kisi musibat me rahu to main unhe call kar ke ya message kar ke jarur bataau. Wo meri help karne ke liye har wakt ready rahege.

Mujhe baar baar lag raha tha ki kuch galat hone wala hai aur mujhe ghabrahat bhi ho rahi thi is liye maine ratan bhaiya ko is bare me batane ka soch liya. Main jaldi se bed se niche utri aur fir apne bag se mobile nikala. Kisi anjaani ashanka ki vajah se mera dil ekdam teji se dhadakne laga tha. Maine mobile nikaal kar jaldi se ratan bhaiya ko message type karne ka socha magar fir maine socha ki isme time lagega aur wo log pata nahi kab yaha aa jaye is liye maine direct bhaiya ko call karne ka socha aur ratan bhaiya ko call laga diya. Mobile kaan se lagaya to kaan me ring jane ki awaaj aane lagi. Pata nahi kyo par ekdam se mujhe lagne laga ki kitna jaldi bhaiya se meri baat ho jaye. Tabhi ratan bhaiya ne call utha liya aur unki awaaj mere kaan me padi.

"Hello neel kaisi hai tu. Maine tera message padha. Achha sun abhi main kisi jaruri kaam se baahar hu is liye main tujhse shaam ko phone laga kar baat karuga." Ratan bhaiya ne kaha.
"Nahi bhaiya mujhe aapse abhi baat karni hai aur aapse baat karna bhi bahut jaruri hai. Mujhe aisa lag raha hai bhaiya ki main aur nakul kisi musibat me fas gaye hain. Mujhe is wakt bahut dar lag raha hai bhaiya." Baat karte karte meri awaaj bhaari ho gai aur ekdam se main ro padi.

"Neel tu thik to hai na aur ye tu kaisi musibat ki baat kar rahi hai. Mujhe thik se bata ki kya baat hai." Bhaiya ne pucha. Mujhe unki baato se aisa laga jaise wo ekdam se mere liye fikramand ho gaye ho.

Unke puchne par maine unhe sab kuch bata diya. Maine unhe saari ki saari kahani hi bata di ki kaise main yaha mumbai me nakul ke sath pahuchi aur fir kaise rohan naam ka ek ladka nakul ke dost ka dost mila jisne ham dono ko apne flat me rakha. Kuch din yaha ham rahe aur fir ek din rohan ne bataya ki uske ghar par do log aaye hain jo uske dad ke dost hain. Rohan ke batane se hi mujhe pata chala tha ki dad aur sanjay uncle mumbai aaye the. Us wakt ham dono rohan ke flat me hi chhupe the. Kuch din baad jab ye pata chala ki dad rohan ke dad ke kahne par mumbai police ki help se hame khojne lage hain to ham dono is baat se ghabra gaye aur fir ham dono rohan ki help se raato raat pune chale gaye.

Maine ratan bhaiya ko pune ki bhi sari kahani bataai aur fir ye bhi bataya ki waha par kaise hame do police walo ne pakad liya aur fir hame le kar wo raat me aa rahe the to raaste me ham dono ko behosh kar diya gaya. Fir jab meri aakh khuli to main wapas mumbai me rohan ke hi flat par thi. Maine ratan bhaiya ko bataya ki is wakt main rohan ke flat par hi hu magar nakul ka kahi pata nahi hai. Maine unhe bataya ki subah rohan aur uska dost deepak ne mujhse kya kaha tha.

Meri saari baate sun kar ratan bhaiya shock rah gaye the. Kuch der tak unki koi awaaj hi nahi aai to maine unhe pukara. Mere pukarne par ratan bhaiya ne kaha ki kahi aisa to nahi ki nakul tujhe waha chhod kar chala gaya ho. Bhaiya ki is baat par maine kaha nahi aisa nahi ho sakta. Nakul mujhe chhod kar kahi nahi ja sakta balki koi dusri baat hai.

Maine bhaiya se kaha ki mujhe kisi anhoni ki ashanka ho rahi hai aur mujhe bahut dar bhi lag raha hai. Meri baat par bhaiya ne kaha ki chinta mat karo main abhi dad se baat karta hu.

"Dad ko batana bhaiya ki wo mumbai me apne jis dost ke yaha ruke huye the rohan unhi ka ladka hai aur main usi ke flat par hu is wakt." Maine kaha.
"Chal thik hai neel. Main dad se abhi baat karta hu. Tu apna mobile on hi rakhna aur haa ghabrana mat. Tune achha kiya jo mujhe sab bata diya. Tu bilkul bhi chinta mat karna. Tera ye bhai tere sath kuch nahi hone dega aur na hi nakul ke sath." Ratan bhaiya ne ye kaha aur fir call cut kar di.

Main ratan bhaiya se kahna chahti thi ki aap kitne achhe hain bhaiya aur ek main thi ki aap par hi shak kar rahi thi. Meri aakho se ashu bah chale jinhe maine pochha aur fir mobile ko wapas bag me chhupa kar rakh diya. Ratan bhaiya ko sab kuch bata kar ab mujhe aisa feel ho raha tha jaise ab sab thik ho jayega. Tabhi baahar gate par kuch awaaj si sunaai di mujhe to meri dhadkane badh gai. Ek anjana dar mere andar sir uthane laga.

Kamre me bed par main apni saase roke baithi thi ki tabhi kamre ke khule darwaje ke paar mujhe rohan aur deepak najar aaye. Dono bade khush dikh rahe the. Meri najro ne nakul ko talaash karna chaha magar unke sath mujhe nakul najar na aaya. Mere man ka dar aur bhi badh gaya ki nakul kaha hai.

......

nice update

 

[mashish]

Update - 29


Uncle ji ke ghar se nikalne ke baad ashok uncle ne raaste me hi SP rama shankar ko phone kar ke saari baat bata di thi. Ashok ki baate sunne ke baad SP ne kaha ki agar ye sab sach hai to ab neelam aur nakul mumbai me hi hoge is liye unhe mumbai me hi talaash kiya jayega. Ashok uncle ne SP se kaha ki ab wo wakt barbaad na karte huye jald hi is maamle me kuch kare warna bahut bada anarth ho sakta hai. Ashok uncle ki is baat par SP ne unse kah diya tha ki ab wo is baat ki chinta na kare kyo ki ab wo khud bhi time barbaad nahi karege.

Ghar aa kar ashok uncle ne sabko saari baate bataai to sab ye jaan kar shock ho gaye the ki neelam aur nakul yaha pune me jinke yaha rah rahe the unse bade hi sanjog se uncle ki mulakaat ho gai thi aur saari baato ka pata bhi chal gaya tha.

"Agar un uncle ki baat sach hai to fir ab neelam sach me bade khatre me hai. Wo log un dono ko mumbai le gaye hoge aur ab jane wo log un dono ke sath kya karege. Mujhe to dono ki bahut chinta ho rahi hai ashok." Saroj aunty ne kaha.

"Chinta to mujhe bhi ho rahi hai saroj magar chinta karne se hoga kya. Main apni taraf se puri koshish kar raha hu ki un dono ka jald se jald pata lag jaye aur SP unhe khoj le." Ashok uncle ne kaha.

"Mujhe lagta hai dad ki SP ke sath aapko bhi mumbai jana chahiye. Aap sath me rahege to SP apne kaam me dhilaai nahi karega." Divya ne kaha.
"Divya sahi kah rahi hai uncle. Aap SP ke sath jayege to better rahega." Naina ne kaha.

"Shayad tum dono thik kah rahi ho. Mujhe SP ke sath waha jana chahiye aur iske liye mujhe aaj hi nikalna hoga." Ashok uncle ne kaha.
"Main bhi aapke sath chalugi uncle." Naina ne kaha.
"Tum waha kyo jaaogi beti. Nahi nahi tumhara waha jana thik nahi hai. Tum yahi raho. Yaha tum mahfuj ho." Ashok uncle ne kaha.

"Main mumbai se yaha neelam ko khojne aai thi uncle. Wo meri dost hai aur ab tak to un logo ne use bhi bataya hoga ki unhone mujhe bhi pakad liya tha. Unki is baat se wo mere liye bhi pareshan hogi. Aapke sath jaaugi to main bhi usse mil lugi aur fir wahi se main un dono ke sath gaon chali jaaugi. Rahi baat mere mahfuj hone ki to main aapke sath mahfuj hi rahugi uncle." Naina ne kaha.

"Naina thik kah rahi hai ashok. Ise bhi apne sath hi le jaaiye aur haa agar ho sake to gaon me inke mata pita ko bhi khabar bhejwa dijiyega ki ye log mil gai hain. Is liye ab wo inke liye pareshan na ho." Saroj aunty ne kaha.

"Thik hai fir taiyar ho jaao. Ham kuch hi der me yaha se niklege. Waise surendra bhai sahab aur sanjay bhai sahab ka phone number to hai nahi mere paas to main kaise unhe suchit karuga." Ashok uncle ne kaha.
"Koi to jariya hoga hi un tak khabar pahuchane ka. Dekh lijiyega ya fir neelam ko number pata hoga. Jab wo mil jayegi to usi se number le kar gaon me in dono ke mata pita ko suchit kar dena." Saroj aunty ne kaha.

"Haa ye thik rahega." Ashok uncle ne kaha aur fir wo apne kamre ki taraf uth kar chale gaye.
"Jaao naina beti tum bhi taiyar ho jaao. Divya tu ja naina ke sath aur ise apne kapde de de pahanne ke liye." Saroj aunty ne kaha to divya ji mom kah kar sofe se uth gai. Uske baad naina aur divya apne kamre ki taraf badh gai.

Bees minute baad ashok uncle aur naina taiyar ho kar mumbai jane ke liye ready ho gaye. Ashok uncle ne SP ko phone kar ke bata diya ki wo apni car se mumbai ja rahe hain to wo use wahi milege. Ashok uncle ki baat par SP ne kaha thik hai. Divya ne naina ko apna ek chhota sa bag de diya tha jisme usne naina ke liye ek do jodi kapde aur kuch jarurat ka samaan rakh diya tha. Ashok uncle ne bhi saroj aunty ke kahne par ek chhota sa bag le liya tha. Saroj aunty ka kahna tha ki kya pata waha par kitne din lag jaye is liye pahanne ke liye kuch kapde wo apne sath hi le jaye. Naina divya aur saroj aunty se gale lag kar mili aur fir ashok uncle ke sath ghar se baahar ki taraf chal di. Thodi hi der me wo dono car me baith kar mumbai ki taraf chal diye.

......

Udhar gaon me....
Ratan bhaiya teji se moter cycle chalate huye ghar pahuche. Unhone raaste me hi phone kar ke ravendra uncle ko is bare me bata diya tha. Jab wo ghar pahuche to ghar me dad aur ravendra uncle ke sath sath sanjay uncle bhi baithe huye the. Kuch hi doori par mom log bhi baithi hui thi. Sabke chehro par chinta jhalak rahi thi.

"Itni der kyo laga di tumne aane me." Ratan bhaiya ke aate hi ravendra uncle ne puchha.
"Wo main dad aur sanjay uncle ke liye train ki ticket banwane chala gaya tha. Usi me thoda time lag gaya mujhe." Ratan bhaiya ne kaha.

"Train ki ticket wo kis liye." Dad ne pucha.
"Maine socha ki aisi khabar sun kar aap dono fauran hi mumbai jayege is liye udhar se aap dono ke liye ticket bhi banwa ke le aaya hu." Ratan bhaiya ne kaha.
"Oh ye tumne bahut achha kaam kiya hai aur shayad pahli baar. Kher ravemdra ne hame sab kuch bata diya hai. Hame to abhi bhi yakeen nahi ho raha ki hamare dost ka beta itna gira hua hoga. Man to karta hai ki abhi usko phone kare aur uski aisi taisi kare magar shayad aisa karna abhi thik nahi hoga. Kyo ki baat bigad bhi sakti hai. Isse achha yahi hai ki use phone na kar ke seedha uske paas hi pahuch jaye. Uske baad aankho ke saamne hi har baat hogi." Dad ne gusse me kaha.

"Train teen baje ki hai dad. Kal das ya gyaarah baje aap log mumbai pahuch jayege." Ratan bhaiya ne kaha.
"Thik hai. Hamare jane ki taiyari karo fatafat. Sanjay ja tu bhi fatafat taiyar ho ke aa ja. Wakt bilkul bhi nahi hai hamare paas." Dad ne kaha to sanjay uncle uth kar apne ghar ki taraf nikal gaye.

"Neelam aur us ladke nakul ka to pata chal gaya lekin sanjay bhai sahab ki ladki naina ka pata abhi tak nahi chala. Kahi aisa to nahi ki un logo ne naina ko bhi pakad rakha ho." Ravendra unce ne dad se kaha.
"Agar un logo ne naina ko pakad rakha hota to hamari beti is bare me ratan ko jarur batati lekin usne is bare me kuch nahi bataya. Iska matlab to yahi hua ki naina un logo ke paas nahi hai. Hame aaj tak samajh nahi aaya ki ye ladki aakhir gai to gai kaha." Dad ne kaha.

"Jis din neelam yaha se gai thi usi din se naina bhi gayab hai. Abhi tak hame is baat ka pata nahi tha ki asal baat kya hai. Aaj jab neelam ne ratan ko is bare me bataya tab ham is bare me soch rahe hain to naina agar usi din se gayab hai to ho sakta hai ki yahi baat ho." Ravendra uncle ne kaha.

"Neelam ne mujhse sirf ye kaha tha ki use aur nakul ko behosh kar ke raato raat pune se mumbai laya gaya hai. Use to pata bhi nahi chala tha ki behoshi ki haalat me use kaha le jaya ja raha hai. Uski jab aakh khuli to wo mumbai me us rohan ke hi flat wale kamre me thi. Is sabse wo ghabraai hui thi aur jab usne nakul ko us flat me nahi dekha to wo dar bhi gai hai. Uske man me dar aur ghabrahat bhar gai hai. Isi liye use lagta hai ki kuch galat hone wala hai. To ho sakta hai ki itni badi baat na ho jitni badi baat ki ham yaha baat kar rahe hain." Ratan bhaiya ne kaha.

"Agar itni badi baat na hoti to un dono ko is tarah behosh kar ke mumbai nahi laya jata. Mujhe to wo ladka rohan kuch thik nahi lag raha bhaiya. Neelam ne jo kuch bhi bataya hai usse saaf pata chalta hai ki baat gambhir hai aur mujhe pura yakeen hai ki naina bhi wahi hogi. Neelam ko naina ke bare me shayad is liye nahi pata hai kyo ki use uski najar me laya hi nahi gaya hoga." Ravendra uncle ne kaha.

"Shayad tum thik kah rahe ho ravendra. Hame bhi aisa hi lagta hai." Dad ne kaha aur fir wo uth kar apne kamre ki taraf chale gaye.
"Tumne dubara neelam se baat nahi ki kya." Ravendra uncle ne ratan bhaiya se pucha.

"Nahi abhi to nahi ki. Waise maine use bol diya hai ki wo apna mobile on hi rakhe. Agar koi baat hogi to wo mujhe message karegi ya fir phone karegi." Ratan bhaiya ne kaha.
"Agar wo rohan fraud type ka ladka hai to ho sakta hai ki wo neelam se uska mobile chheen le. Aise me fir neelam se sampark kaise hoga." Ravendra ne kaha.

"Agar wo neelam se mobile chheen bhi lega tab bhi wo pakda hi jayega uncle. Kyo ki ham to jante hi hain ki wo kaun hai aur dad ko bhi bata hi diya hai ki wo unke hi dost ka ladka hai. Itna kafi hai us tak pahuchne ke liye aur jab us tak pahuch jayege to usi se puchege ki neelam nakul aur naina kaha hai." Ratan bhaiya ne kaha.
"Haa ye sahi kaha tumne." Ravendra uncle ne kaha.

Tabhi sanjay uncle apne ghar se taiyar ho kar aa gaye. Kuch der baad dad aur sanjay uncle ravendra uncle ke sath car me baith kar railway station ki taraf chal pade. Jate time mom ne dad se kaha tha hamari bachchiyo ko surakshit ghar le kar aaiyega.

.....

Back to my side....

Maine jab un dono ke sath nakul ko nahi dekha to mere dil ki dhadkane tej ho gai aur mujhe nakul ki bahut jyada chinta hone lagi. Nakul to mere sath hi tha jab ham dono ko behosh kiya gaya tha. Uske baad agar main yaha thi to nakul bhi yahi hona chahiye tha magar abhi tak maine nakul ko na dekha tha aur na hi uske bare me in dono ne mujhe bataya tha. Iska matlab kuch to baat jarur hai. Aakhir ye deepak nakul ko kaha le gaya hoga.

Deepak ki wo baate fir se mere dimaag me ubharne lagi jab usne mere behosh hote wakt us police wale se kahi thi. Aaj subah ye mere samne aisi baate kar raha tha jaise isne hame un police walo se bacha kar bahut bada ahsaan kiya tha. Agar yahi sach hai to fir nakul kaha hai is wakt. Maine ab tak uska chehra kyo nahi dekha. Kahi isi ne to nahi nakul ko gayab kiya hai. Kahi aisa to nahi ki isne nakul ke sath kuch galat kar diya ho. Hey bhagwan nahi nahi aisa nahi ho sakta. Mere nakul ko kuch nahi ho sakta. Ye sab sochte sochte ekdam se meri aakho se aashu bahne lage.

Tabhi meri najar un dono par padi. Wo dono kisi baat se haste huye aapas me koi baat kar rahe the. Mere man me ye janne ki curiosity hui ki aakhir wo itna haste huye kya baate kar rahe hain magar main unki baate kaise sunu. Main un dono ke kareeb nahi ja sakti thi kyo ki jaise hi main kamre se baahar nikalti to unki najar mujh par pad jati. Mujhe kuch samajh me nahi aa raha tha ki ab main kya karu. Abhi main ye soch hi rahi thi ki tabhi maine dekha ki dono kisi baat par haste huye jor se apne apne hath ko mila kar taali thoki aur fir palat kar mere kamre ki taraf dekhne lage. Main jaldi se ek taraf khasak gai jisse un dono ki najar mujh par na pade. Tabhi mere man me pata nahi kya aaya ki main jaldi se uthi aur bhaag kar attach bathroom me ghus gai. Bathroom ka darwaja band kar ke maine andar shower chalu kar diya. Bathroom me paani girne ki awaaj hone lagi. Main ekdam darwaje ke paas hi chup chaap khadi thi. Mujhse do fit ki doori par shower ka paani farsh par gir raha tha.

Is wakt pata nahi kyo par main andar se bahut jyada dari hui aur ghabraai hui thi. Tabhi mere kaano me un dono ki awaaj padi. Dono kamre me aa chuke the. Rohan ki awaaj maine saaf suni thi jisne mujhe neelam ji kah kar pukara tha. Uske pukarne par main chup hi rahi. Kuch der tak koi awaaj na aai. Shayad kamre me mujhe na dekh kar wo mujhe khojne ka prayas kar rahe the. Tabhi fir se mujhe awaaj sunaai di magar is baar deepak ki awaaj aai thi jo rohan se kah raha tha ki bathroom se pani girne ki awaaj aa rahi hai. Matlab wo waha hai aur shayad naha rahi hai.

"Ye to achhi baat hai na bhai. Naha dho ke chama cham ho jayegi tabhi to aur bhi khubsurat dikhegi aur fir hame uske jism ke har hisse ko chaatne me maja aayega." Rohan ki awaaj thi ye. Unhe lag raha tha ki andar main naha rahi hu is liye mujhe unki baate sunaai nahi de rahi hogi. Jabki main to unki baate achhe se sun pa rahi thi aur unki baate sun kar mere hosh bhi ud chuke the. Main andar darwaje ke paas khadi tharthar kaapne lagi thi unki aisi baate sun kar.

"Kya aisa nahi ho sakta boss ki ham dono ek sath hi uske jism ka bhog lagaye. Kasam se boss maja aa jayega aise me." Deepak ki is awaaj ne meri rooh tak ko jaise hila diya tha.
"Nahi aisa nahi kar sakte. Uski shakal se pata chalta hai ki wo abhi kuwari hai. Aisi najuk chij ko do log maslege to uski maa chud jayegi. Is liye use pahle main akele hi bhoguga magar pyar se. Uske baad tum bhogna." Rohan ki is baat se to main jaise patthar hi me badal gai thi. Mujhe aisa laga jaise mujhe abhi chakkar aa jayega.

Un dono ki baato se mujhe pata chal chuka tha ki main ab kitne bade khatre me thi aur mujhe is baat ka bhi andaja ho gaya tha ki nakul mujhe yaha par kyo nahi dikha tha. In dono ne jarur uske sath kuch galat kiya tha. Ye soch kar meri aakh se fir aashu bahne lage. Mujhe pahli baar ahsaas hua ki ghar se bhaag kar aur yaha aa kar hamne kitni badi galti ki thi. Mujhe pahli baar samajh aaya ki ye duniya kitni buri hai. Yaha par ek akeli ladki ek pal ke liye bhi safe nahi hai.

"Thik hai boss jaisi tumhari ichha. Waise abhi to wo naha rahi hai. Main ye soch raha hu ki aaj ki raat ko yaadgaar banaya jaye." Deepak ki awaaj mere kaano me padi.
"Yaadgaar to banegi hi yaar. Aisa shandar maal hath laga hai to din aur raat dono hi yaadgaar to banege." Rohan ne kaha.

"To fir ek kaam karte hain boss. Kuch daaru shaaru ka bhi intjaam kar lete hain. Shabab ke sath sharaab aur kabaab hoga to aur bhi maja aayega." Deepak ne kaha.
"Waah kya baat kahi tumne. Aise shabab ke sath sharab aur kabab na ho to sach me feeka feeka sa lagega." Rohan ne kaha.
"To fir chalo boss. Usko nahane do. Tab tak ham dono in dono cheejo ka bhi intjaam kar lete hain. Uske baad din bhi apna aur raat bhi apni hogi." Deepak ne kaha.

"Kya use yaha par akele chhodna thik rahega." Rohan ne kaha.
"Wo bhala kaha jayegi boss. Us time bhi to use akela hi chhod kar uske yaar ko le kar gaye the. Ham baahar gate par pahle ki tarah lock laga dege aur waise bhi use to abhi is baat ka pata bhi nahi hai ki uske sath kya hone wala hai." Deepak ne kaha.
"Ye bhi sahi kaha tumne. Chalo fir ab der karna bekaar hai." Rohan ne kaha.

Bathroom ke andar main dono ki baate sun rahi thi aur andar hi andar mare dar ke main tharthar kaape ja rahi thi. Uske baad wo dono kamre se chale gaye. Kafi der tak jab koi awaaj na aai to maine bathroom se nikalne ka socha magar meri himmat na hui ki main bathroom se baahar nikal kar kamre me jaau. Lekin ye bhi sach tha ki aakhir bathroom me main kab tak is tarah khadi rah sakti thi. Abhi to un dono ko yahi laga tha ki main naha rahi hu magar jab wo wapas yaha aayege aur tab bhi mere bathroom me hone ka andaja lagayege to samajh jayege ki kuch gadbad hai.

Mujhe samajh nahi aa raha tha ki main kya karu. Maine deepak ki baat suni thi. Usne baahar se gate lock kar ke jane ko bola tha. Matlab ki main is flat me ab ek kaidi ki tarah thi. Jitni chinta mujhe apni ho rahi thi utni hi chinta ye soch soch kar bhi ho rahi thi ki in logo ne nakul ke sath jane kya kiya hoga. Mera man kar raha tha ki main jor jor se cheekhu chillaau aur rone lagu magar isse kuch nahi hone wala tha.

Badi himmat kar ke maine pahle shower band kiya aur fir bathroom ka darwaja khola. Kamre me koi nahi tha. Mujhe to pata hi tha ki wo dono kis cheej ke intjaam ke liye baahar gaye hain. Har taraf khamoshi chhaai thi jo is wakt mujhe khaye ja rahi thi. Gujarta hua ek ek pal ab mere liye aisa tha jaise wo tinka tinka kar ke meri jaan le raha hai. Duniya bhar ke devi devta is wakt mujhe yaad aa rahe the aur main unse apne aur nakul ki safety ke liye minnate kar rahi thi ki achanak se mujhe ratan bhaiya ke mobile ki yaad aai.

Mobile ki yaad aate hi meri dhadkane tej tej chalne lagi aur man me ek ummid si jaag uthi. Ratan bhaiya ki baat yaad aa gai jo unhone kaha tha ki main apna mobile on hi rakhu aur agar main kisi musibat me hou to main unhe inform karu. Ye soch kar main teji se apne bag ke paas pahuchi. Bag ko khol kar maine jaldi se mobile nikala. Is wakt hadbadahat me mera pura jism kaap raha tha aur mere hath bhi. Maine kaapte hath se bhaiya ko call kar diya. Mere kaan me ring jane ki awaaj padi aur fir teesri hi ring par bhaiya ne call utha liya.

"Haa neel sab thik to hai na." Bhaiya ne ye pucha to main kuch kah na paai balki fafak fafak kar rone lagi. Mera dil kar raha tha ki is wakt mujhe ratan bhaiya mil jaye to main unse lipat kar tej tej rona shuru kar du. Udhar bhaiya mere is tarah rone par ekdam se chintit ho uthe aur baar baar mujhse puchne lage ki kya hua main kyo ro rahi hu. Aakhir kya baat ho gai hai. Pata nahi bhaiya aur kya kya puche ja rahe the aur main bas roye ja rahi thi. Mere is tarah rone se bhaiya bahut jyada chintit ho gaye aur pareshan bhi. Jab maine unke puchne par kuch nahi kaha to unhone apni kasam de kar kaha ki tujhe meri kasam hai neel. Tu bata ki aakhir tu itna ro kyo rahi hai. Kya us haramjade ne tere sath kisi tarah ki battamiji ki hai.

Ratan bhaiya ki kasam par maine apne aapko kisi tarah samhala aur fir rote rote hi unhe saari baate bata di aur last me ye bhi kaha ki mujhe is bhayankar sankat se bacha lijiye bhaiya. Aapki bahan neel ki ijjat ab khatre me hai. Meri saari baate sun kar bhaiya bhi jaise sannate me aa gaye the. Fir unhone mujhe samjhate huye kaha ki tu chinta mat kar neel. Dad aur sanjay uncle kal dopahar tak mumbai pahuch jayege aur fir wo us rohan ke baap ke paas ja kar uske bete ki kartoot usse batayege. Bhaiya ki in baato se mujhe thodi raahat to mili magar khatra to abhi hi tha mere liye aur abhi main kaise un dono se bach sakti thi is baat ke liye jab maine bhaiya se kaha to unhone kaha ki mere paas mobile hai to main fauran hi police ko call kar ke sab kuch bata du aur unse help maagu.

Ratan bhaiya ki is baat par mujhe bhi laga ki ye sabse best option hai. Bhaiya to yaha se kafi door hain aur dad log bhi kal hi yaha pahuchege to is wakt agar koi mujhe in darindo se bacha sakta tha to wo police hi bacha sakti thi. Maine bhaiya se kaha ki thik hai main police ko phone kar ke sab bata dugi. Uske baad bhaiya ne kaha ki wo dad ko bhi ye sab bata dege taaki unhe bhi iska pata rahe. Last me bhaiya ne mujhe samjhate huye kaha ki main bilkul bhi chinta na karu. Sab kuch thik ho jayega aur haa wo khud bhi waha se police walo se baat karege aur puri koshish karege ki mujhe kuch na hone paye.

Bhaiya se baat karne ke baad mujhe kafi raahat mil gai thi. Deepak aur rohan is wakt yaha nahi the is liye mere paas ye achha mauka tha jisse main police ko phone kar ke sab kuch bata bhi saku aur unse apne liye help ki maag bhi kar saku. Un dono ke irade bilkul bhi thik nahi the. Ho sakta hai ki baad me mujhe ye sab karne ka mauka na mile. Is liye maine jaldi se police ka number dial kar ke call laga diya.

......

very nice update

 

[mashish]

waiting for next

 

[Mr. Perfect]

Behad hi shandar update tha dear neelam ji______
Ye rohan aur deepak to maha ghatiya nikle. In dono ke to pichwade me mota danda daal kar us dande ko inke mukh se nikalna chahiye______
Ashok uncle naina ko le kar mumbai chal pade hain wahi ek taraf neelam ke dad aur sanjay uncle bhi mumbai aa rahe hain lekin ye log kya right time pahuch payege I think never______
Neelam is wakt sach me critical situation me hai. Par ye achha kiya usne jo ratan ko phone kar ke fir se sab kuch bata diya. Ratan ne use police ko phone karne ka suggestion diya hai aur neelam ne police ko phone bhi laga diya hai to ab dekhte hain kya hota hai______

Update - 29


Uncle ji ke ghar se nikalne ke baad ashok uncle ne raaste me hi SP rama shankar ko phone kar ke saari baat bata di thi. Ashok ki baate sunne ke baad SP ne kaha ki agar ye sab sach hai to ab neelam aur nakul mumbai me hi hoge is liye unhe mumbai me hi talaash kiya jayega. Ashok uncle ne SP se kaha ki ab wo wakt barbaad na karte huye jald hi is maamle me kuch kare warna bahut bada anarth ho sakta hai. Ashok uncle ki is baat par SP ne unse kah diya tha ki ab wo is baat ki chinta na kare kyo ki ab wo khud bhi time barbaad nahi karege.

Ghar aa kar ashok uncle ne sabko saari baate bataai to sab ye jaan kar shock ho gaye the ki neelam aur nakul yaha pune me jinke yaha rah rahe the unse bade hi sanjog se uncle ki mulakaat ho gai thi aur saari baato ka pata bhi chal gaya tha.

"Agar un uncle ki baat sach hai to fir ab neelam sach me bade khatre me hai. Wo log un dono ko mumbai le gaye hoge aur ab jane wo log un dono ke sath kya karege. Mujhe to dono ki bahut chinta ho rahi hai ashok." Saroj aunty ne kaha.

"Chinta to mujhe bhi ho rahi hai saroj magar chinta karne se hoga kya. Main apni taraf se puri koshish kar raha hu ki un dono ka jald se jald pata lag jaye aur SP unhe khoj le." Ashok uncle ne kaha.

"Mujhe lagta hai dad ki SP ke sath aapko bhi mumbai jana chahiye. Aap sath me rahege to SP apne kaam me dhilaai nahi karega." Divya ne kaha.
"Divya sahi kah rahi hai uncle. Aap SP ke sath jayege to better rahega." Naina ne kaha.

"Shayad tum dono thik kah rahi ho. Mujhe SP ke sath waha jana chahiye aur iske liye mujhe aaj hi nikalna hoga." Ashok uncle ne kaha.
"Main bhi aapke sath chalugi uncle." Naina ne kaha.
"Tum waha kyo jaaogi beti. Nahi nahi tumhara waha jana thik nahi hai. Tum yahi raho. Yaha tum mahfuj ho." Ashok uncle ne kaha.

"Main mumbai se yaha neelam ko khojne aai thi uncle. Wo meri dost hai aur ab tak to un logo ne use bhi bataya hoga ki unhone mujhe bhi pakad liya tha. Unki is baat se wo mere liye bhi pareshan hogi. Aapke sath jaaugi to main bhi usse mil lugi aur fir wahi se main un dono ke sath gaon chali jaaugi. Rahi baat mere mahfuj hone ki to main aapke sath mahfuj hi rahugi uncle." Naina ne kaha.

"Naina thik kah rahi hai ashok. Ise bhi apne sath hi le jaaiye aur haa agar ho sake to gaon me inke mata pita ko bhi khabar bhejwa dijiyega ki ye log mil gai hain. Is liye ab wo inke liye pareshan na ho." Saroj aunty ne kaha.

"Thik hai fir taiyar ho jaao. Ham kuch hi der me yaha se niklege. Waise surendra bhai sahab aur sanjay bhai sahab ka phone number to hai nahi mere paas to main kaise unhe suchit karuga." Ashok uncle ne kaha.
"Koi to jariya hoga hi un tak khabar pahuchane ka. Dekh lijiyega ya fir neelam ko number pata hoga. Jab wo mil jayegi to usi se number le kar gaon me in dono ke mata pita ko suchit kar dena." Saroj aunty ne kaha.

"Haa ye thik rahega." Ashok uncle ne kaha aur fir wo apne kamre ki taraf uth kar chale gaye.
"Jaao naina beti tum bhi taiyar ho jaao. Divya tu ja naina ke sath aur ise apne kapde de de pahanne ke liye." Saroj aunty ne kaha to divya ji mom kah kar sofe se uth gai. Uske baad naina aur divya apne kamre ki taraf badh gai.

Bees minute baad ashok uncle aur naina taiyar ho kar mumbai jane ke liye ready ho gaye. Ashok uncle ne SP ko phone kar ke bata diya ki wo apni car se mumbai ja rahe hain to wo use wahi milege. Ashok uncle ki baat par SP ne kaha thik hai. Divya ne naina ko apna ek chhota sa bag de diya tha jisme usne naina ke liye ek do jodi kapde aur kuch jarurat ka samaan rakh diya tha. Ashok uncle ne bhi saroj aunty ke kahne par ek chhota sa bag le liya tha. Saroj aunty ka kahna tha ki kya pata waha par kitne din lag jaye is liye pahanne ke liye kuch kapde wo apne sath hi le jaye. Naina divya aur saroj aunty se gale lag kar mili aur fir ashok uncle ke sath ghar se baahar ki taraf chal di. Thodi hi der me wo dono car me baith kar mumbai ki taraf chal diye.

......

Udhar gaon me....
Ratan bhaiya teji se moter cycle chalate huye ghar pahuche. Unhone raaste me hi phone kar ke ravendra uncle ko is bare me bata diya tha. Jab wo ghar pahuche to ghar me dad aur ravendra uncle ke sath sath sanjay uncle bhi baithe huye the. Kuch hi doori par mom log bhi baithi hui thi. Sabke chehro par chinta jhalak rahi thi.

"Itni der kyo laga di tumne aane me." Ratan bhaiya ke aate hi ravendra uncle ne puchha.
"Wo main dad aur sanjay uncle ke liye train ki ticket banwane chala gaya tha. Usi me thoda time lag gaya mujhe." Ratan bhaiya ne kaha.

"Train ki ticket wo kis liye." Dad ne pucha.
"Maine socha ki aisi khabar sun kar aap dono fauran hi mumbai jayege is liye udhar se aap dono ke liye ticket bhi banwa ke le aaya hu." Ratan bhaiya ne kaha.
"Oh ye tumne bahut achha kaam kiya hai aur shayad pahli baar. Kher ravemdra ne hame sab kuch bata diya hai. Hame to abhi bhi yakeen nahi ho raha ki hamare dost ka beta itna gira hua hoga. Man to karta hai ki abhi usko phone kare aur uski aisi taisi kare magar shayad aisa karna abhi thik nahi hoga. Kyo ki baat bigad bhi sakti hai. Isse achha yahi hai ki use phone na kar ke seedha uske paas hi pahuch jaye. Uske baad aankho ke saamne hi har baat hogi." Dad ne gusse me kaha.

"Train teen baje ki hai dad. Kal das ya gyaarah baje aap log mumbai pahuch jayege." Ratan bhaiya ne kaha.
"Thik hai. Hamare jane ki taiyari karo fatafat. Sanjay ja tu bhi fatafat taiyar ho ke aa ja. Wakt bilkul bhi nahi hai hamare paas." Dad ne kaha to sanjay uncle uth kar apne ghar ki taraf nikal gaye.

"Neelam aur us ladke nakul ka to pata chal gaya lekin sanjay bhai sahab ki ladki naina ka pata abhi tak nahi chala. Kahi aisa to nahi ki un logo ne naina ko bhi pakad rakha ho." Ravendra unce ne dad se kaha.
"Agar un logo ne naina ko pakad rakha hota to hamari beti is bare me ratan ko jarur batati lekin usne is bare me kuch nahi bataya. Iska matlab to yahi hua ki naina un logo ke paas nahi hai. Hame aaj tak samajh nahi aaya ki ye ladki aakhir gai to gai kaha." Dad ne kaha.

"Jis din neelam yaha se gai thi usi din se naina bhi gayab hai. Abhi tak hame is baat ka pata nahi tha ki asal baat kya hai. Aaj jab neelam ne ratan ko is bare me bataya tab ham is bare me soch rahe hain to naina agar usi din se gayab hai to ho sakta hai ki yahi baat ho." Ravendra uncle ne kaha.

"Neelam ne mujhse sirf ye kaha tha ki use aur nakul ko behosh kar ke raato raat pune se mumbai laya gaya hai. Use to pata bhi nahi chala tha ki behoshi ki haalat me use kaha le jaya ja raha hai. Uski jab aakh khuli to wo mumbai me us rohan ke hi flat wale kamre me thi. Is sabse wo ghabraai hui thi aur jab usne nakul ko us flat me nahi dekha to wo dar bhi gai hai. Uske man me dar aur ghabrahat bhar gai hai. Isi liye use lagta hai ki kuch galat hone wala hai. To ho sakta hai ki itni badi baat na ho jitni badi baat ki ham yaha baat kar rahe hain." Ratan bhaiya ne kaha.

"Agar itni badi baat na hoti to un dono ko is tarah behosh kar ke mumbai nahi laya jata. Mujhe to wo ladka rohan kuch thik nahi lag raha bhaiya. Neelam ne jo kuch bhi bataya hai usse saaf pata chalta hai ki baat gambhir hai aur mujhe pura yakeen hai ki naina bhi wahi hogi. Neelam ko naina ke bare me shayad is liye nahi pata hai kyo ki use uski najar me laya hi nahi gaya hoga." Ravendra uncle ne kaha.

"Shayad tum thik kah rahe ho ravendra. Hame bhi aisa hi lagta hai." Dad ne kaha aur fir wo uth kar apne kamre ki taraf chale gaye.
"Tumne dubara neelam se baat nahi ki kya." Ravendra uncle ne ratan bhaiya se pucha.

"Nahi abhi to nahi ki. Waise maine use bol diya hai ki wo apna mobile on hi rakhe. Agar koi baat hogi to wo mujhe message karegi ya fir phone karegi." Ratan bhaiya ne kaha.
"Agar wo rohan fraud type ka ladka hai to ho sakta hai ki wo neelam se uska mobile chheen le. Aise me fir neelam se sampark kaise hoga." Ravendra ne kaha.

"Agar wo neelam se mobile chheen bhi lega tab bhi wo pakda hi jayega uncle. Kyo ki ham to jante hi hain ki wo kaun hai aur dad ko bhi bata hi diya hai ki wo unke hi dost ka ladka hai. Itna kafi hai us tak pahuchne ke liye aur jab us tak pahuch jayege to usi se puchege ki neelam nakul aur naina kaha hai." Ratan bhaiya ne kaha.
"Haa ye sahi kaha tumne." Ravendra uncle ne kaha.

Tabhi sanjay uncle apne ghar se taiyar ho kar aa gaye. Kuch der baad dad aur sanjay uncle ravendra uncle ke sath car me baith kar railway station ki taraf chal pade. Jate time mom ne dad se kaha tha hamari bachchiyo ko surakshit ghar le kar aaiyega.

.....

Back to my side....

Maine jab un dono ke sath nakul ko nahi dekha to mere dil ki dhadkane tej ho gai aur mujhe nakul ki bahut jyada chinta hone lagi. Nakul to mere sath hi tha jab ham dono ko behosh kiya gaya tha. Uske baad agar main yaha thi to nakul bhi yahi hona chahiye tha magar abhi tak maine nakul ko na dekha tha aur na hi uske bare me in dono ne mujhe bataya tha. Iska matlab kuch to baat jarur hai. Aakhir ye deepak nakul ko kaha le gaya hoga.

Deepak ki wo baate fir se mere dimaag me ubharne lagi jab usne mere behosh hote wakt us police wale se kahi thi. Aaj subah ye mere samne aisi baate kar raha tha jaise isne hame un police walo se bacha kar bahut bada ahsaan kiya tha. Agar yahi sach hai to fir nakul kaha hai is wakt. Maine ab tak uska chehra kyo nahi dekha. Kahi isi ne to nahi nakul ko gayab kiya hai. Kahi aisa to nahi ki isne nakul ke sath kuch galat kar diya ho. Hey bhagwan nahi nahi aisa nahi ho sakta. Mere nakul ko kuch nahi ho sakta. Ye sab sochte sochte ekdam se meri aakho se aashu bahne lage.

Tabhi meri najar un dono par padi. Wo dono kisi baat se haste huye aapas me koi baat kar rahe the. Mere man me ye janne ki curiosity hui ki aakhir wo itna haste huye kya baate kar rahe hain magar main unki baate kaise sunu. Main un dono ke kareeb nahi ja sakti thi kyo ki jaise hi main kamre se baahar nikalti to unki najar mujh par pad jati. Mujhe kuch samajh me nahi aa raha tha ki ab main kya karu. Abhi main ye soch hi rahi thi ki tabhi maine dekha ki dono kisi baat par haste huye jor se apne apne hath ko mila kar taali thoki aur fir palat kar mere kamre ki taraf dekhne lage. Main jaldi se ek taraf khasak gai jisse un dono ki najar mujh par na pade. Tabhi mere man me pata nahi kya aaya ki main jaldi se uthi aur bhaag kar attach bathroom me ghus gai. Bathroom ka darwaja band kar ke maine andar shower chalu kar diya. Bathroom me paani girne ki awaaj hone lagi. Main ekdam darwaje ke paas hi chup chaap khadi thi. Mujhse do fit ki doori par shower ka paani farsh par gir raha tha.

Is wakt pata nahi kyo par main andar se bahut jyada dari hui aur ghabraai hui thi. Tabhi mere kaano me un dono ki awaaj padi. Dono kamre me aa chuke the. Rohan ki awaaj maine saaf suni thi jisne mujhe neelam ji kah kar pukara tha. Uske pukarne par main chup hi rahi. Kuch der tak koi awaaj na aai. Shayad kamre me mujhe na dekh kar wo mujhe khojne ka prayas kar rahe the. Tabhi fir se mujhe awaaj sunaai di magar is baar deepak ki awaaj aai thi jo rohan se kah raha tha ki bathroom se pani girne ki awaaj aa rahi hai. Matlab wo waha hai aur shayad naha rahi hai.

"Ye to achhi baat hai na bhai. Naha dho ke chama cham ho jayegi tabhi to aur bhi khubsurat dikhegi aur fir hame uske jism ke har hisse ko chaatne me maja aayega." Rohan ki awaaj thi ye. Unhe lag raha tha ki andar main naha rahi hu is liye mujhe unki baate sunaai nahi de rahi hogi. Jabki main to unki baate achhe se sun pa rahi thi aur unki baate sun kar mere hosh bhi ud chuke the. Main andar darwaje ke paas khadi tharthar kaapne lagi thi unki aisi baate sun kar.

"Kya aisa nahi ho sakta boss ki ham dono ek sath hi uske jism ka bhog lagaye. Kasam se boss maja aa jayega aise me." Deepak ki is awaaj ne meri rooh tak ko jaise hila diya tha.
"Nahi aisa nahi kar sakte. Uski shakal se pata chalta hai ki wo abhi kuwari hai. Aisi najuk chij ko do log maslege to uski maa chud jayegi. Is liye use pahle main akele hi bhoguga magar pyar se. Uske baad tum bhogna." Rohan ki is baat se to main jaise patthar hi me badal gai thi. Mujhe aisa laga jaise mujhe abhi chakkar aa jayega.

Un dono ki baato se mujhe pata chal chuka tha ki main ab kitne bade khatre me thi aur mujhe is baat ka bhi andaja ho gaya tha ki nakul mujhe yaha par kyo nahi dikha tha. In dono ne jarur uske sath kuch galat kiya tha. Ye soch kar meri aakh se fir aashu bahne lage. Mujhe pahli baar ahsaas hua ki ghar se bhaag kar aur yaha aa kar hamne kitni badi galti ki thi. Mujhe pahli baar samajh aaya ki ye duniya kitni buri hai. Yaha par ek akeli ladki ek pal ke liye bhi safe nahi hai.

"Thik hai boss jaisi tumhari ichha. Waise abhi to wo naha rahi hai. Main ye soch raha hu ki aaj ki raat ko yaadgaar banaya jaye." Deepak ki awaaj mere kaano me padi.
"Yaadgaar to banegi hi yaar. Aisa shandar maal hath laga hai to din aur raat dono hi yaadgaar to banege." Rohan ne kaha.

"To fir ek kaam karte hain boss. Kuch daaru shaaru ka bhi intjaam kar lete hain. Shabab ke sath sharaab aur kabaab hoga to aur bhi maja aayega." Deepak ne kaha.
"Waah kya baat kahi tumne. Aise shabab ke sath sharab aur kabab na ho to sach me feeka feeka sa lagega." Rohan ne kaha.
"To fir chalo boss. Usko nahane do. Tab tak ham dono in dono cheejo ka bhi intjaam kar lete hain. Uske baad din bhi apna aur raat bhi apni hogi." Deepak ne kaha.

"Kya use yaha par akele chhodna thik rahega." Rohan ne kaha.
"Wo bhala kaha jayegi boss. Us time bhi to use akela hi chhod kar uske yaar ko le kar gaye the. Ham baahar gate par pahle ki tarah lock laga dege aur waise bhi use to abhi is baat ka pata bhi nahi hai ki uske sath kya hone wala hai." Deepak ne kaha.
"Ye bhi sahi kaha tumne. Chalo fir ab der karna bekaar hai." Rohan ne kaha.

Bathroom ke andar main dono ki baate sun rahi thi aur andar hi andar mare dar ke main tharthar kaape ja rahi thi. Uske baad wo dono kamre se chale gaye. Kafi der tak jab koi awaaj na aai to maine bathroom se nikalne ka socha magar meri himmat na hui ki main bathroom se baahar nikal kar kamre me jaau. Lekin ye bhi sach tha ki aakhir bathroom me main kab tak is tarah khadi rah sakti thi. Abhi to un dono ko yahi laga tha ki main naha rahi hu magar jab wo wapas yaha aayege aur tab bhi mere bathroom me hone ka andaja lagayege to samajh jayege ki kuch gadbad hai.

Mujhe samajh nahi aa raha tha ki main kya karu. Maine deepak ki baat suni thi. Usne baahar se gate lock kar ke jane ko bola tha. Matlab ki main is flat me ab ek kaidi ki tarah thi. Jitni chinta mujhe apni ho rahi thi utni hi chinta ye soch soch kar bhi ho rahi thi ki in logo ne nakul ke sath jane kya kiya hoga. Mera man kar raha tha ki main jor jor se cheekhu chillaau aur rone lagu magar isse kuch nahi hone wala tha.

Badi himmat kar ke maine pahle shower band kiya aur fir bathroom ka darwaja khola. Kamre me koi nahi tha. Mujhe to pata hi tha ki wo dono kis cheej ke intjaam ke liye baahar gaye hain. Har taraf khamoshi chhaai thi jo is wakt mujhe khaye ja rahi thi. Gujarta hua ek ek pal ab mere liye aisa tha jaise wo tinka tinka kar ke meri jaan le raha hai. Duniya bhar ke devi devta is wakt mujhe yaad aa rahe the aur main unse apne aur nakul ki safety ke liye minnate kar rahi thi ki achanak se mujhe ratan bhaiya ke mobile ki yaad aai.

Mobile ki yaad aate hi meri dhadkane tej tej chalne lagi aur man me ek ummid si jaag uthi. Ratan bhaiya ki baat yaad aa gai jo unhone kaha tha ki main apna mobile on hi rakhu aur agar main kisi musibat me hou to main unhe inform karu. Ye soch kar main teji se apne bag ke paas pahuchi. Bag ko khol kar maine jaldi se mobile nikala. Is wakt hadbadahat me mera pura jism kaap raha tha aur mere hath bhi. Maine kaapte hath se bhaiya ko call kar diya. Mere kaan me ring jane ki awaaj padi aur fir teesri hi ring par bhaiya ne call utha liya.

"Haa neel sab thik to hai na." Bhaiya ne ye pucha to main kuch kah na paai balki fafak fafak kar rone lagi. Mera dil kar raha tha ki is wakt mujhe ratan bhaiya mil jaye to main unse lipat kar tej tej rona shuru kar du. Udhar bhaiya mere is tarah rone par ekdam se chintit ho uthe aur baar baar mujhse puchne lage ki kya hua main kyo ro rahi hu. Aakhir kya baat ho gai hai. Pata nahi bhaiya aur kya kya puche ja rahe the aur main bas roye ja rahi thi. Mere is tarah rone se bhaiya bahut jyada chintit ho gaye aur pareshan bhi. Jab maine unke puchne par kuch nahi kaha to unhone apni kasam de kar kaha ki tujhe meri kasam hai neel. Tu bata ki aakhir tu itna ro kyo rahi hai. Kya us haramjade ne tere sath kisi tarah ki battamiji ki hai.

Ratan bhaiya ki kasam par maine apne aapko kisi tarah samhala aur fir rote rote hi unhe saari baate bata di aur last me ye bhi kaha ki mujhe is bhayankar sankat se bacha lijiye bhaiya. Aapki bahan neel ki ijjat ab khatre me hai. Meri saari baate sun kar bhaiya bhi jaise sannate me aa gaye the. Fir unhone mujhe samjhate huye kaha ki tu chinta mat kar neel. Dad aur sanjay uncle kal dopahar tak mumbai pahuch jayege aur fir wo us rohan ke baap ke paas ja kar uske bete ki kartoot usse batayege. Bhaiya ki in baato se mujhe thodi raahat to mili magar khatra to abhi hi tha mere liye aur abhi main kaise un dono se bach sakti thi is baat ke liye jab maine bhaiya se kaha to unhone kaha ki mere paas mobile hai to main fauran hi police ko call kar ke sab kuch bata du aur unse help maagu.

Ratan bhaiya ki is baat par mujhe bhi laga ki ye sabse best option hai. Bhaiya to yaha se kafi door hain aur dad log bhi kal hi yaha pahuchege to is wakt agar koi mujhe in darindo se bacha sakta tha to wo police hi bacha sakti thi. Maine bhaiya se kaha ki thik hai main police ko phone kar ke sab bata dugi. Uske baad bhaiya ne kaha ki wo dad ko bhi ye sab bata dege taaki unhe bhi iska pata rahe. Last me bhaiya ne mujhe samjhate huye kaha ki main bilkul bhi chinta na karu. Sab kuch thik ho jayega aur haa wo khud bhi waha se police walo se baat karege aur puri koshish karege ki mujhe kuch na hone paye.

Bhaiya se baat karne ke baad mujhe kafi raahat mil gai thi. Deepak aur rohan is wakt yaha nahi the is liye mere paas ye achha mauka tha jisse main police ko phone kar ke sab kuch bata bhi saku aur unse apne liye help ki maag bhi kar saku. Un dono ke irade bilkul bhi thik nahi the. Ho sakta hai ki baad me mujhe ye sab karne ka mauka na mile. Is liye maine jaldi se police ka number dial kar ke call laga diya.

......

 

[Mr. Perfect]

Dear neelam ji aapke andar ek writer chhupa hua tha jise aapne baahar nikaal kar ye story likhi. Agar sach kahu to is wakt mujhe aapse jalan si ho rahi hai kyo ki aapne apni story ko complete kiya aur maine apni story ko rok diya hai______
Achhi story ko support jarur milta rahega aur main to yahi kahuga ki aap is story ke baad ek aur story likho. We always with you______

Thanks god!
Starting me main ye soch ke dar rahi thi ki story to start kar di hai maine but ise kaise likhugi and sabko pasand ayegi bhi ki nahi but finally yaha tak kisi tarah likh hi liya maine. I'm feeling very well.
Sabne mujhe support kiya uske liye sabko thank you

Special thanks for: Sanju ji....Leon ji....vikrant ji....mr perfect ji...kamdev ji....mr pandit ji and parkas ji and also thanks naina ji

Starting me jinhone mujhe support kiya tha unhe bhi thanks.
Ye story meri real life story thi jisme maine kuch chije alag se daali thi. Main apne aap par hairan hu ki maine itna kuch kaise likh liya. Sirf apni story bas likhni hoti to mujhe shayad jyada problem na hoti but alag se jo chije maine isme add kiya wo mere liye bahut mushkil tha coz uske liye mujhe sochna padta tha. Ab to main story ka end hi likh rahi hu to ab jyada nahi sochna pad raha coz end to mujhe pahle se hi pata tha. Mushkil sirf wo tha jise maine dala tha aur uske sath story ko apne soche huye end tak pahuchana tha. Anyway kuch updates aur hain uske baad story end hi ho jayegi.
Thanks to all