If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Komal aur aniket dono khush the kyuki kal se uska honeymoon aur avi ko khoj mohim dono shuru hone wala tha..
Agle din subah subah sanjana aniket ke ghar par maujud thi, anikt hall me chai pite huye baitha tha, usne aate hi aniket se sawal kiya
Sanjana- avi ke bare me koi update ?
Sanjana ki baat sunkar aniket ne udas chehra banaya aur bola
Aniket- nahi, kuch bata nahi chala hai, par ek asha ki kiran najar aa rahi hai
Asha ki kiran najar aa rahi hai sunte hi sanjana se utsukta se pucha
Sanjana- aur kya hai wo asha ki kiran ?
Aniket- yash ne avi ka mail account hack kiya hai aur wo bata raha tha ke shayad uske account ki search history se kuch pata chal jaye
Sanjana- to kuch pata chala search history se ?
Aniket ne apna laptop on kiya aur yash ka bheja hua mail khola, par search history dekhne ke baad sanjana ko kuch samajh nahi aa raha tha aur sanjana ne hatash hote huye kaha
Sanjana- isme to aisa kuch nahi hai.
Komal bhi unke paas aakar baith gayi aur teeno laptop me sar ghusa ke baithe the, komal ne kaha
Komal- mujhe pura yakin hai ke wo theek hoga par is search history se kaise pata chalega ke wo kaha gaya hai
Tabhi achanak se aniket bola
Aniket- ek minute ye kya ai, ‘in search of love god’ ?
Sanjana ne bhi jhat se jawab diya
Sanjana- mujhe pta hai ye kya hai,ye ek book hai jise avi padh raha tha, shayad is book me koi clue mile
Komal- ye book to maine bhi padhi hai, aur love god yani pyaar ka devta aur yaha bharat me pyar ka devta mana jata hai bhagwan madhusudhan ko par madhusudhan se iska kya link hai ?
Aniket- vrindavan, unka ka janm stan, wo harami vrindavan me hai
Komal- unka janm mathura me hua tha baad me gokul me wo pale badhe vrindavan kaha se aa gaya beech me
Aniket- par pyaar to vrindavan ki ladki se kiya tha unhone, mujhe lagta hai ye hame pehle vrindavan chalna chahiye par ye sirf ek guess hai, kya sach me waha jana theek rahega ?
Aniket waise to tayar hi tha par sala sanjana ke maje le raha tha aur kuch sochne ka natak kar raha tha,use sanjana ka reaction dekhna tha, aur sanjana bechain thi
Sanjana- tum kya soch rahe ho aniket ?
Aniket- soch raha hu ke sirf ek guess ke bharose itni dur jana theek hoga , aur kya guarantee hai ke wo waha milega
Sanjana- hamare paas koi aur rasta bhi nahi hai kuch to try karna padega
Aniket- mere hisab se ye saaf murkhta hai, hum abhi agar waha jane ke liye nikalte hai to bhi kam s ekam 13 ghante lagenge waha pahuchne me aur vrindavan ya mathura koi chhoti jagah nahi hai wo avi hame waha pahuchte hi mil jaye, mujhe isme koi point najar nahi aa raha
Aniket ne sanjana ke maje lete huye kaha aur uski baat sunkar komal ne aniket ko ghur kar dekha to aniket se use aankho se shant rehne ka ishara kiya, waise aniket ki baat me logic tha aur sanjana ko kya kare kuch samajh nahi aa raha tha..
Dekho waise to bollywood ki filme chutiya hoti hai par kabhi kabhi kuch dialogue sahi bhi ho jate hai jaise agar kisi chiz ko shiddat se chaho to puri kaynat tumhe usse milane me lag jati hai, aur yahi sanjana ke sath hua, sanjana ko uske papa ka phone aaya aur unhone bataya ke avi ka naam delhi jane wali train ke tatkal ticket list me mila hai, unki baat sunkar sanjana khushi se jhum uthi aur aniket ko boli
Sanjana- dekho avi delhi jane wali train me chadha hai ye to confirm ho gaya hai aur delhi jane wali train mathura me rukti hai to ho na ho wo mathura ya vrindavan me hi hai, mujhe lagta hai ab bato me time waste nahi karna chahiye, hame jald se jald waha ke liye nikalna chahiye
Aniket fir bhi hilne ko tayar nahi tha, wo bas ye dekhna chahta tha ke sanjana ki kitni tayari hai
Aniket- maan liya ke avi vrindavan me hai par waha jakar use kaha dhundhe
Aur ab aniket ki baat sunkar sanjana bhadak gayi
Sanjana- tu yahi baith ke bas shanka nikalte raho, aise to mil gaya avi, tumhe aana ho to aao mai ja rahi hu avi ko dhundhne bhale uske liye mujhe kuch bhi karna pade
Aniket ekdum utna aur use samjhate huye bola
Aniket- shant ! gadabhari bheem , mujhe bhi mere dost ki chinta hai, ab dhundhna hai to age to badhna hi padega
Komal bhi jhat se boli
Komal- mai bhi chalungi tum logo ke sath
Aisa bol ke usne sanjana se chip kar aniket ko aankh maar di, unka ye sab natak shuru tha aur unhe sanjana ko is game ki bhanak nahi lagne deni thi
Aniket- hum koi waha picnic manane nahi ja rahe hai jo tumhe bhi sath le jaye
Komal- avi tumhara akele ka dost nahi tha, mai chal rahi hu baat khatam
Aniket- theek hai, sanjana tum apne ghar jao gharwalo ko kya batana hai dekho mai kuch der me tumhe tumhare ghar se pich kar lunga, chalo ab vrindavan..
Sanjana bhi gadbad me uske ghar ke liye nikal gayi aur idhar uske jate hi komal aniket ke gale lag gayi
Komal- meri bahut icha thi vrindavan dekhne ki, maja aayega
Aniket- sala log honeymoon ko goa jate, shimla jate aur hum direct vrindavan, us hamramjade ko milne do bas ek baar aisi gand pe laat marunga ke bhulega nahi kabhi, sala kisi hill station pe jata par nahi ye bhai gaya mathura vrindavan
Komal- mai to khush hu, meri bahut icha thi waha jane ki
Aniket- barabar hai, hum duniya ke eklaute couple honge to honeymoon par bhajan kirtan karenge
Komal- sach me aisa hoga kya
Uske baad aniket ne ye puri kahani narayanrao ko sunayi aur wo bhi haste huye bole
Narayanrao- mai mana karunga to tum rukoge to nahi, jao aur us gadhe ka kaan pakad kar mere paas leke aao, itne bade ho gaye par jara akkal nahi hai
Aniket nikalne ki tayari karne laga aur jaldi se aniket aur komal taya hokar nikle
Idhar sanjana ne sari baat apni maa ko bata di to unhone kaha kle aniket ko komal sath hai to chinta ki koi baat nahi hai aur use jane ki permission de di aur ye bhi bol diya ke wo uske papa ko samjha degi itne me aniket waha apni gadi leke pahuch gaya aur shuru huyi avi ki khoj mohin aur sath hi hatele aniket aur komal ka hatela honeymoon
Aniket lagatar char ghante se gadi chala raha tha to komal ne use gadi rokne ko kaha aur gadi rukte hi komal boli
Komal- tum thak gaye honge, mai gadi chalati hi thoda samay
Aniket mana karne laga par komal ne uski koi baat nahi suni
Aniket- arey gaon me gadi chalana alag baat hai aur highway par alag baat hai
Komal- rehne doaur tum ho na mere sath mujhe sambhalne ke liye, waise bhi fourlane highway hai aur kabhi na kabhi to shuruwat karni hi hai, tum sath ho to koi dikkat nahi hai, aaram karo mai chalati hu
Sanjana un dono ko dekh rahi thi. Dono ekdusre se kitna pyaar karte hai, ekdusre ki care karte hai aur sabse important dono ekdusre par bharosa karte hai, pichli baate yaad aayi to samajh aaya ke dono ekdusre ko kitna achi tarah samajhte hai dusre ki baat sambhal lete hai, ek naraj ho to dusra use sambhalne ke liye shant rehta hai, koi compitition nahi, ego nahi, sanjana man hi man aniket aur komal ko dekh kar unme apne aap ko aur avi ko dekh rahi thi, uske liye to mano wo dono ideal couple the, aaj sanjana pyaar ke anginat rango ka anubhav kar rahi thi……
Sanjana komal aur aniket vrindavan ja rahe the itne me aniket ke phone par yash ka call aaya
Yash- anya kidhar hai tu
Aniket- on the way to vrindavan
Aniket ki baat sunkar yash chauka
Yash- kya ?? vrindavan ?
Aniket- sorry bhai wo gadbad me tere ko batane ka reh gaya
Uske baad gali gali sim sim, in search of love god aur vrindavan ka kya logic hai wo aniket ne yash ko samjhaya aur uski bata sunkar yash chidh gaya
Yash- arey neech halkat aadmi, mereko batata to mai bhi sath me aata na avi ko dhundhne ko
Yash ki baat sunkar aniket ne apne sar par hath maar liya aur bola
Aniket- chya may bhin avya ko dhundhna yani family tour ho gaya hai, ab kya tempo traveller nikalu kya
Yash- traveller kyu be, apan dono jate na
Aniket- ha aur ye jo do chudaile mere sath hai unka kya ?
Aniket ne jaise hi chudail bola idhar komal ne usko chimti katio aur piche se sanjana ne ek tapli maar di aur aniket bas oye oye karta raha aur udhar yash ko kuch samajh nahi aa raha tha ke ho kya raha hai
Yash- abe chilla kyu raha hai, aur ye do chudaile kon hai ?
Aniket- ek to meri kammo rani hai aur dusri avi ki heroine sanjana, ye log bhi hai sath me, ab tere ko batata to tu bhi aata aur tu hai railway ka dabba to tere sath tera engine priya bhi to aati isiliye tempo traveller bola, sala usko dhundhne ja rahe hai uski barat leke nahi ja rahe hai, us hamari ko milne de bas nai gadhe par bitha ke gaon me ghumaya to boliyo
Ab bato me aniket se koi nahi jeet sakta tha, usne mast baato baato me chudail shabd par de dhyan hata diya tha, kammo rani bolne se komal khush aur avi ki heroine bolne se sanjana aur call par yash udhar se bol raha tha
Yash- tu aur wo avi ek number ke haramkhor ho, aur ek dusre ko barabar pehchante ho, maine wahi batane ko call kiya tha, kal usne naya search kiya hai, usne mathura ka ‘bake bihari dharamshala’ ka address search kiya hai, number uska abhi bhi band hai shayad naya sim liya ho
Aur yash ki baat sunkar aniket khush
Aniket- shabash mere sher, gajab kaam kiya hai tune, abhi jata hu aur us bhadkhau ko gardan se pakad ke lata hu, ek kaam kar meko us dharamshala ka address msg kar
Aniket ne ye good news un dono ko bhi batayi, komal aur sanjana bhi khush ho gayi thi, sanjana ki heart beats badh gayi thi aur komal soch rahi thi ke aaila honeymoon shuru hone se pehle hi khall fir ekdum sanjana boli
Sanjana- matlab wo vrindavan me nahi mathura me hai
Aniket- correct !
Komal- maine to pehle hi kaha tha
Ye teeno subah 10 ke aaspaas mathura ke bake bihari dharamshala me pahuche, counter par ke aadmi ne hath jod kar namaste karte huye unka swagat kiya, aniket ne apne phone me avi ka photo dikhate huye us aadmi se puche
Aniket- aapne isko kahi dekha hai kya ?
Us aadmi ne chashma lagake photo ache se dekha aur na me jawab diya fir waha ek karib 20 saal ka ladka tha usko photo dikhate huye bola
“arey o babua tanik hiya aao aur dekho to sahi ye babu sahab ka puchat rahe “
Wo ladka jaldi se waha aaya aur aniket ke hath se mobile lekar usne photo ache se zoom karke dekha aur fir haste huye us aadmi se bola
“tum budhiya gaye ho kaka, ye wo 202 number kamre wale babu hai, u is photo me dadhi nahi rahi tabhi pehchane nahi “
Aniket ne jaldi se pucha
Aniket- ye 202 number kamra kidhar hai
“ par jake kariyega kya, wo sahab to kamre me hai hi nahi, wo subah hi keshavdev mandir gaye rahe, humko u pata puche the”
Us ladke ki baat sunkar wo teeno waha se jane lage tabhi us counter wale aadmi ne unko awaj di
“arey tanik suno babu, aap aniket ho ka ?”
Us aadmi ki baat sun wo teeno ruk gaye aur aniket bola
Aniket- aapko kaise pata ?
“o kisi yash babu ka phone aaya tha unhone bhi yahi pucha tha aur aapke liye do kamra bhi book kiye hai, avinash babu to iha hi wapis aavenge to tanik naha dho lo to jana, aise bagair nahaye mandir jaoge ka?”
Un aadmi hi baat un teeno ko jam gayi aur man hi man yash ko thank you bolke wo apne apne rooms me gaye aur bahdiya naha ke tayar hoke bahar aaye aur sidha pahuche keshavdev mandir
Mathura ka vatavaran hi aisa tha ke teeno ke man ko shanti ki anubhuti ho rahi thi…
Aap chronology samajhiye yaha, jis krishna ne duniya ko pyaar karna sikhaya usi janm stan par sanjana apne pyaar ki talash karte huye pahuchi thi.. aur komal ne bachpan se jiski puja ki thi wo bhi uske janm sthan par khadi thi… har kisi ka drishtikon yaha alag tha.. us jagah par sanjana ko uska pyaar milega aisi feeling sanjana ko mehsus ho rahi tih aur komal kobhagwan krishna ki murti me aniket ka swaroop dikh raha tha…
Teeno ne mandir me pravesh kiya, komal aur aniket is tripko pura enjoy kar rahe the, har chiz ko jagah ko apni najro me bhar rahe the par sanjana har taraf bas avi ko dhundh rahi thi.. avi ko dhundh te huye aaju baju ki jagah dekhte huye wo teeno krish janmbhumike paas pahuche waha darshan karke bahar nikle, aniket ne komal ka hath pakda hua tha, un dono ko dekh ke sanjana ko avi ki yaad aane lagi, kitna acha hota agar is waqt avi bhi unke sath hota to, pyaar ki ek alag hi anubhuti is waqt sanjana mehsus kar rahi thi, ek pal ko to sanjana ko aniket aur komal ko dekh ke aisa laga mano wo dono hi radha krishna ho, wo bas unki taraf dekh rahi thi aur avi ko yaad karke uski aankho se aansu behne lage.. tab komal ne uski taraf dekha aur bagair kuch bole sanjana ke man ke bhav komal ne padh liye aur dono hatho se sanjana ke galo ko thapthapaya to sanjana ekdum uske gale lag gayi….
Sanjana aniket aur komal waha se bahar nikle to bahar nikalte hi sanjana ekdum se boli
Sanjana- aniket hum avi ko yaha dhundh rahe hai par itne samay me agar wo dharamshala me chala gaya hoga to ?
Tab aniket use samjhate huye bola
Aniket- arey maine wo receptionist ko bol rakha hai ke agar avi hamare piche se waha pahuche to wo hame call karke bata de..
Uske baad wo teeno dwarkadhish mandir aur ghat par bhi avi ko dhundh aaye par avi unko kahi nahi mila, par in sab ghatnakram me komal ekdum shant thi, aniket aur sanjana ko laga ke wo yaha ke vatavaran ko ache se mehsus kar rahi hai aur bas usi me khoyi huyi hai isiliye unhone bhi use nahi chheda
Sab taraf bhatak kar wo log sham ko dharamshala me pahuche aur aate hi unhone avi ke bare me pucha, par avi abhi tak lauta nahi tha, kal raat bhar ka safar aur din bhar ki bhagdaud me wo kafi thak gaye the, teeno ne socha ke ab avi ki raah yahi dekhenge
Unhone receptionist ko kaha ke jaise hi avi aaye unhe khabar kar de aur aniket aur komal apne room me aur sanjana apne room me chale gaye, komal ab bhi chup thi, aniket ne use apni bahe uske gale me dali aur pucha
Aniket- kya hua sweetheart itni chup chup kyu ho
Komal- ani ye sab jo bhi chal raha hai wo theek nahi hai
Aniket- kya theek nahi hai
Komal- mujhe lagta hai hame sanjana ko sab sach sach bata dena chahiye
Aniket- arey par avi ne kuch soch kar hi ye sab khel racha hai hai na
Ab komal chidh gayi
Komal- khadde me gaya tumhara khel, yaha us ladki ki jaan ja rahi hai aur tumko khel sujh raha hai.. tumhe nahi lagta ab ye sab kuch jyada ho raha hai
Aniket kuch soch raha tha, dono bed par aakar baith gaye aur komal ne aage kaha
Komal- tum logo ke khel me sanjana ki kya halat ho rahi hai tumhe najar nahi aa raha kya ?
Aniket- uske liye wo khud jimmedaar hai komal, bhul gayi kya usne avi ke sath kaisa suluk kiya tha
Komal- nahi ani mai kuch nahi bhuli hu par us baat ki itni bhi saja nahi deni hai use, aur galti kya uski akeli ki thi ? avi kahi galat nahi tha ?
Aniket kuch soch ke bola
Aniket- is sab ke piche avi ka koi na koi uddeshya hai ? uske bare me socha hai ?
Komal- ha, itni der sewahi soch rahi thi ke avi ka is sab ke piche kyahetu hai, yahi na ke sanjana ko apni galti ka ehsas ho, use pyaar ke sahi mayne samjhe
Aniket- barabar
Komal- tumhe aaj tak samajh aaya hai pyaar ka asal matlab ? ya avi ko samajha hai, agar samjha hota to wo jisse pyaar karta hai use itna nahi satata
Aniket- arey par komal ye sab bas ek game hai ye kyu bhul rahi ho tum
Komal- ha mai janti hu ke ye ek game hai par sanjana ko nahi pata na ke ye ek game hai, wo to use paglo ki tarah dhundh rahi hai, hum game khel rahe hai par isiliye hame jyada tension nahi hai, hum avi ko dhundhne ke sth sath is jagah ka maja bhi le rahe hai par sanjana ka kya ? is jagah aakar bhi uska kisi chiz me dhyan nahi hai, hum anay kar rahe hai uske sath aur jab galti dono ki hai to saja sirf sanjana ko kyu ? avi ko bhi saja milni chahiye
Aniket- ye bhi theekhai par waise dekha jaye to ye avi ke liye bhi ek tarah se saja hi hai
Komal- aur wo kaise ?
Aniket- mujhe ek baat batao, umko kab laga ke sanjana ko apni galti sanajh aa gayi hai aur pyaar ka ehsas bhi hua hai ?
Komal- wo jab hamare ghar aayi thi aur tumhare use itna kuch sunane ke baad bhi jab wo waha se nahi hili aur apne gharwalo kosab bata ke hamare sath avi kodhundhne aayi hai isse saf samajh aata hai ke usko apnigalti ka ehsas hai aur raha sawal pyaar ka to pyaar hai isiliye to use apni galti samajh aayi hai, aur aaj jis tarah se wo mere gale lagi thi na mai tab hi samajh gayi thi ke avi ke sath na hone se wo us pal ko ache se mehsus nahi kar payi hai, avi ki kami use har pal mehsus ho rahi thi
Aniket- barabar to mathura me avi ka uske sath na hona hi uski saja hai na ?
Komal- ha
Aniket- to mujhe batao ke avi ko bhi sanjana kikami khal hi rahi hogi, jaise avi ka sath na hoga sanjana ke liye saja saman hai waise hi sanjana ka avi ke sath na hona ye avi ke liye bhi to saja hi hai
Komal ko aniket ki baat sahi lag rahi thi par sanjana ke bate me bura feel ho raha tha aur fir wo kuch soch kar boli
Komal- ani, ye ek game hai aisa sanjana ko pata chala to isme bura kya hai ? waise bhiavi ka uddeshya to pura ho gaya hai
Aniket- agar uska hetu pura ho jata to wo ab tak samne aa jata kammo par wo nahi aaya matlab uske imag me aur bhi kuch hai par itna confirm hai ke sab uska hetu pura ho jayega wo khud samne aa jayega, par tumhari baat bhi sahi hai, hame sanjana ko sab bata dena chahiye
Komal- to fir chalo abhi use sab bata dete hai..
Fir dono apne room se nikle aur sanjana ke room me gaye, komal ne sanjana ko sari baat batayi, aur sab sanjana ko pata chala ke ye sab bas ek game hai uski khushi ka koi thikana nahi raha usne khushi se komal ko gale laga liya, komal bhi relax feel kar rahi thi kyuki use darr tha ke kahi sanjana in sab bato ka galat matlab na le le aur ho sakta tha ke wo gusse me waha se chali hi jaye aur sare khel ka satyanas ho jana ha par ab sanjana avi ke pyara me puri taraf dub chuki thi aur usne avi ko uske gun dosh sahit swikar kar liya tha, sara tension khatam ho gaya tha aur ab real game shuru hua tha, aniket ne sanjana ko bhi bata diya tha ke avi kahi nahi jane wala uska hetu pura hone par wo khud samne aa jayega
Aniket- ab tension mat lo sanjana aur ye sab jo ho raha hai uske bare me ek baar ache se socho, avi ne hame yaha aane par majbur kiya hai yaki iske piche koi na koi reason jarur hoga
Sanjana muskurayi aur boli
Sanjana- wo to mai safar ki shuruwat me hi samajh gayi thi
Aniket aur komal ko kuch samajh nahi aaya par sanjana ko avi ne aniket, komal aur mathura ke madhyam se bahut kuch samjha diya tha aur ab sanjana bhi tension bhul kar khel me shamil ho gayi thi
Sharir ki thakan insan sehan kar sakta hai par man hi thakan nahi, aur man par ka boj utarne ke baad insan pura relax ho jata hai aisa hi kuch in teeno ke sath hua, raat me teeno ne badhiya dinner kiya, avi bhi bhi aaya nahi tha, wo wapis apne apne rooms me gaye aur unhe kab neend aayi pata bhi nahi chala
Agli subah aniket neend se jata aur hadbada ke utha aur sidha room number 202 ki taraf bhaga, room ko lock tha, to wo sidha counter ke paas aaya par counter par koi dusra hi aadmi tha, usne avi ke bare me pucha to pata chala ke avi raat me deri se aaya aur subah jaldi hi kahi chala gaya
Aniket ne apne sar par hath maar liya aur pucha
Aniket- usne checkout kiya kya ?
Ispar us insan ne na me jawab diya,
Aniket ne wapis room me aakar komal ko jagaya, komal bhi hadbada kar uthi aur sabse pehla sawal kiya
Komal- avi mila ??
Aniket- kya ghanta mila wo, hum log yaha ghode bech ke so rahe the aur wo raat me aaya aur subah nikal bhi gaya
Komal- kya ? gaya ?? kaha gaya ???
Aniket- kya pata aaj kaha mara hai
Komal- to ab kya karna hai ?
Aniket- chinta ki baat nahi hai usne checkout nahi kiya hai, matlab aaspaas hi kahi gaya hai wo
Komal- thank god
Fir achanak komal khush hote huye boli
Komal- waise acha hua nahi to hamara honeymoon ek hi din me khatam ho jata
Aniket- acha ji to aapko bada honeymoon chahiye
Itna bol ke aniket apna chehra komal ke paas laya… aur……….
Kuch samay baad sanjana ne unka darwaja khatkhataya, aur aniket ne darwaja khola, sanjana jaldi jaldi bata rahi thi ki avi raat me aaya aur subah jaldi hi kahi nikal gaya aniket ne bhi aise jataya aise use kuch pata hi na ho
Aniket- acha….hmm…. arey baar re to ab kya kare sanjana
Sanjana- achi bata ye hai ke usne checkout nahi kiya hai abhi
Aniket- theek hai tum ready ho jao fir dekhte hai aage kya karna hai…
Avi sabse pehle ready hokar bahar nikla to reception par kal wala aadmi hi tha uske aniket ko dekhte hi namaste kiya aur bola
“hamka maaf kar do babu u hum raat ma duty par rehne wale babu ko batana bhule rahe ke aap avinas babu ko dhundh rahe, kaunu mamla hai u ka babu ?”
Aniket bhi unke paas jake unke style me bola
Aniket- bahut hi bada mamla hai, dil ka mamla, avinas babu thoda ruthe rahe, hamre sath jo u akeli ladki hai na u uski heroine hai aur hum iha aake avinas babu ko dhundh rahe
Receptionist ko bhi aniket ka bolna pasand aaya aur wo bola
“fir kauno baat nahi, fir to aap bahut hi sahi jagah aaye ho, e mathura hai aur iha ke malik hamre sawle sarkar hai, e dil ka head office hai babu, sari duniya ka dil ka karobar yahi se chalta hai, aap tanik ghabrao nahi hamre thakurji sabki naiyaa paar lagawat hai”
Aniket ko bhi receptionoist ki baat jach gayi aur uski nautanki shuru ho gayi, kal din bhar wo sab logo ki brajbhasha sun raha tha aur wo itni meethi thi ke aniket se jhat se usko pakad liya aur fir us receptionist se bola
Aniket- aye haye kaka ka mithi baat bole rahe, maja awat hai
“bahut badhiya babuji to aap par bhi hamri brajbhasha sawar huyi rahi, sach hai, nandlal sabhi ko apne rang me rang lewat hai, u chhodo jab hum u raat wale manager se puchat rahe aur avinas babu ke bare me chan bin kare rahe to u bataya ke avinas babu iha se vrindavan gaye hai, u bas adde ka pata puche rahe”
Aniket ab ekdum khush ho gaya
Aniket- arey mere CID chacha, ji karta hai chum lu aapko
Fir us budhau ne usko apne paas aane ka ishara kiya aur dhimi awaj me aniket ko bola
“hamko hame chumoge babu, u vyastha to aap saath ma hi laye rahe, tohar mehraru u dekho aaye rahi “
Itne me komal aur sanjana waha tayar hoke pahuche aur aniket ne ghoshna kar di
Aniket- chalo vrindavan
Dono pehgle choda chauki fir aniket ne unko puri baat batayi, sanjana ne bhi us receptionist ko hath jod ke dhanyawaad kaha
“uha bake bihari aur krishna balram mandir me dil se rajkarna beti, sawle sarkar thakur naiya paar laga denge”
Sanjana bhi unki baat sunkar muskurayi aur teeno vrindavan ki taraf nikle, gadi me aniket ki badbad shuru thi par uski taraf sanjana ka dhyan nahi tha, uski udasi uske chehre par saaf dikh rahi thi, komal boli
Komal- lo, yaha kal isko samjha samjha kar hamara gala sukh gaya aur madam aaj bhi chehre par bara baja ke baithi hai
Sanjana jabardasti haste huye boli
Sanjana- waisi baat nahi hai par avi kab milega
Aur ye bolte bolte sanjana ki aankh bhar aayi aur komal sanjana ko samjhate huye boli
Komal- oye heroine, abhi bas teen din huye hai use dhundhte huye aur abhi se haar maan li ? tumko pata nahi hai avi kya chiz hai, jaldi se hath me aane ke liye wo koi baccha nahi hai aur jara ye bhi to socho ke tumhe tumhara pyaar mile iske liye kite log lage huye hai, wo yash baitha hai computer ke samne ke jaise hi avikuch search kare hame jhat se bata de tumhari maa ne bhi to jaldi se permission de di, itna easy tha kya ye sab, aur wo dharamshala ka receptionist bhi kitni madad kar raha hai aur hum to sath hai hi isiliye jara muskurao kya pata tumhari muskan dekh ke avi jaldi mil jaye
Aniket- wahi to, yaha gadi chala chala ke mere pichwade par chale aa gaye hai par maine uff tak nahi kari hai, aur ye ro rahi, huh
Aniket ki baat sunkar sanjana hasne lagi
Komal- shabash, aise hi haste rehne ka kyuki ek raaz ki baat batau, pata nahi in ladko ko hum ladkiyo ko rulane me kya hi sukh milta hai isiliye haste raho to ye line par rehe hai
Itna bolke komal ne aniket ko ek jordar chimta kata
Aniket- aur tum logo ne mere ko kidnap kiya, meri hawa tight ki uska kya ? par wo bhi meri hi galti thi waise to, khair sorry rani sarkar
Itna bolke aniket ne ek hath se apne kaan pakda
Komal- jao maaf kiya tum bhi kya yaad karoge kis dildar se pala pada hai
Unki ye nok jhok sanjana dekh rahi thi aur man hi man soch rahi thi ke kya yyahi pyaar hai, aniket ne shadi ke pehle komal ko itna tadpaya rulaya par komal ne kisi baat ko man par nahi lagaya ya uska gussa nahi mana kyuki usse gusse se jyada relation important tha aur aniket ne bhi khule dil se mafi mang li, sach kaha jaye to avi ne use bas pyaar karna sikhaya tha use nibhana kaise hai ye aniket aur komal ne sikhaya
Aniket ko lag raha tha ke sidha mandir me jana chahiye, vrindavan me entry par hi ek bada gate unka swagat kar raha tha par gaon me ghuste hi aniket chakra gaya, waha ghar kam aur mandir hi jyada the fir usereceptionist ka bataya mandir yaad aaya aur waha logo se puchne par pata chala ke waha car lejate nahi aayegi usne car park ki
Aur teeno niche utar kar mandir ki taraf paidal jane lage, aniket aur sanjana avi ko dhundhte huye ja rahe the wahi komal apne hi khayalo me khoyi huyi thi, waha pahuch kar uska man mano krishnamay ho gaya tha
Wo teeno shri krishna balram mandir me pahuche to ek bade se gate ne unka swagat kiya.. us shubhra mandir me dhup deep ke sath sath doodh dahi aur mithai ki khushbu bhi ghum rahi thi, unlogo ne darshan kiye aur bahar aakar baithe, sanjana aur aniket ne pura mandir chan mara par unhe avi kahi nahi dikha
Waha se nikal kar fir w bake bihari mandir me pahuche, waha ki vyastha ekdum alag thi, jaise maharashta ke bade mandiro me darshan ke liye line lagti hai aisa waha nahi tha, mandir kamukhya garbhgrih yahi teen bade darwaje the aur uske samne bada sa hall jaha sare bhavik bhakt gardi karke khade the, aur gate par parda laga hua tha, aniket ne apne baju wale ek aadmi se pucha ke darshan kab honge to usne bataya ke waha ke logo ki aisi manyata hai ke agar kisi ne jyada der tak bhagwan ka wo rup dekha to wo uspar ohit ho jata hai aur bhagwan ko najar lagti hai isiliye balgopal ke pure shringar ke baad hi parda hatta hai wo bhi kuch hi samay ke liye
Aniket ko uski baat sunke hasi aayi ke bhagwan kok kaise najar lag sakti hai, sab log aturta se parda hatne ki raah dekhne lage aur fir ghanta naad shuru hua aur pujari ne parda hataya aur fir jab sabki drishti us sola shringar kare radha aur krishna par padi to sab mantramugdh hokar unhe dekhne laga ayr pure hall me unka jaikar gunjne laga
Sanjana hath jod kar bhagwan se avi ke jaldi milne ki prarthana kar rahi thi pune hall me radha krishna ka jaikara gunj raha tha aur itne me sanjana ke kano me ek awaj aayi
“I Love You Sanju”
Sanjana jhatke ke sath piche ghumi to uske piche avi haste huye usko dekh raha tha, usne jaldi se ek haar sanjana ke gale me daal diya aur ye sab kya ho raha hai ye sanjana samajh pati isse pehle hi avi gardi me gayab ho gaya aur wo bas use awaj deti rahi par uska awaj logo ke awaj me kahi mano dab gaya tha, sanjana jaldi se bahar aayi par tab tak avi wapis kahi chala gaya tha…..
Avi ne jaldi se ek haar sanjana ke gale me dala aur ye sab kya hua abhi abhi ye sanjana samajh pati isse pehle hi avi us gardi me kahi gayab ho gaya, sanjana use awaz lagati hua us taraf bhagi par waha logo ke awaj me sanjana ka awaj kahi kho gaya, sanjana bhagtew huye jab bahar aayi tab tak avi dobara gayab ho chuka tha
Darshan ke pat band hote hi sare log bahar nikalne lage, sanjana avi ko awaj lagaye ja rahi thi par wo gardi me gayab ho gaya ttha, udhar komal aur aniket ko bhi dhyan me aaya ke sanjana kahi dikh nahi rahi hai to wo use dhundhte huye bahar aaye to unko sanjana avi ko awaj lagate huye dikhi aur wo bhag kar sanjana ke paas pahuche
Aniket- kya hua sanjana ?
Sanjana ne ekdum exited hote huye kaha
Sanjana- avi!! Wo yahi tha ! hamare sath
Aniket- kya ? avi yaha tha
Sanjana- ha wo mere piche hi khada tha
Aniket unko wahi rukne ka bolke avi ko dhundhne bhaga aur sanjana ko dekh kar komal use shant kare huye boli
Komal- puri baat batao sanjana ?
Sanjana- maine avi ko dekha, wo hamare sath hi tha
Komal- hamare sath hota to wo hame bhi to dikhta na sanjana, tum shant ho jao pehle tumhe bhram hua hoga, warna hame bhi to dikhta wo, tumhe hi kyu dikha
Sanjana- mai sach keh rahi hu komal wo sach me avi tha usne mere kaan me I love you kaha mujhe
Par komal manne ko tayar nahi thi
Komal- par ye kaise possible hai, waha itni gardi itna awaj tha, usme tumhe ye kaise sunai diya, theek hai waise agar wo sach me yaha tha to aniket gaya hai use dhundhne wop use le aayega
Sanjana mano kisi sapne se jagi ho wo badbadaye ja rahi thi aur achanak uska dhyan us haar par gaya aur wo haar sanjana komal ko dikhate huye boli
Sanjana- ye dekho, ye dekho, usne mujhe I love you kaha aur ye haar mere gale me dala
Ab komal ko bhi yakin ho gaya tha ke sanjana sach keh rahi hai, avi waha tha
Komal- arey to fir jane kyu diya use ?
Sanjana- wo itna achanak aaya ke mai kuch nahi kar payi
Komal- theek hai, matlab avi lagbhag mil hi gaya hai,
Thodi der baad aniket waha hafte huye aaya
Aniket- nahi, nahi mila wo kahi bhi, ye tumhara weham hoga sanjana
Fir komal ne aniket ko sara kissa sunaya aur do minute tak aniket sanjana ki taraf dekhta raha aur fir achanak nachne laga
Aniket- arey hathi ghoda palki jai kanhaiya laal ki
Komal- ani kya kar rahe ho, yaha hame tension ho rahi hai aur tumko nachna hai
Aniket- arey kammo avi aaj na kal mil hi jayega par usne kya kiya hai samaj rahi ho kya tum
Aniket ne fir jabardasti sanjana ka hath pakda aur bola
Aniiket- Congratulations..!!
Komal- stop it nai, sahi se batao baat kya hai
Aur aniket to full mood me tha, usne apni nautanki style me ek hath kamar par rakha aur dusre hath se komal ka gaal khichte huye bola
Aniket- haay mere bhole sanam itna bhi nahi samjhe ke avi ke sakshat radha krishna ke samne apne pyaar ka ijhar kiya hai aur na sirf pyaar ka ijhar kiya hai balki ye haar sanjana ko pehna kar usne sanjana ke sakshat gandharva vivah kiya hai, ab samajh aaya kuch mai kyu nach raha tha
Ab kahi jake komal ke dimag ki tube jali aur wo sar par hath rakhte huye boli
Komal- hey bhagwan kaha kaha dimag chalate ho tu log
Aur aniket ka tark sunkar sanjana ekdum khush ho gayi, bole to ladki sharmane lagi, aur fir aniket ne apna morcha sanjana ki taraf badhaya
Aniket- to fir sanjana bhabhi
Aur aniket ke muh se bhabhi sunkar to sanjana aur bhi jyada sharmane lagi aur aniket ki nautanki wapis shuru par is baar komal bhi uske sath nach rahi thi,
Aaju baju ke log unki taraf dekh rahe the par unko duniya ke kuch lena dena nahi tha aur kuch pal ke liye hi kyu na hi wo log bhul gaye the ke avi dobara gayab hi gaya tha
Teeno wapis apne gadi ki taraf jane lage, sanjana to apni hi duniya ke khoyi huyi thi aur aniket ne gadi me baithte hi sanjana se kaha
Aniket- bhabhi chinta nahi karne ka, mai dekhta hu ab kaha aur kitna bhagta hai wo
Komal- par ab use dhundhe kaha
Aniket- ab to wo uparwala hi rasta dikhayega, ab return to mathura wahi chal ke dekhte hai aage kya hota hai
Sanjana man hi man uski aur avi ki mulakat ko yaad karne lagi aur achanak uske kuch yaad aaya aur wo ekdum se boli
Sanjana- Ek minute mujhe abhi yaad aaya ke ye haar pehnane ke yaad avi ne barsana kaha tha
Aniket ne jyada dhyan nahi diya aur bola
Aniket- kya ? Farsana ? Ab kya isko tekri par jana hai kya ke tu beer la mai farsana lata hu karke
Komal ne aniket ke sar oar tapli maar ke usko roka
Komal- arey bhukkad farsana nahi barsana hamara agla stop barsana hai yani, avi ab barsane ko gaya hai
Aniket- tumko kaise pata ? aur hai kaha ye barsana
Komal- mujhe pata hai , puri duniya jis krishna ke piche pagal hai wo radha ke diwane the aur barsana radha rani ka gaon hai
Aniket- shabas, tumhare crime pertrol dekhne ka yahi fayda hai sab pata rehta hai tumko sbabas mere female anup soni, nikalo fir map aurt batao rasta
Komal ne maps shuru kiya aur kuch samay me wo barsana pahuche
Bhanugarh parvat par wo mandir bana hua tha jiske niche ki ek bade se gate ne unka swagat kiya, wo shubhra mandir niche se saaf dekha ja sakta tha, 200 seedhiya pahuch kar wo log mandir me pahuche.. sanjana us jagah ki khubsurti me kho gayi thi, unhone mandir me darshan kiya, radha ki murti dekh kar hi aap samajh sakte ho ke jinhone sare jagat ko mohit kiya wo inke diwane kyu the, pyar ki ek nayi paribhasha, nischal niswarth prem ko aaj sari duniya me pujniya hai.. waise dekha jaye to dono ka vivah kabhi nahi hua par aaj bhi krishna ke sath rukmini ya satyabhama ka nahi radha ka hi naam liya jata hai wo bhi krishna se pehle
Sanjana man hi man soch rahi thi ke radha yani prem ki parisima, wo apni antim saas tak krishna se prem karti rahi par kabhi apna adhikar nahi jataya, bas unki raah dekhti rahi par kabhi pyaar karna nahi chhoda aur amar ho gayi, pyaar ko duniya me puri tarah koi samajh nahi paya hai par avi ne pichle kuch dino me sanjana ko pyaar ke kayi rang dikhaye the, sanjana ko apne aap par hasi aane lagi ke aath din pehle usne avi ko kya kya nahi kaha tha wahi radha ne kabhi ek uff tak nahi ki wo bas krishna ki khushi me khush rahi, premi ko pa lena hi sab kuch nahi hota
Idhar komal aur aniket har taraf avi ko dhundh kar thak gaye par wo unko nahi mila aur achanak sanjana ne kaha
Sanjana- chalo wapis, mai uski raah dekhne ko tayar hu, mera pyaar saccha hoga to wo jarur aayega warna mai to jindagi bhar uski raah dekhne ko tayar hu
Aur wo aage nikal gayi
Fir teeno wapis matura aane ke liye nikle, din bhar ki bhagdaud se teeno thak gaye the aur gadi me koi kuch nahi bol raha tha aur achanak aniket chillaya
Aniket- shiiiittt !
Komal- kya hua ani ?
Aniket- nahi kuch nahi mai abhi aaya
Itna bol ke aniket ne ek jagah gadi side me lagayi aur thoda dur ek kone me jake ek cigarette jalayi aur aaram kash lete huye kuch sochne laga
Aniket jab gadi ke paas wapis aaya to wo ekdum khush tha aur wo gadi me baithte hi bola
Aniket- bhabhi maine to tumko shadi ka koi gift hi nahi diya, boli kya chahiye
Aur sanjana ne achanak kaha
Sanjana- avi
Sanjana anjane me bol gayi aur aniket bhi utni hi tatparta se bola
Aniket- theek hai done, kal chahe kuch ho jaye mai tumko avi se mila ke rahunga wo bhi hamesha ke liye
Sanjana aur komal ne ekdusre ko dekha aur fir komal boli
Komal- tumko pata hai wo kaha hai
Aniket- nahi
Komal- fir
Aniket- ye khel usne shuru kiya hai khatam mai karunga wo bhi kal hi…
Sanjana anjane me bol gayi aur aniket bhi utni hi tatparta se bola
Aniket- theek hai done, kal chahe kuch ho jaye mai tumko avi se mila ke rahunga wo bhi hamesha ke liye
Aniket ki baat sunkar komal aur sanjana bhi khush ho gayi par unhe samajh nahi aa raha tha ke aniket karne kya wala hai par aniket ka chera aur uspar ki khushi bata rahi thi ke uske dimag me kuch to chal raha hai
Teeno mathura pahuchne wale the aur aniket kisi gahan vichar me khoya hua tha, wo kuch nahi bol raha tha aur akhir me komal boli
Komal- tum bataoge ki kya karne wale ho ? kya hua hai ? aur jab tumhe pata nahi hai ke avi kaha hai to kal milwane ka promise kyu kiya ? mujhe tumpar pura bharosa hai par agar bata doge to acha lagega
Aniket apni hi tandri me tha aur wo bola
Aniket- kammo tumko pata hai yaha sab log radhe radhe kyu bolte hai
Komal- ha kyuki yaha ki manyata hai ke jaha radha hai waha krishna apne aap aayenge isiliye sab radhe radhe kehte hai
Aniket- barabar, hum agar krishna ke piche jaye to wo hame nahi milne wale par radha ke paas jaye to waha krishna se mulakat jarur hogi, waise hi jitna hum avi ke piche jayenge wo bhagta rahega to ab hum uske piche nahi jayenge balki use apne piche aane lagaye to ?
Komal- aisa hua to sari samasya hi khatam par kya ye baat work karegi
Aniket- karegi kammo rani kyuki apne sath radha hai
Sanjana ko aniket ne radha kaha to wo sharma di par komal ke samajh me nahi aaya tha ke aniket karne kya wala hai
Komal- idea to sahi hai par ye hoga kaise
Aniket- wo sab mere pe chhod do, you just enjoy the ride
Komal- ok
Teeno mathura pahuche, dharamshala me pahuche par aniket ne waha avi ke bare me koi puchtach nahi ki, teeno badhiya fresh hokar khana khane gaye, unka order aane me abhi samay tha to aniket ne apna phone nikal kar yash ko call kiya
Aniket- ha yash ek kaam kar de bhai, kal hum log agra ja rahe the avi wahi hai tu bas wohotel booking ka dekh le
Yash ekdum khush ho gaya
Yash- to avi mil gaya
Aniket- nahi mila nahi hai par kal mil jayega
Yash-par teko kaise pata chala ke wo agra me hai
Aniket- arey bahut lambi kahani hai aaram se bataunga tu bas booking ka dekh le
Sanjana aur komal ekdusre ko dekh rahe the aur jaise hi aniket ne call khatam kiya dono ekdum se boli
“agra !”
Aniket- ha agra
Komal- par agra kyu ?
Aniket- kyuki agra teen chizo ke liye famous hai, pehla tajmahal, dusra agre ka petha aur teesra
Komal- teesra kya
Aniket- mental hospital, bharat ka sabse bada mehtal hospital agra me hai
Komal- aur avi waha hai ye tumse kisne kaha
Aniket ne aankh marte huye jawab diya
Aniket-khud bhagwan ne
Komal- ani bahut ho gaya ab, sidhe sidhe batao baat kya hai, avi kyu jayega waha
Aniket- kyuki kal puranmasi ki raat hai
Komal- ab baat bataoge ke mai batau tumhe ? bas jalebi ki tarah ghumaye ja rahe ho baat ko
Komal ka gussa dekh ke aniket ki nautanki wapis shuru
Aniket- haay please batao na waise bhi bahut time ho gaya tumhare hath ka maar khaye huye
Aniket ki baat sunkar sanjana has padi aur komal jhuthe gusse me boli
Komal- mai kab marti hu tumhe, kuch bhi bolte ho
Itna bol ke wo gusse me dusri taraf dekhne lagi aur aniket use manaye huye bola
Aniket- arey suno na, komu , mujhe batao ke avi ka milna jyada jaruri hai ya mujhe ye baat kisne batayi ye jyada jaruri hai
Komal- tumhe jo karna hai karo par agar kal avi nahi mila to tumhari koi khair nahi
Aniket- jo hukum rani sarkar, ab agar aapki agya ho to khana kha le ?
Teeno ne fir badhiya khaya khaya aur dharamshala me aaye aur aniket sanjana ko chhedte huye bola
Aniket- bhabhi sara tension chhod ke chader taan ke so jane ka tumko kal tumhare saiyaa mil jayenge
Aur aniket ki baat sunkar sanjana to mano sarve asman me thi
Aur aniket gana gaa raha tha
Aniket- bairi piya bada hai dard... Uff
Agle din wo teeno subah hi agra ke liye nikal gaye aur avi raat ko dharamshala me nahi aaya ye receptionist ne unhe bataya aur wo bhi agra ja rahe hai bolke nikal liye
Aniket ke bataye mutabik yash ne sari booking kar rakhi thi aur address aniket ko message kar diya tha, un teeno ne agra me hotel me check in kiya aur piche se awaj aaya
"Surprise"
Teeno ne piche mud ke dekha to waha yash aur priya dono khade the, aniket jake sidha yash ke gale lag gaya
Aniket- aaila yashya tu idhar ?
Yash- tu to humko jalti de ke aa gaya idhar ghumne aur socha ke jab avi milne hi wala hai to humara bhi sath me rehna banta hai bas subah ki flight pakad ke aa gaye idhar
Aniket- sahi kiya kiya bhai tune
Fir aniket ne unki pehchan sanjana se karayi
Aniket- inse milo sanjana ye hai yash, mera bhai, mera dusra jigar aur ye hai uski better half priya, kamal ki baat batau, ye meri better half hone wali thi par ye yash ain mauke pe nautanki karke isko bhaga le gaya
Aniket ki baat sun sab hasne lage aur fir yash sanjana ki taraf dekhte huye bola
Yash- to ye hai wo sanjana patil jisne apne avi ka dil churaya hai
Komal- hao, yahi hai wo jinki wajah se hum aaj yaha mil rahe hai
Fir yash ekdum bola
Yash- anya avi kidhar hai ?
Aniket- mereko kya malum
Aniket ki baat sunkar sabko dhakka laga aur sabse jyada yash chauka
Yash- malum nahi boleto?tune hi bataya tha na ke wo yaha hai
Aniket- ha wo yahi hai par usko dhundhne ki koi jarurat nahi hai wo khud aayega apne ko dhundhte huye, nahi aaya to rahega yahi hum yaha se sidha ghar ke liye niklenge, bahut ho gaya iska natak ab
Yash- tere dimag me kya hai tu hi jane, acha jaldi se ready ho jao fir badhiya nashta karke taj dekhne chalte hai
Aniket ki baat sunkar sanjana ko tension aa gaya aur fir aniket dheere se use bola
Aniket- mujhpar bharosa hai na
Sanjana ne bhi ha me gardan hila di
Sablog tayar huye aur tajmahal dekhne nikal gaye, aniket ne sanjana aur komal ko saaf saaf keh diya tha ke avi ko dhundhne ki jhanjhat me na pade, tajmahal dekhne ja rahe hai uska pura maja le
Komal, priya kafi khush thi, sach hai waise, insabhi jindagiya pyaar ne badal di thi aur jab duniya ka prem ka pratik kehlane wala tajmahal aaj wo apni aankho se dekhne wali thi to khush hona swabhavik tha
Taj ki enrty par laal rang ki diware aisi banayi huyi thi ke tajmahal jaldi se kisi ko dikhe na, ek bada sa rasta aur uske bagal me bagiche me lagaye ped, sahi se kaat ke set kiye huye, bada lawn aur samne ek laal safed pattharo se bana bada sa gate, jiske aaju baju chhote darwaje bane huye the, uski banawat aisi thi ke jab tak aap uske ander nahi jate tab tak taj aapko najar nahi aayega, sab jaldi jaldi ander aaye
Aur samne ka najara dekh ke sab ka dl dhakk reh gaya, samne safed Taj jab usni najro me pada to sab use hi rekhte reh gaye, jis tajmahal ko dekhne ke liye duniya bhar se log aate hai, jis tajmahal ko aaj tak bas TV film ya photos me dekha tha use sab aaj apni aakho se dekh rahe the, niche bichi huyi hari jamin upar neela asman aur saamne shubhra tajmahal, sab bedhundh hokar ye drishya apni aankho me bhar rahe the
Wo taj najro ke madhyam se dil me utar raha tha aur priya wo wo tajmahal yaad aaya jo yash ne use unki pehli mulakat me gift kiya tha, komal to taj ko dekh kar itni khush thi ke uske aniket ka hath pakad ke use gale laga liya wahi sanjana ko avi ki yaad aa rahi thi aur wo man hi man boli
Sanjana- is jagah tumhe mere sath hona chahiye tha avi, ab bas bhi karo samne aa jao, ab ye virah mujhse sehan nahi hota, bairi piya……
Wo taj najro ke madhyam se dil me utar raha tha aur priya wo wo tajmahal yaad aaya jo yash ne use unki pehli mulakat me gift kiya tha, komal to taj ko dekh kar itni khush thi ke uske aniket ka hath pakad ke use gale laga liya wahi sanjana ko avi ki yaad aa rahi thi aur wo man hi man boli
Sanjana- is jagah tumhe mere sath hona chahiye tha avi, ab bas bhi karo samne aa jao, ab ye virah mujhse sehan nahi hota, bairi piya……
Jab sabne taj kojee bhar ke dekh liya to ab sab waha patapat photo lene lage, sach kaha jaye to sab wo khuhi ke pal photo me kaid kar rahe the, kyuki samay ko rokne ki takat bas photo me hi to hoti hai, jab kai salo baad wo photo dekhte hai to apne aap ko fir usi samay me feel karne ka maja hi alag hai, wo pal photo ke madhyam se kayam rehte hai hamare chehre par smile lane ke liye
Yash aage bola
Yash- arey chalo ab aage kab tak yaha dur se dekhte rahoge
Sach tha kyuki taj ko kitna hi dekh lo man nahi bharta tha
Beechobeech ek lamba pond aur usne fawaro ki line, baju me thode thode distance par lage huye ped sab ek aakar me kate huye, sab taraf lawn me faili hariyali aur unke beech se jata laal pattharo ka rasta aisa lag raha tha mano ye swarh ka rasta hai, dono couple ek dusre ka hath pakde taj ki taraf ja rahe the, aur ye dono kya waha jitne couplemaujud the sabne apne jeevansathi ka hath pakda hua tha
Wo shubhra sangmarmari taj aur uske paas char gagan chumbi minar.. wo sab taj ke paas pahuche aur jaise hi unhone tajmahal ki diwaro ko chua ek alag hi feeling se sabka dil bhar aaya, ek pal ko to aisa bhi laga ke isko hath lagane se kahi ye maila na ho jaye, sangmarmar aur uske upar ki gayi sunder nakkashi, phool vel bane huye the aur bahut kuch urdu me likha hua tha, shuruwat me laga le ye phool pattiya color se bahaye gaye honge par karib se dekh kar dhyan me aaya ke wo paint na hokar alag alag rang ke patther the wo us sngmarmar ke fitkiye gaye the.. apratim aisa khubsurti ka wo avishkar tha, ander jakar dekha to ucha bada ghumat aur sab taraf nakshikam kiya hua tha par usme bhi sadgi saaf jhalak rahi thi, upar se dekha to niche beecho bich mumtaj ki kabar thi aur uske baju me shahajahan ki kabar
Waha samay kaise bita pata hi nahi chala aur jab bahar aaye to najro ke samne thi kal kal behti shant yamuna nadi.. us shant pani me taj ka pratibimb mohak dikh raha tha aur dur ek kila najar aa raha tha.. koi bata raha tha ke us kile se shahajahan apne aakhri samay tak taj ko dekhta rehta tha
Ye sab khubsurti aankho me samete sab wapis aane ko nikle par sanjana ki najre har taraf bas avi ko talash kiye ja rahi thi, taj ki ek visheshta ye hai ye bhale dinbhar safed dikhne wala tajmahal suryast ke samay dubte suraj ki kirno me sunehra najar aa raha tha
Wo sab hotel wapis aane ke liye nikle to sanjana boli
Sanjana- ani, avi kaha hai ? tumhe to kaha tha ke aaj use mu;lakat hogi?
Aniket- ha bola tha aur let me remind you my dear bhabhiji ke aaj ka din khatam nahi hua hai
Sanjana ka chehra utar gaya tha wahi komal aur priya ne bahut sari shopping ki thi
Sab hotel pahuche aur badhiya fresh hokar khana khane gaye, komal yash priya sab aniket ko baarbaar sawal kiye ja rahe he
Komal- avi kaha hai ani ? wo sach me milne wala hai ya tum bas aise hi fek rahe the ?
Aniket- arey nahi komu tumhari kasam aisa kuch nahi hai, avi aaj raat ko mil jayega aisa mujhe pura yakin hai
Komal- raat me ? ab kya raat me use dhundhne jana hai kya ? aur raat me hi kyu ?
Aniket- kyuki aaj puranmasi ki raat hai
Ab komal chidh gayi
Komal-ab agar tumne sahi se nahi bataya to mai tumhara gala daba dungi
Uski baat sunkar priya hasi aur boli
Priya- ye log bahut nalayak hai komal, ant tak kuch nahi batayenge aur ain mauke par baji palat denge, mujhe bahut acha anubhav hai is nautanki ka, meri shadi ka kissa to tumko pata hi hai, so chill aur jo ho raha hai bas uska maja lo aur is ani ke dimag me kab kya aa jaye koi nahikeh sakya
Aniket- thank you priyu
Aur aniket ke aisa bolte hi komal ne aankhe badi karke use dekha
Aniket- bhabhi priya bhabhi
In sab me sanjana shant thi aur komal aur priya use samjha rahe the aur jaise hi khana khatam hua ekdum aniket bola
Aniket- thoda aaram karo, theek dus baje apne ko bahar jana hai
Komal- itni raat me ? kaha ?
Aniket- avi se milna hai to chup chap chalne ka fir
Avi se milne ka sunte hi sanjana ka mood ekdum sahi ho gaya aur room me jate hi komal boli
Komal- ab bas bhi karo kya jaan hi leke manoge sanjana ki
Komal ki baat sunkar aniket use baho me bharte huye bola
Aniket- jitna virah jyada utna hi milan ka aanand atut aur adwitiya, aur pehle hi sab bata dnga to surprise ka maja kaise aayega ?
Paune dus baje ye sab log lobby me jama huye aur bahar jane ke liye nikle, kuch samay baad raste me priya ekdum se boli
Priya- arey ye to taj ki taraf jane wala hi rasta hai
Aniket- my dear bhabhi, sahi jawab, hum taj ki taraf hi ja rahe hai kyuki aaj pournima ki raat hai aur aaj hum taj ko raat me bhi dekh sakte hai
Sab log wapis se tajmahal pahuche aur waha bench par baith kar tajmahal ko dekhne lage, aniket ne yash ko kuch ishara kiya aur sanjana ko bola
Aniket- sanjana hum sab yahi aas paas hai, chinta nahi karne ka aur ghabrane ka bilkul bhi nahi, be ready for surprise
Sanjana ke dil ki dhadkan ekdum se badh gayi thi, yash aur priya ek taraf to aniket aur komal dusri or chale gaye the, dono couple alag alag bench par jakar baith gaye hatho me hath liye, komal aniket ke kandhe par to yash priya ke kandhe par sir tika kar taj ki or dekh rahe the
Aur achanak sare lights band ho gaye aur pournima ke chand ki chandni ke sara taj chamakne laga, chand ki chandi me taj ki khubsurti ka varnan nahi ho sakta itna sunder
Light band hote hi pehle to sanjana chauki par fir chandni me dube taj ko dekh kar uski khubsurtime kho gayi, wo bagair palke jhapkaye taj ki or dekh rahi thi aur tabhi kisi ne piche se uski aankho par hath rakha, sanjana ne jhat se us sparsh ko pehchan liya aur isi ke sath uske kano me kuch shabd pade
“sanju, my love my life, I love you so much”
Us pal ko mano uska dil dhadakna bhul gaya ho, wo samne aaya aur snjana I aankho par se apna hath hataya, sanjana ko apni aankho par viswas nahi ho raha tha, ek hi samay meuski aankho ke samne uska pyaar aur ek pyaar ki nishani the, wo stabdh khadi thi, uske anand ki koi sima nahi thi aur uska apne aap par se niyantran hata, itne virah ke baad avi ko apni aankho ke samne dekh kar sanjana ko kuch sujh nahi raha tha, ye stya hai ya swapna
Avi ko sanjana ka halat ka andaja hua aur usne halke se sanjana ki kamar me hath daal ke use apne kareeb khicha, sanjana ab bhi uski aankho me sudh budh khokar dekh rahi thi aur fir wo moment aaya, avi ne apne hoth sanjana ke hotho se milaye aur puranmasi ki us raat taj ke samne dono premi ekdusre se mil gaye
Wo pal wo feeling apratim thi jiska varnan shabdo me karna mushkil hai, agar kiya bhi to shayad adhura reh jaye kyuki in feeling ko shabdo me bayan karna thoda mushkil hai, sara virah, gussa vivanchanaye sab ek pal me khatam ho gaya, do premi nahi to do aatmao ka milan hua tha, aur unka pyar dekh kar to shayad aaj chand aur wo taj bhi khush ho raha hoga, aaj taj ke un sangemarmaro me bhi us pal ka anubhav kiya tha… wo pyaar dekh ke chand bhi badlo me chip gaya hoga aur taj ke galo par lali hogi, dono ekdusre ki baho me kho gaye the, yaha shabdo ki jarurat hi nahi thi, bol raha tha bas sparsh aur dil ki dhadkan, jisme bas sanjana aur avinash the, dono ekdusre me khoye huye the..
Sara virah, takleef, purani galtiya jhagde sab sab us ek pal me samapt ho gaya tha bacha tha bas anant aur atut prem
Kuch pal baad jab hoth alag huye aur sanjana ko thoda hosh me aayi aur ekdum bol
Sanjana- I love you Avi
Aur itna bol ke usne dobara avi ko gale laga liya
Aaj fir do premi dop aatmaye prem bandhan me bandh gaye the, aisa lag raha tha ke ye pal kabhi khatam na ho samay yahi ruk jaye aur aaj is baat ki gawahi khud chand de raha tha aur uske sath tha Tajmahal…….
Gali gali sim sim is natak ka parda gir chuka tha aur sab wapis aane ke liye nikal chuke the, jeevan ke naye safar par
Yash ko uske ghar par chhodte huye aniket aur komal avi aur sanjana ghar laute.. avi ki maa narayanrao aur kaushalya unhi ki raah dekh rahe the, aniket ne unko time time par sari khabre di thi isiliye narayanrao ne avi ki maa ko bhi ghar par bula liya tha
Avi ko dekhte hi uski maa ne use gale laga liya, wo avi ko sath me daat bhi rahi thi par us daat me bhi gussa kam aur beta ghar wapis aa gaya iski khushi jyada thi par narayanrao ache gusse me the unhone avi ko ache se file par liya, thoda time aniket sunta raha fir dheere se apni maa ke paas jakar bola
Aniket- ma saheb, aapke patidev aaj jara jyada hi gusse me, jara shant karo unko
Aur isike sath ek mukka aniket ke pith par pada
Aniket- eee.. maine kya kiya ab ? meko kyu mara.. wo marna warna hai wo avi ke sath karo..
Narayanrao aniket ke chillane se thoda vichalit ho gaye the itne me aniket unke paas gaya aur bola
Aniket- bapu bas karo na ab.. sala ye senoir citizen logo ne alag naak me dum kiya hua hai
Aur fir avi ki maa ke taraf muda aur bola
Aniket-o kaku, aap kyu ab hindi serial ke bahut ke jaise ro rahi, sala senior citizen ko khush karne ke liye sath me bulaya tha to inhone alag alag ki karyakran chalu kiya hua hai.. bas karo ab, tumhara beta khoya tha na ? dekho usko dhundh ke laya hu mai aur aaj ki khas offer bhi hai bete ke sath bahu free!! Free!! Free!!
Aur aniket sanjana ka hath pakad ke use sabke samne laya
Aniket- ye lo tumhari bahu
Avi ki maa ne uski taraf ashcharya se dekha aur avi ne bhi bas ha me gardan hila di aur uski maa ne sanjana ko apne paas lete huye use gale laga liya
Aniket- shabash
Aur fir wo narayanrao ke paas gaya aur unka hath pakad ke apni maa ke baju me bithya aur bola
Aniket- aaplog ke liye bhi kuch laya hu chalo hath aage karo jaldi se
Kaushalya ne hath aage kiya to aniket ne unke hath me vrindavan se layi bal krishna ki murti rakh di aur bola
Aniket- to senior citizens, bahut hua aaram ab bhag daud karni padegi, jald hi ghar me naya mehman aane wala hai, and bapu rane aap dadaji banne wale hai
Kaushalya ne komal ki taraf dekha to wo sharmane lagi aur narayanrao aur kaushalya ki to khushi kakoi thikana hi nahi tha…
Avi aur sanjana maa ko lekar ghar pahuche aur uske baad avi ne sanjana ko uske ghar chhoda aur wo hostel chala gaya
Agle din se ek nayi shuruwat.. par sanjana ne agle hi din ek naya bomb fod diya
Sanjana- avi, tumko papa ne ghar bulaya hai
Avi bhi ache mood me tha
Avi- arey waah, meko fir se ander dalne ka vichar hai kya
Sanjana- tumhe maskari sujh rahi hai aur yaha meri jaan ja rahi hai
Avi- usme itna ghabrane jaisa kya hai ? ek na ek din to ye hona hi tha na, par itna jaldi hoga ye socha nahi tha
Sanjana- avi mujhe bahut tension aa raha hai
Avi- arey don’t worry jaan, mai aata hu aaj unse milne
Sham me jab sanjana ke papa ghar aaye to usne avi ko call kiya, waise to fat avi ki bhi rahi thi pa himmat karke wo sanjana ke ghar pahucha, uske papa hall me hi baithe the aur avi ne ander jakar hello kiya, unhone chashme me avi ko gaur se dekha aur use baithne ko kaha.. kuch pal shanti me bite.. dono ne chai pi aur chai ka cup baju me rakhte huye pehla sawal aaya
Sangram- Avinash Kanitkar, kya chal raha hai
Avi- kuch nahi sir
Sangram- kaha gayab ho gaye the ?
Avi ne koi jawab nahi diya, aur unhone jhat agla sawal pucha
Sangram- kya mamla hai ye ?
Avi-kuch nahi sir
Sangram- fir gayab kyu huye the ?
Avi- gayab nahi hua tha, bas aise hi ghumne gaya tha
Sangram- acha, fir sanjana kyu dhundh rahi thi tumhe
Avi- kuch nahi sir, wo bas ek misunderstanding ho gayi thi
Sangram- kaha gaye the bhatakne ?
Avi- mathura vrindavan agra
Sangram- kamal hai, log bhatakne goa jate hai tum sidha mathura ?
Avi- ha ek apni pasand hoti hai
Sangram- acha ! mathura bhatakne ke liye gaye the ya sanyas lene
Avi ne koi jawab nahi diya
Sangram- tumhe pata hai na, aise gayab hoga gunah hai, tumhari missing report bhi hai
Avi kuch nahi bola
Sangram- gayab hone ka karan ?
Avi- waisa kuch nahi hai sir
Sangram- dekho aadmi ke aise gayab hone ke piche do karan ho sakte hai ya to wo aparadhi ho ya nirasha, aparadhi tum nahiho, nirasha ka karan ?
Avi ne jaise ek hi line padh rakhi ho
Avi- aisa kuch nahi hai sir
Sangram avi ko ghur kar dekh raha tha aur unhone pucha
Sangram- to sanjana tumhe kyu dhundh rahi thi
Ab unhone main mudde ko hath lagaya tha aur kuch pal avi ghabraya aur fir satik awaj me bola
Avi- kyuki hum pyaar karte hai ekdusre se
Ab sanjana ki halat kharab huyi, avi ka jawab sunte hi sanjana ke papa thoda aage aaye aur tej awaj me bole
Sangram- tumhe samajh aa raha hai tum kya keh rahe ho
Avi bhi pakke nirdhar se bola
Avi- ha, aur ye sach hai ke hum ekdusre se pyar karte hai
Sangram- avinash, shayad tum bhul gaye ho ke mai sirf sanjana ka baap hi nahi ek police wala bhi hu
Par ab avi piche hatne ko tayar nahi tha
Avi- mujhe ache se pata hai ke aap police officer hai par fir bhi mai sanjana se pyar karta hu
Wo ekdum chillaye
Sangram- sanjana….
Sanjana bhagte huye hall me aayi
Sangram- ye kya bol raha hai wo sach hai kya ?
Sanjana darr se kamp rahi thi aur uske papa ne dobara kaha
Sangram- maine tumse kuch pucha hai sanjana
Kuch pal ke liye sanjana ki halat dekh ke avi bhi tension me aa gaya, sanjana ne bas ha me gardan hilayi aur uske papa bhadak gaye
Sangram- jab pyar karte huye sharam nahi aayi to use kabul karte huye muh kyu band hai ?
Sanjana ne ek baad avi ki taraf dekha, avi ne apni aankhe band karke kholi, wo use keh raha tha ke chinta na kare wo uske sath hai, ab sanjana himmat karke boli
Sanjana- ha ye sab sach hai
Avi ki jaan me jaan aayi aur ab usme ek naya josh bhara hua tha.. kyuki sanjana ne apne pita ke samne apna pyaar kabul karke use himmat de di thi, sangram sanjana ki taraf vismaykarak drishti se dekh rahe the aur akhir me unhone use ander jane ko kaha aur sanjana ke ander jate hi bole
Sangram- tum nahi jante iska parinam kya hoga
Avi- mai ache se janta hu ke kya hoga par mai fir bhi yahi kahunga ke mai sanjana se pyar karta hu
Sangram- mai tumhare sath kuch bhi kar sakta hu jante ho na
Avi- janta hu sir par usse meri feelings nahi badal jayegi
Sangram- huh, bolna asan hai bacche, char lathi padte hi pyar ka bhoot utar jayega
Avi kuch nahi bola
Sangram- kya hua ? darr lag raha hai to jaise aaya hai waise hi chala ja aur dobara sanjana ke aaspaas mat dikhna, isime teri bhalai hai
Avi- wapis jana hota to aapse milne kyu aata
Avi apni baat par ada hua tha, sangram ne use darane ki bahut koshish ki par wo vichalit nahi hua aur akhir wo sofe par baithte huye bole
Sangram- itni masti iotna attitude aaya kaha se ?
Avi- attitude nahi hai sir, pyaar hai isiliye bol raha hu
Sangram- matlab tumhare gayab hone ke liye sanjana jimmedar hai
Avi- waisa kuch nahi hai sir
Sangram- mujhe sanjana ki maa ne halka sa idea diya hai is bare me par mai tumhare muh se sunna chahta hu, kya kiya hai sanjaja ne
Avi- usne kuch nahi kiya hai, mai samajhdar hu aur apni marji se ghumne gaya tha
Sangram- ye dekh mai tere jaise sekdo logo ko roj sidha karta hu
Avi- sir, wo log aparadhi hote hai mai aparahi nahi hu
Pagala gaya he sangram avi ko dara raha he .jahan Aniket k mata,pita khus hain apne bachon k khushi me.wahni avi k maa apni bahu milne se khus hain.fabulous update..
Aaj fir do premi do aatmaye prem bandhan me bandh gaye the, aisa lag raha tha ke ye pal kabhi khatam na ho samay yahi ruk jaye aur aaj is baat ki gawahi khud chand de raha tha aur uske sath tha Tajmahal
Udhar aniket aur komal baithe huye the komal ne aniket ka hath pakda hua tha aur uske kandhe sar rakha hua tha aur dono ek dusre me khoye huye us poornima ke chand ki chandni me dube chand ko dekh rahe the
Tabhi aniket bola
Aniket- duniya ka sabse anmol gift hoga ye jo ek premi ne apni premika ko diya hoga
Komal- par ani, isse bhi jyada khubsurat aur anmol koi aur gift bhi to hi sakta hai na ?
Aniket- koi chance hi nahi hai, isse jyada anmol aur khubsurat gift ho hi nahi sakta
Aniket ki baat sunkar komal boli
Komal- aise kaise, hota hai baba
Aniket- acha, to fir mujhe wo gift tumse chahiye jo is taj se bhi jyada khubsurat aur anmol ho
Komal apne hath me pakda aniket ka hath apne hotho ke paas le gayi aur uske hath par kiss kiya aur dheere se aniket ka hath apne pet par rakha aur boli
Komal- aisa anmol gift mai jald hi tumhe dene wali hu
Itna bol ke komal sharma gayi aur aniket to kuch pal ke liye ekdum shant ho gaya, use kuch sujh nahi raha tha aur fir wo achanak chillaya
Aniket- kyaaaaa!!!!!
Aniket itni jor se chillaya ke aaju baju chipak kar baithe huye couple bhi darr kar dur ho gaye aur aniket to khushi se pagal ho gaya tha
Aniket- komu kya bola tumne abhi? Ye ye sach hai na ?
Komal sharmaye ja rahi thi aur usne bas ha me gardan hila di
Aniket- komu sach me hum maa papa banne wale hai ?
Komal jhutha gussa dikhate huye boli
Komal- ab kya bond paper par likh kar du ye baat tumhe
Aniket- hurrraayyyyy
Aniket ne komal ko apne paas liya aur dono hatho se uska chehra pakad kar use chumne laga
Komal use rokte huye boli
Komal- arey arey ani ruko
Aniket kuch pal ruka aur fir bola
Aniket- ye tumhare liye the aur ab hamare aane wale bacche ke liye
Aur fir se komal ko chumne laga aur fir use gale laga liya aur agle hi pal usne komal ko god me utha liya aur gol gol ghumne laga, komal bhi bahut khush thi fir bhi bol rahi thi
Komal- ani niche utaro na mujhe, mujhe chakkar aa rahe hai tum gura doge mujhe
Aniket- aise kaise gura dunga tumhe
Komal- ander wo ghabra gaya hoga na
Tab aniket use niche utarte huye bola
Aniket- oye ladka nahi ladki chahiye mujhe, I want choti komal, rane ki raj nandini
Aur fir wo jhat se ghutne ke bal baith kar komal ke pet ko chumne laga
Aur fir wapis se komal ko gale laga liya, ekdum kas ke, aur fir kuch pal waise hi beetne ke baad jab wo alag huye to aniket ki aankho me pani tha, uska awaj bhari ho gaya tha aur gala bhar aaya tha, wo bahut kuch bolna chahta tha par shabd uska sath nahi de rahe the aur badi koshisho ke baad wo bola
Aniket- thank you komal, I love you so much
Aniket ko itna bhavuk komal ne kabhi nahi dekha tha, usne wapis aniket ko gale laga liya
Aajtak tajmahal ko bahut ghamand tha ke uske jaisa khubsurat pyaar ka tohfa aur dusra nahi hai par aaj komal aur aniket ki taraf dekh kar uska ye garv chur chur ho gaya, kyuki komal ne jo pyar ka tohfa aniket ko diya tha uske samne to taj bhi fika tha
Aniket ne komal aur komal alag huye, wo bhavuk pal, khushi ke aansu beh gaye the aur ab bacha tha to bas aanand, aniket ko to kya kare kya nahi aisa ho raha tha aur jab usko aisa lagta hai wo paglo jaise nachne lagta hai aur yaha bhi wahi hua ye yeda nachne laga aur jor jor se ga bhi raha tha
Aniket- hathi ghoda palki jai kanhaiya laal ki
Aur usme ek baat aur jodi
Aniket- aniket komal ke anand bhayo jai kanhaiya laal ki, rane ke anand bhayo jai kanhaiya laal ki
Uska awaj yash priya aur sanjana avi tak bhi pahucha, yash aur priya daudte huye aniket aur komal ke paas pahuche, avi ko bhi sanajh aa gaya tha ke aniket jab klhush hota hai to aisa hi karta hai matlab ab uske samne jane me koi khatra nahi tha aur avi aur sanjana bhi unke paas aane lage
Yash ko lag raha tha ke avi mil gaya isiliye aniket khush hai aur jab yash waha pahucha to aniket ne use gale laga liya
Aniket- aniket komal ke anand bhayo jai kanhaiya laal ki
Yash ko samajh nahi aa raha tha ke ye itna khush sirf avi ke milne par hai kyuki avi kahi najar nahi aa raha tha aur usne pucha
Yash- kya hua achanak anya
Aur aniket chillate huye bola
Aniket- yashya mai baap banne wala hu aur tu kaka
Yash ne use gale laga liya
Yash- areyyy gajab launde, ek number, congratulations bhava
Idhar priya ne bhi komal ko hug kiya, yash aur aniket to wahi gale lag kar kud rahe the fir yash bola
Yash- anya dil khush kar diya tune bhai, tune meko kaka banaya ab mai bhi teko kaka banane wala hu
Aniket- kya baat kar raha hai, tune bhi number laga diya, arey gajab
Priya bhi sharma gayi
Aur ye dono to paglo mafik nach hirahe the
Itne me avi aur sanjana waha pahuche, aniket ki khushi ka koi thikana hi nahi tha, avi bhi thoda darte darte uske samne aaya, use lag raha tha ke ab aniket uski achi dhulai karega par ulta aniket usko dekhte chillaya aur bola
Aniket- avya bsdk suna kya.. mai baap banne wala hu tu kaka banega be
Aur ekdum kud ke avi ke gale lag gaya aur ye news sun ke to avi bhi sab bhul ke aniket ke sath nachne laga aur usko aur komal ko chilla chilla ke congratulations bolne laga, aur fir aniket bola
Aniket- aur sun, tu ek nahi do baccho ka kaka banega , ye yashya ne bhi number laga diya hai
Fir kya teeno sath nach rahe the aur sab log unko dekh ke has rahe the, par aniket avi ayr yash apni hi masti me thi,unko kaha logo se kuch lena dena tha, sanjana ne bhi komal aur priya ka abhinandan kiya aur komal bhi usko aankh marte huye boli
Komal- congrats to tumko bhi banta hai, hamare jaisa nahi par avi mil gaya isiliye
Wo pal hi aisa tha ke sab bhul gaye the ke avi aa gaya hai aur pichle kuch dino me kya hua hai
Teeno lagatar nach rahe the aur jab nach kar thak gaye to dhad se wahi bagiche me lawn par gir gaye, teeno ki saas ful gayi thi aur teeno haaf rahe the, teeno itna nache the ke ab ghas par baith par apne saas par kabu pa rahe the aur unko aisa dekh ke priya boli
Priya- jara dekho inko, kuch dino me baap banne wale hai par baccho jaisi harkate nahi gayi inki
Komal- ha na ab hame ek nahi do do baccho ko sambhalna padega
Komal ki baat par sab hasne lage, fir sab ghas par baithe aur komal avi se boli
Komal- aa gaye sari duniya ghum ke, laaj lajja sharam wo to sab bech hi khayi hai hai na ? jaa nikal di us bechari ki
Avi ne bhi apne kaan pakde aur bola
Avi- sorry, wo darasal hua kya ki…
Aniket- oye haad.. chup…. Aaj apna corore rupaye ka mood hai aur mereko aaj aisi faltu baate sunne ki bilkul icha nahi hai, aaj ke liye maaf kiya tere ko par ye mat samajhiyo ke chhut gaya tu, tera hisab mai baad me dekhunga, tere ko jo bhi mafi wafi mangni hai kal dekhenge aaj ka time sirf aur sirf mera aur meri kammo ka chalo sab utho aur kalti maro idhar se, mereko privacy chahiye
Aniket ki baat par sab hasne lage kyuki usne baki charo ko bhaga diya tha waha se aur komal ke paas aaya par waha ek aur banda tha jo in sab ka sakshi tha, aniket ne usko bhi gale lagaya aur us bande ne bhi aniket aur komal ko congrats kiya aur fir aniket ne usko piche ghumaya aur mast ek laat marte huye bola
Aniket- tereko alag batau kya ke humko privacy chahiye, tu bhi nikal
Aur wo haste huye nikal gaya aur komal ne pucha
Komal- ye kon ?
Aniket- isko nahi pehchana kya ? ye wohi hai apna setallite adi jo hamesha apne pe najar rakhta hai
baad me gokul me wo pale badhe vrindavan kaha se aa gaya beech me
, puri duniya jis krishna ke piche pagal hai wo radha ke diwane the aur barsana radha rani ka gaon hai
ab baat bataoge ke mai batau tumhe ? bas jalebi ki tarah ghumaye ja rahe ho baat ko
waise bhi bahut time ho gaya tumhare hath ka maar khaye huye
aur yaha bhi wahi hua ye yeda nachne laga aur jor jor se ga bhi raha tha
)