Akki ❸❸❸
ᴾʀᴏᴜᴅ ᵀᴏ ᴮᴇ ᴴᴀʀʏᴀɴᴠɪ
- 26,801
- 31,019
- 304
Gajab update kahu ya fir dimag ka dahi bnane wala update ,,, ??,,,,, dusri baat itna bada update hone ke baad bhi ye adhura hi update tha,,, ?Update - 41
Aur phir Dev chahere pe aek muskan lake - "Aur jesa ki mene kaha aap ke liye aasman bhi chura layenge..... Aur ab ye mat kahena ki jav aur aasman chura lao... esa nahi hai ki mai chura nahi sakata... lekin vo kya hai na aaj thoda kaam jyada hai.. isliye ye aasman chura ne wali baat ko kal ya parso karenge... aur vo pani mai aag lagane wali baat usko bhi parso hi karenge.. aur Kashmir to ham ghum ke aayenge.. kham kha kyu kashimr walo ko yaha le kar aaye...."
Sab hasne lage... Paridhi ne Dev ko phir se gale laga diya... aur uske mathe ko chum liya... aakhir vo uss se bahut pyaar jo karti hai...
Ghar me charo aur khushiya phaili huyi thi aur sab bari bari se Paridhi ko wish karne lage.. aur sab ne apni aur se gifts bhi diye... lekin koi aur tha jo waha hoke bhi shamil nahi tha..
Ab aage.....
Vo koi aur nahi Avinash tha.... jo charo aur faili khushiyo ko dur khade hi enjoy kar raha tha..... vo bhi aaj khas Paridhi ko birthday wish karne aaya tha...
Paridhi ko wish karne ke baad sab apne apne kaam me jut gaye tab Paridhi aur Naina akele hi hall me rah gaye... Paridhi khushi se sab ke diye gaye gifts ko khol ke dekh rahi thi...
Tabhi Naina ki najare Avinash ki aur padati hai... aaj Avinash light blue shirt aur dark pant me kafi hansome lag raha tha... hatho me aek fulo ka buke tha.... Avinash aaj sach me rojana se kuch hat ke handsome dikh raha tha...
Naina Avinash ko andar aane ka ishara karati hai aur phir Paridhi ki aur dekhati hai jo abhi gifts ke bich hi khoyi huyi thi.... aur phir chupke se hall se khisak jati hai... Avinash dhire dhire Paridhi ki aur badh raha tha jese vo Paridhi ko apne aane ki bhanak nahi lagane dena chahata tha....
Avinash ab Paridhi jaha sofe pe bethi huyi thi uske piche aakar khada ho gaya... aur juk ke Paridhi ke kano ke pass aapna muh late huve...
Avinash - "Paridhi..... Jannat se aayi Pari"
Paridhi ke kano me ye labj ese utare ki kaano se apna rasta khojate huve dil tak pahunch gaye.... Aue jese hi ye labj dil me utare ki Paridhi ka dil itni teji se dhadaka ki jiss se Paridhi uchal padi aur teji se uth ke piche ki mudi ye dil ka dhadakana esi khushi ki laher thi ki piche ghumate huve uske hotho ne bhi khushi se apne aap hi ye labj bol diye
Paridhi - "Pavan"
Lekin ab jab Paridhi puri tarah se piche mud chuki thi aur samane jo khada tha vo Avinash tha Pavan nahi..... Paridhi aek pal ke liye jijak gayi ki usne Pavan kese bol diya...
Lekin Avinash ke kano ne Pavan naam ko sun liya.... Avinash bhi aek pal ke liye chaunka lekin doosre pal hi usne phir se apne chahere pe muskurahat laa di.... kyu ki aaj vo Paridhi ko sirf khush dekhana chahata tha...
Avinash muskurate huve Paridhi ko fulo ka buke dete huve - "Happy Birthday Pari.... Happy Birthday"
Paridhi Avinash ka khushi wala reaction dekh thodi free huyi aur apni khushi jahir karte huve - "Thank you Avinash..... Thank you so much....."
Paridhi khuch Waqt buke ko dekhate huve - "Avinash Thank you for buke...... lekin sirf buke se muje chalne wala nahi hai tumhe pata hona chahiye..."
Avinash haste huve - "Haa muje pata hai Rajkumariji.... lekin iske liye aap ko mere sath chalana padega... kya aap mere sath bahar jana chahengi?"
Paridhi bahar garder ki aur dekhate huve - "Kaha waha bahar?"
Avinash haste huve - "Nahi ye wala bahar nahi doosra wala bahar.."
Paridhi - "Abhi?"
Avinash - "Haa.... lekin inn kapdo me bilkul nahi"
Paridhi ab jake khud ki aur dekha tab use pata chala ki vo abhi tak night dress hi pahene huyi thi aur aaj puri raat vo soyi bhi kaha thi?
Paridhi sorry wala muh banate huve - "Sorry vo excitement... bus tum thodi der ruko main taiyaar hoke aati hu...."
Paridhi khush hote huve apne kamare ki aur jaane lagati hai Lekin Paridhi ka chahera kafi blush kar raha tha.... pata nahi lekin Avinash ka use bahar le jane ke liye puchana kafi achha lag raha tha..... Paridhi apne kamare me pahunch kar Avinash ke bare me soch rahi thi ki aakhir Avinash esa kya gift dene wala hai...
Lekin ab jese Paridhi ke dimag ki batti jali Avinash aaj rojana se kafi alag dikh raha tha.. matlab ki kafi handsome dikh raha tha.... ab jake Paridhi ko jese thoda thoda anuman hone laga ki shayad Avinash aaj use date pe le jana chahata tha... Paridhi date pe jane ka soch ke sharmane lagi.... Aaj paheli baar kisi ladke ke sath kahi bahar jane ke liye Paridhi ne haa kaha tha... Paridhi ka chahera khushi se aur sharmane se aur bhi nikhar raha tha...
Paridhi aaine ke samane khade hote huve aaj ke pure din ko uske sath jo bhi huva use yaad karne lagi....
Aaj Paridhi ka birthday tha.... aur aaj hi ke din Paridhi ko Pavan ki Dyari wapas mili thi.... aaj hi ke din Paridhi ke jivan se jude kai sare hisse samane aaye the... aaj hi ke din uske dil ne phir se 7 saal paheli wali Paridhi ban ne ka mahesoos kiya tha.... aaj hi ke din vo nafarat jesi burai se nikali thi.... aaj hi ke din Pavan aur Aadi ne Paridhi ke dil me apni khas jagah bana li thi..... aur aaj hi ke din uska kisi ladke ke sath paheli baar date pe jaa rahi thi...
Waqt ne aaj hi ke din Paridhi ke samane apne kai sare khajane ke pitaro ko khol chuka tha.... Waqt ne aaj hi ke din Paridhi ke jivan ko kai naye mod pe laake khada kar chuka tha... aur Waqt ke liye abhi bhi aaj ka pura din baki tha....
Paridhi ke liye aaj ka din kafi khas ban chuka tha....aur shayad abhi bhi aur bhi khas banana baki tha...
Paridhi phir sari bato ko side rakh teji se bathroom me ghus gayi..... Paridhi fresh hokar apne birthday ke liye khas kharide huve white dress ko pahen liya.... aur phir kamre se bahar nikali aur sidiya utarate Waqt Avinash ko hi dekh rahi thi....
Aur jab Avinash ki najare Paridhi pe padi aur bas kya hona tha?..... Avinash kho gaya Paridhi ki anant se anant tak ki khubsurati ki duniya me.... Avinash Paridhi ko dekhte dekhte kab apni jagah se khada ho gaya pata hi naa chala.... Paridhi Avinash ko khud ko ese dekhane se aur bhi sharma bhi rahi thi aur khush bhi ho rahi thi.... sharmane se uske chahere pe pad rahi lali Paridhi ki khubsurati ko aur bhi chaar chand laga rahi thi.... Paridhi aaj white dress pahene huve Rajkumari lag rahi thi... Paridhi ki khubsurati kisi ko bhi ghayal kar de phir Avinash kese bach sakata tha?....
Avinash bhi Paridhi ki khubsurati ki duniya me esa khoya ki Paridhi chalte chalte kab uske pass pahunch gayi use iska khyal hi na raha... aur abhi bhi khule muh se khoye huve Paridhi ko hi dekh raha tha.... Paridhi ne pahele apne hatho ko Avinash ki aankho ke samne laheraya lekin phir bhi Avinash khoya huva hi tha.... Paridhi ke chahere pe muskurahat fail gayi...
Avinash hosh khoye huve hotho se budbudaya - "Paridhi.... Jannat se aayi Pari"
Paridhi ko sunai nahi diya lekin use pata tha ki jo bhi bola ho uski tarif hi ki hogi.... Avinash ki aankhe hi Paridhi ke khubsurati ki tarife kar rahi thi phir labjo ki kya jaroorat thi.....
Paridhi sharmate huve thode tej aawaj me - "Avinash.... chale..."
Avinash aek dam se hosh me aaya - "Haa... kaha?.... ha chalte hai... lekin kaha chalana hai?... yaar... kya bol raha hu main?.. ha.. chalo chalate hai...."
Paridhi hasne lagti hai lekin Avinash thodi jemp ke baad sambhal gaya...
Avinash - "Paridhi aaj bahut khubsurat lag rahi ho... bilkul Jannat ki Pari jesi..."
Paridhi ke chahere se muskurahat gayab ho gayi aur vo Avinash ki aankho me dekhane lagi.. lekin phir kuch na bolte huve phir se apne chahere pe khushi ko laherate huve
Paridhi - "Thank you.... wese tum bhi kuch kam nahi lag rahe ho..."
Avinash bhi sharma gaya - "Thanks.... chale..."
Avinash mudta hai aur Paridhi uske piche piche chalne lagati hai lekin abhi Paridhi ke chahere se phir se muskurahat gayab ho gayi thi.... kyu ki abhi vo Avinash ki Jannat ki Pari wali baat ko hi soch rahi thi...
Avinash drive kar raha tha aur Paridhi uske pass wali seat pe bethi thi.... kuch Waqt ki driving ke baad car aek bade resort ke samane rukati hai.... Paridhi resort ki aur dekh kar Avinash ki aur dekhati hai jo ki Paridhi ki aur dekhate huve muskura raha tha...
Avinash - "Chale..."
Avinash aur Paridhi car se bahar nikalate hai aur phir resort ke andar chale jaate hai.... lekin Paridhi jab Resort ke andar pair rakhati hai to vo chaunk jati hai kyu ki pura resort khali tha... Paridhi charo aur dekhati hai lekin phir bhi use koi najar nahi aa raha tha... aur kisi ko naa dekhate huve Paridhi Avinash ki aur mudati hai jo abhi bhi muskura raha tha.....
Avinash aage badhne ka ishara karte huve - "Chale...."
Paridhi chuanki huyi Avinash ke piche piche aage badhane lagi.... aur jab vo main coridoor ko paar kar resort ke bich bane garden me pahunchate hai tab Paridhi ki aankhe aur bhi chaunk jaati hai...
Paridhi ke samane garden ke bicho bich kai sare kai gubbare hawa me lahera rahe the jo aapas me jude huve the aur inke judne se aaskash me kuch likha huva najar aa raha tha.... aek labj aek colour ke gubbaro ko jodne se bana huva tha aur doosra labj doosre colour ke gubbaro ko jodne se bana huva tha... ese hi sare labj alag alag colour ki likhavat se bane huve the jo kafi bahetarin tha...
Jab Paridhi ne padha to uska chaukana khushi me badal gaya... vo bahut khush ho gayi...
Avinash Paridhi ki aur mudta hai aur jo line uss gubbaro se aakash me likhi huyi thi use doharata hai - "HAPPY BIRTHDAY PARIDHI"
Aur Avinash ke bolne ke khatm hone par hi aaspass se dher sare eco friendly patakhe futne lagate hai jinhone colorful rango se charo aur ke aasman ko bhar diya..... pura najara kafi khubsurat ban chuka tha...
Aur uske sath hi dur se aek badi si cake bhi pass aate huve dikh rahi thi... cake bahut badi thi aur cake ki toch pe aek badi si candle jal rahi thi... aur phir charo aur se Happy Birthday ka music bajne lagata hai.... aur phir charo aur se log aane lagate hai jo Happy Birthday ka song gaa rahe the aur taliya baja rahe the...
Paridhi pure najare ko apni puri takat se apni aankho me bharane ki koshish kar rahi thi.... khushi itni badh chuki thi ki jiski wajah se uski aankho se do bund aanshu bhi bah ke uske galo pe bikhar gaye.... Paridhi Avinash ki aur dekhati hai aur vo apni khushi ko kabu naa karte huve Avinash ke gale lag gayi.... Avinash bhi Paridhi ki khushi ko dekh kafi khush ho chuka tha.... Usne aaj jo bhi plan kiya tha vo ab tak sab kuch badhiya se jaa raha tha...
Paridhi Avinash se alag hote huve - "Thank you Avinash..."
Avinash - "So kesa laga mera surprise?"
Paridhi - "Super Fanstatic... Awsome"
Avinash ne apni khushi muskurate huve jahir ki aur tab tak cake bhi pass aa chuki thi.... cake tarah tarah ke fruits se bani huyi thi.... jo cake ko aur bhi lajwab bana rahi thi.... Avinash aage aate huve Paridhi ke hatho me cake kat karne ke liye chaku thama deta hai..... Paridhi Avinash ki aur dekhate huve muskurati hai aur phir cake kat ti hai... aur tabhi charo aur sab teji se taliya bajane lagte hai....
Paridhi cake kat karne ke baad cake ke piece ko leke Avinash ki aur mudti hai aur apne hatho se Avinash ko pahela cake ka piece khilati hai... Phir Avinash bhi cake ke aek piece ko leke Paridhi ko khilata hai.... charo aur sabhi log taliya baja rahe the....
Tabhi samane se do log aek bada sa card lekar aa rahe the jisme bade shabo se Happy Birthday likha tha aur uss ke aaspass kai sare hatho ke panjo se kiye gaye colourful rango ke nishan bhi bane huye the...
Avinash - "Ye sare nishan Aunty, Uncle, Naina aur Dev ke sath tumhari friends ke hai jinhone tumhe wish kiya hai..."
Paridhi aek ke baad aek badh rahi khushi ko rok nahi paa rahi thi isliye ye khushi aankho se bahkar bahar aane lagi thi...
Phir Avinash apni aur se Paridhi ko aek bada sa box gift me deta hai...
Avinash muskurate huve - "Ise ghar par jake kholana... abhi mat khol lena..."
Paridhi - "Thank you.... Thank you so much... You make my day so much beautiful and lovely.... Thank you.."
Avinash khud ko thoda jukate huve - "Aap ke liye kuch bhi..."
Paridhi muskurati hai.... Avinash bhi ab khada ho kar Paridhi ko hi dekh raha tha.... Paridhi Avinash ki aankho ko dekh rahi thi.. Paridhi ko Avinash ki aankho se kafi khinchav hone laga... Paridhi abhi kuch bolne hi wali thi ki Avinash ne use rok liya...
Avinash - "Abhi nahi.... pahele waha chale...."
Avinash Paridhi ko aek table ki aur ishara kar raha tha jo ki kafi saja huva tha... uss table ke uper fulo ki chat banai gayi thi... Avinash Paridhi ki aur apna hath badhata hai... Paridhi pahele Avinash ke hath ko dekhati hai aur phir Avinash ki aankho me aur phir aek khili muskurahat ke sath vo Avinash ke hath me apna hath rakh deti hai...
Avinash use table ke pass le jata hai aur Paridhi ko aek kursi pe bithake khud uske samane wali kursi pe beth jata hai....
Avinash aur Paridhi bas aek doosre ki aankho me hi dekh rahe the.... Waqt bit raha tha lekin dono me se koi bhi naa aaspass dekh raha tha naa koi kuch bol raha tha.... dono sirf aek doosre ki aankho me hi khoye huve the...
Paridhi ab kuch bolne ki shuruaat karte huve - "Avinash aaj ka din tumne kafi special bana diya mere liye.... Thank you..."
Avinash - "Tumhari khushi hi to sabkuch mayane rakahti hai...."
Paridhi sharmate huve - "Avinash..... Jab se hum paheli baar mile the.... tab se lekar aaj tak hamare bich jo bhi khati mithhi nok jok hasi majak huyi hai... iss se hamari friendship aur bhi gaheri huyi hai.... tumse milne se pahele mene shayad hi kisi ladke ke sath safe feel kar payi thi.... shayad iski aek wajah meri nafarat bhi thi...."
Paridhi Avinash ki aur dekhate huve - "Lekin hamari friendship ke baad muje yakin ho gaya ki mera najariya hi kafi galat tha... tumhare sath itna Waqt bitan ke baad ab muje hamari friendship pe bharosha aur bhi badh chuka hai.... muje achha lagata hai jab tum sath hote ho... muje khushi hoti hai jab tum sath rahete ho to.... muje................ muje......."
Paridhi ab aur bhi jayada sharmane lagi jiss se uske gaalo pe aur bhi jyada laali chane lagi...
Paridhi itna sharma rahi thi ki thik se bol bhi naa paa rahi thi - "Muje.... Muje lagata hai.... ki.... ki... muje lagata hai... ki... main aur tum.... matalab ki main aur tum..."
Lekin Paridhi aage kuch bol hi naa payi aur usne Avinash ki aur dekha ki shayad Avinash samaj chuka ho ki vo kya kahena chahati hai?.... aakhir vo aek ladki thi....
Lekin Avinash bhi jaan bujkar anjan ban raha tha... vo esa dikha raha tha ki use kuch pata nahi ki Paridhi kya bolana chah rahi thi...
Jise dekh Paridhi ne aek lambi saans li aur apni aankho ko sharm se bandh karte huve aur apne hatho ko teji se kholte huve - "Muje lagata hai ki.... Main tumhe...................................."
Lekin Paridhi aage kuch bolti uss se pahele hi uske sath kuch huva jiski wajah se uske labj gale me hi ruk gaye... jese Paridhi ko kisi ne chuva tha... jese Paridhi ke hotho pe koi chuvan mahesoos huyi thi....
Paridhi ki aankhe jo bandh thi vo aekdam se khul gayi aur uski paheli najar apne hotho pe padi jaha use chuvan mahesoos huyi thi....
Paridhi ke hotho ko Avinash ne chuva tha... Avinash ne apne hath ki ungli ko Paridhi ke hotho par rakh diya tha.... jese vo Paridhi ko aage kuch nahi bol ne dena chah raha tha....
Paridhi ne uss ungli ki aur dekha aur phir Avinash ki aur.... Avinash ne Paridhi ke hotho se apni ungli wapas utha li...
Avinash Paridhi ki aankho ko dekh raha tha aur phir aek lambi saans lete huve - "Paridhi... tum kuch bhi bolo iss se pahele main kuch bolna chahata hu..."
Paridhi aekdam se Avinash ke ese bartav se chunaki thi... vo kuch bhi bol na payi... jise dekh Avinash apni baat ko aage badhate huve
Avinash - "Paridhi... kuch hai jo main tumhe batana chahata hu.... aur tumhare kisi bhi faisle se pahele ise jan lena bahut jaruri hai..."
Avinash phir se lambi saans lene ke baad - "Paridhi, mera aek atit hai jiske bare me maine aaj tak tumhe kuch nahi bataya..... kuch hai jo maine tumse chipaya hai...."
Avinash ki baate Paridhi ko aur bhi chaunka rahi thi jiss se Paridhi ki saane badhne lagi thi uski dil ki dhadakane bhi tej hone lagi thi.... uske dimag apni puri teji se daudte huve abhi abhi jo Avinash bol raha tha use samajane ki koshish kar raha tha...
Avinash thoda aage jukate huve - "Pata hai?.... 3 mahine pahele jab tumhare ghar ke bahar jab hum dono khade the tab mere muh se vo labj nikale the aur jise sun tum aekdam se chaunki thi aur mere uss labjo pe tumne pucha tha ki mene vo kaha suna?
Avinash Paridhi ko dekhane lagata hai ki Paridhi ko kuch yaad aaye.... Paridhi ko vo din apni aankho ke samane aane laga
Color - Paridhi's Past
Date - 11/12/2015
Paridhi ke chahere pe aek pyaari muskan fail gayi.. Use abhi kuch alag sa hi ahesaas ho raha tha... pata nahi kyu lekin vo apne aap hi Avinash ki aur khinchi chali gayi... Uske kadam apne aap hi badhane lage... Vo Avinash ke bahut pass aa gayi thi... Uski saanse tej hoti jaa rahi thi... Avinash ki bhi saanse tej ho rahi thi... Dono itne karib aa gaye ki dono ko aek doosre ki garam saanse mahesoos ho rahi thi.. Jab ye fasla aur pass aa gaya...
Avinash dhime swaro mai - "Paridhi... Jannat se aayi Pari.."
Paridhi ne suna aur use hosh aaya aur esa hosh aaya ki vo hadbadate huve 3-4 kadam piche jane ke baad girte girte sambhali...
Paridhi ke Dil me jese ye shabd phir se gunjne lage..
"Paridhi... Jannat se aayi Pari..."
Paridhi puri shocked thi... kuch palo ke liye uske dimag ne apna kaam karna hi band ho gaya.. Pura badan sunn pad gaya..
Avinash - "Kya huva Paridhi?.."
Avinash ne Paridhi ko hath lagane ki kosish ki.. lekin Paridhi jese uss se door ho gayi..
Paridhi - "Tu...Tumne.. ye kaha suna...."
Avinash - "Kya?.. kya kaha suna?..."
Paridhi - "Yahi jo abhi tumne bola... Paridhi... Jannat se aayi Pari..."
Avinash bhi pura shocked tha abhi abhi jo huva tha...
Avinash - "Vo mai bas tumhari tarif kar raha tha... maine yai kahi nahi suna.."
Paridhi ne Avinash ko kha jane si najaro se ghura aur Avinash ke chahere aur aankho ko padhne lagi...
Paridhi abhi phir se Avinash ki aankho ko padhane lagi lekin iss baar inn aankho me jese kuch to alag hi tha jo Paridhi ne uss din Avinash ki aankho me nahi dekha tha....
Avinash - "Paridhi..... Jannat se aayi Pari"
Avinash apni aankho ko jukate huve - "Mene juth kaha tha ki mene ye kabhi nahi suna....."
Paridhi ka dil ab aur joro se dhadakane laga aur uska dimag bhi aur joro se duaute huve sari baato ko puri tarah se samaj ne ki koshish karne laga...
Avinash aek pal ka pause lete huve phir se usi line ko doharate huve - "Paridhi....... Jannat se aayi Pari"
Avinash ab apni najare uthate huve - "Inn labjo ko maine suna tha...... Maine inn labjo ko sirf suna hi nahi tha balki maine kai so baar iss labjo ko bola bhi tha..."
Paridhi ke liye Waqt ka aek aek pal saal ki tarah bit raha tha.... lekin abhi bhi Avinash ki koi bhi baat Paridhi ke dimag me beth nahi rahi thi....
Avinash - "Maine kai so baar iss labjo ko bola tha kyu ki mene hi inn labjo ko banaya tha...."
Avinash Paridhi ki aankho me hi dekh raha tha aur apni baat ko rakhane ke liye pura Waqt le raha tha aur Waqt ka har aek pal Paridhi ke liye bahut bada ho raha tha.....
Avinash - "Aur tum bhi inn labjo ko sun kar isliye chaunki thi kyu ki tumne kai saal pahele bhi inn labjo ko kahi suna tha... kyu ki uss Waqt Maine hi tumhe ye labj kahe the..."
Bas itna hi sun na tha Avinash ka ki Paridhi ka dil sunn pad gaya... Bas itna hi bolana tha Avinash ka aur Paridhi ke dil me bhuchal aa gaya.... Bas itna hi kahena tha Avinash ka aur Bas itna hi kahena tha Avinash ka aur Paridhi ke rooh me tufan mach gaya....
~ Gabbar is Back
