Wakt ke aneko rang dekhne ko mile, ek wakt ne ek bachhe ko apne maa-baap se alag kar diya, aaj wo na jaane kis haal mein jee raha hain, yeh wakt hee toh hain jo ek bachhe ke paas toh uske maa-baap hain lekin doosre ke paas nahin. Achha ya bura toh bas najariya hain wakt bas aage badhte rahene ka naam hain, chache wo pavan ke liye ho ya phir paridhi ke liye.Update - 4
Par ye 9 saal ke dard ko me kis shabd mo baya karu muje hi samaj nahi aa raha… iss gum ko kis chij se bujau muje hi samaj nahi aa raha… iss tanhaiyo ko kiss se kahu muje hi samaj nahi aa raha…. aakhir me aek XX saal ka ladaka hi to hu…. Bas itna hi likh sakata hu ki Mai sach me bukha hu pyaar ka…. kushiyo ka…. apnepan ka….. aur muje iske alwa kuch chahiye bhi nahi tha….
Ab aage...
[Tabhi Aek tej break lagi…]
Color - Present Time
Date - 23/08/2015
Tej Break lagane se Audi Car ki pichli seat me bethi aek ladki apan balance kho bethi aur uske haath se aek Dyari niche gir gayi…. Usne apni aankhe unchi karke apni aankho me gussa liye aage dekha…
Ladki - “Itni tej break kyu lagai?..”
Driver - “Madam vo… samne se aek ladka daud ke aa gaya to break lagani padi…”
Ladki - “Kya? dekho jara usko kuch huva to nahi?...”
Driver - “Ji… Ji…. Madam”
Driver car se bahar utara.... Driver ne dekha vo ladaka bhi aekdam se gabara gaya tha.... Vo bina rasta dekhe daud ke rasta par karne ki koshish kar raha tha. Uske kano per hedphones lage huve the... vo apni hi dhun pe rasta cross karne ki koshish kar raha tha... Vo aekdam se saham gaya tha... Driver ne uska hath pakadte huve road ki side me leke gaya... Ladka abhi bhi dara huva chaunka huva tha... Driver ne usse hilaya tab jaake usse kuch kuch ahesaas huva ki vo abhi abhi marate marate bacha hai...
Driver gusse se - "Apni jaan gavani hai kya ladke?..."
Ladka - "Sorry uncle... vo dhyan na raha..."
Driver abhi bhi gusse se - "Dhyan kese na raheta... Apni duniya mai hi khoye huve the iss headphone ko lagake..."
Ladka - "Sorry... Sorry..."
Drive shant hote huve - "Ainda se dhyan rakhana samje..."
Ladka - "Ji.. Ji.. Dhyan rakhunga"
Driver phir car ki aur badhata hai usne bhi aek lambi saans li vo bhi dar gaya tha usne agar sahi Waqt pe break na mara hota to shayad vo ladka parlok sidhar chuka hota aur vo aek accident case me fans gaya hota... Usne man mai uss ladke ko kuch galiya bhi de dali
Idhhar Paridhi ne jese dekha ki driver uss ladke se baat kar raha hai usne wo niche giri Dyari wapas uthayi… aur jese usse khola hi tha ki Driver ne pichhli seat ka darawaja khol diya… Paridhi ne Driver ko kha jane wali najro se dekha…
Driver - “Wo… mam… Office aa gayi hai….”
Uss Ladki ne Dyari ko apne purse me rakhate huve bahar dekha... Vo abhi Maharashtra ka Dil aur shan Mumbai shaher ki bicho bich khadi apne Dad ki 23 manjila Business building ke samne thi… Vo car se bahar utari…. Aur uss building pe bade se shabdo me naam likha tha..
Chauhan Empire Private ltd.
Use dekh Ladki ke chahere pe aek badi si muskan aa gayi…. Usne apne pair aage badhana shuru kiya... Vo thoda sa thrill aur thoda sa thrill anubhav kar rahi thi... Lekin phir usne aek lambi saans li aur chal di building ke ander..
Vo bade aatm vishvas ke sath building ke ander dakhal huyi…. Waha pe sabhi employees uss ladki ko dekh khade ho kar taliyo se swagat karne lage… Uss ladki ne un sabki aur aek najar dal ke apne chahere pe aek muakan lake vaha sab ke aage aa gayi… Waha aage aek aadmi khada huva tha.. jo khud bhi taliyo se uss ladki ka swagat kar raha tha...
Uss aadmi ne Ladki ko gale lagaya… aur apne sabhi employees ko apni jagah pe bethne ka ishara kiya...Sab ke beth jane ke baad
Aadmi - “Aaj se iss Chauhan Empire company ko meri beti Paridhi Chauhan sambhalegi… Aur iss Company ko nayi bulandiyo pe le jayegi…. So big clap for Miss Paridhi Chauhan new CEO of Chauhan Empire…”
Sabhi log bade joro se taliya baja rahe the…. aur taliyo ki gunj band hone ke baad
Aadami - “Isi khushi me aaj raat ko aek grand party rakhi gayi hai. aap sab ko aaj aana hai…. “
Sab logo ne aek baar phir apni jagah pe khade hote huve taliyo se Paridhi Chauhan ko sanman kiya…
Paridhi....
Paridhi Chauhan mano swarg se utari koi apsara ho... Dudha sa safed badan.... Vo uski nili aankhe... uske gulab ki pankhudiyo se komal honth... galo pe halki si laai aur smile ke sath to kisiko bhi ghayal kar se... Resham se mulayam bal jo uske galo pe gir ke usse sata rahe the... Vo komal sharir aur uske sath perfect figur..
Chauhan pariwar salo se business me Top rahe hai… Paridhi ke dada Yash Chauhan ne iss Company ki niv rakhi thi aur uske baad iss Company ne jese kabhi piche mud ke dekha hi nahi… har saal nayi bulandiyo ko chu rahi thi ye Company…. Yash Chauhan ke baad Rahul Chauhan ne iss Company ko sambhala lekin uski ruchi kuch khas nahi thi business me isiliye abhi se unhone company ka sara karyabhar Paridhi ko soamp diya…. Aur ab vo khud akele Chairman & MD ke hisab se company ka karybhar sambhalenge...
Chauhan Empire aaj India ki Top companyo me se aek thi... aur inke kai sare business hai… Kai sari factories hai… Aur Paridhi aaj itni badi company ki CEO bani thi….
Paridhi Chauhan Chauhan pariwar aek hi beti thi jiss ki vajah se vo sabki ladali thi.... Paridhi bachhpan se hi Rajkumari ki tarah pali badi thi…. kabhi kisi bhi baat ki koi kami nahi thi use… Pani ke liye bolo aur doodh hajir ho…. aur hota bhi kyu nahi bahut bade businessman ki beti jo thi… Paridhi ki maa Sumita Chauhan Paridhi ko bahut pyaar karti thi… Paridhi ka aek chota bhai tha Dev Chauhan jo abhi school mai padh raha tha.. yani ki kul milake char logo ki family thi inki
Rahulji ne Paridhi ko apne cabin ke andar bulaya jiske bahar Chief Executive Officer ka board laha huva tha... Rahulji ne Paridhi ko kuch jaruri kagjat pe sign karvane ke baad Paridhi ke samne mude aur Paridhi ke kandho ko pakadte huve
Rahulji - "So Miss CEO Paridhi Chuhan I am very proud of you. Tum iss Company ko aur bhi bulandiyo pe le jaongi muje pura vishawas hai."
Paridhi - "Thank you so much Dad. Mai aapke aur Dadaji ke sabhi sapano ko sakar karungi."
Paridhi ne niche juk ke apne pita ke pairo ko chuva aashirvad lene ke liye. Rahulji ne uske sir pe hath phirate huve use phir se gale lagake uski pith ko sabasi se thapthapaya. Aur phir Paridhi se alag hote huve unhone Paridhi ko samne CEO ki seat ki bethne ka ishara kiya.
Paridhi chote kadamo se aage badhate huve uss seat ki aur badhi.. Vo thoda nervas jarur thi lekin khudpe aatm vishwas bhi tha. Vo dhire se seat pe bethi aur phir apne pita ki aur aek najar dali jo ki khushi se smile kar rahe the... Aur phir Rahulji uss cabin se bahar chale gaye. Paridhi apni chair pe beth ke aankhe mund li aur apne jahan me iss naye ahesas ko bharna chahti thi…..
Lekin vo esa kar na saki uske aankhe band karte hi usse kuch yaad aane laga usse 2 din pahele huvi aek ghatana uski aankho ke samane aane lagi...
~ Gabbar is Back
Toh akhir paridhi aur pavan ka amna samna ho hi gaya, khair bhai ne toh char bando ko tapka diya, lagta hain kuchh bara wala gunda ban hain apna pavan bhai. Yeh bhi wakt ka hi khel hain jo bachha jeevan bhar kisi ke maar gaali bardast karta hua bara hua tha, aaj logo ko maar raha hain.Update - 5
Paridhi apni chair pe beth ke aankhe mund li aur apne jahan me iss naye ahesas ko bharna chahti thi….. Lekin vo esa kar na saki uske aankhe band karte hi usse kuch yaad aane laga usse 2 din pahele huvi aek ghatana uski aankho ke samane aane lagi...
Ab aage...
Color - Paridhi's Past
Date - 20/08/2015 - 2 Days Earlier
Paridhi raat ko apni Audi Car ko puri Speed me bhaga rahi thi…. aaj usne der raat tak Party ki thi kyu ki aaj uska MBA khatam huva tha aur vo ab aazad panchhi thi jo iss puri duniya ko apni udan se muhhya karanr ke liye vo ab aazad thi…. usne apne college friends ke sath late night party enjoy kar ab wapas ghar jaa rahi thi….
Car full speed me raat ke sannate ka chirharan kar rahi thi.... Lekin abhi uski aankho mai se party ka nasha kaha utara tha...
Paridhi sochate huve - "Yaar, aaj kuch had se jyada hi sharab ke pack laga liye... mom dekegi to pure ghar me tandav mach jayega... kya karu?... kya karu?... pahele ghar jaane se pahele paani se apna muh dhoke apna huliya to thik karlu."
Usne Car ko raste ke mod ke kuch pichhe car ko khadi ki… aur khud Car se bahar nikali… usne time dekha 2:36 baj rahe the…. usne Car ki pichhli seat pe se apni Pani ki bottle li aur jese hi apni bottle ko kholke pani pine ke liye uthaya… tabhi usse kisiki aawaj sunai di…. Aawaj uss raste ke mod se doosre raste se aa rahi thi….. kisi ladki ke chillane ke thi… Paridhi aawaj sunke saham gayi… aur chalte huve raste pe mod pe aake chupke se dekh ne lagi…
Usse raste pe 4 aadmi dikhai diye jo ki raste pe khade the… aur raste ki side me aek car thi…. aur un logo ke samne aek ladki khadi thi… jise dekh ke lagata tha ki vo bahut dari huyi thi…. Aur aadmi samane kahde the vo sab has rahe the….
Paridhi ko samajte der na lagi ki kya ho raha tha yaa to kidnapping hone wala tha yaa phir ussladki ka rape hone wala tha…. Paridhi saham gayi…. usne charo taraf dekha sara rasta sumsan tha dur dur tak ped paudho ke alawa kuch dikh na raha tha….. door door tak koi nahi tha…. Paridhi ka dimag hang ho gaya usne phir se raste pe dekha….
Sare aadmi uss ladki ke kaphi karib aa gaye the…. Paridhi ka dimag ghum gaya aage kya hoga soch ke…. uske pair kamp rahe the…
Tabhi use uske pichhe se kisi bike ke gujara ne ki aawaj aayi….
Paridhi pichhe mudi…. use door se aek bike aati dikhayi di…. Vo bike bahut raftar me thi… aur kuch hi second me vo raste se aage nikal gayi…. pardhi aawaj bhi na laga payi… Paridhi ne jald se apne phone se police call dhumane ki koshish karne lagi... Aur baar baar uss ladki ki aur dekh rahi thi... Pata nahi usse abhi aek aek pal aek aek saal jessa lagane laga tha... Lekin pata nahi kyu uski phone ki ring jaa hi nahi rahi thi...
Vo ladki jo abhi bhi mdad ke liye chilla rahi thi ab vo jamin pe gir chuki thi aur 2 aadmi uske kapde khinch ne ki kosish kar rahe the aur 2 aadmi vaha khade video bana rahe the… Unn charo ki hasi danavo se kam nahi lag rahi thi...
Paridhi dar gayi thi... usne paheli baar kisi ki bebasi ki… dard ki…. dari huyi esi chikhe suni thi... Uske pair vahi tham gaye the... Lekin vo ese khadi nahi rah sakati thi... jab tab police aati tabtak kya ho chuka ho kya pata.... Usne turant hi kuch karne ka than liya... uss danavo se ladane ka than liya... Usne than liya chahe jo ho jaay vo inn insan ke bhesh me aaye danvo se ladegi...
Paridhi ne uski madad ke liye abhi kuch kadam badhaya hi hoga ki goli chalne ki awaj sunai di…. aur sab log kuch samaj pate iss se pahele to un dono me se 1 aadmi jo ladki ke kapde khinch ne ki kosish kar raha tha vo niche gir pada….. jese goli ki aawaj ne sannate ko chir diya wese hi uss aadmi ke nichhe girne ki aawaj bhi sannate ko chir gayi…. niche giri huyi ladki ki chikhe bhi goli ki aawaj se band ho gayi… Paridhike pair bhi hawa mai hi ruk gaye…
Sab log apni jagah pe freeze huye aankhe phad phad ke samjane ki kosish kar rahe the ki aakhir kya huva…
sab se pahele Paridhi ki harkat huyi aur usne goli chal ne ki aawaj ki aur dekha… Paridhi ke pass hi vahi bike khadi thi jo abhi abhi uske samne se gujari thi…. aur bike ke pass aek aadmi khada tha jisne abhi abhi goli chalayi thi aur uske hath me gun thi…
Vo aadmi dhire dhire aage aaya uske chahare pe aek bikers vala mask tha… jis me se uski sirf ankhe hi dikh rahi thi...
uss aadmi ki najar vaha khade doosre 3 aadmio ki aur thi… uski najare unn tino pe hi gadi huyi thi usne aek baar bhi Paridhi ki aur na hi uss niche giri ladki ko dekha… Paridhi ab puri tarah se dar gayi… uski aankho ke samne aek khoon huva tha… usne jo kuch ladne ke liye takat ikkathi ki thi vo bhi ab bhamp ban gayi...
Vo aadmi aur aage badha aur baki ke bache 3 aadmi ko piche hatne ka ishara kiya… vo tino darte huve hath hava me kiye piche hat gaye… abhi bhi uss admi ki gun ka point unn tino ke uper hi tha…
Jese hi vo tino thode dur gaye uss aadmi ne niche padi ladki ko apna aek hath use khada karne ke liye badhaya….
Vo niche padi ladki bhi bahut dari huyi thi vo to bokhhla gayi thi…. lekin usne jese tese uss aadmi hath pakd ke khadi huyi…
Lekin uss ladki ke kapde uss khinchtan me kuch jagah se fat gaye the aur usme se uss ka badan dikh raha tha… uss bike vale adami ne aek hath me gun pakde huye aur aek hath se apni jacket utari aur jacket ko uss ladki ki aur badha di… abhi bhi uss aadmi ki najar unn tino aadmi pe hi gadi huyi thi…
Abtak paridhi ko bhi ahesas hi chuka tha ki vo bike vale aadami ne uss ladki ki ijjat bacha li thi... usne man hi man uss aadmi ka shukriya ada kiya aur upperwale god ka bhi jiss ne iss aadmi ko phariste ki tarah bhej diya tha.... aur ab Paridhi wapas normal ho chuki thi... Lekin jo abhi aek khoon huva tha uss ke liye vo abhi bhi dari huyi thi...
Uss ladki ne kampte hatho se jacket li aur apne uper daal di… lekin in sab ke bich uski najar un tino pe hi thi...
Gun wale Aadmi ne unn tino ki aur dekhte huye - “Hmmm…. to ab boliye sarakar kya kiya jaay.. maar diya jaay ya chod diya jaye…”
Paridhi ko iss filmi dialogue pe hasi chuti…. Aur iss hasi se sabka dhyan Paridhi ki aur gaya lekin uss gan wale aadmi ka nahi….
Aur aek goli sannate ko chirati huti gun me se chuti aur un tino mese aek aadmi aur dher ho gaya…. Paridhi ki hasi aekdam se band ho gayi… ye doosra khoon tha uske samne…. Paridhi ne dekha vo ladki jo gun wale aadmi ke pass khadi thi vo behosh ho ke girne wali thi Paridhi ne teji se daud ke uss ladki ko pakad liya.
lekin abhi bhi uss Aadmi najar un dono pe se nahi hati thi - “Sawal pucha tha jawab diye bina najare ghuma li…. ab aakhari baar puch raha hu… maar diya jaye ya chod diya jaye…”
Vo dono aadmi ghutno ke bal beth gaye…. aur kargarane lage..
Dono aadmi - “Dekho hame jane do… hum to bus yaha iss ladki ko thokane aaye the... boss ka order tha.." Unn dono ne niche pade aadmi ki aur ishara karte huve - "Hame bus supari mili thi isse marne ke liye lekin ye boss ka idea tha yaha bich sadak pe iss ke sath......."
Bike vala Aadmi - “Kisne supari di thi?"
Aadmi - "Vo boss ko hi pata tha?"
Aek aur goli chali aur un dono me se aek dher ho gaya…
Ab to Paridhi bahut hi dar gayi… uss in goliyo ke aawaj se jese dimag hi sunn pad gaya… uski aankhe band ho gayi…
Bike vala aadmi galiya bakata huva - "Sale, ******, *****, tune ka ped pe uge fal ki tarah janm liya hai, sale teri maa bahen ke sath koi ye sab karega aur tum yu dekhate hi rahoge... jaan se mar dunga tuje...."
Ghutno me pade aadmi ki batti hi gul ho gayi thi vo aek tak apne sathi ko take jaa raha tha… aek goli chali aur vo aakhri bachha aadmi bhi mare gaya…. iss akahri goli ke aawaj ke baad koi aawaj na huyi…
Abhi abhi Paridhi ke aankho ke samne 4 murders huye vo aanke phade phade samne wale najare ko dekh rahi thi… vo bhi ab buri tarah se kamp rahi thi….
Vo gun wala aadmi pichhe muda aur Paridhi ke pass aaya vo aadmi to mano ab kuch huva hi nahi ese thanda pad chuka tha uss ki aankho me na abhi koi gussa jalak raha tha na hi uske haath pair kamp rahe the..
Uss bike vale aadmi ne ladki ki hath ko pakd ke uski nabj chek ki…. aur Paridhi ko bol ne laga..
Aadmi - “Dekhiye madam aap jaldi se inhe hospital le jayiye aur iss ladki ko ho shake to inke pariwar ko italla bhi kar dijiyega.."
Paridhi jese ab hosh me aayi usne uss aadmi ki aur dekha
Paridhi - “K… Ky… Kya kaha aapne?”
Aadmi - “Aap iss madam ko jald se jald hospital leke jayiye aap samaj rahi hai na mai kya kah raha hu?"
Paridhi - “Huuu…”
Aadmi - “Achha to aap jayiye aur me bhi chalta hu… aap madam ko itna samja dijiyega ki yaha kuch huva hi nahi aur aap dono yaha thi hi nahi… agar aap media valo ka ya police valo ke pichhe har jagah ke chkkar nahi katana chahati hai to.. kyu ki ab ye khoon ka mamala ho chuka hai aap samaj rahi hai na ki mai kya kahane ki koshish kar raha hu?"
Paridhi abhi bhi uss aadmi ko hi ghure jaa rahi - "Ji.... Ji.... Thik.... Thik hai…. Aap ka dhanyawad."
Aadmi - “ye mera farz hai… aur yaad rakhiyega hum bhi kabhi mile nahi... thik hai na?"
Paridhi - “Ji..."
Uss bike vale aadmi ne uss beshosh huyi ladaki ko Paridhi ke car tak le jaane ke liye madad ki aur phir vo aadmi teji se apni bike ki aur gaya aur uspe beth ke usne bike ko full speed se dauda di Paridhi ne jese hi uss bike ko raste se gayab hote huve dekha vo mudi....
Lekin tabhi uski najar waha padi jaha uss aadmi ki bike khadi thi…. waha pe aek Dyari padi thi…. Shayad ye uss aadmi ki hogi jo gir gayi hogi….. Paridhi ne phir se uss bike ke raste ki aur dekha lekin vo bike jese kahi dur nikal chuki thi... Paridhi ne uss Dyari ko uthaya aur chal di uss ladki ko hospital le jane ko.
Usne Car ki pichhli seat pe uss ladki ko letaya aur wahi pe vo Dyari bhi rakh di…
~ Gabbar is Back
bhai baaki shab toh theek hain, lekin pavan toh bilkul hi gayab ho gaya hain story se, aise kisi ek pe ho focus kar ke story mein aage na badhao, agar dono ka importance hain story mein toh space bhi milna chahiye, yeh toh sirf paridhi raag hi sunne ko mil raha hain. Udhar kya ho raha hain isko koi khabar nahin.Update - 9
Pata nahi paridhi ka dil ke kisi kone mai iss ghatana ne gaheri chhap jaruru chod di thi... Pata nahi kyu uska dil baar baar usi ghatana ko yaad kiye jaa raha tha?...
Ab aage....
Raat ho chuki thi... Ghar ke bahar sab log aane lage the... Company ke sare employees the.. ristedaar the... Kai Jane mane log aaye huye the aur sath me badi hastiya bhi aayi huyi thi... Chauhan Empire se jude kai aur businessman aur unki families bhi thi.... Paridhi ke kafi sare college friends bhi aa chuke the... Party shuru ho chuki thi....
Paridhi ki college friends Aarohi, Ritu, aur Naina, bhi thi... aur unke sath unki families bhi thi... Paridhi ki sari friends uske jese hi kisi high profile families se belongs karti thi....
Naina Paridhi ki sabse achhi aur best friend thi.. jo bachhpan se Paridhi ke sath hi padhti aur khelti thi... aur uska pariwar Chauhan family ke banglow ke bahut pass wale banglow me rahate the....
Naina ki Maa Chandrikaji Paridhi ki maa Sumitaji ki khas saheli thi... Aur Naina ke pita Mr. Prashant Manohar Real estate me unka bada business tha... Naina bhi Paridhi jese hi rajkumario ki tarah pali badi thi.. khubsoorat bhi itni ki ladke aek zalak pane ke liye taras jaaye.
Paridhi aur Naina ki family jaha raheti thi vo Mumbai ka Posh area tha... Jaha bade bade businessman aur film stars bhi rahte the....
Aur Aarohi Deewan ke pita Mr. Darshan Deewan Politics ke sath jude the... Aarohi iss group ki sabse majakiya sadasya thi. jo ki kisi se pal bhar me dosti kar sakati thi.. uska yu chulabula sa swabhav sabko bha jata tha.... Aarohi dikhane me chand ka tukada hi lagati thi... aur uska yu swabhav uske astitva me char chand laga dete the..
Ritu ke pita Mr. Shyam Shakshena ka bhi Import-Export me bada naam tha.. Ritu latest version me manane vali thi... jamane se kadam milake chalati thi aur khudako bhi latest version me dhal ke rakha tha... Ritu dikhane me patakha thi... jo ki up to date rahane ke karan aur bhi sundar ho jaati thi...
Yani kul milakar sab ke pass koi kami nahi thi kisi chij ki... Ritu aur Aarohi Paridhi ko college me hi mili thi tabse vo achhe dost the..
Aarohi - "Yaar ye Pari ki bachhi kaha rah gayi?"
Ritu - "Ha.. Ha... aaj uske liye bada din hai aur vo gayab hai.."
Naina - "Aa rahi hogi..."
Aarohi - "Haa... Haa... Aa hi rahi hogi na Maharaniji..."
Sab hasne lage... Tabhi Paridhi ke ghar ka main gate khulata hai aur Paridhi aati dikahai deti hai...
Chand si sunder, Hire si chamkili, Gulab jesi komal lag rahi thi Paridhi.... use dekhne wale vaha khade sare ladke ghayal ho rahe the... sab ke muh khule ke khule the... Blue dress me Paridhi chand ko bhi sharma rahi thi... chahere pe halka sa make up tha.. jo abhi use duniya ki sabse khubsoorat ladki banati thi... chahere pe mithi smile aam ras jitni madhur aur mithi lag rahi thi...
Wese Paridhi ko kabhi make up ki jaroorat nahi padti thi.. Vo ese hi bahut khoobsoorat lagti thi... Paridhi aake apne friends ke pass khadi ho gayi...
Naina khush ho kar uske sir pe apne hath ghumake huve - "Yaar..... meri najar na lag jaaye..... "
sab hasne lagte hai... Aarohi aur Ritu bhi khinchai me pichhe thodi na raheti.
Aarohi - "Maharaniji aaj Mumbai ghayal karne nikali hai... aas pass dekho to jara..."
Sab aas pass dekhte hai.... sare ladke unn charo saheliyo ko hi dekh rahe hote hai... Aur unke u muh fad fad ke muh me aaye pani ko dekh charo ladkiya thahake lagane lagati hai..
Vese charo ladkiya me 19-20 ka hi fark tha.. lekin Paridhi baki tino se hatkar hi thi...
Ritu - "Aay haay... So sweet... aaj agar Paridhi pani ko bhi chu jaay to usme bhi aag lag jayegi.."
Iss pe Sab hasne lagte hai...
Paridhi - "Yaar ab bas bhi karo... tum log bhi kuch kam nahi ho..."
tabhi pichhe se Paridhi ke pita Rahulji aaye..
Rahulji haste huve - "Koi muje batayega... ye kon kis se kam nahi hai?"
Naina - "Uncle... Dekhiye na Ye Paridhi maan hi nahi rahi..."
Rahulji - "Kya nahi maan rahi?"
Paridhi aankhe badi karke Naina ko dikhane lagi jese kah rahi ho kuch mat bol.. lekin aaj tino ne than hi li thi Paridhi ki khinchai ke liye..
Naina - "Vo ye maan hi nahi rahi hai ki Vo aaj aek dam Chipkali lag rahi hai."
Sab hasne lagte hai... Paridhi Naina ko marne ke liye hath uthai hai..
Paridhi - "Nainu ki bachhi rook... abhi tuje batati hu..."
Rahulji bhi has rahe the unhe pata tha ki ye charo ladkiya jab milati hai to bachapana hi karti raheti hai..
Phir sab log Party me busy ho jate hai... Rahulji Paridhi ko sab logo se milwa rahe the jo unke sath business me jude the...
Aur phir sab khana khane lage... Paridhi and friends aek hi table pe the... sab me masti chal rahi thi...
Tabhi kisine pichhe se aake Paridhi ko kaha
Ladka - "Hello... Miss Paridhi... Aapko meri aur se aapki company ke liye Congratulations...."
Paridhi uske samne dekhi... Ladka kafi handsome tha... Dashing tha... suit pahene huva tha so kafi professional lag raha tha.... baal hawa me lahera rahe the.... chahere pe aek alag hi chamak thi jo uske chahere ko aur bhi nikhar rahi thi... suit me se bhi dikh jaaye ki body mai six packs jarur honge... hath me branded watch thi... jo ki nile suit se matching bhi thi.... Aur dikne me smart bhi lagata tha...
Paridhi ne beman se kaha - "Thanks...."
Ladka - "My self is Avinash Roy...."
Aur Avinash ne Paridhi ki aur haath aage badhaya lekin Paridhi ne kuch jawab nahi diya... na hi chahere pe koi expression aaye... Avinash ne apna haath piche le liya..
Avinash - "Vese me yaha paheli baar aaya hu... kya aap muje apni friends nahi milvaoge?"
Ab Paridhi ko gussa aaya - "Dekhiye aap yaha se jayiye..."
Avinash - "Oh.. Sorry aapko bura laga to.... me to.."
Paridhi ko ab aur gussa aaya - "Aap ne suna nahi kya kaha mene?"
Avinash apne chahere pe smile late huve - "Sorry for disturbing.... So I am leaving now... Aap sab se bhi milkar bahut achha laga..."
Avinash ne baki ki tino ladkiyo ko dekh kar smile kiya aur vaha se chala gaya....
Naina - "Yaar ye tum kya kar rahi ho?"
Paridhi muh fulla ke dekhne lagi.
Ritu - "Yaar kitna handsome tha... So cute na."
Aarohi - "Haa yaar aur smart bhi lagata tha... yaar tu bhi kya Pari use kuch jawab nahi diya... yaar vo sirf congratulation karne hi to aaya tha...." aur phir Paridhi ki tang khinchane ke liye - "Ya phir use dekh tere hosh udd gaye the use dekh ke..."
Paridhi - "Yaar.. tu bhi kaha ki baat kaha le jaati hai.. aur me ese aawaro ke muh kabhi nahi lagati..."
Tabhi pichhe se Rahulji aaye - "Pari... Dekh me tuje kisise milwane laya hu..."
Aur Rahulji ne piche khade ladke ki aur ishara kiya.. jab sabhi ladkiyo ne usse dekha sab ki aankhe khul gayi...
Rahulji - "Ye Avinash Roy hai... abhi 3 din Pahele hi Canada se padhai puri kar yaha wapas India aaya hai... aur ab yahi rahega.... Aur ye Keshavji Roy ka Pota hai jo tumhare dada ke bachapan ke dost the... Aur Keshavji mere chacha jese the."
Phir Avinash ki aur dekhte huve Rahulji - "Avinash ye meri beti hai Paridhi... aur baki ka intro vo khud karava degi.."
Paridhi ne chota muh bana diya - "Aapse milke achha laga.. Ye mere friends hai Naina, Ritu aur Aarohi..."
Avinash apne chahere pe smile late huve - "Vese ham abhi mil chuke hai aur aek baar phir aap sabse milkar muje bahut khushi huyi.."
Rahulji - "Tum mil chuke ho phele Paridhi se?"
Avinash - "Vo abhi..."
Paridhi uski baat katate huve - "Ji papa abhi thodi der pahele mile the vo congrats kar rahe the.."
Rahulji - "Oh.. to chalo ye to phir achhi baat hai."
Paridhi ne chupke se apni saheliyo ki aur dekha sab badi aankhe kar Paridhi ko dekh rahi thi.. Avinash Paridhi ko dekh muskura raha tha..."
Rahulji Avinash ki aur dekhate huve - "Vese beta... mene Keshavji ke bare me suna dukh huva ki ab vo iss duniya me nahi hai.."
Avinash - "Thanks you uncle aapki sahanubhuti ke liye... Aakhir ham sab ko bhi aek na aek din to ye duniya chod ke jana hi hai... me bas yahi duva karta hu ki vo abhi jaha ho khush rahe..."
Rahulji Avinash ke kandhe pe hath rakhte huve - "Tum bahut achi soch vale insan ho Avinash..."
Avinash - "Ye to aapka baddpan hai... baki me to bas aek sidha sa ladka hi hu..."
Rahulji khush ho gaye - "Pranavji nahi aaye?.... sab kuch achha hai na ghar pe?... Shantiji kesi hai?...."
Avinash - "Ji Uncle vo bahut maje me hai... aur apko bhi yaad kar rahe the.. vo papa ko thoda kaam ka boj raheta hai to vo kahi nikal nahi sakate.. isiliye maa bhi unke sath hai."
Rahulji - "Kabhi unhe milne ke liye jaroor lana."
Avinash - "Ji uncle..."
Rahulji waha se chale jate hai.. Aur Avinash Paridhi ki aur muskurate huve dekhta hai.. Lekin Paridhi ka mood aur bigad gaya hota hai..
Paridhi - "Tum apne aap ko samjate kya ho?... aek baar bola jaav yaha se to pappa ko le kar aa gaye..."
Avinash - "Dekhiye aap ko kuch galat samaj rahi hai.."
Paridhi - "Ha ha galat fahemi to huyi hi hai jo tum mu lag gaye... Tum jese logo ko bas chance chahiye ladkiyo ke karib aane ka."
Ab Avinash se raha na gaya - "Oo... Madam.. jara hosh me aakar baat kariye... Aap bina kuch soche samje bole hi jaa rahi hai... Aur muje bhi koi shokh nahi hai jo aapke muh lagu.... muje aur bhi bahut sare kaam hai... Vo to Uncle Aunty ne muje yaha bheja tha baat karne ke liye... varna muje kese pata ki aap hi Paridhi ho...... Me jaa raha hu bye.... Nakchadi ladki..."
Aur Avinash pichhe mudte huve - "Pata nahi kaha kaha se aa jate hai ese batmiz log..."
Paridhi - "Aey.. Batmiz kise bola..."
Ab Naina ko laga ki baat aur bigad rahi hai... usne Paridhi ka hath khinch kar door le gayi...
Naina - "Yaar aaj tuje ho kya gaya hai?.... aaj bi ladko ke sath jaghda kar rahi hai...."
Paridhi abhi bhi gusse me hi thi - "Dekh inn ladko ko na mauka chahiye ladkiyo pe line marne ka aur muje koi saukh nahi hai..."
Naina - "Yaar vo to bas ese hi mil raha tha aur vo bhi uncle aunty ke kahene ke baad hi to aaya tha.."
Paridhi - "Tu kuch bhi bol.. lekin me na sab samajti hu..."
Naina - "Tu kabhi nahi sudhregi... college me bhi esi hi rahi..."
Paridhi - "Tuje pata to hai ki Muje na ladko se nafarat hai bas.. bas nafarat hai... aur ese mithi mithi baat karne valo se to aur bhi jyada"
Naina - "Tera na kuch nahi ho sakta.."
Aur phir dono wapas aakar party attend karne lage... Raat ko party khatam hone ke baad sab log apne apne ghar chale gaye... aur Paridhi apne kamare me jakar fresh hokar so gayi... aaj ki bhag daud se vo thak gayi thi... vo bed pe leti hi thi ki use nind aa gayi..
Pata nahi Paridhi ladko se itni nafarat kyu karti thi? aakhir kya vajah thi jis se uska najariya ladko ke prati esa ho gaya tha?
~ Gabbar is Back
bhai agar paridhi ka ek bara bhai bhi tha, toh aaj tak uske maa-baap ne kyu kabhi jikra nahin kiya, kyun uski koi tasveer nahin hain uske ghar mein, aur paridhi toh kabhi toh suna hoga jikra apne maa se kyun kee koi bhi maa yeh bina pushti kiya kee wo jinda hain ya mar gaya, kaise dhundhna chhor shakti hain, jabki wo log toh pushtaini ameer the, paridhi ke dadajee bhi ameer the, toh unke pass toh paise aur powers kee kamee na thee.
Fabulous updateUpdate - 47
Paridhi bhi bina tala dekhe utavalepan se ring bell baja rahi thi.... aur ab jab uski najare tale pe padi to vo bhi shocked thi...
Paridhi phir se Avinash ko call try karne lagi.... lekin uska phone abhi bhi switch off hi aa raha tha.....
Naina - "Ab ye Avinash kaha chala gaya?.... Kya ise bhi Dyari ki tarah jamin nigal gayi?.... ya phir aasman nigal gaya?...."
Ab aage.....
Paridhi – “Aur iska phone abhi bhi switch off hi aa raha hai…”
Naina – “Ab kya kare ham?..... Kya yaha ruk ke Avinash ka intezar kare ya wapis ghar chale?....”
Paridhi pahele se hi Avinash se gussa thi aur ab chidchidi bhi ho chuki thi – “Muje yaha rahene ka koi shauk nahi hai… chal yaha se….”
Paridhi pair patakate huve waha se chal padi aur uske piche piche Naina bhi chal padi….
Naina car me bhi Avinash ko phone try kar rahi thi….
Naina – “Yaar muje esi feeling ho rahi hai ki kahi Avinash bhi kahi Dyari ki tarah gayab to nahi ho gaya hai….”
Paridhi – “Yaar ab tuje kya ho gaya hai?... vo kaha gayab hoga… aur vese bhi aaj raat ko party hai to usme vo aayega hi…”
Naina – “Tum thik hi kah rahi ho…. Yaar tab tak hamare sawal muje chain ki aek saans bhi nahi lene denge….”
Paridhi bhi Naina ki baat se sahemat thi…. Lekin Paridhi ke sawalo me ab aek aur sawal bhi jud chuka tha ki aakhir Avinash kaha hai?....
Paridhi aur Naina apne apne ghar laut chuke the… Paridhi wapis apne kamare me aate hi aek baar phir se charo kono me Dyari ko dhundhane ki koshish karne lagati hai ki shayad kisine Dyari kamare me hi kahi rakh di ho… Lekin Dyari mili nahi….
Paridhi hatasha se bhari bed pe bethi Pavan ki Ring ko hatho me liye ghur rahi thi aur apne sawalo ko dohara rahi thi….
Pata nahi kitna Waqt bit gaya… Paridhi Ring ko ese ghur rahi thi aur apne vicharo me khoyi huyi thi ki use pata hi naa chala ki kab Dev kamare me aake uske pass beth chuka tha aur Dev Paridhi ko Ring ko ese ghurate dekh hairan tha…..
Dev – “Di…..”
Paridhi abhi bhi apne sawalo ke vicharo me hi khoyi huyi thi…. Dev Paridhi ko ese dekh muskuraya…
Dev Paridhi ke hatho ko jor se hilate huve – “Kyu Di…. Avinash Jiju ne di hai kya?.... jo ese ghur ghur ke dekh rahi ho?....”
Paridhi Dev ke ese hilane se aekdam se apne vicharo me se bahar aayi – “Ha…. Matalab ki usne nahi di hai…”
Dev Ring ko ghurate huve – “To phir kisne di hai?”
Paridhi – “Betu… ye Ring naahi muje kisine di hai aur naahi ye Ring meri hai….”
Dev – “To phir kiski hai?.... aap to ise ese ghur ghur ke dekh rahi thi muje to lag raha tha ki aap kahi iss Ring ko kha hi na jaye….”
Dev hasne lagata hai….. Paridhi Ring ko apne drawer me rakh deti hai…
Paridhi – “Very funny…. Cha ab bata tu yaha kya kar raha hai?...”
Dev – “O… teri… main to bhul hi gaya ki main yaha kis liye aaya tha…. Ye sab aapki galati hai…. Aap na hi uss Ring ko ghurate aur nahi mera dhyan kahi aur jata….. aur aap abhi bhi ready nahi huyi…. Aaj aapki party hai…”
Paridhi – “Haa… lekin vo raat ko haina…”
Dev – “O.. medam to abhi kya subah hai?... raat ke 8:00 baj chuke hai…”
Paridhi hairan hote huve ghadi ki aur dekhati hai – “Kya?.... 8 baj gaye….”
Dev – “To kya aapko pata hi nahi tha ki raat ho chuki?.... matalab ki aap kab se Ring ko ghur rahi thi?....”
Paridhi apna bachav karate huve – “Haa… muje pata tha ki raat ho chuki hai lekin time nahi dekha tha na isliye…. Aur chal ab tu jaa yaha se muje ready hona hai…”
Dev chulbule pan se muskurate huve – “Iska matalab Ring kisi ladke ki hai…..”
Paridhi ke gaal lal ho gaye – “Tu jata hai yaha se ki aek thappad khayega…”
Dev bhagate huve kamare ke gate pe pahunch gaya – “Achha achha jaa raha hu…. Aur ha jaldi karna mamma kah rahi thi ki kuch hi der me guest bhi aane lagenge…”
Paridhi – “Haa… bus pahunch hi rahi hu….”
Dev – “Mere jane se pahele uss ladake ka naam to bata dijiye…”
Paridhi apne hath ko hawame uthate huve Dev ki aur aek kadam badhati hai – “Betu….”
Lekin Dev bhag gaya tha…. Paridhi kamare ke gate ko bandh karke ready hone lagi… lekin sare sawal uska picha nahi chod rahe the...
Lekin sab se jyada use Dyari ki fikr thi ki aakhir Dyari kaha jaa sakati hai?....
Hall me hi sare arrangement kiye gaye the….. sare guest bhi aa chuke the…
Aur phir Paridhi apne kamare se bahar nikal kar dhire kadamo se sidiya utar rahi thi…. Sab use dekh ke taliya baja rahe the….
Paridhi ne pink colour ki western dress paheni thi…. Jisme vo husn ki mallika lag rahi thi…. Uske chahere ke rang khile huve the aur uspe sharmahat ki laali char chand laga rahi thi….. hotho pe muskan khili thi…. Lekin najare kisi ko dhundh rahi thi….
Paridhi ki najare sidiya utarate waqt jese charo aur screening kar rahi thi… vo kisi chahere ko dhundh rahi thi…. Lekin use vo chahera kahi najar nahi aa raha tha….
Paridhi ke sidiya utari hi thi ki Paridhi ki najare hall ke bicho bich me use bade se cake pe thahar gayi jo kafi khubsurat thi aur uske kadam bhi cake ke samane aake hi ruke.... lekin jese hi Paridhi ki najaro ne cake ki uper liki gayi lines ko padha hi tha ki Paridhi ke pair se jam gaye....
Cake pe badi sundar likhawat ke sath...... 'Paridhi.... Jannat se aayi Pari' likha huwa tha..... Paridhi ki aakhe phir se bhig gayi aur chahere pe khili muskan use sach me aek Pari sa hi khubsurat bana rahi thi.....
Vo tabtak cake ko ghurati rahi jabtak Dev ne use thoda sa hilaya nahi...
Dev - "Di... kaha kho gayi... jaldi se cake katiye na muje itna bada sa cake dekh ke muh me pani aa raha hai."
Paridhi Dev ki aur dekh ke muskurai aur uske sir pe hath phira diya aur phir usne Dev ka hath apne hath me leke chaku ko tham liya aur phir cake ke charo aur jalati mombatiyo ko buja diya aur phir jese hi usne cake kata ki sara hall taliyo se gunj utha... aur Paridhi ne pahela tukda Dev ko khilaya aur Dev ne bhi thodi shararat karte huve cake se paridhi ke galo ko rang diya...
Dev kushi se chahakate huve - "Happy Birthday Di..."
Paridhi - "Thank you so much betu"
Aur phir Paridhi ne apne mamma papa ko bhi cake khilaya"
Sabhi guest apni apni taraf se gifts bhi de rahe the….
Lekin in sab me Paridhi sharir se hajir thi lekin man Avinash ko dhundh raha tha aur vo tha ki kahi dikh nahi raha tha.
Paridhi ke pass jese hi Naina pahuchi Paridhi ne uski aur badi aash se dekha ki usne Avinash ko jarur dekh liya hoga... Naina ne thoda sa sir hilake juki najaro se keh diya ki usne bhi Avinash ko abhi tak nahi dekha tha...
Kuch log side ke bars se champagne aur whisky ka luft utha rahe the aur kuch khana khane ki suruaat kar chuke the charo aur sabhi apne apne pahechan ke groups me the aur party ka luft utha rahe the...
Paridhi ichi bich apni maa ke pass pahunch gayi - "Maa.... ye cake kisne order ki thi?.."
Sumitaji Paridhi ke ese sawal se aekbar kuch ajib laga lekin phir muskurate huve - "Avinash ne hi order kiya tha... muje to bahut hi khubsurat lagi... kyu tuje achhi nahi lagi?"
Paridhi - "Nahi bahut hi achhi lagi isiliye puch rahi hu... lekin vo kahi dikh nahi raha he party me"
Sumitaji ne hairani se kaha - "Beta vo to apne kisi urgent kaam se aaj dopher ko hi kahi nikal chuka tha... usne muje kal hi bataya tha ki vo sham ki party attend nahi kar shakega isliye vo aaj subah hi tuje party wish karke chala gaya.... kya usne tuje nahi bataya tha?"
Paridhi hairan thi iss khulase the - "Nahi..."
Sumitaji - "Koi baat nahi beta bhul gaya hoga vo...."
Paridhi - "Haa esa hi hoga.."
Sumitaji kuch aur kaheti uss se pahele hi Paridhi tej kadamo se Naina ke pass jaa chuki thi aur aek hi saans me Naina ko sari baat bata bhi chuki thi..
Naina bhi hairan thi - "Yaar muje na kuch gadabad lag rahi hai... jese ki ye sab kuch plaaning ho... aek to uska tuje birhday wish ke waqt khud ko Pavan ke rup me jahir karana aur uske baad na koi phone na koi message aur kahi chale jaana... Cake bhi usne hi order ki thi.... yaar sach kahu to kuch samaj aa raha lekin kuch bhi samaj nahi aa raha..."
Paridhi - "Yaar muje Avinash se jyada Dyari pareshan kar rahi hai...."
Naina ne Dyari sunete hi aek baar Sumitaji ki aur dekha aur phir se Paridhi ki aur najare karate huve - "Yaar aek baat kahena chahati hu... dekh jab tu sab se Dyari ke baar me puch rahi thi na tab muje Aunty ki aawaj me thodi hichkichahat mahesoos huyi thi...."
Paridhi chaunk uthi - "Naina tu bhi kya bol rahi hai... Maa ne mana kiya tha na ki unahone nahi dekhi phir.... aur vo mujse juth nahi kahegi...."
Naina - "Teri baat sach hai Pari lekin jo muje mahesoos huva bas wahi tuje bata rahi hu... aur tu hi soch agar Dyari kisi ke pass nahi hai... naa Dev ke pass, naa hi Uncle Aunty ke pass, aur naa hi tere aur mere pass to Dyari kaha jaa sakati hai?.... aur agar bahar vala koi hoga to vo tere kamare se koi mahengi chij chuarane ke badle aek Dyari hi kyu lega?...."
Paridhi ko Naina ki baat ne soch ne pe majboor kar diya aur Naina sach bhi thi koi anjan insan koi mahengi chij ko lene ke bajay sirf Dyari hi kyu lega.... yani ki koi jaan pahechan wala hi hona chahiye lekin uska man ye manane ko taiyaar nahi tha ki Dyari uski maa ke pass hogi....
~ Gabbar is Back
Aapki baat se puri tarah se sahmat hu aalu bhai...
Aapki inconvenience ke liye maafi chahunga...to be honest part 6 se 12 tak mujhe slow laga aapne plot banane ke chakkar mein kahani ke other main lead ko bilkul bhi importance na dee hain, aur kahani slow ho gayee thee isse, kyunki hame pata hain kee pawan bhi ek character hain jiska koi jikra hee na ho raha hai, aur jab bhi paridhi diary padhti hain bas ek hi baat dikhati hain, kya uske alawa usme kuchh bhi aur na likha hain.
Kuchh baate baar-baar repeat ho rahi hain, isse kahani dragged lagti hain, kyunki paridhi ke pass jyada kuchh kehne ko nahin hain, jaisa kee abhi tak laga, bas ek uske ladko se nafrat waali baat ko chhor kar. Aisa nahin hain kee uska character interesting nahin hain, lekin pawan ko bilkul bhi sideline kar diya hain, wo abhi kya kar raha hain, ho kya raha hain uski zindagi mein. Aur us diary mein toh usne abhi tak kee saari baate likhi hongi, toh wo kyun nahin padh rahi hain paridhi.
Jabki pavan khud apne mein ek story liye hue baitha hain, story ke important parts uske around ban shakti hain, lekin wo bilkul nadarad hain.
Dono ke character simultaneously chalte toh better lagta. Baaki main apne shabdo ke liye maafi chahoonga, agar thes pahunchi hogi toh, kyunki mujhe shuruwat achhi lagee, lekin yehan tak aane ke baad aage badhne ka man nahin kar raha hain, isliye bol raha hoon.
