Erotica Xossip to Xforum

[Casinar]

PAAP

11. KUCHH BHI NAHIN......

UPDATE 2


Aey khuda mujhse na le mere gunahon ka hisaab,
mere paas ashq-e-nadamat ke sivaa kuchh bhi nahi ....
Har taraf rang birange kapde pehne, saje dhaje log khushiyan mana rahe the. Kuchh uske apne the aur kuchh yun hi bulaave par uski khushi mein shaamil hone aa gaye the.
Aaj uski shaadi thi aur dulhan bani kisi gudiya ki tarah saji hui vo majlis ke theek beech mein bethi thi. Log aa rahe the aur uske saamne apna laya tohfa rakh kar uski us mubarak din ki mubarakbaad de rahe the aur uski aane wali zindagi ke liye dua.
Aaj usko dekh kar ye ehsaas hua ke laal rang uspar bahut fabta tha. Jaane kaise itne lambe arse mein is baat se main poori tarah gaafil raha. Kya is liye ke usne kabhi mere saath mere saamne laal rang pehna nahi ya isliye ke mujhe har rang mein vo is qadar haseen lagti thi ke har rang ki rangat meri nazar se poshida rahi, be-asar rahi.
Aur phir ehsaas hua ke laal rang uspar kitna fab raha hai. Kya isliye ke is laal rang mein kuchh khwabon ka khoon shaamil hai, ke ye laal rang kuchh bekaar ummeedon ki ashqon mein bheega hua hai, ke ye laal rang apne aap mein kuchh wadon ka ka janaza samete hue hai.
Haath mein phoolon ka ek guldasta liye main khamoshi se uski taraf badha. Meri shakhsiyat se vahan har koi anjaan tha. Us logon ke hujoom mein jaisa mera hona ya na hona ek barabar hi tha.
"Tu chahe bhi toh kya de sakta hai usko yaar. Kya hai kya tere paas"
Mere ek dost ne ek baar mujhe samjhane ki koshish ki thi. Aur naseeb ka khel dekhiye, aaj uski zindagi ke sabse bade din bhi mere paas use dene ko kuchh bhi nahi. Aaj main uski khushi mein shareek hone ko aaya bhi toh haath mein kuchh subah ke murjhaye phool liye.
Khuda se kahun, tujhse kahun ya khud hi dil ko samjha loon,
Lab pe mere ab ek shikayat ke siwa kuchh bhi nahi ......
Kamal ki baat hai. Jab bhi main uske kareeb hota tha toh dil ki dhadkan jaane kyun apne aap badh jaati thi. Uske chehre ki ek jhalak, uski saans ki garmi, uske jism ki khushbu aur uske haathon ki narmi, kuch aisi kashish, kuchh aisi taaseer thi uski ke dil bekaabu hokar deewanagar sa dhadakne lagta tha.
Aaj phir vaisa hi kuchh aalam hai. Ab is nadan dil ko kaise samjhaoon ke aaj vo meri nahi, ke aaj vo kisi aur ki aur ho rahi hai. Kaise is deewane se kahun ke aaj yun phir tezi se dhadak kar kuchh haasil nahi hoga. Ke aaj toh ise dhadkan se kinara kar lena chahiye aur mujhse is bekaar zindagi se nijaat dila deni hahiye.
Haath mein guldasta lekar main uske kareeb aaya aur use dene ke liye aage ko jhuka. Nazar utha kar usne shukriya kehne ke liye meri taraf dekha toh khabar hui ke door se nazar aati uski vo khoobsurati toh mehaz ek bharam thi. Us shaam pehli baar mujh par uski aankhon ki veerani, uske chehre ki vehshat zaahir hui.
Khabar hui ke vo toh aaj phir vahi gudde gudiya ka khel khel rahi hai bas aaj gudiya ki jagah usne khud ko betha liya. Jism hai, rangat hai, perhan hai, zevar hai par kisi gudiya ki tarah hi ye sab hone ke baad bhi kuchh nahi hai kyunki jism mein jaan nahi hai.
Haan, uski aankhon ne mujh par zaahir kiya ke vo toh bas ek murda laash ki tarah vahan bethi nakli hasi has rahi thi, muskura rahi thi.
Main aaj phir khada hoon tere huzoor mein tera mureed hokar,
Mere aankhon mein is haqeeat ke siwa kuchh bhi nahi ......
Lakh mere chehre par naqab sahi, nakli daadi moonchh sahi. Lakh maine koshish ki thi bhes badalne ki taaki uski shaadi mein mujhe koi pehchan na sake par uski nazar dhokha kaise kha sakti thi. Uski nazar meri nazar se mili aur ek pal mein ye pegham mujh tak pahunch gaya ke usne mujhe pehchan liya hai.
Aaj phir mujhe saamne dekh kar vo muskurayi aur mujhe laga jaise mera sab kuchh lut gaya ho. Kahan gayi vo muskurahat, vo hasi jise pakar main kabhi ithlata phirta tha. Kahan gayi vo hasi jo kabhi mujhe poora karti thi. Kahan gayi vo hasi jise pakar main sab kuchh pa leta tha. Vo hasi jiske baad mujhe kisi aur cheez ki zaroorat hi nahi padti thi.
Apne honthon par aap is pakeeza hasi ko yun hi sajaye rakhna,
Meri daulat is muskurahat ke siwa kuchh bhi nahi ......
Aur phir mere haath mein thame phool chhut kar uski jholi mein ja gire aur numaya hui un phoolon ke pichhe chhupi revolver. Vo revolver jis mein sirf 2 hi goliyan maujood thi. Vo revolver jise main phoolon ki aad mein ab tak apne aath mein thaame hue tha.
Ham dono par ab bhi kisi ki nazar nahi hai. Sab apne aap mein magan hain aur ham dono jaise un sabse bekhabar, duniya se paraye hokar ek doosre ki nazar mein nazar daale ek doosre ko dekh rahe hain. Vo kabhi meri taraf toh kabhi mere haath mein thami revolver ki taraf dekh rahi hai. Aur haan vo ab muskura rahi hai.
Phir vahi muskurahat jo main dekhna chahta tha. Uski hasi ab phir laut aayi hai.
Usne muskura kar apni aankhen moond li jaise aaj phir ek baar apne aapko mere supurd kar rahi ho. Maine apne haath mein thami revolver par ek nazar daali aur phir ek nazar usko dekha.
Uske munh se kuchh safed cheez si nikal rahi hai, ek safed jhaag. Uski rangat jo ab tak peeli thi, ab safed hoti ja rahi hai.
Aur phir neeche bethi bethi vo ek taraf nidhal hokar gir padi.
Vo to aaj mar kar hamein mil hi gayi raahat varana,
Zindagi ranj-o-museebat ke sivaa kuchh bhi nahin.......
Sab log ab uske chaaron taraf khade hue hain. Khushi ka aalam ab cheekh pukaar mein tabdeel ho gaya hai.
Kisi ka dhyaan ab bhi meri taraf nahi hai aur na hi meri nazar un par. Main toh apne haath mein thaami us revolver ko dekh raha hoon jiska rukh meri taraf hai. Jis mein ab bhi 2 goliyaan maujood hain par zaroorat ab sirf ek ki hai.
Dil mein ab dard-e-mohabbat ke siwa kuchh bhi nahi,
Zindagi meri ab teri chahat ke siwa kuchh bhi nahi..........

THE END.

Fantastic writings

 

[Siraj Patel]

Hello, Ladies & Gentleman,
We are so glad to Introduce Ultimate Story Contest of this year.

Jaise ki aap sabhi Jante Hain is baar Hum USC contest chala rahe hain aur Kuch Din pahle hi Humne Rules & Queries Thread ka announce kar diya tha aur ab Ultimate Story Contest ka Entry Thread air kar diya hai jo 17th, Nov 2019, 11:59 PM ko close hoga.

Khair ab main point Par Aate Hain Jaisa ki entry thread aired ho chuka hai isliye aap Sabhi readers aur writers se Meri personally request hai ki is contest mein aap Jarur participate kare aur Apni kalpnao ko shabdon ka rasta dikha ke yaha pesh kare ho sakta hai log use pasand kare.
Aur Jo readers nahi likhna chahte wo bakiyo ki story padhke review de sakte hai mujhe bahut Khushi Hogi agar aap is contest mein participate lekar apni story likhenge to.

Ye aap Sabhi Ke liye ek bahut hi sunhara avsar hai isliye Aage Bade aur apni Kalpanao ko shabdon Mein likhkar Duniya Ko dikha De.

Ye ek short story contest hai jisme Minimum 800 words se maximum 6000 words tak allowed hai itne hi words mein apni story complete Karni Hogi, Aur ek hi post mein complete karna hai aur Entry Thread mein post karna hai.
I hope aap mujhe niraash nahi Karenge aur is contest Mein Jarur participate Lenge.



On Behalf of Admin Team
Regards :- Siraj Patel

 

[The Immortal]

Now I'm going to post some VSC and USC stories of xossip .

 

[The Immortal]

Writer - legendkiller786
Story - MERA KASOOR ​

MERA KASOOR

" ha...ha...ha.. " ek jordaar hansi ki aawaj rahul kaano me padi, jishe sunkar rahul ateet me khota chala gaya

----------------------------

aaj anju ki suhaagraat thi, vo raat jiska har ladki ko apni jindagi me besabri se intjaar rehta hai, vaise hi anju ko bhi tha, saji-dhaji, ek dulhan ke roop me,

shaadi ka joda pehne vo sharmaayi si suhaag ki sej par apne pair mode huve baithi thi. ghoonghat nikaal rakha tha usne, uska dil us kshan ke intjaar me teji

se dhadhak raha tha ki kab uska pati karan aayega aur uska ghoonghat uthayega, kya kahega vo uska chehra dekhkar, pata nahi kuch kahega bhi ya nahi,

aur agar nahi kaha to kya karega, ye sochkar uska chehra sharam se laal ho gaya, kaisa lagega uska pehla sparsh. aise dhero sawaal the uske man me jinme se

ek ka bhi jawaab uske paas nahi tha lekin vo sabhi sawaalo ke jawaab paane ko utsuk jaroor thi.
karan army me tha aur uske mata-pita is duniya me nahi the, ushe uske chacha-chachi ne hi paala tha, ye unki arrange marriage thi lekin aaj ushe kahi se bhi

ye nahi lag raha tha ki vo karan se pyar nahi karti, sagaai ke baad rojaana phone par baate karte-karte vo uski baato me aise kho jaati thi ki ushe aur kisi

baat ka hosh hi nahi rehta tha, karan tha bhi aisa hi, har kisi ko apni baato se deewana bana leta tha vo, bado se bado ki tarah aur bachho se bachho ki tarah

baate karta tha vo, hamesha hansta rehta aur sabko hansata rehta, aisa lagta tha jaise uske jeevan ka moto ye hi tha ki 'hanso aur hansao'. shaadi se pehle

ek-do baar mili bhi thi vo usse, un do mulakaato me hi vo uski poori tarah se deewani ho gayi thi, kitna hansmukh chehra aur kitni pyaari baate, kitna achha

swabhaav, uski har ek baat se anju ko lagaav sa hota chala gaya tha.
vo abhi ye soch hi rahi thi ki ushe darvaaja khulne ki aawaj aayi, aakhirkaar, usne man hi man socha ki intjaar ki ghadiya khatam huyi. ghoonghat ki vajah

se vo kuch dekh to nahi paa rahi thi lekin ushe lag barabar raha tha ki koyi uske bed ki taraf badh raha hai.

----------------------

" ab se to yaar karan, tera-mera milna-julna kam ho jaayega, ab to tu saara time bhabhi ko hi diya karega yaar " karan ke ekloute aur best friend rahul ne

kaha.
" kaisi baate kar raha hai yaar, tu achhi tarah se jaanta hai ki jab se mere mata-pita ki mrityu huyi hai, tabse lekar aajtak agar tu na hota to shayaad aaj mai

bhi yaha maujood nahi hota, tune har kadam par mera saath diya hai yaar, isliye to kehte hai ki dosti har rishte se badi hoti hai agar dost sachha ho to, yaar,

aisa to koyi mere khoon ke rishte vaala bhi mere liye nahi kar sakta tha jaisa ki tune kiya hai, pata nahi ki mai tera ye ehsaan kaise chuka paaunga dost "

karan bola.
" vaah bete, ek pal me to dost kehkar apna bana leta hai aur dusre hi pal me ehsaan ki baat karke paraya kar deta hai, saale, maine tujh par koyi ehsaan nahi

kiya hai, samjha, aur agar tu un sab baato ko ehsaan hi maanta hai to mai jaata hu aur aaj ke baad kabhi nahi aaunga "
" sorry yaar, tu jaanta hai ki mere kehne ka vo matlab nahi tha, please, tu naaraaz mat ho, tere siva mera hai hi koun "
" sab samajhta hu saale, bhabhi aa gayi na ab tujhe sambhaalne vaali, isliye tu saale aisi baate kar raha hai, chal beta agar ehsaan hi maanta hai to tera vo

vaada to tujhe yaad hi hoga "
" koun sa vaada "
" hum dono ne ek-dusre se vaada kiya tha ki jiski bhi shaadi pehle hogi vo pehli raat ko apne kamre me apne dost ko bhejega, bol kiya tha ya nahi "
kuch sochte huve karan bola," haan yaar kiya to tha, chal to, agar vaada kiya tha to jaa tu fir, kisne roka hai tujhe, tere liye to mai apni jaan bhi de du, to fir

ye kounsi badi baat hai "
aur rahul sachmuch hi uthkar anju ke kamre ki taraf chal diya, karan muskurata hua ushe dekhta raha.

------------------------

rahul kamre ke andar ghusa aur usne darvaaja band kar diya, vo palta to bed par ushe saji-sanwari anju baithi huyi dikhaayi di, vo uske kareeb pahucha aur

bed par baith gaya, usne dheere se uska ghoonghat uthaya, anju najre jhukaaye baithi thi, usne najar uthakar bhi rahul ki taraf nahi dekha tha.
" bhabhi " rahul bola.
karan ke alawa kisi aur ki aawaj sunkar anju sakte me aa gayi, usne najre uthakar upar dekha to vaha karan nahi koyi aur baitha tha.
" k..koun hai aap, k..karan kaha hai " anju kaanpte swar me boli, kisi anjaani anhoni ki aashanka se uske dil me dar ghar kar gaya tha.
" aap ghabraaiye mat bhabhi, mai sirf aapki munh-dikhaayi aapko dene ke liye aaya tha " kehkar rahul ne apni jeb se 1001 rupye nikalkar uski godi me rakh

diye.
anju ko badi hairaani ho rahi thi ye sab dekhkar, vo abhi tak samajhne ki koshish kar rahi thi ki ho kya raha hai.
" bhabhi, mera dost kayi saalo se is duniya me akela tha, lekin ab nahi hai, ab aap uski jindagi me maujood ho, ab aapko hi uska jindagi bhar khayaal rakhna

hai, bhabhi, mera dost bahut jyada sensitive hai, ushe gussa bhi bahut jaldi aa jaata hai, agar kabhi vo aap par kisi baat ko lekar thoda-bahut gussa kar bhi

de to please ushe najarandaaj kar dijiyega, aapke aane se ushe jindagi jeene ka ek naya hounsla mila hai, agar aap hi usse naaraaj ho jaayengi to jeete-jee mar

jaayega mera dost, is waqt sabse jyada jaroorat hai ushe aapki, ummeed karta hu ki aap meri baato ko samjhengi aur karan ko ek patni ki tarah hi nahi balki

ek maa ki tarah bhi pyar dene ki koshish karengi, yahi kehne aaya tha mai bhabhi, chalta hu, namastey " kehkar rahul uthkar darvaaje ki taraf chal pada.
ab anju ke man me baitha hua saara dar nikal chuka tha, vo samajh chuki thi ki ye karan ka bahut achha aur sachha dost hai, jo banda aisi nek baate kar

sakta hai, vo sachha dost hi hota hai, karan inhi ki sangat me itne achhe ho gaye lagte hai, usne man me socha. vahi dusri or, karan roshandaan se saara scene

dekh raha tha aur mand-mand muskura raha tha, vo jaanta tha ki rahul aisa hi kuch karega, aaj rahul ka darja uski najro me aur bhi uncha ho gaya tha.

---------------------------

karan kamre me pahucha aur usne jaakar anju ka ghoonghat uthaaya aur bola," kitni khoobsurat ho tum, baahar se bhi aur andar se bhi "
sunkar anju sharma uthi aur usne apna chehra karan ki chaati me chupa liya.
karan ne uska chehra apne haatho me bharkar upar uthaya aur uske larajte hontho par pane honth tika diye aur ve dono pyar ke saagar me gotey lagaane ke

safar par chal pade.

---------------------------

agle din subah, karan vaapis apni rejiment ko join karne jaa raha tha kyonki jung ka mauhol bana hua tha aur kabhi bhi jung shuru ho sakti thi isliye sabhi

foujiyo ko vaapis aane ke aadesh de diye gaye the.
jaate huve karan rahul se bola," yaar rahul, dekh tu meri anju ka khayaal rakhna, vo bahut seedhi-saadhi aur bholi hai, ushe yaha ke tour-tareeke nahi

maalum hai, agar ushe koyi problem ho to please yaar uska khayaal rakh lena tu "
" tu chinta mat kar yaar karan, apne dost par itna to bharosa kar sakta hai na tu "
" tujhpar to yaar mujhe apne se jyada bharosa hai " kehkar karan uske galey lag gaya.
fir jab vo anju se milne andar gaya to anju foot-footkar ro padi, karan ushe apne seene se lagaate huve bola," arey pagli, mai koyi hamesha ke liye thodi na jaa

raha hu, bas, do-teen mahine me hi mai vaapis aa jaaunga "
is tarah bheegi palko se sabne karan ko vida kiya.

----------------------------

fir ek manhoos din jab rahul utha to ushe baahar kuch shor-sharaaba sunaayi diya, vo baahar nikla to dekha ki karan ke ghar ke baahar kaafi saare logo ki

bheed jama ho rakhi thi, poochne par pata chala ki karan veergati ko prapt ho gaya tha, ye sunkar mujhe aisa laga ki jaise kisi ne mere kaano me pinghla hua

sheesha undel diya ho, kaafi der tak mai sunn khada raha, fir mujhe karan ke vo aakhiri shabd yaad aa gaye ki yaar meri anju ka khayaal rakhna, maine kisi

tarah se khud ko sambhaala aur mai andar anju bhabhi ke paas pahucha aur unhe saantavna dene laga.
uske baad maine ghar aane se pehle uske gharvaalo se poochtaach ki to pata chala ki karan ki laash bhi nahi mili, dhamaake me uska poora shareer chithde-

chithde ho gaya.

---------------------------

ab mai samay-samay par karan ke ghar jaata raha aur anju bhabhi ko santaavna deta raha aur unse kehta raha hi aap himmat mat haaro varna karan upar se

aapko dekhkar dukhi hota rahega, aap khush raha karo, jaise-taise din beet rahe the aur fir ek aur manhoos din hamari jindagi me aa gaya.

-----------------------------

us din subah-subah mujhe apne darvaaje ko baahar se jor-jor se peeta jaane ki aawaj ne uthaya, maine uthkar darvaaja khola to dekha ki baahar anju bhabhi

khadi thi, unki aankho me aansu the.
" arey bhabhi aap, aaiye na andar aaiye, aap is waqt yaha " mai bola.
" rahul bhaiya, mujhe bacha lo " anju ne rote huve kaha.
" aap baithiye bhabhi " maine anju ko bithaane ke baad ushe ek gilaas paani laakar pilaya aur fir bola," ab bataiye bhabhi ki aakhir baat kya hai "
" karan ke chacha-chachi jaaydaad ke liye meri dusri shaadi karana chahte hai " anju ne subakte huve kaha.
" kya " mere hontho se nikla.
uske baad maine kaafi der tak karan ke chacha-chachi aur gaanv ke logo ko samjhaane ki koshish ki lekin vo log nahi maane, unki aur sabhi gaanv vaalo ki

roodhivaadi soch yahi kehti thi ki ek vidhva ko ghar me bithaaye rakhna apshagun hota hai, aur fir aakhir mai haar gaya. anju ki shaadi sameer se fix kar di

gayi.

------------------------------

anju ke shaadi vaale din mai utha to baahar fir se shor ho raha tha, mai bhaagkar baahar aaya to pata chala ki anju bhabhi ne kuve me koodkar khudkhushi

kar li thi, mai kuch na bola aur apne ghar aa gaya aur sochne laga ki ye kiski jeet hai aur kiski haar hai, ye dakiyanusi samaaj aur uske banaye ghatiya niyam

na jaane aur kitno ki jaan lenge, anju bhabhi ne to apne pyar ko beijjat nahi hone diya, aakhir vo jeet hi gayi aur ye samaaj haar gaya, ye is samaaj ke munh

par ek karara tamacha hai lekin kya isse kuch fark padega, is sawaal ka jawaab mere paas to kya shayad kisi ke bhi paas nahi tha.
agle din anju bhabhi ki antyeshti ke liye jab unhe le jaaya jaa raha tha to mai apne ghar ke baahar chabootare par baitha unhe jaata hua dekh raha tha, mai

tab tak unhe dekhta raha jab tak ki ve meri aankho se ojhal na ho gayi, tabhi kisi ne mere kandhe par haath rakha, maine peeche mudkar dekha to mere halak

se ek cheekh ubal padi.
mujhe apni aankho par vishvaas nahi ho raha tha, mere saamne baisaakhi ke sahare khada karan muskura raha tha.
usne mujhe bataya ki vo mara nahi tha balki dushman sipaahiyo dwara pakad liya gaya tha, uski taang me goli lagi thi, aur uchit samay par chikitsa na

milne ki vajah se uski taang kaatni padi thi. aur jab dono desho ne ek-dusre ke pakde huve sainiko ko chhoda to vo bhi vaapis apne desh aa gaya.
lekin jab maine ushe saari baat batayi to uski muskurahat pal bhar me hi gaayab ho gayi.

-------------------------------

anju bhabhi ka shav dhu..dhu.. karke jal raha tha, saari prakriya ke douraan karan khaamosh sa jad hokar ek jagah baitha tha, fir achanak hi vah thahaka

lagakar hans pada aur upar ki taraf uthte huve dhuve ki taraf ishaara karta hua bola," vo dekho, meri anju jaa rahi hai, jaalimo ke shikanje se door,

hamesha-hamesha ke liye, ha..ha...ha... ab ushe koyi tang nahi karega... "
us ghatna ke baad se karan apna maansik santulan kho baitha, ab aksar ushe gaanv ki galiyo me thahaka maarkar hanste huve aur ye kehte huve suna jaa

skata tha," meri anju jaalimo ke shikanje se door jaa rahi hai, vo dekho... "
us thahake ko sunkar mai aksar sochta tha ki isme kiska kasoor tha, anju bhabhi ka, nahi, unhone vahi kiya jo unhe karna chahiye tha, karan ka, nahi, vo to

majboor tha, to kya mera, haan, mera hi kasoor tha is sab me, agar maine thodi se himmat aur dikhaayi hoti aur anju bhabhi ka saath diya hota to shaayad

aaj ye din dekhna na padta. shaayad aaj mera dost karan apna maansik santulan na khota, shaayad aaj anju bhabhi jinda hoti.
" ha....ha...ha... " vaatavaran me ek baar fir se karan ke thahake goonj uthe.

THE END

 

[The Immortal]

Writer - Sandip Patel
Story - TUM BIN ​

Sheher ke public garden me apne private pal ko enjoy karte huye arman aur anjali ped aur paudho ke beech dhalte huye suraj ki halki roshni me apne future ke bare me sapne dekh rahe the. Dono ki engagement abhi 6 month pehle hi huyi thi.

Last year of college……

Armaan aur anjali dono acche actor the. Aur har saal hone wale drama competition me dono ko dekhne ke liye pura college wait karta tha. kai baar aisa bhi hota tha jab drama me armaan apni kuchh lines add kar deta tha aur hero style me hi jaise anjali ko keh raha ho aise stage par bol deta tha. aur iske baad anjali bhi gussa hoti thi kyuki line change karne ke baad vo khud confuse ho jati thi.

Armaan ki ek ke baad ek dialogues bol ne ki adaa par waha bethe sab log uspar fidaa ho jate the, khas karke ladkiyaa. Anjali ko to acting karne ki bhi jarurat nahi padti thi kyuki vo jab stage par aati thi tab usko dekh kar waha bethe saare ladko ki dhadakane bandh ho jaati thi. pichhle do saalo se armaan-anjali ki Jodi hi 1st prize jit rahi thi aur sabko iss baar bhi confidence tha ki dono ki Jodi iss baar bhi hat-trick lagayegi.

Iss baar bhi jaise armaan apni adakari se sabke dilo pe chha jaane wala tha. anjali ka character ‘puja’naam ki ladki ka tha drama ke ‘climax’ scene me usne emotional hote huye bolna chalu kiya.

“sir, main apki beti ko dil-o-jaan se pyaar karta hu. Puja ke bina ki zindagi ki main kabhi kalpana bhi nahi kar sakta hu. Agar mujhe puja nahi mili to main paagal ho jaaunga. Apne ghar ko chhod kar sirf main uska naam lete huye galiyon me ghumta rahunga, thik ussi tarah se jaise heer ki yaad me ranjha , sheerin ki yaad me frahaad aur laila ki judai me majnu bahtakta tha. main apke samne apki beti ki bheekh mangta hu, meri zindgi ko gulzaar bana do sir, please…..main apko vachan deta hu ki puja ko main apne dil me sama ke rakhuga aur apni palko pe bichha ke rakhuga”

Drama khatam hote hi pura hall taaliyo ki awaz se gunz utha.Aur jab result announce hua to armaan aur anjali ki team ko 1st prize mila. Sab log dono ko congratulate kar rahe the. Par armaan ne kuchh aur hi soch rakha tha.wo anjali ko bahar ki taraf kone me lekar gaya aur bola,‘anjali, aaj main apne dil ki baat tumko batane wala hu. Pata nahi kab tum mere dil me bas gayi drama karte karte. Aaj maine job hi dialogues climax mein bole the vo sacche dil se bole the tumhare liye bole the. Main koi acting nahi kar raha tha. main tumko bata nahi paa raha tha par aaj nahi to kabhi nahi bata paata tumhe. I love you, anjali’.
Arman main bhi tumko pyaar karti hu aur aaj tumne izhaar kar diya hai to main bhala kaise naa bol sakti hu, anjali ne kaha aur uske gale lag gayi.
Aur uske baad dono ke parents ko bhi unke rishte se koi problem nahi hua. Aur college khatam hone ke baad unki engagement bhi ho gayi.

Present time……..

Garden me baithe huye armaan ne anjali ke hath ko khichte huye kaha, arre… mere pass aao na, itni dur kyu bethi ho.

Isko tum dur bolte ho…. Itni pass to hu, anjali ne haste huye kaha.

Anjali ko pass pakar armaan apna kabu kho betha aur usko khick kar apni baho me bhar liya. Par anjali ke muh se cheekh nikal padi.

Kya hua…. Tum thik to ho, armaan ne chinta bhare swar me kaha.

Kuchh nahi tumne mujhe aise achanak khicha isiliye meri kamar me dard hua.

Uss waqt agar armaan ne anjali ke chehre par dekha hota to pata chal jaata ke anjali juth bol rahi hai. Anjali ki ankho me ansu aa gaye the usko sach me dard hua tha par dard kamar par nahi kahi aur hua tha.

Waise armaan bhi koi baccha nahi tha, uska bhi dhyan gaya hi.


Anjali, tumko kamar me dard hua tha to pet pakad kar kyu bethi ho?, armaan ne uski taraf dekhte huye kaha.

Na…nahi… maine kaha pet par hath rakha hai… vo to bas aise hi, anjali ne apne dard ko kabu me rakh kar aur nam ankho ke sath bhi haste huye kaha.

Dono waha se ghar jeene ke liye nikal pade. Vo sham bhi dhal gayi… aur raat khil gayi.ghar pahuchne ke baad anjali seedhe apne bedroom mein jaakar rone lagi. Uska aaaz sunkar uski maa aur bahen waha pahuch gayi.

Kya hua didi, anjali ki bahen shruti ne puchha.

Shruti aaj me baal baal bachi hu. Main armaan ke sath baithi thi ke tabhi mujhe pet me jordar dard hone laga aur usne mujhe puchha to maine juth bolkar baat badal di, anjali ne rote huye kaha.

Beta, kab tak aap yuhi juth bolti rahegi armaan se?, anjali ki maa ne kaha.

Nahi, main sab baat usko eksath nahi bata sakti. Tum nahi jaanti maa ki armaan mujhe kitna pyaar karta hai.usko sach pata chalega to vo zinda nahi reh paayega, anjali ne kaha.

Anjali roti rahi aur uski maa aur bahen usko samjate rahe. Waise to pichhle 2 mahino se yeh chaal, abhinay, aur juth ki lukka chhupi chal rahi thi. anjali ko pet mein hota hua karara dard akhir me kisi gambhir beemari ke test tak pahuch gayi thi. family doctor se chalu hua silsila super specialist doctor tak jaa ke khatam hua tha, aur anjali ki zindagi ka safar rukne par khatam hua tha.

Bahut hi costly investigations ke baad dr. Sharma ne kaha tha ki, anjali be, a brave girl! Tumko ovarian malignancy hai.

Matlab?, anjali ne puchha.

Normal bhasha me kahe to iska matlab hota hai “andashay ka cancer”. Females me ye dikhne wala bahut hi khatarnak cancer hai.aur afsos iss baat ka hai ki tumhare pet me ye cancer aage tak ke stage me ja chuka hai. Par phir bhi 5% jitna chance ho sakta hai tumhare bachne ka par reports aane ke baad hi pata chalega. Par meri maano to ye bhi mushkil hai beta. Matlab tumhare pass kuchh hi mahine bache hai. Good luck my girl.

Dr.sharma bahut strict aadmi the. Kitna bhi mushkil test kyu na ho kabhi bhi patient se nahi chhupate the. Vo apne patient ko andhere me nahi rakhte the. Par 23 years ki khubsurat anjali ko ye baat batate waqt vo bhi thode emotional ho gaye the.

Anjali kuchh bhi karke ye sacchai armaan ko batana chahti thi. dusre din jab dono mile to anjali ne kaha, armaan main tumhe kuchh batana chahti hu, please himmat rakh kar….

Abhi anjali itna hi boli thi ke armaan ke muh se cheekh nikal gayi. Anjali kuchh samjhti uske pehle hi armaan ne uska hath pakad kar uske taraf kheech liya. Armaan buri tarah haaf raha tha. uski aankhe darr ki wajah se fati reh gayi thi.

Kya hua armaan, tumne mujhe aise kyu…..

Oh god!… main bach gaya anjali. Tumhare peeche saanp tha. main thodi der late hua hota to tumko das gaya hota. Dekho vo us ped ki taraf chala gaya. Oh god! Main bach gaya. Armaan jaise bhagwan ka shukriya adaa kar raha ho waise asmaan me dekh raha tha.

Arre armaan tum kya bol rahe ho tumko malum hai…. Saanp ne mujhe kaat kiya hota to main mar…

Anjali ki baat ko beech me se katate huye armaan bola….

Please anjali aage kuchh mat bolna. Jis din tum iss duniya mein nahi rahogi main bhi iss duniya main nahi rahuga. Tum meri life ho. Sach mein kahu to main bach gaya anjali, armaan uski taraf dekhte huye bola.

Armaan ki ankho me dikh raha besumaar pyaar dekhne ke baad anjali bhi cancer ki baat bol nahi paayi. Usne tay kar liya ki vo armaan ko dheere dheere, halke halke, hafte hafte, iss haqeeqat ke bare me bata kar arman ko mentally iss dukh aur dard keliye prepare kar degi.

Ek do baar anjali ne apni iss baat ko ghuma phira kar kahne ki koshish bhi ki… ‘ meri ek saheli hai. Sirf 22 years ki hai. Usko blood cancer hua hai. Doctor ne to bata diya hai ki….
Bas, rehne do! Mujhe aisi baat nahi sunanai hai. Kisi ki yuvani main hi maut ki baat sunkar hi mujhe kuchh ho jaata hai. Kharab baato se soch bhi kharab hoti hai.kuchh achhi baat karo, armaan bhi anjali ki baat ko beech se katate huye kehta.
Anjali samjh gayi thi ke jaha sachha aur gehra pyaar hota hai waha maut ki khabar bhi maut laa deti hai. Ab bahut shanty se, soch samajh kar, hi armaan ko ye baat batani padegi. ‘zor ka jhatka dheere se lage’ aisa kuchh sochna padega.

********

Anjali apne parents ke sath dr. Sharma ke samne baithi huyi thi.dr. Sharma ke chehre par khushi dikh rahi thi.

Waise mujhe bhi yakeen nahi ho raha hai par ye sach hai ashok ji ke apki beti ki reports positive hai, dr. Sharma ne kaha.

Matlab main theek ho sakti hu, anjali ne utsukta se puchha.

Ji bilkul…. Thoda time lagega aur banglore ke ek bade surgeon ke sath baat huyi hai aur positive response mila hai unki puri team operation karegi tumhara aur isi bare mein main baat karna chahta tha.

Dr. Sharma ne unko reports dikhaye aur kaha ki ‘ashok ji, anjali lucky hai ki uski jaan bach sakti hai par haa thoda time lagega puri tarah se iss me se bahar nikalne ke liye.

Aap tension mat lijiye sir, main armaan ke liye jeena chahti hu. Mere bina vo nahi jee paayega. Kaise bhi karke mujhe zinda rehna hai, anjali ne rote huye kaha.

Ok…. Next week se hi tum under treatment rahogi. Aur bahut jald tum theek ho jaaogi. Be brave my girl, dr. Sharma ne anjali ko himmat dete huye kaha.

*******

Ussi din sham ko anjali behad khush thi vo aur armaan aaj sham ko milne wale the. Aur vo armaan ko batana chahti thi ke ab vo zinda reh payegi. Armaan out of the town tha. aur sham 5 baje tak aane wala tha aur seedha anjali ko wohi garden me milne wala tha.

Par niyati ko shayad kuchh aur hi manjur tha. sham ke lagbhag 4:30 baje anjali ko news mile ki road accident me armaan ki car ka truck ke sath accident hua hai. Aur armaan ki maut ghatna sthal par hi ho gayi hai.

Ye news sunte hi anjali ko laga ki vo abhi behosh ho jaayegi. Uski ankho me se ansu aane lage.uska dimaag jaise bandh ho gaya tha. vo soch bhi nahi sakti thi ke aisa hoga.

Aaj vo zinda thi to uska pyaar uske sath nahi tha.jab maut samne thi tab armaan ke liye jeena chahti thi aur aaj jab zindagi saamne hai to armaan hi nahi raha tha.

Armaan ki maut huye 10 din baad bhi anjali ka bura haal tha.baar baar uske dimaag me yahi thought aa raha tha ki main bhi zinda rehna nahi chahti hu.par aaj usne faisla kar liya tha ki vo sirf armaan ki yado ke sath zinda rahegi, yeh nayi zindagi usko mili hai wo armaan ki hai meri nahi. Vo khud apni zindagi mujhe de kar chala gaya hai.
Insaan ‘zor ka jhatka dheere se lage’ uska plan karta rehta hai par bhagwan kabhi kabhi ‘zor ka jhatka zor se’ laga deta hai. Yahi baat anjali aur armaan ki zindagi me huyi thi. par anjali ne uski mili huyi life ko armaan ki life samjh ke uski yado me uske pyaar me jeene ka faisla kar liya tha. vo nahi chahti thi ke uski wajah se armaan ki atma ko dukh ho. Vo kabhi kisi aur ki nahi hona chahti thi. bas armaan ki hi rehna chahti thi.

Jis jis ne muhabbat mein,
Apne mehboob ko khuda kar diya,
Khuda ne apne wajood ko bachane ke liye ,
Unko juda kar diya!


THE END

 

[rahul.das]

Hello, Ladies  & Gentleman, 
We are so glad to Introduce Ultimate Story Contest of this year.

Jaise ki aap sabhi Jante Hain is baar Hum USC contest chala rahe hain aur Kuch Din pahle hi Humne Rules & Queries Thread ka announce kar diya tha aur ab Ultimate Story Contest ka Entry Thread air kar diya hai jo 10th, June 2020, 11:59 PM ko close hoga.

Khair ab main point Par Aate Hain Jaisa ki entry thread aired ho chuka hai isliye aap Sabhi readers aur writers se Meri personally request hai ki is contest mein aap Jarur participate kare aur Apni kalpnao ko shabdon ka rasta dikha ke yaha pesh kare ho sakta hai log use pasand kare.
Aur Jo readers nahi likhna chahte wo bakiyo ki story padhke review de sakte hai mujhe bahut Khushi Hogi agar aap is contest mein participate lekar apni story likhenge to.

Ye aap Sabhi Ke liye ek bahut hi sunhara avsar hai isliye Aage Bade aur apni Kalpanao ko shabdon Mein likhkar Duniya Ko dikha De.

Ye ek short story contest hai jisme Minimum 800 words se maximum 6000 words tak allowed hai itne hi words mein apni story complete Karni Hogi, Aur ek hi post mein complete karna hai aur Entry Thread mein post karna hai.
I hope aap mujhe niraash nahi Karenge aur is contest Mein Jarur participate Lenge.

Rules Check Karne k Liye Ye Thread Use karein :- Rules And Queries Thread

Entry Post Karne k Liye Ye thread Use Karein :- Entry Thread
Reviews Post Karne K liye Ye thread Use karein :- Reviews Thread
On Behalf of Admin Team
Regards :- Xforum Staff..

 

[Aakash.]

Hello Everyone
We are Happy to present to you The annual story contest of Xforum "The Ultimate Story Contest" (USC)..

Jaisa ki aap sabko maalum hai abhi pichle hafte he humne USC ki announcement ki hai or abhi kuch time Pehle Rules and Queries thread bhi open kiya hai or Chit chat thread toh pehle se he Hind section mein khulla hai.

Iske baare Mein thoda aapko btaadun ye ek short story contest hai jisme aap kissi bhi prefix ki short story post kar shaktey ho jo minimum 700 words and maximum 7000 words takk ho shakti hai. Isliye main aapko invitation deta hun ki aap Iss contest Mein apne khayaalon ko shabdon kaa Rupp dekar isme apni stories daalein jisko pura Xforum dekhega ye ek bahot acha kadam hoga aapke or aapki stories k liye kyunki USC Ki stories ko pure Xforum k readers read kartey hain.. Or jo readers likhna nahi caahtey woh bhi Iss contest Mein participate kar shaktey hain "Best Readers Award" k liye aapko bus karna ye hoga ki contest Mein posted stories ko read karke unke Uppar apne views dene honge.

Winning Writer's ko well deserved Awards milenge, uske aalwa aapko apna thread apne section mein sticky karne kaa mouka bhi milega Taaki aapka thread top par rahe uss dauraan. Isliye aapsab k liye ye ek behtareen mouka hai Xforum k sabhi readers k Uppar apni chaap chhodne ka or apni reach badhaane kaa.

Entry thread 7th February ko open hoga matlab aap 7 February se story daalna suru kar shaktey hain or woh thread 21st February takk open rahega Iss dauraan aap apni story daal shaktey hain. Isliye aap abhi se apni Kahaani likhna suru kardein toh aapke liye better rahega.

Koi bhi issue ho toh aap kissi bhi staff member ko Message kar shaktey hain..

Rules Check karne k liye Iss thread kaa use karein :- Rules And Queries Thread.

Contest k regarding Chit chat karne k liye Iss thread kaa use karein :- Chit Chat Thread.

Regards :Xforum Staff.

 

[Riky007]

PAAP

1 . SAFED LIBAAS

UPDATE 5

Agli subah jab meri aankh khuli toh vo ja chuki thi. Main khamoshi se utha toh man ajeeb tarah se bhaari thi.
Samajh nahi aa raha tha ke ye isliye tha ke maine apni biwi ko dhokha dete hue ek ajnabi ladki ke saath soya tha jo ek paap tha ya isliye ke vo ladki ab mere saath nahi thi aur main usko phir se dekhna chahta tha. Phir vahi paap karna chahta tha.
Sirf ye ehsaas ke vo ab mere paas nahi hai jaise meri jaan nikal raha tha. Pahadon mein ab bhi ajeeb sa sannata tha.
Bahar sooraj ab bhi nahi nikla tha. Chaaro taraf badal phele hue the. Maine uthkar apne kapde pehne aur bahar aakar phir andaze se us jagah ki taraf chal diya jahan maine usko pehli baar dekha tha. Na kuchh khaya, na munh dhoya, bas deewano ki tarah utha aur uski talash mein chal pada.
Vo ghar jahan ki usne bataya tha ke vo rehti thi ab bhi vahin tha. Meri jaan mein jaan aayi. Ghar ke bahar pahunch kar maine kunda khatkhataya.
Ek buddhi aurat ne darwaza khola. Haath mein ek danda jiske sahare vo jhuk kar chal rahi thi. Doosre haath mein ek mala jiska vo jaap kar rahi thi.
"Kahiye" Usne mujhse puchha
Maine usko bataya ke main ek ladki ko dhoondh raha tha. Huliya bataya aur tab mujhe ehsaas hua ke maine kal raat uska naam tak nahi puchha tha.
"Meri beti Aashiya?" Buddhi aurat ne boli
Maine bataya ke main naam nahi jaanta par phir se ladki ka huliya bataya.
"Haan meri beti Aashiya. Ek saal pehle aate toh shayad mil lete"
Main matlab nahi samjha.
"Usko mare toh ek saal ho gaya"
Main phir bhi matlab nahi samjha aur hairani se us aurat ko dekhne laga. Usne mujhe vahin ek ped ki taraf ishara kiya aur darwaza mere munh par band kar diya. Main kisi bevakoof ki taraf chalta us ped tak pahuncha.
Ped ke neeche ek kabar bani hui thi. Ek paththar par hindi aur urdu mein likha tha,
"Ashiya"
Aur naam ke neece likhi thi vo shayri jo usne kal raat mujhe sunai thi.
Faqat ek teri yaad mein sanam,
Na safar ke rahe, na watan ke rahe,
Bikhri laash ke is qadar tukde hain,
Na qafan ke rahe, na dafan ke rahe .
Maut ki tareeh aaj se theek ek saal pehle ki likhi hui thi.
Jab main vaapis guest house pahuncha toh bahar mujhe caretaker mila. Maine usko us ladki ke baare mein bataya jo kal mere saath aayi thi.
"Kaun si ladki sahab" Vo hairat se meri taraf dekhta bola "Aap toh akele aaye the"
Maine usko bataya ke vo ladki jisse main baat kar raha tha.
"Main toh samjha tha ke aap vo hanuman ji se baat kar rahe hain" Usne mere cottage ke thoda aage bani ek hanuman ji ki moorti ki taraf ishara kiya.
"Aap kal akele aaye the Sahab" Vo phir bola
Hawa mein ek ajeeb si khamoshi thi jaise kahin koi mar gaya ho aur saare ped, saari vaadiyan, saare pahad uska matam kar rahe hon. Meri aankhen bhar gayi aur kaleja munh ko aa gaya.
Main rona chahta tha. Dahade maar maar kar rona chahta tha.
Main usko haasil karna chahta tha. Phir usko pyaar karna chahta tha. Main uske saath hona chahta tha. Phir vahi Paap karna chahta tha.
"Usko toh mare ek saal ho gaya" Budhiya ki aawaz mere kaanon mein goonjh rahi thi.
"Aap kal akele aaye the sahab" Caretaker ki aawaz dimag mein ghantiyan baja rahi thi.
Mera dil aise udaas tha jaise mera jaane kya kho gaya ho, dil kiya ke chhati peetkar, dahade maarkar ro padun, apne kapde phaad doon, is pahad se kood kar apni jaan de doon.
Apni jaan de doon.
Aur madhoshi ke se aalam mein mere kadam pahad ke kone ki taraf chal pade, khaayi ki taraf....

THE END .

क्या उम्दा थ्रेड है ये, इसको तो स्टिकी होना चाहिए।

 

[Riky007]

PAAP

2. A FACE IN THE CROWD

UPDATE 4

Pasine ki boondein uske maathe se hoti uske chehre ko gila kar rahi thi. Chehra kya vo poora hi pasine mein nahaya hua tha. Dopahar sar par thi aur aaj toh garmi ne jaise hadh hi kar di thi.
"Choodi laal rang ki laaiyega. Vo zyada pasand hai aapki beti sahiba ko" Uski biwi ne use ghar se nikalte hue kaha tha.
Choodi bazar kehne ko toh ek lambi si gali hi tha par saara din yahan itni bheed hoti thi ke insaan ka dam ghut jaaye. Kabhi kisi zamane mein yahan sirf choodiyan mila karti thi par guzarte waqt ke saath dheere dheere yahan bikne wali cheezon ki variety mein bhi izaafa ho gaya tha.
Har tarah ka sasta maal yahan mil jaata tha aur isi vajah se yahan poora din chehal pehal rehti thi. Par ab bhi yahan ki khaasiyat yahan bikne wali choodiyan hi thi.
Choodiyon ke saath saath ek aur cheez thi jiski yahan full variety maujood thi aur vo thi auraten.
Agar auraton ko classify kiya jata toh shuru karne ke liye ye ek achhhi jagah thi kyunki yahan har umar ki, har size ki, har dharam ki aurat mil sakti thi.
Vo ek pal ke liye khada sochta raha aur phir bheed mein ghusta hua choodiyon ki dukaan dekhta hua aage badhne laga.
Vo shayad zindagi mein isse zyada kabhi confuse bhi kabhi nahi hua tha.
Bheed bahut zyada thi aur usse kahin zyada thi garmi aur usse bhi zyada insaan ki shareer se uthti gandh. Uska dil chah raha tha ke vo fauran us jagah se nikal jaaye par jis kaam ke liye aaya tha vo toh karna hi tha. Ab palat kar jaana bevakoofi thi aur uske liye ab dair bhi ho chuki thi.
Badi mushkil se aur kaafi der baad use ek dukaan mein kuchh chhodiyan pasand aayi.
Choodi lekar kuchh der baad vo choodi bazaar se bahar nikla aur bus stand par aakar khada ho gaya. Phir kuchh soch kar vo paidal hi aage ko chal pada. Haathon mein laal rang ki chhoti chhoti choodiyan thi. Aur vahan bazar mein jaane aur bhi kitni chhoti chhoti bachchiyan apne liye choodiyan pasand kar rahi thi.
Kaun hota kaun hai achha aadmi?
Kya vo achha aadmi hai jo apne bachche ka pet bharne ke liye doosre ke bachche ke munh se niwala chheen le? Ya vo achha aadmi hai jo doosre ke bachche se niwala na chheene aur apne bachche ko bhookha sula de?
Sadak ke kinare khadi ek gaadi ke bahar lage rear view mirror mein usne apni shakal dekhi par faisla nahi kar saka ke ab vo shakal ek achhe aadmi ki thi ya ek bure aadmi ki.
Kya aaj vo shakal ke aadmi ki shakal bhi thi?
Shayad nahi. Aaine mein jo nazar aa raha tha vo toh bas ek chehra tha. Hazaron ki bheed mein khoya ek chehra.Na achha na bura, thoda achha thoda bura ek chehra.
Aur aise chehron ki koi kami thode hi hai shehar mein. Zindagi aur waqt ki maar pade toh har chehra aisa hi dikhega jaisa aaj uska tha.
Chalte hue use kitni der ho chuki thi iska use andaza na hota agar uske phone ki ghanti na bajti toh. Jeb se usne apna purana sa mobile phone nikala.
"Hello" Call ek anjaan landline number se thi.
"Main bol rahi hoon" Aawaz uski biwi ki thi.
"Haan bolo"
"Main ye keh rahi thi ke aap choodiyan mat kharidna"
"Kyun?" Usne puchha "Maine toh le li"
"Achha le li aapne? Vo main pados ki kuchh auraton ke saath choodi bazar aayi thi toh main soch rahi thi ke aapko mana kar doon. Main khud hi le leti choodiyan. Aur yahan aapki bitiya rani ko pehna kar size ka bhi sahi pata chal jata"
"Tum choodi bazar mein ho?" Uske pairon ke neeche se jaise zameen khisak gayi.
Ek saath 3 cheezen nazar ke saamne ghoom gayi.
Uski biwi ka chehra.
Uski beti ka chehra.
Aur vo kaale rang ka bag jo vo choodi bazaar mein chhod kar aaya tha.
Isse pehle ke uski biwi ka jawab aata, phone par ek oonchi dhamake jaisi aawaz sunai di aur line kat gayi...

THE END

This man is really something

 

[The Immortal]

This man is really something

Isiliye toh log Aaj bhi yaad karte hain unhe .