PAAP
2. A FACE IN THE CROWD
UPDATE 4
Pasine ki boondein uske maathe se hoti uske chehre ko gila kar rahi thi. Chehra kya vo poora hi pasine mein nahaya hua tha. Dopahar sar par thi aur aaj toh garmi ne jaise hadh hi kar di thi.
"Choodi laal rang ki laaiyega. Vo zyada pasand hai aapki beti sahiba ko" Uski biwi ne use ghar se nikalte hue kaha tha.
Choodi bazar kehne ko toh ek lambi si gali hi tha par saara din yahan itni bheed hoti thi ke insaan ka dam ghut jaaye. Kabhi kisi zamane mein yahan sirf choodiyan mila karti thi par guzarte waqt ke saath dheere dheere yahan bikne wali cheezon ki variety mein bhi izaafa ho gaya tha.
Har tarah ka sasta maal yahan mil jaata tha aur isi vajah se yahan poora din chehal pehal rehti thi. Par ab bhi yahan ki khaasiyat yahan bikne wali choodiyan hi thi.
Choodiyon ke saath saath ek aur cheez thi jiski yahan full variety maujood thi aur vo thi auraten.
Agar auraton ko classify kiya jata toh shuru karne ke liye ye ek achhhi jagah thi kyunki yahan har umar ki, har size ki, har dharam ki aurat mil sakti thi.
Vo ek pal ke liye khada sochta raha aur phir bheed mein ghusta hua choodiyon ki dukaan dekhta hua aage badhne laga.
Vo shayad zindagi mein isse zyada kabhi confuse bhi kabhi nahi hua tha.
Bheed bahut zyada thi aur usse kahin zyada thi garmi aur usse bhi zyada insaan ki shareer se uthti gandh. Uska dil chah raha tha ke vo fauran us jagah se nikal jaaye par jis kaam ke liye aaya tha vo toh karna hi tha. Ab palat kar jaana bevakoofi thi aur uske liye ab dair bhi ho chuki thi.
Badi mushkil se aur kaafi der baad use ek dukaan mein kuchh chhodiyan pasand aayi.
Choodi lekar kuchh der baad vo choodi bazaar se bahar nikla aur bus stand par aakar khada ho gaya. Phir kuchh soch kar vo paidal hi aage ko chal pada. Haathon mein laal rang ki chhoti chhoti choodiyan thi. Aur vahan bazar mein jaane aur bhi kitni chhoti chhoti bachchiyan apne liye choodiyan pasand kar rahi thi.
Kaun hota kaun hai achha aadmi?
Kya vo achha aadmi hai jo apne bachche ka pet bharne ke liye doosre ke bachche ke munh se niwala chheen le? Ya vo achha aadmi hai jo doosre ke bachche se niwala na chheene aur apne bachche ko bhookha sula de?
Sadak ke kinare khadi ek gaadi ke bahar lage rear view mirror mein usne apni shakal dekhi par faisla nahi kar saka ke ab vo shakal ek achhe aadmi ki thi ya ek bure aadmi ki.
Kya aaj vo shakal ke aadmi ki shakal bhi thi?
Shayad nahi. Aaine mein jo nazar aa raha tha vo toh bas ek chehra tha. Hazaron ki bheed mein khoya ek chehra.Na achha na bura, thoda achha thoda bura ek chehra.
Aur aise chehron ki koi kami thode hi hai shehar mein. Zindagi aur waqt ki maar pade toh har chehra aisa hi dikhega jaisa aaj uska tha.
Chalte hue use kitni der ho chuki thi iska use andaza na hota agar uske phone ki ghanti na bajti toh. Jeb se usne apna purana sa mobile phone nikala.
"Hello" Call ek anjaan landline number se thi.
"Main bol rahi hoon" Aawaz uski biwi ki thi.
"Haan bolo"
"Main ye keh rahi thi ke aap choodiyan mat kharidna"
"Kyun?" Usne puchha "Maine toh le li"
"Achha le li aapne? Vo main pados ki kuchh auraton ke saath choodi bazar aayi thi toh main soch rahi thi ke aapko mana kar doon. Main khud hi le leti choodiyan. Aur yahan aapki bitiya rani ko pehna kar size ka bhi sahi pata chal jata"
"Tum choodi bazar mein ho?" Uske pairon ke neeche se jaise zameen khisak gayi.
Ek saath 3 cheezen nazar ke saamne ghoom gayi.
Uski biwi ka chehra.
Uski beti ka chehra.
Aur vo kaale rang ka bag jo vo choodi bazaar mein chhod kar aaya tha.
Isse pehle ke uski biwi ka jawab aata, phone par ek oonchi dhamake jaisi aawaz sunai di aur line kat gayi...
THE END
PAAP
3. MEHRAM
UPDATE 5
Neha kitaab ke aakhri page par thi aur aaj 10 saal baad vo guzra waqt jaise ek baar phir uske saamne aa khada hua tha.
Pichhle 5 saal mein vo ye kahani kam se kam 500 baar padh chuki thi aur kam se kam 1000 baar author ke liye phone kar chuki thi par har baar publishing company ye yahi jawab milta tha ke unke paas author ki koi personnal details nahi hain.
Kabhi kabhi insaan ke paas waqt hi waqt hota hai aur waqt ke siwa aur kuchh nahi hota. Aise hi haal mein Neha ne apni zindagi ke shuruati 25 saal guzare the. Andhepan ki maari vo aksar bas bethi yahi sochti rehti thi ke kaash vo dekh sakti toh kaisa hota. Sochne ke liye uske paas waqt hi waqt tha aur waqt guzare nahi guzarta tha.
Aur kabhi kabhi yun bhi hota hai ke waqt roke nahi rukta. Itni tezi se nikalta hai ke samajh nahi aata ke kya hua aur kya samajh aaya.
Nishit aakhri baar jab usse milne aaya toh kitna sahi andaza lagaya tha usne. Haan aisa hi toh tha.
Jab transplant ke baad uski aankhon ko roshni mili toh dil mein jaise kayi ummeeden thi par sabse badi khwahish thi Sameer ko dekhne ki. Apni khyaalon ki aankhon se usne hazaar baar apne us chahne wale ka chehra dekha tha, ek naksh banaya tha par jab haqeeat mein vo chehra uske saamne aaya toh vo bardasht nahi kar saki.
Us chehre ki kaali rangat aur vo band andar ko dabi hui aankhen, vo is baat ko bilkul bardasht nahi kar saki ke vo is shaksh se shaadi karna chahti thi aur zindagi bhar is chehre ko dekhne wali thi.
Par na hi vo sach batane ki himmat bhi kar saki. Bas berukhi se apna chehra doosri taraf ghuma liya aur Sameer se milna band kar diya.
Un dino uski zindagi mein kaafi kuchh naya ho raha tha. Vo pehli baar cheezen dekh rahi thi aur samajh rahi thi. Zindagi ek naye seere se shuru kar rahi thi. Zindagi se kaale rang ki chadar hat gayi aur uski duniya ab rangen ho chali thi. Kuchh arse baad hi vo Sameer ko is tarah bhool gayi jaise vo kabhi tha hi nahi.
Aur phir ek din use raaste mein Nishit mil gaya. Usne use bataya tha ke Sameer ka kisi ko koi ata pata nahi tha. Vo kahan gaya, kahan hai koi nahi janta, khud Nishit bhi nahi.
"Awesome. You should really try wrting professionally yaar. You have a gift, dont waste it. Kaafi kam log hote hain duniya mein jo shabdon ke saath mel betha paate hain. Tum aisa kar sakte ho toh apne shauk ko apna profession kyun nahi bana lete?"
Sameer ko kahi apni baat use aaj bhi yaad thi aur aaj uski apni kahani ek kitaab ke roop mein uske haath mein thi.
Kitaab ke aakhri page par likhi ghazal ko vo kai baar padh chuki thi aur har baar vo use apna mazak sa udati hui mehsoos hoti thi.
Kabhi sher-o-naghma banke,
Kabhi aansuon mein dhalke,
Vo mujhe mile toh lekin,
Mile sooraten badalke.
Ke ishq ki raah sakht,
Ke tumhare paon naazuk,
Na lo inteqaam mujhse,
Mere saath saath chalke.
Na toh hosh se rishta,
Na toh junoon se aashnai,
Ye kahan aa gaye ham,
Teri bazam se nikalke.
"Vo kabhi andha tha hi nahi. "Sight for Blinds" ham dono milkar chalate the. Ye jo aankhen liye ghoom rahi ho na, ye uski apni aankhen thi. Tumhein isliye di thi usne taaki tum usse shaadi kar lo. Kamal ki baat hai na, tumhein usse pyaar isliye hua kyunki tum use dekh nahi paati thi magar jab usi pyaar ko anjaam dene ke liye usne tumhein aankhen di toh tumne inkaar isliye kiya kyunki tab tum use dekh paati thi. Aur uska badappan dekho ke vo tumhein apne hisse ki roshni dekar khud andhere mein kho gaya aur ek baat jataya tak nahi " Nishit ki baat aaj bhi uske kaano mein goonj rahi thi..
THE END
PAAP
4. ISHQ
UPDATE 5
Mere aansoon roke nahi ruk rahe the. Sunil ke ghar se nikal kar apne ghar tak ka raasta maine paidal hi poora kiya. Mujhe hosh tak nahi tha ke mere aas paas kya ho raha hai. Bas bad-hawas si apne ghar ki taraf chalti rahi. Dimag mein hazaron baaten chal rahi thi aur kai purani baaton ke jawab ab mil rahe the.
"Isliye usne kabhi mujhe contact nahi kiya. Vo toh mere jaane ke ek hafte baad hi mar gaya tha. oH God !!!"
Meri aankhen bheegi hui thi aur mere side se guzarne wale kai log mujhe hairat se dekh rahe the ke main ro kyun rahi hoon.
Par un sabse bekhabar badhawas main apne ghar ki taraf badhti ja rahi thi.
"Toh vo ladka kaun tha?" Achanak mujhe gate par khade us ladke ka khyaal aaya. Jis tarah se vo mujhe dekh raha tha aur jis tarah se uski shakal milti hai, maine decide kar liya tha ke kal school jakar sabse pehle us ladke ka pata karungi.
Mujhe pata nahi ke main kitni der chali par aakhir main apne ghar pahunchi. Lawn se hoti hui main apne ghar ke darwaze ke paas pahunchi hi thi ke zameen par padi ek cheez ne mera dhyaan apni taraf khincha.
Mere darwaze ke theek saamne ek laal rang ki kitaab rakhi hui thi. Maine use uthakar khola toh aisa laga jaise mere pairon ke neeche se zameen khisak gayi ho.
Ye uski slam book thi jo usne mujhse tab bharvayi thi jab ham aakhri baar mile the. Pehli page par meri likhi hui baaten hi aur poori slam book mein ek sirf meri hi entry thi.
"Ye yahan kaise aayi?"
Sochte hue main hairat se uske pages hi palat rahi thi ke apne pichhe hui aahat se main palti aur vo theek mere pichhe khada tha. School uniform pehne jaise vo mujhe gate ke paas dikha tha, ab bhi usi uniform mein tha.
Vo aaj bhi bilkul nahi badla tha. Bilkul vaisa hi tha.
Balki jab maine gaur se use dekha to vo bilkul vaisa tha jaisa ke main aakhri baar use chhod kar gayi thi. Jab vo aakhri baar mujhse mila tha. Aaj usko yun dekh rahi thi toh ek ek karke saari baaten yaad aa rahi thi.
Us din uski ek anguli par band-aid thi jo aaj bhi vahin maujood thi. Uske maathe ke uper right side mein ek kharonch thi jo aaj bhi thi. Uski shirt ka ek button toota hua tha jisko lekar maine use daanta bhi tha, vo button aaj bhi toota hua tha. Usne pehli baar shave karne ki koshish ki thi aur bade hi bedhange tarike se ki thi, vahi shave aaj bhi uske chehre par thi. Us din jaldi mein vo school shoes ki jagah ghar wale brown joote pehen aaya tha aur vo aaj bhi uske pairon mein the. Vahi shirt, vahi trouser, sab kuchh vahi.
Hairat se maine use uper se neeche tak dekha aur phir slam book ki taraf dekha. Usmein meri likhi hui line aaj bhi maujood thi,
"Main tumse bahut pyaar karti hoon. You are my first love and i will always love you. Tum duniya ke sabse cute ladke ho, you are the best in the world. Main nahi jaanti ke tum mujhse pyaar karte ho ya nahi, par agar karte ho toh mere liye 2 kaam karoge?
DONT EVER CHANGE AND WAIT FOR ME"
THE END
PAAP
5. DERA
UPDATE 5
"What do you think of the story?" Raat ko sote hue Sandhya ne mujhse sawal kiya
"Whats there to think of it. Bakwaas baaten hain" Maine jawab diya
"Hmmm" Sandhya ne haami bhari.
"I mean come on yaar. Simple sa logic hai. Hamare shareer mein bhi toh ek aatma hai toh aisa kaise ho sakta hai ke ek bahar ki aatma hamen maar de ya hamare shareer mein ghus jaaye? Hamari aatma us waqt kya tel lene gayi hoti hai? Why cant our own aatma defend its body?" Main bola.
"Maine kahin suna tha ke aatma mein bhi strong weak wala funda hota hai" Sandhya boli " Ke strong wali aatma weak wali aatma ko dabati hai"
"Come on yaar. Aadmi ko kya marte hi darane aur maarne ya khoon pine ki bimari ho jaati hai ke aatma bante hi he goes on a killing rampage?"
"Point" Sandhya boli "Vaise maine ye bhi suna hai ke bure logon ki aatma hi hoti hain jo doosro ko nuksaan pahunchati hain" Vo apne baalon mein kangha karti hui boli.
"Whatever. So jao ab aur mujhe bhi sone do. I need to go out for a early morning shoot"
"Ok. Good night" Sandya ne jawab diya.
Thodi hi der baad ham kamre ki lights off karke so chuke the. Mukesh bagal ke hi kamre mein already ghode bechkar so chuka tha. Main bhi poore din ka thaka hua tha isliye aankhen band karte hi neend aa gayi.
Mujhe waqt ka sahi andaza nahi tha par kisi aawaz par meri aankh khuli par neend poori nahi tooti. Neend ka khumaar tha aur kamre mein ghup andhera tha. Maine pal bhar ke liye aankh kholi aur phir karwat lekar aankhen band kar li.
Neend ke aagosh mein jaane se theek pehle mujhe Sandhya ki taraf se aawaz aati sunai di. Vo hindi mein ginti gin rahi thi.
"55, 56, 57, 58, 59, 60, 61, 62"
"Kya hua, neend nahi aa rahi? Maine puchha. Vo shayad so nahi pa rahi thi aur sone ki koshish mein ginti gin rahi thi, Par mere sawal ka usne koi jawab nahi diya aur main bhi jawab ka intezaar kiye bina phir so gaya.
Ek baar phir raat ko kisi aahat par meri aankh khuli. Kamre mein ab bhi ghup andhera tha. Main aankhen malta hua sidha hokar leta aur Sandhya ki taraf haath badhaya.
Vo bistar par apni jagah nahi thi. Bed par sirf main tha.
"Sandhya? Maine aawaz di aur jawab bhi ek baar mujhe phir ginti ginne ki aawaz sunai di.
"6786, 6787, 6788, 6789, 6790, 6791 ....."
"Kya kar rahi ho ab tak? Neend nahi aa rahi hai?" Kehta hue maine apni taraf table par rakha lamp on kiya aur meri aankhen phati ki phati reh gayi.
Night lamp ki roshni kaafi halki thi aur usmein jitna aur jo mujhe nazar aaya vo main bata nahi sakta. Kamre ke ek kone mein kuchh tha, kya tha main nahi janta.
Roshni uske sirf chehre par padi, agar use sirf chehra kaha ja sake toh.
Jis tarah se kisi phate purane kapde ko lekar ek chehre jaisa mask bana diya jaaye vaise hi chehra. Bedhangi naak, kahin se tight toh kahin se latke hue gaal, hadh se zyada lambi thodi (chin), aur in sabke beech ek ajeeb si line. Jaise in sab cheezon ko aapas mein rakh kar joda gaya ho kisi cheez se, ya sil diya gaya ho aur silai ka
nishan saaf dikh raha ho.
Aur tabhi mera dhyaan uski aankhon ki taraf gaya. Us halki si roshni mein bhi uski aankhon mein farak bataya ja sakta tha. Ek aankh thodi chhoti thi par doosri badi thi, bahut badi aur hadh se zyada laal. Jaise do alag alag logon ki aankhon ko saath mein rakh diya gaya ho.
Meri nazar us nazar se mili. Maine unhen aur un aankhon ne mujhe dekha. Phir jaane kya hua par main apne hosh kho betha aur kuchh yaad nahi raha.
Jab subah mujhe hosh aaya toh hotel mein hadkamp macha hua tha. Chaaro taraf police hi police thi. Main uthkar betha aur chaaro taraf dekha. Mukesh mere bed ke paas hi sar pakde betha tha.
"Mukesh" Maine uthte hue kaha "Sandhya kahan hain?"
Mujhe bataya gaya ke meri biwi ki kal raat bahut hi dard naak tarike se hatya kar di gayi thi.
"Maine aapko mana kiya tha na sahab, kaha tha ke Dere ki taraf mat jana" Caretaker paas hi khada ro raha tha. "Usne dekh liya aapki biwi ko aur le gayi jo use pasand aaya"
Mujhe ye bhi bataya gaya ke police ko meri biwi ke khoon mein kuchh pairon ke nishan mile hain aur daayen paon ka angutha gayab hai, sirf 4 anguliyon ke nishan hain.
Shinakht ke liye mujhe Sandhya ki laash dikhai gayi toh mera rona chhut pada. Uske sar ko kaat kar shareer se alag kar diya gaya tha. Hairat wali baat thi ke uske sar par ek bhi baal nahi tha. Poore sar par zakhm ke nishan bane hue the, jaise kisi ne baal noch noch kar nikale hon.
Aur tabhi mujhe raat ki sunai di vo ginti yaad aayi.
"6786, 6787, 6788, 6789, 6790, 6791 ....."
Jaise koi bade dhyaan se dheere dheere ek ek karke ek ek baal noch raha ho aur gin raha ho.
THE END
PAAP
6. THE MAID
UPDATE 2
"Shit man " Maine apne aap se kaha aur khana garam karne laga. Kuchh der baad hi vo apne haath mein ek pillow aur chadar uthaye aayi aur basement ka darwaza khol kar seedhiyan utar kar neeche chali gayi.
"Chalo achha hai ke ye neeche Basement mein rehti hai. At least raat bhar hamari aawazen toh nahi sunegi" Maine dil hi dil mein socha aur khana garam karke phir Rachna ke room mein pahuncha.
"We were too loud yaar" Maine use kaha
"I know ... Bahut chillane lagti hoon na main?" Vo bhi sharminda si hoti meri taraf dekhne lagi
Main use batane hi wala tha ke neeche vo ladki sab sun rahi thi ke mujhse pehle Rachna bol padi.
"You didnt get the spoons?"
Tab maine dekha ke main spoons neeche hi chhod aaya tha.
"Hold on. Main le aati hoon. Haath bhi dhone hain mujhe" Kehkar vo bistar se uthi aur neeche chali gayi.
Main betha uska intezaar hi kar raha tha ke koi 10 minute baad ek bartan girne aur phir Rachna ke chillane ki aawaz aayi. Main fauran bistar se utra aur neeche ki taraf bhaga.
"You ok baby?" Kehta hua main neeche aaya aur Drawing room mein jo dekha, vo dekh kar meri saans uper ki uper aur neeche ki neeche reh gayi.
Rachna neeche zameen par ulti padi thi aur vo kaam karne wali ladki uski kamar par chadhi bethi thi. Ek haath se usne Rachna ke baal pakad rakhe the aur doosre haath se ek chaaku uski gardan par chala rahi thi, jaise koi bakra halal kar rahi ho.
Mere munh se cheekh nikal gayi.
Mere chillane ki aawaz sunkar vo meri taraf palti aur apne haatk ko ek jhatka diya. Agle hi pal Rachna ki gardan kat kar dhad se alag ho uske haath mein aa gayi.
Mere munh se phir cheekh nikal gayi.
"Hee hee hee hee !!" Is baar meri cheekh ke jawab mein vo hasti hui kata hua sar liye phir Basement ka darwaza khol kar neeche bhaag gayi.
Main kuchh der vahan khada Rachna ki sar kati laash dekhta raha. Tabhi Basement ka darwaza phir khula aur vo phir chaaku liye bahar nikli. Is baar maine bhaag kar apne aapko bathroom mein band kar liya aur tab tak vahin raha jab tak ke police walo ne darwaza tod nahi diya.
"Kya hua? What happened here?" Kuchh der baad ek policewala meri aankhon mein torch marta hua chilla kar mujhse puchh raha tha. Mere saamne hi Rachna ke mom dad bethe ro rahe the aur mujhe dekh rahe the.
"Your maid killed her. Us ladki ne maar dala use"
Vo dono hairat se meri taraf dekhne lage.
"What maid? Hamne is ghar mein filhal koi maid rakhi hi nahi hai. Dhoondh rahe hain ab tak" Uske baap ka jawab aaya
"Kya bakte ho?" Main lagbhag chilla pada "Toh vo kaun hai jo neeche basement mein rehti hai?"
Is baar Rachna ke mom dad ke saath policewale bhi mujhe hairat se dekhne lage.
"Kaun sa basement?" Ek policewala bola "Is ghar mein toh koi basement hai hi nahi"
THE END
PAAP
7. KHAUFF
UPDATE 8
Tabhi meri chhati mein ek tez takleef uthi. Meri khaansi jo ab tak saamne nahi aayi thi ab phir se uth rahi thi.
Aur khaansi ke saath saath mere pet mein phir se uthi takleef ne mujhe phir yaad dilaya ke mujhe bathroom mein jana hai. Maine darr ke maare apni aankhen phir band kar li kyunki main janta tha ke khaansne ka matlab hai uska dhyaan apni taraf khinchna.
Vo samajh jaayega ke main jaag raha hoon aur phir uske baad jo karega, uske darr se maine apni khaansi ko dabaya aur apni aankhen band kar li.
Kamre mein badi der tak deewar par ghisatne ki aawazen aati rahi par meri phir aankhen kholne ki himmat nahi hui.
Main bas chup pada intezaar karta raha. Kis cheez ka, ye main khud bhi nahi janta tha.
Aise hi lete lete mujhe 2 ghante se zyada ho gaye the. Drawing room ke antique ghante ne subah ke 3 baja diye the. Kamre mein ab bas uski saans lene ki aawaz sunai de rahi thi jisse mujhe pata chal raha tha ke vo ab bhi kamre mein hai. Kya kar raha hai, ye main nahi janta tha.
Meri tarah jaise vo bhi kisi baat ka intezaar kar raha tha.
Mujhe ab bhi samajh nahi aa raha tha ke kya karun. Kamre mein khoon ki gandh pheli hui thi aur mujhe toh jaise darr ke maare lakwa maar gaya tha. Khaansi aur peshab, dono ko maine badi mushkil se rok raka tha kyunki main janta tha ke jis pal maine ye jataya ke main so nahi raha hoon, main usi pal khatam ho jaoonga.
Main yahin maroonga aur aas paas mujhe bachane wala koi nahi hai.
Itni der sochne ke baad bhi mujhe bachav ka koi rasta samajh nahi aa raha tha. Sirf ek hi rasta tha. Uthkar achanak bahar darwaze ki taraf bhaagun aur zor zor se shor machaoon. Is ummeed par ke padosi is baar meri cheekh sun kar toh aa hi Jaayenge.
Khatra hai par bas yahi ek rasta hai mere paas. Main uthkar achanak bhaga toh vo
mujhe pakad nahi paayega kyunki sote hue insaan achanak uthkar bhaag nahi lete.
Agar yahan leta raha toh pakka mara jaoonga kyunki ye jo kuchh bhi hai, mere jaagne ka hi intezaar kar raha hai. Intezaar kar raha hai ke main jaagun, aur iski painting dekhun. Khoon se sana ye kamra dekhun jiske baad ye mujhe maar kar apni painting poori kar sake.
Darte darte maine apni phir halki si apni aankhen kholi. Kamre mein andhera tha isliye ek pal ke liye toh kuchh nazar hi nahi aaya par phir dheere dheere aankhen andhere ki aadi hone lagi aur mujhe dikhai dene laga.
Uski saans ki aawaz aa rahi thi. Main janta tha ke vo kamre mein hai par nazar nahi aa raha tha. Main kamre mein nazar phirane laga is ummeed ke saath ke shayad vo andhere mein kahin kisi kone mein dikh jaaye toh mujhe pata ho ke vo kahan ho.
Tabhi meri nazar deewar par padi jahan vo mere maan baap ke khoon se kuchh bana raha tha.
Mujhe ab andhere mein dikhai dene laga tha. Vo us waqt kuchh bana nahi raha tha, likh raha tha jise padhne se pehle hi maine apni aankhen band kar li thi. Laal khoon se safed deewar par bada bada likha hua tha .....
"Kab tak sone ka natak karega?"
THE END.
PAAP
8. AISA BHI HOTA HAI
UPDATE 5
"Ok"
Maine kaha aur kuchh der tak yun hi uski gaand par haath tikaye khada raha. Pent ke andar mera lund ekdum tight khada hua tha aur kyunki vo mujhse lipti hui thi, isliye uske jism ko chhu raha tha.
"Ek baar dabao" Uski aawaz mere kaan mein padi. Vo kis baare mein baat kar rahi thi main nahi janta par uski baat sunte hi maine vo kaam kiya jo main karna chah raha tha.
Uski gaand ko thoda aur mazbooti se pakad kar maine apne lund ko uske jism ke saath dabaya.
"Aaaahhhh" Uske munh se aawaz aayi aur mere gale mein baahen daale vo mere gale ko choomne lagi. Mere liye ye jaise green signal jaisa tha. Ab saare parde uth chuke the, har maryada khatam ho chuki thi. Maine uski gaand ko achhe se pakda, apne ghutne thoda neeche kiye aur apne lund ko sidha kapdo ke uper se uski choot
par dabane laga.
Is saare dauran usne ek baar bhi mujhe rokne ya kuchh kehne ki koshish nahi ki. Vo chup chap mujhse lipti khadi rahi aur maine apna lund uski choot par dabata raha, ghista raha.
"Saahil main gir jaoongi" Usne kaha toh maine dhyaan diya ke josh josh mein main uski gaand pakad kar usko halka sa hawa mein utha de raha tha.
"Nahi girogi. Tum meri baahon mein ho" Kehte hue maine use ped se lagaya aur phir lund ko uski choot par ghisne laga.
"Saahil, kuchh chubh raha hai" Vo boli par maine dhyaan nahi diya
Jab usne phir se yahi baat kahi toh main ruka. Mujhe laga vo keh rahi hai ke peeth par ped se lage hue kuchh chubh raha hai.
"Kya hai? Main ped ki taraf dekhta hua bola
"Yahan nahi. Neeche kuchh chubh raha hai" Uska ishara mere lund ki taraf tha
Maine koi jawab nahi diya aur is baar usko ghuma diya. Ab vo ped ki taraf munh kiye khadi thi aur main uski jhaangho ko pakde apna lund uski gaand par ragad raha tha.
Mere haath uski choot ke kaafi kareeb the aur ab tak sirf yahi hissa reh gaya tha jo maine chhua nahi tha.
Maine apna haath dheere se uper karte hue uski taango ke beech salwar ke uper se uski choot pakad li.
Vo aise uchhli ke ham dono hi girte girte bachi.
"Nahi please. Yahan haath mat laga" Kehte hue vo phir se neeche beth gayi.
Maine kuchh kehna ya sunna zaroori nahi samjha. Uske saath neeche bethte hue maine uske gale mein pada dupatta hata kar side mein rakh diya.
"Kya kar rahe ho?" Vo boli
Main khisak kar uske kareeb hua aur ek haath uske kameez ke gale mein daalte hue uski ek chhati pakad kar uper se hi bahar nikal li.
"Saahil" Usne fauran apni chhati andar ghusa li.
"Please" Maine kaha "Dekh toh li hi hai maine. Ek baar achhe se dekhne do"
Maine phir uski chhati pakad kar kameez ke gale se bahar nikal li.
"Saahil dono bahar nahi aayenge. Kameez tight hai." Jab maine doosri chhati bahar nikalne ki koshish ki toh vo dheere se boli.
Uski baat ansuni karte hue maine uski dono chhatiyan jitni ho saki kameez se bahar nikal li. Vo bhi shayad jaanti thi ke ab maine kya karunga isliye apni kohniyan tikate hue ghaas par halki se let si gayi.
Aur tab mujhe vo nishan nazar aaya.
Uske nipple ke chaaro taraf bane hue brown color ke aerola se thoda sa pare kaale rang ka nish. Ek gol nishan jo poora kala tha par ek tihaai laal.
"Ye kya hai?" Maine puchha
"Bachpan se hai" Vo boli
Mujhe samajh nahi aaya ke kya karun ya kya kahun. Mere kaano mein apne papa ki aawaz goonj uthi."Hamne jahan se tumhein god liya tha unhi logon ne hamen bataya tha ke you were twins par tum dono mein se ek ko kisi ne god le liya tha. Ladki thi shayad. Doosre bache the tum toh tumhein ham le aaye the. Ye nishan tumhari chhati par tabse hi hai aur aashram walo ne bataya tha ke aisa nishan tumhare twin ki chhati par bhi tha."
THE END.
PAAP
9. KHWAB THA SHAYAD
UPDATE 3
Sote sote meri aankh achanak khul gayi. Haath laga kar dekha toh A.C. on ke bavajood maathe par paseene ki boonden thi. Main fauran uthkar bistar par sidha beth gaya.
Neelam apni jagah par maujood nahi thi.
Maine side wale drawer se ek cigarette nikali aur jalakar halke kash lagane laga. Yun toh bedroom mein cigarette ya sharah peene ki mujhe sakht manahi thi par phir bhi kabhi kabhi main pareshan hota toh Neelam ke mana karne ke bavajood ek cigarette jala hi leta tha.
Mere saath reh rehkar vo bhi thodi bahut peene lagi thi par jaane kyun bedroom mein cigarette ya sharab le jana use bilkul pasand nahi tha.
Cigarette peeta hua main apne khwaab ke baare mein sochne laga. Hairat ki baat thi ke khwaab maine abhi thodi der pehle hi dekha tha par mujhe kuchh bhi yaad nahi aa raha tha ke exactly hua kya tha.
Haan itna zaroor yaad tha ke aakhir mein ek goli chali thi jiske aawaz se ghabra kar meri need toot gayi thi. Goli chalne se pehle kya hua tha, mujhe kuchh yaad hi nahi aa raha tha.
Ek cigarette khatam hone ke baad main doosri jala hi raha tha toh mera dhyaan khaali pade bistar ki taraf gaya. Jab maine pehle Neelam ko bed par nahi paya toh mujhe laga ke vo bathroom mein hogi par bathroom ka darwaza khula hua tha aur andar light off thi matlab ke vo andar nahi thi.
"Shayad bahar hogi" Sochta hua main bed se utha aur doosri cigarette jalate hue bedroom se bahar nikla.
Living room mein poori tarah se andhera tha bas kone mein ek zero volt ka bulb jal raha tha. Roshni na ke barabar hi thi.
Living room ke hi ek kone mein ham logon ne ek chhota sa bar bana rakha tha tha jahan thodi bahut, par umda aur mehengi, sharab ki bottles hoti thi. Bar bedroom ke darwaze ki ekdam seedh mein tha isliye bahar nikalte hi sabse pehle nazar aata tha.
Bar ke counter par haath mein ek sharab ka glass liye Neelam bethi thi.
Main thodi der vahin khada use dekhta raha. Kamre ke us hisse mein kaafi andhera tha par bedroom ka darwaza khula hone ki vajah se roshni sidhi Neelam par pad rahi thi. Vo haath mein ek glass pakde bethi hui so rahi thi.
Mujhe samajh nahi aaya ke vo neend mein bethi pi rahi thi ya sharab ke nashe mein so rahi thi.
Bedroom se bahar aakar main sabse pehle bathroom ki taraf gaya aur jab faarig hokar bahar nikla toh vo tab bhi vaise hi glass pakde bethi so rahi thi.
"Ek waqt tha jab ye sharab cigarette ke bilkul khilaff thi aur aaj akeli bethi pi rahi hai" Dil hi dil mein sochkar main has pada.
Main us raat hi Dubai se India vaapis aaya tha aur airport se sidha uske paas aa gaya tha. Jaisa ki hamesha hota tha, vo mere intezaar mein bethi thi aur jis tarah ke kapde pehen kar bethi thi us halat mein usko dekh kar kisi namard ka bhi khada ho jata.
Aisa hi kuchh mere saath bhi hua tha.
Mere kamre mein ghuste hi ham ek doosre se bhid pade aur phir aise hi so gaye. Nateejatan mujhe us waqt bahut tez bhookh lagi thi.
Main fridge khola toh usmein andar kuchh nahi tha. Fridge poori tarah khaali tha. Thandi aah bhar kar maine darwaza band kar diya.
Tabhi kamre mein lage purane antique style bade se ghante ne 4 bajaye. Uski achanak aawaz se ek pal ke liye main thithak gaya aur Bar par bethi Neelam ke shareer mein bhi harkat hui.
"Khul gayi aankh" Main uski taraf dekh kar sochta hua muskuraya.
Maine kuchh bolne ke liye munh khola hi tha ke phir maine apna irada badal kar usko darane ki sochi. Main jis jagah par khada tha vahan poori tarah andhera tha aur Neelam ne ab tak mujhe dekha nahi tha. Matlab main chup chap pichhe se jakar use dara sakta tha.
Aisa karne ki ek vajah ye bhi thi ke vo aksar aisa mere saath karti thi. Kabhi bekhabar bethe hue, kabhi sote hue, kabhi khaate hue , achanak pichhe se aaati aur zor se chilla kar meri jaan nikal deti thi.
"Aaj meri baari hai jaaneman" Main socha aur bahut khamoshi se apna ek kadam aage badhaya.
Mujhe hairat tab hui Neelam tezi ke saath meri taraf palti. Jo aakhri cheez maine dekhi vo uske haath mein thami meri revolver thi.
Jo aakhri cheez maine suni vo ek goli ki aawaz thi.
Jo aakhri cheez maine mehsoos
ki vo meri chaati mein...
THE END.
PAAP
10. NAU-LAKHHA
UPDATE 5
Aur phir zindagi ne ek ajeeb sa mod le liye. Jis cheez se usko sakht nafrat thi vo ab aur zyada badh gayi thi yaani ke majboori.
Ghar mein kaam karne wali ladki ko hata diya gaya, uske shaadi ke gehne bech diye gaye, Patidev motorcycle bech kar bus mein safar karne lage. Dono ke dimag mein bas ek hi khyaal tha ke sar se kisi bhi tarah karz utaar kar apna ghar chhuda len isse pehle ke sadak par aane ki naubat aaye.
Aur phir usne bhi apni khyaali duniya chhod kar ghar sambhalna seekh liya. Bartan dhona, jhaadu pocha lagana, kapde dhona, khana pakana ye saare vo kaam the jo ek gareeb ghar mein paida hone ki vajah se use bahut pehle kar lene chahiye the par usne ab kiye. In sabse alag usne bhi ek office mein secretary ki naukri kar li.
Zyada padhi likhi vo thi nahi isliye us chhoti si naukri se jo bhi paise milte, sab bank ka karz chukane mein chale jaate.
Uske pati ne overtime karna shuru kar diya tha. Raat ko der se ghar aana aur subah hote hi office chale jana ab ek aadat si ban gayi thi. Aksar commission lekar vo kuchh bade bade accounts ka kaam ghar le aata aur poora Sunday usi mein guzaar deta.
Aur agle 10 saal tak unka yahi lifestyle raha.
10 saal poore hone tak unhone poora loan chuka diya tha aur unka ghar ek baar phir unka apna tha.
Vo ab umar mein kaafi badi lagne lagi thi. Ab vo ek khyaali duniya mein rehne wali khoobsurat ladki nahi thi. Ab vo ek gharelu aurat thi jo zindagi ke mushkil andaaz kaafi kareeb se dekh chuki thi aur unse ladna bhi seekh gayi thi.
Vo ab middle class gharo ki un auraton ki tarah ho chuki thi jo gareebi mein bhi ghar
chalana bakhubi jaanti hain.
Ghar par uske baal ab bikhre rehte the. Banna sawarna usne bahut pehle chhod diya tha. Pehle jo waqt ghar par T.V. dekhne aur khyaali pulaav banane mein nikalta tha ab vahi waqt jhaadu lagane ya khana banane mein guzarta tha. Par ab kabhi kabhi jab uska pati ghar par nahi hota tha toh vo akeli beth kar us shaam ke
baare mein socha karti thi jabki vo mehfil ki jaan thi.
Agar usne vo haar khoya hi nahi hota toh kya hota? Pichhle 10 saal kaise guzarte? Aaj unki zindagi kis tarah hoti? Vo aksar ye beth kar sochti par jawab kabhi milta nahi tha.
Ek shaam jab vo paidal apne ghar ki taraf aa rahi thi toh usko ek chhote bachche ke saath sadak ke kinare khadi Pallavi dikhi.
Pallavi ko usne aakhri baar tabhi dekha tha jab vo haar lautane gayi thi. Uske baad vo aaj use dekh rahi thi. Achanak use samajh nahi aaya ke kya kare par phir kuchh soch kar usne aawaz lagayi.
Jab vo kareeb pahunchi toh Pallavi ne use ek nazar uper se neeche tak dekha.
"Aap? Maaf kijiyega maine pehchana nahi"
"Arrey main hoon, Pooja. Bhool gayi?"
Pallavi ke munh se jaise cheekh si nikal gayi.
"Pooja" Vo apne munh par haath rakhte hue boli "Tujhe ye kya ho gaya?"
"Haan. Zindagi badal gayi aur saath mein badal diya mujhe bhi. Sab teri hi meharbani hai"
"Meri meharbani? Matlab?"
"vo heeron ka haar yaad hai jo main tujhse le gayi thi?"
"Haan"
"Vo kho diya tha maine"
"Kho diya tha matlab? Tu to mujhe haar vaapis dekar gayi thi"
"Nahi vo maine naya khareed kar diya tha" Usne muskurate hue jawab diya "9 lakh ka karz lekar naya haar kharidna pada kyun itni hamari aukaat thi nahi. Aur pichhle 10 saal se apne aapko ghis ghis kar vo 9 lakh ka karz utara hai"
Pallavi use aise dekh rahi thi jaise koi bhoot dekh liya ho.
"Tune mere haar kho diya tha?
"Haan"
"Aur uske badle ek naya haar lekar diya tha?"
"Haan. Tujhe farak pata nahi chala kabhi? Bilkul tere naulakkhe jaisa hi tha. Keemat bhi utni hi thi, 9 lakh"
Pallavi ne aage badhkar uska haath pakad liya.
"Pooja mere haar asli naulakkha nahi tha. Vo toh nakal tha. Artificial jewellery. Ek hazar ka liya tha maine".
THE END .
