- 22,509
- 58,896
- 259
बाँझिन का सोहर
बाँझिन का सोहर
घर में से निकली तिरियवा, नैहरवा में ठाड़ भई हो।
माई दई देतु जहर क पुड़िया, खाई मरी जाइत हो।
माई दई देतु जहर क पुड़िया, खाई मरी जाइत हो।
एतनि बचन माई सुनली तो बेटी से पूछें हों, तो बेटी से पूछें हो।
बेटी कवन संकट तोहरे जियरा मौत हमसे मांगउ हो,
बेटी कवन संकट तोहरे जियरा मौत हमसे मांगउ हो,
सासु मोरी बाँझिन बोलावें, ननद बोलिया बोले हों,
माई जेकर मैं बारी बियाहिया ऊ घर से निकाले हों।
जाऊ न बेटी अपने घर, अपने सजन घर, अपने सजन घर हों।
बेटी तोहरे जे पड़ें परिछाहियाँ , बहुआ हमरी बाँझिन होइहै, हों।
उन्हवा से रुसली तिरियवा जंगल बीच ठाड़ भई हों, जंगल बीचे ठाड़ भई हों।
नगवा डंस लेती हमरा उँगरिया, तो हम मरि जाइत हो, तो हम मरि जाइत हो।
एतनि बचन नगवा सुनले तो रानी से पूछई हों, तो रानी से पूछई हों,
रानी कवन संकट तोहरे जियरा मौत हमसे मांगउ हो, मौत हमसे मांगउ हो,
सासु मोरी बाँझिन बोलावें, ननद बोलिया बोले हों,
नगवा जेकर मैं बारी बियाहिया ऊ घर से निकाले हों।
रानी जाऊ न अपने घर, अपने ससुर घर, अपने ससुर घर हों।
रानी तोहरे जे पड़ें परिछाहियाँ , नगिनिया हमरी बाँझिन होइहै, हों।
उन्हवा से रुसली तिरियवा गंगा तीरे ठाड़ भई हों, गंगा तीरे ठाड़ भई हों।
मैया एक लहर देतिउ तो डूबी मरी जाइत हो, तो डूबी मरी जाइत हो।
एतनि बचन गंगा सुनली, सुनहु नहीं पायी हों ,सुनहु नहीं पायी हों।
बेटी कवन संकट तोहरे जियरा मौत हमसे मांगउ हो, मौत हमसे मांगउ हो,
सासु मोरी बाँझिन बोलावें, ननद बोलिया बोले हों,
मैया जेकर मैं बारी बियाहिया ऊ घर से निकाले हों।
जाऊ न बेटी अपने घर, अपने सजन घर, अपने सजन घर हों।
आजु के नवएँ महिनिवा, ललन तोहरे , ललन तोहरे होइहौं हों।
ललन तोहरे , ललन तोहरे होइहौं हों, अंगनवा में खेलिहें हों।
आठ महिनिवा के बीतल, नवावैं महीना लागल हो।
बहिनी रानी के जन्मे ललनवा, सखी सब गावें सोहर हो।
बहिनी रानी के जन्मे होरिलवा , सखी सब गांवें सोहर हो।
------------------
Last edited:
