UPDATE 89
Shukracharya apni yojnao per kam kar rahe the. Unhe dev ki ek kamjor kadi mil chuki thi. Bahi Indradev apna sir pakad kar baithe the. Unhe Jo ummid thi mahadev se vo sab bekaar gyi. Kyuki unhone dev ki kamjori Jo batadi shukracharya ko.or Indradev jante the ki shukracharya kisi na kisi tarah dev ko us jagah le jane me kaamyab jarur ho jayenge.
Bahi gurudev bhi paresan the ki ab dev ko kaise bataya jaye. Lekin batana jaruri bhi tha. Isliye unhone sabhi ko apne pass bulaya.
Sabhi baha aaye or baith gye tab gurudev ne bolna suru kiya.
Gurudev- shukracharya ka yagya safal ho gya hai. Or na chahte hue bhi mahadev ko unki sahayta karni padi hai.
Main- kaisi sahayta gurudev.
Gurudev- mahadev ne unhe tumhari kamjor kadiyo ke bare me bata diya hai. Jo ki ek jagah hai. Jaha tumhari shaktiya kamjor pad jati hai.
Ye sunke ham sabhi chouk gye ki aisa kaise sambhav hai.
Main- gurudev ye kaise sambhav hai. Jaha tak me janta hu jaha bhi punchtatva rahenge baha divystra ki shaktiyo ko koi chhu nahi sakta. Or is brahamand me aisi jagah hai hi nahi jaha ye punchtatva nibaas nahi karte hai. Fir aisi konsi jagah ke bare mahadev ne bataya hai unhe.
Gurudev- tumhara kehna uchit hai vats. Aisi jagah is brahmand me koi nahi jaha ye tatva upasthit na rehte ho. Lekin aisi jagah jarur hai jaha ye tatva kam matra me upasthit rehte ho. Or us jagah ke prabhav se or shaktishali nahi ho pate hai. Vo jagah unhe kamjor banati hai. Or jitni be tatva us jagah per upasthit rehte hai vo shaitani shaktiyo me parivartit ho jate hai. Kyuki baha unhi ka varchasp hai. Agar tum us jagah per jate ho to baha ke prabhav se tumhari shaktiya kam hone lagegi. Or shaktiyo ka bura prabhav kisi or per nahi tumhare uper hi padega.
Ye sunke me chouka or agle hi pal mujhe ek baat yaad aai or mujhe laga ki kahi iska connection usi se to nahi hai.
Main- gurudev kya vo jagah pataal lok hai.
Ye sunke gurudev ke chehre per ek muskaan aagyi. Or fir vo bole.
Gurudev- bahut achhe vats. Bilkul sahi anumaan lagaya hai. Vo jagah pataal lok hi hai. Jaha achhai nivaas nahi karti hai. Baha jitni bhi shaktiya jati hai. Vo sabhi baha ke prabhav se buri ban jati hai. Or tumhare andar achhai kut kut kar bhari hai. Isliye tumhari shaktiya baha kamjor pad jayengi. Or yahi mahadev ne shukracharya ko bataya hai.
Main- to kya is liye baha ke asur mere suraksha kavach ko tod kar ghar me ghus gye the.kyuki unke andar baha ki shaktiya thi.
Gurudev- bilkul sahi kaha tumne. Isi liye unke uper tumhari shaktiyo ka jyada prabhav nahi pada or vo aasani se tumhare kavach me ghus pa rahe the.
Ye sunke mujhe sab samaj me aagya ki akhir baha ke asur kyu itne tez or shaktishali the or kyu adhira. Unhe leke aaya tha. Sayad vo ye baat jante the. Lekin itni achhi tarah se nahi. Or ab to unhe badiya confirmation bhi mil chuka hai. To ab vo apni sari yojna usi hisaab se aage badhayenge.
Main- ab mere liye kya aadesh hai guruvar.
Gurudev- bas itna ki. Us jagah per jitna ho sake khud ko jane se rokana.asur apna sampurna bal laga denge tumhe baha le jane ke liye. Or tumhe keval tab hi unke peeche baha tak jana hai jab tak uske aalwa koi or upaay na ho. Or ha ek or baat. Mahadev ne shukracharya ko ek or vardaan diya hai. Jiske tahat agar tumhari mrityu ho jati hai or uske agle hi pal shukracharya us divyastra ko bibhajit hone se purva apne hatho me dharan kar lete hai to fir divyastra unhi ka ho jayega or bibhajit nahi hoga. Isliye apne aap ko marne se bachana bhi tumhare liye ab jaruri hai. Fir chahe tumhare samne vo koi bhi chounuti kyu na pesh kare. Tum samaj rahe ho na meri baat ko.
Main- ha guruvar me achhe se samaj gya hu. Me puri kosis karunga ki aapke dwara kahe gye bachno per khara utar saku. Or is divystra ko unke hatho me na lagne du.
Gurudev- bahut achhe vats. Mujhe tumse yahi ummid hai. Vijayi bhav.
Ham sabhi ne gurudev ko pranaam Kiya or khade ho gye.
Gurudev- vats ab tum sabhi apne ghar jao.
Main- jaisa aap kahe guruvar.
Uske baad ham sabhi baha se udd gye Ghar ki taraf. Or hamare jate hi gurudev baha se nikal gye kailash pervat ke liye. Mahadev se baat karne. Or bahi Indradev bhi Kailash ke liye nikal chuke the.
Jaldi hi gurudev or baki ke devata kailash pahuch gye jaha mahadev apne dhyan me baithe hue the. Sabhi me unhe pranaam Kiya or unhe apni aankhe kholne ke liye vinti ki. To mahadev ne apni aankho ko khol liya. Or sabhi ko dekhkar bole.
Mahadev- kahiye aaplogo ka yaha kaise aana hua.
Indradev- mahadev ye kya kar diya aapne. Shukracharya ko sari kamjoriya Bata di or sath me ye bhi ki unke liye aap divystra ko bibhajit nahi hone denge. Aisa kyu kiya apane.
Mahadev- devraj ham vinash the hamne unhe vardaan diya tha or uski purti karna avashak tha. Or us hisaab se unhone Jo bhi Janna chaha mujhe vo batana pada unhe.
Gurudev- mahadev ab is samasya ka koi samadhan bhi bataiye hame. Taki ham aranav ki madad kar sake. Asur use kisi bhi tarah baha le jane me kaamyab ho jayenge ye aap bhi jante hai. Or fir baha kya hoga ye ham sabhi se behtar jante hai aap. Kripa kar is anarth ko hone se rokiye.
Mahadev- persuram ji iska koi upaay nahi hai. Ab sab kuch arnav per hi nirbhar karta hai. Agar vo us jagah jata hai to use apni shakti or chaturai se baha se bahar bhi nikalna hoga. Taki divyastra unke hatho me na lage.or aap mese koi bhi uski sahayta bhi nahi kar sakta hai. Use apni sahayta swayam hi karni padegi. Or yaad hai maine kaha tha ki aise karyo me kai balidaan dene padte hai. Or arnav ke balidaan dene ka samay ab aagya hai. Jald hi sabhi ye samaj jayenge.
Indradev- mahadev kis prakaar ka balidan dena hoga arnav ko.
Mahadev- hamne kaha na ki jald hi aap log jaan jayenge. Bas dekhte jaiye.
Gurudev- mahadev arnav ne abhi tak hame nirash nahi kiya hai. Usne har vo karya kiya jo use karna tha. Balki bahut achhi tarah se us karya ko sampann Kiya hai usne. To kya ye balidan den kya jaruri hai. Kya ham sabhi uski madad nahi kar sakte hai. Akhir ye hamara bhi kartavya banta hai. Vo jo bhi kar raha hai vo samaaj kalyaan ke liye hi kar raha hai apne swarth ke liye to nahi kar raha hai.
Mahadev- aapka kathan satya hai persuram. Or ham aapse sehmat bhi hai. Or rahi baat arnav ki sahayta karne ki to mat bhuliye ki vo shivansh hai.or punchtatvo ka raja bhi. Vo apni raksha karna swayam janta hai. Or apne shatru ko parast karna bhi. Aap hi ne use shikshit kiya hai. Or aap hi ka viswas dagmaga raha hai. Mujhe aise apeksha nahi hai aapse.
Gurudev- ye satya hai mahadev parantu kya kare ek lagav sa jo ho gya hai usse. Or ye sabhi devata bhi isi liye yaha aaye hai inhen divystra ki nahi balki arnav ki chinta hai.
Ye sunkar mahadev ke chehre per ek muskaan aagyi or usi muskaan ke sath vo bole.
Mahadev- aap sabhi ka lagav hi arnav ka asali kavach hai jo uski raksha abhi tak har khatre se karta aaya hai. Or aage bhi karta rahega. Baki bhavishya me jo hona hai use uske haal per chhod de. Arnav ke karm hi use vijayi ya avijayi ka rasta dikhayenge. Aap sabhi bas intjaar kare.
Itna kehkar mahadev ne apni aankhe punah band kar li. Vo bhi kya kare bahut kuch kehna chahte the lekin ye samay sahi nahi tha. Isliye apni aankho ko band karke dhyan me baith gye. Or baki sabhi unhe pranaam karke baha se chale gye.
Bahi main or baki sabhi ghar pahuch gye the. Jaha sabhi hame naye avtaar me dekhkar bahut kush the. Mom ne ham sabki Aarti utaari or bahut sari balaye ki hamari. Or uske baad hame ghar me pravesh karne diya. Andar aate hi ham sabhi apne normal kapdo me aagye or divystra antardhyan ho gya. Jab mujhe uski avashakta hogi tab vo aajayega bas yaad karne se.
Hame aane me raat ho gyi thi isliye hamne dinner finish Kiya or apne apne kamro me chale gye. Tab mujhe yaad aaya ki kal to rakshabandhan hai. Or maine abhi tak un dono ke liye koi gift bhi nahi liya hai. Or abhi kafi late ho gya hai sare mall bagera bhi band ho gye honge.
Ye sochkar mujhe samaj me aaya ki solid watt lagegi meri kal. Halaki me jadu se kuch bhi manga sakta tha lekin uski itni ehmiyat kaha. Jo khud Jake unke liye kharidne me hai.
Isliye maine socha kal hi Jake unke liye gifts le aaunga. Ab jo hoga so dekha jayega.
Yahi sochkar me so gya.
Bahi raat me shukracharya medhavi ke sath sari yojnaye bana rahe the ki kaise karna hai kab karna hai sari ranneeti tayyar kar rahe the. Unhone soch liya tha ki dev ko pataallok kaise laya ja sakta hai. Uska rasta unhe mil gya tha. Medhavi ne bhi sabhi asuro ko ekjut kar liya tha. Jinme agni Bayu jal or aaksh wale asur bhi shamil the. Unki mrityu divyastra se hi ho sakati hai ye baat sabhi jante the. Lekin chance sabhi ko lena tha. Kyuki unhe pata tha ki ek baar divystra gurudev ke hath me aagya fir gurudev unhe fir se jeevit kar sakte hai. Or baise bhi gurudev ke pass mrit sanjeevni bhi hai. Jisse vo jab chahe apne kisi bhi asur ko jeevandaan de sakte hai. Or yahi vo Maine takat hai jiske dum per asur itna uchhalte hai.
Lekin agar kisi tarah asuro ka sarur hi nast ho jaye to fir sanjeevni bhi unhe jeevit nahi kar sakti. Lekin is jagah divyastra kaam aata hai. Vo un sabhi punchtatvo se punah sarir ka nirmaan karke uski aatam ko usme dharan karwa kar jevit kar sakte hai. Or isi liye shukracharya hath dho kar is astra ke peeche pade hue hai. Kyuki ye shakti amarta ke vardaan se kam nahi hai.unke asuro ke liye. Or isi liye sare devta bhi dev ka pura sath de rahe the ab tak. Baki dekhte hai is sab me kiski vijai hoti hai or kaise.
Bahi next day dev apne routine se utha apni exercise ki dhyan lagaya or fir ready ho gya shopping per Jane ke liye. Bahi subah se ho ghar me chehal pehal suru ho gyi thi. Aaj rakshabandhan Jo tha. Dono bahne sajme me byast thi. Or Prachi or aalia apne bhaiyo ko miss kar rahi thi jo the hi nahi. Tabhi ghar ki doorbell baji or maine Jake darwaja khola to samne chirag or lucky khade hue the ek dum ready tip top bankar.
Maine dono ko gale lagaya or unke haalchal puchhe.
Or unhe andar le aaya.
Sabhi log ab neeche aachuke the. Subah ke 9 baje rahe the or rakhi bandhne ka time bhi jo gya tha to charo ledkiya neeche aachuki thi. Surbhi or renu ke hath me thali thi or aalia or prachi khali hath. Unke chehre per ek feeki muskaan thi jo ye bata rahi thi ko ye dono kitna miss kar rahi hai apne bhaiyo ko. Lekin inki kismat hi aisi ki dono ka koi bhai nahi tha. Or mom ye baat inhe dekhkar hi samaj gyi. To unhone chirag or lucky se is bare me baat ki. Or dono ko koi aitraj nahi tha. Pehle dono unki bhabiya banne wali thi or ab unki bahne. Or fir yahi baat mom ne sabke samne Aalia or Prachi se kahi. Jise sunkar un dono ki asli muskaan bahar nikal aayi. Or us muskaan me dono kitni pyari lag rahi thi ye batane ki mujhe jarurat bhi nahi hai. Just feel it.
Usme baad dono ne apni thaliya sazai or bahi per ek sath hamara rakhi ka program aage badhne laga. Mujhe lucky or chirag or mama. Ham charo ko hamari bahene rakhi bandh rahi thi.
Mujhe surbhi or renu ne. Or usi samay aalia ne chirag or prachi ne lucky ko or mom ne mama ko. Fir aalia ne lucky or prachi ne chirag ko. Or aakhir me renu or surbhi ne bhi un dono ko rakhi bandh di. Or mithai khila di. Or ab aai gift dene ki bari to. Mere pass to kuch bhi nahi tha. Isliye maine apne hath khade kar diye. Bahi chirag lucky or mama gift laye the. Lekin problem yaha Hui ki vo dono 2-2 gift hi laye the jo un dono ne Aalia or Prachi ko de diye. Jabki vo laye Renu or Surbhi ke liye the. Or ye baat jaankar un dono ne vo gifts Renu or Surbhi ko de diye. Or kaha ki hamara gift to yahi hai ki hame aaj ek sath 2-2 Bhai mil gye.
Main- I'm sorry me to kuch bhi nahi le paya tum dono ke liye. Lekin sham tak le aaunga
Isper un dono ne koi aitraj nahi jataya. Uske baad ham sabne milkar badiya khana khaya or apne day ko happy day me badla. Khane ke baad ham teeno yani ki me lucky or chirag teeno hi nikal gye mall ke liye. Taki kuch gifts leke aasake. In sabke liye. Mujhe keval 2 gifts lene the or in dono ko 2-2 matlab 4. Or 2 gifts ye already deke aai the. Matlab total hue 6. Bicharo ko sari pocketmoney isi me jane wali thi. Or achhi baat ye thi ki isme vo dono bahut kush the. Unhe pocket money Jane ka gum nahi balki 4 bahne milne ki kushi thi jo unke chehro per saaf jhalak rahi thi.kyuki ye bhi ikloute the. Inki koi bahene nahi thi.
Sham tak mathapachhi karne ke baad maine dono ke liye gifts le liye. Bakai me bahut mehnat Hui is kaam me. Or un dono ne bhi dono ke liye gifts le liye the. Hamne bahi restaurant me coffee bager pee or fir ghumte ghamte aaram se ghar pahuch gye. Or un sabhi ko unke gifts de diye. Jise dekhkar vo or bhi jyada kush ho gyi. Aise hi hamara time nikal gya. Uske baad hamne raat me dinner Kiya or dinner ke baad me dono ko unke ghar chhodne chala gya. Dono ko unke ghar chhoda dono aunty's se mila unka aasirbaad liya or ghar bapis lout aaya. Or aaj kafi thak gye the is liye bed per firte hi neend aagyi. Or isi tarah aane wale kuch din bahut hi shanti or prem se gujar gye. Hamare uper sankat Mandara raha tha jise ham mehsus kar sakte the. Lekin me isme apna keemti samay jaya nahi karna chahta tha. Ye samay dobara nahi aane wala tha isliye me use full enjoy kar raha tha. Or maine soch liya tha ki jab asur samne aayenge tab dekhunga ki kya karna hai kya nahi. Or maine ek antim faisla bhi kar liya tha. Jo meri aakhiri ummid tha. Divyastra ko asuro ke hatho me jane se rokne ke liye. Baki me soch raha tha ki ye karne ka mouka kabhi na aaye. Lekin aagar aagya to me peeche nahi hatunga.
Baki dekhte hai ki kya hota hai…..
To be countinue………………..
