AB TAK AAPNE PADHA KI ASMODEUS BEELZEBUB KO THE THREE RAYS KA RAAZ BATATA HAI WAHIN VIKRAM AND COMPANY MIRRORS WORLD PAHUNCH CHUKE HAIN
AB AAGE:-
FINAL CHAPTER
(ANGELS SACRIFICE & DEVIL'S DEMOLITION)
MEGA UPDATE-105
PART-2
PLANET-MIRRORS WORLD
THE ADVENTURE CONTINUES:-
BHAIYON,YE SIR TOH LAG GAYE KAAM PE.AB HAMARI BAARI.....
PAR ANDAR JAANE SE PEHLE HUME KOI YOJNA BANA LENI CHAHIYE.......
RONIT & PARTY ko talaab ke aur unki chunouti ke baare me sab kuch batakar mai aur AVANTIKA apne chunouti ke saamne ya fir ye kahun ki BEELZEBUB ke dwara rachi gayi maayajaal ke saamne jaane ke liye gayab ho gaye......
wahin DHANUR ab bhi mere doston ke saath hi khade the....
humare jaane ke baad RONIT ne baat aage badhayi jiske jawab me SHAILA ne apni baat rakhi....
RONIT- yojna,par kis liye????mera matlab hai ki andar humara saamna kis chiz se hone waala hai,iska humme se kissi ko bhi koi andaza nahi hai...
aur bina ye jaane ki hum kin kin cheezon ka saamna karne waale hain,hum yojna banaye toh banaye kaise????
MOKALSAR-tum sahi ho RONIT...kintu fir bhi satarkta ki drishtikon se humme andar jaane se pehle hi kuch na kuch taiyari kar leni chahiye..
mere kehne ka arth ye hai ki ho sakta hai ki jo dwaar hamare saamne dikh raha hai,wahan par pahunchte hi hum sab par aakraman ho jaaye aur waisi sthithi ke liye hume pehle se taiyar rehna chahiye....
AKSHAANT-MOKALSAR thik keh raha hai..yaad karo ki jaise hi hum yahan MIRRORS WORLD ke andar pahunche the,toh DHANUR dwara jin teeron se hum par aakraman hua tha,usse toh hum dekh bhi nahi paaye the...
agar VIKRAM humare saath nahi hota toh humme se koi ab tak jeevit bhi nahi bachta...
par ab jab VIKRAM humare saath nahi hai toh hume har pag ke saath chowkanna rehna hoga....
yudh ki yojna toh hum sab apni chunoutiyon ko dekhne ke baad hi tay kar sakte hain kintu kisi bhi aprayakshit ya aakasmik humle ke liye toh hume abhi se taiyar hona hoga naa....
DHANUR- kya aap sab sach me us talaab ke dwar ke andar jaane ka khatra mol lena chahte hain???
DHANUR jo ab tak mere doston ki baatein sun rahe the,AKSHAANT ki baat khatm hote hi unhone apna sawal sabke saamne rakha.....
RONIT- aapke man me is sawal ke uthne ka kaaran mai samajh raha hun...kuch der pehle aapke kiye gaye prahar ko humme se koi dekh tak nahi paaya tha,isiliye aapko hum sab ke kaushal par sandeh ho raha hoga...
mai maanta hun ki atti nishchintata bhi sahi nahi aur issi laparwahi ki wajah se hum aapke waar ko rok nahi paaye par ye bhi ek sach hai ki jab VIKRAM saath ho toh kisi bhi khatre se bachne ke liye sajag rehne ki zaroorat hi nahi hai...
naahi aisa koi shashta bana hai aur naahi koi astra jo VIKRAM ke rehte uske doston ka baal bhi baanka kar de...aur isiliye hi hum sab nishchint the....
aur jahan tak sawal is talab ke dwaar ke andar jaane ka hai,toh hum sabko ye toh gyaat nahi hai ki humara saamna kin chunoutiyon se hone waala hai,par itna maalum hai wo chunoutiyan kahin se bhi asaan nahi hone waali...
hume ye toh nahi maalum ki hume kitni taklifon kaa saamna karna padega,par ye zaroor maalum hai ki wo taklifen hamare housle se badhkar nahi ho sakti....
hume ye bhi maalum hai ki agar hum asafal rahe toh jo taakat,jo shaktiyan humare paas hai wo bhi humse chhin jaayengi,
par saath saath hume ye bhi maalum hai ki un shaktiyon ke bina jo is taalab ki chunoutiyon ko paar kar hume milni waali hain,in shaktiyon ka jo humare andar hai,koi mol nahi.....
isiliye hum is dwar ke andar bhi jaayenge,aur baahar bhi aayenge aur wo bhi sahi salamt shaktiyon ke bhandar par sawar hokar..
jahan RONIT ki baat sunkar DHANUR usse kaafi impress ho gaye wahin AKSHAANT,MOKALSAR aur SHAILA ko aaj RONIT me meri jhalak dikh rahi thi....
SHAILA-tum toh bilkul VIKRAM ki tarah baat kar rahe ho....
RONIT- V.J ki tarah taakat toh nahi par uska ATTITUDE toh udhar le hi sakta hun naa..
yahi V.J ka sabse bada hathiyar hai aur agar hum sabko is MIRROR WORLD me mil rahi chunoutiyon ko paar karna hai,toh hume bhi is ATTITUDE naam ke hathiyar ko saath lekar chalna hoga....
DHANUR-mujhe tumhara housla bohot acha laga..tumhari baaton se tumhari satyata aur nekdili bhi jhalakti hai..
mujhe pura yakin hai ki jis taakat ko paane ke liye tum sab yahan aaye ho,uska tum sab sadupiyog hi karoge...
isiliye is chonutiyon ke safar me mai bhi tum sab ke saath hun...
DHANUR ki baat sunkar mere saare friends khush ho gaye....
AKSHAANT- aap jaise anubhavi maargdarshak ka saath humare liye kisi vardaan se kam nahi...
DHANUR- ab aur vilamb karna uchit nahi..chalo,aage badho.....
DHANUR ki baat sun mere saare friends ne unke ADVENTURE ke safar ka SHRI GANESH karte hue apne kadam aage badhaye....
taalab ka paani ab puri tarah se jam chuka tha....wo dwar jisse hokar mere friends ko taalab ke andar jaana tha,wo beech me tha..
mere saare friends aur unke saath DHANUR ek saath chalte hue aage badhe aur darwaaze ke saamne pahunch kar rook gaye...
AKSHAANT- ek kadam aur fir hum is darwaaze ke andar honge...sab sajag raho....andar pair rakhte hi kuch bhi ho sakta hai...
SHAILA- fir bhi khatra bohot hai kyunki darwaze ke dusri taraf toh ghana andhera hai..andar kya hai,kuch dikh hi nahi raha....
MOKALSAR- par andar jaana toh padega hi naa....!!!!!!
RONIT jo abhi andar ki taraf hi dekh raha tha,usne MOKALSAR ki baat khatm hote hi.....
SHASHTRAM PKARATAM.....
WEAPON AAPEAR.......
SAAYEN........SAAYEN..........SAAYEN........
RONIT ke mooh se SPELL uccharit hote hi is awaaz ke saath uske haath se bohot saare krupal,teer,aur bhaale nikle jo darwaze ke andar chale gaye....
RONIT ko laga ki agar darwaze ke andar koi ghaat laga chup kar humla karne ke liye baitha hoga toh uske chhode gaye shashtron se maara jaayega par aisa kuch nahi hua...
saare shashtra andar toh gaye par uske baad naa toh koi awaaz hui aur naahi aur koi pratikriya.....
ab un sab ke paas risk lekar andar jaane ke alawa aur koi chaara nahi tha......
aur isiliye ek lambi saans chhodte hue RONIT ne aage badhte hue apna right pair darwaze ke andar daala...
aur tabhi..................
PLACE-MAGIC WALL
arre talwar toh saamne us diwal par tangi hui hai....par hum toh ek talwar lene aaye the,par wahan diwal par toh do talware tangi hain...par dono ek dum ek jaisi lag rahi hai...
kya asli talwar ko pehchanana hi wo chunouti hai jisse tumhe paar karna hai....
mai aur AVANTIKA gayab hokar us mayavi diwal ke saamne pahunche jisse BEELZEBUB ne banaya tha aur us diwal par asli talwar aur ussi ki ek hubahu nakal banakar tanga diya tha....
MAI- haan....yahi wo chunouti hai jo BEELZEBUB ne yahan aane waale ke liye rakhi hai....
AVANTIKA- par BEELZEBUB ke kisi bhi maaya ko todna toh tumhare liye aasan kaam haina!!!!!!
MAI- tumne meri baat dhyan se suni nahi....maine kaha ki saamne dikh rahi maaya BEELZEBUB ne rakhi hai...
par is maaya ko BEELZEBUB ke dimag me ASMODEUS ne daala hai....iska matlab hai ki is maaya ka nirmata ASMODEUS hai....
AVANTIKA- phir toh ye maaya bohot khatarnaak hogi aur isse paar karna bohot mushkil....
MAI- asaan kaam me maza bhi nahi aata madam....aur waise bhi ASMODEUS ka toh kaam hi hai mujhse sawaal karna aur mera kaam hai uske sawaalon ka jawab dena....
saamne dikh rahi maaya ke roop me usne apna is baar ka sawaal puch liya hai ab meri baari hai usse jawab dene ki....
AVANTIKA- tum aur tumhari baatein....par ye toh batao ki shuruat kahan se karni hai....
MAI- aage badho.....
meri baat sunkar ek baar AVANTIKA ne meri taraf dekha.maine usse aankhon se hi aage badhne ka ishara kiya...
mere ishare par jaise hi AVANTIKA ne apna right pair aage badhaya......
TAKK.........
AVANTIKA ka pair ek adrishya chiz se takraya jisse ye awaaz ubhri.....ek invisible chiz ke takrane se AVANTIKA shocked ho gayi aur us invisible barrier ke baare me mujhse puchne ke liye wo piche mudne hi waali thi ki....
AVANTIKA- arre ye toh darwaza jaisa lag raha hai....
MAI- darwaza nahi darwaze...apne saamne waale darwaaze ke side me dekho...
mere kehne se AVANTIKA ki nazar side ki taraf gayi toh fir chownk gayi....
uske side me bhi uske saamne jaisa hi darwaza tha....
AVANTIKA- kamal hai...ye achanak do do darwaze kahan se aa gaye aur ye dono band kyun hain....
MAI-band hone ke saath saath dono me ek common baat aur hai....
AVANTIKA-kaun si baat???
MAI-dono darwaze dono talwaron ke theek sidh me bane hain....
meri baat sun jab AVANTIKA ne meri kahi baat par gour kiya toh.....
AVANTIKA- arre haan,ye toh maine dhyan hi nahi diya tha...par in sab ka matlab kya hai???
MAI- simple hai..dono darwaazon me se ek ko hume chunana hai..sahi darwaza hume asli talwar ke paas pahuncha degi aur nakli darwaza hume us chakravyuh me le jaayegi jisse bhed kar hi hum is maaya jaal ko tod paayenge.....
AVANTIKA- wow....toh fir hume kaun sa darwaza chunana chahiye....
MAI- usse kuch fark nahi padta..koi sa bhi chun lo...
AVANTIKA-matlab!!!!koi sa bhi kaise????agar aise hi chun liya toh hum kahin ASMODEUS ke chakravyuh me fas naa jaayen???
MAI- ye maaya jaal ASMODEUS ka buna hua hai...ek tarah se kaha jaa sakta hai ki ye ek khel hai jisse usne banaya hai....
jab tak hum is khel ko khelne ke liye taiyar nahi honge,tab tak naa toh hum is maaya jaal ko samajh paayenge aur naahi isse tod paayenge....
AVANTIKA- mujhe tumhari koi bhi baat samajh me nahi aayi...
AVANTIKA ki baat sun mai muskura diya...
MAI- thoda time do..sab samajh me aa jaayega..filhal bina soche samjhe jis darwaze ke saamne khadi ho,usse dhakka do....
meri baat sun AVANTIKA ne haan me apna sir hilaya aur wapas saamne mood gayi..
man hi man ISHWAR ka naam lete hue AVANTIKA ne apne saamne waale darwaze par apne dono hatheli rakhe aur push kiya....
AVANTIKA ke push karte hi darwaza bina awaaz kiye khulta chala gaya
aur tabhi....................
BACK TO FRIENDS:-
ARRE YE JAGAH TOH BILKUL HAMARE TRAINING KI JAGAH MAGICAL DIMENSION JAISI DIKH RAHI HAI.....
HAAN HUBAHU WAISI HI HAI......
RONIT ki baat ka SHAILA,MOKALSAR aur AKSHAANT ne samarthan kiya....
toh hua yun ki jaise hi RONIT ne apna right pair darwaaze ke andar rakha,darwaaze ke andar ka andhera tez roshni me badal gaya jisme se kuch rays nikalkar mere sabhi doston aur DHANUR ke upar pade aur wo sabhi us rays ke maadhyam se us darwaze ke andar ki duniya me kheenchte chale gaye....
darwaze ke andar kheenchane ke baad bhi tez roshni ki wajah se kisi ko kuch dikh nahi raha tha par kuch der baad roshni apne aap kam hone lagi aur kuch hi der me ek normal light ke beech sabhi ne khudko ek bade se anthin jagah par khada paaya...
ye jagah thik us MAGICAL DIMENSION ki tarah dikh rahi jisme RONIT aur ANJALI aur dusri taraf SHAILA,MOKALSAR aur AKSHAANT mujhse yudh prasihikshan liya karte the....
jahan sabhi is jagah ke unke practice ki jagah se resemblence ke baare me baat kar rahe the wahin DHANUR un sab ki baatein sun raha tha aur jaise hi sabhi ne RONIT ki baat ka samarthan kiya.......
DHANUR- kya tum sab JAADUYI AAYAM ke baare me baat kar rahe ho???
SHAILA- ji.....VIKRAM hume thik aisi hi ek jaaduyi aayam me lejakar yudh prashikshan dete the.....
DHANUR-hmm..kintu is JAAUDUYI AAYAM aur us JAADUYI AAYAM jahan tum sab prashikshan lete the,usme antar hai.....
us AAYAM me agar tum kisi yudh kala ko sikhte waqt ya fir kisi astra ko prayog me laate waqt asafal hote the toh tumhe aur aneko mouke milte the apni galti ko sudharne ke liye....
kintu yahan tumhe koi dusra mouka nahi milega....ek chuk aur sab khatm...
RONIT-ye baat hum jaante hain...ye koi prashikshan me milne waali chunouti nahi hai balki asli chunouti hai jisme ya toh is paar yaa fir us paar......
DHANUR- mere man me ek aur baat aa rahi hai...aur wo ye ki tumhare pair rakhte hi hume us darwaze ne is jagah par pahunchaya hai..
wo jagah jisse tum sab pehle se parichit ho...iska arth ye hai ki ye jagah tumhare sparsh se tumhare baare me sab kuch jaan chuki hai aur isiliye usne tumhare saamne pehli chunouti ke liye is jagah ko chuna hai....
MOKALSAR- par abhi tak kuch hua kaise nahi!!!mera matlab hai ki hum yahan kitni der se khade hain,fir bhi abhi tak hum par kisi tarah ka na toh aakraman hua hai aur naahi kisi tarah ki chunouti mili hai....
SHAILA- wo saamne dekho....wahan safed churna se chaar gole bane hue hain....
SHAILA ki baat sunkar sabhi ki nazar unse kuch aage floor ki taraf gayi jahan 4 circles bane hue the......
AKSHAANT- arre haan,us jagah par toh mera dhyan hi nahi gaya....kintu in golon ka kya matlab ho sakta hai...????
MOKALSAR- shayad wo gole hum chaaron ke liye banaye gaye ho...aur humare un golon ke andar khade hone ke baad yahan ki chunoutiyan saamne aayen!!!!
SHAILA- kintu hum toh paanch hain naa..fir chaar golon ka kya abhipraaya ho sakta hai...
DHANUR-MOKALSAR sahi hai...maine kaha tha ki hamare sparsh se is jagah ne humare baare me sab kuch jaan liya hai..
ye humare saare bhaavnaon ko parichit hai...is jagah ko ye maalum hai ki mai yahan bas tum sabka saath dene aaya hun,mujhe khud yahan se kuch bhi nahi chahiye isiliye mere liye koi gola nahi bana.....
RONIT- DHANUR sahin hain..aur ab hume baaton me waqt nahi barbaad karna chahiye aur aage badh un golon me khade ho jaana chahiye...
RONIT ki baat par sabhi haan me apna sir hilate hue aage badhne lage...
wahin DHANUR apni jagah par hi khade rahe...........
mere dost satarkta se har taraf dekhte hue aage badhe aur un chaar circles ke saamne pahunch gaye...
par circle ke saamne pahunchte hi chaaron ko ek jhatka laga....
aur wo isiliye kyunki un golon ke andar un sab ka naam likha hua tha...
wo sab ek dusre ki taraf dekhne lage...ab ye baat clear ho gayi ki unki aage ki journey is gole ke andar se hi shuru hogi.....
ek dusre ko aakhon hi aakhon me dekhne ke baad sabhi ne ek lambi saans chhodi aur us circle ke ghere ke andar chale gaye.....
aur tabhi............
ek saath do cheezen hui.....
pehli.....har gola jiske andar mere chaaron dost the,wo tezi se bada hone laga jiski wajah se har circle ek dusre se door hone lage....
dekhte hi dekhte har circle bada hokar khudme hi ek MAGICAL DIMENSION ban gaya..
toh ab kul chaar MAGICAL DIMENSIONS the..aur mera har dost apne khudke ek MAGICAL DIMENSION ne akela khada tha....
dusra.....har circle ke khudko ek ek MAGICAL DIMENSION me badalne ki wajah se mere dost ek dusre ko nahi dekh paa rahe the par DHANUR ek saath sabhi ko dekh sakte the...
aur wo aise ki jaise hi CIRCLES expand hue toh jis MAGICAL DIMENSION me DHANUR khade hue the,wo ek bade se room me convert ho gaya..
room me convert hone ke baad DHANUR ke saamne hawa me chaar bade bade parde ban gaye jinme mere chaaron dost dikh rahe the..
kaha jaa sakta hai ki DHANUR abhi ek darshak ki tarah mere doston ki action movie ko un pardon se dekhne waale the...
wahin mere chaaron dost unke aas paas ho rahe parivartan ko dekhkar bohot zyada chakit the aur wo shock aur badh gaya jab kuch pal baad un sab ne khud ko akela ek DIMENSION me khada paaya...
kuch seconds lage un sab ko sambhalne me aur jaise hi apne vichar se baahar aakar sab ki nazar saamne gayi toh chaaron ek baar firse chownk gaye.....
REASON.....
ab wo MAGICAL DIMENSION me akele nahi the..is waqt un sab ke saamne koi na koi khada tha jisse dekh kar sabhi ke mooh se ek saath nikla.....
CLONE COMBAT.......(update 73)
ji haan doston,is waqt mere chaaron doston ke aage unke CLONES khade the jinhe dekhkar unhe andaza ho gaya tha ki jaise prashikshan ke samay jis tarah CLONE COMBAT fighting ke waqt unke saamne waale CLONES ke andar un jasi hi pratibha hoti thi thik ussi tarah se unke saamne jo is waqt unke CLONES khade the,unme bhi un sab ke hi jitni taakat aur khubiyan moujud hongi..
par prashikshan waale CLONES aur inme ek antar tha aur wo ye ki training waale CLONES ke chehron par koi bhaav nahi hote the par is waqt jo CLONES mere doston ke saamne khade the,unke chehre par krodh aur darindagi ke bhaav the...
wo sabhi apne asli swaroop yaani ki mere doston ko khaa jaane waali nazaron se dekh rahe the.....
wahin DHANUR bhi badi dilschaspi lekar unke saamne hawa me jhul rahe pardon ko dekh rahe the....
CLONES- tum sab ne yahan aakar bohot badi galti kar di hai....jis taakat ko tum sab paane ki laalsa liye yahan aaye ho,wo toh tumhe milne se rahi,ulta tumhari ab tak ki mehnat se kamayi gayi taakat bhi hum tumse chhin lenge....
ye baat sabhi CLONES ne apne swaroop ke asli maalik se ki thi....
RONIT-dekh bhai,mera roop lenene se tu mai nahi ban jaata....aur apne ye sadhe dialouges apne paas rakh..jis kaam se aaya hai wo kar..
tujhe harane ke liye mujhe khudko harana hoga aur jis shakti ki chahat liye mai yahan aaya hun,uske liye mai khudko hara kar hi rahunga....
aisi hi kuch baatein mere baaki ke doston ne bhi ki....
mere doston ki baatein sun unke CLONES ke chehre ka ghussa aur zyada dikhne laga....
aur agle hi pal.........
RAMOSTAMANE
RELEASE POWER
ye SPELL chaaron CLONES ne ek saath bola tha jiske uccharit hote hi unke sharir se bohot zyada maatra me hawa ke roop me unki power baahar aayi aur har taraf se failte hue mere doston ke taraf badh gayi....
ye waar bohot ghaatak tha kyunki isse bachne ke liye mere friends kahin jaa bhi nahi sakte the kyunki wo hawa roopi power force pure MAGICAL DIMENSION ki choudayi ko ghere hue unki taraf aa rahi thi....
par jo training mere dwara un sab ko di gayi thi,usse kathin se kathin paristithi me bhi khudko sayammit rakhne ka hunar unme tha...
wo jaante the ki ek sayyamit dimag hi har problem ka hal dhund sakta hai aur is waqt bhi itne ghatak aakraman ke hone ke baawjud wo sab shaant hi the.....
ab tak wo hawa roopi power force mere friends ke bohot paas aa chuki thi....mere friends ne apne man ko ekdum shaant rakha hua tha par unke dimag bohot tezi se chal rahe the...
wo sab is aakraman se khudko bachane ki yukti soch rahe the aur tabhi mere friends ke dimag ki batti jali.....
WAMOSTAMANE
OBSERVE POWER.......
CLONES ki hi tarah mere chaaron friends ne bhi ye SPELL ek saath bola tha...
mere friends ka is SPELL ko uccharit karne ka sabse bada kaaran ye tha ki jis SPELL ko mere friends ke CLONES ne kaha tha,usse jo power baahar aayi thi,wo kahin naa kahin mere friends ki hi thi....
kyunki jo power mere friends ke andar thi,wahi power unke CLONES ke bhi andar thi..
aur issi soch ke dimag ke ubharte hi un sab ne OBSERVE POWER ka SPELL bola..
SPELL ke uccharit hote hi jo AIR FORCE badi tezi se mere friends ke taraf aa raha tha,naa sirf uski SPEED kam ho gayi par dekhte hi dekhte uska daayra bhi kam hone laga aur mere doston ke paas pahunchte pahunchte wo hawa ek air ray me badal gayi jisse mere doston ke sharir ne observe kar liya....
power ko observe kar mere doston ne jab saamne dekha toh unke CLONES ko khudko ghurte paaya....
SHAILA-ab ghurti hi rahegi ya aage ka daaw bhi khelegi.......
naahi SHAILA ke CLONE ne usse koi jawab diya aur naahi mere baaki ke doston ke kiye gaye sawaal par unke CLONES ne kuch kaha...
saare CLONES ye soch rahe the ki unhe jo mantra pata hai,wo unke saamne khade unke roop dhaaran kiye gaye sharir ke asli maalik ko bhi pata hai aur saath hi us mantra ka kaat bhi aur isiliye mantro ke yudh me unhe harana asambhav hoga aur isiliye.......
agle hi pal mere doston ke CLONES ke haathon me ek ek talwar chamak uthi.....
CLONES ke haathon me talwar dekh mere dost bhi samajh gaye ki ab ye astra shastra ki ladhayi karenge....
wahin talwar ke haathon me aane ke agle hi pal saare CLONES ke sharir teer ki tarah hawa me aage badhe aur agle hi pal....
TANNN,TANNN,TANNN,TANNN..............
issi awaaz ek saath charon CL0NES ke talwar mere doston ke talwar se takraaye...
CLONES ke hawa me uthte hi mere doston ne bhi ek ek talwar ka awahan kar liye tha aur CLONES ke unke paas aate hi unhone apni apni talwar aage kar di thi......
talwaron ke takraate hi mere friends ne talwar ko ek jhatka diya jiski wajah se CLONES hawa me kalabazi khaate hue kuch piche jaakar khade ho gaye....
ek pal ke intazar ke baad CLONES tezi se aage badhe aur.....
second ke dusve hisse se bhi kam samay me saare CLONES ke talwar lagatar chalne lage...
mere dost bhi har tarah se chownkanne the..unhone CLONES ke har waar ko block karna shuru kar diya...
kuch 15 minute tak CLONES lagatar mere friends par apni talwar se alag alag angles se waar karte hi jaa rahe the jisse mere friends bakhubi block kar rahe the....
lagatar waar karne ke baad bhi jab CLONES mere doston ko koi nuksaan nahi pahuncha paaye toh sabhi wapas kalabaazi khaate hue piche jaakar khade ho gaye...
par ye halt bas 5 second ka hi hoga...kyunki piche haththe hi ek baar firse sabhi CLONES ne mere doston ke upar jump laga diya par is baar do changes the..
pehla.....is baar CLONES ke ek nahi balki dono haathon me talware thi...
dusra.....CLONES ka ye humla do tarfa tha...saamne ki taraf se wo khud mere doston ki taraf badh rahe the wahin baaki ke teeno taraf se ek saath kai saare astra mere doston ki taraf lapke...
is do tarfa humle ka ehsaas hote hi ek pal ke liye mere dost bhi shocked ho gaye par jaldi se khudko wapas sambhalte hue sabhi ne apne bachav ka raasta khoj liya...
jahan ek taraf RONIT aur AKSHAANT ne bhi khudko hawa me uchalte hue apne CLONES ke upar se nikal gaye wahin SHAILA aur AKSHAANT neeche zamin me letkar fislate hue aage ki taraf badh gaye....
CLONES ne jo mayavi astra mere doston ke upar chhode the,wo saare astra mere doston ke kad ke hisab se hi unki taraf badhe the...
isiliye RONIT aur MOKALSAR ke CLONES ke kaafi upar se nikalne ki wajah se wo astra khaali chale gaye wahin AKSHAANT aur SHAAILA ke neeche zamin par fisalte hue jaane ki wajah se naa hi unke CLONE unhe chu paaye aur naahi unke chhode gaye astra...
ek hi waqt par mere dost aur unke CLONES ke pair zamin par fir tike par jahan pehle mere dost khade the,ab wahan unke CLONES the aur wahin CLONES ki jagah par mere dost khade the...
ab tak mere dost sirf defensive mode par the aur CLONES attack mode par..
par zamin par pair tikte hi mere dost tezi se ghume aur bijli ki raftar se unke CLONES ke paas pahunch gaye aur agle hi pal....
TANNN TANNN ki awaaz ek baar firse charon MAGICAL DIMENSION me gunj gayi....
mere dost lagatar bohot tezi se unke CLONES ke upar humla karne lage par CLONES bhi bakhubi unke waaro ko rok rahe the....
lagatar bohot der tak aakraman karne ki wajah se mere dost thakne lage wahin maayavi jeev hone ki wajah se CLONES abhi bhi fresh the.....
thakan ki wajah se jaise hi mere doston ki talwar chalane ki speed kam hui....
THAAP,DHAAK,THAAP,DHAAK......
ye do awaazen firse charon DIEMNSIONS me gunj uthi...
reason....mere doston ki speed kam hote hi unke CLONES turant defensive se attacking mode par aa gaye aur mouka dekhte hi MOKALSAR aur RONIT ke CLONES ne dono ke chaati par apni apni laath maar di jiski wajah se DHAAK ki awaaz ke saath dono udte hue door jaakar gire.
wahin SHAILA aur AKSHAANT ke dheere hote hi unke CLONES turant gol ghumte hue unke piche pahunche aur unki peeth par apne talwaar ki mooth se prahar kiya jiski wajah se THAAP ki awaaz ke saath wo dono aage ki taraf udte hue gire.....
par girte ke saath hi mere dost turant khade ho gaye..is waqt chaaron CLONES ke chehre par ek khilli udane waali hasi thi par mere doston ko isse koi fark nahi pada....
mere saare dost is waqt ek dusre ko dekh nahi sakte the par apni shakti se ek dusre ko mehsoos toh kar hi sakte the isiliye....
khade hote hi sabhi ke aankh band hote chale gaye...aur jaise hi unki aankhen band huin,ek saath sabhi ke dil me ek awaaz gunji....
REFLEX.......APRAYAKSHIT.........
ye awaaz meri thi jisse sunte hi unke dimag ki batti jali aur chaaron ne ek dusre ke dil se khudko jod diya aur aisa hote hi sabhi ke fighting techniques ek dusre se badal gaye....
AKSHAANT ki technique SHAILA me transfer ho gayi wahin SHAILA ki AKSHAANT me..
RONIT ki MOKALSAR me aur MOKALSAR ki RONIT me....
wahin mere doston ke CLONES ne jab dekha ki unke pratidwandiyon ki aakhen band hain toh unhe ussi awastha me khatm karne ki liye wo aage badhe aur jaise hi un sab ne apni talwar ghumayi....
tadak,tadak,tadak,tadak..........
in chaar awaazon ke saath chaaron CLONES ke gardan ki haddi toot gayi aur wo niche ludakte chale gaye....
toh hua ye ki jaise hi charon CLONES mere doston ke paas pahunche,mere doston ko naa sirf is baat ka ehsaas ho gaya balki wo taiyar bhi ho gaye par apne apne tariko se nahi balki uske tarike se jiski figting technique ab unki thi....
jahan RONIT aur AKSHAANT unke CLONES ke paas pahunchte hi unki right aur left ki taraf aa gaye wahin SHAILA jump karte hue uske CLONE ke sir ke upar pahunch gayi aur MOKALSAR neeche se hote hue apne CLONE ke piche pahunch gaye...
apni apni jagah pahunchkar sabhi ne apne apne CLONES ke sir ko pakda aur dusri taraf ghumate chale gaye jisse unke CLONES ki gardan ki haddi toot gayi aur wo neeche girte chale gaye..
par tabhi do cheezen hui...
pehli....CLONES ke zamin par girne se pehle hi wo dhuan bankar gaayab ho gaye...
dusri.....CLONES ke gaayab hote hi dobara MAGICAL DIMENSIONS ka aakar badalne laga aur dekhte hi dekhte chaaron MAGICAL DIMENSIONS wapas chote hote chale gaye aur finally mere dost ussi MAGICAL DIMENSION ke circle me ek dusre ke baaju me khade the jahan se unki shuruat hui thi...
DHANUR ke saamne ki maaya bhi khatm ho chuki thi aur wo bhi ussi MAGICAL DIMENSION me khade the...
jaise hi sabki nazar ek dusre par padi,sabhi samajh gaye ki baaki ke 3 bhi apne pehli chunouti ko paar karne me kaamiyab ho gaye hain...sabhi ki khushi ka thikana nahi raha..
charon ne ek dusre ke gale lagake apni khushi zaahir ki...DHANUR jo ki unke piche hi khade the,wo bhi unke paas aa gaye...
DHANUR-appratim...tum sab naahi sirf ek bohot ache yoddha ho balki jis shakti ki talash me tum sab yahan aaye ho,uske laayak bhi ho...
DHANUR ki baat sunkar sabhi muskura diye...
AKSHAANT-waise humare yahan se jaane ke baad apke sath kya hua???
AKSHAANT ke sawal par DHANUR sabhi ko batane lage ki unke jaane ke baad unke saath kya hua...
jahan sabhi DHANUR ki baat sun rahe the wahin RONIT apne hi kisi khayal me khoya hua muskura raha tha jisse SHAILA ne dekh liye....
SHAILA-tujhe kya hua??muskura kyun raha hai???
SHAILA ki baat sun sabhi ka dhyan RONIT par gaya toh sabhi ne usse muskurata hua paaya....wo bhi uski muskaan ke piche ke raaz ko janane ke liye uski taraf dekhne lage...
RONIT- mai soch raha tha ki V.J ne hum sabko training di jisse hum sabki yudh kala kitni zyada nikhar gayi par jab hum sabka saamna BEELZEBUB aur BHUVIKA se hua toh hume hamari training bekar lagne lagi..
hume laga ki jo training hume V.J ne di hai,uska koi mol nahi par dekho...aaj jis shakti ki talash me hum yahan aaye hain,us shakti tak hum kabhi bhi nahi pahunch paate agar V.J ne hume wo training nahi di hoti...
RONIT ki baat par sabhi ke sir jhuk gaye kyunki mere TRAINING ke liye negetive vichar sabhi ke man me aaya tha par aaj ussi training ne unhe kaamiyab banaya tha....
DHANUR-shuruat 1 se hi hoti hai par kabhi kabhi unche paydan par pahunchne ke chakkar me hum us pehli siddi ko bhul jaate hain...
kintu tum sab ko is baat ka ehsaas hai yahi bohot badi baat hai...khud ko nirash mat hone do kyunki aisa hone par tum sab ka aatmvishwas dolne lagega jo tumhari aane waali chunouti ke liye acha nahi hoga..
RONIT- aisa kabhi nahi hoga....jaante hain kyun,kyunki hum bhale hi V.J par bharosa naa rakh paayen hon par usne humpar bharosa kiya hai.
aisa bharosa jo agar koi chahe bhi toh tod nahi paayega..
V.J hume yahan laata hi nahi agar hum yahan aane ke kaabil nahi hote..aur ab jab hum yahan aayen hai toh jeet kar hi jaayenge.....
SABHI- bilkul.....
SHAILA- par ab kya......???agli chunouti ke liye hume kahan jaana hoga....
DHANUR- wahan..saamne dekho...
DHANUR ne saamne point karte hue apni baat kahi..DHANUR ke point ki hui jagah par jaise hi sabki nazar gayi,sabhi firse shocked ho gaye...
kyunki unse kuch hi door saamne chaar roshniyan khadi thi..khadi isiliye kyunki wo chaar roshniyan asal me aakrutiyan thi jinpar mere chaaron doston ke naam likhe hue the...
ek dusre ki taraf ek baar dekh mere chaaron dost us roshni ki aakruti ki taraf chal diye..
aakruti ke paas pahunch kar sabne apna haath us roshni ke aage kar diya.
aur tabhi...........
BACK TO HERO:-
YE MAI KAHAN AA GAYI????AUR V.J ABHI TAK KAISE NAHI PAHUNCHA???
ARRE YE KYA HO HO RAHA HAI??YE JAGAH HIL KYUN RAHI HAI???V.JJJ.....V...JJJJJ...........
AVANTIKA zor zor se mera naam pukarne lagi.....
toh hua ye ki AVANTIKA ke darwaze ko push karte hi wo khulta chala gaya..
par jaise hi darwaza pura khula,us darwaze ke andar tez roshni hui jisse tez kirane baahar nikalte hue AVANTIKA par padi...
aur aisa hote hi AVANTIKA un kirano ke saath darwaze ke andar kheenchati hui chali gayi....
roshni ke samandar se hote hue AVANTIKA ka sharir hawa me tairta hua aage badhne laga aur kuch hi der baad AVANTIKA ke pair kisi jagah par aakar tik gaye..
kyunki roshni ab bhi kaaym thi isiliye AVANTIKA ko andaza nahi tha ki wo kahan par hai aur naahi usse mere koi andaza tha...
par uski uljhane kuch hi der ki thi..kuch der ke baad roshni dheere dheere kam hone lagi aur jaise hi saamne ka nazara saaf hua toh AVANTIKA chownk gayi.....
reason...is waqt AVANTIKA ek pathrili jagah par khadi thi jahan door door tak patharon ke alawa aur kuch nahi tha....
wo us jagah ko samjh uske baare me keh hi rahi thi ki achanak wo saari jagah kaampne lagi maano wahan bhukamp aa gaya ho....
is bhukamp ki wajah se AVANTIKA bhi khade khade ladkhadane lagi aur ye sab hota dekh mera naam lekar chilaane lagi.....
V.JJJ..........................
YAHIN HUN AV.....RELAX......
awaaz sun jaise hi AVANTIKA ne piche ki taraf dekha toh mujhe khada paaya...mujhe dekhte hi uski tention khatm ho gayi par bhukamp ki wajah se uska sharir abhi bhi ladkhada raha tha isiliye maine usse uske kandho se pakad liya jisse uska hilna dulna band ho gaya...
darasal AVANTIKA ke us darwaze ke andar se aa rahe roshni ke dwara kheenche jaane ke kuch pal baad mai us us roshni se hota hua yahan aaya...
reason...mai jaanta tha ki pehli chunouti ke roop me koi maaya hume nuksaan pahunchane ki koshish karegi.....
par AVANTIKA ke surakhsa kawach ki wajah se us maaya ka asar khatm ho jaayega aure waisa hi hua...kaise,aayi khud jaan lijiye...
AVANTIKA- ye sab kya ho raha hai???ye jagh hil kyun rahi hai???
MAI-pehle iska hilna band ho jaane do,fir batata hun.....
AVANTIKA kuch kehne hi waali thi par tabhi usne mehsoos kiya ki is jagah ka hilna dheere dheere kam hone laga hai....
aur kuch hi seconds me wo bhukamp puri tatrah khatm ho gaya jisse AVANTIKA ne raahat ki saasns li......
AVANTIKA- ab toh batao ki ye sab kya chakkar hai...
maine kuch kaha nahi bas apna haath AVANTIKA ki taraf kar diya..
mere haath se ek invisible ray nikli aur AVANTIKA ki body se hote huie har taraf failne lagi....
AVANTIKA aankhon me sawal liye mujhe dekh rahi thi...
maine usse ishare se har taraf nazar ghumane ko kaha aur jaise hi AVANTIKA ki nazar sab taraf ghumi,wo shocked reh gayi....
REASON......jis pathrili duniya ke beech me hum khade the,wahan door door se bohot si invisible tarange vibrate karte hui aakar AVANTIKA ke sharir me sama rahi thi...
kyunki pehle wo tarange invisible thi isiliye AVANTIKA ko wo dikh nahi rahi thi par mere haathon ke dwara chhode gaye rays ki wajah se ab wo visible ho gayi thi.....
AVANTIKA hairan pareshan si kabhi un tarango ko dekhti toh kabhi apne sharir ko chhukar...
usse samajh nahi aa raha tha ki ye tarange aakhir hain kya aur uske apne sharir me samane ke baawjud usse kuch mehsoos kyun nahi ho raha hai....
aur jab usse kuch samajh me nahi aaya toh wo meri taraf ek baar firse sawal bhari nazaron se dekhne lagi...
MAI- jo tarange tumhari body me sama rahi hai wo aur kuch nahi balki tumhari hi SHIELD hai jo yahan aate hi khatre ko bhaampte hue active ho gayi hain..
jo bhukamp abhi yahan aa raha tha wo bhi yahan ka ek maaya jaal tha...
aur ye isiliye aaya tha kyunki tumne bina kisi mehnat ke yahan ke pehle chunouti ko aasani se paar kar liya tha...
AVANTIKA- pehli chunouti.....wo kya thi???
maine kuch kaha nahi bas apni ek ungli ko neeche patthar ki taraf point kiya....
mere aisa karte hi mere ungli se ek bund paani nikli aur neeche patthar ki taraf badh gayi..
aur jaise hi us paani ke boond ne patthar ko chua,AVANTIKA ki aakhen hairat se faile gayi..
reason....jahan wo paani ka boond gira tha,wahan se bhaap nikalne lagi thi jiska matlab tha ki wo patthar aag ki tarah garam tha....
MAI-ye chunouti....tumhare is patthar par kadam rakhne ke kuch hi palon baad ye pathar garam hona shuru ho gaye the par aisa hote hi tumhari shield ne tumhe cover kar liya jisse tumhare pairon ko is patthar ki garmi mehsoos hi nahi hui....
tumpar koi asar naa hota dekh is jagah ne ek dusri chaal chali aur wo thi...
AVANTIKA- bhukamp ki......
MAI- hmm..jisse tum ladkhadi hui in pattharon par gir jaati aur tumhe chot lagti...
par tumhare shield ne naa sirf tumhe sahara diya taaki tum apne aap ko is jagah par thoda bohot stable kar lo balki us shield ne tarango ka roop lete hue is puri jagah me faile gayi aur yahan ke maaya ko khatm kar diya...
AVANTIKA-ohh.toh isiliye tumne mujhe pehle bheja tha aur fir thodi der baad yahan pahunche...
MAI- haan..
AVANTIKA- par itna kuch karne ki kya zaroorat thi...tum khud bhi toh is jagah ki maay ko khatm kar sakte the...
MAI- nahi..chakravyuh ka pehla niyam hai ki hume chakravyuh ke rachaita ke hisab se khelna padta hai..
ye saara chakravyuh ASMODEUS ka hai...mai yahan khudko bachane ke liye toh MAGIC ka use kar sakta hun kintu yahan ki maaya ko todne ke liye nahi..
uske liye mujhe apna dimag lagana padega...agar mai yahan tumse pehle aa jaata toh mera SHIELD bhi tumhari tarah active ho jaata..
par jahan tumhari SHIELD ne apne aap ko bachane ke liye is jagah ke maaya ko khatm kiya wahin mera SHIELD yahan ke maaya ke jaagne se pehle hi usse khatm kar deta jisse hum kabhi bhi aage nahi badh paate....
AVANTIKA- oh......toh ab???
MAI- aage dekho.....
mere kehte hi AVANTIKA wapas palti aur aage ka scene dekh wo ek baar firse chownk gayi..
jahan kuch der pehle tak door door tak pahrili zamin thi wahin ab AVANTIKA ke theek saamne ek bohot badi khaayi thi....
AVANTIKA- arre ye kahan se aayi...???
MAI- jab tum mujhse baat kar rahi thi tabhi hamari dusri chunouti ne khud ko aakar de diya tha....
AVANTIKA- aakar!!!!kaisa aakaar???ye toh ek khayi hai....khayi me kaise chunouti???
MAI- khayi sirf ek maaya jaal hai..chunouti uske andar hai...
AVANTIKA- matlab!!!!
MAI- matlab ye....
ye bol mai tezi se aage badha aur.......
AAAAAAAAAAAAA................
AVANTIKA ki cheekh meri harkat ki wajah se nikli thi...
darasal mai AVANTIKA ki kamar ko pakadte hue aage badha aur khayi me chalang laga diya.....
AVANTIKA ne zor se mujhe pakad liya aur apni aakhen band kar lin..par kuch der ke baad jaise hi usse apne pairon ke neeche kuch mehsoos hua toh AVANTIKA jhat se mujhse alag hokar neeche dekhne lagi...
aur neeche dekh wo ek baar firse chownk gayi.......
reason....hum dono is waqt ek khuli hui jagah par khade the aur hamare pairon ke neeche choti choti ghaans thi....
MAI-kis baat ka dar tha madam aapko..mere rehte aapko kuch ho sakta hai bhala???
AVATIKA- kuch hone ki wajah se maine apni aakhen band nahi ki thi..bas mujhe uchayin se dar lagta hai.....
AVANTIKA ki baat sunkar mai has diya...
AVANTIKA- ab haste hi rahoge ki aage kya karna hai,iska pata lagaoge...???
MAI- pata lagane ki koi zaroorat nahi hai..saamne dekho...
AVANTIKA ki nazaren jo is baar bhi yahan pahunchte hi pehle niche gayi thi aur fir mujhpar,usne saamne ki taraf dekha aur hamesha ki tarah firse chownk gayi....
reason...........
hamare saamne hawa me kuch likha hua tha jisse AVANTIKA ne padhna shuru kiya....
ye doud tumhari hai,
isme tumhe akele hi
BHAAGNA HOGA.....
nayi SHAKTI ko paane
ke liye,tumhe apni SHAKTI
ko TYAAGNA HOGA.....
urja ke bahaav ko kuch der
ke liye ROK DO.......
manzil par pahunchne
tak,apni SHAKTI ko mujhe
SOUMP DO.....
AVANTIKA- iska kya matlab hai???
MAI- wahi jiska mujhe dar tha...
AVANTIKA- matlab!!!!
MAI-ye maayavi duniya samajh chuki hai ki tumhare paas ek aisa SHIELD hai jo is jagah ko naa sirf nuksaan pahuncha sakta hai balki bina kisi mehnat ke hara bhi sakta hai..
hum yahan SWORD ke liye aaye hain jo meri SHAKTI hai...par meri asli SHAKTI tum ho...is paheli ka matlab hai ki agar mai aage badhna chahta hun toh tumhe mujhse alag hona padega....
itna hi nahi aage badhne ke liye mujhe tumhari urja ko tumse alag karna padega aur is chakravyuh ko todne tak tumhe is jagah ke hawale karna padega...
meri baat sun AVANTIKA kuch der tak mujhe dekhti rahi fir.......
AVANTIKA- theek hai.....jaisa tum chaho...
MAI- tumhe dar nahi lag raha hai ye sochkar ki bina tumhare shield ke tumpar humla bhi ho sakta hai...
meri baat sunkar AVANTIKA muskura di....
AVANTIKA- mera shield tum ho..aur jab tak tum ho,AVANTIKA ka koi kuch bigad nahi sakta...
is baar meri baari thi muskurane ke liye..
maine apna haath AVANTIKA ke sir par rakh diya aur....
KAWACHAM BAHIRBHAVA.....
SHIELD COME OUT......
mere spell bolte hi AVANTIKA ki shield energy uske sharir se baahar aakar mujhme sama gayi.....
MAI-ye SHIELD bhale hi mere paas hai,par sirf tab tak jab tak tumpar koi jaan leva aakarman nahi hota..aisa kuch hote hi ye mujhse nikalkar tumme wapas sama jaayegi..
AVANTIKA- maine kaha naa,mujhe in sab baaton ki parwah nahi...
maine aage badhkar ek baar AVANTIKA ka maatha chuma aur...
MAI- jaao,tumhari sawaari aa gayi...
meri baat sun AVANTIKA ne saamne ki taraf dekha..is waqt hamare saamne ek pinjra tha jiska darwaza khula hua tha...
ek baar mujhse gale lag AVANTIKA us pinjre me chali gayi...
jaise hi AVANTIKA pinjre ke andar gayi,pinjre ka darwaza lock ho gaya aur agle hi pal.....
pinjre me ek tez prakash hua aur wo pinjra gaayab ho gaya tha....
pinjre ke gaayab hote hi maine saamne dekha jahan hawa me kuch der pehle kuch likha hua tha..
ab wo lekhni gaayab ho chuki thi aur uski jagah us jagah par kuch naya likha hua tha jise mei padhne laga...
SHWETATA par laal rang
RACHEGA.....
aage tabhi badh paayega jab is
chunouti me zinda BACHEGA.....
Swaans ko roke tu aage BADHEGA....
apni parchayi ke dusre swaroop se
Dekhna hai tu kaise LADHEGA!!!!!?????
AAJ KE LIYE ITNA HI......
AAPKA APNA V..J.....
