Logic, hahhhh....kaheki logic, bechari anjali, jo ki meri favorite character thi ushe hi marwa diya... Kya galti thi uski, hah... Yehi na ki boh, gd ke bete ki dost... Ye story ko, ap first jaha post kiye the,,, waha100 ke upor updates padh li maine.. ek request hai, plz anjali ko le aiye , bring ronit love..nahi to hero ko bhi koi haq nahi hai pyar karne ki ..kill avni...
Bhai bohat zabardast update diya hain yah aapne thoda emotional bhi kar diya magar ek baat hain jo acchi lagi ki bhaley hi aap achayi ki shakti ke prateek ho magar aapko bhinkuchnqurbani deni hoti kuch aag me tapna padta hai. Kundan banne ke liye aur uske baad hi aap zimmedaria utha saktey ho theek yahi V.J ke sath hua hai abhi aisay hi imtehaan dekar usko apne ohde tak pohachna hain but yaha usko apni tilismi shaktio ko use karna thaa.AB TAK AAPNE PADHA KI VIKRAM & FRNZ AHUJA'S BROTHER KO SABAK SIKHATE HAIN WAHIN JAB VIKRAM GHAR PAHUNCHTA HAI TOH MADDOX USSE APNE PARTY ME AANE KE LIYE INVITE KARTA HAI......
AB AAGE:-
CHAPTER-1:-
( DEVIL'S ENCHANTMENT & THE HOLY SPIRIT )
MEGA UPDATE-44
1ST PERSON- ST SEBASTIAN........mujhe toh apni aankhon par vishwas hi nahi ho raha.....
wo banda apne ghutno ke bal jhuk gaya aur uske saath saath jitne bhi log the wo bhi......
ST SEBASTIAN- uth jaiye ******.......
wo banda khada ho gaya par uska sir ab bhi jhuka hua tha.....
1ST PERSON- kya mai apni khushkismati ki wajah jaan sakta hun...... jo aaj aapne mujhe darshan diye.......
ST SEBASTIAN- mai ******** se bhet karna chahta hun......
us bande ne apne ek aadmi se ****** ko turant unke saamne upasthit hone ke liye kaha...
wo aadmi gaya aur jab wo wapas aaya toh uske saath wo the jinse ST SEBASTIAN bhet karna chahte the......
jinhe bulaya gaya tha,wo bhi apne saamne ST SEBASTIAN ko dekhkar bohot zyada aascharyachakit the....
ST SEBASTIAN- kya mai ekaant me aapse baat kar sakta hun.....
1ST PERSON- humse nivedan karke hume paap ka bhaagi mat banaiye..
wo banda sabko lekar bahar chala gaya.....
ST SEBASTIAN- mujhe aapki madad ki awashyakta hai.....
ST ne sidhe sapaat tarike se apni baat saamne waale se keh di par is baat ko sunkar saamne waala aur surprised ho gaya....aur hota bhi kyun naa...GOD'S messenger ko uski madad ki zaroorat hai,ye koi choti baat toh thi nahi.....par ye baat bhi utni hi sach thi ki ST. mazak toh karte nahi the.....
2ND PERSON- ye mere liye soubhagya ki baat hogi ki mai aapke kisi kaam aa sakun...
ST SEBASTIAN- par usse pehle aapko ye waada karna hoga ki jo bhi sahayata mai aapse maangunga,aap us vishay me bina koi prashn puche meri madad karengi....
2ND PERSON- GOD'S MESSENGER se kaise koi sawaal pucha jaa sakta hai!!!!!.....fir bhi,aap jaisa chahte hain,waisa hi hoga.....
fir ST SEBASTIAN unhe apne aane ka reason batate hain aur ye bhi ki unhe saamne waale se kaisi madad chahiye jisse sunne ke baad saamne khade shaksh ki aankhen badi ho jaati hai....
2ND PERSON- aapne mujhe is kaam ke laayak samjha,isse badi baat mere liye kuch bhi nahi ho sakti......aapne jaisa kaha waisa ho jaayega...
ST SEBASTIAN saamne waale ko aashirwaad dekar gayab ho jaate hain....
WAHIN DUSRI TARAF:-
RIYANSH- please gudiya,maaf kar de naa.kab tak yunhi naaraz rahegi......hum dono kal se tujhse maafi maang rahe hain.
DEVANSH- aur galti toh hamari hai naa,tu khud ko kyun punish kar rahi hai......!!!!!!kal se tune ek niwala nahi khaaya....jo saza deni hai hume de,yun bhooke rehkar khudko toh mat tadpa.....!!!!
AVANTIKA- kyunki mujhe pata hai ki mere bhuke rehne se badi saza aap dono ke liye nahi ho sakti....aur aapko meri fikr hi kyun hai,kya hoga,kamzor pad jaungi yaa zyada se zyada mar.......
RIYANSH- gudiiyaaaaaaa........kyun dil dukhane waali baat karti hai......bas ek baar maaf kar de naa.....
AVANTIKA- kis baat ke liye bhaiya....aap maafi isiliye nahi maang rahe kyunki aapne galat kiya tha,aap isiliye maafi maang rahe hain kyunki maine aapko galat karte hue dekh liya tha.......
kya soch kar gaye the VIKRAM se ladhne.....!!!jaayenge,aur usse maar kar aa jayenge....maine aapse kaha tha naa,ki usse na takrane me hi aapki bhalai hai.......
aur ek baat bataiye,kis baat ka badla lene gaye the aap usse.....VAANI,kya kaha taha tune in dono ko....ki usne humpe haath uthaya...haan uthaya,toh kya galat kiya.usne hamare saath wahi kiya jo hum deserve karte hain.....
aur kya bolti rehti hai tu...bohot ghamand hai usse apne aap pe...babes usse ghamand nahi ATTITUDE kehte hai...ghamand wo hai jo hum dikha rahe the.jo kal hamare dono bhaiya dikhane gaye the.....
RIYANSH- gudiya,kal jab tune uske saamne hamare liye haath jode,hum tab hi samajh gaye the ki humse bohot badi galti ho gayi hai....par hum maafi maang rahe hai naa.please maaf karde..aainda se aisa nahi hoga..
DEVANSH- please na gudiya.......
AVANTIKA- theek hai.....par ab mai kabhi bhi ye jhagda wagda nahi dekhna chahti.khaas kar usse......
DONO- done.....
VAANI- mujhe bhi maaf kar de babes,please!!!!
AVANTIKA- kyun,tu koi alag hai kya...jab inhe kar diya toh tujhe bhi kar diya naa....
VAANI ne AVANTIKA ko hug kar liya...
VAANI- chalo sab normal ho gaya,kyun na issi khushi me ek party ho jaaye.....
SHANAYA- bas,ho gayi ye shuru.......
VAANI- arre wo baat nahi hai yaar.dekh,bhaiya log kal wapas canada jaa rahe hain.toh maine socha ki kyun naa usse pehle ek party ho jaaye...
AVANTIKA- bhaiya,aap log jaa rahe ho,aur wo bhi kal...kyun??
DEVANSH- gudiya,hum toh aaj hi jaane waale the.par tujhe udas chhodkar kaise jaa sakte the....isiliye aaj rook gaye...
RIYANSH- haan gudiya..wo kya hai naa ki hamare final exams paas aa rahe hain......toh zyada din tak leave nahi le sakte.....
AVANTIKA- studies ki baat hai,isiliye chhod rahi hun.....par next time itni jaldi nahi jaane dungi...
RIYANSH- wo toh possible nahi hai gudiya!!!!
AVANTIKA- kyun!!!!!
RIYANSH- wo isiliye kyunki iske baad hum wapas jaayenge hi nahi...ye hamare last semesters hai naa...bas exams tak ki baat hai..fir toh hum yahin rehkar dad ka business sambhalenge....
AVANTIKA- sach....wow,tab toh maza aayega......
VAANI- us maze ko ussi waqt enjoy kar lenge......filhal abhi ki baat karen....!!!!
AVANTIKA- why not....toh batao fir,kahan chalna hai?
SHANAYA- bohot din hue clubbing nahi ki...wahin chalte hain......
VAANI- no babes.....plan toh already fix ho chuka hai......
SHANAYA- kaisa plan???aur kab fix hua???
VAANI ne ek card uthakar sabke saamne rakh diya.....
DEVANSH- ye toh koi invite lagta hai...kiske yahan ka hai!!!!
VAANI- dad ke frn hai,unke yahan se aaya hai.....
SHANAYA- lai,fir toh pakka koi old boring business party hogi....
VAANI- nahi yaar,theme ka naam toh dekh.......DEVIL'S FIRE....aur ye dekh,kya likha hai...mumbai ke best D.J ko bulaya hai....full on clubbing wala scene hoga..
SHANAYA- wow yaar......ye toh hamari ab tak ki sabse happening party hogi......
VAANI- aur pata hai,ye party dad ke jo frn hai naa,unka beta host kar raha hai..ye party ussine throw ki hai....
AVANTIKA- host ka naam toh hoga hi invite me.....?
VAANI- haina,.........MADDOX.........
BACK 2 HERO:-
RONIT- kaafi time se dekh raha hun,tu kis soch me goom hai?
ANJALI- haan yaar,agar tera mood nahi hai,toh party me jaana cancel karte hain!!!!!waise bhi hum kaun sa usse personally jaante hain......
MAI- nahi yaar.usne khud ghar aakar invite kiya tha,nahi jaayenge toh usse bura lagega.....aur mai toh bas is saal jo hamare lagatar jhagde ho rahe hain,ussi ke baare me soch raha hun...(jhooth)......
RONIT- haan yaar...sahi bola,ye saale AHUJA'S jab se aaye hain,tabhi se hamare saath itne saare kaand hona shuru hue hain...warna hum kitne mast the apne life me......
ANJALI- haan,par sirf mai aur V.J...tu ye
shaant waali catagory me nahi aaata hai...tera toh har 2,4 din me koi na koi lafda hote hi rehta hai.
ab hamari ANJALI madam ne aag ko hawa de di thi.....aag toh toh bhadakna hi tha...dono ki behes shuru ho gayi aur mai wapas kal MADDOX se hui mulakat ke baare me sochne lag gaya.....
YESTERDAY'S CONVERSATION FLASHBACK:-
MAI- sorry yaar,par ye naam bolte waqt kuch awkward sa nahi lagta.......MADDOX SINGH BAGGA..... maine apni life me first time aisa koi naam ka mixture suna hai...
MADDOX- abhi tumhari umr hi kya hui hai VIKRAM....ye duniya jitni ajeeb dikhti hai,usse kai guna zyada ajeeb hai....
MADDOX ne mere aankhon me jhankte hue ye baat kahi......
MAI- haan,aur iska ek aur example aapki life story bhi hai..... i mean,aapki life toh mujhe kisi film ki script ki tarah lagti hai....
MADDOX ne mujhe apne baare me wahi bataya jo BALBEER ne uski biwi ko bataya tha.....
MADDOX- wo story nahi haqiqat hai brother...khair,wo sab chhodo,tum kal apne family aur frns ke saath party me aa rahe ho...
DAD- beta,kal shaam ko meri ek meeting hai....office se aate aate hi mujhe kaafi late ho jayega....aur MINU mere bina jayegi nahi....toh hum toh nahi aa paayenge par haan,VICKY apne frnz ke saath zaroor aayega......
MADDOX- koi baat nahi uncle....toh VICKY...kal tumhe apne frnz ke saath pakka aana hai,ok!!!!!
MAI- ab dad ne haan keh di hai,toh mai kaise mana kar sakta hun...mai aur mere frnz aa jaayenge.....
hum dono ne haath milaya.MADDOX chala gaya aur chhod gaya mujhe tention me....
mere tention me hone ki do wajah thi.....
1st- MADDOX ne apne life ke baare me jo bataya tha,wo muhe sarasar ek jhooth laga,asliyat jaanene ke liye maine jab uski aankhon me jhaanka toh mujhe apna pehla jhatka laga.....
kyunki mai uske dimag aur soch ko padh nahi paa raha tha.aur jab mai ye kar raha tha toh MADDOX ne mujhe ek evil smile di jaise ki wo jaanta ho ki mai kya karne ki koshish kar raha hun.....
2ND- usse haath milate hi mujhe uske andar se ek negetive energy feel hui jo bohot zyada powerfull thi aur mai uske source ka bhi pata nahi laga paa raha tha......aur ye koi choti baat toh thi nahi.......mai insab ke baare me sochte hue apne room ki taraf chal pada...
FLASHBACK ENDS:-
RONIT- lai,ye toh fir apni soch me kho gaya.wapas aaja bhai,hum pohonch gaye.....
RONIT ke hilane se mai hosh me aaya...
MAI- haa,kya hua??
RONIT- abbe tera dimag khisak gaya hai kya aaj!!!!ek baar me tujhe kuch sunayi bhi nahi de raha...maine kaha hum pohonch gaye....
MAI- haan,toh neeche utar naa.ki tere naachne ke liye yahin dj bulwa dun.....
hum teeno car se utar kar party hall ki taraf chal diye...
ANJALI- woww yaar,scene toh ekdum sahi hai.....
party hall me pahunchte hi wahan ka mahoul dekhkar ANJALI ke mooh se ye apne aap nikal gaya....waise mahoul tha bhi kaafi happening.......
achi khaasi crowd thi,aur sabke sab young the....mumbai ka best dj apna talent dikha raha tha,saare bande uski beats pe groove kar rahe the....charon taraf drinks serve ho rahe the.red aur blue colour ki lights se pura hall jagmaga raha tha...ki achanak hum teeno shocked ho gaye.....
hum teeno abhi aage badhe hi the ki ek flash light mujhpar aakar padi......
abhi humme se koi kuch samajhta,usse pehle ek aawaz aayi.....
AWAAZ- boys & girlzzz....its 9.45 pm & V.J just stepped in the room........
sab hamari taraf dekhkar hooting karne lage..humne awaaz ki taraf dekha toh hume D.J ke sath hi MADDOX khada hua dikha.....jo hamari taraf wave karta hua aa raha tha....
RONIT- kya baat hai...bande ne tere liye khaas anouncement karwayi......
abhi mai kuch kheta usse pehle hi MADDOX hamare paas aa chuka tha...
ANJALI- zyada meetha acha nahi hota...
MADDOX- hey guyzz..thanks 4 coming yaar.......
MAI- thanks 4 inviting us..well,inse milo,they are my best frnzzzzz...he is RONIT & she is ANJALI........
MADDOX- tumhare best frnz matlab mere best frnzzz par sirf tum RONIT...inse mai dosti nahi kar sakta...
MADDOX ne ANJALI ki taraf point karte hue kaha......
MAI- kyun bhai,inse kya khata ho gayi...!!!
ANJALI bhi apne chehre par sawaal liye MADDOX ki taraf dekh rahi thi......
MADDOX- itni khoobsurat ladki se bhi bhala koi sirf dosti karta hai.....jin nazaron ko inse ishq na hua,wo nazare kis kaam ki.......
ANJALI MADDOX ki baaton se blush karne lagi par do log the jinki jal rahi thi.....
MAI- ishq nazaron ki jaagir nahi,
nazaren sirf BHADAKNA jaanti hain...
MOHOBBAT dil ki SALTANAT hai...
kyunki bas dil hi hai,
jo DHADAKNA jaanti hai......
MADDOX- waah kya baat hai yaar.ab ye mere liye ek surprise hai..india ka sabse talented banda sirf dimag ki hi nahi,dil ki baatein bhi samajhta hai,ye maine kabhi nahi socha tha...
maine kuch kaha nahi bas muskura diya...
MADDOX- agar tum dono ki ijazat ho toh kya mai inke saath ek dance kar sakta hun...
MAI- hamari ijazat kyun!!!!jinke saath tumhe dance karna hai,unse puch lo......
MADDOX- ma'am,mai i have the pleasure to dance with u....ye bolkar MADDOX ne apna haath ANJALI ki taraf badha diya....
ANJALI ne bhi muskurate hue MADDOX ka haath thaam liya......aur dono humse kuch door hi flor par chale gaye...
MADDOX- dj..change the mood.....
MADDOX ke bolte hi dj ne ek romantic number play kar diya.MADDOX aur ANJALI ek dusre ko pakad dance karne lage.....
RONIT- saala,isne hume bulaya tha ki sirf ANJALI ko..pehli baar mila hai,aur chipak chipak ke naach raha hai....
MAI- aisa hi hota hai dost.....sahi waqt par sahi baat nahi boli jaaye toh aksar baatein bigad jaati hai......
RONIT- abbe kaun si sahi baat...mai toh......
maine RONIT ko ghur ke dekha,wo sakpaka kar chup ho gaya....
wahin humse kuch hi door koi aur bhi tha jisse MADDOX aur ANJALI ka dance karna acha nahi lag raha tha...
dekh toh,kamini kitna chipak chipak kar dance kar rahi hai MADOX se.....
tujhe kyun jalan ho rahi hai VAANI......
ji haan doston,ye jalne waali aur koi nahi VAANI thi..jo iswaqt AVANTIKA,SHANAYA RIYANSH aur DEVANSH ke saath hamari left side me humse kuch hi door khadi thi....
VAANI- jale my foot....mai toh ye keh rahi hun ki banda kitna hot hai aur bandi bandi na hoke bandariya dikh rahi hai.....
RIYANSH- kahan se yaar!!! ladki bhi toh kitni hot hai......
AVANTIKA- ye galat baat hai VAANI...har kisi ki apni perference hoti hai..ab MADDOX ko tu nahi wo pasand aayi isme uski kya galti.....!!!!!!!
MAI- not bad......
AVANTIKA ne palat kar dekha toh mai usse cross karke aage badh raha tha...
hua yun ki meri nazar ghumte ghumte apni left side par gayi jahan AVANTIKA and family khadi thi aur is waqt un sab ki nazar ANJALI par thi.maine apne tez sunane ki shakti jaagrit kar li aur unki baat sunte hue unki taraf badh gaya..AVANTIKA ki baat sun mere mooh se not bad nikal gaya...
AVANTIKA kuch der tak meri taraf dekhti rahi fir apne family ke saath baaton me mashul ho gayi.....
MADDOX- so,u guyz are enjoying naa....
hume abhi couch par baithe ek min bhi nahi hua tha ki MADDOX aur ANJALI hamare paas aa gaye.....
MAI- ya bro,we are good...
MADDOX- par aapke dost ko dekh kar toh aisa nahi lagta...kya hua bhai,kuch problem ho gayi kya!!!!
MADDOX ne RONIT ko pucha par mujhe pata tha ki sirji bhare baithe hain,kahin fat na jaayen isiliye maine turant jawab diya...
MAI- nahi yaar,ye aisa hi hai...wo kya hai naa,hum teeno normally aise parties me aate nahi hain,ek dusre ke saath hi hamara zyada waqt beeteta hai...isiliye ye thoda uncomfortable hai.....aur kuch nahi...
MADDOX- par jab mai ANJALI se shaadi karke usse le jaunga tab ye kaise karega!!!!
MADDOX ki baat sunkar ANJALI aur RONIT shocked ho gaye....
MAI- iski tention nahi hai..ANJALI jisse bhi shaadi karegi,usse is baat ka khayal rakhna hoga ki wo hum teeno ke beech na aaye...warna uska patta cut....kyun ANJU.....
ANJALI- bilkul........
MADDOX- relax guys,tum sab toh serious ho gaye..mai toh mazak kar raha tha....
RONIT- pata hai yaar.ANJALI se shaadi karne ki baat mazaak me hi ki jaa sakti hai,seriously is baat ko bolne ka hak humne kisiko diya nahi hai....
MADDOX- manana padega... kya dosti hai.....!!! ek kaam karte hain,ander lounge me baithte hai.....
MAI- arre yahan kya proplem hai!!!!yahin baithte hai naa...
MADDOX- arre ye toh common spot hai.aap khaas hai.please yaar chalo naa,i insist....
hum teeno bhi MADDOX ke peeche peeche andar lounge area me chal diye jahan pahunchkar hum ek baar aur shocked ho gaye......kyunki hamare saamne AVANTIKA & FAMILY baithi thi....
MADDOX- inse milo frnzz,ye bhi mere khaas mehmaano me se ek hain.....
MADDOX ne humara ek dusre se intro karaya,hum bhi uske saamne koi scene nahi karna chahte the isiliye normally ek dusre se mile.....
kuch der jo hum wahan baithe the,us douran MADDOX ne ANJALI ke saath bohot flirt kiya......ANJALI bhi isse ek casual baat samajh kar uska saath deti rahi.is beech maine note kiya ki AVANTIKA ki nazar reh reh kar baar baar meri taraf jaa rahi thi....
AVANTIKA (man me )- ye jab bhi mere saamne rehta hai (mai) mujhe itni bechaini kyun hoti hai......kya soch raha hoga mere baare me.....!!!!par mai kya karun,mai apne aap ko isse dekhne se rok hi nahi paa rahi hun.....aisa lag raha hai jaise hum dono ke beech koi bridge si hai jo mujhe isse jod rahi hai.......kya karunnn.........!!!!!!ghar hi chali jaati hun.......
AVANTIKA- maddox- thanks 4 inviting us..par ab hame chalna chaiye.kaafi late ho gaya hai..kal school ke liye early morning uthna bhi hai....
VAANI toh waise bhi MADDOX aur ANJALI ko saath dekh jali baithi thi...usne bhi AVANTIKA ka saath diya......
VAANI- haan yaar.hum already late hain..hume ab chalna chahiye.....
MADDOX- baat study ki hai,isiliye rokunga nahi......par next time bhi agar ,maine bulaya,toh aana padega.....
vaani- we would love too....
RONIT- hame bhi chalna chahiye...humara bhi toh kal school hai....
MADDOX- thik hai tum jao.ANJALI ko mai baad me chhod dunga....
MADDOX ki baat sunkar RONIT ka dimag ghum gaya.....par isse pehle ki hamare sir MADDOX pe bhadakte...
MAI- ha ha..nice joke......
MADDOX- i am serious yaar.kyun,kya hua!!! mujhpe bharosa nahi hai kya!!!
MAI- bilkul bharosa hai brother..sage na sahi,ho toh tum bhi ANJALI ke bhai jaise hi naa...ab ek bhai ke hote behen ko koi problem ho sakti hai kyaa!!!!
meri baat sunkar RONIT zor zor se hasne lag gaya wahi MADDOX ka mooh us bache jaisa ho gaya jiske haathon se uski fav chocalate kisine cheen li ho......
hasi sirf RONIT ko hi nahi aayi thi,meri baat pe ANJALI aur uske saath saath puri AHUJA family hasne lag gayi thi..
AVANTIKA (man me )- baaton me isse koi nahi jeet sakta......
MADDOX ke chehre par ek pal ke liye be inteha ghussa aa gaya tha,par usne turant apne aap ko normal kar liya.....
par wo ek pal ka ghussa mujhe jhatka dene ke liye kaafi tha......
MADDOX- nice joke sir ji........bhai bankar hi sahi,kamsekam inka saath toh milega.....
hum sab haste hue MADDOX se haath milakar nikalne lage...
MADDOX- jitna hasna hai has le,isse mai tum sab se cheen kar hi rahunga...
jab RONIT MADDOX se haath milane ke liye aage badha toh MADDOX ne RONIT ki kaan me ye kaha...ghussa toh RONIT ko bahut aaya par wo koi scene create nahi karna chahta tha isiliye chup chap aage nikal gaya......
HAMARE JAANE KE BAAD:-
BALBEER- mil liye usse.ab kya socha hai...!!!
party hall ke khali hote hi BALBEER MADDOX ke saamne prakat hua.....
MADDOX- aapne kya socha ki maine ye party sirf usse milne ke liye di thi...mujhe toh bas kuch sure karna tha jo mai kar chuka...ab bas,thida sa intazar,aur fir VIKRAM ke dil ko mai aisa dard dunga ki wo khud bhi jeena nahi chaahega.....
BALBEER- jo bhi karna,soch samajh kar kana....wo bohot shaatir hai....agar usse tumhare plan ki bhanak bhi lag gayi toh bohot bura hoga...aur tumhe toh pata hi hau,humme se koi bhi is kaam me tumhari madad nahi kar sakta...
MADDOX- relax dad.jab ab tak nahi padi toh aage kaise padegi....waise usne koshish toh bohot ki,mera dimag padhne ki par afsos,padh nahi paaya.....usse ye nahi pata ki agar man ki baat jaanene ki kala hoti hai toh man ki baaton ko chupaane ki bhi kala hoti hai....
aur jab tak wo hamari agli chaal ko samjhega,hum usse chot pahuncha chuke honge...
MADDOX aur BALBEER zor zor se hasne lage.......
NEXT DAY IN SCHOOL:-
MAI- bas karo tum dono......kal raat se dekh raha hun....kutte,billi ki tarah lad rahe ho dono......aur tu ANJALI,jab bhi mai isse naraz hota tha,toh tu hi mujhe samjhati thi naa,ki ye hai toh kam akal.kuch bhi bolta hai..toh aaj khud is baat ko kaise bhul gayi....
hum is waqt apne school ki parking me khade the..kal raat MADDOX ke party se nikalne ke baad se hi RONIT aur ANJALI ke beech tu tu mai mai chalu ho chuki thi jo ab tak chal rahi hai.....
ANJALI- arre kal raat se ye mooh fulaye baitha hai.kuch bhi bolo toh ulta jawab hi deta hai....
RONIT- haan,sahi kaha.mai ulte jawab hi deta hun.saare sahi jawab toh wo MADDOX deta hai.....jaa ussi ke saath jaake kaun banega mera pati khel......
ANJALI- dekha V.J...ghuma firake fir wahi baat.....arre wo bas masti kar raha tha.us baat ko itna seriously lene ka kya matlab!!!
RONIT- haan,tabhi toh itna zyada daant dikha rahi thi tu uske jokes me....oh god MADDOX,u are so funny........hamari baaton pe toh tere aansu nikal jaate hai,kyun????tu ek kaam kar,ussi ke saath raha kar......hamare saath tera time waste ho jaata hai.....
ANJALI- u know what???u r right.tere saath hang out karne se acha uske saath hi ghumna chahiye.wo kamsekam teri tarah sadu toh nahi hai....thanks 4 the advice...bye...
mai dono ko samjhate reh gaya par dono alag alag nikal gaye.....claas me bhi aaj hum saath nahi baithe the.total teen rows thi.hum teeno hi alag alag rows me baithe the.khair,jaise taise saare classes khatm hue.......par ab ek nayi problem thi...
wo ye ki dono ab saath ghar bhi nahi jaana chahte the....
MAI- RONIT yaar,saath chalne me kya problem hai.baat mat karna tum dono....
ANJALI- nahi,mai iske saath nahi jaungi....tum dono jao,mai auto le lungi....
MAI- zyada hoshiyaari dikhayi na,toh ek thappad maarunga....tu mere saath chal rahi hai samjhi..
RONIT- yaar tu nikal,mai aata hun....
MAI- ab tu kahan chala be...
RONIT- aaj thoda football khelne ka mood hai..tu nikal,mai baad me aata hun..
hamare school me claases ke baad daily football practice hoti thi...maine bhi socha ki kuch waqt tak agar ye dono alag hi rahen toh thik rahega....
MAI- chal fir.mai ANJU ko lekar nikalta hun,tu shaam ko sidhe ghar aa jaiyo.....
RONIT- thik hai....bye..........
mai aur ANJALI ghar ki taraf nikal gaye,aur RONIT football ground ki taraf...par mujhe ye nahi pata tha ki RONIT ko yun akela chhodna meri kitni badi bhool thi......
MINAKSHI MANSION:-
MOM- VICKY!!!!
MAI- yes mom.......
school se aane ke baad fresh wagairah hokar maine lunch kiya aur just RONIT ke ghar jaane ke liye apne room se nikalne hi waala tha ki mom ne mujhe awaaz diya....
MOM- beta KAVITA ka phone hai...puch rahi hai RONIT abhi tak ghar kyun nahi aaya!!!
MAI- mom wo football practice ke liye school me rook gaya tha.aata hi hoga....
maine jaisa kaha,mom ne waisa KAVITA aunty se keh diya.....
MAI APNE AAP SE- mai bhi naa.acha hua mom ne RONIT ke baare me puch liya.mai toh bhul hi gaya tha ki wo toh ab bhi school me hoga..par kuch yada late nahi ho gaya.saala,pakka kahin na kahin baithkar kuch thoos raha hoga...saala bhukkad...
mai wapas apne room me jaane ke liye muda hi tha ki mujhe ek tez jhatka laga.....maine turant apni aankhen band kar li aur kuch dhundne laga par mujhe kuch bhi nahi dikha..
maine mobile nikala aur call lagaya par no response......mera dimag kharab hone hi laga tha ki mere andar se awaaz aayi.
BOOK- VIKRAM,tumhari sabse badi kami tumhara utawalapan hai.....dhairya rakho,bhale hi paristithi kitni bhi viprit kyun na ho,dhairya rakhne se hi tumhe uchit maarg milega.....
maine apne man ko shant kiya aur sochne laga ki mujhe kya karna chahiye....maine dobara apni aankhen band ki aur is baar kuch aur dekhne laga...kuch 5 sec me hi meri aankhen khul gayi......mujhe ek andaza ho chuka tha ki mujhe pehle kahan jaana hai....
maine apni aankhen fir band ki aur jahan mujhe pahuncha tha us jagah ko yaad kar gayab ho gaya....un kaali shaktiyon ke rakshako ko maarne ke baad jo mujhe magical powers mili thi,uske baad ye pehli baar tha jab mai unme se ek ka istemal kar raha tha....
agle hi pal mai us jagah par khada tha jahan pahunchne ki maine sochi thi.mai ab bhi invisible hi tha......
maine ape haath faila diye.mere dono haathon se invisible roshni nikli aur us jagah ke chaaro taraf faile gayi.....mujhe pichle 5 minute me yahan kya kya hua hai wo sab dikhne laga....
mujhe is jagah par ek suraksha kawach jiska asar ab dheere dheere gayab ho raha tha,uska bhi aabhas ho gaya.issi surakhsha kawach ki wajah se mai kuch bhi detect nahi kar paa raha tha....
maine us surakhsha kawach ko apni shakti se jod diya.ye bhi ek spell tha jo mujhe kitab ne sikhayi thi...ab mujhe pata tha ki mujhe kaha jaana hai.mai firse gayab ho gaya....
WAHIN DUSRI TARAF:-
bas kuch saanse bachi hai tere paas....tere zindagi ke saare khaas logon ko yaad kar le......khaas kar ke VIKRAM ko.........arre kya hua,tere toh aansu nikal aaye....miss kar raha hai kya usse....tention mat le,bohot jald usse bhi tere paas bhej dunga......
SHAITAN BHAGWAAN KE FAISLE NAHI KARTE MADDOXXX..................
awaaz sun jaise hi MADDOX palta,saamne mujhe dekh ek pal ke liye uska dimag ghum gaya.....usse yakin nahi ho raha tha ki maine usse khoj nikala hai......
wahin meri nazar jaise hi uske piche zameen par pade RONIT par padi,toh mere aankhon se aansu nikal aaye...
RONIT ka chehra dono taraf se fat chuka tha......uske hoth se khoon behkar uske shirt par jam chuke the.RONIT ulta leta hua tha aur uske dono haath bhi ulte ghume hue the..iska matlab uske dono haathon ko tod diya gaya tha.....
MADDOX- maan gaye VIKRAM......sach me yaar tu kamal ki chiz hai....itne safety measures lene ke baad bhi tu mujh tak pahunch gaya....akhir kaise????marne se pehle meri curiosity khatm karte jaa yaar....
Is waqt hum BALBEER ke hi ek godown me the jo sheher se baahar thi....
MAI- maine kaha naa,bhagwaan ke faisle shaitan nahi karte MADOXX.aur kaun jiyega.kaun marega,ye sirf bhagwaan ke hi haathon me hai.....
aur jahan tak sawal mere tujh tak pahunchne ka hai toh,yaad hai jab tu mujhse pehli baar mila tha,toh tune kya kaha tha.national topper ko kaun nahi jaanta....fir tu kaise ye bhool gaya ki mujhe bewakuf banana tere bas ki baat nahi hai....
jab mai tera dimag nahi padh paaya toh mai samajh chuka tha ki tu koi choti moti cheez toh ho nahi sakta....mai ye bhi samajh gaya ki tu mujhe nuksaan pahunchaane ke liye hi aaya hai...
tera sach jaanene ke liye hi mai teri party me gaya....
jab tu ANJALI ke saath dance kar raha tha,toh mai RONIT ke saath us party hall ke chakkar laga raha tha.maine wahan ke sabhi kono me chhupakar transmiter aur cameras laga diye the.....aur hamare jaane ke baad jab tera baap tere saamne prakat hua aur fir tum dono ke beech jo bhi baat chit hui,wo sb maine sun li thi....
jab maine ANJALI ko teri behen bulaya jispe sab hasne lage,tab ek pal ke liye teri aankhen puri kaali ho gayi thi,mujhe pata chal gaya ki tu koi devil hi hai....
bas ek chuk ho gayi mujhse...mujhe laga ki tu bas mujhe aank raha hai.anylize kar raha hai..mere baare me,meri taakat ke baare me jaankar tu mujhpe attack karega...mai ye bhool gaya ki devils aur saamp me zyada fark nahi hota...wo kisiko bhi das sakte hain.....
MADDOX- waah bhai,maan gaye..maine socha tha ki pehle mai tere is jigri ko maarunga,aur issi gum me jab tu maansik tour par kamzor ho jayega,tab mai tujpe hamla karunga.....par yahan aakar tune mere plan ko fail kar diya...aur iski saza tujhe apni jaan dekar chukani padegi......
MADDOX ne apne haath failaye,dekhte hi dekhte uske sharir par kaale dhuen aakar kapdo ka akar lene lage...kuch hi palon me MADDOX mere saamne apne asli roop me tha.....
MADDOX- taiyar ho VIKRAM!!!!!
MAI- hamesha.....
MADDOX- wo toh tum hoge hi...agar himmat hai toh apne charo taraf faile hue suraksha kawach ko hata kar lado.......
MAI muskurate hue-fir mere saamne dimag lagaya tumne.khair,tumhari aakhri khwahish samajhkar tumhari baat maan leta hun..
( guru VISHAKHT ne mujhe mere charo taraf faile surakhsha kawach ke baare me bata diya tha )
maine apni aankhen band ki aur...
AKARMIKA
mera suraksha kawach gayab ho gaya.....
MAI- RONIT mere bhai.bus kuch der wait kar.fir ghar chalte hai..
RONIT itne dard ke baawajud mujhe aankh faade dekh raha tha......
agle hi pal MADDOX ke haathon se kaali rays nikalkar meri taraf lapki,maine bhi apna haath aage kar diya.mere haathon se white rays nikalkar black rays se takraaye...dono hi rays nasht ho gaye.....
MADDOX ne apni aankhen band ki aur apni ungliyon ko ghumane laga... dekhte hi dekhte MADDOX ke saamne ek paani ka diwal ban gaya....abhi mai kuch samajhta usse pehle hi us diwal se ek ke baad ek hathiyar tezi se nikalkar meri taraf aane lage......
maine bhi tezi se apna haath gol gol ghumana shuru kar diya....mere haathon se mere aage ek hawa ka bawandar banane laga
MADDOX dwara chhode gaye saare hathiyar mere banaye gaye bawander ke andar chale gaye......
saare hathiyaaro ko nasht karke maine bawandar ko bhi khatm kar diya par yahin mujhse galti ho gayi...
MADDOX ne apne haath ko jodkar saamne ki taraf ek jhatka diya..paani ka diwal ek zordar blast ke saath fat gaya...paani ne tez dhar nukile barf ka roop le liya aur meri taraf aane lage...
maine apne dono haathon ko jod kar ek ko upar aur dusre ko neeche kar diya..mere aage ek rubber ki diwal ban gayi.....par diwal ke pure banane se pehle ek tez dhaar barf aakar mere shoulder me ghus gayi.....
MAI- aaahhhhhhhhhhhh.....
RONIT- V..JJJJJJJJ.....
meri cheekh ke saath saath RONIT ki bhi cheekh nikal gayi......
MADDOX- hahahahaaaaa...bas itna hi dum tha.......kya yaar,dad toh faltu me tention le rahe the......
MADDOX ne apna haath uthaya aur kuch mantra padhne laga.....us gowdown ke andar hi kaale badal banane lage....
MAI-aaaahhhhhhhh.........
un baadlon me se biji nikal mere upar girne lagi...maine apne upar ek suraksha kawach bana liya tha par dard me hone ki wajah se suraksha kawach kamzor tha....par fir bhi ussi ki wajah se bijliyon ka asar mujhpar kam ho raha tha....
mere kapde fat gaye the..sharir se khoon nikalne laga tha.....mujhe apna aakhri waqt dikhne laga tha.....
MADDOX- arre yaar...tu toh bada hi kamzor nikla...maza hi nahi aaya tujhse ladke...khair maze ke liye teri wo frn toh hai hi..ussi se kaam chala lunga....mai....ahhhhhhhhhhhhhhhhhhhhhhhhhhhhhhh
MADDOX aage kuch bol nahi paaya....jin bijliyon se wo mujhpar waar kar raha tha,unme se ek ussike upar aakar giri....wo door jaakar gira....
hua ye ki jaise ek aur bijli meri taraf badhi,maine apna haath agge kar uske asar ko ulta karne ka mantra padha...
is dard bhari haalat me spell ko modna mere liye bohot mushkil tha.par MADDOX ke ANJALI ke upar kiye comments se ek pal ke liye mera dard gayab ho gaya aur itna kaafi tha uske spell ko modne ke liye.....
mai apni puri taakat sametkar khada ho gaya......
wahin MADDOX bhi ab tak khada ho chuka tha.....
maine apni aankhen band ki aur apne haath jode aur jab tak MADDOX kuch soch ya samajh paata maine mantra padh liya tha....
mere seene waale hisse ke aage roshni chamakne lagi....aur dekhte hi dekhte mere chaaron taraf roshni se bani lambi lambi nukili suiyan nikalne lagi.achanak hi us godown me tez hawa chalne lagi aur har cheez meri taraf kheenchane lagi....
MADDOX aur RONIT bhi meri taraf kheencha kar aane lage....maine ek haath aage kar diya..RONIT ke neeche ki zameen ukhad gayi....RONIT ka thoda sa sharir us zameen ke andar chala gaya.wo jagah fir se bhar gayi..
ab RONIT safe tha par MADDOX lakh koshishon ke baad bhi meri taraf kheencha chala aa raha tha........
MADDOX ko jab laga ki wo khudka mere paas aane se nahi rok paayega toh usne ek nayi chaal chali.....
MADDOX ne taali bajane ki andaz me apne dono haath jod diye...
aaaahhhhhhhhhhh.....mere is cheekh ke saath mera spell bhi bekar ho gaya...hua ye ki MADDOX ke taali bajate hi do adrishya forces ne mujhe dono taraf se takkar maari jisse mujhe kaafi dard hua.yahan mera concentration toota ,wahan mera spell bekar hua....
MADDOX ne meri taraf ek tak dekhte hue apne dono haathon ko malna shuru kiya....jaise jaise uske haath garam hue,mera jism bhi garam hone laga......
kuch hi der me mere sharir ke kuch ang jal kar kaale padne lage...........itne dard me bhi mujhpe behoshi chhane lagi thi....
par jaise hi meri aankh band hui,mujhe RONIT ki mom ka rota hua chehra dikhne laga.agar mau abhi mar jaata toh MADDOX RONIT ko bhi maar deta.maine jhat se apni aankhen kholi aur ek jhatke me khada ho gaya....
MADDOX jo pura dhyan lagakar mujhe jala raha tha,mere achanak uthne se hadbada gaya jisse uska concentration aur spell dono toot gaye....
MAI- bas bohot hua...tu mujhe maarna chahta tha naa.toh thik hai....mai marne ke liye taiyar hun....par akele nahi,tu bhi mere saath marega........
RONIT mere bhai.........maine tujhe apna saga bhai hi maana hai...par ek kasak hamesha rahi,ki kaash hum dono ek hi maa ke kokh se janme hote..agar dobara hum dono ne janam liya naa,toh hum dono ek hi maa ke kokh se janam lenge...
RONIT chupchaap meri baaton ko sunta gaya.....
maine MADDOX ki taraf dekha......
SAMPURNA VINAASHATE ANUVEDHEYA.......
MADDOX- nahiiiiiii..............
mere mantra bolte hi hum jahan moujud the us puri jagah par kampan shuru ho gayi....
MAI- AKARMIKA.......maine RONIT ki taraf haath age kar mantra bol diya.jo suraksha kawach bachpan se aaj tak mere chaaro taraf rehti thi,wo ab RONIT ke chaaro taraf faile gayi.......us kawach ki wajah se dheere dheere uske ghaav bhi bharne lage aur uski tooti haddiyan bhi judne lagi....
wahin mere aur MADDOX ke sharir kaampne lage.....hamare sharir me jitni bhi urja thi wo nikal kar bahar aane lagi....hum dono ki hi shaktiyon ne hum dono ke beech aakar ek gole ka roop le liya.....
MADDOX ne gayab hone ki koshish ki par kuch bhi nahi hua.khud ko gayab na hote dekh wo baahar ki taraf bhaagne ko hua par uske pair jam gaye.wo hil bhi nahi paa raha tha..
maine ek aakhri baar RONIT ki taraf dekha.mere aankhon se aansun nikal aaye.RONIT ko kuch samajh toh nahi aa raha tha ki ho kya raha hai par meri aankhon me aansu dekh wo samajh gaya ki kuch bohot bura hone waala hai......
aur BOOOOOOOOMMMMMMMMMMMMMM......
ek tez dhamaka hua.............aur fir sab kuch shaant.................
dhamake me godowm toh pura gayab hi ho gaya......wahin MADDOX udta hua najaane kaha jaakar gira.par girne ke baad uska sir ek taraf ludhak gaya..
wahin dusri taraf mai bhi piche ki taraf thodi door jaakar gira...meri puri body jagah jagah se fat gayi thi........yaha tak ki mere baazu aur ghutne ki haddi bhi dikhne lagi thi.....mere pure sharir se khoon nikal raha tha....
blast ki wajah se har taraf dhuan dhuan ho gaya tha.dhuan chhatete hi meri nazar jo lagbhag band ho hi gayi thi,RONIT par gayi..usne bhi mujhe dekh liya tha.....
jahan ek taraf itne dard me bhi RONIT ko sahi salaamat dekh mere chehre par ek halki si muskurahat thi wahin meri haalat dekhkar RONIT bardasht na kar paaya aur behosh ho gaya.....
TABHI:-
mere theek upar aasman me ek tez roshni chamki aur us roshni ke beech ek WORLD DOOR khul gaya......us door ke andar se ek aur roshni nikli aur sidhe neeche mere upar padi..mera sharir hawa me uthne laga aur kuch hi pal me mai us door ke andar chala gaya.....mere andar jaate hi wo door band ho gaya.......
AAJ KE LIYE ITNA HI....
AAPKA APNA V.J....
Aap ya koi bhi reader kya chahte hain,is hisab se maine ye story nahi likhi.iske har character aur uska role kahani shuru hone se pehle se maine tay kiya tha..
Hahahaha........hota hai brother...apne aap ko chota mat samjhiye..is kahani ka koi bhi reader ye nahi bata sakta ki aage kya twist aane waale hain... toh aap kaise kisise piche hue.infact aap ek behtareen reader hai kyunki aap is kahani ke ganit ko samajhne ki koshish nahi karte balki bas updates enjoy karte hain...
Bhai story wo hi bhadiya hoti hai jo writer apni pasand aur khushi ke liye likhata hai.
Thanks 4 the review brother... science fiction kahaniyan sirf enjoy karne ke loye hi hoti hain aur wahi karana chahiye...
Thank u 4 actually understanding the the main logic that not everything can happen accord a readers visualization...
