Romance Bewafa by Mrindia.only

[Incest]

#102
Autodriver ne U-turn dekar auto ko ghumaya aur jaise hi aage ko badha ………saamne se police ki do gaadiyan , siren bajaati huyi aayi aur Lakshmi nivaas ki taraf mud gayi …….unke peechhe hi ek ambulance bhi aa rahi thi…..woh bhi uss hi taraf mud gayi , jahan police ki gaadiyan gayi thi …………
“ Police bahut jaldi yahaan pahunch gayi !! “ main socha ……aur fir saamne road ki taraf dekhne laga ……….autodriver poori speed se auto chala raha tha …….fir bhi mujhe jaane kyon lag raha tha ki uski speed kam hai ………..
maine fir apni jeb se apna mobile nikaala……..aur Kamal ka number dial kiya……….2 ring jaate hi usne call receive kar li …….
“Kamal………ek nayi museebat aa gayi hai yaar !!” maine uske phone uthaate hi kaha……….
“haan ….mujhe abhi maloom pada Rajiv ....ki kisi ne Mr.Chaudhry ka murder kar diya……..” usne kaha..
“nahi….!!....woh abhi jinda hain Kamal……….” Maine kaha aur fir usko saari baat jaldi jaldi batayi ………….
Poori baat sunne ke baad woh bola……”Ohh………..par tum wahan se bhaag kyon aaye Rajiv…? ……jab tumne kuchh kiya hi nahi , to tumhe darne ki kya jaroorat thi …..?”
“Wahan haalat hi kuchh aise ho gaye they Kamal ……ki mujhe bhaagna hi pad gaya ……..” maine kaha ……….
“hmm……….theek hai , tum apne ghar pahuncho …………….main jaldi hi wahan ki position dekh kar tumhe phone karoonga ……….” Usne kaha aur phone disconnect kar diya ……………..
thodi hi der mein main apne ghar pahunch chukka tha………..auto se utar kar maine usko paise diye aur bahut tezi se chalta huya building ke andar aa gaya ……….wahan ka mahaul bata raha tha ki wahan abhi yeh khabar nahi pahunchi thi ……….main tezi se chalta huya lift tak aaya aur usmein guss gaya ………..
2 hi minute ke baad main apne flat ke andar tha …………..flat mein guste hi maine jaldi se darwaaza band kiya aur apne bedroom mein aa gaya ........maine TV ko on kiya aur news channels ko dekhna shuru kar diya ……………lagbhag saare channels par yeh Breaking news aa rahi thi …………….kyonki channels ke paas abhi details maujood nahi thi , isliye yeh news screen par neeche aa rahi thi ……….ek moving news ke roop mein ................
Main fridge khola aur ek bottle nikaal kar jaldi jaldi bahut saara thanda paani pee liya……….meri saans bahut tez chal rahi thi .....aur dil ki dhadkan to maano saare records todne ke liye tayyar thi...................aur fir jaise hi maine bottle ko waapas fridge mein rakha , police ke siren ki tez aawaaz mere kaano mein padi …………
Main daudta huya balocony mein aaya ………….neeche nigaah jaate hi mere dil ki dhadkane aur jyada tez ho gayi ………police ki 2 gaadiyan neeche , building ke compound mein khadi huyi thi ………..aur unn mein se police waale utar kar building ke andar jaa rahe they ……………
Mere paas bilkul bhi samay nahi tha ………maine kuchh seconds socha aur fir ek hi idea mere dimaag mein aaya ……………" bhaago Rajiv "
Maine kitchen mein pahuncha ……..kitchen ki ek window fire escape ke liye bani huyi thi ……..maine ek jor ka dhakka diya aur woindow ko kholkar uss se baahar nikal gaya ………uske peeche fire-exit ke liye bani huyi lohe ki seediyan thi ……….maine jaldi se seediyon ko pakda aur fir bahut tezi ke saath seediyan utarne laga ………2 minute se bhi pehle main neeche pahunch chukka tha …………..aakhiri seedi par pahunchte hi maine neeche jump laga di …………
jahan main kooda tha..............Yeh ek patli si , par bahut lambi gali thi ………mere paanv jameen se touch hote hi maine ek taraf ko daud laga di ……….ab main building se ulati disha mein bhaag raha tha …………..gali se baahar aate hi maine left side mein muda aur fir se bhaagana shuru kar diya ………..uske baad saamne jaakar yeh raasta , mein road se mil jaata tha ………..
main abhi main-road par pahuncha hi tha ki ek kaali rang ki car mere saamne aakar ruk gayi ………….bilkul gali ke end par .............rukte hi uska meri taraf waala darwaaza khula aur meri nigaah drive kar rahe shakhs par gayi …………….usko dekhte hi maine maano ek lambi si saans li ……………woh Kamal tha ……..usne mujhe andar aane ka ishara kiya aur main jaldi se gaadi ke andar baith gaya........... mere baith-te hi usne car ko aage badha diya …………….
______________________________

 

[Incest]

#103
Car mein baithne ke baad maine kuchh der apni saanso ko durust karne mein lagi di ……….lgaatar bhaagne ki wajah se meri saans buri tarah fool rahi thi , aur saath hi saath dil ki dhadkane bhi kaboo se baahar thi…….
2 minute tak chup rehne ke baad maine Kamal ki taraf dekha , woh saamne dekhte huye ..badi gambheerta se gaadi chala raha tha ………….raat ka andhera , kaali car aur kaale hi sheeshe ………….main iss samay kaafi had tak safe tha …….par kab tak …??
“ Hum kahan jaa rahe hai Kamal ………………??” maine uss se sawaal kiya ……..main abhi bhi haanf raha tha...........
usne ek baar meri taraf dekha ………….fir aage dashboard mein haath daal kar ek paani ki bottle nikaali aur meri taraf badha di ………..maine bottle uske haath se li aur dhakkan khol kar muh se laga di ………kuchh hi seconds mein maine lagbhag poori bottle khaali kar di …………fir muh ponchte huye uski taraf dekha …….apne sawaal ka jawaab jaan-ne ke liye ………….
Uss ne ab fir se meri taraf dekha aur bola ……….” Tum bahut buri tarah fans chuke ho Rajiv………..main abhi todi der pehle hi Lakshmi nivaas gaya tha ………..wahan mauk-e-waardaat par jo bhi kuchh dikhayi pad raha hai …….sab tumhaare khilaaf ja raha hai ………….ab tumhaare paas do hi raaste hain……..ya to apne aap ko police ke hawaale kar do ……..aur ya fir filhaal yahan se bhaag jaao ……….iss shahar se door ………….”
Maine chaunk kar uski taraf dekha …….aur fir poochha “ main samjha nahi Kamal ………aisa kya hai wahan jo mujhe iss sab ke liye jimmedar saabit kar sakta hai ………?? ..mujhe to yahi laga tha ki woh log galat fehmi mein mujh par shaque kar rahe hain……??”
Kamal kuchh seconds chup raha aur gaadi ko chalaata raha ……..gaadi ab bheed bhari sadko se baahar nikal kar .......... khaali raod par bhaag rahi thi ………..iske thoda aage highway shuru ho jaata tha ..................fir usne meri taraf dekhte huye kaha ………..
“wahan Lakshmi nivaas mein ek revolver mila hai ………police ko yakeen hainki uss hi revolver se Mr.Chaudhry ko goli maari gayi hai ……………aur Sharad ne police ko bataya hai ki woh revolver Mr.Chaudhry ne tumhe diya tha ………….”
“Haan …..yeh sahi hai , par yeh wahi revolver hai Kamal …….jo uss raat mere se chheen liya gaya tha , jab Neeraj ka murder hua tha ………..” maine kaha … mujhe yaad aaya ki jab main seediyon se neeche aaya tha , tab revolver mere haath mein hi tha ………..jaroor Sharad ke saath haatha-paayi mein woh wahin gir gaya hoga …….
“yeh baat main aur tum jaante hai Rajiv ……sab log nahi ……….unke anussar to yeh revolver tumhaare paas hi hona chahiye tha ……….” Kamal ne kaha ………fir aage bola “ iske alaawa Mr.Chaudhry ke room mein se police ko kuchh photos bhi mili hain……..wahi photos Rajiv , jink e bal par tumhe blackmail kiya ja raha tha ……….tumhari aur Neha ki pictures , tumhaair aur Neeraj ki pictures …………aur photos ke saath ek letter bhi wahan se mila hai ………woh letter kisi ne Mr.Chaudhry ko likha tha ………jiss mein yeh bataya gaya hai ki tumne Neha aur Neeraj ke saath milkar , Vault ko lootne ka plan banaya tha ……..aur baad mein unn dono ko khatam kar diya ……………..”
“Par jab main wahan pahuncha tha …….tab to wahan koyi photos nahi thi Kamal ……..?? “ maine hairat se uski taraf dekhte huye kaha …………
“ho sakta hai Rajiv ki tumhe jaldi mein dikhayi hi na padi ho ………tumhaara dhyaan to waise bhi Mr.Chaudhry ke oopar hi hoga ………………usne meri taraf dekhte huye kaha ……………
“Ohhh ……God……” mere muh se sirf itna hi nikal paya…………yeh ek nayi baat thi jo mujhe Kamal ne bataayi thi …….aur uska kehna bilkul sahi tha……..main waakayi ab kanoon ke fande mein buri tarah se fans chukka tha ……………..
“Dekho Rajiv ………..”usne fir mujh se kaha…….” yeh case mujhe nahi diya gaya hai ………mere commissioner ne iss case par ek doosre officer ko lagaya hai………shaayad isliye ki iss shahar mein sabko humaari dosti ke baare mein maloom hai ………..agar main iss case ka incharge hota to main tumhe yahi salaah deta ki tum apne aap ko kanoon ke hawaale kar do ………..par ab inn badli huyi paristhitiyon mein main tumhe filhaal yahan se bhaag jaane ki salaah hi doonga …………Raj nagar mein police ne sab jagah tumhaari talaash shuru kar di hai ………..bus stand , railway station aur airport , sab jagah tumhe dhoondha jaa raha hoga ……………isliye main tumhe yahaan lekar aaya hoon ………………yahan se thoda aage ek bye paas hai , jahan se lagbhag saari buses nikalti hain ………tum wahan se koyi bus pakad kar , iss shahar se door nikal jaao ………..par mere saath contact jaroor rakhna ………main apne level se iss maamle ki chaanbeen karta rahoonga ………aur jaise hi mujhe koyi nayi baat pata chalegi , main tumhe inform kar doonga ……….par fihaal tum kisi safe jagah par jaakar chhip jaao …………sirf tum jaante ho , aur mujhe bhi vishwaas hai ki tum be-kasoor ho ……..par hum jab tak sabko iss baat ka yakeen na dila dein , tumhe chhipe rehne padega ……….”
Main kuchh second chup raha aur fir uski taraf dekh kar haan mein sar hila diya ……….uska kehna sahi tha …..woh jiss had tak meri help kar sakta tha , kar raha tha ……….ab iske aage agar woh kuchh karega , to uski bhi naukri par baat aa sakti hai ……….
“Thanks Kamal………..tum job hi kuchh mere liye kar rahe ho dost …..woh mere oopar tumhaara ehsaan rahega………..” maine uski taraf dekh kar kaha …….
“Kya keh raho Rajiv …..!!....ek taraf to dost bolte ho , aur doosri taraf ehsaan ki baat karte ho …………” usne kaha aur fir dheere se muskura diya ………jawaab mein mere chehre par bhi muskurahat aa gayi ……….
Car byepass par phunch chuki thi ……..ek bade se dhaabe par kuchh buses khdi huyi thi ……..Kamal ne car ko wahin par le jaakar roke diya ……maine buses ke driver se poochha aur thodi hi der mein mujhe Ahemadabad jaane waali bus mein jagah mil gayi …………Kamal ne mujhe bye kaha aur fir car lekar waapas Raj nagar ki taraf chal diya ……………..
Kucch hi der ke baad, main bus ke sabse peechhe waali seat par baitha huya tha……….ek boriyat bhara safar ………par mujhe iss se jyada safe aur koyi tareeka nahi najar aa raha tha , filhaal police se bachne ka…………..
9 ghante ke lambe safar ke baad , subah kareeb 8 baje bus Ahemadabad pahunchi ……..aur fir bus se utar kar main seedha Railway station ki taraf badh gaya …………mujhe maloom tha ki mere baare mein yahan bhi alert kar diya gaya hoga …….par mujhe yeh bhi maloom tha ki humaare desh ki police kitni mustaid hai ……….bina kisi pareshaani ke main station pahunch gaya …….aur fir mujhe Delhi jaane waali gaadi ka ticket bhi mil gaya ……….
Fir ek aur lambe safar ki shuruaat huyi …………..16 ghante baad , yaani raat ke 2 baje , Rajnagar chhodne ke theek ek din ke baad main Delhi pahunch gaya…………
______________________________

 

[Incest]

#104
Railway station par routine checking ho rahi thi …………shaayad kisi ko anumaan bhi nahi hoga ki main itni jaldi Rajnagar se baahar nikal paaoonga , isliye mujhe yahan koyi pareshaani nahi huyi ……..main Station se baahar aaya ……aur Pahaar ganj ki taraf chal diya …………..
Agle 1 ghante ke andar , main ek hotel ke room mein tha ………yeh ek medium sa hotel tha………iss jaise kitne hi hotels Pahaar ganj mein bane huye hain ……hotel ke room mein pahunchte hi main bistar ke hawaale ho gaya …….aur fir kuchh hi der mein neend mein doobta chala gaya…………
Poore do din ki thakaan ka asar tha ki subah mein der tak sota raha ………meri aankh 10 baje ke kareeb khuli ……….uth-te hi maine roomservise ko phone kiya aur chay ke liye bola ………….main bistar se uth kar bathroom mein chala gaya …..aur fir 2 minute baad hi waapas apne bed ke oopar aa kar baith gaya ………thodi hi der ke baar roomservice waala ladka , chay le kar aa gaya ……..
Uske jaane ke baad main chay peene laga aur remote utha kar TV on kar diya…….. news channels ko sirf karna meri aadat thi……aur main wahi kar raha tha….3-4 channels change karne ke baad hi mujhe woh news dikhayi dene lagi jo main dhoondh raha tha ……………TV screen par ek ladki bol rahi thi ………..
“desh ke mashhoor udhyogpati …aur Lakshmi groups ke chairman Vijay Chaudhry par huye jaanleva hamle mein abhi police ko koyi safalta haath nahi lagi hai…….........jaisa ki bataya jaa raha hai .............…unn par yeh hamla unki hi ek campany ke vice chairman aur unke muh-bole bete Rajiv chaudhry ne kiya hai ………Rajiv chaudhry iss samay faraar bataya ja raha hai ……..aaiye hum baat karte hain Raj nagar mein maujood humaare vishesh samvaaddata Alok Tripathi se .....……aur jaante hain iss poori ghatna ke baare mein ……
fir screen par ek aadmi nazar aane laga ……..uske peeche mujhe Rajnagar Police headquarter ki building dikhayi pad rahi thi …….uske haath mein ke mike tha , aur usne bola shuru kiya ……….
“ ji ..shukriya Sonali……aam taur par shant rehne waala Rajnagar……..pichhle kuchh dino se dehla huya hai ………yahan kuchh aisi waardaatein ho rahi hai , jo iss shahar ki shaanti ko chheen rahi hain ……humne tehkikaat ki to maloom chala ki yeh saari ghatnayein aapas mein kahin na kahin judi huyi hain……aur iske peeche jiss ek shakhs ka haath bataya jaa raha hai , uska naam hai Rajiv chaudhry ………….jo lakhsmi bank ke vice chairman bhi hain………… “
“ abhi 3 din pehle hi Raj nagar mein stith , Lakshmi Bank ke vault section mein kuchh lutero ne ghuss kar sona lootne ki koshish ki thi ……..Rajnagar ke additional SP , Kamal kanth ki soojh-bujh ki wajah se police ne lutero ki iss koshish ko na sirf na-kaamyab kar diya …balki unn lutero ke thikaane tak bhi pahunch gayi ……….lutero ka leader , jo ek shaatir apradhi bataya jaa raha tha , police ke haatho maara gaya aur baaki ke lutero ko police ne pakad liya ……………uss hi din Lakhsmi groups mein kaam karne waali ek ladki ne, jiska naam Neha verma bataya jaa raha hai ………apne aap ko goli maar li ……..police ke anusaar yeh ek aatma hatya thi , jo usne kuchh gharelu wajahon se tang aakar ki thi ………. “
“ iss ghatna ke agle din , yani ravivaar ko police ko ek aadmi ki laash samandar ke kinaare se baramad huyi ………uss aadmi ki shinakht , Neeraj verma ke roop mein huyi ……jo ki iss ladki , Neha ka pati bataya gaya hai ………….humaare kuchh vishwast sutro se humein maloom pada hai ki iss aadmi ko bhi goli maari gayi thi ………aur inn dono ki maut ka sambandh bhi bank vault ki robbery se hai …………”
“Aur fir ussi din , yaani ravivaar ko Mr.Vijay chaudhry ko unke ghar mein bane huye unke office mein kisi ne goli maar di ……….Mr.Chaudhry ko 2 goliyanmaari gayi hai ………..ek unki peeth par , aur ek saamne se unke seene par …………Mr.Vijay chaudhry abhi hospital mein bharti hain , aur unki haalat bahut naajuk batayi jaa rahi hai ………….”
Fir se Sonali screen par dikhayi padi …………” Lekin Alok ……….iss saare maamle mein Rajiv chaudhry kahan involve hain ………….? “
“Sonali ……dekhiye , jaisa ki humein police ke sutro se pata chala hai .......….iss ladki Neha verma aur Rajiv chaudhry ke beech na-jaayaj taalukaat bataye ja rahe hain ......…….police ka yeh bhi maan-na hai ki bank vault mein ghusne mein , Rajiv ne hi unn robbers ki madad ki thi ………........jiss bank vault ki hum yahan baat kar rahe hain , woh Hindustan ke sabse surakshit vaults mein se ek tha .......iss vault ko banane waala bhi Rajiv Chaudhry hi hai .......... aur ismein ghusne ke liye jo sahuliyat Rajiv ke paas thi , woh kisi aur ke paas nahi thi ………..police ko yeh bhi shaque hai ki kyonki Neha , Rajiv ke iss saare maamle mein involve hone ki baat jaan gayi thi , isliye uss ko maar diya gaya ……………..”
“Alok ………….lekin , Neeraj verma ki maut ki kya wajah ho sakti hai ……….? “
“Ji dekhiye ………..police ke anusaar , post-mortem report mein yeh saabit hu chukka hai ki Neeraj verma ki maut , uski laash milne se kareeb ek hafte pehle huyi thi ………Vijay Chaudhry ke office se , jahan ki unko goli maari gayi thi ……police ko kuchh photo baraamad huye hain ………jismein se kuchh mein Rajiv aur Neha compromising position mein hain …….aur kuchh photos mein Rajiv aur Neeraj aapas mein ladte huye dikh rahe hain ………1-2 photos aisi bhi hain , jiss mein Rajiv , Neeraj ke oopar revolver taane khada hai ………aur yeh baat bhi saabit ho chuki hai ki Neeraj ki maut , Rajiv ke revolver se hi huyi thi …………..........Police yeh maan kar chal rahi hai ki Vijay Chaudhry ko Rajiv ki inn saari harkato ke baare mein maloom pad chukka tha ………unhone Rajiv ko apne ghar par baat karne ke liye bulaya tha …….aur wahin Rajiv ne unko goli maar di ………..Goli maarne ke theek baad , ghar ke kuchh members aur guards ne Rajiv ko wahan se bhaagte huye dekha aur usko pakadne ki koshish ki ………par woh wahan se bhaagne mein kaamyab ho gaya ………….”
“aur abhi Rajiv kahan hai Alok ……..??”
“Ji………Rajiv abhi faraar bataya ja raha hai ……..police ka kehna hai ki woh uski talaash mein lagi huyi hai , aur bahut jald usko pakad liya jaayega …………….”
“ iss sari jaankari ke liye bahut bahut shukriya Alok ………….hum fir waapas lautenge , aap se kuchh aur jaankari ke liye ……..”
“to yeh they Raj nagar se humaare vishesh samvaaddata Alok Tripathi ……..humaare saath ban rahiyega ……….desh aur duniya ki baaki khabro ke baare mein jaanne ke liye ……….”
Maine channel change kar diya …………aur fir kuchh seconds yun hi saare channels sirf karne ke baad TV off kar diya ………fir main bistar se uth kar baahar balcony mein aa gaya ………….
Neeche sadak ki taraf dekhta huya main fir se saare maamle ke baare mein sochne laga ……aur apne baare mein bhi ……...news mein jo bataya ja raha tha , uss hisaab se to main bahut buri tarah fans chukka tha ………sirf ek hi cheej mujhe bacha sakti thi , agar asli gunehgaar pakad mein aa jaata to …….aur filhaal to yeh sambhav nahi dikh raha tha ………
Iske alawa ab mujhe apne aap ke pehchaane jaane ka bhi darr lag raha tha …….haalanki , abhi kisi news channel par mere bare mein koyi jaankaari nahi di gayi thi ……..par jald hi mere phote dikhaaye jaa sakte hain , aur fir mujhe koyi bhi pehchaan sakta tha …….
Mujhe yeh hotel chhodna padega …….par main kaha jaaoonga ??…..................fir saamne dekhte hi mujhe mere sawaal ka jawaab khud hi mil gaya ………Sardaar ji ka hotel yahan paas hi tha , aur iss duniya mein woh unn kuchh logo mein se they , jinn par main aankh band kar ke bharosa kar sakta tha ………..yahi soch kar mein kamre ke andar aaya aur fir bathroom mein ghus gaya ………jaldi hi tayyar hokar, hotel chhodne ke liye
______________________________

 

[Incest]

#105
Hotel se nikal kar , Sardar ji ke pass pahunchne mein mujhe koyi pareshani nahi huyi …….maine hotel se check-out kiya aur paidal hi sardar ji ke restaurant ki taraf chal diya ……….abhi 2 mahine se bhi kam time huye tha mujhe yahan aaye huye , isliye yeh jagah dhoondhne mein bhi mujhe koyi parseshani nahi huyi ………
Sardar ji mujhe apne restaurant par hi mil gaye …………pichhli baar ki hi tarah , unhone mujhe dekhte hi gale se laga liya ….fir woh mujhe restaurant ke andar bane huye ek office-numa kamre mein le gaye ……….yeh unke aaram karne ki jagah thi ………. news channels ki wajah se , unko mere saath huyi saari baaton ke baare mein pata lag chukka tha ……………unhone wahin uss kamre mein mere liye nashte ka intezam kiya aur fir thodi der ke baad aane ke liye keh kar wahan se nikal gaye ………
Main nashta karta raha ………….10 minute ke baad hi sardar ji waapas aa gaye , par iss baar unke saath Happy bhi tha ………...Happy ne bhi dekhte hi mujhe gale se laga liya ………..fir kuchh formal baaton ke baad hum teeno baith kar baatein karne lage ……Sardar ji bole ……..
“Dekh puttar ………….ab tera hotel mein theharna to khatre se khali nahi hai ……..isliye maine tere liye ek jagah ka intezam kiya hai ……….chhipne ke liye “
maine baari baari unn done ke chehre ki taraf dekha ……… sawaaliyan nigaah se …….
Happy ne mujhe bataya …….” Raju…………meri dukkaan ke oopar ek kamra bana huya hai ………jiska use main apne aaram karne ke liye aur kuchh saaman rakhne ke liye karta hoon……..main abhi usko saaf karwa ke , tere liye wahin rehne ka intezam kar deta hoon …………….”
Fir aage ki baat sardar ji ne samjhayi ……” Puttar ….humein yeh lagta hai ki police tujhe dhoondhte huye yahan bhi aa sakti hai …….aur agar aisa hua to woh humaare ghar bhi pahunch sakte hain …….isliye tere liye sabse safe jagah yahi hai …….”
Maine unki taraf sehmati mein sar hila diya …………fir hum teeno wahan se uth kar baahar aa gaye , aur uss jagah ki taraf chal diye , jahan ke baare mein woh log bata rahe they ………
Happy ki dukaan ke oopar bana huya yeh kamra , waakayi bilkul safe jagah thi ……….dukaan ke peechhe se ek jeena oppar ki tarf jaata tha ……….wahan kuchh godown type ke bane huye they ……..unn ke hi beeche mein yeh ek room tha ………..ek bade se godown ko iss tarah se devide kiye gaya tha ki baahar se dekhne mein yeh room dikhayi bhi nahi padta tha …………
Iss room mein ek chhota sa palang (bed) , ek chair , ek computer , aur kuchh saaman bhara huya tha …………..hum teeno wahan aa gaye ………..uss se pehle hi dukaan ke kuchh ladke iss kamre ko iss haalat mein bana chuke they ki main wahan reh sakoon………….
Mujhe wahin chhod kar woh dono wahan se chale gaye ……unke jaane ke baad main wahin pade huye palang par let gaya aur aaram karne laga …………..kuchh hi der ke baad Happy waapas laut aaya ……….iss baar uske haath mein 2 mobile phone bhi they ……..usne phone mujhe diye aur kaha ……….
“Le Raju…………kahin bhi phone karna ho to inn phones ka istemal karna ………..apna mobile use nahi karna ……..” maine phones lekar haan mein sar hila diya …………..fir Happy wahan se chala gaya……..ek mobile mein uska number feed tha, usne mujhe kaha tha ki koyi bhi jarrorat hone par main uss ko call kar doon ………….
Uske jaane ke baad maine kamre ka darwaaza andar se band kar liya , aur fir se waapas bistar par aakar let gaya …………….aur inn pristhitiyon ke baare mein sochna shuru kar diya ……….
Mujhe samajh mein nahi aa raha tha ki main kya karoon ………..police mujhe dhoondh rahi thi , aur main bahut jyada der tak unn se bhaag nahi sakta tha …….. kabhi na kabhi mujhe unki pakad mein aa hi jaana tha …………Kamal ki baat maan kar maine Raj nagar chhod diya tha , par mujhe maloom tha ki agar mujhe khud ko be-kasoor saabit karna hai to mujhe waapas Raj nagar lautna hi padega ……….
Doosri baat jo mujhe pareshaan kar rahi thi woh yeh ki inn haalat mein mujhe kis par bharosa karna chahiye , aur kis par nahi …………apne alaawa mujhe woh har ek shakhs dhokebaaj najar aa raha tha , jo mere aas paas tha ……..
Fir maine Kamal ko phone karne ka faisla kiya ………….iss samay mujhe uss se wahan ke haalat pata karne they …….aur case ki progress bhi …………
Maine apne phone mein se Kamal ka number nikaala aur Happy ke diye huye phone se usko call ki ……………kuchh rings jaane ke baad usne call receive kar li …….
“Hello …..!!”
“Hello Kamal………….main bol raha hoon …….” Maine kaha…………jaanbhoojh kar maine apna naam nahi bola tha ………….
kuchh seconds ki khamoshi ke baad woh bola ………”kahan ho tum ..?” jaahir tha woh meri awaaz pehchan gaya tha ……
“Delhi mein ………….”
“Hmm………..kahan thehre ho ??” usne poochha …
“ek guest house hai ………wahi thehra hoon ……….” Maine jaanbhoojh kar jhooth bola ……….
“OK ……….main abhi tumhe call back karta hoon …….”usne kaha aur phone kaat diya ……………fir 1 minute baad hi mere mobile par call aayi , iss baar yeh kisi doosre number se thi ………..maine call receive kar li ………..
“Haan ab bola Rajiv ……………..tum theek ho na ..? “ usne kaha ………..
“main theek hoon Kamal ……..tum batao , wahan ke haalat ab kaise hain …” main kaha ………..
“Haalat achchhe nahi hain ……………tumhaaro talaash poore joro se ki jaa rahi hai …….”
“Ohh……….unhe abhi maloom nahi pada ki main wahan se nikal gaya hoon …………” maine poochha …………….unhe se mere matlab, police se tha …….
“maloom pad gaya hai …………unhe yeh to pata chal chukka hai ki tum yahan se bus ke through Ahemadabad gaye they ………..isliye tumhaari talaash ab Ahemedabad aur uske aas paas ho rahi hai …………..” usne bataya ………..
“Hmmm…………..aur case ke baare mein koyi nayi khabar ..?? …………Chaudhry saab ab kaise hain ?? ……..” maine poochha ………….
“Chaudhry saahab abhi behosh hi hain ……………doctors bata rahe hain ki unki condition abhi poori tarah stable nahi hai …………” usne kaha aur fir kuchh seconds chup reh kar aage bola …………” aur jo bhi news hain , woh sab tumhaare liye to Bad-news hi hain ………….”
Main chup reh gaya ………..fir thodi der ke baad bola ……….”Bad hi sahi dost …………batao kya news hain …………?”
______________________________

 

[Incest]

#106
Usne batana shuru kiya ………..” police ne Lakshmi nivaas ka visitor record check kiya tha ………..uss din , jab Mr.Chaudhry ko goli maari gayi thi ……….uss samay ke aas-paas koyi bhi baahar ka aadmi wahan nahi aaya tha ……….sivaaye tumhaare …….”
“aur cctv system kya keh raha hai …….??” Maine sawaal kiya ………
“unfortunately uss din cctv system poori tarah kaam nahi kar raha tha …………kuchh cameras hi working mein they , jinn mein se ek camera jo gate par laga huya tha ……uski recording check karne par pata chala ki waakayi uss dauraan koyi bhi baahar waala wahan nahi aaya tha ………….” Usne bataya
“ Aur ghar waale ??............I mean , ghar ke members ………..?” maine aage poochha ……..
“Ghar ke members mein se , Sharad koyi ½ ghante pehle hi wahan aaya tha ……..Priya bhi uske baad hi wahan pahunchi thi ……..Anil Chaudhry uss samay ghar par nahi they , woh apni wife ke saath kisi party mein gaye huye they …….Nidhi uss shaam ghar par hi thi ……woh kahin nahi gayi thi ………..” usne detail mein samjhaya …….aur sun kar main kuchh der ke liye soch mein pad gaya …………
fir woh khud hi aage bola ………..” iske alaawa police ne Mr.Chaudhry ke mobile ki call details chaeck ki hain …….uss se maloom pada hai ki , goli lagne se kareeb 40 minute pehle unhone tumse baat ki thi …………..iss liye police ki yeh thory bhi sahi saabit ho rahi hai ki photo milte hi unhone tumhe call kar ke bulaya tha …………”
main chaunk kar bola …….” Lekin , meri to unse koyi baat nahi huyi hai ………even , uss shaam unka koyi phone bhi mere paas nahi aaya tha ……….??”
“par unki call details bata rahi hain ki, unhone tumhe 3 baar call kiya tha ……jis mein se ek baar tumhaari aur unki baat bhi huyi thi ….kareeb 1 minute ke aas-paas “ usne bataya aur main fir se chaunk gaya …………jahan tak mujhe yaad hai uss shaam mere paas chaudhry saahab ki koyi call nahi aayi thi ………..
fir usne aage bataya…….” Tumhaare ghar ki talashi mein police ko kuchh CDs mili hain …….jismein wahi photos hain , jo Mr.Chaudhry ke room mein se mili thi ………” fir kuchh second chup reh kar woh aage bola “ aur sabse buri khabar yeh hai ki mujhe iss case se bilkul alag kar diya gaya hai …………..”
“Hmmmmm…….aur bank vault mein robbery waala case to tumhaare paas hi hai na ??” maine poochha ……..
“Haan…..!......filhal to mere paas hi hai , par maloom nahi kab tak rahega ….” Usne ek lambi saans lete huye kaha …………
“Kyon ?....kya hua ?? “ maine fir se sawaal kiya ………
“Neha ki suicide ki kahaani mere officers ko hajam nahi ho rahi hai ……aur shaayad kisi aur ko bhi nahi hogi …………..”
“Kyon ??”
“tum bhool rahe ho ki Neha ko 2 goliyan lagi thi ………ek uski peeth mein, aur doosri uske sar mein ……….peeth waali goli mere revolver se chali thi Rajiv , aur maine usko goli kyon maari ? iska sahi jawaab mere paas nahi hai ………” usne mujhe samjhaya ……….
“Hmm……..aur uss farmhouse ke baare mein pata chala ……kiske naam par hai woh ?? “ maine turant agla sawaal kiya ………
“Haan………humne pata kiya tha , woh farmhouse kisi NRI ka hai ………..woh khud USA mein rehta hai …….yahan usne ek caretaker chhoda huya tha …….jiske jimme iss farmhouse ki dekhbhaal ki jimmedari thi …………humnein uss se poochhtachh ki to maloom pada ki kisi aadmi ne uss se yeh farmhouse kiraye par liya tha , yeh keh kar ki unhe yahan ek movie ki shooting karni hai …………adami kaun tha ?............ jab humne uss se yeh poochhtachh ki to usne Babloo ki pehchan kar li , uske photo se ……………”
“aur Babloo ke sathiyon se kuchh pata chala ………??”
“nahi Rajiv………..maine tumhe pehle hi bataya tha , woh sab kiraye par kaam karne waale log they ………..sirf yeh maloom pada hai ki unmein se ek aadmi electronics safes aur vaults ke baare mein jaankaari rakhta tha ……usko ek map dekar yeh samjhaya gaya tha ki kahan kahan par cameras lage guye hain aur alarm system ki wiring kahan se nikli hai ………usne hi inn saare systems ko bekaar kiya tha …………… “ fir kuchh der ruk kar woh aage bola “ ek aur important baat humein yeh maloom padi hai ki jo pistols humein unn logo ke paas se mili thi , unhe woh khud andar lekar nahi gaye they …….balki woh unhe ek vault ke andar hi mili thi ……..ek ladies handbag mein se ………..”
main sun kar chaunk gaya……….yeh ek jaankari thi , jo kuchh kaam aa sakti thi ………….
“to fir ab mere liye kya advise hai Kamal……….yahan reh kar to mujhe nahi lagta ki main kuchh kar paaoonga………..” maine kaha…………
“Filhaal to wahin par raho …………main 1-2 din mein tumhe phone kar-ke poori position bataoonga ……….aur dua karte rehna ki Mr.Chaudhry jaldi hi hosh mein aa jaayein “ usne kaha …………
“woh to main karoonga hi Kamal ………..aur jaisa ki tumne bataya ki uss din koyi baahar ka aadmi wahan nahi aaya tha …….ab mujhe lag raha ki jaroor yeh kaam kisi ghar waale ka hi hai ……….tum Chaudhry saahab ki security bilkul tight rakhna ………Please ..!!” maine kaha ………
“main yeh baat samajhta hoon …….isliye maine unke room ke andar tak 2 guards lagaaye huye hain ……..tum bilkul be-fikar raho dost ………..” usne mujhe samjhaya ……
“Thanks Kamal………..mein fir tumhe phone karoonga …………”
“Ok ……….” Usne kaha aur phone disconnect ho gaya ……….. maine bhi ek lambi saans lete huye phone ko ek side mein rakh diya ……aur waapas apne bistar par aakar let gaya ………………..
______________________________

 

[Incest]

#107
shaam tak ka samay maine badi hi be-chaini se guzara ………..iss chhote se kamre mein bilkul safe hote huye bhi main apne aap ko kaafi a-sahaj mehsoos kar raha tha ……….bistar par lete lete shaam ho gayi thi ………beech beech mein mere liye kuchh na kuchh khaane ke liye aa raha tha ……
fir shaam ke kareeb 5 baje honge , jab uss kamre ke darwaaze par ek baar fir se knock huyi ………maine poochha to udhar se Sardar ji ki awaaz aayi ……….maine dheere se darwaaza khola aur sardar ji andar aa gaye …..
“aur bata puttar …!!........tu sahi to hai na …………? “ unhone andar aate hi kaha aur fir chair par baith gaye …………
“Haan ji ……..main sahi hoon ………..bas yahan andar baitha hua thoda sa bore ho gaya hoon ………….” Maine dheere se hanste huye kaha……..
tabhi fir darwaaze par knock huyi ……..iss baar Happy aaya tha …………sardar ji ne darwaaza khola aur Happy andar aa gaya ………..
woh mere paas , bistar par hi aakar baith gaya …..aur fir mere chehre ko bade gaur se dekhte huya bola ………” tune apni surat dekhi hai Raju……!!!..........kaisi majnoo jaisi haalat ho rahkhi hai teri ….? “
main bistar se utha aur wahin kamre mein lage huye ek bade se mirror ke saamne pahuncha aur dekha ………woh sahi keh rahe they……….mujhe khud bhi yaad nehi tha ki maine last time shave kab ki thi ………..meri daari (shave) achchhi khaasi badh aayi thi ……………….maine ek haath chehre par ferte huye kaha ……..
“aap sahi keh rahe ho Happy bhaiya ……………waakayi meri haalat kisi majnoo ke jaisi hi ho rahi hai ……….”aur fir khud hi ek feeki si hansi , hans diya………
sardar ji apni kursi se uth kar mere peechhe aa gaye …………..aur mere chehre ko mirror mein dhekne lage ………main unko aise dekhte huye paakar bola ………
“daar ji…………main aaj hi shave kar loonga ….!! “ fir happy ki taraf mudkar dekha aur bola ………….”Happy bhaiya………..aap mere liye shaving kit ka intezam kar deejiye ………, please “
sardar ji ne haath utha kar mujhe ishara kiya aur fir bole ……..”nahi Raju puttar !!!.......mujhe lagta hai ki tera shave na karna hi tere liye faaydemand hai …….”
Hum dono ne chaunk kar unki taraf dekha ……….woh muskuraye aur bole “ main abhi tumhe samjhata hoon ……….”aur kehkar kamre se baahar nikal gaye ………..
Maine happy ki taraf sawaaliya nigaaho se dekha …….aur usne bhi jawaab mein apne kandhe uchka diye …………
Agle 5 minute kamre mein shaanti rahi ………fir sardar ji waapas aa gaye , unke haath mein ek badi si polythene thi …….unhone muskurate huye mera haath pakda aur mujhe mirror ke saamne khada kar diya …………..
Maine mirror ke same khade hokar , apne peechhe khade huye sardar ji ki taraf dekha …..unhone mujhe saamne dekhne ka ishara kiya , mirror ki taraf……aur fir polythene mein se ek pagdi ( turban) nikaal kar mere sar par rakh di ………theek waisi hi jaisi unhone pehni huyi thi , aur sabhi sikh pehante hain ………
Main mirror mein apne aap ko dekh kar chaunk gaya………..unki baat ab meri samajh mein aa gayi thi ……aur shaayad Happy ko bhi …….woh bhi uth kar humaare paas aa gaya ………..
Badhi huyi daari-moochh (shave) aur sar ke oopar pagdi ……ne meri soorat hi badal di thi ……….ab main kahin se bhi Rajiv nahi lag raha tha ……balki mirror mein mere saamne ek sikh khada huya tha …………….
Main muda aur chehre par khushi liye huye sardar ji ki taraf dekha ………….woh bhi muskuraye aur mere kandhe par haath rakh kar bole ……….”Dekha Raju…………ab teri soorat bilkul badal gayi hai …………ab tu waakayi mera puttar lag raha hai ……….”
Main khushi ke mare unke gale se lag gaya ……….aur fir bola …….”main to hamesha se hi aapka puttar hoon daar ji ………….bas aaj mera huliya badal gaya hai ……..”
Happy mere paas aaya aur fir bola ……….”Raju………ab tumhaari ek sabse badi problem to solve ho gayi hai………ab tum iss huliye mein kahin bhi jaao , tumhe koyi aasani se nahi pehchan paayega …………”
Maine sirf haan me sar hila diya …………..fir hum teeno waapas baith gaye ……sardar ji chair par , aur hum dono palang par ………..
Fir Happy bola……..”ab isske aage ka kaam mera hai Raju……..main kal tak tere liye kuchh identity documents ka intezam kar doonga ………fir tu kahin bhi jaa sakta hai …………”
Maine hairat se uski taraf dekha aur usne haan mein sar hilakar mujhe vishwas dilaya ki jo woh keh raha hai , woh sahi hai …………
Fir sardar ji bole ………” Raju puttar ………yeh sab to Happy ke liye bayein haath k kaam hai ………..woh kal tak tere liye saare kaagjaat ka intezam kar dega ……..fir tu jahan chaahe , jaa sakta hai……………”
Mere liye yeh bahut jyada khushi ki baat thi …..main khud bhi yahi chahta tha ki main jald se jald yahan se nikal kar Raj Nagar chala jaaoon………
Fir unn dono ne milkar , pagdi ko mere sar ke hisaab se adjust kar diya………aur thodi der ke baad hi hum teeno wahan se baahar nikal kar aa gaye……….maine Happy ke saath aas paas ke ilaake ka ek chakkar lagaya ……..aur kuchh dukaano par bhi gaya …………..jinn logo ne bhi mujhe dekha , unke chehre ko dekh kar aisa nahi laga ki main iss get-up mein kuchh ajeeb sa lag raha hoon ……….yeh dekh kar mera confidence aur jyada badh gaya ………
Fir hum dono waapas kamre par aa gaya ………..Happy ne mujhe chair par baithakar mere kuchh photos liye aur fir wahan se chala gaya….
Main fir se kamre mein akela reh gaya……………mere paas kuchh bhi nahi tha karne ke liye , isliye main bistar par let gaya ……aur fir se apne saath huyi ek ek ghatna ke baare mein sochna shuru kar diya ……………
Ghadi ki suiyan apni hi raftaar se bhaagti rahi………….mujhe khaali baithey hone ki wajah se time kaatna mushkil ho raha tha …….fir bhi dheere dheere samay beet-ta raha aur raat ho gayi …………
Mere liye khaana hotel se hi aa gaya tha …….aur fir khaana khaane ke baad main fir se bistar ke hawaale ho gaya …………..
Raat ke kareeb 10.30 baje ka samay hoga , jab mere paas maujood mobile ki ghanti bajne lagi ……..yeh wahi mobile tha jo mujhe Happy ne diya tha ……..maine number check kiya ……… mere liye anjaan number tha, par STD code bata raha tha ki yeh Raj nagar ka number tha …………aur mera yeh mobile number wahan sirf ek hi aadmi ke paas tha ……..main call receive kar li ……..
“Hello ….!!”
“main hoon ………Kamal “ usne kaha …….haalanki main uski awaaz se hi usko pehchaan gaya tha ………
“Haan Kamal ………..iss samay kaise phone kiya ?? ……..koyi important baat ?? “ maine poochha …………
“ Haan………..important baat hi thi , maine socha tumhe inform kar doon …” usne kaha ………
“bolo ………..kya baat hai ? “ maine fir se poochha ………..
“maine Neha ke mobile ka call record check karwaya tha …………..yeh jaan-ne ke liye ki woh kis kis ke contact mein thi …………” usne kaha aur fir 2 seconds ruk kar aage bola “ uske paas jyadatar calls unknown numbers se hi aaye they ……… koyi bhi aisa number humein dikhayi nahi pada , jisko main pehchanta hoon ……….ya kisi ek number se usko lagataar phones aaye ho ……….”
“hmm …….iska maltab , yeh exercise bhi bekaar gayi ………..? “ maine kaha
“Nahi …………..poori tarah se nahi , ek important baat yeh hai dost ki usko jyadatar calls tumhaare office ke numbers se aaye they ……..aur uske baad sabse jyada calls un numbers se they , jo Lakshmi Nivaas ke numbers hain …………..” usne aage kaha ……..
“par yeh to common si baat hai Kamal…………..office se usko calls aana laazmi bat hai ……..aur Lakshmi nivaas se bhi ……….aakhir woh log uske employers hain ……….usko calls to kar hi sakte they ………..” maine kaha ………
“bilkul kar sakte they………par sahi samay par ……….jo calls uske paas lakshmi nivaas se aayi thi , unmein se kuchh calls raat ko 11 baje ke baad bhi aaye hai , aur kuchh subah 5 baje ke aas-paas ……………..yeh baat kuch un-usual dikh rahi hai dost ……………?? “ usne kaha ……aur uski baat sahi bhi thi …………koyi bhi employer , apne employee ko iss odd time par phone nahi karega , ba-sharte woh uske kuchh jyada hi najdeek na ho …………
kuchh der khamosh reh kar, main aage bola ………..” tum sahi keh rahe ho Kamal……….yeh baat to tab hi possible hai , jab Neha wahan Lakshmi nivaas mein kisi ke saath kuchh jyada hi close ho ……………….”
“Haan …………aur tumhe kya lagta hai ??......wahan aisa kaun ho sakta hai …?? “ usne poochha ………..
“Iss baat ka jawaab tum bhi achchhi tarah jaante ho Kamal…………..sirf ek hi shakhs aisa ho sakta hai ……………….” Maine kaha …………..
“tumhaara ishara Sharad ki taraf hai na ……..??” usne poochha ………….haalanki jawaab woh bhi achchhi tarah jaanta tha ………….
“haan Kamal………..tumhe ab iss pehlu par jyada gaur karna padega ………….” Maine kaha …………
“theek hai dost ………main koshish karta hoon ki uss ke phone calls ko trace kar sakoon ………..i hope , uss se humein koyi clue mil jaaye ………….” Usne kaha …….
“Hmmm………..shaayad yahi sahi rahega …………aur tum batao ? koyi aur nayi khabar ………? “ maine fir hanste huye poochha ………..
“Nayi khabar to yahi hai ki tumhaare Dilli mein hone ki khabar unko mil chuki hai ……aur ab tumhaari talaash wahan bhi ki jaa rahi hai ……….” Usne kaha ……….unko se uska matlab , police se tha ………..
“Ohh…………fir to mujhe alert rehna padega …………..” maine kaha ……..fir aage bola ……” Ok Kamal…………koyi aur baat pata chale to mujhe call karna ……..” maine kaha aur phone disconnect kar diya ………………….
Uske baat mujhe kaafi der tak neend nahi aayi ……….Neha aur Sharad se related woh saari baatein mere dimag mein ghoomti rahi , jo pichhle kuchh dino mein mere saamne aayi thi ……aur ab yeh call details se to mere uss shaque ko aur jyada majbooti hi mili thi …………par fir bhi mujhe jaane kyon lag raha tha ki , jo kuchh main dekh raha hoon …..usmein kuch na kuchh aisa raaj abhi bhi hai jo humein dikhayi nahi pad raha hai……………….
______________________________

 

[Incest]

#108
Subah main der se hi utha ………….Sardar ji ne mere nahaane ka intezam apne restaurant mein hi kar diya tha ………….fresh hokar maine wahin par breakfast kiya aur fir uske baad Happy aur main market mein chale gaye………….market se maine apne liye kuchh naye kapde liye…….ek chashma liya ……..aur fir 2 ghante ke baad hum dono waapas uss hi kamre mein aa gaye ………..
Happy mujhe kamre mein chhod kar apni dukaan par chala gaya ……aur fir thodi hi der ke baad waapas wahan aa gaya ………..kamre mein aakar usne wahan rakhe computer ko on kiya aur fir kuchh kaam karne laga ……….main chup chap palang par lete huye news paper padhta raha………………
Thodi hi der ke baad Happy fir se uth kar kamre se baahar nikal gaya …….aur 10 minute baad hi waapas laut ke aa gaya …….uske haath mein ek envelop tha , jo usne mujhe de diya ……….maine envelop khola aur fir usmein se jo nikla uss ko dekh kar main chaunk gaya …………
Uss mein ek voter I- card tha …….mere sardaar waale photo ke sath ……..usmein mera naam Jasjeet singh likha hua tha ………address Dilli ka hi tha ………..saath hi ek aur I-card tha , Delhi University ka ………jo mujhe DU mein professor prove karta tha …………….
Maine Happy ki taraf dekha ………….woh muskura kar bola ………”dekh le Raju………….ab tu Jasjeet singh ban chukka hai……….ab tu jahan chahe , ja sakta hai ……………..”
Main kuchh nahi keh paaya ………sirf ek Thank you mere muh se nikala …….jis par usne mujhe ek meethi si fatkaar laga di …………
Tabhi restaurant se humaare liye chay aa gayi ………….hum dono chay peene lage ……aur fir Happy bola ………….
“Yaad hai Raju ……….jab tu yahan last time aaya tha …….Neha ke saath………hum sab ko tabhi yeh lag gaya tha ki tu Neha ko chahta hai ………… tere jaane ke baad kitne hi din tak , hum log aapas mein baatein karte rahe , teri aur Neha ki shaadi ke baare mein ………….Sardar ji to bahut hi jyada khush they , unhone tay kar liya tha ki teri shaadi mein shareek hone woh Raj nagar jaroor jaayenge …………par saare plans yun hi ……………..” usne apn baat adhoori chhod di……
main kuchh nahi keh paya……..uski baaton ne mujhe bhi kuchh seconds ke liye udaas kar diya………..fir main bola …..”koyi baat nahi Happy bhaiya……….Neha na sahi ……….meri shaadi to abhi bhi ho sakti hai ………..fir tab to aap logo ko Raj Nagar aana hi padega ………….”
Usne meri taraf dekha aur ek feeki si hansi hans diya …….fir chay ki chuski lete huye bola ……..” tujhe maloom hai na Raju ……..ki Neha ne apna ek orkut profile bhi banaya huya tha………..?? “
“Orkut profile ??.......” main chaunk kar bola “ nahi ……..mujhe nahi maloom ......... actually main khud hi kabhi iss tarah ki sites par nahi jaata hoon ……….”
“achchha …!!......aur mujhe dekh , main budhaape mein bhi naye naye dost dhoondhta rehta hoon ………..” usne hanste huye kaha …..aur fir computer par orkut khol liya …………….
Kuch hi der mein screen par Neha ka orkut profile khula hua tha ………..mujhe ishara kar ke Happy apni kursi se utha aur kamre se baahar nikal gaya ………main darwaaza band kar ke , computer ke saamne padi huyi kursi par aakar baith gaya ……..
Yeh profile usne kareeb 4 saal pehle banaya tha …………ismein kuchh pictures Neha ki lagi huyi thi …….aur kuchh Dehradoon ki ………..aur fir ek album ko dekh kar main chaunk gaya ………..ismein bhi kuchh pictures thi , par thoda hat ke …….
Waise to jahan tak main jaanta tha , iss tarah ke profile mein log apne personal pictures daalte hain , jinhe woh apne dosto se share karna chahte hai …….par mere chaunkne ke wajah thi iss folder mein maujood pictures……….iss folder mein sabse pehle ek greeting card ki scanned copy lagi huyi thi ……..jo kisi Bittu ne Neha ko diya tha …………card ki condition hi bata rahi thi ki woh bahut purana hoga ………uss ke baad kuchh pictures thi , theek waisi hi jaisi teenagers use karte hai ……….. kisi picture mein do dil (hearts) bane huye they ………ek par likha hua tha Neha aur doosre par Bittu……….ek picture mein do teddybear bane huye they …….wahi Neha aur Bittu ke naam ke saath ……..aur ek doosri picture mein ek bada sa heart bana huya tha , uss ke beech mein likha hua tha Neha loves Biitu……………..
Aisi pictures kisi teenagers ke profile mein hote to shaayad mujhe ascharya nahi hota , par Neha ke profile mein inki maujoodgi hi mere liye achraj ka sabab thi ……….main kaafi der tak inn pictures ko dekhta raha ………….samajhne ki koshish karta raha ki yeh Bittu aakhir kaun hai ……..par uske poore profile mein iss Bittu ka kahin koyi jikar nahi tha , aur na hi uski koyi picture thi …………….uske friends ki list aur scraps bhi maine check kar daale ……par kahin bhi iss Bittu ka koyi ataa-pata nahi chala ……….na hi uske friends ki list mein mujhe koyi jaana-pehchana naam mila …………
Fir aakhir mein maine uss profile ko closed kar diya ………par mere dimaag mein ek sawaal janam le chukka tha ……….ki yeh Bittu kaun hai ? ……….jaisa ki dikhayi pad raha tha , yeh jo bhi koyi tha ……..Neha uss se bahut pyar karti thi , tabhi usne uss ko apne profile mein ek special jagah di huyi thi ………kya yeh wahi anjaan shakhs ho sakta hai, jo uss din Neha ke saath tha ?? ………iska matlab yeh Bittu hi asli blackmailer hai ??.......ya yeh koyi aur bhi ho sakta hai .??..........................
yeh saare sawaal mujhe pareshan kar rahe they , par jawaab mere paas nahi tha ………….agar jawaab kisi ke paas tha to woh yeh Bittu hi tha , jo mujhe nahi maloom tha ki asaliyat mein kaun hai ……..aur agar hai bhi to kahan ??...............

 

[Incest]

#109
Main bistar par leta huya , apne saath huyi ek ek ghatna ke baare mein soch raha tha ………woh ek ek baat meri aankhon ke saamne ghoom rahi thi , jo mere saath pichhle 2-3 mahino mein huyi thi ………..saare haalat iss baat ki taraf ishara kar rahe they ki Neha ne jo kuchh bhi mere saath kiya tha , usmein uska madagaar mera koyi bahut hi najdeeki wyakti tha ………par kaun ? …………iss baat ko sochte hi bahut saare chehre meri aankhon ke saamne ghoomne lagte thay ………unn chehro mein woh sabhi they jo mere aas-paas rehte they ………Sharad, Priya , Karan , Nidhi , Rajan ,Kamal aur kuchh aur log …………iske alaawa woh koyi anjaan shakhs bhi ho sakta hai……………
Jo bhi ho , mujhe jald se jald iss museebat se baahar nikalna tha …………..abhi Mr.Chaudhry zinda hain aur mere liye yahi ek ummeed thi ki woh jald se jald hosh mein aakar , sabko bataayein ki unn ke oopar kisne hamla kiya tha ………..par agar aisa nahi hota hai , aur Mr.Chaudhary ko kuchh ho jaata hai…….to fir mere liye bachne ka koyi raasta nahi hai………..
Main iss hi soch vichaar mein dooba huya tha ki fir se darwaaze par dastak huyi ………maine awaaz laga kar poochha ki kaun hai ……..udhar se Happy ki awaaz aane par maine darwaaza khol diya …………
Happy ke saath saath , ek ladka aur tha jo mere liye khana lekar aaya tha ……….usne khaana table par rakh diya , aur wahan se chala gaya ………
Happy ne khaane ki taraf ishara kiya aur bola “Khaana kha lo Raju …………”
“Ji haan ………abhi khata hoon , aap please baithiye ……….” Maine kaha aur palang par baith gaya ……woh bhi mere saamne chair par baith gaya ………
kuchh der ki khamoshi ke baad maine kaha ………….” Happy Bhaiya…………aapko maloom tha na ki Neha ke profile mein kya hai ? ……….iss hi liye aapne woh mujhe dikhaya ? “
usne dheere se haan mein sar hila diya , aur fir kuchh der chup reh kar bola ……..” jiss din maine yeh sab pehli baar dekha tha Raju………… tabhi mujhe kuchh ajeeb sa laga tha , yeh Bittu kaun hai , yeh mujhe bhi samajh mein nahi aaya tha ………maine ek baar socha bhi ki tujhe phone kar ke iss bare mein bataaoon …………fir yeh soch kar nahi bataya ki shaayad tujhe yeh sab kuchh maloom hoga ………………par shaayad mein yahin par galati kar gaya……….”
woh chup ho gaya …….aur saath hi main bhi …………fir maine kaha ….” Koyi baat nahi Bhaiya …………….ismein aapki to koyi galati nahi hai , ismein agar kisi ka koyi dosh hai to woh meri kismat ka ……………….”
Usne meri taraf dekha aur fir hum dono hi muskura diye …………dono ke hi hontho par feeki si muskurahat thi …………..
Fir Haapy thodi der ke baad aane ke liye keh kara wahan se chala gaya ……..maine khaana shuru kiya aur agle 10 minute mein hi main khaana khaa kar fir se waapas bistar ke oopar let gaya …………..
Iss badle huye get-up mein main apne aap ko jyada safe mehsoos kar raha tha , aur ab iss kamre mein chhipe rehna bhi mere liye koyi jaroori nahi tha ………fir kuchh sochte huye maine Kamal ka number dial kiya ……….kuchh bells gayi aur fir call disconnect ho gayi ……………main wait karta raha , aur 5 minute baad hi mere mobile par ek call aa gayi………………fir se ek naya number ……..main call receive kar li ………
“Hello ………..”
“Haan ……….bolo dost ……….!!” yeh Kamal ki hi awaaz thi …………maine gaur kiya tha ki , jab se main Delhi aaya tha................woh mujhe mere naam se nahi pukaar raha tha
“Kaise ho Kamal…??” maine poochha ………
“main theek hoon dost , tum batao ……….abhi wahin par ho ? “ usne palat kar mujh se poochha…….
“Hmmm…………main to abhi yahin par hoon ………..tumhaare instruction ki wait kar raha hoon …!!” main kaha…………
kucch der ke liye khamosh reh kar woh bola ………” samajh mein nahi aa raha dost , ki tumhe kya salaah doon………….Chaudhry saahab abhi tak behosh hain , aur uske alaawa koyi aur jariya dikhayi nahi pad raha hai , tumhe nirdosh saabit karne ke liye ……..”
“Hmmm…………..aur koyi nayi khabar …??” maine fir se sawaal kiya ……….
“tumhaare liye to buri khabre hi hain mere dost ………….sun-na chahoge ??” usne poochha ………ek dheemi si hansi ke saath ………..
jawaab mein main bhi hanste huye bola ………” ab to mujhe bhi buri khabro ki aadat ho gayi hai ………..sunaao , kya sunaana hai ?? “
“sabse pehli khabar to yeh hai ki Lakshmi Group ke directors ne ek meeting mein Sharad ko apna working Chaiman chun liya hai………aur Priya ko vice chairperson ………” usne kaha …….
“Ohh……………chalo yeh to expected hi tha ………..” maine kaha ..” aur doosri buri khabar …………? ”
“mujhe ab officially bank robbery case se bhi alag kar diya gaya hai…………….” Usne bataya………….
“Hmm…………..yeh bhi pehle se expected tha…………” main hanste huye kaha aur fir kuchh seconds rek kar poochha “ ek baat mujhe maloom karni thi Kamal……….jaisa ki tumne bataya tha ki Mr.Chaudhary par hamle se pehle , unhone mere mobile par calls kiye they……..kyon ki tum meri calls ko record kar rahe they …kya tum mujhe bata sakte ho ki unn calls mein kya baat huyi thi ?? “
“Haan…………kyon nahi !!...........agar woh calls record huyi hain , to tumhe jaroor mil jaayengi ………mujhe kal tak ka time do dost ………main woh records check karta hoon …………..” usne kaha …………uski awaaz mein ek uttezna si mehsoos ho rahi thi …………..shaayad woh achanak hi unn calls se kuchh expect karne laga tha ………
“ OK …………Thanks Kamal………..aur koyi baat , jo tum mujhe batana chaho ? “ maine poochha...
______________________________

 

[Incest]

#110
“Nahi………..aur koyi khaas baat to nahi hai dost ………..waise aaj Neeraj ki body ko uske ghar waale aa kar le gaye hain…………aur Neha ke father bhi yahan kal aa rahe hain , uski body ko claim karne ke liye ………..” usne bataya ……..
“Hmm………….” Maine kaha aur fir main achanak chaunk gaya ……..maine fir se uss se poochha “ kya kaha tumne …?? ………..Neha ke father wahan par aa rahe hain ….. ?? “
“haan ……….hum log unse contact karne ki koshish kar rahe they , unhone aaj hi confirm kiya hai ki woh kal yahan aa rahe hain ………” usne mujhe poori baat samjhayi ……………
“Kamal…………main unse ek baar milna chahta hoon ………” maine uttezit hokar kaha …………….
“Kis-se ? ........Neha ke father se .......!!! par kyon ..? “ usne aashcharya se poochha ……….
“Mujhe hamesha se hi aisa lagta tha ki Neha ki pichhli jindagi mein kuchh aisa hai jo humein maloom nahi hai …………..Kamal , yahi ek aadmi hain jo humein Neha ke past ke baare mein kuchh jaankari de sakte hain …………..” maine usko samjhaya ………
“tumhe aisa lagta hai ki Neha ke baare mein aur kuchh jaan-na baaki hai ……..??” usne fir se sawaal kiya ………..
“Haan Kamal………..abhi bhi bahut kuchh aisa hai , jo humein nahi maloom ……….” Maine kaha aur fir usko Neha ke Orkut profile ke baare mein bataya ……..
“Hmmm……………” meri baat sun-ne ke baad woh bola …….” Ho sakta hai ki yeh Bittu hi woh aadmi ho , jiski hamein talaash hai……….., par Neha ke father ko iss Bittu ke baare mein koyi jaankari ho ……..aisi koyi surety to nahi hai ….??”
“ ho sakta hai …………..par agar unko kuchh maloom huya to fir humaara kaam aasan ho sakta hai Kamal……..” maine kaha ………
kuchh second chup reh kar woh bola …………”theek hai Dost ……….main tumhe unse milwa doonga ………par tum yahan kaise aaoge ?? “
“woh tum mere oopar chhod do ………..main kal subah hone se pehle hi wahan pahunch jaaoonga ……….” Maine kaha ……………
“OK……….I will wait ……..” usne kaha aur phone disconnect kar diya ………
maine phone ko ek taraf rakh diya……..aur fir se iss nayi situation ke baare mein sochne laga …….Neha ke father ke roop mein mujhe ek halki si roshini ki kiran nazar aa rahi thi ………..pata nahi kyon mera dil keh raha tha ki unse mujhe koyi na koyi jaankari jaroor milegi ………..
main kamre se baahar nikla aur neeche Happy ki dukaan par aa gaya ………..Happy ke paas kuchh customers baithey huye they…….unhone ek bar meri taraf dekha aur fir se apne kaam mein lag gaye ………….
Happy ne ek nigaah meri taraf daali aur fir ishare se mujhe ek taraf jaane ko kaha………main uski dukaan se hat kat , saamne jaakar khada ho gaya ………2 minute baad hi Happy bhi wahan aa gaya ………
“ Haan………..bolo Raju , kya baat hai…..? mujhe wahin kamre mein bula liya hota ….!!” Usne kaha ……
“nahi Bhaiya ……….main wahan baithey baithey bore ho gaya tha ……isliye yahan aa gaya ……..: main bola aur fir dheere se uss se kaha “ mujhe aaj raat ki ticket chaahiye , Raj Nagar ke liye ……………..”
usne hairaani se meri taraf dekha aur bola …….”Tu Raj nagar jaayega ? ….par kyon ? “
“bas ………….aise hi ……………mujhe lag raha hai ki main yahan baithey baithey to apne aap ko kabhi bhi begunah saabit nahi kar paaoonga ………. Shaayad wahan jaakar hi kuchh ho sake ..” maine kaha …………
woh kuchh seconds ke liye meri surat dekhta raha fir ek lambi saanas lekar bola …..” ticket to main arrange kar hi doonga ……..par tu apna dhyaan rakhna ……..”
main haan mein sar hilaya ……..aur fir woh bhi mere kandhe ko thap-thapa kar apni dukaan ki taraf chal diya …………….
Main kuchh der usko jaate dekhte raha aur fir dheere se ek taraf ko badh gaya ……….main apne aap ko iss naye get-up mein a-sahaj mehsoos kar raha tha ……aur kuchh der ke liye ghoomna chahta tha ……….shaayad iss tarah main apne iss naye roop ka aadi ho sakoon….
______________________________

 

[Incest]

#111
Agle 2 ghante main yun hi market mein ghoomta raha …..kitne hi logo ki nigaah se main hokar guzra , par kisi ki bhi aankhon mein mujhe shaque jaisi koyi cheez dikhayi nahi padi……..
Mera luck achchha tha jo mere paas 3 alag alag banks ke ATM cards maujood they …………Maine wahan aas-paas maujood ATM’s se kareeb 80,000 Rs nikaal liye ………fir main waapas apne uss hi room ki taraf badh gaya …………apne room mein jaakar main bistar par let gaya aur intezar karne laga ………
Mera intezar kareeb 7.30 baje ke aas-paas khatam hua …………darwaaze par dastak huyi aur main darwaaza khol diya ……………Happy aur Sardaar ji dono hi wahan aaye they …………..dono andar aaye aur fir darwaaza band karne ke baad baith gaye………..main bhi unke saamne wahin palang par baith gaya………
Sardaar ji ne Happy ko ishara kiya aur happy ne ek envelop meri taraf badha diya ………maine usko khol kar dekha , jaisi ki mujhe ummmeed thi …usmein ek air-ticket tha ……..Delhi to Rajnagar ……aaj raat ki flight ka ………. Maine ek baar ticket ko dekha aur fir happy ki taraf dekh kar muskura diya aur bola………”Thank you Happy bhaiya………….”
“Le !!!…………..ek taraf to bhaiya bolta hai ………aur doosri taraf Thank you bol kar paraya bhi kar diya ………..” Happy ne kaha to main fir aage kuchh nahi bol paya ………sirf sar jhuka liya ……….meri himmat nahi ho rahi thi , fir bhi maine apni jeb mein haath daala aur usmein se 20000 Rs nikaal kar Happy ki taraf badha diye …………..usne ek baar aankhen chadha kar meri taraf dekha aur fir Sardar ji ki taraf ………………….
Sardar ji uth kar mere paas aaye …..aur mere kandhe par haath rakh kar bole ………”Kya hua Raju Puttar ? …tu kyon humein begaana bana raha hai …….?? “
“ Nahi ……..aisi baat nahi hai daar ji “ main kursi se uth gaya aur bola …….” Yeh to sirf wahi hai jo aapne mere liye kharch kiya hai …………..baaki aap logo ne jo kuchh mere liye kiya hai , uska ehsaan to main kabhi bhi utaar nahi paaoonga ……….”
“ab dobaara fir se aisi baat kari to ek chanta khaayega mere haath se …….” Sardar ji pyar se mujhe ek chapat lagaate huye bole …..” chal yeh paise jeb mein waapas rakh le ……..”
maine chup chap paise waaps apni jeb ke hawaale kar diye …………fir sardar ji ne mere dono kandho par haath rakha aur bole ………” ab tu apne jaane ki tayaari kar puttar …………….Raj nagar waaps ja aur apne oopar lage is badnami ke daag ko hata de …………."
"aur haan , yeh baat dhyaan rakhiyo ki yahan tere apne abhi sahi salaamat hain …………..hum tujhe kuchh nahi hone denge …………tujhe agar kabhi bhi aisa lage ki tu kisi pareshani mein hai............ya tujhe humaari jaroorat mehsoos ho .........to ek baar phone kar diyo ........................tere liye agar mujhe apna yeh hotel bhi bechna pad gaya to koyi baat nahi puttar………..”
bolte bolte who bhaavuk ho gaye they …….aur unki baat sunkar main bhi ……….unhone mujhe apne gale se laga liya aur main bhi unke seene se lag gaya ………..bilkul aise jaise koyi chhota bachcha hota hai……….
Fir agle 5 minute tak woh dono mujhe samjhate rahe …………main sar hilakar unki saari baatein sunta raha ……….aur uske baad woh dono wahan se chale gaye ……..unke jaane ke baad main bhi tayyar hua aur fir neeche aa gaya ……..
Neeche restaurant mein aakar maine sardar ji ke saath baith kar khana khaya aur fir sardar ji aur Happy ne mujhe ek aur baar gale lagakar vida kiya ………restaurant se baahar nikal kar main paidal hi market ki taraf chal diya ………wahan se maine ek suitcase liya aur fir apne paas maujood samaan uss suitcase mein rakh kar main fir se ek taraf chal diya …………thoda sa aage jaakar maine ek taxi roki aur driver ko air port chalne ke liye kaha ………….. uske haan karte hi main taxi mein baith gaya aur fir ussne taxi aage badha di ……………..
1 ghante se bhi pehle mein air port pahunch chukka tha ………………saare checking aur security points se main bahut aaram se nikal gaya ……..kahin bhi mujhe yeh mehsoos nahi hua ki kisi ne mere oopar koyi shaque kiya ho ……………fir main plane ke andar aa gaya aur apni seat tak bhi pahunch gaya ………
apne sahi time se kareeb 1 ghnata late , yaani raat ke 11.30 par flight ne delhi se take off kiya aur 1.30 baje meri flight Raj Nagar pahunch chuki thi …………Airport se baahar nikal kar maine ek taxi pakadi aur fir usko hotel Samraat chalne ke liye keh kar taxi mein baith gaya ……………driver ne taxi aage badha di
main fir se ek baar apne shahar Raj nagar pahunch chukka tha ………..jiss tarah chhupte chhupaate main yahan se gaya tha ………lagbhag uss hi tarah waapas lauta tha …………….bas itna farak tha ki ab mujhe kisi se koyi darr nahi lag raha tha ……….
½ ghante ke baad taxi hotel samrat pahunch gayi ………..maine taxi waale ko payment kiya aur hotel ke andar aa gaya ……………..yeh ek medium class hotel tha , aur shahar ke beecho beech maujood tha ………..jaldi hi mujhe room mil gaya aur fir main apne kamre mein jaakar bistar ke hawaale ho gaya ……………
______________________________