Romance Bewafa by Mrindia.only

[Nub_Ag]

UPDATE--6
​

Gaadi ne break lagaye aur main fir se ateet se waapas laut kar aa gaya……Driver ne utar kar darwaza khola aur main gaadi se baahar aakar samne bani badi si building ki taraf badh gaya…….Raj Nagar (kalpaniknaam)….. Bharat ke paschimi tat par basa hua ek tezi se viksit ho raha shahar tha……..yeh building–Sanjay Appartment ,jis mein main rehta tha,Raj Nagar ke South civillines ilaake mein thi…………yeh kaafi posh ilaka tha…. mera flat building ke 5th floor par tha….. main building ki lobby mein aya aur lift se apne flat ki taraf chal diya………..5th floor par aakar main apne flat ke saamne pahuncha ,door ko unlock kiya,aur andar dakhil ho gaya……..agle 15 minutes main
kapde change karne aur fresh hone mein laga diye……..fir fresh hokar main balcony mein aakar khada ho gaya…….yeh building beach ke bahut najdeek thi….koi 1 km doori par……..balcony par khade hokar door najar

daudane par samandar saaf saaf dikhayi pad raha tha……. Main kuchh der aise hi khada raha aur fir kamre ke andar aakar phone utha kar ek number lagaya………..iss building ke saamne ek restaurant tha……..maine restaurant mein khane ka order diya aur fir baahar balcony mein aagaya………..iss baar main wahan padi ek chair par baith gaya aur fir saamne samandar ki lehro ko dekhne laga……oonchi-
oonchi buildings ki roshini samandar ke paani mein pad rahi thi….jis-se aisa lag raha tha jaise kaale aasman mein rang-birange sitaare chamak rahe ho……………..samandar ki lehro ko dekhte dekhte main fir se purani yadon mein kho gaya…………..
-----------------------------------------
Uss din jab Sardaar ji waaps aaye to maine aur Happy ne unko saari baat batayi…….Sardaar ji sunkar bahut khush huye……aur bole

“beta..jab bhi mauka lage iss aadmi se milkar jaroor aana……..kya maloom tujhe apne yahan kisi naukri par hi rakhle….”

Maine sar hilaya aur fir apne kaam mein lag

gaya…………fir se wahi routine work shuru ho

gaye…….tabels ki safaayi ,baratano ka intezam….aur grahako ke aate hi unki farmayish ko poora karna…………..kab raat ho
gayi maloom hi nahi pada…. Uss raat ko main school nahi jaa paya…..din bhar bahut jyada kaam ki wajah se thak gaya tha….isliye jaldi hi so gaya…..

Subah utha to mere liye koi bhi nayi baat nahi thi…..wahi roj marra ke kaam kaaj, dopahar mein Happy ke saath baith kar time paas aur fir shaam ka routine work……Iss hi tarah 7-8 din nikal gaye……..main lag-bhag bhool bhi chukka tha ki maine kisi aadmi ka mobile sahi kiya tha aur unhone mujhe apna
card diya tha…….. Fir ek din……..main hamesha ki tarah dopahar ka kaam nipta kar khana kha raha tha…tabhi dhabe par ek aadmi aaya…….uske kapde dekh kar hi pehchana ja sakta tha ki woh ekdriver tha……….bilkul safed vardi aur sar par safed cap….woh mere paas aaya aur bola……….

“Yahan par Raju kaun hain?“

maine khana khate khate kaha“main hoon

Raju……….batao, kya kaam hai“

usne ek baar oopar se neeche tak mujhe dekha aur fir bola “tumhe Chaudhry saab ne bulwaya hai……….woh tumse abhi milna chahte hain………”

uski baat dhabe ke andar baithe Sardaar ji ke

paas tak bhi pahunch gayi thi…woh bhi baahar aa gaye aur uss aadmi se bole “kya kaam hai Chaudhry saab ko Raju se?“

“Mujhe kya maloom Papaji…………..main to

naukar aadmi hoon…….jaisa saab ka hukum

hua…….waisa hi aapko bol diya……….ab aap

batao kya karna hai?“

Sardaar ji kuchh seconds meri taraf dekhkar

kuchh sochte rahe aur fir bole “tum ruko……Raju abhi tumhaare saath chalega“

Maine unki taraf dekha………..unhone sar hila kar mujhe jaise ek ishara kiya………main jaldi jaldi khana khatam karne laga…..

5 minute baad hi main ek lambi si gaadi mein baith hua tha………. woh aadmi gaadi ko chala raha tha aur mujhe nahi maloom tha ki main kahan ja raha hoon……..bas apne aap par ek vishwas tha ki jo kuchh bhi mere saath hoga, achchha hi hoga....

 

[tpk]

.

 

[DAIVIK-RAJ]

Where are you

 

[Incest]

Update 7

agle 1 ghante tak humaari gaadi dilli ki sadko par daudti rahi ….mujhe itna to pata chal hi raha tha ki hum log south delhi ki taraf ja rahe hain….fir 1 ghante ke baad gaadi ek badi si building ke compound mein dakhil huyi aur building ke saamne aakar ruk gayi

main gaadi se utra aur saath mein hi driver bhi …. woh building ke andar ki taraf badha aur sath mein main bhi …hum dono aage-peechhe chalte huye andar pahunche aur fir ek lift mein sawaar ho gaye….driver ne 14th floor ka button dabaya aur agle 1 minute mein hi hum dono 14th floor par khade they……

lift se nikalte hi saamne ek badi si lobby thi , jahan ek bade se darwaaze ke paas , ek counter ke peechhe ek ladki baithi huyi thi ….driver mujhe sath lekar uss ladki ke paas gaya aur kuchh bola…ladki ne intercom utha kar kisi se baat ki aur fir driver ko andar jane ke ishara kar diya driver ne uske peechhe bane huye kamre ke darwaaze ko knock kiya aur fir thoda sa khola aur kaha “ Sir, Raju ko le aaya hoon “

“ Anadar bhej do “ kamre ke andar se ek awaaz aayi


Driver ne mujhe ishara kiya aur main uss kamre ke andar chala gaya

Meri jindagi mein yeh pehla mauka tha jab mein itna bada aur shandar kamra dekha ..itne bade to shayad gareeb logo ke poore ghar bhi nahi hote honge , jitna bada woh akela office tha

Mr.Chaudhry kamre ke beech mein ke badi si table ke peechhe baithe huye they…table ke doosri taraf kuchh chairs rakhi thi , jinme se ek par koi aadmi baith hua tha …kamre mein ek side mein ek 7 seater sofa aur ek coffee table bhi padi huyi thi ………mere andar aate hi Mr.Chaudhry ne ek baar meri taraf dekha aur fir sofe ki taraf ishara kar diya …main sofe par jaakar baith gaya… Agle 5 minute tak main chup-chap baitha raha ….woh dono kisi kaam mein lage huye they…kuchh baat ho rahi thi , jo mere kano tak nahi aa rahi thi …fir woh doosra aadmi apni kursi se utha aur kuchh files lekar kamre se baahar nikal gaya Mr.Chaudhry apni chair se uthey aur mere paas aakar mere saamne waale sofe par baith gaye…..


Mr. Vijay Chaudhry , uss samay unki umra kareeb 35-38 ke aas-paas hogi…woh ek average kad ke – yahi koi 5’8” ke – thode se bhari shareer ke aadmi hain …rang thoda sa daba hua aur aankhon par ek chashma….kul milakar ek business man ka perfect look hai unka……. Unhone meri taraf dekha aur fir bolna shuru kiya …” kaise ho Raju ?”

“ Achchha hoon Sir …” main dheere se bola

“ maine tumse kaha tha , aakar milne ke liye ! tum aaye kyon nahi ? “ main khamosh reh gaya …unke iss sawaal ka koi makool jawab mere paas nahi tha

fir unhone hi baat shuru ki “ Dekho Raju !! main samajh raha hoon ki tumhare man mein kayi saare sawaal honge …maine tumhe yahan kyon bulaya hai ? kya chahta hoon main tumse ? ……..agar tumhari jagah , tumhari hi umar ka koi aur ladka hota ..to shayad aaj yahan mere saamne na baith hota …par tum baithey ho ….jaante ho kyon ? kyon ki tum aam logo se alag ho “ maine be-chaine se pehlu badla….aur unke chehre ki taraf dekhta raha …

unhone fir aage bolna shuru kiya “ main tumse bahut jyada impress hua hoon …….isliye nahi ki tumne mera mobile sahi kar diya tha………main bhi janta hoon ki woh koi badi baat nahi thi , woh jo ek baat tumne pakad li …ho sakta hai dobara check karne par Happy bhi use pakad leta …ya agar mein kisi aur ko dikhata to woh bhi usko sahi kar sakta tha …………par jo ek cheej tumhare andar hai woh hai tumhara aatm-vishvas……aur tumhara dimaag , jo tumhe aur logo se alag karta hai” kehte kehte woh apni table tak gaye…wahan se paani ka gilaas utha kar paani piya aur fir waapas aakar sofe par baith gaye

“Raju…meri nazar mein tum ek heera ho …….ek aisa heera jisko agar sahi se tarasha jaaye to woh besh-kimti ho sakta hai ……main chahta hoon ki main tumko tumhari sahi jagah tak pahuncha sakoon “


main hairaan sa unki taraf dekhta raha………samajh nahi aa raha tha ki woh mujh se kya chahte hain …..unhone bhi mere man ki baat shayad samajh li thi ……unhone aage bolna shuru kiya


“ main ab seedhi seedhi baat karta hoon ……..main chahta hoon ki tum apne dimaag ko sahi jagah istemaal karo ……..iske liye tumhe pehle padhayi karni hogi ……….tum apni padhayi karo ………..jo bhi kharcha hoga, main karoonga “

“ Par….padhayi to main kar hi raha hoon ? “


“ yeh woh padhayi nahi hai Raju , jo tum deserve karte ho …. Din bhar kaam kar ke tum sahi tarah se padhayi nehi kar sakte ho beta ………….main chahta hoon kit um sirf padhayi mein dhyan lagao , baaki aur kuchh nahi ……..jahan tak tum padhna chahte ho , padho ..……aur sab kuchh bhool kar “


main sawaaliyan nigaah se unki taraf dekhta raha ……woh shaayad mere man ki baat samajh gaye ….aage bole “ tum soch rahe honge ki main aisa kyon kar raha hoon …………Raju, tum pehle nahi ho jiske liye main kuchh kar raha hoon ….tumse pehle bhi bahut saare gareeb aur yateem bachcho ko maine padhwaya hai ……….yoon samjho ki jo kuchh bhi mujhe oopar waale ne diya hai , uska karz main utarne ki koshish kar raha hoon ……..tum agar padh-likh kar kisi kaabil ban gaye to shaayad mere hi kisi kaam aa jao “


fir unhone intercom par kisi ko bulaya ………..1 minute baad hi wahi driver andar aaya jo mujhe lekar yahan aaya tha …….. “ Suresh …Raju ko wahin par chhod aao jahan se inko lekar aaye they……aur Raju... tum mujhe soch-samajh kar 1-2 din mein jawaab de do ….yeh dhyan rakhna beta , ki iss sab mein tumhari hi bhalayi hai …” keh kar woh wahan se uth kar apni seat par jaakar baith gaye aur main driver ke saath bahar nikal aaya …………..


5 minute baad hi main fir se uss hi gaadi mein baitha hua waapas karol bagh ki taraf jar aha tha………dimaag mein bahut saare sawaal liye huye ……. Maine suna tha ki kismet kabhi kabhi kuchh khaas logo par meharbaan hoti hai…….aur shayad main bhi unmein se ek tha

 

[Incest]

#8
darwaaze ki ghanti bajne ki awaaz aayi aur main fir se purani yadon se waaps laut aaya…main uth kar darwaaze par gaya aur usko khol kar dekha … restaurant se ek aadmi khana lekar aaya tha ……usne andar aakar khana table par lagaya aur fir waapas chala gaya …. Maine apne hath dhoye aur fir khana khaane baith gaya …….

10 minute baad mein apna khana kha kar nipat chukka tha ……main waapas balcony mein aakar baith gaya …..neeche sadko par gaadiyan ja rahi thi ….road ke side mein kuchh log paidal chal rahe they …….par har koi kisi na kisi ke saath tha…….mujhe laga ki shayad ek main hi hoon jo itna tanha hoon ……….woh sab kuchh jo ek insaan pana chahta hai , aaj mere paas thi….fir bhi main kitna akela sa tha …..sochte sochte main fir se apni purani yadon ke safar par nikal pada …….


Uss din Mr.Chaudhry se milne ke baad main waapas dhabe par aa gaya tha , par maine kisi se koi zikra nahi kiya ki wahan kya kya baat huyi …….raat beet gayi aur fir subah ho gayi….sab log apne routine ke kaamo mein vyast ho gaye aur sath mein main bhi……

Do-pahar mein , jab main hamesha ki tarah apna kaam nipta kar aaram kar raha tha…mujhe apne kandhe par kisi ka haath mehsoos hua…main gardan ghuma kar dekha, Sardaar ji they……

Maine muskura kar unki taraf dekha…..woh mere paas kursi par baith gaye …fir mere sar par haath ferte huye bole “ kya hua puttar………kis soch mein dooba hai ? “

“ Kuchh nahi daar ji ………koi khaas baat nahi hai “ maine baat ko taalne ki koshish ki ..

“ achchha yeh bata….kal wahan kya hua tha ?” woh bole

main kuchh seconds tak chup raha fir saari baat unko bata di …sunkar unke chehre par ek chamak si aa gayi ….poori baat khatam hote hi woh bole “ to isme itna sochne waali kya baat hai puttar …………wahe guru ka naam lekar shuru kar de apni padhayi “

“par daar ji ……….main abhi bhi samajh nahi paa raha hoon ki woh mere par itne meharbaan kyon hain ? “ maine uljhan bhari awaaz mein kaha….

“ tere oopar Chaudhry saab hi nahi….oopar wala bhi meharbaan hai puttar….tu saare sawaalo ko dimaag se nikaal kar , bas yahan se jaane ki tayyaari kar “ keh kar unhone Happy ko awaaz laga kar bula liya aur fir don one milkar agle 1 ghante tak mujhe samjhaya……maine bhi apni dor ab oopar waale ke haath mein dene ka faisla kar liya tha….

1 din ke baad hi main fir se Mr.Chaudhry ke office mein baitha hua tha….Sardaar ji aur Happy dono mere sath mein hi they ….. wahan kareeb 1 ghante tak hum charo ki batcheet huyi …….fir Chaudhry saab ne yeh decide kiya ki woh mujhe Pune ke ek boarding school mein padhne ke liye bhejenge…….. fir unhone ek aadmi ko bulaya aur mere liye wahin office ke guest house mein rehne ka intezam karne ke liye kaha ….Sardaar ji aur Happy ko waapas jana tha ……..mujhe bhi maloom tha ki pata nahi fir kabhi meri unn logo se mulakat ho ya na ho….udaas man se main wahan se guest house mein chala aaya ……….

2 din tak main wahin par raha…….uske baad mujhe Pune bhej diya gaya ……padhayi karne ke liye ……..

uske baad to mano waqt mere aage aage daudta raha ….aur mein usko pakadne ki koshish karta raha………kyon ki jo kuchh bhi maine abhi tak padha tha , woh na ke hi barabar tha ….pehle ek saal mujhe itni padhayi karni padhi , jitni ki shayad main 4 saal mein bhi nahi kar sakta tha …….1 saal ke baad maine 10th ke exams diye aur ahhche numbers ke saath paas hua….fir 2 saal ke liye mujhe regular school mein admission kara diya gaya…12th ke exams mein main merit ke saath paas hua ……

meri zindagi tezi ke saath badal rahi thi ……….in 3 saalo mein Mr Chaudhry mere se keval 4-5 baar hi milne aaye they…main bhi jaanta tha ki iss samay mehnat kar li to aage bahut kaam aane waali hai…

12th paas karne ke baad Mr. Chaudhry ne mujhe apne paas bulvaya aur bataya ki woh mujhe Engineering padhana chahte hain ….maine to pehle hi apni zindagi unke aur oopar waale ke hawaale kar chukka tha……maine unko bataya ki jo woh chahte hain, main waisa hi karoonga…..aur 1 mahine ke baad hi main Australia pahunch gaya….Engineering (IT) ki padhayi karne ke liye……………

 

[Incest]

#9

Australia pahunch kar maine apni padhayi shurur kar di ……mera sirf ek hi target tha , jo mauka oopar waale ne mujhe diya hai , uska sahi tarah se upyog karoon aur jo sapne maine dekhe hain , unko poora karoon ….

Mr.Chaudhry har 2-3 mahine baad mere se phone par baat kar lete they aur mera haal chaal poochhte they ………mere kharche ke liye har mahine ek checque mere paas aa jata tha...........yahan mere saath kuchh aur bhi students they jo India se aaye they …… meri umar ab badhti jaa rahi thi , saath hi jaroorate bhi ….. mere kuchh saathiyon ki tarah , mera bhi kabhi kabhi dil karta tha ki main bhi wahi sab karoon jo woh karte hain………mauj-masti , ladkiyon se dosti aur sab kuchh jo mera dil chahta hai …………….par mera dimaag inn sab cheejo se door rehne ki salaah deta tha ………….main bhi faaltoo ki baaton mein apna dhyaan na laga kar , sirf padhayi mein hi dhyaan dena chahta tha………..

Samay beet-ta ja raha tha …….2 semesters ke baad mujhe institute ki taraf se scholarship bhi milni shuru ho gayi ………ab halanki mujhe Mr.Chaudhry ke bheje huye paiso ki jaroorat nahi thi , par main unko mana kar ke unko dukh nahi pahunchana chahta tha……….jo kuchh bhi ho raha tha, sab kuchh vaise hi chalta raha…

Zindagi bahut tezi ke saath daudti rahi aur main uske saath saath … samay nahi mil pa raha tha ki main kuchh aur kar sakoon…… dheere dheere 4 ½ saal beet gaye , maine IT engineering mein Master degree le li aur main vaapas Hindustan aa gayaa……..

Hindustan pahunch kar mujhe maloom pada ki Lakshmi Groups ka Headquarter ab Raj Nagar transfer ho gaya hai , delhi ka office abhi bhi waisa hi tha par woh ab sirf area office ke taur par use hote tha ……….main uss hi shaam ki flight se Raj Nagar pahunch gaya ..

Mr.Chaudhry mujhe waaps dekh kar bahut khush huye , unhone kaha ki jo ummeed unhone mujh se kit hi , main unn par bilkul khara utra hoon …….maine unka aashirwaad liya aur poochha ki ab mere liye unka kay aadesh hai ……..Mr.Chaudhry ne mujhe kuchh din aaram karne ke liye kaha aur maine unki baat maan li

4-5 din maine jam kar aaram kiya ………yeh jo Flat mere paas tha woh unhone pehle se hi mere liye tayyar karwa liya tha……. 4-5 din ke araam ke baad main ek subah unke office mein pahunch gaya ..

Mr.Chaudhry ne kaafi der tak mujh se baate ki ………unhone mujh ko saaf saaf bata diya ki agar main chahoon to kahin bhi , kisi bhi shahar mein jaakar bas sakta hoon , kisi bhi badi company mein naukri kar sakta hoon , unhone iss ka faisla mere oopar hi chhod diya …….

Par main aisa nahi chahta tha …………jo kuchh bhi Mr.Chaudhry ne mere liye kiya tha, uska ehsaan to main nahi utaar sakta tha , par kuchh karna chahta tha main unke liye………

Fir Mr.Chaudhry ne mujhe apne ek sapne ke baare mein bataya ……..unke kuchh business jo kaafi achchhi tarah chal rahe they jaise ki Sugar , Steel , Construction & Finance etc , par unka ek sapna tha ……..ek aisa Bank banana ka jo kam se kam Hindustan mein to apne aap mein anootha ho …………..woh chahte they ki log unhe unke jaane ke baad bhi kuchh aise yaad rakhe , aur woh unke iss sapne ke poora hone par ho sakta tha ……unhone mujhe se kaha ki kya main kuchh sujhav unko de sakta hoon

Main usnki baaton ko bade dhyaan se suntan raha …………fir maine unse ek din ka time maanga aur waapas apne Flat par aa gaya…

Maine uss poore din aur poori raat iss hi baare mein sochta raha …….fir mere dimaag mein kuchh ideas aane shuru ho gaye …………subah tak main unn saare plans par kaam karta raha aur fir agle din dopahar mein fir se Mr.Chaudhry ke saamne baitha hua tha ………….

Maine unko apne plans ke baare mein batana shuru kiya, sunte sunte unki aankhon mein chamak aati chali gayi ………….saara plan unko bahut pasand aaya …..bas unko ek yahi sandeh tha ki jo kuchh bhi main unko samjha raha hoon , woh hakeekat mein bhi tabdeel ho sakta hai ya nahi ………maine unko bataya ki jo kuchh maine plan kiya hai , woh aaj ke jamaane mein hakeekat mein bhi badal sakta hai…………

Uss shaam tak hi yeh decide ho gaya ki hum log uss project par kaam karenge …….jo bhi cheez mujhe chahiye hogi , usko dene ka promise unhone mujh se kiya ……maine bhi unse vada kiya ki chahe jo ho jaye , unka yeh sapna main avashya poora karoonga ………………

 

[Incest]

#10

Agle din se hi main kaam par lag gaya……maine saare Hindustan se , aur jaroorat padhi to overseas se proffessionals ki team ko ikattha kiya ………….saare technicians aur engineers ki team ne milkar mere plan par kaam karna shuru kar diya …….main aur Mr.Chaudhry iss kaam par din raat ek karke lage huye they ………humaara plan tha ki hum yeh kaam 3 saal mein poora kar lenge , par humaari athak mehnat ka hi nateeja tha ki yeh kaam hum logo ne 2 saal mein hi poora kar liya

Ji haan , 2 saal ke andar Raj Nagar mein Lakhmi Banks ki pehli branch ban kar tayyaar ho gayi ……..ek aisa bank jo apne aap mein anootha tha , jiski misaal kam se kam Hindustan mein to nahi thi

Yeh apne aap mein ek fully auto operated bank tha……jaise ki ATM machines hoti hain , customers ko sab kuchh apne aap karna hota tha…….Accounts kholte samay customers ke signatures ke alaawa unke finger prints, voice samples aur eye-map ke samples liye jaate they …………… unko customers ki details ke saath store kiya jata tha aur inn sab cheejo ka istemaal woh apne accounts ko operate karne mein kar sakta tha ……….

Bank ke main gate par 4 guards ki ek team rehti thi , jo har aane waale customers ko check karti thi …….saare customers ko ek special eye card diya gaya tha jisko dikhakar woh bank ke andar ja sakta tha ………..andar poore bank mein saare counters automatic controlled they ………customers apne finger prints ya doosre tareeko se verification karwa kar apna account operate kar sakta tha …..ATM machines ki tarah hi har counter par alag alag machines rakhi huyi thi , jo woh saare kaam karti thi , jo doosre banks mein manual hote they …… jaise ki cash ka transaction , cheques ko cash karwana , drafts banwana etc etc

Iske alawa ek bada Locker room bhi tha………jo waise hi operate hote tha , jaise ki bank ke anya counters …………kuchh staff bhi bank ke andar rehta tha , par uska kaam sirf itna tha ki jo cheques aur slips machines ke andar jaati hain , unko collect kar ke filing karte rehna ….
Abhi 1 mahine pehle hi iss branch ki opening hum logo ne kit hi …………..ek mahine ke andar hi bank ke paas customers ki line lag gayi thi ….specially Lockes lene waalo ki …………Raj Nagar ek tezi ke saath develop ho raha shahar tha , isliye yahan ameer logo ki kami nahi thi , jo humaare iss bank ke customers ban-na chahte they ………..

\kul-milakar humara yeh prayas safal raha tha ……….Mr.Chaudhry ka sapna sach ho chukka tha ………….uss ki yeh inaam mujhe mila tha ki main aaj Lakshmi Banks ka Vice chairman bana diya gaya tha …………



Mera yeh safar , jisme main Raju se Rajiv Chaudhry ban gaya tha, ek lamba aur thaka dene waala saabit hua tha…………ji haan dosto , mera yeh naya naam aur surname mujhe Mr.Chaudhry ne tab diya tha jab main Pune ke school mein admission le raha tha……..main jaanta tha ki , yeh bhi unke doosre ehsaano ki tarah hi tha ……..jiska karz main shaayad ta-jindagi bhi nahi utaar sakta tha………..

Sochta sochta kab main neend mein doobta chala gaya mujhe khud bhi maloom nahi pada……….yahan balcony par thandi hawa mere shareer par lag rahi thi , raat mein maloom nahi kab meri aankh khuli tab mujhe ehsaas hua ki main balcony mein hi chair par baith baitha so gaya hoon ………..main andar uthkar apne bed par aakar let gaya aur fir se so gaya ………mujhe maloom tha ki kal se mujhe zindagi ke ek aur naye safar ki shuruaat karni hai
______________________________

 

[Incest]

#11

Agli subah 10.30 baje main apne office mein baitha hua tha ………….humara yeh office Raj Nagar ke sabse shaandar ilaake , Sangam Vihaar mein bana hua tha……..ek 20 storied building jo Lakshmi Group of Industries ka headquarter thi …….iss building ke 13th floor par mera office tha …….abhi tak main GM (Special project) ki post par kaam kar raha tha……..ab kyonki mera designation change ho chukka tha…ummeed thi ki mujhe kisi aur office mein shift kiya ja sakta tha


Mere intercom ki bell baji , maine phone uthaya……..udhar se Mr. Chaudhry ki awaaz aayi “ Rajiv !!”

“ Good morning Sir “ main puri izzat ke saath bola


“ Good morning Rajiv ……………1/2 ghante ke baad conference room mein milo “ keh kar unhone phone kaat diya……..yahi unki aadat thi ……..kabhi bhi koi faaltu baat nahi karte they ………..maine apne kuchh jaroori kaam niptaye aur fir conference room ki taraf chal diya…

Iss bulding ke 5th floor par Mr.Chaudhry ka office tha ,aur uss ke paas hi Conference room …….main theek 11 baje uss room mein pahunch gaya

Room mein enter hokar maine dekha ki kuchh log wahan pehle se hi maujood they …..jinme se sabhi ko main janta tha……lagbhag 40 logo k eek saath baithne ke liye ek round table iss room mein thi …….jis ke ird –gird iss samay kareeb 20 ke aas-pass log yahan maujood they ………..

Main jaakar ekseat par baith gaya …..aur baaki logo par nigaah daudane laga ………Table k eek side mein ek badi si chair thi , jo ki Mr.Chaudhry ke liye thi aur iss samay khaali thi

Unke right side waali chair par ek shakhs baithey huye they , Mr.Anil chaudhry , yeh Mr.Vijay Chaudhry ke bade bhai they …..umar koi 55 ke aas paas , un hi ki tarah lamba kad , thoda sa mota shareer aur thoda sa daba hua rang ……aankhon par chashma …….Mr.Anil , Vijay Chaudhry ke kuchh business mein unke partner they aur kuchh mein sirf share holder ……bade bhai hone ke baavjood , kul milakar iss saare group mein woh kareeb 15% ke share holder they ……..

Unke saath waali chair par ek ladka baitha hua tha …….woh Anil chudhry ka beta tha Mr.Sharad Chaudhry ……umar koi 27-28 ke aas-paas ………lamba kad , gora rang aur shandar personality ………….yeh ek shakhs tha jo mujhe kabhi bhi pasand nahi karta tha ……..shaayad isliye ki uske pita ke chhote bhai , us se jyada mujhe maante they ……..yeh uski jalan ki ek wajah ho sakti thi …..waise bhi woh kuchh tunak –mizaz aadmi tha ………maloom hi nahi padta tha ki kab khush ho raha hai aur kab dukhi

Uske barabar mein 3-4 seats par office ke hi kuchh purane log baithey huye they …….fir 2 seats khaali thi aur uske baad 1 seats par ek ladki baithi huyee thi ………woh Vijay chaudhry ki beti thi ………..Priya ….. umar kareeb 23-24 saal, sunadr nain-nakhsh , patla aur lamba shareer ………bas ek hi kami thi uss me , uska rang kuchh daba hua tha ……..jo shaayad apne pita par gaya tha ……. mere vichaar mein woh ek bahut Milan saar aur nek dil ladki thi……hamesha khush rehne waali ………Priya apne pita ki iklauti santaan thi , fir bhi mujhe nahi laga ki usko mujh se koi shikayat rahi ho …….. mujhe uske pita ne apna naam diya aur ek bete jaisa pyar diya , fir bhi woh hamesha mere saath achchhe se pesh aati thi …………woh bhi company ki Dirctors mein se ek thi aur Construction division ki vice chairperson thi

Uske baad ek seat khali thi aur fir 4 seats par kuchh office staff ke log baithey huyethey ….fir kuchh seats khaali aur fir woh seat jahan main abhi baitha hua tha ……..mere barabar mein , mere saath waali seat par mera assistant Karan baitha hua tha ………Karan ek lamba-patla sa ladka tha ……umar kareeb 30 ke aas-paas thi , chehre par chashma aur typical school boy ka look …..kul milakar woh ek honehaar aur imaandaar aadmi tha …

Uske barabar mein 2 seats khaali thi aur fir 4-5 log baithey huye they …….uske baad ek lambi kataar khaali thi fir ek saath ek ladka aur ek ladki baithey huye they …….ladki Nidhi , woh Anil chaudhry ki beti thi …….umar uski bhi kareeb 24-25 ke aas-paas hogi ………apne doosre bhai-behan ki tarah woh bhi company ki share holder thi………finance ki padhayi kar ke uss ne abhi company ko join kiya tha …..

Uske saath baith ladka , Rajan ………..Lakshmi Group ka GM (Finance) ….umar koi 30-32 ke aas paas ……….. banks ke saare kaam mein usne mera kaafi saath diya tha…..kul milakar ek mehnati aur imaandaar aadmi

Sabhi log Mr.Chaudhry ka wait kar rahe they ………..Conference room ka darwaaza dheere se khula aur fir jo andar aaya ( ya kahiye aayi ) woh mere liye to bilkul anjaan thi ………..par usko dekhkar na jaane kyon meri dhadkane achanak tez ho gayi

Woh thi hi kuchh aisi …………mujhe nahi maloom ki maine apni zindagi mein iss se jyada khoobsurat ladki ko kabhi dekha ho ………..lamba kad , safed rang …..bilkul aisa ki haath laga do to shaayad maila ho jaaye , lambe kaale baal , jo abhi bandhe huye they ……..neeli aankhen aur dilkash muskaan ……..saleeke se bandhi huyi aasmani saree , matching blouse ………saamne apne seene se sata kar usne kuchh files ko pakda hua tha …….kul milakar woh iss office ke laayak to nahi par kisi beauty competition ke laayak bilkul perfect thi……..usne ek baar sabko dekha fir Rajan ke paas waali khaali seats mein se ek par baith gayi………ab woh meri aankhon ke bilkul saamne baith huyi thi …………..woh sabko ek-ek karke dekh rahi thi aur saath hi sabka sar hila kar abhivaadan kar rahi thi ……..auro ka to maloom nahi , par meri nigaahein to uss par se nahi hat rahi thi

Room ka darwaaza khula aur Mr. Chaudhry andar daakhil huye ………sabne khade hokar unka abhivaadan kiya aur unke baithne ke baad sab log waapas apni seat par baith gaye ………

 

[Incest]

#12

“ Good Morning everybody…….” Mr Chaudhry ne bolna shuru kiya “ aaj ki yeh meeting maine kisi khaas reason se bulayi hai , aur iss hi liye kuchh khaas hi log isme shaamil bhi huye hain …”


2 seconds ruk kar unhone aage bolna shuru kiya “ Jaisa ki aap log jaante hain , Lakshmi Banks ki first branch ki opening ho chuki hai ……jitni hum logo ko ummeed thi , us se kahin jyada achchha response hum logo ko mila hai ….pehle mahine mein hi 5500 se jyada accounts khul chuke hain aur mujhe ummeed hai ki agle ek mahine mein hi yeh 3 guna se jyada ho sakte hain………”


sab logo ne tables ko thap-thapa kar unki iss baat ko cheer kiya …..


woh lagataar bolte jaa rahe they “ pehle mahine mein hi humaare bank ke saare lockers , jo ki kul 500 hain , occupied ho chuke hain ……hum log apne locker room ka expansion plan kar rahe hain …. Shaayad agle 6 mahine ke andar 1000 naye lockers public ke liye available ho….” Sabne ek baar fir unki iss baat par cheer kiya


“ Ab main chahoonga ki iss project ke incharge aur Lakshmi banks ke naye Vice Chairman Mr. Rajiv Chaudhry aap sab ko iss bank ki technical details batayein …….. par us se pehle main aap sab ka parichay apne naye saathi se karwana chahoonga……” keh kar onhone uss ladki ki taraf ishara kiya aur bole “ meet Neha……….. Neha mere ek dost ki beti hain aur unhone MBA ( marketing ) kiya hua hai….iss se pehle woh XBC bank mein 3 saal kaam kar chuki hain , I hope woh humaare group ke liye kaafi achchhi saabit hongi “


Neha ne apni chair se thoda s auth kar sab logo ka abhivaadan kiya ………fir waapas apni seat par baith gayi


Maine apne Laptop ko projector ke saath attach kiya aur fir ek saathi ne hall ki saari lights off kar di …….mere right side wali deewar par ek screen lagi huyi thi …….jis par mere laptop ki saari details projector ke through dikhayi padne lagi …….maine diplay kar raha tha aur saath hi saath saari details bhi sab ko batata chal raha tha ….


Agle 10 minute tak main presentation ke through bank ki saari technical details , jo main un logo ke saath share kar sakta tha…batata raha ……..fir maine display ko off kar diya ……….hall ki light on kar di gayi aur sab logo ne ek baar fir table ko thap-thapa kar mujhe cheer kiya ………main apni seat par baith gaya aur poochha …


“ Any question Friends ? “


ek haath oopar hua ……….Sharad ka


“ Yes, Mr Sharad …….? “maine poochha


“ Sara concept bahut achchha hai Rajiv ………par agar koi kisi tarah duplicate Identity cards arrange kar le to ? woh bank mein enter to kar hi sakta hai ? “


“ Nahi Mr.Sharad, Duplicate I-card se woh sirf apni identity proof kar sakta hai ………har customer ko ek unique code issue kiya jata hai ..jisko enter karne par hi woh bank ke gate ke andar ghus sakta hai …….iske alawa usko har counter par apni Bio-matrix identity bhi deni hoti hai ………woh usko to match nahi kar sakta “ maine usko samjhaya


“ fir bhi ……….maan lo koi bank ke andar ghusne mein kamyab ho hi jaye ……..kya woh lockers ko khol sakta hai …..?”


“ nahi ……..jaise baaki counters par hota hai ….waise hi lockers ke liye bhi usko apni identity ko proof karna padega………kul milakar humara bank 99% safe hai “ maine sabko dekhte huye kaha …….sabse aakhir mein meri nigaah Neha ki taraf gayi aur kuchh seconds ke liye uske oopar hi tik gayi ……..woh poore dhyaan se sirf meri taraf hi dekh rahi thi …….


“ aur woh 1% chance kya hai Rajiv ? “ yeh question Priya ne kiya tha ………thoda sa muskurate huye


“ saare customers ki details ya to mere paas store hain, ya fir Chaudhry Sir ke pass…..agar hum dono mein se hi koi chahe to lockers khol sakta hai …………” maine bhi muskurate huye jawaab diya


“ aur agar koi jabran bank par kabja karna chahe to ? mera matlab hathiyaron ke bal par ? “ yeh question fir Sharad ne hi kiya tha…


“ uss case mein woh bank ke andar to pahunch sakta hai ……par wahan koi transaction to nahi kar payega ……iske alawa agar woh lockers ko kholne ki koshish karega to ek alarm paas ke police station mein baj jaayega ……..fir 5 minutes ke andar hi woh police ke kabje mein hoga …” keh kar main chup ho gaya ……sab log meri taraf hi dekh rahe they ……bahut jyada impressive nigaoh se ………jin me se ek jodi aankhen Neha ki bhi thi …………….

 

[Incest]

#13

Agle kuchh seconds tak sab log khamosh hi baithey rahe fir Mr.Chaudhry ne bolna shuru kiya …..

“ Friends……….I hope , aap sab log ab Mr.Rajiv ke iss vichaar se sehmat honge ki humara yeh Bank ek unique type of bank hai …….aur sahi maayno mein ek full secure bank hai ……..In sab baton se encourage hokar hi main , as Chairman of Lakshmi Group and Lakshmi Bank …yeh decide kar raha hoon ki hum log iss bank ki branches kuchh aur cities mein bhi kholenge……”



Sab logo ne fir tables par thap-thapa kar unke proposal ka swaagat kiya …….unhone aage bolna shuru kiya …


“ par main yeh chahta hoon ki bank ki branches start karne se pehle hum log yeh pakaa kar lein ki har shahar mein kuchh log aise jaroor ho ki jo humaare customers ban-ne ke liye tayyar ho ………. Hum logo ko har bade shahar mein jaakar un logo se milna hoga jo humaare customers ban-na chahte hain ……..mere paas kuchh logo ke emails aur phone calls aaye hain ……..lagbhag har bade shahar mein kuchh khaas log humaare bank ki service lena chahte hain “ kuchh der ke liye ruk kar unhone paani piya aur fir aage bolna shuru kiya..


“ maine chahta hoon ki app log 3 teams bana kar India ke alag-alag cities mein jaao …..main yeh kaam kisi marketing team se bhi karwa sakta hoon ….par kyonki banks ki saari technical details sirf aap hi logo ko maloom hai ………main nahi chahta ki hum woh sab cheezein sab ke saath share karein ………isliye aap log khud jaa kar sab shshro mein presentations do ……..aur fir dekho ki wahan humaare liye kya scope hai “ keh kar woh chup ho gaye ……….fir sabki taraf dekhne lage



pehla swaal Sharad ne hi kiya “ Theek hai Uncle ………aap bataiye …kis-kis ko jana hai …….hum log teams bana lete hain “


Mr.Chaudhry ne sab ki taraf dekha aur kaha “ mere khyaal se ……..Sharad, Rajiv, Rajan, Priya, Nidhi aur Neha……….aap 6 log , 2-2 ki team bana kar alag-alag area mein chale jao ………….aap log North, east aur south India ke alag alag shahro mein jaa sakte ho ……….teams aap log apne aap decide kar lo “



Fir Priya aur Nidhi uth kar Sharad ke paas pahunch gaye ……….woh teeno aapas mein dheemi aawaaz mein baatein karte rahe ….main hamesha unn logo se apne aap ko alag hi rakhne ki koshish karta tha ………Mr.Chaudhry chahe mujhe bete jaisa maante ho , par mujhe maloom tha ki main unn logo mein se nahi hoon ….na hi kabhi main unki barabari kar sakta tha ………meri nigaah sab logo ke oopar se hoti huyi fir se Neha ki taraf chali gayi ………mujhe aisa laga ki shayad woh bhi meri taraf hi dekh rahi thi , par mere dekhte hi us ne apni nigaahein fira li …….


Uske chehre mein kuchh khaas hi baat thi ………..maloom nahi , uski aadat thi ya fir uske honthon ki banavat hi kuchh aisi hi thi ………jab bhi usko dekho aisa lagta tha ki woh dheere se muskura rahi hai……….agle kuchh seconds ke liye meri aankhen uske chehre par hi tik gayi……….iss sab se be-khabar ki main kahan baitha hoon aur kya kar raha hoon ………


Mujhe waapas hosh aaya , Nidhi ki awaaz sunkar ……….woh Mr.Chaudhry se keh rahi thi “ Uncle ………..hum logo ne 3 teams bana li hain…….pehli team mein Sharad Bhayya aur Neha , doosri mein Priya didi aur Mr.Rajan aur tesri mein main aur Rajiv ……….” Kehte huye usne ek baar meri taraf muskura kar dekha ………..


Chaudhry saab kuchh seconds chup rahe fir bole “ mere hisaab se is mein ek change hona chahiye ……….. kyon ki Neha bilkul nayi hai, aur Rajiv se jyada technical knowledge yahan kisi ko nahi hai …….inn dono ko ek team mein rakho ……..baaki team apne hisaab se change kar lo “



Unhone jo kuchh kaha woh mere liye to maano ek surprise gift ki tarah tha ……..ek aisi ladki jisko main nazdeek se dekhna chah raha tha …….ab agle 10-15 din tak mere saath hi rahegi ……..mere dil ki dhadkan maano achahnak bahut tezi ke saath bhaagne lagi ………..


Fir 5 minute ke baad decide ho gaya ki main aur Neha , north India ka area cover karenga …..Priya aur Sharad , east area ….aur Nidhi aur Rajan south India ……..aaj Thursday tha ………..hum logo ne faisla kiya ki hum sab next Monday ek saath alag-alag area ki taraf nikal jaayenge ………uss se pehle hum log alag alag cities mein hotels aur conferences ke liye saara arrangement kar lenge ……….


Fir Mr.Chaudhry seat se uth kar baahar nikal gaye ………jaate jaate woh mujh se keh gaye ki main do-pahar mein un se aakar miloon ………fir hum sab log aapas mein baatein karne lage ……..apni aadat ke anusaar main kam hi bol raha tha …….sun jyada raha tha ………..hum logo ne unn cities ke naam decide kar liye jahan hum logo ko jaana tha ………


fir sab log ek-ek karke kamre se baahar nikalne lage …..mera assistant Karan mera laptop aur baaki files lekar kamre se bahar nikal gaya……wahan ab keval main , Neha aur staff ke 2 log bache huye they ……..Neha ne apni files uthayi aur seat se uth kar khadi ho gayi ……fir woh dheere dheere chalti huyi mere paas aayi , chehre par muskurahat liye huye ………main apni seat se uth kar khada ho gaya …….


usne apna ek haath meri taraf badhaya aur boli ……… “ Hello Mr.Rajiv …………my self Neha ……….aapki nayi saathi “ keh kar woh fir se muskurayi


maine apna haath aage badha kar uska haath pakad liya ……… “ Hi Neha……….very nice to meet u ……..I hope, hum dono saath milkar bahut achchha kaam karenge …….” Keh kar maine uska haath chhoda aur kamre se baahar nikal gaya……….


baahar nikal kar main lift mein sawaar ho gaya aur 13th floor par , apne office ki taraf chal diya ……mujhe abhi tak apne haath mein , uska haath mehsoos ho raha tha ……..main andar hi andar bada hi romanchit sa tha……..maloom nahi yeh kya ehsaas tha ……..jo mere liye to bilkul naya sa tha …