Romance Bewafa by Mrindia.only

[Incest]

#23

Neha………aaj fir se woh saree mein thi ………..black & white ka combination ………hamesha ki tarah muskurata hua chehra …….jo kisi ki bhi thakaan ko pal mein door kar dene ki taakat rakhta tha …………woh mere saamne waali chair par aakar baith gayi …………..uske haath mein uska laptop tha jo usne saamne table par rakh diya ….


“ Sir……..aapka thoda sa time lena chahoongi …..” usne baith kar kaha


“Sure……..bolo kya kaam hai “ maine kaha



usne apna laptop open kiya aur kuchh files khol kar mujhe dikhana shuru kar diya …..woh Bank ke naye clients se related informations thi , jiske baare mein woh mujhe kuchh batana chahti thi ……….


Woh bolti rahi aur main sirf suntan raha …………uski nigaah lagataar laptop ki screen par thi , par meri nigaahe baar bar , chori se uske chehre par chali jaati thi ……uski aankhen , uske hilte huye honth , uske chahre par baar baar girte huye uske baal ……sab kuchh ek ajeeb sa romanch paida kar raha tha….usko kisi bhi keemat par pane ki chahat mere andar badhti hi jaa rahi thi ……………


Agle 40 minute tak humara yeh discussion chalta raha aur fir usne apna laptop band kiya aur uth kar baahar jaane lagi …….abhi woh gate tak hi pahunch thi ki maine usko awaaz di ……..


“ suno Neha ……!!”


usne palat kar meri taraf dekha ……..
“ Tumhari swimming class kal subah se start hogi ………” maine kaha to usne sawaaliya nigaah se meri taraf dekha ……..


“ kal meri golf class ke baad , main tumhe swimming sikhaoonga ………..tayyar rehna ……..” maine dheere se hanste huye kaha ………


usne bhi muskurate huye sar hilaya aur fir kamre se baahar nikal gayi ……………


uske baad fir meetings ka ek lamba daur shuru ho gaya………raat 8 baje tak main wahin apne office mein kuchh office staff ke saath aur kuchh clients ke saath meetings mein busy raha aur fir 8 baje maine office chhoda aur building se neeche aa gaya.........apni gaadi nikaali aur khud drive karta hua apne flat ki taraf chal diya


………..hamesha ki tarah , aaj main thakawat ya udaasi mehsoos nahi kar raha tha ……..ek ajeeb sa utsah tha mere andar…….. kal subah fir Neha se mulakat honi hai , shaayad yahi soch mujhe baar baar romanchit kar rahi thi...........
______________________________

 

[Incest]

#24

Subah ke 6.15 baj rahe they ………..meri gaadi tezi ke saath Club ki taraf ja rahi thi ………Neha mere saath , mere paas waali seat par baithi huyi thi …….hamesha ki tarah , muskurata hua chehra ……aaj bhi usne ek trouser aur T-shirt pehna hua tha……


Kal ki tarah hi , pichhli raat bhi ankhon hi ankhon mein kat gayi………office se der se aane ke baad main khana kha kar bistar par let gaya tha ……aur sone ki koshish karta raha ……par neend ka namo-nishan bhi nahi tha ………poori raat intezar mein kat gayi ki kab subah ho aur main Neha ka paas pahunch jaoon …….


Subah uthte hi maine Neha ko phone kiya aur bataya ki aaj main usko pick kar loonga ……fir tayyar hokar main uske ghar pahunch gaya …….woh mujhe apne ghar ke baahar hi mil gayi thi ……….aur ab hum dono saath-saath Club ja rahe they ………

Club pahunch kar maine gaadi parking mein lagayi aur fir hum dono Golf course mein pahunch gaye ………..fir 10 minute ke baad meri golf class shurur ho gayi …….sab kuchh kal ki hi tarah ho raha tha……….woh baar baar mere paas aakar meri position ko sahi karti thi …….apne hatho se mere haath pakad kar mujhe sahi shot lagana batati thi ……aur fir hum dono ek saath chalte huye ek hole se doosre hole ki taraf badh jaate they ………..uski apne paas maujoodgi hi mere liye kaafi thi ……
1 ghante tak golf ki practise chalti rahi ….fir hum dono waapas baahar ki taraf chal diye ……….. maine usko apne saath aane ka ishara kiya aur Club se baahar ki taraf chal diya……woh bhi mere saath saath baahar aa gayi ………maine club se baahar aakar apni gaadi parking se nikali aur uske paas le aaya………woh gaadi ke andar aakar baith gayi aur maine gaadi aage ko badha di……


road par aakar jab maine gaadi ko turn kiya to usne achanak meri taraf dekha …sawaaliya nigaaho se ……..maine muskurate huye kaha …


“ kya hua ?”
“ yeh hum kahan ja rahe hain ?”



“ kyon ? bhool gayi kya ? aaj tumhari bhi to swimming class shuru honi thi ….. “ maine dheere se hanste huye kaha


“ par yeh kahan jaa rahe hain ? swimming pool to club ke andar hi tha ?” uske chehre par asmanjas ke bhaav they ……….


“ Dekhte raho ……………” maine kaha aur gaadi ki speed aur jyada badha di ……….
5 minute ki drive ke baad hum log wahan pahunch gaye , jahan main usko le jaana chahta tha ……….Raj Nagar ke south-west main yeh ek baahri hisaa tha …….. yahan samandar ke kinaare chattano ko kaat kar ek road banayi gayi thi jo samandar ke kinare ke saath saath chalti thi ………..right side mein samandar aur left side mein chattaane……….road aage abhi complete nahi huyi thi , isliye idhar kam hi log aate jaate they …………

thoda aage jaakar maine gaadi ko ek side mein lagaya aur utar kar neeche aa gaya …….Neha bhi mere saath hi utar gayi …….hum dono ne road ko cross kiya aur fir samandar ki taraf aa gaye ……………

yeh road smanadar se kaafi oopar thi , koi 15-20 feet ke aas-paas………..road ke neeche , right side mein door door tak chattane faili huyi thi …….kuchh jagah jahan chattane kaafi aage ko badh gayi thi , wahan samandar ki lehre chattano par takrati thi ,aur baaki jagah ret faila hua tha …………yeh jagah bilkul ekaant mein thi …….sirf 4 -5 log hi najar aa rahe they ……….. aur woh bhi hamse kaafi door they …………..

maine samandar ki taraf ishara karte huye kaha “ dekho ………….yeh hain sahi jagah swimming seekhne ke liye “
______________________________

 

[Incest]

#25

“ par itni khuli jagah mein ? mera matlab hain ki wahan club mein kam se kam privacy to thi “ uske chahre par abhi bhi asmanjas ke bhaav they ……….


“ club mein to tum kaafi dino se seekh rahi thi …….ab kuchh din yahan khule paani mein swimming karogi to jaldi seekh jaaogi “ maine muskurate huye kaha aur fir ek taraf ishara karte huye kaha “ udhar dekho , wahan bhi kuchh ladkiyan swimming kar rahi hain ………aur agar abhi 1 ghante baad yahan aate to shayad tumhe yahan jagah bhi nahi milti “



usne uss taraf dekha jahan maine ishara kiya tha ……….wahan 2 ladkiyan swimming kar rahi thi …………usne ek baar fir meri taraf dekha aur fir apne kandhe uchka kar muskura di …………….


Hum dono ne apne bags gaadi se nikaale aur fir hum neeche utar kar samandar ke kinare par aa gaye……….neeche aakar woh ek chattan ke peechhe ko chali gayi aur main bhi ek side mein hokar apne kapde nikaalne laga……..


2 minute baad hi main samandar ke paani mein khada hua tha ……… maine dekha , woh chattan ke peeche se nikli aur meri taraf aane lagi ……
jo usne pehna hua tha, usko swimming suit kehna to shayad galat hoga , ek vintage style bathing suit ki keh sakte they …… neele rang ki , ek tightfit sleeve-les T-shirt aur ek half pant …….woh dheere dheere mere najdeek aa rahi thi ………..aur uske kapdo mein se jhanka hua uska shareer , dheere dheere hi meri dhadkane bhi tez karta ja raha tha …………



woh aage ko badhti huyi paani ke andar aa gayi aur mujhe kuchh door par aakar ruk gayi ……..woh baar baar meri taraf dekh rahi thi aur fir nazrein jhuka leti thi ……uske chahre par hamesha rehne waali muskurahat ke saath aaj sharm ki laali bh dikhayi pad rahi thi ……….
Maine haath badhaya aur woh mera haath pakad kar paani ke aur andar aa gayi ……main nahi chahta tha ki meri kisi galat harkat ki wajah se woh bura maan jaye aur woh baat jo abhi ban bhi nahi paayi hai , pehle se hi bigad jaaye ……..maine apna dhyaan uske shareer se hata liya aur fir hum dono thoda aage jaakar gehre paani mein tairne lage …………


Usne kuchh din club mein swimming seekhi thi , isliye basic to usko maloom hi they ……aaj pehli baar woh khule paani mein tair rahi thi , isliye kuchh ghabra rahi thi …..main uske saath saath hi tairta raha……..aur kuchh hi der mein woh khul kar tairne lagi …….mera poora dhyaan tha ki woh kahin gehre paani mein na chali jaye ……beech beech mein jab hum dono paas aate they aur humaare shareer paani ke andar, anjane mein hi tkrate they to ek lehar si mere poore shareer mein daud jaati thi ……. Main baar baar apna dhyaan hatane ki koshish karta tha …..aur baar baar , na chahte huye bhi mera dhyaan uski taraf chala jaata tha………..


Kareeb 40 minute tak swimming karne ke baad hum dono paani se baahr aa gaye …….jaisa ki mera anumaan tha, aas paas aur bhi log aa gaye they ……….par sab hi hum se kaafi door they …………..maine apne saath laya hua towel uthaya aur ek taraf ko jaakar apne kapde change karne laga ………Neha abhi bhi ret par baithi huyi thi , paani baar baar aakar uske shareer par chhad jaata tha …………..aur fir usko chhoo kar waapas laut jaata tha …………
Maine kapde change kiye aur fir uske paas aaya …………..


“ kya hua ? ghar nahi chalna hai kya ? “


usne meri taraf dekha aur fir uth kar khadi ho gayi ………….


“ Tum kapde badal lo ……….main tab tak gaadi ko ghuma kar yahan saamne hi laga leta hoon …….” Maine kaha aur oopar sadak ki taraf ko chal diya ……..usne bhi apna bag uthaya aur ek badi si chattan ke peechhe ki taraf chal di ……….
Main road par aaya………road ko cross kar ke apni gaadi main baith …..aur fir gaadi ko start kar ke aage ko badha diya……aage jaakar maine gaadi ko U-turn diya aur fir uss jagah par aakar rok di , jahan neeche hum log swimming kar rahe they ……..


Neha abhi wahan nahi aayi thi …..main yun hi time kaatne ke liye side view mirrors ko adjust karne laga …….aur fir achanak meri nigaah doosri taraf (left side) waale side view mirror par padi ………jo kuchh dikh raha tha usne kuchh seconds ke liye meri saanse rok di thi ……….



Scene hi kuchh aisa tha ……….mirror ka angle kuchh aisa tha ki usmein dekhne par neeche chattano ke peeche ka scene dikhayi pad raha tha …….Neha , jo wahan par kapde change kar rahi thi ……uss mirror mein dikhayi pad rahi thi ……woh iss samay trouser pehan chuki thi aur neeche ko jhuk kar , apne bag mein se kapde nikaal rahi thi ………haalanki uska chahra doosri taraf tha , fir bhi jo kuchh dikh raha tha , woh kisi ka bhi imaan digaane ke liye kaafi tha …….uski poori nangi peeth , aur ek side se dikhti huyi uski dilkash golaaiyan …………. Main ek-tak sirf uss hi ki taraf dekhe jaa raha tha …………..mere dekhte hi dekhte usne apne bag mein se nikaal kar ek bra pehni aur fir ek shirt ……….fir usne apne kapde samete aur bag mein daal kar meri taraf ko chal di ……….

1 minute ke andar hi woh gaadi ke paas aa gayi ……..usne apni side waala gate khola aur gaadi mein aakar baith gayi……………usne ek baar muskurakar meri taraf dekha, aur maine gaadi start kar ke aage ki taraf bada di ………..


hum dono hi bilkul khamosh they ………….woh khidki se baahar dekh rahi thi …..tez hawa uske baalo ko uda rahi thi aur woh baar baar uske chehre par takra rahe they …………..uska to maloom nahi , par meri khamoshi ki wajah woh scene tha jo abhi thodi der pehle maine dekha tha ……….main baar baar uski taraf dekh raha tha………..


humein mile huye abhi kul 3-4 din hi huye they ………..itne dino mein hi hum lagataar ek doosre ke najdeek aate ja rahe they …….aisa pehle mere saath kabhi nahi hua tha……..baar baar milne ke baawjood , har baar fir us se milne ki chaahat hoti thi ………..maloom nahi yeh Pyar tha…… ya fir usko paa lene ki , ek ajeeb si pyas thi , jo mere andar badhti jaa rahi thi …………
______________________________

 

[Incest]

#26

Main apne flat par pahuncha aur fir daily routine work niptaane laga……aaj jab maine Neha ko uske ghar chhoda tha , tab gaadi se utarte samay uske chehre par ek ajeeb si khushi dikhayi de rahi thi ……..kya yeh iss wajah se thi ki main uske saath tha ? ……agar yeh sahi tha to iska matlab jo aag mere andar thi , wahi uske bheetar bhi jalne lagi thi ………


Main bathroom se se baahar aaya to dekha mere mobile ki ring baj rahi thi ……..maine jaldi se mobile uthaya aur dekha ………yeh number Mr.Chaudhry ka tha ……..main call receive ki …


“ Good morning Sir………..”


“ Morning Rajiv……….kaise ho beta ? “

“ Fine Sir……….aap bataiye , aap kaise hain ? “ maine poochha………


“ Main bhi theek hoon Rajiv………tumhe disturb kar raha hoon…. par kya karoon ,baat hi kuchh itni important thi “ unhone kaha aur fir ruk gaye ……….


“ haan …boliye Sir…?” maine aage poochha…


“ Rajiv ……ek good news hai …kal meri meeting kuchh state ministers ke saath thi ……humaari State government humaare bank ke vaults ka use karna chahti hai……apne Gold reserve ko rakhne ke liye …….. iss hi silsile mein mujhe tumse kuchh jaroori baat karni hai ………please office mein aakar milo “ unhone poori baat ko short mein samjhaya……


“ Its OK Sir……..main abhi ek ghante mein office pahunchta hoon” keh kar maine phone disconnect kar diya aur fir tayyar hone laga…………..



1 ghante ke baad………kareeb 10 baje honge jab main office pahunch chukka tha……Mr. Chaudhry ne meeting apne office mein call ki thi aur hum sabhi log unke office mein baithey unka wait kar rahe they ……….main , Sharad , Priya , Nidhi , Karan aur 2 aur staff members………….. unke office mein pade ek 10 seater sofa set par hum log baithey huye they……………


Mr. Chaudhry room mein aaye aur hum sabhi ne khade hokar unko greet kiya………. woh hum logo ke beech mein aakar baith gaye aur fir meeting start ho gayi …….


“ So Friends……….aaj ki yeh urgent meeting ka subject kya hai ……yeh to maine aap sabko bata hi diya tha……..ab details mein batata hoon ….” Keh kar woh ruke , hum sab ke chehro ko ek-ek karke dekha aur fir aage bolna shuru kiya……..


“ Maine kal humaare state ke ministers ke saath ek meeting ki thi , apne business plans ke baare mein……wahin par humein yeh proposal mila ki humara bank , jo aaj ki taarikh mein India ke safest bank ka darza paata ja raha hai , ka use State government karna chahti hai …….apne Gold reserve ko rakhne ke liye…….”




“ ek anumaan hai ki State ke paas koi 200 ton gold reserve hai ……..yaani kareeb 400 crore ka gold…………agar humein yeh contract mil gaya to yeh humaare liye ek bahut bada achievement hoga …………….aur jaisa ki hum jaante hai ki centre mein bhi iss hi party ki government hai ……..to shayad humein centre government se bhi iss hi tarah ka koi contract mil sakta hai…………” kehte kehte woh thodi der ke liye ruk gaye ………..hum sab ke chehro par khushi saaf dikhayi pad rahi thi ………..


unhone aage bolna shuru kiya “ meri Monday ko fir se unke saath meeting hai………aur fir ek meeting delhi mein hogi……..humein unn logo ko apna proposal apne plans ke saath present karna hai ..........Rajiv , main chahta hoon ki tum aaj thoda time lagakar ek plan tayyar kar do , jis se main un logo ko iss vault ki location aur size ke baare mein samjha sakoon ………..”


maine haan mein sar hilaya……….


“ So friends……….this will really be a very big achievement for us……….and all credit must goes to Rajiv" unohe meri taraf dekhte huye kaha....


“ nahi Sir………yeh mera akele ka kaam nahi hai…….jo log mere saath iss project mein they , unn sab ko barabar ka credit milna chahiye……..” main kuchh jhenpte huye bola


“ nahi Rajiv…….sach to yahi hai ki tumhaare bagair yeh kaam possible hi nahi tha” ……” unhone kaha …….aur fir sabne ek baar meri taraf dekha …..sabke chehro par alag-alag bhaav mujhe dikhayi pad rahe they ………kuchh khush they aur kuchh ki aankhon mein jalan ke bhaav bhi saaf dikh rahe they………..

fir agle 10 minute tak aapas mein discussion chalta raha......vault ki location aur size ke baare mein decide karne ke baad meeting khatam ho gayi .......fir ek aakhiri baat Mr.Chaudhry ne kahi .......
“ Monday se tum log apne apne tour par jaa rahe ho ……….waapas aakar hum log ek shandar party se iss ko celebrate karenge………now you may go to your work “


keh kar woh apni jagah se uth gaye aur fir apni chair par jaakar baith gaye ……main bhi wahan se uth kar unke same pahunch gaya …….aur Karan ko chood kar baaki sabhi log room se baahar chale gaye ……….


“ Sir , main Karan ke saath milkar aaj plan tayyar kar deta hoon aur isko samjha bhi doonga ki kaise working shuru karni hai …….fir jab contract final ho jaayega to Karan iss par kaam shuru kar sakta hai…….. kyon ki main kal se tour par jaa raha hoon, baaki ka kaam main waaps aakar poora karva doonga…..” maine Mr.Chaudhry se kaha……….Karan mere paas hi baitha hua tha……..


“ Nahi Rajiv …….. tum abhi sirf plan tayyar kar do , main unn logo se baat kar loonga ………kaam hum tumhaare aane ke baad hi start karenge …….” Unhone kaha ….aur fir Karan se bole “ excuse me Karan………please don’t mind, mujhe Rajiv se akele mein kuchh baat karni hai ……….”



Karan ne sar hilaya aur uth kar kamre se baahr nikal gaya…….Mr.Chaudhry ne aage bolna shuru kiya……..


“ dekho Rajiv………yeh project humaare liye bahut important hai……main nahi chahta ki iss se related koi bhi technical detail kisi ko maloom pade ………iss ke security passwords sirf hum dono ko maloom rehne chahiye …….kisi teesre ko nahi ……isliye tum hi waapas aakar iss project ko shuru karna ………..”


“ theek hai Sir ……..aur agar aap kahein to main apna tour cancel kar deta hoon ……..koi aur chala jaayega meri jagah ……..” maine kaha …
“ nahi ……..tum apna tour poora kar ke aao ……aur fir main bhi next week Delhi aa raha hoon…..wahan par hi hum log baaki baatein discuss kar lenge…….” Unhone kaha to maine sar hilakar apni sehmati jataayi aur fir uth kar kamre se baahar aa gaya…………
______________________________

 

[Incest]

#27

main apne room mein aakar baith gaya………iss samay mera poora dhyan sirf uss project par hi tha…….maine phone kar-ke Karan aur Nidhi ko apne paas bula liya aur fir agle 10 minute baad hum teeno ek saath baith kar iss project ki planning karne lage……


Mr.Chaudhry ka suggestion tha ki iss project par main Nidhi ko apne saath rakhoon ……..jaisa unhone mujh se kaha tha ki woh nahi chahte ki koi baahar ka aadmi iss se related security passwords ko jaane, hum logo ne yahi behtar samjha ki Nidhi ko ismein involve kiya jaaye…………


Agle 3 ghante tak hum teeno ek saath ek kamre mein baith kar saare project ko samjhte rahe……….pehle humne lay out tayyar kiya aur fir technical details ko discuss kiya ……….fir last mein mine ek list banayi , unn items ki jo hamein iss project mein chahiye they aur Karan ko unke baare mein details mein samjhaya…maine usko bataya ki agar Mr.Chaudhry ka approval mil jaye to woh jald se jald yeh sab samaan arrange kar le aur fir main tour se laut-te hi iss par kaam chaloo kar doonga……..


Karan hamesha ki tarah bahut serious hokar saari details note kar raha tha …….aur Nidhi bhi aaj apne swabhaav ke ulat , kaafi gambheerta se saare discussion mein involve thi ……..


Fir hum logo ne ek baar saare points ko check kiya aur meeting khatam kar di …….Karan uth kar kamre se baahar nikal gaya aur Nidhi aur main kamre mein reh gaye…..

Nidhi , mere same chair par baithi huyi thi aur ek tak meri taraf dekh rahi thi …..uske haath meinek pen tha jiske pichhle hisse ko woh apne muh mein chaba rahi thi ….. main usko aise dekhte huye paakar ek baar to jhenp sa gaya aur fir bola ……


“ Kya hua ? aise kya dekh rahi ho ? “


“ kuchh nahi yaar ….. soch rahi hoon ki hum sab hi ek jaise insaan hain , fir tumhara dimaag hum logo se alag kaise hai ? “ usne muskurate huye poochha…..

“ kuchh bhi alag nahi hai………tumhe sirf aisa lagta hai “


“ nahi Rajiv ……abhi kitni aasani se tumne poore project ka plan tayyar kar diya …….main hoti to shayad pehle to kar hi nahi paati , aur agar kar bhi leti to hafto ka time lagta “ who boli …..main sun kar muskura diya ……..aur kaha


“ aisi baat nahi hai Nidhi ……….mera aur tumhara job alag-alag hai…isliye shayad jo kaam mere liye aasan hai, woh tumhare liye kathin hoga………aur jo kaam tum kar sakti ho , woh shaayad main na kar paoon ……”
“ chalo theek hai ………..ab chalti hoon Rajiv……..ab to shayad kaafi dino ke baad hi mulakaat hogi …..” keh kar woh uth gayi aur apne saare papers aur laptop utha liya ….fir baahar ki taraf chal di aur achanak peechhe mud kar boli ……….


“ Best of luck for your journey Rajiv ………. I hope , Neha tumhara achchha saath degi , aur meri kami mehsoos nahi hone degi “ keh kar usne ek aankh dabaayi aur hanste huye baahar nikal gayi …………..


main bhi muskuraya aur fir main bhi uth kar kamre se baahar aa gaya……..main seedha Mr.Chaudhry ke paas gaya aur project report unko saunp di …….unhone bataya ki woh abhi kahin baahar nikal rahe hain , iss liye report ko apne sath hi le jaayenge , raaste mein padhne ke liye……..fir main waaps apne room mein aa gaya………..


maine ghadi mein time dekha…..do-pahar ke 2.30 baj rahe they …… maine ab waaps ghar nikalne ke mood mein tha………main apna saaman sametne laga ki darwaaze par fir se knock huyi………maine dekha, yeh Karan tha……woh kamre ke andar aa gaya aur ek packet meri taraf badha diya……….maine packet haath mein lekar uski taraf sawaaliya nigaaho se dekha…..woh bola
“ Aapki tickets aur hotel booking ke papers hain iss mein “



“ Ohhh………thanks Karan ….mujhe to yaad hi nahi tha….. “ maine kaha ….jawaab mein woh bola …….


” Its ok Sir……….” Aur fir baahar ki taraf chal diya ……fir darwaaze par jaakar ruka aur palat kar bola…………” ek kaam tha aapse ? “


“ haan ……….bolo Karan ? “
“ mujhe shaayad kuchh dino ke liye apne ghar jaana pade……..mere father ki tabiyat kuchh theek nahi chal rahi hai …… “ usne dheere se kaha…


“ its OK……..tum jab chahe ja sakte ho , meri absence mein tum Mr.Chaudhry aur Nidhi ko inform kar dena……” maine usko samjhaya…… “ aur kuchh chahiye ho to bataao ? “



“ nahi ……….bas itna hi kaafi hai , thanks “ keh kar woh baahar nikal gaya ……….

Maine apna bag aur woh packet uthaya aur kamre se baahar aa kar neech ki taraf chal diya ……. building se neeche aakar maine driver ko bulaya aur woh meri gaadi lekar aa gaya ……….main gaadi ki pichhli seat par baitha aur usne gaadi aage badha di……


Kuchh hi der mein meri soch fir se Neha par pahunch gayi ……..maine tay kar liya tha ki main iss tour par apne dil ki baat uss se kar loonga …….jaisi ki mujhe ummeed thi , woh inkaar to nahi karegi ……..fir waapas aakar main Mr.Chaudhry ko bhi inform kar doonga ………….iss vichar ke aane se hi mere chehre par ek muskaan aa gayi………

Main kuchh der baahar dekhta raha fir Karan ka diya hua packet uthaya aur usko khol kar usmein rakhe papers ko check karne laga ……….kuchh air tickets, hotel booking ke papers , humaari meetings ke plans aur kuchh aur papers usmein they ………


Maine air tickets nikaale aur unko check karne laga …………pehla ticket khola , woh mere naam se tha …..Lucknow to Delhi , doosra ticket bhi mere naam se hi tha… Raj Nagar to Lucknow ………teesra ticket khol kar dekhte hi main chaunk gaya ……. Aisa laga jaise bijli ka jordaar jhatka mujhe laga ho ……ticket par passenger ka naam likha tha……Mrs. Neha Verma……………mere dil ki dhadkane achanak kayi guna badh gayi thi ………maine jaldi jaldi saare tickets ko check kiya ……………..aadhe tickets par , jo mere nahi they , wahi naam likha hua tha ….Mrs.Neha Verma……..

Maine turant Karan ko phone lagaya ………….. uske phone receive karte hi maine uss se sawaal kiya

“ Karan , tum ne tickets check kiye they na ? “

“ ji haan Sir …….kyon koi galti hai kya ? “

“ Haan ….shaayad …………Neha ke naam mein unhone Mrs laga diya hai……” main dhadakte dil ke saath bola ………

“ Ji …….to sahi hi hai na ………Neha ji married hain Sir ……kyon ? aapko nahi maloom tha kya ? “ udhar se Karan ki awaaz aayi ……….

“ Ohhh……….its ok Karan ………thanks “ keh kar maine phone disconnect kar diya ……..


mujhe apna sar ghoomta hua mehsoos ho raha tha……. maine saare papers waaps packet mein rakh diye aur sar ko peechhe seat se tika diya……...jo kuchh abhi hua tha, woh mere liye kisi shock se kam nahi tha…………..
______________________________

 

[Incest]

#28

main waapas apne flat par aa gaya tha…….kuchh der pehle jo utsah , asha aur romanch mere andar tha , woh ab gaayab ho gaya tha …….uski jagah ek ajeeb si nirasha , mayoosi aur dard ne le li thi …….


Main samajh nahi paa raha tha ki mujhe kaise react karna chahiye …….. jor jor se cheekhun , chillaoon ……ya Neha ko phone kar ke dil ki saari bhadaas uss par nikaal doon ………..



Par maine aisa kuchh bhi nahi kiya………..zindagi mein pehli baar maine kisi se mohabbat ki thi aur pehli baar mein hi mujhe mayoosi haath lagi thi …….yeh sab kuchh mere liye kisi shoch se kam nahi tha………iss se baahar nikalne ka sirf ek hi tareeka mujhe maloom tha……….


Maine apna mobile silent mode par kar diya aur fir bed par let gaya aur TV on kar ke dekhne laga …………. Iss dard se baahar nikalne ka ek yahi tareeka tha ki main apne dimaag ko divert karne ki koshish karoon aur TV se achchha koi tareeka filhal to mere dimaag mein nahi tha ………..


Poori do-pehar aur fir shaam ko bhi , main yun hi TV dekh dekh kar time paas karta raha ………baar baar mera dhyaan fir se Neha ki taraf chala jaata tha aur baar baar main usko apne dimaag se nikaalne ki koshish karne lagta tha ………..


Raat hone ko aayi thi ……….main apne flat se baahar aaya aur building se utar kar neeche aa gaya ………fir paidal hi building se baahar ki taraf chal diya ……..saamne waale restaurant mein jaakar maine khana khaya aur fir baahar nikal kar aa gaya …



Agle 1 ½ ghante tak main yun hi sadko par tehalta raha………..fir jab mujhe thakaan si mehssos hone lagi to waaps apne flat mein aa gaya………….. maine whisky ki bottle nikaali aur gilaas lekar balcony mein aakar baith gaya ……aam taur par main kabhi ek-do peg se jyada nahi leta tha…….par uss din main peeta raha……..tab tak jab mere hosh mera saath chod gaye ………….main sochne laga tha ki main apna tour cancel kar doon , in haalaton mein mujhe Neha ke saath tour par jaana sahi nahi lag raha tha…………….mujhe nahi maloom pada ki kab main sochte sochte behosh ho gaya ………….


Subah meri aankh khuli to dekha ki main balcony mein hi , chair par baith baith hi so gaya tha………..mera sar dard se fat raha tha jo meri kal ki kartoot ka asar tha …………main uth kar bathroom main gaya aur kapde utaar kar , shower ko on kiya aur uske neeche baith gaya…………..agle 1 – 1 ½ ghante tak main aise hi paani ke neeche baitha raha…….fir thoda sa sahi mehsoos hua to baahr nikla aur kapde pehan kar tayaar ho gaya………………..


Main apne bed room mein aaya aur apna mobile utha kar check kiya…………..40 miss calls thi usmein ………maine check kiya – Kamal, Nidhi , Neha aur Karan , sabhi ne kayi kayi baar call kit hi ….



Maine phone ko fir se palang par daal diya aur balcony mein aakr khada ho gaya……neeche sadko par traffic apni roz ki hi raftaar se bhaag raha tha …………aaj Sunday hone ki wajah se kuchh rush kam tha …..



Maine fir se kamre mein aakar baith gaya aur fir se saare haalat par gaur karne laga ……..yeh sahi tha ki Neha ke shadi shuda hone se mujhe dukh hua tha , par agar sahi tarah se socha jaaye to ismein uss ka kya kasoor tha ……….agar main uss se pyar karne laga tha to iss mein us ski to koi galti nahi thi , na hi maine uss se pooch kar uss ko pyar kiya tha ………….yeh sahi tha ki uss ne mujhe apne shadi-shuda hone ke baare mein nahi bataya, par yeh bhi sach tha ki maine kabhi uss se iss baare mein poochha hi nahi ……….


Do-pahar hone ko aayi thi , maine restaurant mein phone kiya aur lunch ka order kiya …….fir main ek faisla kiya ………mujhe apne aap ko kamjor saabit nahi karna tha ……..agar Neha mujhe nahi mil sakti to na sahi …….par iss wajah se main apni jindagi ko to nahi rok sakta …………..saare kaam theek us hi tarah se hone chaahiyen jaise pehle ho rahe the ………The show must go on



Maine fisla kiya aur fir meri nigaah apne mobile par gayi ………..kisi ki call aa rahi thi ……..maine phone utha kar dekha…..yeh Neha ki call thi ………


Maine call receive ki “ hello ……”



“Hello Rajiv !! kahan hain aap ? kal aur aaj kitni baar aapka number try kiya ,koi response hi nahi mila ? kya hua ? aap theek to hain ? “ usne ek saath kitne saare sawaal poochh daale……….


“ haan main theek hoon ……..batao kaise phone kiya tha ? “ maine bade hi rookhe swar mein poochha ……….


Who kuchh seconds chup rahi fir boli “ kal ke programme ke baare mein confirm karna tha………”


“ Kal subah 7.00 baje ki flight hai ………..tum 5.30 tak tayyar rehna ……..main tumhe pick kar loonga . “ maine kaha aur phone dis-connect kar diya …………….
______________________________

 

[Incest]

#29

Monday , 20th December
----------------------------

Raj nagar se Lucknow jaane waali flight ke executive class mein hum dono ( main aur Neha ) baithey huye they ………subah maine hi usko uske ghar se pick kiya tha , fir hum dono sath sath hi airport gaye aur fir ab sath sath Lucknow ja rahe they ……..

Subah car mein aur ab flight mein, main uss se kam se kam baat karne ki koshish kar raha tha……..ab maine apne haath mein ek magazine pakdi huyi thi aur apne aap ko magazine padhne mein busy dikha raha tha ……….beech beech mein us ne ek-do bar mujh se baat karne ki koshish bhi ki , par maine baat ko short cut mein hi nipta diya …….

Lucknow Airport par humara plane land hua aur fir hum log air port se nikal kar baahar aa gaye ………baahar ek gaadi humara wait kar rahi thi , jo hum dono ko lekar seedhe hotel pahunch gayi aur fir thodi hi der ke baad main apne room mein aaram kar raha tha…………..

Hum dono ke liye hotel ke 5th floor par 2 deluxe rooms book they………. Dopahar ho chuki thi , maine kapde change kiye aur jaise hi bed par baitha , tabhi mere room ka phone baj utha , maine phone pick kiya “ Hello ….”

“ Hello Rajiv ………main Neha” udhar se uski madhur aawaaz mere kaano mein padi

“ Haan Neha ……..kaho , kya baat hai ?” maine poochha…

“Maine socha ki lunch saath saath kar lein ?” usne dheere se poochha …

“Nahi ……..abhi mera khaane ka mood nahi hai , tum kha lo “ maine usko taalne ki koshish ki …….

“ kyon ….? Tabiyat sahi nahi hai aapki ? “ usne poochaa……

“ nahi kuchh khaas baat nahi hai……tum kha lo “ keh kar maine phone kaat diya………

maine Neha ko taal diya tha, par mujhe bhookh to lag hi rahi thi …….maine intercom par room service ko apne liye lunch ka order diya aur nahaane ke liye bathroom mein chala gaya……..

10 minute baad main bathroom se baahar aaya aur kapde pehan liye…….tabhi room ki bell baji …….maine door open kiya, room service waala lunch lekar aaya tha……usne trolly ko room mein padi huyi centre table ke paas lagaya aur fir lunch ko dining table par laga diya………..woh room se bahhar chala gaya aur main jaldi se dining table par aakar khana khaane baith gaya………..

abhi maine khana khana shuru hi kiya tha ki door bell fir se baj uthi …….mujhe laga ki room service waala fir se aaya hoga ……..main utha aur jaakar darwaza khola ………saamne Neha khadi thi ……………

“ aap ki tabiyat sahi nahi hai shaayad , isliye maine socha ki main khud chal kar aapke liye lunch ka order ………” kehti huyi woh kamre ke andar ko aa gayi aur fir uski nigaah saamne table par padi ………saaf dikhayi pad raha tha ki main khana khaate khaate uth kar aa gaya tha ……….

Kuchh seconds tak woh kabhi mujhe dekhti rahi aur kabhi table par lagi huyi plates ko ………..fir dheere se boli “ Sorry Sir………mujhe lagta hai ki maine aapko galat time par disturb kar diya ..” keh kar woh palti aur kamre se baahar nikal gayi ………….jaate jaate usne apne peechhe kamre ka darwaaza bhi band kar diya …….main kuchh der tak khada hua sochta raha fir dheere dheere chalta hua table ki taraf badh gaya………..

Shaam ko 6 baje humaari meeting thi , jo uss hi hotel ke ground floor par ek hall mein arrange ki gayi thi ……….main sahi time par tayyar ho kar apne room se baahr nikla aur fir Neha ke room ke baahar ja kar door knock kiya……..10 second se bhi kam samay mein darwaza khul gaya aur Neha baahar aa gayi aur mere saath chal di ……


Hum dono khamoshi ke saath neeche conference hall mein aa gaye aur apni apni seat par baith gaye………maine gaur kiya, uske chehre par hamesha maujood rehne waali muskurahat aaj gaayab thi ………aur mujhe to uska muskurata hua chehra hi dekhne ki aadat pad chuki thi ……………maine fir se apne sar ko jhatka dekar uske khyaal ko apne dimaag se nikala aur apne saamne baithey clients se baat karne mein busy ho gaya……….

Agle 2 ghante tak humaari meeting chalti rahi ……….humne sabhi logo ko apne proposed plans ke bare mein samjhaya……..sab logo ko humaare plans kaafi interesting lag rahe they…………meeting khatam hote hote yeh baat to pakki ho gayi thi ki iss shahar mein bhi humaare liye kaafi scope hai ………….kul milakar meeting bahut achchhi saabit huyi ………

Uske baad wahin conference hall mein sabhi ke liye dinner ka arrangement tha, dinner ke saath saath hi head to head discussion chalta raha aur fir eke k karke sab log wahan se jaane lage …………raat 11.00 baje tak meeting hall khaali ho gaya tha……….hum dono bhi apne papers etc lekar apne rooms ki taraf chal diye ………….

Neha ke room ke saamne pahunchne par usne mujhe Good night wish kiya aur apne room ka door open karke, dheere se andar chali gayi aur room ka darwaaza band kar liya …………..

Main kuchh seconds tak uske room ke band drwaaze ko dekhta raha ……..fir khud bhi chalta hua apne room mein aa gaya …………




Tuesday & Wednesday – 21st & 22nd December
-------------------------------------------------------

Yeh do din hum logo ke liye bahut jyada busy saabit huye ………..Lucknow aur Kanpur mein kul milakar 6 alag-alag meetings hum logo ne inn 2 dino mein attend ki ….subah se shaam tak ka time sirf traveling mein hi beet-ta jaa raha tha ………


Main usko avoid karna chahta tha aur shaayad yeh baat uski samajh mein aa gayi thi ………woh khud bhi mujh se door door rehne ki koshish karne lagi thi …..hum log meetings mein saath saath hote they, saath saath hi saare discussions hote they , lunch aur dinner bhi saath mein hi karte they ……..par jaise hi hum dono akele hote they , ek ajeeb si doori aur khamoshi hum dono ke beech paida ho jaati thi ………..

Main khud bhi yahi chahta tha ki who mujh se doori bana ke rakhe ……..jis se ki uss ke khyaal ko bhi apne dimaag se nikaal sakoon ………par iss sab ke beech , uske chehre ki hansi aur zinda-dili bilkul gaayab ho chuki thi ………..maloom nahi kyon , par mujh se uski yeh khamoshi bhi bardasht nahi ho rahi thi …………..
Wednesday ki raat ko 11 baje hum logo ne Lucknow chhod diya aur delhi ke liye rawaana ho gaye ………….
______________________________

 

[Incest]

#29 (2)
Thursday , 23rd December
-------------------------------

Delhi mein bhi humaare liye hotel book tha , par maine hotel ki jagah Mr.Chaudhry ke farm house par jaana sahi samjha……….


Yeh farm house delhi ke Sultanpur estates mein bana hua tha ………… kaafi bada farm house , jiska use Mr.Chaudhry sirf as a guest house hi karte they ……..farm house ke centre mein ek 2 floor building thi , jisko guest house bhi kaha ja sakta tha , iske ground floor par ek bada hall , kitchen , ek Gym , servent rooms aur store rooms they ……..first floor par 4 bedrooms they with attached bathrooms…………..farm house ki dekh bhaal ke liye ek alag staff tha, jisme se 2 log – ek husband / wife wahin guest house mein hi rehte they ……


Hum log der raat yahan aa gaye they aur fir alag alag rooms mein jaakar so gaye they ……..subah meri aankh lagbhag 8 baje kea aas paas khuli aur main uth kar apne room ki balcony par aa gaya ……
Yeh balcony farm house ke back side mein khulti thi ……….peechhe ek bada sa garden , ek fountain aur ek swimming pool bhi tha ………….december to aise bhi kaafi sard mahina hota hai , aur delhi ki sardi to waise bhi kaafi famous hai ……..door door tak kohra pasra hua tha, sard hawa mere chehre par takra rahi thi ……par yeh thandi hawa bhi kaafi sakoon dene waali lag rahi thi ………


Main waapas room mein gaya aur fir apne beg mein se ek jacket nikaal kar pehan liya aur fir seediyan utar kar neeche aa gaya………….dheer dheere chalta hua main peechhe lawn mein pahuch gaya ………..yahan kohra itna jyada tha ki 5 meter ki bhi doori par dikhayi nahi de raha tha ……………. Par saamne lawn mein tehalte huye uss saaye ko main pehchan sakta tha ……….yeh Neha thi………….woh iss samay garden mein tehal rahi thi……….nange paanv



Main thoda sa tez chalte huye uske paas pahuncha aur bola “ Good morning Neha …..”


Usne mud kar meri taraf dekha , ek baar muskurayi aur fir jaise achanak kuchh yaad aa gaya ho , uske chehre par wahi udaasi chhaa gayi ……….usne dheere se jawaab diya “ Good morning Rajiv ………….”

“ nange paanv kyon tehal rahi hain aap ……….thand lag jaayegi “



“ nahi…….. mujhe aadat hai ………..maine kahin padha tha ki subah subah nange paanv ghaas par tehalna , sehat ke liye achchha hota hai……” usne dhere se hi jawaab diya …………

fir ek khamoshi hum dono ke beech pasar gayi ……….hum saath saath tehal rahe they , par bilkul chup-chap ……….aise , jaise ki abhi abhi pehli baar mulakat huyi ho …….iss sab ki shuruaat maine hi ki thi , par yeh khamoshi aur uski udaasi ab mujhse bardasht nahi ho rahi thi ………..
usne jaise mere dil ki baat samajh li ho , woh achanak boli “ mujhe aapse kuchh baat karni thi Rajiv ………agar aap naraz na ho to ?” kehkar woh ruk gayi , aur meri aankhon mein dekhne lagi , fir sar neeche jhuka liya …………

“ Haan ……..bolo, kya baat hai ? “ maine poochaa……….haalanki main jaanta tha ki woh kya poochhne waali hai ……………

usne kuchh kehne ke liye muh khola hi tha ki achanak meri jeb mein pada mera mobile bajne laga…….maine ek baar uski taraf dekha aur fir jeb se mobile nikaal kar check kiya ………Mr.Chaudhry ki call thi ………maine call receive ki aur thoda sa hat kar baat karne laga …” Good morning Sir……..”
“ Good morning Rajiv ……..kaise ho beta ?”


“ main theek hoon Sir…….aap bataiye “maine kaha …


“ Rajiv ………meri kal state ministry se meeting huyi thi aur aaj central ministry ke saaath meeting hai ……..I hope, 1-2 din mein humara contract final ho jaayega……. main dilli pahunch chukka hoon ………1 ghante mein tumhare paas pahunch jaaonga, fir baaki baat karenge ….” Keh kar unhone phone kaat diya…….


maine mobile ko apni jeb mein rakha aur fir palat kar dekha……Neha ab wahan nahi thi ………maine charo taraf nigah ghumaayi , woh shaayad waapas guest house mein jaa chuki thi …….

Main bhi jaldi se guest house ki taraf badh gaya…….Mr.Chaudhry ke aane se pehle mujhe tayyar hona tha …….


1 ½ ghante ke baad hum teeno neeche hall mein baithey break fast kar rahe they …….Mr.Chaudhry ½ ghante pehle aa chuke they aur break fast kerte huye hi saari baat mujhe bata chuke they ………..

kal state government ke saath unki meeting safal rahi thi ………contract humko milna lagbhag tay tha ……….aaj central finance ministry ke saath meeting thi , jismein agar hum log saal rehte hain to , ke kaafi bada contract humaare bank ko mil sakta tha …….Mr.Chaudhry chahte they ki main unke saath saari meetings attend karoon aur Neha baaki ke scheduled programmes ko nipta le ……….Neha ki help ke liye ek aadmi Delhi ke office se arrange kar diya gaya tha ………………




Mr.Chaudhry kaafi utsahit they , aur saath hi main bhi ……….unka ek dream project ab safal hota dikhayi pad raha tha aur mere liye iss se important kuchh bhi nahi tha ……maine unki baat se sehmati jataayi aur fir saara programme tay ho gaya …..agle 2 din mujhe Mr.Chaudhry ke saath rehna tha aur Neha ko ek staff member ki help se baaki ki meetings niptani thi ……….



Saari baat ke beech mein main gaur kar raha tha ki Neha ke chehre ka rang utra hua hai ……. Who humaare saath hi break fast kar rahi thi aur baaton mein bhi involve thi , par saaf dikhayi pad raha tha ki uska dimaag humaare saath nahi tha ………


½ ghante ke baad main aur Mr.Chaudhry ek saath , ek gaadi mein apne local office ki taraf ja rahe they ………..Neha, wahin farm house mein ruk gayi thi , usko lene ke liye ek doosri gaadi thodi der mein pahunchne waali thi …


woh saairi baat mere saath clear karna chahti thi aur main bhi yahi chahta tha ki jo khamoshi ki deewar mere aur uske beech mein thi , ab gir jaani chahiye ……main faisla kar chuka tha ki uska pyar na sahi , par uski dosti bhi mujhe manjoor thi ……..par achanak huye programme change ki wajah se filhal to mujhe us ke saath baat karna possible nahi dikhayi pad raha tha ………………
______________________________

 

[Incest]

#30

Saturday – 25th December
--------------------------------



Pichhle 2 din bahut jyada busy saabit huye they , Delhi mein ministers aur unke office staff ke saath meetings mein hi 2 din nikal gaye …………hum dono , main aur Mr.Chaudhry subah guest house se nikalte aur fir poore din alag alag office mein ghoomte rehte ……..apne liye hum log chhahe kitne bhi bade aadmi ho , par inn ministers aur unko staff ke liye humaari koyi aukaat nahi thi …….
Subah se shaam tak secretariate ke chakkar lagate rehte , beech mein jab bhi time milta apna lunch kar lete they , aur fir se unn logo se milne ka intezar karte rehte they … ………….aur fir 2 din ki mehnat , aur na jaane kitni meetings ke baad aakhir humaari deal final ho gayi ………


Central ministry ne humara proposal accept kar liya ……….Mumbai mein rakha hua Gold reserve humaare bank mein shift karna lagbhag tay ho gaya tha , jiske liye vault humein tayyar karna tha ………..kul milakar pehli baar mein hi kareeb 1000 crore value ka gold humein milna tha ……………. Ek hafte ke andar official decaration ho jaani thi ………

Yeh ek badi kaamyabi thi ……….Mr.Chaudhry bahut khush they aur sath hi main bhi ……kal shaam tak meetings chalti rahi aur aaj subah se hum logo ne apne local office mein baith kar baaki ke proraames final kar liye they ……..Mr.Chaudhry aaj hi waapas Raj nagar ja rahe they aur jaisa ki hum logo ne decide kiya tha , kal se hi woh vault ka construction work start karwa denge ……… baaki ki technical settings mujhe wahan pahunchne par karni thi ……………….


Iss beech , Neha ke saath humaari mulakat sirf raat ko guest house mein hi ho rahi thi ……..wahan par bhi , dinner table par poore din ki meetings discuss hoti thi aur agle din ka programme bhi ...........der raat tak main Mr.Chaudhry ke saath hi rehta tha aur fir hum teeno apne apne kamre mein sone chale jaate they………….kul milakar, ek baat jo hum dono karna chah rahe they , woh abhi tak nahi ho pa rahi thi …………hum dono saath saath kuchh pal akele bitana chate they aur woh hum ko mayassar hi nahi huye they



Dopahar ke 2 baj gaye they ………Mr.Chaudhry air port ki taraf chale gaye they, waapas Raj nagar jaane ke liye aur main farm house ki taraf chal diya…………..


Farm house ke gate ke andar gaadi dakhil huyi aur building ki taraf chal di ……………aaj dhoop bahut tez nikli thi , sardi ka ehsaas kuchh kam tha……….gaadi rukne par main neeche utra aur fir apne room ki taraf chal diya…….room mein pahunch kar maine kapde change kiye aur 2 minute aaram karne ke liye bed par let gaya………..kuchh der baad main utha aur darwaaza kholkar balcony par aa gaya……….


Meri nigaah saamne garden mein hoti huyi swimming pool par pahunchi……… swimming pool se thodi door par , ghaas mein ek kapde ke oopar Neha leti huyi thi ……..ek sleeveless t-shirt aur short mein ……..woh peeth ke bal leti huyi thi , bilkul seedhi ………..woh kaafi door thi par mujhe dikhayi pad raha tha ki uski aankhen band hain ………..main waapas kamre mein aaya aur fir baahar nikal kar swimming pool ki taraf chal diya ………….
______________________________

 

[Incest]

#31

Main dheere dheere chalta hua swimming pool ke paas pahuncha…..usne ab apni ek baanh apne maathey par kuchh iss tarah rakh li thi, jisse uski aankhen bhi dhak gayi thi ………….main uske paas jaa kar khada ho gaya, bina koi aahat kiye ……. Aur fir uske paas hi padi ek khali kursi par baith gaya………



Usne iss samay ek pink color ki sleeveless t-shirt aur ek white short pehne hua tha……woh sedhi leti huyi thi aur ek taang ko thoda sa mod kar uthaya hua tha ………dhoop bahut tez thi …. uska gora badan tez dhoop mein mano chamak raha tha , jis par paseene ki chhoti chhoti boonde alag se char chaand laga rahi thi ………kuchh seconds ke liye to main apne aap ko bhool hi gaya……..fir main usko apne wahan hone ke ehsaas karaya………. “Hi Neha ………..”



Woh ekdum chaunk si gayi ………jaise neend mein se jaagi ho ….hadbada kar pehle to meri taraf dekha aur fir seedhi hokar baith gayi ……….” Hello Rajiv ……….aap kab aaye ? “
“ Bas abhi thodi der pehle hi …………aapko dhoop ka maza lete huye dekha to yahan chala aaya “



usne apne paas pada ek towel utha kar apne shareer se paseena ponchha aur fir sawaal kiya “ kaisi rahi aapki meetings ? …….Mr.Chaudhry kahan hai ? “

“ Sir to waapas Raj nagar chale gaye ………..aur humaari meeting bhi kaafi achchhi rahi ……..” maine kaha aur fir usko apni meetings ke baare me batane laga ………..fir usne bhi apni kal ki aur aaj ki meetings ke baare mein mujhe bataya ……….
Hum baat hi kar rahe they ki farm house ka care taker Krishna wahan aaya aur lunch ke baare mein poochhne laga ……….mujhe to bhookh lag hi rahi thi , maine Neha se poochha to usne bhi sehmati jata di …………


Uss garden k ek side mein , swimming pool ke paas hi , ek hut type ki jagah bani huyi thi …….jis ke neeche kuchh chairs aur ek table padi rehti thi ………maine Krishna ko wahin lunch laga dene ko kaha aur hum dono uth kar uss jagah par aa gaye…..


Krishna lunch laga kar jaa chukka tha aur Neha plates mein serve kar rahi thi …….mujhe laga ki yahi sahi mauka hai , uss adhoori baat ko poora karne ka ………maine poochha “ Aap uss din mujhe se kuchh baat karna chahti thi ………? “ andar se main jaanta tha ki woh kya baat karne waali hai ….


Woh kuchh seconds chup chap, sar neeche jhuka kar lunch serve karti rahi fir dheere se boli “ mujhe nahi maloom Rajiv ki mujhe aap se yeh baat karni chahiye bhi ya nahi …..please agar aapko bura lage to mujhe jaroor bol dena …..”



Kuchh der chup rehkar usne meri taraf dekha aur fir aage bolna shuru kiya “ hum dono ko mile huye haalanki kuchh hi din huye hain , aur itne kam dino mein hi hum log bahut achchhe dost bhi ban gaye they ………….par achanak jaane kyon , aap mujh se kuchh khinche khinche se rehne lage …………ho sakta hai kuchh personal reasons ho …….par ek dost hone ke naate mein woh wajah jaan-na chaahti hoon ? “



“ tumko galat lag raha hai ……..aisi koi baat nahi hai “ maine kaha, bina uski taraf dekhe huye ……….


“ aap jhooth bol rahe hain Rajiv ……aap shayad nahi jaante ki ek aurat kisi bhi aadmi ke chehre ko dekh kar hi uske andar ki baat maloom kar sakti hai , aur aap ek aurat se hi chhupane ki koshish kar rahe hain …………..main aapse koi jabardasti nahi karoongi , agar aap share karna chahein to mujhe bata sakte hain …………”



main kuchh der chup raha……….shaayad bolne ke liye shabd dhoondh raha tha fir uski taraf dekh kar bola “ aapne mujhko bataya nahi tha ki aap shadi-shuda hain ? “



“ matlab ? “ usne aankhen sikod kar meri taraf dekha , jaise kuchh samajhna chah rahi ho , fir uski aankhen failti chali gayi aur muh khula ka khula reh gaya


“ Oh ……………oh my god !! kya sirf isliye aap mujh se naaraj hain ? “ fir usne hansna shuru kar diya ……….”ha ha ha ………….Itni chhoti si baat ke liye aap pichhle 7 dino se mujh se naraaj hain ? “


maine hairaani se uski taraf dekha aur bola “ aapko yeh chhoti si baat lagti hai ? “
“ aur kya …..mujhe to laga tha ki koi gambheer baat hogi …….waise Rajiv , humaare beech kabhi iss ka jikar bhi nahi aaya ……….maine aapko nahi bataya ki main shadi-shuda hoon , par yeh bhi to maaniye ki aapne bhi mujh se kabhi nahi poochha ? “ usne meri aankhon mein jhankte huye poochha …
______________________________