If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Priya Shruti ki iss baat par koi react nahi karti...Uska Shruti se jhagada karne ka abhi mood nahi tha...Shruti ko Priya ki iss harkat par aur bhi gussa aa jaata hai...Aur thodi tej aawaj me fir kehti hai.
Shruti:- Mai koi majaak nahi kar rahi...Dekhna ek din tu bahut pachtaayegi...Abhi bhi vakt hai chali jaa meri Sameer ki jindagi se...Teri bhalayi issi me hai.
Iss baar Priya ko bhi Shruti ki tej aawaj se gussa aa jaata hai...Usko lagne laga ki Shruti ko chup karaana hi behtar hoga.
Priya:- Tujhe jo karna hai kar le...Mai jaanti hu tu ne abb tak mere khilaaf college se hi kitni saazish rachi hai...Lekin hamesha teri saazish nakamyaab hi hua hai...Iss baar bhi try kar le...Aur haa sunn hamesha ki tarah teri iss bakwaas se bhi koi farak nahi padega mujhe...Ha ek aur baat...Mai Sameer ki jindagi me nahi aayi hu...Wo aaya hai meri life me.
Priya ne abhi itna hi kaha tha ki Sameer bhi room me aa gaya...Room ki baahar se hi usne Priya ki gussa se bhari aawaj sunn liya tha.
Sameer:- Kya hua Priya? Tum itne gusse me kyu ho?
Priya kuch bolne hi waali thi ki Shruti bol deti hai.
Shruti:- Dekho na Sameer mai iss Priya se baat karne aayi thi lekin ye to mujh par hi bhadak rahi hai.
Shruti ki iss baat pe Priya bahut gussa ho gayi...Aur iss baar to wo Shruti par bhadak gayi.
Priya:- Agar aur bhi kehna chahti hai to abhi bol de...Baad me shaayad isse accha mauka na mile...Aur tu chahe jitna bhi jhuth kyu na bol le mujhe koi fark nahi padega...Sameer mujh par vishwaas kare ya na kare isse bhi mujhe koi fark nahi padta...(Sameer ki taraf dekhte hue) Sameer tum jo bhi socho mujhe isse koi lena dena nahi hai...Bas yahi kahungi ki tum apne iss dost ko mujh se baat karne se rok lo warna fir baad me ye na kehna ki maine tumhaari iss dost ki insult kyu kiya...Aur ye mujhse baat karne aayi thi na to mai kehti hu ki mai isse koi baat nahi karna chahti aur iska shakal bhi nahi dekhna chahti...(Shruti ki taraf dekhte hue) To tune sun liya hoga ki mai tujhse koi baat nahi karna chahti...To tu yaha se chali jaa aur mera dimaag kharaab mat kar.
Priya ki aawaj iss baar kuch jyaada hi tej tha...Sameer to kuch bol nahi paa raha tha...Usko dar tha ki kahi iss jhagade me uske Maa aur Papa yaha na aa jaaye...Shruti Priya ke baat se bahut gussa ho jaati hai...Wo bahut insulted feel kar rahi thi...Shruti gusse se Sameer ko dekhti hai aur kehti hai.
Shruti:- Sameer tum kuch bolte kyu nahi...Ye mujhe iss tarah se kaise insult kar sakti hai? Meri bhi koi izzat hai....Abb tum apna biwi ka paksh lena band karo aur jaldi se kuch bolo isse.
Sameer:- (Gusse me) Kya kahu mai...Ha kya kahu...Naa hi tum meri baat samjhogi aur na Priya...To mera bolne se kya hoga...Ye tum dono ki problem hai tum dono hi isse solve karo to accha rahega...Agar tumhe apna izzat itna pyaara hai to tum Priya se kyu bahas karti rehti ho...Bahut baar dekha hai tumhe Priya se ladte huye...Har baar jhagada karo tum aur baat sambhaalu mai?
Shruti ko Sameer se aisa ummeed nahi tha...Sameer usse bhale hi pehle naraaj rehta tha lekin gusse se kabhi baat nahi kiya tha...Lekin abhi jo hua isse Shruti ko aur bhi gussa aata hai aur wo bina kuch bole waha se apna ghar chali jaati hai.
Shruti ke jaane ke baad Sameer aur Priya me kuch der tak koi baat nahi hoti...Sameer sofe par jaata hai aur kuch der baad kehta hai.
Sameer:- Dekha tumne...Kehti hai ki mujhse pyaar karti hai...Lekin baat baat pe naraaj ho jaati hai...Meri ek bhi baat kabhi nahi sunti...Bas apna hi hukum chalati rehti hai...Kabhi meri feelings ki koi parwaah hi nahi...Bas apni marzi hi chalaati rehti hai...Agar mai kabhi naraaj ho jaau to gussa hoti hai...Kya yahi pyaar hai...Agar Shruti ki jagah koi aur ladki hoti to bahut pehle hi usse piccha chuda leta.
Lekin Shruti ki dosti bich me aa jaati hai...Usne mujhe bahut help kiya hai...Dosti to bahut acche se nibhaayi hai usne...Bas yahi hai pyaar aur dosti me fark...Dosti kisi ke bhi saath kiya jaa sakta hai...Agar do log me khayaal naa mile to bhi dosti ki jaa sakti hai lekin pyaar aur shaadi me ye possible nahi hai...Shaadi ke baad to saath rehte hai aur agar isme khayaal na mile to compromise karna padta hai aur isse problems create ho sakti hai...Bas iss liye mai Shruti se pyaar nahi kar paa raha hu...Wo meri bahut acchi dost hai lekin pyaar nahi...Agar aaj bhi mai Shruti ke saath hu to uski dosti ki vajah se naaki pyaar.
Sameer ne apni baat to keh diya lekin Priya uska iss baat ka koi reply nahi deti....Kuch der tak dono khaamosh hi rahe...Aise hi kuch der baad Mrs. Sharma dono ko lunch ke liye bulaati hai.
Sabhi lunch shaanti se kar rahe the....Koi kuch nahi bol raha tha...Kuch himmat karke Sameer bola.
Sameer:- Papa aapse ek baat karna tha.
Sameer ki iss baat par sabhi Sameer ko hi dekh rahe the.
Mr. Sharma:- Ha bol...Kya baat hai? Koi naya problem to create nahi kiya?
Sameer:- Nahi papa...Maine aur Priya ne decide kiya hai ki ham dono divorce lenge.
Sameer ne darte hue ye baat keh diya.
Sameer ki iss baat se waha maujood Priya, Mrs. Sharma aur Mr. Sharma sabhi shocked ho gaye.
Sameer ki iss baat par sabhi shocked ho gaye...Lekin Mr. Sharma kuch pal ke liye chup rahe...Wo kuch soch rahe the...Mr. Sharma ki iss khaamoshi se Sameer ko dar lag raha tha...Har pal uska bechaini aur dar badh hi raha tha ki Mr. Sharma kya jawaab denge...Kuch pal baad Mr. Sharma Priya ko kuch kehte hai.
Mr. Sharma:- Ye decision tum dono ne milkar liya hai yaa fir ye akele Sameer ka faisla hai...Isne mujhe bataya tha ki ye tumhe pasand nahi karta...Aur aise me ho sakta hai abb tumse piccha chudane ke liye isne ye decision liya ho...Agar aisa hai to mujhe bataao aaj Sameer ko mujhse koi nahi bacha sakta.
Mr. Sharma kaafi halke se Priya se baat kar rahe the...Lekin last line unhone Sameer ko gusse se dekh kar kahe the...Sameer Mr. Sharma ka gussa aur naraajgi dekh dar raha tha...Priya kuch bolti isse pehle hi Sameer kehne laga.
Sameer:- Papa...
Sameer ki baat ko bich me hi rok kar Mr. Sharma fir se apni raubdaar awaaj me kehte hai.
Mr. Sharma:- Maine tujhse kuch nahi poocha hai...Maine Priya se sawaal poocha hai to jawaab tu kyu de raha hai.
Mr. Sharma ki aawaj me jo gussa tha usko mehsoos karke Sameer ke pass abb koi himmat nahi bacha tha Mr. Sharma ko jawaab dene ka...Wo chup hi raha.
Mr. Sharma:- (Priya se) Ha abb bataao Sameer ne force to nahi kiya divorce ke liye yaa tum dono ke sehmati se ye divorce ho raha hai.
Mr. Sharma ki aawaj fir halka ho gaya tha...Unke pass to koi bhi kaaran nahi tha Priya se gussa hone ka...Jo bhi galti tha wo Sameer ka tha.
Kuch der ki khaamoshi ke baad Priya kehti hai.
Priya:- Ye divorce ham dono ki marzi se ho raha hai...Maine hi Sameer se ki thi divorce ki baat...Mai Sameer ke saath nahi reh sakti.
Priya ne bhi dheere se kaha lekin uski aawaj me koi dar nahi tha...Wo apna hak ke saath baat kar rahi thi.
Mr. Sharma fir se chup rahe...Ye khaamoshi bahut lambe time tak chalta hai...Sameer ki bechaini aur dar fir se badh raha tha ki Mr. Sharma kya jawaab denge...Kuch pal ki khaamoshi ke baad fir se Sameer himmat jutaa kar kehta hai.
Sameer:- Papa...Aapka kya faislaa hai?
Sameer dar ki vajah se sirf itna hi keh paaya.
Mr. Sharma:- Abb isme mai kya faisla lu...Ye tum dono ki problem hai...Khud solve karo...Aur ye galti karte vakt mujhse pucch ke kiya tha jo abb mai iss me apni baat tujhse kahu.
Mr. Sharma ek baar fir se Sameer ko gusse se ghurte huye apni baat kahte hai...Sameer abb unse najre nahi milaa raha tha...Neeche table me rakha plate ki taraf dekhe jaa raha tha.
Kuch der baad Mr. Sharma apne room me chale jaate hai aur picche picche Mrs. Sharma bhi...Sameer baahar jaata hai to Priya apne kamre me.
Mr. Sharma apne room me aakar bed par lait jaate hai aur kuch sochne lagte hai...Kuch der baad Mrs. Sharma bhi apne room me aa jaati hai...Unke chehre ke picche chupa dard ko Mr. Sharma pehchaan lete hai aur kehte hai.
Mr. Sharma:- Tumhe yahi lag raha hoga na ki mai apne beta ke saath itna rookhapan aur gusse se kyu baat kar raha hu?
Mr. Sharma ki aawaj me kuch der pehle tak gussa aur naarajgi tha ab achanak se dard me badal gaya.
Mrs. Sharma:- Nahi...Mujhe aapki koi bhi baat buraa nahi laga...Aap apni jagah bilkul sahi hai...Mai to ye soch kar pareshaan ho rahi hu ki kaisi musibat aa gayi hai hamaari pariwaar me...2 mahine pehle tak koi problem nahi tha...Ham sabhi khushi khushi reh rahe the...Achanak Sameer ka gaayab hona aur uski galti se puri pariwaar me sirf tension aur pareshaani ka maahaul ban gaya hai...Sameer ki vajah se Priya ki life bhi kharaab ho gayi...Pata nahi kiski najar lag gayi ham sabko...Ek Maa ho kar bhi apne beta ka pareshaani dur nahi kar paa rahi hu...Andar se bahut roti hu lekin usse baat tak nahi kar paa rahi hu.
Mr. Sharma:- Beta hai wo mera bhi...Mujhe bhi uske saath iss tarah baat karna accha nahi lagta...Aaj se pehle kabhi uske saath aise baat nahi kiya...Usko apne beta se badhkar dost jaisa behave karta tha...Kabhi usse koi sikaayat nahi raha...Lekin usne iss baar kya galti kiya hai usko iss baat ka ehsaas hona chahiye...Aur acchi baat ye hai ki wo apne galti ko mehsoos kar raha hai...Usko sudhaarne ki koshish kar raha hai...Dono ne accha kiya jo aapsi sehmati se alag ho rahe hai...Ye decision unko hi lena tha aur unhone le bhi liya...Baat aur bigadne se pehle hi rok rahe hai...Lekin Priya ke liye bura bhi lag raha hai...Bina uski koi galti usko itni badi sazaa mil gaya...Bas uske liye dua hi kar sakta hu ki jaha bhi rahe khus rahe...Isse jyaada kuch kar bhi to nahi sakte...Bas iss baat se khus hu ki ye dono apni galti ko sudhaar kar jindagi mai aage badh rahe hai.
Lekin iss khushi ko abhi Sameer ko dikhaa bhi nahi sakta...Agar abhi usse pyaar se baat karna suru kar du jo galti ka ehsaas usse ho raha hai shaayad wo na ho...Jindagi bhar hamesha uske saath friendly raha abb vakt aa gaya hai thoda strict hone ka...Aur agar Sameer ko abhi maaf kar diya to Priya ki najaro me mai bhi gunehgaar ban jaaunga kyuki Sameer Priya ki sabse bada gunehgaar hai aur aise me mai uska saath dunga to mai bhi gunehgaar ban jaaunga.
Mrs. Sharma:- Baat to thik hai aapka...Lekin samajh nahi aa raha kab ye saari problems solve hoga...Aur kab tak hamaare baccho ko aise ghut ghut kar jeena padega...Thoda dar bhi lag raha hai kahi aapki rookhapan ki vajah se wo kuch galat kadam na uthaa le.
Mr. Sharma:- Bachpann se lekar abb tak ki uska har harkat se vaakif hu...Wo mujhe bahut respect karta hai...Kisi se bhi naaraj ho sakta hai lekin mujhse nahi...Aaj bhi maine uska chehra padh liya tha lunch time me...Wo mujhse naraaj bilkul nahi tha ...Usko apni galti ka ehsaas ho raha tha aur thoda bahut dar bhi raha tha...Mera beta itna kamjor nahi ki wo mujhse itni si baat par naaraj ho jaaye aur pareshaan hokar koi galat kadam uthaaye...Tumse bas itna hi kahunga ki hame iss maamle me kuch nahi karna chahiye...Thoda vakt do baccho ko...Khud problem solve ho jaayegi.
Mr. Sharma ki baaton se Mrs. Sharma ko thoda raahat milta hai...Wo kuch nahi kehti...Thodi der ki iss khaamoshi ko todte hue Mr. Sharma kehte hai.
Mr. Sharma:- Tum please Priya se kabhi kabhi baat kar liya karo jab tak wo yaha rahti hai...Wo bhi akeli pareshaan rehti hogi aur Sameer ne jo kiya uske saath usse to tum andaaza laga hi sakti ho ki kya beet raha hoga Priya par...Shaayad aisa karne se usko thoda accha lage...Itna to ham kar hi sakte hai na.
Mr. Sharma ki iss baat par Mrs. Sharma ha me sar hilaati hai.
Evening at Sameer's Room
Sameer shaam me apne room me pahunch jaata hai...Usne tay kar liya tha ki wo aaj Priya ko saari baatein batayega...Jaise hi usne room me enter kiya...Priya Sameer ko gusse se dekhne lagi....Sameer ko samajh me nahi aa raha tha ki Priya usse aise kyu dekh rahi hai...Wo sochne laga kahi iski vajah lunch time me hui baat to nahi...Wo ye soch hi raha tha ki Priya ne aage badhkar usko jo kaha usse Sameer puri tarah se chaunk gaya.
Sameer Priya ki iss sawaal se chaunk gaya...Usne Priya ko jawaab diya.
Sameer:- Kya mai tumhe koi bewada lag raha hu? Jo har vakt bas daaru hi peeta rahega...Maine kal hi pehli aur aakhri baar piya hai.
Priya:- Agar tumne nahi piya to tumhaari aankhein laal kyu hai?
Priya ko Sameer ki baat par abhi bhi yakin nahi ho raha tha...Sameer ki jawaab ke baad hi usne agla sawaal pooch liya.
Sameer:- To tumhaara hisaab se bas daaru pine ke baad aankhein laal hota hai...Waise bhi mai tumse koi bakwass nahi karna chahta...Lunch ke baad bike ride par gaya tha...Speed kareeb 70kmph ka tha...Aur abhi abhi lauta hu to shaayad abb tum ko pata chal gaya hoga ki meri aankh kyu laal ho gaya hai...Ya tumhe aur explanations du.
Sameer ki aawaj se uska frustration ka pata chal raha tha...Ek to wo thak kar aaya tha aur upar se Priya ki sawaal se aur jyaada chhidh gaya tha.
Uske baad dono me koi baat nahi hota...Sameer kuch der sofa par lait ta hai aur utth kar apna kuch jaruri samaan nikaal leta hai room se...Aur sabhi ko pack kar ke room se nikalne hi waala tha ki fir se Priya ki aawaj usko rok deta hai.
Priya:- Kaha jaa rahe ho ye sab lekar?
Priya ko hairaani ho raha tha ki Sameer ye kya kar raha hai.
Sameer:- Dusra room me jaa raha hu...Divorce hone tak wahi rahunga.
Itna keh kar Sameer dusre room me chala jaata hai...Aur room ko manage karke aaram kar hi raha tha ki nicche se dinner ka bulaawa aa jaata hai.
Sabhi dinner karke waapas apne room me aa jaate hai.
Priya apne room me bechain ho gayi thi Sameer se sach jaane ki...Subah se wo bas issi pal ka intejaar kar rahi thi...Lekin abb usko samajh me nahi aa raha tha ki Sameer se kaise pucche...Wo to dusra room me shift ho gaya hai..."Kya Sameer ke room me jaa kar pucchna sahi hoga?" Bas yahi sawaal uske dimaag me aa raha tha...Lekin uska dimaag bhi baar baar yahi jawaab de raha tha ki "Nahi mai nahi jaaungi usse baat karne...Aur uske picche mai kyu jaau...Mera bhi kuch ego hai...Aur jab shaam me aaya tha to kaise rookhepan se baat kar raha tha mujhse...Kuch bhi ho jaaye mai uske pass nahi jaaungi...Agar wo nahi bataayega to kya hua kal Divya se puch lungi." Lekin usko pata nahi chal raha tha ki aaj usko ye sawaal ka jawaab jaane ki itna bechaini kyu ho raha hai...Wo jald se jald saara baat jaan lena chahti thi...Wo issi tarah khud se sawaal karti aur khud hi jawaab deti.
Wo yahi sab soch rahi thi ki uske door par kisi ne knock kiya...Wo soch rahi thi ki iss vakt kaun aa gaya...Lekin jyaada na sochte hue wo jaa kar door kholti hai...Door par Sameer tha... Sameer ka iss vakt room me aana Priya ko thoda ajeeb lagta hai...Priya kuch bolti usse pehle Sameer hi bol deta hai.
Sameer:- Tumhe subah kaha tha na ki raat ko dinner ke baad sab sach bataaunga...To wahi bataane aa gaya.
Priya:- Sab sach hi bataaoge na.
Priya ki iss baat par Sameer ko thoda gussa aata hai aur wo bhi chhidh kar jawaab deta hai.
Sameer:- Mujhe yaad nahi aa raha ki kab maine tumse jhooth bola hai...Waise bhi mujhe koi fark nahi padta ki tumhe meri baat par yakin hoga ya nahi...Mai bas tumse apni majboori aur iss shaadi ki vajah bataane aaya hu...Baaki tumhaari marzi tum yakin karo ya naa karo.
Priya:- Accha thik hai...Abb itna bhi bhaaw mat khaao aur jaldi se bataana suru karo.
Priya ne bhi ussi andaaz me boli jis andaaz me Sameer ne usse baat kiya tha aur saath me uski aawaj me uski bechaini bhi thi puri baat jaane ki.
Iske baad Sameer ek lamba saans leta hai aur bolna suru karta hai.
FLASHBACK
Sameer Principal sir ki office se nikalne ke baad sidha apne ghar chala jaata hai...Wo aaj jo bhi hua unn sabhi baaton ko fir se yaad kar raha tha...Kaise Priya se uska mulaakat hua... Khanna Sir se bahas, Priya aur Karan se jhagada aur last me Principal sir ki office me lafada...Sameer ko Priya par Karan ke upar bahut gussa aa raha tha...Wo kuch der tak unn dono ke baare me soch raha tha...Apni life me pehli baar kisi par itna gussa aaya tha Sameer ko...Kuch der aise hi unn dono ke baare me sochne ke baad wo ek aur baat sochta hai.
Sameer:- (In his mind) Mai kyu inn dono ke baare me soch raha hu...Aise faltu log ke baare me soch kar mai apna hi time waste kar raha hu...Mujhe inn logo ko ignore karna hoga aur inke baare me kuch nahi sochna chahiye."
Itna sochne ke baad Sameer books aur mobile me busy ho jaata hai...Raat ko dinner ke vakt Sameer Mr. Sharma ko principal office waali saari baat batata hai.
Mr. Sharma:- Koi baat nahi...Tujhe koi tension lene ki jarurat nahi hai...Mai kal tere Principal se baat kar lunga iss baare me...Aur ha tune jo kiya galat nahi kiya...Insaan ko sabse pehle apna self respect ka dhyaan rakhna chahiye uske baad kuch aur.
Sameer:- Thanks Papa...Mujhe yakin tha ki aap meri baat ko samjhenge.
Mr. Sharma:- Aur mujhe bhi yakin hai tujh par ki tu kuch bhi galat nahi kar sakta...Aakhir beta hai tu mera.
Iske baad Sameer aur Mr. Sharma dono ki face me muskaan aata hai aur tabhi dinner serve kar rahi Mrs. Sharma kehti hai.
Mrs. Sharma:- Aapne to isko sar pe chaddha rakha hai...Abb to ye manmaani bhi karne lag gaya hai...Kya jarutrat thi isko apne se bado ke saath iss tarah se baat karne ki...(Sameer se) Mai kuch nahi sunna chahti tu kal principal sir ki office jaayega aur unse maafi maangega.
Mr. Sharma:- Ek hi to beta hai apna...Abb isko sar pe nahi chadhaunga to kisko chadhaaunga...Abhi time hai masti karne ka to karne do...Aur isne keh to diya ki isne Principal sir se iss tarah baat karne ke liye maafi maang chuka hai lekin apni baat galat nahi hai ye bhi kaha...Mai Sameer se sehmat hu.
Sameer:- Thanks again Papa...Fir se mera saath dene ke liye aur Maa se bachaane ke liye...Bas aap hi hai jo hamesha mera saath dete hai.
Sameer ne ye baat majaak me kaha tha...Mrs. Sharma bhi suru me usko jhutta gussa dikhaa kar ghoorti hai aur fir baad me Sameer ki iss harkat par muskuraa deti hai.
Iske baad maahaul ek dam khushi ka maahaul chaa jaata hai aur sabhi khushi ke saath dinner karke apne room me chale jaate hai.
Sameer ka mood badal gaya tha...Jaha college se aane se usko gussa aa raha tha wahi abb Maa aur Papa ki baato se wo ek dam khush ho gaya tha aur sochne lagta hai.
Sameer:- (In his mind) Thank God...Mujhe aisa pyaar karne waale Maa aur Papa dene ke liye...Hamesha meri baato ko samajhte hai aur har baat par saath dete hai...Khud se jyaada bharosha karte hai...Bas bhagwan ek hi request hai aapse mai bhi iss laayak ban jaau ki baad me mai bhi apne Maa aur Papa ka har sapna pura kar saku...Hamesha unko khush rakhu aur hamaaara ye pyaar hamesha badhta hi jaaye kabhi koi problem nahi aaye...I am very lucky and proud to have such a great father and mother."
Sameer yahi sab sochte hue ek chhain ki neend sotaa hai iss baat se anjaan ki kal college me hone waala hangama uska besabri se intejaar kar raha hai.
Sameer ready ho kar college ke liye nikal pada bike par...Raaste se wo Rajesh ko bhi pick kar leta hai...Aur dono dost nikal padte hai college ki aur...Jab dono college pahunche aur class ki taraf jaane lage tab ground me wo log jo dekhte hai usko dekh dono ko bahut hairaani hota hai.
Rajesh:- Ye Karan, Priya aur Divya yaha kya kar rahe hai...Aur ye log kaun hai jinse Karan aise gidgidaa raha hai.
Sameer:- Ye log seniors hai aur shaayad ye Karan aur team ka ragging le rahe hai...Chal dekhte hai kya punishment mila hai Karan ko jo ye iss tarah se gidgidaa raha hai.
Rajesh:- Nahi...Seniors se dur rehne me hi bhalayi hai nahi to ye hamaara bhi ragging le sakte hai.
Sameer:- Tu itna darta kyu hai? Mai hu na tere saath...Chal kuch nahi hoga.
Iske baad Sameer Rajesh ki koi baat sune bina hi chala jaata hai Karan ki ragging waali jagah par...Rajesh bhi bina marzi ke Sameer ke picche picche chal deta hai.
Sameer ko dekh kar Karan, Priya aur Divya ko thoda hairaani hota hai ki ye yaha kya kar raha hai...Lekin koi bhi kuch nahi kehta....Sameer sidha seniors se pucchta hai.
Sameer:- Kya punishment mil raha hai iss ladke ko aur ye itna kyu gidgidaa raha hai?
Sameer ekdam bekhauf hokar bola...Uska baat karne ka andaaz dekh seniors ko bhi doubt nahi hota ki wo junior hai...Wo log sochte hai ki Sameer bhi unke hi year ka hai.
Waha ground par 3 seniors maujood the...2 ladka aur 1 ladki...Unn me se 1 Senior jo Karan ka ragging le raha tha wo Sameer ko reply deta hai.
Senior:- Iss ko bola tha ki 5 baar uthak baithak kar...Lekin ye nahi maana, keh raha tha ki sabke saamne beizzati hoga...Ye seniors ki baat nahi maan raha tha aur abb iski punishment ko badha diya 5 se 50 baar tak...Abb ye gidgida raha hai...(Karan ki taraf dekhte hue) Ae ladke sun last time keh raha hu 50 baar uthak baithak kar le warna 100 baar karna padega.
Senior ko na maanta dekh Karan bhi majboor hokar uthak baithak karna shuru kar deta hai...Sameer Karan ko dekh muskuraa raha tha ...Karan to apna kaam me busy ho gaya tha Sameer ki taraf usne dekha hi nahi tha...Lekin Priya sab kuch dekh rahi thi...Karan ki aisi haalat aur Sameer ka muskuraana dekh Priya ko bahut gussa aata hai aur wo kehti hai.
Priya:- Bas...Bahut hua...Utho Karan...Abb koi ragging nahi hoga ...Mai bhi dekhti hu kaise ye ragging lete hai.
Itna keh kar Priya Karan ko uthaa deti hai...Sameer ko to kuch fark nahi pada lekin Seniors ko ye baat hazam nahi hua aur wo gusse me kehte hai.
Senior 1:- Tune accha nahi kiya iss ladke ka task adhura chhudwa kar...Aur tu ragging hone nahi degi...Chal abb tera hi ragging lete hai...(Dusra senior ki taraf dekhte hue) Yaar tu hi bataa isko kya punishment diya jaaye.
Senior 2:- (Kuch der sochne ke baad) Soch raha hu kyu na aaj interesting kiya jaaye...Jo bhi ladka abb iss ground me aayega usko ye ladki kiss karegi.
Senior 2 ki baat se sabhi seniors hasne lagte hai...Lekin uski iss baat se abb Sameer ko bhi gussa aa raha tha...Karan, Priya aur Divya teeno hi shocked the senior ki baat sun kar...Wo kuch bolte usse pehle Sameer kehta hai.
Sameer:- Tameej se baat kar...Tujhe ladki se baat kaise karni chahiye ye baat pata nahi hai kya...Ye tum logo ka kis tarah ka ragging hai...Apni hadd paar mat karo.
Sameer ne bahut gusse me ye baat kaha tha...Isse Seniors ko bhi gussa aa jaata hai aur wo bhi gusse me bolta hai.
Sameer pehle to Priya aur Karan ki haalat ka majaa le raha tha...Lekin jab Seniors ne bardaasht se baahar ki baat kiya tab uska bhi khoon khaul utha...Sameer Priya se gussa to tha lekin kisi ke izzat ke saamne wo apna gussa ko bada nahi maanta tha..
Senior 2:- Tu hai kaun be...Tujhe to aaj tak nahi dekha...Aur tu hamaari maamlo me dakhal andaazi kyu kar raha hai.
Sameer:- Iss saal hi admission liya hai to kaise dekhega...Aur agar mujhe acche se jaana hai to yaa to mujhse dosti kar le yaa fir mujhse panga le...Tab jindagi bhar yaad rakhega mujhe...Aur tera teesra sawaal ka jawaab tu inn logo ke saath dakhal andaazi kar raha hai to maine tere maamlo me bhi dakhal andaazi kiya.
Sameer ki baat sunn kar Seniors shocked aur gussa ho jaate hai...Shocked iss baat ka ki unn logo ne Sameer ko nahi pehchaana ki wo junior hai aur gussa iss baat ka ki wo junior hokar bhi unnse iss tarah se baat kar raha hai.
Senior1:- To tu hamaara junior hai...Himmat aur ghamand bahut hai tujhme jo hamse aisi baatein kar raha hai...Lekin abb teri iss ghamand ko ham tod kar hi rahenge...Tujhe bhi punishment milega tujhe hamaare jutto me naak ragad kar maafi maangna hoga.
Sameer aur seniors ki beech ka maahaul dekh sabhi ko hairaani aur dar lag raha tha...Gusse me seniors unko aur kya kya punishments denge yahi soch kar sab dar rahe the.
Rajesh bhi apne man me soch raha tha.
Rajesh:- Ye Sameer ek din marwaa kar rahega...Hamesha kisi na kisi se panga lete rehta hai...Kal Karan se aur aaj seniors se...Bhagwaan mujhe iss Sameer aur Seniors se please iss baar bacha lo.
Seniors ki baat par Sameer par kuch asar nahi pada wo aur gusse me bola.
Sameer:- Himmat, Ghamand aur gussa to mujhme thus thus kar bhara hai...Aur tera jutta me naak ragadna to dur agar jyaada bola to tujhe mai apne jutto se maarna suru kar dunga.
Abb ye hangamaa dekh bheed bhi jama hone laga tha...Sameer ka baat karne ka andaaj dekh sabhi aascharya me pad gaye the...Seniors apna iss beizzati ko bardaasht nahi kar paate aur aage kehte hai..
Senior 1:- Tune galat insaan se panga liya hai...Mujhse panga lene se pehle ek baar mere baare me jaan liya hota.
Senior 1 bahut gusse me bola aur uska jawaab Sameer ne hanste hue diya.
Sameer:- Sab jaanta hu tumhaare baare me...Jab college join kiya tha tabhi maine intelligent seniors aur gunda type seniors ka sara information nikaal liya tha...Tum log gunda type senior ke category ke ho...Tera naam Pratap hai, tere saath waala ka Ramesh aur tumhaare saath jo madam ji hai inka naam Meera.
Pratap:- Seniors se bolne ka tameej yahi hai tera...Ruk abhi sikhaata hu tujhe...Ye bolkar Pratap aage badhkar Sameer ko thappad maarne ke liye haath uthaata hai lekin Sameer uska haath bich me rok kar kehta hai.
Sameer:- Maine pehle hi kaha tha maine tumhaara saara bio data nikaal liya hai...Tum sab ki age mujh se kam hai kuch months se...Bas 1 class jyaada ho...Aur tujhe respect chahiye...Bol kis baat ke liye respect karu...Naa tu padhne me accha hai naa tu kisi se accha behave karta hai...To kya tu gunda hai aur bigda hua hai iss liye mujhe respect karna chahiye.
Sameer ne bas itna hi kaha tha ki Pratap dusre haath se Sameer ko ek jordaar thappad laga deta hai.....Waha maahaul me shaanti chhaa jaati hai...Jo log tamasha dekh rahe the unhe abb dar lag raha tha ki aage kya hoga...Sabko bahut badi fighting hone ka aashanka tha.
Sameer Pratap ki taraf gusse se dekhta hai jo Sameer ki taraf dekh kar hass raha tha...Sameer ne bhi achaanak ek jordaar punch Pratap ke face me maar diya...Pal bhar me Pratap ke naak aur hoth se khoon behna suru hota hai aur wo karhaate hue jameen par gir jaata hai...Ye dekh Ramesh Sameer ke saamne aata hai.
Sameer:- Aaja tu bhi maar khaa kar jaana....Abb ye tum gunda log ki formality hai ki jab tak maar nahi khaate tab tak ladna band nahi karoge.
Iske baad Sameer Ramesh ko bhi buri tarah se maarne lagta hai...Kuch pal me Pratap aur Ramesh dono hi jameen me lait kar karhaa rahe the...Waha maujood sabhi log chaunk gaye the iss fighting se...Kisi ne ye expect nahi kiya tha ki ek junior iss tarah se 2 seniors ko maar sakta hai...Tabhi se tamasha dekh rahi Meera kehti hai.
Mira:- Tera ye himmat ki apne seniors ke upar haath uthaaye...Abhi principal ko bolkar tujhe iss college se rusticate karwaati hu.
Itna keh kar Mira principal office chali jaati hai aur Sameer shaant Pratap aur Ramesh ko dekh raha tha...Students ka saara bheed Sameer ko ghur raha tha jaise Sameer ne koi crime kar diya ho.
Kuch der baad Principal aate hai aur Sameer ko dekh shocked ho jaate hai aur kehte hai.
Principal:- Sameer...Ye kya hai...Abb to roj tumhaara complaint aa raha hai...Chhuti ke baad apne dad ke saath mere office me milna.
Itna keh kar Principal chale jaate hai...Lekin unki baat ka Sameer par koi asar nahi padta...Wo kuch bhi parwaah na karte hue class ki taraf jaane lagta hai...Aur picche picche Rajesh, Karan, Priya aur Divya aa rahe the jo Sameer ko aise dekh buri tarah shocked ho rahe the aur sabhi ke dimaag me alag alag khayaal aa raha tha.
Class me pahunch kar Sameer aur Rajesh apne seats par baith jaate hai...Kuch students jo Sameer ka fight dekh chuke the wo Sameer ko ghure jaa rahe the...Sameer isse bahut irritate ho chuka tha...Wo kuch kehne hi waala tha ki Khanna sir aa gaye...Sir padha rahe the, Sameer padhne par focus kar raha tha aur kuch students padh rahe the baaki ke students Sameer ko ghurne par busy ho gaye the...Sir ko bhi thoda ajeeb lagta hai kuch students ka Sameer ko ghurna lekin wo ignore karke padhaane me busy ho jaate hai.
Jab lecture khatam hota hai aur Sir chale jaate hai tab Sameer utth kar class ke front me aa jaata hai aur kehta hai.
Sameer:- (In irritated voice) I would like to ask some questions to those stupids who are continiously starring at me...Tum logo ka problem kya hai? Aise kyu ghoor rahe ho jaise khaa jaaoge...Ek normal baat ke liye aise kyu react kar rahe ho jaise maine kisi ka murder kar diya hai...2 logo ko hi to maara tha jo wo log deserve karte the iss me kaunsa badi baat ho gayi...Thodi na film mai hero ki tarah 10 logo ko maara hai...Bas 2 ko hi to maara tha...Aur tum log bas mujhe ghoore hi jaa rahe ho...Tum log apne kaam se matlab rakho...Fir se meri taraf ghoorne lage to accha nahi hoga.
Sameer ne bahut hi gusse me ye baat kaha...Sameer ki baat se kuch students ko gussa to aaya lekin koi kuch nahi keh rahe the aur tab jaakar un logo ne Sameer se apna dhyaan hataya...Sameer bhi apne seat par baithne ke liye waapas aa hi raha tha ki Karan ki baat ne usko fir se rok diya.
Karan:- Tujhe ye badi baat nahi lag raha...Tujhe pata bhi hai tune kya kiya hai Seniors ke upar haath uthaaya...Aur wo bhi itni chhoti si baat ke liye...Abb to bhagwaan hi tujhe bachaye seniors aur college administration se?
Karan ka ye baat sunne ke baad Sameer gusse me uske pass gaya aur hanste huye kaha.
Sameer:- Tu na jindagi bhar darpok hi rahega...Tu saala andar se darpok hai ye baat to mai jaan chuka hu lekin baahar se dikha raha hai ki tere pass himmat bahut hai.
(Abb serious hote hue) Chal abb teri baat ka jawaab deta hu...Wo seniors huye to kya hua jo man me aaye wo karenge kya...Tum log bhi jaante ho ragging banned hai lekin ye aaj bhi chal raha hai...Iske jimmedar kaun hai...Tu aur tere jaise darpok students...Tum logo ka dar hi unko badhaawa deta hai ragging ke liye aur tum logo ka unke jaise ghatiya logo ko sir bulaana...Mujhe bhi to bata tu unko Sir kyu bulaa raha tha ...Unhone aisa kaun sa accha aur respectable kaam kiya hai jisse unko Sir kahe...Mai aisa keh raha hu iska ye matlab nahi ki mai seniors ka respect nahi karta....Mai bhi respect karta hu lekin sirf unko jo respect deserve karte hai...Naaki Pratap aur Ramesh jaise ko...Pratap aur Ramesh ko mera laat aur ghusa respect karega...Jo seniors acche hai , jo padhne me acche hai, jinke behavior acche hai, jinse hame kuch sikhna chhiye unn sabki mai bahut respect karta hu aur sirf unhe hi Sir yaa fir respectable naam se bulaata hu.
Aur tera aakhri sawaal ka jawaab ye koi chhoti baat nahi thi mere liye uske haath se thappad khaana...Mujhe apne self respect se bahut pyaar hai...Aur mera self-respect unn kamino ke liye kam ho jaaye ye mai bilkul bardaasht nahi karunga...Tujh jaisa darpok hi kisi se bina koi vajah maar khaane par bhi chhup baithta hai...Agar mere galti ke bina mujhe kisi ne maara to uska khair nahi.
Shaayad sab kuch tu samajh gaya hoga...Aur ha jaate jaate ek baat keh deta hu mujh se kabhi ulajhne ki koshish kabhi mat karna.
Itna kehne ke baad Sameer ek najar gusse se Karan aur Priya par daalta hai aur apni seat ki taraf chal deta hai...Picche se sabhi students taali baja rahe the...Iss baat se Karan aur Priya ka gussa bahut badh jaata hai lekin kuch nahi kar paate.
Sameer apna saara gussa nikaalne ke baad shaant ho gaya...Abb koi usko ghur nahi raha tha...Baaki ke lectures bhi issi tarah aaram se kat jaata hai.
Jab college chhuti hota hai tab Sameer ghar jaa raha tha ki wo apne Papa ko dekh kar chaunk jaata hai aur kehta hai....
Sameer:- Papa...Aap yaha? Koi kaam tha kya?
Mr. Sharma:- Pata nahi...Lekin issi vakt tere principal ne bulaaya hai?Issi liye aa gaya college...Shaayad kal waali baat ke liye bulaaye honge?
Mr. Sharma ki baat sunne ke baad Sameer saari baat samajh jaata hai aur apne Papa se kehta hai.
Sameer:- Ha aur kuch extra baat bhi.
Mr. Sharma:- Extra baat se tera kya matlab...Kya aaj bhi kisi se ladayi kiya hai kya?
Mr. Sharma ne thoda sa hairaani me Sameer se sawaal pucchte hai.
Sameer:- Chaliye abhi principal sir ki office me...Wahi pe aapko sabhi sawaalo ka jawaab mil jaayega.
Mr. Sharma bhi kuch nahi kehte...Wo bhi Sameer ke saath chalte hai Principal office me.
Principal office me pahunchne ke baad Sameer gate par aakar kehta hai.
Sameer:- May we come in Sir?
Principal bhi bahut der se Sameer ka hi intejaar kar rahe tha.
Sameer:- Yes Sameer...Come in...Tumhaare saath tumhaare Papa bhi aaye hai na.
Sameer:- Yes Sir.
Itna keh kar Sameer aur uske Papa andar jaate hai...Mr. Sharma Principal ko dekhne ke baad chaunk jaate hai aur kehte hai.
Mr. Sharma:- Rakesh tu...Aur yahan?
Mr. Sharma ki chaunkne se Principal thoda muskuraakar kehte hai.
Principal:- Ha Sanjay...Mai yaha iss college me principle hu...Bahut time ho gaya tujh se mile huye...Mujhe to laga tha ki kahi tu mujhe bhul to nahi gaya...Lekin tujhe mai yaad hu.
(Mr. Sharma ka pura naam Dr. Sanjay Sharma hai.)
Mr. Sharma:- Kya baat kar raha hai tu...Mai tujhe nahi bhula aur naa hi kisi dost ko...Ulta tu hi out of contact ho gaya tha aur aaj iss roop me yaha mil raha hai.
Principle:- Kuch problems aa gaya jisse mujhe ye town chhodna pada...Mobile bhi chori ho gayi jisme tum logo ka contact tha...Baad me jab yaha aaya to tum log apni life me settle ho gaye the...Tu to bada doctor ban gaya yaar...Socha tum logo ko mai yaad hu bhi yaa nahi...Lekin aaj iss tarah se milenge ye socha nahi tha.
Mr. Sharma:- Tu bhi na...Kabhi nahi badla yaar...Kaise soch liya ki mai apne kisi dost ko bhul sakta hu...(Kuch sochte huye) Chal chhod ye sab baatein baad me karenge...Abhi jis kaam ke liye aaya hu wo kar lete hai...So Mr. Rakesh Mujhe yaha aapke college me kyu bulaaya gaya hai???
Mr. Sharma ne muskuraate huye puccha lekin Principal thoda serious hokar jawaab dete hai.
Principal:- Socha nahi tha yaar...Itne dino baad iss tarah se milenge...Maine tujhe tere beta ki kartut ke baare me bataane ke liye bulaaya hai?
Sameer jo thoda dur khada hokar inki baato ko khus hokar sun raha tha abb Principal ki baato se uska chehre ki rang badalne laga...Usko Principal ki baatein accha nahi laga...Wo kuch bolta isse pehle hi Mr. Sharma kehte hai.
Mr. Sharma:- Kaisa kartut...Kal isne mujhe jo bhi bataya usse to mujhe isse koi problem nahi.
Mr. Sharma bhi abb serious ho gaye aur mudde ki baat karne lage.
Principal:- Pata nahi kal isne kya bataya tujhe lekin baat kal aur aaj dono ki hai...Khaas kar aaj ki...Bas tujhe itna kehna chahta hu ki tera beta galat raaste me jaa raha hai...Apne seniors par haath uthaa liya aur kisi ki baat nahi sunta...Yaha tak ki isne apna teacher aur mera bhi disrespect kiya...Agar aisa hi chalta raha to ye ek din puri tarah se bigad jaayega...Iss liye tujhe abhi vakt rehte iske baare me bata raha hu...Sambhaal le isko...Abhi to ek dost ki haisiyat se ye keh raha hu lekin agar ye fir bhi na maana to Principal ke naate isko rusticate karna padega...College aisi agressive students ko bardaasht nahi kar sakta.
Principal ki baat sunne ke baad Mr. Sharma Sameer ki taraf ghurne lagte hai aur aankho se pucch rahe the ki kya ye sach hai?
Sameer ko iss baar Principal ki baaton se bahut gussa aata hai aur wo bhi gusse me jawaab deta hai.
Sameer:- Mujhe bhi nahi padhna aisi college me...Sir aapko kya ghamand hai apni college ke baare me...Aapko to pata hai ragging banned hai college me...Lekin wo senior ragging le raha hai...Tab kaha jaati hai aapki third class administration jo inn seniors ko punish nahi kar sakta...Maine ladayi ka suruwat nahi kiya unn logo ne hi kiya...Iss liye maine bhi acche se maara aur maine jo kiya bilkul sahi kiya...Self respect hi mere liye sab kuch hai...Aur unn kameeno ki vajah se mai apne self respect kabhi girne nahi dunga...Aur sir aap ne to mere Papa ko bula liya...Kya aapne unke parents ko bulaa kar unhe punish karne ka socha hai...Nahi aur aap kar bhi nahi paayenge...Yaa to aap khud nahi karna chaahte yaa aap nahi kar sakte...Bas new admissions ko hi apne ghatiya rule bana kar pareshaan karo aur seniors ko bilkul free chhod do...Sir rule me transparency hona chahiye jo juniors ke liye hai wo seniors ke liye bhi hona chahiye...Aur himmat hai to ragging rok kar dikhaiye...Tab kisi ko apne college ki rules samjhaaana.
Sir behtar yahi hoga ki aap mujhe college se nikaal dijiye agar aap apne rule ko acche se regulate nahi kar sakte to...Agar mai raha aur kisi senior ne mera ragging lene ki koshish kiya to usko aapke hi office me ghasit kar maarunga.
Mai jyaada baat nahi karna chahta...Mai jaa raha hu...Apna faisla bata dijiye Papa ko mai ghar jaakar pucch lunga ki mujhe iss college me padhna hai yaa nahi.
Itna kehne ke baad Sameer gusse se Principal office se nikal jaata hai aur ghar ki aur bike se chal deta hai...Lekin raaste bhar picchle do dino se uske saath jo ho raha tha bas ussi ke baare me soch raha tha.
Sameer:- (In his mind) Ye do dino se mere saath kya ho raha hai...Pehle to naa hi mera kisi ke saath ladayi hua tha aur naa hi mai kabhi gussa hota tha...Lekin do din se to har kisi ke saath jhagada ho raha hai...Pehle uss Karan, se aur fir seniors se aur abb to Principal se wo bhi papa ke saamne...(Thoda darte hue) Pata nahi Papa shaam ko kya kahenge...Ye jo bhi ho raha hai uss Priya ki vajah se...Ussi ki vajah se aur uske liye mera gussa ki vajah se ye sab ho raha hai...Meri life me manhoos hai wo...Uski entry se life me bahut gadbad hone laga hai.
Issi tarah aaj aur kal ki saari ghatna sochte hue Sameer apna ghar pahunchta hai...Uska mood bahut kharab tha...Wo apne Maa ki sawaalo se bachne ke liye sir dard(headache) ka bahana bana kar apne room me jaata hai.
Shaam me jab Mr. Sharma laut te hai to Mrs. Sharma ke saath Sameer ke room me aa kar Sameer se baat karte hai.
Mr. Sharma:- Tu kabse itna gussa hone laga? Hamesha tujhe haste mushkuraate baat karte dekha hai...Aur aaj to tu kuch alag hi rang me tha?
Mr. Sharma ki aawaj me gussa aur hairaani dono tha.
Sameer:- Kya karu Papa? Baat hi kuch aisa tha jisse gussa aa gaya...Principal sir rusticate ki dhamki de rahe the bina puri baat jaane jabki mera galti usme thaa hi nahi...Galti unn do seniors ka tha...Unke upar koi action nahi aur mujhe rusticate ka dhamki mil raha tha aur wo bhi aapke saamne...Aur Sir ko apne college rule ka bhi ehsaas dilaana tha.
Sameer ki aawaj me abhi bhi gussa tha lekin wo apne Papa ke saamne dhire se bol raha tha.
Mr. Sharma:- Tera baat galat nahi hai...Lekin yahi baat tu unhe acche se samjha bhi to sakta tha na...Ham sab bhi wahi baatein discuss kar rahe the.
Sameer:- Jab wo samjhe tab samjhaaunga na...Wo baat ko samajhne ki koshish hi nahi karte...Kal mai unhe apni baat samjha raha tha lekin unhone aur Khanna sir dono ne ulta mujhe hi gussa dilaa diya...Aur Papa agar mai waha se iss tarah se nahi nikalta to pata nahi gusse me mere mooh se kya kya nikalta...Control nahi kar paa raha tha apne gusse ko...Sorry Papa...Agar aap ko mera harkat accha nahi laga ho to.
Sameer ne pehle ki baat thoda gusse me kaha aur aakhiri ki baat maafi maangte hue.
Mr. Sharma:- Yahi to mujhe samajh nahi aa raha tujhe itna gussa kyu aa raha hai...Pehle to aisa kabhi nahi hua?
Sameer:- Ye baat to mujhe bhi samajh me nahi aa raha...Lekin kal se apna gussa ko control nahi kar paa raha hu...Abb unn logo se dur rehne ki koshish karta hu.....Tab shaayad sab kuch thik ho jaaye...Aur Papa kal se mai college jaa sakta hu yaa nahi.
Sameer ne baat ko badal diya.
Mr. Sharma:- Haa jaa sakta hai...Bahut samjhaane ke baad maaana Rakesh...Aur tujh se ek baar aur baat karna chahta hai.
Sameer:- Lekin aap ko kya jarurat tha unhe samjhaane ki...Jo decision lete lene dete...Agar mujhe college se nikaal diya hota to bhi kuch fark nahi padta...Koi bhi college me admission le leta.
Sameer ko ye bilkul bhi accha nahi laga ki Mr. Sharma ne uske liye Principal ko samjhaaya.
Mr. Sharma:- Sameer abhi se itna ghamand aur gussa thik nahi hota...Tumhe kya lagta hai rusticate hona acchi baat hai...Maan lo koi college tumhe agar admission deta bhi hai to uss college me tumhaari image kuch alag hoga...Sab sochenge ki tum undisciplined student ho jisse college se nikaal diya gaya hai...Aur hamaare baare me to socho...Hame kaisa lagega jab hamaare beta ko discipline ki case me college se nikaal diya jaayega...Jab dusro ko ye baat pata chalega tab hamaara izzat ka kya hoga...Bhale hi koi kuch nahi kahe aapas me baat to jarur karenge aur das(10) tarah ki baat karenge.
Mr. Sharma Sameer ko samjha rahe the...Sameer ko bhi Mr. Sharma ki baat abb thik lagne laga...Lekin wo abhi iss baare me kuch baat nahi karna chahta tha...Wo jaan gaya tha ki Mr. Sharma usse naraaj hai.
Sameer:- Sorry Papa...Kal se mai aapko shikaayat ka koi mauka nahi dunga...Abhi aap thak gaye honge jaakar rest kijiye.
Sameer ne abhi iss baat ko khatam karna hi thik samjha...Mr. Sharma Sameer ko abhi bahut kuch samjhaana chahte the lekin Sameer ki iss baat se kuch nahi keh paaye...Wo aur Mrs. Sharma chale gaye apne room mein.
Next day
Sameer aaj thoda normal hai...Subah me usse unn do seniors nahi dikhe aur Dusri taraf Karan aur Priya bhi shaant the...Sameer aaj padhne me pura focus kar raha tha aur aaj kuch accha mehsoos kar raha tha picchle do din se...Kuch der baad lunch break hota hai aur jab Sameer aur Rajesh canteen se lunch karke aate hai to pata chalta hai ki class suru hone me abhi 15 minutes baaki hai...Wo dono park ki taraf chal dete hai.
Park me pahunchte hi Sameer dekhta hai ki Karan, Priya aur Divya ek jagah par baithe hai aur unse kuchh dur par Shruti...Jab Shruti Sameer ko dekhti hai tab haath hilaa kar ishaara karte hue kehti hai.
Shruti:- Hi Sameer...Yaha baitho na...Kuch seats khaali hai yaha.
Shruti ki baat Karan aur Priya bhi sunte hai aur wo dono Sameer ki taraf ghur kar dekhte hai...Sameer bhi ignore karte hue chala jaata hai Shruti ki taraf.
Shruti ke pass pahunchne ke baad.
Sameer:- Hi Shruti...Kaisi ho?
Shruti:- Mai to thik hu....Tum bataao kal principal ne tumhe kya kaha?
Shruti ki baat sunne ke baad Sameer thoda chaunk kar kehta hai.
Sameer:- Tumhe kaise pata ki kal mai Principal ki office me gaya tha.
Shruti:- Kal Principal ne hi to kaha tha ki chhuti ke baad mujhse milna jab tumne seniors ko dhoya tha.
Sameer:- Oh...To ye baat hai.
Shruti:- Lekin tumne bataya nahi kal Principal ne kya kiya...Koi punishment mila kya tumhe?
Sameer Shruti ki iss baat ka jawaab deta isse pehle hi Rajesh bich me bola.
Rajesh:- Tumhe kya lagta hai...Koi Sameer ko punish de sakta hai...Isse baat me aur ladayi me koi nahi jeet sakta...Kal isne seniors ki hi nahi Principal ka bhi band baja diya aur Principal kuch nahi kar paaya.
Shruti:- Wow...How cool...Sameer tumhe pata hai mujhe to sabse bada khushi tab mila jab tumne hamare class ki comedian ka bolti band kar diya...Bahut comedy kar raha tha lekin tumhaari ek hi baat se dar kar chup ho gaya.
Sameer bhi Shruti ki iss baat par muskuraa raha tha lekin uski chehre ki muskuraahat kuch hi pal me gaayab ho gaya jab usne Karan ka jawaab sunaa.
Karan:- Ae ladki...Tu mera majaak udaana band kar aur chup ho jaa samjhi...Tabse teri bakwas sunn raha hu...Agar ek baar aur mere baare me kuch bola na to mujh se buraa koi nahi hoga.
Karan ki baat ne Sameer ki muskuraahat ko gussa me badal diya.
Sameer:- Tu abb mujhse park me bhi pitna chahta hai kya? Agar jyaada bakwas kiya na to tera bhi wahi haal karunga jo kal unn seniors ka kiya tha...(Shruti se thoda aage aakar) Shruti tak pahunchne ke liye mai tere aur Shruti ke bich me deewar hu...Lekin ye deewar tujhe bas rokega nahi dho daalega.
Sameer jo kuch der pehle chup tha abb gusse me garaj uttha...Sameer ka gussa dekh Karan bas itna hi bola.
Karan:- Tujhe to baad me dekhunga?
Itna keh kar Karan chup ho gaya lekin Sameer thoda gusse me unki taraf chal diya.
Karan aur Priya Sameer ko apni taraf aata dekh kuch nahi samajh paa rahe the aur thoda ghabra bhi gaye the.
Sameer Karan aur Priya ke saamne jaakar Priya ke haath se mobile cheen leta hai aur ek selfie leta hai aur waapas mobile Priya ko dekar kehta hai.
Sameer:- Maine tumhaare mobile me ek selfie liya hai...Iss comedian ko whattsapp ya facebook kisi me bhi bhej do...(Karan ki taraf dekhte hue) Aur ha comedian kya kaha tha tune "Mujhe baad me dekhega"...Jab Priya tujhe message bhej degi tab baad me nahi kabhi bhi dekh sakta hai mera photo.
Itna keh kar Sameer waapas apne group ki taraf aata hai to dekhta hai ki Rajesh aur Shruti Sameer ki iss harkat par hass rahe the aur Karan aur Priya gusse me laal ho gaye the lekin kuch bolne ki himmat nahi ho rahi thi...Unki gusse me laal aankho ne Sameer ko sabak sikhaane ka soch liya tha...Aur yaha se shuru hota hai inka "The Hatred and Revenge Game".
Karan ka majaak udaane ke baad Sameer haste hue apni team ko join karta hai...Aur kuch der me wo sab apne class ki aur chale jaate hai.
Idhar Karan aur Priya Sameer aur Shruti ko picche se gusse se ghoor rahe the.
Karan:- Kuch jyaada hi hawa me udd raha hai...Lagta hai iska pankh kaatne ka vakt aa gaya hai.
Karan ki aawaj me Sameer ke liye jamaane bhar ka gussa aur nafrat tha.
Priya:- Hmm...Sahi keh rahe ho...Seniors ko pitne ke baad to iska attitide aur bhi badh gaya hai...Jab bhi hamaare saamne aata hai kuch na kuch bol kar chala jaata hai...Kab tak ye bardaasht karte rahenge.
Karan:- Lagta hai badla lene ka time aa gaya hai...Isse aisa sabak sikhaayenge ki jindagi bhar yaad rakhega.
Priya:- Bas Sameer ko hi nahi Shruti ko bhi sabak sikhaana hoga...Ye bhi kuch kam nahi hai...Isne bhi hamaara majaak udaaya hai aur isse ham se kya lena dena jo bich me ghus rahi hai.
Karan:- Sahi keh rahi ho...Kuch plan karte hai jisse ye aage hamse ulajhne ki himmat nahi karenge.
Divya bahut der se Karan aur Priya ki baat sun rahi thi...Abb usse control nahi hua tab wo kehti hai.
Divya:- Band karo tum dono apna bakwas...Ye kya badla lene ki baat kar rahe ho...Choti Choti par badla lene ka soch rahe ho.
Priya:- Tu chup hi reh...Aur apna logic apne pass rakh...Apna beizzati hote dekhna teri aadat hai mai apna beizzati bilkul bhi bardaast nahi karungi...Sameer ko apna kiye ki sazaa bhugatna hoga.
Divya:- Aur mujhe bataayegi Sameer ne aisa kya kar diya ki tum log usse apna badla lena chahte ho?
Priya:- Tere paas to akal nahi hai iss liye tujhe kuch samajh me nahi aata...Tu to hamaare saath hi rehti hai fir bhi pucch rahi hai ki Sameer ne kya kiya...Tere pass aankh nahi hai kya jo tujhe ye nahi dikhta Sameer kaise hamse jo man me aaya wo keh kar chala jaata hai...Sabke saamne beizzat karta rehta hai.
Priya iss baat ko thoda gussa me baat kar rahi thi....Lekin ye gussa Divya ko shaant karaane ke liye kaafi nahi tha.
Divya:- Mere paas aankh nahi hai iss liye mai dekh nahi paayi...Lekin tumhaare paas to yaadasht (Memory) nahi hai jo tum log yaad nahi kar paa rahe ho ki Sameer ne jab bhi tum logo ka majaak udaaya uss time baat ko tum log hi start karte the...Karan baar baar Sameer ko kuch na kuch kehta aur Sameer aake Karan ko acche se jawaab deta tha.
(Priya se) Aur tujhe accha nahi lag raha ki Sameer sabke saamne tum logo ko apne tarike se reply deta hai....Lekin ye baat yaad kar jab usne indirectly hi sahi lekin tum dono ko ragging se bachaaya tha...Agar Sameer ne senior ko maara nahi hota na to to tujhe tera task karna padta...Abb ye mat kehna ki tujhe kisi ko kiss karne me beizzati mehsoos nahi hota.
Divya ne iss baar gussa me Priya se kaha...Priya ko bhi Divya ki baat thoda thoda sahi lagta hai...Lekin wo abhi bhi maanna nahi chahti thi.
Priya:- Lekin usne to khud ko bachane liye seniors par haath uthaaya na...Iss me hame bachaane ki baat kaha se aa gayi.
Divya:- Tu baat ko samajhna hi nahi chahti...Wo tera dost hai kya jo tera help karega...Dost nahi hai fir bhi indirectly tera help ho gaya...Tujhe wo baat kabhi najar nahi aayega...Tera dil aur dimaag me to Sameer ke liye nafrat bhar gaya hai aur ye sab tu dekhegi kaise...Tu ne ek baar bhi usko thanks bola...Nahi tujhe uss me acchayi dikhti hi nahi aur usne koi bura keh diya to chal padi Sameer se badla lene aur ye bhi bhul jaati hai ki ladayi ka suruwat kisne kiya hai.
Itna keh kar Divya chup ho jaati hai...Priya kuch nahi bolti aur Karan ko Divya ki ek ek baat par gussa aa raha tha...Lekin wo show nahi karta...Iss chuppi ko tod kar fir Divya kehti hai.
Divya:- Abb tum dono badla lene ka soch hi rahe ho to koi baat nahi...Jo marzi wo karo...Lekin mai tum dono ka saath nahi dungi...Aur mujhe nahi lagta Sameer se tum dono itna aasani se badla le paaoge...Kahi tumhaara chaal ulta na pad jaaye.
Divya ka bas itna hi kehna tha ki lunch break bhi khatam hota hai aur sab class me chale jaate hai.
Sameer ko abb baaki ki lectures complete karne me koi mushkil nahi hota...Wo dimaag ko shaant rakh teacher ki saari baat sunta hai aur acche se padhne me dhyan deta hai.
College chhuti hone ke baad wo fir Principal office me jaata hai...Baar baar principal office me jaane se wo pareshaan ho gaya tha...Usne soch liya ki wo aaj Principal se baat karke wo saara maamla clear karega aur aage se wo principal office nahi jaayega.
Principal office me jaane ke baad.
Sameer:- Sir aapne Papa se kaha tha ki aap mujhse baat karna chahte hai.
Sameer ne sidha mudde ki baat kiya.
Principal:- Kal tumhaare Papa se baat karne ke baat maine decide kiya ki ek aakhiri mauka deta hu...Abb se tumhaare khilaaf koi complaint nahi aani chahiye.
Sameer:- Ok sir thik hai...Mai complaint ka koi mauka nahi dunga jab tak koi mujhe pareshaan na kare...Agar fir koi mujhe ragging kare to chup nahi baithunga aur sir aap Khanna sir ko bhi samjha dijiye...Jab first day unhone mera complaint kiya tha tab mera galti kya tha? Mai class ko disturb to nahi kar raha tha...Mera mood off tha to lecture ko acche se attend nahi kar paa raha tha...Iss choti si baat ko kheench kar unhone itna bada issue bana diya...Sir aapko yakin ke saath keh sakta hu ki itna to talent hai mujhme ki ek do lecture chhutne ke baad bhi marks par jyaada fark nahi padega...Aur college ko hamaare marks aur result se hi matlab hota hai...Aur mai ek disciplined student hu...Aapne mera jitna bhi complaint suna hai unn complaints me maine kabhi suruwat nahi kiya...Bas acche se jawaab diya hai...Aur mujhe koi afsos bhi nahi hai.
In short mai college padhne ke liye aata hu...Lekin mai majboor ho jaata hu aur aisa kuch aisa kar baithta hu jisse aap apne language me undiscipline kehte hai...Aapse vaada to nahi karunga ki mere khilaaf koi complaint nahi aayega...Lekin itna jarur keh sakta hu ki mai kisi bhi lafde ka suruwaat nahi karunga.
Sameer ne bina dare confidently Principal ki aankh me aankh daal kar keh diya...Principal ko gussa to bahut aaya lekin wo kuch nahi bole...Shaayad bolne ke liye kuch points nahi the aur bas Sameer ki galti ka intejaar kar rahe the.
Principal ko kuch na bolta dekh Sameer pucchta hai.
Sameer:- Sir may I go now?
Sameer ki iss sawaal ka jawaab Principal sir hilaa kar jaane ko kehte hai.
Sameer Principal ke saath iss issue ko temporarily solve karke apne ghar me chala jaata hai...Aur jaate jaate usne kuch dushman bana liya tha (Pratap-Ramesh, Karan-Priya) jo abb Sameer se badla ka intejaar kar rahe the.
Dhire dhire din bitne lage...Sab kuch thik ho raha hai aisa sirf Sameer ko lag raha tha...Seniors aur Karan shaant to the lekin badle ki khayal abhi bhi unke dimaag se nahi gaya tha...Bas sahi mauka ka intejaar kar rahe the.
Sameer ki class me sabse dosti ho gaya tha Karan aur Priya ko chhod kar...Sameer abb unhe puri tarah ignore karne laga tha aur unki taraf koi dhyan bhi nahi deta tha...Bas apne dost aur study me busy rehta tha.
Aise hi kuch mahine baad Sameer, Shruti aur Rajesh canteen me baithe the lunch karte huye...Lunch karte huye Shruti kehti hai.
Shruti:- Sameer tumne notice kiya hai Karan aur uski team aaj kal ek dam shaant ho gaye hai...Lagta hai bolna hi bhul gaye hame dekhne ke baad...Jab bhi hame dekhte hai ek dam se khaamosh ho jaate hai...Accha sabak sikhaaya Sameer tumne.
Rajesh:- Mujhe to ye tufaan se pehle ki shaanti lag rahi hai...Jab bhi wo hame dekhte hai wo chup to rehte hai lekin unki aankhon me hamesha gussa rehta hai...Lagta hai wo koi saazish ki planning kar rahe hai..
Sameer Rajesh aur Shruti ki baat se badhne waali bahas ko rok kar kehta hai.
Sameer:- Cool down guys...Lunch karte vakt ye kaunsa bakwaas topic choose kar liya...Khaane ki time me unke naam lekar mood off mat karo yaar...Unko jo karna hai karne do...Wo jo bhi karenge unka jawaab ham apne tarike se denge jaise abb tak dete aaye hai.
Sameer ka ye kehne ke baad ye fir koi iss topic par baat nahi karta.
Lunch ke baad Sameer aur uska dost fir se class ki taraf jaate hai jaha ek hangaama unka wait kar raha tha.
Class me pahunchne ke baad Sameer aur Rajesh apni jagah par baith jaate hai.
Kuch der baad teacher bhi aakar padhaane lagte hai...Itne me Karan uth kar teacher se kehta hai.
Karan:- Sir kisi ne mera mobile chura liya hai?
Karan ki iss baat par pura class shock ho jaata hai.
Sir:- Tum itna yakin ke saath kaise keh sakte ho ki kisi ne chori kar liya hai? Shaayad tumne hi kahi pe rakha ho aur bhul gaye.
Karan:- Nahi sir canteen jaate vakt maine mobile bag me rakha tha...Lekin abhi nahi mil raha...Acche se check kar liya...Jaroor kisi ne chori kiya hai.
Itna keh kar Karan Sameer ki taraf dekhta hai aur Sameer bhi thoda bahut samajh jaata hai.
Sir:- To fir tumhe kis par shak hai?
Karan:- Sir mujhe kisi par shak nahi hai...Lekin ek baar sabhi ki bag aur pocket check karna padega.
Sir:- Ok thik hai...(Sabhi students se) Mai aakhiri mauka sabko deta hu...Abhi bhi mauka hai agar kisi ne Karan ka mobile liya hai to usse lauta do...Agar pakde gaye to Principal sir se complain kar dunga aage ki punishment wo karenge.
Lekin koi students reply nahi deta...Sabhi ko pata tha ki kisi ne chori nahi kiya.
Aur uske baad suru hota hai checking ka daur...Aur Karan ka mobile Sameer ki bag me mil jaata hai...Sameer ke saath saath sabhi students and teacher shocked ho gaye the...Yaha tak ki Priya aur Divya bhi.
Karan:- Sameer tumne mera mobile churaaya...Mujhe to yakin nahi ho raha tum itna gir jaaoge ki mera mobie hi churaa loge...Apni dushmani ke liye tumne mera mobile churaaya...Tumse ye umeed nahi tha.
Karan ne bahut innocently kaha...Sameer ko abb sab baat samajh me aa gaya.
Sameer:- Abe Kameene...Band kar apna bakwas acting...Sab jaanta hu mai ye tera hi kaam hai mujhe fasaane ki...Lekin koi baat nahi tera ye plan bhi fail ho jaayega...CCTV footage se pata chal jaayega ki ye kiska kaam hai jisne mere bag me mobile rakha hai.
Sameer ne gussa aur confident se kaha...Sameer ka ye kehne ke baad Karan ki khushi ki chamak achaanak gaayab ho gayi...Abb uske chehre me dar ki bhaaw aane lage.
Karan Sameer ki baat sunkar bahut dar gaya...Sir ne bhi keh diya tha ki aage ki punishment principal karenge...Usse to aage kya hoga ye soch kar abhi se dar lag raha tha...Kahi principal usko college se nikaal to nahi denge ye dar bhi ab usko sataa raha tha...Apni iss harkat jab puri class ko pata chalega to kitna beizzati hoga ye sab dar ki vajah se uska chehre ki rang ek dam se badal gaya aur abb wo uss pal ko kosne laga jab usne Sameer ki bag me mobile rakhne ki murkhata kiya tha...Sameer ko fasane ki chakkar me khud hi fass gaya Karan.
Sir:- Ha ye thik rahega...CCTV ki help se pata chal jaayega kisne tumhaara mobile chori kiya tha.
Sir ne Karan ki taraf dekh kar kaha to Karan aur bhi dar gaya...Bas himmat jutaa kar itna hi bol paaya.
Karan:- Sir mujhe yaad aa gaya galti se maine apna mobile Sameer ke bag me rakh diya tha.
Karan himmat jutaa kar darte hue bas itna hi bol paaya...Abb sabhi students Karan ko ghurne lagte hai isse Karan aur bhi ghabra jaata hai.
Sir:- What? Ye kya keh rahe ho abb tum? Kuch der pehle tak to confirm ho kar bol rahe the ki kisi ne tumhaara mobile churaya hai...Lekin abb keh rahe ho ki tumne khud hi apna mobile Sameer ki bag me rakha hai...Tumhe itni si baat bhi yaad nahi? Aur tumne sara class ko disturb kar diya.
Sir ki gusse se bhari aawaj se Karan aur bhi jyada dar gaya...Shaayad jindagi me pehli baar itna dar raha tha wo...Bhagwan se bas ek hi dua kar raha tha ki iss baar bachaalo agli baar se aisa galti nahi karunga.
Karan:- Sir mera aur Sameer ka phone same model ka hai...Mujhe laga Sameer ka mobile class me chhut gaya iss liye maine uska mobile uski bag me rakh diya...Aur Sameer ki baat se yaad aaya ki wo to mera mobile hai...Thoda sa misunderstanding ho gaya...Sorry Sir.
Karan ne kuch soch kar ek idea nikaala bachne ka....Sameer ko uski baat thoda ajeeb lag raha tha lekin wo abhi kuch bolta nahi.
Sir:- Tumhaara ye chhota sa misunderstanding ki vajah se dekho kitna time loss ho gaya lectures ki...Dusro par ungli uthaane se pehle khud acche se confirm ho jaao ki galti dusre ne hi kiya hai...This must be your first and last mistake.
Sir ye baat keh kar fir se padhaane me busy ho gaye...Sabhi students dhire dhire lecture ki taraf focus karne lagte hai Karan, Sameer, Priya, Divya, Rajesh aur Shruti ko chhod kar...Karan ko apna beizzati mehsoos ho raha tha aur uss pal ko kose jaa raha tha aur baaki sabhi Karan ki iss harkat se shocked the...Kisi ne nahi socha tha ki karan aisa kar sakta hai.
Kuch der baad lecture khattam ho jaata hai aur Sameer utth kar Karan ke pass jaata hai aur kehta hai.
Sameer:- College chhuti hone ke baad parking me mujhse milna aur bhaag mat jaana...Tujhse kuch baat karni hai.
Itna keh kar Sameer bina Karan ki baat sunne waapas apni jagah par aakar baith jaata hai...Karan bhi khaamosh ho kar Sameer ki baat suna lekin koi jawaab nahi diya.
Aise hi college ki chhuti bhi ho jaata hai...Sameer, Shruti aur Rajesh parking me pahunch kar Karan ka wait karte hai...Kuch der baad Karan bhi sir jhuka kar aata hai...Saath me Priya aur Divya bhi thi.
Jab Karan Sameer ke saamne jaata hai tab Sameer jor jor se hasta hai aur kisi ko iski vajah samajh me nahi aata...Sab Sameer ko dekh rahe the...Kuch der hasne ke baad Sameer kehta hai.
Sameer:- Aise dekho mat...Mai to iss Karan ki aaj ki harkat par hass raha tha...Ye comedian laghbhag 2 months se shaant tha...Mujhe to pehle se hi laga tha ki ye kuch na kuch jaroor karega...Lekin ye nahi socha tha ki ye aisi baccho waali harkat karega...(Karan ki taraf dekhte huye)" Little knowledge is dangerous" ye to tune suna hoga na lekin samajh nahi paaya iska matlab...Jab tujhe dusro ko fasaane ka idea hi nahi hai to karta hi kyu hai ye sab...Pehle acche se sikh lena fir try karna.
Sameer suru me to thoda hass kar baat karta hai lekin jald hi uski hassi ki jagah gussa le leta hai...Karan kuch nahi bol paa raha tha...Galti khud ka tha to bolta bhi kya.
Kuch der ki khaamoshi ko tod kar Sameer fir se kehta hai.
Sameer:- Aur kameene tu Sir se bhi jhooth bol raha tha...Tera aur mera mobile ka same model hai.
Sameer ki iss baat par sabhi fir se hairaan ho jaate hai aur Karan ko ghurne lagte hai.
Sameer:- Chahta to tujhe wahi fasa sakta tha...Aur ye case Principal tak pahunch jaata to wo pakka tujhe college se nikaal dete...Unhe bahut shaukh hai rusticate karne ki...Waise mai apne dushmano par jyaada daya nahi dikhaata lekin tera career kharab ho jaayega ye soch kar last mauka diya hai.
Sameer itna keh kar apne dosto se waha se nikalne ke liye aage badhta hai tabhi kuch soch kar waapas Karan ki taraf jaaa kar kehta hai.
Sameer:- Dear comedian group...Ek baat kehna chahta hu...Abhi tak mai bas tum logo ki action ko defend kar raha hu...Kabhi maine panga ki suruwaat nahi kiya...Lekin har baar band tum logo ki hi bajti hai...Lekin abb tum log hadd paar kar rahe ho...Agar mai attack karu to bach nahi paaoge...Jeena mushkil kar dunga...Yaad rakhna.
Itna keh kar Sameer style se goggle pehan kar waaha se nikal jaata hai...Karan aur Priya usko bas ghurte reh jaate hai...Shruti apne car se nikalti hai...Karan aur Priya bhi gusse me nikal jaate hai...Divya kuch der ke liye wahi khadi rehti hai...Divya ko aisa akela khada dekh Rajesh ko lagta hai yahi sahi mauka hai Divya se baat karne ka...Aur wo Sameer se kehta hai.
Rajesh:- Sameer mai abhi aata hu.
Itna keh kar Rajesh Divya ki taraf jaata hai...Sameer uska bike me baith kar wait kar raha tha aur jab usne Rajesh ko Divya ki taraf jaate dekha tab mushkuraa kar khud se hi badbadata hai.
Sameer:- (badbadate huye) Ye Rajesh bhi na...Pyaar karne ke liye isko dushman gang ki ladki hi mili...Koi baat nahi Divya baaki ke dono se to acchi hi hai.
Rajesh Divya ke pass pahunch jaata hai aur siddhe mudde ki baat kehta hai.
Rajesh:- Excuse me...Kya mai aap se ek sawaal pucch sakta hu?
Rajesh ki aawaj sun Divya picche mudd jaati hai...Rajesh ko yaha abhi dekhna aur uski baato se Divya ko hairaani ho raha tha.
Divya:- Ha pucchiye.
Hairaani me Divya ne bas itna hi kaha.
Rajesh:- Aapki group ko mai notice kar raha hu...Lekin aap to aapke do dosto se bilkul alag hai...Unki tarah ghamand nahi dikhaati unki tarah kisi se pange nahi leti...Mujhe to ye baat samajh me nahi aa raha ki aap unke dost kaise bani yaa fir wo aapke dost kaise bane?
Rajesh ne apna confusion apne sawaal ke jariye Divya se puch liya.
Divya:- Priya to meri bachpan ki dost hai...Aur aap jaisa soch rahe hai Priya ke baare me wo waisi nahi hai...Bahut hi acchi ladki hai...Aur saath me thoda ghamand aur ego...Koi uska majaak udaaye yaa fir koi usko gussa dilaaye wo uss baat ko ego ke roop me le leti hai...Aur tab tak nahi chhodti jab tak badla nahi le leti...Aapke dost Sameer baar baar uska majaak udaa raha hai...Aur ye baat usko bardaasht nahi ho raha...Abhi tak to usne kuch kiya nahi hai lekin wo chup baithne waalo me se nahi hai...Jab Sameer ko acche se beizzat na karde tab tak uska badla pura nahi hoga...Agar ego aur ghamand ko hataa de to wo bahut hi acchi ladki hai.
Aur Karan ka to mujhe nahi pata...Wo to mujhe bhi bahut ajeeb lagta hai...Aaj tak usse koi baat nahi kiya hai maine usse...Wo to Priya ka dost hai iss liye Priya ka saath rehti hu.
Rajesh:- Oh...To ye baat hai...Udhar Sameer ka gussa aur nafrat dono badhne laga hai Priya aur Karan ke liye...Sameer ke pass ghamand to nahi lekin ego bahut hai...Lagta hai inn dono ke ego ke chakkar me ek din bahut bada ladayi hone waala hai...Sameer to Priya aur Karan ko ignore kar raha hai...Usse ladne ka koi shauk nahi hai...Ha agar Priya aur Karan kuch karte hai to palatwar jarur karta hai...Aap please Priya ko samjhaiye ki Sameer ko pareshaan na kare...To hi maamla shaant ho sakta hai warna bahut bigad jaayega...Sameer ko to mai bahut baar samjha chuka hu...Lekin wo maanta hi nahi...Agar koi usse bematlab pareshaan kare to wo kisi ka bhi nahi sunta.
Divya:- Same problem hai Priya ke saath...Jab wo koi baat thaan le to kisi ka bhi nahi sunti...Maine bhi usko samjhaaya ki Sameer se dur raho lekin nahi usse to badla chahiye...Isme Karan ka bhi haath hai...Jab pehli baar Sameer aur Priya ka fight hua to wo Karan hi tha jisne Priya ko support kiya aur uss chakkar me maar bhi khaaya...Aur Priya Karan ko ek saccha dost samajh baithi hai aur ussi ki badhaawe me aa kar wo Sameer se badla lena chahti hai.
Rajesh:- To bhagwaan hi bacha sakte hai dono ko...Koi picche nahi hat raha...Ek din baat bahut bigad jaayega iska mujhe abhi se pata chal raha hai...Priya picche hategi nahi aur Sameer bhi maanega nahi...Upar se Shruti bhi usko aur chaddha rahi hai.
Accha chalta hu...Bahut der ho gaya hai.
Itna keh kar Rajesh waapas Sameer ke pass aa gaya...Aur Sameer ki bike par baith gaya.
Sameer:- Itni der se kya kar raha tha?
Sameer ne majaak me puccha.
Rajesh:- Divya se baat karne gaya tha.
Sameer:- Aisa kya baat kar raha tha jo itna der lag gaya.
Sameer hasste huye bola.
Rajesh:- Koi khaas baat nahi yaar...Chal ghar chalte hai.
Rajesh ne chhidhte hue jawaab diya...Pehle hi wo Sameer aur Priya ki vajah se pareshaan tha aur Sameer ki hasskar baat karne se wo chhidh gaya.
Lekin Rajesh ki baat se Sameer par koi fark nahi padha...Wo apna majaak jaari rakhte hue bola.
Sameer:- Oh sorry...Maine bhi kya pucch liya...Abb lovers ke bichh bahut saari baate hoti hai...Abb har baat to bataai nahi jaa sakti...Lekin yaar tujhe dushman group ki hi ladki mili pyaar karne ke liye.
Sameer to majaak me ye sab keh raha tha lekin Rajesh Sameer ki baat se shocked aur gussa dono ho gaya.
Rajesh:- Kya? Mai aur Divya pyaar karte hai...Ye kya bakwaas kar raha hai...Aur ek baat samajh le wo tere dushman hai mere nahi...Abb bakwaas band kar aur ghar chal.
Rajesh ne iss baar bahut gusse me jawaab diya...Pehle hi wo bahut pareshaan tha aur Sameer ka majaak usse sehan nahi ho raha tha.
Sameer ko bhi ehsaas ho gaya ki usne kuch jyaada hi majaak kar diya hai...Rajesh ka gussa dekh usne shaant rehne me hi bhalaayi socha aur nikal gaya apne ghar ke liye.
Sameer aur Rajesh to ghar jaa rahe the lekin wo dono iss baat se puri tarah anjaan the ki koi unke khilaaf badle ki saazish rach rahe the.
Pratap Ramesh ke ghar me aaya tha aur baat karte karte dono Sameer ki baat par aa gaye.
Pratap:- Yaar uss Sameer ne to pura college ke saamne hamaare izzat kharaab kar diya...Abb to juniors bhi hame aankh dikhaane lage hai.
Ramesh:- Ha yaar...Pure college ke saamne ham par haath uthaaya...Aur principal ne bhi kuch nahi kiya...Aakhir hai kaun wo ladka.
Pratap:- Wo iss sahar ke sabse famous Doctor Sanjay Sharma ka beta hai...Uske paas paise ki koi kami nahi...Issi vajah se shaayad Principal unhe nahi nikaal paaya.
Ramesh:- Iss liye itna ucchal raha hai...Hame maarne ke baad to uska himmat aur bhi badh gaya hai...College me celebrity ki tarah behave kar raha hai...Jaldi hi uska ghamand todenge aur bataayenge ki senior se panga lena kitna bhaari padd sakta hai...Aur tabhi college me hamaara izzat waapas badhega.
Pratap:- Paise aut taakat se to ham uska kuch bigaad nahi sakte...Ek plan banana padega jisse ham apna badla le paayenge.
Ramesh:- Lekin kya plan banayenge yaar...Mujhe to kuch samajh me nahi aa raha hai.
Pratap:- Samajh me to mujhe bhi nahi aa raha ham kya karna hai....Kuch sochte hai shaayad kuch idea nikal jaaye.
Ramesh:- Mujhe nahi lagta ham dono koi idea nikaal paayenge uske khilaaf...Abb ek hi raasta najar aa raha hai jab wo koi galti karega yaa fir kamjor padega tab ham uske khilaaf kuch karenge.
Pratap:- Ha ye sahi rahega...Ham uski galti ka intejar karenge...Aur fir usko sabak sikhaayenge...Kabhi na kabhi to kuch galti karega hi wo...Hame ek sher ki tarah kaam karna chahiye...Jo shikaar karne se pehle ek dam shaant rehta hai aur jab mauka milta hai tab wo dahaad kar apne dushmano ka shikaar karte hai.
Pratap aur Ramesh ki aankho me Sameer ke liye gussa aur nafrat tha aur dil me badla lene ka iccha.
