If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Aise hi fir se din bitne lage...Sab kuch fir se shaant ho gaya tha...Karan, Pratap aur Ramesh ka Sameer ka badla lene ka iccha chhod kar...Pratap aur Ramesh to ekdam shaant the...Wo kuch bolte to nahi the lekin sahi mauke ka intejaar kar rahe the...Lekin unhe aisa koi mauka nahi mila....Aur dusri taraf Karan to badle ki aag me har pal jal raha tha lekin usse to kuch samajh me hi nahi aa raha tha ki kya kare...Kaise badla le...Agar thodi si bhi galti ho gayi aur Sameer ko pata chal gaya to kya hoga ye baat usse acche se pata tha...Wo bhi ek accha sa plan ki intejaar me tha jo usse kabhi nahi milne wala hai...Aur Priya picchle kuch dino se ho rahi jhagde ko bhul kar sirf apne padhaayi par dhyaan de rahi thi...Sameer se badla lene ka khayaal usne apne dimaag se nikaal diya tha lekin usse kya pata tha ki aane waale dino me uski aur Sameer fir se dushman ban jaayenge...Lekin uski aur Karan ki dosti me koi kami nahi aaya tha...Wo dono abb bhi ek acche dost the.
Iss bich Rajesh aur Divya bhi acche friends ban gaye the...Kabhi kabhi dono college me baat kar lete the aur koshish karte the ki Priya aur Sameer ke bich koi ladaayi na ho...Priya ka Sameer se badla lene ka khayaal apne dimaag se nikaal lene ke baad ye dono kuch pal ke liye kaaamyaab to rahe...Lekin ye tufaan se pehle waale shaanti tha...Pata nahi aane waale tufaan me kitna kuch tabaah hone waala tha aur ye log uss tufaan se nikal bhi paayenge ya nahi.
Aise hi ek din Sameer, Rajesh aur Shruti canteen me baithe the...Tabhi Shruti kehti hai.
Shruti:- Rajesh tumse ek baat kehna tha mujhe?
Shruti ki baat par ek pal ke liye Sameer aur Rajesh dono hi shocked ho gaye...Ye first time tha jab Shruti ne directly Rajesh se baat kiya ho...Wo sirf Sameer se hi baat karti thi.
Rajesh:- Haa kaho.
Shruti:- Mujhe lagta hai tumhe Divya se dosti nahi karni chahiye.
Shruti ne sidha mudde ki baat kiya...Lekin Shruti ki iss baat se Rajesh shocked aur gussa dono ho gaya.
Rajesh:- Aur wo kis liye?
Rajesh ne bhi gusse me jawaab diya.
Shruti:- Simple baat hai...Wo hamaare dushman ki friend hai...Aur tum hamaare dushmano se friendship karo ye accha nahi hai...Kya pata wo tumhaara istemaal kar rahe ho...To samajh gaye na tum usse abb dosti nahi rakhoge..
Shruti ne hukum dete huye kaha jisse Rajesh ki gussa ki koi seema abb nahi raha...Wo bhi gusse me jawaab deta hai.
Rajesh:- Nahi....Mujhe kisi ki salah ki jarurat nahi hai...Aur tum bhi ye baat acche se sun lo mai kisi ke kehne par Divya se friendship nahi todunga...Agar tum dekh nahi sakti to aankhe band karlo, sun nahi sakti to kaan band karlo aur agar bardaast nahi kar sakti to hamse dur chali jaao.
Rajesh ki baat se hi pata chal raha tha ki wo kitna gussa me tha...Lekin ye gussa kaafi nahi tha Shruti ko rokne ke liye.
Shruti:- Agar tum uss ladki se dosti rakhoge hi to thik hai...Tum hamaara group chhod do...Ham nahi chahte ki hamaare group me koi gaddar rahe.
Shruti ki baat sun kar bahut der se shaant raha Sameer bhi chaunk gaya...Wo kuch bolne hi waala tha ki gusse me tilmilaaya Rajesh ne bol diya.
Rajesh:- Group kaun sa group...Mai iss koi group nahi maanta...Mai to bas Sameer ka dost hu naaki tujh jaise chipku ladki ka...Mujhe tujhse koi matlab nahi...Mai to bas Sameer se baat karta hu...Agar isse tujhe koi problem hai to mujse koi parwah nahi...Mujhe jo accha lagega wo karunga...Aur ek baat sunle mai Divya aur Sameer kisi se bhi apna dosti nahi todunga chaahe tu jitna bhi jor laga le.
Rajesh ki iss baat se Shruti ko bahut gussa aaya aur wo apna insult bhi mehsoos kar rahi thi...Abb wo Rajesh ko chhod Sameer se kehti hai.
Shruti:- Sameer tum chup kyu ho? Dekho ye kab se bakwaas kiye jaa raha hai aur tum ho ki sabkuch chup ho kar sun rahe ho.
Shruti ko laga ki Sameer uski baat sunega lekin Sameer ne usse jo kaha wo Shruti umeed nahi kar rahi thi.
Sameer:- Mai kuch nahi bolne waala...Tum dono ki problem hai...Khud solve kar lo...Mai kisi ki baato me dakhal andaazi nahi karta...Aur waise bhi Rajesh sahi hai...Wo Divya ka friend hai to kya problem hua...Karan aur Priya ka to nahi hai na...Aur maan lo Divya bhi hamaare dushman hai to bhi mujhe kuch problem nahi...Mai dushmano se darta nahi unka saamna karta hu...Tum aur Rajesh dono mera friend ho...Aur tum dono ke fight me mai nahi kisi ka saath dunga naa hi kisi ko kuch kahunga...Apna matter khud solve karo.
Sameer ki baat se Rajesh bahut khus hota hai to Shruti ko bahut gussa aata hai...Rajesh ko lag raha tha ki usse sach me ek saccha dost mil gaya hai to Shruti apne insult bardaast nahi kar paa rahi thi.
Kuch time ke liye koi kuch nahi bolta...Kisi ke pass bolne ke liye kuch bacha hi nahi tha...Issi tarah kuch der baad lunch break bhi khatam ho jaata hai...Sameer aur Rajesh utth kar class ki taraf chalte hai lekin Shruti bas gusse se usko picche se ghurti rahi...Uski aankhein gusse se ekdam laal ho gaye the...Bas vakt ko hi pata tha Shruti ka ye gussa kya tufaan laane waale hai jisse sabhi ki life me bahut asar padne waala hai aur yahi Sameer ko bhool karne par majboor kar dega.
Abb wo bhi utth kar class ki taraf jaane hi waali thi ki picche se ek ladki ki aawaj ne usse rok diya.
Ladki:- Shruti...Itna gussa kyu hai yaar?
Ladki ne Shruti ki laal aankhein aur uski chehre ko dekh kar puccha.
Shruti:- Kuch nahi Neha...Bas chhoti si baat hai.
(Note:- Ye wahi Neha hai jiske baare me Update 5 me likha tha...Neha Shruti ka dost hai.)
Neha:- Ye koi chhoti baat nahi ho sakta...Jitna mai tujhe jaanti hu tu jaldi gussa nahi hoti lekin jab bhi tujhe gussa aata hai wo bahut hi khatarnaak hota hai...Aur abb tera chehra hi bata raha hai ki tu kitna gussa hai? Abb mujhse chupaana band kar aur jaldi bata baat kya hai?
Shruti:- Sach kaha tune...Bahut gussa aa raha hai mujhe...Abhi ye Rajesh ne mujhe kitna kuch sunaaya aur ye Sameer ussi ka side le raha tha...Rajesh par hi nahi mujhe ye Karan, Priya aur Divya sabhi par gussa aa raha hai...Dekhna ek din inn sab ko accha sabak sikhaaungi.
Neha:- Aur Sameer ko?
Shruti:- Sameer se mai kyu gussa karu...Wo to mera dost hai...Ye baaki ke log jo Sameer ke picche hai unse mai gussa hu...Sabse jyada Priya se.
Neha:- Sameer sirf tera dost hai.
Neha ne alag andaaz se kaha jisse sun kar Shruti ko thoda gussa aa gaya.
Shruti:- Kya matlab hai tera? Sameer sirf mera dost hai...Ha baaki ke dosto se accha lagta hai...Uske saath baat karna, time spend karna accha lagta hai...Koi usko pareshaan kare yaa fir koi Rajesh ke jaisa chamcha banta fire ye mujhe accha nahi lagta...Aur tu jo soch rahi hai na aisa bilkul bhi nahi hai...Aur ha aage se aisa bakwas mat karna.
Shruti ki baat par Neha thoda muskuraakar kehti hai.
Neha:- Shaayad tu apni feeling se anjaan hai...Tune abb iss baare me baat karne se mana kar diya hai to mai bhi nahi karungi...Lekin bahut jald tujhe ehsaas ho jaayega ki Sameer bas tera dost nahi usse bhi badhkar hai...Aur wo teri baato se, harkat se pata chal raha hai...Abb ye baatein chhod aur abb tu class me jaa...Time ho gaya hai.
Iske baad Shruti class me chali jaati hai aur Neha ke dimaag me ek idea aata hai Shruti ki help karne ka...Aur uska pehli target me Priya thi.
Issi tarah se din bitne lage...Sameer ka Karan, Priya aur Divya se koi baat nahi hota tha...Karan ki baat abb Divya se kabhi kabhi ho jaata tha...Rajesh aur Shruti ek dusre se baat karna band kar chuke the.
Aise hi ek din canteen se aane ke baad Sameer Rajesh aur Shruti ke saath college ke park me baitha tha...Wo dono kuch baat kar hi rahe the ki Sameer ke picche se Priya aati hai aur usko apni taraf ghuma kar ek jordaar thappad Sameer ki gaalon me laga deti hai.
Sameer ko ek pal ke liye to kuch bhi samajh me nahi aaya ki kya hua...Kuch pal baad usko hosh aaya aur pata chala ki Priya ne usse thappad maara hai...Sameer ki aankh gussa se ek dam laal ho gaya...Jindagi me pehli baar Sameer ko aisa gussa aaya tha...Koi Sameer ko maare ye Sameer se bardaasht nahi hota tha aur shaayad hi Sameer ne apne Maa aur Papa ko chhod kar kisi se maar khaaya ho...Aur aise me ek ladki jisse wo nafrat karta hai aur bina uski galti usse thappad maarti hai...Ye baat Sameer se bilkul bhi bardaasht nahi hua.
Jab Sameer ne apni aankhein utha kar Priya ki taraf dekha to usne dekha ki Priya ki aankho me aansu the...Ek pal ke liye to Sameer confused ho gaya ki kya maamla hai ye sab...Ek baar chaaro taraf Sameer ne apni najar daudaya to dekha ki park me maujood sabhi log usse hi ghoor rahe hai...Sameer ko aaj apna beizzati mehsoos ho raha tha...Usne socha ki khinch ke ek thappad maare Priya ko par isse pehle wo ek baar baat kya hai wo jaana chahta tha.
Sameer:- Kyu maara mujhe thappad?
Sameer gusse me bas itna hi keh paaya...Sameer ki aawaj aur uski aankho se hi uska gussa ka pata chal raha tha...Koi aur hota Priya ki jagah to wo dar jaata lekin Priya ki aankho me aansu tha...Usko thoda sa bhi dar nahi lag raha tha.
Priya ko jawaab na deta dekh Sameer ek baar fir gusse me wahi andaaz se bola.
Sameer:- Abb bataayegi bhi ki mujhe kyu maara?
Sameer ka gussa dekh koi bolne ka himmat nahi kar raha tha...Shruti aur Rajesh to bas Sameer ko hi dekh rahe the...Priya ka jawaab na milne se Sameer gussa me aur fraustrated ho gaya.
Wo fir se bolne ke liye munh kholne hi waala tha ki Priya ne kuch photos Sameer ki taraf badha diya.
Sameer ne jaise hi photo dekha wo ek dam se shocked ho gaya...Kuch pal ke liye shaant ho gaya...Sameer ko shaant dekh Shruti aur Rajesh bhi Sameer ke pass aa gaye aur uske haath se photo lekar dekhne lage...Photo dekh kar wo dono shocked ho gaye...Dono me se kisi ko bhi vishwaas nahi ho raha tha ki ye sach hai.
Photo me Sameer aur Priya dono ek smile ke saath ek dusre ki aankho me dekh rahe hai...Photos dekh kar to koi bhi ye bata sakta hai ki dono lovers hai yaa fir inn dono ka chakkar chal raha hai.
Abb Sameer ko samajh me aaya ki Priya ne Sameer ko kyu thappad maara...Rajesh aur Shruti Sameer aur Priya ko ghur kar dekh rahe the...Shruti ko to samajh me nahi aa raha tha ki kya bole...Wo to bas Sameer ko gusse se khaa jaane waali najar se dekh rahi thi.
Kuch der tak shaant rehne ke baad Sameer ne Priya se kaha.
Sameer:- Bewkoof ladki tu nahi jaanti kya ye fake photo hai...Kisi ne edit kiya hai...Aur ye photo dikha kar kya saabit karna chahti hai? Aur mujhe maara kyu?
Sameer photo dekh kar shocked to ho gaya tha lekin uska gussa abhi bhi kam nahi tha.
Priya:- Tum khud hi ye sab karke puch rahe ho ki kisne edit kiya?
Priya ne rote hue ye kaha.
Sameer:- Kya? Maine kiya ye sab...Tumhaara dimaag to thik hai....Ye kya bakwass kar rahi ho?
Sameer ka gussa pal bhar me shock me badal gaya...Sameer ke saath saath Shruti aur Rajesh bhi shocked the ki ye sab ho kya raha hai.
Priya:- Ha tumne edit kiya mujhe badnaam karne ke liye...Tumne college me sabhi ko ye photo baant diya...Ha ham dono dost nahi aur shaayad ek dusre se nafrat bhi karte hai...Lekin tum apna dushmani nikalne ke liye iss hadd tak gir jaaoge ye tumse maine expect nahi kiya tha...Karan ke saamne to bahut shaan se kehte thhe ki tumhe hamse koi lena dena nahi hai aur ham tumse dur rahe...Jab mai tumse dur rehne lagi to tumne ye kar diya.
Sameer Priya ki har ek baat se shocked aur gussa ho raha tha...Jo galti Sameer ne kiya hi nahi uska aarop Priya uss par laga rahi thi ye Sameer se bardaast nahi hua...Priya ko chup karaate huye Sameer bola.
Sameer:- Band kar apna ye magarmach ke aaansu bahana...Abb samajh me aaya ye bhi tum logo ki plan hai mujhe badnaam karne ke liye...Aakhir kya saabit karna chaahti hai yaha students ka bheed jama karke...Aise emotional hone ki naatak karke aur bheed ka sahanubhuti paakar tu kya sochti hai tu mujhe badnaam kar degi?
Iss baar Sameer ne ulta Priya par aarop laga diya...Pehle se bheed abb badh gaya tha park me...Ek to Sameer ne Priya par bhadakte huye aarop laga diya aur upar se students bhi Priya ko ghur rahe the...Priya ko apna bahut beizzati mehsoos ho raha tha...Wo waha se bhaagne hi waali thi ki Karan aur Divya aa gaye...Karan ne Priya ko rokte hue puccha.
Iske baad Priya ne rote hue saari baat Karan se keh diya.
Karan ne jaise hi ye sunaa...Wo gusse se aage badh kar Sameer ke pass gaya aur jaise hi wo Sameer ke collar pakadne waala tha Sameer ne uska haath pakad kar gusse me kaha.
Sameer:- Agar tune mera collar pakda to tera ye haath tod ke rakh dunga...Aur kutte tere pass aaj dam kaha se aa gaya jo mujhse ladne chala aaya...Mai chup hu iska matlab ye nahi ki mai kuch nahi karunga...Agar dimaag jyaada kharaab hua to dauda dauda kar maarunga aur koi tujhe mujhse nahi bacha paayega.
Sameer ka gussa itna tha ki Karan ka gussa ek pal me gaayab ho gaya...Abb wo thoda darte hue kehta hai.
Karan:- Dekh Sameer tu ye galat kar raha hai...Apne taakat ke dam par tu aisa nahi kar sakta Priya ke saath.
Karan aur kuch kehta isse pehle hi Sameer usko chup kara kar fir se wahi tej aawaj me bola.
Sameer:- Tum sab ke sab gawaar ho kya? Ek baar keh diya to samajh me nahi aata kya? Maine ye sab nahi kiya...Ulta mai to hairaan ho gaya hu iss baat ko sunn kar...(Karan ko aankhe dikhaa kar) Sach sach bol ye tum dono ka plan to nahi.
Karan Sameer ka ye baat sun kar shocked ho gaya...Wo kuch react karta isse pehle Priya rona band karke kehti hai.
Priya:- Stop it Sameer...Ek to tum apna galti nahi maan rahe aur upar se ham par hi ilzaam laga rahe ho...Agar tumne college me photo distribute nahi kiya to wo ladki ne mujhse kyu kaha ki Sameer ne ye photo bheja hai aur mujhe de diya.
Priya ki iss baat par sab ko fir ek jhatka laga...Rajesh aur Shruti to darshak hi ban gaye the...Unhe kuch samajh me nahi aa raha tha ki ye sab ho kya raha hai...Bas Sameer aur Priya ki baat sun rahe the.
Sameer:- Abb ye kya naatak hai...Kaun ladki...Kiski baat kar rahi ho? Aur mai kyu kisi ladki ko photo dunga jiske baare me mai jaanta tak nahi...Bas tum aur Shruti hi wo ladki ho jise mai acche se jaanta hu.
Sameer Priya ki baat se fir hairaan ho gaya...Uske dimaag me kuch bhi samajh me nahi aa raha tha ki ye sab ho kya raha hai...Aur kitna twist aana baaki hai bas yahi confusion me wo apna sir khujaa raha tha.
Priya bas idhar udhar najar ghuma rahi thi aur uski najar ek ladki par gayi jo dari hui si akeli khadi thi.
Priya ne bina der kiye usse bulaaya.
Priya:- Ae ladki...Idhar aa.
Priya ne dhire se bulaaya...Rone ki vajah se uski aawaj thoda kam ho gayi thi lekin saath hi wo gusse me bhi thi...Aur darte hue wo ladki Priya ke pass aayi...Lekin Priya ke pass aate hi thoda himmat karke usne Priya se puccha.
Ladki:- Ha kahiye...Kya kaam tha aapko mujhse?
Ladki ne kisi girgit ki tarah apna rang badal liya...Aur isse dekh kar Priya ko bahut tej gussa aaya aur khinch ke ek thappad uss ladki ki gaal me lagaayi aur thoda tej aawaj me boli.
Priya:- Jyaada naatak karti hai...Tu hi wo ladki hai jo mere pass apna face cover karke aayi thi aur photo de kar kaha ki Sameer ne mujhe diya hai aur sab ko baanta hai.
Priya ki baat se Sameer ke saath sabhi ek baar fir hairaan ho gaye...Wo ladki to andar se bahut dar gayi thi lekin fir bhi himmat karke boli.
Ladki:- Shaayad aap ko koi galatfehmi hua hai...Mai wo ladki nahi hu...Aur mai to aapko jaanti tak nahi.
Priya:- Jaanti to mai bhi tujhe nahi hu...Lekin itna jarur jaanti hu ki tu hi wo ladki hai jisne mujhe photo diya tha...Jab tune baahar aake apna chehre se wo cover nikaala tab maine dekh liya tha tera ye chehra.
Priya ne bahut gusse me ye baat bola...Abb wo rona band kar chuki thi...Abb uski aankho me aansu ki jagah gussa tha jisse dekh wo ladki hi haalat kharaab ho raha tha.
Students ki itni jyada bheed badhne ki vajah se Principal bhi hairaan ho kar students ke bicch se ghatna waali jagah par pahunch gaye.
Principal Sameer ko dekh ek baar fir chaunk gaye aur samajh gaye ki jarur Sameer ne koi tamasha kiya hoga...Unhe lag raha tha ki Sameer ko college se nikalne ka sabse accha mauka hai...Saanp bhi mar jaayega aur laathi bhi nahi tutega...Fir kya tha unhone apne raubdaar aawaj ke saath Sameer se puccha.
Principal:- Sameer ye kya tamasha kar rahe ho tum log? Bhulo mat ye college hai koi circus nahi....Jaldi bataao baat kya hai?
Principal ki iss baat par Sameer muskuraate hue Principal se sab kuch kehta hai (Uss ladki ke baare me chhod kar) aur last me jo kehta hai.
Sameer:- Sir aap jaana chaahte hai wo ladki kaun hai jo iss tamasha ki mukhya vajah hai aur jisne mera naam lekar Priya ko photo bheja tha.
Principal:- Haan...Kaun hai wo?
Sameer:- (Uss ladki ki taraf ungli dikhaate hue) Wo hai aapki beti Miss Neha...Abb aap bataiye kya punishment denge aap apni beti ko iss galti par...Rusticate yaa fir kuch aur...
Sameer ne muskuraate hue kaha...Sameer ka itna kehna tha ki Neha aur Principal ki haalat ek dam se kharaab ho gaya.
Principal ye sunn kar bahut buri tarah se chaunk gaye...Unhe vishwash hi nahi ho raha tha ki Neha aisa kar sakti hai...Ek najar chaunkte hue unhone Neha par daala to dekha Neha bhi bahut buri tarah se dar gayi thi...Neha ka ye dar dekh Principal ko yakin ho gaya ki Sameer sach keh raha hai...Aas paas me sabhi students shaant to the lekin Principal aur Neha ko ghur rahe the...Principal ko shaayad itni jyada sharmindagi jindagi me kabhi mehsoos nahi hua tha...Kuch der yunhi sir jhukaane ke baad wo gusse me bole.
Principal:- Neha...Kya Sameer sach keh raha hai? Tumne hi kiya hai aisi ghatiya harkat?
Principal ki gusse se bhari aawaj sunn kar Neha buri tarah se dar gayi...Abb wo kuch bolne ki haalat me nahi thi aur wo ye bhi jaanti thi ki abb wo jhutth bhi nahi bol sakti thi...Bas haan me darte huye sir hilaa diya.
Ye dekh Principal ka gussa saatwe aasmaan me pahunch gaya...Lekin wo kuch nahi bole...Kuch pal ke liye park me ek khaamoshi chaa gaya...Aur iss khaamoshi ko todte hue Sameer bola.
Sameer:- Sir to kya socha aapne punishment ke baare me...Kya aap isse Miss Nisha ko pehli galti samajh kar maaf kar denge yaa fir koi punishment denge.
Sameer ki aawaj me thoda vyang tha aur sabhi students ki najar ek baar fir Principal par tik gaya...Sabhi utsukh the ye jaane ke liye ki Principal koi punishment dete hai ya nahi Neha ko...Neha bas sir jhukaye khadi thi...Abb usse ehsaas ho raha tha ki usne kya galti kiya hai...Wo apne Dad se najar tak nahi mila paa rahi thi aur usse dar lag raha tha ki abb Principal kya kahenge.
Sameer ki baat sun kar Principal ko laga ki kisi ne garam pighalta hua seesha unke kaan me daal diya ho...Wo ek baar Neha ko gussa se ghur kar kehte hai.
Principal:- Mai tumhe isse tumhari pehli aur aakhiri galti samajh kar tumhe 1 week ke liye suspend karta hu aur agar dusri baar tumhaara complaint aaya to college se rusticate kar dunga.
Neha to kuch bol nahi paa rahi thi...Wo bas apna aur apne Papa ki insult par ro rahi thi...Principal apne baat kehne ke baad ghur kar ek najar Sameer par daalte hai aur jaane lagte hai.
Lekin picche se aa rahi Sameer ki aawaj unhe rok deta hai.
Sameer:- Excuse me Sir...Aap mujhe aise ghur kyu rahe hai jaise saari galti mera ho...Aapki beti ne jo kiya mere saath uske baad itna to hak hai mera sir shaayad isse bhi jyada hai ki aapko complaint karu...Bas mujhe pata hai ki Neha aapki beti hai...Naa hi isse kabhi baat kiya, dosti kiya yaa fir koi lafda kiya...Lekin bewajah issne mera izzat ke saath khilwaad karne ki koshish kiya...Mera aur Priya ka photo sab ko baanta hai isne...Mai pucch sakta hu issne aisa kyu kiya....
(Neha ki taraf dekhte hue) To Miss Neha kya mai aapse pucch sakta hu ki aapko mujhse kya problem hai jo aapne aisa kiya...Kya laga aapko ki aap apne iss ghatiya plan me success ho jaayengi? Lekin aapko nahi pata aapne Sameer se panga liya hai...Aur Sameer aisa insaan hai jisko fasana aap jaisi brain less insaan ki bas ki baat nahi hai...Koi accha sa plan karti...Ye baccho jaisa plan se mera kuch nahi hone waala...Aur ek baat sunn lijiye aaj se mere saath kabhi ulajhne ki koshish mat karna warna aapke Papa bhi aapko nahi baccha paayenge...Mai aapko ye nahi pucchunga ki aapne ye kyu kiya...Lekin mai bas yahi chaahta hu ki aap dobaara ye galti naa kare.....Agar karengi to dekh lena Sameer counter attack me kya karta hai.
(Priya ki taraf dekhte huye) Tum to bahut darpok ladki ho...Itna kuch ho gaya tumhaare saath lekin ek shabd nahi bol rahi ho...Agar iska plan success hota to pakka tumhaari izzat ka waat lag jaata...Mai to jaise taise sambhal kar pata laga hi leta ki kisne ye kiya hai aur acche se sabak sikhaata...Tumhaare saath isne ye sab kiya aur tum chup ho...Apne hak ke liye ek aawaj bhi nahi nikaala...Agar tumhaari jagah mai hota naa to Principal sir ko majboor kar deta aisi giri hui ladki ko rusticate karne ke liye.
(Neha ki taraf fir se) Aise ghur kya rahi hai? Tu sach me giri hui ladki hi hai...Ek ladki ho kar dusri ladki ke izzat ke saath khelti hai...Abhi teri jo beizzat ho raha hai na wo to Priya ki izzat ke saamne bahut kam hai...Agli baar galti se bhi mujhse uljhi na to tera Baap bhi nahi bacha sakta tujhe.
Itna keh kar Sameer chup ho gaya....Aakhiri ke kuch lines bahut hi gusse me bola tha Sameer ne...Sabhi students shocked ho gaye the Sameer ka aisa roop dekh kar aur Principal ke saamne aisa himmat karke bolta dekh...Principal bhi ye sab bardaasht nahi kar paaye aur gusse se cheekh kar bole.
Principal:- Sameer.
Principal aur bhi bolna chaahte the lekin Sameer uski baat ko bich me hi kaat kar bola.
Sameer:- Sir aap itna chilla kyu rahe hai? Maine kya galat bola please ye bataane ki koshish karenge.
Principal kuch nahi bol paaye...Aakhir kya galti dikhaate Sameer ki.
Sameer:- Sir aapko apne Papa ki dost aur Principal samajh ke respect kiya lekin aap usse digest nahi kar paaye...Har baar meri galti nikaalne ki koshish karte rahe iss baar ki tarah...Taaki aap mujhe college se nikaal sake...Jaanta hu aaj aapki bahut beizzati hua hai aur maine ye jaanbujh kar kiya...Uski vajah aap jaante hai...Jab mai aapke office se nikla tha tab akele me aapne Papa ki kitna insult kiya hai...Ye baat mai nahi bhula hu...Aap to dost ke naam pe kalank ho jo dusro ki baat ko apna ego ke roop me lekar apne dost ko bhi nahi chhoda...Aap to mujhse itna gussa ho gaye ki mujhse badla lene ke liye kisi bhi hadd tak girr sakte hai...Hamesha aapne dusro ki kami nikaalne ki koshish kiya hai na to ek baar aap apni beti ko hi dekh lijiye...Aur Sir aap se request hai ki meri galti dekhne se pehle aap apni beti me ek baar jhaank kar dekhiye.
Itna keh kar Sameer chup ho gaya...Principal kuch bol nahi paa rahe the...Principal ko kuch na bolta dekh Sameer fir se bola.
Sameer:- Sir abb baat karne se koi matlab nahi...Umeed hai aapko meri baat samajh me aa gaya hoga...Abb aap jaa sakte hai...Maine apne Papa ka badla le liya aur aapka ego tod diya...Ummeed hai abb aap mujhe be vajah pareshaan nahi karenge aur jab meri galti hoga tab hi mujhe college se nikalenge.
Sameer ki baat sunne ke baad Principal waha par ek pal ke liye bhi nahi ruke...Waha se sidha apne office nikal gaye.
Neha bhi aankh ponchte hue apni class ki taraf nikal gayi.
Baaki ke students bhi free ka entertainment dekhne ke baaad dhire dhire waha se nikal gaye.
Abb park me Sameer, Shruti, Rajesh, Karan, Priya aur Divya hi baaki the...Shruti Sameer se kuch kehne hi wali thi ki Sameer utth kar Priya ki taraf gaya aur gusse se Priya ko bola.
Sameer:- Mam mai aapko bhi last warning deta hu....Bina koi proof mujh par koi ilzaam mat lagaana aur haath toh uthaana hi mat...Aaj jo bhi hua usse aaram se baat kar sakti thi na to tamasha karne ki kya jaroorat tha? Maine bahut baar kaha hai ki mujhe tum logo se koi matlab nahi hai...Tum log apna kaam karo aur mujhe apna karne do...Lagta hai tum dono ko mujh se ladayi kiye bina chhain nahi milta...To mai tumhe bata du tum log aag se khel rahe ho aur kisi din ye aag bhadak gaya to tum dono ko jala dega...Mai to ye sochta tha ki tum dono ko ignore karne me hi bhalayi hai lekin abb lagta hai mujhe tum dono ka saamna karna chahiye...Agli baar kuch saazish kiya mere khilaaf to dekh lena mai kya karta hu.
(Karan ki taraf dekh kar) Tu mujh par haath utha raha tha...Luck accha tha tera ki mujhe touch nahi kiya warna tera dono hi haath tod kar tujhe de deta...Aur ek baat bata naa hi tum dono ke paas taakat hai aur naa hi dimaag jisse mujhse panga le sako...Kya sochte ho tum dono tum dono galti karte rahoge aur mai tumhe chhod dunga...Agli baar karke dikhaana koi galti tab tumhe pata chalega Sameer se panga lene kitni badi murkhata hai...Abb jaao tum dono yaha se.
Karan aur Priya bhi Sameer ka gussa dekh kar dar gaye the aur bina kuch bole dono chale gaye apni class ki taraf...Divya bhi ek najar Rajesh ko dekh chali gayi.
Abb park mai sirf Sameer, Rajesh aur Shruti thhe...Sameer dono se kehta hai.
Sameer:- Saala aaj kitna manhoos din hai...Dimaag kharaaab ho gaya aaj mera...Har koi mujhse panga le raha hai.
Sameer frustrated ho kar bola.
Rajesh:- Ha yaar...Aaj ka din accha nahi tha...Lekin yaar Principal se tune acche se baat nahi kiya.
Rajesh ki baat ko kaat kar Sameer bola.
Sameer:- Nahi...Maine jo bhi kiya sahi kiya...Life me pehli baar Papa ka itna insult hota dekha hai...Wo bhi uss Principal ki vajah se...Abb uska akal thikaane par aa jaayega aur hame pareshaan nahi karega.
Sameer ne bas itna hi kaha tha ki lunch khatam hone ka bell baj jaata hai.
Sameer:- Chalo abb class me.....Abb baat karne ka bilkul bhi mood nahi hai.
Iske baad teeno class ki taraf jaate hai...Shruti kuch bol nahi rahi thi...Uske dimaag me bas yahi sawaal aa raha tha ki "Aakhir Neha ne aisa kiya kyu?"
PRESENT
Priya:- Sameer abhi mujhe bahut neend aa rahi hai...Please baaki ki baat mujhe kal bataana...Abhi sone do.
Sameer:- Ok thik hai.
Sameer itna keh kar apne room me aa kar soo gaya...Lekin usse kya pata tha ki kal usse fir se Principal aur Neha ka saamna karna padega aur fir se apni bhool ki usko ehsaas hone waala hai.
Agli subah Sameer utth kar jab niche hall me gaya to hall me aaye mehmano ko dekh shocked ho gaya.
Niche Principal aur unki beti Neha aaye thhe...Sameer ko dekhte hi Principal ki chehre pe ek muskaan aa gaya...Sameer unko ignore karta hua aas paas dekhne laga...Principal ke saath Sameer ki Maa aur Papa baithe hue the...Wo ek dam se khaamosh thhe...Kuch nahi bol rahe thhe...Apni bete ki galti me bolte bhi kya...Thoda sharminda mehsoos kar rahe thhe...Priya bhi thodi dur par chup baithi thi.
Sameer ne khud ko mentally prepare kiya Principal ki sawaalo ka jawaab dene ka...Jab Sameer sabhi ke paas aa gaya tab Principal usse muskuraate hue pucchte hai.
Principal:- Aao Sameer...(Sofa ki taraf ishaara karte hue) Baitho yaha par...(Sameer bhi baith jaata hai) Aur bataao kya haal hai tumhaara?
Sameer:- Thik hu sir...Aur aap bayaaiye kaise hai aap aur kaise aana hua?
Sameer ki baato se hi pata chal raha tha ki wo baat karne ki mood me nahi tha...Na chaahte hue bhi wo baat kar raha tha.
Principal:- Mai to bahut jyaada thik hu...Kuch din pehle jab tumhaari shaadi ki breaking news mila tab se bahut hi jyaada khus hu...Aur hona bhi chahiye aakhir hamaare college ki batch topper ki shaadi jo hai...Tumne to shaadi me bulaaya bhi nahi...Any way Congratulations!!!
Principal ki baato se pata chal raha tha ki wo kitna khus tha...Sameer se baat karne me aaj unhe kitna majaa aa raha hai.
Sameer:- Sir haalat hi kuch aisa ho gaya tha ki shaadi achanak se ho gaya...Warna aap ko kaise bhul sakta tha...Aap ko khaas mehmaan ki tarah bulaata...Khair chhodiye inn baato ko...Jo beet gaya abb usse baat karne se kya faaidaa...And thanks for your wishes.
Sameer ki har ek shabd me uska gussa tha...Sabhi Sameer ko aise baat karte dekh shocked the...Ab Principal ko bhi gussa aa raha tha Sameer ka iss tarah se baat karne se.
Principal:- Lagta hai abhi tak tumhaara ghamand nahi gaya...Tumhaari hi iss ghamand ki vajah se aaj tumhaara ye haal hai aur tumne iss bechaari Priya ki jindagi bhi barbaad kar diya...Abb sharminda ho kar maafi maangne ki jagah abhi bhi tum apna attitude nahi badal rahe ho...Aur to aur bado se baat karne ki tameej nahi hai...Sanjay (Sameer ke Papa) tune ye kaisa sanskaar.
Principal ne bas itna hi kaha tha ki Sameer unki baat ko bich me kaaat kar kehta hai.
Sameer:- Sir please aap Papa se sanskaar ki baat mat kijiye...Pehle khud dekh lijiye aapne kya sanskaar diya hai apni beti ko...Aur sir aap tameej ki baat kar rahe thhe na...Sir mai sabko respect karta hu chaahe ho bade ho ya chhote lekin wo mera respect ke laayak ho...Aur sir aap jo mera attitude aur ghamand bol rahe hai na wo bas aapko aisa lagta hai...Aur aap ko kuch bhi lage isse mujhe koi fark nahi padta...Aapko jo sochna hai sochiye.
Aur Sir maanta hu maine galti kiya hai Priya ki jindagi se khilwaad karke...But I am proud of myself...Mujhe khud par garv hai ki maine aur barbaadi hone se bacha liya...Agar maine Priya se usse shaadi nahi kiya hota to Priya ki life aur barbaad ho sakta tha...Aakhiri ki kuch pal me khud ki ghamand aur ego ko side me rakh kar khud ko sharminda karke ye decision liya aur badi galti hone se bacha liya.
Aapki tarah nahi hu Sir jo aaj tak apne ego ki vajah se mere chhote galti ka bhi maja le rahe hai...Lekin bahut jald aapka ye majaa nirasha me badalne wala hai.....Mai bahut jald apni galti sudhar lunga aur baat pehle ki tarah normal ho jaayega.
Sameer ne iss baar kaafi gusse me bola tha...Mr. and Mrs. Sharma ko bhi samajh me nahi aa raha tha Sameer ki iss gusse par kya react kare...Wo log chup hi rahe...Principal ke pass abb kuch bolne ke liye bacha hi nahi tha...Wo to soch kar aaye thhe ki Sameer ko aaj wo bahut insult karenge...Lekin Sameer itna bhi toota nahi tha ki kisi ko khud ke upar haawi hone de.
Neha:- Tum khud ko samajhte kya ho Sameer? Itna bada galti karne ke baad bhi tum apna galti nahi maan rahe ho...Upar se Papa par bhi chilla rahe ho...Besharmi ki bhi kuch hadd hota hai..
Sameer:- To abb tu bhi bol rahi hai...Besharmi ki baat tu mujh se na kare to hi accha hai...Bhul gayi jab tune besharmi ki hadd paar karte hue mera aur Priya ka photo edit kiya tha...Chal chhod jaane de uss baat ko.
Aur ha mai sirf unke saamne tej aawaj me nahi bolta jiska mai gunehgaar hu...Priya aur apne Maa aur Papa se unchi aawaj me nahi bolta...Aur koi bich me aa kar mujhe chillaye to mai bhi same reaction deta hu...Mere saath jaisa treat karoge mai bhi tumhaare saath waisa hi treat karunga...Tit for tat.
Principal aur Neha to gusse me paagal ho rahe the Sameer ka aisa beizzati karne se...Abb Neha ke paas aakhiri hathiyar baaki tha aur usne Sameer ke saamne uska bhi istemaal kar liya.
Neha:- To tum Shruti ki gunehgaar nahi ho? Uska pyaar todne ka gunaah kiya hai tumne...Aakhiri mauke me aa kar uske saath shaadi na karna kya ye gunaah nahi hai...Dhokha diya hai Shruti ko tumne...Hai kya tumhaara jawaab iss sawaal par.
Neha ki iss sawaal me uska confidence tha ki usne Sameer ko uska galti ka ehsaas dila diya hai...Sameer bhi iss baat me soch me padd gaya...Lekin kuch pal baad Sameer ne bhi Neha ka sawaal ka jawaab diya.
Sameer:- Lekin maine Shruti se pyaar nahi kiya hai...Mai to usse bas iss liye shaadi kar raha tha kyuki sabhi chaahte the ki ye shaadi ho...Mujhe bhi jyada problem nahi tha...Lekin agar ye shaadi ho jaata to mai galti kar deta Priya ki life barbaad karne ka...Badi galti hone se rokne ke liye choti galti ka sahara liya...Aur bahut jald hamara divorce hone wala hai...Uske baad Shruti ki marji.
Lekin mujhe aisa kyu lagta hai ki mera galti ke picche tera bhi koi haath hai...Agar mera shak sahi nikla to samajh jaana.
Sameer ne shak bhari najar se Neha ko dekha to Neha andar se bahut dar gayi lekin baahar se kuch nahi dikhaa rahi thi.
Sameer ka aaj itne din ka gussa Principal aur Neha par futaa.....Wo chahta to nahi tha aise bolne ka...Lekin Principal aur Neha ne usse majbur kar diya aisa bolne par...Koi Sameer ki self respect par baar kare ye Sameer ko manjur nahi tha...Wo apne parents ke saamne ye bolna nahi chaahta tha lekin bahut din se daba hua gussa nikal hi gaya...Abb iss baat par afsos karne se kuch faaidaa nahi tha.
Abb Sameer ko yaha rehna accha nahi lag raha tha...Wo apne Maa aur Papa se kehta hai.
Sameer:- Inki acche se khaatirdaari kijiye...(Principal ko dekhte hue)...Athithi devo bhawa.
Sameer ki iss baat par Mr. and Mrs. Sharma fir kuch nahi bolte hai...Mr. Sharma to soch rahe the ki Principal ke jaane ke baad acche se Sameer ki khabar lene ki...Filhaal chup rehna hi accha tha.
Sameer ek najar Priya ki taraf dekhte hue.
Sameer:- Chalo Priya...Aage ki baat batata hu.
Iske baad Sameer aur Priya dono upar room ki taraf jaate hai...Mr. Sharma, Mrs. Sharma aur Principal Sameer ko ghur rahe the to Neha Priya ko.
Sameer Priya ko lekar apne room me gaya...Kuch der tak to koi bhi baat nahi hua dono me...Sameer gussa shaant karne ke liye ek bottle paani ek hi baar me pee gaya...Aur kuch der chup baithne ke baad Sameer ka gussa shaant hua....Priya abb tak Sameer se kuch nahi boli thi...Wo jaanti thi ki Sameer ko gusse me bulaane ki natija kya hota hai...Jab Priya ko laga ki abb Sameer normal hua hai tab wo Sameer se kehti hai.
Priya:- Aaj Sir se iss tarah baat karna jaruri tha kya? Wo tumhaare Sir hone ke saath saath tumhaare ghar ke mehmaan bhi the...Lekin tum to gusse me aakar bina kuch samjhe kuch bhi bolte chale gaye...Ghar aaye mehmaan ki koi iss tarah se beizzati karta hai kya? Aur wo bhi apne hi parents ke saamne.
Sameer:- Wo mere mehmaan se pehle mere guru hai...Aur mai apne har guru ko bahut izzat karta hu...Kya tumne kabhi mujhe college me kisi teacher se badtameezi se baat karte hue dekha hai? Khanna sir aur Principal sir ko chhod kar...Khanna sir se to mai maafi maang chuka hu aur unn se college ki suruwaati dino me hi bahas hua hai...Baad me maine unse maafi maang liya aur unse kabhi badtameezi se baat nahi kiya.
Principal sir ki baat kare to mujhe shak hota hai ki sach me wo guru hone ke laayak hai...Guru to apne shisyon ki badi se badi galti maaf kar dete hai...Lekin unhone kya kiya jab meri galti hi nahi tha tab bhi mujhe nahi samjha...Bina galti ke mujhe apne office me bulaa kar mera galti dikhaane ki koshish kiya...Bahut badtameezi se baat karte rahe....Kisi bhi insaan ka sehne ki ek hadd hota hai aur jab wo hadd se jyada bol gaye to maine thoda sa virodh kiya...Usse unka ego hurt hogaya...Aur uske baad to wo mere picche haath dho kar padd gaye...Jab bhi mauka milta meri izzat utarne ki ek mauka nahi chhodte...Iss chakkar me ek din Papa ko bhi apne office me bulaa kar insult kiya...Wo baat mujhse bardasht nahi hua...Koi kaise apne Papa ke saath aisi harkat bardaasht kar sakta hai? Tabhi se soch liya mai unko ek din bata ke rahunga sahi insult kise kehte hai...Jyaada mehnat bhi nahi karna pada...Mauka apne aap mere haath aa gaya...Neha ki uss harkat ki vajah se.
Mujhe laga Sir ko abb sabak mil gaya hoga...Aur wo apni beti ko kuch samjhayenge aur apni galti samjhenge lekin nahi wo mere iss baat ko nahi bhule aur badle ka intejaar kiya...Aur wahi mauka aaj fir mila unhe...Maine sunaa to nahi lekin yakin ke saath keh sakta hu jarur unhone Papa ka fir se insult kiya hoga yaha aa kar...Tum kehti ho ki ghar me aaye mehmaan se aise pesh nahi aana chaahiye to kya koi bhi ghar me aake hame jo man me aaya wo suna de to ham bardaasht kar lenge?
Unhe laga hoga yahi sahi mauka hai mujhe insult karne ka...Lekin wo nahi jaante ki aaj bhi mai wo Sameer hu jo pehle hua karta tha...Bas tumhaare saamne jyada nahi bolta aur iss ka matlab ye nahi ki mai sabhi ke saamne chup rahunga...Aaj bhi iit (brick) ka jawaab patthar se dena aata hai mujhe.
Aur yakin hai mujhe ki unko jara sa bhi apni izzat ka khayal hai to aaj ke baad wo mujh se nahi uljhenge...Bas issi baat ka ehsaas dilaana tha mujhe unhe..
Sameer ne itna keh kar ek lamba saans liya...Priya bas Sameer ko dekh rahi thi...Wo kuch bol nahi rahi thi...Shaayad wo bhi Sameer ki iss baat se sehmat thi...Iss baare me abb wo baat karke apna mood aur kharaab nahi karna chaahti thi...Kuch pal shaant rehne ke baaad usske dimaag me kuch aaya aur wo boli.
Priya:- Sameer tumhe nahi lagta ki tumhe apne gussa par control karna chahiye...Aaj gusse me tumne Principal sir se iss tarah se baat kiya aur tumhari gusse ki vajah se hi mera ye haal ho gaya hai.
Sameer:- Bilkul nahi karna chahiye...Gussa par control bilkul bhi nahi karunga...Aur maine ye sab tumse hi to sikha hai...Tumse milne se pehle kabhi kisi pe gussa, nafrat aur badla wali feelings nahi aaya...Aur tumhaara jo ye haal hai manta hu ki sabse badi galti meri hai....Lekin tumhari bhi galti hai jo tum nahi maanogi.
Priya:- Maine kya galti kiya hai? Jo bhi kiya tumne kiya aur abb mujh par ilzam laga rahe ho.
Priya thoda shocked aur thoda gussa ho kar boli.
Sameer:- Kaha tha na nahi maanogi? Shaadi ke time sab galti mera hai ye mai maanta hu...Lekin usse pehle tumhaari galti thi...Kitni baar warn kiya tha maine tumhe ki meri life me dakhal andaazi mat karo...Lekin tumhe aur Karan ko iska parwaah hi kaha tha...Tumhe laga ki mai koi comedian hu aur joke kar raha hu...Meri baat ko nahi maana tum logo ne...Aur issi vajah se mai ye sab karne par majboor ho gaya...Agar ek baar maan leti aur mujhse dur rehti to shaayad aaj hame ye din na dekhna padta.
Sameer ki iss baat par Priya ne koi jawaab nahi diya...Priya abhi bhi Sameer ki uss galti ki vajah se naraaj thi aur bahut samay tak uska narajgi khatm nahi hone wala tha.
Sameer:- Abb ye baatein chhodo...Abb aage ki baat batata hu.
FLASHBACK
Neha ki uss harkat ke baad sabhi ka mood kharab ho gaya tha...College chhuti hone ke baad bina ek pal gawaaye sabhi apne ghar laut gaye.
Iss ghatna ki vajah se agar kisi pe jyada asar pada tha to wo Priya, Sameer aur Shruti the.
Sameer aur Priya Neha ka iss tarah se unn dono ka naam uchaalne ki vajah se wo dono Neha par gussa ho gaye the.
Wahi dusri taraf Shruti shocked thi Neha ki iss harkat ki vajah se...Neha ne to kaha tha ki Neha uska help karegi lekin iss tarah se help karegi ye usne socha nahi tha...Shruti ko Neha par bahut gussa aa raha tha....Wo soch rahi thi ki Neha ne aakhir aisa kiya kyu? Kuch pal yunhi pareshaan rehne ke baad wo Neha ko phone lagaati hai.
Dusri taraf se Neha bhi phone utha kar dheemi aawaj me kehti hai.
Neha:- Hello.
Shruti:- Hello ki bacchi...Abb itna dhire se kyu bol rahi hai itna hangama karne ke baad...Tu pura paagal hai...Kisne kaha tha tujhe ye sab karne ke liye?
Shruti ne bahut gusse ke saath kaha.
Neha:- Tune hi to kaha tha...Priya, Rajesh, Karan aur Divya ko majaa chakhana hai.
Neha ne Shruti ko uski baat yaad dilaate hue kaha.
Shruti:- Kaha tha ki unse mai niptungi...Tujhe nahi kaha tha ye paagalpan karne ke liye?
Shruti ka gussa kam hone ka naam nahi le raha tha.
Neha:- Yaar tu to aise gusse se baat mat kar...Ghar aane ke baad Papa bhi naraaj hai aur unhone mujhse baat tak nahi kiya hai.
Shruti:- To tune kaunsa aisa kaam kar diya hai ki tere Papa ko tujh par garv ho...Wo to tera kismat achha hai jo tujhe aise baap mila warna koi aur hota to tera khair nahi tha...Aur tu ye bata ki tujhe ye bakwas idea mila kaha se...Baccho wali idea se Sameer ka saamna karne chali thi...Abb bhugat.
Neha:- Plan to accha tha...Face ko cover karke gayi thi Priya ko photo dene...Lekin galti ho gayi ki class se baahar nikalte hi cover hata liya aur usne dekh liya.
Neha ne pachtaate hue Shruti se kaha...Iske baad kuch der tak Shruti Neha ko daantti hai...Aur dobara se aisi koi kaam na karne ki warning deti hai.
Kuch der baad.
Shruti:- Waise concept tera buraa nahi hai...Istemaal acche se karna hoga...Aur wo mai karungi...Sameer ko Priya aur Karan ke khilaaf bhadkaa kar galatfehmi paidaa kar dungi aur Priya aur Karan ko bhi...Iss tarah se unn me ladaayi ho jaayega...Aur mujhe puraa yakin hai Priya aur Karan Sameer ke saamne tik nahi paayenge...Aur last me Sameer aur Rajesh ke bich bhi...Maine tujhe bata to diya lekin tu try mat karna...Warna fir banaya hua khel bigad jaayega...And thanks for this concept.
Itna keh kar Shruti call rakh deti hai aur uske chehre par apne hone wali jeet ka mushkaan tha...Shruti khud anjaan thi ki uski iss idea se baad me kitna bada tufaaan aane waala hai Sameer aur Priya ki life me aur saath hi saath usko bhi afsos hoga ki usne aisa kyu kiya.
Hamesha ki tarah Sameer, Rajesh aur Shruti lunch kar rahe the...Shruti ko laga yahi accha mauka hai apne plan ki suruwaat karne ka.
Shruti:- Sameer tum jaante ho wo Karan tumhare peeth picche class me tumhara buraai karta hai???
Shruti ne pehle Karan ko target kiya.
Sameer:- Bhaunkne do kutte ko...Wo bas picche se bhaunk sakta hai...Saamne se kuch bolne ki himmat nahi...Aur jo kehna hai usse kehne do...Hame kya fark padta hai...Aur ha agar saamne se kabhi bola to mera gussa ka show dekhega.
Sameer ko Shruti ki baat ka kuch fark nahi pada...Wo to Karan ko apne saamne kuch maanta hi nahi tha...Shruti bhi filhaal jyaada na bolne ka sochti hai.
Lunch karne ke baad Sameer aur Rajesh to class me chale jaate hai lekin Shruti kuch sochte hue park ki taraf chal deti hai.
Wo park me sidha Priya ke pass chali jaati hai...Aur Priya se kehti hai.
Shruti:- Mujhe tumse baat karni hai?
Gussa aur pura attitude ke saath Shruti boli...Shruti ne aaj pehli baar Priya se kuch kaha tha...Shruti ki baat sun kar Priya ke saath Karan aur Divya bhi chaunk gayi ki Shruti ko Priya se kya kehna hai.
Priya:- Haa kaho?
Priya ne bas itna hi jawaab diya.
Shruti:- Mai tumhe ye kehne aayi hu ki tum teeno Sameer se dur raho? Jyaada Sameer ko pareshan karne ki socha naa to tum teeno ka jeena mushkil kar dungi...(Karan aur Priya ki taraf dekh kar) Tum dono kyu apna naak bich me ghusedne aa jaate ho hamaari group me...Pata nahi Sameer kaise bardaast kar leta hoga tum dono ko...Agar aise hi chalta raha to ek din Sameer ka gussa bhi dekh loge tum dono...Agli baar tum dono ne kuch karne ka socha bhi to Sameer ka pata nahi lekin mai tum dono ko nahi chhodne waali?
Shruti ki aawaj me attitude aur warning dono tha...Wo itna keh kar jaane ke liye palti hi thi ki Priya ki aawaj usse rok leta hai.
Priya:- Excuse me...Tum kya sochti ho apne aap ko? Tum aise kuch bhi bol dogi aur ham sun lenge? Abb tum aur tumhaara group ka problem kya hai? Sameer ne keh diya hai na ki wo apne dosto se hi matlab rakhta hai hamse nahi...Aur ham usse koi matlab na rakhe...To ham yahi to kar rahe hai...Shaayad galti me kuch jyada hi fight ho gayi hamaare bich...Abb hame bhi usse koi matlab nahi...Aur ham bhi shanti chaahte hai koi ladaayi nahi...To tum kyu aakar isss tarah se baat kar rahi ho aur hame dhamki de rahi ho? Abb to hamne kuch bigada bhi nahi hai tum logo ka?
Shruti:- Ha yahi yaad dilaane aayi thi ki galti karne ka sochna bhi mat...Warna anjaam bahut bura hoga.
Priya ki jawaab sun Shruti ne ek baar fir chetawani de diya.
Priya:- Dimaag nahi hai kya tumhaare paas? Keh diya naa abb hum tum logo ki bich nahi aayenge...To kyu nahi samajh rahi ho aur hamaara dimaag kharab kar rahi ho.
Baar baar Shruti ki warning se gussa ho kar Priya ne bhi iss baar tej aawaj me jawaab diya...Priya ka aise chilaane se Shruti ko bahut gussa aaya...Wo bhi abb ladaayi ki mood me aa gayi...Aur fir se chilaate hue kehne lagi.
Shruti:- Kya kaha tune? Mere paas dimaag nahi hai...Tera aisa bolne ki himmat bhi kaise hui? Mujhse jubaan ladaayegi...Tera itna himmat ho gaya...Ruk tujhe to mai abhi bataati hu...Sameer ne chhod diya to iska matlab jo man me aaye wo karegi.
Shruti itna keh kar aage badhi hi thi ki lunch break khatam hone ka bell bajta hai...Aur tab jaakar usse ehsaas hota hai ki aas paas kuch students unhe dekh rahe hai jhagadte hue...Lunch break khatam ho gaya tha to abb koi matlab nahi tha fighting karne ka...Shruti aur Priya dono ek dusre ko ghurte hue class ki taraf jaane lagte hai.
Priya:- (In her mind) Kaisi ajeeb ladki hai? Be wajah ladna chaahti hai...Sameer to bahut attitude dikhata tha ki usse ham logo se koi matlab nahi aur hamse dur rehna chaahta hai...To fir ye kya hai? Uska hi dost hamse be wajah ladna chaahti hai...Hame kuch bhi keh sakti hai aur agar mai kuch reply du to mirchi lag gayi...Aaj college chhuti hone ke baad ek baar Sameer se baat karke hi rahungi iss Shruti ke baare me...Dekhta hu aaj kya jawaab deta hai wo apni iss dost ki aisi harkat par.
Shruti:- (In her mind) Mujhse jubaan ladaati hai...Lagta hai iski himmat bahut badh gayi hai jo abb hamse jubaan ladaati hai...Bahut jald iska saara ghamand tod dunga...Pehle to socha tha ki ek warning deta hu isse hamse dur rehne ka...Lekin ye ladki warning bhi deserve nahi karti...Lagta hai isse sidha sabak sikhaana padega...Abb Shruti se panga liya hai to iska anjaam bhugatna to padega...Accha sabak sikhaaunga iss Priya aur iski team ko...Chaahe uske liye mujhe kuch bhi kyu na karna pade.
Shruti ne Priya ki baat ko apne ego ke roop me le liya tha...Aur usko apna galti bilkul bhi najar nahi aa raha tha...Ek simple si baat ko complicated banaane jaa rahi thi wo...Aur abb wo har haal me Priya ko sabak sikhaana chaahti thi.....Iske liye chaahe usse kuch bhi karna kyu naa pade......Sameer aur Priya ki gusse aur nafrat ka jwaalamukhi jo shaant ho raha tha usse fir se Shruti bhadkaana chaahti thi...Iska anjaam kya hoga ye to bas vakt hi jaanta tha...Jo bhi hoga accha to bilkul bhi nahi hoga kisi ke liye bhi.
College jab khatam hua uske baad Sameer aur Rajesh apne ghar jaane ke liye nikle hi thi ki Priya daud kar uske paas aa jaaati hai...Shruti bhi wahi thi...Yahi accha mauka tha Priya ke liye Shruti ke saamne hi wo uski sikaayat Sameer se kare.
Priya:- Sameer.
Priya jaise hi Sameer ki jagah pahunchi wo haanfte hue boli...Sameer ne bhi picche mud kar dekha to Priya ko yaha paakar chaunk gaya...Wo Priya ka yaha iss tarah se aana aur khud ko bulaane ki vajah kya ho sakta hai ye soch raha tha.
Sameer:- Abb kaun sa naya drama karne aayi ho?
Sameer ne behad rookhepan se jawaab diya...Usse Priya ka yaha aana bilkul bhi accha nahi laga tha...Priya ko bhi Sameer ki ye baat accha nahi laga...Lekin wo yaha jis kaam ke liye yaha aayi thi uss baare me kehti hai.
Priya:- Koi drama karne nayi aayi hu mai...Balki drama to tum log kar rahe ho.
Priya ne bhi gusse me Sameer ko jawaab diya...Sameer ko bhi Priya ki iss jawaab par bahut gussa aaya lekin usne apna gussa daba kar kaha.
Sameer:- Dekho Priya mai abhi majaak karne ka mood me nahi hu aur naa hi tum jaiso se majaak karna chaahta hu...Behtar yahi hoga ki tum apna bakwaas band karo aur jaao yaha se.
Sameer ne apni baato se to gussa ko chhipaa liya lekin uski aankho me abhi bhi gussa dikh raha tha...Priya bhi ye dekh leti hai...Aur usne bhi der na karne ki sochi.
Priya:- Majaak to mai bhi nahi karna chaahti tum logo se...Lekin jo tum log kar rahe ho wo majaak nahi to aur kya hai...Tum hi bade shaan se kehte the na ki tumhe ham se koi matlab nahi aur ham apna kaam dekhe tumse koi matlab na rakhe...Ham to apni hi duniya me khus hai to fir ye tumhaara dost Shruti kyu aake bina vajah dhamki deti hai...Kyu abb ye hamaari maamlo me abb taang adaa rahi hai? Jawaab do Sameer...Aur behtar yahi hoga ki tum hame samjhaane se pehle apne iss dost ko samjhaao...Jo problem hamaare bich me tha wo kam ho raha tha lekin ye ladki fir se usko badhana chaah rahi hai.
Priya ne apni puri baat Shruti ko ghurte hue kaha...Shruti ek dam normal behave kar rahi thi jaise usse pehle hi pata tha ki ye sab hone waala hai.
Jab Priya ne apni baat khatam kiya to Sameer ne bina Shruti ki taraf dekhe sidha Priya se kaha.
Sameer:- Tum log ki aadat si ho gayi hai abb...Kuch pal to shaant rehte ho fir kuch plan karke tamasha karte ho...Pehle wo Karan aur ab tum...Kuch pal shant reh kar aa gayi ek aur plan bana kar...Lekin har baar ki tarah tum logo ka plan bekaar aur kisi kaam ka nahi.
Kya soch kar aayi thi...Hamaare dosti me daraar paida karogi...Mujhe Shruti par pura bharosha hai wo aisa kuch bhi nahi kar sakti...Tum chaahti ho ki mai tum jaiso ki baato me aakar apne dost pe shak karu aur usse sawaal jawaab karu...To fir ye tumhaara galatfehmi hai...Chaahe tum log jitna bhi planning karo mera Sameer aur Shruti ke saath dosti hai usse todna to dur hilaa bhi nahi paaogi...Abb jaao aur koi dusra plan taiyaaar karo.
Sameer ki baat par Shruti Sameer ko hairaani se dekh rahi thi...Usse yakin to tha ki Sameer ussi ka saath dega lekin Sameer uss par itna bharosha karta hai ye usne socha nahi tha.
Priya ko Sameer ki baat par bahut gussa aaya...Usne socha nahi tha ki Sameer Shruti par itna andha tarike se vishwaas karta hai...Wo itna to samajh gayi thi ki wo Sameer ko samjhaa nahi paayegi.
Priya:- Sameer...Hamaare bich me bahut si problem hai, ladaayi hai...Tum hamaare dushman jaise ho...Lekin mujhe laga tum utna buraa insaan nahi ho...Baat ko samajhte ho...Lekin aaj tumhaare baare me ek aur baat pata chal gaya...Tum se baat karna bhi bekaar hai.
Itna keh kar Priya waha se gusse me nikal gayi.
Sameer ne aaj jo kiya usse dekh Shruti bahut khus ho gayi...Abb Shruti ko laga ki yahi sahi mauka hai Sameer ka vishwash aur jitne ka.
Shruti:- Sameer.
Shruti thoda emotional hone ka naatak kar Sameer se kuch kehne waali thi...Lekin Sameer ne usse bich me rok kar kaha.
Sameer:- Nahi Shruti...Tumhe saabit karne ki jarurat nahi hai ki tumne kuch nahi kiya...Vishwash hai tum par...Koi bhi aake kuch bhi bol dega to kya mai vishwaas karke apne dost par shak karunga kya? Waise bhi wo log to yahi chaahte hai ki hamaari friendship me daraar aa jaaye...Kehte hai na "Unity is strength"...Jab tak ham saath hai koi hamaara kuch nahi bigaad sakta.
Jab Shruti ko laga ki Sameer uss par pura vishwash karta hai aur ye vishwash Priya nahi tod sakti...Tab usse aur himmat mila apne plan ko anjaam dene ka...Kisi bhi tarah wo Sameer ka Karan aur Priya se dushmani badhana chaahti thi...Iske liye usne Sameer se ek baar fir kaha.
Shruti:- Lekin aisa kab tak chalega Sameer...Wo log kuch bhi karenge aur ham sab dekhte rahenge...Aaj unn logo ne hamaari dosti par baar kiya hai pata nahi kal himmat aur badhne par kya karenge...Iss mushibat ki ped ko badhne dene se pehle hi ukhaad phekna chaahiye...Ham log chup hai issi liye unn logo ki himmat badh rahi hai.
Shruti ka ye tir thik nishaane par laga...Sameer bhi uski baat par sehmat ho gaya.
Sameer:- Sahi keh rahi ho tum...Mai bhi soch raha hu unhe sabak sikhaane ka vakt aa gaya hai...Bahut mauka diya hai hamne unhe...Lekin unhe ye sab majaak lag raha hai...Kuch plan to karna hi hoga.
Shruti:- Ha jaldi se unhe majaa chakhaayenge...Tab unhe pata chalega unhone kisse panga liya hai.
Sameer:- Nahi jaldi nahi...Intejaar ka fal meetha hota ha....Thoda intejaar karke aur acche se soch kar ek accha sa plan banayenge...Tab wo log hamaara piccha chhodenge...Jaldbaazi ka kaam to Priya aur Karan kar rahe hai...Aur har baar unka plan kharab ho jaata hai...Hame bhi aisi bhool nahi karna chaahiye.
Shruti ko Sameer ki ye baat accha nahi laga...Lekin filhaal yahi kaafi tha ki usne Sameer ki dimaag me badle ki feeling bhar diya hai aur plan banane par majboor kar diya hai.
Iske baad wo bhi Sameer ko bye bol kar apne ghar ke liye nikal jaati hai.
Shruti ke jaane ke baad Sameer aur Rajesh bhi bike se nikalte hai...Sameer to ye sab bhul kar fir se normal ho gaya...Lekin Rajesh bahut der se abhi hui ghatna ke baare me soch raha tha.
Usse Priya ki baat me koi jhuth najar nahi aa raha tha...Shruti ki harkat par wo kuch din se notice kar raha tha...Usse Shruti thoda ajeeb lag raha tha...Aaj bhi wo Shruti ki chehre ki bhaaw padh raha tha lekin uske samajh me kuch nahi aa raha tha ki Shruti ke dimaag me aakhir kya chal raha hai aur wo ye sab kyu kar rahi hai...Jab usne Sameer ki munh se planning ke baare me sunaa usse lag raha tha kuch to galat hone waala hai aur jo ho raha hai accha nahi ho raha...Bhale hi Sameer Divya ke khilaaf koi planning nahi kar raha tha lekin fir bhi Sameer ki ye baat Rajesh ko accha nahi laga.
Wo chaah kar bhi Sameer ko samjha nahi sakta tha ki Priya ki galti iss baar nahi ho sakti...Agar samjhaata to bhi Sameer nahi samjajhta...Wo Priya aur Karan ki nafrat me ek dam andhaa ho gaya tha aur upar se Shruti ki jaadu.
Wo abb bas yahi soch raha tha ki aage kya karna chaahiye jisse baat normal ho jaaye aur kisi ko bina galti ki saza na bhugatna pade.
Roj ki tarah aaj bhi lunch karne ke baad Priya, Divya aur Karan park me baithe the...Karan kabhi kabhi najar chura kar Priya ko dekh raha tha...Uske dimaag me kya chal raha hai ye to wohi jaane...Priya aur Divya ek dusre se baat karne me busy the.
Divya:- Priya...Wo Shruti aaj kal kyu tujhse aise behave kar rahi hai? Tune kuch kiya hai kya?
Priya:- Nahi yaar...Mujhe bhi nahi pata wo aise kyu kar rahi hai? Bina kisi vajah ladna chaahti hai...Pata nahi kya chal raha hai uske dimaag me...Aur kya sochti hai apne aap ko...Jo aise attitude dikha rahi hai.
Divya:- Mujhe lagta hai tu Sameer se baat kar le ek baar...Sameer khud keh raha hai ki ham usse dur rahe aur uski dost aakar hamse panga le rahi hai.
Priya:- Usse baat karne ka to koi faaidaa hai hi nahi...Shruti se jyada to wo attitude dikha raha hai...Kal hi maine usse baat kiya tha...Lekin usne ek baat nahi suna...Ulta mujhe hi mera koi plan hai keh diya...Wo apni dost ke baare me kuch sunna nahi chaahta.
Divya:- Mere paas ek idea hai...Ham Sameer ke maamle me koi dakhal nahi denge.
Divya aur bolna chaahti thi lekin Priya ne uski baat kaatte hue kaha.
Priya:- Ye kya keh rahi hai tu? Ham Sameer ke maamle me dakhal nahi denge aur uska wo dost Shruti jo marzi wo karegi aur ham chup baithenge.
Priya ne gusse me Divya se kaha.
Divya:- Pehle puri baat to sunn...Maine kaha ham Sameer ke maamle me koi dakhal andaazi nahi karenge...Lekin jab Shruti hamse bina vajah panga lene aayegi tab to kuch kar sakte hai na.
Jab Shruti hamse panga legi tab ham usse itna jaleel karenge ki wo aage se pange lene se pehle jaroor sochegi...Tab to naa hame Sameer aur naa kisi ki tension lene ki jarurat hogi...Tab Shruti iss baare me Sameer ko kuch keh bhi nahi paayegi jab galti uski hi hogi...Agar keh bhi diya aur Sameer bhi hamse bahas karne aayega tab hamaare paas Sameer ko bhi bahut kuch sunaane ka mauka milega.
Divya ne apna idea bata diya...Priya bhi abb uski idea se sehmat thi...Tabhi bahut der se chup Karan bhi bola.
Karan:- Ha bahut accha idea hai...Sameer ko acche se sunaayenge..
Karan ki iss baat par ek baar Divya aur Priya usse ghurti hai lekin kuch nahi bolti.
Idhar Divya, Priya aur Karan ne apna plan bana liya...Dusri taraf Shruti aur Neha bhi apni baat me busy the.
Neha:- Shruti abb to wo teeno shaant hai na...To fir kyu tu jaan bujh kar unse panga le rahi hai aur ukshaa rahi hai.
Shruti:- Mujhe to unse jaise nafrat hi ho gayi hai...Dimaag kharaab ho jaata hai unhe dekhte hi.
Neha:- Aur mai iska vajah jaan sakti hu?
Shruti:- Kyu ki wo sab Sameer ke picche pade rehte hai...Aur Sameer bhi unhe jyada hi attention deta hai khaas kar Priya ko...Ye baat mujhe bilkul pasand nahi aati.
Neha:- Wo log Sameer se panga lete hai to tujhe usme kya problem hai...Sameer bhi to acche se jawaab deta hai unhe aur har baar unki beizzati kar deta hai.
Shruti:- Ye to sahi kaha tune...Lekin mai nahi chaahti ki Sameer unko koi attention de khaas kar Priya ko.
Neha:- Kahi tujhe Sameer se pyaar to nahi ho gaya aur Priya ko dekh jalan.
Shruti:- Pata nahi yaar...Mujhe Sameer se pyaar hai yaa nahi...Lekin wo bahut accha lagta hai...Uski style, uska baat karne ka andaaz, mujhse dosti, dushmano ka band bajaana, jo dil me aaye wo khul kar bolna...Dil karta hai ki usse baat karta rahu, usse dekhti hi rahu.
Shruti muskuraate hue boli.
Neha:- Bas kar yaar...Aur kitna taarif karegi uski?
Shruti:- Kyu tujhe kya problem hai?
Neha:- Nahi mujhe koi problem nahi hai...Lekin tujhe problem ho jaayegi agar tune Sameer ko jaldi se propose naa kiya to...Wo Priya Sameer ko lekar bhaag jaayegi.
Neha ne haste hue kaha...Shruti ka gussa Priya ka naam sun kar firse bhadak gaya.
Shruti:- Wo Sameer ko leka kya bhaagegi...Agar mujhe aur gussa aaya to usse hi iss duniya se bhaga dungi...Wo ladki kya samajhti hai apne aap ko...Uski aukat hi kya hai?
Aajkal bahut ucchal rahi hai...Aur mera shikayat bhi kar rahi thi Sameer se... Ek warning diya tha lekin wo maan hi nahi rahi...Baar baar mujhse pange le rahi hai...Lagta hai kuch karna padega iska...Tab jaake isse samajh me aayega kisse panga le rahi hai ye.
Bas abb kuch hi din me college ka tour hai...Priya bhi jaroor aayegi...Tab majaa chakhaungi usse...Maine to ek idea soch bhi liya hai.
Itna kehte hue Shruti ki chehre par ek kutil muskaan aa jaata hai.
Neha:- Kya planning kar rahi hai tu? Kuch khatarnaak to nahi hai?
Neha ne thoda darte hue kaha...Usse pata tha ki Shruti badla ke liye kisi bhi hadd tak jaa sakti hai.
Tabhi lunch break over hone ka bell bajta hai.
Shruti:- Wo to ussi vakt pata chalega...Chal abb time bhi khatm ho gaya class ka...Aaj Sameer college nahi aaya hai iss liye tujh se baat kar rahi hu...Aage se dhyan rakhna aur college me mujh se kabhi mat milna...Agar Sameer ne mujhe tere saath baat karte dekh liya to pata nahi wo kya sochega...Mai usse kisi bhi kimat par apna dosti nahi todna chaahti.
Itna keh kar Shruti class me chali jaati hai...Uske chehre par ek kutil muskaan tha aur wo bas tour ka besabri se intejaar kar rahi thi Priya ko nukshan pahunchane ke liye.
Aise hi kuch din beet raha tha...Sab kuch normal dikh raha tha lekin asal me tha nahi...Shruti besabri se college tour ka intejaar kar rahi thi taaki wo apna pehla target yaani ki Priya se badla le...Priya aur uske dost to apni hi life me busy the...Unhone Shruti ke baare me kuch socha nahi tha...Lekin ek baat tay kar liya tha ki agar Shruti unse badtameezi karegi to wo Shruti ko acche se sabak sikhayegi.
Sameer ne to pehle socha tha ki Priya aur uski team ko sabak sikhaane ka time aa gaya hai aur kuch planning bhi kar raha tha lekin jab usse laga ki Priya aur uski team bilkul shaant pad gayi hai to usne apne iraade badal liya aur apni hi life me khus rehne ka socha.
Sab kuch shaant hi tha Shruti ke shaitaani dimaag ko chhod kar...Bahut jald uska intejaar bhi khatam hua.
Aaj sab log subah hi nikal rahe thhe tour ke liye...Gaadi me chhadhte vakt Shruti ne Priya ko nafrat ke saath aankh dikhaya to Priya ne bhi usse badle me aankh dikha diya...Priya bhi issi pal ka intejaar kar rahi thi ki wo bhi Shruti ko dikha sake ki wo sab kuch seh kar baithne waali nahi hai...Priya ki aankh dikhane se Shruti ko aur bhi gussa aaya lekin filhaal usne apne gusse ko control karke apne plan par focus karne ka socha...Wo kal apne birthday ke din Priya ko sabke saamne beizzat karne ka soch rahi thi.
Kuch hi der me sabhi students apni apni jagah par baith gaye aur bus nikal pada tour ke liye...Sameer, Rajesh aur Shruti paas me hi baithe the to Priya, Karan aur Divya bhi ek saath the.
Sameer ki team masti karte hue safar kar rahe the to Priya ki team bilkul khaamosh thi...Priya aur Karan ko to Sameer ki baat bilkul bhi pasand nahi aa raha tha bhale hi Sameer unse related koi bhi baat nahi kar raha tha...Wo dono kisi tarah se khud par control kiye Sameer aur uski team ki baat ko ignore karne ki koshish kar rahe the.
Safar ki dauran Sameer ne Priya aur uski team ki taraf ek baar bhi nahi dekha...Shruti Sameer se najar chura kar kabhi kabhi Priya ko nafrat ki nigaho se dekh leti...Rajesh bhi Shruti ki taraf hi dekh raha tha aur samajhne ki koshish kar raha tha ki aakhir Shruti ke dimaag me kya chal raha hai.
Issi tarah Sameer ke liye ye safar acche se kata to Priya aur uski team ke liye ye safar kaafi boring rahi.
Sabhi students ek pahadi ilaake ki taraf jaa rahe the ghumne ke liye...Wo log jaha ghumne jaa rahe the uss jagah me jungle, nadi, unchi unchi parvat, jharna aur bhi kayi aisi cheeje tha jaha ghum kar wo sabhi nature ko kaafi enjoy kar sakte thhe...Bahut dino ki padhayi ki thakan ki vajah se wo log kuch relax hone ke liye aaye the tour par.
Uss jagah par pahunchte pahunchte shaam ho gaya tha...To teachers ne decide kiya ki wo sab aaj raat hotel me rukenge aur kal subah hi jaayenge uss area ka visit karne.
Raat me sabhi apne apne kamre me the aur thakan ki vajah se rest kar rahe the...Sabhi soch rahe the ki kal kya karna chahiye, kal ki din ko kaise yaadgaar banaaye aur kis tarah se tour ko enjoy kare siwaa Shruti ke...Wo tour ko enjoy karne ki jagah ye soch me busy thi ki kaise wo Priya se apna hisaab barabar kare.
Shruti ko Priya se iss tarah nafrat ho gaya thaa ki wo har haal me Priya ko nukshan pahuchana chaahti thi...Wo nafrat aur badle me iss tarah andhi ho gayi thi ki usse to ye bhi samajh me nahi aa raha tha ki wo kya karne jaa rahi hai...Usse to apna ek bhi galti najar nahi aa raha tha bas ek baat thaan liya tha ki wo har haal me Priya ko sabak sikhayegi.
Aur issi soch ke saath kal jo bhi hone waala hai wo accha to bilkul bhi nahi hone waala hai...Kal Shruti jo bhi karne wali hai uss vajah se Sameer aur Priya ki life me bahut asar padne waala hai.
